منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 23-01-2020, 11:15 AM   #81
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

تدرون ؟ افكر احذف برنامج كاريدج من تلفوني

هالشهر بالذات اكتشفت اني صرفت اكثر من 1500 ريال خلال اسبوعين بس على الطلبات اللي اطلبها في الدوام
يعني يوميا في الدوام اطلب بمبلغ مابين 150 الى 190 تقريبا يعني لو اروح مطعم احسن لي ههههه

والمشكله اني ادفع بالكردت كارد يعني ما احس على نفسي وانا اصرف بعد مرور اسبوعين قلت ويت شسالفه ! فقررت اني اخفف طلبات وما اطلب بشكل يومي

رجعت مثل قبل جبت لي سناك فالدوام بحيث اني اكل اشياء خفيفه وانتظر للبيت واتغدا

..

امس كنت جوعانه فقلت راح اطلب
طلبت ودفعت وقعدت انتظر ساعه كامله اخر شيء طلع طلبي متكنسل بدون مايقولون وبكل برود لما كلمتهم يقولون وين تبين نرجع فلوسج ؟ حساب كاريدج والا حساب البنك ؟

اليوم قلت بعوض عن امس واطلب ههههه طلبت ودفعت قال لي في خطأ والطلب ماتسجل
رجعت طلبت ودفعت والا اكتشف ان عندي طلبين ودافعه مرتين

الحين صار لي نص ساعه مكلمه خدمة العملاء عندهم ويقولون اصبري قاعدين نشوف الموضوع
والله لو انها قضية الشرق الاوسط

عاد نرفزوني
فوق ما انا اطلب بالهبل بعد يستعبطون ويسوون معاي هالحركات ؟



ان شاءالله مع الايام احذفه ولو ان هالخطوه مو سهله لان بتوهق اذا كنت يوعانه
بفكر في الموضوع هههههههه

...


أول أمس مريت فرع البنك قدمت على معامله المفروض ان امس تخلص
انتظرت وماوصلني اي مسج او شيء .. كلمتهم فالليل قالوا لي في اوراق ناقصه لازم ترجعين للفرع مره ثانيه

رحت الفرع والا ناسيين يخلوني اوقع على ورقه اساسيه ماعرف شلون الموظفه نست ! حظي سبحان الله اعرفه لازم يسوي فيني هالحركات

عاد المفروض اليوم يجيني الرد والحين قريب بتصير الساعه 12 وللحين ماكلموني مادري شنو بتكون نقطة الخلل اليوم بعد

الله يقدم اللي فيه الخير يارب




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 27-01-2020, 11:55 AM   #82
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

السسلام عليكممم

اخباركم واخبار البرد وياكم
ماشاءالله فجأه الجو صار وااايد بارد تبارك الله
امس نزلت من السياره ماتوقعت اني راح اطير صدمني الهوا هههههه

بالمناااااسبة امس كان يوم طوووويل !!


تعودت كل مره يسافر فيها زوجي اروح اقعد في بيت اهلي واكون وسطهم وتمر الايام الحمدلله
هالمره طلب مني وبشكل استثنائي اني ما اترك البيت بشكل نهائي .. اكون بين البيت وبيتي اهلي
هو يبيني اكون قريبه من عمتي "امه" وهالشيء مايضايقني اكيد

اتفقنا ان اقسم الاسبوع مابين البيتين
أمس من بعد الدوام كنت فالبيت بروحي .. رحت قعدت مع عمتي من بعد العشاء لين 10 تقريبا بس بعد حسيت باقي اليوم فيه وقت هههههه

يمكن لاني عارفه انه مسافر .. الله يرده سالم يارب



الصراحه مسويه لي جدول وامس حاولت اني ما اسوي كل شيء عشان مايخلص جدولي من اول يوم ههههههه

اليوم بكون في البيت بعد ف مقرره بإذن الله بعد المغرب ابدا ارتب ملابسي واتخلص من الملابس اللي احس خلاص لبستها او مو ناويه البسها

ومفكره اغير شوي في ترتيب وحده من الغرف .. ابي اغير مكان كم قطعة اثاث عشان احس ان الغرفه صار فيها حياة مختلفة

ناويه بعد اتخلص من المواعين اللي مابيها عشان ان شاءالله في رمضان نجدد وناخذ مواعين جديده بإذن الله

امممم شنو بعد ودي اسوي ؟

ودي اركز على جدول العنايه ببشرتي وشعري وهالأمور .. يعني اكثف حمامات الكريم والماسكات والذي منه

يعني جذي .. انشطه متنوعه
طبعا هذه للايام اللي بكون فيها في بيتي
كل يوم بسوي شي مب كل شيء في نفس اليوم

اما يوم اكون عند اهلي ف الوضع مختلف

..

الله يسهل اموري كلها واموركم يارب العالمين
ويبشرني باللي يسرني ويبعد عني كل مايضرني

الله يجعل القادم من اعمارنا اجمل
والجاي احلى من اللي راح

الله يعوضني عوض جميل من عنده قولوا

آآمين





 

 

نوفه قطر غير متواجد حالياً
Facebook Twitter 1 اضافة رد مع اقتباس
قديم 04-02-2020, 07:57 AM   #83
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

صبحكم الله بالخيييير

شخباركم ؟ انا بخير الحمدلله

في تغييرات كبيره قاعده تصير في الدوام من باب التعديلات وهالشيء خلانا نتأثر سواء بطبيعة عملنا او حتى اماكنا ومكاتبنا

بداية من نهاية هالاسبوع او بداية الاسبوع الجاي ان شاءالله راح ابدأ امسك شغل متخصص اكثر واقعد في مكاني الجديد

صج فالبدايه تضايقت وزعلت ( لان مابي انتقل مكاني ثاني ههههه) بس بعدين قلت اكيد خيره

والخيره فيما اختاره الله ف خلني متفائله واشوف الجانب المشرق من الموضوع وهو اني بركز على شغل معين واحاول اطور نفسي من خلاله وهالشيء في صالحي اكيد بإذن الله

..

الايام للامانه قاعده تمر بطيئة لكن الحمدلله عندي اشياء وايد تشغلني يعني جدولي فالبيت مزحوم

الله لا يشغلنا الا بطاعته يارب

وبس الله يسلمكم




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 09-02-2020, 07:52 AM   #84
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

صباح الخير

تحذيرررر ... تدوينه سلبيه ! ههههه

شفتوا تدوينتي اللي فوق ؟ من بعدها وانا مو مرتاحه اعوذ بالله !!!

بس اجي الدوام تصكني ضيقه مو طبيعيه

الاسبوع اللي فات ومن بعد ماجيت مكاني الجديد وانا كل صياح ! وحتى الحين بس دخلت حسيت ان الدمعه في عيني ! ماعرف ليش !

يقولون لي عطي نفسج فرصه لا تتسرعين وتقولين مو مرتاحه

ويشهد الله اني مابي اتسرع بس مادري شالموضوع بالضبط وشنو هاللي احس فيه !

استغفر الله العظيم

المكان مافيه احد كلنا موظفتين ثنتين يعني هدوء قاتل وطبيعة الشغل للحين مو اللي اتمناها

يمكن كلامي هذا يتغير بعد فتره ( وهذا اللي اتمناه ) بس حالياً هذا شعوري

والحمدلله على كل حال

..

عاد تصدقون؟ هالمكان اللي اداوم فيه الحين صار له كم سنه فاضي

يعني كنا نجيه يوم في الشهر مثلا وباقي الشهر مافيه احد

اليوم حاطه قران في المكان اقول يمكن فيه طاقه مو حلوه اعوذ بالله

ان شاءالله بذكر ربي يكوون مكان اجمل

يارب ييسر لي اموري



...

أمس طلعت شوي رحت تسوقت وشريت كم شغله حق الدوام من باب تحفيز النفس ههههه

يعني مثلا شريت شنطه حلووووه قلت بحط فيها اوراق الدوام والملفات اذا بوديهم معاي مبنى ثاني او حتى البيت وممكن حتى احط فيها اللاب توب

وكذا شغله ثانيه بعد




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 10-02-2020, 11:38 AM   #85
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

[ التغيير المفاجئ و تنتقلين من مكان كنتي مرتاحه فيه اكيد بيضايقك .. لكن ان شاء الله تتعودين عالمكان الجديد و ترتاحين .. ربي يفرج همك ^^ ]

اللهم آمين والجميع يارب

الكلام اللي في التقييم صح 100% طبيعي اتضايق وان شاءالله فتره وتعدي واتعود على المكان الجديد وطبيعة العمل فيه

اليوم من دوامت احاول اتجاهل اي فكرة سلبية تجي في بالي وان شاءالله خير

يارب الايام الجايه اجي واقول اني مرتاحه وحابه المكان ووو هههههه ان شاءالله



..

بعيد عن موضوع الدوام بكره ان شاءالله اجازة لان راح يكون عندنا اليوم الرياضي للدولة

اليوم هذا يكون ثاني ثلاثاء من شهر فبراير من كل سنه .. يكون يوم مخصص للانشطة الرياضيه وكل جهة عمل تنظم نشاط ( طبعا الجهات تشترك عادة في تنظيم انشطة مشتركة في الاماكن العامة مثل الحدائق)

الهدف من هاليوم هو تشجيع المجتمع على ممارسة الرياضة

للأمانة للحين ماعرف لو راح اروح نشاط دوامنا او لا بس بشكل عام بكرة مابيكون في دوام ف هذا الاسبوع منقسم قسمين كشششخه هههههه

..

اي صح وبقول لكم شيء

صار لي من امس اقرا وابحث عن طريقة عمل اكله معينه احنا ما نسوي هالاكله عادة في قطر بس زوجي شايفها وداشه خاطره

ويقول لي ابي يوم ارجع من السفر تكونين مسويتها لي ف تعلمي خلال هالوقت ههههههه قلت له ان شاءالله

هي يبي لها شغل شوي يعني فيها خطوات ولازم تكونين ضابطة المكونات عشان تطلع بالشكل الصحيح

افكر بكره او بعده اروح اشتري المكونات واجرب اسويها عشان يوم يرجع بالسلامه ان شاءالله اطبقها واكون مجربه قبلها



اذا ضبطت معاي ورجع على خير وذاقها وقال لي ان طعمها حلو .. بقول لكم شنو هي ههههههه

يالله اخلييييييكم




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 16-02-2020, 09:27 AM   #86
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

إقتباس »
الرسالة الأصلية كتبت بواسطة نوفه قطر »

صباح الخير اخباركم ؟
..

أما الشغله اللي بشتريها .. زوجي العزيز قرر أنه يبي يأجل شوي قعدت احن كم يوم مافي فايده قررت اطول بالي كم يوم هههههه
..

صباحكم خير

الشغله اللي كنت اتكلم عنها في ردي هذا ... كانت سياره جديده

واللهم لك الحمد والشكر استلمتها هالاسبوع

الله يعطيني خيرها ويكفيني شرها



ماتتخيلون صار لي كم سنه اقول بغير سيارتي واشتري سياره جديده .. كل كم شهر اعيد نفس الموال لدرجة ان هالمره لما قلت بشتري اهلي ماصدقوني

بس من بداية السنه هذه قررت وقلت خلاص ان شاءالله لازم صج اعّزم واتوكل على الله

يالله الحمدلله رب العالمين



بصراحه ؟ تدرون شنو المضحك؟ ان لما صورتها في سنابي توقعت كل قرايبنا يفرحون لي ويقولون واو اخيرا ومبروك والذي منه

محد منهم قال ولا حتى مبروك

بس عااادي مازعلت والله

هههههههه

..
..

بداية اسبوع جديد

الله يوفقكم ويطرح البركه في اوقاتكم




 

 

نوفه قطر غير متواجد حالياً
Facebook Twitter 1 اضافة رد مع اقتباس
قديم 26-02-2020, 09:20 AM   #87
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

يا صباح الخير

شخباركم واخبار اموركم .. خايفين من فايروس كورونا ولابسين كمامات والا لا هههههه

الله يكفينا الشر ياربي ويبعده عناااا

ويشفي كل مريض

هاليومين مافي سيره الا هالفايروس اللي قلب كيان دول وخرب اقتصادها ! وووو

سبحان الله ! شلون في لحظه ربي قادر يغير من حال لي حال

الله يحفظنا بحفظه يارب

..

قبل كم يوم قعدت اشوف الفيدوات المنتشره بخصوص خاطفة الدمام والشباب اللي رجعوا لأهلهم

قصة ولا في الافلام ! سبحان الله ! شلون خذتهم وخشتهم كل هالنسني رجعوا لأهلهم بعد كل هالعمر ... والله لو شايفين القصه كتمثيل ماراح نصدق ونقول شدعوووه !!

اكثر واحد اثرت فيني فيداوته هو موسى لان حسيت انه فرحته بأهله مختلفه وفرحتهم فيه بعد

الله لا يعيشينا اللي عاشوه ! سواء المخطوفين او الاهل

شعور صعب وايد

بس شفتوا الشبه ! يشبهون اهاليهم لدرجة احس لو كانوا شايفينهم صدفه كان لازم يعرفونهم !
..

..

بعيد عن هالمواضيع

لازلت للحين اعيش صراع داخل عقلي بخصوص دوامي !

كل يوم الصبح اسأل نفسي انا احب دوامي وطبيعة شغلي او لا ؟ واذا لا .. ليش ؟ شنو اللي ماحبه ؟ وشنو البديل اللي ودي فيه ؟

ولا سؤال من هالاسئلة لقيت له جواب واضح

احس مو حاسه بالاستقرار للحين !

ربي اشرح لي صدري




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 01-03-2020, 08:39 AM   #88
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

صباح الخير

صباح اليوم الاول من شهر مارس عساه يارب شهر خير ومانسمع فيه الا الاخبار اللي تسرنا يارب

..

اليوم يومي حافل .. عندنا ورشة عمل فالدوام + عندي 3 من العايله عندهم مواعيد مهمه في المستشفى يعني قلبي معاهم كلهم ومع الدوام في نفس الوقت الله يطمني عليهم يارب

..

لما جيت احط اهدافي لسنة 2020 حطيت من بينها اني ابي اقرا اقل شي 6 كتب بمعدل كتاب كل شهرين

أمس خلصنا شهر 2/2020 والحمدلله انهيت الكتاب الاول وان شاءالله اليوم ابدا في الكتاب الثاني

طبعا مافي كتب معينه .. اقرا اللي ودي سواء روايه - تطوير ذات - ثقافه وعلوم او اي شيء ثاني

الكتاب اللي انهيته امس كان كتاب متعلق بتطوير الذات

يتكلم عن العادات وشلون ممكن تغير منها .. تخلق عادات جديده في حياتك (ايجابيه) او تتخلص من عادات ماتبيها (سلبيه)

الكتاب يعطي خطه واضحه وخطوات واكثر من اسلوب .. كنت اقرا وانا مستمتعه، كتبت عندي شنو العادات اللي ودي تكون ضمن جدول يومي

وقاعده اسعى وان شاءالله قريب بس تترسخ هالعادات وتكون 100 بالميه ضمن الروتين راح اسولف لكم عنها (راح اقول لكم وقتها شنو العادات اللي ودي تكون في روتين يومي ) بإذن الله

الكاتب يقول ان قبل لا تفكر تغير العادات لازم تركز على هويتك .. يعني مايصير اقول وانا مقتنعه اني انسانه ماحب قعدة الصبح وفي نفس الوقت اقول ابي اتعود اقوم الصبح لازم اغير من تفكيري اول شيء (هويتي ومن انا - اركز على الصفات اللي ابيها تكون عندي)

في آخر الكتاب الكاتب تكلم عن السعاده وقال شي وايد حبيته .. قال ان السعاده هي غياب الرغبه ! يعني وقت ما انت تشوف شي في حياتك بس عادي ماعندك الرغبه في تغييره ف هذا معناه انك سعيد، والسعادة تروح بسرعه لان الانسان دايما عنده رغبه ان يغير شيء معين - يعني خلص من شيء يشوف اللي بعده

كلامه منطقي جدااا .. مثل الطالب اول مايدش الجامعه يفرح بس بعد فتره قصيره يبدا يفكر متى يتخصص؟ بس يتخصص يكون سعيد، شوي ويفكر متى يتخرج ؟ تخرج ؟ متى يشتغل .. اشتغل ؟ متى يترقى ؟ ووووووو

ف السعادة بحد ذاتها فترة مؤقته وهي طريق احنا نمشي فيه

ضروري نتعلم نفرح من قلبنا ونعطي للسعادة مجال قبل لا نفكر فالرغبه اللي بعدها

*حكيمه يا انا

الكتاب اسمه : العادات الذريه

..

اما الكتاب اللي راح ابدا فيه اليوم عباره عن روايه .. قريت اول صفحه وباين انها روايه مختلفه وفيها فكره معينه

بس اخلص ان شاءالله اقول لكم عنها - هي لكاتبه كويتيه قريت لها قبل واحب اسلوبها في الطرح

الوعد بعد ما اخلص منه ان شاءالله



/
/
/

عن اذنكم




 

 

نوفه قطر غير متواجد حالياً
Facebook Twitter 0 اضافة رد مع اقتباس
قديم 04-03-2020, 12:07 PM   #89
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

مساكم الله بالخير والسرور



فالمدونه اللي قبل كتبت وايد ونسيت اقول ان الحمدلله زوجي رجع من سفرته بالسلامه الله لا يجيب مستقبلا سفرات من هالنوع ياااارب

تذكرون قلت اني راح اجرب اسوي طبخه ؟ انا كنت ناويه اجرب اسوي "عريكه" ماعمري كلتها ولا اعرف اسويها

زوجي شافها في حساب سعودي وهو مسافر وقال يبي

يوم رجعته من السفر رحت الجمعيه ادور طحين اسمر على حظي ماكان في حصلت شيء ثاني نفس الطحين مكتوب نخالة قمح ولونه اسمر قلت يمكن قصدهم طحين اسمر !

شريته وجربت اعجنه فالبيت ما ينعجن ! ولا يشرب الماي

فقلت خلاص بجرب اسوي العريكه بالطحين الابيض ( لان شفت في النت حساب يقول عادي بالطحين الابيض)

وسويت كل الخطوات وتعبت نفسي بس ماضبطت وياي ههههه واخر شيء ذقتها كان طعمها طططحين صررريح ف استغفر الله اضطريت اقطه لان ما ينأكل

كان ودي يوم يوصل يتفاجأ اني سويتها لكن الله ماكتب بس ابشركم الحين الحمدلله حصلت طحين اسمر

ف بإذن الله اليوم احاول اسوي مره ثانيه ويارب تضبط وياي قولوا ان شاءالله



..

قبل ما اخليكم ضروري اقول لكم سالفه ضحكتني الصراحه ..

قبل رجعته بكم يوم كلمني قال لي انا رايح اشتري لج شغله وابي اصور لج قبل عشان تشوفين اذا تعجبج او لا

فقلت له اوكي وكان يصور ويطرش لي وفي نفس الوقت كانوا هلي متجمعين وسوالف وضحك

يعني مخي كان بين ال 2 فكنت اطول شوي لين افتح المحادثه وهو فالمحل يبي الرد بسرعه

اتصل لي وهو معصصصصب ان ليش ماتفتحين بسرعه وانا واقف شكلي غلط بدون هدف انتظرج تردين وووو

ماتتخيلون كل ما اتذكر الموقف شلون اضحك تدرون ليش ؟

لان تخيلوا احد يشتري لكم هديه وهو معصب عليكم ويتصل يهاوشكم عشان تختارون بسرعه ههههههه احس الوضع يضحك

عاد وقتها ركزت ع التلفون وقمت ارد بسرعة البرق



وبس الله يسلمكم

الله يحفظ لكم احبابكم يارب

-




 

 

نوفه قطر غير متواجد حالياً
Facebook Twitter 1 اضافة رد مع اقتباس
قديم 28-03-2020, 05:39 AM   #90
نوفه قطر
عضو مقلع
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
ط±ط¯ : ظپظٹ ط§ظ„ط²ط§ظˆظٹظ‡ .. ظƒط±ط³ظٹ ط®ط§طµ ط¨ظٹ !

.



 

 


اخر تعديل كان بواسطة » نوفه قطر في يوم » 28-03-2020 عند الساعة » 05:45 AM.
نوفه قطر غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:24 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017