منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) البرامج حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 28-03-2020, 05:41 AM   #91
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

صبحكم الله بالخير

شخباركم ؟ صار لي شهر تقريبا ما كتبت في مدونتي ! مع اني دخلت كذا مره المنتدى وتابعت المدونات المفضله عندي + كذا موضوع احب اتابع تطوراتهم بس كل ماجيت بكتب في مدونتي مادري شاللي يردني !؟

اولا .. انا مادخل المنتدى في الويك اند يعني اليوم يعتبر من النوادر + ماكتب في هالوقت ! لان اصلا كل المرات اللي اكتب فيها اكون في الدوام + اني سهرانه اليوم

انا في بيت اهلي اليوم وفتحت لاب توبي القدييييم اللي صار له تقريبا سنتين مافتحته فقلت ادخل المنتدى واكتب

يعني البيئه والمكان وكل شيء متغير علي وانا اكتب لكم هالكلمات اللي قاعدين تقرونها ... في احد قاعد يقرا ؟ ههههه

..

الايام اللي فاتت ايام مزحومه بالاخبار عن فايروس كورونا الله يبعده عنا وعن الجميع ياربي

بدينا بالعمل عن بعد هذا بيكون ثالث اسبوع والله يعدي هالايام على خير يارب ونرجع لحياتنا الطبيعيه

من كان يتخيل ان كل هذا بيصير ! والحياة والدول والمطارات والاشغال وووو كل شي يوقف بين ليله وضحاها ؟! سبحانه ربي قادر على كل شيء

..

الله يفرجها فرج من عنده ويحفظنا ويحفظ بلاد المسلمين ويجعلنا يارب دوم من الحامدين الشاكرين يارب العالمين

..

شيء اخير بقوله لكم .. ترى جربت سويت العريكه مره ثانيه التجربه الثانيه كانت افضل بس ماتُعتبر الاحسن لان صارت قاسيه العجينه ما كانت سلسله

يالله ان شاءالله مع التكرار والتجربه اقدر اضبطها بإذن الله

..

انا الحين بروح انام

تدرون متى اخر مره سهرت لمثل هالوقت ؟ والله من زمان بروح انام عشان اقوم بعدين ماطول في النوم

تصبحون وتمسون على خير





 

 

نوفه قطر متواجد حالياً
Facebook Twitter اضافة رد مع اقتباس
قديم 12-04-2020, 01:23 PM   #92
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

مساكم الله بالخير والسرور

شخباركم وشلون قعدة البيت وياكم ههههه

مابقى شي على شهر رمضان ، الله يبلغنا اياه على خير يارب

واحنا بصحتنا وعافيتنا ويارب ربي يسهل الجاي من الايام

كنا متفائلين ان مايدخل شهر الخير الا والامور كلها تحسنت بس الواضح ان للحين محتاجه وقت

بس مافي شي بعيد عن رب العالمين
..

هالفتره حلوه عشان الواحد يجدد من نفسه وطاقته

يكتسب عادات يمكن كان وده دايما ان يكتسبها بس يحس ان ماعنده وقت !

الحين كل الوقت موجود الواحد قاعد طول اليوم فالبيت ف يقدر يسوي كل اللي خاطره يسويه

عاد تدرون من اللي باطين جبدي هالفتره؟ اللي ينصحونا وهم مايطبقون النصيحه !

تحصلهم في السياره ويقولون يا جماعه قعدوا في بيوتكم

قاعدين في سياييرهم ويفترون فالشوارع ويقولون ليش كل هالزحمه ؟ ياجماعه ليش تطلعون قعدوا في بيوتكم ههههههه

وبعدين يقولون لحد يقول لنا وانتوا؟ ترى احنا طالعين عندنا شغله ضروريه وبنرجع البيت

زين انت عندك شغل ضروري وغيرك ماعنده ؟ هذا مو كلام !!

كل شخص يبرر حق نفسه ويحس نفسه صح ويقط اللوم والغلط على غيره

صج يبطون الجبد

..

اليوم الصبح وصلني مسج الدوام انهم قفلوا حسابات الرواتب .. الحمدلله يارب على هالنعمه

ما تضررنا في دخلنا ولا مصدر رزقنا وامورنا ماشيه

هذا بحد ذاته نعمه كبيره اللهم لك الحمد والشكر

والله يعين كل من تضرر بشغله وبأعماله وعساه خيره له والله يعوضه بالاحسن

..

دمتم بخير




 

 

نوفه قطر متواجد حالياً
Facebook Twitter اضافة رد مع اقتباس
قديم 19-04-2020, 10:17 AM   #93
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

تعرفون شنو اكثر شي يزعجني في نفسي؟

اول شي صباح الخير

اللي يزعجني اني دايما ألوم نفسي ، هالشيء مو غلط لا بالعكس يخليني احاسب في كلامي وتصرفاتي

ويخليني اصحح وأعدل من نفسي

بس احيانا ألوم نفسي وأجلدها على اشياء انا مالي دخل فيها



عادي اقعد يوم كامل افكر في شي واتضايق وهالشيء مو بيدي اصلا ولا انا السبب فيه

يالله الحمدلله على كل حال

جايني هالشعور وحسيت ودي اكتب عنه عشان يتغير مودي ههههه

..

في فلم حابه اشوفه اليوم او بكره ان شاءالله

قريت عنه في الانستغرام واحس تحمست لقصته

لو شفته وطلع حلو راح اقول لكم عنه

..

الايام اللي فاتت شفت الفلم التركي معجزة في زنزانة 7

ياربي شكثر عورني قلبي ! وقعدت اصيح هههه

حلو الفلم وقصته مؤثره والحمدلله ان نهايته حلوه عشان ما انغث

..

يالله اخليكم




 

 

نوفه قطر متواجد حالياً
Facebook Twitter اضافة رد مع اقتباس
قديم 01-05-2020, 12:07 AM   #94
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

السسسلااام عليكم ورحمة الله وبركاته

رمضان كريم كل عام وانتوا بخير ان شاءالله

شلون رمضان السنه ؟ فاقدين الجمعات اكيد

الله يرد لنا ايامنا الحلوه بإذنه تعالى والحمدلله على نعمة الصحه والعافيه والأمن والأمان

..

صار عندنا وقت اكثر لكل شيء حابين نسويه سواء في شهر رمضان او في ايامنا العادية

الحمدلله



انا اليوم خميسي هادي

ريلاكس قاعده من بعد صلاة العشاء ماسوي شي ههههه

احتاج هالهدوء لان اسبوعي كان مزدحم

الصبح عندي دوامي اللي عن بعد والدوام تدرون 4 ساعات ما ألحق أسوي كل اللي لازم اسويه

وبعد العصر ادخل المطبخ

يعني في انشطة ..

..

يالله ربي يتقبل صيامكم وقيامكم يارب العالمين

وعسى ربي يسّهل اموري واموركم يارب




 

 

نوفه قطر متواجد حالياً
Facebook Twitter اضافة رد مع اقتباس
قديم 30-05-2020, 07:36 PM   #95
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

السسسلام علييييكم

من 1 الى 30 مايو

غبت شهر كامل انشغلت صراحه بين اموري الشخصيه والعمل وامور ثانيه

الحمدلله دائما وابدا

..

عيدكم مبارك

الله يعودكم عليه يارب بالصحه والعافيه اعوام واعوام

وعسى ربي يتقبل اعمالنا وصيامنا وقيامنا يارب العالمين

..

بكره ان شاءالله اول يوم دوام بعد اجازة العيد

الاجازه كانت اسبوعين تقريبا ريحنا من لوية الشغل بس الحين حسيتها مرت بسرعه هههههه

الحين باخذ لي لفه على كذا مدونه في القسم واشوف اخبار الناس




..


خلكم فالبيت




 

 

نوفه قطر متواجد حالياً
Facebook Twitter اضافة رد مع اقتباس
قديم 22-06-2020, 01:00 PM   #96
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

السسسلام عليكمممم



شخباركم؟ يارب الكل يكون بخير وصحه

شفت ردي اللي قبل كاتبه ان بداوم اول يوم .. تدرون شصار فيني وانا رايحه الدوام الصبح ؟ كل مشاعر الدنيا اختلطت داخلي !

حسيت اني فاقده الشوارع وطريق الدوام فاقده الزحمه ولوية السيارات الصبح
حسيت اني مشتاقه لكل شي لدرجة كنت مبتسمه طول الطريق وفي نفس الوقت اخنقتني العبره ونزلت كم دمعه ! تخيلوا

يومها ماعصبت على احد فالشارع واللي بيلف علي خليته يلف عادي هههه وناويه اعود نفسي ع الهدوء اثناء السواقه لاني وايد اتنرفز لو حد لف علي لو تعمد يغثني

بس الصرااااحه ... والله صج كل شي في حياتنا نعمه اللهم لك الحمد

الله يديم علينا نعمه يارب ويرزقنا كل خير

..

..

عندي كمية شغل محتاجه تركيز ومتابعه .. بس اللي غاثني ان في كذا task ماوددددي اسويهم والله

كل ماجيت بسويهم احس شي يردني ! مالي خلق هالكم شي بالذاااات مادري ليش !!!!

بس بكره ان شاءالله الصبح ضروري اخصص لهم وقت لان يقول لك الشيء اللي تستثقله ابدا به

ف ان شاء الله الوعد بكره

..

..

قبل ماروح احب أقول لكم اني مييييييته يوع وماقدر اطلب اكل لان السكيورتي مابيخلي مال التوصيل يدخل بسهوله للمبنى ( تدرون كورونا وجذي) وناسيه اجيب لي شيء من البيت اكله

!

على فكره وانا اكتب اخر سطر تذكرت ان عندي كيكه صغيررره حطيتها في شنطتي الصبح قلت باكلها مع الشاي ونسيت هههههههههه هذا وقتهااااا




 

 

نوفه قطر متواجد حالياً
Facebook Twitter اضافة رد مع اقتباس
قديم 12-07-2020, 10:03 AM   #97
نوفه قطر
خبير اقلاعي
 
الصورة الرمزية الخاصة بـ نوفه قطر
نوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحبنوفه قطر فوق  هام السحب
رد : في الزاويه .. كرسي خاص بي !

صباح الخير شخباركم ؟

ان شاءالله الكل يكون بخير وصحه يارب

..

اليوم في جمله ترددت في بالي كذا مره وهالشي خلاني افتح المدونة لان ودي اكتبها واعبر عن اللي يدور داخلي حاليا

قد لا تكون حياتي مثاليه بالشكل المطلوب .. ولكنني متأكدة انها الحياه الأفضل لي !

هالجمله انا مؤمنه فيها ايمان شديد

فعلا حياتي مو مثاليه ابدا بالعكس فيها صعوبات وايد حالي حال أي انسان ثاني
ولكن انا متأكده ان هذه الحياه هي الأفضل لي

يعني ربي حطني في كل موقف مرّ علي لسبب او لحكمه او خيره
مافي شيء يصير في هالحياة عبث

مع اول الصبح قلت لنفسي هالجمله او بمعنى أصح .. عقلي قالها لي

لان حسيت للحظه اني زعلانه من موقف معين

ف عقلي الباطن قعد يقول لي ترى هذا هو الأصلح واللي ربي كاتبه ف لا تزعلين وكل شيء في وقته حلو

ياحلو هههههه

..

الحمدلله يارب على كل شيء صار في حياتي وكل شي قاعد يصير

وعلى الجاي واللي ماعرف شنو هو .. الحمدلله يارب






 

 

نوفه قطر متواجد حالياً
Facebook Twitter اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:48 AM.

 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2020