إقتباس »
الرسالة الأصلية كتبت بواسطة Alfaisal 1407 »
^
^
^
فعلاً أمريكا أفضل وخيارات أكثر
صعبة الواحد يحسب التكلفة ،، كل معهد لغة له نظامه وسعره بالنسبة لكل مستوى ،، فيه معاهد المستوى الواحد شهر بس وفيه شهرين وفيه نظام سمستر كامل وأسعارهم تختلف ،، والولايات بعد فيه ولايات غالية وفيه ولايات وسط وفيه ولايات رخيصة ونوعية السكن وموقعها في المدينة وأيضاً مصروفك الشهري يحدد التكلفة بشكل كبير ..
ما فيه أحد يقدر يحدد التكلفة إلاّ أنتِ ،، بس عندي اقتراح تفكرين فيه وهو إنك تدرسين في كلية مجتمع أفضل من المعهد ،، أنا بأمريكا في ولاية إنديانا ،، المعهد هنا نظام 7 أسابيع لكل مستوى يعني 2 مستويين سمستر كامل تقريباً بـ 20 ألف ريال وتدرسين 20 ساعة أسبوعياً لكن كلية المجتمع سمستر كامل بيطلع أرخص لكن على حسب عدد الساعات ،، 12 ساعة أسبوعياً أقل من 13 ألف ريال ،، المعهد تدرسين مع طلاب دوليين لكن كلية المجتمع أغلبهم أمريكان لكن فيه نسبة يكونون كبار بالسن لكن مفيد أكثر من المعهد بس بشكل عام المعهد أكثر متعة ،، كلٍ له ميزاته وعيوبه ..
السكن على حسب المنطقة والأماكن المهمة اللي حولك وهل تبين تسكنين لحالك أو معك روميت ..
أحسن شيء حددي الولاية أو الجهة اللي تبينها ،، هل تحبين البرد والثلج في الشتا؟ أو تبين الجو ما يكون قارس؟ هل تبين تكونين بأحد المدن الكبار أو مدن جامعية صغيرة قريبة من المدن الكبار أو ما يهم؟
صعب الواحد يحدد لك ويقول لك كل شيء من خلال رد في منتدى ،، ابحثي عن أجوبة لأسئلتك العامة بنفسك وإذا عندك سؤال حول موضوع معين دقيق بإذن الله يجيك الجواب
وبالتوفيق وترى الابتعاث مو سهل ويمكن يكون فيه عقبات لكن صدقيني كل التعب هذا يسوى لأن الغربة جميلة ومفيدة ..
طبعا هي كانت ودي بما اني تخرجت ولسى مدري عن وضعي ويين اتوظف وكذا
لكن الظروف ماتيسرت اروح بس ان شاء الله اقرب فرصه
وبالنسبه لي امريكا اخاف منها ومن اي مشكله يصير لك شيء عشان كذا ماودي ولان اغلب اللي اعرفهم باستراليا ..
بس بالنسبه لأمريكا كيف يعني كلية المجتمع ؟ لان ماقد سمعت فيها وكيف أقرا عنها
والاسئله العامه هاذي مالقيت لها جواب عشان كذا سئلت هنا
والابتعاث احس ماقدر مع الغربه سنوات يعني اكثر شيء 6 شهور وشكرا لك $
الوضع العادي
