منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > منتدى مملكة المرأة
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 27-09-2012, 03:58 AM   #21
Life In Dream
مقلع صور مميز
 
الصورة الرمزية الخاصة بـ Life In Dream
Life In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحبLife In Dream فوق  هام السحب


السلام عليكم .. صباح او مساء الخير



طولت شوي عليكم بس اليوم بسوي لكم ريفيو يعجبكم ان شاء الله على اغراض
بعضها نزلتها بالمشتريات من زمان و وعدتكم اكتب عنها بعد التجربه
وما حبيت اكتب الا لما اجربهم مده طويله و ترا ناسيه الاسعار بس اللي اذكرهم
بحط "سعر تقريبي" لهم و اكيد اللي ينفع لبشرتي ممكن ما ينفع لبشره ثانيه و
العكس .. خلاص قرقر و نبدأ





صوره عامه للأشياء اللي بتكلم عنها ..


مرطب الشفايف من Qv ماركه طبيه معروفه ..متوفر بالصيدليات و سعره بحدود 30
اعجبني كثير بما ان شفايفي جافه و حلو ان فيه نسبة وقايه من الشمس..
برجع اشتريه اكيد


صابون يدين كريمي او فيه كريم مدري شلون يقولونها
من صيدلية بوتس .. حلو مره و هذي ثاني مره اشتريه ما يجفف اليد
زي الصابون العادي سعره بحدود 20


مزيل رائحه عرق من "بيزلين" متوفر بالصيدليات.. سعره بـ 60
مره اعجبني الصراحه انا الحمدلله ما تطلع فيني ريحه
بس هذا حلو وما يحسس المنطقه زي المنتجات الثانيه

مناديل ازالة مكياج" N7 "من صيدلية بوتس بحدود 50 ..
فالبدايه كانت تمام بس بعدين صارت تحرقني بالذات عند العيون

قطن من "ذا بودي شوب" ب 15 ريال .. جدا ناعم و ممتاز
ما اشتري غيره و قبل كنت آخذ من "سيفورا" نفس الجوده


من اليمين ..

فازلين بالككاو اتعب و انا اقول وااو حتى ريحته حلوه ..
حبيته اكثر من العادي و احس نتايجه افضل استخدمه
لـ الركب و الاكواع و رجولي قبل النوم .. اقوم القاهم زبده

لوشن فازلين ريحته جميله و نظافه بس الترطيب ما حسيته مره عادي يعني ..

كريم من بوتس علبته حلوه بس مو عمليه لأنها قزاز و ثقيله..
يقول انهم مسوينه على طريقة صنع الكريم القديمه ومافيه مواد كيميائيه
و من هالخرابيط ..بس يوم استخدمته صار يقرصني وما كملت بصراحه

كريم من "باث اند بودي وركس" بعد التخفيض اتوقع 25 ريال..
الترطيب متوسط نوعا ما بس الريحه فضيعه احيانا استخدم زبدة ترطيب
و احطه بعدها عشان الريحه بس ما احس الريحه تثبت مره

كريم "Qv ".. استخدمه لوجهي احيانا و يديني قد وصفته لي دكتوره و مشيت عليه
جاني قبل فتره جفاف مب طبيعي في يديني ..بس بعد ما استخدمته راح الحمدلله



مقشر الشفايف من "ذا بودي شوب " سعره 40 _60 ..
ما اعجبني بصراحه احس مقشر البيت يعطي نتايج افضل

مقشر للرجلين من "بوتس" شكله جذبني بصراحه ..
سعره بحدود 30 .. حلو مره للي رجولهم عاديه الى جافه شي بسيط ..
ما احسه ينفع للي رجولهم مرره تعبانه لأنه خفيف و يشبه الصابون


اليمين شامبو من "تريسمي" موجود بالصيدليات و السوبر ماركت سعره 40
العلبه مره كبيره بس للأسف مالقيت حجم ثاني صرت اشتري علبه زي علب الشامبو
من "دايسوا" و اعبيه فيها نسيت اصورها..
شعري ناعم الحمدلله بس فيه جفاف شوي من الصبغات و كذا
احسه مره نفع معي يرطب الشعره و ينظف .. شكلي بعتمده

ماسك مرطب للشعر من "بوتس" بجوز الهند و اللوز ما يطلع ريحه بالشعر.. يستخدم بعد الشامبو لمدة 5 دقايق تقريبا
بعدها يغسل بمويه .. ممتاز جدا يرطب الشعر و يخليه طايح و يفك التشابك


آخر شي هذا الشي الجميل و الرقيق و اللطيف و الكيوتي و المكتكت

محفظه صغيره من "ذا بودي شوب " من زمان شاريتها عباره عن مقص اظافر
"مقراض" و مقص و مبرد كلها احجام صغيره .. طبعا كلنا عارفين ان كل
شخص لازم يكون له اشياء اظافر خاصه فيه وما ينفع نستخدم مقصات بعض
و لازم نمسحها و نعقمها من فتره لفتره .. اللي عجبني هنا انهم حاطين 3 اشياء
مهمه و بحجم صغير و محفظه كشخه و كيوتيه تسهل عليك التنقل و تكون
دايم بشنطتك تفزع لك لو ضاقت فيك الدنيا وتخلوا عنك احبابك << مدري وش
دخل بس سلكوا
المهم اشتروها مره حلوه و احسها مهمه بشنطه كل انثى


صوره اوضح .. المقص حقها اصغر بس ضيعته و حطيت هذا بداله من "سيفورا"



الى هنا اكون انتهيت .. ان شاء الله اكون قدمت شي يفيدكم ..فيه جزء ثاني بنزله لو شفتكم تحمستوا معي و كذا




 

 


اخر تعديل كان بواسطة » Lady Pumpkin في يوم » 02-11-2012 عند الساعة » 05:59 AM. السبب: حذف التوقيع
Life In Dream غير متواجد حالياً
Facebook Twitter 0
قديم 03-10-2012, 08:21 AM   #22
الصفـاء
متميزة مملكة المرأة
 
الصورة الرمزية الخاصة بـ الصفـاء
الصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحبالصفـاء فوق  هام السحب


راح أعطيكم نبذة قصيرة عنها: BEAUTYBLENDER


بيوتي بلوندر قام بإختراعها ريا آن سليفا ، وهو ماكيير هوليوود
حاصلة على براءة اختراع ، لأنه من خلالها تقدري توصلي إلى اصعب الأماكن في الوجه كزوايا الأنف وأسفل العين
مصنوعة من جلد الغزال والأسفنج و تعطي مظهر ديوي ،

الأسفنجة ممتازة لوضع كريم الأساس ، تعطي طلة ندية ورطبة ، وسهلة الاستخدام وتناسب البشرة المتقشرة لأنها تعمل من خلال الطبطبة مش المسح بقوة على الوجه .

قرأت ردود للبنات كثيرة سواء في المنتديات أو البلوجات الأجنبية أنهم يعانوا من تنظيف الأسفنجة وأنه مانفع معهم حتى الغسول اللي معاها .
راح أذكر لكم طريقة التنظيف اللي ترجع الأسفنجة نظيفة وكأنها جديدة
استخدمي صابون القوالب الصلب امسحي بالأسفنجة على الصابونة واغسليها ،وكرري العملية مرة ثانية إذا ماتنظفت عدل .
راح ترجع نظيفة بسرعة بدون فرك وضغط عليها وراح تعمر معك فترة أطول لأنه التظيف والعصر بقوة والفرك يخليها تتمزق ويعمل لها شقوق .

أما طريقة استخدامها برضو سهلة بلليها بالماء وبعدين اعصريها راح تكبر الأسفنجة معك بعدين جيبي فوطة نظيفة وجففيها بالفوطة ، بتصير الأسفنجة ندية ,
شايفين الدلال نحممها وننشفها بالفوطة
صور من النت


وهنا النتيجة لكريم الأساس لما ينوضع بالأسفنجة




طبعاً راح تلاحظوا أن كريم الأساس صار ديوي فيه لمعه ونداوة واللي بشرتها تعاني من جفاف الأسفنجة هذي راح تساعدها أكثر لأن الفرش تبين القشور بعكس الأسفنجة .

الأسفنجة تقدروا تطلبوها من أمازون بس مو متوفرة هنا في بسيفورا نوعية ثانية ماتقارن بالأسفنجة هذي .

أي استفسار على الآسك في أسفل التوقيع

وافر الصحة والجمال لكم



 

 

الصفـاء غير متواجد حالياً
Facebook Twitter 0
قديم 04-10-2012, 06:33 PM   #23
NAJOoLA-AL
من كبار شخصيات الإقلاع
 
الصورة الرمزية الخاصة بـ NAJOoLA-AL
NAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحبNAJOoLA-AL فوق  هام السحب
~ .. هذي انتي مثل مانتي واكثر, بس اشوفك زدتي شوية حلات .. ~


فقرة تجارب
جربت كذا شغله الفتره الي راحت لأن الميزانيه عندي قلت ولله الحمد
وحاولت اني قد ماقدر اخذ منتجات ماتأذي البشره اهم شي وماتكون غاليه hap:
يعني قبل بشرتي وشعري لازم طبي والطبي انتم عارفين نار
منتجاتي الحين ارخص ونتايجها ماشاءالله ممتازه

صور أغراضي من الجوال السموحه لو مو واضح آسفه جدا

نبدا بالخشه

مركز تحميل الصور

غسول نيتروجينا لحب الشباب خال من الزيوت
المنتج رقم 1
الذي يوصى به اطباء الجلد


اول مره بحياتي اجرب شي من نيتروجينا لأنه منتج قوي عالبشره واخاف منه
بس طبعا افضل المنتجات الموجود بالصيدليه بعد الشركات الي جربت منهم قبل
يعني مستوى ثاني

ايه اقولكم الغسول قوي وكنت متردده ولزقت بحلق الصيدلي وهاتك ياستجواب خخخ
وراني شكلين واحد للرؤوس السودا وواحد للحبوب
اخذت حق الحبوب ذا والسبب : طلعت لي حبوب صغيره عشان الجو تغير تدرون بشره حساسه من اي شي تتأثر الحمدالله بس
المهم وسبب ثاني انه اخف من حق الزيوان بواجد جربته على يدي حسيت
حق الزيوان ينشف ويشد وقوي اما حق الحبوب ينشف صح بس
اتضح لي انه خف بكثير بحكم خبرتي بالغسولات الي تناسبني
والصيدلي لما طلعت براسه قرون قال اذا حتعرفي جربي وفي روايه اخرى حسيته
وده يقول بتعبيرنا بس اخلصي علينا المهم وانقلعي
وش اسوي خوافه خلكم مثلي لاتغامرون بأي شي وابشروا بالنتايج الطيبه ان شاءالله
بس مو تطفشون الصيدلي

بس الافضل انكم ماتكثرون من الغسول اذا جيتوا تغسلون بشرتكم حاجه بسيطه
ومع تدليك خفيف وبس

النتيجه : ماشاءالله والله بدون مبالغه حسيت الحبوب خفت شوي ووجهي قلت فيه الدهون الزايده وبنفس الوقت ماجف واجد يعني مايشهب مثل باقي الغسولات
حقت الحبوب والدهون
الي بشرتها دهنيه راح ينفعها حتى لو ماعندها حبوب حبيته لأنه خفيف عالبشره

السعر : 40 ريال سئودي

ثاني منتج :

تذكرون بمواضيعي دايم اقولكم ابعدوا عن السنفرات الخشنه للوجه لأنها تخرب
ودوروا على السنفرات الناعمه الي ماتخدش ولا تهيج
انا افضل سنفره جربتها للآن هي ذي اسمها بريتي فاشكول
مكتوب عليها ( كريم سنفره للوجه وللجسم خالي من الحبيبات الخادشه )
واحلى شي انها تركيبه خفيفه ومكتوب انها خاصه بالبشره الحساسه
يعني الي تستخدمها مهما كانت نوعية بشرتها مراح تضرها والدهنيات لايخافون
لأن مو دسم يعني معتدل ينظف من غير مايزيد الدهون او ينقصها
اتعب وانا اقول جميله هالسنفره ومع الوقت توحد لون البشره وتعطيها نضاره
مرتين بالاسبوع

طريقة الاستخدام : السنفره عشان تستفيدين منها لازم تكون بشرتك نظيفه
وحبذا لو بعد ماتخلصين ترويش والحمام دافي يكون مسامك مفتوح
اغسلي بالغسول اول وبعدها سنفره وبعد ماتسنفرين جيبي صحن صغير
وحطي شوية نشا رشه مع مويا مايله للبروده واغسلي وجهك فيه وخليه شوي عشان يقفل المسام
يعني 10 دقايق وبعدها اغسلي ولاطلعتي رطبي بشرتك بالمرطب الخاص بوجهك والمناسب

السعر : 20 ريال

ثالث منتج :

هذا ياحبيباتي رحت لـ ايما اسوي تنظيف لأن محتاجه الاخصائيه
توصف لي شي لبشرتي بصراحه بسبب الزواجات اضطريت احط ميك اب
وقلت لها ابي كريم لو قبل الميك اب واذا حسيت بجفاف حبيت اغير
عطتني ذا اسمه : DERMAGOR كريم بالكولاجين والسيليسيوم
مناسب لبعض البشرات الحساسه يعني اول شي جربوا بمنطقه
صغيره على الوجه قبل الاستخدام أفضل ولكل انواع البشره بس مو بأسراف
مثل ماقالتلي الدكتوره عند الضروره

وليش قلتلكم يناسب كل انواع البشره لأن تركيبته مائيه اكثر من انها دهنيه
وانا بشرتي مختلطه مايله للدهنيه

نتيجته للأمانه : ماناسب وجهي لأن بشرة وجهي اساسا مدلعه فماعليكم منها تمسخها احيانا
بس كمنتج بطل جربته على يدي خطير مكوناته مفيده وماتضر
يكفي اسم الشركه بس وآمنه

السعر : 145 ريال

منتجات خشتي كلها بالصيدليات تلاقونها

فاصل ونواصل :

مركز تحميل الصور


معليش مشتهيه اشرشح خخخخ
انا مااطيق بودي شوب ومنتجاته الفاشله كافي العطور الي فيها ومعروف ضررها
بس ذا قالولي مافيه عطر وافضل زبده كاكاو قلت يلا ومالوا دام مافيه اضافات نجرب
اتعب وانا اقول يع
لاترطيب ولا ريحه سلامات وربي فاشل وتوووبه اسوي نفسي
وانزلها لهالاشكال واتعامل معها << برآ

عدنا

بنات الي تبي صابون للبشره سعره معقول غير الطبي ومايضر
جربوا دوف بس صوابينها الي انصح فيها غيره لا لوشناتها بقوه معطره ماتنفع
مرره ممتازه صوابينها للبشره تعطي نضاره وتنظيف وماتنشف
عن تجررربه افضل صابونه جربتها لجسمي ورجعت لها


الشعر :

مركز تحميل الصور


منتجات ماتريكس
وشامبو فيتشي للتساقط


اقولكم الشامبو حقي بريفيا ماعاد لقيته وتمرمطت شريت كذا شامبو ماناسبولي
وسبب لي تساقط ومشاكل
آخر شي قالت لي وحده من البنات الله يجزاها خير مسويه كيراتين وتمدح
الاخصائيه حقت الشعر الي سوت لها انها امينه وراح تساعدني المهم رحت لها
وعطتني هالمنتجات واستخدمتهم لأول مره صراحه مررررره حلوووو ماشاءالله
بس الي ماتعرف تستخدمه راح يضرها يعني لازم بحرص
وكل شعر وله النوع الي يناسب له اكثر شي سببلهم التساقط والسبب انهم استخدموه
غلط وراح اقولكم كيف الاستخدام عموما لحمامات الزيت والعلاجات
اخر مره صبغت صبغه الله لايعيدها حرقت شعري بكيت من القهر
والحمدالله بعد هالمنتج حسيت انه عالجه

وعلى فكره الاخصائيه ذي مره امينه الي اعرفها هي واهلها يسوون عندها الكيراتين
دايم وقبل تسوي لأي احد لازم تجرب خصله بشعرها وتشوف اذا يصلح
تسوي واذا لا تقولها ماينفع يعني مو استغلاليه وهمها بس الفلوس
والله ماسوي دعايه ولا شي وماعرفها شفتها مره لما رحت لها وبس
والنتيجه الي شفتها بصاحبتي وعملهم معها ومعي لما جيت
ارتحت لها حتى انصحتني اني مااصبغ عند اي مشغل عشان مايخربون شعري
ويحطولي صبغات خايسه قلتلها اول مره اتسرع كذا مالت علي
بس وش اسوي مضطره
الي تبي عنوان مشغلها واسمها ترسلي عالخاص للشعررر جد شاطره من كل النواحي
وانا والله والله يابنات مراح احط بذمتي شي كذب يضرني عند رب العالمين
ودايم ابي لكم الخير مثل مابيه لنفسي

وشامبو فيتشي انا اشتريته هي ماقالتلي لان مجموعتها مرطبه وماخليها تقرب
للفروه اخاف يطيح شعري فشريت فيتشي حق التساقط للفروه

النتيجه قل التساقط ولله الحمد والشعره رجعت لطبيعتها

تنبيييه مهم جدا : كثير اعرف ناس يشتكون من التساقط لما يحطون حمام الزيت
والسبب انهم يمسحونه من مقدمة الرأس وذا غلط يكتم المسام ويطيح الشعر
ابدا لايقرب الفروه يعني فرقي شعرك خصله خصله وابدي وزعي حمام الزيت
بالاطراف وعلى تحت بحركه سريعه بيدك وكرري لين تحسينه دخل بالشعر ولانت
شعرتك وعلى هالحال لين تخلصين ومرتين بالاسبوع بس
وبعدها تلفين بفوطه حاره وتخلينه ربع ساعه وتغسلينه


بالنسبه للمنتج هو ثلاث اشياء شامبو وحمام زيت وكريم ثاني الي هو الطويل
تقدرين تجعدين فيه شعرك وبنفس الوقت معالج

طبعا طريقته بالضبط مكتوب عليها

مع هالبرنامج جربت زيت يحوم الكبد بس على المدح الي عليه ومعروف من سنة حطبه
قلت بجربه واستمر عليييييه صرت احطه مرتين بالاسبوع مع هالمجموعه
والله شي خيااااال ماشاءالله تبارك الرحمن
اخليه ساعتين بس واسوي مساج للفروه وانا احطه وامشط شعري عشان يدخل
الزيت ماحب امشطه وهو مبلول اخاف يتقطع وغلط ومشطوا بشويش

مافي امل اطلعه برا لغرفتي واصوره غرفتي جديده وريحته تلزق
راميته بالحمام ههههههههههه


هذي صورته من النت

مركز تحميل الصور
اكيد تعرفونه النارجيل وبالعطار قديم بس والله ندمانه اني ماستمريت عليه قبل
قرفت من ريحته بس خلاص الله يبارك بالمسك يقشع ابوه

النتيجه بعد طووول ماشاءالله ونعومه

يلا فوتكو بعافيه



 

 

NAJOoLA-AL غير متواجد حالياً
Facebook Twitter 0
قديم 07-10-2012, 05:55 PM   #24
هجيرر
من كبار شخصيات الإقلاع
 
الصورة الرمزية الخاصة بـ هجيرر
هجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحبهجيرر فوق  هام السحب
تنظيف+صفاء+نعومة بشرة الوجة


مساء الورد



الحلوة الي قيمتني بمشاركتي بوصفة القشطة مشكوره ياعسلز

اليوم بقلكم كيف نجهز بشرتنا لأي مناسبه قبل العيد او زواج ا واو

نسوي بخار للوجه اذا عندنا جهاز بخار الوجه خير وبركه مثل هذا

ماعندنا ناخذ قدر ونحط فيه شوي مويا ع النار ونخليه يغلي

وقت مايغلي نجهز حاجاتنا المقشر+الماسك+ابرة الرؤووس السودا+منشفه+

بعد مايغلي سمي الله وخذي منشفه لفيها ع راسك مثل الصوره بحيث البخار يكون بوجهك بس انتبهو تقربو وجوهكم من القدر لاتنحرق
خلي المنبه ع 5دقايق وتالي يكون وجهك ندى من البخار
بسرعه قبل ينشف حطي السكراب(مقشر )تبعك ستفز او اي مقشر مرتاحه عليه
انا احب ستفز حبيباته صغيره وناعمه ع البشره
مقشر

الحين افركي وجهك بخفه وبحركه دائريه باصابعك ركزي ع الانف والذقن وحطي شوي ع الشفايف
الي عندها رؤوس سودا تجيب الابره وتضغط انفها بحيث تبرز الرؤوس وتبدا تشيلها
ثم غسلي السكراب بمويه دافيه ونشفي وجهك ومسحيه باي تونر تحبيه
احب تونر بونديس الي لونه ازرق بس مدري ليش مختفي بعد مايمتص التونر حطي الماسك تبعك وخليه عشر دقايق
انااحط شوفان+مويا ورد واحيان عسل+زبادي حيل رهيب هالماسك ومغذي

بعدين شيلي الماسك بمويا دافيه وجيبي قطنه مبلله موية ورد ومسحي وجهك ختى ينظف بعدين خذي بخاخ حاطه فيه موية ورد بارده ورشي وكثري ع وجهك حتى تتقفل المسام وهم تحسي بانتعاش

اول ماينشف وجهك حطي سيروم مغذي وثم الكريم او الكريم ع طول سواء كريم الليل المعتمد معك اومرطب عميق انا استخدم اولاي بس لفكر اشتري هذا احس عليه مدح واجد


حطي مرطب شفايفك ومرطب خاص للعيون

الافضل تسوين هالطريقه قبل لنوم حتى ترتاح البشره
اول ماتصحين بتشوفي بشرتك نظيفه وتلق ماشاء الله

ع فكره انا مسويتها البارح hap:
ونا ماخذه طريقتها من وحده اسمها روزالله يسعدها مع كم تعديل بسيط مني عموما هالطريقه شايعه وتنفع قدام المناسبات

في امان الله




 

 


اخر تعديل كان بواسطة » Lady Pumpkin في يوم » 02-11-2012 عند الساعة » 05:59 AM. السبب: حذف التوقيع
هجيرر غير متواجد حالياً
Facebook Twitter 0
قديم 23-10-2012, 04:05 AM   #25
$مسك$
خبير اقلاعي
 
الصورة الرمزية الخاصة بـ $مسك$
$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب$مسك$ فوق  هام السحب



* مرحبا
اليووم اغراضي برعاية " The BODY SHOP "





مجموعة الكرز الياباني
كان ودي في المجموعه القديمه
بس للاسف حصلت الشكل الجديد منها
من ناحيتي حبيت القديمه اكثر لان نسبة العطر فيها اخف من ذي
العطر: حلووه ريحته ماعليها كلام ينفع للصباح مرره حبييتهة 129 SR
الشاور جل : صرااحه ندمت اني شريته ريحته شيينه ماعجبتني 45 SR
اللوشن : حليووو يمششي احطه على جسمي بعدين ابخ عليه العططر
تثبت معااي الريحه 3 ساعات 69 SR
الزيت العطري : رهييب احط منه على شعري ريحتته ولا اجممل
كل مافكيت شعري خقيييت
المجموعه اعطيها 5/10
هل راح ارجع اشتريها : العطر والزيت العطري ممكن بس الباقي لا والللف لااا



كريم " ترطيب " للوجه بـ فيتامين E
SR49
عششقته لدرجة الثماااااااالهة غسلي وجهك وثمن حطي منه
مايدبق ويمتص بسرعه وريحته مش بطاله بس مدري حسيتها قريبه للجلسرين
تقيممي له 9/ 10 << عشاان الريحه ترا
واكيييد راح ارجع اشتريه مررره ومرتيين وثلاااث بععد



وهذا بعد كريم " ترطيب" للوجه فيتامين E
73 SR
بس هذا يعطي وجهك لمعة غرييبه ورديه انا احطه احيانا قبل الميك اب يعطيني مظهر حلوو بس لوحده احط خفيف يعني نقطتين واوزعها على وجهي
لان لو كثرتي يعطيك مظهر مرره اووفر ووجهك يصير يتلامع وردي
تقيممي له 6 /10
ماراح اشتريه مرره ثانيه لاني ماحبيته ولا ارتحت له
واللي جنبه مرطب شفايف برضو فيتامين E
24 SR
جمييييييل جدا يرطب من قلب حبيته واحلى شي ان فيه نسبة وقايه من الشمس
يعني ينفع تروحين فيه للمدرسه بس عيبه الرييحه لانها شوي شينه بس مقبوله
وفي طريقه داايم اسويها ومستمره عليها ومن بدات فيها ماعمري شفت شفايفي نشفت او تشققت حتى لو جلست يومين بدون مااحط مرطب اللي هي بعد ماتفرشين اسنانك اكيد شفايفك بتكون طريه ومبلله زيين او اذا ماكنتي بتفرشين بلليها زيين و افركي بالفرشه عليها بشكل دائري راح تحصلين كل القشور طااحت وحتى لو ماعندك فرشه ناعمه خذي طرف منشفه وافركي فيها بعدين حطي المرطب وشوفي النعومه كيف
تقيمي له 9/10 < بعد عشان الريحه
واكييد راح ارجع اشتريه اذا ماحصلت احسسن منه



قلوس " LIP AND CHEEK STAIN ROSE PINK "
55 SR
مرره بططططل عشقته يعطيك لوك طبيعي هو ينفع للشفايف وللخدود بس انا ماحبيته للخدود لانه ينشف بسرعه مايمديك توزعينه زيين فراح يعطيك شكل بايخ بس على الشفاايف جدا جمييل
تقيمي له 10 / 10 < الحب ومايسوي
اكيد راح ارجع اشترييه
سواتش





فرشه تنظيف بشرة الوجه
اتوقع 24 SR
ناعمه وماتخدش لك بشرتك وتنظف صح



مشط
ناسيه سعره بس اتوقع 30 SR
احلى شي فيه انه يفك لك التشابك بدون ما يقطع شعرك او يسبب بينه كهرباء
بججد انصحكم تشترونه



فرشاة الجسم مصنوعه من الالياف
69 SR
تنفع للصفره الجافه ( السويديه )



قلفز للصنفره
17 SR
بديييعهة تصنفر لك زين الزييين



زيت عطري للفواحه بالرمان والتوت
نسيت سعره بس مايتعدا 40 SR
ريحته شي مو طبيعي رايييققهة لابعد حد

ولي باك بمشترياتي من السوبر ماركت والصيدليه



 

 

$مسك$ غير متواجد حالياً
Facebook Twitter 0
قديم 26-10-2012, 05:51 AM   #26
أنــــا فتــــاة
متميزة مملكة المرأة
أنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحب

شامبو Curlywurlygirly / لوش lush

منتجات لوش بريطانية هي عبارة عن مستحضرات تجميل ونظافة طبيعية طازجة محضرة يدويًا بدون مواد حافظة بأسعار مناسبة ، كانت إضافة جميلة بالنسبة لمستحضراتي التجميلة والنظافة إبتكار يستحق التجربة والإستمرار والإشادة تمنحك مظهرًا مثالي ورائحة جميلة عطرة والأهم شعور رائع ونتيجة سريعة قمت بتجربة منتجات لوش ولدي الكثير منها ينتظر دوره في التجربة ، يمكنك شراء المنتجات في طريقتين إما طلبها عن طريق موقعهم الألكتروني ( www.lush.co.uk ) يقدم خدمة الشحن المباشر وأسعاره أرخص من الأمريكي أو من المحال المتوفرة في المجمعات التجارية وهي قليلة في السعودية ولكن بسعر مضاعف ثلاث مرات !.




أول تجاربي كانت مع شامبو كيرلي ويرلي Curlywurlygirly الرائع على الرغم من وجود كلمة ( مجعد ) ضمن إسمه لكنه في الحقيقة يناسب جميع أنواع الشعر وليس فقط للشعر المجعد ، يساعد على التخلص من ضرر أدوات تصفيف الشعر خصوصًا المكواة التي بدورها تؤثر على سماكة الشعرة وطولها بسبب ماتتركه من تقصف وتلفان للشعرة مهما كانت نوعيتها وجودتها .

حجم الشامبو 220 جرام مقارنة بحجم الشامبو التجاري قد يبدو مكلف نوعًا ما من ناحية السعر والحجم ! ، لكنه في الحقيقة اذ أحسنتي إستخدامه قد يستمر معك إلى خمسة أشهر وأكثر ، طريقة إستخدامه سهله تقومي بتبليل شعرك ثم تأخذي قطعة صغيرة بحجم فاصلة الأصبع وتفركية في جذور شعرك من ثم نصف الحجم الأول لبقية أطراف الشعر ، الشامبو تخرج مع رغوة جيدة وتكفي طول الشعر .




ملاحظات بعد الاستخدام

عند فتح العلبة لأول مرة ستأخذك رائحته إلى جوز الهند مباشرة ! وأحيانًا أشعر حقًا بأكله هذه الرائحة الجميلة تبقى في الشعر من الحمام الأول لثاني .
شعر قوي كشعر الصور ( الباربي القديمة ) لا أقول الشعر ناعم وحريري أو زبدة لكن شعرت لأول مرة أن كل شعرة في شعري منفصلة عن الأخرى وقوية ولماعة ورائحة خلابة مع المحافظة على تموجات الكيرلي .
أكثر شيء ضايقني هو بقاء رقائق من جوز الهند تبدو مثل الصمغ الصغير في الشعر لذلك يجب شطفة بماء فيه برودة قليلة حتى لايتبقى منها شيء في الشعر .
من مكوناته الليمون ، ومعروف أن الليمون يساعد في تطهير فروة الشعر من المخلفات .
عند استخدام شامبو كيرلي ويرلي أستطيع تجفيف شعري بالإستشوار حتى بعد جفافه تمامًا من الماء وهذه الميزة كنت افتقدها قبل إستخدامه ويكون بمظهر الجميل واللامع .
بعد كل استخدام ستلاحظين ليونة واضحة للشعر .
لاتحتاجي لبلسم الشعر من بعد استخدامه .
يعطي امتلاء طبيعي للشعر .

عن المنتج من موقع لوش السعودية
زيج مدهش من جوز الهند و الليمون و الفانيليا و قطع الزبد لمعالجة الشعر المجعد والمضفر ، يبدوفي شكله مثل بودنج الأرز، و رائحته مثل اّيس كريم جوز الهند .

تكرار الشراء
نعم بملاحظة إني استخدمه مرتين في الاسبوع لأني لا أفضل تعويد الشعر على نوع واحد من الشامبو حتى لايفقد إستجابته .

سعر الشراء
115 ريال من محال لوش المتوفرة في الرياض
يمكنك شراءه عن طريق موقعهم في السعودية





فيتامين سي سكن فود / Skin Food vitamin c

الجسم عامة يحتاج جدًا لفيتامين سي بشكل منتظم حيث أنه عامل مساعد للقضاء على عناصر الأكسدة في الجسم لكن لا إفراط ولا تفريط لأن الاكثار منه يساعد على ترقيق البشرة ومشاكل في طبقة الأدمة الداخلية ، البشرة بشكل خاص هي موضوعنا .
العلاج بفيتامين سي يساعد على نضارة البشرة وإعادة الحيوية ويجعل خلايا البشرة في تجدد دائم وأيضًا يؤجل ظهور التجاعيد من خلال تغدية طبقة الكولاجين التي هي أهم مكونات البشرة ويقوم بتوحيد اللون من خلال التخفيف من البقع الداكنة إلى الإختفاء كذلك هو حامي قوي من أشعة الشمس الضارة ، توجد الاقراص الفوارة أو الحبوب أو المحاليل الخارجية .






فيتامين سي سكن فود
محلول لطيف غير مكرر( عادة المكرر رائحته ولونه محروق ) طبيعي صناعة كورية يدوية لاتدخل فيه المواد الكيميائية يناسب البشرة الحساسة وغير الحساسة ، منتج ثانوي في إستخدامي اليومي أقوم بغسل البشرة بالغسول المناسب من ثم وضع كمية قليلة وتوزيعها بالطريقة الصحيحة لأن أي إستخدام خاطئ قد يؤثر سلبًا على البشرة .
العلبة زجاجية أنيقة تحوي على 50 مل تنتهي خلال عام وتكفي تقريبًا ل 5 أشهر مع الاستخدام المعتدل إستخدامي كل يومين مرة .





لماذا آفضل الطبيعي ؟
نتائج طبيعية تعالج البشرة تدريجيًا يستمر أطول فترة ممكنة

النتائج بعد ثلاث شهور استخدام
بشرة نضرة رطبة ندية وتوحيد اللون بنسبة 50٪ من خلال أول شهرين إستخدام ، استخدمة كعناية أكثر من علاج لأني مؤمنة بأن الوقاية خير من العلاج .

تكرار الشراء
نعم ، طبيعي وسعره جدًا مناسب لحجمه ومفعوله
عيبه أنه لايتوفر إلا في المحلات ولايوجد في السعودية وإن وجدته في مواقع الانترنت فشركات الشحن لاتشحن الزجاج والسائل .

مكان الشراء
دبي / مجمع فيستفال
السعر بحدود 60 ريال


أتمنى أفدتكم ولو بالقليل دائمًا أخذ منكم




 

 

أنــــا فتــــاة غير متواجد حالياً
Facebook Twitter 0
قديم 26-10-2012, 08:34 AM   #27
princess amira
من كبار شخصيات الإقلاع
 
الصورة الرمزية الخاصة بـ princess amira
princess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحبprincess amira فوق  هام السحب


Is this how MARILYN MONROE felt ??
Must be how MARILYN MONROE felt ??


كلنا سمعنا عن كوليكشين مارلين مونرو في ماك
هوا نزل بدايه اكتوبر برا وايام وخلصو البنات حتى بنات يبغو يطلبو اون لاين مالقو !
انا حطيت رقمي في ماك فرع المملكه على اساس لو نزل الكوليكشين يكلموني
لاانهم كانو يقولو احتمال كبير ماينزل بسبب الصور وكذذا
المهم اليوم نزلت اتقضى للعيد وتدق عليا اريج اختي اميررره الححححقي
كوليكشين مارلين اللي تبغي نازل بماك في صحارى انا هااا
كيف ماكلموني ولا شي !! قالت كيفك ماادري عنهم
وانط على المملكه بما انو اقرب شي ليا وقتها وبسرعه على ماك
واطالع يمين يسار ماافي شي !! اسال البنت تقولي لامانزل لسى اقولها كيف
بصحارى نازل قالت ايوا بس صحارى باقي الفروع بعد العيد ان شاء الله
فعلشان كذا حبيت انزل البوست تشوفو قبل لا يخلص الكوليكشين وكذا
وروحت لصحارى والاقي ومبسسوطه واصورو للبنات



الصدمه دحين لمى جيت اسوي البوست واشوف الكوليكشين كامل بالويب سايت
تبعهم الاقي فرررق !!
اصلا وانا هناك اشوف مناكير ازرق اقول ايش جاب الازرق لمارلين !!
بس قولت امكن وانا ماادري بس شكل الناس ملخبطين الدونيا هناك
والمناكير ماعليها صور مارلين للاسف فااكيد تللخبطت


المهم هذي صور الكوليكشين
وهذا رابط للكوليكشين اذا حابين تشوفو اكتر

كود:
 http://www.maccosmetics.com/whats_new/9483/New-Collections/Marilyn-Monroe/index.tmpl
بقولكم على اللي شوفتو
بودره هاي لايت ماحبيتها مرررا مااااات وباهته وكان لي تجربه مع هاي لايت
من ماك قرريب منو وماكان واااوو !!
لونين بلاشر مررررررررا باهته لاابعد درجه تتخيليها بحياتك !!
حاولت يمين يسار اقتنع فيها علشان العلبه بس ابددا اللون حتى على يدي مو باين
اربع الوان اي شدو انا جربتهم علي يدي حلوين بس مو اللي يستاهل الواحد ١٢٠ !!
غير اني شوفت ميك اب تيفاني اليوتيوبر المشهوره ماتمدحهم مرررا
خمسه الوان ارواج :
٢ من درجات الاحمر مررررا حلوين ماقومتهم بصراحه
واحد احمر بينك يجننن وامكن ارجعلو
وارنج ونيود على اورنج انا مااحب الاورنج فما حبيتهم + مارلين مشهوره بالاحمر
يعني حلاوه الكوليكشين بالاحمر وكذا على اساس لو حطيت احمر بسير مارلين هههه
اي لاينر اللي يجي زي القلم والراس زي الفرشه مااحب هذا النوع ابدا ينشف بسرعه
لو جبتي من اطلق ماركه
نفس الاي لاينر لون بني للحواجب مافكرت في ابدا
في كحل ابيض ومسكرا وشي ابيض وكلهم سمعت انهم عاديين
مسكرا كمان عاديه بصراحه
٣ ليب لاينر الوانهم حلوه بس ماعليهم رسمه فما تحمست ههههه
٢ ليب جلوس لونهم شفاف فيهم جليتر عادديين بصراحه
والرموش مرررا طويله وتبين انو تركيبه مااحب كذا
للي حابه تشوف راي تيفاني اللي هيا ميك اب ارتست عن الكوليكشين هنا
كود:
 http://www.youtube.com/watch?v=Ea3Kxk_qVEY&list=UUrKdCadbo4eN_toHMa4-FSA&index=6&feature=plcp
دحيين نيجي للي اخدتو



روجين ومناكير
الروج الواحد ب 106
المناكير ب 80
من ماك فرع صحارى
صراحه احترت بين الاحمرين بعدين اخدتهم الاتنين هههههه وناويه ع البينك الاحمر



نيجي للارواج الباكينج حقها حلوه وغير عن العاده




ولمى تفتحي احب الديتيلز






زووم





الاول الاحمر الغامق او العوودي يجججنن ونوعو مات



حاووولت ابينو بالصوره زي الحقيقه هوا غاامق



هنا درجتو "DEEPLY ADORED"
نفتح الثاني



ابدا ماني خاقه على الشفايف هذي هههههه
لونو احمرر غامق اممم مااعرف اوصف بس مو احمر احمر







هنا درجه اللون "CHARMED I'M SURE"
وبرضو مات
هنا العلبتين سوا ترا اشكالهم حمستني اصور غصبا عني ههههه



اللونين مع بعض علشان يبان الفرق



وصورتهم مع ريشين ريد علشان تعرفو الالوان تقريبا
لاانو ريشين ريد عند اغلب البنات



وهنا سواتش للالوان على ورقه



وهنا كمان



نيجي للمناكير بصراحه مرا جربت مناكير ماك وعلى طول تقشرت
بس اليوم عججبني اللون واخدتو وقولت نجرب امكن كوويس
اللون احمر احمر احمر



للاسف الباكجينج كان عادي والعلبه ماعليها صوره



حاولت اصورو واضح باايدي بس للاسف بس يطلع علي فوشيا مو احمر
بس بصراحه الدرجه حلوووه وماتتفوت السواتش بالبلوج

وبسسس اخيرا خلصت قلك بسوي قصير وسريع بس انا قرقوره مااقدر
لاازم احكي كل شي ههههههه
وكككككل عام وانتو بصحه وسسلامه ياررررب وينعاد عليكم سنين وسنين

استودعتكم الرحمن




 

 

princess amira غير متواجد حالياً
Facebook Twitter 0
قديم 27-10-2012, 04:46 AM   #28
أوافـق بشـدة
مبدعة مملكة المرأة
 
الصورة الرمزية الخاصة بـ أوافـق بشـدة
أوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحبأوافـق بشـدة فوق  هام السحب

Review




السلام عليكم..
كل سنة وانتو طيبين وعيد اضحى مبارك علينا وعليكم يارب..
وبما انه عيد والفضاوة مقطعه بعضها معايا قلت خليني انزل ريفيوو..>>مستحية منكم
في البداية انا بقولكم اني انسانة متأزمة من شفايفي ..لانها محددة خلقة ..ورغم محاولاتي الكثيرة اني اعالجها واكثف العناية والترطيب بس مافي شي فاد ابدا .. فلجأت للخطة ب وهيا تغطيتها باقلام التحديد
في ناس تحب تحط كونسيلر وبودرة ..وانا هذا الشيء مررة ماناسبني ويحسسني انو في طبقات وتكتلات فوق شفايفي..
فسرت استخدم اقلام تحديد الشفايف عشان اوحد لون شفايفي وكمان تعجبني بثبات لونها..
يعني تقدروا تقولوا اني استخدمها كـ أرواج

هذه صورة لمجموعه اقلام التحديد..
وباقولكم كل نوع ايش ملاحظاتي عليه..



راح ابدا باقلام التحديد من LOOK
الاغلب مجربينها ..ارخص شي موجود بالسوق سعرها 10 ريال
ثبات سيء وتغطية سيئة واحسها مررة تنشف شفايفي وتحوسني..
الصراحة من افشل ماجربت بحياتي .. يبغالها حملة مقاطعه
0 من 5

اقلام التحديد من Bobbi Brown
سعرها مرتفع جدا مقارنة باقلام التحديد من الماركات التانية ..حوالي 140 ريال
ثباتها متوسط وتغطيتها ممتازة..
عيبها تعطي مظهر جاف للشفايف تحتاج مسحة مرطب او قلوس خفيف فوقها
3.5 من 5... بسبب سعرها

اقلام التحديد من MUFE
سعرها حوالي 80 ريال.. يستاهل كل هلله تندفع فيه..
ملمسه كريمي مررة حبيته ..مايحسسك بالجفاف ابدا..
يعتبر ضد المويا فثباته عالي..مناسب مررة للخرجات والسهرات ..
تغطيته مررة ممتازة.. ودرجاته مررة حلوة .. فسرت اعتمد عليه كبديل للروج
5 من 5

اقلام التحديد من MAC
مرررة تنافس بوبي براون
نفس درجة الثبات والتغطية
بس بفرق السعر .. انا اشتريته اخر مرة ب 83 ريال
وكمان قلم ماك اطول بكثير من بقية اقلام التحديد في الماركات الثانية
اول مرة اشوف شي في ماك اقتصادي مقارنة بغيره
زي ماقلت في بوبي براون برضو ماك تحتاج لمسة ترطيب فوقها
4 من 5

اخر شي... اقلام التحديد من NYX
محدداتها عادية مافيها شي زاايد ..
يعني ثباتها متوسط وبرضو تغطيتها متوسطة
سعرها اقل من 20 ريال
اكثر شي حبيته عندهم درجة اللون البرتقالي orange 824
2.5 من 5

ان شالله يكون الريفيو مفيد لكم خصوصا للي عندهم نفس ازمتي ..






 

 

أوافـق بشـدة غير متواجد حالياً
Facebook Twitter 0
قديم 28-10-2012, 04:11 PM   #29
Feminine Thingz
متميزة مملكة المرأة
 
الصورة الرمزية الخاصة بـ Feminine Thingz
Feminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحبFeminine Thingz فوق  هام السحب
ام الفلافل أشياء يمي بس ما أقدر آكلها !



كل سنة وإنتم طيبين ، وعيدكم مبارك وسعيد يارب .




زمان ماكنت أحب العطور اللي روايحها متعلقة بالفواكة والفانيلا والأشياء الحلوة ..
لكن مع الوقت ماقدرت أقاوم ابداع بعض الشركات بمزجها لهذي العطور حتى تطلع بريحة رائعة..
وصرت أموت بهالنوع من العطور اللي روايحها لذيذة ومنعشة لأني ممكن أحب يوم السبت وأحب نفسي لما أبدأ يومي بدش مع مجموعة عطرية جميلة . بهذا البوست راح أتكلم عن أكثر أغراض الاستحمام اللي استخدمتها وحبيتها مؤخراً .










Pink Chiffon



هذا الشيء وبلا منازع نمبر ون عندي .. سبحان الله أنا أحيانا أكره بعض العطور أو أمل من ريحتها !
بنك شيفون لا .. مازلت أحبه .. وأحس بسعادة لما أشم ريحته .
ريحته شي حلو ومنعش وأنثوي ماقدرت أحدد وشو بالضبط لكن مكتوب عليه إنه مزيج من الفانيلا وألواح الحلوى والمسك . والأحلى من كذا شكل العلب ولونها جميل .







Dark kiss



لو للحنان ريحة فهو ريحة هذي المجموعة ، ريحته ورد على فواكه على حلاو ..
يمكن مكوناته متشابة مع بنك شيفون لكن ريحته تختلف تماماً عنه وأساسا ماتقدرين تتوقعين ايش هالريحة .
يذكرني بأيام الملكة .. وكل ماحطيتها أشعلت الحنين في قلبي
خفت ريحة العطر لأنه من زمان عندي .. وطبعاً أكيد مع أول زيارة لي لباث & بودي راح ألقط لي العطر والسبراي .








شامبو وبلسم من ذي بودي شوب



هالجميلين بريحة العسل ، عسل عسل طبيعي حقيقي .
الشامبو مايطلع رغوة قويه لكن ينظف الشعر ولا يجففه .. مكتوب إنه يعالج الشعر ومناسب للجاف لكنه ناسب نوع شعري العادي .
الشامبو مع البلسم سوا ممتازين شعري يكون فيه طرواه ولمعه .. غير كذا الريحة تمسك بشعري وكأنها ريحتي خلقه .







آيس كريم ؟



قطع الصابون الجميلة هذي وصلتني من أخت تبيع هالصوابين من النت
عجبتني أشكال الصابون لكن للأسف ماتقدرين تاكلينها ..
روايحه منعشة أخذت بالليمون والفواكة . الصابونة نفسها ماتطلع رغوة كثير ويمكن عشان كذا ماأحسها تنشف .
الشكل يسمح لها إنها تكون هدية مبتكرة.






Vanilla lace



أخيرا بأقول عن شي كنت أظن إنه حلو خصوصا إن الفانيلا داخله فيه لكن مع الاستخدام للأسف ماحبيته وماأتوقع إني ممكن أشتريه مره ثانيه .
الجل شاور والسبراي واللوشن بريحة الفانيلا والمسك من فيكتوريا سيكريت
أول ماشميته قلت واو فانيلا غنية .. لكن لما رحت البيت وجربه حسيت ريحته كأنها بلاستيك
مو بس كذا عندي غيره برودكت ثاني من فيكتوريا سيكريت .. روايحهم كلهم ماتثبت أبد !
عكس باث أند بودي ووركس مع إنهم كلهم من شركة وحده !



وبس ، يارب تكونو استفدوا



 

 

Feminine Thingz غير متواجد حالياً
Facebook Twitter 0
قديم 28-10-2012, 09:22 PM   #30
أنــــا فتــــاة
متميزة مملكة المرأة
أنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحبأنــــا فتــــاة فوق  هام السحب


مقشر بوبي براون Buffing Grains for Face

نضارة بشرة الوجه وصفائها تتوقف إلى حد كبير كباقي أجزاء الجسم على الراحة ( النوم ثمان ساعات في الليل ) ، الرياضة ( نصف ساعة يوميًا يفضل في الصباح ) ، الغذاء المتوازن والنظافة ، غالبيتنا يتجاهل الخطوات المهمة ويتجه للنظافة ! النظافة مهمة وأساسية كغيرها إلى حيوية وجمال البشرة لكنك لن تحصلي على النتيجة المؤملة اذ تجاهلتِ أحد العناصر ، وبشرة الوجه تحتاج إلى عناية مكثفة يومية وتدليك دائري ناعم جدًا أثناء الغسيل وإختيار الغسول والترطيب المناسب لنوع البشرة .



نوع البشرة المستخدم عليها المنتج
البشرة الدهنية الحساسة
إذا كانت البشرة العادية تحتاج إلى عناية فالبشرة الدهنية تحتاج إلى ضعف تلك العناية ، نتيجة الافرازات الدهنية الزائدة عن المعدل الطبيعى للغدد الدهنية بالجسم التي بدورها تؤدي الى ظهور حب الشباب والبثور واتساع المسام والترهل والبقع السوداء ( مأساة ) الدهون في البشرة .

عن المنتج
مقشر بوبي براون ، أثق جدًا بمنتجات بوبي براون كعلاج حتى في منتجاتهم الجمالية ، المنتج عبارة عن بودرة تحوي على حبيبات مقشرة يمكنك إستخدامها مع الماء أو مع غسولك المستخدم لتنظيف البشرة يحرك بشكل دائري حتى يجف ويترك قليلًا ثم يشطف بالماء ، يناسب جميع أنواع البشرة ( جافة ، مختلطة ، دهنية ) أستخدامه مرة في الأسبوع اذا كانت بشرتك غير حساسة مرتين في الأسبوع .
مكوناته من موقعهم : مسحوق فول أدزوكي اليابانية للمساعدة في إزالة البقع السطحية الجافة وتشجيع الجلد ودوران الخلية .
حجمة 28 g

النتائج
- بشرة نظيفة بعمق متوسط علمًا اني أقوم بغسل بشرتي من مرتين لثلاث مرات في اليوم بالغسول الخاص.
- امتصاص بشرتي لكريمات العناية والترطيب بشكل ملاحظ التي بدورها هي تحتوي على مقشر طبيعي للبشرة وتساعد على إغلاق المسام والتخلص من أثار حب الشباب تدريجي ( سأكتب لاحقًا عن المنظفات والمرطبات والعلاجات المستخدمة )
- لا أحب تكرار شراء المنتجات فالسوق غني بالماركات العالمية وعادة البشرة لا تستجيب لفترات طويلة لمنتج واحد .

سعر ومكان الشراء
200 ريال
هارفي نيكلز / دبي ، غير متوفر في المنطقة الشرقية
بوبي براون موجود في الرياض + البحرين أو موقع سيفورا لطلب أون لاين




 

 

أنــــا فتــــاة غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 12:58 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2017, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017