منتديات شبكة الإقلاع ®


 
الرئيسية جوال الإقلاع

تشات الإقلاع

قناة الإقلاع اختصار الروابط عضويات التميز سوق الإقلاع

انظمة الإقلاع

الأخبار البحث رفع الصور

شعبيات

بوابة الانباء اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 16-05-2017, 07:31 PM   #1
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
على سجيّتي تجدونني هنا

مساكم الله بالخير
شلونكم الله يجمّل حالكم

عوده للتدوين بعد فترة غيييياب وبعد برامج اجتماعيه قبيحه صارت تقريبا
ورغم إني فتحت مدونات الكترونيه لكنها مزعجه صراحةً بالتصاميم والصفحات شي يقلب التسبد وماهي مريحه للقارئ

قررت أعود للتدوين صراحه ولا لقيت أفضل من الإقلاع رغم اني سجلت وقالوا لازم 10 مشاركات عشان يفتحون كل الاقسام
للامانه كانت اثقل 10 مشاركات لي احس اني توهقت مدري وش ارد ووين واحسهم متشددين بعد ما يبون ردود تسليك

وابششركم أني تميتها ولله الحمد والفضل والمنه

قررت استغني عن البرامج بالجوال موب استغناء استغناء اكيد مالنا غنى عن تويتر يعني بس قررت اجي ادون هنا افضل وأريح لي المجال مفتوح هنا وعدد حروف لا نهائي
والجميع يقرون سواء ضيوف او اعضاء

محدثكم من حايل وخرّيج ولله الحمد هالترم اخر ترم واخر اختبار الاحد دعواتكم لأنه لو حملت الماده راح اجلس سنه كامله عشانها
ويمكن فتحت المدونه لأني طفشت من المذاكره بعد
وفيما يخص العنوان للمدونه اتمنى انه لامسكم لأني فعلا احب اكون على سجيتي حتى بالتدوين ما احب التنسيق ولا التلوين واذا دخلت مدونات به تنسيق صراحه أُعجب به

لكن سالفة اني اصمم وانسق هه تجينن غلدزه وضيق بالتنفس
كانت لي تجربه بالتدوين سابقا والحمدلله كان لي ناس يتابعوني قررت اجرب التنسيق ونسقت احد الردود ذاك اليوم والصفحه اعتفست والنص مدري وين راح وضاق صدري وقفلت المنتدى كله


المهم مالكم بالطويله بتلقون هنا سوالف ويوميات وحتى خواطر

تحرّونا كل ما هذا هنا



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 16-05-2017, 08:36 PM   #2
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

مررت بجانب البيت العتيق سمعت فيه الصوت الرقيق
ما كان مروري مرور الغريب ما كان إلا شوقاً وجد الطريق
لزمت أعتابه وسطّرت الأشواق على بابه علّه يشهد قصة العشيق
فحنّ لي بابها وشرّع نفسه رأفةً بنفسي التي لم تطيق
صبراً إلا أن ترى من يروي عطش شوقها الفليق
رأيتها فسألتها هل أنت حقيقةً أم سراب يريد أن يطيل الطريق
أجابت ضاحكةً إنما أنا حلمٌ فلا أريدك من النوم أن تفيق



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 17-05-2017, 03:03 AM   #3
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

يالله انك تصبحهم بالخير

شلونكم يا بعد حيي
انا توني اكتشفت ان حياة المتزوجين صعبه اي والله
اتصلت اختي تبي حفايظ لولده وقلت خلاص اجيب

انا خابر به صيدليات قريبه من البيت المهم مشيت وقلت بمرهم يوم قربت للبيت الا كل الصيدليات مقفله مدري وش جايهم
عاد اقرب صيدليه يبي لي ربع ساعه اروح وارجع
عاد المشوار ابو ربع ساعه تراه طططويل عندنا
حنا مشاويرنا بحايل كله على بعضه 10 دقايق ما تطول
يعني بالجنه مقارنه بأهل الرياض

الوكاد
الحمدلله اني للحين عزوبي ولا اتخيلني انام بدري لأن وراي دوام وتقومني ام العيال تقول مابه حليب والوغد يصيح بعد ولا هو ساكت لين يرضع هذي والله اللي مابه طب
عاد من بيقوم من فراشه ويتقضى لشين الحلايا

عاد الله حق نومي خفففيف يعني لو طق الباب افز من نومتي طبعا هلي ما يعترفون بطق الباب ولا يعترفون بالخصوصيه ما به الا قو درعمه وشق للخصوصيه شششق

المهم انا مدري شلون بنام مع زوجتي بنفس السرير ولا بعد فيه بزر يمكن يخاشرنا يا حبيييبي
خررربت ام النومه

على كل حال
اعتقد لزوم يكون فيه خطه طارئه في حال خلصت الحفايظ ما ينفع كذا الواحد يصحى من نومه عشان وغد
لفوهم بقطعة قماش لين يجي الصبح والحياة تمضيه وحلو الوغد يتعود على الوضع من صغره عشان يعتمد على نفسه بمثل هالمواقف اذا كبر



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 17-05-2017, 01:46 PM   #4
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
Eq14 63 رد : على سجيّتي تجدونني هنا

يااا ساتر يا ساتر

ذبحونا العالم بالمسابقات !
تدخل السناب تلقى احد مرسل لك بالخاص تستانس واخرتها محادثه ولا بعد تفتح المحادثه تلقاهم مرسلين حساب شخص بالسناب قايل لهم انشروه عشان تدخلون السحب على الجائزه طبعا هو ما يدري نشروا له ولا لا بس طاح له بكمخ يشغلون الناس وينشرون الحساب وبالاخير يضحك عليهم
ليته على هذي بعد يسوون مسابقات وكبتشروا الصوره الفلانيه وتكفون والهمه
والحين بتويتر ادوخونا كل ما ادخل القى شخص مرسل لشركه او مستوصف او اي مطعم كم تبون ريتويت واتعشى مجانا ولا تعطوني ايفون ولا تزينون سنوني اللي كنها صفة خبول

انهبلوا العالم مسابقات إيڤري وير
المشكله حساب من مية حساب هو اللي يوزع جوايز صدز الباقين خرط بخرط

بس باقي الواتس ما سووا مسابقات يعني هذي الحسنه الوحيده بهم



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 18-05-2017, 07:02 PM   #5
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

مساكم الله بالخير
مساؤكم هلالي بإذن الله وان شاء الله نفرح بالفوز
بعد نومه عميقه جميله وبعد ما شفت بالحلم ان ادواردو يحتفل بهدفه على الاهلي ويرش الملح
كل ما يقرب وقت المباراة تفاؤلي يزيد والله
الوكاد
طبعا هالنومه العميقه ما جت الا بعد ما كنت مواصل بس اللهم نمت ساعه وقمت للفجر وجلست من عقب الفجر لين 7
عاد بعده عطيتها الدعسه لين الساعه 3

المهم الصبيحه كنت بالمطار اتأمل الشروق طبعا كنت اودع مسافرين ولست مسافرا واتأمل في خلق الله اللي بيسافرون كلهم يضحكون يا سبحان الله لهالدرجه تأثير السفر جميل

وما شدني للأمانه الا موظف الامن بالمطار وكيف يتحمل هالمهنه البائسه يوميا يودع المسافرين ويستقبلهم وعلى بداية اليوم

طبعا كل الموظفين كوم والموظف حق تفتيش الاغراض كوم لحاله وشغلته انه ينقل الصندوق الفارغ بعد ما خرج من جهاز التفتيش للجهه الثانيه عشان يحطون به اغراضهم مره ثانيه وعلى هالحال
ياه على طولة بالك ياخي على المهنه البائسه هذي

أخيرا
عليم الله اني ودي اعرف الفيد باك فيما يخص المدونه ولكن ما راح يطلع التقييم الا بعد 250 مشاركه عاد محسوبكم عجزان يوصلها 250
لكن ان شاء الله انها عاجبتكم هههههههههههههههههههههه

وسيروا علينا هنا
http://www.vb.eqla3.com/showthread.p...1#post51074299



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 18-05-2017, 07:31 PM   #6
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

لسنا ملائكةً منزلين ولسنا عن الخطأ منزهين والتقصير لابد منه بأحد الأيام
والعتاب من منهم حولك واقعٌ لا محاله

- حطها ببالك سواء كنت مقصر أو معاتب



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 19-05-2017, 04:03 PM   #7
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

احم احم
عدنا والعود احمد اذكركم بالكلام اللي قلته امس ؟
يالله
إقتباس »
مساكم الله بالخير
مساؤكم هلالي بإذن الله وان شاء الله نفرح بالفوز
بعد نومه عميقه جميله وبعد ما شفت بالحلم ان ادواردو يحتفل بهدفه على الاهلي ويرش الملح
صار ولا ما صار يا متعلمين يا بتاعين الاحلام وتفسيرها !

ما تحتاج تفسير واضحه وضوح الشمس
ومبروك الكأس وهاردلك يالاهلاويين

الحقيقه ان هالسنه مميزه بفرحها وحزنها حيث شهدت الآتي
تتويج وعودة الهلال للدوري قدام النصر
تتويج الهلال بكأس الملك قدام الاهلي واخذنا الثأر منهم
تخرجي

اما عن الاحداث الحزينه فهذا ما يهمكم حقيقةً ما ودي تحزنون من اجلي هه

قبل يومين كنت اقول ان الاسبوع اللي فات بطيئ واني توترت وانا انتظر هالاختبار طبعا اخر فاينل لي بالجامعه
بس المشكله يوم قرب الحين كن بطني مغصن
توترت قسم بالله مدري ليه لكن الله يجيب العواقب سليمه

طبعا الاحد عندي نظري والاثنين والثلاثاء عملي
وان شاء الله أزف لكم خبر التخرج بعد ما اخلص من اخر اختبار
وفيما يخص الدرجه طز ماهي فارقه معنا
خلصنا من هم المحاضرات وهم بعض الدكاتره الاغبياء اللي تجبر على حضور شرحه اللي مثل وجهه
انا ما عندي مشكله اداوم من 8 بس فكني من شي اسمه دراسه ودكتور يقرق فوق راسي واخر شي ما استوعب شي من كلامه
اعتبرني حمار مكده بس لا تعتبرني طالب
بعض الدكاتره ممتازين وظليمتهم شينه لكن الغالبيه سيئين وهذا ما يميز جامعة حايل

عموما اختصر الحاله اللي انا فيها حاليا بمناسبة الفاينل
كلمة بن مساعد الشهيره
احس من كثر ما انا متوتر صرت غير متوتر
دعواتكم لنا بالتوفيق ودعواتكم لي اقوم اذاكر لأني مصخته وانا جالس بلّوشي



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 19-05-2017, 04:05 PM   #8
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

لا تستخدم لغة التهديد في علاقاتك مع الناس
لا تظهر بمظهر الضعيف الذي لا حول له ولا قوة سوى أنه يكشف خصوصيات هذه العلاقه ويهدد بكشفها للملأ



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 20-05-2017, 12:25 AM   #9
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

مساكم الله بالخير

شقد طموح الطالب صغير
بداية الترم يقول بيجيب A+
بعد الميد والله الـ B+ طيب
قبل الفاينل يبي السلامه
هههههههههههههههههههههههه اهه بس

الحقيقه يا اخوان اني منحاش من المذاكر
سبحان الله ما اصبر علللليه اذا جلست اذاكر احس اني منكتم متعود عالطلعات والمشاوير والكرف اما اني اجلس بالبيت واحشر نفسي ممما ينفع

وعلى فكره انا مؤمن بأنه طبيعي ان البنات متفوقات دراسيا عالشباب بسبب جلستهم بالبيت واغلب الوقت يقضونه بالبيت فماشاءالله من الطفش تجلس تذاكر

عكس العيال يعني اللي تعود عالطلعات والاستراحات او على المشاوير خلاص ما يحب جلسة البيت خصوصا وقت الاختبارات خلاص ينكككتم كتم كذا ما يقدر يتنفس

طبعا اكيد فيه بنات مستواهن ماهو هكالزود رغم فضاوتهن وفيه شباب ماشاءالله دوافير رغم كثرة اشغالهم
لكن لو جينا نتكلم عن نسبه وتناسب البنات يغلبون الشباب
وهذه الدراسه من كيسي

المهم جالس افرفر بالمدونات قبل شوي والقى وحده كاتبه ليه التقييم الاحمر واشوف مشاركاتها الا مثلي قلللت شششلون طيب انا ليه ما يجيني شي
وانا اقلب الموقع كله وافتشه صفحه صفحه قلت الا القاه اكيد كنا سواسيه بالاقلاع وما يفرقون بين عيال وبنات

واشششوا ابششركم وانا القى التقييم وترتاح نفسيتي
عاد مع الاسف ولا تقييم يخص المدونه ههههههههههههههههههههه

انا احب اعتذر لكم عن وقتكم الضايع وانتم تقرون الخرابيط اللي اكتبهن
بس يالله قدّروا النفسيه هه



 

 

#الدحممي غير متواجد حالياً
Facebook Twitter 0 اضافة رد مع اقتباس
قديم 20-05-2017, 12:44 AM   #10
#الدحممي
عضو نشيط
 
الصورة الرمزية الخاصة بـ #الدحممي
#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب#الدحممي فوق  هام السحب
رد : على سجيّتي تجدونني هنا

^وعلى طاري التقدير

الحياة تحتاج للقليل من التقدير للناس بين بعضهم البعض
تقدير الظروف تقدير المزاج تقدير الماده
القليل من التقدير كفيل بجعل العلاقات مرنه
وما نشوف أحد شايل بخاطره على الثاني
والسبب التقدير للشخص الاخر
وكلّما زاد التقدير زادت مرونة العلاقه



 

 

#الدحممي غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
موضوع تفاعلي | أخبار الهلال - AlHilal News | منتدى الهلاليين منتدى الهلاليين 1247 18-06-2017 01:59 PM


الوقت المعتمد في المنتدى بتوقيت جرينتش +3.
الوقت الان » 03:44 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.9
Copyright ©1999 - 2017, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع