منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > منتدى مملكة المرأة
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 11-11-2015, 12:25 PM   #11
Miss Shadeeh
من كبار شخصيات الإقلاع
 
الصورة الرمزية الخاصة بـ Miss Shadeeh
Miss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحب




تجارب عرايس الاقلاع




تجربة العضوة || آروى..!

السلام عليكم ورحمة الله وبركاتة


اشتقنا للتجمع ولأيامة الحلوة
يالله مشت الايام وصرنا خبرة وننصح العرايس الله يوفقهم
طبعا بطلب من مشرفتنا شهودي تبي ميني تقرير عن مرحلة التجهيز والزواج اللي كلنا مرينا فيها وكنا نفسكم متوترات والنفسية صفر ونحتاج أي كلمة تهدينا ونستنى رجعة اي عروس للتجمع علشان تقول لنا الزواج مايسوى همة

حبيباتي عروساتي الجميلات
اول شيء الف مبروك وبارك الله لكما وبارك عليكما وجمع بينكما بخير
طبيعي الشعور اللي تمرين فية لأنك قاعدة تتجهزين لمرحلة إنتقالية في حياتك في عقلك كذا موضوع شاغلك التجهيز وفستان الزفاف وفستان الصباحية وحياتك وشخصيتك مع زوجك الاستقلالية والبعد عن الأهل
طبعا هذا جزء بسيط من المحاور اللي بروسنا قبل ونقعد نهوجس فيها ونعصب احيان من التفكير وتصير الدمعة على طريف
لكن ي جميلات إلى هنا وخلاص لأن كل هذا قاعد يهدم اللي تبنينة من نظارة بشرتك راحتك النفسية تقبلك للحياة
الزواج مايسوى همة كلام ماجبناة من فراغ لا أنا ولا مليون عروسة هنا
يعني إخذي الكلام الأكيد وروقي أهم شيء وارتاحي ..

نبدا الحين نتكلم عن مرحلة التجهيز

كثير يعتبر مرحلة التجهيز مرحلة تجميع ملابس وكشخة واناقة واطلالة عروس
متجاهلين اشياء كثيرة منها
- اهتمامك وعنايتك الداخلية
- عنايتك الخارجية بشرة وشعر وغيرة
- تفكيرك واساليب الحياة الزوجية والمرحلة الجديدة اللي انتي منتقلة لها
هذي اشياء لازم تهتمون فيها وماتتجاهلونها
صحيح العناية لك كاأنثى لازم تكون من نعومة اظافرك ومش مربوطة بمرحلة الزواج وبس لكن في المرحلة هذي نبيها دبل الدبلات
طبعا بفصل كل نقطة واتكلم عنها
عنايتك الداخلية : الجسم الخارجي مرأه لصحتك الداخلية اذا تعانين من شحوب وبشرة عدمانة تأكدي ان فية غلط وصححية
دايما ابدي ع الريق بملعقة عسل وسبع حبات حبة البركة
خليها تكون أساس بحياتك
الفاكهه والعصائر شيء اساسي ومانغفل عن كمية الفيتامينات اللي فيها
الموية الموية الموية ضروري كل يوم تخلصين 8 أكواب
او حسب حاجتة جسمك فية برامج تحسب لك احتياجك اليومي من الموية حسب طولك وكتلة جسمك تحصلونها بالستور ..
الموية المنكهه مرة مفيدة دايما اشرب كوبين موية دافية بشريحة ليمون ع الريق احساس بالنشاط وان جسمك خفيف شيء مريح جداً * البعض ممكن تسبب لهم حرقان اذا ماناسبتك اتركيها ..
عنايتك الخارجية : الترطيب الترطيب حل كل مشاكل التصحر اللي عندنا مافي خلطة بالدنيا تخليك فجاءه قشطة ولونك ابيض
كل اللي راح تعطيك اياه الخلطة توحيد خفيف ترطيب تشيل لك بعض الحبوب واذا خلطات طبيعية يبي لها استمرار
هذي مجموعة خلطات استفدت منها
خلطة التحدي سنفرة
خلطة لوشني يتحدى كل اللوشنات
سنفرة كاب وملح الحليب
وكلها موجودة بإقلاع او صلحوا سيرش بقوقل ..
أسنانك : أتعس شيء بالحياة لما أشوف وحدة أسنانها صفراء او مبين فيها الجير وخاصة لما تكون عروس او ع وجة زواج
الآن التبيض فيه كذا خيار ليزر قوالب لصقات وغيرة
انا عندي تجربتين قبل الزواج بيضت ليزر وكان بياض عادي تجربة الزواج استخدمت قوالب صلحت قالب في مستوصف
واشتريت ابر اوبال سينس تحصلونها بشارع الضباب
وعطتني درجة بياض حلوة جدا استخدمت تركيزين 15٪ و 35٪
شعرك : عاد هذا ع قولة جدتي تاج المراءه ههههه
انا مش طماعة وابي شعر طويل ويسحب مقتنعة فقط بشعر صحي بدون تقصف وكثيف استخدمت زيت ابن منقاش خلطة زيوت عندة وحلوة ناسبة شعري
إضافة لحمامات الزيت اللي تصلحونها لشعوركم
الحياة الزوجية : لازم تكونين ع درجة وعي مناسبة وتعرفين تديرين حياتك كثير اخصائيين تكلموا عن الحياة الزوجية انصح بطارق الحبيب خليفة المحرزي +كتاب النساء من الزهرة
وخلي عندك قناعة اي نصيحة تجيك لحياتك مش شرط تناسبك لانك انتي مختلفة عن ( سين ) من الناس زوجك مختلف عن زوجي وضعك حياتك طبقي اللي مقتنعة فية وشايفة انة مناسب

نجي للمهر ووش تشترون ووش تخلون ( )
مبدئيا مافي شيء تبخلونة حريم وطبعنا واحد بنقش الاكو والماكو
- من تستلمين المهر ياحبذا تطلعين منة صدقة او كفالة يتيم
- قسمي مهرك علشان ماتحتاسين ابدا
- شيلي تكاليف اول ليلة من إلى

الملابس مافي قاعدة عامة نمشي عليها لأن تختلف من عادة لعادة ومن مجتمع لثاني
عندك مثلا ملابس للمناسبات ناس تكتفي بإثنين لان طبيعة اجتماعاتهم قليلة ماعندهم عادة عشاء او قهوة للعروس
غيرها تشتري اكثر لان اجتماعاتها اكثر
فقبل تشترين ركزي جدا ..

ملابس البيت كذلك
ناس تكتفي انها تلبس وماتكرر مدة 15 يوم وناس شهر
على حسب قناعة اي وحدة وحدود امكانية مهرها

ملابس النوم
اشوف ان عدد 30 مناسب جدا مابين بجايم وقمصان
لأنك بعد فترة بتروحين تشترين اللي يروق لبعلك وتكرهين لبسك القديم ؛)

العطور
هنا اقول كثروا وشمشوا وركزوا قبل تشترون ولا تسترخصين ع نفسك اي عطر مافي مثل الريحة الخنينة هي الاهم واللي تكون عاقلة بلا لبس بلا بطيخ ..
اشوف كثير تكتفي بإثنين او عطر واحد لشهر العسل
على اساس تكون الريحة راسخة ببال زوجها بس من رايي لو كل يوم اشم ريحة عطر معينة خلاص بصير ماعاد تلفت انتباهي ..
المسك شيء جميل بعد الشور وعند النوم احطة افضل شيء
مسك الختام - العروس من القرشي
مخلطات اجمل حلوة برضوا شموها عندي كثير منها بس لانها تولة مش حافظة الاسماء

الالتهابات معاناة اي عروس مو الكل البعض
اسواء شيء تواجهه العروس مفتشلة اروح الله يكرمكم حمام وتظل تحبس نفسها لين يجيها الفرج
هذا يسبب التهابات واشياء انتي بغنى عنها
بعد الجماع غسلي وتشطفي كويس لان لسى المنطقة تكون حساسة ع الوضع ومتهيجة
افضل غسول بالنسبة لي سيباميد ويستخدم مرتين فقط
كوتكس الحماية ضروري خاصة بطلعاتك تضمنين انك نظيفة
الافضل كيرفري ..

البخور ..
الافضل طبعا العود الازرق
وبخور استبرق من اصغر علي
مبثوث الماجد
والمعمول الدوسري

الحياة الزوجية ..
خلصنا الزواج وقضينا
نبدا المرحلة الفعلية وهي الحياة والحقوق والواجبات
مرحلة تبدين فيها تصعدين حبة حبة تتأقلمين ع كل شيء
زوجك
بيتك
نظام حياتك
حتى سوالفك مع زوجك تحتاج تأقلم
كثير ايام الاسك يجيني استفسارات لي شهر ومانسجمت
وانا اقول لها اكل العنب حبة حبة
بدري جدا من شهر تكونين عارفة زوجك من الى
واعتبر فترة سنة كفيلة بإنها تبين كل شيء لك بغض النظر عن الاشياء الشينة والسيئة اللي ماينسكت عنها
طبيعي بتجي ايام مشتاقة لاهلك وتحتاجينهم خاصة لو كنتي بغير منطقتهم مريت بالفترة هذي اول زواجي لحد ماتعودت وصار طبيعي عندي ..
شيء واحد بقولة الحياة تحتاج مسايس + تروي + حكمة
وكلها فيكم بإذن الله

وتعبت من الكتابة ؛)
الله يوفقكم يارب وان شاء الله كتبت لكم اللي محتاجينة لعلة يفيد احد منكم ولو انكم مش مقصرين وتفيدون بعض
واي استفسار تحت امركم 🌹..





 

 

Miss Shadeeh غير متواجد حالياً
Facebook Twitter 1 اضافة رد مع اقتباس
قديم 11-11-2015, 12:26 PM   #12
Miss Shadeeh
من كبار شخصيات الإقلاع
 
الصورة الرمزية الخاصة بـ Miss Shadeeh
Miss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحبMiss Shadeeh فوق  هام السحب




تجارب عرايس الاقلاع




تجربة العضوة || جزء من حياتي

صار لي 9 شهور من زواجي 👰

راح اقولكم نصايح مع تجاربي ان شاء الله تستفيدون منها وتدعون لي ❤

بنات استمتعو من فتره الخطوبه الى فتره الزواج ذكرى ماتنسى ..بعدين تتمنين تنعاد كل لحظه من لحظاتها بحلوها ومرها 😍😍😍...

* الدعاء بنات وقراءه سوره البقره بيوم الزواج تريححححك وربي عن تجربه ابد لا احد يتجاهل هالشي راحه مو طبيعيه ..
الحمدلله اول ماوصلت المشغل بديت اذكاري وسوره البقره استغل وقتي الفاضي وربي راحهه والكل يقول وش فيك مو متوتره زي باقي العرايس والراحه والطمأنينه مبيننه بوجهي ..الحمدلله ي رب

*اقولك من الحين ما راح يجي كل شي مثل ماتبينه لابد من اشياء بسيطه تمشي غلط بس انتي مشيها وعديها لان يوم بالعمر تعكرين مزاجك فيه ليههه !!!!
انا الحمدلله بيوم زواجي عشت كللل لحظه من لحظاته من الصبح لين نومتي بالفندق حاولت اني مااعكر مزاجي ...
مثل الاشياء اللي ماجت ع البال وماتوقعتها تحصل هي المسكه !! ابد جت عكس اللي تخيلته وتمنيته صح تضايقت بس عادي ماوقفت عليها قلت هي كلها وقت الزفه راح امسكها بعدها باارميها ليش ازعل ؟!!


*يوم الزواج ارقصي هيصي بس بحدود !!! مو مره تفلين امها وكأنك مو عروسه ومو مررره تثقلين وكأنك صنممم...
انا استغرب من عرايس بزواجهم صنم ولا ابتسامه ع الاقل بالغلط !! ليه حبيبتي كذا ! ماادري من مفهمها ان الزفه لازم يا تكون ثقيله ولا صارت علك بحلوق الناس ...
واصلا نادرا هالايام تلقون هالنوعيات ..لانو خلاص الناس بدت تفهم وتوعى ... زي ماقلت استانسي بس بحدود...

* البكاء .. ذي حاله لازم تمر فيها كل عروس ههههههه ي حبيبتي ي حياتي انتي ابكي بس مو تقلبينها عزا بالعكس المفروض تفرحين ذي فرحتك نزلي لك دمعتين بس حاولي تمسكين نفسك عشان نفسيتك لان تنعكس بوجهك وعشان الميك اب لايخرب

* وقت مابتروحين للفندق انا دخلت الغرفه وفصخت بس الجيبون عشان يهدى الفستان وبعدها اخذت ذيل الفستان وماما الله يخليها لي. يارب مسكته لي بمشابك والزايد حطيته ع ايدي .. ولبست عبايتي ... وطلعت لزوجي ...

* وصلتي الفندق 👏👏👏
اول شي اقعدي بفستانك شوي بعدها هو راح يعطيك وقت عشان تغيرين لبسك ...
في نصايح كثيره بهاللحظه اتمنى تاخذونها بعين الاعتبار عشان ماتغلطون هالغلطه...
اول شي افصخي فستانك ... ومايحتاج شاور لانك اساسا انتي نظيفه ومتروشه من الصبح تاخذين شاور ليه .. لاتقولين بأعرق لان الحين المكيفات بكل مكان مااتوقع يحتاج ترويش
هو شي راجع لك بس ترا العريس مابينتظر طول وقته برا وانتي بالحمام !! تتروشين بعدين تتجهزين ..غلط تطولين عليه
لان ليلك بيروح وانتي بالحمام ومااستانستو بالجلسه مع بعض ...
انا دخلت الحمام بالفستان هههههههه وغيرته ولبست قميص اول ليله ...
بعدها حاولت افك التسريحه واهديها شوي واخليها زي الويفي
* نقطه لازم الكل ينتبه لها
حاولي تختارين تسريحه شعر تنفك بسهوله لا رحتي للفندق سالفه الابراج بشعرك لا لاتسوينها لانك بتتبهذلين اذا فكيتيها واصلا اذا انفكت بيطلع شكلك غلط مره مايمديك تعدلينها
انا تسريحتي مره ناعمه مرا وكانت ملمومه بس علي فكيت البنس ونزل الشعر كانه ويفي 😍😍ضبطته يمين ويسار وضبط معاي الحمدلله
بعدها الميك اب ع حسب اذا انتي طالبه ثقيل خففي منه واذا خفيف لاتسوين فيه شي خليه دامه خفيف
زيي خليته خفيف مرا يجنن وماغيرت فيه شي ..وتعطرت واستخدمت مجموعه الجسم

* لمن تدخلين للحمام عشان تضبطين نفسك نصيحه سوو زي طريقتي مرا مريحه واسهل لك
قبل لا ادخل الحمام اخذت شنطه صغيره حطيت فيها هالاشياء عشان مااطلع وادخل الحمام واحوس نفسي خلاص تكون طلعتي مره وحده
اخذت ( ميك اب خفيف روج . مسكرا، كحل ، بلشر / مجموعه الجسم/ فرشاه ومعجون / معطر فم / مناديل جيب / شامبو/ ليفه/ كيرفري حبتين / موس/ صابونه/ عطر/ مزيل ميك اب .عرق . مناكير )

ذي الاشياء خليتها مع بعض فصرت كل ماابي ادخل الحمام اخذها معي لان فيها كل شي ..
يمكن نسيت اشياء معها لكن انتو شوفو الشي المهم ودخلوها بالشنطه ..

*طبعا قبل لاتنامين لاتنسين تمسحين الميك اب من الى وتتروشين واطلعي له بميك اب خفيف بلشر وروج وكحل

اليوم الثاني من الزواج لازم تصحين قبله عشان تفكين هالشعر😬😬😬😬 عقده كل عروس
حاولي تروشين شعرك وتستشورين قبل لايصحى عاد هالشي يعتمد عليك انتي ان صحيتي بدري فعندك وقت تسوين هالاشياء وان ماصحيتي بدري فبيكون الوقت اقل ولازم من عجله ...
البسي اللي يريحك فستان هادي ولون فرايحي او ينفع للصبح وانتظري المحروس لين يصحى😬❤..

* شهر العسل سوي اللي خاطرك فيه وحاولي ماتضيعين دقيقه منه في اغلاط اشوف العرايس يقعون فيها ف ياليت ماتسوونها ..
اول شي جوالك مو تقعدين طايحه عليه 24 ساعه وتاركه زوجك انا مااقول اسحبي ع صحباتك واخواتك وووو لا
عادي تواصلي معهم بس حاولي هالفتره بس تكون اغلب وقتك معاه لانه ذكريات بعدين اذا تذكرتي ماتقهرين ع ذيك اللحظات ان والله اغلب وقتك ع جوالك ...
اذا شفتيه انشغل ، طلع ، راح يصلي صح امسكي جوالك وردي وسولفي بس اذا هو عندك ماله لازم ينمسك لان هالفتره فتره تعارف ع بعض يحتاج يسولف معاك كثير وانتي بعد محتاجه هالشي لانه كل واحد يبي يعرف شخصيه الثاني اكثر واكثر

* حاولي تتجنبين المشاكل يعني احيان بتمر عليك اشياء ماتسوى وشي بايخ بس تحسين بقهر فيها والا لازم ارد واوضح له من البدايه ان لي شخصيه واني واني < كأنك داخله حرب ...
اقولك من الحين الشي اللي مايستاهل هوشه عليه حاولي تعدينه دام مابيضرك واذا بتتفاهمين تفاهمي بهداوه معاه مو بصراخ ...

* في مقوله مشهوره تقول داحمي جبال ولاتداحمي رجال ( عاندي جبال وماتعاندين رجال ) اقولك من الحين اذا انتي عنيده مايصلح تتعاملين مع زوجك بالعناد لان الرجال لهم سطوتهم وقوتهم اذا احد عانده فهو بيمشي اللي براسه ...
اذا حصل منه شي غلط فهميه تحاوري معه بالتي احسن راح يسمع لك اما تمشين بعناد ف راح يمشي معاك بعناد !!!...

* مقوله ثانيه عودي رجلك من البدايه بشهر العسل ع التكاليف والطلبيات عشان يتعود ع طريقتك اذا شفتي اي شي اطلبيه ..لاتخلين شي بجيبه كل شوي اطلبي اكل ملابس اكسسوار عشان يتعود!
معليش انا ضد هالمقوله ...يعني معقوله اصير مشفوحه من اول ايام زواجي عشان بس اعوده!!
سلامات!!! ايش تتوقعين بيقول عنك ! اهلها ماجهزوها ! او اهلها كانو حارمينها وماشافت خير !!
يعني عروسه جايته انتي متجهزه من الى تجين تطلبينه اشياء مو بحاجتها بس عشان تعودينه وعشان يصير يصرف عليك بعدين ...
اصلا كيف بتجيك الجرأه تطلبينه كل شوي !!! غلط اللي قاعده تسوينه .
افهمو معاي انا مااقول لا تطلبينه ابد
اذا هو قعد يسألك او يخيرك بحاجه صح لاتردينه وسوي اللي طلبه منك لانه ماقال اشتري او اختاري الا وهو مجهز لهالشي
اي شي يسألك عنه او يقول اشتريه لاتقولين لا ..بالعكس اشتريه واشكريه ع اللي يسويه
اذا صار يقولك اشتري وانتي ترفضين طول وقتك هنا بيصير يقلل من السؤال ومايصير يطلبك تشترين حاجه بيعرف ردك المعتاد انك ماتبين

بس سالفه اني انا بصير اطلبه( كل )شوي غلط ي بنات لاتسمعون للي تقول كذا ...
هو اصلا ماتزوج الا وقد المسؤليه والمصاريف يعني لا احد يخرب عليكم ويقول لا لاتتركينه بحاله وجننيه طلبات.😒...

*اسرارك الزوجيه ومشاكلك معاه لاتطلع برا بيتك
اذا طلعت برا بيتك يعني خربتي ع نفسك وع زوجك وتبدا المشاكل اللي مالها نهايه ...
حلوها مع بعض تفاهمو حطو حلول للمشكله وتنحل بدون تدخلات💢

** بنات تثقفو واقرو عن الزواج واسس العلاقه الصحيحه ..ماتقدرين تروحين مكتبه الحين النت كل شي فيه موجود ادخلي ع مواقع موثوقه واقري واتركي المنتديات وخرابيطهم اللي مامنهم فايده ...

* قبل زواجك بشهر حاولي تكونين مقفله شنااطك ومخلصه تجهيزات ..لاحد يقول يمديني قبل الزواج بأسبوع ارتب شناطي نصيحه مني لكم قفلوها قبل الزواج بشهر ..ترا ترتيب الشناط متعب مو مثل ماتتوقعونه لانو اذا انتو نفس حالتي قسمت اغراضي ل3 اقسام نص وديتها لشقتي ونصها حطيتها بشنطه الفندق ونصها بشنطه شهر العسل
متخيلين الحوسه ايش اخذ وايش اخلي ...الحمدلله قفلتها من زمان الشناط وارتحت منها تخيلت لو اني طولت بترتيبها ع اساس يمديني ايش راح يصير لي ...
& صديقتي ليله زواجها رتبت شنطه الفندق والسفر! مرا غلط قهرتني وهي تبهدلت وتصور لي كيف غرفتها حوسه ماتدري ايش تسوي وعقلها مشتت ..كنت انصحها ترتبها قبل بس كانت تتهاون وتورطت بالنهايه فتخيلو بدال ماتجلس مع اخواتها وامها ذيك اليله وتقعد تسولف , انكرفت ذاك اليوم بشكل ...

* قبل زواجك بأسبوع حاولي تكونين ريلاكس وسوي تمارين اليوغا للاسترخاء ان قدرتي ..
اكلك يعكس نظاره وجهك وجسمك ابعدي عن الاكل اللي مامنه فايده ويتعب بشرتك مثل مقليات ، شوكولا، الاشياء الدسمه ،
وخليك ع الاشياء الصحيه + شرب الماء بكل ساعه + عصير فريش كل صباح وشوفي كيف بشرتك بتحلى يوم الزواج ....

* المكالمات مع زوجك كثير يقولون انو اذا قرب زواجك قاطعيه عشان يشتاق لك !!!
انا ضد هالشي يعني معقوله اكون متواصله معاه طول فتره الملكه وادا قرب زواجي اقاطعه عشان يشتاق !! اصلا حتى لو كلمتيه ليلياً بيكون مشتاق لك اكثر اكثر ...
بالعكس ذي فرحتكم المفروض يكون في تواصل مع بعض تتشاركون الفرحه مع بعض ..مااقول خليك ع جوالك 24 ساعه معاه لا كذا احس صح طفش واصلا انتي بتكونين مشغوله بالتجهيز ..بس اللي اقصده مافي مانع كل يوم تسولفون بوقت قصير ..اذا مامداكم تسولفون يمديك ع الاقل لو ترسلين له صباحيه او تمسين عليه
انا بليله زواجي بعد صلاه العشاء اذكر يراسلني وكان كل واحد يعبر عن مشاعره وكيف شعوره بهاللحظه وكل واحد يتكلم ايش باقي له من تجهيزات ويخلصها قبل لا ينام وربي انها ذكرى جميله قاعده اكتب لكم وابتسم واتخيلها ههههه ....

* خليه يحس بأنثى معاه بلبسك بإهتمامك بنفسك بريحه جسمك بتسريحه شعرك بضحكتك بأسلوبك معااه...
ترا مايذوب الرجال ومايخرفنهم الا دلع الوحده ونعومتها واهتمامها بنفسها وتدليعها لزوجها سواء كلام او تعامل
اذا اسلوبك عفش عندك وقت تتعلمين قبل زواجك عادي غيري اسلوبك مع اخواتك او اخوانك عشان تتعودين ويتعود لسانك ع الكلام الحلو...

* عاملي اهل زوجك زي اهلك وربي راح تلقين مردود لتعاملك معاهم
اذا اعتبرتيهم مثل اهلك راح تلقين الطيبه والدلع والاحترام
عاملتيهم عكس بتلقين العكس
لاتسمعون للي تقول من البدايه خليك رسميه معهم ولاتحتكين فيهم كثير عشان يكون لك مكانه وهيبه عندهم ...
يعني انا ضد هالشي هذولا اهل زوجك اهل عيالك مستقبل محد بيكون معاك بعد الله الا هم لازم تتعودين عليهم تاخذين من طبايعهم حبه حبه لين خلاص تصيرون سمن ع عسل ...
انا اهل زوجي مره طيبين بس كانت عندي مشكله😬اللي هي ماقدرت اتطبع ع طبايعهم سبحان الله فرق عن كل طبايع اهلي ... بس عادي تعودت حبه حبه لين خلاص صرت زيهم
بالبدايه صعب لانك جايه من بييئه مو نفس بيئتك بس صدقيني مع التعويد بتصيرين زيهم انا تقريبا لي 9 شهور متزوجه
ماتأقلمت معهم الا بعد 3 شهور من زواجي .. يعني مو ع طول لانه شي صعب الواحد يترك طبايعه ويغيرها بيوم وليله ...
دعواتكم لي ان ربي يسهل اموري بولادتي 😘😘❤





 

 

Miss Shadeeh غير متواجد حالياً
Facebook Twitter 1 اضافة رد مع اقتباس
قديم 11-11-2015, 01:53 PM   #14
شوق العمر
مراقبة عامـة
 
الصورة الرمزية الخاصة بـ شوق العمر
شوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحب
رد : العرايس : ~~ الف مبروك زفيَـــناااا الجميله ..~




بسم الله وعلى بركة الله
سيزون عرايس 2016 و 1437
اتمنى يكون سيزون عالي القيمة من ناحية الخبرات والفائدة كما تعودنا بالأجزاء السابقه
وكل الشكر لبناتنا الداعمات لكل فائده وشغل مميَز واثراء جميل
والله يوفق عرايسنا الي تزوجوا ويوفق المقبلات على الزواج ويرزق من تمنى
لاننسى اي فكره لتطوير السيزون او اي اضافه واي اجتهاد من قبلكم ..هو محل ترحيب .. راسلوني


كل الشكر لاشراف مملكة المرأه عالمجهود الاكثر من رائع وماهو غريب
وشكر اكبر واجمل للمصممة الرائعه على جمال وهدوء الافتتاحية



حيَ الله الجميع




 

 

شوق العمر غير متواجد حالياً
Facebook Twitter 0 اضافة رد مع اقتباس
قديم 12-11-2015, 09:17 AM   #15
إكتفاء !
من كبار شخصيات الإقلاع
 
الصورة الرمزية الخاصة بـ إكتفاء !
إكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحبإكتفاء ! فوق  هام السحب




ورجع الموضوع الجميل
موضوع عرايسنا الله يوفقهم
وان شاء الله الكل يلاقي الفايده فيه
ولا نشوف مخالفات خارجه عن نطاق تجهيز العروس






 

 


اخر تعديل كان بواسطة » إكتفاء ! في يوم » 13-11-2015 عند الساعة » 06:10 PM.
إكتفاء ! غير متواجد حالياً
Facebook Twitter 0 اضافة رد مع اقتباس
قديم 12-11-2015, 09:17 AM   #16
catalena
مشرفة منتدى مملكة المرأة و Fashion show
 
الصورة الرمزية الخاصة بـ catalena
catalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحبcatalena فوق  هام السحب
ورجعنالكم بِ أهم موضوع بمملكتنا ويَ عساها بداية خير وَ فرح وحياة جميلة للكل آسأل الله لي ولكم ولبنات المسلمين التوفيق مشكورين على كل جهودكم المبذولة وتستاهلون الأفضل

أما شوق وباقي الزميلات فَ موغريبة عليكم الله يجزاكم الجنه



 

 


اخر تعديل كان بواسطة » catalena في يوم » 12-11-2015 عند الساعة » 02:35 PM.
catalena غير متواجد حالياً
Facebook Twitter 0 اضافة رد مع اقتباس
قديم 13-11-2015, 01:43 PM   #17
just i'm
خبير إقلاعي مميز
just i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحبjust i'm فوق  هام السحب
رد : العرايس : ~~ الف مبروك زفيَـــناااا الجميله ..~

عروسات جميلات

أبي الروب اللي مكتوب عليه bride وين احصله؟
ابي طويل و يكون ممو ستان ثقيل

غير ڤكتوريا سيكرت 🌷



 

 

just i'm غير متواجد حالياً
Facebook Twitter 0 اضافة رد مع اقتباس
قديم 13-11-2015, 04:33 PM   #18
نـونا..
عضو نشيط
 
الصورة الرمزية الخاصة بـ نـونا..
نـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحبنـونا.. فوق  هام السحب
رد : العرايس : ~~ الف مبروك زفيَـــناااا الجميله ..~

إقتباس »
الرسالة الأصلية كتبت بواسطة معزوفة ورد »
مبروك الجزء الجديد
بنات جدة لو سمحتو ابغى افضل مركز او دكتور يسوي قوالب التبيض للأسنان

+
ابغى مصورة او استوديو شغلهم نظيف وأسعارهم حلوة

عندك استديو لمسات مرا حلو شغلهم .. وبالتوفيق



 

 

نـونا.. غير متواجد حالياً
Facebook Twitter 0 اضافة رد مع اقتباس
قديم 13-11-2015, 06:48 PM   #19
Skyfall
خبير اقلاعي
 
الصورة الرمزية الخاصة بـ Skyfall
Skyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحبSkyfall فوق  هام السحب
رد : العرايس : ~~ الف مبروك زفيَـــناااا الجميله ..~

مساء الخير
احب اغنية مذهله لمحمد عبدو بس فيه مشكله الاغنيه مغبره مره[emoji23]،ما اتخيل انزف بغيرها وش الحل ..
** سنتربوينت عندهم ماركات ميك اب حلوه جدا زي nyx ما يحتاج تطلبونها من انستقرام نصيحه



 

 

Skyfall غير متواجد حالياً
Facebook Twitter 0 اضافة رد مع اقتباس
قديم 13-11-2015, 08:30 PM   #20
لونـا
عضو مقلع
لونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحبلونـا فوق  هام السحب
رد : العرايس : ~~ الف مبروك زفيَـــناااا الجميله ..~

اهلين بنات
وين احصل فساتين الزواج ببريده ؟



 

 

لونـا غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 09:44 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017