منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > قسم التصاميم والفنون البصرية > منتدى الفن التشكيلي والرسوم الرقمية
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 26-11-2016, 03:16 AM   #1
باقي عمري لحظة
من كبار شخصيات الإقلاع
 
الصورة الرمزية الخاصة بـ باقي عمري لحظة
باقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحب
Eq 134 دروس باقي عمري لحظة * متجدد





*


بسم الله الرحمن الرحيم
اللهم صل على محمد و على ال محمد و صحبه أجمعين


السلام عليكم و رحمة الله و بركاته
شلونكم شخباركم ان شالله تمام

هاليومين الكويت تعاني من اشتطاط سياسي إثر الإنتخابات بس الحمدلله بتخلص الأحد
و بنفتك من هالجو المتوتر و ما راح يتغير اي شي كالعادة

المهم


دايماً كنت أتمنى أوصل لهاذي المرحلة , إني أدرّس الرسم بدل ما أدرسه
و ما تصورت إني ( بقفز ) لها إن صح التعبير فجأة : p , و عشان أكون صادقة معاكم و مع نفسي , ما نزلت هالدروس إلا بعد تجارب كثيرة و طلبات مو شوية من الناس

فقررت أسوي موضوع عن تجربتي الشخصية مع الألوان و الأقلام و كيف أستخدمها و بعض النصايح و المفاتيح عشان تتقنون بشكل أسرع .

ما حبيت أخلي الموضوع دسم أو يكون بهرجة زيادة عن اللزوم بالعكس ودي يكون بسيط علي و عليكم , فراح أكتفي بالكلام و بعض الصور و ما راح أكثّر , و أتمنى فعلاً توصلكم الفايدة و تعم عليكم و على نفسي .

هذا الموضوع إن شالله راح يكون الموضوع الأساسي لمجموعة من الدروس راح أنزّلها اهني كردود كل أسبوع أو أسبوعين ( حسب طاقتي و قدرتي ) و إذا انتهيت منه إن شاء الله راح يكون هالرد بمثابة الفهرس الصغير لهاذي الدروس عشان ما تضيعون , و أتمنى بعد كل رد درس أشوف تفاعلكم معاي و تجاربكم .

لو تعرفون رسامين أو أنتو رسامين تابعوا هالموضوع و شاركوا اللي تحسون راح يكون مفيد لنا جميعا ً بس ما يطلع عن صلب الدروس ان شاء الله و إذا تسمحون لي بحط صفحتي بالإنستقرام عشان تلقون نظرة حول بعض أعمالي :

https://www.instagram.com/art_xart00/?hl=en

و راح أتطرق فقط للموضوع اللي عندي خلفية عنهم و هي التالي :

1- كيف ألون بأقلام الباستل على ورق طابعة ؟
مع الاطّلاع على الأوراق المناسبة لأقلام الباستل و التكنيكات الخاصة بالدمج
2- كيف ألوّن بالأبيض و الأسود و الدرجات الرمادية ؟
3- كيف ألون بالباستل الطباشير ؟

4- كيف أظلل الرصاص و أدمجه بشكل احترافي ؟
5- كيف أستخدم الممحاة لإبراز الإضاءة ؟

6- كيف ألوّن باستخدام البريزما كولورز ؟
مع التكنيكات الخاصة للدمج و تناسق الألوان و الأوراق المناسبة
7- كيف أبرز الإضاءة مع البريزما كولورز ؟
مع نصايح خاصة لفهم كيفية استخدام الألوان الفاتحة

8- كيف أرسم باستخدام قلم الفحم ؟
مع التكنيكات الخاصة للدمج
9- كيف أرسم باستخدام ستيك فحم ؟
مع التكنيكات الخاصة للدمج

10- كيف ألوّن باستخدام ألوان الأكريليك ؟
مع التكنيكات الخاصة للدمج
راح يكون درس بسيط لأني ما ألون كثير بالأكريليك

11- كيف أستفيد من قلم الحبر في الرسم الواقعي ؟
12- كيف أستفيد من قلم الجل الأبيض ( والأكريليك الأبيض ) في الرسم الواقعي ؟
13- كيف أستفيد من المدعكة لتظليل الرسمة بشكل احترافي ؟
مع التكنيكات الخاصة بالدمج بشكل عام


هذا إن شاء الله اللي بتطرق له , و مثل ما تشوفون هالموضوع للرسامين , مو موضوع تعليم مبتدئ بالرسم , طبعا إذا أنت ما عمرك رسمت و ودك تجرب ليش لا : ) !
بس هذا تعليل لسبب خربطة المواضيع , فما بديت بالأدوات الأساسية في أغلب الدروس

اعتمدت بالتقسيم على الأدوات المستخدمة و ممكن أتطرق لأكثر من موضوع بالدرس الواحد إذا كان سهل و صغير .

وفقنا الله و إياكم



 

 


اخر تعديل كان بواسطة » أميرة بجنوني في يوم » 26-11-2016 عند الساعة » 01:40 PM.
باقي عمري لحظة غير متواجد حالياً
Facebook Twitter 4 اضافة رد مع اقتباس
قديم 26-11-2016, 09:27 AM   #2
أميرة بجنوني
من كبار شخصيات الإقلاع
 
الصورة الرمزية الخاصة بـ أميرة بجنوني
أميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحبأميرة بجنوني فوق  هام السحب
#188 03-07-2018
#174 22-04-2018
رد : دروس باقي عمري لحظة * متجدد

*


جميلتي اللامعه باقي عمري
حبيت مبادرتج جدا و رح نستفيد منج اكيد
خاطري اتعلم لباستل جد
بس يارب مايكون تستخدمي الوان البودره اللي مدري من وين اقدر احصلها
المهم بالانتظار و بكل حماااس



 

 


اخر تعديل كان بواسطة » أميرة بجنوني في يوم » 26-11-2016 عند الساعة » 04:07 PM.
أميرة بجنوني غير متواجد حالياً
Facebook Twitter 1 اضافة رد مع اقتباس
قديم 26-11-2016, 03:24 PM   #3
MS.ALYA93
مشرفة منتدى نادي السيارات
 
الصورة الرمزية الخاصة بـ MS.ALYA93
MS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحب
رد : دروس باقي عمري لحظة * متجدد

-

عليكم السلام ورحمة الله وبركاته

ماشاء الله .. مبادرة لطيفة منج
ورسمج جدا رووعة
اكيد من المتابعين
تحياتي ولج ونتمنى لج دوام التوفيق والنجاح

تقييم



 

 

MS.ALYA93 غير متواجد حالياً
Facebook Twitter 1 اضافة رد مع اقتباس
قديم 26-11-2016, 08:47 PM   #4
ملائِكيه ؛
عضو مقلع
 
الصورة الرمزية الخاصة بـ ملائِكيه ؛
ملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحبملائِكيه ؛ فوق  هام السحب
رد : دروس باقي عمري لحظة * متجدد

-



وعليكم السلام ورحمة الله وبركاته

يامال العافية والله موضوع مفيد راح يجدد عندي طاقة الرسم الخاملة
بكون من الحاضرين دوماً ان شاء الله


شكراً لطرحك و قواك الله



 

 

ملائِكيه ؛ غير متواجد حالياً
Facebook Twitter 1 اضافة رد مع اقتباس
قديم 27-11-2016, 12:43 AM   #5
المحتاره !
من كبار شخصيات الإقلاع
 
الصورة الرمزية الخاصة بـ المحتاره !
المحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحبالمحتاره ! فوق  هام السحب
#165  02-01-2018
رد : دروس باقي عمري لحظة * متجدد

.
،

باقي عمري لحظة

أنتي شيءء جميييل في هآلقسم
ماشاءآلله تبآرك آلرحمن أنتي أستحقيتي إنك توصلين لهآلمرحله يآمعلم
أسم الله عليك الله لآيضرك
واللي يشوف شغلك في الإنستقرام أكيد بيتحمس أنه يدرس ويتعلم منك ي مبدعه
ودآيم أستفيد من دورآت هالقسم أفضل بمليون مرره أنك تدفعين دورات بفلوس خارج البيت
وتكون ماش وماأستفدتي منها شيء للأسف
وتحمست أكثر لما شفت فقرآت دروسك من جد محتاجه أتعلمهآ وربي خصوصاً إن عندي مشكله
لما ابدأ ألون اي رسمه أرسمها وادمج بالألوآن !!
نادر ماتضبط معي وهالشيء يضآيقني والله كثيير
وعندي إحساس ان مشكلتي بتنحل مع دروسك ربي يوفقك ويسعدكك

إقتباس »
و أتمنى بعد كل رد درس أشوف تفاعلكم معاي و تجاربكم .
حبيبتي أنتي أكييد وانآ من ألحين وربك متحمسه لدروسك
وأسعدتينا بهالشيء يآعسى ربي يسعدك ويسلم هاليدين
ويعطيك العآفيه يآقلبي أنك قدرتي تعطينا من وقتك شوي وتفيدينا ربي يسعدك
والله ممتنين لك جدداً

بإنتظآرك ع أحر من الجمر
لك تقييمي يآجميلةة




 

 


اخر تعديل كان بواسطة » المحتاره ! في يوم » 27-11-2016 عند الساعة » 12:45 AM.
المحتاره ! غير متواجد حالياً
Facebook Twitter 1 اضافة رد مع اقتباس
قديم 27-11-2016, 01:48 AM   #6
- يولانـدَ ،
من كبار شخصيات الإقلاع
 
الصورة الرمزية الخاصة بـ - يولانـدَ ،
- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب- يولانـدَ ، فوق  هام السحب
رد : دروس باقي عمري لحظة * متجدد

جميلتنا ومبدعتنا
ماشاءالله تبارك الله ، انا من عشاق ابداعك
ومافي كلمه توصف حقك صراحه
الشي اللي حبيتو انك قاعده تطوري من نفسك
اكثر واكثر ووصلتي للشي اللي تبغيه
انك تعطي دروس
جميل انك ماوقفتي عند نقطه معينه
انا من عشاق الرسم صراحه لكن ابداً ماعندي خبره فيه
ولا اصلا اعرف ، لكن بحاول اتابع دروسك اول بأول
ع الاقل نستفيد ، كل التوفيق لك ياقلبي
++ اذا سمحلي طبعا .. ربي يسعدك



 

 

- يولانـدَ ، غير متواجد حالياً
Facebook Twitter 1 اضافة رد مع اقتباس
قديم 27-11-2016, 11:02 AM   #7
باقي عمري لحظة
من كبار شخصيات الإقلاع
 
الصورة الرمزية الخاصة بـ باقي عمري لحظة
باقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحب
رد : دروس باقي عمري لحظة * متجدد




الله الله شنو هالردود اللي تفتح النفس
فديتكم أسعدتوني و حمستوني زيادة

إقتباس »
الرسالة الأصلية كتبت بواسطة أميرة بجنوني »
*


جميلتي اللامعه باقي عمري
حبيت مبادرتج جدا و رح نستفيد منج اكيد
خاطري اتعلم لباستل جد
بس يارب مايكون تستخدمي الوان البودره اللي مدري من وين اقدر احصلها
المهم بالانتظار و بكل حماااس

لا ما راح أستخدم البان باستل لانه ما عندي ( للأسف ) مع انه متوفر
بس ما شريته للحين إن شاء الله بالمستقبل

فديتج على الكلام الحلو


إقتباس »
الرسالة الأصلية كتبت بواسطة MS.ALYA93 »
-

عليكم السلام ورحمة الله وبركاته

ماشاء الله .. مبادرة لطيفة منج
ورسمج جدا رووعة
اكيد من المتابعين
تحياتي ولج ونتمنى لج دوام التوفيق والنجاح

تقييم

نورتي بعد قلبي
و أتشرف


إقتباس »
الرسالة الأصلية كتبت بواسطة ملائِكيه ؛ »
-



وعليكم السلام ورحمة الله وبركاته

يامال العافية والله موضوع مفيد راح يجدد عندي طاقة الرسم الخاملة
بكون من الحاضرين دوماً ان شاء الله


شكراً لطرحك و قواك الله
الله يعافيج و يخليج
إن شالله

العفو حياج الله
تشرفت



 

 

باقي عمري لحظة غير متواجد حالياً
Facebook Twitter 0 اضافة رد مع اقتباس
قديم 27-11-2016, 11:08 AM   #8
باقي عمري لحظة
من كبار شخصيات الإقلاع
 
الصورة الرمزية الخاصة بـ باقي عمري لحظة
باقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحب
رد : دروس باقي عمري لحظة * متجدد

إقتباس »
الرسالة الأصلية كتبت بواسطة المحتاره ! »
.
،

باقي عمري لحظة

أنتي شيءء جميييل في هآلقسم
ماشاءآلله تبآرك آلرحمن أنتي أستحقيتي إنك توصلين لهآلمرحله يآمعلم
أسم الله عليك الله لآيضرك
واللي يشوف شغلك في الإنستقرام أكيد بيتحمس أنه يدرس ويتعلم منك ي مبدعه
ودآيم أستفيد من دورآت هالقسم أفضل بمليون مرره أنك تدفعين دورات بفلوس خارج البيت
وتكون ماش وماأستفدتي منها شيء للأسف
وتحمست أكثر لما شفت فقرآت دروسك من جد محتاجه أتعلمهآ وربي خصوصاً إن عندي مشكله
لما ابدأ ألون اي رسمه أرسمها وادمج بالألوآن !!
نادر ماتضبط معي وهالشيء يضآيقني والله كثيير
وعندي إحساس ان مشكلتي بتنحل مع دروسك ربي يوفقك ويسعدكك



حبيبتي أنتي أكييد وانآ من ألحين وربك متحمسه لدروسك
وأسعدتينا بهالشيء يآعسى ربي يسعدك ويسلم هاليدين
ويعطيك العآفيه يآقلبي أنك قدرتي تعطينا من وقتك شوي وتفيدينا ربي يسعدك
والله ممتنين لك جدداً

بإنتظآرك ع أحر من الجمر
لك تقييمي يآجميلةة

بعد قلبي و الله العظيم كمية السعادة بالرد ما تنوصف
الله يسعدج مثل ما اسعدتيني و ان شاء الله أقدر إني أفيدج

تشرفت جدا بكلامج , على راسي


إقتباس »
الرسالة الأصلية كتبت بواسطة - يولانـدَ ، »
جميلتنا ومبدعتنا
ماشاءالله تبارك الله ، انا من عشاق ابداعك
ومافي كلمه توصف حقك صراحه
الشي اللي حبيتو انك قاعده تطوري من نفسك
اكثر واكثر ووصلتي للشي اللي تبغيه
انك تعطي دروس
جميل انك ماوقفتي عند نقطه معينه
انا من عشاق الرسم صراحه لكن ابداً ماعندي خبره فيه
ولا اصلا اعرف ، لكن بحاول اتابع دروسك اول بأول
ع الاقل نستفيد ، كل التوفيق لك ياقلبي
++ اذا سمحلي طبعا .. ربي يسعدك
الحمدللله هذا من فضل الله ثم الإستمرار
تشرفت بمتابعتج و اهتمامج


و إن شاء الله ما راح أطوّل بالدروس
اليوم احتمال ينزل الدرس الأول

سووا اشتراك للموضوع عشان يوصلكم تنبيه كلما نزلت رد و لا يفوتكم شي



 

 

باقي عمري لحظة غير متواجد حالياً
Facebook Twitter 0 اضافة رد مع اقتباس
قديم 27-11-2016, 09:19 PM   #9
باقي عمري لحظة
من كبار شخصيات الإقلاع
 
الصورة الرمزية الخاصة بـ باقي عمري لحظة
باقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحب
رد : دروس باقي عمري لحظة * متجدد




*

الدرس الأول :
كيف ألوّن بأقلام الباستل على أي ورق ؟



قبل لا تكملون قراءة , تو طرت ببالي فكرة و هو إني أسويلي حساب بسناب عام
عشان أقدر أورّيكم بما إني ما أعرف لليوتيوب و ما عندي وقت صراحة , للي حاب يتعلم يضيفني هناك و يسألي

art_a00

إذا عدّى الحساب 10 فولورز راح أبدا أتفاعل فيه
و أنزل طريقة رسوماتي فيه حتىى بعد هالموضوع

المقدمة :

في البداية , حبيت أبدي بالباستل لانها اسهل أداة من بين أدوات التلوين عندي , و السبب يرجع إلى طبيعتها و صناعتها , الباستل = الطباشير , و في منها أقلام , المميز بهالألوان إنها نااعمة جدا فما تتعبك وقت التلوين و تندمج بسهولة عكس الألوان الثانية
و في شي ثاني يميزها و هو انها تصلح لأي ورق ( بالنسبة لي )





جربتها على ورق ناعم ( ورق طابعة ) و ورق خشن و ورق متوسط و كلها عطتني نتائج رااائعة جدا !
و كذلك تركيز اللون جدا ممتاز و يبرّد الجبد الألوان الثانية ممكن تعطيك لون أبهت من اللي عليها بس ألوان الباستل ما تخذلك بهالخصوص

أتوقع أبرز عيوبها هو خفتها , فلما ترسم غالبا راح تحتاج كمام ( كحالتي ) لانها عبارة عن بودرة مضغوطة فطبيعي تتناثر بالهوا فتدخل الخشم و تسبب حساسية , و كذلك بسبب أنها خفيفة و رقيقة كحبيبات ما تثبت على الورقة , رغم اني استخدمت مثبت الشعر ( تاثيره نفس تاثير مثبت الرسم ) الا انه لا زال يطبع , صحيح خفف من حدة التطبيع بس لا زال مو ثابت , يعني لو تبي تحتفظ بالرسمة لازم تحطها داخل اطار مخصص افضل .


خل أوريكم في البداية الماركات المعروفة :


- faber castle

و هاذي اللي استخدمها فقط ( ما جربت غيرها صراحة )




- derwent




- caran d'ache

ان شالله بشتريهاا





- ماني متاكدة من الاسم




هنا فيديو جيد مقارنة بين الماركات السابقة

https://www.youtube.com/watch?v=UzDEBvwHeg4&t=1401s

بالنسبة للورق , فأنا وصلت لقناعة إن الورق مع الباستل بحسب استخدامك , بالنسبة لي كل الأوراق مناسبة ( خشنة أو ناعمة , بيضا أو ملونة )

خلوني أوريكم نتائجي الخاصة :


* باستل على ورق طابعة ( ورق ناعم ) :




* باستل على كرتون ناعم ( كان غلاف كراسة ) :



* باستل على كرتون خشن ( كان صعب جدا بس النتيجة جميلة ) :





راح أعطيكم نصايح خاصة بسمّيها المفاتيح و هالمفاتيح هي نصائح عامة مهما كانت الأداة اللي تستخدمها أو الرسمة اللي ترسمها

#مفتاح : إذا تقدر إلبس قفاز أو ضع فاصل بين ايدك و الرسمة ( ورقة أو كلينكس ) لان ايدك بتعرق من التوتر و لو عرقت و حاشت الورق أو اللون راح تخترب , فاحرص على هالنقطة


و قبل لا أخلص المقدمة , أقلام الباستل تحتاج براية خاصة و هي هاذي



أو براية ستيدلر




نبدأ بسم الله

# التلوين بالباستل على ورق الطابعة ( الورق الناعم ) :


نصيحة من مجرب متمرس : لا تدمجون بإيدينكم إذا تستخدمون أقلام الباستل و خاصةً إذا الورق ناعم أو متوسط النعومة , الدمج بالإيد يضبط في حالتين ( الرسم بالباستل الطباشير أو الرسم بالفحم ) غير هالشيين راح تدمّر الرسمة و تدمّر الورق إذا ترسم بأقلام الباستل

السبب لأن الورق ناعم , ما راح يتحمل طاقة الإحتكاك على طول راح يفسد و ما راح تقدر تحط عليه طبقة ثانية و لا راح يبرز اللون أو يندمج أصلاً

شلون أدمج ؟

أفضل طريقة جربتها أنا كانت بألوان الباستل نفسها , و أيضاً عندكم المدعكة تأثيرها حلو ( بس شوي شوي ادمجوا فيها خلوا ايدكم خفييفة ) لا تنسون اننا نتعامل مع ورق ناعم

https://www.youtube.com/watch?v=609u2bhDM-s

شوفوا هالرسام طول الرسمة ما دمج بايده و هو يرسم البومة , يدمج بالأقلام نفسها و يستخدم المدعكة أحيانا و هاذي هي الطريقة الفعالة فعلاً

في ناس يستخدمون القطن , أنا عن نفسي ما فادني القطن واجد , استخدمت عود الأذون و كان هه مو ذاك الزود بس جربوا انتوا يمكن ينفع معاكم !

* مفاتيح الرسم بأقلام الباستل


أولا : النظرة الصحيحة للصورة

لو كانت عندك صورة تبي ترسمها لازم تنظر لها بنظرة الرسام , مو نظرة شخص عادي
نظرة الرسام تكون غالبا عمومية , يعني شنو ؟ , يعني لا تركز على الخطوط أو الأشكال الهندسية أو أو , إذا أنت تبي تلوّن ركز على الألوان فققط

شوف الصورة على إنها تدرجات ألوان , إنسى وجود الفواصل و الخطوط , بهاذي النظرة راح تقدر تستنتج الألوان المناسبة لك في الرسم , و خلك واثق من اختيارك للألوان لا تصير متردد , حتى لو غلطت مو مشكلة

و لا تنسى تحدد الإضاءة و الظل , لازم تعرف الإضاءة من وين جاية بالصورة عشان تعرف كيف تدرج الألوان




استيعاب الألوان :



لما تحس انك استوعبت الألوان طلّع الدرجات المناسبة و تقدر تقيس بالفوتوشوب عشان تتتأكد من صحة الدرجة طبعا

ثانياً : اهني تبدا التخطيط و الأشكال الهندسية
هالخطوة مهمة جدا هي اللي تحدد مصير الرسمة , عطها وقتها المناسب
و لا تنسون لما تخططون و تخلصون تمسحونها شوووي بالمساحة السودا ( عشان تضمنون تخفف لون الرصاص ما تمحيه )
لأن الألوان تفسد إذا اندمجت مع الرصاص ...

ثالثا : ابدأ باللون الصحيح

بعض الرسامين نظرتهم للألوان خاطئة و سطحية جدا , يشوفون البشرة وردية و الخشبة بنية و النهر أزرق , لا لا لا هاذي مو حصة الفنية أولى ابتدائي انتبهوا !

بالعكس البشرة أحيانا تحتوي ألوان كثيرة احنا ما ندركها , أشهر الألوان ( الأزرق ) !
مرة خلصت التدرجات الوردية الخاصة بالبشرة عندي حسيت باليأس , بعدين قلت خل أجرب أدمجهم مع الأزرق , النتيجة طلعت أفضل بكثيييير و أقرب للواقع

خل أوريكم




هذا بالبريزما كولورز , لون وردي + أزرق فاتح : ) !


و بأقلام الباستل عادةً أبدي من اللون الأغمج ثم أتدرج بالتفتيح
مثال هالصورة :




و اذا ما توفرت الألوان , أدمج لونين مع بعض , مثال : بني + برتقالي عشان يصير لون أقرب للأحمر , أدمج الأزرق الغامج مع الوردي الغامج عشان تسويلي منطقة ظل واقعية

مثال :





و لا كأن هناك أزرق موجود

و عن نفسي ما أستفيد من اللون الأبيض إلا في تخفيف اللون فقط , لأن اللون الأبيض غالبا يختلف بأنه شوي كأنه كريمي ما كأنه بودرة , فلما تلونون فيه ما يطلع لون أبيض , تتكون طبقة تعكس لون غريب مائل للرصاصي

اللون الأبيض بهالمرحلة ( التلوين على ورق ناعم ) ماله فايدة كبيرة و تقدرون تستغنون عنه , كيف ألمّع ؟ هذا بالأكريليك و القلم الجل الأبيض بس الأهم من هالإثنين هو الممحاة اللي على شكل قلم , ( الممحاة السودا تقدر تحل محله إذا شكلتوها بشكل مناسب بحيث يكون لها راس مدبب )

من البداية الأماكن اللي تبون تكون درجتها بيضا لا تلونون عليها , خلوها فارغة و بالأخير عشان تزيدون اللمعان مسحوها بالممحاة لانه بيحوشه تلاطيخ من الألوان ..

بتعرفون شنو أقصد أكثر بالخطوات الجاية , و هي خطوات لرسمة من رسماتي


# 1



مثل ما تشوفون بديت بالتخطيط و طبعا مسحت و عدلت مليون مرة

# 2



بديت بالشعر ثم البشرة و كانت غلللطة , كلش ما كنت مرتاحة و انا ارسم
نصيحة لا تبدون بالشعر أو بالخلفية إذا كانت ألوانكم تلطّخ !

بالنسبة للشعر بديت بالأغمج و هو البني رسمت خطوط بحسب التسريحة الباينة لكم
ثم جبت البني الفاتح و عدت نفس الخطوة على اللون البني الغامج عشان يندمج
بعدين جبت اللون البيج و مليت فيه الفرغات و بعدها اللون الأصفر و سويت نفس الشي
بعدين جبت اللون البني الغامج و عدت على الخطوة الأولى و رسمت فوقه خطوط بلون أصفر فاتح


# 3




لاحظوا طرف الخشم و الذقن , ما لونته كلش , خليته و طلع كأنه عليه لمعة بيضا
و على فكرة اللون الغامج بطرف الخشم اللي صوب العين من فوق هذا ازرق مع بني

# 4




زدت على اللون الوردي لون برتقالي بشكل خفيييييف عشان يضفي له شوية واقعية

و بس : ) و النتيجة النهائية منزلتها فوق

بوقف اهني لاني أحس كثرت عليكم الكلام , بالجزء الثاني راح أنزل ان شالله كيف نلون على قطعة كرتون ناعم / خشن ..

انتهى الجزء الأول من الدرس الأول ..
بانتظار ردودكم و مشاركتكم ( مو لزوم تطبقون بس للي حاب أعلق على تطبيقه يتفضل )

تقدرون تضيفوني سناب بالحساب فوق و تسألوني و راح أصور لكم
أو تسألوني بالآسك / الخاص لو محتاجين شي



صلوا على النبي محمد




 

 

باقي عمري لحظة غير متواجد حالياً
Facebook Twitter 4 اضافة رد مع اقتباس
قديم 27-11-2016, 09:59 PM   #10
‏MeeJoo
من كبار مميزين التصاميم والفنون البصرية

 
الصورة الرمزية الخاصة بـ ‏MeeJoo
‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب‏MeeJoo فوق  هام السحب
رد : دروس باقي عمري لحظة * متجدد

عليه الصلاة والسلام ..

الموضوع يبغالو ترويييقة ، حبيت اسجل حضور واقول لاقوة الا بالله الله لايضرك ..
اكتشفت اني عاملة لك فولو ولا ادري مين ،الين دحين فتحت الرابط اللي حطيتيه وعشان اعمل فولو ولقيتني اولردي عاملة هههه

ليا رجعة للتعليق والتفاعل مع هذا الابداع ..



 

 

‏MeeJoo غير متواجد حالياً
Facebook Twitter 1 اضافة رد مع اقتباس
إضافة رد

علامات
تجارب بالباستيل

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 12:16 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017