منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 20-09-2014, 12:25 AM   #31
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 24 me & my friends







*







يَ صباح الخيرات , العِشاء كنت مضبطة الوضع ابشوف مباراة ( الزعيم و الخليج )
و قبل ما انزل جتني اختي و قالت : سجلوا 3 أهداف ..
قلت : بسم الله عليهم عيالنا , تطمنت عليهم ما يحتاج نشوف المباراة خل نستغل الوقت و نغسل الملابس بس
ما ودي انضغط بكرا و انا وراي طلعه مع ربيعاتي
%80 ما ودي تتم هالطلعه << لا يسمعوني
فيني طبع مدري وش يسمى اتحمس و اخطط لآي طلعه و كل شيء تمام
و إذا قرب الموعد تطقني الغلقه و ادق عليهم و اعتذر إني مالقيت احد يجيبني
مع العلم إن اخواني كلهم صافين قدامي و فاضين و عندهم أتم الإستعداد إنهم يودوني وين ما آبي
بس كذا قعدة البيت تسوى عندي كل الطلعات


ع الطاري كم الحد الأقصى لعدد الصديقات
عني ما أحب اكثر من الصديقات و إلا بتورط , نظام حملات الحج ما تنفع لي ابد , حدي ثنتين ثلاث و خلصنا
و كنت ماشيه تمام طول السنوات اللي فاتت بس قبل سنه فقدت السيطرة و زاد العدد من 3 إلى 10
عاد وش يخليني اسيطر على الوضع الحين و انا عندي 3 شِلل متفرقين
و كل شله تغار من الثانية و إذا طلعت مع أحد و نزلت صور بالسناب أو بالانستا
جاني عتب و تحلطم و متى يجي دورنا و لنا الله و انشلخ قلبي القائمة تطول و تضيق الصدر
ابد انا مستعده اطلع معكم وين تبون بس علموني قبل انا وراي كذا شخص لازم اشاوره و اخذ رأيه قبل الطلعه بكم يوم
الشلة الأولى مكونه من ثنتين << مدري إذا ممكن نطلق عليهم لقب شِلة بس يالله
و الشلة الثانية بعد مكونه من ثنتين ..
و هالشلتين على قلبي مثل العسل و ما افرط بهم لو بأيش الله يخليهم لي بس
مفصلين على مزاجي الله يحفظهم دائماً و ابداً
الشلة الثالثة أكثر عدداً و مشاكلاً إلا من رحم ربِ
الشلة انقسمت احزاب و انا صرت بالنص و القاسم المشترك و برأيهم لازم ارضي جميع الأطراف << فاضية لأمهم أنا
يتواعدن ثنتين من كم يوم انهن يطلعن لمكان و اذا جاءت عصرية اليوم الموعود تنط لي وحده بمكالمة و لا برسالة
و تقول لي هاه وش رأيك تطلعين معنا المغرب بنروح للمكان الفلاني
و إذا اعتذرت بحجة إني مشغوله أو ما في أحد يجيبني أو ما فيه وقت اساساً
قامت القيامة و بدت إسطوانة أنتي ماتبين إلا فلانة و حنا لا
ألا ياليتني فلانة حتى تركضين لي ركض ... إلخ
انتي صيري ربع فلانه و انا كلي لتس يا قلبي بس نظام الإحتكار و التملك و التقييد ما يلزمنيش

ياليت البلوك اللي ببرامج التواصل متوفر بالحياة كان يا سلام نسوي للي ما نبي بلوك و خلاص و لا كانه بالوجود
حتى لو صدف و صرنا بمكان واحد ما يشوفنا و لا نشوفه
طبعاً مو آي احد يبلك على آدناه الدون , اللي ضرره كبير و عميق و لا يغتفر و مسوي فيها أنا البريء



ما اقول إلا الله يهديهم و إلا يبدلهم باللي أحسن منهم












 

 


اخر تعديل كان بواسطة » S E B O N Y في يوم » 20-09-2014 عند الساعة » 12:40 AM.
S E B O N Y غير متواجد حالياً
Facebook Twitter 0 اضافة رد مع اقتباس
قديم 25-09-2014, 12:58 AM   #32
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب





*







يُعلّمنا التكبير ألاّ نحزن
كيف نشكُو علّة و الله أكبر ؟!
الله أكبر عندها الأحزان في الأعماق تصغر
الله أكبر كل قلب بعد كسرٍ سوف يُجبر

الله أكبر الله أكبر لا إله إلا الله
الله أكبر الله أكبر و لله الحمد














 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 02-10-2014, 02:53 AM   #33
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 46






*









8 ذي الحجة ( يوم التروية ) ..

أسأل الله الكريم أن يروي قلوبنا و قلوبكم صدقاً و عدلاً و إحساناً
و يملأها إيماناً إلى أن نلقاه .. اللهم آمين












 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 03-10-2014, 04:08 AM   #34
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 46 ( 9 ذي الحجة ) ..






*






لبيـك ربِ
وإن لم اكنّ بينَ الزحَام مُلبيـا
 .. وإن لم اكنّ بينَ الحجيج ساعيا


لبيـك ربِ
وإن لم اكنّ بينَ عبادك داعيا .. وإن لم اكنّ بينَ صفوفهم مصليا


لبيـك ربِ
وإن لم اكنّ بينَ جموعهم طالبا عفوك
 .. فاغفر جميع ذنوبي دقها وجلها















 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 04-10-2014, 04:43 AM   #35
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 16






*







لقيت عندي بروفايل قديم من 2011 فيه صور رحلتنا للحج
طبعاً التصوير بواسطة ( بلاك بيري 9700 ) فلا أحد يشره على الدقة و خلافه
الله يتقبلها منا ذيك الحجه اللي مدري شلون قايله
أول شيء صارت فجأة دخل علينا أبوي و قال يالله ضفو عفشكم بنحج
ثانياً بدون تصريح و تحدينا السُلطات و دخلنا لمكة بسيارتنا
<< أكشن ما بعده أكشن شكراً يبه عيشتني جو الأفلام قبل ما أموت

نبدأ من البداية

بعد ما باغتنا الوالد حفظه الله بفكرة الحج باليوم السابع من ذي الحجة
قررنا نروح أنا و أمي و أختي و واحد من أخواني و الباقين صرفناهم
صبح يوم التروية ( الثامن ) مشينا من الرياض للطائف و صلناها العصر سكنا بفندق و نمنا فيه هالليلة ..

صباح اليوم التاسع طلعنا من الفندق إلا نلقى جيراننا ساكنين بالفندق اللي قبالنا
و هم ما شاء الله حموله جايين بباص مع اجدادهم و العيال و البنات و الأحفاد
جوهم فله و الله , قلنا زين يجسرونا مخالفين مثلنا

و نمشي لمكة مع طريق السيل الكبير .. و نوقف بمحطة إلا يجينا واحد يقول :
ادخلكم لوسط مكة من دون ما تمرون من التفتيش ب 700 ريال .. << طبعاً نصب و إحتيال ..
رفض أبوي و قال له : أنا متوكل على الله و إذا مكتوبه لنا هالحجة بنحجها و لو جانا المنع من كل مكان ..

و نكمل و يجينا التفتيش حق التصاريح
زحمة و الطريق واقف و نشوفهم يرجعون باصات و سيارات فيها محرمين
و نستغفر و ندعي .. يوم بقى قدامنا 3 سيارات و يجي دورنا
و هم يفتحون الطريق و يشيلون الحواجز و يقولون للعالم ادخلوا .. رحمة من ربِ و فضل


و يجينا الحاجز الثاني عند ملعب الشرائع .. ممنوع تدخل السيارات ..
و يدخلونا لمواقف الملعب يبونا نصف سياراتنا هناك و ننزل نركب باص ندخل مكه
جيراننا ذولاك دخلوا على طول لأن معهم باص و حنا قعدنا بها
و ينزل ابوي يحاول بهم و هم رافضين رفض قاطع
و يرجع لنا و يجلس يفكر شوي بعدين قال : اربطوا الحزامات
قلنا : ليش وش السالفة

ما رد علينا طبعاً مهوب وقت تبريرات ..بعدين يجي الشرح الوافي و الكافي
و فجأة يسمي و يردد آية ( وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ )
و يعكس الطريق و يطمر الرصيف و يدعس ..
طبعاً انا هالوقت راسي عند رجليني و مسكره اذاني و اتخيل اصوات شرطة و رشاشات
و نمر من عند الحاجز و نلف ندخل لمكه وهات مساقط على السيارات و ما هدينا السرعة إلا و حنا بالعزيزية
و الحمد لله ما دروا عننا .. اخوي كانت عينه ع الضباط اللي على الحاجز
يقول : ما التفتوا كلهم وجيههم على اللي جاي بس




( الصورة جديدة من هالسنة .. وقتها ما كنا فاضين نصور )

و نوصل للحرم و نطوف و نسعى و نصلي الظهر مع العصر .. و نتوجه لعرفة
طبعاً كل الطرقات المؤدية لعرفة مسكره و العسكري يقول ما نفتحها إلا العصر
وقفوا سيارتكم و دوروا لكم باص يؤديكم لهناك ..
و نوقف على جنب هلكانين من الجوع و العطش و الحر ..
و يروح أخوي يجيب لنا غداء .. من وين ؟!
من البيك .. يا حبيبي مهوب وقته أبد
تحت كبري و بهالحر و مع الغطوة و جايب لنا مسحب حراق .. انفجار
من يومها كرهته لا احد يجيب طاريه .. ارتبط بذاك اليوم المأساوي ..

بعد ما تغدينا .. قلنا خل نخلي سيارتنا هنا و نمشي قدام شوي يمكن نلقى لنا سيارة تودينا لعرفة ..
و يجينا واحد مهايطي يقول أكثر مما يفعل
و طول الطريق انا بوصلكم لعرفة لا تخافون و انزلكم عند مسجد نمرة اعتمدوا علي ..
يوم جت الصدقية و هو ينزلنا عن عرفة مسافة كيلو و نص بحجة ممنوع و اخاف يصادرون سيارتي ..



و ننزل نمشي لين وصلنا حدود عرفة و دخلناها و لحقنا على آخر ساعتين من الوقفة ..
بعد الغروب نفرنا لمزدلفة ..
أول ما وصلناها طحنا من التعب و نمنا .. أول ليلة عيد بحياتي انامها بهالعمق



قمنا صبحية العيد و صلينا الفجر بأجواء روحانية جميلة و جو لطيف ..
وفيه ناس يوزعون حلويات و عصائر و فواكة و يهنون بالعيد



طلعنا من مزدلفة و رحنا لمحطة المترو .. حتى يوصلنا لسيارتنا الحبيبة ..
و أجلنا الرمي للعصر أخف و اريح ..
وصلنا سيارتنا و تقهوينا يالله من فضلك من عقب غدانا الناري بالأمس ما ذقنا شيء ..
بعدها لفلفنا بالسيارة شوي لين لقينا لنا منتزة جميل فيه ناس مخيمين و حنا نخيم معهم
هالمنتزة صار له معزة خاصة .. صرنا كل ما رحنا لمكة نطلع له
و نجلس بنفس مكان تخييمنا و نسترجع الذكريات ..




بعد ما صلينا العصر رحنا نرمي الجمرات ..
و مرت الأيام بعدها بيسر و سهولة لله الحمد و المنة ..
نطلع من المنتزة مشي و نروح للمحطة قباله و نركب المترو للجمرات نرمي و نرجع ..



هذي أخر يوم برمي الجمرات .. سمح لنا ابوي نصور الوداعية ..

طول عمري اتمنى حجتي الأولى تصير كذا بعيد عن رفاهية الحملات و الملهيات ..
حلوه حياة التقشف و البساطة و اننا عايشين على القليل و نحس بغيرنا ..
يالله تحققت لي الحجة اللي ابيها .. إن شاء الله تتحقق أمنية إني اعيش بكوخ وسط غابة
الله يتقبلها منا و يعفو عن الخطأ و التقصير و ييسر لمن لم يحج و يحقق له ما يتمنى
و الله يتقبل من الحجاج حجهم و سعيهم و يغفر لهم و يعيدهم لديارهم سالمين غانمين













 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 04-10-2014, 12:45 PM   #36
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 54 عيدكم مبارك






*




كل عام و أنتم قصه من أجمل القصص التي مررت بها
و كل عام و وجودكم بحياتي يدوم
دمتم لي يَ أجمل أعيادي


يَ مساء الأعياد
و كالعادة ما نسيت حبايب آلبي .. ترى الكلام اللي فوق لكم ما يخليني
بهالمناسبة المباركة اهني متابعين مدونتي الأعزاء بحلول عيد الأضحى المبارك









شكراً ع تقييمكم و تعليقاتكم و رسائلكم
دمتم بألف خير












 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 07-10-2014, 11:58 AM   #37
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 16






*




Let's take a look


( تحذير )

هالتدوينة عن عيدنا و بالصور اللي نظامهم خكر و ياي لا ينزلون
ما راح يعجبهم بعض من المحتوى .. عُلم ..


ليلة العيد جابوا الخروف .. قليل أدب أول خروف يجينا بأنصاص الليول
بالعادة الخروف يشاركنا فطور عرفة ..
يا زينه هذاك الخروف اللي بسنه من السنين دخل علينا للصالة و حنا نفطر
من الضحك عجزت اتحرك ..
امي تصرخ بيوصخ الأرض و انا منظفه و خواتي يتناقزن تقل فشار بقدر
و ما شاء الله عليه يوم شاف اخوي قام .. و هو يهرول مع نفس الباب اللي جاء معه
مع إن حوله خيارات كثير للهروب في متاهات البيت ..
و من يومها و الخروف ي ينربط أو ينحجز

أول ما دخلوا ارسل ابوي .. اخوي حتى يجيب له الطبلية اللي شايفها فوق حتى يحجزون بها الخروف ..

طبعاً الطبلية حقتي .. ساحبتها بقايلة من القوايل من عمارة جمبنا
و منظفتها و مفككه الألواح و صافتها جمب بعض و مثبتتها حتى أصور عليها ..
و كلن مناشبني عليها بالإنستقرام يسأل .. من أين لي هذا ؟!

و الحين ببساطة يقول جيبوها نحجز بهالخروف
و ساعة نتجادل انا و أخوي و اتحلطم عليه ..
بالنهاية قلت : يالله خل نحتسب اجر طاعة الوالدين و الله بيعوضني طاولة من ايكيا اصور عليها ..
و انزلها بنفسي لهم << أم تزف بنتها
و يحجزون بها الخروف ..

ما جانا النوم ليلتها و واصلنا مع ان ورانا كرف بكرا بس ما باليد حيلة
و يطلع الصبح و نروح نطقطق على ( فلافي ) << سمينا الخروف ما عندنا وقت
و بعدها رحنا نصلي و نرجع نكمل طقطقة و تصوير ..



كان فيه شبك كانوا حاطين فيه البرسيم و قاهرني مخرب التصوير
و أبو الشباب متكي عليه يعني صعب اسحبه
مار اتذكر مقال قد قريته عن ( التخاطر الذهني ) مع الحيوانات قلت خل نجرب يمكن ينفع
و اسكت خواتي و اهددهن و اتوعدهن يتكلمن أو حتى يفكرن و ابدأ بالعملية ..



أول صورة على اليمين متنح يستقبل الإشارات التخاطرية
الصورتين اللي بعدها كأنه استجاب و بدأ ينفذ و يزحزح الشبك
و ما تم الموضوع لأن خواتي صرخن من اللي يصير .. و هو ارتاع و لا كمل المهمة
و أكاد أجزم إنها مصادفة ..
مستحيل تجي من اول مرة يبي لي اجربها أكثر من مرة حتى اتأكد من مصداقيتها ..

و يجي أبوي و أخواني و يسدحونه على طول .. ما كان فيه أكشن و مطارد
مستسلم لأبعد درجة هالفلافي ..
صورت حوالي 70 صورة بس لمشهد الذبح << إجرام
و انا اتفرج ع الصور حسيت إني من الأدلة الجنائية
بس باقي شريط أصفر و كروت مرقمة عند بقع الدم و تكمل السالفة



وداعاً فلافي و الله يتقبلك منا
هذي اخف صورة و إلا الباقي في أعماق الدم و أخاف يجيني انذار بحجة الترويع ..

فتحنا باب الكراج شوي عشان نغسل الحوش و نطلع الدم برا
إلا و فيه انعكاس شيء رايح جاي من عند الباب و انا اروح اطل ..



إلا هالخبلة المتوحشة مستمتعه تمصمص جعلها اللي منيب قايله

علقوا الضحية و بدوا يصلخون و يقطعون .. و انا ما يهمني إلا الذبح و ملحقاته
فدخلت اشوف فئة ( تفرج من خلال النافذة و انت ترتدي الكمامة ) وش يسوون




إلا مضبطين لهم فطور و حركات
و انقنق معهم شوي من عقب فطوري امس ما ذقت شيء

بعدها و لا كأني سويت شيء طلعت للسنافية
احثهم على إعداد وليمة الإفطار بسرعة لأنني جائعة





إستعدادات الباربكيو



الحميسة

بعد ما افطرنا و خلصنا اشغالنا جاء وقت المكافأت ..



قبل اسبوع من العيد ..
اقترحت اختي نسوي قرعة وكل واحد ( اللي حاب يشارك ) يأخذ ورقة و يجيب للي طلع له اسمه هدية ..
و التسليم يوم العيد ..



بعدها تقهوينا و روقنا على كيكتي الجميلةة ..
ما طلعت مثل اللي في بالي شكلياً بس تمشي الحال و لله الحمد ..


و بعد ما صلينا الظهر .. استلمتنا الغيبوبة الجماعية و خلص العيد


ينعاد علينا و عليكم باليُمن و البركات ..













 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 25-10-2014, 10:31 AM   #38
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
Eq14 54 صباح الخيرات






*









ربِ اجعل سنتي هذه سنة خير
لا يضيق لي فيها صدرّ و لا يخيب لي فيها أمر
و اجعل لي بكل خطوة توفيق و تيسير و أجر













 

 

S E B O N Y غير متواجد حالياً
Facebook Twitter 0 اضافة رد مع اقتباس
قديم 04-11-2014, 05:04 PM   #39
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب
رد : لأن الحياة قصيرة , لن أعلق سعادتي بأحد ♫






*






ما طولت صح
بس مدري وراها المدة الإشرافية قصرت و صارت سنه و 7 شهور
أنا أحس مر علي بالإشراف 3 سنين << على كيفها
ما كان ودي اتبرتقل و الله .. بس الظروف اقوى
و سبحان الله النقلات في حياة الواحد و لو كانت بسيطة
تبين له من الصديق الحقيقي و من اللي زيادة عدد
بموضوع الإستقالة فيه ناس ردو ردود فاجأتني بمكانتي عندهم
و كنت غافله عنهم و ما توقعت اكون بهالشعبية و المحبة عندهم

ابوثق الردود هنا .. لأن لها وقع في قلبي وراح احتاجها كدافع معنوي بالفترات الجاية ..

إقتباس »
الرسالة الأصلية كتبت بواسطة C O M E L Y »
S E B O N Y
امممممممـآ عـآآآآآآآآآآآآآد اخر اسسم اتوقعه
يالله مره ماجاء ببالي انك راح تستقيلين ياتعبانه
إقتباس »
الرسالة الأصلية كتبت بواسطة Q D H A »



ليه صرتي كذا يا اختي
خسارررة القسم كبيرررة
شهادتي مجروحة فيك بصراحه انتي مبدعه وعندك حضور وحماس
مدري وش اقولك اكثر من كذا
ماقول الا الله يوفقك ويسهل لك ان شاء الله

إقتباس »
الرسالة الأصلية كتبت بواسطة توليـنَ »



حبيبتي سيبو
لحظة وداعك صعبة بالحيل صعبة , زعلت عليك حيل
ما تمنيت يجي اليوم اللي اشوفك فيه " من كبار الشخصيات "
تعودت عليك بالأسود و تعودت على اشرافك الجميل و الراقي و عطائك الممـيز
ما قصرتِ ولله بفترة اشرافك الطويلة . .
كنتِ وما زلتي خير و افضل من مثل قسم اكسسواريز تصاميم الاندرويد سابقاً وتصاميم التقنية حالياً
بيفقدك القسم كثير و مكانك الخالي محد يملاه "$
الله يوفقـك و يسعدك يَ حبيبتي اتمنى اني ما افقدك بعد الاستقالة :"(
و اشكر الإقلاع اللي عرفني و جمعني فيك يَ حبيبتي
إقتباس »
الرسالة الأصلية كتبت بواسطة Silent »


ذِبلتَ زهُور التصاميم يوم شذَاها رحَلّها ، وغابت
رياحيقَ البساتينِ وألقّتها وداعيّتها ..

دُوديمَا !
أبدًا ما تمنيت هاليوم يجيء ، لأنّ عطائِك حاتمِي من كنتِ بالأندَرو
وبصمَتك تَعلُو الأفقّ وجيتِ للتقنية وما زالتّ بصمتِك تحلّق و
تعطِي بترفّ

سيبُوها اسم برزّ نفسَه في وطَن التصاميم وشيء يحزّن أن
مسيرتَها التصميمة فيها انتهتّ ، لكِن ! نتمنى تظّل بقلقوعّ وما ينطِفي نُورها
في أرجائِهه

مِثلكّ يُخسر ما ينخِسر وقسمِك خسرك شين أكيدّ $_$
وزيّ ما قالت ميومتِي ممنونين لقلقوع اللي عَرفنّا عليتس
وجمعنَا تحت سماءوه

بالتوفيء دوديمَا بحياتِس القادِمة ، أعطيتِ بسخاء الله لا
يحرمك أجرّ وقتِك
إقتباس »
الرسالة الأصلية كتبت بواسطة الزمردة »


خسارة والله ، ماتوقعت ابد استقالتكِ .
الله يسعدكِ ويوفقكِ وين ماكنتِ ،
إقتباس »
الرسالة الأصلية كتبت بواسطة KhaleD B »
s e b o n y زميلتي بالتقديم والمشرفه المميزه الخلوقه
صراحة صدمني خبر إستقالتك انتي خسارة للقسم
بس ربنا يوفقك بحياتك العملية والعلمية
إقتباس »
الرسالة الأصلية كتبت بواسطة امــــــــــــــل »



صديقة المجلس استقالتك صدمتني
ما كنت حابه اشوف استقالتك
الله يوفقك سيبو يارب ونرجع نشوفك مرة ثانيه
لاتقطعينا وجودك ومعرفتك مكسب لـ اي شخص


الله يسعد قلوبكم و شكراً لمشاعركم النبيلة















 

 


اخر تعديل كان بواسطة » S E B O N Y في يوم » 04-11-2014 عند الساعة » 05:07 PM.
S E B O N Y غير متواجد حالياً
Facebook Twitter 0 اضافة رد مع اقتباس
قديم 11-11-2014, 07:08 PM   #40
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب






*




لا تطمح أن تكون أفضل من الآخرين
أطمح أن تكون أفضل من نفسك سابقاً
ف العقول تصغر عندما تنشغل بأمور الآخرين
و تكبر عندما تنشغل بذاتها


بداية الترم كنت حاطه ببالي هدف و كنت ابغى اوصل له بآي طريقة
بأول اسبوع تقريباً لما بدينا نندمج و نتعرف على بعض و تظهر المستويات على الملأ
كنت لما اشوف وحده ما شاء الله مستواها ممتاز و أعلى مني ..
اتضايق و يجيني احباط إني ما راح اوصل لهدفي بسهولة و انها عائق
<< ادري حركات بزران , انا ناقده ع نفسي الحين
و سبحان الله ..
سخر لي الله ذيك الوحده الصنم اللي بلستتي و ترسل ذاك اليوم العبارة آعلاه
وهو يتغير تفكيري 180 درجة و بشكل جذري
انشغلت بنفسي عن الناس و اخطائهم و مميزاتهم .. و صرت ما افكر إلا باخطائي و كيف اعدلها
و الحمد لله احس بتطور كبير و استقرار نفسي لا مثيل له الله يديمه

بكرا إن شاء الله تكريم مميزات الشهر
و كل البنات اللي معي متفقين و بالإجماع إني انا المرشحة الأولى
عجزت اصرفهم و اقولهم وش هالحتسي لا ترفعون بي بس ما حولك أحد
ما ودي اتميز ما آبي احراج و اضواء و شهرة
لو بنيتهم يكرموني .. خل يسوون مثل تهريب المخدرات
اتقابل انا و المديرة بنص الليل ببرحه و تسلمني الهدية و لا شاف و لا من درى

دعواتكم بما هو خير لي , اسعد الله قلوبكم











 

 

S E B O N Y غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 02:39 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017