منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 07-06-2017, 02:50 PM   #241
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

-



بسّم الله !
اول شيء والله اني جوعانه بشكل مُو طبيعي !
نظام نومي أزفت من الزفت أنام الساعة 2 تقريبًا بعد الظهر , وأصحى على الفطور .
وأرجع انام بعد الفطور وأصحى الساعة 12 كذا .
سلاماااااااااات ؟ وش النظام الخايس هذا
حتى صلاة التراويح لي كم يوم صايرة مااروح لاني أكون دايخة وبَس أبي السرير ):
مخي يحسبها أجازة صيفية , أوكي هي صدق اجازة صيفية بس بليز أحنا برمضان !!


المهم . .
حسابي بأنستقرام قبل 3 سنوات يمكن كان فيه أكثر من 300 صورة .. طنقرت مره وحذفتهم كلهم الحمدلله والشكر .
وبعدها بفترة رجعت أنزل وصلت يمكن 23 صورة وهذا اخر علمي فيه قبل سنة . .
يعني حسابي موجود وكلش بس اخر مره كنت أهتم باني اشارك الناس يومي وتفاصيل بسيطة قبل سنة وأكثر . .
أمس جاني شعور الي أبي اوثق كل لحظاتي الحلوة , ابي اذا ضاق صدري أفتح مكان وأحصل ايامي الحلوة محفوظة فيه . .
أنقهرت لان قبل فترة ضاع جوالي وعطلته , لما اشتريت جهاز جديد وفتحت سناب .. كانت الصور لشهر فبراير وابريل ومارس كلها مو موجودة !
عشاني نسيت أسوي Backup !
أنقهرت مرررره بس الحمدلله على كل شيء , عشان كذا سويت لي حساب في إنستقرام ماضفت فيه ولا أحد , وصرت كل صورة حلوة أصورها في سناب أحفظها فيه . .
وكل لحظة حلوة جمعتني مع أحبابي أحفظها فيه .. وأعلق تحت الصور بنفسي ..
مثلًا كنا جالسين وطاحت فلانه وصار كذا وكذا وكذا !

مدري بس مره أنبسطت من نفسي بحركتي هذي , يعني خلاص لو يضيع الجهاز ألف مرا بس أسجل دخولي وكل شيء يرجع لي ..



ياليت لو فيه خاصية فالحياة نفس كذا .. يعني أي شخص نخاف يضيع من يدينا نحفظه وخلاص يبقى معانا للأبد !


كنت حافظت عليك والله .
حسيت بشعور غريب مااعرف كيف أوصفه لما استوعبت انك بديت تختفي من حياتي
ماادري ..
بس أحس اني أحبك بكل مافيني .. بروحي .. بعقلي وقلبي !

أف منك أفف
اشتقت لك شوي .. لأ مو شوي كثير
سبحان الله , غريب .. كيف بديت تغيب عن حياتي فجأة .. مثل مادخلتها فجأة ..



أكره الوضع الي انا فيه اللحين , اكره مشاعر الرفض والحب المشروط والحزن الغير مبرر الي قاعده احس فيه
أكره شعوري باني مااستاهل اللي جالس يصير لي .
لانه يكون ضايق صدري شوي .. ولما أتذكر انه المفروض أكون مبسوطة واني مااستاهل يصير لي هذا كله يصير ضايق صدري مره مره مرررررره


انا بحياتي "كلها" ماقد حاولت في شخص ..
والله يعلم اني ما احب المحاولات وحاولتك للمره المدري كم ..
"حاولت أنا مانفترق" .
إلى قبل 23 دقيقة كنت أحاول , وهذي اخر محاولة خــــــــلاص . .


نعست . .
بالليل بكمل



 

 

الجموح غير متواجد حالياً
Facebook Twitter 0 اضافة رد مع اقتباس
قديم 10-06-2017, 10:27 AM   #242
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

أتألم ،
هذه مرحلة مخاض الذات .. هل سمعت عن مخاض الذات؟
أتألم لأني ألد امرأة أخرى أقل سذاجة مني أكثر وعيًا لما ينبغي أن يكون.



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 01:17 PM   #243
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

-


صار لي يومين أفتح المدونة ..
وأكتب أكتب أكتب أكتب ثم أمسح كل شيء وأسكر الجهاز .
أحس اني أمر بمرحلة فوضى داخلية .
كل شيء مكركب .. ماادري بس أحس بشعور الي ودي أرفع شعري فوق والبس بجامة وأدخل لقلبي أرتبه
ههههههههههههههههههههه اففف : (
وأبعد عنه كل شيء يزعجه , وأمسح منه كل ذكرى صعبه
وكل شخص مايستاهل يكون فيه أطلعه برا , طبعًا مو بس أطلعه الا اشوته ! لول
المهم .. .
حسبي الله على الحظ الردي الي ولا مره وقف بصفّي ! . .
مدري بَس أحس بشعور أني بأنفجر مِن كثر الضغط والهموم الصغيرة الكثيرة . .
على كثر الروحانية الي بالايام هذي الا اني أحسها صعّبه .
أصعب من قدرتي أني اعيشها أو حتى اجاريهـا
كل ما أجي أبي أكتب او اتكلم تضيع مني كل الحروف .. وكل الكلام ..
مايطلع مني الا تنهيدة طويلة تتبعها ااااااااااااف !
يعني ..
مرات احاول أترجم الي فيني لربي بالدُعاء . . لكن أكتشفت اني مااعرف أدعي !
كل الي اسويه اني أبكي واقول يارب يارب يارب أنت عارف كل شيء , يارب أمسك بايدي مابي اضيع .. مالي ولا أحد غيرك أنت ربي وعارف كل شيء .. ساعدني .. يارب ! ..




أحس تعبت وحامت كبدي جد من الوضع الي انا فيه .
by the way *
أحس مشاعري مرتبطة بكبدي مو بالقلب لول!
اذا حزنت تقلب كبدي واصير ماأشتهي الاكل .. اذا زعّلت احد يضيق صدري لين تحوم كبدي وأستفرغ ..
وكذا ............
يارب تزين الأوضاع لان خلاص .. جد خلاص مافيني
ماادري ايش الي بالضبط أبيه يخلص .. بس أبي ارتاح . .
يارب ماعليك عسير ..
يارب أنك على كل شيء قدير ..
أدعوا لي



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 01:25 PM   #244
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

-


أحب مرّه لما أكون سرحانه افكر .. أو حزينة من شغلة
فجأة يصدح صوت الاذان بـ "الله أكبر" .
على طول أرد ورا المؤذن الله أكبر من كل شيء ..

دايمًا أحس كانها رسالة من ربي .. الله أكبر من الناس الي جرحونا .. الي ظلمونا .. الي أذونا
الله أكبر من الجروح الي تشرخ القلب .
الله أكبر من البعد والظروف والحظ السيء .
الله أكبر من الدموع الي نذرفها بالسرير واهلنا يفكرونا نايمين . .
الله أكبر من المستقبل الي مشغلنا عن اننا نعيش يومنا .
الله أكبر من الماضي الي شبعنا من الندم بسببه.
الله أكبر من الحب من القوة من الحرب من المسافات من الجروح من الحزن .. .
الله أكبر مني ومنك ومن قلوبنا ومن كل شيء !

الله أكبـــــــــــــــــــر



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 02:09 PM   #246
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

إقتباس »
الرسالة الأصلية كتبت بواسطة الجموح »


فيني شيء أحبه مره ..
إذا حسيت اني أميل لشخص وهو مايبادلني نفس الشَيء وتأكدت مره مره
أجلس مع نفسِي واحكي اقول كذا مثلًا :
وش تطلع أو يطلع هو ؟
ومين هم عشان تحبينهم ؟
ومتى عرفتيهم عشان تتأثرين من حركاتهم البسَيطة ؟

وانسَاهم خلاص ! ..
لوول والله ماامزح بس اذا حسيت اني بنخرط فعلاقة اجلس مع نفسي نفس الجلسة هذي ونخلص !


لماذا فقدت هذه المهارة ؟
كيف ومتى ؟
أين هي الحقيقة الغائبة والأسباب ؟



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 03:22 PM   #247
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

ماعاد فيني حيل باقي .. أو صبر
وحالات حزني فيني تودي وتجيب
تلعب بي الآهات وإحساس القهر
من قسوة الإحباط والحال الصعيب



الجهازبدايخررب علىساساني ناقصة المسافة مرات تضغط ومراتلاا؟؟؟؟؟


يالله ضايق صدري , ,
في دعوة من أبتدى رمضان وانا أدعي فيها, ومااستجابها ربي ..
أكيد في حكمة ,, بس والله ضايق صدري ياربي ياحبيبي
مرات يجيني شعور اللي ايش ذنبي عشان مايُستجاب دعائي؟ ليش الله يحرمني او يبعدني عن أكثر شيءبالدنيا اسعى له وأتمناه ؟
أحس انو قلبي محطم .. لا .. هو شعور بالخيبة عيا يتلاشى ..
من كثر ما اكون صادقة بالدعاء انام وكأني واثقة اني بصحى على إستجابته .. .
انا أحس أن ربي يحبني .. مو أحس إلا متأكدة ومُوقِنة.
أستشعر حبه بأشياء كثير.
وعلى هذا اليقين أعيش.


يعني ينتهي اليوم في رمضان تقريبًا الساعة 2 ونص بعد السحور, أخذ قارورة المويا وأطلع للحوش .
أجلس لوحدي ماأفتح الجوال , ولاعندي أي مخلوق
وأكلم ربي . . مرات انسى نفسي وأتكلم بصوت مسموع أحس لو أحد فالبيت سمعه بيقول وش تخبّص هذي ؟
أناظر النجوم وأفكر في مصيري .. لوين ماخذتني هالحياة ؟
يارب تسمع صوت قلبي ؟ انا متأكدة انك اقرب لي مني . . وعارف كل شيء
يارب كيف بتنتهي أموري؟ يارب أرسل لي أشارة من عندك تطمنّي وانا مستعدة أتحمل هذا كله . .
يارب .. عارف كيف شعور الوحدة ينخر قلبي ؟ عارف شعوري وانا أشوف الكل مبسوط ؟
يعني .. انا عارفة ان كل اللي امر فيه بينتهي وكله مؤقت . . بس أحس ان الوقت موقف والايام ماتمشي..
أحس كل شيء يمر من قدامي وانا ثابتة!
يارب . . كيف كنّا وكيف صرنا ؟
يارب انا عارفة انك تحبني . . تحبني عشان أفعالي الصغيرة اللي مااحد يعرفها غيرك . .
أحس انك تحبني عشاني ما أقتل النمل , وعشاني أهتم للعصافير وما امر من حولهم عشان مايخافون ويطيرون . .
تحبني يارب لاني لما تتزاحم الادعية في لساني والامانِي في قلبي أردد يارب يارب !
تحبني عشان الدمعة الي نزلت بالسجود .. في صلاة الوتر لما كان الكل مشغول وصوت الضحكات عالي . .
لما كنت أردد " أنك تعلم ولايعلمون " ! . .
تحبني عشان ردة فعلي لأي شيء مُبهر , مدهش , جميل : "الله!"


انا أحبك , وأكثر يوم حسيت لطفك فيه يغمرني بـ 18/5 . . حسيتك تحيط فيني لما بكيت في الجامعة والهمتني أني أطلع عشان مايلمَح ضعفي أحد ..
لما رجعت وصليت وبكيت .. كنت ممتنة لك لاني بكيت ولا أحد لاحظ من أهلي ولا صديقاتي .. وعوضتني على طول يارب وفرحتني ..
وضحكت ثاني يوم حتى تبخّر الحزن مني .. حسيت وقتها أني سعيدة سعيدة !
حسيت ودي أوزع سعادتي على كل الي أحبهم . .
ضحكت وحكيت وسهرت وغنيت قبل أنام !

كنت أتكلم معاه وأحس كانه هدية منك . . كانك كنت تقول لي :"عشان ماتبقين لوحدك" !



. .
وكأن الدنيا تحاسبني على ذيك الضحكات اللحين . . وكأنها على كل ثانية فرحت فيها ونسيت اللي فيني .. تحسفت
كل شيء تغير بين ليلة وَ ضُحاها.

وحدك يارب قادر . .
وحدك قادر ماتحرمني الشعور الحاني والفرح . .
وحدك قادر على انك ترجع لي كل شيء نفس ماكـان وأحسن . .


وحدك ولا غيرك .. يارب
لاتتركني وحيدة أتخبط , لا تحرمني الشيء الي اسعى له .
أجب دعائي وعوضني خير يـاربيّ ..



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 03:46 PM   #248
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

-


انا احس ان أعظم الآمنا هي اللي نضحك عليها ونسّخر منها . .
قبل كم يوم كنت أتكلم مع اهلي عن شيء .. ضحكت عليه كثير . . وضحكوا أكثر
كنت أحس بمرارة وأنا أضحك . . مرارة بتسمم منها . .
قلت الكلام بتهكم شوي . . وضحكت .. ضحكت كثير لين بكيت .
أنقهرت كثير ومسحت الدموع لانهم يحسبونها دموع من كثر الضحك . .

يمكن مااحد لاحظ لمعة عيوني وأنا احكي .. أو نبرة صوتي إلا أمي .
مسحت على راسي وقالت ياعمري يا فلانه .. .
ياعمري انتي والله : (



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 03:48 PM   #249
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

و أذكر لطفه الخافي فأسلو
لعلّ الأمر بالبشرى قريب
وأمسح عبرتي برجاء ربي
فظني فيه حتماً لا يخيب .



 

 

الجموح غير متواجد حالياً
Facebook Twitter 0 اضافة رد مع اقتباس
قديم 12-06-2017, 04:05 PM   #250
الجموح
خبير إقلاعي مميز
 
الصورة الرمزية الخاصة بـ الجموح
الجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحبالجموح فوق  هام السحب
رد : عزيز, وَضيقوا خناقه *

-


" كم تمنيت أن اشاركك أيامي الحلوة , أن احشرك داخل لحظاتي , وأضعك داخِل دائرة حياتي لاتحيد ولاتميد مِنها وعنها
كل شيء مِن حولي أتقاسمه معك فرحتي وبُكائي .. طفولتي وأنوثتي .. ليلي وَ نهاري
لاشيء أصعب علي ياحبيبي من ان اصبح وعينيك ابعد ماتكون أو ان يحول الخصام بيني وبينك
ان أشعر بأحبك ثقيلة في قلبي وفمي .
لا شيء أصعب علي من أن تنسحب فجأة من هذه المسرحية الحلوة !
لِـ أظل انا وقلبي وخيالاتي مليئة بك وخالية منك في الوقت نفسِه..
لم أطلب أحدًا من الله مثلما طلبتك , ان يرزقني لذة حضنك دون أن يُعاتبنا أحد
أن أركض بعد سنينٍ من الرغبة والحِرمان لانام فِي صدرك للأبد.
والله للابد
"


أتوقع كذا خلاص كتبت لين ماقلت بَس . .
كتبت كل الي مريت فيه الاسبوعين هذي لين ماحسيت أن ظهري بيتكسر من الجلسة . .
وتعبت كثير . .
دايمًا اكون مُنهكة بعد ماأكتب اشياء طويلة نفس كِذا .
أحس كاني طلعت من حرب ماادري ليش .. فغالبًا بعد ماأكتب انام . . أو أجلس بهدوء وأرتاح
سو تمسُون على خير اقلاعيين . .



اللهم أدعوك بأصدق أعمالي إليك و إنني أعلم أنني و أعمالي أذل من وَقَف أمام يديك فأعطني برحمتك ولا تعطني بأعمالي ..
أذكروني بدعوة



 

 

الجموح غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 12:32 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017