إقتباس »
الرسالة الأصلية كتبت بواسطة بنت ابو شهاب »
اكتب لكم وانا تعبانه من البكي
تعبت من السكن فوق اهل زوجي حاولت بزوجي كثير بس مافي امل نطلع برا البيت
ما احس اني مستقله زوجي صار للجميع مو لي ولبيتي
لما اشوف اللي ساكنات بعيد عن اهل ازواجهم انقهر لانهم مرتاحات وزوجها لها
وهي معودته على تصرفات واشياء معينه
بس انا في حالتي مقدر [emoji174]
ما احس زوجي لي صار لابوه وامه واخوانه واخواته والناس اللي برا
لاتفهمون غلط اني انانيه وابي ابعده واحرمه من اهله بس ابي احس اني متزوجه ومستقله
وزوجي لي ولي نظام خاص معه
بالعربي هم كارفين زوجي دايم مشغول معهم
لا اقدر اطلع ولا اخذ راحتي
وغير ذلك مصاريفهم كثير وطلباتهم اكثر
اللي يطلب فلوس واللي تطلب جوال وفواتير ومدري ايش
هو ماديته مو ذاك الزود [emoji174]
للامانه هو يحاول مايقصر معي والله بس كثير جدوله مضغوط وهم ياخذون اغلب وقته
وش اسوي بحالتي هذي؟
ابي استقل وابعد عنهم واحسه زوج فعلاً !!!!
يا اختي استهدي بالله
صحيح انتي تبغين تستمتعين مع زوجك وتبغينه يجلس معك لكن
في هذا الزمن نادر تلقين رجال طيب ويناقشك ويبغاك
صحيح بره بابوه وامه شي ممتاز
ولك حق انتي بعد
بس هذي امه وابوه ربوه وكبروه وماقصرو معاه ورحمه بزوجك انه يكون بين اخوانه ينتبه لابوه ولامه ويبر فيهم
كوني سند لزوجك الطيب تراه يتعذب عذابين بين والدينه وبينك
لاتكونين قاسيه مع انسان طيب معك وعيبه ان ماله وقت يحلس معك بسبب والدينه
انتي فكري كويس لو كان وقته مشغول باستراحه او ببنات او باي شي مو زين وش بتسوين وقته
قولي الحمدلله انه ابن بار بوالدينه واهله ومع هذا واهم شي انه مو مقصر معك ولا مع بنته وطيب معاك
ساعديه وكوني له الام الحنون مو بس الزوجه
بيجي اليوم الي بتشوفين بر عيالك وببركه رزقكم كله من بره باهله
ولعلمك ترى مو كل وحده ساكنه بعيد عن اهل زوجها مرتاحه ابدااااا مو صحيح
انتي مشكلتك زوجك ماله وقت يجلس معك بسبب انشغاله مع اهله
لكن كثير غيرك ساكنات بعيد عن اهل ازواجهن وماله وقت يجلس عند زوجته بسبب استراحه وفوق هذا امه تمشيه على كيفها ويسمع لها لين خربت بيته
احمدي ربك ان امه ماتشيله عليك ولا تاذيك وادعي ان ربي يوفقه وتسكنون بيت لحالكم كثري من الدعاء ربي يفرج همك ،،
(ترى اذا انفصلتي بتذوقين المر مهما كانو اهلك كويسين الانفصال مو سهل لا لك ولا لبنتك وفكري فيها لبعدين مو بس الحين خاصه اذا كان الزوج كويس بتتشتتين وبنتك بتتشتت وماتضمنين لو تزوجتي ايش بيكون الزوج كويس ولا لا)
الوضع العادي
