منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > عيادة الإقلاع للاستشارات النفسية و الاجتماعية
التسجيل التقويم التأشير على جميع الاقسام بالمشاهدة



 الاستمارة هنا


إضافة رد
 
أدوات الموضوع طريقة عرض الموضوع
قديم 07-11-2018, 04:23 PM   #1
مايؤرقنا
إدارة المنتدى
 
الصورة الرمزية الخاصة بـ مايؤرقنا
مايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحب
حياتي الزوجية على المحكّ..| التحديث #14

البيانات الشخصيّة :


العمر:29 سنة
الجنس:أنثى
مكان الإقامة:الرياض
الحاله الاجتماعيه:متزوجـة
اذا كنت متزوج مدة الزواج:5سنوات
اذا كنت متزوج عمر الشريك وتعليمة:31 سنة/جامعي
وجود اطفال من عدمه:لايوجد
طبيعة العلاقه بين الزوجين:غير مستقرة حالياً
مصدر الدخل:وظيفة حكومية
الحالة المادية:متوسطة إلى ممتازة
المستوى التعليمي:دراسات عليا

البيانات الأسريّة:
نوع السكن:بيت ملك
عمر الأب:59 عمر الأم:54
مستوى تعليم الأب والأم؟ الأب: جامعي،الأم:متوسط
عدد الأخوة والأخوات:7،ترتيبك بينهم:3
الجو الأسري في البيت العلاقة بين افراد الأسرة:ممتاز
طبيعة علاقة صاحب المشكلة مع بقية أفراد العائلة:ممتازة
الجو الاسري بشكل عام في العلاقة فيما بينهم:ممتاز

البيانات الطبيّة :
هل يوجد أمراض عضوية تعاني منها:لا
هل يوجد أدوية تستخدمها حالياً:لا
الوضع الصحي والبيئي في الحي السكني من ناحية الخدمات والمرافق:ممتاز

البيانات الدراسيّة :
هل التحاقك كان في سن نظامي ؟ نعم
هل كان هناك اي تعثر في مستوياتك الدراسية انسحاب او رسوب او انقطاع:لا
مستواك الدراسي على مختلف المراحل الدراسة:ممتاز
المرحلة الدراسية المتواجد بها حالياً:دراسات عليا

البيانات الإجتماعيّة :

هل هناك أي هوايات او أنشطة أو ممارسات تتقنها:لا
هل لديك ميول للاختلاط الاجتماعي والمشاركه في أنشطة ومناسبات مع افراد الحي او زملاء الدراسة والعمل او الاقارب :نعم
وهل هناك معوقات تحول دون ذلك:المشكلة الحالية
الجو الاجتماعي العام حولك من ناحية علاقتك معهم:جيدة

* اذكر مشكلتك الآن:

أنا متزوجة زواج تقليدي من خمس سنوات من شخص يقرب لي والحمدلله والشكر مبسوطة فيه جداً وأحبه ودايما كنت أقول له انا محظوظة فيك وأحمد ربي ألف مرة انه رزقني بك. زوجي انسان بالنسبة لي رائع وحنون ورومنسي وعاطفي برغم وجود بعض العيوب لأننا مو كاملين بالنهاية,ربي مارزقنا بأطفال حتى الآن نتيجة وجود بعض المشاكل من جهته هو وعمري ماحسسته بهالشي ودايما اقول له لو اقعد معك عشرين سنه انا راضيه بحياتي ومبسوطه فيها ومتأكدة انه ربي ب يرزقنا في اللحظة اللي هو يشوفها مناسبة .
السنة الماضية طلعت ابتعاث وسبحان الله كنت أسعى للبعثة كثير وكان كل سنة يصير شي,طلعت وهو لحقني بعدها بشهر بحكم ظروف عمله وكمّل معاي الفترة. وكان دايما يقول لي انه انا مااطلع من جزاك لأنك بشكل عام غيرتِ حياتي بأكملها,انتِ من يوم دخلتِ علي حياتي تغيرت من كل شي حتى البركة حلت في رزقي ومالي يمكن لأني صرت أدير له ماله وأجبرته يدخل جمعيات وساهمت له في مشروع وصار يستلم أرباحه بين فترة وفترة وهذا انا مااشوفه فضل قد ماهو كان واجب علي اصلا لأنه زوجي ومستقبلنا واحد. ماقصرت بأي شي معاه وعمره ماصار بيننا اي مشكلة كبيره كل اللي كان يصير توافه لا تستحق الذكر والوقوف عليها نختلف في بعض وجهات النظر لكن عمرنا ماكبرناها الى ماصارت مشكلة وعائق بيننا ابدا .. مطيعة له جدا وفعلياً شايلته على راسي واخدمه بعيوني ولو يقدم لي هديه كنت اعتب عليه واقول ماله داعي التكاليف والاشياء الغاليه يكفي لو جبت لي شي بسيط انا برضى فيه .. وانا مالي منّة ولا فضل مثل ماقلت قبل ..

في نص البعثه صارت مشكلة كبيرة مرة غيرت لي حياتي بأكملها حتى الآن .. فتح جوالي من وراي مع انه عمره ماسواها وقرا كل المحادثات اللي بيني وبين اختي اللي اكبر مني كنت افضفض لها واحكي لها عن المشاكل او الملاحظات اللي كنت اكرهها فيه وكان فيها بعض السب له مثل (ياكل ***, ياليل الـ***, ابيه يذلف عني, يستشرف علي) وزيادة عليها عرف ان اختي على علاقة بشخص ب يتقدم اصلا لخطبتها (مع العلم انه العلاقه حتى وإن كانت خطأ ماكانت تشمل خرجات واشياء محرمة) انا هنا طبعا أبدا ماأبيح هالشي بس استوضح الأمور والا انا ادري انه هالشي غلط ألف بالمية .. اختي كانت ب تزورني اصلا في بلد البعثة وبنروح مدينة ثانية وهو كان رافض جدا اني اروح معاها وانا زعلت وتناقشنا وتهاوشنا وكان يقول اذا تبين تروحين انا بروح معكم بس ماتروحون لوحدكم وانا اخذتها مكابره وزعل .. ولما قرا المحادثات كانت اختي بتشوف الشخص اللي تحبه مرة وحدة هناك ف هو ربط اصراري ع الروحة اصلا بأنها تنفيذ لمخططات اختي مع العلم اقسم بالله العظيم ان الهدف كان اني اغير جو واطلع مع اختي ونتمشى ونتقضى لوحدنا بدون اي احد ..

الجوال مايعرف الباسوورد حقه بس بعد ماصارت مشاحنات ع الروحة بيني وبينه استغل نومي وقدر انه يفتحه واستغرق كل الليل يمشي على كل المحادثات ويقراها ويفصفصها .. ومن ضمنها محادثات بنات ثانين كانوا يحكون لي اسرارهم .. الكلام اللي قراه ماكان فيه فحش او علاقات عميقة محرمه الحمدلله لأن ماعندي احد كذا .. بس زوجي كانت عنده العلاقات بشكل عام خط أحمر لا يقبل النقاش ابدا ..

واجهني بعدها بكم يوم بكل شي انا طبعا انهرت جدا وصحت بشكل هستيري دخلت في نوبة بكاء وصراخ وقال لي كلام كثير انا مااتشرف فيك وانتِ ماتنفعين تكونين ام لعيالي والحمدلله انه ماجانا اطفال واللي بيننا انتهى خلاص .. أنا متّ حسيت قلبي انقسم نصين أحبه مااتخيل اعيش حياتي بدونه ابدا حتى وان كنت سابّته كنت مضغوطة ودراسة وغربة وبعيده عن اهلي وأي زوجين أصلا يحتاجون مساحة خاصة فيهم وهو بأي حق يفتش وراي في خصوصياتي؟!!! .. اعتذرت جدا ومسكت ايدينه وكلمته وانا يادوب اقدر اتكلم من كثر الدموع .. برّرت وقلت كل شي ويعلم الله اني كنت صادقة في كل كلمة قلتها له وقتها..
قعدت يومين مااكل ولا اشرب بس ابكي حسيت الحياة انتهت بالنسبه لي اول مره بحياتي اواجه مشكلة حقيقيه ممكن تغير مجرى حياتي كله .. طبعا قال لي عندك خيارين يا اننا نقطع البعثه ونرجع وكل واحد يروح في حال سبيله او انك تكملين بس نبقى مثل الاخوان .. انا رفضت ارجع وقلت بكمل البعثه اللي سعيت لها من سنوات .. وعشنا يمكن اسبوع حياتنا جدا عاديه مانكلم بعض بس ننام سوا وناكل سوا بعدها جاني وقال لي انه وحشتيني وكذا وخلاص بنرجع مثل اول بس احتاج وقت عشان انسى .. انا طبعا ماصدقت خبر وقلت اكيد لك كل الوقت واوعدك الموضوع هذا يتقفل ومانتكلم فيه مره ثانية ابد ..

.....



يتبع ..




 

 

مايؤرقنا غير متواجد حالياً
Facebook Twitter 0 اضافة رد مع اقتباس
قديم 07-11-2018, 04:26 PM   #2
مايؤرقنا
إدارة المنتدى
 
الصورة الرمزية الخاصة بـ مايؤرقنا
مايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحبمايؤرقنا فوق  هام السحب
رد : حياتي الزوجية على المحكّ..

رجع لي تدريجيا الشخص اللي اعرفه واحبه ويمكن رجع لي افضل من اول من حب وهدايا ودلع .. كنت اسجد شكر لربي انها مرت على خير .. لما قربت البعثه تنتهي كان ب يرجع قبلي للسعودية بحكم عمله وانا برجع بعده باسبوعين تقريبا ف قبل مايرجع ب ليله واحنا نسوي شنطته قال لي (بروح عنك والا بذلف عنك؟) يبي يبين لي انه لسه مانسى اللي صار انا هنا قلبي صار يدق بسرعه وقلت له انه بليز اذا ب تفتح الموضوع انا اللي فيني مكفيني وانا اعتذرت من وقتها وبينت لك وحاولت قد مااقدر اني اعوضك عن الجرح اللي سببته لك قال ايه شفت فعلك وجدا سعيتِ وحاولتِ وسكتنا .. ب مجرد ماسافر انقلب مية وثمانين درجة ماعدت اعرفه ابدا مايتصل واذا تكرم واتصل يكلمني وهو مغصوب .. انا حسيت انه الموضوع فيه إنّ مرت علي ايام سودااا وانا بالغربه لحالي بس ابكي طول اليوم قسم بالله ماتجف دمعتي .. صارت تفاصيل كثيره قبل مايسافر كان يحاول من خلالها يبين لي انه مايرغبني بس انا مافكرت ابدا انه للحين بباله المشكله واللي صار. قبل ماارجع للسعودية باربع ايام ارسل لي رساله الصباح مضمونها انه ماشفت منك الا كل خير لكن تصرفات اختك وكلامك اللي قريته عني ماقدرت اتجاوزه وانا مبلغك بقراري من خمس شهور والان اذا رجعتي خليك عند اهلك وانا بجي عند ابوك نتفاهم ..اهلي مادروا عن المشكلة الا لما وصلت للسعودية كنت بالعة الهم وساكتة ينامون وانا ابكي طول الليل وادعي ربي يرجعه ويهديه لأني فعلا ابيه واحبه ومكسور خاطري منه ومن فعله .. ماانكرت انا غلطت بس هو غلط بعد مررررره انا جرحته من دون قصد بس هو جرحني جدا وهو قاصدها ومتعمد .. ذبحتني الهموم والهواجيس والتفكير ..
طبعا اللي حولنا دروا انه فيه مشكلة بيننا كبيره بس مافي احد يدري عن تفاصيلها غير أمي .. ولما ضغطوا عليه (خاله وعمته) انه انت مجنون كيف تفكر بالطلاق انت تحسب الطلاق كلمة سهله تقطها وتمشي وانت ماراح تلقى مثلها وكل انسان يغلط وانت لازم تجلس معاها وتتكلمون .. دخل عند ابوي وقال له انه المشكلة اللي بيننا اني مسكت جوالها وفتشته ولقيت سبّ فيني بس انا متنازل عنه لأنه فيه موضوع أكبر من السبّ بكثير !!! طبعا جاني ابوي وماخلا كلمه ماقالها انتي وش مسويه علميني مستحيل الولد يقول فيه شي اكبر بكثير علميني لا تطعنيني في الظهر .. طبعا كان من سابع المستحيلات اني اتكلم عن اختي واقول اي شي لأنه بتصير كارثه حتى لو قلت انه ناوي يتقدم لها .. ف انا صرت بين نارين , نار ان ابوي صارت توديه الأفكار وتجيبه ونار ان اختي لازم استر عليها مااقدر افضحها .. ابدا ماتوقعت انه ممكن يسوي شي زي كذا .. ارسلت له قلت بحقّ العشره اللي بيننا لا تتكلم لابوي عن شي ممكن يذبحه و من ستر على مسلم ستره الله في الدنيا والاخره قال ابشري .. ومن بعدها للحين مر ع السالفه شهرين وانا ماادري عنه .. لا حس ولا خبر .. وكل من كلمه ساكت مايرد عليهم حتى ولا يتكلم ولا يقول اي شي .. حتى ابوه يقول اني كلمته وانه يتهرب مني .. احسه جاب لي الشبهة ب فعلته .. وانا اقسم برب العباد اني كنت دايما اهاوش اختي وأهزأها لاني ضد العلاقات ودايما كنت اقول لها اذا تبين البركه في حياتك لازم تنهين علاقتكم بس كانت تقول لي انه ب يتقدم لي وانا ابي اتزوج وانا ماعدت صغيره وعندي تجربة زواج سابقة ماابي اكرر الفشل مره ثانيه ..
انا الان احس مجروووحه منه اكثر من جرحي له بمراحل .. داخلي خوف من الفقد وفراغ مادري كيف ب املاه .. احبه وندمااانه على كل شي سويته مع اني والله العظيم ابدا مو انسانه سيئه بس في الاخير انا انسان يخطي ويصيب. تواصلت مع مستشار اسري وقال لي خلاص خليه لا تتواصلين معاه ابدا وهو ممكن اذا حس ب فقدتك صحيح ب يحنّ ويرجع, وانا من داخل شعوري يقول لا واحاول اكذب نفسي الف مره. ارسلت له كثيييير كل الكلام اللي حسيته ب قلبي وما ردّ وقال لأبوي هالشي قال اني اشوف رسايلها وماارد عليها يعني تراني ادري بس مابي ارد ! حتى لما الناس دخلوا بيننا وكلموه وضغطوا عليه قال بستخير واشوف اوجعني قلبي انه يستخير فيني انا اللي احبه وابيه ..
ذبحتني الذكريات والكلام الي كان دايم يقوله لي , حزينة على نفسي من نفسي لأنه كان يقول لي انتي مستحيل تغلطين,ولما صارت مشكلة تخلى عني حتى ماعطاني مجال تبرير وشرح وتفاهم. مكسورة لأني كنت اخطط انا واياه على العلاج عشان الاطفال وحتى الدكتور اللي ب نتعالج عنده اتفقنا عليه ومتى اي وقت واسماء عيالنا,وفي الاخير كل هذا كان يسلّك لي. عجزانه استوعب كيف خمس شهور جلسناها مع بعض كان يحاول ينتقم مني ويغرقني حب عشان يرميني بعدين !حتى اختي صايره احس انها هي السبب وماابي اغذّي شعور الكراهية تجاهها ابدا لانه في النهاية مكتوب. انا زعلانه لايكون فعلا يحسبني مااحبه واكذب عليه طول الوقت او امثل عليه لان اقسم بالله العظيم انه مو كذا .. انا تعباااانه مو متخيله كيف ممكن يفكر بهذي الطريقة.. و مو فاهمة سبب سكوته أو سرّ سكوته و وش ينتظر اذا هو معزم ع الطلاق و يبيه وش اللي مخليه للحين ينتظر .. الانتظار هذا هو اللي قاعد يعطيني امل كبير انه ممكن يرجع لي ونرجع مثل اول. مستعدة اسوي اي شي وعارفه يمكن ولا شي راح ينفع ويشفع انه يرجع لي !
انا الآن مااحتاج احد يقول لي انتِ غلطانه انا عارفه اني غلطت .. احتاج طبطبه نصيحة ممكن تقويني .. اي شي !

بعد ذكر المشكلة:


مدة المشكله من بدايتها الى الآن: شهرين تقريبا
مدى شدة المشكلة:تعيقك عن أنشطة الحياة
تأثير المشكلة هل يمتدّ للمحيطين بك أم أنّ أثرها يتعلق بك: نوعا ما
هل سبق وراجعت مختص أم لأ:مستشار اسري من خلال مكالمة
إذا كان هذا حديثك الأول عن المشكلة فما سبب لجوؤك لطرحها هنا والمأمول من تعقيبات الاعضاء:تعبت اشيل الهم ب قلبي
*أبرز الأشياء التي تدعمك والتي تساهم في حل المشكلة ؟ أمي


*ماهي الأسباب التي تعمل على زيادة المشكلة،وماهي الاسباب التي تقلل من نسبة تحقيق الحلول؟


ضميري وتعبي النفسي وندمي الشديد



 

 

مايؤرقنا غير متواجد حالياً
Facebook Twitter 0 اضافة رد مع اقتباس
قديم 07-11-2018, 10:38 PM   #3
cemre
خبير إقلاعي مميز
 
الصورة الرمزية الخاصة بـ cemre
cemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحبcemre فوق  هام السحب
رد : حياتي الزوجية على المحكّ..

الله يرده لك رداً جميلا

صراحه ما احس انه فيه مشكله تستحق كل ردت الفعل هذي

حتى لو سبيتيه عادي يزعل ويعاتب ويتشره وبعدها يتغاضى
مايحتاج كل الأوفر الي سواه
زياده ع حركه انتقامه الي المفروض اشفت غليله

موضوع اختك خاص فيها
كونك متفرجه تفرق عن لو انتي الي سويتي سواتها
خاصه لو كنتي في الواتس تنصحينها بعد وهو قرا هالشي

^ مضمون ردي مش قاعده احرضك عليه لا ابدا
بس خففي تانيب ضميرك غلطك بسيط ومايستحق ان تنهدم حياتك

عارفه ان حياتك معاه غاليه عليك ولاتبين تفرطين فيها ومعك حق
لكن لومك لنفسك ماراح يرجعه لك

الحل انك تفرشين سجادتك وتناجين ربك اذا فيه خير يرده لك رداً جميلا
ويسخره لك ومايشوف غيرك
وخلاص لاعاد ترسلين له وتترجينه
انتي حاولتي بالرسائل مانفع ، حاولي من دونها
اضغطي على نفسك ولاترسلين

زوجك انسان عاطفي وانتي جالسه تغذين عاطفته برسائل الشوق او العتاب او أياً كان
خليه يفقدك صدق وخوذي موقف ان الي صار مايسوى ان جمال حياتك الي تعبتو عليه 5 سنين يخترب
فعلا ازعلي على نفسك ولاتهون عليك نفسك انه سوا فيك كذا

ممكن هو يبي ينتقم لكرامته لكن خلاص يكفي الى متى

لو عندكم صندوق ذكريات او مجموع الرسائل الي كتبها لك ( اهم شي ) او كتبتيها له
او صور ذكريات جميله لكم
اي شي من هالنوع
ممكن يفيد وينفع لو شافه ورجعت له الذكريات والمشاعر معاك
(ذكريات مش حاضر )

الله يسخره لك ويرده عاجلا غير اجل
اذا رجعتو لبعض ان شاءالله لاتهملون موضوع العلاج حاولو باقرب وقت



 

 

cemre متواجد حالياً
Facebook Twitter 1 اضافة رد مع اقتباس
قديم 08-11-2018, 07:54 AM   #4
yuki-2
مساند عيادة الإقلاع
yuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحبyuki-2 فوق  هام السحب
رد : حياتي الزوجية على المحكّ..

إقتباس »
الرسالة الأصلية كتبت بواسطة مايؤرقنا »
رجع لي تدريجيا الشخص اللي اعرفه واحبه ويمكن رجع لي افضل من اول من حب وهدايا ودلع .. كنت اسجد شكر لربي انها مرت على خير .. لما قربت البعثه تنتهي كان ب يرجع قبلي للسعودية بحكم عمله وانا برجع بعده باسبوعين تقريبا ف قبل مايرجع ب ليله واحنا نسوي شنطته قال لي (بروح عنك والا بذلف عنك؟) يبي يبين لي انه لسه مانسى اللي صار انا هنا قلبي صار يدق بسرعه وقلت له انه بليز اذا ب تفتح الموضوع انا اللي فيني مكفيني وانا اعتذرت من وقتها وبينت لك وحاولت قد مااقدر اني اعوضك عن الجرح اللي سببته لك قال ايه شفت فعلك وجدا سعيتِ وحاولتِ وسكتنا .. ب مجرد ماسافر انقلب مية وثمانين درجة ماعدت اعرفه ابدا مايتصل واذا تكرم واتصل يكلمني وهو مغصوب .. انا حسيت انه الموضوع فيه إنّ مرت علي ايام سودااا وانا بالغربه لحالي بس ابكي طول اليوم قسم بالله ماتجف دمعتي .. صارت تفاصيل كثيره قبل مايسافر كان يحاول من خلالها يبين لي انه مايرغبني بس انا مافكرت ابدا انه للحين بباله المشكله واللي صار. قبل ماارجع للسعودية باربع ايام ارسل لي رساله الصباح مضمونها انه ماشفت منك الا كل خير لكن تصرفات اختك وكلامك اللي قريته عني ماقدرت اتجاوزه وانا مبلغك بقراري من خمس شهور والان اذا رجعتي خليك عند اهلك وانا بجي عند ابوك نتفاهم ..اهلي مادروا عن المشكلة الا لما وصلت للسعودية كنت بالعة الهم وساكتة ينامون وانا ابكي طول الليل وادعي ربي يرجعه ويهديه لأني فعلا ابيه واحبه ومكسور خاطري منه ومن فعله .. ماانكرت انا غلطت بس هو غلط بعد مررررره انا جرحته من دون قصد بس هو جرحني جدا وهو قاصدها ومتعمد .. ذبحتني الهموم والهواجيس والتفكير ..
طبعا اللي حولنا دروا انه فيه مشكلة بيننا كبيره بس مافي احد يدري عن تفاصيلها غير أمي .. ولما ضغطوا عليه (خاله وعمته) انه انت مجنون كيف تفكر بالطلاق انت تحسب الطلاق كلمة سهله تقطها وتمشي وانت ماراح تلقى مثلها وكل انسان يغلط وانت لازم تجلس معاها وتتكلمون .. دخل عند ابوي وقال له انه المشكلة اللي بيننا اني مسكت جوالها وفتشته ولقيت سبّ فيني بس انا متنازل عنه لأنه فيه موضوع أكبر من السبّ بكثير !!! طبعا جاني ابوي وماخلا كلمه ماقالها انتي وش مسويه علميني مستحيل الولد يقول فيه شي اكبر بكثير علميني لا تطعنيني في الظهر .. طبعا كان من سابع المستحيلات اني اتكلم عن اختي واقول اي شي لأنه بتصير كارثه حتى لو قلت انه ناوي يتقدم لها .. ف انا صرت بين نارين , نار ان ابوي صارت توديه الأفكار وتجيبه ونار ان اختي لازم استر عليها مااقدر افضحها .. ابدا ماتوقعت انه ممكن يسوي شي زي كذا .. ارسلت له قلت بحقّ العشره اللي بيننا لا تتكلم لابوي عن شي ممكن يذبحه و من ستر على مسلم ستره الله في الدنيا والاخره قال ابشري .. ومن بعدها للحين مر ع السالفه شهرين وانا ماادري عنه .. لا حس ولا خبر .. وكل من كلمه ساكت مايرد عليهم حتى ولا يتكلم ولا يقول اي شي .. حتى ابوه يقول اني كلمته وانه يتهرب مني .. احسه جاب لي الشبهة ب فعلته .. وانا اقسم برب العباد اني كنت دايما اهاوش اختي وأهزأها لاني ضد العلاقات ودايما كنت اقول لها اذا تبين البركه في حياتك لازم تنهين علاقتكم بس كانت تقول لي انه ب يتقدم لي وانا ابي اتزوج وانا ماعدت صغيره وعندي تجربة زواج سابقة ماابي اكرر الفشل مره ثانيه ..
انا الان احس مجروووحه منه اكثر من جرحي له بمراحل .. داخلي خوف من الفقد وفراغ مادري كيف ب املاه .. احبه وندمااانه على كل شي سويته مع اني والله العظيم ابدا مو انسانه سيئه بس في الاخير انا انسان يخطي ويصيب. تواصلت مع مستشار اسري وقال لي خلاص خليه لا تتواصلين معاه ابدا وهو ممكن اذا حس ب فقدتك صحيح ب يحنّ ويرجع, وانا من داخل شعوري يقول لا واحاول اكذب نفسي الف مره. ارسلت له كثيييير كل الكلام اللي حسيته ب قلبي وما ردّ وقال لأبوي هالشي قال اني اشوف رسايلها وماارد عليها يعني تراني ادري بس مابي ارد ! حتى لما الناس دخلوا بيننا وكلموه وضغطوا عليه قال بستخير واشوف اوجعني قلبي انه يستخير فيني انا اللي احبه وابيه ..
ذبحتني الذكريات والكلام الي كان دايم يقوله لي , حزينة على نفسي من نفسي لأنه كان يقول لي انتي مستحيل تغلطين,ولما صارت مشكلة تخلى عني حتى ماعطاني مجال تبرير وشرح وتفاهم. مكسورة لأني كنت اخطط انا واياه على العلاج عشان الاطفال وحتى الدكتور اللي ب نتعالج عنده اتفقنا عليه ومتى اي وقت واسماء عيالنا,وفي الاخير كل هذا كان يسلّك لي. عجزانه استوعب كيف خمس شهور جلسناها مع بعض كان يحاول ينتقم مني ويغرقني حب عشان يرميني بعدين !حتى اختي صايره احس انها هي السبب وماابي اغذّي شعور الكراهية تجاهها ابدا لانه في النهاية مكتوب. انا زعلانه لايكون فعلا يحسبني مااحبه واكذب عليه طول الوقت او امثل عليه لان اقسم بالله العظيم انه مو كذا .. انا تعباااانه مو متخيله كيف ممكن يفكر بهذي الطريقة.. و مو فاهمة سبب سكوته أو سرّ سكوته و وش ينتظر اذا هو معزم ع الطلاق و يبيه وش اللي مخليه للحين ينتظر .. الانتظار هذا هو اللي قاعد يعطيني امل كبير انه ممكن يرجع لي ونرجع مثل اول. مستعدة اسوي اي شي وعارفه يمكن ولا شي راح ينفع ويشفع انه يرجع لي !
انا الآن مااحتاج احد يقول لي انتِ غلطانه انا عارفه اني غلطت .. احتاج طبطبه نصيحة ممكن تقويني .. اي شي !

بعد ذكر المشكلة:


مدة المشكله من بدايتها الى الآن: شهرين تقريبا
مدى شدة المشكلة:تعيقك عن أنشطة الحياة
تأثير المشكلة هل يمتدّ للمحيطين بك أم أنّ أثرها يتعلق بك: نوعا ما
هل سبق وراجعت مختص أم لأ:مستشار اسري من خلال مكالمة
إذا كان هذا حديثك الأول عن المشكلة فما سبب لجوؤك لطرحها هنا والمأمول من تعقيبات الاعضاء:تعبت اشيل الهم ب قلبي
*أبرز الأشياء التي تدعمك والتي تساهم في حل المشكلة ؟ أمي


*ماهي الأسباب التي تعمل على زيادة المشكلة،وماهي الاسباب التي تقلل من نسبة تحقيق الحلول؟


ضميري وتعبي النفسي وندمي الشديد
اهلين

اسمعي كلام المستشار و اقطعي التواصل تماما بكل اشكاله و اذا بغى يتواصل معك بعدين افضل يجي يكلمك وجها لوجه و تتفاهون على كلً شي. انصحك اقطعي تواصل الواتس و التلفون و الرسايل ماً تنفع ابد في هالمواقف.

زوجك خليه على راحته هو أساسا ما يدري وش يبي و ضغطكم عليه راح يشتته زياده. هو محتاج يجلس مع نفسه و يفكر مضبوط. اعتقد كون عنده مشاكل في الإنجاب محسسه بالنقص و جته فرصه ينتقم لكرامته ( لو مو شعوريا ما اقصد انه متعمد). انت اعتذرتي انتهى الموضوع كثره الاعتذار و الرسايل تنمي عنده شعور انك غلطانه و غلطك كبير .

الى عليك الحين :
1-اقطعي التواصل بكل اشكاله و لو حب يكلمك لا ترضين الا بلقاء وجها لوجه.
2- اذا جلستو مع بعض حددي الامور الئ تبي تكلمينه فيها واحد ثنتين ثلاثه عشان تقفلين كل المواضيع المسكره. لا يكون همك انك ترجعين له و بس لان بتجلسين بعدها شايله عليه. ابعدين عن العاطفه و الاعتذار و ناقشي بهدوء و عقلانيه. خليه يحس ان نفسك عزيزه
3. هل تكلمتو عن موضوع انه فتح جوالك؟ و لا تجسسوا. ترا بدايه الغلط من عنده و ضروري توضحون هالنقطه.
4. أفضل شي تسوينه حاليا تعيشين يوم بيومه الواحد ما يضمن بكره خططي يومك وش بتسوين و خلي بكره علي جنب انت سويتي الى عليك خلاص وكلي امرك لرب العالمين( و عسى ان تكرهوا شيئا و هو خير لكم). اذا فيه خير بيرده ربي لك.
5. المشي و راسك مرفوع الا سمعتك لحد يمسها حتى لو بالتلميح.



 

 

yuki-2 غير متواجد حالياً
Facebook Twitter 2 اضافة رد مع اقتباس
قديم 08-11-2018, 08:30 PM   #5
قَسورْ
حكيم عيادة الإقلاع
 
الصورة الرمزية الخاصة بـ قَسورْ
قَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحبقَسورْ فوق  هام السحب
رد : حياتي الزوجية على المحكّ..

بسم الله الرحمن الرحيم


زوجك شخص عاطفي, وتقريباً فقد ثقته بك, لا أرى موضوع شقيقتك مهمّ, ولكن القشة التي قصمت ظهر البعير, هو كلامك عنه, أنا هنا لست بصدد تأنيبك و الحديث عن أفعالك, لأن كل شيء واضح ومعروف سابقاً.


وزوجك من السخف الحديث عن رد فعله وكأنه شخص تافه, أو عديم مسؤولية, تخيلي شقيقتك أو صديقتك أكتشفتي في يوم و أنهم يتكلموا عليك وبنفس الألفاظ ولشخص غريب, صدقيني ما راح تطيقي تشوفيهم قدامك, وتشعري بالخيانة, و أنهم منافقين وليس أصدقاء, فما بالك بشخص يكتشف أن زوجته وشريكة حياته, و اللي تنام بجوارة كل ليلة ويصرف عليها و تحمل أسمه, وبالنهاية تتكلم عليه, صدقيني شعور جداً مروع ومهما كان شعورك الآن, فهو لا يساوي مدى صدمته وكسره.

وكيف تحبيه وتتكلمي عليه عند غيرك, ولا تلوميه لو شك في مليون حاجة, لأن وقت الصدمات الشيطان يهيء للشخص أفكار و أمور بعيدة عن الحسبان سابقاً, و الظنون تبلغ الشيء العظيم.

زوجك لو كان لديه رغبة يطلقك كان فعلها من الأول, ولا تظني أنه مرتاح طوال هذه الفترة, كل مافي الأمر أنه يتمنى أن يلاقي شيء أو سبب يسامحك لأجله, ممكن هذا الشيء ( كلمة ) ينتظرها منك أو ( توضيح ) , أو أمر آخر الله أعلم, أتوقع هو زوجك و أنتي أدرى فيه


و لا تدخلي أحد بينكم, و لا تسمعي لكلام المستشار في كل شيء, اللّي ينفع لشخص ممكن ما ينفع مع الآخر, أنتي أكثر شخص يعرف زوجك, و إذا كان الأمر العكس فالله المستعان.



اسأل الله أن يفرّج همّك ويهديك, و أن يكتب لك اللّي فيه الخير




 

 

قَسورْ غير متواجد حالياً
Facebook Twitter 0 اضافة رد مع اقتباس
قديم 09-11-2018, 01:13 AM   #6
بيونيا
شيف إقلاعي نخبه
 
الصورة الرمزية الخاصة بـ بيونيا
بيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحببيونيا فوق  هام السحب
رد : حياتي الزوجية على المحكّ..

إقتباس »
الرسالة الأصلية كتبت بواسطة yuki-2 »
اهلين

اسمعي كلام المستشار و اقطعي التواصل تماما بكل اشكاله و اذا بغى يتواصل معك بعدين افضل يجي يكلمك وجها لوجه و تتفاهون على كلً شي. انصحك اقطعي تواصل الواتس و التلفون و الرسايل ماً تنفع ابد في هالمواقف.

زوجك خليه على راحته هو أساسا ما يدري وش يبي و ضغطكم عليه راح يشتته زياده. هو محتاج يجلس مع نفسه و يفكر مضبوط. اعتقد كون عنده مشاكل في الإنجاب محسسه بالنقص و جته فرصه ينتقم لكرامته ( لو مو شعوريا ما اقصد انه متعمد). انت اعتذرتي انتهى الموضوع كثره الاعتذار و الرسايل تنمي عنده شعور انك غلطانه و غلطك كبير .

الى عليك الحين :
1-اقطعي التواصل بكل اشكاله و لو حب يكلمك لا ترضين الا بلقاء وجها لوجه.
2- اذا جلستو مع بعض حددي الامور الئ تبي تكلمينه فيها واحد ثنتين ثلاثه عشان تقفلين كل المواضيع المسكره. لا يكون همك انك ترجعين له و بس لان بتجلسين بعدها شايله عليه. ابعدين عن العاطفه و الاعتذار و ناقشي بهدوء و عقلانيه. خليه يحس ان نفسك عزيزه
3. هل تكلمتو عن موضوع انه فتح جوالك؟ و لا تجسسوا. ترا بدايه الغلط من عنده و ضروري توضحون هالنقطه.
4. أفضل شي تسوينه حاليا تعيشين يوم بيومه الواحد ما يضمن بكره خططي يومك وش بتسوين و خلي بكره علي جنب انت سويتي الى عليك خلاص وكلي امرك لرب العالمين( و عسى ان تكرهوا شيئا و هو خير لكم). اذا فيه خير بيرده ربي لك.
5. المشي و راسك مرفوع الا سمعتك لحد يمسها حتى لو بالتلميح.

انا مع هذا الرأي ،
وأضيف عليه (توقفي عن التوسل)
لاتبينين فرحتك بتواصله اذا تواصل معك
كوني رسمية معه وهذا طبيعي بحكم مدة البعد
اتركيه يختار الطريق اللي يبيه براحته ،
صدقيني ماراح يصبر عنك ولا راح يلقى مثلك
خليك واثقه من نفسك ، اللي عليك سويتيه
وضحتي له المجهول، اعتذرتي، ارسلتي (وطنشك)
خلاص هنا ستوب !
اسحبي نفسك الى الوقت اللي يجيك فيه ويعلمك رأيه
ولو ذكر لك الطلاق لاتبدين اي ردة فعل ، لأن هذا قراره وهو اللي راح يندم عليه واللي حوله ماراح يتركوه من النصايح
واذا رجع لك ارجعي بالتدريج لاتكونين مثل أول الا بالتدريج

أخيرًا ، عليك بالإستخارة ، الإستغفار، الدعاء
الله يكتب لكم اللي فيه خير 🌹



 

 

بيونيا غير متواجد حالياً
Facebook Twitter 0 اضافة رد مع اقتباس
قديم 09-11-2018, 03:24 AM   #7
اميره زمانها
خبير اقلاعي
 
الصورة الرمزية الخاصة بـ اميره زمانها
اميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحباميره زمانها فوق  هام السحب
رد : حياتي الزوجية على المحكّ..

أولا الله يفرج لك همك ويكتب لكم الخير

زوجك يبيك والدليل الى الان ما طلق.ولا يرد ع الناس ولا لمح بالانفصال

ثانيا: الحين تضفين اغراضك وملابسك وتروحين لبيتك ترجعين عنده.. الرجال منكسر وحتى لو يبغاك مهب قادر يقول ارجعي...



اهلك وأهله كلموه ولا سمع لهم..
الحل تحطين يدك ع خدك وبس؟؟؟

هذي حياتك انتي تصرفي انتي تحركي... ومعليش انتي غلطتي بس مو غلط عظيم..

خليك افعال،،ابعدي عن الرسايل والله يعافيك رجعني وانا ابغاك؟؟ أسلوب بزران مع احترامي..


خليك واثقه من نفسك غلطتي وسبيتيه واعتذرتي انتهى الموضوع(واذا جيتي ع الحق الغلط راكبة من البداية ليه يفتش جوالك انا لو مكانك اكبرها ومن سمح لك تقرا اسرار اهلي _اختي مستأمنتني ع سرها )
بخصوص موضوع اختك هي الغلطانه انتي وش ذنبك تتعاقبين؟ لوك مستقبله اختك وصديقها البيت بقول ايه غلطانه

يعني لو اخوه عنده علاقة بتعاقبين زوجك ؟؟بالعقل.

من رايي ولو اني مكانك افرض نفسي عليه وارجع لبيتي.. واذا شافني وسأل بقول هذا مكاني وانت السكن حقي.. انا غلطت اعتذرت وانت كريم وسيد الرجال بتقبل اعتذاري واخذت عقابي جلست شهرين في بيت اهلي..وممكن تقولين ماتحملت ذلفتك عني كل هذي المده..<<خلي كلام السب يجي بأسلوب مدح!

وبخصوص موضوع اختي هي الغلطانه أولا كبيرة تعرف نتيجة تصرفاتها_وعندها ابوي ولي امرها انت وش دخلك تزعل! (ولوي مكانك بقول ان امي وام الولد يعرفون بمقابلتهم في بلد البعثة وانها زي الشوفة الشرعية مايبون الرجال يعرفون حتى ماتكون خطبة رسمية خصوصا ان اختي لها تجربة سابقة) وسكري ع الموضوع


واذا ع الغلط ترا الغلط راكبك وباي حق تفتح جوالي وتتفرج والناس مستأمنتني ع اسرارهم وسواليفهم..بس كبرت راسي وقلت فلان(زوجك) رجال مايطلع منه الشين


اعيد وازيد هذي حياتك وزوجك ماشاءالله عملة نادرة

انتي بيدك تصغرين الموضوع او تكبرينة..وانتي اكثر دراية مننا في طبيعة زوجك..


صغري الموضوع ولملمية وروحي لبيتك وخليك قوية وواثقه وبلاش الدموع والتبكبك ...

ومشي يومك عادي معه واذا مرأسبوع او أسبوعين تكلموا وسكروا الموضوع.

نقطة مهمه ترا غلطك بسيط مايحتاج الموضوع يكبر وكل العالم تدري
نقطة اخيره_ لو نفكر خارج الصندوق يمكن في سبب خفي يخلية يأخذ هذا الموقف ويفكر بالانفصال.. ممكن موضوع الانجاب،ممكن يشوفك اعلى منه تعليم وتستاهلين شخص افضل_يمكن لمحتي او فهم منك انك ما تحبينه والدليل تسبينه من وراه (في هذي النقطة ترجعين له وان فعلا انا ابغاك انا واقفه قدامك كفعل مو كلام ورسايل)
انتي الاعلم بزوجك

وحتى لو رجعتي بياخذ وقت حتى يتعافى من الي صار...


الله يردكم لبعض ..



 

 


اخر تعديل كان بواسطة » ,,عطر,, في يوم » 09-11-2018 عند الساعة » 04:18 AM.
اميره زمانها غير متواجد حالياً
Facebook Twitter 0 اضافة رد مع اقتباس
قديم 09-11-2018, 04:32 AM   #8
,,عطر,,
مشرفة منتدى عيادة الإقلاع
 
الصورة الرمزية الخاصة بـ ,,عطر,,
,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب,,عطر,, فوق  هام السحب
رد : حياتي الزوجية على المحكّ..

^

الا الكذب لا يدخل بين الازواج
يعدم الثقه وبدل ماتكون على المحك تكون
النهايه ..



 

 

,,عطر,, غير متواجد حالياً
Facebook Twitter 0 اضافة رد مع اقتباس
قديم 09-11-2018, 09:57 AM   #9
موفَ !
من كبار شخصيات الاقلاع

 
الصورة الرمزية الخاصة بـ موفَ !
موفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحبموفَ ! فوق  هام السحب
رد : حياتي الزوجية على المحكّ..

مو من حقه يفتح جوالك ، وأنتِ عطيتيه أكبر من حجمه ..
انتبهي لنفسك ولقلبك واسحبي نفسك
لو يبيك بيرجع لك ..

هذي ماهي مشكله عشان اصلا يسويها مشكلة ، ماله دخل باللي بينك وبين اختك او غيرها .



 

 

موفَ ! غير متواجد حالياً
Facebook Twitter 0 اضافة رد مع اقتباس
قديم 09-11-2018, 04:11 PM   #10
إراده لا تلين
مساند عيادة الإقلاع
 
الصورة الرمزية الخاصة بـ إراده لا تلين
إراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحبإراده لا تلين فوق  هام السحب
رد : حياتي الزوجية على المحكّ..

إقتباس »
أنا متزوجة زواج تقليدي
حابه افيدك
انه ماله دخل لابتوفيق ولابفشل..
وانه اغلب الدراسات عندنا
كشفت عن نجاح هالطريقه
اكثر من العلاقات..
واللي يبي ياخذ فكره عن نتاج
العلاقات ياخذ لفه على حياة الدول المدحدره برا..
إقتباس »
فتح جوالي من وراي مع انه عمره ماسواها وقرا كل المحادثات اللي بيني وبين اختي اللي اكبر مني كنت افضفض لها واحكي لها عن المشاكل او الملاحظات اللي كنت اكرهها فيه وكان فيها بعض السب له مثل (ياكل ***, ياليل الـ***, ابيه يذلف عني, يستشرف علي) وزيادة عليها عرف ان اختي على علاقة بشخص ب يتقدم اصلا لخطبتها (مع العلم انه العلاقه حتى وإن كانت خطأ ماكانت تشمل خرجات واشياء محرمة)
تصرف خطأ منه 100%
كلنا نفضفض لاخواتنا وصديقاتنا..
وصح خطأ هالالفاظ ومب مبرر نقولها
بس يظل خطأه بالتجسس اكبر من خطأك.
بالنسبه لاختك
فلنفرض انه اخطأت هو وش دخله بالموضوع ؟
لطالما مافيه شيء اخلاقي يمس سمعته وسمعة بيته..
يعني لو انك ساكته على طلعات وقلة حيا
هنا نقول انه انتي مب مضبوطه لانك راضيه..
لكن كل الموضوع مازال في السليم زي ماتقولين..
إقتباس »
الجوال مايعرف الباسوورد حقه بس بعد ماصارت مشاحنات ع الروحة بيني وبينه استغل نومي وقدر انه يفتحه واستغرق كل الليل يمشي على كل المحادثات ويقراها ويفصفصها .. ومن ضمنها محادثات بنات ثانين كانوا يحكون لي اسرارهم .. الكلام اللي قراه ماكان فيه فحش او علاقات عميقة محرمه الحمدلله لأن ماعندي احد كذا .. بس زوجي كانت عنده العلاقات بشكل عام خط أحمر لا يقبل النقاش ابدا ..
هنا الغلطه الثانيه منه..
إقتباس »
انا رفضت ارجع وقلت بكمل البعثه اللي سعيت لها من سنوات .. وعشنا يمكن اسبوع حياتنا جدا عاديه مانكلم بعض بس ننام سوا وناكل سوا بعدها جاني وقال لي انه وحشتيني وكذا وخلاص بنرجع مثل اول بس احتاج وقت عشان انسى
ينسى ايش بالظبط!
إقتباس »
دخل عند ابوي وقال له انه المشكلة اللي بيننا اني مسكت جوالها وفتشته ولقيت سبّ فيني بس انا متنازل عنه لأنه فيه موضوع أكبر من السبّ بكثير !!! طبعا جاني ابوي وماخلا كلمه ماقالها انتي وش مسويه علميني مستحيل الولد يقول فيه شي اكبر بكثير علميني لا تطعنيني في الظهر .. طبعا كان من سابع المستحيلات اني اتكلم عن اختي واقول اي شي لأنه بتصير كارثه حتى لو قلت انه ناوي يتقدم لها .. ف انا صرت بين نارين , نار ان ابوي صارت توديه الأفكار وتجيبه ونار ان اختي لازم استر عليها مااقدر افضحها .. ابدا ماتوقعت انه ممكن يسوي شي زي كذا .
الخساسه في اوضح صورها..
كلمته ذي اللي قالها لابوك لو انا مكانك غسلته تماما من قلبي
يكفي غث ابوي وخلا الافكار توديه وتجيبه..
لكن للاسف متكي على ضعفك ..
عزيزتي قبل تجين هنا
المستشار الاسري عطاك الخلاصه
تنازل اكثر من كذا ماعاد فيه
حطيتي اهلك وابوك واختك بمرمى النيران
وسمعتك ع المحك بسبب ظنون ووهم
ومازلتي تنتظرين يحسن عليك ويرجع
عزيزتي
المشكله عندك انتي مب عنده
هو اخذ موقف وبين معدنه
انتي اللي ماعاد تشوفين وبينك وبين الحقيقه حجاب
الرجل يبدو من زمان يشعر بالنقص والدونيه
ويشوفك احسن منه بكثير..
العلاقه اشوفها انتهت من يوم اللي اهان اهلك
وسبب هالارجاف ضدك والضرر بسمعتك
بس باقي انتي الله يفتح على بصيرتك
وتشوفين اللي قدامك ذا
حبيب ولا عدو!
انصحك تشتغلين على نفسك تقوينها اكثر
رغم انك على الحق
الا نه ضعفك هز موقفك بدرجه مؤسفه جدا
واذا بغى يرجع
تطلبين منه يعتذر
1- من ابوك
2- منك
سبحان الله دائما اقرأ من تعلق بغير الله عذب به
ومشكلتك اكبر ترجمه لهالمقوله.
الله يقويك.



 

 

إراده لا تلين غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 04:44 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017