[أمامة]

إقتباس »

الرسالة الأصلية كتبت بواسطة سوآلف ترف ! »
السلام عليكم ورحمة الله وبركاته ..

صار لي متزوجة 3 سنوات ولله الحمد وانا وزوجي نحب بعض ومتفاهمين الى حد ما
من اول زواجي ومشكلتي كانت باصحابه وتعلقه فيهم
يطلع لهم بشكل يومي لدرجة كنت ماحس اني متزوجة لهالسبب ، كنت اتمنى الويكند نسهر سوا نتابع فلم نطلع او اي شي وهو كان يسهر معاهم للفجر ثم يجي تعبان وينام وعلى هالحال
وايام الدوامات نفس الحكاية يطلع من بعد العشاء معاهم ويجي 11 ونص ينام عشان دوامه
كان راتبه ضعيف مره يادوب يكفينا وكنت اقوله خفف طلعاتك لان فيها قطيات و اجار الاستراحة ولاحياة لمن تنادي
للمعلومية اصحابه كلهم ولا واحد منهم متزوج عزوبيين الوحيد اللي متزوج بينهم زوجي !!
غلطتي بالبداية لما كان يجيني حافز وابوي يرسلي مصروف ماكنت اطلب منه مصروف ما ابي اضغط عليه
وكنت اساعده كثير اذا البيت نقصه شي شريته
جته وظيفة بشركة بمنطقة غير اللي احنا ساكنين فيها و نقلنا للمدينة الثانية
تحسن راتبه شي بسيط لكن مازال مايغطي احتياجاتنا
خصوصاً بعد ماجانا طفلة
* صار يعطيني مصروف بدون طلب مني *
* تحسن وضعي معه صرت اجلس معه واشوفه اكثر من قبل حتى صرت اقوله توني احس ان عندي زوج يوم نقلنا
صار لنا فوق السنة ونص وهو يحاول يجمع عشان نسافر وكل ماجمع له الف او الفين ريال جاء شي وطارت الفلوس
وعلى هالحال ، جمع له مبلغ بسيط وقالي ان شاء الله بعد العيد باخذ اجازة ونسافر على ذكرى زواجنا
وقالي اختاري ، نسافر او نسوي ذكرى زواج بفندق .. قلت مو مشكلة اذا ماتقدر على ذكرى الزواج خلنا نسافر اهم
ثم جاء وقال ان مديري احتمال مايعطيني اجازة لان بيكون في ضغط شغل وكذا ممكن تتأجل السفرة قلت اوك مو مشكلة مع اني جداً محتاجة اسافر واغير جو خصوصاً بعد ولادتي بنتي
بعدها قالي وش رايك نسافر يوم العيد ؟ اللي هو عيد الاضحى ورفضت بسبب اني ابغى اتعيد مع اهلي واشوفهم فرصة اجازة ال10 ايام هذي ابغى اجلس معهم لاني من زمان عنهم وهو بعد يجلس مع اهله
المهم اليوم جاني قال انه بيسافر مع اصحابه يوم العيد
انا تضايقت قلت وسفرتنا ! قال اني قلت لك قبل خلينا نسافر يوم العيد ورفضتي
بنسافر ان شاء الله بس مو الحين !
قلت والفلوس من وين ! قال سفرة شباب بنقط كلنا ومدري ايش قلت انت تقولي مامعك مبلغ يكفيك لاخر الاجازة كيف بتسافر !
قال ماعليك ادبر نفسي اخذ من ابوي
انقهرت بصراحة كيف تاخذ من ابوك عشان تسافر مع اصحابك واشياء كثير كانت ضرورية وما اخذت منه والحين عشان سفر بتاخذ !!
انا للامانه مو مرتاحة لان اول مره من زواجي بيسافر مع اصحابه وبرا السعودية
انا واثقة بزوجي واعرفه يخاف ربه ويصلي ويحثني على الخير ماعمري سمعته يسب او يشتم او يلعن خلوق ولله الحمد بس مو واثقة باللي معه
صاحباتي اللي تعرضوا لخيانات من ازواجهم كلهم كانوا مسافرين مع اصحابهم كذا !!
من قالي وانا متضايقة مررررره ما ادري وش اسوي
افكر اوقات احس اني غبية يوم كنت اراعيه وما اضغط عليه من الناحية المادية وكنت ادفع انا لانه اذا بغى الشي دبر عمره زي كذا
و بنفس الوقت متضايقة ماودي يسافر وخايفة ، عارفة انه رجل ومو بكيفي اذا يبي يسافر سافر وما طق لي خبر ، ما اعرف كيف اتصرف انصحوني الله يجزاكم خير 😢

وعليكم السلام ورحمه الله
اهلا وسهلا
ماشاء الله عليك قمه بالاخلاق زوجه خلوقه بتفكير جميل
وزوج خلوق

حبيبتي قرئت سردك لقصتك والحمدلله مشكله المصروف وانحلت تلقائيا من زوجك هذا دليل ان زوجك شاريك ولك مكانة خاصه عنده

لان اغلب الازواج بالوقت الحالي ماديتهم مش ولابد في بدايه حياتهم ويبخل على بيته عشان اصحابه

فعشان كذا اقولك بالعكس اخلاق زوجك جميله ماشاء الله الله يسخره لك

واذا على السهر مع اصحابه اغلب الازواج نفس الطبع

والحمدلله الي انحلت المشكله معاك لما نقلتوا

حبيبتي ترى مو مشكله ابد ولا استهتار بحقك انه بيسافر مع اصدقاءه
بالعكس انا اشوف ان شخصيه زوجك جميله وواعيه اللي يسالك وياخذ شورك بالذكرى والسفر ومادام عرض عليك قبل انه يسافر معاك ورفضتي

فما اشوف اي مشكله انه بيسافر مع اصدقائه هذا ابسط حق له

حاااسه باحساسك ترى بس ماشاء الله زوجك ماقصر انتي اللي عليك استودعيه الله بكل وقت استودعي الله كل جوارحه والدعاء ثم الدعاء

وبالعكس ياجميله ماتدرين لو زوجك شايف هالموقف منك انك ماتضغطبن عليه وحاب يرد لك الجميل بفعل انه مايرفض لك طلب

فلا تتضايقين وكلي امرك لله وتفائلي