منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > مطاعم ومقاهي حول العالم
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 26-06-2011, 07:27 PM   #1
ALZ3EEM
من كبار شخصيات الإقلاع
 
الصورة الرمزية الخاصة بـ ALZ3EEM
ALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحب
براسا وفرايديز وطبختنا للمندي والكودو







بسم الله الرحمن الرحيم

الله يسعد اوقاتكم بكل خير مساء / صبح
مبطي مانزلت موضوع اخر شي بشهر فبراير يمكن << يقاله مايطلع من المطاعم
هههههههههه

بصراحة الموضوع بسيط ومايعتبر تقرير لأنه كله طلعات او صور غير مجهز له فالمعذره
والسموحه من الصور والصفاوه ووو ..


قبل فتره رحت الشرقيه ورحنا نتقهوى في براسا دي برازيل اللي جنب السنبوك اظن يسمون
ذيك المنطقه عمارة مدري وشو الدغيثر ولو غلط صححوا لي ياهل الشرقيه

هذي ثاني مره اروح له والصراحة المكان حلو ورايق وخاصة لاصار الجو رايق مابه لاغبار
ولا حر ورطوبه







المدخل حقه غبي الصراحة لازم تدخل مع وسط المطعم وتطلع للكوفي جلسات خارجيه واول
شي يجي قسم الشباب ثم اسم بارتشن < يعني مهب بارتشن فعلي ... بس قعدنا بحق العوايل
لأن ماكان فيه الا حنا وجاء الويتر قال لو جت عوايل تروحون لقسم الشباب قلنا اوكي ابشر انت
جب الطلبات ويصير خير خخخخخخخخخخخخخ





هذا قسم العوايل حسب مايصنفونه




هذا المنيو وكنا 3 شباب عزابيه مؤدبين << ياشطار انتم خخخخخخخخخخخخخخ

واحد مننا طلب على طول شاهي كان خرمان شاهي .. انا وخويي ( رفيق الكويت) قعدنا
( نتفرنك) < اي نمخمخ وش بناخذ والويتر يناظرنا شذراً بس ماجبنا خبره لأننا جالسين بفلوسنا
<< نظام اقعد بقروشك ولايهمك احد خخخخخخخخخخخخخخخخ

المهم طلب خويي هوت تشوكلت KKaw 7ar <<ككاو حار = شوكولاته حاره
وكيكة فدج الشوكولاته ( قطعة فانيلا ايسكريم بارده مع شوكلت حار ) قد طلبناه قبل سنه

انا طلبي هوت موكا + تيراميسو

وبينما الطلبات تطبخ وتجهز كانت الجلسه شاعريه وتهيضت بقول شعر بس كان فيه كرسي
يتحرك يقول ان نطقت بيتعلق بخدودك وفضلت السلم والسكوت خخخخخخخخخخخخخخخخ



بالله ماتشوفون الجو يساعد ؟ بحر وقمرا وجو لطيف وانا موجود <<

عاد تخبرون مع الفضاوه والانتظار وانه ياويلك تقصد قلت خل اصور وارتب الاشكال
وطاولة وانعكاس حركات مبطي وانا ودي اسويه خخخخخخخخخخخخخ



ثانيه لاتفشلونن تقولون وشوله التكرار تسن به فرق لاحظوا العسبان هنا تحركت ( ودي اشرح
العسبان مادري وش اقول فروع النخله والا اوراق النخل خخخخخخخخ )



صح به فرق << يقول اغديهم مايفشلونن بس خخخخخخخخخخخخخخخ
لاحظتوا ان الموضوع قرقه اكثر من الصور مليون مره ؟ واضح ان الصور قليلات وودي ارقع
بالسوالف ؟



طلبت لاتيه وبعدين قلت وش ازين لاتيه والا هوت موكا صرفن وقال هوت موكا قلت جبه اجل
طبعا وصل اللاتيه


هالصوره بعد اضافة الموضوع ورحت وجيت لقيتن ما اضفته قلت مايروح انعكاس التوقيع
ببلاش خخخخخخخخ



طلب خويي الفدج مدري وشو



التيراميسو .. والله اني منب سهل طلباتي حركات واشكال << برااااااااا



الهوت تشوكلت مع الفدج طلبات خويي




هنا قاط معهم طلبي حبيبي << وش تحس به انت


زوووووم ع التراميسو بس مادري وراه جايبين قطعه ماجابو كل الدائره ؟ << برا فشلتنا


بعد ماقضينا ولله الحمد ترا عادي قطيت بطلب خويي ولو ان الشوكلاته لاصارت مطبوخه تقل
محترقه ماحبيته بس بردت بالفانيليا وهو قط بالتراميسو اللي طلبت << ذلهم خخخخخخخخخ





لا احد يرد بليز



 

 


اخر تعديل كان بواسطة » ALZ3EEM في يوم » 26-06-2011 عند الساعة » 09:10 PM.
ALZ3EEM غير متواجد حالياً
Facebook Twitter 0
قديم 26-06-2011, 07:54 PM   #2
ALZ3EEM
من كبار شخصيات الإقلاع
 
الصورة الرمزية الخاصة بـ ALZ3EEM
ALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحب



نكمل ...

رحنا للسيتي سنتر بالبحرين الشقيقه ومرينا فرايديز بعد ماحجزنا لنا فلمين اكشن
انا اخترت الفلمين واوقاتهم وقالوا اختاروا وين بتتعشون قلت اخترت الافلام وعليكم العشاء
واحد اختار العشاء والثالث اختار البوب كورن خخخخخخخخخ لا امزح اختار متى نمشي

وصار اختيار خوينا على



كان عندهم مهرجان الباستا بس تكرم النعمه مادري وراه متغيرين هالمطعم او صدقت نظريتي
ان كل فرع يختلف عن الثاني




اخترت انا ببسي دايت وخويي الثاني ببسي عادي والثالث مايشرب غازيات طلب فراوله



القريب الدايت والبعيد العادي < احلف


فراولة خوينا ما امدى اباخذ الفراوله الا اخذه يقول اطلب لك هذي لي خخخخخخخخخخخخخخخ

هم مادري بالضبط وش طلبوا اسمائهن انا طلبت



تشكن بومودورو .... احسبه بتطلع قريبه من الفتوتشيني او شي بس تكرم النعمه اعطيه 4/10





هذا طلب اللي مايشرب الغازيات ومدور بالقائمه شي بدون ثوم بس ماجازت له اكل قطع الدجاج
وماكمل وعشان كذا انا حاسب حساب الطلبات اللي اول مره تنطلب ماتدري تنكب وخصوصا اننا
ما اكلنا شي من الصبح يعن الوضع متازم خخخخخخخخخخخخخخخخخخ يعطي الطبق 5/10

طلبت اطباق تصلح للكل + صدور دجاج بكلوب ساندوتش + تشكن فينقرز << لذيييييييذه



صدور الدجاج بالساندوتش كويسه اعطيه 7/10



اصابع الدجاج لذييييييييذه والصور لذيذ وكل شي به لذيذ اعطيه 10/10

خوينا الثالث طالب برقر مادري وشو بصراحة



هذي لقطة سريعه للطاوله ما امدى اصور زين بلاكبيري وزحمة والشباب جوعانين والمطعم زحمه ولازم نروح المواقف بناخذ شغله من السياره وبعد بنصلي << باقي كلمتين ويعلمكم الجدول من - الى


الحساب كان حدود 250 ريـال
المطعم مايحتاج معروف بس بقيّم حسب ما اشوف
الأكل 8/10
الأسعار 8/10
الخدمه 10/10
النظافه 10/10



يتبع بحط صور منوعه لاحد يرد بليز << اوخص بليز







 

 

ALZ3EEM غير متواجد حالياً
Facebook Twitter 0
قديم 26-06-2011, 08:14 PM   #3
ALZ3EEM
من كبار شخصيات الإقلاع
 
الصورة الرمزية الخاصة بـ ALZ3EEM
ALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحب


هالرد بيكون صور حوسه وكذا ينفع بالصور بس قلت دامه طبخ واكل بحطه هنا ماعلي


بنجلد ع الصوره بس ميخالف ... كرافت مع عسل فطورنا بالروحه هذي مع توست


شوفوا وقت الجوع وقسمن ولا اطلق مطعم قدام هالطبق << برااا اجل طبق يالعجاز


مشكل مقبلات مره مودي اهلي لمغل << مايعرف غيره خخخخخخخخخخخ


طلبوا ربيان انا منب من محبينه ولا من اهل البحريات كثير


والعياذ بالله كوكتيل سعودي يسمى بالشمبانزي << اموت بالبراءه انا خخخخخخخخخخخخخخخخخ


عاد نجي للشي الخقق طعمه .. المندي مره صورته وحنا نسويه < لاحظوا حنا يصور بس خخخخخخ



نتبل الدجاج ونحطه على الشبك بعد طبخه قليلا على النار بالبهارات والملح ووو
نطلعه من القدر ونخلي ماء بالقدر من الدجاج والبهارات وو حتى نحط الرز بالقدر ونصب عليه
ماء لين تقريبا يغطيه << عارف الطريقه بس ماقد سواه هالجبان


شفتوا كيف يعني بكذا همآهـ


يطبخ الرز لمدة 5 دقايق كذا او ممكن بدون طبخ على طول بالفرن حق المندي او البرميل حسب الموجود


ندخل الشبك فوق < احلف



يكون القدر اللي به الرز تحت حتى ينقط عليه الدجاج وياخذ الطعم من الدجاج وهذي فكرة المندي << ماشاء
الله عليك يامعلومات انت

نخليه على حسب حرارة الفرن مابين 50 - 60 دقيقه



خلصنا ولله الحمد ومازالت الكاميرا تلاحق الطبخه


زوم للتعذيب انا سعبلت الصدز ومشتهي مندي لي اسبوعين وادور احد يجي يقول ابصلح



الرز لذيذ والدجاج الذ ويمي بس يارب لك الحمد والنعمه


مقرمش ومالح ويجيب العافيه بصراحة خققققققه

===================================
عاد مره قلت بسوي لكم كودود وهو عباره عن قطع دجاج الوطنيه وطريقته سهله كلكم تعرفونه اكيد اللي
انا اعرفه اكيد انكم لكم 340 سنه مسوينه


نجيب الصاجه وزيت وشب النار ومع شوية بصل ينحمسون بعدين نضيف الدجاج حتى يتفكك عن بعض بالحراره







شوي نضيف البهارات المعروفه والملح واللي تحبون ياطماطم او بدون وانا افضل بدون طماط < طماطم وطماط
الفرق واضح وجلي بين الكلمتين خخخخخخخخخخخخخخخ
المهم انه افضل فلفل بارد وشوي بصل ولو جت علي ماحطيت قطعة بصل ماحبه لاهو ولا الثوم ولا مشتقاتهم



لاتشرهون الطماطم مقطع كبير << ماقطعه هو لاحظتوا انه طبخ بس يكفي اني حركت الدجاج وكذا والصاجه حاره والزيت يتطاير ويقولون بعد اني منب اسوي شي ... الله يخلين لي :$


صفوا سرا كل واحد بعطيه سندوتشه



انتم ياللي واقفين وش تنتظرون ؟ خلصت عطينا اللي جو اول شي وانتم بكرا اسوي لكم ان شاء الله ادري
ماراح يجيكم نوم ودكم تذوقون طبخي بس الشكوى لله هذي الدنيا <<< اقرب مخرج طلعوووووووووووهـ

بقيم الطبخه اللي سويته
الطعم 100000 / 10
الانشكاحه 1000/10
السعر 10/10
التقديم 1000/10
كلش 10000/10 هههههههههههه

يارب الموضوع مهب ثقيل عليكم وفيه شوية اشياء جديده وخفيفه على قلوبكم ..

لكم

انطلقوا

اللي يقيمون رجاء لايزعلون ترا اوقات اقيم وكذا يجي رد خلاص يكفي اليوم راجعنا
بكرا فاخاف احد يقول نسى والا سحب



 

 


اخر تعديل كان بواسطة » ALZ3EEM في يوم » 26-06-2011 عند الساعة » 08:17 PM.
ALZ3EEM غير متواجد حالياً
Facebook Twitter 0
قديم 26-06-2011, 08:21 PM   #4
مصدر قلق
عضو رسمي
مصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحبمصدر قلق فوق  هام السحب
اهليين
موضوعك وسوالفك كلها ححلوه
تسلم يدينك



 

 

مصدر قلق غير متواجد حالياً
Facebook Twitter 0
قديم 26-06-2011, 08:49 PM   #5
ALZ3EEM
من كبار شخصيات الإقلاع
 
الصورة الرمزية الخاصة بـ ALZ3EEM
ALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحبALZ3EEM فوق  هام السحب
اهلننناااااااااات
الأحلى مرورتس خيتووو
يسلمتس ربي من كل شر



 

 

ALZ3EEM غير متواجد حالياً
Facebook Twitter 0
قديم 26-06-2011, 08:57 PM   #6
gn gnoni
منتوف ريشه
gn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحبgn gnoni فوق  هام السحب
-




اقتلني



يا عيني على الشغل النظيف



وش هالزين


ما شاء الله تقرير بطل جدا لا من المطعم ولا الكَفي إلي جيتهم ..
والاهم والمهم شغل يدينك
امتعتنا يا بعدي , يعطيك العافيه



 

 


اخر تعديل كان بواسطة » gn gnoni في يوم » 26-06-2011 عند الساعة » 08:59 PM.
gn gnoni غير متواجد حالياً
Facebook Twitter 0
قديم 26-06-2011, 09:54 PM   #7
تحديث بيانات
خبير إقلاعي مميز
 
الصورة الرمزية الخاصة بـ تحديث بيانات
تحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحبتحديث بيانات فوق  هام السحب
تقرير بطل
جعله مهآبيط العافيه



 

 

تحديث بيانات غير متواجد حالياً
Facebook Twitter 0
قديم 26-06-2011, 10:21 PM   #8
MisS-CoOoL~
من كبار شخصيات الإقلاع
 
الصورة الرمزية الخاصة بـ MisS-CoOoL~
MisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحبMisS-CoOoL~ فوق  هام السحب
-
هلآَ واللهَ الزعيم
وشَ هَ التقريرَ البطلَ !!
براسا ديَ برازيلَ زرته قريبَ وو حبيتهَ مرةَ منيو المشروبات جدا مننوعَ



هذا الاحترافَ ولآَ فلاَ







ماشاءاللهَ وشَ خليتَ ل البنات الطباخاتَ زيناَ
عوافيَ ياربَ



 

 

MisS-CoOoL~ غير متواجد حالياً
Facebook Twitter 0
قديم 26-06-2011, 11:37 PM   #9
Madrid Man
من كبار شخصيات الإقلاع
 
الصورة الرمزية الخاصة بـ Madrid Man
Madrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحب

ياهلا ومرحبا بزعيمنا
عاش من شافك .. وينك اختفيت عننا
ماشاء الله تقرير رائع ومرتب وخلفيه حلوه

يعطيك الف عافيه على تقريرك


مثــبــت





 

 

Madrid Man غير متواجد حالياً
Facebook Twitter 0
قديم 26-06-2011, 11:51 PM   #10
ديار الروح
خبير إقلاعي مميز
ديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحبديار الروح فوق  هام السحب
وش هالزين

بالعافيه يارب

حبيت تقريرك والتصوير والسوالف الجميله

ووتسلم يدينك



 

 

ديار الروح غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:35 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017