منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > مطبخ الإقلاع
التسجيل التقويم التأشير على جميع الاقسام بالمشاهدة



 

دليل المطبخ


 |[ السلطات الأطباق الرئيسيه الساندوتش الموالح الحلويات ]|
|[ المعجنات اطباق صحيَة الصواني والإيدامات المكرونه المشروبات ]|

 


إغلاق الموضوع
 
أدوات الموضوع طريقة عرض الموضوع
قديم 29-06-2016, 12:43 AM   #1
A.G.S.90
من كبار ذواقين الإقلاع
 
الصورة الرمزية الخاصة بـ A.G.S.90
A.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحب
يومي الرمضاني ] 23/09 !~

السلام عليكم



مبارك عليكم ما تبقى من الشهر

هذي أول سنه أشارك فيها معاكم بهالموضوع
حبيت أشارك كـ تثبيت للوصفات .. و كل التوفيق للمشاركات
يومي جداً بسيط و مرتّب ما فيه زحمه ,
و عُذراً منكم ما قدرت اصور الخطوات عندي أمي لو أدخل للمطبخ بالكام احتمال كبييييير تحذفني فيها

نبدأ




بداية يومي حول الساعه 11 تقريباً .. أقوم اصلي الظهر و اقرا الجزء اللي علي بالقرآن



بعدها أطلع للصاله ماكو غير أمي قاعده تطقطق بالتلفون
نشوف تلفزيون ونهذر شوي و عالساعه 1 يبدا الصج عاد كل واحد يسوي شغله
احنا نعرف شنو نسوي ونحدد قبلها بيوم يعني ما نتناقش عارفين دربنا
..

..

أول شي الشُوربه اليوم كانت شوربة الشوفان
الشوربه أساسيه السفره لأبوي و أمي الباقي ما يحرصون عليها يبون شي بارد




ثاني شي كان ع سفرة اليوم هو هذا الطبق اللي كان علي أسويه
يَخنة الخضار الفرنسيّة




ما يحتاج اقول هذا الصحن موجود من أول رمضان ماشاء الله / الكبّه




و السلطه بعد شي ضروري يتواجد كل يوم .. كانت علي و اخترت اني
اسوي سلطة الجرجير مع الحلوم المشوي و الرمان




نسيت اصور المشروبات / ماكو شي مهم احنا نظامنا لبن و ماي بس



.
.

لو سمحتوا أتمنى محد يكتب شي لين أنتهي من الموضوع
برب





 

 


اخر تعديل كان بواسطة » Aya SaQr في يوم » 29-06-2016 عند الساعة » 01:51 AM. السبب: نسخه لتويتر^^
A.G.S.90 غير متواجد حالياً
Facebook Twitter 2
قديم 29-06-2016, 01:10 AM   #2
A.G.S.90
من كبار ذواقين الإقلاع
 
الصورة الرمزية الخاصة بـ A.G.S.90
A.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحب
رد : يومي الرمضاني ] 23/09 !~

بعد الفطور معروف الوضع " سيلفي "
الأهل يتجمعون عليه وابوي يسوي شاي مخدّر له ولأمي
طافني اصوره لكم عادي

بعدها يروحون للمسجد عاد هذي حزة الهدوء من غير شر عليهم

..


..



اما انا بالوقت هذا كله أروح آخذ لي شاور سريع وراي شغل..
بعدنا ما نخلص طلبات




و نتبخّر و نتعطّر .. و بالمره نبخّر البيت قبل لا أبوي يجي يعفسنا / عنده حساسيه




قبل الفطور كنت محضره عجينة للبيتيفور أول مره أجربها و اسويه بالبيت
و اشوا ال
حمدالله ضبط و لا جان امي فصلت علي حاطه فيه نص كيلو زبده
خليتها بالثلاجه عشان اسويها بعد الفطور , و بما ان امي ما كانت بالمطبخ
حزتها قاعده بالصاله تشرب عصير ليمون ماشاءالله
جبت الكام و لقطت صوره قبل الفرن




و بعد ما طلعناهم بالسلامه




و قبلها بيوم كنت مسويه تشيز كيك بارد بس طلعته من الثلاجه و زيّنته




و بعدها وقت القهوه و ال
حلا و اجتماع الأسره الجدّي هالمره بدون سوالف
شاي مخدر ابوي عاد .. ليييين وقت الس
حور محد عندنا حريص عالسحور
يكونون شبعانين ماشاءالله .. غالباً يكون فواكه و روب

اما انا هذا س
حوري " مشمش مجفف و روب وماي و الحمدالله عالنعمه "




انطر صلاة الفجر بعدها اصلي و تجي امي عشان نقرر شنسوي
حق باجر
و انام .. بجذي ينتهي يومي





.
.

لو سمحتوا أتمنى محد يكتب شي لين أنتهي من الموضوع
برب






 

 


اخر تعديل كان بواسطة » A.G.S.90 في يوم » 29-06-2016 عند الساعة » 01:12 AM.
A.G.S.90 غير متواجد حالياً
Facebook Twitter 2
قديم 29-06-2016, 01:48 AM   #3
A.G.S.90
من كبار ذواقين الإقلاع
 
الصورة الرمزية الخاصة بـ A.G.S.90
A.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحب
رد : يومي الرمضاني ] 23/09 !~

الوصفات /


( شُوربة الشُوفان )



8 ملاعق شوفان انقعهم بماي و اخليه ع جنب
و بـ جدر عالنار احمس حبة بصل مفرومه ناعم مع الزيت لين يتغير لونه
أضيف 1 مكعب ماجي , و ملعقتين كبيره معجون طماط و أكمل حمس للطماط عدل
بعدها أضيف الشوفان مع الماي و كإضافة حبة ليمون أسود و بس يغلي أقصر عالنار
و اخليه ع نار هاديه م التحريك لين يستوي

,

( يخنَة الخُضار الفرنسيّه )



هذي الطريقه مو لي ماخذتها من مدونة ميمو كيتشن و جداً لذيذه و سهله
بس حذفت الخضار اللي ما آكلها منه .

باذنجان , كوسه , فلفل رومي , طماط , بطاط
تقطعونهم كلهم ع شكل حلقات دائريه رقيقه و تخلونهم ع جنب

عالنار شوي زيت و حبة بصل وحده مفرومه ناعم مع ثوم مفروم نحمسهم
لين يتغير لون البصل بعدها نضيف عليه علبة معجون طماط و شوي كزبره جافه
وفلفل أسود و ملح و نكمل حمس عدل أخير شي اذا بدا ينشف نزيد عليه شوي ماي
ما تكثرون! حلاته يكون ثقيل وخلوه شوي ع نار هاديه يتسبّك

بعدها صبوا الصلصه هذي بالبايركس اللي تبون تقدمونها فيه
و صفّوا الخضار المقطعه فوقها بالترتيب عشان يطلع شكلها حلو بالتقديم
أخير شي رشوا الصينيه بشوي زيت زيتون و إذا حابين ترشونا بعد بشوي جبن موزاريلا
و ملح و روز ماري و أوراق نعناع / بعدها تغلفونها بقصدير وخرموه شوي عشان البخار
و عالفرن من تحت لين تستوي الخضار

,


( الكُـبّـه )



منزله الطريقه من قبل بموضوع شاركونا أطباقكم.. ع هذا الرابط

كود:
http://www.vb.eqla3.com/showpost.php?p=45009513&postcount=8


,

( سلطَة الجرجير مع الحلّوم المشوي و الرمّان )



جرجير كطبقه أولى و جبن حلّوم انقعوه بماي دافي أول شي عشان تخف ملوحته
بعدها قطعوه شرايح .. و مع شوي مسحة زيت زيتون اشوُوه عالنار
و يصير فوق الجرجير .. حبات رمان عشان اللون

*الدريسنق / زيت زيتون مع دبس رمان و عصرة ليمون وشوي خل بلسميك





 

 


اخر تعديل كان بواسطة » يكفيني وجودك في يوم » 29-06-2016 عند الساعة » 05:13 AM. السبب: اضافه لدليل المطبخ
A.G.S.90 غير متواجد حالياً
Facebook Twitter 3
قديم 29-06-2016, 02:20 AM   #4
A.G.S.90
من كبار ذواقين الإقلاع
 
الصورة الرمزية الخاصة بـ A.G.S.90
A.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحبA.G.S.90 فوق  هام السحب
رد : يومي الرمضاني ] 23/09 !~

الوصفات /



( البيتيفُور )



الطريقه مأخُوذه من سيّدة مصريه يعطيها ألف عافيه
لذيذه و مضبوطه نفس محلات الحلويات بالضبط

نص كيلو زبده بحرارة الثلاجه مو الغرفه !! بحرارة الثلاجه
انا آخذ الزبده بالكيلو ممكن اذا عندكم ميزان الأكل تعرفون النص كيلو
و كوب سكر ناعم و ملعقتين فانيلا باودر و رشة ملح
بالعجانه لين المكونات كلها تتجانس مع بعضها و يطلع معانا قوام كريمي ..
بعدها نضيف 4 بياض بيض على دفعات و اخير شي كيلو إلا ربع طحين أبيض
" يعني كيس الطحين كيلو ؟ نزلوا منه ربع / كيلو الا ربع "
راح تطلع معانا عجينه نقدر نشكلها باليَد بسهوله ..
سووا الشكل اللي تحبونه و اخبزوه بالفرن من تحت ما ياخذ 10 دقايق تقريباً
وشوي من فوق يتحمر عشان اللون يطلع حلو

,



( التشيز كيك البارد )



الطريقه هذي تقليديّه وناجحه دايماً لقيتها بالانستقرام لصاحبتها ميني بيكر يعطيها العافيه
..
200 جرام بسكوت دايجستف مطحون مع 200 جرام زبده مُذوّبه
نخلطهم مع بعض و نرصهُم كـ طبقه أولى بقالب التشيز كيك

بالخلاط نضيف 14 حبة جبن كيري
1 علبة قيمر كبيره
3/4 علبة نستله " انا حطيت بس النص ما ابيها حيل حاليَه "
1 ظرف ديم ويب

اذا انخلطوا عدل بالخلاط بدون أي تكتّلات نضيف عليهم التالي /
1/4 كوب ماي حاار تذوبُون فيه ملعقه كبيره جيلاتين " تذوبونه تماماً "
و تصبونه الخلطه الكريميّه و تخلطون مره ثانيه بعدين تصبونها فوق طبقة البسكُوت
و بالثلاجه لين تتماسك / أفضل تخلونها ليله كامله أحسن و زينوها باللي تحبونه




,

هـذا كل شــي / ان شـاء الله يكـون كـل شي واضــح
و الله يعوده علينا و عليكم بالصحه و العافيه



 

 


اخر تعديل كان بواسطة » A.G.S.90 في يوم » 29-06-2016 عند الساعة » 02:27 AM.
A.G.S.90 غير متواجد حالياً
Facebook Twitter 5
قديم 29-06-2016, 02:28 AM   #5
Aya SaQr
مشرفة منتدى مطبخ الاقلاع

 
الصورة الرمزية الخاصة بـ Aya SaQr
Aya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحبAya SaQr فوق  هام السحب
رد : يومي الرمضاني ] 23/09 !~



حبيت يومك كتير
ما شاء الله سفرة دايمة يارب وبالعافيه على قلوبكم
تسلمي ع اليوم الممتع و الجميل
يعطيكِ الله الف عافيه




 

 

Aya SaQr غير متواجد حالياً
Facebook Twitter 0
قديم 29-06-2016, 02:41 AM   #6
~ حلم الطفولة ~
من كبار مميزين الفني
 
الصورة الرمزية الخاصة بـ ~ حلم الطفولة ~
~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب~ حلم الطفولة ~ فوق  هام السحب
رد : يومي الرمضاني ] 23/09 !~

يوم جميل والاطباق روووووعه

تسلم الايادي



 

 

~ حلم الطفولة ~ غير متواجد حالياً
Facebook Twitter 0
قديم 29-06-2016, 03:28 AM   #7
0سمو0
من كبار شخصيات الاقلاع
 
الصورة الرمزية الخاصة بـ 0سمو0
0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب0سمو0 فوق  هام السحب
رد : يومي الرمضاني ] 23/09 !~

ماشاء الله
يعطيك العافيه والله يخلي لك الاهل
يوم رمضاني مرتب وحيييل عجبني حسيت بهدوء ولمة عايله الله لايفرقكم يارب
كان ودي اقيمك بس مارضى
موفقه



 

 

0سمو0 غير متواجد حالياً
Facebook Twitter 0
قديم 29-06-2016, 04:57 AM   #8
قصة كاملة
من كبار شخصيات الإقلاع
قصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحبقصة كاملة فوق  هام السحب
رد : يومي الرمضاني ] 23/09 !~

ياطعمك وياملحك انا من الناس الي اتابعك
عرفتك من البسكويت وصورة التسريحه ي صغر الدنيا هههه مو مصدقه للحين عاد توي طايحه على حساباتك
من وحده مدحتك يجنن تبارك الله مثلك
للحين مو مصدقه

يوم رمضاني جميل مثلك ي قلبتي
وسفره دائمه



 

 

قصة كاملة غير متواجد حالياً
Facebook Twitter 0
قديم 29-06-2016, 05:07 AM   #9
يكفيني وجودك
مشرفة منتدى مطبخ الإقلاع
 
الصورة الرمزية الخاصة بـ يكفيني وجودك
يكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحبيكفيني وجودك فوق  هام السحب
رد : يومي الرمضاني ] 23/09 !~



ماشاء الله سفره جميله ومرتبه
الله يديمها يارب
ويعطيك الف عافيه وبالتوفيق



 

 

يكفيني وجودك غير متواجد حالياً
Facebook Twitter 0
قديم 29-06-2016, 04:46 PM   #10
دمعة سحآب
مشرفة منتدى مملكة المرأة
 
الصورة الرمزية الخاصة بـ دمعة سحآب
دمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحبدمعة سحآب فوق  هام السحب
رد : يومي الرمضاني ] 23/09 !~

ماشاء الله تبارك الله
حبيت كل شي هنا .. الاطباق - التصوير - ويومكِ أكيد
أكثر انسانه أحب اتابع ردودها خاصة بموضوع المشتريات والحين يوم شفت لكِ رد هنا , انبسطت

الله يسعدكِ ولكِ ( )




 

 

دمعة سحآب غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
قد نثرت ياربُ دعائي ،، يومي الرمضاني ،، 20 / 9 / 1437 MOONA البوم الإقلاع للصور والمقاطع الطريفة 15 09-07-2016 06:36 AM


الوقت المعتمد في المنتدى بتوقيت جرينتش +3.
الوقت الان » 10:28 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017