منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > Eqla3 English Language Forum > منتدى استفسارات اللغة الإنجليزية والترجمة
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 25-03-2014, 04:37 PM   #11
ابتسآمة مجروح
عضو مقلع
 
الصورة الرمزية الخاصة بـ ابتسآمة مجروح
ابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحب
رد : كيف اجتزت إختبار الآيلتس ielts ؟ اذكر لنا تجربتك..

ف البدايه حاب اشكرك ع هالموضوع المنظم ..

اسمحي لي في البدايه .. ان اقتبس رد لي سابق ع احد العضوات في موضوع اخر عن الايلتس.. ثم بعد ذلك لي عوده اخرى للرد ع الموضوع بالتنظيم الذي وضعتيه وبتفصيل اخر..

-----

ب النسبه للايلتس ي اختي اغلبنا تعقد منه وعاد الاختبار كذا مره ..

بقول لك معاناتي اول عشان ماتحسين انك لوحدك.. بعدين بشرح لك طريقتي

انا ب البدايه كان مطلوب مني اجيب 5 عشان ادخل البري ميدسن.. اختبرت 3 مرات وكلها 4.5 .. يوم مابقى الا شهر طلعت نتيجتي الاخيره وكانت 5 الحمد لله

بعدها بست شهور طلبو مني 5 ونص .. اختبرت 4 مرات وكلها 5 ... يوم بقى اسبوع بس جبت 5 ونص ..

ع نهايه السنه التحضيريه طلبو مني 6 .. اختبرت 6 مرات وكلها 5.5 الا السادسه جبت فيها 6.. وكنت ع اعصابي بشكل مو طبيعي لان بعد اختباري السادس طلعت متضايق من حلي وحاولت ادور تسجيل ب الايلتس قبل الديدلاين حق الجامعه ولاحصلت الا ب السودان..

وحجزت اختبار ع السودان وكنت ناوي اطلع فعلا .. لانها كانت الدوله الوحيده اللي فيها مقاعد لاقرب اختبار .. بس عقدوني من ناحيه السداد قالو مافيه اونلاين فكنسلت الفكره وتوكلت على الله وانتظرت درجتي الاخيره..

اختبرت بكل مكان .. ب هولندا وفي المانيا وفي السعوديه وب اسبانيا وكلها كانت 5.5


لكن اخر اختبار الحمد لله طلع وكان 6 وقدرت ادخل الجامعه ..


بعد هالكلام الطويل .. بشرح لك كيف تجاوزت هالمشكله وطورت نفسي


نبدا حبه حبه ..


قسم الاستماع :



فيه كتب للايلتس اسمها ايلتس 1، 2 ، الى 7 مدري 8

هالسلسله عباره عن 7 الى 8 كتب .. كل كتاب فيه 4 اختبارات استماع وقراءه وكتابه وتحدث

انا كنت احملهم اونلاين مع المقاطع الصوتيه تبعهم ..

اروح لجزء الاستماع من كل كتاب واطبع قسم الاستماع ..

يعني عندنا 4 اختبارات استماع ضرب 7 كتب … يطلع لنا 28 اختبار استماع

كل يوم كنت امسك نموذج واحد.. اشغل المقطع الصوتي من اللابتوب .. واعتبر نفسي بقاعه الاختبار وامشي على الوقت.. يعني ما اوقف ولا شي.. اعيش تجربه الاختبار فعلا

بعد ما اخلص .. اصحح حلي .. الاجابات تكون موجوده ب اخر الكتاب .. اشوف وين اخطيت وليه اخطيت واعرف كم جبت..

فيه مواقع تحسب لك درجتك بالايلتس في قسم الاستماع.. اكتبي حاسبه الايلتس وتطلع لك ..

اكون بنفس الوقت مجهز دفتر واكتب فيه الكلمات اللي اخطيت في السبلنق حقها او القرامر حقها .. والتصحيح جنبها..

واروح الاختبار اللي بعده وكذا..


بنهايه الاختبارات راح يكون دفترك مليان بالاخطاء اللي طلعت عليك … تعلمي كيف تصححينها .. وتعرفين السبلنق الصحيح لها

هالطريقه كانك اختبرتي الايلتس 28 مره وانتي ببيتك .. يمكن اول عشر نماذج بتكون درجتك 6 .. بعدين بتلاحظينها ارتفعت 6 ونص .. يمكن مع اخر اختبار تشوفينها وصلت 7 ونص او 8

طبعا مايحتاج اقول لك عن مهارات الاستماع لازم تعرفين لها . يعني تاخذين معك ماركر وتخططين ع المطلوب وتبدين ب القسم الثاني لما يقول لك المسجل معك 30 ثانيه تراجعين اجابتك .. يعني تتعلمين كيف تستغلين وقتك .. وكيف تقرين السوال بسرعه ،تحددين ايش مطلوب فيه . يعني رقم ، تاريخ ، اسم. عنوان . قيمه ..الخ


قسم القراءه

انصحك تسوين نفس الطريقه حقت الاستماع + تشترين او تحملين كتاب اسمه New Insight into IELTS

يشرح لك بعض المهارات اللي تحتاجينها ب القراءه .. طبعا لازم تقرين بعد عن مهارات حل هالقسم .. تلاقينها بالنت .. بس اكتبي IELTS READING TIPS

قسم الكتابه :

لكل قسم مهاراته .. تلاقينها بكل مكان ب النت .. واتوقع انك عارفتها لانك جايبه 6

حاولي يكون المقال حقك خالي من الاخطاء القرامر والسبيلنق.. بتقولين لي صعبه .. بقول لك لا

لاتكتبين الا الكلمه اللي انتي عارفه السبيلنق حقها .. والجمل اللي عارفه القرامر حقها

حاول تخلين الستركشر حق المقال منظم.. يعني مقدمه ومحتوى وخاتمه .. وجاوبي ع السؤال كامل

هنا يقول لك كيف تحصلين ع كل درجه


ب التاسك الاول

http://takeielts.britishcouncil.org/...escriptors.pdf

ب التاسك الثاني

http://takeielts.britishcouncil.org/...escriptors.pdf



انصحك بعد بكتاب اسمه

Common Mistakes at IELTS ... and how to avoid them

اخذي النسخه الادفانسد منه .. يجيب لك اغلب الاخطاء اللي يحصلونها المصححين ع طلاب الايلتس وهي اللي تطيح درجاتهم..

انصحك بعد تدخلين موقع

http://www.ielts-blog.com/

وتشوفين المقالات اللي وجوده عندهم .. اللي ماخخذه 9 و8 .. وتحاولين تحفظين بعض الجمل القويه وتستخدمينها ..


قسم التحدث

نفس الشي .. له مهارات تحصلينها بكل مكان .. حاولي تحفظين كلمات قويه وحلوه .. يعني كيف توصف شخص تحبه

تسخدمين جمل كثيره.. كلمات صعبه شوي .. تتدربين ع النطق حقها .. حاولي قد ماتقدرين ماتخطين ب القواعد

هنا طريقتهم ب التقييم

http://takeielts.britishcouncil.org/...escriptors.pdf


واهم شي عليك ب الدعاء بكل مكان .. وبكل وقت … واطلبي من اهلك يدعون لك .. ف الفرج يجي من الله اولا


حاولي تغيرين مكان مركز الاختبار وان قدرتي تختبرين ب السعوديه يكون احسن بعد .. انا اتذكرت اختبرني واحد سبيكنق ب الدمام وبعد الاختبار دقيناها سوالف .. ف اتوقع ضبطني بدرجه السبيكنق





 

 

ابتسآمة مجروح غير متواجد حالياً
Facebook Twitter 0 اضافة رد مع اقتباس
قديم 26-03-2014, 05:07 PM   #12
ابتسآمة مجروح
عضو مقلع
 
الصورة الرمزية الخاصة بـ ابتسآمة مجروح
ابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحب
رد : كيف اجتزت إختبار الآيلتس ielts ؟ اذكر لنا تجربتك..



1
How did you prepare for test?What are your sources?
كيف استعديت للاختبار؟ ماهي مصادرك؟كتب ..مواقع الخ؟



1- حملت كتب الايلتس السبعه .. ونزلت الملفات الصوتيه ..





في كل كتاب 4 اختبارات استماع .. طبعتها كلها .. وقمت اتدرب عليها كاني في الاختبار فعلا .. كذا كانك تدربت ع الاختبار 28 مره .. او كانك اختبرت الاختبار 28 مره .. تلقائيا بتكون تعودت ع الاختبار.. بعد ماتخلص من كل اختبار خل عندك دفتر تسجل الكلمات اللي اخطيت ب السبيلنق حقها .. واكتب التصحيح جنبها .. بعد ماتخلص بيكون دفترك شبه امتلا من الاخطاء .. ف لما تختبر الايلتس الاختبار الفعلي ماراح تخطي نفس اخطائك .. بنفس الوقت راح تاخذ ع الاختبار وتكون سريع وتعرف مهارات الحل .. وتشيك ليه اخطيت وكذا .. لان الكتب توفر لك ب النهايه الحل مع التسجيل الكتابي للملفات الصوتيه ..

بحثت لكم عن موقع فيه الكتب للتحميل

http://www.i.eqla3.com/vb/forum52/thread121210.html#.UzLVWq15Pq8




2- كتاب اسمه new insight into ielts

A

هالكتاب فيه مهارات لجميع الاقسام.. استماع قراء ، كتابه .. تحدث ..

كتاب جميل انصح فيه

3- كتاب

Common Mistakes at IELTS ... and how to avoid them





كتاب صغير .. فيه نوعين منه .. واحد للطلاب اللي مستواهم متوسط .. والثاني للي ادفانس .. انصح الكل ب الاثنين .. او يبدوأ ب المتوسط اولا .. يجيب لك الاخطاء اللي يخطي فيها اغلب الطلاب اللي يختبرون ايلتس .. ب القرامر او السبيلنق .. فلما تقرا الكتاب راح تتجاوز اغلب الاخطاء اللي يخطون فيها الطلاب اللي فيه مستواك ..
4- موقع IELTS BLOG

http://www.ielts-blog.com/

فيه نماذج رايتنق فيه حاصله ع 7،8،9 … اطلع عليها وشف اسلوبهم وكلماتهم ..


5- كتاب Target Band 7

يعطيك مهارات في كل قسم .. انصح فيه

6-
grammer for IELTS

7- مواضيع وتجارب الطلاب ب الاختبار .. لانها تكون ملهمه ومساعده

Task 1 (الجراف).. خطوه بخطوه و اضمن الدرجه بجيبك الجزء الثاني ^^
http://www.i.eqla3.com/vb/forum52/thread105874.html#.UzLYgK15Pq8

Thumbs up خطوه بخطوه و إضمن درجة Writing Task2 IELTS في جـيــبــكـ ^_*
http://www.i.eqla3.com/vb/forum52/thread103742.html#.UzLYca15Pq8

محاضره الايلتس في جيبك

https://www.youtube.com/watch?v=PPptbXvFmjQ&list=PL802D68B8B3C49F76

http://www.saudiuw.com/wp-content/up...-the-IELTS.pdf

لاتنسون بعد مهارات الحل … اكتبو بقوقل .. مهارات الاستماع.. الكتابه .. الخ

2
Do you have a specific plan you follow it ?
هل كانت لديك خطة معينه إلتزمت بها ؟



استعدادي للاختبار كان على 3 مراحل .. المرحله الاولى كان مطلوب مني اجيب 5.. المرحله الثانيه 5.5 .. المرحله الثالثه 6.0

في المرحله الاولى والثانيه .. ماكان في ذاك الاستعداد .. يعني المرحله الاولى حضرت لها 3 اشهر بس لاني درست تحضيريه بجامعه الملك سعود .. حصولي ع الدرجه اقدر اقول انه كان ذكاء مهاري اكثر من انه ذكاء لغوي .. لاني الان عندما اقارن بين مستواي لما حصلت 5.5 ثم ال 6 مع مستواي ب المرحله الاولى اجد اختلاف 180 درجه…

اختبرت اربع مرات .. اول اختبارين كانو تقييم للاختبار مع شوي استعداد.. اخر اختبارين ركزت عليهم بضمير ..

طلعت درجه الاختبار الاول والثاني وكانت 4.5 .. ف عرفت انا ايش احتاج اطور بنفسي حتى اوصل لل 5

وهالشي مهم ونصيحه للجميع .. حاول تختبر الايلتس مبكرا .. حتى تعرف مستواك وين ب الضبط..

لان لما تطلع نتيجه الاختبار .. مو بس تشوف درجتك الكليه فقط .. بل تشوف كل قسم كم جبت فيه..

لما شفت درجه اول اختبار .. لاحظت ان عندي مشكله ب الاستماع والكتابه .. ايضا القراءه

كلهم تقريبا كانو 4.5 ماعدا التحدث 5


جلست مع نفسي وقلت .. ي طارق انت مامعاك وقت حاليا تاسس نفسك صح ب اللغه .. انت مطلوبه عليك الدرجه خلال 3 شهور .. لازم يكون فيه خطه .. وب الفعل سويت هالخطه

تعرفون قصه الذئب اللي جا عند الغراب اللي علي الشجره وحاول فيه انه يعطيه الجبنه ورفض الغراب .. بعدين تحايل عليه الذئب وقال له صوتك حلو ابيك تغني .. فلما غنى طاحت الجبنه ف اكلها الذيب .. بغض النظر انو مافي ذيب ياكل جبن بس اهم شي وصلت الفكره << عنده احساس انه محرف ب القصه

هذا اللي سويته مع الايلتس .. تحايلت عليه ..

وجدت ان مشكلتي الرئيسيه كانت ب السبيلنق .. والقرامر .. و


اليوم بقول لكم كيف تحلون مشكله السبيلنق والقرامر ..

طالب مستواه اقل من 5.. يعني صعب يعدل السبيلنق خلال شهر او شهرين .. ف احسن حل .. نتحايل .. يعني نرجع لقصه الذيب ابو جبن ..

مسكت قسم الاستماع ب الايلتس .. وقمت احلل واشوف نوع الاجابات المطلوبه .. وجدت انها دايم تكون

ايام ( سبت ، احد .. الخ) ، مهن ( طبيب، مدرس ، مهندس ….الخ) كسور ( ربع، نص ، ثلث..) … مواد ( بايولجي .. كمستري، انجليزي ..) طبيعه ( بحر ، نهر ، جبال .. ) مواصلات ( سياره، سيكل ، طياره ، قطار، تاكسي ..) اماكن ( فندق، مطار، مستشفى، جامعه، مدرسه ) اشهر ( يناير ، فبراير ..) وسائل اتصال ( جوال ، لابتوب، فاكس ، ايميل .تليفون …) ارقام ( ثلاث وعشرين .. ميه … الف .. الاول ، الثاني ، الاخير ) .. .تقنيه ( تلفزيون ، ماسح ضوئي ، طابعه ، كيبورد ..) جغرافيا وجيولجي( زلازل، براكين، اعاصير ، رياح ..) الطقس ( مشمس ، بارد ، ثلوج .. ) .. بلاد ( اهم البلاد . يعني امريكا ، كندا ،، مره جاني الهند ، استراليا ..) اعضاء الجسم ( عين ، خشم ،قلب ) الوان ودرجاتها ( اسود ، اخضر، اخضر فاتح، اخضز غامق .…) فلك ( شمس ، قمر ، …) ملابس ( تي شيرت ، بنطلون .. قبعه …) سيارات طواري ( اسعاف ، شرطه ، مطافي ..) اقارب ( اخ، اب ، ام ، ابن عم .. ) سوائل ( ماء ، عصير ، شاي ، قهوه ..) كلمات اكاديميه ( تلوث ،، تعليم ، ترفيه .. .. الخ ) مواد ( خشب، حديد ، بلاستيك .. ) .. والقايمه تطول .. لكن تاكد ان السبيلنق حق هالكلمات تكون عارفه وحافظه ..

يوم كنت احضر حتى اجيب 6 .. كنت استخدم كتاب اسمه Common Mistakes at IELTS ... and how to avoid them




 

 


اخر تعديل كان بواسطة » ابتسآمة مجروح في يوم » 26-03-2014 عند الساعة » 05:20 PM.
ابتسآمة مجروح غير متواجد حالياً
Facebook Twitter 0 اضافة رد مع اقتباس
قديم 26-03-2014, 05:07 PM   #13
ابتسآمة مجروح
عضو مقلع
 
الصورة الرمزية الخاصة بـ ابتسآمة مجروح
ابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحب
رد : كيف اجتزت إختبار الآيلتس ielts ؟ اذكر لنا تجربتك..

ب النسبه للرايتنق .. حاول قد ماتقدر ان ماتكتب الا الكلمات اللي متاكد مع السبيلنق والقرامر حقها .. خصوصا في الرايتنق تقدر تحفظ السبيلنق لكلمات وجمل تقدر تستخدمها في كل اختبار.. مثل كلمات المقدمه والختام والتحول الى راي اخر .. الخ )


ب النسبه للقرامر ما اشتغلت عليه كثير في ال ٥ .. لكن طورت نفسي فيه بعدين .. كنت اذاكر من كتاب اسمه

grammer for IELTS

ع الاقل القرامر السهل لازم يكون في جيبك.. يعني المضارع والماضي والمستقبل .. وكلها سهله .. اتذكر كنت لعاب طول السنه التحضيريه .. ثم جلست لها شهر بس وحفظتها حفظ ..

كنت احتفظ بالرايتنق اللي اكتبه واعطيه المدرسين يصححونه لي.. فكنت اشوف ملاحظاتهم عليه وتصحيحهم له ف استفيد منه
3
How was your score? Will you get the required degree of the first test?
كيف كانت نتيجك؟ وهل حصلت الدرجة المطلوبه من اول اختبار؟



لا.. وهالشي طبيعي فلا احد يتحطم .. في ناس اعرفهم حصلو عليه من اول مره وفيه كثير لا

انا طلبوا علي ٥ في البدايه .. اختبرت اربع مرات . اول ثلاث كانو ٤.٥ والاخيره كانت ٥

بعدين طلبوا علي اجيب خمسه ونص … ثم ٦ .. وكل مره تزيد عدد المرات حتى اجيب الدرجه .. اتدكر ال ٦ اختبرت ٦ مرات حتى اجيبها



4
How difficult is it ?Easy, average, difficult ?
كيف كانت صعوبة الاختبار؟ سهله متوسطه صعب سهل ممتنع؟



الاختبار سهل ممتنع .. بس تعرف ايش هم يبغون منك واعرف نقاط ضعفك وصلحها .. ثم لاتنسى براكتس ثم براكتس ثم براكتس

5
Where does the difficults of your test ?in the questions .. or the way?
أين تكمن صعوبة الإختبار؟ في الاسئله ..الطريقه؟



في الاثنين .. يعني اعرف واحد من الشباب مولود ببريطانيا .. بريطاني الاخ .. جاب باول اختبار ٦ ونص .. السبب انه ماكان يعرف شي عن الاختبار ولامهاراته ..

بعدين قرا عنه شوي وعرف الطريقه فجاب ٨ ونص .. شفتو شلون عدم الالمام بمهارات الحل يغير ب الدرجه ..

اهم شي تعرف طريقه التقييم .. وتلاقون حطيتها ب الرد السابق

دعواتكم .. وموفقين ي رب ..




 

 


اخر تعديل كان بواسطة » ابتسآمة مجروح في يوم » 26-03-2014 عند الساعة » 05:09 PM.
ابتسآمة مجروح غير متواجد حالياً
Facebook Twitter 0 اضافة رد مع اقتباس
قديم 17-07-2014, 03:47 PM   #14
سـفـيـر الـوطـن
من كبار رياضيي الإقلاع
 
الصورة الرمزية الخاصة بـ سـفـيـر الـوطـن
سـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحبسـفـيـر الـوطـن فوق  هام السحب
رد : كيف اجتزت إختبار التوفل toefl ؟ اذكر لنا تجربتك..



مرحبا ،

تجربتي مع التوفل كانت تحدي مع نفسي والوقت ، كان معي تقريبا فتره شهرين للحصول
على درجه فوق الـ 80 في الـ IBT لدعم طلبي في دراسه الماستر من الشركه

ما درست برا ولا رحت معهد يدرس توفل.. او دخلت دوره متخصصه ولا اختبرت من قبل ..
بديت ابحث عن الفروقات بين الايلتس والتوفل والبحث بشكل دقيق عن محتوى الاقسام الاربعه وطريقتها وأقرر بعدها اللي يناسبني ويناسب قدراتي.. مهم هالشي

اخترت التوفل لعده أسباب رغم الفكره العامه المنتشرة أن ( الايلتس ) أسهل وممكن تجيبه أسرع بما أنه ما عندك وقت ..

تمسكت بقراري على التوفل لعده أسباب ..

أولها قسم الرايتينق ..

سرعتي في الكتابه بالكيبورد .. وخطي اللي قد يكون غير واضح نسبيا في حال اختبرت ايلتس ..
قدرت اشتغل على تيمبلت واحد يناسب اي موضوع ممكن يجيني لقسمين الكتابه اللي بالاختبار.. تدربت وكتبت اكثر من 15 الى 20 موضوع متنوع بنفس التمبلت علشان احفظه واكون سريع في كتابته اثناء الاختبار

القسم الاول المطلوب كان فوق 150 كلمه ( جهزت90 كلمه تقريبا عامه كتبتها تناسب اي موضوع والباقي افكر فيه اثناء الاختبار )
القسم هذا بالعاده يكون عن موضوع تقراه وبعد كذا تسمع راي سواء يخالفه أو يوافقه ودورك تلخص الموضوع والنقاط اللي فيه مع الامثله
الثاني 300 كلمه (قدرت اتدرب على تسلسل معين يساعدني بالانطلاق بالكتابه اثناء الاختبار) مثلا : مقدمه .. ترتيب النقاط .. النقطه الاولى .. مثال .. النقطه الثانيه .. مثال .. ملخص .. ومهم بالقطعه الثانيه تختار اتجاه وراي واحد فقط ( يا مع او ضد ) عن الموضوع اللي بيجيك

ثاني سبب.. قسم الاستماع

في التوفل جميع الاسئله اختيارات.. في الايلتس تكتب اللي تسمعه احيانا وسهل جدا تغلط في سبيلنق او تنسى تضيف s مثلا في نهايه الكلمه وتروح عليك الدرجه .. غير انك بالايلتس برضو تكتب اثناء ما تسمع .. وهذا شي ممكن يضيعني وافوت كثير ..
في التوفل تسمع المحادثه وتفهمها كامله .. بعد كذا يعطونك الاسئله على اللي سمعته
مثلا : تسمع 4 دقائق وبعدها 6 اسئله على اللي سمعته .. بعدين تسمع محادثه ثانيه واسئلتها وهكذا... بشكل مرتب

ثالث سبب.. التحدث

كان ست اقسام .. كل قسم تتحدث الى45 ثانيه للكمبيوتر
اغلب التجارب اللي قريت عنها تقول لا تدرب وتحفظ .. ببساطه جاوب بشكل مرتب
وكنت افضل هالشي كثير بحكم اني ما احب احفظ واقعد اجهز اجوبه لاسئله تتكرر كثير مثل اسمك هواياتاك وين تسكن وايش مكانك المفضل وغيرها .. لانه تحدث وبمجرد ما تنسى شي .. يوضح عليك الارتباك .. على الرغم من اغلب تجارب الايلتس اللي قريتها يقولون انهم متساعدين .. لكن فضلت التوفل للاسباب اللي فوق و45 ثانيه اتكلم فيها قدام الشاشه اسهل بالنسبه لي واقدر اسولف زي ما ابي (اعطي من الرخيص ) عكس لما يكون قدامي واحد وتشوف تعابير وجهه ههههه ..

طبعا الريدينق في التوفل هو الأصعب مهما كنت ممتاز بحكم ضيق الوقت ، لكن بالنهايه كان الهدف بالنسبه لي احل قطعتين بشكل جيد واخذ وقتي فيها (كل الوقت) والثالثه تكون توقع للاجابات بشكل سريع خلال اربع دقايق .. طبعا لازم تدرب على طريقه الاسئله اللي تجيك لانها متنوعه وفيه كتاب ساعدني كثير في هالشي راح اذكره تحت ..

في النهايه حددت كم لازم يكون هدف درجتي في كل قسم حسب القدره والتدريب اللي سويته .. فقلت الريدينق التارقت نص الدرجه (15) .. الاستماع ( 20 ) .. الكتابه ( ما انزل عن 25) .. التحدث (20)

والحمدلله اختبرت ومن أول مره جبت 90 hap: (ماشاءالله)
كانت درجاتي 18 في الريدينق .. الاستماع 25 .. الكتابه 24 .. التحدث 23
رغم اني بعد ما طلعت من الاختبار حسيت اني ممكن اسوي افضل بالتحدث والاستماع والريدينق .. وتوقعت تكون الدرجه حول ال 60 بس الحمدلله

1
How did you prepare for test?What are your sources?
كيف استعديت للاختبار؟ ماهي مصادرك؟كتب ..مواقع الخ؟

سألت دكاتره لغه واكاديمين في اختياراتي للمصادر والكتب ..
بالنسبه للريدينق تدربت من كتاب longman preparation course for the toefl test

بالنسبه للريدينق برضو والاستماع كتاب people who make the test official guide to the toefl test اللي فيه خمس اختبارات وسي دي للاستماع من جرير
ضروري تحل كل الخمسه اختبارات اللي فيه + الاستماع (راح يمكنك منه بشكل ممتاز)

بالنسبه للكتابه جهزت تمبلت للقطعه الاولى وتمبلت للقطعه الثانيه من خلال بحثي بالنت عن كذا موضوع واخترت واحد ومشيت عليه في الاختبار ..

2
Do you have a specific plan you follow it ?
هل كانت لديك خطة معينه إلتزمت بها ؟

ذكرتها فوق .. ضروري يكون عندك خطه لتجاوز التوفل خصوصا في الكتابه والتحدث
والتدرب على طريقه الاسئله اللي تجيك في الردينق علشان ما تضيع وقت في الاختبار وانت تبي تفهم ايش يبي السؤال منك بالضبط

3
How was your score? Will you get the required degree of the first test?
كيف كانت نتيجك؟ وهل حصلت الدرجة المطلوبه من اول اختبار؟

الحمدلله

4
How difficult is it ?Easy, average, difficult ?
كيف كانت صعوبة الاختبار؟ سهله متوسطه صعب سهل ممتنع؟

كان متوسط وكل قسم تختلف صعوبته

5
Where does the difficults of your test ?in the questions .. or the way?
أين تكمن صعوبة الإختبار؟ في الاسئله ..الطريقه؟

صعوبته في الوقت وطول الاقسام .. قسمين بعدها بريك 10 دقايق .. بعدين قسمين .. بس بالتركيز ومعرفه ايش الواحد يبي من كل قسم بتقدر تتجاوزه

ضروري انبه على شغله

Before anything else, preparation is the key to success

التحضير والاعداد والتدريب هو السر في انك تتجاوز الاختبار
فتره تحضيري شهر متواصل كل يوم ما عدا الويكند يوم منه ..
ساعتين يوميا وكل يومين احاول اكتب موضوع علشان اتدرب على سرعه الكتابه
الاختبار بعد الشهر بعشر ايام .. كنت اراجع فيها بشكل خفيف قبل الاختبار
لا تتاخرون بجدوله وقت الاختبار بعد التدريب مباشره

سامحوني يمكن الافكار ماهي مترتبه .. هذي تجربتي وان شاء الله تكون مفيده للبعض وبالتوفيق ان شاء الله للجميع .. كانت الفكره موضوع فيه كل التفاصيل لكن لما يسمح الوقت ان شاء الله .. اي استفسار بالخدمه




 

 

سـفـيـر الـوطـن غير متواجد حالياً
Facebook Twitter 0 اضافة رد مع اقتباس
قديم 20-09-2014, 07:02 PM   #15
ستار بوكس
مقلع فني مميز
 
الصورة الرمزية الخاصة بـ ستار بوكس
ستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحبستار بوكس فوق  هام السحب
رد : كيف اجتزت إختبار التوفل toefl ؟ اذكر لنا تجربتك..

من زمان الدور الزبده الي كذا

الله يسعدك شكرا



 

 

ستار بوكس غير متواجد حالياً
Facebook Twitter 0 اضافة رد مع اقتباس
قديم 22-09-2014, 12:15 AM   #16
نغمة غلا
خبير إقلاعي مميز
نغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحب
ساعدوني اذا عندكم tips لل reading IELTS

السلام عليكم

هدفي ادخل الأيلتس واجيب 8 ياااارب صدق ناويه اكمل ماستر بما ان زوجي مبتعث

اللحين شغاله على reading

على هذا الرابط مررره ممتاز

هنا

مشكلتي فيه ماقدرت للحين اسوي سكان ولا اقدر احدد key words اطول وانا اقرأ المقال

ساعدوني


الشي الثاني هذا ويب سايت ممتاز يعطيك يوميا كلمه يجيبها لك noun % verb& adv

والاحلى يجيب وش ممكن يجي معاها Prepositions

ويجيبها كمان في idioms

هنا



ادعولي بالتوفيق

وساعدوني اذا عندكم tips لل reading



 

 

نغمة غلا غير متواجد حالياً
Facebook Twitter 0 اضافة رد مع اقتباس
قديم 24-09-2014, 02:13 PM   #17
نجداوي نجد
عضو نشيط
نجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحبنجداوي نجد فوق  هام السحب
رد : ساعدوني اذا عندكم tips لل reading IELTS

انا هدفي ادخل الايلتس واجيب 6.5 عشان اكمل ماستر
ممكن لو سمحتي تعطيني مصادرك في التحضير للأختبار
ومستواك في الوقت الحالي



 

 

نجداوي نجد غير متواجد حالياً
Facebook Twitter 0 اضافة رد مع اقتباس
قديم 24-09-2014, 02:36 PM   #18
نغمة غلا
خبير إقلاعي مميز
نغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحبنغمة غلا فوق  هام السحب
رد : ساعدوني اذا عندكم tips لل reading IELTS

مصادري حاليا الاثنين اللي فوق

لاتتهاون فيها مره مفيده

الله يوفقك



 

 

نغمة غلا غير متواجد حالياً
Facebook Twitter 0 اضافة رد مع اقتباس
قديم 27-09-2014, 06:43 PM   #19
كراس ملون
من كبار مميزين التصاميم والفنون البصرية
 
الصورة الرمزية الخاصة بـ كراس ملون
كراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحبكراس ملون فوق  هام السحب
رد : استفسارات وتجارب امتحان الايلتس ielts والتوفل toefl.. اذكر لنا تجربتك

ابغى ادخل اختبار التوفل لكن كيف التحضير له ؟



 

 

كراس ملون غير متواجد حالياً
Facebook Twitter 0 اضافة رد مع اقتباس
قديم 09-11-2014, 12:36 AM   #20
Judy ®
مميز التصاميم والفنون البصرية
 
الصورة الرمزية الخاصة بـ Judy ®
Judy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحبJudy ® فوق  هام السحب
رد : استفسارات وتجارب امتحان الايلتس ielts والتوفل toefl.. اذكر لنا تجربتك

1
How did you prepare for test?What are your sources?
كيف استعديت للاختبار؟ ماهي مصادرك؟كتب ..مواقع الخ؟


انا تدربت قبل الاختبار بيومين فقط!
استخدمت مقاطع اليوتيوب وكتاب م اذكر وش اسمه بس اللي اذكره انه من جامعة كامبردج
وما تدربت الا على الاستماع + الكتابة.

2
Do you have a specific plan you follow it ?
هل كانت لديك خطة معينه إلتزمت بها ؟


لا. بس كنت حاطه ببالي اني اشد حيلي بكل شيء الا الريدينق لان كل احد يجيب فيه العيد
واصلا المقالات طويله والوقت قصير جداً فماراح اتعب نفسي فيه
ومن جد أسوأ درجه جبتها كانت في الريدينق : 5


3
How was your score? Will you get the required degree of the first test?
كيف كانت نتيجك؟ وهل حصلت الدرجة المطلوبه من اول اختبار؟



Writing: 6.5
بديت بالتاسك الثاني وموضوعه كان شطحه بس مشي حالك
يوم مابقى الا عشر دقايق بديت بالتاسك الاول وما كفاني الوقت طبعاً (دايم الوقت هو المشكله)
الزبده طلعت وانا مدري وش كتبت فيه بس الحمدلله

Reading: 5
هذا جلست متنحه فيه الين قالت باقي عشرين دقيقه واقوم احل اخر واحد بضمير
والثاني نصه حليته والباقي حقره بقره اما الاول ماقريته ولاعطيته فرصه حليت بالحدس
ترا في الغالب يكون واحد سهل وواحد متوسط وواحد صععب ومب شرط بالترتيب
يعني انا جاني الاول صعب والثاني متوسط والثالث سهللل.
فنصيحتي انك تشد حيلك فالسهل وتجرب حظك مع المتوسط
اما الصعب فلاتضيع وقتك كثر ماهو ضايع! شيله من مخك لا تفكررر

Listening: 6
اربع اقسام! اول اثنين كانوا سههلين الثالث هه الرابع صعب شوي
المشكله اني سرحت في النهايه وماحسيت الا وقالت "انتهى اختبار الاستماع" :|
وصفحه كامله ضاعت علي اسئلتها

Speaking: 7.5
كان سهل الحمدلله


Overall: 6.5

راضيه فيها اولاً لانها تجربتي الأولى مع الآيلتس
ثانياً لاني م تدربت كويس وغير كذا م حليت بضمير بسبب الوقت الضيق
فالحمدلله

4
How difficult is it ?Easy, average, difficult ?
كيف كانت صعوبة الاختبار؟ سهله متوسطه صعب سهل ممتنع؟


الاختبار مو صعب ابداً، الاختبار عباره عن strategies تتدرب عليها وبس
ياما ناس شاطرين في الانجليزي ورسبوا في الايلتس لانهم ماتدربوا عليه ولا تجهزوا من قبل
وناس انجليزيتهم ضعيفه ونجحوا فيه لانهم فاهمينه ومتجهزين وعارفين طريقه الاسئله اللي بتجيهم

شغله ثانيه
راح تطلع من الاختبار بإحساس فضيع انك زفّت وجبت العيد بس م عليك
انا يوم طلعت من الاختبار قلت انا لو جبت 4.5 نعععمه بس الصدق اني جبت 6.5 ونجحت
دايم يقولون اللي يطلع مستانس وحاس انه حل كويس هو اللي تجي درجته مخيسه والعكس صحيح
فيعني م عليك cheer up!

بالتوفيق للجميع واي احد عنده سؤال بخصوص الآيلتس ينط عندي




 

 


اخر تعديل كان بواسطة » Judy ® في يوم » 09-11-2014 عند الساعة » 12:43 AM.
Judy ® غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
كيف اجتزت إختبار الآيلتس ielts ؟ اذكر لنا تجربتك.. حزن الليل,,~ منتدى استفسارات اللغة الإنجليزية والترجمة 0 21-04-2013 12:04 AM


الوقت المعتمد في المنتدى بتوقيت جرينتش +3.
الوقت الان » 06:12 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017