منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > عيادة الإقلاع للاستشارات النفسية و الاجتماعية
التسجيل التقويم التأشير على جميع الاقسام بالمشاهدة



 الاستمارة هنا


إضافة رد
 
أدوات الموضوع طريقة عرض الموضوع
قديم 04-11-2016, 04:31 PM   #1
KMKHLMR
مستجد
KMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحبKMKHLMR فوق  هام السحب
احب شخص مشهور وهو ماجاب خبر

قبل أن تبدأ ( اسئله للاتفاق على آلية الطرح )
طرح المشكله بيوزرك او يوزر مايؤرقنا ؟
عادي كله واحد حطوه بيوزري
هل ترغب بطرح مشكلتك على : ( الفريق الإستشاري والأعضاء )




البيانات الشخصيّة :
العمر : ٢٦
الجنس : ( أنثى )
مكان الإقامة : ( جده )
الحاله الاجتماعيه : ( عازبـه )
مصدر الدخل : ( وظيفة حكومية )
الحالة المادية : ( ممتازة )
المستوى التعليمي : جامعيه

البيانات الأسريّة :

نوع السكن : ( فيلا ) ، وهل هي : ( تملك )
عمر الأب : متوفي عمر الأم : ٥٥
مستوى تعليم الأب والأم ؟ الأب: ، الأم:متوسط
عدد الأخوة والأخوات: ٥ ، ترتيبك بينهم ( رقمياً ) : ٤
الجو الأسري في البيت العلاقة بين افراد الأسرة : متوسطه
طبيعة علاقة صاحب المشكلة مع بقية أفراد العائلة : متوسطه
الجو الاسري بشكل عام في العلاقة فيما بينهم : ( متوسط )


البيانات الطبيّة :

هل يوجد أمراض عضوية تعاني منها ( لا )
هل يوجد أدوية تستخدمها حالياً ، ( لا )
الوضع الصحي والبيئي في الحي السكني من ناحية الخدمات والمرافق : ( ممتاز)



البيانات الدراسيّة :


هل التحاقك كان في سن نظامي ؟ نعم
هل كان هناك اي تعثر في مستوياتك الدراسية انسحاب او رسوب او انقطاع : ( لا )
مستواك الدراسي على مختلف المراحل الدراسة: ( ممتاز )
المرحلة الدراسية المتواجد بها حالياً : ( موظفه )
اذا كان هناك تخصصات في مستواك الدراسي فما هو تخصصك : تاريخ



البيانات الإجتماعيّة :


هل هناك أي هوايات او أنشطة أو ممارسات تتقنها : نعم
هل لديك ميول للاختلاط الاجتماعي والمشاركه في أنشطة ومناسبات مع افراد الحي او زملاء الدراسة والعمل او الاقارب : نعم
وهل هناك معوقات تحول دون ذلك :لا
الجو الاجتماعي العام حولك ( اصدقاء - زملاء - جيران - اقارب ) من ناحية علاقتك معهم : جيده




؛






* اذكر مشكلتك الآن :


اهلين وسهلين . قبل ابدأ اتمنى اللي عنده رأي او نصيحة ينصح باسلوب من غير تجريح أو تحقير فأنا نفسي ما كنت أتخيل اقع بمشكله كهذه

مشكلتي تقريبا من خمس سنوات اني طحت في السوشيال ميديا وصرت اكتف فيها مره واتواصل مع مشاهير وكذا

الزبده اني تعلقت باحد منهم ، هذا الشخص يعجبني جدا احسه مفصل علي تفصييييل من غبائي كنت احاول انه يشوفني باي طريقه تخيلو اني ارسلت صوري وحطيتها برضوا كصور عرض ورحت ملتقى هو موجود فيه سويت كل شي وانا والله ماقصدي الا اني ابيه كانسان اكمل معاه حياتي لاننا نناسب بعض مره صرت ارسل هدايا وورد واشياء كنت لطيفه معه واهتم فيه وهو يعاملني عادي كاني وحده من الجمهور يقبل الهدايا ويشكرني وبس ، لكن للامانه كارفته شوي اخليه يروح ياخذ الهديه بنفسه مايوصلها مندوب :e414:

المهم كل هذا ومافيه تواصل قوي كلها سلام وسواليف سطحيه وهو عارف انه عاجبني


بعدها صار يحكي لي اني صديقه مو مجرد وحده من الفانز
بعدين بفتره الله يهديه قال جمله علقتني ، قال كلمت امي عنك ! واني احس بمشاعر نحوك ، ويسولف علي وعادي وهو اصلا اللي اعطاني رقمه من اول مو انا اللي طلبته بس كانت محادثات بدون اتصال لان كلنا مافينا جرأه

بعدها بفتره تغير اسلوبه بالرد علي بدون سبب بعدين قالي انه خلاص مايبي اتواصل معه ،مابينا اصلا شي واني ولاشي بالنسبه له واني ما اعني له شي وكلام قاسي ،انه داري اني احبه لكن هو ما فيه اي مشاعري تجاهي اصلا ، قلت ابشر ومع السلامه يمكن من كثر البنات اللب عنده نسى وش كان يقول لي ؟؟\
وتركته فعلا لكن مازال عالق فيني ؟؟ وتعلقت اكثر من اول سافرت ورحت وجيت وانا افكر فيه

وانا صدق عاجبني لكن مدري شعوري حب والا تعلق احسه احسن واحد في العالم احس مافيه مثله ابد احسه كاااامل جدا وكل فتره يحقق نجاح اكبر من اول مره متعلقه فيه ادعي ربي اني انساه واتعلق اكثر انا خلاص يعني مابي شي بس ابي ربي يشيله من تفكيري وقلبي عجزت عن هذا الشي ،انا اصلا مشغوله بس افكر فيه مره شي يقتل وكل شوي احد يجيب طاريه الناس تسلطوا :e416: كل احد صار يتابعه سناب وكل احد قام يمدحه ،كل احد قام يسولف عنه يعني كل ماحاولت انساه يتكلمون عنه وعن يومياته وصوره ويمدحونه وكذا
مره ضاق صدري كل ماجيت بانسى ما اقدر وعزت علي نفسي اني حطيتها بهذا الموقف الشين

ومره كتبت له كلام عتب وانه كلامه كان قاسي ورجعنا نحكي او بالاصح انا اللي ابدأ طبعاً وهو يرد عادي ويوضح لي ويتأسف


بعدها قلت بنفسي خلااااااااص راح اقطع كل شي نهائي ماتسوا علي ابد انا افكر فيه وهو مشغول اصلا عني
رحت حذفته من كل مكان وخلاص قررت ابدأ حياة جديده


وش صار ؟؟

جاني وش فيك وليه حاذفتني انا اعزك وانا اقدرك وانتي صديقتي :e107:

صدق صدق مافهمت

الزبده الحين انا مره متلعقه ، حياتي احسها موحشه بالفعل البلا الحين انه يجيني خطاب وتجيني ضيقة صدرررر لانهم مايشبهونه واحاول اطلع فيهم عيب لين ينتهي الموضوع

انا وش اسوي بهذي الحاله


اتمنى اعيش حياة حلوه بدون ما افكر بشخص زي كذا واحسه مافيه مثله طوال الوقت > ابي اتزوج شخص مقتنعه فيه وكويس يمكن هذا الشي والتعلق من الفراغ لان ماعندي علاقات متعدده انمرضت من ناحيته صرت احس كل بنت تعرفه وكل بنت تتمناه وكل بنت هوسها هو مثلي !! :(

عجزت المشكله اني مليانه مواهب واشيا ولاني قادره اسوي شي

ودايم افكر انه مشهور ومعروف وناجح وش يبي بوحده مثلي اكيد يبي وحده مثله غير ان فرق العمر بينا مو كثير كلها ثلاث سنوات يعني مستحيل اتزوجه فليش متعلقه فيه
ليش هذا الامل الكبير اللي انا عايشه عليه ووش باسوي اذا تزوج بجلس كذا اكل بنفسي
احسه هو اللي باتزوجه لدرجة اذا جيت اسوي شي غلط احترم اسمه !! هذا وهم ومرض كيف اتخلص مننننه
صدق مدري وش اسوي احس ابي قلب جديد اعيش فيه دايم اقول ليتني ماعرفته ،لا حاولت اوصل له مدري وش اسوي


وانا الحين اتواصل معه ،قلت له انت مجرد صديق وكذا وهو مرحب فيني وبالفكره بالعكس لكن انا نصااااااااابه من جوا هو مو مجرد صاحب هو اكثر ، انا ابي لما اتزوج افرح واستانس ما اقول ليت فلان مكانه :( المشكله هالفلان ما يستااااااااهل ابد ابد ولا هو حبيب حتى ولا عمرنا قلنا لبعض كلام حلو كلها محادثات بريئه وخرابيط




بعد ذكر المشكلة :


مدة المشكله من بدايتها الى الآن : حول الاربع او خمس سنوات
مدى شدة المشكلة : ( تعيقني عن أنشطة الحياة بقوه واحس باكتئاب كل ماجيت ابدأ بشي اوقف عنه )
تأثير المشكلة هل يمتدّ للمحيطين بك أم أنّ أثرها يتعلق بك : الجميع يتأثر لاني من يجي طاريه انفسسس وكل مجلس يجي طاريه
هل سبق وراجعت مختص أم لأ : لاااا مستحيه
إذا كان هذا حديثك الأول عن المشكلة ، فما هو سبب لجوؤك لطرحها هنا والمأمول من تعقيبات الاعضاء : ودي احد يعطيني نصايح وتجارب لاني ماحب اتكلم لاحد ولاعمري فضفضت لاحد ابد



* أبرز الأشياء التي تدعمك .. والتي تساهم في حل المشكلة ؟
مدري

* ما هي الأسباب التي تعمل على زيادة المشكلة ، وماهي الاسباب التي تقلل من نسبة تحقيق الحلول ؟
تزيد المشكله لما يجي طاريه والكلام عنه مدري كيف اتصالح مع هالشي ويصير مايعنيني مع اني انا اتجنب متابعته مرررره بس غصب يجي قدامي والحين صرت اتابعه ابي اتصالح مع هالشي يمكن يروح الشعور




 

 

KMKHLMR غير متواجد حالياً
Facebook Twitter 0 اضافة رد مع اقتباس
قديم 05-11-2016, 08:20 AM   #2
بُكاء السَماء
خبير اقلاعي
 
الصورة الرمزية الخاصة بـ بُكاء السَماء
بُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحببُكاء السَماء فوق  هام السحب
رد : احب شخص مشهور وهو ماجاب خبر :(

وعليكم السلام ورحمة الله وبركاته

الحل ببساطه حبي وقدري نفسك، انتِ تعرفين انك نزلتي من قدرك كثير مع هذا الشخص
من نقطة ارسال الصوره والهدايا لآخر موقف معه
ليه مخليه نفسك لعبه عنده؟ طبعاً نفسك والشيطان السبب وانتِ تدرين
وايقني ان اي موقف بالحياة يصير لك فهو لحكمه من الله لك! خوذي الرساله من الموقف
لو صار لي موقف بقول الرساله اني المفروض احب نفسي اكثر واقدرها واتوب واشكر الله
على الانشغال والشغل والمواهب واعرف حياتي ومين انا ووش ابي؟ واطور من اسلوب حياتي
انا بعمر٢٦ والدنيا تركض هذا وقت اني اعيش الحياة لنفسي لعقلي ولقلبي
انتِ ماتعانين من فراغ عاطفي فقط لا انتِ مقلله احترام لذاتك
الفراغ العاطفي وتقدير الذات بتحلين هالمشكلتين بحل واحد زي ماقلت تحبين نفسك بشكل "واعي" وصحيح
احمدي الله عالي صار لك وانك ما ارتبطتي فيه لانه شخص مايناسبك
يتواصل معك ومع الف غيرك ويقبل هدايا فانزات بنات ومن هالامور
لهالدرجه تتحملين ارخاصك لنفسك بس عشان ماتواجهين الحقيقه وتواجهين نفسك ومشاعرك؟

واجهي نفسك ومشاعرك تأملي حالك
الي فيك مش حب لا الحب ارقى واكثر اتزان، هذا تعلق وهمي يزول باذن الله وسهل نسيانه
لان مجرد ماتوعين ع نفسك بتحسين بصدمه شلون انا رضيت ع نفسي كذا؟
وبيعوفه خاطرك
الآن اشتغلي على حالك، هو مرحله بحياتك عدت بخيرها وشرها سامحي نفسك وسامحيه
يكفيك انك اخذتي درس عظيم بالحياة
ليش عظيم بالحياة؟
لانك مجرد ماتحبين ذاتك بتتغير حياتك ونظرتك وقناعاتك
وزيدي روحانيتك مع الله، للاسف الغالب يظن الروحانيه للملتزم والعاصي مبتعد
لا الكل مفروض يكون بحياته روحانيه من غير مايستصغر ذاته

الحمدلله آخر كلامك بديت احسك بديتي تصحين ع نفسك لكنك ماواجهتي ذاتك للآن
واجهي كل شي حتى خوفك وبتلاحظين امور كثيره ماكنتي منتبه لها

انصحك جداً بالقراءه عن تقدير وحب الذات ومتابعة ناس ايجابيه تساعدك تنتقلين لمستوى وعي جديد
فيه كثااار مشاهير كذا

بعد كذا بتمسكين اول خاطب كويس يطق الباب لانك بتفهمين خطأك وبتكونين مرتاحه وحابه لنفسك كل خير



 

 

بُكاء السَماء غير متواجد حالياً
Facebook Twitter 0 اضافة رد مع اقتباس
قديم 08-11-2016, 11:31 AM   #3
شوق العمر
مراقبة عامـة
 
الصورة الرمزية الخاصة بـ شوق العمر
شوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحبشوق العمر فوق  هام السحب
رد : احب شخص مشهور وهو ماجاب خبر

يُنقل للقسم الرئيسي



 

 

شوق العمر غير متواجد حالياً
Facebook Twitter 0 اضافة رد مع اقتباس
قديم 09-11-2016, 03:22 PM   #4
جوزيف الهجن
إقلاعي مميز
 
الصورة الرمزية الخاصة بـ جوزيف الهجن
جوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحبجوزيف الهجن فوق  هام السحب
رد : احب شخص مشهور وهو ماجاب خبر

مشكلتك عادية ترى حبيتيه بزيادة وطبيعي الرجال يلحق الي تصد ويترك الي تلحقه
ويمكنه عنده اكتفاء من المعجبات وليه اصلا تتزوجين واحد عنده معجبات بكرا بتتعبين معه

اسحبي عليه بس ترى نظرته لك دونيه وماراح يتزوج وحده تكلمه .. كلام يعور ادري

افضل حل روحي لدكتور نفسي ترى في ادويه تخفف العاطفه الزايدة والتعلق الزايد تدرين ؟ لذلك افضل حل انك تروحين لدكتور مرة وحدة بس

اهم شي لايكون حسن عسيري عشان ما تجلطين القسم بمشرفينه



 

 

جوزيف الهجن غير متواجد حالياً
Facebook Twitter 0 اضافة رد مع اقتباس
قديم 10-11-2016, 11:07 AM   #5
Poema.Espanola
مستجد
Poema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحبPoema.Espanola فوق  هام السحب
أهلين
(المشكله هالفلان ما يستااااااااهل ابد ابد ولا هو حبيب حتى ولا عمرنا قلنا لبعض كلام حلو كلها محادثات بريئه وخرابيط)

خليه يرجع الهدايا
دعابة
الحب إدا ما أسعدك , علطول ودي زبالة .
في الحياة بدائل أهم من الحظ السيء , أنشغلي فيها أولها نفسك حبي نفسك وأهدي نفسك آيش تبغي في واحد يقول كلمة ويغيرها في نفس اليوم الله يكفيه شر نفسو
والحب هو حيجيكي حب يستاهلك ويستاهل روحك الطيبة حب أبدي.

فايتنغ فايتنغ.



 

 

Poema.Espanola غير متواجد حالياً
Facebook Twitter 0 اضافة رد مع اقتباس
قديم 10-11-2016, 12:02 PM   #6
RATHATH
خبير اقلاعي
 
الصورة الرمزية الخاصة بـ RATHATH
RATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحبRATHATH فوق  هام السحب
هذي مشكله كبيره بالنت ومواقع التواصل " التعلق بالاخرين من خلال شاشات وربما تكون شخصيته غير خارج ذلك !

والاكبر بمشكلتك انها أمتدت لسنوات
والاسوء انك تكلميه " ومن البدايه وضعتي لنفسك مكانه عنده هو ما وضعها "
والاسوء من ذلك كله ترسلين " هدايا " !!
والاعظم من ذلك دخلتي بدوامه ترين انك لا تستطيعين الخروج منها
وكل هذا بسببك انتِ
لانه واضح من البدايه بانه يعتبرك معجبه " تعطيه هدايا "

والنصيحه هي

احذفي كل شيء واخرجي لفتره من السوشيل ميديا
وابدئي حياتك بواقعيه .. وادعي لنفسك بالخير .. وهو راح يجيك ان شاء الله ..

الله يستر عليك ويحفظك




 

 

RATHATH غير متواجد حالياً
Facebook Twitter 0 اضافة رد مع اقتباس
قديم 10-11-2016, 09:37 PM   #7
هنا هلالي
مميز التصاميم والفنون البصرية
هنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحب
رد : احب شخص مشهور وهو ماجاب خبر

ترسلين صورك وهدايا ومدري ايش !! الله لايبلانا ولايعلق قلوبنا بخلقه
يابنت الحلال اصحي وتعوذي من الشيطان واجلسي مع نفسك وحاسبيها واعرفي ليه حنا في هالدنيا
والله انا حالي تغير في ٣ ايام بس بسبب مرض والدتي ..لو تروحين لاي مستشفى وتدخلين العناية المركزة تشوفين شباب وشابات بين الحياء والموت ..وقتها تنسى كل شي وتحتقر همومك ومشاكلك مثل حب او وظيفه او اي شي ... الناس غافله وماتصحى الابصدمه
لذلك يا اختي اصحي على نفسك واعرفي انك في طريق خطأ ..
وانتي بعمر كبير لك عقل يعرف الصح من الغلط .



 

 

هنا هلالي غير متواجد حالياً
Facebook Twitter 0 اضافة رد مع اقتباس
قديم 10-11-2016, 10:55 PM   #8
باقي عمري لحظة
من كبار شخصيات الإقلاع
 
الصورة الرمزية الخاصة بـ باقي عمري لحظة
باقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحبباقي عمري لحظة فوق  هام السحب
مشاهدة البقية
رد : احب شخص مشهور وهو ماجاب خبر





*

شوفي عزيزتي عشان تصحين و تنحل مشكلتج لازم أحد ياخذ بايدج و يحطج أمام الأمر الواقع و هذا الشي ما راح يصير مع المجاملة و الطبطبة , أحياناً الإنسان ينحط بموقف ماله حل إلا إنه ينجر جر مثل اللي ينشب باسمنت , ما راح يطلع باللين بس بيطلع بالقوة


شفتي حالتج و الهدايا و الصور و الحركات اللي سويتيها ؟ أنا أقولها لج بصريح العبارة ترى انتي مو بروحج اللي سويتيها له , 100 بنت غيرج سوتها و تلقينه عاملها بنفس المعاملة اللي عاملج فيها .

و بعدين عزيزتي اصحي من الوهم شنو مشهور ؟ بشنو مشهور ؟ لو الحين يطفي النت بيروح كل شي و شهر شهرين ينسونه الناس , حتى لو معروف شكله بالنهاية ( هو مشهور مو مهم ) ! لازم تعرفين تفرقين بين هالصفتين !! انتي تعلقتي فيه و حبيتيه لانه مشهور , لو تزوجتيه و اختفى عن الشهرة و رد فقير ما راح تحبينه بنفس الإحساس , انتي حبيتيه و تعلقتي فيه لان نفسيتج جذي و حالتج انج تبين توصلين له و " تفوزين " فيه بين كل البنات و هذا ما يصير إلا بالأفلام .

لازم ترجعين للمشكلة الأساسية و هو إدمانج لهالبرامج و اللي سببلج فراغ كبير بالوقت يضيع على شاشة , صرتي تشوفين الأشخاص اللي ورا شاشة هم أهم , نسيتي الواقع و انشغلتي بالخيال , انشغلتي بشخص ما تدرين لو له سوابق ما تدرين لو فيه عُقد ما تدرين حتى عن شخصيته و انتي قلتي شلون يكلمج ببرود و ما يعبرج !!

و كونه عطاج رقمه ما يعني شيء ترا للشباب , هو سرّع العملية اللي انتي بديتيها , عزيزتي لا تصيرين سهلة و لقمة لواحد بس عشانه مشهور , انتي تدرين بنظرته انتي شنو ؟ انتي تافهة و سطحية تعلقتي بشخص مجهول لمجرد انه مشهور , و بالمنطق شنو كان بيقول عنج عند أمه ؟ و الأهم هو شنو رد أمه ؟ تلقينها قالت كلام لو سمعتيه بتتعالجين بساعة و تنسينه بدقيقة ..
السبب انه قال هالجملة عشان ما يخسرج كوجود معجبة تعطيني هدايا و توريني صورها , ارفعي قدرج عن هالمستوى أنتي أغلى من جذي و أرقى جداً و فلوسج لا تصرفينها على شخص تظنين انج تعرفينه لمجرد انه مشهور على قولتج

و الحل يبدا منج انتي لازم تصحصحين من هالحلم الهوليوودي قبل ما تخسرين شي أغلى و هو كرامتج و تقديرج لذاتج , خسرتي الوقت و خسرتي الفلوس و الأهم خسرتي قلبج على واحد ما يستاهل عطيتيه المجال يخليج معلقة بالهوا لا فوق و لا تحت
قلتي عندج مواهب خلاص ركزي عليها و عطي نفسج مدة لا تضغطينها و ابتعدي عن الأغاني الرومانسية و الأفلام لان لها التأثير الكبير على أخلاقنا و مشاعرنا خاصة بهالفترة الحساسة , اقري واجد في المجالات اللي تحبينها


و كلما حن قلبج تذكري شكلج و امه تسبج أو تقلل من قيمتج و تخيلي شلون يتكلم فيج عند الشباب و يتطنز عليج لان للاسف هذا الواقع و اعتبري بالبنات اللي قبلج , تذكري شكثر بنت عنده تغنيه عنج و ترا انتي عارفة هالشي و قلتيه


إقتباس »
ودايم افكر انه مشهور ومعروف وناجح وش يبي بوحده مثلي اكيد يبي وحده مثله غير ان فرق العمر بينا مو كثير كلها ثلاث سنوات يعني مستحيل اتزوجه فليش متعلقه فيه
ليش هذا الامل الكبير اللي انا عايشه عليه ووش باسوي اذا تزوج بجلس كذا اكل بنفسي
و ترى العالم كبير جدا و فيه ناس أفضل منه و ما يحتاج أجيب دلائل , تأملي بالكون هذا كله شوفي الأحداث اللي تصير كل يوم , بتشوفين شقد مشكلتج تافهة و حلها موجود , و أنا أنصحج بالكتب اللي تبنيج نفسيا و دينيا و عقلياً , و بتنسينه لا تحاتين هالنقطة و بتنقدين على نفسج بالمستقبل






 

 


اخر تعديل كان بواسطة » باقي عمري لحظة في يوم » 10-11-2016 عند الساعة » 11:00 PM.
باقي عمري لحظة غير متواجد حالياً
Facebook Twitter 2 اضافة رد مع اقتباس
قديم 11-11-2016, 12:43 AM   #9
A Y S H A
مستجد
 
الصورة الرمزية الخاصة بـ A Y S H A
A Y S H A تقييمه فيه تقدم
رد : احب شخص مشهور وهو ماجاب خبر

مساء الخير ,

عزيزتي مشكلتج بسيطه جداً , انا راح أطرح وجهة نظري وموقفي لو كنت مكانج وانتي لج حرية التفكير والتطبيق
أولاً , أنا أكثر شي أحاسب وأفكر فيه هو نفسي لاني احبها وأعزهاوأقدرها وايد وما أرضى أني احطها في موقف جذي , هالشي عرفته بعد ما مريت بكذا موقف مع زميلاتي وحتى أهلي
لازم تعرفين أن محد يموت بدون احد , ولا أحد يقدر يسعدج أو يحزنج الا بأختيارج
قربي من نفسج حبيها دلليها فهميها قعدي وأعترفي بكل شي بصراحه مهما كانت أعترفي حق نفسج
راح ترتاحين وايد وبالتالي أتخذي قراراتج
نفسج هي الوحيده اللي بتكون معاج لين نهاية حياتج فهي اللي تستحق الأهتمام أكثر من أي شخص أخر

برأيي اللي انتي فيه سببه الفراغ العاطفي وهو في الغالب شخصي مكتفي لانه مشهور وعلاقاته كثيره ومعجباته طوابير , فـ علشان هالشي أنتي فرغي العاطفه لج وللي حواليج من أهلج وبعدها حق زوجج أن شاء الله
لاتعذبين نفسج وتنكدين عليها الحياة مرة , عيشيها بكل تفاصيلها الحلوه والمره
أتمنى لج التوفيق ....



 

 

A Y S H A غير متواجد حالياً
Facebook Twitter 1 اضافة رد مع اقتباس
قديم 11-11-2016, 12:46 AM   #10
i-dreamy
من كبار مميزين الفني
 
الصورة الرمزية الخاصة بـ i-dreamy
i-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحبi-dreamy فوق  هام السحب
رد : احب شخص مشهور وهو ماجاب خبر

بالبدايه انتي اللي ورطتي نفسك
إرسال الهدايا + صورك
ارخصتي نفسك عشان شخص مايستاهلك ولا هو معبرك أصلاً
مانقدتي على نفسك بهاللحظة ؟ مافكرتي بهالشيء ؟ على الاقل يمكن تكرهينه

إقتباس »
بعدها قلت بنفسي خلااااااااص راح اقطع كل شي نهائي ماتسوا علي ابد انا افكر فيه وهو مشغول اصلا عني
رحت حذفته من كل مكان وخلاص قررت ابدأ حياة جديده
وش صار ؟؟
جاني وش فيك وليه حاذفتني انا اعزك وانا اقدرك وانتي صديقتي
صدق صدق مافهمت
واضح انه يطقطق عليك ومستغلّك شاف الهدايا والدلع
لاتقولين مشهور وشبعان هدايا .. مهما كان واضح إنه استغلالي هذا اللي فهمته من كلامك عنه
الأفضل انك تفكرين زين ، وتتخذين قرار حاسم وتبعدين عنه وتحذفينه ولاتكلمينه ابداً
حتى لو هو كلمك

لان هو فباله انه انتي اللي تركضين وراه وتكلمينه وميته عليه ومرخصه نفسك عشانه
وترى هو يعرف هالشيء
عمرك 26 موصغيره ولك عقل تفكرين زين

والردود ماقصروا شوفي أنسب حل وسويه
اذا انتي راضيه بهالشيء وانك بعيونه كذا فالقرار الاخير لك


الله يعينك ويفتح على قلبك ..



 

 

i-dreamy غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 10:09 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2017, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017