السلام عليكم
.,.
المجموعة D
Greece
تعرفون لما تلعبون "تكن" ولا "ستريت فايتر"
لما تقرب طاقتك انها تخلص , وباقي خصمك ينفخ عليك عشان تموت
وتحكره بزاوية وتشكل على ال X , لين تغلبه.. يقوم زعلان : اصلا ممنوع تعلق على حركة وحدة..ماهو لعب رجال
هذا اقرب وصف ممكن اوصفه لاوتو ريهاقل ومنتخب اليونان بالبطولة السابقة
لقى فرصة .. واستغلها للماكسيموم
فريق من الحارس الى راس الحربة مدرب على انه يدافع ويقتل المساحات
استغل عامل الصدمة باول مباراة , وعامل الروح بثاني مباراة , وعامل التوفيق بثالث
مباراة, وبعدها ما عاد في عامل صدمة ولا مفاجأة .. الكل عارف اليونان بيدخل يدافع ب11
وقالهم اللي فيه خير يسجل !!... وطبعا ماهو مستعجل على الاهداف..كلها بالثلث الاخير من المباراة وكلها بالراس !!
مباراة فرنسا خاريستياس يسجل بالدقيقة 65 , مباراة التشيك ديلاس يسجل بالدقيقة 104 او بالاصح الدقيقة الاخيرة من الاضافي الاول ( الهدف الفضي مطبق بذاك الوقت) من ركنية
والنهائي خارستياس يسجل بالدقيقة 58 من ركنية برضوا
بالحظ , ابيخ فريق , دافع ويرزقك الله , فازوا بالبطولة
الحين مافي فريق مغمور , الكل عارف خطتهم
ونقاط ضعفهم بدت تنكشف , ويمكن الطموح والرغبة مو مثل البطولة السابقة
لان هالبطولة مجرد تاكيد احقية , اذا فازوا " فزنا لاننا الفريق اللي نستاهل" اذا خسروا
" مو مهم فزنا فيها من قبل واخذناها"
ما قدروا يتأهلون لكاس العالم , غريبة بطل اوروبا ماهو قادر يوصل لكاس العالم ؟
الدنمارك ما تأهلوا لكاس العالم 94, لكن هل اليونان مستعدة تكون مثل الدنمارك في يورو 96 ؟
الحرس القديم موجود
نيكوبوليديس , ديلاس , سيتاريديس , كاراقونيس, بازيناس , خاريستياس
كلهم عناصر مهمة في يورو 2004 بالاضافة الي نيكوبوليديس , ساماراس , كاتزورانيس
وجوه معروفة في البطولات الاوروبية
اتوقع اوتو بلعب بالطريقة القديمة , ما راح تكون فيه طريقة جديدة بهالبطولة
.,.
Russia
حاليا ما اعرف الا لاعبين او ثلاثة
وبعد البطولة ما اتوقع اني باعرف اكثر من هالثلاثة
بس متأكد انهم بيكونون في السيمي فاينل على الاقل
.,.
استغرب من عنوان الموضوع " الروس راحوا فيها "
توقعت ان طيارتهم طاحت , لكن غياب بيوربانك وارشيفين يعتبر شي عادي
الفرق اللي يدربها هيدينك ما يفرق عندها غياب لاعب او اثنين
( وبالمناسبة زينيت اللي يلعبون فيها هالاثنين فقد اربع لاعبين ضد البايرن وفاز 4-0)
مدرب يعتمد على اللياقة واللعب الجماعي , ويعطي مجال بسيط للاعب انه يبدع
وغالبا ما يكون هالشي في فلك الخطة نفسها
متحمس لشوفه الروس مع هيدينك
وصل كوريا لنص نهائي كاس العالم , وين بيوصل روسيا
.,.
بويربنياك ( تعبني اسمه), ارشيفين, بافليشنكو , اكينفييف الحارس
اسامي كبيرة واتوقعها لها مكان في الدوريات الكبيرة وكلها بين 22-27 سنة
.,.
Spain
منتخب قوي بشكل بمراكز و ضعيف بشكل في مراكز ثانية
حارس اسطوري , اظهرة ممتازة , سناتر ضعيفة , محاور على اعلى مستوى , مافي اجنحة
هدافين على مستوى عالي...!!!
الحراسة عيب نتكلم عنها , السناتر غريبة على منتخب بحجم اسبانيا , بويول مستواه منهار
والسنتر الثاني يتغير بكل مباراة , خوانيتو ما يلعب اساسي , البويول ما تطور مستواه لحجم المنتخب , اكبر علامة استفهام على مارتشينا ( اللي ممكن يكون اساسي ) ونافارو
وعندك بابلو ايبانيز ( افضل من مارتشينا ونافارو) حتى لو مستواه دمار هالموسم
الاظهرة , كاساسيين ممتازين الاحتياط لك عليهم اربيلوا ونافارو ماهم قد المنتخب
اربيلوا اتوقع احتياطي اول للاظهرة اثنينهم ممكن يفيد الفريق دفاعيا لكن هجوميا ماله دور
الاساسيين ممتازين هجوميا ودفاعيا كابديفيا وراموس ثبتوا نفسهم بالمنتخب
كابديفيا كان الحل لمشكلة الظهير الايسر باسبانيا ( اللي خلى برافو يصير اساسي يورو 2004)
يسجل كثير.. ركنيات, كرات مرتدة من ال18 , اختراقات .. مكسب للاسبان
راموس.. نسخة كربونية من كابديفيا مع نزعة هجومية اكبر تقريبا يعتبر جناح اقرب منه للظهير
ويسجل بعد , اكثر اظهرة يسجلون بمنتخبات اليورو على ما اعتقد
وجود راموس وكابديفيا كاظهرة , قلل اعتماد اراجونيس على الاجنحة , واستغل كثرة المحاور
وكثف الوسط لدرجة انه اغلى الاجنحة بالفريق, مافي ولا لاعب يلعب جناح (بالاساس)
مغامرة كبيرة منه في بطولة مثل اليورو.
اتكلم عن عدم استدعاء راؤول قبل ما اتكلم عن الهجوم
اراقونيس مشكلته انه "حمار" بتعامله مع راؤول , استدعاه وهو باسوا مستوى في كاس العالم 2006 , واعتمد عليه , بعدين طلعه من المنتخب وما استدعاه وقال اذا وده يرجع يطور مستواه
اللاعب صار ثاني هدافين الليقا الاسبان بعد ماكان يسجل بالموسم الواحد 5 اهداف
وحط نفسه بموقف بايخ مع الاعلام ومع راؤول , طيب ليش تدخل نفسك بمعمعة الاعلام بهالوقت الحساس, نقول انك ما اقتنعت فيه بعد كاس العالم.. قول يا راؤول خلاص عافك الخاطر
مالك مكان بالفريق وزيد عليه عذر جاهز ( بابني فريق جديد) وخلاص بشبون عليك اول شي لكن بعدها بتنتهي المشكلة لانك كنت واضح من البداية
اختلف مع اراقونيس بقناعاته لكم اتفق معاه بخصوص راؤول , اللاعب ماهو بحجم فريقه حاليا
فما بالك بالمنتخب بكبره, باختصار اراقونيس كان لازم يكون واضح بالبداية ولا هين راؤول ماله مكان بالمنتخب لان المهاجمين الموجودين عارفينان مستواهم هو اللي بيضمن لهم المركز الاساسي , توريس فيا, جويثا , سيرجيو جارسيا هم الافضل
لكن نشوفها من منظور ثاني , اراقونيس شلي سواه بالمنتخب ؟
مباريات كلها عك بعك , تعادل مع ايسلندا خسارة من السويد, وايرلندا الشمالية ونتايج تفشل
ولا مستوى, ولا اداء.. اغلب النتايج تكون من ابداع اللاعبين نفسهم ( انييستا سيلفا )
تشكيلة بطله لكن زيرو تكتيك
, غير استدعاءه لدي لاريد وارتيتا موجود
وكازورلا وهو مطنش خواكين وريرا اللي هم معاه من بداية التصفيات
واذا بدا الضغط عليهم قام يحك راسه
من المنتخبات اللي اشجعها لكن اذا تأهلوا من المجموعة ما يتعدون دور ال8
.,.
Sweden
اكثر المنتخبات تنظيم, والتزام
الفريق ما يعتبر سهل ابد, يلعب برتمه وطريقته بغض النظر عن اللي قدامه
يميزهم عن الفريق الاسكندنافية انهم سريعين بنقل الكرة , وعندهم مهارة اقرب
للكرة اللاتينية
الحرس القديم برضوا موجود
عناصر تلعب مع بعض من 2002, تشكيلة عندها خبرة كبيرة والمهم عنهم الاستقرار
وهالشي يبرر استدعاء لارسون بهالبطولة
الباك , لارسون , ميلبرق, ليونبرق , سفينسون صار لهم 6 سنين وهم ثابتين بالتشكيلة
وهالشي خلى الفريق يستمر بتوازن خلال البطولات اللي مر فيها , وما صار لهم دروب بعد اي بطولة يطلعون منها , دور 16 ب 2002 , دور ال 8 في 2004 , دور ال16 في 2006
صح ان النتايج ماهي كبيرة لكن على الاقل الفريق يقدم مستوى كبير في المجموعات
المنتخب يمشي برتم معين , بفكر معين ويوقف كل شي عند هالادمي
هذا بكفة ومنتخبه بكفة , الى الان ما ضبط مزاجه مع المنتخب
لكن اشوف انه محتاج يشبع غروره مع المنتخب , اللاعب قدم نفسه كلاعب خيالي
مع انديته اياكس ما يحتاج نتكلم , بالكالتشيو كل سنة لعبها بسكوديتو
رفضه للجنسية الهولندي وقبوله اللعب لمنتخب السويد ما اتوقع انه بدون سبب
الولد عنده شي ناوي يطلعه مع المنتخب ومحتاج ان الفريق يساعده على هالشي
محتار بوضع السويد , لكن اللي يوشوف اداءهم بالمجموعات يعرف انهم
يقدرون على المركز الاول
.,.
ابو مخ
هيتينقا يلعب ظهير وقلب ومحور , بس يمديه يرقع كل هالمراكز ؟؟
.,.
نيلمار
ردود دايما تكون بالفترة اللي اكتب فيها الرد الثاني
ما يمديني اقراها قبل ما اكتب رد , راجعلك بالليقا
بخصوص بولندا , ذكرني بمواجات الفريقين, واتكلم عن العهد القريب
ما اتكلم عن تاريخهم من البداية
.,.
الدون
ودي اعرف رايك بخصوص اسبانيا
لكم
.. تراهاا كانت دعابه فقط 
.. يمكن حلم اكثر منه واقع 
"
الوضع العادي
