موضــوع الشهر المُمــيز . . المتميزه نوفه
السلام عليكم و رحمة الله و بركاته يا أعضاء القسم الجميل و المتيمز
يا بيبول الألبوم سواء من قبيلة المود أو قبايل المواضيع التفاعليه
((أحس ناقص بس القهوه و الربابه و تكمل البداوه  ))
بما إنكم هامدين و ما لكم حس تقول توهم قايمين من غدا مفطح تيس
(( كنت بأقول حاشي .. بس راح يحسبونها علي هياط و يصير عليه سجن و غرامه))
فحبينا نسوي شيء يحركم و يدخل الفرفشه إلى قلوبكم الألبوميه الساكنه
(( ترى قاعده أمدح ما تقلوبنها نفسية))
مرت علينا فيسات جميلة .. أقصد مواضيع لفيسات جميله في القسم ...
مواضيع رائعة مميزه و تستاهل إنها تحصل التميز إلي يليق فيها
و من هنا جبنا فكرة ((ليش حسيت إننا صرنا فجأه آينشتاين)) . .  موضوع الشهر المميز
والهدف منه هو:
- خلق روح التنافس بينكم لتقديم أجمل ما لديكم
((ترى تنافس بروح رياضيه .. مو طق و رشاشات و أعلام سودا .. إهجدوا  ))
- تحفيزكم للمشاركه أكثر
((يعني بالعربي الفصيح حركوا أنفسكم و جيبوا مواضيع للقسم أحسن من جلستكم ذي عاطلين باطلين))
الموضوع إما يكون صور من تصويركم سواء كام أو جوال أو سناب . . يعني أي شيء و خلاص
أو يكون صور مجمعه عن موضوع محدد مثلا حضاره أو معلومه . . المهم إن الصور تكون من تجميعكم و التعليق تعليقكم إنتم
(( أحد يجيب موضوع منقول من منتدى ثاني و يهايط فيه هنا  . . راح نهايطه للحــذف مع التنبيه  ))
يعني جمعوا الصور و إكتبوا عليها أرائكم و تعليقاتكم حتى تكون جديده و يكون الموضوع مميز
راح يتم إختيار الموضوع الأجمل من حيث الصور و إسلوب السرد والكلمات - و يتم تكريم الموضوع الجميل و صاحبه
((من الحين التكريم تكريم منتدى .. مو تجي لنا في بشت و إلا هي في فستان ذيله السجاده الحمرا حقت الأوسكار  ))
وراح يتم منحه الآتي:
- منح الموضوع المميز بنر التميز
- وسام موضوع الشهر المُمـيز
- وضع إسمه في عنوان الموضوع لمدة شهر كامل . . بحيث كل من يدخل الألبوم يشوف إسمه
- تثبيت إسمه مع وسامه و رابط موضوعه في ذا الموضوع للأبد
- نقاط تقييم من الطاقم الإداري
شروط الموضوع لإتمام الهدنه:
سهله تماما و لا تشكل أي عائق ((ما غير خلوا الدلع  ))
لأنها هي نفسها شروط قسم الألبوم
و أهم شيء تركزوا على تصغير الصور بالحجم المطلوب واللي إعتدنا إننا نشوفه في المواضيع
((إلي ما يعرف طريقة التصغير يروح للرابط هنا))
((وإن شفت واحد جايب صوره بكبر بيتنا و ماطه أم الصفحه لأمط فيسه لين ما يصير أطول وجه و يدخل موسوعة جينيس))
المواضيع و الصور و التعليقات عليها ما تكون منقوله . . يعني من شغلك و تعليقك إنت
((تجيب موضوع منقول ننقل أم موضوعك للحــفف مع التنبيه يا فيس النقليات ))
و لكم الحريه بوضع الخليفات اللي تبونها . . يعني اللي حابب يزين موضوعه بخلفية يسوي
إن شاء الله يخليها قاعة عرس ((عاد إعزمنا وقتها  ))
نتمنى نشوف تفاعلكم و مواضيعكم الرائعة و المتميزة و نشوف أسماءكم تتألق في أوسمة الفعالية
((إنقطع لساني و أنا أمدح فيكم . . عاد تحركوا  ))
لكم كل التقدير  . . .
أي أسأله بخصوص أي شيء عن السالفه ذي . . سواء التصوير أو الصور المجمعه . . راسلونا إحنا المشرفين مو يوزر الألبوم
(( ترى مو ساكن فيه غير الجن  . . فخلوه لحاله ))
الخلفية و الأوسمه من تصميم المشرفة عاشقة الخيال #
مع تحيات طاقم القسم  :
هلالي برشلوني – تراتيل – عاشقة الخيال – يكفيني غلاآ
ql3t_eqla3
|
اخر تعديل كان بواسطة » عاشقة _ الخيال في يوم » 27-08-2016 عند الساعة » 04:22 PM.
|
الوضع العادي
