[E M E R E A]

يآآآآآآآآآآتسبديه
شكلي بشتري المخده اذا نزلت مذركير قريب .شي احسن من لا شئ
هههههههههه انتي و نجوم الليل و حضرتي بنفس الايام راح نولد ان شاء الله
الله ييسر لنا يارب

نجوم الليل
لا تستعجلين ع رزقك اذا تبغين تبرع انا حاضره
ايوا يوم واحد .بس مو شرط نولد فيه بالضبط. بركين أبله ...يارب يارب
لك ياسكره

لوتي 89
حبيبتي ماقدر اقولك عادي لان تختلف الحاله من بنت للثانيه.بس توكلي على ربك او شوفي لك دكتوره ثانيه
صار لي نفسك بالشهر الثالث نزيف جدن قوي بغيت اموت من الخوف بس ابكي
و رحت للدكتوره اعطتني حبوب مثبته استمريت عليها تقريبا اسبوعين وتركتها والحمد لله من عاشر يوم تقريبا وقف الدم ولله الحمد
و بالشهر الخامس رجع مره ثانيه بس خفيف ومختلف عن اول مره. و سافرت من زود الثقه من الشرقيه للجنوب سياره و طلعات كل يوم و حاطه ثقتي بالله
والحمد لله وقف من حاله و الحين بدخل الشهر السابع و مافيني اي عارض من الي صار
انتي بس ريحي نفسك عالاااااااااخر لان الي صار لك يمكن من الاجهاد وهو سبب شائع ...
لا تخافي حبيبتي و توكلي على ربك واذا مره ماسكك الخوف و هذا من حقك .روحي لدكتوره ثانيه

F r e e d o m
الحمد لله على سلامتك حبيبتي و مبروك الكتكوت
يتربى بعزكم و يحفظه لكم ربي من كل شر

بنات انا استغرب من بعضكم ماشاء الله من الحين مجهزه اغراض من العطار
ماشاء الله لا قوة الا بالله
احس وقتها مااااالي خلق وماراح يكون عندي وقت اقعد اخلط و اشتري و اجهز
عن نفسي بجيب وحده تخلط لي و تفرك وتصنفر وتسوي كل شي وقبل مارجع بيتي تسوي لي حلاوه للجسم وخلاص
عاد بعد نفاسي بشهرين لما استرد صحتي و اعرف اوازن وقتي بين البيت والنونو وزوجي ونفسي ببداء ساعتها اتفرغ لهالامور ... مع انها ضروريه وقسم

* نصيحتي ابدأو من الشهر الخامس قبل لا تسودون صدق.ابدوا صنفره
انا استخدم كريم كاب مع الليمون تفتح وتصنفر جددددن جميله

[labello~[]

مستحيله
وربي بكيتيني دموعي اربع اربع


الحمدالله ع سلامتك
وتتربى بعزكم البنوته

[آنثىّ آستثنآئيه]

إقتباس »

الرسالة الأصلية كتبت بواسطة خجوله بطبعها »
بنآت التآسع وينكم هاهه محد ولد منكم
بالنسبه لي للحين صامده بكرشتي , وهالناس جابولي النفسيه اذا اختفيت دقو وقالو اكيد ولدتي ليش مختفيه
اليوم شربت عصير اناناس طبيعي وعلى الله ان شاءالله

سؤالي للبنات اللي والدات قبل ولهم خبرهه يعني
الطلق لما يجي كيف هل هو ألم دورهه ولآتحجر ولآكيف ابي وصف له !
والمويه لما تنزل هل تنزل دفعه وحدهه وتكب كب
ولاتنزل على شكل افرازات !

خلينااا شوي ابغى الجوو يبررد حلووو النفاس بالشتاء
امممما بالنسبه لطلق انواع فيه ناس يبداا بتحجرر مستمررر
واحد يجي مغص اول شي بينهممم وقت طويل وبعد مده يقل الوقت يكون بين طلقه وطلقه اقل مده وهيكي والمغص يكوون اقوى من الم الدوره الله يقوينا عليه
انا المويات بدت مع الطلق يعني بالتدريج احسس طولت يعني كل مازحرت نزل من قوة الطلقه وطول معي الطلق ونزول الموياااات ..

[labello~[]

صبايا


متى اقدر اوقف حبوب المثبت دفستون
احس اني طولت وانا اكلها
وسمعت انها تكبر راس الطفل !

[عنآد آلدمآم]

إقتباس »

الرسالة الأصلية كتبت بواسطة مستحيلة »
دخلت اكتب اكشني واعذروني على اللخبطة لأن ما اقدر اجلس فترة اضبط وارتب

انا كان موعدي 6 اكتوبر وولدت قبله ب11 يوم

انا ذكرت قبل لكم اني احس الحركة تحت عند المثانة واحس شيء قاسي فوق رغم اني رحت لدكتورة وقالت الراس تحت بس كنت خايفة انه فوق لان الحركة تحت مرة وقلت مستحيل بتكون حركة الراس كذا حاسة انها حركة رجول

ليلة الثلاثاء 25 / 9 ميلادي كنت طبيعي مافي شيء ابد صليت الفجر نمت يمكن نص ساعة وصحيت على شيء طق في بطني ثم حسيت شيء يتسرب خفت مررررررررة وكنت احاول اوهم نفسي انه بول بس ماش ما اقتنعت وقلت ممكن نزيف كان مستمر التسرب تحسست اللي ينزل ماهو شيء لزج ولا له ريحة ابد ولا لون تاكدت انه مويه الجنين جد ذيك اللحظة كنت احاول اسوي نفسي ميته طبعا كنت عند اهلي وكانوا اخواني واخواتي الصغار يتجهزوا للمدرسه ناديت اختي الصغيره تنادي امي صارت تنافخ علي نفسيه المدارس وانا خايفة اقوم يشوفوني اخواني الشباب المهم صرت اترجا اختي الله يخليك انا تعبانه نادت امي قلت لها قالت قومي جهزي نفسك وياللا المستشفى
والله يا بنات اني انتفض مو عارفه وش اسوي كان فيه الم خفيف بدلت لبسي ودخلت احاول اتروش ما قدرت خفت خفت رغم ان ما فيه الم الا خفيف

سوت لي امي كاسة حليب شربتها واكلت رطب ، للاسف نمت جوعانة وحتى ما نمت زين وهذا اللي خلاني مو قادرة اتصرف زين جوع + سهر

رحنا المستشفى في الطريق ارسلت رسالة لزوجي خبرته وطلبت منه يدعي لي
دخلنا الطوارئ لما امي تسوي الاجراءات كنت امشي بالاسياب
كان اللي يكشف دكتور رفضت انه يكشف علي وقلت ابي دكتورة جات الدكتورة كشفت ما حسيت بيدها لاني كنت اتالم من الطلق دخلت يدها وقالت : ايش هذا ؟؟؟ هذا ما هو راس ؟؟؟ تأكدت اني عملية سووا لي سونار تاكدوا ان راس الجنين فعلا فوق وصعب ينزل وقالوا بما انك بكر ما راح نغامر فيك سالت الدكتورة كم فاتح الرحم قالت: 4 سم

الالام كل مرة تزيد طلعوني فوق مدري وين
هنا نفسيتي صارت زفت زفت زفت للاسف الشديد احس تلخبطت وكأني في عالم ثاني اول شيء اعطتني الممرضة لبس وقالت البسي ما كنت رايقة بس لبست بعدها استفرغت رجعت الممرضة الله يسامحها وكانت متاففة من الريحه رغم انها لابسة كمامة ورغم انها ممرضة يعني المفروض تكون متعوده راحت تنادي العاملات ينظفوا واعطتني لبس ثاني قالت بدلي رفضت لاني مو قادرة وقلت ما جاه شيء نظيف وهو فعلا ما جاه شيء قالت الا عشان الريحة !!!! بدلت ولبسته مقلوب ما انتبهت + ما عرفت وابغى اخلص!!! راحت جابت بخاخ معطر وقعدت تبخ وقالت لي على فكرة لابسة بالمقلوب !!!!! يا بنات اتوقع هذا اللي خلى نفسيتي زفت لأني كنت في حالة ضعف + طلق + خوف توتر وتجي هذي تتافف من شيء صار غصبا عني وانا متعودة اكون نظيفة ريحتي حلوه غصب النفسية تقلب بعدين ركبت لي القسطرة وكانوا حاطين جهاز التخطيط ما حسيت فيه ولا دريت هنا كلمت زوجي واستسمحته وجت امي وقلت لها سامحيني وقولي لابوي يسامحني
فيه ممرضة ثانية كانت تراقبني من بعيد بعدين جات وجلست معي صرت ماسكة يدها واسولف معها خرابيط × خرابيط أنا إذا وصلت حدي بالخوف اخربط بالكلام اطلع حكيمة على مخرفه على موسوسه على كل شي طبعا الطلق كل مرة يزيد وبدأت احس بالدفع وانا مقرر لي عمليه صرت اثني رجولي وادفع صارت الممرضة المتأففة تخاصمني لا تدفي والثانية تقول لي عادي العملية وامي كل ولادتها عملية وانت ادعي الحين باي حاجة كان نفسك فيها وشغلت لي قرآن الله يجزاها خير يارب
المهم هنا فيه حاجة انقهرت من نفسي فيها ما استغليت وقتي ما هديت نفسي بدأت اصرخ ابكي صوت بدون دموع صارت حالتي حاله اني قبل كم سنة مرضت مرض مدري نفسي أو عين وتعافيت منه الحمد لله حمدا كثيرا بس نفس الوساوس اللي كانت تجيني في مرضي صارت تجيني في ذيك اللحظة عرفت خبث الشيطان قد ايش يذكرك باسوأ شيء صار لك في حياتك خلاني يائسة من رحمه الله وحسيت وقتها ببؤس ويأس وانقهرت من نفسي مرررره صرت بين اثنين الوساوس ونفسي الطيبة صرت بس اتعوذ بالله من الشيطان يارب اجر وتكفير
وما اقول الآن غير حسبي الله ونعم الوكيل

انا لما كنت ابكي واصرخ مو من الالم قد ما هو من النفسيه السيئه الالم كان موجود والطلق حامي واحس بالدفع باستمرار بس النفسية صفر صفر صفر
طلعوني لغرفة العمليات وكان فيهم برود شوي الدكاترة يضحكوا ويسولفوا وانا ثانيه رجولي وادفع اتوقع وقتها الرحم واصل 10 كانوا لما ينتبهوا لي الدكتورة تصرخ: لا تدفي
المهم جاء دكتور كنت كاشفة شعري ووجهي وقتها ما فكرت بالستر افكر بالسلامة بس و قال لي كيفك ؟ ورديت عليه اتذكر حط كمامة بخار فوق راسي وكان يقربها مني شوي شوي وهذا آخر حاجة اذكره قبل العملية

طبعا تخدير كلي مع النفسية السيئة ما اتوقع اقدر اتحمل جزئي

بعدين صحيت واحس بثقل في جسمي وكنت الف راسي مرة يمين مرة يسار واحسه كانه غصب عني سألت : أنا وين؟ قالوا: في غرفة الافاقه قلت : خلاص خلصت قالوا ايوه قلت وين البيبي ضحكوا وقالوا في الحضانة طيب وين امي قالوا برى طيب قلتوا لها ايوه قلنا لها
اسكت شوي وارجع اعيد نفس الاسئلة
المهم بعدين جات ممرضة قالت تبين شي تحسين بايش قلت ابي امي والبيبي

خلوني افوق تماما ثم نقلوني لغرفتي وانا بالطريق سمعت صوت امي واختي ارتحت
الممرضات بعد العملية احسن من الممرضات قبل العملية بكثير
البيبي ما شفته الا بعد ست ساعات تقريبا
نصايحي لكم يا بنات:
قووا ايمانكم بالله ، زيدوا علاقتكم بالدين
في الشهر التاسع انتبهوا لنومكم وللأكل لا تسهروا نامي كثير ريحي جسمك انا رحت جوعانة سهرانة وما عرفت اتصرف في اشياء كثيرة لأني دايخه اصلا لو رحت لاي مكان وقتها وكنت في غير حاله ولاده ما عرفت اتصرف
توكلوا على الله وتفاءلوا بالخير تجدوه لا تتشاءمي ابدا
شيكي على نفسك اول باول من نهاية الثامن
تثقفي زييييين عن الولادة الطبيعية والقيصرية
جهزي شنطتين شنطة للولادة الطبيعية فيها لبس ليلة وشنطة للقيصري عشان لو اضطريت للعملية يلحقوك اخواتك بشنطتك الثانية وما يحوسوا زي اخواتي

ايش كمان اتمنى امنية غريبة لو يرجع الزمن واعيد نفس اللحظات بس اصبر وادعي واستغفر لأني ما استفدت شيء من البكاء ولا الصراخ
وترى الولادة تسهيل من رب العالمين وتقدير لذلك ريحي اعصابك واصبري اصبري قد ما تقدرين
ممكن البعض يشوف اكشني صعب ويخوف الا اني اقول مع اني مريت فيه بإذن الله راح اعيد تجربة الحمل والولادة مرات ثانية يعني لا تخافوا ولا شيء النفسية تلعب دور لذلك ريحي قد ما تقدري

عندي سؤال للبنات الخبره متى الوحدة تحس بالدفع لما الرحم يكون فاتح كم ؟؟؟

دعواتكم لي ولبنتي ربي يسلمها ويعافيها

يابعععد قلبي انتي
الحمدلله عالسسسسلامه ويتربى بعزك يارب

الوحده تحس بالدفع لما يصير الجنين تحت خلاص بيطلع واكيد يكون الرحم فاتح 10 انا حسسسيت بكذا ..
وممكن تحسين بالدفع وينفتح رحمك 10 زي حماتي ولاتولدين الا قيصري زي ماصار معك


تقومين بالسلامه

[عنآد آلدمآم]

إقتباس »

الرسالة الأصلية كتبت بواسطة labello~[ »
صبايا


متى اقدر اوقف حبوب المثبت دفستون
احس اني طولت وانا اكلها
وسمعت انها تكبر راس الطفل !

انا الى اعرفه الين الشهر الرابع

تاكدي من دكتورتك بموعدك الجاي

[piano0o0]

إقتباس »

الرسالة الأصلية كتبت بواسطة لوتي89 »
مرحبا بنات

انا لما كنت حامل في الاسبوع التاسع نزلت للسعوديه اجازه وانا هناك نزل معاي بعد الجماع دم احمر فااااتح ورحت للطوارى واعطتني ابره مثبته وحبوب مثبته وقالت كليها لمدة اسبوعين واذا مانزل دم وقفيها

و وقفتها قبل يومين لانو خلصت اسبوعين و مانزل شي

و رجعت لبريطانيا

و الحين انا بالاسبوع 12

واليوم فجاه نزل مني دم لونه بني ولزج شوي وفيه شوية قطع

طبعا ماسويت اي مجهود ولا جماع ولاشي

ورحت للطوارى و بعد انتظار طويل قالت لي الدكتوره انو احنا في بريطانيا مانعطي حبوب مثبته ولاابر مثبته ولا شي لو صار اجهاض ولاشي خلاص مانقدر نوقفه ولانوقف الدم

قالت باخذ لك موعد يوم الاثنين ونسوي الترا ساوند ونشوف ليه الدم

احسهم بااااااااااااااااااااااااااااااااردين احس خنقتني العبره

جلست ابكي وقالت لي انو لاتخافين الدم الي نزل مو كثير ولاتحاتين يوم الاثنين نتاكد من كل شي

وش يصبرني للاثنين

ياربي خايفه عالبيبي

مادري وش اسوي يابنات محتاره ودي ارجع باقرب طياره للسعوديه

بليز لاتنسوني من دعواتكم ان ربي يثبت البيبي ويوقف الدم

احس كلامي مخربط اكتب وانا ابكي وخايفه

فيه احد صار له كذا قبل

هدي بالك وتطمني ما عليك الا العافية وبالنسبة لجيتك لا تفكرين تشافرين.ابد
انا صار لي زيك و ازيد
كان ينزل ايام اشياء بنية خفيفة وكنت كل مرة اراجع تكتب لي.الدكتورة المثبت
بس اني ملقوفه ما قريت ولا شيء
وبالاسبوع 12 نزل دم كثير زي.الدورة بغيت انجن وابكي على بالي سقطت
ولما كشقت علي قالت رحمك مليان دم لانك اجهدتي نفسك
ابدا ابدا ابدا لا تتحركين
ممنوع سيارة وممنوع جماع وممنوع اطلع الدرج
وانسدحي واىفعي رجولك .. وبعد ثلاث اسابيع رحت اكشف مرة ثانية وكان الدم خف بس ما وقف
ولما شافتني قالت لي الرحم مفتوح عندي اربعه ملي
وزادت جرعة المثبت واستمريت 7ابراحة الين خلصت الشهر الثالث
ورحت لها بنص الرابع
وكان الدم متوقف من فترة طويلة .. قالت الحمدلله كل شيء رجع طبيعي وهذا لانك كنتي مرتاحة تماما
والحين زاوللي حياتك بس بدون اجهاد
وانا الحين ان شاء الله يوم الاربعاء بدخل الخامس
..
فا لا تخافين ان شاء الله هالدم البني زي ما حكت لي الدكتوؤة بقايا جرح اي شيء من جماع من غلطة سويتيها قمتي بسرعه او نطيتي او اي مجهود انتي ما تتخيلينه سوالك كذا
وان شاء الله ما قدامك الا الخير

قلت لك تجربتي عشان تشوفين انو حتى الدم الكصير مو بالضرورة يعني اجهاض

اتوكلي على الله
والله يثبت لنا اجنتنا ويقرر عيونا فيهم من غير شر

[عذابه وعشقي]

اهلين صبايا
ابكتب اغراضي وعلموني اذا كذا كويس (وانا شاريه للنفاس بسسس بعد ماطلع برجع اتقضى اذا عرفت وش السالفه وكذا)
شريت :
فوطه للشاور _6 افرول كامل _1 لبس استقبال _ 3 بربتوز نص كم 0-3 _ 3 بربتوز كامل 3-0
_ 2 هيلهوب _2 شراب _ 2 قبعه _5 صداريه ابيض _2 صداريه ملون _ 1ملف ثقيل _ 3 مهاد خفيف
سرير سله موسى _اسفنجه للشاور _مقسم للحليب _فرشه لتنظيف الرضاعه _ مفرش تغيرر الحفاظه_

اتوقع باقيلي بس مهاد ثقيل وبشتري 3 واغراض الصيدليه
وش رايكم ياحلوين ؟

[Dr.dody]

يا اهل الخبره انقذوني
بكريه وما اعرف بس اسمع عن فوائد الاعشاب في فتره النفاس وراسي تعب من كثر الخربطه وانا معتمده على الاعشاب في بدايه الموضوع الله يجزاها الجنه اللي جمعته
فعندي كم سوال ياليت تجاوبوني عليه
1. اللي فهمته ان الحلبه في اول 20 يوم بس والمحلب في اخر 20 يوم صح ؟؟
2.مردود 20 يوم الاولى المكون من حلبه وشمر وحبه سودا وكمون وماش وقرفه وقرنفل وفلفل ابيض وفلفل اسود ما ممكن يكون منه ضرر طيب موحار على البيبي اذا رضعته
3.صحيح الرشاد بس في اخر 20 يوم ؟؟ وقشر الرمان كمان
4.ممكن اعرف فايده هذه الاعشاب حبه سودا وقرفه وقرنفل وفلفل ابيض والاسود
5. عادي استخدم الزنجبيل برضو مو حار على البيبي اذا رضعته ؟؟
6.متى ممكن استخدم الارطا كغسول من اول النفاس عادي ؟؟
7.خوا جوا يستخدم بي كبخور صح؟؟

الله يجزاها الجنه اللي تساعدني والله ما عندي اي خبره
والكل يقول لازم الاعشاب وانا ما اعرف فيها ولا حتى اهلي

[بـوح]

مرحبا كروشات
كيف حالكم ؟ مبروك للوالدات الحمدلله ع سلامتكم
وعقبال الباقيات

ولادتي باذن الله راح تكون 14 -2 - 2013
كيف الجو راح يصير ؟ يارب مو برررد قوه
ومتى أبدأ أجهز ؟