[انثى زجآجيه]

الحين انت من جدك الوظايف موجوده بس الشباب يتدلعون ؟؟
اصلا حتى لو شاب توظف بوظيفه راتبها ثلاث او الفين من حقه يرفضها ليش ماهو بس علشان يتدلع لاوالله الا من الاوضاع الي شايفينها كلن يغلي على كيفه نقول البنت مو مشكله لو الفين تغطي عليها لكن الشاب ماوراه زواج ماوراه مهر بيت سياره عيال وربي حرام من حقهم اقل شي اقل شي واضعف الايمان مرتب شهري لايقل عن سته الاف ريال حتى لو هو ان شاءالله بياع والا كاشير
حسبي الله ونعم الوكيل بس على هالحرميه الي مايخافون ربهم بالناس كل واحد عنده خير يغطي بلد ونسوا هالعالم الي تحتهم والله لو اننا دوله كافره والا فقيره مافي شي نلومهم عليه لكن دوله غنيه مليارات ماقلنا وزعوها للناس وهم متبطحين ببيوتهم لا لكن وفروا وظايف + والاهم رواتب عاليه بسبب الغلاء عندنا من سكن وغذاء ولبس
شي مو طبيعي صارت الالف ماتسوى شي كيف شباب بيفتحون بيوت رواتبهم ثلاث والا الف وخمسميه
فيني قهر وربي لكن ماقول الا الله فوقهم ووكيلنا فيهم

[انسانه مزاجيه]

الي في التقيييم لمما كتبت كلام جمممميل قصصصدي التمسخخخر لاغير

[{ |عاشقة كوريا| }]

إقتباس »

الرسالة الأصلية كتبت بواسطة أحلى ابتسامة »
يعني عشانك توظفت جاي تطقطق على روسنا
الله يصلحك
فيه وحدة اعرفها معها ثانوي ودورة حاسب بس وتوظفت بواسطه
اللي يقهر مو انها توظفت بس لا راتبها 8 الاف
ماهو حسد بس نوضح لك اللعب كيف

+1


وحده من معارفنا مامعاها الا ثانوي ا ولا تعرف
في الحاسب ولا معها لغه ولا خذت دورات ولاشي
وعشان عندها واسطه توظفت في جامعة الاميره نوره
وراتبها 5000 ماشاء الله انا ما أحسد احد بس اقول لك ياراعي الموضوع
وأختي اشتغلت في مدارس أهليه رأتبها 1500 وطبعن
نقص من الراتب 500 للمواصلات وش يبقى 1000 ولعلمك اختي جامعيه
وملمه بالحاسب مب ظلم ما عندك الا المدارس الآهليه تقعد
تطامر وتشتغل علشان 1000ريال وزياده على كذا عطوها تدرس الابتدائي
مع الثانوي والمتوسط كارفينها كرف عطوها تدرس تاريخ وجغرافيا وهي
اصلن مب تخصصها مع مادتها يعني زياده وربي يشهد على كلامي يعني تقريباً 24
حصه في الاسبوع هذا اذا مب اكثر وجاي
تقول تتدلعون تسجل في حافز أحسن على الاقل تأخذ 2000
كامله لا فيه مواصلات ولاشي
معليش معصبه بدري بس شي في خاطري وطلعته

[D Elia]

الله يخليك إذا أنت توفقت وتوظفت لاتخلي الغلط علينا
نحن لانتحمل ولاجزء من الغلط درسنا وكرفنا وتعبنـا ودولتنـا مب ناقصهـا شي
الله يخليكم تكلموا بمنططططق الجموع هذي المتكدسه من يتحمل ذنبهـا والله طاقات قاعدة تهدر وعمر قاعد يروح وعمك أصمخ
سكتونا بحافز ويخصمونا مننا إذا ماحدثا طيب مابقى على حافز شي ولا قد أحد أتصل باالغلط ورشح لي وظيفـة
من وين نعيش حنا ياعااااالم

[Whisper]

وين الوظايف
اللحين اكرف بتخصص صعب وبعدها اخذ دبلوم حاسب واللحين ادرس ماستر وكله ماحصلتلي ولا وظيفه
واخرتها يجيبون وظيفه بائعه لا والله ماارضى
شوف الاجنبي اذا جاء ومعه بس بكالوريوس وش يوظفونه وكم يعطونه
هذا غير التعامل السئ من قبل بعض المدراء الغير سعوديين

[يعنــي انــي]

أولاً: أعتذر عن الغياب لظروف العمل ...
ثانياً: شرفتوني بردودكم الجميلة و التي بالطبع أنا أحترمها

==================

في ناس هاجموني .. لما قلت انه الشباب لا يريد أن يعمل...
انا ما راح اكرر كلامي

أنا راح اجيب لكم مثال حصل قدامي في الايام القليلة الماضية في العمل

إحنا أربعة شباب جدد تم تعيينا في قسم معين من أقسام الشركة .. و مكان عملنا في منطقة صحراوية تبعد عن الدمام حوالي 250 كم ...
موفر لنا كل شيء [غرفة نوم بسريرين مجهزة بتكييف عالي الجودة مع ثلاجة صغيرة +دورة مياه]..
امنترنت فضائي عن طريق الاقمار الصناعية [انترنت أوربت]
راتب محترم

مع هذا كله .. اثنان من زملائي قرروا ترك العمل .. بحجة انه غير مناسب لهم
مع العلم انه لا يوجد عمل بديل عندهم
================================

بالنسبة .. لبعض الاخوان اللي وصف الدولة بأنها قليلة الوظائف .. كلامه ممكن يكون صحيح
لكن ليس في الغالب ...!!!

والدليل انه يوجد اشخاص كثيرين يقبلون في أكثر من وظيفة
وأقرب مثال لكم هو أنا ..
فاليوم قد تم قبول طلبي في الحصول على وظيفة فني مختبرات في جامعة الملك فهد
و هذه صورة من قبول الطلب



================

اللي ابي اوصل له يا اخوان .. انه طالما معك شهادة مرغوبة .. فأنت ماشي صح !!!
مو شرط انه تخصص صعب ... أهم شي يكون مطلوب في سوق العمل !!!!

[حكايـ هـ]

سؤال لم اجد له اجابه

هل الدوله تقوم بتوفير وظائف لمرضى السكر ومرضى الكلا والكبد .. الخ

[يعنــي انــي]

إقتباس »

الرسالة الأصلية كتبت بواسطة حكايـ هـ »
سؤال لم اجد له اجابه

هل الدوله تقوم بتوفير وظائف لمرضى السكر ومرضى الكلا والكبد .. الخ

أولاً الله يشفي كل مريض ...!!1

بالنسبة لمرضى السكر أنا أعتقد انه فيه موظفين حكومي و خاص .. مصابين بالسكر
وقائمين بواجبهم على أكمل وجه ,,,

بالنسبة للكلا و الكبد فما عندي خلفية بصراحة ...!!!!

[حرم دحو]

,,,اول شي السلام عليكم وثاني شي اسمحي لي يااخوي العزيز لما قلت هالشي

لكن خلال الـ 20 يوم الماضية .. أكتشفت انه الدولة وحدها لا تتحمل الجزء الاكبر
بل الجزء الأكبر من التقصير يتحمله الشباب السعودي ... بنسبة قد تصل إلى 80% ,,, و ربما أكثر !!


Quote][/quote]
وش الي ماتتحمل الاتتحمل ونص والبلد ضايع من هالواسطات وقله الحيا
درست وتخرجت وتعبت بدراسي ، وجالسه عطاليه بطاليه
سجلنا بهالحافز لعله يوظفنا لو وظيفه مو مره مع تحفظي ع وظايف حافز .. !! الي ماتليق لجامعيه !!
ولاحتي طقو خبري بقي شهرين ويقضي حافز لاتوظفت ولاهو مستمر
قلت ياللله بكمل ماستر ،
خبرك عاد يالماجستر مثل حلم ابليس بالجنه عندنا ،
قلت بدرس ماستر ع حسابي شف المبالغ المبالغ فيها بالكليات ماقدر ادفع مبالغ خرافيه ع دراستي
تقول لي ماتتتحمل !! اجل من يتحمل باللهي !
لو نوظف عيالنا وبناتنا بدال ذا الاجانب كان احسن حالنا
طقتنا الوساويس والغلقه والاكتئاب ، واحس من لحظه تخرجي حياتي توقفت ،
حتي المدارس الاهليه ، مو بالساهل تنقبل فيها تدريس !
انت تسولف سواليف تراااك وش دراك تتكلم عن وضعك ، فقط
ولاتعمم لو سمحت من البئس افكر ارجع ادرس جامعه من جديد ! بقسم اخر
الله يعين ع هالدنياا

[حكايـ هـ]

يعطيك العافيه علي ردك

بالنسبه للموضوع بحاول اختصر

يقول المثل الي رجله بالنار مو مثل الي رجله بالمويه
وانت رجلك في مويه مع مكعبات ثلج والله يديمها عليك من نعمه
من خلال الصفحات السابقه والردود الي فيها ما اقدر اقول لك ولغيرك الا حسو بمعاناتهم وحط نفسك مكانهم ولا تكابر واعترف بوجود المشكله
شايف الكل ضدك ومصر علي رايك !
وموضوعك مثل الي يجي لمبتور رجل يقول له ليه ماتقدر ماتجري

الله يهديك ويهديني ويرزقكم ويرزقني \