إقتباس »
السؤال الحادي عشر:
السلام عليكم
حياك الله يادكتور
ودي اسئلك ولد اخوي عمره سنتين وتسع شهور
رجله اليمين مايقدر يضغط عليها مره يعتمد على رجله الثانيه
وبعض الاحيان يمشي بعرج بسيط
وراجعوا طبيب وكشف عليه وقال كل شيء سليم
وبنية الولد نحيف والحليب مايشرب يمكن رضعتين في اليوم
من كان عمره سنه ونص يعني مع الاكل ويعتبر بسيط
هل يعاني من نقص في الكالسيوم وفيتامين د
خصوصا انه مايتعرض للشمس
ونقطه ثانيه السر عنده بارز مافيه الم عادي
هل فيه مشكله
الله يعطيك العافيه
هذه ليست اعراض نقص الكالسيوم ربما تعود على ذلك ولكن يجب عرضه على طبيب اخر
بالنسبه للسره عادي البروز
السؤال الثاني عشر:
دكتور الله يعافيك حابه أسأل عن:
1- علاج كويس للكحّه عمر ولد اختي 9 شهور ؟
2- شممكن تكون أسباب التعرق الزائد في الشعر والرأس" فقط " لطفلة عمرها 10 سنوات ماكشفنا عليها بس ما أظن انو تعاني من أي أمراض
3- كيف يحتسب الوزن المثالي أو المعقول لطفلة عمرها 10 سنوات ؟
إقتباس »
السؤال الثالث عشر:
حبيت اسأل
عن حليب الطازج زي المراعي وغيرها
يقولون انها اكثر فائده من حليب البودره اللي زي سيميلاك وs26 ونان وغيرها
ابي اتأكد الله يجزاك خيير
لا ليس اكثر فائدة ولكن انصح به بعد السنه ونصف
إقتباس »
السؤال الرابع عشر:
- ولدي عمره 11 شهر يعني مابقى شئ ويكمل سنه وين افضل اكمل على مرحلة الحليب 3 ولا خلاص اعطيه حليب طازج مثل المراعي!!
2-ولدي من كان بالاربعين وهو عنده احتقان بالانف على طول مرات يخف ومرات يزيد لدرجه انه يتضايق بالنوم ويقوم كنه مكتوم وديناه اكثر من دكتور يقولون طبيعي انا استعمل له قطرة سالينوز وسمعت انه استخدام قطرات الخشم لفترات طويله يفقد حاسة الشم !! وبالزكام تكون حالته صعبه مره وعلى طول انفه سايل وانا 24ساعه مسح لحد ما يتجرح مع اني استعمله هالقطره وجربت البخاخ ايضا ونفس الشئ مافيه حل؟
لا يستخدم الحليب الطازج قبل عمر السنه والنصف
إقتباس »
السؤال الخامس عشر:
استفساراتي :
* بنتي بعد شهر بتتم 3 سنوات وإلى الآن اعطيها حليب الأطفال (( روناجرو )) واحياناً اعطيها حليب طازج ,, وش رايك اقطع حليب الاطفال واستمر بالطازج ,, وكمان هل فيه مشكلة لو تاخذ حليب طازج بنكهات مختلفة ,, وكم معدل شرب الحليب لها ؟؟
لا مانع من اعطاءها الحليب الطازج ولكن بدون نكهات
إقتباس »
* كمان بنتي الاحظ عليها دايم الجلد حول اظافيرها يتقشع ,, وش السبب ؟؟
ادهنيها بالمرطب دائما (فازلين)
إقتباس »
* آخر حاجه بغيت اسأل عن الشمس ,, وش افضل وقت عشان نتعرض لها , طيب ضروري يكون تحت اشعتها مباشرة , يعني ماراح تستفيد بنتي من اشعتها لو كانت تلعب بس اشعتها مو مباشرة يعني يكون يغطيها عمارة او حاجة ؟؟
كل الشكر لك .
احسن وقت بعد طلوع الشمس بساعه –ساعتين وتحت الاشعة
إقتباس »
السؤال السادس عشر:
الدكتور محمد الخراشي وش اقول وش اخلي عنه الله يجزاه كل خير ويفرج كربته
ويوفقه محترم وكلامه يطمن ويريح الام على طفلها ,, ولايحب خربطت العلاجات
ومن زود ذوقه وكرمه يستقبل مكالمات في عيادته الله يوفقه وين ماراح ....
سؤالي
1_عندي طفل عمره سنه و11 شهر وزنه 12كيلو و300جرام
شكله مره نحيف مع ان تغذيته ماشاء الله تبارك الله كويسه
هل فيه فاتح شهيه ممكن اعطيه؟
لا يوجد
إقتباس »
2_وش رايك بفيتامين كبد الحوت للاطفال بسن سنتين ,, وهل فيه فيتامينات معينه تنصحني فيها ؟
كل الفيتامينات متماثلة
إقتباس »
3_انا ولله الحمد مرضعه ولدي طبيعي لمدة سنه و9شهور ,, لكن مناعته مره ضعيفه دايم تجيه نزلات معويه وهو صغير قبل السنه ,, والحين لما كبر دايم زكمه وش السبب ؟
ربما تغذيته غير صحية ومناعته ضعيفه
إقتباس »
السؤال السابع عشر:
السؤال الاول
بنتي عمرها 7 شهور
مشكلتها ماتحب تااكل ابدا
عصرت لها البرتقاااال ولكن لالاسف بعد شربه تستفرغ وانت بكرامة
اعطيتها الموز وابسكوووت الاطفااال نفس الشي
وحتى السريلاك لازم اخلط معاااه ملعقة من الحليب ماتشربه كذا
ومارايك في المعلبات الموجودة في الصيدليات اللي بالفواكه وتصنعها اكثر من شركة
هل هي مفيدة ونااافعة
لانى اشوف اللي جربوها سمنوا
ومشكووور وماقصرت
لا مانع من استعمالها اذا رفض اكل المنزل
إقتباس »
السؤال الثامن عشر:
السلام عليكم ..
س 1/ بنتي عمرها 9 شهور معها اسهال تقريبا لمدة عشر ايام وماراح منها الى الان
اعطيها حليب الاسهال بليميل بلس lf
واعطيها baby layte طيب وش اسوي اكثر من كذا علشان يروح منها الاسهال
طبعا مع اكلات خاصه للي فيهم اسهال
افضل حليب للاسهال المركب من فول الصويا مثل ابسوميل
إقتباس »
س 2/ هل صحيح تطعيمة 12 شهر في وقتها تسبب التوحد
يعني يقولون اجلوها كم اسبوع الى شهر لا تطعمون الطفل في وقتها ؟
لا ليس بصحيح
إقتباس »
س 3/ الطفل اذا طاح على راسه وش علامة ان الراس حدث له ارتجاج ولازم اوديه للمستشفى ؟
وش نعمل للطفل في وقتها ؟
الاغماء – التقيؤ المستمر –عدم التوازن في المشي
إقتباس »
لان طفلي طاح على راسه وانشق راسه وخيطوه وكل شي تمام الحمدلله
بعدها بكم ساعه استفرغ هل يدل ذلك على ارتجاج والا عادي ؟
لا يدل على ارتجاج
إقتباس »
السؤال التاسع عشر:
السلام عليكم
جزاك الله خير يادكتور وجعله في ميزان حسناتك
استفساراتي
*اخوي عمره سنتين و10 شهور ومانطق الا 5كلمات تقريبا بس الحمدلله لما نكلمه يفهم ايش نقول هل هذا طبيعي لعمره
انصح بأخذه لاخصائي تخاطب
إقتباس »
*وكمان جفن وحده من عيونه نازل من الولاده ووديناه لدكتور عيون وقال انوممكن ترتفع مع الوقت مع اني ملاحظه انها ماتغيرت ابد
يعرض على طبيب عيون اطفال
إقتباس »
*وبسالك يادكتور عادي لما نعطي الطفل فيتامين من دون مانسوي له تحليل ونشوف ايش اللي ناقصه
لامانع من ذلك
إقتباس »
*وايش الادويه اللي ممكن ناخذها معانا لما نسافر بطفل
*وهل الطياره لها ضررعلى الطفل
شاكرين لك يادكتور وان شاءالله مااكون كثرت اسئلتي عليك
خافض حراره
ولا يوجد للطياره ضرر
الوضع العادي
