الموضوع: منيو مميَز احلى شي بالحياة الاكل ..
مشاهدة مشاركة بصفحة مستقلة
قديم 18-07-2016, 10:12 PM   #1
Asrakitchen
شيف إقلاعي نخبه
 
الصورة الرمزية الخاصة بـ Asrakitchen
Asrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحبAsrakitchen فوق  هام السحب
148 احلى شي بالحياة الاكل ..

السلام عليكم ورحمة الله وبركاته ،،

عُدنا لكم بعد غياب ،
مبارك عليكم رمضان ، الله يعيده بالصحه والعافيه
كل عام وانتم بخير ، ومبارك عليكم صيام الست * باقي شي ؟ *
عطيتكم كل اللي عندي < من قال اني متوهقه بالمقدمه






الجزء الأول


الرد الأول :
برجر شيك شاك المقلد
سندويشات اللحم او الشاورما
ستيك مع صوص الفطر

الرد الثاني :
الكيكة الالمانيه
كيكة القرفه
الكيكة السحرية او magic cake
باي البيكان
ميلفية

برجر شيك شاك المقلد



المقادير ؛
خبز البرجر لوزين بدون سمسم
زبدة سائله ربع اصبع تقريباً
لحم مفروم
صوص البرابيكيو
خس - طماط - بصل ابيض - مخلل - جبن شرايح
- الصوص ؛
اربع قطع مخلل
ملعقة اكل كبيره كاتشب
ملعقة اكل كبيره خردل
١/٤ ملعقة شاهي ثوم بودره
١/٤ ملعقة شاهي باربكيا بودره
١/٢ كوب مايونيز او سوركريم
الطريقه ؛
نخلط اللحم مع صوص البرابيكيو ونكورها ونحطها
بالفريزر وندهن الخبز بالزبده ونشوحه على النار لحد
مايتشقر ونخليه يبرد وناخذ الوجه الاعلى للخبز وندهنه
بس الخبزه اللي فوق اللي تحت مايحتاج وندخله
المايكرويف ٣٠ ثانيه ونطلعه يبرد ونمسح الوجه من الزبده
بالمنديل بشويش
- الصوص نخلط المقادير جميعها بالفود بروسور
او خلاط كاس ، ونحفظه بعلبة وندخله بالثلاجه ،
ونبدا نشوي اللحم واذا حطيناها نضغطها لحد ماتصير
نحييفه ونرش الفلفل والملح على الوجهين وندهنها بصوص
الباربيكيو لحد ماتستوي ، وندهن الصوص بالخبز
من الجهتين ونحط الخس والطماط وجبن الشرايح والبصل
وبالعافيه عليكم 💖💖💖

سندويشات اللحم او الشاورما



المقادير ؛
لحم
زيت
ملح
فلفل
صوص الباربكيو

صوص شيك شاك ؛
اربع قطع مخلل
ملعقة اكل كبيره كاتشب
ملعقة اكل كبيره خردل
١/٤ ملعقة شاهي ثوم بودره
١/٤ ملعقة شاهي باربكيا بودره
١/٢ كوب مايونيز او سوركريم

صوص الفطر ؛
زبدة
فطر مقطع شرايح
شوية طحين
ملح
فلفل
حليب او كريمة طبخ
ارغانو
بودرة الثوم

صوص الثوم ؛
فص ثوم
بقدونس وكزبره
علبة زبادي
عصير ليمون
لبنه * اختياري *

الطريقه ؛
اول شي ندهن اللحمه بالزيت ونرش عليها ملح وفلفل من كل الجهتين ،
ونخليها شوي ترتاح .
نسوي صوص شيك شاك ؛
في نخلط المقادير جميع في قطاعة البصل ،
وبالسلاته نمسح الاطراف ونخليها شوي بالقطاعه
بعدها نصبه في صحن جاهز للتقديم .
صوص الثوم ؛
نخلط البقدونس والكزبره والثوم والليمون مع شوية زبادي
ونخلطهم في قطاعة البصل ، وبعدها نصب الخليط على
باقي الزبادي وشوي من اللبنه عشان تخليها ثقيله شوي بس
ونصبه في الصحن جاهز للتقديم .
نبدا نسوي اللحمه نحط شوي زبدة او زيت لانها خالية من الشحوم
نشويها على الشوايه حتى تنضج مع التقليب من الجهتين
بعدها نحطها في قصدير ونلفها نخليها ترتاح شوي
صوص الفطر ؛
نضيف الزبدة على السائل اللي طلع من اللحم عشان ناخذ طعم اللحمة كلها
نرفعه من النار ونضيف له شوية طحين ونمزجها لحد ماتتكتل
ونرجعها على النار ونحط عليها كريمة الطبخ والملح
والفلفل وارغانو وبودرة الثوم واخر شي الفطر
ونمزجها جميع لحد ماتطبخ ونحطها في صحن جاهز للتقديم .
نرجع للحمه ونطلعها من القصدير ونبدا نقطعها شرايح
ونحط الشرايح في باديه ونحط عليه شوي صوص البرابكيو
ونخلطها جميع وندهن الخبزة او السندويشه بالصوص شيك شاك
ونحط اللحم المقطع شرايح على الصوص وعليها خس
ونلفها وتقدم مع الصوص الباقي كـ تغميسه
وبالعافيه عليكم 💖

ستيك مع صوص الفطر


المقادير ؛
لحم الستيك ( انا استخدمت STRPLOIN )
ملح
فلفل
صوص الباربكيو
خضار مسلوقه ( بروكلي ، زهره ، جزر )
بطاطس مقلي او بالفرن

مقادير صوص الفطر ؛
زبدة
فطر مقطع شرايح
شوية طحين
ملح
فلفل
حليب او كريمة طبخ
ارغانو
بودرة الثوم
الطريقه ؛
اول شي اللحمه ضروري تكون مطلعينها من وقت وماخذه حرارة الغرفه ،
ندهنها بالزيت من كل الجهات وبعدها الملح والفلفل ونخليها على جنب ،
البطاطس لو كنتوا بتسوونه بالفرن تدخلونه على حرارة ٤٠٠ف لمدة ساعه ،
وفي هالوقت نبدا نسلق او شي الجزر نحط مويه شويه وملح حسب الرغبه
لحد ماتلين الجزر ونضيف عقبها الزهره ونفس الشي لحد ماتلين
واخر شي البروكلي لانه سريع نضجه ونخليه دقيقه وحده ،
طبعاً في كل مرا تحطون نوع تخلطونهم عشان توصل الماء لكل الخضار ،
ونخليها على جنب نجي للستيك ، نبدا نسويه على الصاج بدون مانحط
اي اضافات لان الشحم اللي فيها والزيت كفيل انه يغنيكم عن اضافة الزيت ،
ونخليها ٦ دقايق لو تبونها well done ( ناضجه ) او ٤ دقايق لما تكون medium ( نص ناضجه تكون احمر من داخل )
ولو تحبون تقدرون تدهنونها بصوص البرابيكو من الجهتين وبعدها نشيلها ونحطها
بصحن ونغلفها بالقصدير واخر شي نضيف الزبدة على السائل اللي طلع من اللحم عشان
ناخذ طعم الستيك كله نرفعه من النار ونضيف له شوية طحين ونمزجها لحد ماتتكتل
ونرجعها على النار ونحط عليها كريمة الطبخ والملح والفلفل وارغانو وبودرة الثوم واخر
شي الفطر ونمزجها جميع لحد ماتطبخ ونحطها على الستيك ، ونحط الخضار والبطاطس
اللي بالفرن او المقلي جنب الستيك
وبالعافيه عليكم 💖


- لحد يرد




 

 


اخر تعديل كان بواسطة » 0سمو0 في يوم » 21-07-2016 عند الساعة » 07:10 AM. السبب: اضافه للدليل
Asrakitchen غير متواجد حالياً
Facebook Twitter اضافة رد مع اقتباس