مشاهدة مشاركة بصفحة مستقلة
قديم 29-07-2013, 08:48 AM   #19
دليل المطبخ
إدارة المنتدى
دليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحبدليل المطبخ فوق  هام السحب
- باستا الفريدو فوتشيني طازة






fettuccini alfredo pasta
باستا الفريدو فوتشيني طازة




مقادير العجينة
- كوب دقيق عادي
- بيضه وحدة
- نص ملعقة صغيرة ملح
- نص ملعقة كبيرة زيت زيتون
- شوي ماء للحاجة فقط



نحط الطحين على سطح خشب افضل في العجن ( مرجع ايطالي)
ونسوي حفرة بالوسط ونحط البيضة والملح والزيت الزيتون ونبدأ نخلط البيض بالشوكة شوي شوي مع الطحين اللي حولينها لين تتجانس العجينة



وبعدين نعجنها بيدنا ونشوف هي تحتاج لمويه والا لا والاغلب نضيف عليها شوي عشان تصير متماسكة ولا تستغربون بتصير شوي قاسية لأن اصلاً عجينة الباستا كذا
ولتلوين العجينة نستعمل ألوان طبيعية

- الاخضر >>> نضيف سبانخ بعد ما نسلقه بماء مغلي مدة دقيقتين فقط ونرفعها من الماء المغلي ونحطها على طول بزبدية موية باردة فيها ثلج ليه؟؟ عشان اللون الاخر يمسك بقوة السبانخ بس انا استعملت بقدونس ما عندي سبانخ بس كله ماشي



وبعدين نصفيها من الموية ونعصرها ونتخلص من الموية قدر الامكان ونفرمها ونضيفها لدقيق العجينة
- الاصفر>>> نضيف الكركم مع الدقيق
- الاحمر>>> نضيف موية بنجر وبالاصل يضيفون صلصة طماطم مع العجينة

وبعد ما نخلص عجن نلف كل عجينة بنايلون عشان ماتنشف
ونبدأ نفردها بماكينة فرد الباستا وعشان نبدأ لازم نقسم العجينة انا اقسمها لـ 3 اقسام



اخذ وحدة من العجاين وافردها بيدي شوي عشان اسهل تدخل للماكينة نحط الماكينة على أعرض شي ونشغل ونبدأ ندخل العجينة في الجهاز وناخذها من الطرف الثاني بس بدون ما نشدها



وهذي صورة ارقام الماكينة نبدأ من الرقم 7 ونتسلسل بالتنازلي
ولو لقينا العجينة شوي تتلصق نرشها بالدقيق ونكرر العملية الفرد على كل رقم



نقطع ونشكل العجينة هذي بالشكل اللي نبغى



بعدين نرجع نعيد نفس العملية من جديد مع باقي العجينة إلين تخلص كلها



وهذا شكلها بعد التقطيع
ممكن تقعد على حرارة الغرفه ساعة ساعتين وهي مغطيه قبل طبخها أكثر من كذا ممكن تنشف لو تبون تحفظونها لوقت أطول مالكم إلا الفريزر بعلبة وخلاص خلصنا من الباستا
نجي اللحين لطريقة الفريدو فوتشيني

المقادير :



- بصل
- ثوم
- فلفل رومي
- كوسة
- جزر
- بروكلي
- زيتون اسود
- صدر دجاج
- زبدة
- زيت زيتون
- ملح + فلفل اسود+ اوريغانو+ روزماري+بابريكا
- قشطة الخفق

الطريقة:



نتبل صدر الدجاج بالملح والفلفل الاسود والروزماري والاوريغانو والبابريكا

ونشويه بالشوايه ونخليه على جنب



نفرم البصلة والثوم بالماكينة مع الزيت الزيتون
ونقطع الخضار طوال ونحمسها مع البصل المطحون والثوم والزيت الزيتون والزبدة لين تذبل شوي وبعدها نضيف الملح والفلفل الاسود والاوريجانو وشوي روزماري ونقلبها

نسيت اقولكم البروكلي نسلقه مدة دقيقتين بس ونصفيه لأن ماله روح ابد
ونضيف للخضار وبعدها نصب كريمة الخفق ونخليها شوي تطبخ مو كثير ومع هالوقت نسلق الباستا وانتبهوا ترى ما تطول لأنها طازة من 8 -10 دقايق

وبعدها نصفييها من المويه ونضيفها على خلطة الخضار والكريمة وقلبيها شوي وقدميها بصحن وحطي صدر الدجاج بعد ما تقطعينة شرائح ورب وحطيها فوق الباستا ورشيها ببقدونس مفروم وكم شريحة جبنة بارميزان

وهذا شكلها النهائي وان شاء الله تعجبكم





الرابط




 

 


اخر تعديل كان بواسطة » شوق العمر في يوم » 21-11-2013 عند الساعة » 01:25 AM.
دليل المطبخ غير متواجد حالياً
Facebook Twitter اضافة رد مع اقتباس