مشاهدة مشاركة بصفحة مستقلة
قديم 02-09-2010, 07:35 PM   #23
Cherry Bloom
من كبار شخصيات الإقلاع
 
الصورة الرمزية الخاصة بـ Cherry Bloom
Cherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحبCherry Bloom فوق  هام السحب
حنش إعلان فعالية " مملكة الرجل " لليوزرات الذكورية , بعيداً عن اليوزرات الأنثوية

السلام عليكم يا هل الدار وش اخباركم؟!



عشركم مباركة باللي بقى منها .. وتقبل الله اللي مضى من رمضان .. وهالسنة يا كافي كنه غمضة عين مايمديك ترف عينك وتغمضها الا وانقضى الشهر .. اشوا اللي لحقنا على هالفعالية << الناس ترتجي القبول من ربك وانت تدور الفعالية!؟


عاد نترككم مع شروط الفعالية وإعلانها لكم بعد يومين نبدأ بإذن الكريم خلوكم على استعداد بكلش وخذوا ملابسكم وكميراتكم وجوالاتكم للطفارى زيي واللي ماعنده كمرة << حتى ما يعرف يكتبها


مدة الفعالية :
نبدأ المبايعة للمملكة واليوم الوطني لنا هو يوم بداية الفعالية 23 رمضان الين ننتهي من العيد وأفراحه وعلى طاري العيد كل عام وانتم بخير من الحين


الإشتراك والتسجيل :
للذكور- بجميع الفئات العمرية - عاد سامعين إن جني العيارين شايب يمكن يصور مشعابه ولا سنونه التركيب




المطلوب خلال هالموضوع :



- الملابس بشموليتها (الرسمي , البدل , الترنقات , الجينز , البرمودات) (الداخلية والخارجية " قصير قطني , قصير مخلوط قطن وسلك , بدون قصير , مشدات مدري شسمها ذيك الملونة ) ملابس العيد .. وهالملابس اهم شيء .. نبي نشوف من اللي مفصلن ثوبه عند المستشار ومن اللي يهايط واخرتها ثوب الدفة
- الأكسسوارات أو التكميلات بشموليتها ( عطورات , جزم , شراريب , حلاقين , قصات الشعر , مستلزمات النظافة من شامبوهات , صابون , مستلزمات التجميل من كريمات , مزيلات عرق , أمواس- مكائن حلاقة , محافظ (ابواك على قولة القايل) )

اكسسوارات وكماليات العيد بعد مهمة نبي نشوف كشختكم من إلى وكننا في عرض الفاشن والأزياء


بطريقة عيارة كل عضو يسدح لنا وش يلبس حسب المناسبات (عيد , عزيمة , طلعة شباب , مشوار , استراحة ) والتكميلات اللي يستخدمها حسب جدوله اليومي , كيف يجهز ملابسه ونفسه , أفضل لبس له حسب الفصول الأربعة (كشخته) , الألوان المفضلة , مقاساته , اتباعه للموضه في اللبس , ميزانيته , من وين يتقضى , مع مين يتقضى عاد انا امي تقضي لي (اللي هي طرش بحر خخخخخخخ ) , نصائحه للشباب الزكرت بكل مايخص هالطلب , موقف مضحك حصل له !




الشروط :
* يجب ان تكون المشاركات عيارة ومضحكه وابعد ماتكون عن التميلح .. لا يعرض بها لا يد ولا اصبع ولا كعب بعد .. ترى بنات الاقلاع عانسات ويدورن الزلة عليكم واللي يعرض يتحمل مايجيه من الذب
* الصورة حصرية للعيارين < اكتب وريقه صغيرة او على نفس اللبس كلمة العيارين .. ولحد يجيب لنا صور من مواقع ثانية ولا عليها روابط ثانية عشان ما نخرب عليه عيده ونحذف هالصور
* رفع الصور من مركز تحميل الاقلاع بالملف الشخصي لكل عضو حسب القرار الاداري الاخير
* كتابة موقف حصل لك وانت تتقضى ولا وانت تفصل ثيابك
* مثل ما قلنا قبل الموضوع لليوزرات الرجالية فقط


----


مجلس الفعالية (مفتوح لجميع اليوزرات)

وحرصاً منا على المساواة بين الرجل والمرآة (وش انتم يا العلمانيين ) فتحنا هالموضوع يتونسون به الجنس الناعم وسويدات الركب .. ويعلقون على صور الشنبات .. وهو مفتوح بعد للعيال يذبون ويعلقون على سوالف البنات والكر والفر بينهم

ولكن للمجلس شروط .. هو دخول الحمام زي خروجه!؟

الشروط :

* كل عضوة تلتزم بالاخلاق العامة وما تحاول تجرح في اي عضو ينزل مشاركاته في الموضوع الأساسي .. ذبوا بأدب واحترموا الذوق العام وترفقوا على الشباب الزكرت
* كل عضوة لها يحق لها تشارك هنا بصور اخوانها العيال , خطيبك (ولو ان اغلب بنات الاقلاع عوانس ) , زوجك (هالاخيرة نادرة في بنات الاقلاع ) .. وتكون الصور حصرية للعيارين (تكتب وريقة صغيرة أو على نفس اللبس كلمة العيارين ) .. وتلزخ الصور في هالموضوع
* ممنوع اي عضو له شنب ينزل اي صورة له في هالموضوع .. فتحنا لكم مملكة بكبرها انبسطوا وانشروا صوركم هناك (وشو فضايحه)
* لو نشوف صورة للملابسكم يا البنات حتى دراعة ولا شراب لحمي أو اي شي لكم شرط ان ينحذف الرد وتتوقف العضوة .. طسوا لمملكة المرأة تميلحوا عندهم .. خلوا العيال يستانسون في مملكتهم
* رفع الصور من مركز تحميل الاقلاع بالملف الشخصي لكل عضو حسب القرار الاداري الاخير
* كتابة موقف حصل لك مع احد من اخوانك الصغار او بزارينك وانتي تتقضين لهم .. عاد ان بغيتم تصورون للكبار ما يمنع تمحطون بالصور هنا (وش هالرخمة اللي اهله يتقضون له ملابس العيد خخخخخخخخخخخ )

واهم شرط
* الابتعاد عن ردود الشات او التميلح من الجنسين واي رد يحتوي على هالمخالفتين راح يحذف ونتفاهم معه حسب ما يلزم


خلوكم قريبين بقى يومين
إعلان فعالية " مملكة الرجل " لليوزرات الذكورية , بعيداً عن اليوزرات الأنثوية



 

 

Cherry Bloom غير متواجد حالياً
Facebook Twitter