مشاهدة مشاركة بصفحة مستقلة
قديم 09-01-2020, 10:24 AM   #7344
.. شيماء ..
خبير إقلاعي مميز
 
الصورة الرمزية الخاصة بـ .. شيماء ..
.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب.. شيماء .. فوق  هام السحب
رد : |▌ [. . . نصفك الآخر4 ../.. متنفس خاص بالمشاكل الزوجيه ]▌ |

إقتباس »
الرسالة الأصلية كتبت بواسطة حكآآيه ! »
-
-

السلام عليكم

عندي مشكله مضايقتني جدا وابغى مشورتكم
دائماً زوجي لما يشوف مقطع آجنبي رجل يخدم زوجته و التعليقات يكون فيها تعليق بنت مثلاً تقول ماعندنا رجال كذا ومن الامور هذي ، دايما يقول لي هذولا انتم يالحريم تبون الرجال يصرف عليكم ويدلعكم و سفريات واذا كبر وتعب ماتبونه ..!

حالياً انا نفاس عند اهلي و دايم اصور له بنتنا وارسله قبل امس صورتها صوره حلوه مره و قبل ارسلها اتصل يسولف سألني عن البنوته وقلت صورتها صوره تجنن قال ارسليها قلت " كم تدفع ؟ " قلتها عادي نفس ماتنقال من باب المزح
قلب الموضوع محاظره ان لا تخلي الفلوس مكافأه لكل شي جميل بينا ، رديت انه تمام حبيبي .

أمس قلت له بطلب عربيه للبنت وكلمت وحده وطلبت لما جيت احول لها حسابي ما رضى يحول لبنك محلي ف كلمته يحول لحساب المتجر قيمة العربيه .. لما حول ارسل لي " سبحان الله رضى يحول " زعلت انا لان قصده اني ما ابغى اخذ عربية بنتنا على حسابي عصبت و كتبت له ليه تكذبني ؟ و ان المشكله بحسابي وان شاء الله اشوف يوم اروح البنك احل المشكله عشان ما احتاج احد يحول بدالي .. ممكن كلامي غلط بس للاسف قلته

انا مره متضايقه من الوضع ، يعني معقول هو ماخذ الموضوع استغلال له ؟

مع العلم اني توظفت من 4 شهور ومن وقتها بطل يعطيني مصروف انا اصرف على نفسي وادفع ايجار شقتي والسواق بمنطقة عملي ، وتجهيز النفاس ماطلبت منه ولا ريال واللحين اجهز لنفسي بعد النفاس عشان ارجع له ولبيتي كأني عروس و ماطلبت منه ولا ريال

احزن على نفسي لما اشوف صحباتي حتى وهم موظفات تاشر لزوجها على شنطه و الا ساعه و يجيبها لها ، انا لا سفر ولا هدايا مع انه حتى قبل اتوظف يعرف ايش احب و ايش خاطري فيه ، مرات احس نفسي مسكينه اسمع كلامه واسوي اللي يطلب واعطي من قلبي وبالنهايه مافيه مقابل نفس باقي البنات ، من حقي زوج يدلعني متزوجين من سنتين ف البدايه لما يجيب لي هديه يجيب سلسال ناعم و ورد مرتين وبعدها كل الهدايا ورد ورد ورد انا مليت من الورد والله

3 مرات او اكثر يحتاج مبلغ واقوله لا تتسلف من احد اذا نقص شي نكمله بينا و احول له


ايش الحل ؟ والسبب تتوقعون
من توظفت ما طلبت مصروف من باب اني اخفف عليه هل لاني ما اطلب صار يشوف ان المفروض امسك مصاريف البنت بعد ؟
وكيف ابعد من تفكيره ان الزوجه تاخذ من زوجها فلوسه و قوته ثم ما عاد تبيه؟ " يعرف ناس صار معهم كذا "

تدرين اكبر غلط سويتيه انك ماصرتي تاخذين مصروف بعد ماتوظفتي
انا لما كنت موظفه كنت اقول لزوجي عطني لو مبلغ بسيط لانه حق وواجب عليك تصرف علي واخاف عليك من رب العالمين يحاسبك وهالشي حق من حقوقي صار حريص ان هالشي مايقصر فيه لو 50 بالشهر

بعد ماتركت وظيفتي لا صرت اخذ مصروفي منه واتصرف انا اما اصرف او اجمعه

بالنسبه لتجهيز بنتك بعد غلط هو مجبر يشتري لها كل شي من بامبرز وحليب وكسوه لها والعربيه والاساسيات المتعارف عليها الضروريه
انا منت اشتري لولدي بس ما اقول له خذيت الشي الفلاني احيانا اطلع مع امي واخذ الي يعجبني بس ما اعفيه من مشاوير وتقضي اساسيات

حاولي ترجعين تسحبين يدك وتجبرينه بتوفير الاساسيات هو انبسط انك تحملتي كل شي وشال يده مع الوقت بتتعبين بيجيك اطفال غيرها ان شاء الله بتتحملين مصاريفهم بعد ؟!


بالنسبه للهدايا الرجال مو كلهم يعزفون ومو كلهم يعبرون بالحب عن طريق للهدايا
بعضهم انه جلس معك وتقهوى يحس انه كانه جيب لك بيت وجلسته مكفيتك عن مليون هديه
وبعضهم بالعلاقه الخاصه يحس هذا تعبير الحب بالنسبه له
والبعض الابتسامه يحسها تعبير عن حبه

زوجك يحس الورد تعبير عن حبه والبنات معروف يحبون الورد انبسط بابسط الاشياء اللي يذكرك فيها لو ورده وحده عطيها شعور كامل لاتحسسينه بملل لانه بيشوف مايعجبك شي

اجل لو اقول لك زوجي درى اني احب الدونت صار باستمرار يجيبها لي تعبير عن حبه لي وانا والله اطير فيها لاني ادري هذي طريقه تعبيره بالحب لي لدرجه اذا زعلت يجيبها لي رضاوه

والسفر دامك موظفه قولي له علي تذاكر وعليك السكن او العكس
وشيلي مصروف تسوقك من راتبك خلي عليه الاساسيات فقط
وتصيحه لاتربطين حياتك بالسفر وانك ماراح تعيشين اذا ماسافرتي صح انه شي جميل السفر بس مؤقت وبترجعين لحياتك ايهم اولى حياتك مع زوجك ولا مشاكل وسفريات ؟

ماعليك من اللي يسافرون ويروحون ويصورون مو كلهم مبسوطين بحياتهم الزوجيه
انا اقولها لك من واقع قبل حملي اسافر انبسط بس من جبت ولدي سافرت مره بس الحياه تغيرت المصاريف تغيرت كل شي يتغير ولازم نتاقلم عليها



 

 

.. شيماء .. غير متواجد حالياً
Facebook Twitter اضافة رد مع اقتباس