مشاهدة مشاركة بصفحة مستقلة
قديم 22-05-2015, 08:28 PM   #44
S E B O N Y
من كبار شخصيات الإقلاع
 
الصورة الرمزية الخاصة بـ S E B O N Y
S E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحبS E B O N Y فوق  هام السحب






*






لقيت كنز
من أمس لليوم و انا عايشه شعور أول مرة
تعرفون لما تطيحون بالشيء لأول مره و تحللون ام امه
و لا تقدرون تنامون و لا تأكلون و لا تتحركون بس مسنترين عليه
و المشكلة مهوب طاير نقدر نرجع له وقت ثاني بس الأدمان الله وكيلكم
الكنز هنا بالإقلاع و خصوصاً هالقسم
مدونات تفتح النفس و تبهج الخاطر طحت عليها فجأة
وحده وراء الثانية مثل عقد اللؤلؤ اللي انفرط
لي سنه ادور مدونة سواليف و مواقف يومية و مشاعر مشتركة
و لا لقيت إلا امهات خواطر و شعر و ضيقة صدر
اول ما كان عندي إلا مدونتين وحده لـ Judy ® مفصفصتها فصفصة
مره اقعد عليها يوم كامل و مره اقراها اجزاء و في كل مرة اكتشف شيء جديد
يوم دق جرس التغيير و ما لقيت بالإقلاع شيء
رحت اغزوا المنتديات الثانية بيوزرات شتى و إيميلات وهمية
أهم شيء ينفتح لي قسم المدونات المغلق
خبركم فيه منتديات تتعامل مع المدونات كحساب بنكي لازم يحافظ عليه
من اللصوص و المتطفلين
و انا بس كنت ابقرأ لا أكثر و لا أقل .. تويتر كلمة ورد غطاها و الإنستا هيااط
مالي الإ مدونات المنتديات ما يخلينا و الله
المشكلة المدونات اللي طحت عليها وحده منهم كانت موجودة من 2013
من اين اتيتِ وكيف عصفت بوجداني

نرجع لمدونة Judy ® السابقة
صح لما سكرتها تضايقت و عطيتها زحلقة جدارية
و جلسة بالدرج و هواجيس بالضياع
بس للأسف ما تجرأت اروح لها بالخاص و احاول اثنيها عن قرارها خليتها ع راحتها
حب لأخيك ما تحب لنفسك .. من طبعي لما اتخذ قرار و هالقرار حاسم و نهائي
ما احب احد يجي و يثنيني عنه خلوني براحتي , قرارتي و انا مسؤولة عنها
و اتحمل النتائج و يمكن انا اتراجع من نفسي عن هالقرار بدون ضغوطات
و الحمد لله ما طولت الزينة رجعت و فتحت لها مدونة جديدة
و انا بإنتظار الدرر المكنونة بشغف

المدونة الثانية لـ سنباي
هالبنت توأمي اللي اعرفها و لا تعرفني
شوفوا يوزراتنا بالإنقلش ( SEBONY - SENBAY ) << طقم
الشيء الثاني اي شيء تقوله نفس اللي ابقوله هي تعبر و انا اهز رأسي و اكتم العبرة
نفس الشخصيات و الأشياء اللي معجبه فيها انا جايزتن لي بعد
و أشياء واجده لاحد يقول صدفة , لأن الصدفة بشيء او اثنين اما على طول الخط فلا
بس مابعد وصلت لمواصيل ثقافتها و عقليتها الفذة
الله يحميها و إلى الأمام ماي توينز

مدونات الجميلات اللي تم اكتشافها بالأمس
و اللي صارت السهرة صباحية عشانهن

Elev. + جُوج محمّد + wa3ied + بحر هادِي

ما حطيت روابط المدونات روحوا دوروها بنفسكم عانوا مثل ما عانيت
و طيحوا مثلي براعيين بيتين شعر و صورة و كلمة بالأصفر و كلمة بالأحمر
و مقاس الخط حدث و لا حرج

كل فترة و الثانية ابنتقي لكم اللي جايزن لي من هالمدونات و اعرضها عليكم
يستاهلون اصحاب الفضفضة شركاء النجاح

راح علي موعد المشي اليومي لعيونكن يالزينات
و شكلي ابسحب ع الدورة الأسبوع الجاي حتى اتفرغ لمدوناتكن << طالت وشمخت
انا افدكن يَ كنزي

اشوفكم ع خير








 

 

S E B O N Y غير متواجد حالياً
Facebook Twitter اضافة رد مع اقتباس