مشاهدة مشاركة بصفحة مستقلة
قديم 12-08-2017, 05:44 PM   #9422
mr-7ooodh
مقلع فني مميز
mr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحبmr-7ooodh فوق  هام السحب
رد : ركن استفسارات دول اوروبا

إقتباس »
الرسالة الأصلية كتبت بواسطة Afaf. »
حلو اقتنعت ان سالزبرغ ما تحتاج اقامة
بيصير الخط :
ميونخ / يومين
اقامة بزيلامسي وزيارة لغيرها ٥ /٦ ايام
ثم بليد يومين
ثم طيران الى فينيسيا وفيرونا يومين
ثم بالسيارة الى ميلانو ٣ ايام
ومنها نرجع الى السعودية

حلو كذا والا متعب ؟

لكن سؤال ودي اعرف الاماكن الترفيهية في ميونخ وميلانو وبليد سواء ملاهي او مجمعات او متاحف تستحق الزيارة الرحلة ان شاء الله بتكون تسوق وطبيعة وترفية عن النفس لشخصين طبعاً
لا بشكل عام كويس ، ولكن اذا جوكم ارياف وطبيعه وتبين تغيرين جو زيلامسي وماحولها ، فيه ديره على طريقكم الى بليد اسمها ( فيلاخ ) كثيرين يمدحونها وانا مازرتها ، اقول لو حبيتو تقصرون ايام زيلامسي وتخلونها مثلا 4 ايام بدال 6

خصوصا وانكم اثنين وجو الريف النهار بس ، خلاص من 7 المساء كل شي مسكر مافيه شي فاتح ، مدري بعض الناس ممكن يحس بملل او طفش لانها مهيب ديره حيه وتقدر تروح الليل تتمشى ، اذا تحسون 6 ايام كثيره في مكان واحد خليها 4 في زيلامسي ويومين في فيلاخ

بالنسبه لفينيسيا وشوله تاخذون سياره منها الى ميلان ، السياره في ميلان ماتنفع ترا ، زحمه ولافيه مواقف وصعب توصل لكل مكان ، واصلا المترو مهوب مخلي عليك قاصر

الافضل ومن تجربه ماتسكنين في فينسيا ، اولا لانها صراحه مقلب كبير والتنقلات فيها متعبه جدا وانتم معكم شناط ، لان كل شي بالقوارب ، وصدقيني هي مجرد ساحه سان ماركو والقوارب اللي تشوفين صورها تمشي بين البيوت ، ليتك ماتشمين ريحه المويه بين البيوت كان كرهتي الساعه اللي فكرتي فيها تركبين

لكن ما اقول لاتزورينها ، انا رأيي تزورينها من ميلان بالقطار ، خلال ساعتين توصل الى فينيسيا من ميلان ، تمشي فيها النهار كله وروحي واركبي وصوري وسوي اللي تبين وارجعي اخر النهار

اما فيرونا مافيه شي يسوى صراحه ، ديره عاديه بس الناس كلهم يجون يشوفون بيت روميو وجولييت والله مايسوى عنوته ، بيت عادي فيه بلكونه والجدران كلها مشخبطه ، لا اقل ولا اكثر مافيها شي يستحق الجلوس

ميلان خلوها نقطه التمركز والانطلاق ، بامكانك من ميلان تزورين فينيسيا او تزورين كومو ، وكومو تبعد ساعه او اقل بعد ، بحيره نفس نظام بليد ترا

بالنسبه لميونيخ ، افضل مافيها ساحه المارين والحديقه الانجليزيه وملعب اليانز ارينا والحديقه الالولمبيه

اما ميلان فيها طبعا ساحه الدومو ، والباص السياحي ، واوت لت سيرفالي خارج ميلان ، وشارع بوينس ايرس ، وفيها كم حديقه على كم متحف منيب من اهل هالامور صراحه

بليد فيها القلعه وسط البحيره تزورينها بالقارب ، هي كنيسه معها كوفيات ومطاعم وجلسه ابو ساعتين كذا ، بس جوها جميل ورايق خصوصا في الليل والمشي على البحيره شي خرافي ورايق ، وفيه مطل على البحيره بس انتبهي تطلعين درج والله تكسر رجليك ، فيه باص يوصلك لها بس اسألي عنه لاوصلتي هناك

التسوق خليها في اوت لت سيرفالي ، اكبر وارخص وافضل اوت لت في اوروبا بلا منازع ، ومنها ان المحطه الاخيره لك بدال ماتنوقلين في الشناط والعفش من مكان لمكان



 

 

mr-7ooodh غير متواجد حالياً
Facebook Twitter