مشاهدة مشاركة بصفحة مستقلة
قديم 26-04-2015, 09:58 AM   #23
angela66
عضو مقلع
angela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحبangela66 فوق  هام السحب

السلام عليكم ..
هذي اول مشاركة لي في هذا القسم مع العلم اني من المتابعين باستمرار لكل جديد هنا .. وفعلاً استفدت منكم جدا .. يعطيكم الف عافية ..
انا بتكلم عن تجربتي مع معالج الشعر ..
اول شي نوعية شعري جاف مافيه حياه ولا حيوية وباهت وتعبان حيل متقصف جدا خاصة من قدام زود على كل هذا يتساقط بشكل فظييع
ومافي امل يطول لتحت الكتف واذا طول كم سانتي يتساقط بشكل مخيف فأظطر اقصه ..
طبعا سبب كل هالمشاكل في شعري هو استخدام انواع الفرد القديم الي عدملي شعري خاصة سوفت اند بيوتيفل ..
ماخليت شي ماجربته عشان احل مشكلته .. وبدون فايدة ..
الى ان عرفت الكرياتين .. سويته عند وحدة المفروض انها ثقة ..
اول مرة مشي حاله بس بسرعة راح من شعري في اقل من شهرين مع انها قايلتلي ع الاقل 6 شهور..
رحتلها مرة ثانية وسويته وهي تسويه لي حسيته ان مو نفس المرة الي فاتت .. حتى سألتها كأنه شي مختلف هالمرة ؟ قالتلي لأ .. هو نفسه ..
بعدها بكم يوم الا اشوف شعري يتقطع من النص وتساقط وتقطيع من طبيعي ..!!
حتى قدام الشعرة صارت طايرة ماتهجد..

بعدها قررت اعتمد على بنفسي ..
بعد بحث وتنقيب وسؤالات واستفسارات .. توكلت على الله واشتريت نوع من الكرياتين وسويته في البيت بنفسي .. والحمدلله النتيجة مرضية كانت
ما احتاج اعيد الكرة قبل 6 شهور او اكثر وتوصل احيانا لسنة ..
وكلما لها النتيجة تكون افضل وافضل ..
ميزته انه من اول استخدام وقف لي التساقط الفظيع وحسن من نوعية الشعرة وخفف لي التقصف الحمدلله ..
و اختي شعرها قصير وخفييف مررة ومتقصف حيل حيل ويتساقط ويادوب لتحت رقبتها ..
بعد ما سويت لها ماشاء الله .. وقف التساقط وتغير شعرها 180 درجة خف التقصف بشكل كبير وصار فيه لمعة وخلال كم شهر طول لتحت الكتف
وصرت اسوي لخواتي وصاحباتهم .. ..
يعني جربت على كل انواع الشعر تقريبا ..
عاد انا صدقت عمري اني صرت خبيرة .. فقلت خليني اجرب شي جديد ..
من 4 شهور تقريبا جربت البوتكس ..
يشبه الكرياتين الى حد كبييير .. بس ماحسيت نفس نتيجة الكرياتين .. الشعر طبيعي .. فيه لمعة .. مافي تساقط .. سهل التسريح خفيف التعرجات ..

بس حطوا في بالكم شي مهم يا بنات ..
اي شي تحطيه في الشعر تأكدي ان لابد فيه ولو نسبة بسيطة من المواد الكيميائية .. خاصة البروتين او الكرياتين وهالشغلالت حتى لو قالوا لك علاجي ..
الا ما يكون فيه نسبة من الفرد وان كانت بسيطة .. وهالشي طبيعي انه يغير من نوعية الشعرة .. خاصة الشعر الناعم الي بس يبغون يتخلصون من الاستشوار ..
وانا شايفة نماذج قدامي .. الشعر مايرجع لطبيعته ..

شي ثاني مهم بعد .. ان الكرياتين يشتغل افضل على الشعر الكثيف والقاسي ..
كل ماكانت الشعرة قوية وسميكة كانت النتيجة افضل ومع التكرار يحسن من نوعية الشعر وهذا يعتمد على نوعية المادة طبعا ..
اتمنى اكون افدتكم بتجربتي .. واي استفسار حاضرة




 

 

angela66 غير متواجد حالياً
Facebook Twitter اضافة رد مع اقتباس