مشاهدة مشاركة بصفحة مستقلة
قديم 21-11-2008, 01:02 AM   #1965
P e r T i N ~
من كبار مميزين الفني
 
الصورة الرمزية الخاصة بـ P e r T i N ~
P e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحبP e r T i N ~ فوق  هام السحب


الحلقـه الـ 40 }~

* كريم راح لـ بيت شهيره , و هي كانت مجهزه العشا لهم , و موب أي عشاء , يوم فصخ جاكيته و جت تشيله قال لها اتركيه , و ليش رجعتي ياشهيره ؟! مفكّره راح يتغير شي ؟! قالت عطني فرصه ثانيه عشان زينب ع الاقل !
* حلى و اياد في مطعم و هي مصرّه انهم يجلسون وقت أطول , و هو عصّب و قال عطيني الصور خلصيني ! عطته الصور و صارت الصور مافيها شي مثل ماقالت له حلى . قال عطيني النيجاتيف طيب . قالت شف النيجاتيف معي و ماراح يطيح بيدين أحد . لكن بشرط أنك تطلعني 3 مرات في الاسبوع ( وع ) . قال مره وحده بس ! و بشرط لا عاد تزعّلين اختك . قالت طيب .
* البنات و ابوهم يلعبون مونوبولي . و زينب تقولهم روحوا ارقدوا يله جاء وقت النوم .
* اياد وصّل حلى للبيت ( و حلى قاعده تراقبهم بدون مايدرون ). و سألته عن موعد الطّلعه الجايه خخخخخخخخخخ . قال اول شي سوّي اللي قلت لك ! قالت طيب بسويه بس لا تحاول انك تلعب معي تراني أشطر منك .
* حلى دخلت البيت و ليلى دخلت و سألتها من متى هي في البيت ؟!
قالت حلى من ساعتين جيت مع صديقي .
قالت ليلى حلى بيكفي ! انتي تكذبين علي ! قبل شوي توك راجعه مع اياد وش كنتي تسوين معه ؟!
قالت حلى عز الله انتي تعصبين من يجي طاري اياد !
قالت ليلى: حلى إلزمي حدودك مع اياد .
قالت حلى: حدودك و بيتك هذي خليها لك .
طلعت حلى و اتصلت ع صديقها الصحفي ( فارس ) و قالت أبجي عندك الحين .
* زينب لبّست البنات البجامات و فتحت الدولاب و لقت فيه ورقه مكتوب فيها رقم ( أتوقّع ) , المهم سألت ايناس و غنى قالت انتم تكلمون ماما ياحبيباتي ؟! قالوا لا لا مانكلمها . قالت طيب اذا تبغون عادي قولوا لي مافيه داعي تكذبون , و خلوا الموضوع سرّ بيننا و بابا ما راح يدري . قالوا والله ؟! و استانسوا .
* البنات اتصلوا على امهم و ردت ليلى و قالوا ماما اشتقنا لك . قالت و أناااا أكثر , تلفون مين اللي تحكون منه ؟! قالوا تلفون زينب . قالت ليلى ديروا بالكم ع حالكم . عطوني زينب شوي أكلمها .
كلّمت ليلى و قالت شكرا انك خليتيني اكلمهم . قالت لا هذولي بناتك و حقك تكلمينهم .
قالت ليلى دام كذا خلاص أقنعي رجآ انه يعطيني حضانة البنات .
قالت زينب: لا آسفه . قالت ليلى: بس هذولي بناتي يا زينب !
قالت زينب: يابنات تعالوا امكم تبي تقولكم تصبحوا على خير .
البنات يضحكون و يناقزون ع السرير و يقولون تصبحيييين على خييير يا ماما < أشرح بكل ذمه و ضمير .
* رجآ و زينب في السياره . قالت رجآ ان ايناس عاملتها تحتها في المدرسه .
قال رجآ ورا ما ناخذها لـ دكتور ؟!
قالت: لا راح نتعاون و نحل الموضوع في البيت .
قال: نقدر ؟!
قالت: ماوثقت فيني ؟! اذا أخذتها لدكتور نفسي بيقولك لازم تقظي وقتها مع امها و ابوها . و انت ماراح تقظيه مع ليلى . ماعليك خل الموضوع عليّ .
* ليلى لقت اعلان في الجريده عن محل و قالت ابي أستأجره عشان أفتح فيه عياده , سألت عن المبلغ و لقته غالي مره . , و هكذا قعدت تسأل اليييييييين لقت واحد و وآعدته تجي تشوف المحل ع الساعه 1 .
* أبو زينب و امها يفطرون .. و طق الباب ألاهم زينب و رجآ , استانسوا بـ جيّتهم و فرحوا , و جلسوا يتغدون معهم .
* حلى جالسه في بيت فارس خويّها . و سألته .. أنا أنانيه يا فارس ؟! قال لا بس تعملين اللي تبينه بدون تفكير !
* كريم بيطلع من بيت شهيره عقب ما جلس مع بنته . سلّم ع بنته و طلع .
* اياد دق على ليلى و قالت له انا مشغوله عندك شي مهم ولا لا ؟
قال: لا بس ابشوف اذا نقدر نشوف بعض الحين ولالا ؟
قالت لا .
* ليلى راحت تشوف المحل . و سألت راعيه عن السعر و قاللها 50 ألف , قالت مره غالي علي ! و طلعت .
إتصلت ع السيد محمد . سلّموا ع بعض و قالت بكلمك بموضوع الكتاب .. أقدر أشوفك اليوم ؟!
* حلى عند الدكتور اياد في مكتبه و حطّت رجل ع رجل و قاللها لو سمحتي نزلي رجلك انتي في مسشتفى !
قالت: علّمتك ليلى عن اللي صار معي أمس ؟!
قال: لا !
قالت له حلى كل شي . و قال: ياحبيبي! عشان كذا ماطاعت تشوفني اليوم و معصبه !
قال: لاتكونين قلتي لـ ليلى عن موضوع الصور ؟!
قالت: لا يادكتور انا بنوته منيحه و ما أضر أحد و أحب اختي الكبيره ! و دامك عند وعدك انا ما راح أخونك !
* السيد محمد يقول ان ليلى ماراح تقدر تسوي الكتاب لحالها , فـ أتصلوا ع كريم يساعدها .
* ابو زينب يسأل رجآ عن آخر كتاب له و قال متى بينزل ؟!
قال رجآ : ان فيه ظروف منعت نزوله .
قالت زينب : احنا راح نستعجل دار النشر في تنزيله .
* السيد محمد طلب كريم و جاء كريم . و قال نعم وش بغيت يا سيد محمد ؟!
قال السيد محمد: السّت ليلى تبي تسوي كتاب , ماراح تقدر لحالها . هي تحكي و أنت تكتب ! و راح تكون كاتب كبير و مشهور !
قال: كريم انا اعرف ليلى زين .
قال السيد محمد : أحلى و أحلى .
* رنّ جوال ليلى و هي في الاجتماع مع السيد محمد و كريم , و لقته المحاميه تولاي .
قالت تولاي: انا و اياد انشغل بالنا عليك !
قالت ليلى: لا معليك مافيه شي , انا في دار النشر .
سكّرت الخط و كمّلوا الاجتماع .
تقول قالت ليلى انها بحاجة فلوس عشان ترجّع بناتها لها و تفتح لها عياده .
و وقّعت ع أوراق الموافقه ع كتابة الكتاب . و صلى الله وسلم .
شوي و يرن جوال السيد محمد , و يرد و قال ايه دخّلوه دخّلوه !!! قالت ليلى: وش السالفه ؟!
و يدخل رجآ و زينب معه و الخشه من ذا الين ذا يضحك .
يوووم تقابلت الوجيه فيس تو فيس . زينب و كريم !!! , ليلى و رجآ !!! ...
قال السيد محمد الله الله احلى شريكين في الكتاب الجديد .
عصّبوا و قالوا ما أتفقنا ع كذا ! قالت ليلى انا لو اني داريه كان ما وقّعت ! و قعدوا ينافخون عليه ,
قال: انتم هيه لا تقعدون ترنون ع راسي !! الاوراق كانت معكم و أنتم وافقتوا ع كل الشروط !

نزلوا من المبنى و كلهم معصبين , قالت ليلى لـ كريم ان المحاميه لازم تعرف باللي صار . يله اشوفك بكرا . و سلموا و راحوا .
* ليلى راحت عند المحاميه و سألتها تولاي قالت وش فيك معصبه ؟!
قالت ليلى: انا ارتكبت غلط كبير .. اليوم رحت أبي اكتب كتاب عشاني محتاجه للفلوس . و وقّعت ع العقد بسرعه بدون ما أقرا الشروط كلها . و طلع الشريك معي في الكتاب هو ( رجآآآآ ) .
قالت المحاميه: الله ينكبتس بلا .
* رجأ في مكتبه و معه المحامي , و يقول المحامي ان العقد جداً صحيح . و مافيه أي غلط .
قال رجآ: الله يلعنه ( استغفر الله ) خلاص ماعاد اقدر اسوي شي , يكفي المشاكل اللي فوق رآسي .
* باب بيت شهيره يطق , يوم فتحت و تلقاها أمها , تقول امها: على بالك ما أقدر أعرف وينك يا ستّ شهيره ؟!
* زينب تقول لـ رجآ ورا مانرفع قضيه عليهم ؟! و لا وقّف عن كتابة الكتاب؟!
قال رجآ: لا وين منتب صاحيه ما أقدر ! انا محتاج الفلوس ضروري !
* ليلى و المحاميه في المكتب و المحاميه تقول ممكن ان السالفه تنقلب لـ صالحنا !
قالت ليلى: اومااا ؟!
رن تلفون تولاي و الاها السكرتيره تقول الدكتور اياد عند الباب بيدخل . قالت تولاي ايه خليه يتفضل !
دخل و قالت ليلى: انت وش جابك؟!
قال: توقعتك هنا , و لاتنسين انك قلتي لي بتصل عليك ولا اتصلتي .
قالت: انا منب بزر !
قامت ليلى و طلعت .. قال اياد نتغدى مع بعض؟! قالت ليلى لا .
قال: شاي ؟! قالت لا .
قال و تولاي بتجي معنا !
قالت تولاي: لا أنا مشغوله . سلّمت ع ليلى , و سلّمت ع اياد و هي معصبه عليه و قالت له ( مع السلااامه دكتور اياد ) طرده الا شوي .
* ام شهيره تكلم شهيره تقولها معجبك هالبيت انتي ووجهك ؟!
قالت شهيره هاللي انا اسويه عشان كريم و بنتي .
قالت امها : ع ويش اننتي راكضه وراه ؟! من زينه؟! لا راتب ولا شي!
قالت شهيره: لو سمحتي يمه ! الموضوع منتهي خلاص انا قررت اعيش مع زوجي و بنتي . و روحي قبل لا يجي كريم و يشوفك!
قالت امها: يعني ماودك ترجعين لـ شغلك ؟!
قالت: لا أبداً .
* زينب جلست مع البنات و قالت شوفوا عديله مسويه كيك , قالت غنى الله الله , بس كيك ماما أطيب .
قالت زينب : اذا تبون نسوي كيك في يوم مع بعض ماعندي مانع !
ايناس ماترد , قامت زينب مسكت لعبتها و جت تكلمها لكن ايناس صرخت بوجهها و قالت .. " لاتاخذينها هذي ام الالعاب اللي معي " !!!!
* اياد و ليلى يشربون شاهي عند البحر , قالت ليلى: وش تبي ؟ يله أسمعك ؟! انا أمرّ بظروف صعبه و اللي حولي قاعدين يسوون اشياء سخيفه !
قال اياد : تتكلمين عني و عن حلى صح ؟!
قالت ايه .
قال: احنا نتكلم عنك , لانك انتي وياها كل ماتكلمتوا تهاوشتوا !
قالت: و معجبك الوضع انكم تتكلمون عني !؟!!!!
قال: أنتي تتوقعين اني مبسوط ان حلى مهتمه فيني ؟!
قالت ليلى: لا عارفه , بس صدقني الوقت اللي تقظيه معها ما راح يحل المشكله الا يزيدها ! و بعدين حلى صايره كل ماشافتني معك نتهاوش , على بالها أحبك الحين , و اذا شفتها معك و هاوشتها تحسبني برضو أحبك و غايره عليك انت و خشتك .
* شهيره تتمكيج , و توصّي بنتها تقولها لا تعلمين ابوك ان امي جت هنا طيب ؟!
قالت البنت طيب , بس ماما انتي ليش تتمكيجين ؟!
قالت شهيره : كان لازم اسوي كذا من زمان .
و قعدت تسولف هي و بنتها و يضحكون .
جاء كريم , و حطّت شهيره العشا , و هي كاشخه ع سنقة عشره , و كأن كريم خق .
* فارس و حلى جالسين يناظرون فلم في شقّته , المهم و يرن جوال فارس و يرد .
قالت حلى: خير؟
قال: صديقي لقى لك شغل , يله عاد اول راتب تستلمينه عشّيني فيه .
قامت تخمّه و يااااي و يعنني يالله ياكبرها عند ربي خمّيت الرجال ياناس أستحيت خخخخخخخخخخخ , والله انك ماتدلّين درب الحيآ .

هنا انتهت حلقة أمس , تآبعونآ
Opera / ..!




 

 


اخر تعديل كان بواسطة » P e r T i N ~ في يوم » 21-11-2008 عند الساعة » 02:19 AM.
P e r T i N ~ غير متواجد حالياً
Facebook Twitter