مشاهدة مشاركة بصفحة مستقلة
قديم 21-10-2016, 07:04 AM   #131136
.+Honey+.
من كبار شخصيات الإقلاع
 
الصورة الرمزية الخاصة بـ .+Honey+.
.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب.+Honey+. فوق  هام السحب
رد : الحوامل - 〣 لكل أم مستقبليه ←a м๐м т๐ в..13→ تنبيه حسابات الانستقرام ممنوعه على


صباح الخير مامات

متابعتكم بصمت من أول حملي .. الحمدلله يارب ..رزقني الله ببنوته قبل اسبوعين

بشارككم بالأكشن حقي بما إني بكرية وكنت حايسة وخاايفة جداً

موعد ولادتي كان ٣ أكتوبر .. وماكنت أحس بأي آلام أو بوادر ولادة ، عديت موعدي وقالتلي الدكتورة بعطيك مهلة أسبوع ويوم ٧ أكتوبر بنولدك بطلق صناعي

جلست أدعي ربي أنه يجيني الطلق وأولد طبيعي .. المهم في يوم الثلاثاء ٤أكتوبر بدت آلام دورة بينها ٤٠ دقيقة .. وإفرازات بنية مخاطية .. وبالليل بدا لونها يميل للوردي بعدين صارت دم ، أنا كنت مكلمة العيادة وقالتلي لو شفتي دم روحي المستشفى

وبديت أحس بطلق آخر الليل بينهم ١٠ دقايق ، الألم زي التحجر شديد يمسك الظهر والبطن

رحت المستشفى وكشفت علي .. وهنا الطامة الكبرى !! قالتلي الرحم فاتح ١ونص سم تخيلو كل هالألم وما انفتح الرحم .. رجعت البيت متحطمة قالتلي خذي مسكن أو تروشي عشان يخف الألم ..

أخذت مسكن ونمت الحمدلله .. وصحيت اليوم الثاني ومافيني إلا العافيه كل آلام الطلق راحت .. لكن الدم مستمر ،، كملت حياتي طبيعي .. ولما جا الليل بدا الطلق .. تحجير في كل بطني وصرت امشي في البيت عشان يخف .. قلت بتحمل وأنام يمكن يهدا .. وصرت أتألم كل ٨ دقايق .. وفجأه أحس شلاال مويه من تحتي وقعدت أصررخ .. و جرري عالمستشفى .. ومع كل طلقة أحس بموية تنزل أكثرر وصغرر بطني

جت تكشف علي الدكتورة .. وقالتلي مو فاتح إلا ٢ سم !!! ارسلوني ع الغرفة وقالتلي بنعطيك طلق صناعي الحين لأن يادوب يجيب مفعول و انتي بكريه يبغالك ٨ ساعات علبال يفتح ..

قلتلها كم ساعة البيبي ممكن يجلس في بطني ؟ قالتلي حده ١٥ ساعة الى ١٨ ساعة
كانت الساعة ١١ الصبح وطلبت منها تنتظر لين ٣ العصر ممكن رحمي يفتح لحاله
وقعدت أدعي واستغفر و آكل تمر ومشيت في السيب وحسيت بطلق خفيف مع مغص دورة .. والحمدلله رحمي فتح ٤ سم ..

جا وقت إبرة الظهر وكنت مرعوبة منها.. نصيحة شيلو من راسكم كل الأفكار السلبية واذكروا الله وبس ، ويوم أخذت الإبرة خلاص مقدر اتحرك من السرير نهائي .. جاتني رجفة وحسيت ببرررد
وركبوا الطلق الصناعي .. عشر دقايق وانخفض نبض الجنين وأنا ارتفعت حرارتي واعطوني اكسجين ووقفو الطلق .. الرحم موقف عند ٤ سم مافتح

كملت ١٦ ساعة بغرفة الولادة وأعطوني مضاد حيوي عشان البيبي لايجيها عدوى فيروسية ورجعو عطوني طلق صناعي
مع إبرة الظهر بس أحس ألم زي الشد وكأن البيبي تدف نفسها
و مرره تعبت من الانتظار أحس مافيني طاقة لأني مانمت أبداً .. لما كملت ٢٤ ساعة ودخل يوم ٧ أكتوبر شيكت الممرضة عالرحم ولقته فتح كامل .. و بديت أدفع مع كل طلقة وبعدين أريح .. لما طلع شوي من راس البيبي.. نادت الدكتورة وباقي الطاقم
و علموني آخذ نفس وأدفع بقوة لين الطلقة تخلص .. والحمدلله جت البيبي بالسلامة .. وما احتجت شق .. البيبي وسعت من نفسها و خيطتني الدكتورة كم غرزة

يالله ماتوقعت إني بطول في الولادة قد كذا ..بس الحمدلله تسهلت من ربي
وكنت أردد دائماً في حملي هذا الدعاء " اللهم كما جعلت النار برداً وسلاماً على إبراهيم إجعل الولادة والطلق برداً وسلاماً علي " .. الله يجزاها خير اللي قالت عن هالدعاء

وخلوا ثقتكم بالله كبيـــرة ولاتخافوا وعليكم بالدعاء ثم الدعاء

والحوامل .. استمتعوا بحملكم وناموا على كيفكم واطلعوا تمشوا وسووا كل اللي نفسكم فيه






 

 

.+Honey+. غير متواجد حالياً
Facebook Twitter