مشاهدة مشاركة بصفحة مستقلة
قديم 14-07-2014, 07:11 AM   #2995
توليـنَ
من كبار شخصيات الإقلاع
 
الصورة الرمزية الخاصة بـ توليـنَ
توليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحبتوليـنَ فوق  هام السحب
رد : خــيمة الهــلالـيين الرمضـانية || وناسة - ذكر- فضفضة ||[ فعاليــة 10 حقائق الرد#



السلام عليكم .. يسعد صباحكم زعمائي وزعيماتي
احم .. < ما ادري ليه احس اني استحيت منكم هههههههههههه :$
اول شيء احب اقول اني تشرفت كثير بالاستضافة الثانية واستانست كثير بثنائيتي مع بريتي حبيبة قلبي
وبالنسبة للحقائق ما تعمقت فيها كثير كتبت على طول بدون شيء وبعفوية وميانة وبدون اي رسميات
عاد انتم لا تدققون واجد هاه

( 1 )
اول حقيقة عني انا وحدة أدبية بكل ما تعنيه الكلمة .. احب الحفظ لدرجة محد يتصورها يعني عادي لو تجيب لي قصيدة من مية بيت احفظها لك
بس ابعدني عن الفهم والحسابات والارقام والاشياء العلمية هذي , اكرههم كره العمى
< مع ان اهلي كلهم علميين بس انا الوحيدة اللي دخلت ادبي >

( 2 )
من الاشياء اللي احبها احب تكوين الصداقات وخصوصاً بالنت .. وبطبعي اجتماعية وبسرعة اتاٌقلم وادخل الجو
احب الهدوء , اجواء المطر , الصيف , الهلال وبرشلونة
ومن الاشياء اللي اكرهها و ما احبها الازعاج , الاحساس بالمسوؤلية < اشيل هم
لأني اصغر وحدة ودايم متكلة على خواتي الكبار وهذا الشيء سبب لي الكسل الدايم
اكره الشتاء لأني دايم اتعب واتسخن فيه
واكره النصر وريال مدريد ههههههههه < اللحين يهجمون علي المدريدين
امزح معاكم بس لا تنسون ان اللي يجمعنا هنا حب الزعيم ^_^

( 3 )
بيتوتية نوعاً ما و ما احب اطلع .. باستثناء المناسبات الكبيرة زي الاعراس ومناسبات العيد لا هذي لازم اروح لها

( 4 )
ما احب الزعل واذا زعلت بعض الاحيان بسرعة ارضى وبعض الاحيان لا .. على حسب الرضاوة
و بطبعي حساسة كثير كثير وام دميعة من كلمة يمكن اتأثر او اكتم وبسرعة اخذ موقف من اللي حولي ..
" احاول اغير وابعد عن هالشيء "

( 5 )
اعشق واتنفس التصميم زي ما يقولون
مستحيل يمر يوم بدون ما افتح الفوتوشوب < الا اذا كنت مكروفة حيل وماخذه اجازة منه
واكثر شيء احبه تصميم " التصاميم الدينية وتصاميم الهلال "

( 6 )
من العادات الغريبة عندي
اني احب اليمين بكل شيء .. احب اجلس باليمين , اذا تمشيت مع صديقاتي احب اكون اخر وحده ع اليمين , حتى اللاب احب اصير على يمينه
احب الليمون مع الجح بعد < لحد يستغرب زين
ووواكره التكليم بالجوال .. نادراً ما اكلم وما احب اصلن
وبعد اخاف واكره قطع الشارع

( 7 )
اكره شهر 10 مع انه هو الشهر اللي ولدت فيه بس كذا من الله ما احبه
< على فكرة تراني جيت بثالث عيد ..
وانا اقصد بالذات الفترة اللي تصير بعد رمضان فترة الطفش والكئابة والرجعة إلى الروتين اليومي الممل
بس يمكن هالسنة احاول احبه دامه عطلة


( 8 )
احب الطبيعة واحب اتفرج كثير على صورها خصوصا تركيا والنمسا
الله يرزقني واياكم سفرة لهم يارب
احب اتعلم اللغات واتثقف وهاتس .. و اهم لغتين عندي الانجليزية و التركية
واحب صور الاطفال اللي بعمر الشهور هذول اعشقهم عشق

( 9 )
من الشخصيات الاجنبية المشهورة اللي احبها يتصدرها جوك طبعاً
بعدها يجي ايان سومرهالدر وجنسن اكلس
ومن الشخصيات العربية احب ماجد المرشدي

( 10 )



لحظة ؟ < عرفتوا مين ذي المملوحة

اخر حقيقة احب المنتديات وجوهم مع ان فيه كثير ناس ينتقدوني
يقولون لي يالله للحين جو منتديات انتي < بس ما علي منهم وياجبل ما يهزك ريح
كثير المنتديات اللي شاركت فيها بس ما فيه مثل الاقلاع
ماشاء الله منتدى كامل متكامل يجمع كل شيء فيه
ويكفي انه عرفني على ناس تنحط ع الجرح يبرى ولو اتكلم فيهم من هنا لين بكرا ما اوافيهم حقهم

وبالنهاية ان شاء الله كنت ضيفة خفيفة عليكم ..
وحبيت تكون حقائقي مختصرة عشان لا تطفشون وانتم تقرون
واشكر حبيبتي دود على هالفعالية الجميلة
وبس ترا تعبت وانا اكتب :$

< وعلى فكرة ترى انا المملوحة اللي فوق بس قبل لا اغير نكي وترى اختي هي اللي سجلتني بهالنك مو انا ولله
لأن هالعضوية بالاساس لأختي بس انا شفتها ما تشارك وتاركتها قلت وشوله اسجل من جديد وخذيتها منها
ماطولت يمكن بس شهرين وغيرت نكي الى تولين . .

< اضطريت احذف فيسات كثير عشان يقبل الاقلاع الرد >






 

 

توليـنَ غير متواجد حالياً
Facebook Twitter