مشاهدة مشاركة بصفحة مستقلة
قديم 25-03-2014, 04:37 PM   #8
ابتسآمة مجروح
عضو مقلع
 
الصورة الرمزية الخاصة بـ ابتسآمة مجروح
ابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحبابتسآمة مجروح فوق  هام السحب
رد : كيف اجتزت إختبار الآيلتس ielts ؟ اذكر لنا تجربتك..

ف البدايه حاب اشكرك ع هالموضوع المنظم ..

اسمحي لي في البدايه .. ان اقتبس رد لي سابق ع احد العضوات في موضوع اخر عن الايلتس.. ثم بعد ذلك لي عوده اخرى للرد ع الموضوع بالتنظيم الذي وضعتيه وبتفصيل اخر..

-----

ب النسبه للايلتس ي اختي اغلبنا تعقد منه وعاد الاختبار كذا مره ..

بقول لك معاناتي اول عشان ماتحسين انك لوحدك.. بعدين بشرح لك طريقتي

انا ب البدايه كان مطلوب مني اجيب 5 عشان ادخل البري ميدسن.. اختبرت 3 مرات وكلها 4.5 .. يوم مابقى الا شهر طلعت نتيجتي الاخيره وكانت 5 الحمد لله

بعدها بست شهور طلبو مني 5 ونص .. اختبرت 4 مرات وكلها 5 ... يوم بقى اسبوع بس جبت 5 ونص ..

ع نهايه السنه التحضيريه طلبو مني 6 .. اختبرت 6 مرات وكلها 5.5 الا السادسه جبت فيها 6.. وكنت ع اعصابي بشكل مو طبيعي لان بعد اختباري السادس طلعت متضايق من حلي وحاولت ادور تسجيل ب الايلتس قبل الديدلاين حق الجامعه ولاحصلت الا ب السودان..

وحجزت اختبار ع السودان وكنت ناوي اطلع فعلا .. لانها كانت الدوله الوحيده اللي فيها مقاعد لاقرب اختبار .. بس عقدوني من ناحيه السداد قالو مافيه اونلاين فكنسلت الفكره وتوكلت على الله وانتظرت درجتي الاخيره..

اختبرت بكل مكان .. ب هولندا وفي المانيا وفي السعوديه وب اسبانيا وكلها كانت 5.5


لكن اخر اختبار الحمد لله طلع وكان 6 وقدرت ادخل الجامعه ..


بعد هالكلام الطويل .. بشرح لك كيف تجاوزت هالمشكله وطورت نفسي


نبدا حبه حبه ..


قسم الاستماع :



فيه كتب للايلتس اسمها ايلتس 1، 2 ، الى 7 مدري 8

هالسلسله عباره عن 7 الى 8 كتب .. كل كتاب فيه 4 اختبارات استماع وقراءه وكتابه وتحدث

انا كنت احملهم اونلاين مع المقاطع الصوتيه تبعهم ..

اروح لجزء الاستماع من كل كتاب واطبع قسم الاستماع ..

يعني عندنا 4 اختبارات استماع ضرب 7 كتب … يطلع لنا 28 اختبار استماع

كل يوم كنت امسك نموذج واحد.. اشغل المقطع الصوتي من اللابتوب .. واعتبر نفسي بقاعه الاختبار وامشي على الوقت.. يعني ما اوقف ولا شي.. اعيش تجربه الاختبار فعلا

بعد ما اخلص .. اصحح حلي .. الاجابات تكون موجوده ب اخر الكتاب .. اشوف وين اخطيت وليه اخطيت واعرف كم جبت..

فيه مواقع تحسب لك درجتك بالايلتس في قسم الاستماع.. اكتبي حاسبه الايلتس وتطلع لك ..

اكون بنفس الوقت مجهز دفتر واكتب فيه الكلمات اللي اخطيت في السبلنق حقها او القرامر حقها .. والتصحيح جنبها..

واروح الاختبار اللي بعده وكذا..


بنهايه الاختبارات راح يكون دفترك مليان بالاخطاء اللي طلعت عليك … تعلمي كيف تصححينها .. وتعرفين السبلنق الصحيح لها

هالطريقه كانك اختبرتي الايلتس 28 مره وانتي ببيتك .. يمكن اول عشر نماذج بتكون درجتك 6 .. بعدين بتلاحظينها ارتفعت 6 ونص .. يمكن مع اخر اختبار تشوفينها وصلت 7 ونص او 8

طبعا مايحتاج اقول لك عن مهارات الاستماع لازم تعرفين لها . يعني تاخذين معك ماركر وتخططين ع المطلوب وتبدين ب القسم الثاني لما يقول لك المسجل معك 30 ثانيه تراجعين اجابتك .. يعني تتعلمين كيف تستغلين وقتك .. وكيف تقرين السوال بسرعه ،تحددين ايش مطلوب فيه . يعني رقم ، تاريخ ، اسم. عنوان . قيمه ..الخ


قسم القراءه

انصحك تسوين نفس الطريقه حقت الاستماع + تشترين او تحملين كتاب اسمه New Insight into IELTS

يشرح لك بعض المهارات اللي تحتاجينها ب القراءه .. طبعا لازم تقرين بعد عن مهارات حل هالقسم .. تلاقينها بالنت .. بس اكتبي IELTS READING TIPS

قسم الكتابه :

لكل قسم مهاراته .. تلاقينها بكل مكان ب النت .. واتوقع انك عارفتها لانك جايبه 6

حاولي يكون المقال حقك خالي من الاخطاء القرامر والسبيلنق.. بتقولين لي صعبه .. بقول لك لا

لاتكتبين الا الكلمه اللي انتي عارفه السبيلنق حقها .. والجمل اللي عارفه القرامر حقها

حاول تخلين الستركشر حق المقال منظم.. يعني مقدمه ومحتوى وخاتمه .. وجاوبي ع السؤال كامل

هنا يقول لك كيف تحصلين ع كل درجه


ب التاسك الاول

http://takeielts.britishcouncil.org/...escriptors.pdf

ب التاسك الثاني

http://takeielts.britishcouncil.org/...escriptors.pdf



انصحك بعد بكتاب اسمه

Common Mistakes at IELTS ... and how to avoid them

اخذي النسخه الادفانسد منه .. يجيب لك اغلب الاخطاء اللي يحصلونها المصححين ع طلاب الايلتس وهي اللي تطيح درجاتهم..

انصحك بعد تدخلين موقع

http://www.ielts-blog.com/

وتشوفين المقالات اللي وجوده عندهم .. اللي ماخخذه 9 و8 .. وتحاولين تحفظين بعض الجمل القويه وتستخدمينها ..


قسم التحدث

نفس الشي .. له مهارات تحصلينها بكل مكان .. حاولي تحفظين كلمات قويه وحلوه .. يعني كيف توصف شخص تحبه

تسخدمين جمل كثيره.. كلمات صعبه شوي .. تتدربين ع النطق حقها .. حاولي قد ماتقدرين ماتخطين ب القواعد

هنا طريقتهم ب التقييم

http://takeielts.britishcouncil.org/...escriptors.pdf


واهم شي عليك ب الدعاء بكل مكان .. وبكل وقت … واطلبي من اهلك يدعون لك .. ف الفرج يجي من الله اولا


حاولي تغيرين مكان مركز الاختبار وان قدرتي تختبرين ب السعوديه يكون احسن بعد .. انا اتذكرت اختبرني واحد سبيكنق ب الدمام وبعد الاختبار دقيناها سوالف .. ف اتوقع ضبطني بدرجه السبيكنق





 

 

ابتسآمة مجروح غير متواجد حالياً
Facebook Twitter اضافة رد مع اقتباس