مشاهدة مشاركة بصفحة مستقلة
قديم 07-06-2012, 01:01 PM   #7
~ خـــزامـــى ~
من كبار ذواقين الإقلاع
 
الصورة الرمزية الخاصة بـ ~ خـــزامـــى ~
~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب~ خـــزامـــى ~ فوق  هام السحب








السلام عليكم ورحمه الله وبركاته
مرحبا ياحلوات
بمناسبه الاجازه وكثره المناسبات ..... كل وحده تتمنى ان وزنها يكون الوزن المثالي
فحبيت اهديكم هالموضوع البسيط عن وجبات دايت خفيفه وسهله في التحضير
وش رايكم في المقدمه
متنحه ساعه اكتب لكم مقدمه


افخاذ الدجاج بالكزبره والليمون والثوم


جيبي الافخاذ تبيلها بالملح والفلفل الاسود و8 فصوص ثوم وعصير ليمون حبتين وكزبره مفرومه تقريبا نص الربطه
ثم حمريها في المقلاه واضيفي شوي مويه علشان لا تحترق وسكري عليها مع التقليب لما تستوي
وخلي فيها شوي صوص الذ من تكون ناشفه



وقدميها مع خبز بر او رز ابيض بالشعيريه او رز ابيض لحاله
بالنسبه لي مااحب الرز الابيض ساده فاضيف شعيريه ومافيها سعرات كثيره















نتكلم عن سعرات هالوجبه الاساسيه
فخذ دجاج مشوي بدون جلد
85 جرام
167 س
فخذ دجاج مشوي مع جلد
85 جرام
223 س
فانتم شيلو الجلد احسن والوزن لما تشترون الافخاذ مكتوب كم وزنها
ننتقل لطبق خفيف



ميني كلوب


خبز توست بر >>>> حاطه ابيض ماسويت دايت
مرتدلا شرايح
جرجير او خس اللي تحبين
جبن شرايح قليل الدسم ومخلل خيار او تلغيته وتحطين خيار عادي

















السعرات اللي فيها
توست أسمر شريحه واحدة 61
والابيض 64 يعني كلو خبز ابيض ووسعو صدوركم

سلطه الزبادي

علبتين زبادي
حبتين خيار مقطعه شرايح رفيعه
شوي نعناع مفروم
بصل اخضر حلقات رفيعه
ملح
تخلط مع بعض وبالعافيه









سلطه الجرجير

من السلطات المحببه عندي
تقدرين تضيفين وتلغين اللي انتي حابه
جرجير وبصل ابيض شرايح وطماط
مع صوص زيت زيتون وملح وليمون وسماق >> نسيته




ومره حطيت جرجير وبصل ابيض وباذنجان مقلي شرايح وزيتون اخضر شرايح




بابريكا الدجاج
قسمي الدجاج اريع قطع وشيلي الجلد وتبليها بالخلطه
علبه زبادي
2 م ك زيت زيتون
2 فص ثوم
2 م ك بابريكا
م ك شطه تباسكو
وفلفل اسود ملح

وخليها تنقع اقل شي 3 ساعات
ثم اشويها في الفرن واذا استوت طلعيها من الفرن وحطي عليها صلصه التلميع وهي اختياريه

م ك كاتشب
2 م ك زيت زيتون
2 م ك خل او ليمون
شوي من التباسكو
شوي من البابريكا
وملح وفلفل اسود




السعرات اللي فيها
فخذ دجاج مشوي بدون جلد
85 جرام
167 س
صدر دجاج مشوي بدون جلد
نصف صدر
142 س




سلطه بياتو
طبعا اخذتها من مطعم بياتو دايم يحطون هالسلطه ومجانا
سهله ولذيذه
خس امريكي قطيعه بيدك
بصل ابيض شرايح
خيار شرايح
طماط
ثم حطي صوص الرانش وفلفل اسود
وعلشان الدايت سوي الصوص بالزبادي مع شوي رانش وملح وفلفل اسود وليمون







رز ابيض بالشعيريه

اسهل منه مافيه وادمنه بشكل خيالي مع الايدامات
احمسي 3 كور من الشعيريه بعد ماتكسرينها
ثم اضيفي كاسين رز واحمسيها مع بعض ثم اضيفي المويه
والملح




سعراتها الحراريه
رز أبيض مطبوخ نصف كوب 131

ريش بدبس الرمان

هالطبق لذيذ جدا جدا وصار من الاطباق المفضله عندي
اي شي فيه دبس رمان انا احبه
يعني اللي يحب الحامض بيعجبه

المقادير

ريش لحم 9
بصل شرايح
دقيق
فصين ثوم
طماطه بدون قشر
4 م ك دبس رمان
م ص بهارات
مكعب ماجي

اول شي نتبل الريش بالخلطه
2 م ك خل
2 م ك صويا صوص
ملح وفلفل اسود

وخليها ربع ساعه
بعدين قلبي الريش في الدقيق تقليب خفيف



ثم حمري الريش في المقلاه من الجهتين



انا احيانا الغي الريش واحط لحم هبر اريح من العظم
بعدين نطلع الريش وبنفس المقلاه احمر شرايح البصل والثوم ثم الطماط
ثم مكعب ماجي ودبس الرمان والبهارات
مجرد يغلي ارجع الريش







وغطي عليها وخليها لما تستوي وماراح تطول بالكثير ثلث ساعه
واذا احتاجت لمويه اضيفي شوي

















محاوله تفنن بالترتيب



السعرات الحراريه
ريش بدون دهن
85 جرام
182 س

متبل الباذنجان

اخذت طريقته من اختي منور
انا في الاساس مااحب المتبل بس بعد ماذقته من يدين اختي حبيته
طريقته سهله وسريعه
قشري 3 حبات باذنجان وقطعيها شرايح واشويها في الفرن من الجهتين
ثم في الخلاط مو الكاس الثاني حطي الباذنجان وعلبتين زبادي وطحينه تقريبا 2 م ك ومايونيز شوي اهل الدايت الغوه
واذا انخلط زين اضيفي عصير ليمون وملح وذوقي اذا يحتاج ليمون او طحينه



الباذنجان فيه سعرات حراريه قليله
والزبادي خالي الدسم كوب 114 س
مايونيز
ملعقة أكل
99 س
طحينة
ملعقة أكل
104

فيليه سمك مع الخضار

المقادير

فيليه سمك
كوسه
بطاطس
زهره
كزبره
خردل
ثوم
ملح وفلفل اسود وخل وليمون وزيت زيتون ومعجون طماط ومكعب ماجي
قطعي السمك مكعبات متوسطه والبطاطس والمكوسه شرايح رهيفه والزهره قطعيها قطع صغيره
وتبليها بالملح والفلفل الاسود وعصير ليمونه و2 م ك زيت زيتون
وكزبره مفرومه وثوم



ثم حطي شوي مويه مع المعجون وماجي واخلطيها زين وحطيها فوق السمك



قصدريها ودخليها الفرن ساعه تقريبا او اقل حسب فرنك








السعرات الحراريه
هامور
100 جرام
107

طبعا الفاكهه شي اساسي بكل دايت الا بعض الانواع مثل الموز والمانقا والعنب



والعصيرات



هذا عصير رمان معلب اضقت شوي عصير ليمون فكسر طعم الحلا اللي فيه

وبكذا خلصت من الموضوع اهم نقطه اللي تبغى تسوي دايت انها ماتحرم نفسها من شي..... تاكل بس ماتكثر تقوم وهي لسى ماشبعت
وقبل الاكل تبدا بالفاكهه لانه ثبت صحيا ان اكله قبل الطعام له فوائد اكثر
من قوله تعالى (( وفاكهه مما يتخيرون , ولحم طير مما يشتهون ))
وببدايه الاكل كثري من السلطات طبعا مو سلطات مليانه صوصات ومكرونه ودجاج بالنسبه لي مااعتبرها سلطه اعتبرها وجبه ويمكن ادسم من الوجبه الاساسيه بعد
اكتفي بالفتوش والتبوله وسلطه الجرجير
والرياضه اهم شي وماتقل عن ساعه لو مشي
وان شاء الله مانشوف لكم لا كرش ولا شحم زايد
موضوعي هديه بسيطه لمطبخ الاقلاع ومشرفاته وعضواته








 

 


اخر تعديل كان بواسطة » شوق العمر في يوم » 28-11-2012 عند الساعة » 10:39 PM. السبب: تم إرسال الطبق الأول لجوال المطبخ / يعطيك العافيه حبيبتي-تم الارسال لتويتر ماتقصرين
~ خـــزامـــى ~ غير متواجد حالياً
Facebook Twitter اضافة رد مع اقتباس