مشاهدة مشاركة بصفحة مستقلة
قديم 05-10-2009, 04:49 AM   #5
طابتن بالبرتسه
من كبار ذواقين الإقلاع
 
الصورة الرمزية الخاصة بـ طابتن بالبرتسه
طابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحبطابتن بالبرتسه فوق  هام السحب





سـوفليـه الشكولاتـه


اتوقع الاغلبيه يعشقون السوفليه ، واغلبيتنا جرب اكثر من طريقه حتى يوصل للطعم اللي يبيه
عني انا مابقى طريقة سوفليه ماشفتها الا وجربتها ، طرق كانت لذيذه وطرق للاسف انكبت بالاخير
الين ماذقت هالسوفليه عند بنت خالو ووقعت في غرامه
طبقه مقرمشه من فوق سايل من جوا طعم خطير سهل مررررررررررررره


المقـاديـر ::
كيك بيتي كروكر بالشكولاته السوداء او شكولاته بالحليب ماتفرق
بيض + زيت + ماء مثل ماهو مكتوب عالكرتون
نوتيلا
كريمة بيتي كروكر بالشكولاته


الطـريقـه ::
اخلطي نوتيلا مع كريمه بيتي كروكر الشكولاته الكميات اللي تحبين <== بس كثري النوتيلا
بتلاحظين انهم بيثقلون مره مع الخلط فياسخنيهم شوي بالمايكروويف او حطيهم على حمام مائي حتى يسيحون
اعملي خليط الكيك مثل ماهو مكتوب عالكرتون
صبي خليط الكيك بقوالب السوفليه - ثلثها تقريبا -




ودخليهم الفرن 10 دقايق بس
طلعيهم من الفرن وحطي بوسط كل واحد ملعقه من خليط النوتيلا او اكثر




عبي باقي صحون السوفليه بباقي خليط الكيك ورجعيهم للفرن 10 دقايق من تحت وحمريهم من فوق وطلعيهم




التقديم انتِ ورغبتك ،، يارشي سكر بودره او حطي عليه ملعقة ايس كريم
وتذوقي اروع مزيج شكولاته بالعالم


هنا بالسكر البودره




شوفي من جوا كيف العذاب
النوتيلا معطيته طعم خرااااافي




وهنا مع الايس كريم




واحلى مافيه يابنات
اذا بقى من القوالب شي ما اكلتوه غلفيهم ببلاستيك ودخليهم بالفريزر ووقت ماتحتاجينه طلعيه
وخليه شوي ياخذ حرارة الغرفه بعدها سخنيه بالمايكروويف بتلاقينه كأنه توه مصلح
بتلاحظين انه اذا دخلتيه الفرزير بيهبط من فوق بس بمجرد ماتسخنينه بيرجع ينتفخ
وبالعااااااااااااااافيه عليكم ،،


ملاااااااااااااااااااااااااااااااااااااااااحظـه ::
ترى كمية السوفليه اذا بتعملين الخليط كله بتكون مره كثيره
انا غالبا اخذ نصف مقدار الخليط والنصف الثاني اغلفه زين واخليه بالدولاب حتى احتاجه مره ثانيه مايتغير
والمقدار اللي ورا الكرتون اقسمه بالنصف ،
واذا كان المطلوب ثلاث بيضات احط ثنتين لان بيضنا صغار ،،
وهالمقدار يكفي مثل ماشفتوا بالصوره لما طلعتهم من الفرن
اربعه قوالب كبار وثلاثه صغار









ونجي للمـالـــح ...



تشـدر تشيـز كب كيك


مررررررررررره لذيذ مع الشاهي طعمه خيااااااالي
عجينته تختلف عن عجينة الفطاير لانها تطلع انشف شوي وماتنفش كثير وطعمها خطير
طريقته الاصليه عباره عن انه تفردين نصف مقدار العجينه بعدين تحطين الحشوه بعدين باقي العجينه
وهذي اصلحها لما نكون لحالنا ، بس للتقديم اصلحه بشكل كب كيك <== تكره التقطيع مررره


مقـاديـر العجينـه ::
كوبين دقيق
4 ملاعق كبار حليب بودره
2 ملعقتين كبار خميره
بيضه
2 ملعقتين صغار سكر
ذره ملح
2 فنجانين قهوه زيت
ثلثين كوب ماء تقريبا


الطـريقـه ::
طريقتي دائما بالعجن : اخلطي كل المقادير عدا الدقيق بالخلاط بعدين اضيفيهم عالدقيق واعجني
واذا احتجتي زيادة دقيق او ماء زيدي لحد ماتطلع معك عجينه متماسكه
بتلاحظين قوامها لين شوي اخف من عجينة الفطاير وبتشوفين يدك كلها زيت لانها دهنيه تطلع
وغطيها واتركيها تخمر مدة ساعه ،،




الحشـوه ::
جبن كرافت تشدر مبشور
فلفل رومي ملون مقطع مربعات
شرائح زيتون اسود واخضر
اخلطيهم مع بعض ..




ادهني قوالب الكب كيك بالزيت وسخني الفرن على درجة حرارة 375
اقطعي قطعه صغيره من العجينه وافرديها بيدينك وهي بكفك حطي بوسطها من الحشوه وكثري مثل الصوره :




تلاحظين كيف العجينه مو متماسكه مره
سكريها زين وحطيها فقوالب الكب كيك وادهنيها ببيض ورشي سمسم




ودخليها الفرن حتى تتحمر من تحت وحمريها من فوق
واذا طلعت غطيهم بفوطه حتى تلين شوي ، بعدها طلعيهم وحطيهم بورق البليسيه
وعليكم بالعاااااااااااااااافيه








وهنا كنت مصلحتها بصينيه عاديه ..









آآآآآآآآخـر BrB ~






 

 

طابتن بالبرتسه غير متواجد حالياً
Facebook Twitter