منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   منتدى مشاكل وحلول الكمبيوتر (http://www.vb.eqla3.com/forumdisplay.php?f=178)
-   -   تكفووون طالبكم.. أبي حل لمشكلة التورنت عندي (http://www.vb.eqla3.com/showthread.php?t=343844)

تمساح أبرص 23-06-2008 08:40 AM

تكفووون طالبكم.. أبي حل لمشكلة التورنت عندي
 
المرفقات 2
السلام عليكم

أتمنى من خبراء الانترنت وبرامج التورنت إفادتي في هذا الموضوع،، طبعاً راح أشرح المشكلة بالتفصيل الممل علشان تكونون على بيّنه
أولاً: النت شغال عندي على خدمة الواي ماكس.
ثانياً: الخدمة هذي لي معهم تقريبا ثمان شهور ولا واجهتني أية مشاكل الاتصال معي 100%،، التحميل بروابط مباشرة تمام، التورنت شغال معي تمام، برامج المشاركة شغالة معي زي العسل، لكن فجأة ومن غير مقدمات قبل اسبوعين بدأت عندي مشكلة التورنت وبرامج المشاركة،، بحيث يعطيني السرعة بطييييئة جداً وفي أحسن الاحوال يعطيني نص السرعة المطلوبة "علماً بأن سرعة الاتصال عندي 1 ميغا " بينما التحميل بروابط مباشرة وسرعة التصفح ماتغيرت يعني فقط في التورنت!!
اتصلت عليهم واستفسرت عن المشكلة وماقصروا حاولوا يلقون حل لكن حتى الآن بدون نتيجة!
اكيد راح تتوقعون اني مغير بعض الاعدادات أو حايس شي بجهازي خلا هالمشكلة تصير؟ لكن خلوني اقولكم وش اللي سويته:
انا المشكلة هذي صارت لي بالضبط بعد ما فرمت الجهاز،، قلت اجل المشكلة يمكن تكون متعلقة بالفورمات؟ رحت اجرب جهازي عند واحد من ربعي على إتصال dsl وطلعت النتيجة ان ملف التورنت نفسه شغال 100% ؟؟؟ اذا المشكلة موجودة عندي في البيت،، جربت ثلاث اجهزة بالبيت على نفس التورنت لكن برضوه بطيييئ؟؟ يعني المشكلة مو من جهازي المشكلة من الاتصال نفسه؟
جربت افتح بروكسي واشوف؟ والغريب انه اذا فتحت البروكسي يعطيني السرعة اوكيييي واذا سكرته يرجع بطييئ؟؟ طبعاً انا استخدم المودم،، فقالولي الاخوان في الشركة انك لازم تجرب تتصل دايركت بدون المودم وتشوف؟ ورحت وشبكت الكيبل دايركت بجهازي وبرضوه للاسف نفس المشكلة؟
بحثت في النت عن اسباب مثل هالمشاكل في بطئ التورنت،، وطلعت سواليف مالي خبره فيها كفاية لهذا السبب كتبت الموضوع هنا لعل وعسى أحد عباقرة الاتصالات يفيدنا،، السواليف اللي ماعرفتها كانت تتكلم عن البورت وهل هو مفتوح من المودم وشغلات زي كذا؟ رحت وجربت في برنامج التورنت اسوي تيست للبورت لكن يطلعلي خطأ "البورت مقفل" ؟؟ وهل تتوقعون ان الآي بي أدريس له دخل في هالمشكلة؟؟ حطيت لكم بعض الصور يمكن تفيد في الموضوع " وترى التورنت اللي حاطه كنت محمله قبل ثلاث اسابيع وواصله عندي سرعة الداونلود 105 ك.ب "
أدري اني طولت عليكم لكن قلت أوضح لكم كل شي علشان ما تكثر الردود بالتساؤلات فقط بدون إجابات؟؟؟
ولكم جزيل الشكر......

H O M E R 23-06-2008 06:33 PM

فيه موضوع في منتدى الفن الغربي مخصص لمشاكل تحميل الأفلام
ممكن تسأل هناك إذا ما فادك أحد هنا
http://vb.eqla3.com/showthread.php?t=264325

تمساح أبرص 24-06-2008 12:41 AM

يعطيك ألف عافية اخوي H O M E R
فعلا الرابط اللي حطيته في جميع المعلومات اللي ابغاها،،، ماقصرت يالغالي

ملك بدون مملكة 24-06-2008 05:51 AM

.
.

وعليكم السلام ، هلا فيك تمساح
صراحة اعجبني طرحك للمشكلة وطريقة تعاملك معها
خصوصا في محاولتك وخطواتك لمعرفة سبب الخلل
صراحة ما ظهر لي اي شي اضيفه ممكن يؤدي لمعرفة هالمشكلة الغريبة
الله يعينك وتنحل معك باقرب وقت
تحياتي


الوقت المعتمد في المنتدى بتوقيت جرينتش +3.
الوقت الان » 04:36 PM.

Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017