منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   نادي السيارات (http://www.vb.eqla3.com/forumdisplay.php?f=33)
-   -   من بسيارته مشكلة أو عطل محمد فورد موجود (http://www.vb.eqla3.com/showthread.php?t=1278394)

محمد فورد 01-04-2013 04:11 PM

من بسيارته مشكلة أو عطل محمد فورد موجود
 





بسم الله الرحمن الرحيم



أخواني وأخواتي أعضاء الأقلاع الكرام ,,, السلام عليكم ورحمة الله وبركاته



رغبة مني في تقديم نوع من الخدمة والمشاركة في الموقع بما يعود على الجميع بالفائدة وبحكم خبرتي بالأمور الميكانيكه والكهربائية للسيارات الأمريكيه وبالأخص فوورد أنا مستعد للجواب وأيضا من يكون بالمنطقة الشرقية مستعد أقابله وإصلاح أي مشكة لا سمح الله والمقابل دعوة طيبه


أما بالنسبة لباقي السيارات فالمعرفة عامه للميكانيكا وأي شئ لا أعرفه فلتعذروني فلست أعرف كل شئ

وكذلك لست ممن يدعون معرفة إصلاح جميع السيارات فكل شركة ولها نظامها وطريقتها وأنا خبرتي بالفورد
ولن أجاوب على شئ لا أعرفه فلست أخذ مقابل أو مال حتى أحاول الأصلاح و أظفر بالمقابل


وأنا مستعد لإنزال مواضيع عن الفورد كراون فكتوريا وطرق الصيانه بعد إذن الإدارة

وكذلك تنزيل مواضيع عن الصيانة أو إصلاح أي شئ لسيارتي



والله الموفق,,,,


Methylphenidate 01-04-2013 05:24 PM

رد : من بسيارته مشكلة أو عطل محمد فورد موجود
 
بادرة طيبة منك , الله يجزاك خير ويكثر من امثالك

صفحه جديده 01-04-2013 05:26 PM

رد : من بسيارته مشكلة أو عطل محمد فورد موجود
 
الله يجزاك خير ويبارك فيك على هالمساعدات

عندي استفسار معي كراون فكتوريا 2009 قبل يومين كنت معبيها البنزين فل واليوم الثاني يوم شغلتها طلع لي عداد البنزين عالصفر والعلامه مولعه مع العلم انها المره الثانيه اللي تصير لي !!

مشيت 10 دقايق شوي رجع العداد للفل من نفسه وديتها للصناعيه قال اغلبهم هاذي العوامه وكل واحد يصرف لي سعر من راسه شكيت بكلامهم ويوم شفت العداد صلح من نفسه مشيت قلت ان خرب مره ثالثه برجع لهم ،،، سؤالي هل فعلاً هالحركه من اشكاليات العوامه ولا يمكن فيه مشكله غيرها وكم تتوقع يكلف تصليحها ؟؟


والف شكر مقدماً

محمد فورد 01-04-2013 05:44 PM

رد : من بسيارته مشكلة أو عطل محمد فورد موجود
 
أخوي صفحه جديده

الله العالم إنك تعبي والسيارة شغاله وهذا غلط

وترى العوامة مالها دخل لإنها إذا خربت خلاص العداد ما يرتفع وخلها اخر الاحتمالات


قبل الخساير اضرب الطبلون من جهة عداد البنزين اذا لعب معك يعني من نفس الطبلون السلك مرتخي

وافصل البطارية نص ساعه تقريبا حتى تفقد جميع الحساسات اي تيار نهائيا واشبكها

اذا ظبطت الدعوة برمجه واذا خربت مره ثانية يعني من حساس امبير البنزين او حساس البنزين وسعره لا يتجاوز الخمسين ريال


والمهم لا تعبي إلا والسيارة طافيه

الافلاجي 01-04-2013 06:09 PM

رد : من بسيارته مشكلة أو عطل محمد فورد موجود
 
اخوي محمد الله يعطيك العافية
وبداية منك مميزة استمر ربي يحفظك

mr:MUATH 01-04-2013 08:07 PM

رد : من بسيارته مشكلة أو عطل محمد فورد موجود
 
الله يعطيك العافية , تفك أزمات ي رجال :d

الشئ الحلو أنك تعرف مشكلة موترك قبل ماتروح للورشات إلى للاسف يلعبون بموترك !

ماقصرت

نص ريال ! 01-04-2013 09:37 PM

رد : من بسيارته مشكلة أو عطل محمد فورد موجود
 
الله يعطيك العافيه والله يجزاك كل خير pb189
بتفك ناس واجد من نصب الورش واولهم انا pb192
بسألك سؤالين
عندنا فكتوريا موديل 2000
المشكله الاولى
تهريب زيت من صوفة القير الاماميه وغيرتها وغيرت اغلب القطع اللي حولها وكلفتني اكثر من الف ريال جلست تقريبا 6 شهور ماشيه تمام ( هالـ 6 شهور يمكن ما انمشى فيها الفين كيلو يعني واقفه السياره ) رجعت تهرب من جديد من نفس المكان
المشكله الثانيه
اذا جيت اعبي البنزين طرمبة المحطه ماتعبي لترين الاتفصل لازم العامل يظغط بنفسه لين ماتعبي 30 لتر تقريبا وبعدها عادي يتركها العامل تعبي من نفسها :D !

محمد فورد 01-04-2013 10:20 PM

رد : من بسيارته مشكلة أو عطل محمد فورد موجود
 
إقتباس:

الرسالة الأصلية كتبت بواسطة نص ريال ! (مشاركة 44096758)
الله يعطيك العافيه والله يجزاك كل خير pb189
بتفك ناس واجد من نصب الورش واولهم انا pb192
بسألك سؤالين
عندنا فكتوريا موديل 2000
المشكله الاولى
تهريب زيت من صوفة القير الاماميه وغيرتها وغيرت اغلب القطع اللي حولها وكلفتني اكثر من الف ريال جلست تقريبا 6 شهور ماشيه تمام ( هالـ 6 شهور يمكن ما انمشى فيها الفين كيلو يعني واقفه السياره ) رجعت تهرب من جديد من نفس المكان


مرحبا بك أخوي نص ريال

المشكلة هذي تعاني منها أغلب السيارات والقديمه خاصه وبنفس المكان

والتهريب يكون من عدة أسباب

1- الضغط على السيارة بالدعس القوي والقومات وهذا يسبب ضغط على الصوف
2- الوقفة الطويله بدون تشغيل وينزل الزيت للكارتير ويبدأ يتركز على الصوف لين تهرب
3- الزيت زايد وانتهاء عمر الوصفة الافتراضي


وهناك نوعين من التهريب

1- تهريب واضح وتشوف بقع للزيت أسفل السيارة ونقص بالزيت وهذا حله بتغيير الصوف

2- ترشيح وأتوقع هو اللي عندك وهو طبيعي بالصوفة الاماميه لاغلب السيارات والترشيح هو تشوف زيت اسفل السيارة بالكارتير وما حولها بس ما تشوف له اثر بالسيارة ولا نقص بالزيت وهذا لا تشيل همه وأبشرك حتى هي عندي وعادي


ويمكن يكون التهريب من صوفة المكينه الخلفية لانها قريبه من بعض

وأنصحك دام السيارة توقف هالوقفة الطويله

تشغلها وتمشي بها شوي كل اسبوع حتى ما تتأثر الصوف وتنشف الجلد وتتأثر الكفرات بالوقفة الطويله تعرف شمسنا غير


المشكله الثانيه
اذا جيت اعبي البنزين طرمبة المحطه ماتعبي لترين الاتفصل لازم العامل يظغط بنفسه لين ماتعبي 30 لتر تقريبا وبعدها عادي يتركها العامل تعبي من نفسها :D !

30 لتر يعني تقريبا 28 ريال أحمرpb027 تعبي فل يالكاش هههههههههههه الله يغنيك يا رب

المشكلة يعني هواء بالتانكي حسب ما فهمت

وتقدر تتأكد هل هو هواء اذا وقفت تفتح الغطاء وتتحسس باليد الثانية أي دفع للهواء

المشكلة من أمرين يالغطاء أو بلف تبخير هواء التانكي أو البنزين وهو أسفل التانكي وقد يحتاج لتنظيف فقط


المسألة تحتاج لتشييك يدوي قبل الجزم بالسبب ولكن أميل حسب التشخيص للغطاء


وابتعد عن التعبيئة بالطقة الثالثة خلك على الطقة الاولى افضل لدخول البنزين وخروج الهواء وما يعبي لك هواء


وحاضرين للجميع


,,,,,,,,,,,,,,,,,,

. A H . 02-04-2013 02:26 AM

رد : من بسيارته مشكلة أو عطل محمد فورد موجود
 
السلام عليكم ورحمه الله

مشكور محمد وبادره رائعه منك

بس أنا معي لومينا pb192 بطرح مشكلتي ويمكن تكون عندك خبره أو مريت بمشكله مشابهه لها

ياحبيبي عندي المكيف ملجلج شغال زي العسل لكن اذا دعست ومشيت بشكل عادي يختفي الهواء pb036 لازم اشيل رجلي عن البنزين واظغط فرامل عشان يرجع الهواء من جديد .. احيانا يخف الهواء لامشيت ويرجع بشكل تدريجي ..

فيه جن صح. فيها جن السياره pb192

نص ريال ! 02-04-2013 03:06 AM

رد : من بسيارته مشكلة أو عطل محمد فورد موجود
 
^^^^^^
هذي المشكله واجهتها بالفورد قبل 4 شهور وماصلحتها الاقبل اسبوعين pb192
المشكله الهوا يوقف اول ماتدعس بنزين ويرجع بعد ماتفك الدعسه وتعاني منه لاجيت تطلع كبري يفصل على طول
المشكله كانت من القسام اللي تحت الطبلون كان متحرك
ثبتوه بقطعه حديد والحمدلله تمام الحين
معليش اخوي محمد على اللقافه بس لان هالمشكله هبلت بي لين لقيت لها حل

إقتباس:

مرحبا بك أخوي نص ريال

المشكلة هذي تعاني منها أغلب السيارات والقديمه خاصه وبنفس المكان

والتهريب يكون من عدة أسباب

1- الضغط على السيارة بالدعس القوي والقومات وهذا يسبب ضغط على الصوف
2- الوقفة الطويله بدون تشغيل وينزل الزيت للكارتير ويبدأ يتركز على الصوف لين تهرب
3- الزيت زايد وانتهاء عمر الوصفة الافتراضي


وهناك نوعين من التهريب

1- تهريب واضح وتشوف بقع للزيت أسفل السيارة ونقص بالزيت وهذا حله بتغيير الصوف

2- ترشيح وأتوقع هو اللي عندك وهو طبيعي بالصوفة الاماميه لاغلب السيارات والترشيح هو تشوف زيت اسفل السيارة بالكارتير وما حولها بس ما تشوف له اثر بالسيارة ولا نقص بالزيت وهذا لا تشيل همه وأبشرك حتى هي عندي وعادي


ويمكن يكون التهريب من صوفة المكينه الخلفية لانها قريبه من بعض

وأنصحك دام السيارة توقف هالوقفة الطويله

تشغلها وتمشي بها شوي كل اسبوع حتى ما تتأثر الصوف وتنشف الجلد وتتأثر الكفرات بالوقفة الطويله تعرف شمسنا غير
صدقت لان الفتره هذي صارت تتحرك واختفت البقع

إقتباس:

المشكله الثانيه
اذا جيت اعبي البنزين طرمبة المحطه ماتعبي لترين الاتفصل لازم العامل يظغط بنفسه لين ماتعبي 30 لتر تقريبا وبعدها عادي يتركها العامل تعبي من نفسها !

30 لتر يعني تقريبا 28 ريال أحمر تعبي فل يالكاش هههههههههههه الله يغنيك يا رب

المشكلة يعني هواء بالتانكي حسب ما فهمت

وتقدر تتأكد هل هو هواء اذا وقفت تفتح الغطاء وتتحسس باليد الثانية أي دفع للهواء

المشكلة من أمرين يالغطاء أو بلف تبخير هواء التانكي أو البنزين وهو أسفل التانكي وقد يحتاج لتنظيف فقط


المسألة تحتاج لتشييك يدوي قبل الجزم بالسبب ولكن أميل حسب التشخيص للغطاء

ههههههههههه اعبيها 91 ب 27 ريال
بس لان الماصوره اليسار حقت الشكمان مهييب اصليه ورافعه صرفية البنزين
هل هالشي صحيح والا انا وسوست ؟ pb192

إقتباس:

وابتعد عن التعبيئة بالطقة الثالثة خلك على الطقة الاولى افضل لدخول البنزين وخروج الهواء وما يعبي لك هواء


وحاضرين للجميع
مافهمت هالنقطه
الله يعطيك العافيه


الوقت المعتمد في المنتدى بتوقيت جرينتش +3.
الوقت الان » 10:18 PM.

Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017