منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   منتدى مدونتي (http://www.vb.eqla3.com/forumdisplay.php?f=381)
-   -   Chaos (http://www.vb.eqla3.com/showthread.php?t=1519910)

M I N A H 17-06-2017 11:13 PM

Chaos
 
السلام عليكم ورحمة الله وبركاته :eqb16:
حياكم الله :eq-72:

مشتاقة للاقلاع، بس مالي مزاج أشارك بالأقسام :( فقلت أفتح لي مدونة اسمي أشارك بالاقلاع pb192pb189

Chaos /ˈkeɪɒs/ للي يدرسون فوناتكس وفونولوجي pb034
المهم سبب تسميتي للمدونة بالفوضى لأنها جد بتكون فوضى وخرابيط بخاطري أكتبها بتويتر وهنا :rolleyes:

والحين بنطلق :eq-82:

M I N A H 17-06-2017 11:44 PM

رد : Chaos
 
http://www.vb.eqla3.com/attachment.p...2&d=1497728057

بما اني أهتم بحقوق الحيوان :eqb53:pb189
فمستحيل تخلى مدونتي وحساباتي بمواقع التواصل الاجتماعي من الوقوف معهم وحمايتهم pb189

للأسف هالأيام انتشرت مقاطع كثيرة لتعذيب الحيوانات
والتويتر بين لنا ان فيه ناس كثيرة تستهزأ بالشخص اللي يهتم بالحيوانات :eqb73:
ونلقى كثير يطنزون بعبارات جارحة أو يحققون معنا "والانسان طيب؟ ليه ماتهتمون فيه" :eqb95: طيب بكيفي أهتم باللي أبي pb192

فحسيت جميل لو أكتب اللي ببالي، ممكن يمر أحد هنا ويستفيد:


  • لا تاخذ الحيوان الصغير من أمه بحجة انه لطيف، الحيوان يحتاج للأم حاله حال الطفل البشري :(
  • حنا الحين بفترة صيف، فجميل ان الواحد يحط ماء أو أكل للطيور والقطط والكلاب وغيرها، ارحموا من في الأرض يرحمكم من في السماء :(
  • للي عنده أطفال، انتبه تسلم حيوان لطفلك عشان توسع صدره ويستانس لأن الحيوانات أولاً مو لعبة وثانياً ممكن تستأثم لو مانتبهت لأفعال طفلك مع الحيوانات




وأخيراً لا تستحقر أي معروف، الرحمة مو للبشر بس :)

http://www.vb.eqla3.com/attachment.p...1&d=1497728057

http://www.vb.eqla3.com/attachment.p...3&d=1497728057

M I N A H 18-06-2017 04:35 AM

رد : Chaos
 
http://www.vb.eqla3.com/attachment.p...0&d=1497745744

http://www.vb.eqla3.com/attachment.p...9&d=1497745744

صباح الخير :eqb127:

أمس وأنا أفطر كنت أسمع عن كمية الانفاق في رمضان في الدول العربية، وأرقام خيالية طبعاً بس بالأسبوع الأول من رمضان :eqb120:
وكنت أفكر كيف اننا نبذّر برمضان -يمكن- أكثر بحجة الصيام وعشان مانجوع، وممكن الأكل ينرمى :(

فتوني شفت تصميم بسيط سويته قبل سنتين تقريباً صدفة، فقلت بما اني شفتها خل أنزلها
بس والله شي محزن :eqb57:


M I N A H 18-06-2017 11:34 PM

رد : Chaos
 
مساء الخير :eqb20:

http://www.vb.eqla3.com/attachment.p...8&d=1497813681

قبل ما أتخصص، ماكان عندي أي فكرة عن الشعر الانجليزي، وكان عندي تصور انه تافه pb192
وبما ان لغتنا العربية بحر، فكنت أقول مستحيل يتقارن الشعر الانجليزي بالعربي، وللحين أشوف ان العربي متمكن أكثر من الانجليزي.
لكن الشعر الانجليزي ممتع pb189 يمكن حبيته بسبب دكتورتي اللي درستني الله يجزاها خير :eqb11:pb189

المهم من بعدها صرت أحس ودي أتعمق أكثر بالشعر الانجليزي، وودي أكتب مشاعري وحماسي لكن مو لاقية مكان pb192
صح فيه تويتر بس التغريدات متقطعة، وقلت هنا أقدر أدرج صور وممكن أحد يمر ويشاركني هالحماس pb192

وحدة من القصائد اللي درستاها كانت The Good-Morrow للشاعر الانجليزي John Donne أذكر اندمجت فيها، كانت تتكلم عن الحب الروحي أكثر من الجسدي
وهالشي عجبني، والقصيدة مليااانة أشياء ما أقدر بمستواي الحين اني أفسرها :( لكن أطمح اني أكون متمكنة.

لغتها صعبة لأنها من القرن ال17 pb192

http://www.vb.eqla3.com/attachment.p...6&d=1497813642


حبيت بيت من الأبيات

If our two loves be one, or thou and I
Love so alike that none can slacken, none can die.


كان مقصد الشاعر ان الحب اللي بينه وبين حبيبته خالد -دائم يعني- لأنه طاهر.
وكيف ان حبهم خالي من الأنانية والأشياء السلبية اللي ممكن تأثر على حبهم :eqb3:

وبس، من زمان خاطري أقول هالشي pb192

M I N A H 20-06-2017 03:42 AM

رد : Chaos
 
http://www.vb.eqla3.com/attachment.p...2&d=1497915251


ماتحتاج تعليق :eqb14: القطط أجمل ماخلق ربي هالكائنات تاكل القلب بحركاتهم وعباطتهم وخبثهم الظريف واللطيف pb192pb189
الصدق حسيت اني أكن احترام لفرويد بعد مادريت انه يحب القطط pb192pb189

كثير ناس ماتحب تتبنى الا القطط المريشة واللي حلوة عشان تستانس فيها فترة والغالب يطلعونها بعد مايزهقون منها وهالشي م س ت ف ز!
فدايم أقول اللي ماخذ الحيوان كتسلية وعشان يونسه أنت غلطان لأن الواقع شيء آخر، الحقيقة أنت اللي بتونسهم وتوسع صدورهم pb192

M I N A H 21-06-2017 12:43 AM

رد : Chaos
 
مساء الخير :eq-82:

من كنا صغار وحنا نبي نكبر عشان نصير نقعد مع الكبار وماننطرد pb192
وأنا شخصياً كنت أتنرفز لما أحد يعاملني كصغيرة -بالمتوسط- وأحد يخليني ك babysitter لعياله هنا عاد جد أطرطع :eqb10:

المهم، الواحد بس يدخل 18 الدنيا تصير سريعة وتخوف.. قد مرة سمعت واحد ياباني مشهور كان بمقابلة
وقال ان الواحد بس يدخل ال20 تصير الدنيا مرة سريعة، والحين أحس انه من جد صادق :eqb31:


http://www.vb.eqla3.com/attachment.p...3&d=1497990558

الحياة سريعة، الأيام سريعة، ناس تروح وناس تجي :(
الواحد يستانس لما يكبر ويصير 19 أو 20 21 الخ.. لكن تجي لحظة الواحد يستوعب انه مو بس هو اللي قاعد يكبر
أهله، أصحابه كل شي.. وأحس هنا تزول المتعة ويعرف الشخص ان المسألة جد وقدامه مسؤولية

قبل فترة شفت مقابلة لمغنية أجنبية، سألوها عن شيء بالمستقبل وجاوبت ب "Tomorrow is not promised" وبنفس اليوم ماتت بحادثة طيارة.
ما أخفي عليكم جتني رجفة لما سمعت جملتها :(

مشهور ياباني مات بعمر 33 عام 1998, سألته المذيعة اذا عنده أي سؤال يبي يوجهه لجمهوره، قال بتحبوني حتى لو صار عمري 50 سنة؟ :(
وحدة من الفانز كتبت تعليق عن الفنان "انه مات وهو شاب بالثلاثين فيعني هو forever young" pb189pb189pb189
هالنوعية من العبارات تأثر فيني كثير وتترك فيني أثر كبييير :eqb94:

هل هالأشخاص كان عندهم علم بأن موتهم قريب؟ طبعاً لا، هالأشخاص حالهم حال أي بشري على هالأرض
عندهم أحلام وطموح وخطط للمستقبل، ومن زمان أقول لنفسي هالكلام واني المفروض أشتغل على نفسي وأنجز
وكانت نيتي أنجز بهالرمضان، لكن للأسف قضيته نوم، أكل، مسلسلات! :(
حسيت لازم أكتب اللي بخاطري بمكان عشان لما أتكيسل وأحس ماعندي هدف أرجع لهالكلام وأعدّل من وضعي.

لما كتبت عن العمر وهالهذرة الطويلة، جاء ببالي بيتر بان :eqb14:

http://www.vb.eqla3.com/attachment.p...4&d=1497990558

كنت بكتب عن اللي قرأته عن حقيقة قصة بيتر بان المؤلمة :(
لكن ماراح أكثر كلام وتفاصيل pb192

M I N A H 21-06-2017 09:35 PM

رد : Chaos
 
السلام عليكم ورحمة الله وبركاته
مابقى شي على رمضان، الشهر مر بسرعة :eqb68:


http://www.vb.eqla3.com/attachment.p...4&d=1498065902

M I N A H 25-06-2017 02:10 AM

رد : Chaos
 
السلام عليكم ورحمة الله وبركاته
صباح العيد :eqb14:

كنت داخلة بتحلطم كيف كل شي صاير يطفشني ويزهقني وكنت ببدأ باليوتوبرز الأجانب pb192
بعدين استوعبت انه عيد والمفروض أكون ايجابية، فبخلي حلطمتي بقلبي :eq-63:

M I N A H 28-06-2017 07:48 AM

رد : Chaos
 
صباح الخير :eqb127:

العيد مر بسرعة بعد pb192 يلا الله يعين على هالدنيا :eqb76:
دايم تجيني حالة -مو طايقة أشوف هالشي- يعني مثلاً زي اليوتوبرز الأجانب، حامت كبدي منهم
وكلهم أفكارهم صايرة تنرفز ومكررة، اللهم كم واحد زين
التايم لاين بالتويتر كله عن الكوريين فطقت كبدي pb192 أحس ودي أغير، ودي أحذف كل اللي عندي :eqb98:
بس أدري ماله داعي لأني برجع أضيفهم بعدين فتضييع وقت بس، لكن جد مو طايقتهم
حتى اليوتوبرز الكيبوبرز خاطري أطيرهم pb192 > أدري بتقولون مين مزعلها ذي pb192

وبما انني أتابع ياباني بعد، كنت أتابع أداءات لايف وأشوف مشاهير بزارين -تراهم كبري- pb192
بس ودي أصفقهم وأرجعهم بيوتهم ويفضّون المسارح للكبار والناس الموهوبة :eqb98:

الفنانين الأجانب حالة خاصة :( تقريباً أغلب اذا مو كل أغانيهم جنسية أو فيه شي يرفع ضغطي
عبارات كثيرة مهينة للمرأة بأغانيهم وودي أفجّر فيهم لما أسمع خرابيطهم لأنه شي مرة مستفز!
المشكلة يستخدمون أبشع الكلمات والعبارات!! حومة كبد
شلت كثير أغاني من عندي تافه ومالها داعي

بعد كل هالحلطمة والتفريغ، والله خاطري أتعلم ياباني والرسم pb192:eqb51:

M I N A H 01-07-2017 03:05 AM

رد : Chaos
 
صباح الخير -صباح أول يوم من جولاي- :eqb14:

معقولة مرت 10 شهور من دخلنا 1438ه و مرت 7 شهور من دخلنا 2017م.
المهم ماعلينا لازم أدخل الوقت بالموضوع وكيف انه يطير pb192

http://www.iconarchive.com/download/...age-Flag-3.ico

بما اني طالبة لغة انجليزية والى الآن تعتبر الانجليزية لغة أجنبية بالنسبة لي وليست لغة ثانية :(

عندي خوف من الكلام خصوصاً مع الدكاترة أو الأستاذة، وعندي فوبببييا اني أغلط بالتويتر :eqb66:
مرة كنت أُقيّم وجبت العيد بسبب توتري وقعدت ماده البوز طول المحاضرة وياويل اللي يكلمني :eqb120:pb192
ورجعت البيت وطلعت حرتي بالتويتر وقتها ساااحبة على الأغلاط وطز خل اللي يبي ينتقد ينتقد pb192

أحاول أقنع نفسي اني لو ماغلطت عمري ماراح أتعلم لكن فوبيا الظاهر :eqb99::eqb66:

المشكلة اني خاطري أتعلم ياباني مو عشان أتواصل مع اليابانيين، لا أبي أشوف برامجهم وأفهم pb192
تعبت وأنا أضحك معهم ومو فاهمة الا قليل pb192

وش اللغات اللي خاطركم تتعلمونها؟ :eqb16:


الوقت المعتمد في المنتدى بتوقيت جرينتش +3.
الوقت الان » 10:18 AM.

Powered by: vBulletin Version 3.8.11
Copyright ©1999 - 2017, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017