يعني شروط الإقلاع (لا تقول ما دريت)

مع محاولتنا لمنع المواضيع والردود الي فيها خنبقة او مخالفه للشروط اوالغير سنعه ونظراً للعدد الهائل من أعضاءنا الله لا يضرهم فترى ما يمدينا نشوف كل شئ
ومن الحين نقول بالفم المليان إن أي شئ يكتب يعبر عن رأي راعيه ولا نتحمل مسؤوليته
وبما ان هالموقع موقعنا حنا يالاعضاء المسجلين قبلكم وحنا حرين وبكيفنا عشان كذا اللي يبي يسجل معنا لازم يوافق على شروطنا ويكون مسؤول عن أي شي يكتبه ولا مهوب ملزوم يسجل وهالشي راجع له وبكيفه

1. كل منتدى من هالمنتديات يحق لك تكتب موضوع لكن يناسب المنتدى (مهوب تروح لمنتدى الهلالين وتقول ياروحي يالنصر ) والباقين يعلقون عليه وبكيفهم بيعلقون بيذبون هم حرين وما فيه اي قيود الا الحكي الماصل اللي ماله سنع أو الحكي الوصخ او قلب المواضيع شات واللي بيقول الحكي الوصخ والماصل اويقلب المواضيع شات مهوب أزين له واي شي تكتبه لنا الحق نتصرف فيه بأي طريقة كانت .

2. مسموح الذب بكافة انواعه وترا اللي بيزعل من الذب حنا بنستلمه ذب لأن الزعل عندنا ممنوع اما اللي يسب والسب هنا غير الذب البرئ ( السب يعني الألفاظ البذيئه ) ترانا بنقمبع به . ( بنقمبع به = بنسكربه ) ( نسكربه = نشوته سكروب أو بوز ايهما انسب لنا)

3. أي واحد بيكتب موضوع 100% باللغه العربيه الفصحى بكيفه بس لا يبلش خلق الله انهم يردون عليه بلغه عربيه فصحى , كل واحد حر يرد زي ما يبي واللي بيغثنا ويبلشنا الا تردون علي بالفصحى بنسنعه تسنيع مضبوط . ترا علمناكم لا تقولون ما درينا والا ما قرينا الشروط .. بكيفكم

4. تبون تحكون في الدين والسياسه مايخالف بس لاتقعدون تتفلسفون وتحكون في امور مالها سنع , ابعدوا عن الثوابت والطوائف والرموز و الجدل اللي ماينفع واللي يبي يحكي في هالامور ويتفلسف فيها فيه مية الف ساحه غيرنا يروح لهم يسولف عندهم ثم يجي يوسع صدره معنا بس يجيب لنا مناقشاتهم .. لا .. معصي .. ما نطيع

5. مسموح التسجيل بأسامي الإقلاع كلها ما عدا المخله بالاداب العامه والأسماء اللي فيها اسم عوايل او قبايل يعني اعقلوا , ترا مناب ناقصين ذب يجي بعده شي في النفوس

6. تتعهد انك ما تعطي كلمة السر لأحد موبعدين تجي تقول مهوب انا اللي قايل ذا الحكي اللي انكتب .. ترا هالحركات ما تمشي علينا .

7. تحميل صورك وملفاتك على مركز التحميل الخاص بالإقلاع

8. قد تصلك رسائل إعلانية عن طريق الإقلاع . . نبي نترزق الله وونفع سيرفرات الإقلاع وان حصل إزعاج نعتذر ويتم التواصل مع الإدارة لمنعها عنكم

9. اذا قريت الشروط كلها ووافقت عليها ونويت تسجل اختار لك اسم رايق بشرط مايكون احد مسجل فيه وترا اللي بيحط مدات في اسمه وجا احد واشتكاه انه مقلد اسمه بنشطب اسم الجديد ونخلي القديم والاسم الي تختاره انت مهوب حنا يعني لا تبلشنا غيرو اسمي

الان بنشرح لكم كل شي بالصور علشان ما تقولون وشلون وكيف طريقه التسجيل ومتى اتفعل و وشو الطريقه .. ترى كل شي تساهيل و واضح ولكن تستاهلون من يشرح لكم كل الخطوات .. بسم الله نبدأ

1- بعد ما تظغط على التسجيل راح يطلع لك :-

( 2 )

(3)

(4)

5- راح يجيك على الايميل هذي الرساله :-

(6)

(7)

( ملاحظة )

والحين اذا تمت كل هالامور معك نبارك لك
وصرت واحد من اعضاء الاقلاع
واذا تقول انا والله انسان ما ودي اتعب ولا ابي اتوسط باحد تقدر تاخذ العضوية الذهبية وتدخل بمميزات مهيب عند غيرك

ايميلات الاقلاع ما تجيك على inbox طيب ولا يهمك سو هالطريقه وراح تجيك كل الايميلات الاقلاعيه
 

(1)

( 2 )

( 3 )

( 4 )

( 5 )

وكذا ايميلات منتديات شبكة الاقلاع ® راح تجيك على طول

نظام الريش كما تعلمون ويعلم قدامى اعضاء شبكتنا الحبيبه كان نظام الرتب التلقائيه في ذلك الحين عند بدء هذا الموقع الكبير يقاس بالريش فكان كلما وصلت الى رقم معين من المشاركات زادت لك ريشه يعني عضو على راسه ريشه وعضو على راسه ريشتين وهكذا وكانت فكره جميله ونالت على استحسان الكثير وتم استبدالها لاسباب تتعلق بتلك الفتره واغلبها قد يكون فني حيث كنا على نظام بدائي
اما الان والحمد لله بعد هذه التطويرات الجميله فقد بدرت لنا فكره تعيد لنا الماضي بشكل جميل ومميز وهي على النحو التالي :

أولاً نظام الريش

ثانياً نظام الرتب والترقيات

ليه ما أقدر أرد وأنا مسجل معكم ؟
لأن عضويتك يا( ابو الشباب او ام الشباب ) مهيب مفعله وعشان تتفعل وتقدر تشارك معنا وتوسع صدرك اقرا فوق نظام التفعيل .. او اشترك بالعضوية الذهبيه

وشلون اعدل الملف الشخصي حقي ولازم اكتب الصدق ؟
تغيره عن طريق الدخول على لوحة التحكم بعدين تعديل الملف الشخصي واختار بيانتك الصدقيه
اهم شي الجنسيه والتعليم والعمر والعمل والباقي بكيفك لانها من صالحك انت .

غيرت ايميلي ولاعاد قدرت وتوقف يوزري ؟
تستاهل حقك وماجاك . قايلن لك لاتغير الايميل راسل المراقب العام او حط موضوع بقسم الشكاوي ونغيره لك

كتبت موضوع وقامو يستهبلون ويذبون علي ؟
عادي كل اللي سجلو قبلك مرو في هالحاله وهذا سببه العجله في كتابة المواضيع الماصله . توقع لاتتفقع وخذلك كم لفه قبل على المنتديات
وبعدين اكتب موضوعك وانت مروق وبكره تصير انت اللي تذب على الاعضاء .

فيه واحد يذب علي ومسوي يمون ؟
كل الاعضاء يمونون على بعض والذب والمزح عادي بينهم وعلى حسب المنتدى اللي هم فيه " في حدود الادب " يعني فيه فرق بين الذب وبين الكلام الوصخ والسب .

لا هذا كلامه مايتحمل السكوت كلام شين ؟
لالالا انتبه ترد عليه خلك انت الكبير . راسل احد مشرفين المنتدى واشرح الشكوى حقتك واذا ما تجاوب راسل رئيس القسم واذا ما تجاوب راسل المراقب العام
وبتاخذ حقك وهو راح ياخذ جزاه
بس مهوب كل شوي ناط لنا شوفو هذا ذب علي ولا هذا يكرهني فيه فرق بين الذب وبين الكلام الوصخ والسب .

كتبت موضوع ويوم دخلت من بكره مالقيته ؟
موضوعك محذوف يعني راسل المشرف واستفسر منه وش السالفه اذا ماراسلك . لاتتهور وتنزل نفس الموضوع ثاني مره عشان ماتتوقف .

ليه بعض الكلمات محذوفه من ردي ؟
لأن الكلمات اللي انت كاتبها ماتناسب الموضوع او فيها شي غلط بالعربي وجودها غلط بالرد .

ليه ينحذف ردي كله ؟
لان ردك كله ماله سنع ولاعاد تتعودها ولا بتتوقف .

راسي يعورني ؟
خذ بندول اكسترا .

مسكت معي ابي اغير اسمي كيف؟
يالغالي/ه ما احد طقك على يدك تسجل ذالاسم ما راح نغير الا الي يكون فيه متشابه او اعضاء الذهبية

ابي اغير الصورة الرمزية حقتي ولا اقدر اختار من جهازي الصوره اللي ابي ؟
تغيير الصورة الرمزية متاح للأعضاء اللي حاصلين على رتب بالترشيح من المشرفين أو حاملين العضوية الذهبية. غير الرتب التلقائيه .

وشلون احصل على رتبه بالترشيح ؟
شد حيلك بالمشاركات المميزة وشارك بالمنتدى اللي تشوف نفسك فيه وتحس انك بتبدع فيه والمشرفين بيرشحونك للترقيه .

ابي احط صورة متحركة ويقولي غير مسموح وانا حاصل على ترقيه؟
لازم تكون رتبتك مميزة او تكون مشترك بالعضوية الذهبية .

وشلون تصير رتبتي مميزة ؟
يعني يصير لونك بني غامق وتكون ثاني ترقية لك بنفس القسم وتعتبر من فطاحلة القسم ياقوي . او تصير مشترك بالعضوية الذهبيه .

وشلون احصل على الرتبه الذهبيه او التجارية و وش مميزاتها ؟
( هنا التفاصيل )

أشوف الاعضاء لهم ريش الوان واشكال وانا لا ليه ؟
الريش لها نظام معين وهي على حسب الردود وموجود شرحها كامل فوق .

سويت توقيع ولما جيت احفظة قالي يحتوي على سطور كثير ولا قبل وش السالفه ؟
لأن مساحة التواقيع هنا محدوده سلمك الله . واذا تبي تصير تاجر اشترك بالعضوية الذهبيه ولو تبي تحط صك بيتكم .

ليه تحذفون توقيعي وكاتبين بداله تم التعديل بواسطة الاداره ؟
لأن توقيعك مخالف الله يصلحك .. وشلون مخالفه ؟ يعني يا الصورة فيها خنبقه ولا محملة على غير الإقلاع .. او توقيعك فيه روابط او لنكات لمواقع خارجية او كاتبن كلام ماله سنع .

وشلون احمل على سيرفر الإقلاع عشان ماتحذفون الصورة اللي انا حاطها ؟
هذا موقع تحميل خاص بالإقلاع http://up.eqla3.com حمل اللي تبي عليه عشان تضيف الصور على موضوعك او توقيعك
 

-------------------------

س/ ليه ما اقدر اغير صورتي الرمزية من خارج الإقلاع ؟
يلزم لتغيير الصورة الرمزيه وصوره الملف الشخصي ان تاخذ ترقيه او رتبه من احد المنتديات في الإقلاع شد حيلك وتميز باحدها حتى يرفعون فيك ترقيه والله يوفقك
او تقدر تشترك بالعضويات المتميزه وكل امورها ومميزاتها موجوده في هذا الرابط ( هنــا )

ارد وردودي ما تطلع لا يكون موقفيني ؟
المنتديات الإقلاعيه القهوه والعيارين والالبوم لابد لكتابه موضوع من ان تكون مشاركاتك فوق 50 وبدونها لايمكن الا الرد فقط والسوق الالكتروني و الجاده فلايمكن الرد وكتابه موضوع الا لمن مشاركاتهم فوق 150 فقط و باقي المنتدى الوضع تمام ولا يحتاج عدد معين ..


جاني تقييم احمر وش اسوي ؟
ان كان تقييمكم فقط احمر بدون كلام جارح او شتم او كلام بذي
فهو يعتبر من وجهات النظر وراي عضو يحترم وعليكم تقبل ذلك خصوصا ان لم يخرج عن حدود الادب .. مثل ما انتم تنبسطون بوجهة نظر المعجبين لازم ترضون بوجهات نظر المخالفين واللي احيان تكون لصالحنا من ناحيه تبيين خلل او معرفه الذي لم يعجب الناس حتى نتلافاه مستقبلا
اما ان كان فيه تقييم جارح او كلام بذي او شتم او عنصريه فهنا نتدخل ونعاقب اللي صدر منه هذا التقييم لاننا مانرضى بالخطا عليكم ابد فما عليكم الا كتابه شكوى على ذلك التقييم ومالكم الا طيبه الخاطر

ليه ما يطلع لي التوقيع ؟
يلزمك حتى يطلع توقيعك ان تزيد مشاركاتك الى ؟؟ وسوف تظهر لك اضافه توقيع فور وصولك الى عدد المشاركات المطلوبة

ما اقدر اقيم الاعضاء وتطلع لي ايقونه التقييم ؟
يلزمك حتى يطلع تقيم ان تزيد مشاركاتك الى ؟؟ وسوف تظهر لك اضافه تقييم فور وصولك الى عدد المشاركات المطلوبة

ليه ما اقدر اشوف اللي قيموني ؟
لايمكن لاي عضو مشاهده اسم من قام يتقييمه الا من يملك العضويات المتميزة
ولمزيد من المعلومات عنها ومميزاتها نرجو زياره هذا الرابط ( هنـا )

اريد الاعلان او اريد رعايه قسم في شبكة الإقلاع مع من اتواصل ؟
تتواصل بالرسائل الخاصة مع المسئول عن الاعلانات في الشبكه وهو المراقب العام الاخ مشعل
وهذا رابط ملفه : ( هنــا )

جائتني رساله سيئة في الخاص كيف اشتكي ؟
من يصل اليهم رساله خاصه سيئة سواء شتم او دعايه لموقع او ازعاج وتميلح .. الخ فما عليه الا ان يضغط زر تبليغ عن رساله سيئة ( ) كما هو موضح في الصورة وسوف تصل الى منتدى الشكاوي نسخه منها

موضوعي انحذف ومدري وين راح ؟
راجع مشرف المنتدى المسئول عن الحذف واسئله عن سبب ذلك وتواصل معه في الرسائل الخاصة او اسئل رئيس القسم المسئول عن المنتدى وسيتم الاجابه وتبيين الامر لك

هل يمكن حذف موضوع او مشاركه لي ؟
الجواب لا لايمكن ذلك بتاتا لك الحق في تعديل ردك خلال فتره التعديل المسموحه اما بعد ذلك فالرد والموضوع هو ملك للمنتدى

عندي مشكله في جوال الإقلاع من ارسل له ؟
ارسل لليوزر هذا وبيرد عليك ويتابع معك المشكله ( هنــا )

--------------------

++ عضويات التمييز ++

وين الاقي انظمة وتعليمات العضوية الذهبيه؟
( هنــا )

وش مميزات العضوية الذهبية؟
المميزات موجودة على الرابط التالي : ( هنــا )

عضويتي المتميزه تنتهي بعد شهرين او ثلاثه ، متى المفروض اجدد عضويتي؟
تجديد العضوية يفضل قبل نهاية الاشتراك بشهرين على الاقل تجنباً للتاخير في التجديد ، في حالة التجديد قبل انتهاء السنه الحالية يتم احتساب المده المتبقيه مع التجديد يعني مثلاً باقي لك شهرين وتنتهي عضويتك ، لو تجدد اليوم يصير باقي لك سنه وشهرين.

انا اشتركت في الذهبيه وابي اعطي معلومات يوزري لشخص ثاني يدخل بيوزري هل يعتبر هالشيء مخالفة؟
استخدام اليوزر بواسطة اكثر من شخص يعتبر مخالفة صريحة لنظام الإقلاع وعقوبته شطب اليوزر سواء كان ذهبي او غير ذهبي

ماهي طريقة تفعيل تتبع الرسائل الخاصة؟
قبل ترسل الرسالة تحت مربع النص فيه خيارات أول خيار تحط عليه صح هو خيار تتبع الرسائل

ابغى اغير الباسوورد لتسجيل دخولي للمنتدى
لوحة التحكم >> من القوائم على اليمين >> اختار تعديل البريد / كلمة المرور >> تفتح معك وتقدر تغير الباسوورد براحتك

لما اجي احمل صورة على مركز التحميل يعطيني رسالة (الملف معطوب لان حجمه يساوي صفر)
لازم تتأكد من حجم الملف مايكون كبير ، بعدين تختار استعراض وتختار الملف وبعدين تحميل ، لما يعطيك رساله ان الملف معطوب او يساوي صفر معناته ان حجمه كبير حاول تصغره واقصى حجم للصور هو 2 ميغا.

وشي خدمة حماية اليوزر؟
فكرة الخدمة انه في حال سرقة ايميلك ويوزرك ولابتبك تقدر ترجع اليوزر بسهوله
بس تكون مسجل بذ الخدمة .. وهي خاصه للاداريين وعضويات التمييز فقط

انا حولت فلوس على حساب الإقلاع وش الاجراء اللي اسويه بعد التحويل؟
ترسل بيانات التحويل للعضوية الذهبية فقط على الرابط التالي ( هنــا )
هذا اليوزر الوحيد المخول للحوالات وعضويات التمييز لا ترسل لاي يوزر غيره

انا حولت الفلوس لكن رسالة تأكيد استلام المبلغ تأخرت وش اسوي؟
تأكيد استلام المبلغ يأخذ وقت من يوم الى 10 ايام بالكثير، ومافيه داعي ترسل اي معلومات خاصة فيك لأي شخص غير العضوية الذهبية حفاظاً على سرية معلوماتك.

وش الفرق بين العضوية التجاريه والعضويه الذهبيه اللي بالسوق؟
العضوية التجارية يحق لحامله وضع روابط لموقعه الالكتروني الخاص او عنوان محله او مؤسسته الخاصه في مواضيعه في السوق بينما العضوية الذهبية العاديه لا .. وللمزيد راجع المميزات هنا وفيها كل التفاصيل ( هنـا )

كيف اعرف ان عضويتي ذهبية تجارية؟
الوسام الموجود تحت عضويتك مكتوب فيه العضوية الذهبية او التجارية .

لما اكتب موضوع في المنتدى او في السوق واحاول اعدله او احذفه او اغلقه بعدين ما اقدر ليش؟
خيارات المنتدى تنطبق على جميع الاعضاء الذهبيين وغير الذهبيين وليس من الممكن تفعيل امكانية التعديل او الحذف او الاغلاق لعضو عن اخر لذلك مايقدر اي عضو انه يعدل موضوعه ولازم تراسل المشرفين لتعديل الموضوع

ابغى اثبت موضوعي في السوق وش اسوي؟
ارسل إلى ( رابط العضويه )

طلبت تثبيت موضوع في القسم الرئيسي وقالوا لي مافيه الا بعد انتظار فترة طويلة وش الحل؟
تثبيت المواضيع في سوق الإقلاع الالكتروني يتم جدولته بشكل منظم بين الاعضاء حسب الاولوية في طلب التثبيت ويتم تنسيق طلبات السوق بواسطة رئيس الاقسام الاقتصادية او من تحدده الادارة للتنسيق والمتابعه بهذا الشأن ، ولا يتم حجز اي تثبيت الا بعد دفع المبلغ وتأكيد استلام المبلغ بواسطة العضوية الذهبية.

مشرفين السوق حذفوا موضوعي وطلبوا مني تصريح من هيئة الغذاء والدواء ويقولون ان اي منتج طبي ممنوع وش السالفة؟
حرصاً من ادارة الموقع على جميع الاعضاء لا يتم بيع اي منتج له علاقه بالصحة او بالجسم الا بوجود تصريح من هيئة الغذاء والدواء في المملكة العربية السعودية او يعتبر ممنوع بيعه في الموقع، كثير من المنتجات تباع وبعد فترة نكتشف ان لها تاثيرات سلبية جداً واعراض جانبيه قوية قد تسبب امراض مزمنة وادارة الموقع لاترغب بتشجيع مثل هالمنتجات اللي مالها مصدر او مالها تصريح.

انا كتبت موضوع في قسم الطلبات في سوق الإقلاع الالكتروني ، هل يحتسب الموضوع هذا من ضمن ال 5 مواضيع المسموحه لي في السوق؟
نعم يحتسب الموضوع من ضمن ال 5 مواضيع المسموحه لك ، ويلزمك اغلاقه او حذفه في حالة رغبتك بطرح موضوع اضافي.

عندي موضوع في السوق ، كم مره يحق لي ارفعه؟
حسب نظام سوق الإقلاع الالكتروني يحق للعضو رفع موضوعه مره واحده كل 24 ساعه وهالقرار تم تطبيقه لضمان تكافؤ الفرص بين الاعضاء.

كم يحق لي من موضوع في السوق؟
يحق للعضو الذهبي 5 مواضيع في السوق طوال الوقت واذا رغب في فتح موضوع جديد يطلب من احد المشرفين اغلاق او حذف احد مواضيعه القديمه وفتح موضوع جديد ، في حالة تعدى عدد المواضيع عندك 5 مواضيع يتم حذفها كلها بواسطة مشرفين السوق.

وشو معنى وسام تاجر معروف ؟
شروطه وتفاصيله ( هنــا )

وين القى انظمه السوق الالكتروني حقتكم ؟
سم الله يحييك .. شروط وضوابط السوق الالكتروني
 

هنا يمكنك إيجاد كافة التعليمات في استخدام المنتدى و الاستفادة من كافة الإمكانيات المُتاحة للمشتركين

• الإستخدام العام للمنتدى

• خصائص الملف الشخصي

• نشر وقراءة المواضيع

---------------------

• تنبيه هام جداً

:: النقاط والتنبيهات ::

التفاصيل هنا

• الاستخدام العام للمنتدى
• خصائص الملف الشخصي
• نشر و قراءة المواضيع