PDA

عرض كامل الموضوع : وش حل مشكلة تحبيل كفرات البي ام (جنط 20)


بانميرا
10-10-2011, 12:15 AM
السلام عليكم
انا ناوي اشتري جنوط بي ام مقاس 20 لموديل 2010 ومحتااار مرررة
والجنط الحالي للسيارة مقاسه 19
ناس تقول افضل لك ال 19 بس بصراحة ال20 احلى شكل بكثير

هل المشكلة اللي يعانون منها اصحاب البي ام انحلت ولا لسا دايم تحبيل
رايكم

عز الخوٍي
10-10-2011, 01:15 AM
كيف تركب مقاس أكبر من مقاس الكفر ؟!

وبالنسبـه للتحبيل مع الأسف حلها تبديل الكفرات

بانميرا
10-10-2011, 02:18 AM
انا باركب جنوط وكفرات جديدة

Recoba
10-10-2011, 10:37 AM
ابعد عن ال 20..مشكلة التحبيل فيه مزمنه ومستحيل تلقى لها حل.. ال 19 عملي اكثر

بانميرا
10-10-2011, 02:40 PM
طيب رحت لمحل تغيير الكفرات وقلت له وش الحل قال ركب كفرات عادية مو رن فلات ويعيش معك
وش رايكم

سكة طويلة
10-10-2011, 07:44 PM
التحبيل مشكله مزمنه

وزي مانصحك دايم الكفرات العاديه تعيش معك عمر اطول

بانميرا
10-10-2011, 10:33 PM
انا اقصد كفر الجنط ال 20 الرن فلات يقولون يحبل كثير
بس ليه اشوفه كثير في الشوارع؟

مشعوفان
11-10-2011, 12:28 AM
والله ياخوي التحبيل فيك فيك سواء 19 او 20 :d
انا جنط موتري 17 ومركب كفرات دنلوب قسم بالله جلست سنه وطلع لي اكثر من كفر محبل !!
تدري ليش ازعل عليك >>>>>> محاولة استظراف :d هههههه

تدري ليش ؟ لأن شوارعك الي هنا مخيسه وزفلت اي كلام وكل لفه لازم حفره فا طبيعي يحبل الكفر عليك
الله لايوفقك الشركات كانها لعبت فينا



اسف على الاطاله

بانميرا
11-10-2011, 01:55 AM
حياك اخوي
انا موضوعي هذا طرحته لانو كثر الكلام على جنط البي ام 2009 انو يحبل وصارات مشكلة مع الناغي وبعدها الناغي من 2010 صار يجيب 19 على سياراته

صفحه فارغه
11-10-2011, 05:05 AM
شكل اوكية بس تراه مزعج جدآ

انا جنط سيارتي 19 والله اتمنى انه 16

الراحة بتفرق معك كثير

فلسفة الموسيقار
11-10-2011, 09:23 AM
أمممممم
بالعكس البي أم ماتحبل طوالي<<<متعود على الافيوات تمسك فيها خط الظهريات وأنت راجع تسمع أنواع السوالف
الزفرت أقشر وطابخته الشموس ولو تركب ماتركب محبله محبله لكن في برجستون ولامشلان تععععمر بس غاليه شوي والسموتومو جيد وسعره معقووول
لكن نصيحه لاتركب عليها جنوط 20 على السيارة بتثقل عليها عاد هوبات البي أم ومشاكلها لاعوكست عوكست
الا أذا تبي تحطها فتره 3 أو 4 شهور ركبها لاكن مايحتاج تغير الكفرات يركب الجنط 20 على نفس مقاس كفرات الوكالة

والله يعطيك خيرها
ويجنبك شررررها

بانميرا
11-10-2011, 02:26 PM
صفحة فارغة
انت الجنط حقك اي شكل؟
وهل بي ام ولا سيارة ثانية

بانميرا
12-10-2011, 04:15 PM
جنطي بي ام مقاس 19 وارغب في تغييره الى 20 لكن متردد 

Mr. B u s y
13-10-2011, 02:15 AM
اخوي انا كان معي لومينا اس اس جنط 18 وكان التحبيل يذبحني والبلا والله ما هو فيه الجنط او الكفر البلا في الحفر اللي عندك هنا لان لو كنت مسرع وفجاه جاتك حفرة اكلتها بيحبل الكفر عندك .. وبصراحه كانو يقولون لي ترى بيتعبك ولازم تغيره وكنت امشي عليه فترة طويله ما احس بفرق :sm12:

الشي الثاني اللي يساعد على التحبيل ان الكفر يصير رياضي يعني ارتفاع الكفر قليل اللي هو رن فلات يعني ... وبصراحه لو ركبت كفرات عاديه عريضه زي نظام الجيوب وكذا يقلع ام السماجه بتبيخ شكل السيارة وبتضيع هيبة الجنط :sm12:

باختصار اللي يبغى الدح لا يقول اح :D الجنط مع الرن فلات مميزاته انه هيبه وشكل و و و .. لكن مساوؤه مع الحفر اللي هنا هي التحبيل .. ونوعا ما تحس السيارة قاسيه على المطبات.. عشان كذا يبغالك تتحمل pb189 وزي ما قلت لك ما دامك رغبان السيارة لا تفكر بالموضوع .. لان التحبيل ومن واقع تجربه ما رح يصير معك الا اذا اكلت حفره وانت مسرع .. وحتى بعد التحبيل ما كانت تتاثر السيارة ;)

سكسوكه مايله
16-10-2011, 08:47 PM
نصيحه أبعد عنها
أنا الوالد معه 2010 جنوط20
مشاكل الكفرات الى الليل
اول اسبوع حبل الكفر الأمامي وغيرته على الضمان
بعدها بفتره انفجر نفس الكفر اللي غيره وشريته على حسابي ب2700 ريال
وبعدها بفتره وهو رايح للدوام انفجرت الثنين الخلفيه
وللعلم السيارة ماشيه بس 20 الف

والحين السيارة بالو كاله لها شهر عندهم طبعا بعد الطقاق مع المدير انها مشكلتهم
وهم معترفين انه خلل مصنعي منهم
وحاليا مع الوالد بديل والسيارة للأسف بالو كاله ولا ردوا لي خبر

بانميرا
18-10-2011, 04:36 PM
طيب وش نوع الكفر اسم الشركة اللي مركب على سيارة الوالد

مترجم قوقل
19-10-2011, 09:15 AM
وشلونك باناميرا ..

شف .. انا كنت مركب جنوط 20 على بي ام 2009 الشكل الجديد ،، وماواجهت تحبيل الا مره وحده فقط لأني بصراحه كنت معتني بالسياره والمطبات احاول اتفاداها بشكل كبير .

نوع الكفر : Goodyear الالمانية .
وكيله : الراشد
موقعه : مخرج 15 .
مواعيد الدوام ( لأصحاب سيارات بي ام فقط ) : يوم الاحد والثلاثاء.

تبي نصيحه ،، رح للوكاله وخذ العلم من راسهم ،، لأن موديل 2010 اللي سمعت انهم عالجوا المشكله هذي وغيروا نوع الكفر .

ايه .. اهم شي اذا حبلت الكفرات عندك لاتمشي عليها واجد ورح غيرها على طول ، لأن اذا رحت للورشه بيكشفون على الكفر ، بيشوفون اذا انت ماشي عليها واجد وهي محبله معناتها انها سوء استخدام منك وبتدفع 3500 ،، اما لو شافوا انها توها صغيره بيغيرونها على حسابهم وماراح تدفع شي ،،، في النهايه خلك نشبه ولا ترضى بأي حل يخليك تدفع ولو نص ريال لأن هذا عيب من عند بي ام نفسها ...

آسف ع الاطاله .

بانميرا
19-10-2011, 03:30 PM
الله يعافيك
لكن انا رحت للوكالة وقالوا احنا من 2010 غيرنا الجنط الى 19 لاننا واجهنا مشاكل مع عملائنا ورحت للصيانة حقت بي ام وسألتهم عن المشكلة هذي وقال العيب في جود يير نفسه قال لو تركب بريلي ماعندك مشكلة ابداً
ورحت لمعرض سيارات فخمة وشفت كل السيارات اللي عنده جنطها 20 قات ليه تجيبون 20 وهو يحبل قال بريلي كويس مايحبل

فما ادري هل كلامهم صحيح

Mr. B u s y
19-10-2011, 04:17 PM
^
^

مضبوط .. كل نوع كفر له شركة متخصصه فيه ...

وبشكل عام بريلي اكثر شركة تلقى مرونه وليونه في كفراتها .. لكن يبغالك تدفع مبلغ وقدره pb071

واحد اعرفه معه بورش كايان غير طقم الكفرات ركب بريلي دفع 10 الاف ريال ...

اتوقع لجنط البي تلقى سعر الكفر في حدود 2000 ريال اقل اكثر شوي .. اذا ما عندك مشاكل بالمبلغ بريلي ولا تشاور ..

بانميرا
19-10-2011, 07:03 PM
البريلي رن فلات ب حول 2800 ريال

سكسوكه مايله
20-10-2011, 03:25 AM
البريلي رن فلات ب حول 2800 ريال



اللي مركبهم وحقت الوكاله قود يير

بانميرا
20-10-2011, 03:02 PM
انت مركب بريلي؟