PDA

عرض كامل الموضوع : دفتـر الأيـام


يعنني تتغلى
01-10-2011, 11:27 AM
تعودت دوماً أن أسرح بخيالي خارج نطاق الزمان والمكان . ولا أؤمن برزنامة التواريخ والايام ماعدا اليوم الأخر , وإذا مررتُ في يوم كئيب ترعد فيه عروق عيني وتمطر دموعاً لا أعرف سببها .! سرعان ما أجد نفسي في عزلة وأتحاشى الناس , وقد ساهمت الوحدة في خلق علاقة عشق بيني وبين غرفتي . ولذلك لا اريد أحد يرى قسمات الحزن التي ارتديها . أتنقل بين الأحداث المرسوخة بذاكرتي . وأفتح دفتر الايام وأقلّبه صفحه صحفه



صفحه الأحلام

هذه الصفحة تتكلم عن طفولتي البريئة . هذه الايام أرى أنها اجمل ايام حياتي . عشت هذه الايام بين الحلم واليقضة أتسأل كيف راح يكون مستقبلي في هذا الوطن .. كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم pb027 .. من ناحيتي كنت أقول مهيب مشكلة اهم شيء اخدم الوطن ..

ومن ذكريات هذا العمر كانت أمي – الله يطول بعمرها ويشفيها - تغسل الحوش وكل ما سألتها تسفهني الين ما طفيت البزبوز اللي كان بالحوش عشان ألفت نظرها وقلت : يمه متى أكبر .؟ ردت علي بعد ما توقف الماء من الضخ وقالت : كيف تبي تكبر وأنت ماتداني الحليب اشرب حليب عشان يقوى عضامك وتغدي طول الباب .. في بادي الأمر ما أقنعني كلامها الين حطيت راسي تحت البزبوز وقست المسافة من راسي الى البزبوز وقلت اجي بكره وبشوف إذا كبرت ولا لا .! ثم فتحت باب الشارع وجلست على عتبه الباب وأطلقت العنان لأفكاري مع نسيم الصباح . ورسمت صورة أمل . أبحث في مخيلتي لعلي أجد ما أبحث عنه . وأنظر الى أحد المارة أراه طويلاً وأسأل نفسي : متى أكبر وأصير مثله .!؟ فقطع حبل أفكاري صوت أمي وهي تقول : تعال عاونّي بدال ما تنغف بخشمك :Dpb189.!

راحت سنة وراحت معها الشبرين اللي كانت بين راسي والبزبوز وهذا أنا كبرت وكبرت معي أحلامي وطموحاتي وكان صدام حسين - رحمة الله عليه - له الفضل الكبير بعد الله في ايجاد مرادي الذي ابحث عنه .. وخصوصاً لما رجع الجيش السعودي والعسكر طالعين فوق الدبابات وبيدهم راية التوحيد pb189 وباليد الثانية مسوين بيس هههههه .. ومن بعد هذيك الحرب كنت أطمح أني أصير ضابط ومن قناعة خصوصاً لما اقراء كتاب التاريخ والفتوحات الاسلامية .. اقول بنفسي بيجي اليوم اللي أكون واحد من الجيل القادم وأن المستقبل أجمل بأذن الله وبيكون نقطة تحول بالنسبة لنا كمسلمين مانرضى المهانة لـ قبلت المسلمين الأولى وأخواننا في فلسطين وأفغانستان والعراق وكل بلاد المسلمين



صفحه الإستسلام

هذه الصفحة اللي ماكنت متوقعها صراحه . بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة:( .. تكسرت مجاديفي بصراحه ومن وقتها دخلت في عالم لونه اسود وبعدين مثلكم عارفين المراهقة وعمايلها .. خلتني أحس أني بالبيت أنا المظلوم وأنا الولد الذي حزين وأعاني من فراغ عاطفي خخخخ .. وصل فيني الحال لكتابة الشعر وكان عندي دفتر فيه بعض اشعاري اللي احتفظ فيها وأخبيه تحت فراشي وعشان أبتعد عن الشكة وما أبين لحد كنت كاتب في خانة المادة : جيولوجيا .. مع أن تخصصي شرعي خخخخخ :Dpb189
أصبح الوضع اكثر سوء بعد مادخلت عالم النت أسجل في منتديات ابو طقه وأقرى خواطر لحد ماطلعت معي هالأقصوصة
( تراني رحت بيت ابوي صدق عشان اصور هالبزبوز وتعيشون الجو معي :Dpb189 )
http://img32.imageshack.us/img32/5965/img0966fc.jpg

امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
التقطت هذه الصورة بعد حوار كان بيني وبين ذلك
الصنبور المصدء بأسلوب موروث قلت له : تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم .

لحظة أنتظار وأنا اراقب تلك القطرات التي تتساقط على قاع الدلو
حيث شّكلت نغمة حزينة أثارت شجوني .. سئمت الانتظار
وضعت راسي بمكان الدلو فأخذ الصنبور بـ " التفتفة "
على وجهي ولسان حاله يقول : كرمّني لو سمحت .. فأنا لست عبدالدينار

وخروا عني تراني حزين خخخخ :(


أخر الدفتر

أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع . ما قدرت اتحكم في عقلي اللي شاغلته الذكريات والوعود اللي قطعتها على نفسي .. سهران حتى أذن الفجر وقفت بالمسجد أسمع آيات رتلها الأمام , جاني شعور من زمان ماحسيت فيه . وكأني واقف بالمسجد بلحالي والأيات موجه لي . ما أعظم القرآن . نزلت دموع من عيني بس أبد ماكانت مثل الدموع اللي في مقدمة الموضوع .!

قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة pb189


أنتهاء

(( الناااايف ))
01-10-2011, 11:33 AM
.




يآآآآآآآآآآآآآآرباهـ ياربآآآآآآآآآآآآآآآآآهـ
قسمن يجي منكم يالعيارين
والله اني اقرى الموضوع واطالع الرتبه
لو هي مقلع وعيار بنمشيها لكن من كبار العيارين يعني ابد ماتترقع السالفه

وانا الي على بالي ماتحسون هالاحاسيس
وتعرفون تصفون الكلام اثاريكم طلعتو تحسون ومثلنا
يعني انتو بشر pb036
ولا الخااطره ربااااااااااااااااااه ياشيخ على هالخاطره
قسم اني رحت ملح معاها
هههههههههههههههههههههههههههههههههه


لا وااللي زاد من دهشتي العنوان
هالعنوان مستحيل يجي الا من كاتب كبير واديب مرموق

دفتر الايااااام
pb189
مع اني احسك ودك تكتب دفتر ابو اربعين لكن الكلام خانك
<<< سوري يامشرفين قهوتنا
بس توي اشوف الفعاليه الي بمنتى العيارين وانقهرت من شروط الرتبه
وعااد اتوقع ان هذا اول هجوم على قهوتنا
وحبيت اتصدى لهم بكل شراسـه :D


ومن ذكريات هذا العمر كانت أمي – الله يطول بعمرها ويشفيها - تغسل الحوش وكل ما سألتها تسفهني الين ما طفيت البزبوز اللي كان بالحوش عشان ألفت نظرها وقلت : يمه متى أكبر .؟ ردت علي بعد ما توقف الماء من الضخ وقالت : كيف تبي تكبر وأنت ماتداني الحليب اشرب حليب عشان يقوى عضامك وتغدي طول الباب ..

الله يطول بعمر امك ويرزقها بالولد الصالح :D
تدري سالفة امك مع الحليب

ذكرتني بسالفة واحد من العيال اسمر شوي يعني السمار العادي
واخوانه بيض كنهم مصااريه
المهم هالادمي مدمن ببسي يعني ادماان غير طبيعي
وعااد امه اقلقته خلك من هالببسي وخلك منه لعب في كلاويك ولعب بعظاامك

المهم مره من المرات هالولد جالس مع امه وحب يفضفض
وقال يمه :( ممكن سؤال ؟
الحين ليش جايبتني اسمر واخواني بيض وش هالظلم ؟ وش هالظلم :( !!!
اعترفي يمه وش مسويه بحيااتك << خربها الخبل pb036
طالعته امه بنص عين وقالت والله ياولدي انك ابيض تلق لق من يومك صغير
لكن هالبيبسي هو الي قلب لونك
لو تخليه ترجع ابيض هههههههههههه .



تدري عاد خلك من الكلام الي فوق
موضوعك والله العظيم ولا أأروع
لكن العيب الوحيد فيه انه منقول << يتبلى عليه pb036
لانه مر علي باغنيه من الاغااني

ومن اليوم وانا احوس بمخي وش هالاغنيه الي انت ناقل منها الموضوع
اثاريها اغنية المصري اللي يقول فيها :

كتاب حياتي ياعين ماشفتو زيو كتاب
................... الفرح فيه سطرين والبااقي كله عذاااااب

دمت بود ايها العيار ومنور قهوتناا
وعسى الله يوفقك ويفتحهاا في وجهك

bp039pb189
.

حُكآإْيةَُ جرُِحَ
01-10-2011, 12:11 PM
من كبار العيارين

يَ آللهَ عيآإرِ وبَ آلقهوِه وموضوِع بعيد عن آلعيآرِة !

نشوف نشوف آللي بعدوِ


هذه الصفحة اللي ماكنت متوقعها صراحه . بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة ..

عآإْد جيت عآلجرِحَ .. وِآلله هآلوآسطة تنخرِ ب آلمجتمع وبلآوِيهآ كثيرِة
طبعآ آخوِيَ متخرِج من آلثآنوية وللحين مآدخل آي مكآإْن !

نقدرِ تقوِل هآلشيء يعآني منه كل آلمجتمع آلسعودي
ولآبآرِك آلله ب آللي كآن آلسبب

...



قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة




هنآإْ آنآإْ آحييييييييييك وآرفع لك عقآليَ ...

بجد حآجة ب آلصميم

يعني يوم آلوآحد يقبل على آلله آلله بيكون معآه .. وب آلقرآن رآحة صدرِ موِ طبيعية تنقلك من آلحزِن للفرح وآلرآحة آلنفسية وآلشعور ب آلآنتعآش

جد هآلشيء آنآ كنت مجربة وعآيشت آللحظآت آللي زي كذآ

مآ آقدر آقول آلآ آلله لآيجعلنآ من آللي نسوِه ف نسآهمَ ..~


آبدعت ي صديقي وآلله , وآلله لآيحرمنآ من طلتك آلحلوِة ذي *

أبو دانه
01-10-2011, 12:22 PM
.
.




تصدق عاد .. يبو غلا ..
و الله انك كاسرن خاطري بهالموضوع ..
و ان اللي كنت ناوي اخذك معي للجهاد :D ..

لكن ماش احس قلبك حنيّن .. و كذا ما يخارج pb192 ..

اجل انا تقول عني :



عبوس وحوجابك متجمعه حول بعضها ومسوية زحمه في وجهك والجبهه فاضيه خخخخ






حطمتني ياخي :D ..


----------------------------


نجي لموضوعك يا بعدي /

كلماتك نابعه من شخص من وجهة نظري ذاق مرارة الحياة و مابعد شاف شي ..
اعرف شعورك لأني مريت بمثل تجربتك .. تبني امال و طموح .. و فجأة تلقى التيار يسير عكس اتجاهـ رغباتك ..

القرآن .. ربيع القلوب ..

تلقـى فيه كل ما يريح الخاطر ..

و المهم دائما ان لاتيأس .. و علومك غانمه بحول الله ..



دمت بكل خيــر يالعيّاري , , ,

بقايا احتراق
01-10-2011, 12:31 PM
محقوز <<بجيب مسدسي واجيي
وينهم البطانه وينهم بطخطخهم كل ابوهم:D
<استريحي بس


ولا أؤمن برزنامة التواريخ والايام ماعدا اليوم الأخر ,

pb189




صفحه الأحلام

كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم pb027 .. من ناحيتي كنت أقول مهيب مشكلة اهم شيء اخدم الوطن ..
الوطن ن ن ن .. طن طررن ..:D
أحس الناس تطورت صار الأب يبي ولده لاعب والأم تبيه مقدم برنامج << تكلمي عن نفسك يرحم اومك:D








http://img32.imageshack.us/img32/5965/img0966fc.jpg

امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
التقطت هذه الصورة بعد حوار كان بيني وبين ذلك
الصنبور المصدء بأسلوب موروث قلت له : تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم .

لحظة أنتظار وأنا اراقب تلك القطرات التي تتساقط على قاع الدلو
حيث شّكلت نغمة حزينة أثارت شجوني .. سئمت الانتظار
وضعت راسي بمكان الدلو فأخذ الصنبور بـ " التفتفة "
على وجهي ولسان حاله يقول : كرمّني لو سمحت .. فأنا لست عبدالدينار

مبدعـ pb036
عز الله نفضتوا القهوه باللي فيها ي العيارين اذا هذا أسلوبكم <<ناويه تشجعهم :D



وخروا عني تراني حزين خخخخ

طيب لا تصيحpb036




قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

pb189


ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة pb189

الله يوفقك .. جزاك الله خير وجعل هالموضوع بميزان حسناتك ..

قلم مبدعـ .. و مايرقى فوق هالرتبه الا المبدعين شرواك ..

BLOOMINA
01-10-2011, 12:49 PM
<< بدت فعالية السفراء :confused:

وأنظر الى أحد المارة أراه طويلاً وأسأل نفسي : متى أكبر وأصير مثله .!؟
واكيد الحين تقول ياريتني ماكبرت :(

تكسرت مجاديفي بصراحه ومن وقتها دخلت في عالم لونه اسود
إيمو؟ :D

الخواطر خطيرررره ههههههههههههههههههههههههههههه pb027
<< لاعاد تفكر تكتب خواطر pb093

أخر الدفتر
الحمد لله عرفت وين تلقى راحتك pb189

يعنني تتغلى
عوافي وبالتوفيق اذا فعلا الفعاليه بدت bp039pb036

يعنني تتغلى
01-10-2011, 01:08 PM
يامساء القرنفل bp039
ي أعزائي اللي فوق منورين المكان وربي
أتحفتوني بالردود بصراحه .. اقسم بالله بعد ما أشوف ردودكم ودعواتكم
أتحسف وأقول والله أنكم تستاهلون مواضيع ارقى من كيذا pb189

* *

أخي العزيز والصديق الجديد شوزن المتعجرف pb189
افاا لا يكون غيرت نظرتك فيني .. لا لا تسوء الظن .. فأن بعض الظن اثم وكاتبين عنه هنا موضوعين ياليت تطلع عليها عشان ماتتبلاني هههههه :Dpb189 .. أوكي أنا ما راح أيئس بس أنت لا تخليني وإذا رحت الجهاد .. أنا اتمنى الجهاد بأحر من الجمر .. ولعيونك بخربها وأحلى برايفت ياوطن :

أنا ما أبي فلوس ولا وظيفة .. ما أبغى متاع الدنيا وزينتها .. أنا ابي حاجة وحده بس .. أبي الأخرة
وحتى بهذي صكيت بوجهنا الباب .. واذا تكلمنا قلت هذا إرهاااب ( من الغبنة بديت اقول سجع :( ) طيب واللي تسويه امريكا
بأفغانستان والعراق .. وش شعورك ياوطن لو تشوف خريطة العرب مكتوب اسرائيل بدل فلسطين وتشوف مخططاتهم
حيث أنهم قدروا يفرقوا السودان الى دولتين هذا كله مهوب أرهاب .!؟ وش شعورك يوم تسمع سوريا تناديك
نبغى الجهاد .. نعم الجهاد ياوطن .. الوضع أصبح لايطاق
تذّكر ياوطن قوله صلى الله عليه وسلم : ( من أُذل عنده مؤمن فلم ينصره وهو قادر على أن ينصره أذله الله عز وجل
على رؤوس الخلائق يوم القيامة )
هذا إذا عندك ضمير وتسمعني .. وإذا ما كنت تسمعني .. ماراح ازعل .! لان الضمير اللي ترجع له كلمة الوطن عودني أنه ما يسمع

المضيوم
01-10-2011, 01:30 PM
خل الموضوع على جنب ..
تصدق ضاق صدري يوم شفت مواضيعكم في القهوه ..
حسيت إن العيارين جاه غزو وإن حنا تشردنا وكل واحد زابن له في منتدى pb093
كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم
أما ضابط فهي زينة من ناحية إنك تبي تقعد تنفخ على هالعساكر الضعوف وتنفش ريشك ،، تلقاك يومك صغير وأنت مسخرة الحي وماعندهم شغل إلا يفرشونك ويذلونك همن يوم علقت هالذهبية صرت تنفخ عليهم وود وجب ،، pb093;)
تاجر عقار ،، هي فيها دراهم وخيور ،، لكن بلا أبوك إن في بعض الأحيان يبي لك تخلي الأمانه على جنب وتزود الشارع مترين ،، وتشوت فلان من السعي ،، وتقول إنها مسيومة بـ كذا وهي ماتسوى فص بصله ;)
أما إمام الحرام بارك الله فيك ،، فأول ماهنا تبطي وشف وش أنت متعشي وإلا هذي حلوم(ن) مايحلمها عاقل pb095
وترى فيها رزق وأجر ،، فيه واحد من الربع يقول ظنكم لو أبعرض على إمام الحرم وظيفة في البلدية ـ قسم الأراضي ـ ويعطيني وظيفته يوافق ؟ pb027;)

راحت سنة وراحت معها الشبرين اللي كانت بين راسي والبزبوز وهذا أنا كبرت وكبرت معي أحلامي وطموحاتي وكان صدام حسين - رحمة الله عليه - له الفضل الكبير بعد الله في ايجاد مرادي الذي ابحث عنه .. وخصوصاً لما رجع الجيش السعودي والعسكر طالعين فوق الدبابات وبيدهم راية التوحيد وباليد الثانية مسوين بيس هههههه
أنت ذكرتني بواحدن في الديرة منول ،، كان وش ملحه وذكي بسم الله عليه وماودك إلا تناظره pb192 وكان أكبر همه متى يكبر ويصير رجال ،، يعني متى يطلع شعر في وجهه لإن وضعه مايحتمل في هاك الوقت ;)
الشاهد إن العيال ( شلة عيارين ) شافوه كل جمعه يروح لم مكان في طرف الديرة 5 دقايق ويرجع مسفهل ومبسوط ،، قالوا ذا وش عنده نبي نلحقه نشوف وش في راسه ..
إثره الضعيف حاطن له سعفه ومثبتها في الجدار ويجي يقيس نفسه عندها ،، يشوف هو طال وإلا لا pb027
قاموا هالعيارين هاك اليوم ونزلوا السعفة شوي ،، يوم راح الوليد وجا وإلا الوجه متغير وخانقته العبره ،، وش فيك يا ابراهيم ،، قال مدري وش أوجس ،، قصرت هالإسبوع ،، الظاهر من يوم ما ماتت بقرتنا ،، وش أبسوي هالحين .. :( وقام يبتسي الضعيف .. قلت له لاعاد تروش ،، ترى الواحد لامن جا جسمه الماء يقصر وخصوصا لا صار الماء بارد ،،
الشاهد إنه تأثر بالوصيه وصاروا يسمونه ( الفطيسه ) من خياسن فيه pb095


الله يشفي أميمك ويطول في عميرها على الطاعة ،، وأشوى إنك مادخلت عسكريه ،، لإني أرى إن بعضهم رواتبهم فيها شك ،، 24 ساعة تبطح وتسدح وشيشة وهو نقيب ومدير إدارة بعد pb093
موضوع رايق يابعدي والظاهر كل شهرين يبي من يتلك وينطلك في القهوه كود تضيق صدورنا بمثل هالموضوع همن تعود للعيارين pb027bp039

يالبى قليبك pb189 وإركد لاترد على الناس بسرعه ،، تراك سفير ،، شف نفسك شوي وإسحب على العالمين ورد عقب اسبوع وخل ردك في موقه وشوفة نفس ،، هو يحصل لك قبل تصير سفير pb095

*AMOOOL*
01-10-2011, 01:52 PM
وانت الصادق تشوف سنة سوريا وسنة العراق والفلسطينين وش يصير فيهم!!
تحس بغصه واحتراق
مسلمين اخواننا يمثل بجثثهم ويموتون تنكيلاً وتهتك اعراضهم
ومالبيدين حيله مالنا الأالدعاء pb189

سـاشـا
01-10-2011, 02:04 PM
بداية الموضوع كنت مصدومة والله ماشاء الله عليك ..يجي منك ..pb024


الواحد منا يتمنى يكبر عبالنا أول إن الكبار مبسوطين وعندهم استقلالية بقرارتهم يعني هم أحرار مادرينا إن حريتهم هاذي لها ضريبة :(

تحطم الأحلام هذا من مامر فية ..؟..كبرنا وإنصدمنا بالواقع ..

بس لسى باقي الأمل والله يعوضنا خير pb189

الجندي الأصلع
01-10-2011, 02:31 PM
يا هلا والله بـ يعنني تتغلى
والله ودي أقول أنك فاتحة خير وموضوعك حبة البركة pb189
لكن خبري وجهك ما يجيب غير الشر والمصايب :d


أوكي أنا ما راح أيئس بس أنت لا تخليني وإذا رحت الجهاد .. أنا اتمنى الجهاد بأحر من الجمر .. ولعيونك بخربها وأحلى برايفت ياوطن

على طاري الجهاد فأحب أقول لك أن المجاهدين الي أرسلتهم الحكومه في زمن الملك فهد للجهاد في أفغانستان بعضهم رجعوا الحين بعهد الملك عبدالله وقفطتهم الحكومه وأدخلتهم السجن بتهمة الإرهاب
ويوم طلع الشيخ يوسف الأحمد وطالب بالإفراج عنهم غيبوا شمسه

وكانك تحب الإستزاده من الجهاد
إقرأ عن أحداث قلعه جانجي
سطر المجاهدين فيها رائعة من روائع الجهاد والتضحيه بالنفس قبل 10 سنين pb189

http://www.al-asra.com/f12/p12_4.htm


Smile you are in Saudi Arabia
This era of cowards

نوف عبدالرحمن
01-10-2011, 02:40 PM
:sm5:
كمية ابداع وروقان هنا pb189

كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم
امهاتنا يسمعون بتفآءلو بالخير تجدوه pb095
كل بزارينا يقالهم يعلك تصير امام بالحرم :sm5:
وهو جالس يطالع نكلودين ولا يدري وشهو الحرم :D pb093

بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة
تبا وسحقا pb093 :sm1:
وربي حرام يعني احسك طموح :(
تجي الواسطات تهدم كل شي :(
الله يعينك ويرزقك من حيث لا تحتسب ياررب pb189

قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 )

صدق الله العظيم pb189pb189pb189

صفحه الأحلام
صفحه الاستسلام
آخر الدفتر

بدايات قد تكون مؤلمة ولكن النهاية جميلة >>>

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة


pb189 ~

ربي يوفقك bp039 pb189

pixy
01-10-2011, 02:41 PM
ماشاء الله عليك pb189
خل الموضوع كله على جنب لأن الصمت في حرم الجمال جمال pb189pb189

وركز على الصورة:

http://img32.imageshack.us/img32/5965/img0966fc.jpg

أهم شيء الـX وفوقها الهلال هههههههههههههههههه pb189

الله يعطيك العافيه pb189

قصيمية
01-10-2011, 07:47 PM
أنت تريد وأنا أريد .. والله يفعل مايريد..
سبحانه لو رضينا بما كتب لنا لكنا أسعد الناس

صمـت البراطم
01-10-2011, 08:18 PM
هذا تبع الفعاليه pb036 الله مير يعافيها الي خلتنا نشوف هالابداع :D
والله شي جميل بالنسبه ان الي كاتبه عيار :rolleyes:bp039 < ماتحسون سفلنا فيكم :D
..
تعودت دوماً أن أسرح بخيالي خارج نطاق الزمان والمكان .
وياحلوها من عاده خصوصا لا صار الواقع يالله حسن الخاتمه :(pb189
صفحه الأحلام
اشتهيت اسوي هالصفحه بس اخاف املها همين اتحطم :( ولا يتحقق شي منها ابدا :D

شفني عديت صفحه الاستسلام عشاني ماحب هالكلمه تحسني بالخساره والمهانه pb093< لا يكثر :confused:
أخر الدفتر
وياحلوها من نهايه bp039
انا اريد وانت تريد والله يفعل مايريد ,, فعشان كيذا دائما يقولون خلو املكم بالله قويّ وحسن ظنكم بالله دائم :rolleyes:pb189


يعنني تتغلى شكرا الله يعطيك العافيه bp039

May00
01-10-2011, 08:35 PM
تصدق كلماتك بسيطة وصورك أبسط لكن تنتشل مواقف كثيرة عميقةة جدآآ !

ذكرتني يوم قلت عن الآيةة اللي سمعتها بالمسجد ..

أناتقريبا مثلك صار لي موقف وبعدها سمعت اية وكتبت علطول فيها خاطرة <<- عاد شسمة تطلع كل ابو المحاسيس // رآحت تدور فيس تغورق عويناته ومير هي اللي ماتلقى وترجع <<-آوت


#لاشيء #

في هذه الحياة ...
" يجعلني أكثرقوة وصلابة"
سوى قولة عز وجل وإذا سألك عبادي عني فإني قريب أجيب دعوة الداع إذا دعان )..
-هنا فقط تستكين روحي .. فنتهمر دموعي بلا توقف {لأن} قوله حق ووعده حق ..!
_ سائلة المولى أن تنغمر ذرات قلبي بحسن الظن به وأن أتلذذ بيقين الإجابة .!

$ اللهم أذق قلوبنا حلاوة الإيمان $

بقلمي : مي pb094

M r . S a a D
08-10-2011, 03:07 PM
نرفع لكم الموضوع من جديد
حي الله سفير العيارين يعنني يتغلى خخ < مع نفسك خخخ

مثبت

مارد الفانوس
08-10-2011, 10:28 PM
يآهلا ومرحبآ بكبير العيارين يآهلا ومسهلآآ :d

يه يا ايام الطفوله يوم كان اكبر احلامنا نكبر :(
والحين احلا ذكرياتنا طفولتنآ

صراحه حسيت بالحزن لانك ذكرتني بمشاعر المراهقه :(
يالهي كنت احس شعور غريب تجاه اهلي مدري وشو :d لكن الحمدلله مراهقتي بس سنه ماطولت هههههه

صدق الله العظيم
بعد ماقريت الايه حزنت لاني من ما اقرا قرآن كثير
وفيني هالفتره ضيقة صدر وكأآبه بسبب ضغط الجامعه وهالمشاكل والحوسه
ومافكرت اني لو قريت قرآن ربي بيسهل علي وييسر أموري
الله يجزآك خير

الله يبآرك بالعيارين اللي جابت مثلك :d
والله يخلي لك الوالده ويسعدك وتصير احسن من الظباط ^_*

!نونه!
08-10-2011, 10:44 PM
يالله حيه bp039

متى أكبر وأصير مثله .!؟ فقطع حبل أفكاري صوت أمي وهي تقول : تعال عاونّي بدال ما تنغف بخشمك :Dpb189.! ههههههههههههههههههههههههههههههههههه لالا موش ممكن ههههههههههههههههههههههه pb027pb027

كسرت مجاديفي بصراحه ومن وقتها دخلت في عالم لونه اسود وبعدين مثلكم عارفين المراهقة وعمايلها .. خلتني أحس أني بالبيت أنا المظلوم وأنا الولد الذي حزين وأعاني من فراغ عاطفي خخخخ من جد المراهقه شينه هههههههههههههههههههههه pb027

http://img32.imageshack.us/img32/5965/img0966fc.jpg

ياحياتي على الرسم والنصر ليه اكس هااه pb027

. سهران حتى أذن الفجر وقفت بالمسجد أسمع آيات رتلها الأمام , جاني شعور من زمان ماحسيت فيه . وكأني واقف بالمسجد بلحالي والأيات موجه لي . ما أعظم القرآن . نزلت دموع من عيني بس أبد ماكانت مثل الدموع اللي في مقدمة الموضوع .!
من جد اذا تاملت القران واياته ترتاح نفسيا وربي pb189
الابذكر الله تطمئن القلوب

موضوعك بطل الله يعطيك العافيه bp039

رسـام داشـر
08-10-2011, 11:19 PM
ههههههههههههههههههههههههههههههههـ
يعنني ؟ لا يا شيخ انقلع اقول
ورن وجهك ؟ لا لا والله مهوب أنت :D
والله وصرنا ذوق ؟ والله وصرنا رومنتك يالزلابه ههههههههههـ
لا بس الصراحه طلعت منتب هين يالسلتوح :D
دفتر ذكريات ومدري وشو .. يا عمي طير بس انت دفتر ذكرياتك أبو ميه 99 صفحه بهالشوارع وملاحق البساسه والتزحلق على ركبك :D
وصفحه هي صفحة الولاده لا وبعد متأكد انها مليانه فضايح ههههههههههـ

تعال نتمشى بموضوع pb189

صفحه الأحلام هالصفحه شايلها من راسي بصراحه
وأتمنى كل مواطن سعودي ذكر يشيلها ... في بلادي الأحلام ممنوعه ومالك الا الواقع
أجل انا بحلم إني أسكن بيت ملك وحياة مستقره ... بس صدقني بالاخير بيشاركني الحلم الفريان ويخرب كل حلمي :D
بالسعوديه الأحلام منتهيه بالتبخر ... ومالك الا الواقع
إذا حلمت ببيت ملك .. قطع حلمك راعي الشقه الإيجار وقال وين الإيجار يالحبيب
وإن حلمت بوظيفه مرموقه ومثل دول الخليج الباقيات ... قطع حلمك مديرك وقال انه مخصوم عليك 30% .. فا عشان كذا حاول انك تعيش الواقع أفضل bp039
حتى اذا قلت بس بحلم وبنبسط .. قطع حلمك رجل الوالد وهي متعمقه بإفمك وهو يقول قم يالسرمادي لا صلاة ولا عباده وتشوف الساعه 5العصر ... أي صلاة الله يرحملي والديك :D

يعنني والله شهادة حق ... قلمك مبدع bp039

’تـَرفَـهْ،
09-10-2011, 12:33 AM
مــسآئكَ عِزهَ



صفحه الأحلام في العالم الغربي (العالم يعني شيء لايخصنا البته )، الطفــل منذ أول سنه دراسيه يسألونه ماذا تريد أن تصبح عندمــآ تكبر ؟
ماذا تريد أن تصبح عندما تكــبر ؟
قـد نُسأل ولكــن الفرق أنهم يدعمونه ونحن يعدمونه

يمه متى أكبر .؟ أول ماطرى لي سالفه ولد خالي ( طبعا همّ يشرف) ، سؤال تحفز عنده ،فـ أقصى طموحه وشغله الشآغـل يكون عنده موبآيل /عمره أقـل من عشرpb036 .
قالت له أمه : لا
قال : ليش أخوي حمد عنده وأنا لا / قالت له: أخوك كبير أنت لما يطلع لك شنب مثله بشتري لك .(بوز بأساً لشنب أعلى شأنه علي )
تعب كل يوم يقوم من النوم ويطالع المنظره ، يشوف طلع له شنب ولا ما طلع ؟! أثآٍري الشنب ماأّيك بالهين . كبر حلمه مع كل اشراقه صبح :D
حتى قام يوم وأخذ اليأس مأخذه وطالع المنظره , ولكن انصدمممم
شآف عليه شنب أطلق من شنب أخوه راح يلهث لأمه :لحقي يآيمه طلع لي شنب طلع لي شنب . قالت له أمه وعيونها تبرق فرحا بهذا الرجل : أبشر والله .
وأخذ ينآقز فرحا ويركض عشان يبشر عيال الحاره ، ما يدري يكشخ عليهم بشنب ولا بالموبايل
وخلفه تركض اخته / شنبك ياثور طاح .

*طلع أخوه حمد *تختر(يعني يمشي الهوينا ههه) بليل ولزق له شنب لعله يفرح قلب اخوه المُنهك وأحلامه التي قاربت الذبول :D



صفحه الإستسلام

هذه الصفحة اللي ماكنت متوقعها صراحه . بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة:( ..
يجب أن تُدبس شهاده واسطه مع شهاده الثانويه وإلا يسقط فيها !!

تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
الله رقيبهم

تذكرت كلام لشيخ محمد بن راشد في كتابه رؤيتي
[هذا التشتت العربي الدائم غير طبيعي.. فالطبيعي أن نكون كتلة واحدة لكن لن نستطيع تحقيق هذا الهدف إذا ظلت الصغائر تتصدر الكبائر وإذا ظل السلبي يتقدم الإيجابي، وأزمة العرب اليوم ليست أزمة مال أو رجال أو أخلاق أو أرض أو موارد فكل هذا موجود والحمد لله ومعه السوق الاستهلاكية الكبيرة وإنما أزمة قيادة وأزمة إدارة وأزمة أنانية مستحكمة، نَعَم إنها الأزمة الطبيعية التي يفرزها إعلاء حب كراسي الحكم على حب الشعب وتقديم مصلحة الفرد ومصيره على مصير الوطن ومصلحته ووضع مصالح الجماعات والشلل المحيطة بالقائد فوق مصالح الناس، إنها تسخير الشعب لخدمة الحكومة بدلا من الوضع الطبيعي المعاكس. ]




يعنني تتغلى
توآجــد مُميز وفآخر تعدى الرقـي كـ كلمه
قـلم فـذّ وحرفكَ شجي
bp039

فرج تحت الدرج
09-10-2011, 11:52 AM
^
^
^
سبب التعديل غمض عيونك طاح حرف .. شلون لو طايحه غطوتك اجلpb192



اخس اخس يابو غلا والله وصرنا نعرف نتكلم وندبج الحروف ونصفصفها مثل صف الفسيفساء في قصور بني العباس:D .. موضوع خفيف وفخم بنفس الوقت يابو غلا وفخامته تناسب الصورة اللي راز عمرك فيها بلا بشكلك صاير كنك موظف مبيعات في دبنهامز هههههpb027



ابي اسأل سؤال جذري وجوهري نوعاً ما .. ليه الاباء والامهات طموحاتهم في عيالهم تتشابه
انت ابوك يبيك ضابط في الجيش وانا ابوي يبيني مهندس في ارامكو وللاسف ماطلعت لاضابط جيش ولا ضابط ايقاع ولا مهندس في ارامكو!

والوالده كانت تتحلم في الليل وفي احلام اليقظة بعد انها تشوفني متخرج من كلية الشريعة واصير امام وخطيب الحرمين مهوب حرم واحد من زود الطمع هههههه بينما الواقع صدمها بتخرجي من كلية الجبيل وبدال امامه الحرم صرت امام شلتي الصايعة ودليلهم اللي مايضيع ولا يضيعهم في عالم وغياهب الدشرة والمجونpb192 .. الكلام ذا قبل الزواج طبعاً << تحس انه يرقع مايمكن ارقاعه!

الحمد لله حياتي مافيها دفتر .. مجرد اوراق مبعثرة هنا وهناك
واذا فيه دفتر فهو دفتر ورق شام ههههههههه pb192


تحياتي لك ولاتنسى تكوي الكرفته بعد هالموضوعbp039

مكتملة
09-10-2011, 12:47 PM
أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع . ما قدرت اتحكم في عقلي اللي شاغلته الذكريات والوعود اللي قطعتها على نفسي ..

^
كلماتك هنا بالصميم pb189

خمس سنوات ياصبرك pb093.. انا سنه عاطلة وقربت لحافة الجنون وجتني وظيفة خلتني اشتاق للعطاله pb093
للاسف نسمع بالوظائف وبالفرص الوظيفيه ولانشوف شي pb093


لكل حرف bp039

رمش فراشه
09-10-2011, 04:26 PM
تعودت دوماً أن أسرح بخيالي خارج نطاق الزمان والمكان

من شفت المدخل و انا عارفه ان الموضوع من العيار الثقيل pb036 >> ما خاب ظني طلع الموضوع يعنني أطخم :D

صفحه الأحلام
يا خي انت قنوع انا احلامي مذكره كامله pb094 >> جاري تحقيق الاحلام pb036

كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم
خخخخ كل الاهالي نفس الامنيه فيه سر و حنا ما ندري بس ما تلاحظ ان حلم الاباء مادي ;) ( يحبون القرش :D) و حلم الامهات ديني pb036 >> وه ما يبن الا الاخره :sm1:

صفحه الإستسلام

بهالصفحه ما عندي تعليق بس ما اقول الا حسبي الله و نعم الوكيل ع فيتامين واو :sm1:

أخر الدفتر
أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع . ما قدرت اتحكم في عقلي اللي شاغلته الذكريات والوعود اللي قطعتها على نفسي .. سهران حتى أذن الفجر وقفت بالمسجد أسمع آيات رتلها الأمام , جاني شعور من زمان ماحسيت فيه . وكأني واقف بالمسجد بلحالي والأيات موجه لي . ما أعظم القرآن . نزلت دموع من عيني بس أبد ماكانت مثل الدموع اللي في مقدمة الموضوع .!

قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة

و الله لو ما يجي من هالموضوع الا هالمقطع يكفينا و زياده :sm1:
( الا بذكر الله تطمئن القلوب ) صدق الله العظيم

يعنني ابدعت و بقوة :eek:
يعني لازم يكون فيه فعاليه و نتف و تسذا عشان نكتشف مواهبكم يالعيارين :D
سفراء العيارين الى الامام لا رجوع :sm12:>> تفكر تشجعهم pb034

إنْكسَآرة شَجَنْ
10-10-2011, 12:19 AM
:سرعان ما أجد نفسي في عزلة وأتحاشى الناس , وقد ساهمت الوحدة في خلق علاقة عشق بيني وبين غرفتي . الله ماأجمــل تلك الكلمات bp039pb189( يطلع منكم يالعيارين :D
: يمه متى أكبر .؟
اكثر سؤال نقووولة وحنا بزاااااارين pb036:D
ومن وقتها دخلت في عالم لونه اسود وبعدين مثلكم عارفين المراهقة وعمايلها .. خلتني أحس أني بالبيت أنا المظلوم وأنا الولد الذي حزين وأعاني من فراغ عاطفي خخخخ ..
:sm1::sm1::(

أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع .
وشسمة موضوعك فيه احسساس :sm1:


قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]
وبشر المؤمنين bp039pb189

ياجمــــال موضوووووعك ياعيـــار انت .... :D
الله يعطيك العافية ... bp039
وحياك الله بقهوتنا العزيزة pb189pb189

NOURAH A
10-10-2011, 12:34 AM
كبير كبير ي عيار ي كبيرpb027

انت كذا تعطيني ايحاء اني بتصقع بالحياه لين اقول بس:confused:

كل مره اسال متى اكبر:D لكن منذو فتره وانا اردد متى اصغر:eek:

من بعد ماخطيت اول خطوه بالجامعه وحاسه اني بتوهق:sm1:

اجل خمس سنين خمسه وخميسه :sm1:لاشغل ولامشغله:sm1: رقاد وسهر pb093

هي كذا الحياه الواو الذي يقسم ظهر البعيرpb024 ان لم يكن في جيبك فسوف pb036 فسوفpb036 تبحث عن مكان اخر يعولكpb027

لكن نهايتك سعيدهpb027 ي سعيد انتا ي طاير بالعلاليpb027
جميل جدااا ذكر الايهpb189
يعطيك الف عافيهpb189

آي فونآ
10-10-2011, 12:38 AM
دفتر الايام

العنوان حسسسيته مسلسل كويتي :D


.. كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم pb027 ..

ههههههههههههههههه
موب بس انت كلنا محتارين ايم الطفوله العبو بعقولنا
ام تقول لاكبرتي ابي اشوفك عروس وابوي يقول ابيك تساعدين امك بالبيت :D
فكنت محتآره صراحههه خخ امحق طموح pb027




المراهقة وعمايلها .. خلتني أحس أني بالبيت أنا المظلوم وأنا الولد الذي حزين وأعاني من فراغ عاطفي خخخخ .

فترة المراهقه خطره جدآ صراحه .. وهو انه سبحان الله يصير الشخص
حساس وكريه وثقيل دم وكل شي يبيه ويحس نفسه مضلوم دايم ياكره الشعور :(
على الشخص وعلى الي حوله :(
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
يالله بس صار السطل انفع منككك :D


آنآ اتوقع ايامي ماتتجمع بدفتر يبيلها كراسسه يالله
موضوع ججميل ومعبر مع انه مدري وين المشكله بضبط .. :D

bp039

[/SIZE][/CENTER][/QUOTE]

رآنيـا
10-10-2011, 02:20 AM
تعودت دوماً أن أسرح بخيالي خارج نطاق الزمان والمكان . ولا أؤمن برزنامة التواريخ والايام ماعدا اليوم الأخر , وإذا مررتُ في يوم كئيب ترعد فيه عروق عيني وتمطر دموعاً لا أعرف سببها .! سرعان ما أجد نفسي في عزلة وأتحاشى الناس , وقد ساهمت الوحدة في خلق علاقة عشق بيني وبين غرفتي . ولذلك لا اريد أحد يرى قسمات الحزن التي ارتديها . أتنقل بين الأحداث المرسوخة بذاكرتي . وأفتح دفتر الايام وأقلّبه صفحه صحفه
حرام عليك كل هالكلام ودافن عمرك عند العيارينpb093
يعني بالله عليك لو ماصارت هالفعاليه ماعرفناك

صفحه الأحلام

هذه الصفحة تتكلم عن طفولتي البريئة . هذه الايام أرى أنها اجمل ايام حياتي . عشت هذه الايام بين الحلم واليقضة أتسأل كيف راح يكون مستقبلي في هذا الوطن .. كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم .. من ناحيتي كنت أقول مهيب مشكلة اهم شيء اخدم الوطن ..

والله أمنية أمك حلووووة .. الله يخليها لكpb189

ومن بعد هذيك الحرب كنت أطمح أني أصير ضابط ومن قناعة خصوصاً لما اقراء كتاب التاريخ والفتوحات الاسلامية .. اقول بنفسي بيجي اليوم اللي أكون واحد من الجيل القادم وأن المستقبل أجمل بأذن الله وبيكون نقطة تحول بالنسبة لنا كمسلمين مانرضى المهانة لـ قبلت المسلمين الأولى وأخواننا في فلسطين وأفغانستان والعراق وكل بلاد المسلمين
أخواننا في سوريا يُقتلون والعرب المسلمين على الصامتpb093
كأنه الوضع معجبهم .. حتى شجب واستنكر ماصرنا نسمعها بأخبار القناة الأولى
ماأقول الله ينصر الأسلام والمسلمين pb189

ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم .
أصبت في التشبية أيها العياريpb027

قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة
هنا السعادة الحقيقيه pb189
الله يرزقنا وإياكم الجنة pb189

يعنني تتغلى أول ماقريت عن الفعاليه قلت أكيد
العيارين راح يخربونها بالقهوة :D
بس تغيرت نظرتي بعد ماقريت موضوعك
أبدعت في الطرح خيي
لكbp039

سولافا
10-10-2011, 02:37 AM
يالله ذكرتني بقصة ذيك البنت الصايعه اللي انتشرت في الكتيبات الدينيه الصغيره اللي
كانت فاله امها في الحياة وساحبه ع الصلاة ومره سهرانه وكانت فاتحه شباكها وسمعت صوت
الإمام يقرأ في صلاة الفجر ( الم يأن للذين آمنوا ان تخشع قلوبهم لذكر الله )
وتابت :(pb189 << والله اني داريه مافيه صله بين القصه اللي ذكرت وقصتك الا انكم خشعتوا مع
الإمام وعرفتوا وش تبون من الحياة :Dpb189
طبعآ حاشاك مو انك صايع ولا شي << اخلصي بس pb036
كلنا اذا تخرجنا من الثانوي تكبر روسنا ونصير نتخير في دراستنا بعد ماكنا مكروشين خصوصآ
اذا صارت المدرسه مجمع ندخل مع باب الإبتدائي وعمرنا 6 سنين ونطلع مع باب الثانوي وعمرنا
18 وفجأه نصير نتخقق ماابي ادرس هالسمستر ولا ابي احول تخصصي لشي ثاني pb036
فطبيعي تحس بالغبنه اذا شفتك فاشل ولا صرت مثل اللي يسجلون ويتخيرون في الأاقسام
فتجيك ردة فعل طبيعيه خيبة امل وقهر وتحسك مظلوم :sm1:pb027
وكلن ناجح وانت فاشل pb071
ولكن ماتضيق الا تفرج pb189 سبحان الله الواحد مايدري وش الأصلح له في حياته ..

عوآآفي bp039

سمية الجزائرية
10-10-2011, 03:02 AM
سلام
آسلوبك مميز و ماخلاني امل القراءة هذه الملاحظة الاولي;)
الثانية:rolleyes: هي ان من المهم ان يعرف الانسان ان الله يغلق عليه باب
ويفتحله ابواب يجب ان تترسخ هذه الفكرة في رؤوسنا
مثلا لو مانقبلت في جامعة معينة فاعلم ان الله سيعطيك تخصص افضل
اتذكر انني بمرحلة الثانوية عند حصولي علي المتوسطة لم ارضي ان ادرس
في تلك الثانوية التي يعثوني اليها بدون سبب لم تعجبني فقطpb131
لكن بعها ايقنت ان تلك الثانوية بعد الله سبحانه و تعالي الفضل يعود
اليها في نجاحي كان النظام صارم احمد الله كثيرا اليوم لعدم تغيري الثانوية
لا تعرف ماذا يخبئ لك القدر و الحمد لله ان الله انار طريقك للخير
الله يوفقك
تحياتيbp039

الحنايا
10-10-2011, 09:50 AM
موضوعك جميل
وعنوانك أجمل " دفتر الأيام "


صفحه الأحلام

هذه الصفحة تتكلم عن طفولتي البريئة . هذه الايام أرى أنها اجمل ايام حياتي . عشت هذه الايام بين الحلم واليقضة أتسأل كيف راح يكون مستقبلي في هذا الوطن .. كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم .. من ناحيتي كنت أقول مهيب مشكلة اهم شيء اخدم الوطن ..



كثير من الأمهات كذا pb036 يبون عيالهم إمام الحرم :D

الأب يريد
والأم تريد
والابن يريد
والله يفعل مايريد ..
كل شخص وهو صغير يحلم ويحلم ويحلم ولما يكبر يجي الواقع غير ! pb093


لحظة أنتظار وأنا اراقب تلك القطرات التي تتساقط على قاع الدلو
حيث شّكلت نغمة حزينة أثارت شجوني .. سئمت الانتظار
وضعت راسي بمكان الدلو فأخذ الصنبور بـ " التفتفة "
على وجهي ولسان حاله يقول : كرمّني لو سمحت .. فأنا لست عبدالدينار

وخروا عني تراني حزين خخخخ

أنت متأكد انك من العيارين pb036 << فيس مو مصدق أبد pb036
تصدق أني مأخذه فكره عن العيارين أن ماعندهم مشاعر << مهبووووله خخخخخخ :D
لايعني ماشاء الله خطيرين يالعيارين عندكم احساس :sm5:
لا لا الحين تغيرت فكرتي عنكم << احلفي :D


أخر الدفتر

أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع . ما قدرت اتحكم في عقلي اللي شاغلته الذكريات والوعود اللي قطعتها على نفسي .. سهران حتى أذن الفجر وقفت بالمسجد أسمع آيات رتلها الأمام , جاني شعور من زمان ماحسيت فيه . وكأني واقف بالمسجد بلحالي والأيات موجه لي . ما أعظم القرآن . نزلت دموع من عيني بس أبد ماكانت مثل الدموع اللي في مقدمة الموضوع .!

الحمد لله
و خمس سنوات تراها عمر ومو شيء سهل أبد pb093

الله ييسر امورك ويطول بعمر أميمتك ويشفيها
وموضوعك بطل
والمهم أنه اعجبني
وتستاهل التقييم bp039

موفق خيوو bp039

مملكه المحبه
10-10-2011, 06:36 PM
ماشاء الله اعجبني الموضوع حسيتك تتكلم
عن اشياء كثيرومتفرقة بحياتك
أول شي طموحك
سبحان الله كل الامهات بالسعودية ودهن عيالهن
يصيرون امام بالحرم ! وماتحققت الدعوة إلا
للنساء يعدن باصابع اليد
بس فيه سؤال
ليش الأم ملتزمة اكثر من الأب والأب يغلب عليه حب
الدراسة:rolleyes:
 
والحمدلله انك لقيت ذاتك الله يشرح صدورنا للاسلام
ويغفر لنا ويعفو عنا

جزاك الله خير

تسلم ايدك
bp039> شمه ورجعه بروح ارد بموضوع الجندي :D

هلـوسة
10-10-2011, 11:22 PM
تسافرون انت ورسام ياوطي من العيارين بدون مادري يعني مافيه شوي حنان وضمه قبل السفر مثل الفلام المصريه ياراقل :Dخخخخخخخخخخخخخخخ اقل شي قيمني وقل ياهلوسة تبي شي قبل لاسافر عشان العيش والملح الى بينا :( pb189 .. لكن وش أسو الضنى غالي pb027 ..

يعني تتغلى وربي توني شايف موضوعك بس حبيت اقولك إني برجع وماني مسوي مثل غيري يقول برجع ولا يرجع:D ..

رومنسي الخبر
11-10-2011, 05:32 PM
8
8
8
8
8
ههههههههههههههههههههههههههه .. هلوسه يدور الشر خخخ pb027 .. أقول بس يا هلوسه ترى حنا في القهوه شغل التخمخم ما يمشي عندهم خخخ :D .. ترى على طول يشكون فيك خخخ :D.. ما له داعي تخسر سمعتك خخخ pb192 .. و تصير سوابق و فاقد السمعه <<< على وزن فاقد الأهليه خخخ pb027 ..

ارحب ارحب بسفيرنا المطنوخ راعي التوكسيدو خخخ ;) .. شفتوا يا القهوجيين ان حنا بعد نعرف نلبس أطقم و حركات خخخ :D .. جيزنا من جيزكم لا جاوا شبابكم ياخذون طلبات العالم في المطاعم الكشخه خخخ :D .. و الله يا يعنني موضوعك أعجبني طال عمرك pb192 .. و أنت قلم نابغه بصراحه pb071.. و تدري اني معجب فيك من أيام ما كانت تتغلى هي عليك و ألحين قمت أنت اللي تتغلى خخخ :D .. أنا كنت خايف عليك من هالعالم الافتراضي خخخ :D .. قلت الولد عياري بالفطره نروح نشيله و نحطه في مكان مجهول خخخ .. و كل واحد فيهم عنوان موضوعه رساله مشفره خخخ pb027 .. بس أنت أحرجتهم يا رجل .. أصبتهم في مقتل خخخ .. و هذا دليل ان العياري مثل الجوكر وين ما ترميه يكسب <<< ثقافة استراحات خخخ pb027.. خنشوف وش عندك لبى قلبك يا العياري الأصيل :sm5: ..


تعودت دوماً أن أسرح بخيالي خارج نطاق الزمان والمكان . ولا أؤمن برزنامة التواريخ والايام ماعدا اليوم الأخر , وإذا مررتُ في يوم كئيب ترعد فيه عروق عيني وتمطر دموعاً لا أعرف سببها .! سرعان ما أجد نفسي في عزلة وأتحاشى الناس , وقد ساهمت الوحدة في خلق علاقة عشق بيني وبين غرفتي . ولذلك لا اريد أحد يرى قسمات الحزن التي ارتديها . أتنقل بين الأحداث المرسوخة بذاكرتي . وأفتح دفتر الايام وأقلّبه صفحه صحفه

هذا الكلام الاكه خخخ ;) .. من جيت هالقسم و أنا ما غير أتكلم بثقافه بعيده كل البعد عن بيئتي الأصليه خخخ :( .. هذي المشكله لا نشلت ضب من الصحراء و حطيته تحت مكيف ال جي و سيراميك خخخ :D .. على العموم يا سيدي الخيال نعمه كبيره .. تخيل تكون حياتك واقعيه في واقعيه .. قسم بالله أنواع التكه و القهر :( .. دفتر الأيام هو الدفتر الوحيد اللي يكتب صفحاته بنفسه .. و ما أكثر الهوامش فيه .. و لكنا مجبرين نقراه سطر سطر :rolleyes: .. حبيت المقدمه كثير pb189pb030 ..

كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم .. من ناحيتي كنت أقول مهيب مشكلة اهم شيء اخدم الوطن ..

ههههههههههههههههههههههههههههههههههههههههههههههه ...
هو ليه حنا أول كله نبي نصير ضباط خخخ :D .. لهالدرجه نعتبرهم شي خارق للعاده خخخ :D .. مع ان لو تشوف ضابط الظهريه قسم بالله تكره الداخليه بكبرها خخخ :( .. أنواع النفسيه و يعاملك كأنك مجرم محترف خخخ و حاله .. خلها على ربك بس .. أنا أخبر الشرطه في خدمة الشعب مهوب ينشبون للشعب خخخ :D .. أووما امام الحرم خخخ .. عاد لوها قايله مؤذن ممكن خخخ .. بس امام الحرم قوووويه pb027 .. ما في شي بعيد على الله خخخ pb192 ..


http://img32.imageshack.us/img32/5965/img0966fc.jpg

هههههههههههههههههههههههههههههههههههههه ...
أهم شي الخشه اللي باليسار خخخ pb189:D .. و الله انه أطخم من شعار كنتاكي ههههههههههههه pb027 .. تعجبني عنصريتك يا يعنني خخخ .. طول عمره الهلال فوووق فووووق <<< ما العنصري الا أنت و الصرامي خخخ pb027 ..

امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
التقطت هذه الصورة بعد حوار كان بيني وبين ذلك
الصنبور المصدء بأسلوب موروث قلت له : تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم

لو ما يجي من موضوعك الا هالكلمات لاكتفينا pb030 .. لا بارك الله في البطانه السيئه كانها ناشبه بحلوقنا :mad: .. ما ودهم يشوفونا مرتاحين pb131 .. كن البلد لهم لحالهم خخخ و حنا مرتزقه <<< من القهر خخخ :D .. أبدعت يا أبو غلا .. :sm5:


قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة

الله عليك يا أبو غلا الله عليك pb189 .. خاتمه و لا أحلى :sm5: .. استمتعت بموضوعك و قلت لازم أرد عليك لأنك تستاهل يا بعد قلبي pb189 .. الله يوفقك يا صديقي الصدوق و ابن جلدتي العياريه خخخ :D .. فالك الفوز ان شاء الله ;) .. الله يعطيك العافيه يا سفيرنا الموقر pb024 .. ما قصرت يا الغالي .. bp039

ql3t_eqla3
11-10-2011, 11:41 PM
هلا يعنني تتغلى هلا بالسفير الفيلسوف pb192 ياولد وانا اقرا اول سطور لك قلت وش هالمواهب عيالنا محرومين وحنا كابتينهم خخخخخخخخخخ حسيت اننا مثل الابوان اللي يجون في برنامج سلامتك pb192 وهم مدمنين مخدرات ولاعنين جدف عيالهم خخخخخخخخخ

تعال ونشوف وش انت مخنبق هنا ياظلال نجيب محفوظ (ولا مانجيبه) .. وهذي مصالة من اول الرد خبرك حنا بارض محايده وتقدر تعلق علي وتقول اللي تقول ما لي مقدريه اعدل على ردك ... اييييييييه يا دنيا وصخة حدتنا على هالسوايا << ماكني مكبر السالفةpb192؟
تعودت دوماً أن أسرح بخيالي خارج نطاق الزمان والمكان
خخخخخخخخ مهوب انت لحالك كل ربعنا بالعيارين هذا حالهم :sm12:
قلت : يمه متى أكبر .؟ ردت علي بعد ما توقف الماء من الضخ وقالت : كيف تبي تكبر وأنت ماتداني الحليب اشرب حليب عشان يقوى عضامك وتغدي طول الباب .. في بادي الأمر ما أقنعني كلامها الين حطيت راسي تحت البزبوز وقست المسافة من راسي الى البزبوز وقلت اجي بكره وبشوف إذا كبرت ولا لا .!
خخخخخخخخخخخخخخخخخخخخخخ
خخخخخخخخخخخخخخخ ياخي فرق بيننا وبين الاجانب .. تلقى عنده متر وميزان يقيس طوله ووزنه من يومنه بزر وحنا نشوف ادنى شي قريب نتشعبط فيه نقيس الطول .. اخبر محد كان عنده ميزان من اقاربنا الا عمي الله يرحمه كل ما رحنا له جلسنا بالسرا على الميزان نقيس اوزاننا خخخخخخخخخخخخخ :D ابد لاشفت الزحمة تقول محطة وزن الشاحنات خخخخخخخخخخخخخخخخخ :D
وصل فيني الحال لكتابة الشعر وكان عندي دفتر فيه بعض اشعاري اللي احتفظ فيها وأخبيه تحت فراشي وعشان أبتعد عن الشكة وما أبين لحد كنت كاتب في خانة المادة : جيولوجيا .. مع أن تخصصي شرعي خخخخخ :Dpb189
خخخخخخخخخخخخخخخخخخخخ مشكلتنا ما نعرف نهلس وكذبنا واضح وبفداغه بعد .. راجع سالفة النهضة والبرازيل في ردي على رسام داشر وبتعرف المقصد ;)
امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
خخخخخخخخخخخخخخخخخخخخخخ
خخخخخخخخخخخخخخخخخ طول عمرك سطل خخخخخخخخخخخخخخخخخخخ اجل سطل وفي وش انتي يا عنز هايدي بجنب هالسطل خخخخخخخخ pb027
ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة pb189
وانا اقوله من اول اثرنا كابتينكم الين طلعت معادنكم الصدقية هنا يا السطل المصدي pb189

أنتهاء
خخخخخخخخخخخخخخخخخخخخخ
خخخخخخخخخخخخ والله انكم لزوم تفشلونا مع اي منتدى تشاركون فيه .. انتم حدكم العيارين وهو ستر وغطا لفضايحكم يا السلاتيح .. هي تكتب كذا ( انتهى ) مهوب (أنتهاء).. جتني الغصة وانا اقراها حسيت ان الهمزة الثانية نشبت ببلعومي خخخخخخخخخخخخخ :D

jmRh
11-10-2011, 11:46 PM
آستغربت من الردود :confused: ..
كون المتحدث من ( العيآرين ) .. !
لكل شخص جآنبين .. :confused: ..
لآ يهم ..
كلمآتك رنت بدآخلي.. ضحكت بآول صفحه ..
وتبسمت آعجآبآ بآخر الصفحآت ..
موفق آخي

هلـوسة
13-10-2011, 04:01 AM
أخي العزيز وقرة عيني يعني تتغلىpb094..جبر الله بخاطرك و نفع بعلمك و سدد خطاك لما فيه خير البلاد و العباد فقد عجبني طرحك للموضوع الذي عقد لساني وحبس الكلمات في جوفي اسائلا المولى سبحانه ان يجمعنا في مستقر رحمته ويرزقنا من واسع فضلهpb189 << قراء رد رومنسي الخبر وحاول يغير اسلوبك من الخمخمه للشيخ يقول خطبه الجمعه :D
يعني تتغلى قريت موضوعك وضاق صدري لانك لم تعلق نجمه وتاج على كتفك مثل باقي السلنتح :D..لو تدري شي يخليك تضيق وتزعل وتكره العسكريه لاني مره كنت في زياره للحرس الوطني ولقيت ضابط مهب بعيد عن اسلوب البنت بس ناقصك ينمص حواجبه ويشل شعره حلاوه ويلبس خلاخال ونقول اول بنت سعوديه تدخل الحرس الوطني في قنتيس:D .. المفروض انت اولا من ذا الضابط لاني ماشفت شخص مثلك يخاف ويحب الوطن كثرك بعدين لو شفت الضابط ذا تبي تقول الوطن مافيه امان:D ههههههههههههههه والمشكله يوم سئلت الشخص الى كنت عنده زياره قلت ذا وش يحس فيه يوم جالس يتدلع وهو لابس بدله ضابط .. قال ذا كان زمان في الحاره اسمه قمر الدين وشكله كانت حياته كلها مع خواته لين جاب واسطه ودخل عسكريه :rolleyes:

موضوعك بطل وفيه موعضه وحكمه للناس;) مشكور على الموضوع يابععععععععععععععدي bp039