PDA

عرض كامل الموضوع : زوجي ؟؟؟ والضرب


السفر البعيد
14-09-2011, 09:02 AM
بسم الله الرحمن الرحيم
السلام عليكم ورحمه الله وبركاته...




البيانات الشخصيّة :


العمر : --34-
الجنس : ( - أنثى )
مكان الإقامة : ( --السعوديه- )
الحاله الاجتماعيه : ( متزوج/ـة)
اذا كنت متزوج مدة الزواج : -14--
وجود اطفال من عدمه : -5--
طبيعة العلاقه بين الزوجين ( - غير مستقرة -" )
مصدر الدخل : ( وظيفة حكومية )
الحالة المادية : ( متوسطة ،)
المستوى التعليمي -جامعي--

البيانات الأسريّة :


نوع السكن : ( - شقة ) ، وهل هي : ( ايجار - )
عمر الأب : -60- عمر الأم : -50-
مستوى تعليم الأب والأم ؟ الأب: --معهد- ، الأم: -ابتدائي--
عدد الأخوة والأخوات: --9- ، ترتيبك بينهم ( رقمياً ) : -2--
الجو الأسري في البيت العلاقة بين افراد الأسرة : -- جيده--
طبيعة علاقة صاحب المشكلة مع بقية أفراد العائلة : - جيده--
الجو الاسري بشكل عام في العلاقة فيما بينهم : ( ممتاز - )


البيانات الطبيّة :


هل يوجد أمراض عضوية تعاني منها ( نعم - لا ) .. وماهي ؟ : ---لا-
هل يوجد أدوية تستخدمها حالياً ، ( نعم - لا ) .. وماهي ؟ : ---لا-
الوضع الصحي والبيئي في الحي السكني من ناحية الخدمات والمرافق : ( ممتاز )



البيانات الدراسيّة :


هل التحاقك كان في سن نظامي ؟ -نعم--
هل كان هناك اي تعثر في مستوياتك الدراسية انسحاب او رسوب او انقطاع : ( - لا )
مستواك الدراسي على مختلف المراحل الدراسة: ( جيد - )
المرحلة الدراسية المتواجد بها حالياً : ( معلمة)
اذا كان هناك تخصصات في مستواك الدراسي .. فما هو تخصصك : --دراسات اجتماعيه--



البيانات الإجتماعيّة :


هل هناك أي هوايات او أنشطة أو ممارسات تتقنها : --الرسم
هل لديك ميول للاختلاط الاجتماعي والمشاركه في أنشطة ومناسبات مع افراد الحي او زملاء الدراسة والعمل او الاقارب : --نعم--
وهل هناك معوقات تحول دون ذلك : --لا--
الجو الاجتماعي العام حولك ( اصدقاء - زملاء - جيران - اقارب ) من ناحية علاقتك معه-ممتازه ولله الحمد
الاسئلة الإضافية حسب نوع المشكلة..
المشاكل الأسرية :


طبيعة المشكلة ؟ بين: ( الزوجين - )
معدل فترات حدوث المشكلة ؟ ---كل اسبوع--- ، وهل تتكرر ام تتغير لاكثر من سبب ؟ -نعم-----
ماهي نقاط الاختلاف بين اطراف المشكلة ؟ -------العصبيه-
ماهي نقاط الاتفاق بين اطراف المشكلة ؟ ------الرحمه---
من المؤثرين في المشكلة ؟ --الزوج والزوجه- ، ومن المتأثرين في المشكلة ؟ --الاولاد---هل كانت هناك محاولات للتدخل من خارج الاسرة ؟ وماهي نتيجة ذلك ؟ --------نعم--- والنتيجه الفشل
ماهي العوامل المؤثره التي تساهم في الاصلاح ؟ --ترك العصبيه---
وماهي العوامل التي تعيق في محاولات الاصلاح ؟ -العصبيه الزائده--

* اذكر مشكلتك الآن :

زوجي عصبي جدا ولأتفه الأسباب فهو يتجرأ في ضربي ولا مانع لديه من ضربي امام اولادي وشغالتي واقاربه ان وجد ضربا مبرحا لدرجة تبقى اثار ضربة لي لعدة ايام كل ذلك لاسباب تافهه بنظري ونظر الجميع ونظرته هو بعد تأسفة وما ان تمضي ساعات على الضرب يأتي ليتأسف ويندم ويعبر عن شعورة تجاهي بانه يحبني ولا يتحمل فراقي ،،، لم اخبر احد لمدة 9 سنوات بانه يضربني لانني اسامحة لانه يتاسف ويبكي امامي ويعاهدني انه لا يكررها مرة ثانيه والمشكله اما ان تكون اكتشافي له بانه يخونني او يكذب علي او سفره ...
وفي السنه 10 من زواجنا هو الذي بث مشاكلنا امام اهله مع الرغم من ان اهله يحبونني ويحترموني ويفضلوني عليه ويقفون بصفي ضده .. اخبرت اهلي بعد ذلك واخذ اولادي معه وطلقني طلقة واحدة وجلست عند اهلي شهرين وبعدها جاء يتاسف ويطلب ان ارجع له وعاهد ابي بان لا يضربني ورجعت ولم يرفع يده علي شهر وبدا بالسب والشتم ثم الضرب ولم اخبر ابي وصبرت وتحملت لاجل اولادي ثم طلقني طلقة ثانية وبعدها تاسف ولم اذهب لاهلي .
الان حصلت مشكله اتفه من التافهه ورفع يده علي والعصا امام اخته وذهبت لاهلي واخذ اولادي ويتكلم لاهلي واهله بكلام ليس فيني ويسبني امام اولادي وشغالتي ومنع اولادي من مكالمتي ..مشاكلنا ليس لها أي سبب واضح اما ع ماء او ع اكل او بسبب دفاعي عن اولادي عند ضربه لهم فهو ليس لديه مانع من كسر أي شي امامه مهما كان سعره ليعبر عن غضبه احيانا تحدث له مشكله مع الجيران او احد اقاربه فيخلق مشكله من لا شيء لنا فتبدأ المشاكل بيني وبينه وبعدها يعترف انه بسبب غضبه ع فلان
انني احبه فهو لديه صفات حسنه مثل حرصه ع الصلاه والصدقه وحبه للخير وكرمه لكن لا اتحمل ظلمه لي ،،،،، فكم من مره قذفني وكذب علي ووصفني بصفات قبيحة
فوالله الذي لا اله غيره انني اقوم بحقة ع اكمل وجه والجميع وخاصة اهله يشهدون بذلك ووقفت معه مواقف الله اعلم بها والحمدلله لاينقصني شيء

استبيحكم عذراً لاطالتي في سرد مشكلتي وهذا جزء من معاناتي وقلتها باختصار اريد مساعدتكم نفعنا الله واياكم بما تقولون وجعلها الله في موازين حسناتكم وفرج عليكم همومكم


بعد ذكر المشكلة :


مدة المشكله من بدايتها الى الآن : --من 13 سنه--
مدى شدة المشكلة : ( تعيقك عن أنشطة الحياة / )
تأثير المشكلة هل يمتدّ للمحيطين بك أم أنّ أثرها يتعلق بك : --نعم--
هل سبق وراجعت مختص أم لأ : --لا--
إذا كان هذا حديثك الأول عن المشكلة ، فما هو سبب لجوؤك لطرحها هنا والمأمول من تعقيبات الاعضاء : --اريد مساعدتكم في حلها--



* أبرز الأشياء التي تدعمك .. والتي تساهم في حل المشكلة ؟
-----تدخل الاهل------

* ما هي الأسباب التي تعمل على زيادة المشكلة ، وماهي الاسباب التي تقلل من نسبة تحقيق الحلول ؟
---------الكبريا والاصرار ع الراي ---

dlw3a
14-09-2011, 09:12 AM
ياحبيبتي انتيpb189 متحمله كل هذا :(
صبرك للاسف ماجاب نتيجه ولاراح يجيب معاه
وصبرك بمفهومه ضعف
وكتمانك هو سبب تماديه معك
واضح انه يوم ياخذ عيالك ويرميك عند اهلك بيأدبك وتوهق بعايلك ورجعك
ماتحمل المسؤوليه ;)
بس احب انبهك ان زوجك
ممكن يتخذ طرق كثيره يضغطك فيها ممكن يطلقك مره ثانيه
ممكن يتزوجك عشان يقهرك
اذا انتي مستعده لكل هذولي وتبين كرامتك المهدوره
لازم تتخذين موقف حازم معاه مو مقوله كذا يضربك !!
اقلها كل ماطقك روحي لااهلك وعلمي امه وابوه :confused:
ولاترجعين الا برضاوه
يشوفله طريقه يحس معاملته فيها معك
ويفرغ جنونه بشي غيركpb093


اخر شي
اذا طقك مره ثانيه وعلم بجسمك روحي لااهلك
وروحي المستشفى وثقي ذا الشي والشرطه تسوي محضر
عشان لو بيوم يسوي بلوى فيك
يكون عندك ادله ضده
وتكسبين شوي تعاطف الشيخ او القاضي

Onde di amore
14-09-2011, 09:17 AM
الله لا يعطيه العافية
يستقوي على مرة
انتي الغلطانة اللي سكتي له وخليتيه يتمادى
ترا والله الرجال اذا سكتي لهم تمادوا
وانتي بحجة تحافظين على بيتك
روحي لاهلك
بني ادم ما خلقوااا عششان ينضربوا

جول123
14-09-2011, 09:26 AM
زوجك تمادى بسبب سكوتك

واسمحيلي اقولك مشكلته مو العصبية انا اعرف عصبيين كثير لكن ما يضربون

زوجك قلل من احترامك كثير و بما انك مطلقة مرتين فالحل بيدك ان كنتي عفتيه خلاص تسريح باحسان اما لو ما زلتي تبينه فدافعي عن نفسك او اتركيه حتى لو تاسف لا ترجعين لازم يحس بقيمتك و انك اغلى من انك بكلمة ترجعينله

راي راشد
14-09-2011, 09:40 AM
شوفي ياختي بماأنك تحبينه ويحبك فلا بد ان تبحثي عن حل وتكوني جادة في تطبيقه خاصة بعد صبرك عليه لمدة 13 سنه
اختي تجرأه عليك يبدوا لي كان لضعف شخصيتك أمامه وتنازلك الدائم عن أخذ حقك منه فوجدك مرتقا سهل لأن يفرغ غضبه عليك
الحل ياختي يبي صبر وجرأه وهو ان تتخذي قرارا حازما بان توقفيه عن التمادي في الضرب والتلفظ بأن لاتقبلي اعتذاره بكل سهوله ولوأخرج دموع التماسيح ليستعطف بها قلبك فتميلي اليه كوني حازمة معه وأهجريه لثلاثة أيام ليعلم بعدها بأنه سيواجه مثل تصرفك ان فعل فعلته مرة أخرى
قسا ليزدجروا ومن يك حازما ***** فليقسوا احيانا على من يرحم

ينابيع الغلا
14-09-2011, 09:44 AM
يجب عليك اللجوء للمختصين في حل المشاكل الزوجيه والحل بيديك اذا وقفتي مع نفسك وقفه صريحه اذا انتي تحبينه حب يخليك تتخلين عن كبريائك وكرامتك إللي اهدرتيها لاجل انسان لم يحترم كونك كأم لأبنائه بغض النظر للجوانب الثانيه من العلاقه الزوجيه أم خوفك من نظرة المجتمع
وان كان على أولادك الاستقرار النفسي لهم ليس بأن يعيشوا مع اب يضربك امامهم فهذا يؤثر على نفسيتهم وان لم تلاحظينها الان ستنعكس عليهم في المستقبل
انتي يجب ان تكوني شجاعة فالرجل لايحب المراة الضعيفه حتى وإن أحبها سيتمادا عليها وأتمنى لك حيات سعيده وانصحك نصحيه حب نفسك واحترميها لكي تعيشي سعيده

رفيعة الشأن ..
14-09-2011, 09:48 AM
يآ عمري عمرك :(pb189
حبيبتي بقولك كلمتين بدون زعل
أنتي آللي سمحتي له يمد يدهـ عليك مرة ثآنية , أنتي آللي سمحتي له يستوطي حيطتك
لين صآر يضربك بغرض أنه يهينك و بس ..
لو أن كآن لك موقف صآرم من آلبدآية و وقفتيه عند حدهـ مآ كآن تجرأ يمد يدهـ مرة ثآنية
هآلآشكآل يبغآله كلمتين تنفض بدنه يمشي سيدهـ ..
عسوله تلآحقي عمرك و خلي لك كلمة ولآ عآد تخليه يمد يدهـ مهمآ صآر أنتي كمآن
لك لسآن و يد و أهم من كذآ لك كرآمة حآفظي على آللي بقى منهآ pb189
ترى زوجك ضيعف جدآ و دليل ضعف آلرجآل مدة آليد تلقينه برآ مآ يرفع عينه في أحد
ولآ أحد يلقيه وجه فـ يفرغ قهرهـ فيك :(

آلله يسخرهـ لك و يبعد عنكم آلمشآكل و يحنن قلبه عليك و يرد لك ردآ جميلآ pb189

تحيآتي لك bp039

جون كي
14-09-2011, 09:52 AM
هذي هي الحرمه مسكينه تصبر وتصبر على الاذى وكل شي بس عشان عيالها والرجال ولا همه :(
شوفي حبيبتي تذكري اولا واخرا انتي صابره بس عشان عيالك, وتذكري ان عصبيته هذي بتأثر على نفسياتهم وشخصياتهم, خصوصا ضربه لك قدامهم تراها والله تأثر بشكل كبييييييييييييييير, ومثل ما قلتي بعد انه يضربهم .. اشتكي على حقوق الانسان ان شاء الله يسمعون لك :( قسم بالله شي يقهههههههههههههههههههههههههههههر ..
اذا ما فاد معه شي واستمر بتعامله احس من الافضل انك تتطلقين لان هذا فيه ضرر ع اولادك بعد .. واطلبي من المحكمة ان اولادك يصيرون معك لأن أخلاق أبوهم ما تصلح يربيهم ..
الله يوفقك ويصبرك ويكتب لك اللي فيه الخييييييييييييييييير يارب :(

تناهيد نُور
14-09-2011, 09:54 AM
" كآن الله فِ عونك"
انتِ ياأختِ في معضله تتكرار ولاتنتهي وهذا كآفي بوضعك في خوف وترقب وتفكير
دائماً وتساؤل : متى ينتهي من ذلك ؟
" الضرب " وسيله تجرح الجسد والنفس فيصبح وجعها مؤلماً جداً ...
والحل قبل ان نضعه نتذكر انه تم " تطليقك مرتين " والثالثه لن تجدي بعدها اعتذراته
وبكائه واسفه !!
ونتذكر انه بينكم اولاد
وهنا نقف ... لابد من وضعه بمجلس يجمعكِ وهو ومن له اختصاص بالحكم من اهلكِ ومن أهله وتحدثي عن اللي يفعله معاكِ وذكريه بِ انه بعد الآن ليس هناك عوده لانه تطلقتِ مرتين وانه بينكم اولاد حرمكِ منهم وتحدثي عن خوفك منه وعن وجعك في سبيل كتمان الامر واستهزاءة بك وسهوله مده يده عليك واجعلي الامر واضحاً جلياً
لآتظهري له بالرغبه بالانفصال علشآن العشره وعلشآن الأطفال
فقط اوضحي له مدى رغبتكِ في العيش براحه ...
ولانه لن يجدي معه نفعاً الحديث دون تدخل لانه ماأن يعتذر حتى يُعاود تكرار مااعتذر ل أجله ...
التدخل يجعل الجميع ع بينه مابينكم في حين عندما يتحدث من خلفك سيكون الامر ضده ...

الله يسخره لك ويعطيك على قد نيتك يارب bp039pb189

كرااار
14-09-2011, 10:05 AM
كان الله ف عوونك اختى
لاتطلبين الطلاق بسبب اطفالك ولا تصبرين على الاهانا و الضررب
قوولي لاحد كبير بالعائله واخذي موقف قووي منه وخليه يتعهد عنده انو مايمد يديه عليك
وانتي حاولي لاتخلينه يعصب وشوفي اذا عصب بدون سبب وطق لاتسكتين له بس مو قدام اطفالك
وبالنقااش الجاد مب بالعصبيه يمكن تطلعيين بنتيجه

وربي رااح يعووضك خيراا بااطفالك ان ششاءلله
مشكله المراه ف مجتمعنا لازم تسسكت ولا تطلق حتى لو كانت مظلوومه
تبااااا للعادات والتقاليد

reema ksa
14-09-2011, 10:08 AM
اولا عسى يده للكسر
ثانيا قال يافرعون من فرعنك قال مالقيت اللي يردني الله يعينك بس انتي اللي خليتيه يتمادى وسكتي عليه تسع سنوات الحين ماينفع الكلام في اللي فات خلينا في الحاضر لازم توقفين موقف حاسم من موضوع مد ايده والتلفظ اللي مايقل اهانه عن الضرب وخلي احد له مكانه وقدر يتدخل بينكم وياخذ عليه تعهد انه ماعاد يعيدها والله يعينك ويفرج همك

خفوقي إنت
14-09-2011, 10:10 AM
يختيْ آلله يجعل يده الشلل إن ششششششآلله pb131
آكره مآعليَ وآحد يمد يدهـ ع زوجته عسآإهآ الكسر يآرب ويتحرول قدآم عينك
عشآن يعرف ذآك الوقت كيف يمد يده pb093


وآلله زوجك مآينصبر عليه كثر آلله خيرك لو انآ يمكن كسرت له يده
والا اشتكيت عند الشرطه تأخذ حقي منه

يآختي الله يسآمحك وعلى وشو تصبرين .. وآلله مقآرنه ب الاشياء اللي يسويهآ فيك انسى اشيائه الحلوه
مو عصبي هذآ .. هذآ مجنون رسمي :eek:

مآقول الا آلله يرحمك برحمته بس :sm1: آجلسي ف بيت اهلك ولا ترجعين له لان مصيرك بيكون الطلقه الثالثه للاسف :sm1:
طلق مرتين , الثالثه ب الطريق مثل مآكآنت الثآنيه :(

وآلله ياختي انصحك مآترجعين ابدآآآ :sm1:pb189 ترجعين وش تسوين تنطقين من جديد :(


سوري ع ردي بس والله النتيجه وآضحه يااختي :(


آشتكي لاهله وآهلك :( الله يكون ب عونك pb189:(

CHOCOLET
14-09-2011, 10:15 AM
هذول الرجال لاشافو الوحده ضعيفه طاحو فيها pb093
حبيبتي حاولي تغيرين شخصيتس معه + كثري من الدعوات والاستغفار
يمكن ربي يهديه واذا ماتغير روحي بيت اهلتس ابرك لتس من الاهانه
الله يعينتس

*AMOOOL*
14-09-2011, 10:22 AM
انصحك لوجه الله
عيشي حياتك واطلبي الطلاق الأخير
وعيالك افضل لهم من انه يعيشهم بعقد نفسيه من ضربه هذا اذاسلمو من ضربه
وش الغرض من جلستك معه بنفس البيت
الا استقرار لك ولاولادك
وين هالأستقرار وهو يمد يده عليك وعلى عيالك بالعصا!!!!!!
وشلون تجي لك نفس ترجعين معه بنفس البيت
تكفين هذا كل مكان ارحم لك من الجلسه عنده
واذا صلى ترى الصلاة لنفسه وكل الامه تصلي
موب ذنبك انه عصبي ويضربك ضرب مبرح لدرجة يعلم بجسمك
ماعليش انا مندفعه لاني مصدومه من كلامك
والله لو انك مسوي منكر كبير لاسمح الله مع انه مايعطيه الحق بضربك ابد
لكن السبب لانك اكتشفتي خيانته وسفراته !!!!!!!
وين الكرامه وعزة النفس بالموضوع
انتي سمحتي له
وقعدتي عنده ترى عادي تطلقين موب اخر الدنيا
الارتباط برجل مثل هذا يعتبر اهانه للنفس واذلال لها
يخون ويضرب وش بقى تكفين !

برسَتٍيجــَﮯ
14-09-2011, 10:22 AM
//
عزيزتي .. انتي سبب مشاكلك والحل بيدك طقك المره الاولى وقال اسف ورضيتي
والمره الثانيه اسف ورضيتي والثاالثه والراابعه ...الخ
ليه هالمذله وااحد يطقك ويكوفن فيك حتى قدام الشغااله !! ويقذفك بأبشع الكلام ! والادهى والامر يخونك pb131
تقولين اساامححه واحبه !! على وش ؟
13 سنه قااعده تتكفخين وتقولين صاابره وسااكته على وشو ؟؟
تبين نقول براافو ذليتي نفسك طول هالسنين وصرتي مره سنعه ؟
وش بيفدك هالكلام فيه ؟ اذا ضااع عمرك وانتي تنطقين على اتفه الاسبااب
عشان عياالك ساكته . صدقيني عيالك وهم يشوفونك تنطقين راح يكون التأثير عليهم اقوى وراح تتدمر شخصيااتهم ولو بعد حيين .
يااعزيزتي ان لنفسك عليك حق وانتي ماخلقتي للضرب والتكفيخ ربي اعزك واكرمك وانتي بنفسك اهدرتي كرامتك واهنتيها بضعفك /انتي معلمه وقاادره على تحمل مسؤليه ولله مغنيك عنه
حطي لك نهاايه لهاالمهزله اما تعيشين برااحه نفسيه انتي وعياالك اوتسريح بأحسان لاتقولين احبه , فكري بمستقبل عيالك وهم يشوفون امهم تتكفخ وتنهان ومن ابوهم بعد !
كان الله في عونك bp039
//
اسفه كنت قااسيه معااك بس مغبوونه من سكوتك :(

حرم طافش
14-09-2011, 10:31 AM
من جدك تقعدين معه بعد كل اللي مسويه فيك ؟

روحي لبيت اهلك وانسيه بالثلاث هذا مافيه شي زين عشان ينقعد معه ضرب واهانه وتلفظ وسوء اخلاق وش اللي يصبرك عليه ؟؟ بتقولين عيالي !! حبيبتي مصير عيالك يكبرون ويتزوجون وانتي اللي بتبقين معه وهذا مهوب ادمي ينصبر عليه روحي بيت اهلك وانتي اطلبي الطلاق قبل لا يتمرجل عليك ويذلك ثم يطلقك هالواطي وجججججججججججع بهالاشكال اللي الحرمه تصبر عليهم كله عشان ما يقولون مطلقه !!!!


الله يفتحها بوجهك وياخذ عمره آمين

-(شوق)-
14-09-2011, 10:36 AM
ياقلبي صادقين الي قالوا انتي عطيتيه المجآل

لكن الي راح رآح

مادمتي مطلقة مرتين و ما عندك شي تخسرينه

وهو مصيره يرجع اولآدك حتى لو آخذهم

فيه نقطهـ إيجابيه هي حبه لك و انه يتآسف ويبكي ويحاول يراضيك و لو انه مع التكرآر ما ينفع

حبيبتي اذا كنتي متآكده انه ما يتعاطى ولا يشرب ولا مسحور

وانهآ مجرد عصبية

فجربي اول شي
1- ممكن اذا جاء يصالحك اشرطي عليه يروح ياخذ حبوب مهدئة

قولي : والله عصبي على نفسك انا ما آمن نفسي معكـ روح تعآالج الله لا يهينك

2- إذا ضربك ثآني مرهـ على اقرب مستشفى و تقرير بالحآدثة

عشان اذا لا سمح الله عفتيه مرررة عالآقل ما تخلعينه بفلوس -ما يستآهل- يطلقك ببلآش -ونقول يارب القاضي يحكم لكـ بطلاق مب خلع بعضهم الظلم يجري في دمهم-

3- أحسن شي اذا بتستمرين معاه بصرآحـه !!//

هو ما استقوى إلا لآنه شافك ما تقاومين و بسهولهـ ترضين

انتي اصدميه ثاني مرة إذا طقكـ ازعقي في وجهه بشكل ما قد سويتيه من قبل

قولي خلآص ما اسمح لك تمد يدكـ

قولي له الظآهر سكت لك واجد أنا ماني بهيمة عندك



و انتي كذا ولا كذا بتطلبين الطلآق لأن وآضح ان لك سابقتين طلآق و ما نفع

و هو الله يهديه زايد ع الضرب خيانـة و سفر والشيخ العبيكان أفتى بجواز ضرب المرآة لزوجهآ اذا كان دفاع عن النفس -أصلآ ما يحتاج يفتي كلن عقله براسه أجل يطقني ويسبب لي عآهةة وكدمات ومطلوب مني أصد وجهي بيديني لين يخلص ؟؟؟ شي طبيعي ال\فآع عن النفس محد رآح يلومك ياقلبي-

جربي هالحل مع الاستغفار و الدعآء يا قلبي و تصدقي كثير الله يفرج همكـ ويسخرهـ لك يآآآرب

غآدةُ عبدْ الرحمنِ
14-09-2011, 10:43 AM
-

لآحولَ ولا قوة إلا بالله , :(
حبيبتيَ , انتي اصبري عشآن عييييآلكْ , خذي عيآلك وروحيَ بييت اهلك , زي الحركة اللي سويتيهآ اول مرررة , واذا جآء هو يطرقَ ع بآب بيتكمَ مررررة ثآنية انتبهيَ لا توآفقيييين لانه واحد كذآب وعقله موب في رآسه < آسسمحي لي :rolleyes: !!
انني احبه فهو لديه صفات حسنه مثل حرصه ع الصلاه والصدقه وحبه للخير وكرمه لكن لا اتحمل ظلمه لي
الشيطآن في وجهه وفي عيونه , م يصلي الصلآة ف وقتهآ والصدقة ما يحرصٌ علييهآ
ف شي أكيد الشيطآن مبسوطَ وداخل في عقله ورآسسه , وأنتي تعرفين الصلآة في وقتهآ تنهى عن الفحشآء والمنكر , وتسبب رآحة نفسية للشخص , ورآحة البآل " pb189
فلآ تستغربين انه عصبيَ وانسآن تافهه يضربَك ع اشيآء تافههَ , لانه موبَ قريب من ربي pb093
لكن ادعيَ له ب الهدآية وأن ربي يصبركَ ويعييينك إن شاء الله .. pb189
موفقه ()

MFHIA
14-09-2011, 10:56 AM
وآلله مدري شششقول , مآشآءلله عليك آللي صبرتي عليه كل هآلسنين
وآلكلآم يجرح آكثر من آلضرب :(

وآذآ هو يطق عيييآلك لآتسكتين آبدن وش ذنبهم آلمسآكين :sm1:
وآنتي قيسي حآلك قبل آلطلآق وبعدده وآستخيري وشوفي وش آلآحسن لك :rolleyes:

rooMy88
14-09-2011, 11:11 AM
لا تخلينه يتمادى صدي عنه

Isabella
14-09-2011, 11:34 AM
والله يا حبيبتي تأخرتي كثير تاخرتي 13 سنة في طلب الاستشارة

إنتي الآن وش تبين؟ تبينه ماعد يطقك؟ مستحيل هذا يصير الرجل متعود على الضرب 13 سنة تبينه يتغير في يوم وليلة والا شهر والا حتى سنة؟ هذا يبيله 13 سنة ثانية عشان يتغير..
هذا طبعه وابو طبيع مايغير طبعه..

زوجك هذا واضح إنه مريض نفسي بداية من ضربك المبرح ونهاية بقذفك أمام الناس!!!
إنتي لما عرفتي إنه وصل لهالمواصيل في الدناءة والخسة والحقارة المفروض على طول تشيلين قشك وعيالك وتروحين لبيت أهلك كل شي ولا القذف في الاعراض فما بالك اذا كان زوجك هو اللي يطلق هذه التهم.. زوجك اللي المفروض يكون ستر وأمان واستقرار تطلع منه هذه الاشياء...

مدامه قذفك بأقذع الصفات فهذا بايعك بايعك ومخليك عنده بس عشان كل ما عصب من الناس فش خلقه فيك مثل كيس الملاكمة هذي قيمتك بالنسبة له : كيس ملاكمة لا أكثر ولا أقل!

المهم لا ضربك مرة ثانية تروحين سيده على المستشفى وتاخذين تقرير طبي وترجعين بيت اهلك مع عيالك وإذا رفض يعطيك عيالك قولي ترى بيني وبينك المحاكم ومعاي اللي يثبت انك شخص مو سوي ولا كفو...طبعا يكون معاك أحد مثل أبوك او أخوك..

حآفيةة آلقدمينِ *
14-09-2011, 11:53 AM
يَ قلبي والله :(
آعذرينيَ بس آنتِ آلسبب خلّيتيه يتمآدى ويهينكَ قدّآم آلكل
لو آنتِ مآ سآمحتيه وتركتيً آلبيت كآن رجعلك ورجله فوق خشمه
أنآ عآرفة آنك صآبرة عشآن أولآدك بس لمآ يكبروا مآرح يقدّرو آلتضحية آللي إنتِ عملتيهآ من أجلهم
بس هآلكلآم آلحين مآينفع 13 سنة وهوآ متعوّد على ضربك وإهآنتك
خلآص هوآ متعوّد بعد مآيضربك يجي يصآلحك وآنتي ترضين ونآسية انه هآلشي رح يتكرر pb093pb093
آلأفضل لكِ آلطلآق وإذا على آلبزورة أنآ متأكّدة آنه شهر أو شهرين بَ آلكثير ويرجعهم لكِ
لآنه مآرح يتحمّل مّسؤوليتهم
وآلله مو عآرفة آيش أقولك أكثر من كدآ يعني عشرة 13 سنة مو سنتين :(
آنتِ أدعي ربّك يفرجهآ من عنده ويقدّم لكِ آللي فيه آلخير bp039bp039
آلله يسعدك ويوفقكَ ،

محب الخوخة
14-09-2011, 01:26 PM
الله المُســــتعان!
الصــــــبر ياخيتي :(

!!!!M
14-09-2011, 01:54 PM
لا حول ولا قوه الا بالله :(
تدرين وانا اختك انك قاعده توصلين رساله لعيالك و بناتك : ان ترى عادي احد يطقكم و عادي احد يسبكم و انتوا تستحقون هالمعامله ..
ما يضيق صدري الا العيال يعني الاب والام مهما صارت بينهم مشاكل المفروض العياااااال مالهم دخل ولا تدخلونهم بينكم :(

انتي الوحيده الي تقدرين تقررين اي معامله تختارينها لك و لعيالك !

Laska
14-09-2011, 02:02 PM
//
عزيزتي .. انتي سبب مشاكلك والحل بيدك طقك المره الاولى وقال اسف ورضيتي
والمره الثانيه اسف ورضيتي والثاالثه والراابعه ...الخ
ليه هالمذله وااحد يطقك ويكوفن فيك حتى قدام الشغااله !! ويقذفك بأبشع الكلام ! والادهى والامر يخونك
تقولين اساامححه واحبه !! على وش ؟
13 سنه قااعده تتكفخين وتقولين صاابره وسااكته على وشو ؟؟
تبين نقول براافو ذليتي نفسك طول هالسنين وصرتي مره سنعه ؟
وش بيفدك هالكلام فيه ؟ اذا ضااع عمرك وانتي تنطقين على اتفه الاسبااب
عشان عياالك ساكته . صدقيني عيالك وهم يشوفونك تنطقين راح يكون التأثير عليهم اقوى وراح تتدمر شخصيااتهم ولو بعد حيين .
يااعزيزتي ان لنفسك عليك حق وانتي ماخلقتي للضرب والتكفيخ ربي اعزك واكرمك وانتي بنفسك اهدرتي كرامتك واهنتيها بضعفك /انتي معلمه وقاادره على تحمل مسؤليه ولله مغنيك عنه
حطي لك نهاايه لهاالمهزله اما تعيشين برااحه نفسيه انتي وعياالك اوتسريح بأحسان لاتقولين احبه , فكري بمستقبل عيالك وهم يشوفون امهم تتكفخ وتنهان ومن ابوهم بعد !
كان الله في عونك bp039

شوفيلك حل بس لا تسكتين له ..الا كرامتك :)

بنت سلطآن
14-09-2011, 02:16 PM
الله يهديه ويسسخره لك ياحي ياقيوم

مالك إلا أنك تهربين من مواجهته
يعني لادخل البيت وهو معصب اطلعي من المكان روحي غرفتك روحي المطبخ أي ششي
بس لاتجلسين قدامه

وحلوو لو قدرتي تحطين له شي على طاولة الصاله شاهي ولا قهوه تهدي أعصابه
لكن أنتي خلييييك بعيده أبعد شي

أجوديّة
14-09-2011, 02:28 PM
,

معليش والله بس تأخرتي وهوا تمادى :( ..
مو عشانك عشان عيالك اللي عايشين بجو مأسآوي ..
انتي كرامتك ماانجرحت ؟ :( .. ماتحسي بغصه كل مرة تسامحيه فيها ؟ :( ..
معليش والله بس احس الضرب يكسر شي بالحياة بين الزوجين لايمكن ترجع :( ..
اذا ماقدرتي بكل الطرق توقفي ضربه لك .. فاعتقد الانفصال اخر الحلول وافضلها ..

موفقه ..

الهوى فينا
14-09-2011, 02:32 PM
مساء الخيرbp039
بصراحة عصبتني مشكلتك وعصبتني اكثر محاولآتك الدفاع عن هاالوحش اللي اسمة زوج وابو ياحسرتيpb093
تقولين انو يضربك لأسباب تافهه,بعدين ترجعين تقولين لأني أقفطة يخوووووني ومدري ايش؟
وين السبب التافه في اللي قلتية؟والله لأشقلب الدنيا على راسة بعد:eek:
بعدين تقولين انو يتلفظ عليك ويقذفك ويسبك !!!!استغفر الله
وكل ذآ قدام اهله!!!!
بعدين تبررين لحضرتة وتقولين هو يحافظ على الصلآة!!!
باالله ذي اخلآق واحد يصلي00
(ان الصلاّة تنهى عن الفحشاء والمنكر)صدق الله العضيم.

مع الأسف حل مشكلتك بيدك مو بيد أي أحد هنا00
مع الاسف انتي اللي سمحتيله يتمادى00
الله يكون بعونك بس ويصبرك00
كل اللي أقدر اقولة لك:حياتك ببيت اهلك اشرف واكرم لك ولعيالك وانتي ماشاالله موظفة يعني مو بحاجتة00
صدقيني لآزم يحس انك قوية عشااااااااااااااان يخنع عسى تخنع رقبتةpb131
آسفة على الاطالةbp039

مرسى أفكاري
14-09-2011, 02:32 PM
الله يهدي النفوس يارب
طيب دامك تحبينه
حاولي تجلسين معه وتبينين حبك بالبدايه وايجابياته
وبعدين قولي الاشياء الي ماتحبينه فيه وتضايقك
..وحاولي تبيتعدين عن الاسلوب الا ستفزازي اذا كان فيك
او اسلوب تكرار المشاكل ....وتحليلها اربعه وعشرين ساعه
ودام فيه صفات زينه مثل ماتقولين ..وهي صفات مهمه ماتلاقينها هالايام
...حاولي تحلين المشكله بتروي
واكيد هالشي ماينسكت عنه

P!XEL
14-09-2011, 02:38 PM
دائماً عند تعرضك لمشكلة ما ابحثِ عن الحلول تلقائياً
بعض الردود مالاقصروا .. لكن كما يتضح لي أن الأخت وضعت المشكلة لتريد الحل وليس تفعيل الأمور .. !
هي لجأت إليكم لـ الاستعانة بحلول عقلانية وليس لـ افتعال وتضخيم المشكلة ..
تذكروا أيضاً أن ردودكم قد تعكس أثرها على مستقبل أسرة وأطفال
المعذرة إذا كان ردي يسبب المضايقة للبعض والمعذرة أيضاً لصاحبة المشكلة وللمشرفين إذا كان ردي مخالفاً bp039

نوف..♥
14-09-2011, 02:43 PM
حاولي تجينه بطريقة ثانية خليك دايم لابسة زيين مرتبة البيت مرتب
لأن البعض يجي تعبان من برا يدخل شوف صجة الأوللاد الصغار ووحوسة
البيت وهو الظاهر فاهم انك راح ترضييين لو طقك واهانك حاولي توضحيله
ان تكررت ماعاد تكلمينه وابوك يكلمه بالموضوع واجلسي الشهور وخلي
ابوك يقولة ان الأطفال لازم على الاقل 3 ايام بالأسبوع عندك عشان يعرف
انك انسانة والضرب مو حلل لمشاكلكم الهدوء والتفاهم واذا عصب لاتتتنرفزين
ووضحيلة اهتمامك فية كل يوم وحتى اذا غبتي يوم راح يفقد كل شي بالبيت كنتي
تسوييينه ولا تتنازلين بسهولة اذا طقك ورحتي بيت اهلك خليك ثقييلة عشان
يعرف مو كل مره بترجعين يمكن هذآ اقرب حل لمشكلتك الله يوفقك ويفرج همك

آقدع نآس
14-09-2011, 02:53 PM
الظلم ظلمات يوم القيامه لو يتم تصعيد قضيتك للجهات المختصه افضل حتى يعرف ان لكل شيئ حدود
لاترخصين بنفسك اكثر و اكثر
كلامي هذا
لان اعرف شخصيا بنت جيرانا
نفس حكايتك تحملته الا ان جاء اليوم
الي ضربها فيه وطردها من البيت ظلما وعدوانا بملابسها من غير عبآيه تسترها
وهددها بذبح ( ابنهم )
فـ طلبت الطلاق < وهذي المره كانت صادقه فيها فعلا ورفضت ترجع له
ورفعت قضيه عليه في المحكمه لكن للآن ماصار شي ..
على الاقل اتعلمي من اخطاء غيرك وخذي العظه والعبرة
لازم توقفي حده .. ولازم اذا زعلتي تزعلين بجد مو دلع ابو يومين ينقالك أدبتيه
وترجعي زي ماكنتي عادي
الوعود الي يوعدها تكون قدام رجاجيل اهلك واهله
عشان لايصغر بعيون الناس ( على كلامك انه دين ويهمه اكيد شكله قدام الرجاجيل )

تشيلرز
14-09-2011, 03:04 PM
لاحووول ولاقوة الا بالله
حسبي الله عليه ونعم الوكيل
اختي ليه تسكتين وش باقي تحترين من واحد مثل هذااااا
كيف يتجراء ويمد ايده ع بنت
الله وأكبر عليه وع اشكاله قولي له اذا انت مستقوووي فيه اللي اقوى منك
ومسووووي بيحاربك بعياالك ويحرمك منهم حبيبتي مثل ماقاعد يبهذلك بهذليه
اذا ابووك كبيرررر بسنه وين اخووووانك يأدبووونه الله لايسااامحه
المفروووض ماسكتي عنه من البدايه سكوتك خلاه يتمادى
واذا جاء يعتذر ويستعطفك هذا مايخليك المفرووض تسامحينه
اللي مثله مايتعاااشرررر
بعدين تقووولين تحبينه وش هالحب اللي حتى احترااام مايحترمك لا قدام عيالك ولا شغالتك
بكررره عيالك اذا ماحتررمووووووك لاتستغربين لانهم تربوا وعاشوااوهم يشوفون ابوهم يضرب امهم بيفكروون الوضع طبيعي
وتقولين يصلي ياحبيبتي اذا يصلي ويتصدق مع نفسه ولنفسه وشي بينه وبين ربه
خليك في بيت اهلك واذا جاء العنواا ابوو خامسه هذا مايبيله تفاهم بالكلااام يبي له تفاهم من نوووع خاااص يبيله كسرر يد يبيله ينهان ويحس بالالم اللي يذوقك ايااااااه
خليك قوووويه وقوووي قلبك واللي مثله فرقاااه عيييد
اعذريني ع كلامي بس الا الضرب الا الضرب الا الضرب
مدري وش اقولك اقول الله يهديه ويسخررره ولااقوول الله يريحك منه ويفكك انتي وعيالك من هالبلوه
الله يفرجهاااا عليك ويكفيك شررررررره

افا بس
14-09-2011, 03:24 PM
قصتك درس للي يوصون الحريم دايما في زي هالمواضيع بالصبر والتحمل وهذا ابو عيالك ودلعيه والبسي وتكشخي واطبخي ونظفي وشوفي وش ناقصك..وحاولي تغيرينه.pb036
pb131هاذي نهاية الصبر والتحمل: حياة تعيسه وكومة عيال ...والقادم هو الامراض النفسيه والجسديه الله لايقدرpb094
الحياة الزوجيه لو حدثت مشكله كبيره زي الضرب او اي مشكله مماثله الحل الصحيح هو المواجهه مع اهل البنت واعطاء الفرص على الاكثر ثلاث فرص عشان تزول المشكله مع تجنب الحمل ما امكن...وان مازالت فالانفصال هو الحل..اما وحده تصدق بمبدأ اغيره..واتحمله وادلعه عشان يتغير ويكرمني ويحبني ومغير تجمع بذا البزران هذا هو الغلط.pb093

حلك الوحيد هو الانفصال...يحطك ببيت مع عيالك..ويصرف عليك وعلى عياله وخليه يشوف عمره عاد يسوي اللي يبي..:rolleyes:
وان ماقدر يفتح بيت ثاني يمكن يفصل بيتكم لدورين مستقلين.تعيشين مع اولادك بدور وهو بالدور التحتي...والله ييسر امرك:rolleyes:

افنيو
14-09-2011, 03:28 PM
بالله 13 سنه تنضربين وساكته
وش شعورك بالله
اختي نصيحه لاتضيعين عمرك الباقي باصلحه باعدله العمر واحد موب اثنين
اتركيه وعيشي حياتك بسعاده وامان مع عيالك
تقولين جالسه عشان عيالي
عيالك مايحسون بالامان بتاتا وش تتوقعين باطفال يشوفون امهم تنضرب قدامهم
الله يسهل امورك

تحت المطر ؟
14-09-2011, 03:48 PM
مساعدتنا كيف يعني ؟ تبغين نساعده يظلمك اكثر هوضارك من
14سنه حررررررام عليك تستمرين معاه الحين بذمتك أطفالك الطلاق الحل الوحيد صعب أشجعك تستمرين معاه لأني مستحيل أرضى لك ضيم اكثر من اللي جاك عسى الله يعوضك بأحسن منه

السفر البعيد
14-09-2011, 06:46 PM
مساء الخير
اخواني واخواتي مشكورين ع الردود والتفاعل معي والله ما توقعت كذا التفاعل يااااااعمرررررري انتم

للمعلومية انا الحين عند اهلي وعيالي عنده والحين هو يراسلني رسايل يبين انه ما يتحمل العيشة بدوني
اما قضية اني ارد ضربة بضربة جربتها وصحيج حسيت انه يخاف من اي شي يطير بوجهه بس ما نفع حسيت اني رجل
اما قضية اني لازم البس واتزين له هذا منتهيه منه بشهادة الجميع في اني دائما انيقة
واخواني ليش ما يضربونه انا اللي حلفت ع اخواني محد يمد يدة عليه مدام ابوي حي هو اللي يتفاهم معاه وابوي ما يبي الفضايح بحكم اننا من عائلة معروفة ... ومسائلة معلمة وروحتي لاهلي كل ما ضربني انا ابعد عن اهلي 1000 كم عن اهلي والحجز بطلعة الروح نلقى حجز
الله المستعان
حسبنا الله سيؤتينا الله من فضله انا الى الله راغبون
ابي الحل مو التانيب
مشكورين

NAJOoLA-AL
14-09-2011, 09:20 PM
والله لو من البدايه فرضتي احترامك عليه ماطقك
اسمحيلي انتي الغلطانه بذي

والحين معك الاطفال يكسرون الظهر وصعب عليك بهالوضع الطلاق ..

Quiet spirit
14-09-2011, 10:15 PM
الله يهديه ويسخره لك مالك الا الدعاء وكثري من الاستغفار وان شاءالله ربي يفرجها عليك

المشكله اللحين عيالك ماشاءالله خمسه الله يحففظهم بس اهم شيء قبل تتخذين اي قرار صلي صلاة الأستخاره علشان ماتندمين والله يفرجها عليك

تركي - الشرقية
14-09-2011, 10:53 PM
لا تفكرين بالطلاق ابداً pb094 عشان الخمسة اللي بينكم :(

دام انه مواظب على الصلاة و هالشئ يبعث الاريحية انه يجي يوم وينسى سالفة الطق

فالحل واصبري ان الله مع الصابرين لفترة محدودة:
هو انك تتجنبين اثارته و تهجين عن وجهه اذا انفعل
والله يهديه و ادعي له بالهداية
وارسلي له رسالة توضح اني تحملت بما فيه الكفاية وبس

الكرز الياباني
14-09-2011, 11:35 PM
اخر شي
اذا طقك مره ثانيه وعلم بجسمك روحي لااهلك
وروحي المستشفى وثقي ذا الشي والشرطه تسوي محضر
عشان لو بيوم يسوي بلوى فيك
يكون عندك ادله ضده
وتكسبين شوي تعاطف الشيخ او القاضي


لاازم
غلطه مايغفر له
ايش دخلك مشاكل برا البيت فيك انتي
ترا مافيه اي مشكله لو تدفينه اذا جا يطقك ولا اي شي
هذي ممتلكاته
جسمك لك مو له على كيفه الدنيا سايبه :confused:

احيي دفاعك عن اولادك pb058

تبطي هقاويك
15-09-2011, 12:55 AM
شوفي لو كان في كل مره ترووحين

بيت اهلك وماترجعين الابمبلغ وقدره كان عرف قيمتك صدق:sm1:


هذا لو انك كنتي متبعه هالاسلوووب من اوول ماابدا يمد يده pb094


كان يفكر الف مره قبل مدها :eek:

لكن صارت عاده عنده يزعل من الجيران ويرجع يحط قهره فيك


وفي اوولاده مصيبه:sm1:

13 سنه صبر وربي يبلك وسام على هالشي >pb189

الحين لو طلبتي الطلاق اوولادك من لهم :sm1:

ماعندك الاتستقووين عليه وتحاولين لاجاء بيضربكpb192

تتمنعين عنه باي شي يمكن يهجد ويعرف انك

ماراح تسكتين مثل اوول:mad:


ربي يسخره لكمbp039

Diti
15-09-2011, 01:30 AM
مابقى شيء ماسواه!
مابقى عنف نفسي وجسدي ماسواه
يعني ضرب وقذف وظلم وشتم وخيانه ! وفوق كل هذا يضرب أطفالك !!!
مانبي نحكي بأنه المفروض وماالمفروض اللي صار صار
الحين خلي أخوانك والوالد يتفاهمون معاه
ولو أخوك مسكه بزاوية وشوية تهديد صدقيني بيعقل
خليه يفهم أنك بنت ناس وعلى قولتك عائلة معروفه مايرضون على بنتهم الإهانه ياحبيبتي الضرب للحيوانات مو لك تكرمين bp039
وصدقيني مجربه بنت خالتي طقها زوجها ،جا أخوها وجلد زوجها جلد ،جلسو شهور منفصلين بعد فتره رجعوا لبعض والحين مايفكر يمد يده بس
الضرب يبيله حل جذري ويتفاهمون معاه رجال زيه
وخلي عيالك عنده خليه ينحاس ويعرف قدرك زين
الحين لو عقل ورجعتوا ورجع مد يده أصحك تسكتين وتبكين ،ردي له !ايش اللي كأني رجال دافعي عن نفسك وخليه عن عشره رجال مو بس واحد
مدري أنا أتكلم عن نفسي لو يضربي بـ اضربه ،مااحترمني ماراح احترمه ماقدرني ماله قدر عندي
الله يكون بعونك قويه ماشاء الله عليك أهنيك على صبرك بس كفايه عمرك اللي ضاعbp039

|| فوشية ||
15-09-2011, 02:26 AM
جعل يدة للكسر ان شآء الله :sm1:

حسبي الله على ذا الفئة المريضة pb093

اسمعيني حبيبتي انتي طرف في المشكلة وصرآحة من الاخر يعني انتي ليييييييييية سآكتة ّ؟؟ ليييية ؟؟
مجنونة انتي ؟ يطقكي وتسكتين ولاتعلمين اهلكي ؟ pb093

انتي اللي خليتية يتمآدى ولا هالاشكآل المريضة يبيلهآ ريجيل يخلونة يمشي عالصرآط المستقيم ويعرف ان الله حق ,

اسمعيني pb189

لامنة طقكي وجآء يتاسف قوليلة وش جآي تتاسف لة ؟ pb093
موب عيب عليك تطق شريكة حيآتك ؟ pb036pb093
موب عيب عليك تطق اللي تشوفك سند لهآ ؟ :confused:pb093

قوليلة هالكلام خلية يحس انة سند موب يمشي ويطقتس ويتاسف وانت ترضين ؟ :eek::cool:

ادري ترضين علشآن عيآالتس وهوة ولآفكر فيهم ؟؟ :(

عيالكي صح اقعدي معآهم بس ورية العين الحمرآ والخضرآ والزرقآ لو تقدرين pb036:D

ترى سبحآن الله الريجيل يحبون الحرمة القوية ويقدرونهآ ليييييية ؟ pb058pb034

لانهآ عآرفة حقهآ ;) ومهيب سآمحة له يهين كرآمتهآ تحت ادنى سبب pb189
, ايوة خليكي بطلة pb034
وقفي بوجهه يوم وامسكي يدة لاطقك قولي حدك عآد :rolleyes: انآ سكت المرآت اللي رآحت علشآن عيآالي وعلشآن احآفظ على بيتي اللي تبي تهدمة :rolleyes:

بس لاتفكر ابدآ رآح اسكت لك المرة الجآية واجلس عندك بالبيت pb034

, ولاتبكين مآعآش من يبكيكي يآبعدهم :sm1:

حسبي الله عليهم الصنف هذآ , صدق الريجيل وحوش > اغلبهم :sm1:

دوتس > bp039

مرقوعه بكوره
15-09-2011, 03:01 AM
هالأشكال ماينفع تقعدين معهم pb093
يعني 10 سنين وانتِ متحمله ولا فاد ولا انصلح وضعه
اتركيه قعدتك معه بتتعبك انتِ وعيالك :(

Kaeun
15-09-2011, 03:26 AM
،

ي قلبي :( تدرين انتي تدرين لييش لانك سمحتي لة يسوي لك كل هذآ
ضرب وقذف وششتم قدآأآم الي يسسوى والي مايسسوى :sm1:
ضربك قدام اهلة واختة والششغآلة وععيآألك البآقي مب مشكلة بس الععيآل بكرة بيكبرون بيتعودون ع اسسلوب ابوهم وقبحهه ويصيرون مثلة :sm1::sm1:
طلقك مرتين الاولى تعهد قدام ابوك انة مايعيدها ووافقتي عششآن ععيألك 7
بسس الثآنيية بععد شهر من التعهد ضربك وسسآكتة علية pb036
انتي تحبينة وهو يحبك ماختلفنا بس برآأية ان هذآ التعببير عن الحب وانتي انك تحبينة وعششآن عيآأإلك تسمحين لةة بهآلشي :(
ياختي في رجال عصبين بس مو علة اتفهه الاشيآء يضربون
زوجك استغلك مو قصة عصبية هذآ استغلآلآل يفرغ حرتة فييك :sm1:
انتي بيدك الققرآأآر الحين لا تقررين الحين pb189 روحي لة وقولي كل مافي بخاظرك
واذا اعتذر لا تقبلين اعتذآأرة ابد وقولي لة انا تحملتك وتحملت ضربك عششآن اني احبك وعشآن عيآلك بس مو كل مرة تسسلم الجرةة وتحسسب ان لسسآني ماكلة الطير ومالي اهل
انا صبرت عليك وعلى قسسوتك ومافي مرآة تصصبر عليك مثلي ان بقولك كلمتين ي انك تحسن اسلوبك اي ان ورقتي توصلني انابروح لاهلي وبتركك تفككر بكل افعععآألك وكيف كان طلآقك لي
بمععني الكلآم يعني الي بخآطرك قولية عآتبين بقوة وروحي لاهلك وخوذي ععيآالك معك
لييين مايستسنع :rolleyes: والامر راجع لك ي انك اتطلقين منة او ترجعين لة بس
تفهمينة لو ضربك مرة ثآنية يطلقك :(
الله يهدية ويصلحة يارب ويسخرة لك ويسعدكم يارب pb189

ترف فرنسا
15-09-2011, 03:31 AM
حسبي الله ونعم الوكيل على كل ظالم مفتري

عزيزتي انتي سكتي علية من البداية لانك في مجتمع يحكم بالمقولة الشهيرة

الساكت كالراضي

وانتي معلمة يعني المفروض تكونين عارفة حقوقك الزوجية كاملة بالاضافة الى القانونية يعني يكون عندك وعي قانوني

وتذكري مقولة عثمان بن عفان


( نزع بالسلطان مالا نزع بالقران ) = يعني فية ناس مايربية الخوف من الله ولا يحسبون حسابة

لكن يخافون من الفضيحة والشرطة والقانون والجهات الرسمية والمحكمة القاضي وولي الامر

ويخافون من العقوبة السجن الغرامة التعهد والجلد والتشهير والتعزير وغيرها

يعني لزوم ينردع ويتادب بشكل حازم وقوي انتي ماتظمنين انه هالضرب ممكن يادي الى تلف عضو او تعطيل عضو فيك او حتى يسبب لك عاهة نفسية او جسدية لا قدر الله :sm1:

وتذكري داااااائما وابدا ( من امن العقوبة اساء الادب ) = زوجك امن العقوبة بكل انواعها من اقاربة واقاربك ومن ولي الامر علشان كذا لك 10 سنين يدبغ فيك كانك كيس ملاكمة يفضي حرتة فيك زوجك يا قلبي تمادى الى ابعد حد وانتي ساااااكتة ورااااشية و متحملة بطريقة غريبة صراحة :eek::mad:

لزوم تعرفين كيف تردعينة وتمسكين علية ادلة تدينة وتثبت علية من تقارير طبية ومحاضر شرطة ومن شهود ثقات يدينونة ويشهدون علية


اذا عنده مشاكل نفسية مو غلط يحلها ويستشير اخصائيين فيها اذا كان متحرج يروح عيادة نفسية

فية مراكز اساتشارة اسرية بالمملكة

وفي لجان حماية اسرية من وزارة الشؤون الاجتماعية في كل مدن السعودية

لازم تحمين نفسك واهلك وعيالك من هالانسان الغير سوي والعبثي والخائن والمذبذبpb093

اسمحيلي انتي سكتي وتحملتي ومع هذا استمريتي بانجاب الاطفال وانتي راضية عن تصرفاتة


واذا كانوا اهله يدرون انه كذا وبهالعقلية والتصرفت وخلوك انتي الضحية ولصقوة فيك علشان يتخلصون منة فحسبي الله عليهم ليش يغشونك ويخدعونك :mad:

من جد انتي مو لعبة ولا مالك ولي يضرب فيك على كيفة ويفش خلقة فيك لالا سوووري وقفية عند حدة وعلى فكرة ارجعي بذاكرتك قبل ماترتبطين فية هل كان تصرفاته مع اهل بيتة امة وخواتة وقريبة من الاناث نفس الطريقة معناته مافية خير وانتي بيلتي نفسك فية وصرتي بوجة المدفع

واللي مافية خير لاهلة ترى مافية خير للناس



طيب هل زوجك يسافر للخارج وسخونك وش اسباب الخيانة والسفر ؟؟؟

طيب هل زوجك ثبت علية حالات سكر وشرب للخمر او تعاطي لنوعمن المخدرات او الحبوب وغيرها ؟؟

هل صحبة زوجك صحبة خيرة ولا صحبة يشجعونة على اهانة الزوجة واخذ راتبها وظلمها والتقصير معها ومع عيالة ؟؟

اتمنى تجاوبين على هالاسئلة وتقديرين تستخيرين وتقررين وتجمعي الادلة والاثباتات علية علشان يكون عندك ادلة واضحة ومقنعة للقاضي وللجميع + ولا تنسني تستشيرين محامي ثقة يعينك وراح افيدك بعنوانة وبإذن الله موفقة

Bent Mona
15-09-2011, 03:46 AM
قسم بالله تقطع قلبي !
يعني
يخونك ويضربك ويكذب عليك ويهينك وقدام الناس؟

اتركيه!

ايش باقي ماسوى علشان تتركينه ؟

هذا مريض وانتي مو طبيب تعالجينه! انتي زوجته ! يعني اذا حس بالذنب يروح يعالج نفسه علشانك مو انتي تعالجينه علشان نففسك !


ربي ماشرع الطلاق عبث !

استغرب من البعض ماأدري ايش تنتظر علشان تطلب الطلاق

ممكن يكون الطلاق اهو الحل مودائما يكون مشكله !

الله يكون فعونك

خفوقي إنت
15-09-2011, 06:22 AM
يآختي .. وآلله مآبقى ب العمر كثر إللي رآح
آنتِ رآضيه تكملين حيآتك كذآ !

انآ آعتقد ان الطلقه الثالثه جآيه جآيه .. من كثر مآيضرب ويسب بتكونين انتِ خلاص آنتهيتي
نفسيتك بتتدمر

عيآلك يختي موب ضآيعين حتى لو صار الطلاق .. يآكثر اللي تطلقوآ وعآشوآ آحسن من اللي ابوهم وامهم ع روسهم
ويآكثر الايتآم إللي عآشوآ برضوآ ويمكن احسن من اللي عنده آم وآب ..

فكري كثير .. آنتِ مو نآقصك شي .. ويمكن ربي يعوض عليك ب اللي احسن منه

يختي والله لو زوجي يمد يده مرا وحده بس علي ماجلس ف بيته لو اش يكون


خيييير محنآ عبيد عندهم :eek:


لا ترجعين له خليه .. هو تعود انك ترجعين خلي ابوك وابوه يتدخلون
خلي الرجال تتكلم عآد الى متى وانتِ تتحملين pb093

آلله يعينك بس لو انآ قسم بالله لو عندي عشر عيال منه مد يده اخليهم كلهم
مصيرهم يجونك ..


اكره اللي تقول تحملي عشان عيالك .. pb093
نتحمل اشياء معقوله موب كذآ :eek:


آلله يعينك بس .. :(pb189

آستغفري وادعي ربك ان شالله تتحسن امورك للافضل .,

ABU ARAB
15-09-2011, 07:11 AM
شي طبيعي جداً

أنا لو كنت مكانه وضربت زوجتي وسكتت لي والعب عليها بكم كلمة وتصدق

ثم أضربها ثانية وتسكت ثم تعودت على ضربها وأني أتمردغ في بطنها

شي طبيعي جداً أنه راح يستمر وما راح يوقف لأنك راضيه

مفروض أول مالمسك تلبسين عباتك وتتركينه وترجعين بيت أهلك وتعلمينهم بالي سواه لك

عُريب
15-09-2011, 08:28 AM
مساء الخير أختي :/
كثير قالوا إنك انت اللي خليتيه يتمادى في ضربك هالكلام يمكن يكون صحيح
بس مو لأن شخصيتك ضعيفة لاااااا ... بل لأنك متربية وصاحبة مثل ومباديء
وماتحبين تعاملين الناس بمثل معاملتهم لك
أنتِ أخلاقك كريمة ومثقفة وجامعية وأكاد أجزم أنه أقل تعليم منك pb094
وهو شخصيته ضعيفة ويحس بالنقص ويغار من مكانتك عند أهله فلما يضربك
هو ينفس عن شيء بداخله .. من كثر مايحس إنك أفضل منه ..
حتى لما يخونك وده يثبت رجولته لإمرأة آخرى ... تراك مسببة له أزمة
هو بين نارين .. يحبك ويغار منك وليس عليك وده يكسرك بغباء
يعتقد خطأ أن الرجولة في إن المرأة تتبع للرجل ولبيه وسم ومالها أي قيمة ثانية
ينقهر لما يشوف قيمتك تزيد عند الناس وهو تقل مكانته
صدقيني هو نفسه مايدري إنه غلط وماعنده حل
يعني لو جلستي مثل ما انتِ يضرب فيك ويتسامح وترضين مايحس بالغلط
حتى لما رفضتي أخوانك يضربونه مثل مايضربك
أفهم شعورك بأنك ماتبغين تفقدين أحترامك له ولا تعيشين مع شخص أهانوه أهلك
شتان بينك وبينه .. إنك ماأنتِ مثله
بس تراه جبان لو جلدوه مرة ... ماراح يمد يده عليك :sm4:
طيب والحل ؟؟
هل جلستي يوم معه بعد ماهدأ وتناقشتوا بالموضوع
بتقولين لاء .. لأنه يصرف الموضوع ويقلب رأسك وتنسين السالفة
طيب دامك تبغينه وشاريته .. ألحين خليه يجي بيتكم وخلك قوية وقبلها اكتبي كل اللي في خاطرك
ويصير بينكم وماحطيتيه لنا بموضوعك كل شيء يضايقك منه
وقبل أذكري حسناته والصفات اللي تحبينها فيها
وشعورك لما يمد يده عليك وقولي أنت الآمان بالنسبة لي ، كيف إذا مديت يدك علي
تصير أنت مصدر الخوف والرعب
أنا لو يضربني أحد ما أعرفه نفس ضربك يمكن مايأثر فيني مثل لما أنت تضربني
أنا صحيح أسامحك لكن مو ضعف مني قد ماهو حب لك وحرصي على إنك ماتتضايق من اللي صار
بعكسك أنت تجرحني بكل بساطة وتهيني وتتوقع كلمة آسف تمحي كل شيء
أنا أقولك لو هالشيء صار مرة وحدة أما يتكرر فتأكد إن ألمي يتضاعف وماعاد عندي قدرة أتحمل
إذا فيني عيب يمس أخلاقي أو شرفي تعال لأهلي وقل بنتكم فيها كذا وكذا ..
لكن أنت على إيش تضربني ؟ صايرة لك دمية تفرغ فيها غضبك وكأن ماعندي إحساس
شرطي عليه شروط :
وإنه مايمد يده عليك أبد وفهميه ، إنك تأذيتي نفسياً أكثر من جسدياَ
واسأليه ليه تمد يدك علي ..
بتقول معصب .. طيب والحل وش تبغاني أسوي ، أنا مافيني جهده أتحمل ضرب زيادة
واعطيه حلول وذكريه بالحديث (ليس الشديد بالصرعه ولكن الشديد من يمسك نفسه عن الغضب)
وفهميه إن كل الناس تعصب مو أنت بس طال عمرك

كتبت كلام كثير بس طار وهذا الجزء اللي سويت له نسخpb094
وإن شاء الله أكمل بعدين لو حبيتي bp039

السفر البعيد
15-09-2011, 08:28 AM
مشكورين ع الردود والحلول
الله يجزاكم خير

دعواتكم لي

(حوريه جده)
15-09-2011, 08:32 AM
آختي سكوتك عن موضوع ضربه خلاه يتمادىpb093
المره لو سكتت عن ضرب الرجال مره خلاص آخذها حلى
الي يتقوى على مره مهوب رجال جعله يده الي مانيب قايله
كل آنسان له ايجابيات وسلبيات باستثناء موضوع الضرب سكوتك وان محد يدري خلاه ياخذ راحته
الموضوع صعب الحين
عندك آطفال منه
وبينكم عشره طويله
الله يهديه يارب ويسخره لكbp039

نحمدالله
15-09-2011, 10:50 AM
أنا يالرجال مرضى
على شان كذا نضرب الحريم
ماقدرنا على الأقوى منا وحطينا وفشينا خلقنا بهالحريم
حرارتنا وعصبيتنا نحطها في أقرب حاوية للزباله
أنا الرجال نفتقد إلى الرجوله والشهامه والنخوة
الحرمه عندنا كأنها جاريه شارينها من سوق _ عكاظ _ في زمن الجاهليه

عطني قصيدتين وخذ جاريتي هديه وعطيه مامن وراها جزيه
خوش عطا pb093

فينا وقاحه موب عند أحد أبد
قدام الناس نطلع وش حليلنا دابة من دواب الله السليمه نقول نمل مسالمين لأبعد حد

بس إذا شفنا حريمنا
طلع الشر وطلعت الشطانه حتى إبليس يستغرب
يقول لي سنين أوسوس له مانفع معه

وهالدبشه يومين إلاّ جايب العيد فزوجته

ماشاء الله صولات وجولات مع هالحريم

دبغ تفل تحقير جلدها كلها أوسمه ونياشين وعلامات :(
منافسه بالطول والعرض نشوف أي أقوى واحد يطوّع زوجته لخدمته
ماقلنا مثل الجاريه

ولكن لو لقينا أحد يوقفنا عند حدنا
ماتمادينا بضربهن وكسر حوضهن ودبغهن كأن الواحد للأسف يشتغل بمدابغ الجلود

مرضى فعلا pb034

السفيه إذا ما لقى واحد يا خذ على إيده تمادى وزاد عنف
يتوقع أن هذا الشي حسن وزين ويعبر عن قوة الشخصيه

هه أكسر خشمها لابوها لابو من جابها

طيب ليه أعرسنا إذا كنا مرضى

من الواجب على مدعين الرجوله أنهم يخلون الرجوله لأهلها

موب يشغلون بنات الناس

هميّن إذا أنحرفت الزوجه قالوا ليش

الله يعمي قلوبكم وينكم يوم هالطاغوت يضرب حرمته ويدبغها كأنها حيوان موب آدميه

حتى ضرب الحيوانات منهي عنه بل له وعيد في الآخره

يعني مايحس بالنار إلاّ رجل واطيها

أنا يالرجال ما ينفع معنا إلاّ القوه
وما أخذ بالقوه لا يسترد إلاّ بالقوه

أخذنا كرامة حريمنا بقوة العنف
لن ترجع هذي الكرامه إلاّ بالعنف المضاد هذا إللي يصلح لنا كأشباه رجال

لو أخذتي هذا السفيه وغيره بالقوة والحزم مع أول يد مدت عليك
كان عرف هذا أن وراك رجال بياخذون منه حقك
وكوني رجال صدقيني بيحترمك أكثر أنا يالرجال مثل ما قلت نحترم الأقوى
نحترم من يحافظ على كرامة بنته وآدميتها


وقفي هالتبن عند حده

أبد أنا يالرجال أسود على هالحريم
ونعاج بل دجاج على غيرهن


كان ربي الرحيم الودود في عونك ونصرك على المجتمع
الذكوري pb030


شكرا bp039pb189

without name =/
15-09-2011, 12:02 PM
يَ رب يا سوالف الرجآل مع الضرب pb131
وربي شي يشيب الرآس

" الرجآل لا مد يده مره ولآ أدبتيه بيمدهآ ثانيه :mad:"
وانتي الغلطآنه من الأسآس انك سكتي عنه pb093 كآن من أول مره ضربك رحتي عند أهلك وهجرتيه خليها تكون قبصه له علشان يستعدل pb093

فيه حلين من وجهت نظري! :
1) اذا كنتي خايفه من الطلقه الثالثه لانك عقبه ما تُباحين له الا اذا تزوجتي غيره فـ عيشي معه لكن أحقرييييييييييييه ، ما ينجن الرجآل الا اذا شاف حرمته حاقرته pb189 يعني لبي له طلبآته بس ما تكلمينه ابدن بيسأل عن شي بيعتذر بمدري ايش خلي كل ردك من كلمه ورد غطاها فقط pb189
خليه لين يتأدب ويستعدل ويصير رجآل وانتي غيري من شخصيتك معه يعني قويها ، اذا كنتي سابقا حليوه معه إقلبي ، موب هو اساسا ما يستاهل هالطبيه والحلاوه pb093 موب هم لين شافو الوحده وش حليلها شاخو عليها pb093
2) تطلقققني منه وعيشي حياتك واتركيه هاذا ما شفتي من وراه الا الظلم والضرب وش صبرك عليه خلاص 13 سنه كافيه لا تظلمين نفسك اكثر ترا لنفسك حق عليك اذا ما كانت هالمعلومه ببالك ولا تقولين يحبني ومدري ايش لو يحبك صدق ما تجرأ اساسا وضربك ولا سبك :mad:

Diti
15-09-2011, 12:33 PM
... عزيزتي رد لك وصلني ع الخاص bp039

الله يعينك

1- خلي رجال عايلتكم يتفاهمون معه ترى خوانك عزوه حتى لو ابوك عايش ابوك له قدره واحترامه وصعب ينزل نفسه لمستوى زوجك
2- يعالج لمده شهرين عند طبيب نفسي
3- انا مدري اذا يسمح في عقد الزواج التعديل او لا بس اذا ممكن يتعدل اشرطي انه اذا ضربك من حقك تطلبين الطلاق ويكونون الاولاد من حقك او اذا ممكن تسوى بطريقه تعهد موثقه من المحكمه لاني اشوف لازم قانون يحميك قبل ترجعين له
4- قبل ترجعين خليه يسجل البيت باسمك وخلي الصك عند اهلك واي مشكله لازم تبينين انه يحق لك تطردينه
الله يصلح مابينكم

فلسفة عآطل
15-09-2011, 12:37 PM
الواضح انك شماعة حياته , الماضي مافيه نقاش
عزائي لاولادك محرومين من الامان ، يا اختي ما احرضك لكن الزم ما على الوحده عيالها دامك بوظيفة تغنيك عنه ، زوجيه
اتكلم جد زوجيه وافتكي من شره وعيالك يكونون عندك ، لو رحتي لاهلك حرمك منهم
لكن لو تزوج ياخذ وحده من بنات هالجيل تدقمه ويدقمها اذا ما كسرت راسه بعد
يهمني بهالمواضيع الاطفال اولاً واخيراً
الله يفرج همك وهمنا  

الـ جُنونْ
15-09-2011, 02:10 PM
حبيبتيّ الامور اللي يسويها مهيب هينه

وش بقي بالعمر اكثر من كذا اهانه والله يا اختي لاتزعلين

عيالك بيبقون معك برضاه ولابدون عالاقل لو تشوفينهم بالاسبوع مره ..
خلاص خليك في بيت اهلك قولي انا معاد اتحملك انت اكبر من طاقتي ولاعاد اقدر استوعبك

قولي هدمت بيت عامر ب 5 اطفال وحب بينا وعشره بمدة يد

انت ما اخذتني من بيت ابوي عشان تفرغ في جنونك ..

وهذا الكلام يافلان فات فوته انا الان ابيك تجي معي نتمم اوراق الطلاق وبس

الله يعينك ياقلبي

استخيري واكييييد الخير موب انا ولا انتي ولاهم الللي يعلمونه

مايعلمه الا ربي ويمكن الفرج يجي من عنده بعد ماتصرين فالدعاء وتتذللين فيه


الله يكتبلك الاخيرْ ..

~أيام الصبر~
15-09-2011, 06:37 PM
ما عاد باقي إلا طلقة واحدة وينتهي اللي بينكم .
أنا من رأيي انك الآن تظلين عند أهلك ، ولو اعتذر لك لا ترجعين حتى يعتذر لك بحضور كبار العائلتين من طرفك وطرفه .
وأما بالنسبة لأولادك ، صدقيني لن يصبر على مشقة تربيتهم وقضاء حوائجهم لوحده ، سيرجع ذليلا لك لا محالة .
لكن المطلوب منك : الصبر وضبط النفس حتى لو طالت المدة لسنة كاملة ، لأن مالك غير فرصة الآن ولو طلق وانقضت شهور العدة فلن يستطيع إرجاعك إلا بعد نكاح ... إلخ .
وما ادم أهله عارفين ولدهم فاطمئني .
عليك بالدعاء والاستغفار .

Nvr Giv Up
15-09-2011, 07:25 PM
الله يكون بعونك ، زوجك بالعربي -أحمق و عصبي-

الحمق مشكلة في شخصيته وصعب تتغير ،

لكن الغضب مقدور التحكم فيه او التقليل من حدته
زي مافهمت ان مو انتي بس الضحية فيه -عيالكم- ينضربون بعد !

إذا تجيه نوبات غضب شديده ويفرغها باللي حوله ،
مثل هالحالات تستدعي تدخل اخصائي ومراحل علاجيه -لغضبه-
وكيف يسيطر على نفسه وقت النوبات !

الرجل الحقيقي هو اللي يكرم ولا يهين أو يذل أهله ،
مثل هذا بيوعدك لكن راح يخلف وعده -وعادي ويمكن عارف بتجي فتره وبينقض عهده-

لازم تاخذين منه -ضمانات- وبوجود أهلك وأهله بعدم ضربك واهانتك
وارفعي سقف الضمانات ان المره الجايه لو حصل مثل هالشي راح توصل الشرطه وعلى المحكمه دايركت

الله ييسر لك ويرفع عنك ، bp039

السفر البعيد
16-09-2011, 06:42 AM
صباح الخير
مــــــــــــــــــــــــــــــــــــــشكورين على التفاعلbp039bp039

والله ما قصرتو

لاحظت انه ولا استشاري متخصص في المشاكل الاسرية رد ؟؟؟؟؟؟؟

ومشكورة يا اختي عريب لانك انتي اللي حللتي شخصيتي زين .... مثل ما هي ...
فعلا سوف اتخذ قرار اني ما ارد له الا بحضور اهله معاه وتعهدة بعدم مد يده علي ويعتبر طلقه ثالثة اذا مدها ..

اخواني رجاءً منكم اريد رقم لجنة الاستشارات الاسرية اللي يردون وموثوق فيهم مو اللي يطنشون ويمطمطون بالمشكلة ويموت الحي وهم ما حلوها ....او يموت صاحب المشكلة وهم ما حلوها :sm12:


سامحوني ع تعبيري

سماسم 07
16-09-2011, 09:07 AM
الانفصال أنسب حل بما انك موظفة ولك راتب شهري
أهم شيء الأطفال لازم يكونوا عندك
اطلبي حقك في الحضانة شخص يضرب زوجته أكيد هو غير مؤهل
لحضانة أطفال خذي أخته والخادمة شهود
أتمنى تكوني قوية لتنهي هذه المهزلة كان الله في عونك...

Punktion
16-09-2011, 09:30 AM
هذا وحش موب زوج كيف عايشه معه pb093
ويضربك وترجعين له pb036 هل الناس الي كذا اسلوبهم ميتغير ابد
الله يقويك وتاخذين عيالك منه pb189:(

تخ تش
16-09-2011, 06:11 PM
اختي زوجك ماله حل

واكيد ان فيه فارق عمري بينكم
وراعي دخان الله لايبلانا واكيد موب حريص على الصلاه

برايي

اطلبي الطلاق والحضانه

بحكم انه مد ايده عليك
القاضي بيوقف معك

والله يكون بعونك

السفر البعيد
16-09-2011, 11:43 PM
وين الناس ؟؟؟؟ استشاريين!!!!!
ارقام مختصين !!!!!

alJazi
17-09-2011, 12:12 AM
"ليس الشديد بالصرعة و إنما الشديد الذي يملك نفسه عند الغضب"
حسيت من طَريقة سردك للمُشكله إنك حآبه تسمعين ردود تقصيك عن فكرة الطلاق ، بذكر محآسن زوجك والإعتذار عنه وعن سبب ضربه لك بأن شخصيته عَصبيه !
عمر العصبيه مآكآنت مُبرر للضرب والسب والشتم ،
حيآتك غير مُستقره أبدآ وطلقك مرتين ، وحآول يحرمك من أبنآئك سب أهلك وقذفك وسبك وضربك ومع هذا تسآمحينه ،
خلاص الرجآل تبرمج على إنك انسآنه سهله بيفرغ كل طآقآته العدوآنيه عليهآ ومتأكد انها بتسآمحه ،
والرجآل بطبيعتهم مآيحبون الحرمه السهله اللي تعالي تجي روحي تروح !

عمومآ ،
إذا تبين رَد يطبطب عليك عشآن تظلين معآه بقولك تحَملي لو عشآن عيآلك !
لكن ، الرأي الآخر اللي لَو أنآ مكآنك رآح انفذه بدون أي تفكير اللي هو الطلاق ، وعسى رَبي يهدي بآلك ويرزقك على قدّ نيتك bp039

ArOor
17-09-2011, 01:37 AM
شوفي هذه غلطتك لانك سكتي خااصه بعد الطلقه الثانيه ,,
نصييحتي لك ,, لا تسكتين ع هالووضع ابد هو يهينك وانتي صاابره
لييييييييييه والله والله لو يحببك ما مد ايده عليك ,,

كل مره يضربك فيها وبعدين يحس بتأنب الضمير يقوول عاد مو مشكله هي بترضى كالعاده
ويرجع ويضربك وهكذا ,,

لو مد ايده عليك ورحتي المستشفى واخذتي تقرير وشكيتيه يكون افضل
عشان يكتب تعهد ما يمد يده عليك
اما ان كررهها مره ثانيه يكون الانفصال افضل

K.A.T
18-09-2011, 12:21 AM
هذا إنسان ماينعاش معاه,,
مايفيد التفاهم ولا التأسف!
هالصنف مريض نفسي !!
يعني لا تلومين روحك ابدن ولا تحسين انك سبب الي انتي فيه..
ماتدرين وين الخيره وايش ربي كاتبه,,
لك كل الأجر ,,
الله يصبرك ويسهل عليك ويرزقك على قد نيتك

أنتمي لك ،
18-09-2011, 02:32 AM
السسلام عليكم ورحمة الله ..bp039
احب اقولك ان مُشكلتك ماهي أول مشكلة زي كذا ولآ أضن انك الوحيدةة
م يخفى عليكِ احنا بعض المجتمعات تعترف بالضرب أنه شيءء عادي
من تجربة شخصية ومن قلب أقولك نصيحتي (w) ،،
أذا هو يحبك وأنتي تحبينة روحي له وقولي له
أنا لي حقوق زوجية راح يسألك الله عنها :( ليش تظلم زوجتك وتضربها
أذا هو يحبكك اسأليه أنه يعترف بهذا الشي الغلط وماهو فقط بالكلآم
يروح لـ أي شيخ أي أحد مختص ف الأمور النفسية ذي :(:(
...
بكرا عيالك .. يشوفون ذا الشي عادي يضربون بنآت أخت أو زوجة !
قولي له يخاف الله فيك وفيهم وف نفسةة :(
هو صحيح زوجك بس أب لعيالك وأنسان يخاف الله ويبغا الجنة
و لآتنسسي حُسبكِ الله ! فهو نعم الوكيل pb189
ربما يكون هذا أبتلاء لكِ ادعي الله يمكن حب يسمع دعائك وتضرعك bp039
الله يهديه ويجعلة يتقي هذي الأمور ..
ويخافه فيك ويجمعكم ف جنته على سرر مُتقابلين bp039

أنتمي لك ،
18-09-2011, 02:43 AM
أنا يالرجال مرضى
على شان كذا نضرب الحريم
ماقدرنا على الأقوى منا وحطينا وفشينا خلقنا بهالحريم
حرارتنا وعصبيتنا نحطها في أقرب حاوية للزباله
أنا الرجال نفتقد إلى الرجوله والشهامه والنخوة
الحرمه عندنا كأنها جاريه شارينها من سوق _ عكاظ _ في زمن الجاهليه

عطني قصيدتين وخذ جاريتي هديه وعطيه مامن وراها جزيه
خوش عطا pb093

فينا وقاحه موب عند أحد أبد
قدام الناس نطلع وش حليلنا دابة من دواب الله السليمه نقول نمل مسالمين لأبعد حد

بس إذا شفنا حريمنا
طلع الشر وطلعت الشطانه حتى إبليس يستغرب
يقول لي سنين أوسوس له مانفع معه

وهالدبشه يومين إلاّ جايب العيد فزوجته

ماشاء الله صولات وجولات مع هالحريم

دبغ تفل تحقير جلدها كلها أوسمه ونياشين وعلامات :(
منافسه بالطول والعرض نشوف أي أقوى واحد يطوّع زوجته لخدمته
ماقلنا مثل الجاريه

ولكن لو لقينا أحد يوقفنا عند حدنا
ماتمادينا بضربهن وكسر حوضهن ودبغهن كأن الواحد للأسف يشتغل بمدابغ الجلود

مرضى فعلا pb034

السفيه إذا ما لقى واحد يا خذ على إيده تمادى وزاد عنف
يتوقع أن هذا الشي حسن وزين ويعبر عن قوة الشخصيه

هه أكسر خشمها لابوها لابو من جابها

طيب ليه أعرسنا إذا كنا مرضى

من الواجب على مدعين الرجوله أنهم يخلون الرجوله لأهلها

موب يشغلون بنات الناس

هميّن إذا أنحرفت الزوجه قالوا ليش

الله يعمي قلوبكم وينكم يوم هالطاغوت يضرب حرمته ويدبغها كأنها حيوان موب آدميه

حتى ضرب الحيوانات منهي عنه بل له وعيد في الآخره

يعني مايحس بالنار إلاّ رجل واطيها

أنا يالرجال ما ينفع معنا إلاّ القوه
وما أخذ بالقوه لا يسترد إلاّ بالقوه

أخذنا كرامة حريمنا بقوة العنف
لن ترجع هذي الكرامه إلاّ بالعنف المضاد هذا إللي يصلح لنا كأشباه رجال

لو أخذتي هذا السفيه وغيره بالقوة والحزم مع أول يد مدت عليك
كان عرف هذا أن وراك رجال بياخذون منه حقك
وكوني رجال صدقيني بيحترمك أكثر أنا يالرجال مثل ما قلت نحترم الأقوى
نحترم من يحافظ على كرامة بنته وآدميتها


وقفي هالتبن عند حده

أبد أنا يالرجال أسود على هالحريم
ونعاج بل دجاج على غيرهن


كان ربي الرحيم الودود في عونك ونصرك على المجتمع
الذكوري pb030


شكرا bp039pb189

> كلآمك أثر فيا جداً :( :sm1::sm1:pb189
الله يهديكم ي رب
لو يدرون هـ الرجآل أنهم مصدر أماننا ليش يخونون هـ الثقة
</3

انفاسك دخون
18-09-2011, 03:03 AM
الله يكون بعونك ويهدي زوجك يارب ..
واضح من كلامك وصبرك عليه مع فعايله الشينه حبك له
لكن هذا غلط:sm4:
اصلا سكوتك عن ضربه اول مره هو اللي خلاه يتمادى في ضربك
ودام انه فيه هالطبع فابو طبيع مايجوز عن طبعه pb131
يختي ظفي عيالك وربيهم احسن تربيه بهدوء بدون مشاكل تاثر عليهم بعيد عنه ...

انا من وجهة نظري الانفصال الحل السليم لانه كم اخذ من فرصه وماتغير وماراح يتغير ..

الله يكتب لك الخيرpb189

ترف فرنسا
18-09-2011, 05:52 AM
هلا عزيزتي هذي لجان الحماية من العنف الاسري منتشرة في المملكة + موقع حماية التابع لوزارة الشؤون الاجتماعية

يمكن الاتصال مباشرة أو إرسال فاكس على الرقم المذكور يتم فيه توضيح المشكلة و كيفية الوصول إلى الشخص المعني
ـ لجنة الحماية بمنطقة الرياض ت 012075242 فاكس / 012075172
ـ لجنة الحماية بمنطقة مكة المكرمة ت 026616688 فاكس / 026641815
ـ لجنة الحماية بالمنطقة الشرقية ت 038349422 فاكس / 038305122
ـ لجنة الحماية بمنطقة عسير ت 072247087 فاكس / 072247091
ـ لجنة الحماية بمنطقة حائل ت 065437944 فاكس / 065437944
ـ لجنة الحماية بمنطقة المدينة المنورة ت 048654117 فاكس / 048654115
ـ لجنة الحماية بمنطقة القصيم ت 063853730 فاكس / 063853721
ـ لجنة الحماية بمنطقة الجوف ت 046250824 فاكس / 046250824
ـ لجنة الحماية بمنطقة نجران ت 075290386 فاكس / 075290461
ـ لجنة الحماية بمنطقة الباحة ت 077226932 فاكس / 077228180
ـ لجنة الحماية بمنطقة جازان 073172266 فاكس / 073172266
ـ لجنة الحماية بمنطقة تبوك ت 044235048 فاكس / 044235048
ـ لجنة الحماية بمنطقة الحدود الشمالية ت 046629932 فاكس / 046629932
ـ الادارة العامة للحماية الاجتماعية الرياض الرمز البريدي 11157 هاتف 0096614738002 فاكس0096614736055
http://www.hemayah.org/index.php?page=7


وهذا مركز الاستشارة الاسرية في الاحساء والدمام ممكن يفيدونك بإذن الله
الرقم الموحد لهم
920000900

مهندس بلا جواد
18-09-2011, 06:00 AM
10 سنين ساكته ياساتر ..
وجهة نظري قد ما تعجب الكثيرين كون فيها همجيه نوعا pb027 لكن مهيب اكثر همجيه من تصرفات زوجك ..
خلي اخوانك كان عندك اخوان يجون ويلينون ظهره إلين يقول ربي الله ..
خليهم يطقونه إلين تختلف ضلوعه .. او على الاقل يهددونه انه لو لمسك مره ثانيه تراها بتكون القاصمه

بعض الناس ما ينفع معهم الا التهديد والتخويف .. اجل يطلع عقده النفسيه ومشاكله على ظهرك كنك مقطوعه من شجره ..
انا والله لو اعرف احد يعامل حرمته بهالشكل لاقوم اجلده إلين تتغير خريطة وجهه pb192

قال ايش قال يتصدق ويصلي .. كن ما فيه احد يتصدق ويصلي الا هو .. وبعدين وش فايدة الصلاة والصدقه دامه يمرغ حرمته ..
اصلا اللي يمد يده على حرمه موب رجال

اخصائية تَـنـك
18-09-2011, 06:11 AM
يَ قلبي يَ انتي ..
اذكر وحده بأحد المنتديات كانت مشكلتها الضرب .. تقول إن اهلي [ موب ذاك السند ]
ف صرت لا ضرب تضاربت معه ولعنته
ومَ سكت .. تقول اقعد على وجهه تمخيش واللي تبين .. تقول تآب عقبها ..
الثانيه تقول .. إذا كسر اغراض المطبخ ..تقول اقعد اكسر معه وعلى هالحاله لين عرف إن الخساره بتصير عليه
وتاب عقبها ..
انتِ شوفي وش ينفع مع زوجك وسويه .. انا مو بـ ذكري للحالتين اللي فوق ارشدك للهطريقتين ..
لا [ انتي بس شوفي زوجك هالتصرفات اللي فوق تنفع معه ولالا [ فكري بعمق ] وسوي اللي يرشدك عقلك له.. ]
وبالنهايه بقولك ..
قيام الليل .. والدعااااااء له دووره صدقيني يا ما ناس كنا نحسب إنهم ماراح يتغيرون وتغييروا بسبب دعاء زوجاتهم ..
واعرف وحده شخصيييا كان زوجها بخيل لدرجه ماتتصورينها .. تقول بديت اقوم الليل وادعي له بالصلاح و الكرم ..
وفعلاً صَلح زوجها وبدا يقوم الليل ويدعي ويقرا .. وترك الأغاني اللي ماكان ينام الا عليها واهتدى وصلحت كثير
من شؤونه من الله ثم دعاء زوجته الصـادق .. واقولك إيــــاها [ اعرفهم شخصياً ] ..

لذلك خليك ب قيام الليل .. هو الحل السلمي .. توجهي لله وصدقيني بتشوفين اللي يسرك ..

نآئيه بنفسهآ
18-09-2011, 07:39 AM
الغلط سكوتك لكن جا الوقت اللي تصححين فيه هالغلط
روحي بيت اهلك ولاترجعين الا بشيء واضح وضوح الشمس
انصحيه بشكل جدي يروح يتعالج مستحيل شخص واعي ومحافظ ع الصلاة يمد يده ويهين زوجته بهالطريقه الهمجيه الا اذا فيه خلل داخلي
انتي تزرعين الخوف وانعدام الشخصيه باطفالك وهذا غلط كبير وماراح ينسون مواقف ضرب امهم طول عمرهم وبيكرهون ابوهم

دخلي اشخاص حازمين وصارمين بالموضوع
والله ييسر امرك

السفر البعيد
18-09-2011, 09:13 AM
مشكورين ع الردود والحلول
مشكورة اختي ترف ع الارقام

bp039bp039bp039 لكم حبايبي
دعواتكم لي

قلبنا واحد
18-09-2011, 12:43 PM
طمنينا فانتظارك

ايفوني + ايبادي
18-09-2011, 12:58 PM
نصيحه لوجه الله
ومثلك ما شالله متعلمه وتعلمين اجيال

ززوجك هذا اعرف نوعياته هذولا ضعيفين ما يقدرون يتحملون اي شي
اي ضغط بالعمل او كلمه إنقالت له او اي شي يحس بخاطره او يضيق صدره
فيدور لأي شي يفش خلقه فيه فما شالله له 13 سنه يفش خلقه فيك وفي البزارين
الحل الحين
اذا جاء يفش خلقه خليه ولا تراددينه ابد عشان ما يفقد اعصابه ويضربك
هذا من ناحية ضرب

اما سفر خليه يسافر لا تقاشرينه

اما الخيانه تحمليها لخاطر الأولاد بسس

محبة هيرو
18-09-2011, 12:58 PM
زوجك هذا مو رجال
اغلب الاشكال الي كذا تلاقيها بالبييييييت مافي اقوى منها ومع الناس كح اضعف منهم مافيه
يختي الغلط عليكي مليون بالميه تدري ليش.؟
ساكته له كل هالسنواات؟ لاتقولي يجي يبكي ويتعذر واسااامحه
من الاساس مافي اي احد له الحق انه يمد يده عليكي
ليش تصبري وليش تسكتي من البدايه
تحسسوني انو الطلاق حرام وحل مستحيل ومستبعد
وليش طيب؟ ليش تعيشي حياتك كذا وتنضربي قدام الي يسوى والي مايسوى
ليش ترضي على نفسك؟ انتي تستاهلي حياه افضل من كذا
الغلط غلطك انتي ماحطيته له حد من البداايه
وش مفهومك للصبر؟ ع بالك بتاخذي اجر مثلا لما يضربك وتستكي
ايش التفكير هذاااااا
مدري بصراحه وش الحل بمشكلتك بس لو سكتي واستمريتي بتضيعي حيااااااااااااااتك وانتي مهانه
ومثل ماقلت لك انتي تستحقي حياه افضل من كذا لاتقولي صبر ماصبر
وش فادك فيه الصبر
لو سكتي مع الايام بتخسري نفسك وقيمتك وهذا اخطر شييييييي ع الانساااان
الله يعيينك لاتسكتي له ابدا لان الصبر مو حللللل

ايفوني + ايبادي
18-09-2011, 01:03 PM
^^^
بس عشان ابري ذمتي
اعرف وحده كان يضربها زوجها ومره وهو يمارس هوايته بضربها طاحت واضن ضربها ع ضهرها او من طيحه جاها شلل الله يرحمها توفت تصير عمت الوالده

الششاهد ان اذا ضربه ما توقف صحتك اولا

مسحب دجاج
18-09-2011, 01:11 PM
انا اشوف انه اذا ضربك تضربينه وتردين له الكف كفين :d والله جد
يعني انا ما اؤيد العنف ابدا في اي علاقه لكن مجرد انه مد يده عليك معناها مايحترمك وسكوتك يعني انك تنازلتي عن كرامتك قدامه .. مادام عطيته فرصته ولا تغير انا اشوف انك تردين له الضرب ( هذا انا قدرتي ) :d يعني هم قوتهم الجسمانيه غير عنا والله يعينك عاد :d اعرف وحده كذا زوجها طايح فيها ضرب ولا يعترف بالنقاش ..جا مره وضربها الا البنت ردت له الضرب ومشخت وجهه :d بعدها صار يخاف ههههههههههههههههه
الله يعينك يا اختي ويفرج همك ويسخره لك

L a M a R
18-09-2011, 01:28 PM
-





من رأيي ..
إن الطلاق راح يشتت اطفالك وهم بحاجتك خصوصاً بهالوقت
مافيه زي الأم ترى .. الطلاق مو شي هين !
إنتي كان غلطك من البدايه انك سكتي + رجوعك في كل مره بسهوله خلاه يتمادى ومايحس بغلطته
ودام انه يضربك على أمور تافهه يمكن انه مريض + استحلى هالشي لأنك تسامحينه في كل مره بسهوله
شوفي أحد من أهلك أو أهله يكون انسان حكيم وواعي
لأن الضرب قدام هالأطفال يسبب لهم عقد نفسيه ومتاعب تجلس معاهم باقي العمر وفوقها إهانه لك قدام نفسك وأطفالك والناس
ولا تتركين صلاة الليل والدعاء له بالهدايه .. إستمممممري عليها والله ان لها مفعول السحر في كل أمور الحياه

الله يفرج همك ويصلح بينكم ..

السفر البعيد
19-09-2011, 09:49 AM
الحمدلله انا بخير ما زلت عند اهلي وعيالي اكلمهم كل يومين
ومشكورين ع السؤال عني
دعواتكم لي

محبة هيرو
22-09-2011, 02:53 PM
حل حلوو استمري فيييييه فتره طويله عشان يتعظ
والله يوفقك ويخلي لك عيالك

سـارا
23-09-2011, 03:14 AM
الله يساعدك ويفرج همك وهم كل مسلم pb189

أستغرب صراحه وش اللي خلاك تتكلمين الان بعد 15 سنه تحملتي فيها

ضرب واهانات !! وش اللي تغير فجأه !؟ وخلاك تعترضين !

للأسف بسرعه تاخذنا العاطفه ونسامح ونصفح مع عدم ادركنا لحجم الكارثه

اللي سواها الطرف الثاني :rolleyes:

انا اشوف انه اول شغله تتعلمها البنت قبل الزواج هي انها تنسحب في حال واجهت

شغلتين : الضرب والخيانه ! ;) ويكون اسلم لها قبل تجيب اطفال وتدّبّس جد وقتها bp039

لان الغلطتين نسبة التوقف عنها ضعيفه لانه خلاص كان قدام الرجل حاجز وانكسر وشلون بيرجع

ينبني مره ثانيه :rolleyes: خاصه اذا شاف التهاون و التغاضي من الطرف الثاني اللي هو المرأه

فـ استحاله يتغير الوضع pb058

عموما تذكرت واحد كانت زوجته دايم تشتكي انه يمد يده عليها وكانت يتيمة الاب ولا لها اخوان

فـ ماكان لها سند الا رب العالمين , بعد ماجابت 6 اطفال صار خلاف بينهم و طلقها :(pb189

راح تزوج وحده ثانيه و بعد كم شهر ضربها على باله الوضع زي ماكان :D

راحت علمت اهلها وكان لها 3 اخوان راحو له البيت ودبجوه دبجوه دبجوه ليييين كسرو يده اذكر

وعظمه بالوجه pb094 يحلفون عقبها ماعاد عادها pb094 فـ اجتهدي ياعزيزتي

و اللحاجه اذا دعت الحاجه تنفع ماتضر bp039

الله يكون بعونك bp039

أبو وسن
23-09-2011, 07:01 AM
سبحان الله مشكلة زوجك نفس مشكله اخوي الكبير .. يضرب زوجته على أقل شي وطلقها مرتين وله عشرين سنه متزوجها وعنده 8 أطفال ونفس تفاصيل مشكلتك بس زوجته ماهي موظفه ..
والحمد لله انتهت كل المشاكل بينهم بمجرد إنه تزوج بأخرى وصار يقدر ويحترم زوجتة الاولى .. ويعاملها معامله لم يسبق لها ان وجدتها حتى في شهور زواجها الاولى ..والسبب الثاني اللي ساعد في حل المشكله لما كبروا أولاده .. صاروا في 17 و18 من أعمارهم ..

حقيقة أنا رجل ولكن مثل ماحيرني أخوي طول هذي السنوات وجدت نفس الحيرة وأنا أتصفح كلماتك ..
وأنصح بعدم ترك أولادك يضيعوا امام عينك .. وتحملي واصبري على التعب لعيون أغلى الناس اطفالك الأبرياء وإن شاء الله يكبروا ويعوضوك عن ( عديم الإحساس )
الله يفرج همك ..

كَوْنِ
23-09-2011, 07:22 AM
~

زوجي عصبي جدا ولأتفه الأسباب فهو يتجرأ في ضربي ولا مانع لديه
من ضربي امام اولادي وشغالتي واقاربه ان وجد ضربا مبرحا لدرجة
تبقى اثار ضربة لي لعدة ايام كل ذلك لاسباب تافهه بنظري ونظر الجميع ونظرته هو
~
والمشكله اما ان تكون اكتشافي له بانه يخونني او يكذب علي او سفره ...
~
ويتكلم لاهلي واهله بكلام ليس فيني ويسبني امام اولادي
~

فهو ليس لديه مانع من كسر أي شي امامه مهما كان سعره ليعبر عن غضبه
احيانا تحدثله مشكله مع الجيران او احد اقاربه فيخلق مشكله من لا شيء
لنا فتبدأ المشاكل بيني وبينه وبعدها يعترف انه بسبب غضبه ع فلان

~

انني احبه فهو لديه صفات حسنه مثل حرصه ع الصلاه والصدقه وحبه للخير
وكرمه لكن لا اتحمل ظلمه لي ،،،،، فكم من مره قذفني وكذب علي ووصفني بصفات قبيحة

مستحيل تجتمع فيه هذي الاشياء :confused:
لو كان يخاف الله مـ ظلمك :(:sm4:
يضربكـ ضرب مبرح ع اتفه الأسباب!!
يضربك حتى لو هو الغلطان والي مفروض ينضرب !!
يسبك ويضربك قدام عيالك وقدآم اهله !!
يكسر الاشياء وم تهمه قيمتها! ( بكره يكسر راسك او رآس احد من عيآاله ويقول كنت معصب من فلان
يفرغ شحنآته فيك وفي اولآده ويسبب لكم عقد نفسيه!!
:confused:
~

وتقولين احبه pb093pb093pb093
وتفكرين ترجيعن له )
لو كآن انسان سوي مآ مد يده عليك !
ولآسبك قدام عياله واهله !
الي يضرب ل درجة ترك الاثر مو بعيده عليه يقتل :eek:
~

من رأيي ارجعيله واذآ طقك للمره المليون وهذآ المتوقع :(
روحي اقرب مستشفى ( طبيعي بيسألونك اذآ شآفوا الأثار _
قولي انه اعتدى عليك ومو اول مره , واكيد ساعتها بتتدخل
الجهات المسؤله ويفرضون عليه الطلاق وحتى عيالك من حقك
تطالبين فيهم لأن عيشتهم معه رآح تسبب لهم عاهات مستديمه )
اذآ استمر على نفس وضعه المُزري pb036pb093
لأأنه مو قدوه pb093 ولآ من صالح عيالك يعيشون في بيت كله صرآخ وضربpb036
وانتي مُدرسه يعني وضعك المادي مطمئن :)

~
م بأيدي غير الدُعاء لكـ ولأولادك
(( اللهم يا فارج الهمـ ويا كاشف الغمـ
فرج همها وأرحمـ ضعفها
وقلة حيلتها وارزقها من حيث لآ تحتسب ))
الله يهديه ويبدل حاله ويحنن قلبه عليكم
الله يعطيكم من خيره ويكفيكم شره ,,

bp039

~

ذيل حصان
23-09-2011, 07:32 AM
ماقصرو عطوك خيارات كثيره اجلسي مع نفسك وشوفي اللي يريحك اذا راضيه تستمرين معه ولا تنفصلين وهذا شي راجع لك طبعا

بس لايكبر الموضوع يتاثرون الاطفال لمدى العمر ,