PDA

عرض كامل الموضوع : الحل مع جهاز Aztech


blaa_7b
23-08-2011, 04:12 AM
بسم الله الرحمن الرحيم

السلام عليكم ورحمة الله وبركاته
اولاً تقبل الله ومنا ومنكم الصيام والقيام وغفر الله لنا ولكم ماتقدم وماتأخر من ذنوب

انا رحت لمكتبة جرير وشريت من عندهم جهاز Aztech هذا

http://image20.it168.com/201103_500x375/511/93ef0fb7409988e4.JPG

واخذت كل التعليمات من الورقة اللي مع الجهاز بس للاسف ماضبط معي ؟؟
مع العلم انهم قالولي ادخل على 10.0.10.254 وللاسف هالموقع فتح معي مره وبعدها خلاااص صار يعطيني خطاء او يطلع لي بالصفحة كذا :

Oops! Google Chrome could not connect to 10.0.10.254
Suggestions:
Try reloading: 10.­0.­10.­254
Search on Google:

المهم الله يجزاكم خير قولوا لي وش الحل مع هالجهاز هو لازم ادخل على هالموقع ولا فيه طريقة ثانيه

ابي حل سريع الله يجزاكم خيييييير .. شكرا لكم مقدما

نوع الجهاز اللي عندي واضح بالصوره هو : WIRELESS-N WL556E

blaa_7b
23-08-2011, 05:10 AM
للرفع الله يجزاكم خير .. اسف على الرد السلبي لكن عشان ماتنسوون

Roo7 Almoal3
23-08-2011, 09:17 AM
عندي وأبشر بالرد

أنا استخدمه حاليا

أولا: تشبك الجهاز بالكهرباء وتوصل الكيبل بينه وبين الكمبيوتر.

ثانيا : تروح تضبط الـ ip تروح لإتصالات شبكة الإتصال من لوحة التحكم أو من عند الساعة

ويطلع لك الشبكات اللي عندك تروح للشبكة اللي اسمها local area connection وزر يمين بالفأرة

وتختار خصائص بتطلع لك نافذة فيها عناصر عدة اختر اللي اسمه internet protocol TCP/IP فقط اضغط عليه ضغطه واحدة

وتلقى تحت على اليسار خصائص خش عليها

بتطلع لك نافذه اختر الخيار الثاني اللي اسمه استخدام عنوان ip التالي

في الأولip address اكتب 10.0.10.1

الثانيsubnet mask اكتب 255.255.255.0

فقط بعدين أوكي.

إذا ضبطت ip بالطريقة اللي فوق روح وعطل الوايرلس من الكمبيوتر

ثالثا: افتح صفحة انترنت واكتب في العنوان 10.0.10.254

بتطلع لك نافذة اسم مستخدم وكلمة مرور

اسم المستخدم admin
كلمة المرور admin

رابعا : بتفتح لك صفحة اختر Quick setup

بيقول لك auto أو manual

اختر manual يعني يدوي واكتب اسم الشبكة اللي تبي والرقم السري إذا بغيت

وفيه حاجتين من أول خيار

إذا بغيت القطعه هذي تبث وايرلس أو تبيها تشبكها عن طريق كيبل للابتوب

اختر الخيار wireless bridge

إذا بغيت تبث وايرلس وطريقته أنك تشبك كيبل بين القطعه والمودم طبعا بعد ماتضبط الإعدادات اللي نشرحها هالحين.

أو تختار access point

وطريقته أن القطعه تلقط إشارة من المودم بدون كيبل بينها وبين المودم ولكن لازم كيبل بين القطعه والكمبيوتر.

والأفضل wireless bridge

إذا اخترت من الخيارين اللي فوق وضبطت اسم الشبكة اضغط موافق وخلها لين يطلع لك نافذه جديدة.


خامسا : من القوائم اللي فوق فيه wireless

خش عليها وفيه خيار لازم تحط صح عند وهو broadcast ssid

عشان الشبكة تصير ظاهرة لك وتتصل بها

إذا ماحطيت الصح إذا جيت تبحث عن الشبكة ماتظهر لك .

سادسا : يجب أن تفصل الكيبل من الكمبيوتر وتشبكة بالمودم عشان يوصل بين القطعه والمودم

ولاتنسى ترجع وتختار الخيار الأول للـ ip التلقائي ( شف الشرح فوق)

وفعل الوايرلس في كميوترك
سابعا : استمتع بالنت وقوة الإشارة

ثامنا : راسلني خاص إذا مافهمت وأبساعدك لأني كنت مثلك أول ماأخذتها وبلشت بها لكن الحمد لله عرفت لها.