PDA

عرض كامل الموضوع : تغطية كامله بالصوره لمسلسل نوره


العتيــد
11-01-2003, 06:33 PM
تحية طيبة


لا يخفى على الجميع اسم هذا المسلسل وهو مسلسل يعرض على القناة الاولى في التلفزيون السعودي ويشارك في هذا المسلسل نخبه كبيره من الممثلين وقد حصل هذا المسلسل على متابعه جماهيره كبيره المسلسل يدور في قالب حزين وتمثله الفنانه هيفاء عادل بدور نوره الامراءه النادره في الوجود في تعاملها مع الاخرين من حيث كمية العطف والحنان الذي يجده من حولها وفي نفس الاحداث نجد بان هناك على النقيض تمام نجد منى عبدالمجيد وهي تمثل دور هند تمثل دور امراره شجعه تبحث عن المال دون مراعاة مشاعر الاخرين فيما نجد الاخ الاكبر لها عبدالرحمن رجل ثري ولكنه فقد زوجته وتحمل مسئولية ابناءه الصغار وفشل في زواجه الاول ولكن بعد زواجه من نوره تغير الوضع تماما مما جعله في النهاية يثق فيها ويكتب لها جميع املاكه من اجل المحافظه عليها وتربية ابناءه من بعده .

المسلسل جميل وان كان هناك عيوب في العمل وهذا شي وراد لان لكل عمل اخطاء ويتحمل الاخطاء بشكل اكبر المخرج على العمل الاستاذ عامر الحمود فهناك اغلاط تحدث كبيره جداً ولم يعد المشهد من اجل التقيد بالدور المناسب ويعيب عليه تمديد المسلسل لى ثلاين حلقه واحداثه بطيبة والسبب يعود الى انه كان من المفترض ان يكون العمل في شهر رمضان المبارك ولكن لضيق الوقت تم عرضه في هذا الوقت .

كما احب ان اوضح بان للتلفزيون العزيز دور كبير في بعض السلبيات فقد وضع المسلسل في وقت متاخر لليل وايضا وضع في العصر مما لا يجد البعض فرصه في مشاهدته لتقيد الكثير باعمال وايضا قطع المسلسل من اجل عرض حلقات دينه وليست هناء معارض ولكن شاهدت بان الكثير من الاطفال الذين يتابعون المسلسل يتنفرون من البرنامج الديني بعد انقطاع المسلسل وهذا الشي ربما يولد امور اخرى مستقبلاً .

<<<< صاير مثقف بقوووه اليوم :D

نتابع العمل بالصوره .

شعار القناه الاولى

http://bader40.jeeran.com/images/sharr.jpg

صاحبة الدور الرئيسي في المسلسل نوره

http://bader40.jeeran.com/images/nnora.jpg

هذا عبدالرحمن مالقى الوناسه والحب والحنان الا يوم شاف نوره

http://bader40.jeeran.com/images/abrahman.jpg

هذا سلمان اكل تبن من يوم طلق نوره وتزوج وحده دايم رافعه خشتها ومن زين وجه نكب نوره مع رجالها الثاني وهو عايش على الاطلال

http://bader40.jeeran.com/images/salman.jpg

موضي اخت عبدالرحمن ومايقدر على هند الاهي وصراحه انها رررهيبة في كل شي كل شي :D

http://bader40.jeeran.com/images/modiy.jpg

مساعد رجل عاصمي ويعتمد كثير على نفسه عنده عزة نفس ويحب نوره مووت ومره وده يصير تاجر والضعيف ان لعب عليه

http://bader40.jeeran.com/images/msad.jpg

اما هاااااذي صرراحه وبدون مجامله ضابطه دووورها بشكل عجيب واذا تبون الحق اقصر على التلفزيون اذا شفت صورتها من قوووو الصوت بس تراها زززاحفه بقوووه وسحبت نوره على خشمها تسحيب وكفختها تكفيخ

http://bader40.jeeran.com/images/jamla.jpg

مشعل اصغر عيال عبدالرحمن ويقوولون مدلع مره بعد وكان فيه تعتعه بس ماشي صح وله مستقبل .

http://bader40.jeeran.com/images/mshal.jpg

نواف والله مايدري وينها موجه

http://bader40.jeeran.com/images/noaf.jpg

فهد دوره عادي مثل دور مشعل

http://bader40.jeeran.com/images/fahd.jpg

نوووف ماشاء الله عليها والله ياهي ضابطه دورووها بشكل اعجبني وبيني وبينكم تخلي الواحد يصيح من معناتها .

http://bader40.jeeran.com/images/nooof.jpg

اما هذا عسى الله مايطرحكم في اخو ولا ورع مثله ياهو عليه للسان ماتقدر تسولف وهو معك ورع فضيييحه حاااس ان ابوه من ساحة الاقلاع لانه من جد مقلع

http://bader40.jeeran.com/images/fasl.jpg

المهبوله هاذي زوجة سلمان الثانيه عزالله ماصاد خير

http://bader40.jeeran.com/images/alspha.jpg

هذا رجال موضي وصراحه رهيب

http://bader40.jeeran.com/images/rgalman.jpg

رجال فوزيه بعد ماصار رجال وتعالج من الادمان

http://bader40.jeeran.com/images/alhsaow.jpg

هذولي بنات هند وحده مستقيمه والثانيه اكلت تراب يوم طلعت صورها على الانترنت نشوفها بعد شوي

http://bader40.jeeran.com/images/banaat.jpg

مسكينها اكلت تبين يوم وثقت في عيال وراسلت صورتها وفي النهاية وش صار خلوها مستوره الله يعافينا

http://bader40.jeeran.com/images/hannnnkpa.jpg

مع تحيات المخرج عامر الحمود

http://bader40.jeeran.com/images/akraj.jpg

هذا فلاش يوم سلمان يبي يعطي ولده لنوره وهي ماهي مصدقه

WIDTH=300 HEIGHT=300

اغنية المسلسل بصوت الفنان الغايب عبدالعزيز المنصور

http://members.lycos.co.uk/samtalboo7/cvxdsad.rm

تحياااااتي واعذروني على القصور

صدى نجد
11-01-2003, 06:48 PM
ما قصرت العتيد
تغطية رائعة لمسلسل سعودي (يزقح :D )

::AbOd::
11-01-2003, 06:49 PM
يعطيك العافيه اخوي

وعندي طلب ياليت لنك التحميل حق الاغنية ;)

لــيــان
11-01-2003, 07:18 PM
يعطيك العافيه اخوي
و للاسف ما تابعت المسلسل :(

رادة بالدنيا
11-01-2003, 08:07 PM
يييييييع يييييييييييييع هذا ابيخ مسلسل مر علي:mad:
مبالغة
موب واقعي
نورة كنها ملاك
حوار بايخ
اخراج مدرسي
وليلي الهلالي تنفع تكون اي شي غير كاتبة

مشكور يالعتيد .. عطيتني الفرصة ابرد سبدي:D

ماااهناش
11-01-2003, 09:04 PM
تغطية حلوه يالعتيد

بس والله ذا المسلسل من ابيخ المسلسلات
اللي شفتها في حيااااااتي

وماااقدر اقول الا ووووووووع

دنيا الولة
11-01-2003, 09:35 PM
العتيــد
^
^
^
^
تغطية خيالية من ذا الادمي;)

مشكور ياااالعتيد

ومثل مااقاللو الي فوقي
مسلسل ماصل بكل ماتعنية الكلمة
سوء من الحمود او مرتة الماصلة ليلى الهلالي:(

دورمه
11-01-2003, 09:41 PM
وش فيكم على الرجال
بالعكس هذا احلى من
ابو رش رش

وعد وغلط


تسلم العتييييييييييييييييي

عمر ابو راس
11-01-2003, 09:48 PM
يعطيك العافيه تغطيه شامله وموضوع مميز:)

جيزانيه في بكين
11-01-2003, 10:04 PM
مسلسل قدن قدن فاشل هذا الي اقدر اقولوه وبس يئطيك العافيه عتيد على المقهود

*MisS.UnIvErSe*
11-01-2003, 10:38 PM
أنا اشوف ان الاخراج لك عليه شوي
ولا وش ابييييخ من ان عيال عبدالرحمن اذا جو يحكون
يحكون كلهم مع بعض واضح انهم محفظين يعني :(
ماااش تحس انه تمثيل <<< باللهي ؟
وبعدين احس ان الكاتبه شاااطحه بالشخصيات شوي
يعني الطيبه ماتوصل لحد السذاجه .. نوره طالعه ملاك بالمسلسل
وهند شيطان ولا صفه زينه!! لاوبالنهايه تنقلب 180 درجه وفجأه

عموما يعطيك العافيه يالعتيد وماقصرت .. والمسلسل لااخفيك اني تابعته
رغم هالملاحظات اللي فوق

رعبوب
11-01-2003, 11:27 PM
مشكور على التغطية الحلوة والموضوع الاحلى

صحيح انه مسلسل لك عليه لكن بشكل عام يفك ازمة

اذا كان ما عندك شي اقعد تفرج عليه

انا ما اطالعه الا عشان هالثنائي المرح ( توم وجيري على غفلة :D)
http://bader40.jeeran.com/images/fasl.jpghttp://bader40.jeeran.com/images/mshal.jpg

العــــــــرّاب
11-01-2003, 11:51 PM
سعيد اخو مبارك
هذا حال الدراما السعوديه
ما تطلع من مطب الى وتطب في جفره وعلى ذا الحال مدري الى متى ؟؟؟؟
شفنا قبل سنه تقريبا مسلسل " قلوب من ورق "
وحامت تسبودنا من تصنعهم وعجزهم عن اقناعنا ان الممثل الفلاني او الممثله الفلانيه يعيش هالجاله او يمر بهالوضع
ليلي الله يجزاها خير وان دلى رجلها يطاوعها تبي تدبل تسبودنا وعلشان كذا حبيت اقول اللي لاحظته على المسلسل :
اول ما بدت تكتب ولمن بدت الشخصيات تحدد في دمجتها
اكتفت بالوضع الاتي هيفاء عادل ( محبه )
والمصريه اللي قبلها صراخ نسيت اسمها ( نجسه ) و و و و و و
يعني ما حاولت تعطي اكثر من لون لشخصيه وحده موب معقول يمر مسلسل كامل ما نشوف في وسطه هيفاء اما معصبه او الثانيه ذيك " المصريه " في لحظه ضعف او ضايق خلقها .
اللهجه في المسلسل ضايعه واكيد تبي تصير ضايعه اذا جبت لي مغربيه ومصريه عايشه في الكويت وبحرينيه وكويتيه وبغيتهم كلهم يتكلمون بلهجه سعوديه افلقني ان قدروا
بصراحه المسلسل طلع لنا بخليط لهجات وينك ياللي يبي الضحك
وخاصه ذلك اللي قبلها تغازل قسمن بالله شي يفقع التسبد ويبط المراره
مدري وش يبون منا الا غصب نصييييييييييييييييييح
الا غصب نتأثر
نعنبوهم ما يويدزون على اللي حولنا ويتعلمون منهم
السوريين ولا المصرايه ولا الكويتين
ان كانت اعمالنا الدراميه من الحين وطالع بهالمستوى
ما نبغااااااااااااااااااااااااااااااااهاااااااااااااا اااااااااااااااا
خلاااااااااااااااااااااااااااااااااااااااااااااااا اااااااااااااااااص

راديو
12-01-2003, 01:19 AM
العراب رد راائع :) الله يعطيك العافيه :)

لي وجهة نظر بالدراماالسعوديه اذا جازلناالتعبير اننا نسميها دراما !!

قبل فتره طويله يعني قبل ازمة الخليج كانت المسلسلات الأردنيه تأتي في المرتبه الثانيه عربياً بعد المسلسلات المصريه ... الكل كان معجب ويتنبأ بمستقبل باااهر للدراما الأردنيه.. لكن بعد الفتره اين اختفت الأعمال الأردنيه !!
الجواب بكل سهوله ..
عندما كانت هذه الأعمال تناقش القضايا الأنسانيه المحليه وتدخل في اعماق قضاياالشارع الأردني ..تناقش اشياء يراهاالمواطن العادي يومياً .. وصلت للقمه.. لكن عندما توجهت للتقليد بحثاً عن التغيير !! سقطت ومازالت تسقط !!

مشكلة الدراما السعوديه هي التقليد منذ البدايه حتى قبل ان نؤسس قاعده ننطلق منها !!! الكثير من الأعمال الدراميه السعوديه هي مجرد اعاده صياغه لأعمال خليجيه اومصريه ..... صياغة بأسلوب هش يفتقر للإبداع !!

عمل بحجم مسلسل نوره .. امكانات الى حد مااا كبيره .. ممثلين يتفاوتون في المستوى ..
نستثني منهم فايز المالكي لأنه لا يملك اي موهبه مجرد سد فراغ لا اقل ولا اكثر ..

عمل بهذاالحجم توفرت فيه بعض عوامل النجاح ..... لكنه فشل !! والمسؤول الأول عن هذاالفشل هو عامر الحمود وطيبة الذكر ليلى الهلالي والتي حشرت نفسها حشراً في كتابة المسلسلات... لاتملك ادنى موهبه ومع ذلك هي تصر على كتابه ماتسميه هي وحدها اعمال دراميه ...
سقطات كبيره وخلل لايحتاج الى ادنى تركيز في السيناريو ... تصنع في الأداء .. محاولة التاُثير على المشاهد بإفتعال الحزن !!! تجاهل اشياء اااساسيه!! لصناعة احداث تطيل عمر المسلسل كانت هي اهم خلل في مسلسل نوره !!
لابد ان تتخلص الدراماالسعوديه من انصاف المواهب ممن يريدون التواجد لمجرد التواجد !!!

بقي سؤال اتمنى ان اجد الأجابه عليه ..
( ليش كل مسلسلات عامر الحمود وليلى الهلالي تنتهي بزواج؟؟؟؟؟؟؟؟؟؟؟؟؟؟؟ )

تحياتي للجميع

هـواوي
12-01-2003, 02:55 AM
تبي الصراحة القصة روعة
بس الاداء والاخراج سئ جداً

تراها وجه نظر فقط

عيون الحب
12-01-2003, 03:26 AM
ليلى الهلالي << ماادري من لاعب عليها وقايلها انها كاتبه .. :(
عامر الحمود << برضه ماادري من قايله انه مخرج .. :(
الاغنيه << احلى شي فى الموضوع راااايقه مره .. :)
يسلمووووو

مخاوي الصرقعة
12-01-2003, 04:55 AM
هلا بمبدعنا العتيد

موضوع رائع من عضو رائع أتحفنا بمواضيعه

صراحه المسلسل هذا ما اعجبني لان فيه مبالغه

والحوار اكثر من بايخ

يمكن قصته حليوه ... بس الحوار خررررررررب المسلسل

اميز ما في المسلسل تغطيتك الرائعه اللي تستحق بكل جدارة

المميزة

صدى الامس
12-01-2003, 05:23 AM
هلا والله بالعتيد .. تغطية مميزة ..

بس بصراحه هالمسلسل يرفع الضغط .. وفيه أخطاء كثيرة كثيرة .. مدة 45 دقيقة ولو تدقق فيه تشوف الأحداث كلها في 25 دقيقة كانها كثرت .. والباقي ذكريات وسواليف مالها سنع .. وإلا أنهم يجبون نورة وهي تبي تنزل من الدرج وتأخذلها حول الدقيقتين على هالمشهد بس !!!

وبصراحه دور نورة مبالغ فيه .. فهد خوي عبدالرحمن عرف بطيبتها ومحبتها وحنانها !!! حتى صالح زوج فوزية اللي 24 ساعة في إستراحته درى بطيبة قلبها وحنانها اللي يغطي العالم كله !!!

وقبل لا تتزوج عبدالرحمن تأخذ لها كاس شاهي (( كاس الحب )) ومكتوب عليه معاً للأبد وهي ما تبي تتذكر سلمان !!! وإلا سلمان عقب ماطلق نورة يجلس يمدحها قدام أخوها وهي متزوجة !!! وإلا يوم سلمان يجي عند عبدالرحمن عقب ما طرد نورة ويجلس يمدح فيها قدام زوجها !!!

والغبنة صدق يوم عبدالرحمن طرد نورة من بيته وشكك في شرفها .. نورة ما همها هالشئ !!! همها العيال وبس !!! بالله هذا حال وحده زوجها يشكك في شرفها وهي مهيب مهتمه فيه همها العيال !!! والا يوم يجي عبدالرحمن يبي يخطب نورة كانت لابسة قميص مدري وش لونه وفجاءه تغير هاللون وطلعت لابسه قميص ثاني في مشهد واحد !!!

وزوج هند .. مهمشينه في المسلسل ولا يهون ولدهم حمد اللي نسمع به ولا شفناه :) !!!
والمسلسل يقولك سعودي أي سعودي والممثلين مافيهم غير 4 بس !!!
واللهجات كوكتيل .. جامعين كل دول مجلس التعاون :) !!!

وأكبر خطأ في المسلسل يوم مشاعل أرسلت صورها للعالم وطلعوها في النت .. يجون أهلها ما يحملونها أي خطأ والخطأ على الشاب 100 % !!! يعني خلاص هي أخطأت بس خطاها بسيط مهوب زي الشاب !!!

أعذرني على الإطالة بس اللي في القلب أكثر من هالمسلسل ...

تقبل خالص تحياتي ,.,

شرشف
12-01-2003, 06:34 AM
اشكرك اخوي على التغطيه الحلوه :)
لكن خلنا نكون صريحين شوي
بصراحه هذا المفروض مايسمونه مسلسل المفروض يسمونه لعب كورة سلة
عيب المخرجين السعوديين التركيز بشكل كبير على الديكور اكثر من اداء الفنانين
بالرغم من وجود نخبة كبيره من فنانين محترفين وكبار لكن تحس بتصنعهم كثييييييييير خصوصا هيفاء عادل
واذا تبي تتاكد من كلامي تابع اي مسلسل كويتي من مسلسلات فجر السعيد وتشوف الفرق
هذي وجهة نظر لا اقل ولا اكثر :)
الزعل مرفوض والرزق على الله

Audio Master
12-01-2003, 07:08 AM
يعطيك العافيه يالعتيد :)

مااقدر ازيد شي على ردوود الاخوان العراب وراديو :)وصدى الامس < ==من بقى :rolleyes:

نسخه للمميزه بعد اكتمال الردوود

رجة الرياض
12-01-2003, 10:41 AM
انا ما احب المسلسلات البته وناظرت طاش شوي وخليته والمسابقه تشهد بذلك

بس الحق ينقال اني كل ما جلست مع عجزنا لا امي الله يخليها ومرت عمي ( عادي ما بيننا غطوه ) وخالاتي ووعماتي كل سواليفهم عن هالمسلسل وانواع الحماس :)

المنسمة
12-01-2003, 11:52 AM
مبالغه ، جمل متكرره ، حوار ركيك
اللي تابع المسلسل اكيد لاحظ ماسبق ، كان ودي اسوي مسابقه كم مره قالوا " احنا نحبك ماما نوره ":mad:
بعدين هيفاء عادل مايليق لها دور الطيبه ابدا شكلها مايساعد ، يصلح لها القوه والنجاسه اكثر :p
من يشوف اخراج جرح الزمن ثم يشوف نوره يعرف الفرق زين :rolleyes:
والغريب على كثر مصالته الا انك غصب تشوفه :p
ماتميز المسلسل الا بتغطيتك وموضوعك الرائع :) يعطيك العافيه و مبروووك المميزه

المتسرب909
12-01-2003, 12:03 PM
مسلسل نوره كشف للمشاهدين ان جرح الزمن لم يكن سبب نجاحها عامر الحمود .. وكلنا شاف الاخراج الباهت للمسلسل نوره .. اعتقد ان ليلى الهلالي تحاول بشكل او بأخر تقليد فجر السعيد .. نهاية المسلسل كانت روتينيه واكل عليها الزمن وشرب .. بشكل عام المسلسل جيد ولو عرض قبل 10 سنوات ممكن ينجح نجاح كبير ..:)
الف شكر اخوي العتيد على هالتغطيه المميزه .. ومن خلال الردود على الموضوع اكتشفنا كم مبدع نتنظر مواضيعهم النقديه :)

تحيه احترام لشخصك الكريم اخوي العتيد :)

Super-H
12-01-2003, 02:40 PM
صراحة الأخوان ماقصروا
لكن ماشاء الله تغطيه ميه على ميه

العتيــد
12-01-2003, 02:45 PM
تحية طيبة

الف الف شكر للجميع على هالرود بدون استثناء .

بخصوص المسلسل مايحد ينكر ان فيه عيوب وكان يمكن تجاوزها بسهوله ولكن يبدوا ان عامر الحمود ماكان عنده وقت عشان يعرض المسلسل في شهر رمضان .

انا مع الجميع في ان دور نوره مبالغ فيه بشكل كبير ولكن وبكل امانه المسلسل حقق جماهيرية جميله جدا والجميع يتحدث عن المسلسل وابرز احداثه .


عموما المسلسل في اعتقادي تجربة جميله نوعا ما ولكن هناك اخطاء اتمنى ان تعالج في المسلسلات القادمه .

اقل شي نشوف شي يبرد على القلب خصوصا اللي ماعندهم قنوات فضائية مثل حالتي .

تحياتي

Super-H
12-01-2003, 02:45 PM
بس لاتنسى اخوي نبغى رابط تحميل للأغنية بوضوح اكثر الله لايهينك صراحة اغنية شي ملحنها ناصر الصالح اكيد انها شي
ولاننسى دور المنصور فقد ابدع فيها

صعفق بن نقا
12-01-2003, 02:59 PM
شوفو البلا موب في عامر الحمود

البلا في ذا الكاتبه اللي مالها داعي
وكلكم شفتوا اخراج عامر الحمود في جرح الزمن

متجر اختياراتك
12-01-2003, 03:04 PM
اخوي العتيد /
أحب أشكرك على هالتغطية المميزة الرائعة :)

من ناحية المسلسل فأنا اصنفه مع القصص الخيالية والتي تأتي بقصص غريبة وخالية من الواقعية والوضع الحالي ....

# نورة : يوجد عندنا ولله الحمد حريم طيبات مثلها , لكن لحد السذاجة ؟ .... مااعتقد !!!

# شخصية هند والتي لعبتها " منى عبد المجيد " شخصية خيالية ومبالغة في الشر والنوايا السيئة ........ يعني انا اشوف ان بنت الهلالي حاطتها في المسلسل بأكبر من حجمها فهي في الاخير أخت , وبعيدة عن الارث ........
يوم مات ( أبو فهد ) ماتأثرت ولا شي وكأن اللي مات الخدامة مهوب ابو فهد :D
يعني معقولة فيه مرأة بهالقسوة والنكران ... فيه واحد مايتأثر اذا مات قريب له .. فكيف اذا كان أخوه .... يعني ( ليلى ) تبي تقنعنا بهذا الحجم من الشر .... هههههه ترا لنا عقول يامؤلفة القصص الخيالية :)

# غياب ( أبو عبد الرحمن ) بعد وفاة ابو فهد .... لا أدري مالهدف منه ..... رغم انه يملك الوصية ولا اعتقد ان شخص سيهمل كل هذا ويغيب ومايطلع من البيت .... لا ويقول بعد (( يووووه تذكرت الوصية ؟؟ )) :D

# بعض المشاهد نشاهدها ونعلم ماذا يحصل بعدها ..... ويروح التشويق والاثارة بكلمة تسبق الحدث من أحد ابطال العمل ...
مثل اذا قالت موضي ... ان هند مهيب ساكته وتبي تسوي شي .... وفعلا الحلقة اللي بعدها تصير مكشوفة ويتحقق الشيء نفسه .....

# دور مرت السكران ابراهيم الحساوي , أمرأة ( غبية ) وليس لها رأي وضعيفة وماتعرف ترد وخواااافة , وفجأة وفي لمح البصر تصبح قوية وشريرة وتمنع رجلها يدخل البيت وتكلمه بعنف لا وتضربه وتشوته وتطلعه من البيت .... وهو أمس هو اللي يسوي هالعمايل فيها ...
يعني ماأدري وش اقول ......؟؟؟؟؟
المسألة لو جت بالتدريج كان ... اقتنعنا شوي .....:)
لكنها جت فجأة ......

# يااخوان فيه بنت ... غبية الى هالحد وترسل صورتها لواحد بالانترنت ماتدري منهو .... يعني حتى لو هي تعرفه وبينهم تلفونات مااعتقد ( البنات ) الى هالحد غبيات .... وبكلمة والا كلمتين مهما كانت يرسلن الصورة ...؟؟؟؟؟
يعني حتى هالحادثة ماقد حصلت عندنا لأنه أصلا اللي يستخدم الانترنت لابد انه واعي وعارف هالامور من البداية .... حتى لو كان ســـربوت :D
اعتقد ان ليلى ( الكويتيبه ) حبت تقلد فجر السعيد بالفضايح ... لكن مااقول الا ياشين السرج على ( ...... ) ....!!!!!

# عبد الرحمن يدور الحب والحنان ......
ههههههههههههههههههههههههههههههههه ......
ههههههههههههههههههههههههههههههههههههههههه.......
الله يرجك ياليلى :D

لاتعليق .......


# بعض الاحداث تتكرر بطرق متشابهة , والواحد يصيبه الملل منها ويعرف آخرتها .. والظاهر ان هذا بسبب ان ليلى توهقت بهالنص اللي مفروض يكون سهرة , ونظرا لضعف كتابتها فشلت في تمطيطه الى 30 حلقة ..... ومااضافت اي اشياء فرعية الى النص .....

# قضية المسلسل ( واحدة ) .... ومافيه قضايا تتفرع ولا فيه قضايا جانبيه تزيد من اشعال المسلسل ..... وانا أخبر ان القضية الواحدة تكون للسهرات اللي تكون حلقة واحده مهوب مسلسل .....

# الفنان ( ابراهيم السويلم ) ذبحنا ..... ماادري هو حساوي والا يماني .... كل كلمة والثانية ( وشلونش يابنتي وش اخبارش ..... ) يعني حنا مشينا مشاكل تنوع اللهجات في الشخصيات .. لكن كون شخصية واحده تغير لهجتها كل مرة وبكل مشهد لهجة جديدة ... هذي اعتقد خبالة وهسترة :D

# ( عبد العزيز جاسم ) اداءه رائع جدا .... لكنه أنحرج كثيرا برداءة النص , واتوقع ان الفلوس هي اللي تغير النفوس , والفنان حاليا مهوب هدفه النص .... مادامت الفلوس موجودة :) .....
والا وش تفسرون وجود فنانين بحجم حياة الفهد وخالد سامي وبكر الشدي وعبد العزيز جاسم ومحمد المنصور في مسلسلات سخيفة ونصها سخيف وضعيف .....

# ( فايز المالكي ) نجم توهق من يوم ترك طاش .....
فهو يدور ومايلقى احد يحطه ممثل ..... ومايلقى الا عامر الحمود الله يخليه ممشي أموره :) ....
تدرون ليه ( فايز ) خلى طاش ......
تدرون انه حصل بينه وبين ناصر وعبد الله مناوشات ومهاوشات .....
وحصلت هالمشاكل في ( طاش 6 ) ......
وذلك بسبب انهم حطوه في قائمة الممثلين مع السكيرين وجماعته , وحاطين الحيان والسناني في البطولة ... فالاخ احس بالاهانة وزعل وترك طاش .....!!!!
بصراحة هو جنى على نفسه بهالزعلة فلو استمر مع طاش لكان أشهر من الجراح وبشير الغنيم .... لكنه اللحين صار اردى من الحيان فعلا :) ..... والله يخلي الحمود طبعا :)

# فيه حادثة حصلت في المسلسل .... وأعتقد انها حادثة غبية " جدا " .......
بعد الحب والحنان والثقة الكبيرة من ابو فهد والتي اعطاها نورة .... وبعد ايضا الاحساس الكبير والمؤكد تجاه نوايا " هند " ..... يروح أخونا في الله يصدق " هند " بأن " نورة " تخونه ... وبلحظة وحدة يحلت البشت عليها ويقول يالله انقلعي .....
العقل العقل .... ياليلى ..... بأي فيلم " هندي " يحصل هالشي:) ....

# شخصية " نوف " لعبتها بنت يمكنها بعمر 13 الى 15 سنة , اذا جت مواقف الحزن والبكاء تضحك .......!!!!!
عامر الحمود اللي أرعب الكثير من الفنانين بصراخه وازعاجه علشان يطبقون الدور صح ...... وراه أسكت عن هاللي تضحك وكأنها قاعدة تلعب وتستهبل مهيب تمثل .....

<=== مهوب قسى عليها شوي :D

تحياتي ,,,,

وسيعة الصدر
12-01-2003, 07:53 PM
مسلسل بااااايخ لاخر درجه:mad:
الشخصيات فيها مبالغه اما بالطيبه او الشر يعني مافيه توازن ابدا:confused:
وهالنوره من بدت المسلسله لحد مانتهت وهي تصيح:D
الحمدلله والشكر
بس ياليت بنت الهلالي تفكنا من خرابيطها اريح لها ولنا:mad::p

ومشكور العتيد على التغطيه:)

الكوره المنسمه
12-01-2003, 08:33 PM
السلسل بايخ

بس احسن مافيه ذيك العصلا بنت النجسه الي مدري وش اسمها




:rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes:


8
8
8
كل ماجت
هذي حالتي

ماااهناش
13-01-2003, 03:04 AM
^
^
^
^
شكلك معصقل

متجر اختياراتك
13-01-2003, 04:44 AM
^
^
^

ويكفيك اسمه :D

الهرطقة
13-01-2003, 06:55 AM
صراحه موضوع متعوب عليه


من ناحيه المسلسل لك عليه شوي

وانا ما تابعته لدرجه كبيره لكن الاهل والجماعه كلهم ما لهم الا سيره

نوووووووره ونوووووووره وهذا اللي خلاني غصب عني احاول اتابع القصه

الاخراج ما خش مزاجي ولا التمثيل واضح انهم يمثلون

لكن القصه والسيناريو حلو



جهد يشكرون عليه وانشالله نشوف ابداعات اكثر واكثر في المسلسلات القادمه




واخيرا احب اشكر الاخ العتيد على الموضوع المميز

Audio Master
13-01-2003, 07:00 AM
http://3dmax5.jeeran.com/mzm2.jpg

Hano0of
13-01-2003, 09:52 AM
موضوعك حلو وتغطية منتازة بس الصور ماطلعت عندي شوفلك حل يالعتيد

وبالنسبة للمسلسل القصة تهبل بس فية اشياء مخربتها اللي هي هند(منى عبدالمجيد )مالها داعي هي وشعرها كنة اندومي لو هم جايبين نجاتووووووة النسرة اصرف

وثانيا الأطفال كلهم عاجبيني الا نوف ودي اعضها بقوة تقهر ومرررة في مشهد طلعت لابسة لون وبنفس المشهد تغير لبسها وطلعت في لون ثاني امحق مونتاج

ولا مشاعل (ميساء المغربي) قاهرتني هي وبراطمها اللي لو احلف ان الملاهي مستأجرينها علشان يلعبونبها البزارين الله يستر عليها
ولا هيفاء الصراحة مالها داعي بالمسلسل ابد


ونورة قاهرتني يوم تطردها هند وعلى طوووووول طلعت بالله عليكم في انسانة كذا بدون احساس ومشاعر؟؟؟؟؟؟؟؟؟
وطوووووووووول المسلسل وهي تصييييييييح

وفايز المالكي ومنى شداد التناسق اللي بينهم شي

وزينب العسكري ودي اجيبها بيتنا واخليها تغسل مواعين
وألف شعرها اللي بس مفكوووك (تراة زراعة)اللله لا يبلانا

ولا سلمااااااااان حدث ولا حرج مدري هو يضحك ولا يصيح ولا يتكلم مع نفسة قبل الاكل ويقول حاضر يانورة انا رايح اغسل يديني



وبعد كل ذا الملاحظات انا تابعتة واخواتي وكل المدرسة تتابعة وتسهر الين الليل


ايييييييييييييية نسيت اقول شي قناة السعودية قهروني مو بس لأنهم يقطعونة ويحطون برنامج ديني لا واكيد البرنامج الديني على عيني وراسي بس المشكلة انهم مرررررررة اقطعوة وقالو نكتفي بهذا القدر من مسلسل نورة اول مرة اسمع هاذي الجملة وحطوا فلم كرتون الكابتن ماجد وقتها كل خواتي قعدوا يصيحووووون 00000000000

نصيحة ؟ لا احد يتابع مسلسل في السعودية

سلملم

العتيــد
15-01-2003, 05:50 PM
تحية طيبة

انا عاجز عن الشكر لكم جميعاً وان كان الوقت مايسعفني ان الرد على الجميع لكن ان شاء الله في المواضيع القادمه واشكر من رشح الموضوع للمميزه .

بخصوص الاغنية

هذا الرابط

http://members.lycos.co.uk/samtalboo7/cvxdsad.rm

تحياتي للجميع

O D
15-01-2003, 06:58 PM
هذي قبل يومين

جابوا هيفاء عادل في لقاء ووروها اللقطة يومها تحضر مجلس الامهات وبنت عبدالرحمن

تقول لصديقاتها هذي امي ويوم خلصت اللقطة قعدة تصيح متاثرة الله ومن زين اللقطة



على العموم مسلسل منتاز لولا المط الي فيه لو انه 20 حلقة كان ابرك

بو ساندرا
16-01-2003, 05:20 PM
المسلسل بشكل عام كان جيد وقريب من الواقع كثير!

ولكن كانت المشكلة الاساسية هي:

الاخراج السئ و مافي اي تناسق في اللهجات!

مع ان المخرج عامر الحمود ابدع ابدااااااع لا يعلى عليه في مسلسل العام
جرح الزمن!

واخذ عليه جائزة اذا ما خاب ظني!
ولكن مثل ما صرح هو وقام يصرف ويقول

ان ما كان عنده وقت يراجع المسلسل ويعدل الاخطاء سواء في الاداء او الاخراج الكلي
<-----اجل وش شغلته اذا ما عنده وقت


عموما اداء هيفاء عادل كان جيد بس مبالغ في الحب والحنان
وزيييينب لا يعلى عليها بس دورها مافيه شي جديد

اما القشار منى عبدالمجيد(هند)
بدعت في نظري وكان دورها له حجمه!


يعطيييك العافيتووو

سام9
17-01-2003, 06:23 PM
المسلسل فيه من الاخطاء والمبالغااااااااات

لكن ما يتسحق كل هذا الهجوووووووووووم

وأنا براي الشخصي لو كان عند المخرج وقت لمراجعة المسلسل كان طلع بصوره أفضل وفيه نقطة اخرى المسلسل كان المفروض عرضه في رمضان وهذا اللي جعل الكاتبه اللي يهديها تمططططه حبتين حتى يكمل شهر رمضااااااااان :(
ودمتم سالمين