PDA

عرض كامل الموضوع : زوجيه\ حياتي مع زوجي متعبه


~نوفا~
17-06-2011, 09:37 PM
[ الاستمارة المطلوبة في كل مشكلة يتم طرحها ]




البيانات الشخصيّة :


العمر : 25
الجنس : ( أنثى )
مكان الإقامة : ( احدى المحافظات التابعه للرياض )
الحاله الاجتماعيه : ( متزوج/ـة ، )
اذا كنت متزوج مدة الزواج :سنه
وجود اطفال من عدمه : لايوجد
طبيعة العلاقه بين الزوجين ( غير مستقرة )
مصدر الدخل : ( وظيفة حكومية )
الحالة المادية : ( متوسطة )
المستوى التعليمي : جامعي

البيانات الأسريّة :
نوع السكن : ( فيلا - ، وهل هي : ( تملك )
عمر الأب :55عمر الأم : 48
مستوى تعليم الأب والأم ؟ الأب:متوسط، الأم: ابتدائي
عدد الأخوة والأخوات:7، ترتيبك بينهم ( رقمياً ) : 3
الجو الأسري في البيت العلاقة بين افراد الأسرة :حلوه
طبيعة علاقة صاحب المشكلة مع بقية أفراد العائلة : حلوه
الجو الاسري بشكل عام في العلاقة فيما بينهم : ( ممتاز )


البيانات الطبيّة :


هل يوجد أمراض عضوية تعاني منها ( لا )
هل يوجد أدوية تستخدمها حالياً ، لا
الوضع الصحي والبيئي في الحي السكني من ناحية الخدمات والمرافق : ( متوسط )



البيانات الدراسيّة :


هل التحاقك كان في سن نظامي ؟ نعم
هل كان هناك اي تعثر في مستوياتك الدراسية انسحاب او رسوب او انقطاع : ( لا )
مستواك الدراسي على مختلف المراحل الدراسة: ( ممتاز )

البيانات الإجتماعيّة :


هل هناك أي هوايات او أنشطة أو ممارسات تتقنها :القراءه
هل لديك ميول للاختلاط الاجتماعي والمشاركه في أنشطة ومناسبات مع افراد الحي او زملاء الدراسة والعمل او الاقارب : نعم
وهل هناك معوقات تحول دون ذلك : لا
الجو الاجتماعي العام حولك ( اصدقاء - زملاء - جيران - اقارب ) من ناحية علاقتك معهم : جيده-


* اذكر مشكلتك الآن :

السلام عليكم
انا متزوجه من سنه إلا شهر
مشكلتي هو زوجي .. بالبدايه هو من غير سكان الرياض وقبل الزواج منه كنت رافضته لهاذا السبب
بس اهله اصروا واكدو لنا ان سبب بقائه بهالمحافظه هو عمله وهو لايرغب بالسكن فيها
وكلها سنه بس وناقل للرياض
طبعا قلت حكي حريم لانه هذا كلام امه وبعد رفضت و ماوافقت
بعدها بكم اسبوع جانا ابوه يخطب ويأكد هالحكي
قلت دام كذا فمافي مشكله استخرت الحمدلله وارتحت وتم الزواج
بيوم الملكه الاخ مافكر يسلم علي او حتى يبارك ولاحتى اخذ رقمي :(
وجلسنا اسبوعين بعدها امه دقت تحدد للشبكه
واحنا من عادتنا انه الزوج وزوجته هم يحددون ويخططون الاهل بس عليهم يحضرون
طبعا لانه مافيه مكالمات
قلت يالله مو مشكله خل تجي الشبكه واشوف وش يحس فيه
جات الشبكه وكان هادي جدااا ولاحكى ولاحررررف ولاحتى طول دق ع اهله يقول بنروح :(
احسن ماسوا بس اخذ رقمي
طبعا كان عكس ماتوقعت
قلت يالله مو مشكله اصلا مستحي وماخذنا ع بعض يحق له
جلس بعدها كم يوم بعدين تكرم وارسل مسج يبارك
وجلسنا مده يوم يرسل ويومين لا
وكلها مسجات عاديه
بعد كم اسبوع تكرم ودق وحكيه كلها كلمتين وسكر
نادر يكلم ونادر يرسل
قلت شكل طبعه هادي
مع العلم اني ارسل واحاول اسأل واصطنع اسباب حتى اخليه يحكي بس مافي فايده
بيتي اثثه ولا شاااااااورني بشئ
حتى غرفة نومي ابد ماسألني عن شئ
وهالشئ كثيرررر ضايقني خصوصا اخوي متزوج قبلي وكان يشاور زوجته بكل شئ وكانت تروح محلات الاثاث تختار ويجي هو ياخذ
واختي بعد نفس الشئ
وكانو يقولون لي ماشفناك تروحين تختارين غرفه ولا اثاث
وانا اقولهم ايه قالي بس انا قلت له حط إللي تبي انا يكفيني مشاويري وترتيبات زواجي مااقدر
رحمت نفسي
كنت ابي اخذ مفرش للسرير واسسوار للكمدينا ودورة المياه وانتوا بكرامه
سألته وش الاوان لاني ابي اخذ كذا وكذا تخيلووو رفض يعلمني وباسلوب باااايخ فشلني فيه

برضوا سكت وقلت الحياة ماتوقف هنا
بس طلعت حرتي بشهر عسلي طقيته بوجهه واخترت المكان من غير مايسألني pb034 هذا الشئ الوحيد إللي انبسطت فيه

الزيارات ابد ماكان ولافكر يجي إلا يوم حلفت عليه يجي جاء بعلبة شوكلت وجلسته ممله لانه ولاحرف حكى:(

المره الثانيه احتاج جواز السفر تبعي واضطر يجي لاني قلت له ياتدخل يامابعطيك
جاني ولاكلف نفسه يجيب لي شئ معه

المره الثالثه احتاج صوره لي للفيزا واخذ الصوره عند الباب ولاحتى سلم علي :( وانا كنت حاسبه حسابي حتى اهلي استغربوا وتفشلت وقتها

طبعا انا اقول كذا لاني اشوف اخوي اذا بيروح لزوجته يقلقنا وش اخذ لها وش اقول لها
واختي بعد كثير يزورها زوجها ومغرقها هدايا

قلت كلن وشخصيته لاتقارني
جاء يوم الزواج وفاجأني ببروده اصلا حتى صوره كان مكشر وواضح عليه انه متملل
قلت تعبان ومرهق ماعليه

رحنا شهر العسل وكان فيه اهتمام فيني ابد ابد يعني تعبتي ماتعبتي
عسى مرتاحه ابدااا مافيه
تبين شئ تشتري شئ ابداااااااااااا
مايسألني بشئ ولايشاورني بشئ
وكذا يوم هاوشني وهزئني فيه واجلس يوم كامل دمعتي بعيني ولاكأنه مسوي شئ
قلت عادي تمشئ الامور
طبعا رجعت بدون هدايا لان الاخ كل ماباخذ شئ يقول غالي وغالي ومااقدر عليه
بعدين اخر شئ قال اختاري بس شخص واحد من اهلك تبين تهدينه :(
وربي رجعت متفشله ومكسورة الخاطر وقلت عيب خواتي اعطي حد وحد لا وتركتهم كلهم

من رجعنا على طول رحنا للمحافظه قلت له بجلس عند اهلي بالرياض مشتاقه لهم رفض
طبعا اهله من سكان المحافظه جلست هناك وكان اجازه وطفش مرررره
صار يداوم يطلع يتغدا وينام يصحى العصر يلعب كوره ع والمغرب لاهله
والعشاءع النت و ينام بدري
انا مليييييييت
روحات لأهلي مايوديني إلا مره بالاسبوع او مره بالاسبوعين
وبعد يوديني ويجلس معي عندهم لحد مااطلع :( ياربيييييه ماانبسط ابد ابد
ولايخليني اطول يمكن بس المغرب ونرجع واحيانا اذا اهلي عزمونا ع العشاء نروح العشاء ونرجع بدري

قلت مو مشكله
المصيبه الاكبر تفاجأت انه ماعنده نيه ينقل للرياض واصلا مايحب الرياض
ولايوديني للرياض غير من متى لمتى واحيانا نروح بأهله معنا
ابدا ماانبسط معه ولا يوديني اسواق ولا مطاعم ولاشئ
واحيانا نروح للرياض ونرجع بنفس اليوم لانه مايقدر يستأجر
واصلا اذا رحنا جلسنا ببيت اهلي
وكثير اهلي هم إللي يودوني للرياض واقضي اشغالي
بعيد الاضحى اخوي جاء ياخذني ووداني للرياض اتقضى لان زوجي رفض يوديني يقول تعب
مع ذلك مازعلت وسويت له حفله بعد

من تزوجت ولا مره جاب لي هديه
مع اني بالاعياد اعطيته وبيوم ميلاده اعطيته وكل مانكمل شهر اسوي له جو اما غدا مرتب او قهوه مرتبه يعني اغير جو ومابي يكون فيه روتين
واذا رحت للرياض وجيت طبعا مع اهلي اجيب له شئ لو علبة شوكلت
وعيد زواجنا بعد جلست اجمع مبلغ حتى اجيبه له هديه هو نفسه فيها بس مايقدر ع مبلغها والحمدلله شريتها له من ألحين وخبيتها
وهو من ألحين يقولي ترا مااقدر اجيب لك هديه الميزانيه ماتسمح
مع العلم ان راتبه 15 ألف وبيتنا ملك ااااااااااااااااه بس
5000 شهريا للقرض لمساهمه
و5000 شهريا جمعيه علشان استراحه مع ابوه

والباقيه5000 كل شوي جايب فيزا عامل بألفين وخمس
وشوفو كم يبقى لنا وكأنه ع قد حاله
ابدااا مايلتف لي او يشوف وش انا محتاجه
همه نفسه ويجمع فلوس ويصير تاجر
ياااااااااربي بس احسه طماع واناني
كان واعدني بسفره هالايام ومخططين لها لدرجه حفظت الاماكن إللي بنروح لها
وكل شبر فيها وكنت مااصرف ولا ريال ولا اطلب منه شئ ابداااا
وجمعنا 30 ألف تخيلوا من تزوجت للحين بس الباقي من راتبه 4000 طلعوا منها الفواتير و الفيزات وبالغم من هذا قدرت اجمع هالمبلغ يعني مشوار هالسنه وفرحت فيها كثيرررر لانه وربي جمعته بتعب
تفاجأت انه اعطاه ابوه حتى يدخل معه و يبني استراحه ومن غير مايشاورني !!!!
طيب تعبي حرمت نفسي من اتفه الامور حتى اجمعهم لعبت علي لييييه
ليه قلت بسفرك لييييه وربي ماجبرته ولاقلت ابي اسافر هو قالي تبي نسافر بعد سنه اجمعي
واخرتها يسوي فيني كذااا
طبعا سكت قلت يالله للمستقبل

بيتي ناقصه اشياء كثيرررر من اثاث ومواعين وغيره وكل مره اقوله نبي يقولي بعدين نبي نسافر وطبعا ماحلصت

اهلي طبعا كل ماراحوا شرقيه او جده ودوني معهم لانهم شافوا نفسيتي بهالمنطقه تعبانه
وطبعا هو مايشيل هم فيني ولايسأل ولايقول تبين فلوس
ابوي الله يخليه لي وامي بعد الله يخليها هم يعطوني

وربي حتى تذكرة الطياره ابوي يسددها لي
وهو مايستحي يقولي اذا ابوك بيتكفل فيك روحي معهم :(
طبعا مجبره اروح لأن محبوسه بهالمنطقه واحتاج اغير جو

انا بهالمنطقه وربي تجي اربعاء وخميس وجمعه مااطلع فيه حتى لأهله وربي اسبوعين مااشوف الشارع

وهو يابدوامه او ع النت او عند اهله واحيانا بالاستراحه
واذا قلت له اجلس معي يقولي تبيني اصير حرمه
اقوله ارحمني طلعني شوي ودني لو بقاله بس ابدا مايفكر فيني
لدرجه انقلبت عن اول صرت مااضحك ابد صرت مو اجتماعيه ابد ابدا ماعاد صرت اعرف اسولف
ماعاد شفت احد
كل وقتي ببيتي ع النت فرااااااااااااااااغ كبيررررررررر
بعد اخاف ع نفسي من هالفراغ
وهالايام ماخذ اجازه شهر كامل وطبعا بنجلس بهالمحافظه
وطايح لي سهرات للفجر
وانا وربي بالليل اخاف واقوله بس ابدا مايفكر فيني ولايهتم
من العصر للفجر بالاستراحه

انا خلاااااااص مليييت منه وتعبت
اسبوعيا لازم نتهاوش


وغير كذا صلاته مهمل فيها المسجد قدام بيتنا ويصلي بالبيت
وكثير اقوله ويقول طيب ولانفع معه
تعبني كثيرر

اعرف حكيي كثير بس ابيكم تساعدوني انا حاليا افكر اتطلق منه مااقدر اكمل حياتي معه وهنا بهالمنطقه
ابي نصيحه او اي شئ انا على غلط او هو
قولو لي كيف اغيره انا تعبت وحاولت كثيرررر
ووربي انا مو من النوع إللي اشتكي والله امي ولامره اشتكيت لها
بس احس اني خلاص ماعاد اقدر هذا عمررررر مو شهور وخلاص

~نوفا~
17-06-2011, 09:38 PM
راح اختصر الاشياء إللي مضايقتني منه في نقاط
لاني حكيت كثير واشياء كثير ماقلتها
1\ عدم اهتمامه فيني ابدا مايحسسني ان فيه حد يسأل فيني (يعني لما اروح لأهلي واسافر معهم ابدا مايفكر يسأل وصلتي او لا او مبسوطه او لا اصلا مايدق ابد)
2\ عدم اهتمامه بصلاة الجماعه حتى صلاة الجمعه ينام عنها ويصلي بالبيت
3\ طلعاته من البيت كثيررر ولايجلس معي واحيانا اسوي له جو وحفلات يجلس بس ياكل ويطلع علشان بس الحفله
يعني مهما اسوي له مايجلس
4\على كثر راتبه إلا انه ابدا مايفكر فيني بمبلغ بسيط همه يجمع ويحط فلوسه بأي مشروع
والقرض إللي ماخذه تراه علشان شاري ارض مو ألتزامات زواج لأن ابوي قايم بكل شئ
5\ شخص اخاااااف منه اسلوبه معي يخوفني كثيرر يهاوشني ويقولي حكي يحسسني اني ولاشئ ولا افهم شئ
6\عدم رغبته بالنقل من هالمنطقه مع انه يقدر ينقل
وعنده فرصه يروح امريكا ورافض يقول لما اجمع فلوس :(
7\ احسه طماع ولايشبعه شئ
8\راعي مظاهر وكذاااااب
9\عديم المسؤليه >>البيت من امس مافيه مويه وصحى الصباح وطلع مارجع إلا الساعه 3 يوم ارسلت له وش هالانانيه اقلها جيب مويه ولا ترجع ابد
طبعا هو يطلع لاهله والاستراحه ويشرب ولا همه فيني حتى شاهي مو قادره اسوي لان مافي مويه :(
الغاز ابوه يغيره

يوم جاء وجاب المويه قلت له ودني لأهلي وانا ألحين عند اهلي
وهو ولاهمه بالطريق يغني ويضحك وينكت
ويقول اذا بغيتي ترجعي ارسلي لي مسج :(

بعد ذكر المشكلة :


مدة المشكله من بدايتها الى الآن؟ سنه إلا شهر
مدى شدة المشكلة : ( تعيقك عن أنشطة الحياة / لا تعيقك ) تعيقني وبقوووه
تأثير المشكلة هل يمتدّ للمحيطين بك أم أنّ أثرها يتعلق بك : فيني
هل سبق وراجعت مختص أم لأ : ----لا
إذا كان هذا حديثك الأول عن المشكلة ، فما هو سبب لجوؤك لطرحها هنا والمأمول من تعقيبات الاعضاء : ----لاني تعبت وحتاج احد يساعدني باتخاذ قرار
وبعد بحاجه لتنوير ونصح ربما انا على غلط



* أبرز الأشياء التي تدعمك .. والتي تساهم في حل المشكلة ؟
صراحه مو عارفه

* ما هي الأسباب التي تعمل على زيادة المشكلة ، وماهي الاسباب التي تقلل من نسبة تحقيق الحلول ؟
تطنيشه وعدم اهتمامه ولامبالاته تساعد في الزياده



bp039

اغلى من روحي
17-06-2011, 10:05 PM
الله يكوْن في عوْنك بس ماتوْصل للطلاق ان شا االله بس ترَا اغلب الرَجال كذا من طلعت الاسترَاحات وْاحنا ماشفنا من و رَاها خيرَ أيي اجلسي معها اتفقوْا علا الاشيا اللي تبينه منه وْالاشيا اللي يبيها مثل يكوْن لك يوْم تطلعوْن فيه يوْم يجلس معك يوْم ترَوْحن لهله يوْم لهلك باقي الايام له يسوْي اللي يبي(((بس بحدوْد المعقوْل

Renan13
17-06-2011, 10:14 PM
السلام عليكم ...

يقال ( درهم وقاية خير من قنطار علاج ) يعني الغريب ، دام الرجال كل هالعيوب فيه ، لا خلق ولا حتى دين ، لا اهتمام بصلاة ، لا أخلاق طيبة ، لا اهتمام بالآخرين ، أنانية ، كذاب و ... و ... و ... ، كيف وافقتي عليه ؟! ، ما سألتي عنه ، دينه ، أخلاقه ، أسلوبه ، حياته ، نشوف الكثير من الأسر لما يجي يخطب منهم أحد ، يسألون عنه بكل مكان ( بيته ، دوامه ، المسجد القريب منه ، ربعه ، جيرانه ، و ... و ... ، يفصفصونه :D ) واستغربت أكثر ، إن كان جل اهتمامك بينقل للرياض أو بيبقى بمكانه ؟! ، في أمور أهم بكثيييييير من سالفة المنطقة ، والمنطقة ما عمرها صارت مشكلة ، يا كثر اللي ساكنين بمحافظات ، حتى الخدمات فيها مو ذاك الزود ، إلا إنهم مرتاحين وفالينها :) ...

( إن الله لا يغير ما بقوم حتى يغيروا ما بأنفسهم ) ، يعني في كثير من الناس ، للأسف تربى على عدم الاهتمام بالصلاة ، يعني ما ربوه أهله على الدين ، وجاهل بأمور دينه ، لكنه نفس الوقت أخلاقه طيبة ، حنون ، حبوب ، طيب ، وعدم اهتمامه بدين غير نابع من استهتار بقد ما هو نابع من جهل ، هذا النوع قابل للتغيير ، ومو صعب تغييره للأفضل ، لأن أساسه صافي ، وأعتقد نشوف من هالنوعية كثير ، وحتى بمشاكل العيادة هنا ، الكثير يقول ، زوجي طيب وحبوب ومو مقصر علي بشيء ، بس مو مهتم بصلاة الجماعة ، أو يفوت بعض الصلوات أو .. أو .. ، لكن زوجك اللي مبين من المشكلة ، لا خلق ولا دين ، وعنده أمور كثيرة بالنسبة له أهم بكثير من علاقته فيك أو نجاح العلاقة الزوجية ، فإذا هو أساسه ضعيف ، وعنده اعتقادات عجيبة مثل لما تطلبين منه يجلس معك صار ( حرمة :D ) ، أكيد هنا المشكلة بتكون أعقد وأصعب بكثير من لما واحد مثلا اهتمامه بدينه ضعيف بسبب الجهل ، لكن يكون قلبه طيب وتعامله مع الآخرين محترم ، والمقصود من هالكلام ، إن لو ما غير اعتقاداته وتفكيره ، مستحيل تصرفاته تتغير ، حتى لو تغيرت ، بتكون محدودة ومؤقتة وبدوافع ثانوية :( ...

واللي يعقد المشكلة أكبر وأكبر ، إنك على مدار الشهور هذي ، ومع جل محاولاتك للتغيير للأفضل ، إلا إن ما جاب أي نتيجة ، بل تطلع منه تصرفات عجيبة مثل يخليك تسافرين مع أهلك بدون ما يعطيك مصروف ؟! ، إضافة إلى إنه بكل جرأة يقول ( إذا أبوك بيعطيك المصروف أو بيتكفل فيك ، ما عندي مشكلة ) ، كيف كرامته تخليه ؟! ، إنه ما يخليك تروحين أبد ، أحسن من إنه يقول لك هالكلمة ، وكأنه مو مكلف فيك ؟! ، وما ننسى إنه فقط يفكر بنفسه وأنتي حاطك آخر اهتماماته :( ...

كل هالكلام ، حقيقة مو عشان أشحنك ضد زوجك أكثر ، بس عشان أبين لك إن المشكلة مرة صعبة ومعقدة :( ، خصوصا إن ما في أي بوادر للتغيير ...

أنتي الآن كثفي محاولاتك أكثر ، لو تعرفي حد يقدر يؤثر فيه ، كلميه يكلمه بس بدون ما يعرفه إنه جاي عن طريقك ، استخدمي سلاح الدين ، لعل وعسى يهاب اشوي ، قولي له ، حرام كذا ، لازم تقوم بواجباتك الدينية والزوجية والأسرية و ... و ... ، اجلسي معه جلسة مصارحة، وش مصير علاقتنا ، كيف بنربي عيال وحنا بهالوضع ، مو كأننا زوجين و .. و .. ، يمكن يحس اشوي :) ...

انتبهي تجيبين منه أطفال هالفترة ، خصوصا إن الجو مشحون مرة ، وحرام يجي طفل ويعيش بمثل هالجو :( ، نعم ، ممكن الطفل يجيب نتيجة ويحرك عاطفته تجاهك وتجاه الطفل ، لكنه سلاح ذو حدين ، لو ما حرك فيه شيء ، ممكن ينفر أكثر وأكثر ، ويطنش أكثر ، خصوصا إن المسؤولية بتكون أكبر عليه ...

لو ما نفع الكلام ، روحي بيت أهلك ، واجلسي عندهم مدة ، وقولي له ، أبيك تكون كذا وكذا ، ومستعدة أسوي لك وأسوي لك ، بس محتاجة اهتمام ، محتاجة عاطفة و ... و ... ، لعل وعسى يحس بفراقك ويحن لك والكلام يغير فيه ، ويحاول يتغير عشانك :) ...

وآخر الدواء الكي :( ، وإن شاء الله ما تضطرين لحل طلب الطلاق ، لكن لو ما نفعت كل الحلول الموجودة والمتاحة ، وحلول باقي الأعضاء ، ما في إلا هالحل ، حرام يضيع عمرك مع إنسان ( لا دين ولا خلق ) ولا حتى فيه بوادر للتغيير :( ، وأنتي توك صغير والعمر قدامك إن شاء الله ، وفرصتك راح تجي بإذن الرحمن :) ...

ادعي ربك يسهل عليك ، ويغير زوجك للأفضل ويصبرك أكثر ، ورب العالمين ما يخذل عبده إذا دعاه :) ...

بالنهاية ، قد ما تقدرين اسلكي كل الحلول المتاحة وأجلي فكرة الطلاق اشوي ، إلى تستنفدي كل حلولك ، وانتبهي مثل ما قلت لك تجيبي أطفال ...

هذا اللي عندي ، وربي يوفقك ويسهل عليك ويهدي زوجك لكل خير ...

Renan13

اماندااا
17-06-2011, 10:17 PM
يوم جاء وجاب المويه قلت له ودني لأهلي وانا ألحين عند اهلي
وهو ولاهمه بالطريق يغني ويضحك وينكت
ويقول اذا بغيتي ترجعي ارسلي لي مسج

pb036
كريم ماقصرpb036؟؟؟
كثر الله خيره حاتم الطائي:mad::sm18:
بصراحه مدري كيف صابره عليه طول هالمده
كل اسلوبه تطفيش الرجال يبي يطفشك هذا الي فهمته
ويبي منك الطلعه وجات منك كنه يقول هم وانزاح
انتي ماحاولتي تتقربين منه وتعرفين اذا له ماضي اوانه مجبورعليك يمكن(مجرد احتمالات)
ياقلبي انتي ماحطيتي الاسلبياته مدري وش ايجابيته بصراحه اذا هذي شخصيته ماينبغى pb036

مقدرافيدك
انتي الي عايشه معه وتشوفين كل شي وتحسينه اكثر منا
لكن لوانا بمكانك بتطللللللللللللللق بدون مااتردد وش ابي بواحد مايحس فيني لاماديا ونفسيا


بالنسبه له انه يأسس مشروع ويصرف على ابوه ويطلع استراحه
كثيررجال مثله اذا مواغلبهم نفس حالت زوجك بس مااهملوا بيوتهم وزوجاتهم يعني موسبب مقنع ابدا
واحمدي ربك ان ماعندك عيال منه وش ذنبهم يحسون بالاهمال والتقصير


والله يوفقك bp039

jojo riyadh
17-06-2011, 10:30 PM
ياحبيبتي والله قطعتي قلبي:(:(:(:(
مره حسيتك وحده قريبه لي نفسك كيذا :sm1::sm1:
حبيبتي فكري وجيبي ورقه وقلم وفكري ايش اللي خلاه
يسوي كيذا وليش طريقته مع كيذا من قبل الزواج يعني
مو اللي تقولي ايام الزواج كان مبسوط وكيذا وبعدين تغير
نفسيته مو كويسه من قبل الزواج :(:sm1:
حبيبتي كلميه بشان النقل قولي له اهلك قالوا لي بتنقل
وكيذا وشوفي في ايش يفكر
الله يكون في عونك والله مره قطعتي قلبي ياحبيبتي
الله يصخر قلبه لك حاولي تشتكين لاحد قريب من
اهله اواهلك يحاول يعدله قبل يفوت الاوانbp039

ناحية.
17-06-2011, 10:31 PM
أنا مستغربة اصرارهم ورجعتهم رغم شرطك إنه ينقل للرياض بعد فترة
دايما كذا يقبلو بالشروط علشانن في بالهم كل شيء يتغير بعدين
الانسان يكون واضح من البداية
ماعلينا

حسيت من كلامك إن هذا الانسان اذا كان طول عمره عايش في محافظة بسيطة تطبع بالطبع هذا
انسان بسيط خالي المشاعر غير مقدر للعواقب وعدم تحمل المسؤولية
لسا عايش على أيامه قبل الزواج رغم إن لكم سنة صحيح يبغاله فترة حتى يتعود
فالمفروض منك إنه يلتزم بأمور البيت
ابوه اش دخله يغير الانبوبة ؟
مصاريف البيت وأغراضك المفروض تعوديه عليها وتنسي شيء اسمه ظروفه أقصد بالظروف هنا محاولات التجارة
بكرة يبيع بيت الملك ويخش بصفقات ثانية وبينكم اولاد
لما تقولي يجلس للحفلة علشان بس ياكل ويخرج
هنا تبان شخصيته ماتعود على هذي الاشياء ولا يعرف يعني ايش اتشارك وغيرها من الاشياء
غير ان الصلاة استغفر الله
:(
أنا أقولك الوقت سنة يعني شوية هي اول سنتين او 3 سنين تبدا تترتب الامور
ماعندي كلام للأسف أقوله

نهى عبد العزيز
17-06-2011, 10:36 PM
ياحياتي أنتِ حاسة بشعورك :( pb189

ياربييي أكره الرجال اللي كذا ولا كأن عندهم مسئولية ولا شي طيب هذي زوجتك شف وش تبغى شف وش تحتاج مهوب تسذا pb131


وطبعا هو مايشيل هم فيني ولايسأل ولايقول تبين فلوس
ابوي الله يخليه لي وامي بعد الله يخليها هم يعطوني


وربي حتى تذكرة الطياره ابوي يسددها لي
وهو مايستحي يقولي اذا ابوك بيتكفل فيك روحي معهم :(


خيييير , وزوجك وش وظيفته , هذا وهو راتبه 15000 , أجل لو أقل وش بيسوي pb093


يوم جاء وجاب المويه قلت له ودني لأهلي وانا ألحين عند اهلي
وهو ولاهمه بالطريق يغني ويضحك وينكت
ويقول اذا بغيتي ترجعي ارسلي لي مسج


اغغغغغغغغغغغغغغ pb131pb131pb131pb131pb131pb131
أنا لو مكانك أرفسه وأطيره من الدريشة pb131pb131pb131pb131
يعني حتى إحساس ماعنده pb131pb131pb131pb131


عدم اهتمامه بصلاة الجماعه حتى صلاة الجمعه ينام عنها ويصلي بالبيت



أستغفر الله عاد كل شي إلا الصلاة :( pb189


,,,,,,,,,,,


والله ياحبيبتي مدري وش أقول لك :( pb189
طيب تتوقعين أنه ماكان يبغى يتزوج من أول, بس أجبروه أهله ؟ pb036

يعني أحس أن الاستراحة والأصدقاء مالين عليه حياته , فعلشان كذا مافكر بحالتك :sm1:

خلي الأمور تهدأ شوي
وإن شاء الله يكون عنده إحساس ويأنبه ضميره ويكلمك يعتذر لك
أو حاولي تكلمين أبوك وتشوفين ردة فعله
أو خلي أحد حكيم يصلح بينكم

أنتِ اصبري , وإن شاء الله تنحل الأمور , و ماااتوووصل للطلاق :(pb189

حنا111ن
17-06-2011, 10:39 PM
المره الثانيه احتاج جواز السفر تبعي واضطر يجي لاني قلت له ياتدخل يامابعطيك
جاني ولاكلف نفسه يجيب لي شئ معه

مع ذلك مازعلت وسويت له حفله بعد


من تزوجت ولا مره جاب لي هديه
مع اني بالاعياد اعطيته وبيوم ميلاده اعطيته وكل مانكمل شهر اسوي له جو اما غدا مرتب او قهوه مرتبه يعني اغير جو ومابي يكون فيه روتين
واذا رحت للرياض وجيت طبعا مع اهلي اجيب له شئ لو علبة شوكلت
وعيد زواجنا بعد جلست اجمع مبلغ حتى اجيبه له هديه هو نفسه فيها بس مايقدر ع مبلغها والحمدلله شريتها له من ألحين وخبيتها
وهو من ألحين يقولي ترا مااقدر اجيب لك هديه الميزانيه ماتسمح


مالها داعي الهدايا
اشوفك مو مقصره عليه بشي يعني هو حاليا عايش ملك وانتي .........
فالاكيد بيشوف ان هالطريقه الي يعاملك فيها هي الطريقه الصحيحه والي بتجيب راسك
مدري اشوفك كاتبه انك موظفه حكوميه وتقولين انك فاضيه pb036
عموما لو موظفه عضي على وظيفتك باسنانك واصرفي على نفسك
وزوجك مايضر لو تطنشينه شوي وبلاش هالحفلات والدهايا والاجواء الي معيشته
خليه يفقدها ساعتها بيحس انك وصلتي لمرحلة الملل منه وممكن يتعدل

اما سالفة طفشك من هالديره مدري اش قصة بنات الرياضpb189 بالذات
تعتبرون الزواج والطلعه برا الرياض مشكله pb036

زوجك يبي له حرمه قويه تصيخه وتمشيه على الصراط المستقيم
وتقوله بعينه ابي هذا وهذا حقـــي ماتنازل عنه

زوجك ذكرني بقريبه لي نفس الصفات والجفاف العاطفي والجشع المادي
لدرجة بطاقتها الصراف( موظفه) بجيبه وينقط عليها الفلوس بالقطاره حتى لما تزوجها بيعها ذهبها وكانو عندها قرشين محوشتهم لهفهم بمبدا احنا واحد

مع كل هذا انا ماشجعك على الطلاق لانه ببساطه منه لاردى منه
غيري اسلوبك مع زوجك وتتغير حياتك

نَـوّارْ الخَمِيلة
17-06-2011, 10:42 PM
أهلين .. :)

معليش يا حلوة بقتبس بعض كلامك وبحطه ان اعجبك ردي حمدلله والا لا تزعلين مني .. bp039

أولآ أنا اتفق معك ان زوجك مهمـل حبتين بس مب أسوأ زوج ..
وأتوقع انك كتبتي هالكلام وانتي وآصله حدك ..
ممم يعني أختلف مع بعض الأعضاء شوي وكلن له رايه ..

بعدها بكم اسبوع جانا ابوه يخطب ويأكد هالحكي
قلت دام كذا فمافي مشكله استخرت الحمدلله وارتحت وتم الزواج
هم صح مايصلح يكذبون عليك بس لو انتي مفكره انه احتمال ما تروحين لرياض لانه بهالوقت الوظيفه هي تتحكم بالشخص او وين يسكن وترى يمكن مب قصدهم يكذبون بس يعني زوجك لما حس انه مستقر وكذا مافكر ينقل يعني مااتوقع انها خطة منهم .. :D
أحس جت الامور كذا ..
بيوم الملكه الاخ مافكر يسلم علي او حتى يبارك ولاحتى اخذ رقمي
ترى فيه شباب كثير يسوون هالشي من دافع الحياء .. يعني لا تظنين ان مافيه شباب يستحون او مايعرفون كيف يطلبون الرقم وكذا ..
وبعد احيانا الواحد يكون هادي او ثقيل يعني لازم تراعين هالشي ..
وهذاه بالاخير تشجع وطلب رقمك ..
لا تطلبين شي حلو تشوفينه حولك انه يكون لك زيه .. اخوك ومرته لهم وضعهم وانتي لك وضعك ..
جلس بعدها كم يوم بعدين تكرم وارسل مسج يبارك
لاحظتك تعيدين كلمة تكرم كثير pb027 .. يا بنت الحلال والله لو انا منك لأفرح بالعكس الرجل الثقيل أحسن ..
بعدين حطي ببالك انه غريب يعني مهما كان طبيعي يكون فيه مسافة وما يقوى يمون وحتى يمكن ما يبي تفكرين انه منهبل وجاي على وجهه ..
بيتي اثثه ولا شاااااااورني بشئ
ترى كثير ما يشاورون بالاثاث مع انه من حقك وخصوصا غرفة النوم بس يعني كثير من الشباب نظرتهم ان البنت تبي تشتري اشياء غاليه وانهم حاطين ميزانية معينه ..
وهذاكم سافرتوا للمكان اللي بغيتيه يعني مب لهالدرجة هو ..
وسالفة انه لما جاء ما دخل يشوفك بعد اقولك يمكن كان خجول من اهلك واخوانك وكذا ..
والا اي واحد اي واحد يتمنى يجلس مع زوجته قبل يتزوج حتى لو هو ايش .. لو هو متبلد وبارد جدا لازم يكون عنده رغبه ..

ممممم معليش حبيبتي الأن بقسى عليك حبتين bp039 .. بس انتي ماجيتي هنا الا تبين حل وانا بقولك اياه من وجهة نظري لو مااعجبك صكيه بالجدار .. :rolleyes:

/ أولا أحس كلماتك شوي جارحة معه يعني مثل يوم قلتي له برسالة وش هالانانية صح انا معك موقفه بايخ وماله حق يطلع ويخليك كذا بس لو مرسله له الله يجزاك خير شكلك نسيت ومن هالكلام كان احسن والكلام اللين يغلب على الحق لبين ع قولتهم ..
انا ماعرفك بس انتي تعرفين نفسك , اذا تحسين ان اسلوبك جارح وكلماتك قوية حاولي تخففين حدتها ..

وتذكري الحكمة اللي تقول: ستتعلم الكثير من دروس الحياة اذا رأيت أن رجال الإطفآء لآ يكافحون النار بالنار ..
وان كنت مب وآهمه عمر بن الخطاب قآل مرة: النفوس بيوت أصحابها , فإذا طرقتموهآ فاطرقوها برفق..

_ أحس انكم الى الان ما وصلتي انتي واياه لمرحلة الصراحة بينكم وهذي تجي شوي وشوي اذا ارتحتي له وارتاح لك وحس انك ممكن تفهمينه بتتصارحون ..
حاولي تاصلين لهالمرحلة , خليه يحس انك المكان ال’من اللي ما يستحي انه يبوح له ولا يحس انه ممكن أحد يهزأ من أي شي فيه ..

/ أشوف ان أكثر ما تعبك هو المقارنه بين حياتك عند أهلك واللحين , خلاص لازم تستوعبين ان هذي الان هي حياتك وانه لازم تكيفين وتعودين نفسك على شكل هالحياة الجديده ..
_ اعتبري زوجك راتبه خمس الاف بما ان العشره تروح جمعية وكذا يعني لا تناظرين ان راتبه خمس طعش ..
واذا لك حق خوذيه , يعني مثل يوم وعدك بالسفره كان عادي اخذتي مصروفك منه وجمعتيه انتي بدون ما تحسسينه بشي .. يعني مب يوم راح تعبك زعلتي .. انتي تعرفين ان الفلوس امر حساس عند الرجال وصعب ترجعين بعدين تقولين عطن اللي ما عطيتن اياه لما كنا نجمع .. بس لو من الأساس ماخذه حقك مااحد بيشره عليك ..
اعرفي دبري عمرك من الاول ;) قيسي الأمور قبل ..
وترى كثير من الرجال مب بس رجلك اللي تسكت وما تطلب ما يعطيها .. يعني انتي خوذي حقك بالمعقول .. مصروف يكفيك ويناسب دخله ..
أبد حقك لا تستحين تطلبينه .. وبالتفاهم تقدرين تتفقين انتي واياه على كم او وش كثر تآخذين ..

/ لا تسخرين من اللي يحاول يقدمه وانه يجمع او يفكر يكون تاجر , ترى اكره شي عند الرجال انك تستحقرين قدراته ..
وعادي سلكي له ترا كل الرجال طموحهم يصيرون تجار ;) قولي له يارب أشوفك مشخص ابـ بنتلي وراكبين به انا واياك ما بقلبك الا انا وما بقلبي الا انت :D رفعي به يعني pb192

وحطي ببالك من يجمع له ؟ لك ولعيالك بكرا .. واذا تجر وكبر بتقولين ليتي داعية له ومساندته ..
الا عاد ان شفتيه يبذر بشكل غبي على مشاريع فاشلة مب مشاريع مبتدئه فهذا كلام اخر .. وفيه فرق بين الأثنين ..

_ لا تفكرين كثير باللي تقدمينه , معك انا يالغلا ان الواحد مثل ما يعطي يبي ياخذ بس يعني لما تسوين حفلة وهيك حطي ببالك انه بعد انتي انبسطتي ..
وترى معروف ان الرجال مب جوهم انه يجلس يفكر ويخطط يسوي لمرته حفلة هالامور هذي تعني للحريم اكثر .. مب معناته اني اقولك لا تحاولين انه يلين معك ويقولك كلمة حلوة بس لا تعقدين الامور بس عشان هالشي ..

/ اشوفه ما يقصر يوديك لاهلك كل اسبوع بس من حقك انك تطلبين منه انه ما يجلس عند اهلك ينتظرك , بس يمكن لانه مافيه مكان يروح له برياض ولاهو راجع لمحافظتكم وبعدين يرجع مره ثانيه ..

_ حطي ببالك انه المد والجزر بأول الزواج أمر طبيعي جدا جدا ..
وترى كثير ما يستقرون الا بعد ثاني سنة والسنة الأولى كأن الواحد ما يدري وين الله حاطه ..

/ الصلاة هي أهم شي وخصوصا الجمعة حاولي معاه بشتى الطرق , باللين بالكلمة الحلوة , برسالة جوال تقولين له دعوة , بإيميل ترسلينه له والله الهآدي .. ولك أجر إن شاءالله ..

_ لآ تدققين وتحفظين كل زلة صارت لأنه كذا ماراح يتعب الا انتي pb093

يآ بعدهم ان كنتي بختارين الطلاق لانك مارتحي له ولا حبيتيه براحتك بس ترا مااشوف زوجك شين او غير عن باقي الرجال ..
يعني اذا تطلقتي لاقدرالله وتزوجتي واحد غيره توقعين ماراح زوجك الثاني يطلع ويسهر مع ربعه و و و :confused: ..
يعني هذا الزواج مثل مافيه اشياء حلوة فيه اشياء تطقق لكبد ..

والحياة المثآلية لآ يمكن تنوجد .. والواحد يشكر ربه على العافيه والأمن والصحة والمال وياربي لك الحمد ..

لا تكونين ناقمة وشوفي بزوجك حسناته وحبيهن ..
حتى لو انه اخطى شوي عليك وماداراك بعض الاوقات وما راعاك حبتين ترى كثير رجال كذا الله يهديهم مب يتعدلون بس انتي امشي وفوتي وعيشي يومك ما يمكن تعيشين بحياة متكالمه بس مااقولك لا تسعين لا اسعي وحاولي واللي يجي من الله مبارك واللي يروح أبرك ..

أقدر أشحنك وكذا بس انا اكتب لك ردي هذا حتى تناظرين من جنـبين أثنين , وانتي عاد تختارين اللي يناسبك .. لأن الطلاق مب سهل أبد ..

الله يعينك ويوفقك ويسعدك ويكتب لك الخير وين ما كان وما تشوفين الا احلى الايام .. bp039
عذرا عالاطاله اجازة وماعندي الا الاقلاع .. :D

موفقه واسفه اذا اخطيت بشي :) ..

// :) عدلت ردي عشان اللي بالتقييم عطتني أحمر زي لون هالورده bp039 ..
ههههه اجل يجمع فلوس لعياله لاكبروا .. ذكرتيني بكلام الناس يوم يقولون لامي اصبري على رجلك مادرينا انه مجمع فلوس وطاق حرمتين عليها
أبوك حآلة من الحآلآت مب قآعدة .. واذا ابوك جمع عشان غرض زي كذا مب كل النآس زيه يآ حلوة ..
شكرا :)

دارت الدنيا
17-06-2011, 10:44 PM
ربي ييسر أمرك ويفرج همكpb189
صراحه احس هو ماهمه أحد انواع الاستهتار
مااتوقع ينفع معه طيبتك...لكن لاتستعجلين بموضوع الطلاق
حاولي تكون امك بالصوره...لعل وعسى لو كلمته يتعدل
ربي يوفقك
عليك بالدعااااااء والاستغفار...وسهام الليل لاتخطئ
موفقه
bp039bp039bp039

Nethar 3ainy
17-06-2011, 10:55 PM
انا مآعمري رديت ع مشكله أحد بس مشكلتك هذي مآقدررت أطلع بدون ما أرد
أصابعي تقررصني مقهوووره من تصرفآت زووجك pb036
المهم يالغاليه الله يطوول بعمرك ويصبرك تدرين لو انا مكانك من اول يوم انا مطلقه :D
حلوو انك انسانه صبوره وان شاءالله تصبرين لين يتعدل دآمك صبرتي من أول
أكثررر شي قهرني يوم قالك ع السفر وطلع نصآب !!!
وربي لأحرقه هو والفلوس الي جمعتها pb036
شوفي أجلسي معه ووآجيهه قوليله انت دآمك مو قد مسؤوليه زوآج متزوجني وعآيش عزابي !
ليش تزووجتني وأهلك ليش أصرووا علي دآمك مو كفو زوآج pb036
أشووف اخواني واخواتي متزوجين وعايشين احلللى عيشه الله يهنيهم وانا لآ !
قوولي قصرت معك بشي ؟ شفت مني شي ماعجبك ؟
يآخي حط نفسسك مكاني بتتحمل يووم وآآحد ؟؟؟
انا مآودي تكبر الامور بينآ وتووصل للطلآق !! بس عطني حل لتصرفآتك وأهمالك
حفلآت وسويت لك هدآيآ ومآقصصرت وجبت لكك بس أنت مآتستاهل !
معيشني كذب في كذب ووووو آلخ
شووفي ردت فعله عآد مع اني حآسه انه مآرآح يهتم آبببد, انا من يوم الملكه وانا غآسله يدي منه :D
واذا ماتغير او رجع لعآدته روحي لأهله وتفآهمي معهم وآحكي لهم عن تصرفآته
قولي انا قلت من اول اني بعيش بالريآض وجآ عمي وأكد لي اننا بنجي الريآض بس هذآ هووو قآعد ولآ هوو نآوي يرووح وعلميهم انه اذا مآتغير بروح لأهلي لأني مااقدر اتحمل أكثر !
وإذا مافآد رووحي لأهلك وأقعدي عندهم وعآد اذا مآتغير هذي يبي لها تصرف ثآني :D
أتوقع ع كلآمك انتي عند اهلك الحين صح ؟
اذا عند اهلك دقي عليه وتفاهمي معه وقوولي كل شي كرهتيه فيه وأسأليه متى نآوي تتغير ؟
قولي لو جبت عيآل بتصير كذا ؟ اربع وعشرين ساعه برا البيت ؟ مآفي اهتمام ؟ كذاب ؟
وان شاءالله يتغير والله اني من يووم قريت مشكلتك وانا ادعي لك ربي يهديه :(
تضآيقتك من حآلك والله :(
الله يسهل لك يآرب ويصبرك ويعيينك ويتغير ويصير أحسسن وأحسسن يآآآرب pb189

بسكوتة اولكر
17-06-2011, 10:59 PM
هلا اختي
وربي مادري وش اقول او وش انصحك فيه
مثل زوجك كثير للاسف .. لكن من جد ودي اعرف بس ليه يتزوجون اصلا


الله يكون بعونك ويفرج همك يارب :(

خذوني معاكم
17-06-2011, 11:02 PM
قل دين وقل اخلاق وطبايع شينه
وانانيه وبخل ولا مبالاه وبلاده !!!
وش بقى ؟

هذا فرقاه عيد

هل تتخيلين انه بكره بيتغير 180 درجه لأن اغلب صفاته مكروهه وبغيضه
على ماقالوا ابو طبيع مايجوز عن طبعه
البخل والانانيه طبااع صعب تتغير وممكن توصل لمرحله مستحيل تتغير

والواضح انك انتي مختلفه تماماً عنه
انسانه كريمه مهتمه معطائه صبوره متعايشه
وهو عكسك بخيل بليد انااني بايع الدنيا ماهمه احد العيشه مع هالشخصيات تقصر العمر !

توكلي على الله واستخيري وحطي حسناته (ان كان له حسنات) وسيئاته
وشوفي وش يرجح وبعدها خذي قرارك ..

الله يكفينا شر البخلا والانانيين وقليلين الدين !!

(انتي غلطتك الله يهديك انك كنتي تشوفين تصرفاته ايام الخطبه و تمشينها وتعطينه اعذار وهذا اكبر غلط يسوونه البنات لأن الجواب يبان من عنوانه)

a7llami
17-06-2011, 11:03 PM
طيب تتوقعين لو تجلسين عند اهلك بيجي يسأل عنك؟؟

مدري ليه احسه قاصد يطفشك!!

اخت دنياي
17-06-2011, 11:11 PM
أنا ارى ان المشكله ماتوصل للطلاق
غيري اسلوبك معه بيتغير
ومثل هو مايسأل عنك لا تسألين عنه ولا تغرقينه هدايا على قولتك ولا حفلات
باختصار زوجك يبي له قرصة اذن صغيره ويتعدل ان شاء الله

جافاني النوم
17-06-2011, 11:18 PM
شوفي حبيبتي هو إللي غلط بس خطأ توصلينها طلاق

حاولي تكلمينه و توضحين له إنو هالشيء خطأ قد ما تقدرين وبكل الأساليب

يعني مثليها مرة بزعل و مرة بجدية وهكذا ...

حاولي تكلمين أمه أو أخته الكبيرة لو علاقتك فيهم حلوة و تثقين فيهم

و أهم شيء إذا مرة متخوفة و تفكرين بطلاق اجلي فكرة الحمل و احرصي مرة على تأجليها

بس كطلاق لا تتعجلين حاولي كثير و إن شاء الله تنحل كثير شباب أول زواجهم يكون توه

ما أستوعب المسؤولية و تدريجيا ً يتغير .

موفقة .

الجمال أنا
17-06-2011, 11:27 PM
معليش اسمحي لي أقول أنت غلطااااانه

من الأول ليه تعودينه إن اخوانك يجونك علشان يآخذونك للريآض .. وليه تخلين أبوك يدفع لك حق التذكره !!

المفرووض تطلعين الفلووس من عيونه وغصب عنه .. ولا تروحين للريآض إلا إذا هو ودآك حتى لو تضغطين على نفسك ..!

ومثل السفر مع أهلك .. بعض الرجال يبون الفكه علشان يصير نوم بالإستراحات ولا فيه أحد يرجع للبيت علشانة !!

فقولي له صرت استحي من أبوي يآ إما تعطيني وإلآ مو رآيحه

وإنسسي توفرين علية ولا ريال حتى لو قال بمشيك وإلآ للسفره خلاااص أنت عرفتي طبعه تكيفي معه ..

وعوّديه على مصروف شهري يدفعه لك من غير المصروف اللي يعطيك إياه إذا بغيتي تروحين للرياض

لكن الطلااق لا تفكرين فية علشان نفسك مو علشآنه هو بعدك بيتزوج وبيعيش حياته لكن أنت اللي يا بتاخذين متزوج وإلآ شايب ..!!

عسى ربي يوفقك

ليليان
17-06-2011, 11:32 PM
الله يكون بعوونك اختي
اهم شي مثل ما ذكروا اللي قبلي فكره الحمل أجليها قدر ما تقدرين
وحااولي تواجهيينه ليش يعاملك كذا

واذا ما نفع مالك الا بيت أهلك لحد ما يحس بأخطاه
والله يكتب لك اللي فيه الخير

أبيكم
17-06-2011, 11:36 PM
السلام عليكم
حبيبتي الله يعينك ويسخر لك زوجك يارب
بس ألاحظ كل ماذكرتي موقف سيئ من زوجك تقولين سكت وقلت بمشيها

وهذا بلى أبوك ياعقاب
ليه تسكتون وبعدين تنفجرون
ليييييييييييييييييييييييييييييييييييه
لاتسكتين
إنتي تبغين حياة سعيدة وراحة مع زوجك ومودة ورحمه
لازم تكافحين وتتعبين وتجاهدين عشان ترتاحين
يعني حطي له النقط على الحروف في كل عثرة كبيرة
بتروحين مع أهلك
عطني مصروف ( ربي مغنيك ) والله يزيدك ( بس عاد إطلبي بطريقة حلوة )
بتسيرين على أهلك أو أهله خذي معك شي
الرجال عادة يتغيرون مع الزوجة بس لاتقولين بسكت وتعبت
لالالالا
وعلى قولتك يقول أنا حرمة أقعد بالبيت ترى إذا زوجك يجلس مع شياب ورجال كبار بالسن طبيعي تكون هذي ردوده مو مقصده شي
باختصارزوجك أنسان مقتبس شخصية شايب بس والا مافيه عيوب عيوب شينه
وهذي مع الوقت تروح باجتهادك وذكائك
ربي يوفقك ويسعدك يارب
وعلى طاري النقل
لاتخلين السالفه هذي تتعب حياتك
أنتي إستخرتي قبل الموافقه وربي سيرك للي فيه مصلحة لك
واصبري وبكرة بتنفرج وبتنبسطين
ويمكن هالفلوس اللي يجمعها وانتي زعلانه
بعد كم سنه تقولين الحمد لله انه جمعها
يعني تعيشين ترفيه ونعيم ويصير اهو عنده خطط مستقبليه بس مايبي يقولك لأن مثل ماذكرت سالفا
نظام شياب مايقول للحرمة شي
حاولي تتكيفين معه وحاولي تغيرينه بكل جهودك
انا واحد من اخواني مايواطن المكرونه واذا صلحناها سوى مشاكل من كرهه لها
ويوم تزوج مايسولف الا عن المكرونه ماشا الله
جاذبية الزوجة غير (هع)
يالله ورينا جهودك وخليه يحب المكرونه
يارب توفقها وتسعدها يارب والمسلمين أجمعين

..DR..
17-06-2011, 11:45 PM
ما شدت إلا تهون


حتى هو ودـًَه بأشيآء كثيرة بعد بس ما يقدر يوفرهأ لراتبه


--


كلها سنه إن شاء الله او سنتين وإنتي توك متزوجه وتخلص قروضه ويزيد راتبه وفيز العمال تجيب ثمرها إن شاء الله


وتعيشون حياة هنيه وتنبسطين

شامبانيا سعوديه
17-06-2011, 11:45 PM
هذا انسسان مرييض وع مااظن مافي امل يتغير
بس ياقلبي اقعدي عند اهلك فتررره وكلمييه لعلي وعسي يتغير ويحس بفراقك واذا مانفع
يااعمري انتي صغييره وشوفي حياتك احسن لك ....

عجوز وسيعه صدر
18-06-2011, 12:06 AM
لو انه يهتم فيك ماقلتي شي عن صلاته هههههههه :d
والله على وصفك اني احسده عليك ماشاءالله قايمة بواجباتك بالرغم انه مايحمس من اول يوم
ومع ذلك قاعدة تحاولين انك تغيرين روتين البيت
السهرات لو تقولين له خلها كل ويك اند
لو مثلا تقولين له خصص لي وقت معين تكون معاي
يعني مثل اللي تحطين شروط
تكلمي معاه عله يفهم
موفقة

طيوبه
18-06-2011, 12:12 AM
مااشوف داعي للطلاق ..
الحين حتى مافي مشكله بينكم ..
بليز لاتقولين لي ان المويه تعتبر مشكله ..
او كنسله السفره تعتبر مشكله ..
توكم ببدايه زواجكم ..طبيعي تصرفاته تكون غريبه شوي ويبي يسوي عليك انه الرجال ..شي طبيعي جداا.
تلقينه اصلا يستحي يوديك الرياض كل شوي ..من اهله .. يبي يرويهم انه الرجال اللي ماتحكم عليه حرمته ودني جيبني ..
انا اقولك اصبري .. سنه سنتين ..وتشوفين شخصيته الحقيقيه .. بتبدا تظهرلك مع الوقت ومع العيال ان شاء الله يوم بيجون..
بيحس مع الوقت باهميه عايلته الصغيره .. ومعد يهمه احد ولاعاد تهمه مظاهر ..

deathpotion
18-06-2011, 12:19 AM
السلام عليكم اختي
الله يكون فيعونك في مشكلتك حاولي تحليها لكن بعيد عن الطلاق
فهميه انه مواقفه غلط و انه هو المسؤول عليكي دلوقتي و لا ززم يهتم بامورك
و الله يكون في عونك

ريحانااا
18-06-2011, 12:38 AM
سوي قائمة بالايجابيات واخرى بالسلبيات
وقارني
بس كوني منصفة وعادلة
والله يهديكم
حاجة كمان ,,
بعض الرجال جامدين ومشاعرهم باردة ولا حتى يفكرون يتكلمون باي شي بداخلهم
يعني بخيلين للاسف حتى بالكلمة الطيبة
وهنا المسألة ترجع لك , اما انك تتأقلمين مع الوضع وتكيفين نفسك مع هكذا زوج , او الحل بيدك ومحد يقدر يغصبك على حياة ما تقدرين تكملينها
ربي يهدي سركم وييسر اموركم

د.طالبه
18-06-2011, 12:56 AM
حبيبتي

تمسكينه وتقعدينه
وتقولين له
انا ابي منك 1 2 3
ابي اهتمام وابي مصروف وابي رجوله
ابي شخص احس بالامان معه واني بيربي عيالي على مايرضي الله
انا ماتزوجت عشان اقابل نفسي بالبيت
وانت موب قاعد تعيش هالعلاقه مع نفسك
ترى في طرف اخر اللي هي انا
ماتبيني؟ ليش خذتني
من البدايه وعود كاذبه ..لو انا اللي كاذبه عليك من البدايه مثلا بقصة النقل للرياض او اي شي ثاني كان الحين ببيت اهلي نايمه وتحت وسادتي ورقه طلاقي منك

يعني انا انسانه صبوره ومستحملتك ترى
لذلك الحين تعلمني وش تبي مني ماعطيتك اياه
وانا اقولك وش اللسته الطويله العريضه اللي ابيها منك وللحين ماجاني منها الربع

يا كذا..!! يا يفتح الله
انا ما اضيع عمري وشبابي واحلى سنين ممكن تعيشها البنت مع واحد يعاملني كني قطعة اثاث
الزمن ذا ولى الله يجزاه خير

تعطيني حقوقي كامله بدون تقصير = اعطيك ماء عيوني
تستعبط وتكذب وتتبلد علي وقلة مرجله وحركات نص كم= طلقني وبيجيني اللي اطلق منك

لا تضيعين دقيقه من عمرك مع واحد زي كذا bp039

اناا فرحااانه
18-06-2011, 12:59 AM
في رجال كرماء بالمشاعر ومقصرين بالماده
ورجال كرماء بالماده ومنقصين بالمشاعر
ورجال بخلاء بكل شي لا ماده ولا مشاعر
يقولك البخيل في الماده بخيل في المشاعر لانه عارف لو حبك وبيدللك لازم يصرف
اتفاهمي مع زوجك وصارحيه بالي مضايقك ولاتسكتي عن حقك ابد
ولا تعوديه ان ابوك يصرف عليك <<<احس انه خلاص تعود
باللين بالقوه هو الي يصرف حتى لو كنت في بيت اهلك ولا ع ايش متزوج
الله يفرج همك وهموم جميع المسلمين

Laama
18-06-2011, 01:03 AM
الصراحة مدري وش اقولك !!!!
مااقدر الا ادعي لك الله يكتب لك الي فيه الخير يآآآآرب

ام بي سي فور
18-06-2011, 01:17 AM
مايحتاج ااستشاره تطلقي ..

ماسترية
18-06-2011, 01:33 AM
اهم شيء لاتحملين
انتبهي
واستخيري في موضوع الطلاق
اذا قررتي توكلي على الله
كل كره ولاتقابل كره
اما النقل للرياض اذا كنتي شارطة هالشيء يحقلك تزعلين عليه
والمؤمنون على شروطهم
موفقة ياعمري

آحـن وآحـد
18-06-2011, 01:38 AM
.. مالقي من يوقفه ..
البزر لاعطيته وجهه بيتمآدى ..
شايفك ساكته .. قال راضيه ..
يعينك ربي ويعوضك خير بالجنه ..
عجبني كلام د. طالبه
حددي وش اللى تبينه ولا تتنازلين عنه مهما صار .. 1/ مصروف 2/ كيت وكيت 3/ ...
هالنوعيه يبآلهم خرشه شوي ..
جربي تكبرين المشكله .. شويتين .. ان شفتيهآ زادت هدي الامور ..
خليك قويه .. الجزاء من جنس العمل ..
دآم لسه هالامور موجوده بينكم .. اجلو اجلو سالفه الحمل .. 5-6 سنين لين ينتظم الوضع

الله يبدل لك الحآل ..

Ro7 Ro7E
18-06-2011, 01:46 AM
السلام عليكم حسيت فيك اختي
انا تقريبا مثلك باختلاف بسيط
بقولك تجربتي ويمكن تفيدك
انا تعبت من زوجي بس كل مافكرت بالطلاق
ابعد هالفكره واخليها مستحيله لان اغلب الرجال هذا طبعهم
فقلت لازم اسوي شي فقررت اجلس عند اهلي فتره واهمله
ولا ادق عليه ولا اسال فيه ولا ارد عليه فستغرب وخااف
وحس بغلطته واعتذر مني ووعدني بالتغيير
والحمد الله مشت حياتنا وبدت تستقر
وانا بعد غييرت من نفسي وعرفت اللي يحبه وسويته
والله يوفقك ويسعدك بحياتك ويسخره لك

أحـبني
18-06-2011, 01:52 AM
حبيبتي مابي اقولك تطلقي انتي أدرى بنفسك وقدرة تحملك pb189

بس لو استخرتي وفكرررتي وشفتي ان الطلاق حل مناسب حاولي تخلينه طلاق ناجح bp039

بدون خلافات وهوشات وتدخل أهل كلميه قولي له ابيك بموضوع ركز معي تكلمي معاه بكل اللي بخاطرك وقولي له مانجحنا بالزواج وكذا واني لي حقوق ما أديتها من مصروف وغيره أبي اعيش حياتي وكل واحد بطريق بس تكلمي بهدوء وثقه

ويا حبيبتي ترا الطلاق مب سهل بس فكري زين واستخيري قبل أي خطوة تقدمين عليها والله يسسهل لك امرك ويوفقك ويسعدك..

to07A
18-06-2011, 01:56 AM
اهم شي انتبهي تحملي ..

من ضعفك معاه اكيد هو يحسبك راضيه .. خليكي شوي قويه معاه و حازمه

و لا تفكري في الطلاق الا بعد ما تجربي كل الحلول

ندى الأيام
18-06-2011, 02:04 AM
الله يعينك ويصبرك اهنيك على قوة تحملك pb189
معليش يختي حاسه انك سلبيه معاه من البدايه
انتي خليتيه يتمادى معك ولايقوم بواجباته
الطلاق لاتفكرين فيه الان خليك حازمه معه
وواجهيه بالاشياء اللي تضايقك وانه لازم يتعدل
وشوفي ردة فعله
إذا استمر بسلبيته واهماله انا من رايي تتركينه
منتي ملزومه انك تضغطين على نفسك وتجاملين
على حساب نفسيتك وبيت اهلك أفضل لك من هالعيشه

نُورةْ بنت عبدالله
18-06-2011, 02:09 AM
يااحياتي
سلاحك الدعاء بين غمضة عين وطرفتها يغيرالله من حال الى حال
الله يسعدك ويبدل احوالك للاحسن

[ E.L.A.F ]
18-06-2011, 02:13 AM
دآم لسه هالامور موجوده بينكم .. اجلو اجلو سالفه الحمل .. 5-6 سنين لين ينتظم الوضع

الله يبدل لك الحآل ..

حاولي تفهمين منه هو ليش تزوجك ؟ غصبوه أهله ؟
كان في شي بحيآته اول و أثر عليه ؟
معقوله سنه الا شهر ما قعدتوا تسولفون بمثل كذاا ؟
بالذات اللي حالتك راح يتناقش بمواضيع زي كذا
بس أهم شي أنتي تناقشي بالهداوه لا تجرحين بالكلام
خليك معه زي ما أنتي تبينه معك , أفهمي منه ليش يسوي كذا
و أيش يبي منك

الله يوفقكم ويسعدكم بحياتكم و يسخر زوجك لك pb189

نُورةْ بنت عبدالله
18-06-2011, 02:27 AM
يااحياتي
سلاحك الدعاء بين غمضة عين وطرفتها يغيرالله من حال الى حال
الله يسعدك ويبدل احوالك للاحسن

الفاضيه منال
18-06-2011, 02:37 AM
اول شي انتي تزوجتي وخلاص قبل تفكرين بالطلاق حاولي تتقبلين الوضع بس اهم شي لاتحمليييين اهم شي لاتفكرين بالحمل الا اذا انتي مرتاحه وومقتنعه
شوفي ياطويلة العمر انتي وضعك مشابه لوضعي بس بطريقه مختلفه شوي
انا الحمد لله ببيت اهلي شبعانه السنه الاولى من زواجي كنت زيك لااطلب ولا شي وادلعه عالاخر ومااصرف الا من مكافئتي بالجامعه او من ابوي الله يخليه بس بعد سنه صحيت
خير ليش استحي اطلب هذا من ابسط حقوقي وانتي مثل ماتقولين قادر مشالله
نوعية زوجك تشابه كثير رجال
بس انتبهي لاتوفرين له خصوصا انه يقدر اطلبي منه قد ماتقدرين ولاتحرمين نفسك حسسيه بالمسؤوليه عشان يحس انه مسؤول ولا والله انتي اللي بتخسرين
خليه هو يدفع اي شي يتعلق فيك نذكرة سفر اي شي ليش اهلك يدفعون خليه يوديك ويجيبك متى مابغيتي
تراك باول الطريق يمديك تعدلين حياتك قبل لايتعود عليك الحبيبه الساكته اللي ماتكلف عليه والنتيجة زيك زي اللي لاعنه زوجها
لاتسكتين عن حقوقك بس مب تغيرين اسلوبك وتقلبين فجاه انتي بكل بساطه طالبي بحقوقك واصري عليها
الله يسخرة لك يارب

مـضـاوي
18-06-2011, 02:45 AM
استخيري ياقلبي قبل ماتسوين اي شي

وادعي ان الله يحنن قلبه عليك ويسخره لك

~نوفا~
18-06-2011, 02:47 AM
يعطيكم العافيه جميعا
واشكر لكم دعواتكم
تعاطفكم معي اجبر بخاطري
بالرغم من اني مااحب ابين اني مكسوره او ضعيفه لأي حد
وهذا إللي مخليني صابره ومااشتكيه لحد

بقتبس لبعض الردود حتى توضح الصوره اكثر وتوضح بعض النقاط اكثرbp039

السلام عليكم ...

يقال ( درهم وقاية خير من قنطار علاج ) يعني الغريب ، دام الرجال كل هالعيوب فيه ، لا خلق ولا حتى دين ، لا اهتمام بصلاة ، لا أخلاق طيبة ، لا اهتمام بالآخرين ، أنانية ، كذاب و ... و ... و ... ، كيف وافقتي عليه ؟! ، ما سألتي عنه ،
، في أمور أهم بكثيييييير من سالفة المنطقة ،
انتبهي تجيبين منه أطفال هالفترة ، Renan13

اكيد وطبيعي سألنا عليه وكثير امتدحوه
واحد معاه بالشغل قالنا انه ملتزم ويأم بهم بالصلاة في المسجد!

اما سالفة المنطقه من حقي قبل لارتبط بأي شخص احدد مطالبي ورغباتي فأحس المكان إللي بسكنه من حقي يكون لي رغبه فيه لأني بعيش فيه عمر:)

والاطفال مؤجله للحين بالرغم من إلحاحه بالاطفال وقالها صريحه خل تنشغلين فيهم
بس انا مأجلتها حتى لو ساءت الامور مايكون فيه حد ضايع غلطه


pb036
انتي ماحاولتي تتقربين منه وتعرفين اذا له ماضي اوانه مجبورعليك يمكن(مجرد احتمالات)
ياقلبي انتي ماحطيتي الاسلبياته مدري وش ايجابيته بصراحه اذا هذي شخصيته ماينبغى pb036
bp039
بالعكس حاولت كثيررر اتقرب منه
ماله ماضي ولاهو مجبور ابدااا

اما ايجابياته وربي للحين مو عارفتها :(


مالها داعي الهدايا
اشوفك مو مقصره عليه بشي يعني هو حاليا عايش ملك وانتي .........

مدري اشوفك كاتبه انك موظفه حكوميه وتقولين انك فاضيه pb036

وزوجك مايضر لو تطنشينه شوي وبلاش هالحفلات والدهايا والاجواء الي معيشته
خليه يفقدها ساعتها بيحس انك وصلتي لمرحلة الملل منه وممكن يتعدل

انا مااهديته إلا ابي اجذبه لي
مو ابيه يهديلي
وقلت مع انه ولامره جاب لي شئ ابي اوضح انه بالرغم من انه مايهديني إلا اني ماقطعتها
لان هم هو مو هديه يجيبها لي

انا غير موظفه بس كنت اقصد دخله هو

اما الحفلات اسويها حتى يجلس بالبيت ويبطل الاستراحه
اسويها واغير جو البيت حتى مايمل اذا جلس وتكون وناسته بالبيت مو الاستراحه
وكثيرررر يفرررح فيها ويشكرني
بس برضوا يضل يطلع :(


أولآ أنا اتفق معك ان زوجك مهمـل حبتين بس مب أسوأ زوج ..

/ أولا أحس كلماتك شوي جارحة معه يعني مثل يوم قلتي له برسالة وش هالانانية

_ أحس انكم الى الان ما وصلتي انتي واياه لمرحلة الصراحة بينكم وهذي تجي شوي وشوي اذا ارتحتي له وارتاح لك وحس انك ممكن تفهمينه بتتصارحون ..

واذا لك حق خوذيه , يعني مثل يوم وعدك بالسفره كان عادي اخذتي مصروفك منه وجمعتيه انتي بدون ما تحسسينه بشي .. يعني مب يوم راح تعبك زعلتي
_
[COLOR="Blue"]/ الصلاة هي أهم شي وخصوصا الجمعة حاولي معاه بشتى الطرق , باللين بالكلمة الحلوة , برسالة جوال تقولين له دعوة , بإيميل ترسلينه له والله الهآدي .. ولك أجر إن شاءالله ..

// :) عدلت ردي عشان اللي بالتقييم عطتني أحمر زي لون هالورده bp039 ..


مااقول زوجي سوأ رجل وإلا كان قد لي تاركته
الحمدلله
اما مسج الانانيه لانه من امس ماكان فيه مويه وهو حاول يشرب بس ماحصل وطلع
يعني دبر عمره وعارف انا بالبيت وبصراحه انفعلت بقوه وقلت لازم كلمه قاسيه تصحصه شوي
لاني تعبت من الحكي الحلو إللي مايودي ولايجيب :)

وفعلا للحين ماوصلنا لمرحلة الصراحه
وحاولت معه كثير بس مايعطيني مجال

انا ذكرت سوالف ماقبل الزواج بس حتى تكتمل الصوره وتحدد الشخصيه وماتتخربط الامور

وسالفة السفره مشكلتي صدقته لاني ماجربته قبلها

والصلاة يصليها بس الجماعه مايحرص عليها وهذا إللي متعبنيpb093


بس ألاحظ كل ماذكرتي موقف سيئ من زوجك تقولين سكت وقلت بمشيها

باختصارزوجك أنسان مقتبس شخصية شايب بس والا مافيه عيوب عيوب شينه

وعلى طاري النقل
لاتخلين السالفه هذي تتعب حياتك

ويمكن هالفلوس اللي يجمعها وانتي زعلانه
بعد كم سنه تقولين الحمد لله انه جمعها


كنت اسكت وامشي لان كنت اسمع نصايح تقول الدنيا ماتوقف عند مشاكل بسيطه
وبعد ماحبيت اكون الزوجه المشكلجيه

واذا مقتبس شخصية شايب فهو فعلا يجالس رجال اكبر منه يعني بأعمار الخمسين والاربعين وهو 27
نبهتيني ع هالنقطه ربي يسعدك


اما سالفة النقل والله لو هو مسعدني ومريحني ماطلبت منه نقل
بس انا اجلس لحالي بالبيت ودي اكون بمنطقه فيها اهلي وصحباتي وهو كيفه يروح استراحاته

والفلوووس ماقلت شئ يجمع بس مو لدرجه ياخذ فلوس السفره :(



وبعد هو ماتمادى لانه شافني ساكته بالعكس اصلا اسبوعيا نتهاوش ع نفس السبب
يعني شايفني مو ساكته ولاعاجبني الوضع :(


بس ان شاء الله اكتب له مسج وابين له كل سلبياته معي
وبعدها اسجل له مطالبي واحطه امام الامر الواقع
واترك له الخيار

لاتقولون كلميه لان لو بكلمه مايعطيني مجال اوصل له كل إللي ابي

ومشكووووورين ع وقتكمbp039bp039bp039

غَيّود
18-06-2011, 02:51 AM
;30932787']

حاولي تفهمين منه هو ليش تزوجك ؟ غصبوه أهله ؟
كان في شي بحيآته اول و أثر عليه ؟
معقوله سنه الا شهر ما قعدتوا تسولفون بمثل كذاا ؟
بالذات اللي حالتك راح يتناقش بمواضيع زي كذا
بس أهم شي أنتي تناقشي بالهداوه لا تجرحين بالكلام
خليك معه زي ما أنتي تبينه معك , أفهمي منه ليش يسوي كذا
و أيش يبي منك

الله يوفقكم ويسعدكم بحياتكم و يسخر زوجك لك pb189



فعلا وبعدين انت وشلون صدقتي ان المحافظه موضوعها مؤقت
وهو بيت اهله جنب بيته هناك
اجلسي معه بوضوح وقولي له
1- مسؤوليتي ماتحملتها انطق لحالي وابوك يعبي لي الغاز بدل ماتبر فيه يكرف لك حتى وانت متزوج وحتى مويه اجلس بالساعات بدونها وانت عارف وراضي!
اعنبوا الشيطان العصفوره في القفص تتعبى مويتها قبل ماتخلص الكميه اللي عندها
2- صرف ماتبي تصرف علي وراضي بأهانة رجولتك قدام ابوي وراضي انه يعطيني فلوس هو وامي وانت وجهك فيه شعر وعندك خير
3- ماتحب تتكلم ولاتسولف ولاتجلس معي واحد داخل حياة جديده مهما كان هااادي ولايحب الكلام مفروض كل يوم يسولف لك
وش سوا في مراحل حياته ومغامراته وقصصه والاحداث المميزه اللي مرت عليه كونك انسانه جديده على حياته
4-اخلفوا في كلامهم عن نقلة الرياض واصلا ماكان لهم نيه!!!!! اوكي الموضوع موب مره مهم لو انه فرفوش وموسع صدرك
ولاقيه جوك والدلع يحق له اذا كان قصده انه بينسيك شفقتك عالرياض بالعربي اذا كنتي بتلقين عوض
وبديل حلو
5-اذا كان قصده مايعطيك عشانه مقتصد للتجاره حقته عالاقل يبدا اقتصاد بعد مايدلعك شوي وانت عروس موب من اولها مايبي يصرف ولاهدايا سنعه الفقراء والضعوف اهدوا خطيباتهم وزوجاتهم
اقلها اكسسوار اوفضه
اوذهب مطلي هذي كلها مقدور عليها اذا الواحد اهتوى وحس بوجود انثى بحياته لازم يقدرها ويحسسها
بكيانها موب هي والجدار واحد
6- حبه للسهر وجلوسه برا البيت اكثر من مايقابلك وانتم اول سنه زواج

بعد ماتقولين له هذا كله اسأليه مدام كذا ليش تزوجت؟؟؟؟

وفوقها صلاته الله يهديه ويصلحه لنفسه قبل مايصير لك
استخيري وواجهيه باللي قلت لك وشوفي وش ينحسم الموضوع عليه وحبي نفسك بعد طاعة الله وبس
وانتبهي تحملين وهو بهالوضع معك اللي ماستحى ان ابوه يعبي له الغاز مااظن انه بيتحمل مسؤولية طفل
بكره انت وابوه تطامرون تطعمون البيبي في المستوصفات وهو في الاستراحات
خذي bp039

افا بس
18-06-2011, 03:17 AM
مالك الا تطلعين عنه..ازعلي عند اهلك...و خليه يجي يواجه اهلك ويتفاهمون معه ويعرفونه حقوق بنات الناس...اهجريه..ولا ترجعين الا بشروطك..وارجعي بعد تعهده بالتغير..والالتزام والاحترام..وجربيه..شوفي اعتدل وعرف قدرك وحشمك وريحك كان بها وهذا هو المطلوب...ما اعتدل واستمر في سحق ادميتك والتقصير عليك ..اطلبي الانفصال...يا اما يخاف ويرجع ينضبط..يا تفتكين من هالعبء وتنفصلين عنه..لان الرجل اللي مثل هذا عبء ومصيبه تعلق في رقبة البنت..انا استغرب هالزوج مافيه شي اضافه لك من مميزات..الا كل اضافته لك سلبيات لا تحتمل..بس انتبهي عن الحمل والله يختار لك الصالح والمبارك..:rolleyes:

h.32
18-06-2011, 03:17 AM
غلطك من البدايه

انك ما وقفتي المهزله هذي عند حدها

كان فيه فتره ملكه وخطوبه وكان واضح جدا قدامك ... ليش تتسرعين الله يهديك بس

عالعموم انتي يبيلك حل قوي جلسة مصارحه قويه معه .. او تددخلين اهلك واهله بالمووضوع لانه السالفه لا تطاق

والله اني تضايقت وانا اقرا مشكلتك

بس ما عليه خلي البنات يتعلمون من اخطاء غيرهم

ترى يابنات فترة الخطوبه مهمه .. تعرفين وقتها اذا الرجال يحبك والا لا..

ولا تقولين كذا شخصيته هاديه وخجوله وما يعرف تعبر وم اادري ايش

كلها اوهام واعذار واهيه جدا ... و الحقيقه ان الرجال يكون مو متحمس

الله يصلح شبابنا وبناتنا بس ... و يكفينا بحلالنا عن حرامنا

طيوبه
18-06-2011, 03:26 AM
لا زلت اشوف ان المويه ماهي مشكله ..
وانا متاكده انها ماتدل على عدم تحمله المسؤليه .. لانها صارت مره وانتهينا ..
ياعزيزتي حريم يقعدون سنين في بيت الحموله وهو يروح يداوم بمنطقه غير ويجيهم كل ويك اند .. هذا اللي مو متحمل المسؤليه ..
اما زوجك .. من ايجابياتها اللي منتي لاقيته فيه .. حطك ببيت بروحك ..
سفرك شهر عسل ....وبعد مرور سنه اقترح عليك سفره 2
يبيك عنده .. يوديك لاهلك ويقعد معاك عشان ترجعين معه ..والله ان غيرك يرميها عند اهلها يبي الفكه ومايجي الا بعد اتصالات تعال وتعال .وبعد ماتطفش من اهلها ويطفشون منها ..هذا الشخص الغير مسؤل
الطلاق ماهو الحل .. بالعكس انتي بتروحين للهاويه ..
ماعندك فكره عن المطلقه ونظره المجتمع لها ..واللوم اللي يصير عليها ..
نظره اخوانك لك بالبيت بتتغير ... الحين يحترمونك انتي مره ولك بيت وزوج ..
يوم بترجعين لهم مطلقه تتوقعين بيظل الاحترام زي ماهو .. هل بتتحملين كلام الناس والهمز واللمز ..
الله يصلح مابينكم ..

crazy lazy
18-06-2011, 03:46 AM
الله يصبرك ياعمري
شوفي ياحلوة انا ماانصحك بالطلاق كاول الحلول
لكن مثل ماقالوا الغالبية لازم جلسة مصارحه كبر المحافظة اللي انتوا فيها
اجلسي معه وطلعي كل اللي في قلبك وحطي النقاط على الحروف خليك مجهزة وش تبين تقولين عشان ماتخلين شي في قلبك.
ماقهرني الا يوم قلتي اجلس معي قال ليش انا حرمة
بعدها اذا مانفع كلمي واحد من اخوانك او ابوك عن وضعك عشان يكلمونه ويحس انك وصلتي لمفترق طرق وان الكورة في ملعبه الان.
اذا مانفع معه شي وحسيتي من جد مافيه حياه بينكم وانه قاعد يطفشك قولي بروح بيت اهلي واقعدي كم اسبوع لاتدقين ولا ترسلين وقتها وشوفي وش بيكون الوضع بعدها عليه اذا هو يحبك صدقيني بيجي من ثاني يوم واذا مااصدق وجته من الله طلعتك ادري ان الله اختار لك الاحسن.

انا كنت اعاني شوي من عدم اهتمام زوجي فترة الملكه وزياراته كانت قليله وحتى اول فترة في زواجي كان مايبين مشاعره يعني حتى لو شاف شي مرة يبسطه يحاول يكابر وقد سوا كذا مرة اشياء تقهر بس مع الوقت تغير مع ان كل اللي حولي يقولون مافقدتي الامل زوجك مافيه منه امل
بعد مامر على زواجي تقريبا سنتين تغير شوي وصار يهتم بالكلام والهدايا
لاني ماكنت اخلي شي في قلبي دايم اقوله انا ابي كلام حلو انا احتاج اهتمام لدرجة توصل للزعل ومانكلم بعض كذا يوم لانه شايف هالامور بايخه والمحبه في القلب على قولته
المغزى من الكلام لا تياسين حاولي بجميع الطرق بس انتي ادرى بزوجك اذا يحبك ومايحب يبين او ان الرجال صاد عنك ومو يمك
الله يكتب لك اللي فيه خير لك ويرضيك

ترنيمة فرح
18-06-2011, 03:56 AM
حبوبه
خلي ابوك يناديه
ويقوله بنتنا تشكي من كذا وكذا
تعطيها مصروف شهري وقدره
وكسوة عيد وقدرها
وتقر لها زياره كل فتره وتكون محدده
واذا جت بتسافر معنا تعطيها مصروف السفره والتذكره علي
واذا وافق اياني واياك تننازلين عن هالشروط
اولا لانها من حقكم ماطلبتي شئ
وثانيا بيحسك سهله وكلام ابوك ماله معنى
وطبعا بوجود ابوه يقول له انت قلت لنا انه بيسكن بالرياض ولا سكن وش السبب

لا تسكتين عن حقك
ترى الرجال ماينفع لهم الا الرجال

وطبعا بشكل ودي موب تهديد
احس زوجك يجي منه
بس يبي يحس ان وراك ظهر
طبعا قبل اي تصرف تسوينه
صلي صلاة استخاره

الله يسخره لك
ويسمح امرك

.HaNan.
18-06-2011, 04:52 AM
بمثل هالامور صعب انك تحكم على المشكله وانت تسمعها من طرف واحد
المشكله مو بالمكان اللي انتي ساكنه فيه .. المشكله بفراغك .. خلاص انتي تزوجتي وشي طبيعي بتكونين تابعه لزوجك ووين ماراح بتكونين معاه ..
لاتشتكيين كثير لانك الحيين بوقت زعل فالشي هذا خلاك تذكريين سلبياته فقط ..
مشكلتك حاجتين ..
اهماله لك + فراغك .. وكل الحلول بيدك انتي .. اخلقي لنفسك جو واشغلي وقتك باي شي وظيفه او دورة او اي حاجه .. المهم تسرق وقتك
الشي الثاني . كل رجل له نقطة ضعف . لاتقوليين جربت كل شي ولا فاد .. شغلي هالمخ اللي بالراس وشوفي زوجك وش اكثر شي يحبه ومايستغني عنه وابدي اشتغلي على هالنقطه .. صدقيني راح تجيبيين راسه وتغيريينه بسهوله ..
انتي ببدايه زواجك ولاتحكمين عليها بالفشل من الحيين .. كل شي يتغير مع الزمن بس يبي لنا صبر وتروي

أم العيال
18-06-2011, 09:45 AM
صحيح وضعك يضايق لكن مو بذاك الوضع المعقد اللي ما له حل واللي يوصل للطلاق !!!

وش لو كان راعي بنات ولا شرب وغيرها من البلاوي اللي نسمعها

زوجك فيه ايجابيات وضحتها اخت هنا منها : سكن في بيت وحدك .. تخيلي لو إنك
عند حمولة ومجبورة تشتغلين وتطبخين وتسايرين وغيره كان صدق عرفتي
معنى الحرية

ماله سوابق وعلاقات ومشغول بتجارته

تقولين يفرح بالحفلات ..طيب هذا شي حلو يعني فيه احساس مع إني
ما اييد ان الزوجة تجيب كل اللي عندها من اول سنة

سامح لك تزورين اهلك مو قاطعك عنهم بالشهور

سالفة الملكة والشبكة .. تخيلي لو انه جاك طاير وفرحان ومكالمات واتصالات ووو ومثل
ما نقول طفة هي فترة وتعدي وبعدها تتحسرين على هالايام لانه ما راح يستمر كذا
وووارد جدا إنك تجين وتشتكين من تقصير ومشاكل بالرغم من كل اللي
سواه في الملكة يعني باختصار مب دليل على السعادة .

السالفة يبي لها تغيير معاملة ومصاااارحة
قولي لي كل اللي بنفسك ولا تتنازلين عن حقك أبد .. مدري ليه الحريم يستحون
يطلبون مصرووف هذا حقك ماله دخل بالكرامة والحياء

وحتى انتي شوفي نفسك .. كوني علاقات ليش بس تبين تطلعين معه
ارتبطي بأهله ان كانهم حبوبين
اعزمي اهلك عندك شكلك بمنطقة قريبة للرياض مادامك ماشاء الله كل اسبوع عندهم
مو لازم بس انتي اللي تروحين خليه يتعود مسؤوليتك وعزايم وحركات

لا تدلعينه وهو مقصر بعدين يحسب انه ما سوا شي وان الوضع عادي
خليك بعض المرات مقصرة مع تطنيش ببعض الامور مثل غسيل ملابس او كوي
واذا حاسبك حاسبيه وقولي مثل ما تبي حقك انا ابي حقي

يعني الموضوع يبي شوي جهد منك للتعديل والتوجيه ومثل ما قالول هنا
اول سنين الزواج دايما تصادم ومشاكل وهذا شي معروف


والله يعينك ويوفقك bp039


رجعت وعدلت ردي لاني تذكرت شي :D
زوجك صغير بالعمر وأغلب الشباب اللي بعمره واللي اكبر منه وداخلين الثلاثينات مثله
من ناحية المسؤولية وتلاقينهم معتمدين على اهلهم بكل شي
ويمكن ما يعرفون يصفون كلمتين على بعض ولا يعرفون طريقة التعامل الصحيح
وهذا نشوفه للاسف بين البنات والعيال في الوقت الحاضر والاسباب معروفة
يعني يبي له تعليم وصبر وما فيه انسان كامل .

M.r 3 b o o d
18-06-2011, 10:15 AM
اكرشيه :@ هالرجاجيل ماينفع معهم الا الكرش :)
ومادخلت اني بحل مشكلتك لكن بقول الله يكون بعونك :)

Arwa_
18-06-2011, 01:11 PM
والله استغرب من اغلب البنات اللي هنا

تقول استخرت واستخرت ومرتاحه وبعدها تنزل عليها انواع المشاكل !!!

المشكله انك ساكته من الاول ولا حاولتي تكلمينه وتتفاهمي معاه :(

كان عرفتي طبعه وتصرفاته اكثر مو تقولي يمكن هوا كذا ويمكن ويمكن :(

ما ضيع البنات الا هالـ يمكن

ورود بيضاء
18-06-2011, 02:35 PM
السلام عليكم ...

يقال ( درهم وقاية خير من قنطار علاج ) يعني الغريب ، دام الرجال كل هالعيوب فيه ، لا خلق ولا حتى دين ، لا اهتمام بصلاة ، لا أخلاق طيبة ، لا اهتمام بالآخرين ، أنانية ، كذاب و ... و ... و ... ، كيف وافقتي عليه ؟! ، ما سألتي عنه ، دينه ، أخلاقه ، أسلوبه ، حياته ، نشوف الكثير من الأسر لما يجي يخطب منهم أحد ، يسألون عنه بكل مكان ( بيته ، دوامه ، المسجد القريب منه ، ربعه ، جيرانه ، و ... و ... ، يفصفصونه :d ) واستغربت أكثر ، إن كان جل اهتمامك بينقل للرياض أو بيبقى بمكانه ؟! ، في أمور أهم بكثيييييير من سالفة المنطقة ، والمنطقة ما عمرها صارت مشكلة ، يا كثر اللي ساكنين بمحافظات ، حتى الخدمات فيها مو ذاك الزود ، إلا إنهم مرتاحين وفالينها :) ...

( إن الله لا يغير ما بقوم حتى يغيروا ما بأنفسهم ) ، يعني في كثير من الناس ، للأسف تربى على عدم الاهتمام بالصلاة ، يعني ما ربوه أهله على الدين ، وجاهل بأمور دينه ، لكنه نفس الوقت أخلاقه طيبة ، حنون ، حبوب ، طيب ، وعدم اهتمامه بدين غير نابع من استهتار بقد ما هو نابع من جهل ، هذا النوع قابل للتغيير ، ومو صعب تغييره للأفضل ، لأن أساسه صافي ، وأعتقد نشوف من هالنوعية كثير ، وحتى بمشاكل العيادة هنا ، الكثير يقول ، زوجي طيب وحبوب ومو مقصر علي بشيء ، بس مو مهتم بصلاة الجماعة ، أو يفوت بعض الصلوات أو .. أو .. ، لكن زوجك اللي مبين من المشكلة ، لا خلق ولا دين ، وعنده أمور كثيرة بالنسبة له أهم بكثير من علاقته فيك أو نجاح العلاقة الزوجية ، فإذا هو أساسه ضعيف ، وعنده اعتقادات عجيبة مثل لما تطلبين منه يجلس معك صار ( حرمة :d ) ، أكيد هنا المشكلة بتكون أعقد وأصعب بكثير من لما واحد مثلا اهتمامه بدينه ضعيف بسبب الجهل ، لكن يكون قلبه طيب وتعامله مع الآخرين محترم ، والمقصود من هالكلام ، إن لو ما غير اعتقاداته وتفكيره ، مستحيل تصرفاته تتغير ، حتى لو تغيرت ، بتكون محدودة ومؤقتة وبدوافع ثانوية :( ...

واللي يعقد المشكلة أكبر وأكبر ، إنك على مدار الشهور هذي ، ومع جل محاولاتك للتغيير للأفضل ، إلا إن ما جاب أي نتيجة ، بل تطلع منه تصرفات عجيبة مثل يخليك تسافرين مع أهلك بدون ما يعطيك مصروف ؟! ، إضافة إلى إنه بكل جرأة يقول ( إذا أبوك بيعطيك المصروف أو بيتكفل فيك ، ما عندي مشكلة ) ، كيف كرامته تخليه ؟! ، إنه ما يخليك تروحين أبد ، أحسن من إنه يقول لك هالكلمة ، وكأنه مو مكلف فيك ؟! ، وما ننسى إنه فقط يفكر بنفسه وأنتي حاطك آخر اهتماماته :( ...

كل هالكلام ، حقيقة مو عشان أشحنك ضد زوجك أكثر ، بس عشان أبين لك إن المشكلة مرة صعبة ومعقدة :( ، خصوصا إن ما في أي بوادر للتغيير ...

أنتي الآن كثفي محاولاتك أكثر ، لو تعرفي حد يقدر يؤثر فيه ، كلميه يكلمه بس بدون ما يعرفه إنه جاي عن طريقك ، استخدمي سلاح الدين ، لعل وعسى يهاب اشوي ، قولي له ، حرام كذا ، لازم تقوم بواجباتك الدينية والزوجية والأسرية و ... و ... ، اجلسي معه جلسة مصارحة، وش مصير علاقتنا ، كيف بنربي عيال وحنا بهالوضع ، مو كأننا زوجين و .. و .. ، يمكن يحس اشوي :) ...

انتبهي تجيبين منه أطفال هالفترة ، خصوصا إن الجو مشحون مرة ، وحرام يجي طفل ويعيش بمثل هالجو :( ، نعم ، ممكن الطفل يجيب نتيجة ويحرك عاطفته تجاهك وتجاه الطفل ، لكنه سلاح ذو حدين ، لو ما حرك فيه شيء ، ممكن ينفر أكثر وأكثر ، ويطنش أكثر ، خصوصا إن المسؤولية بتكون أكبر عليه ...

لو ما نفع الكلام ، روحي بيت أهلك ، واجلسي عندهم مدة ، وقولي له ، أبيك تكون كذا وكذا ، ومستعدة أسوي لك وأسوي لك ، بس محتاجة اهتمام ، محتاجة عاطفة و ... و ... ، لعل وعسى يحس بفراقك ويحن لك والكلام يغير فيه ، ويحاول يتغير عشانك :) ...

وآخر الدواء الكي :( ، وإن شاء الله ما تضطرين لحل طلب الطلاق ، لكن لو ما نفعت كل الحلول الموجودة والمتاحة ، وحلول باقي الأعضاء ، ما في إلا هالحل ، حرام يضيع عمرك مع إنسان ( لا دين ولا خلق ) ولا حتى فيه بوادر للتغيير :( ، وأنتي توك صغير والعمر قدامك إن شاء الله ، وفرصتك راح تجي بإذن الرحمن :) ...

ادعي ربك يسهل عليك ، ويغير زوجك للأفضل ويصبرك أكثر ، ورب العالمين ما يخذل عبده إذا دعاه :) ...

بالنهاية ، قد ما تقدرين اسلكي كل الحلول المتاحة وأجلي فكرة الطلاق اشوي ، إلى تستنفدي كل حلولك ، وانتبهي مثل ما قلت لك تجيبي أطفال ...

هذا اللي عندي ، وربي يوفقك ويسهل عليك ويهدي زوجك لكل خير ...

Renan13

رده منطقي جدا ومعاه بكل كلمه
خبرينا عقب شو يصير معاج

نَـوّارْ الخَمِيلة
18-06-2011, 02:45 PM
شفت رسآلتك يالغلآ .. bp039 وقريت ردك .. الله يسعدك ويعينك ..

معليش حبيت أعلق على اللي يجون هنآ وعلى طول يحطون الطلآق حل ..
فوق خمس ردود تشجع هالشي وبصريح العبارة وبعضهم يدل عليه بطريقة غير مباشره ..

مآ قلنا شي الطلاق قد يكون خيآر وحل أفضل وممكن بحالات كثيرة ما يكون فيه حل إلآ هو ..
لكن مثل مشكلة الأخت هنآ يآربي لك الحمد لآ هو رآعي شرب ولا دخآن ولآ بنات يعني الأمور اللي بزوجهآ بكثير من الأزوآج الثآنين , ..

ولآزم نحط بالبآل إنه للآن رضينا والا ما رضينا وضع المطلقة صعب , لآ بالتحركات ولآ بـ الهمز واللمز ولآ من ان الوحدة تحتاج أحد يقضي أمورها ولآ بعد إنه الفرصة بالزوآج بعد الطلاق مب مثل قبل ..

طبعا هي أعرف عن وضعها وقدرة تحملها واذا الطلاق تشوفه الحل فالله يكتب لها الخير ..

شكرآ للجميع , وعادي لأي أحد بيقيمن أحمر :D

غمُوض
18-06-2011, 07:19 PM
حبيبتي :
انتي دخلتي الزواج هذا أو وافقتي عليه بالمعنى الأصح بناء على اشياء كلها طلعت خاطئة :
1- املتي نفسك انه بينقل وما طلع بينقل
2- تصرفاته وقت الملكة كانت بناء على احتمال انه منحرج
3- الهدايا بعد كانت على اساس انها حياء وخجل وانه لسه ما عرف انتي ايش .
فأنتي اذا بتفكرين بحلول لازم تخلين الطلاق اخر حل لأن الأمور اللي مضايقتك هذي خليني اكون صريحة معك هي مكملات عشان تكونين سعيدة ما هي اساسيات خصوصا بالنسبة لنا أحنا البنات يعني نبي مطاعم اسواق تمشيات نبي اهتمام وصرف وهدايا وجلسات وسوالف
انا اقترح عليك بما انه قال متى ما بغيتي تجين مسجي :
اجلسي عند أهلك وطولي الجلسة وشوفي آخرتها معه حبذا لو تخلين أحد من أهلك في الصورة :
لو سأل عنك وينك فلانة ما تبين ترجعين هنا يجي دورك :
أنا برجع معك يا فلان لكن طريقة حياتنا ما هي عاجبتني ولا هي مرضيتني وعندي هالشروط اذا بتنفذها لي ارجع (لازم يفهم ان طريقة حياته والانانية اللي عايشها ما فيه اي انثى ترضى فيها ) ..
وخليك واضحة وصريحة وحددي مطالبك بالضبط وبالأختصار .
اعتقد إذا انتي حازمة على تغيير حياتك للأفضل هذا هو الحل المناسب
وخلي سلاحك الدعاء
الله يوفقك ويسخره لك .

شاهي منعنع
18-06-2011, 07:42 PM
حبيبتي اتركيه غير مأسوف عليه
والله يعوضك بأحسن منه
وش ترجين من واحد يخلي ابوك يصرف عليك ويسافر وهو وش دوره في الحياة
انتي معتمده على اهلك في كل شي
وهو عايش عزابي طويل العمر واضح انه متزوج علشان اهله مو اقتناع منه
اجلسي مع ابوه واحكي له كل شي والله يكتب الي فيه الخير

Lancom
18-06-2011, 08:09 PM
قلت يالله مو مشكله خل تجي الشبكه واشوف وش يحس فيه


قلت يالله مو مشكله اصلا مستحي وماخذنا ع بعض يحق له


برضوا سكت وقلت الحياة ماتوقف هنا


قلت تعبان ومرهق ماعليه


قلت عادي تمشئ الامور


قلت مو مشكله


مع ذلك مازعلت وسويت له حفله بعد


طبعا سكت قلت يالله للمستقبل


والمزييييد من الاقتباسات بس اكتفيت بهذولي

اسمحي لي اقولك ان الغلط راكبك من راسك لساسك

سكوتك عن حقوقك وتعطينه حقوقه هو اللي خلاه يتصرف كذا
ليش تسكتين وتعدين ؟!!!!

الشي اللي مو عاجبك قولي لا
واللي تبينه قولي ابيه
واللي تشوفينه حق لك قولي هاته
اما تسكتين وتبينه ينفعك معليييييييييش !!!!

انتي سلبيه وعودتيه على السكوت عن حقك
وهو طبعا مايحتاج جت منك


شوفي هالاقتباس

بس طلعت حرتي بشهر عسلي طقيته بوجهه واخترت المكان من غير مايسألني هذا الشئ الوحيد إللي انبسطت فيه

شفتي يوم طلعتي حرتك واخذتي حقك اعطاك وانبسطتي فيه ؟؟


والله زوجك مافيه اي مميزات تستاهل ان الوحده تتحمل تعيش معه
لو انه رجل كفو ورجل بمعنى الكلمه كان يستاهل الواحد يضحي علشانه
ويسكن بديره
بس رجل مو كفو وعايش بديره اسمحي لي
ياتغيرنه وتتغيرين وهذا يبي له صبر ووقت
ياتتطلقين والحمدلله ماعندك منه اطفال
طمنينا عنك pb189

عبدالعزيز70
18-06-2011, 08:09 PM
تطلقني منه وانا اخوك
هذا وانا ولد ما قدرت اتخيل الموقف والعيشة معه
الله يكتب الي فيه الخير لك

][Hunaini][
18-06-2011, 08:36 PM
من جد وش سالفه تطلقي تطلقي

يا قو قلوبكم و انتم تقولونها

ما كملوا سنه متزوجين و الرجال ما يطق ولا يشرب ولا يدخن كل الي فيه لا مبالاة اغلب شبابنا اليوم استغفر الله و انانيه الرجال المعهودهـ

رجعت اقرى المشكله احسب انها ادمان ولا ضرب شككتوني

وش الحماس والواحد يشور بالطلاق ...؟؟

اقول يا اختي رجلك يحتاج صدمه يحتاج موقف قوي منك يفجعه و يحسسه انك منتي الكتكوته الضعيفه الي تسوي حفلات و تمشي له اخطاءه و حدها تصارخ و تنام و من بكرى كن ماصار شي

تمسكينه هالمره مادامك عند اهلك ، اما بمسج مثلما قلتي

او ان ابوك يناديه كعزيمه عاديه و يمسكه على جمب

ويقوله مانيب راضي عن الي سمعته يا فلان صحيح انت كذا وكذا ؟

و قولي له يحرجه من ناحيه الصرفيات ويقول له توني ادري انك تسمح لها تسافر معنا عشانك ما تصرف وبس!!!

و اهم شي خل ابوك يعلمه انك ساكتة من البدايه ما تكلمتي الا الحين

عشان ما يحسبك خبلة مرة و اهلك ساكتين له

و لا ترجعين الا بتعهد منه قدام ابوك انه يحترم نفسه من ناحيه الصرف

وماخفيك تراك ساعدتيه باللامبالاة

كأنك تقولين له : قصر علي و ستحصل على زوجة طائعه محبه و قليله المصاريف و هدايا مجانية و حفلات وكيك و تفكك منها كم يوم بالاسبوع و سفرياتها على اهلها

وش خليتي للرجال يسويه ؟؟

البنات الي ربوا أزواجهم...،، قصروا على نفسهم بالبدايه....فيه بنات كانوا يقعدون بالبيت اذا قال خلي اخوك يوديك....و في بنات كانوا يقولون ماهو لازم احضر زواج بنت عمي طالما ما عطيتني فلوس....ما تروح تاخذ من ابوها...!!!!!


وبهالشكل يعرف و يتأكد انها ملزومه منه و يراجع نفسه


طول ما انتي تدبرينها مستحيل يتعدل

مرحبآآنيه
18-06-2011, 08:47 PM
والله يا حبيبتي للأسف هذا حال كثير من الشباب ..
أغلب صديقاتي الي اعرفهم ومتزوجين يعانون من نفس النقطة !
استراحه ! لا سفرات ! لا لسان حلو و لاشي ! ..
يعني اذا هالشي بيواسيك ترا فيه كثير مثلك :(pb189


أول شي لا تتسرعين بالطلاق ..
صحيح الي مايحافظ على الصلاة و لا عنده حس مسئولية و يكذب و لا يوفي بوعده ومتبلد .. هذا ينخاف منه و لا يمكن تأمنين نفسك عليه .
لكن أنا أقول الطلاق موب لعبه و ألسنة لناس ماترحم :(
خبري أهلك بالوضع ! ليش أبوك ماعنده خبر للان ! الاتفاق ان الرجال ينقل للرياض !
ليه ما وفى وعده ! أهلك أكييييد مايرضون ان بينتهم يصير لها كذا !!
خليهم يكلمونه مايعرف للرجال الا الرجال ! يعلمونه ان الله حق وانك منتي بأبجورة للبيت و لا زينة !
أنتي زوجته و حلاله و ستره و عرضه !
أدعي له في صلاتك أن ربي يصلح حاله .. اكثري من الاستغفار ترا مفعوله عجيب ومااتتصورينه ..
حاولي تطنشين زلاته .. و تكلمينه بهالموضوع .. حاولي تخلينه يحب البيت أكثر ..
أنتي أشغلي نفسك ولا دوري لك وظيفة و لا سوي لك مشروع ولاشي .. بيساعدك دام مخه تجاري ..

و بعدين فعلا مثل ماقالو الي قبلي ! أنتي مستمره ساكته و تقدمين تنازلات و حفلات ومش عارف ايش وهو مستمر على حاله !
جرربي وقفي عن هالاشياء .. هل بيحن لها ؟ هل بيحس أنه أخطأ إذا كلمتيه وقلتي له ماراح أعطي بدون ما آآخذ ..؟

إذا ما نجحت كل هالمحاولات من تدخلات الاهل او محاولاتك انتي ..
فالشكوى لله استخيري ربك .. و اطلبي الانفصال .. يمكن اذا طلبتيه يحس على دمه bp039

و الله يسعدك bp039

ذوق وذرابه
18-06-2011, 08:59 PM
فيه كثير ردود عقلانيه وحقانيه بنفس الوقت قريتها هنا
ماعندي شيء اضيفه ، غير انك ياعزيزتي المفروض تكونين اقوى من كذا
كيف تبي تعيشين مبسوطه وانتي كل الاسباب الي تبذلينها بالاساس هي لسعادة غيرك !
زوجك من البداية من قبل لا ترتبطين فيه وكان فيه مؤشرات اكيده انه فيه اختلاف كبير بينكم
انا مادري ليه ذكرتي شخصية زوجك قبل الزواج، عشان تبينين انك صابره عليه و انك عايشيه بمعاناة من قبل لاترتبطين او انك سلبيه كل شيء تدورين له مبرر؟
شيء صار وانتهى ليش تعيدين ذكره ، ماراح يخفف عنك بالعكس بيشحنك زود
والدليل ان الاراء هنا انقسمت :
- ناس تأثروا بدرجه كبيره خلتهم يكونون عاطفيين بزياده ونصحوك على طول بالطلاق - وانا متأكده لو انك ماذكرتي شخصيته قبل الزواج بيتغير رد الكثير منهم -
- وفيه ناس لا ، بالعكس قالوا انك غلطانه من البداية كنتي سلبيه وكل ماصار شي قلتي ماعليه
وتأملين نفسك بأشياء بتصير بعدين ولو ماصارت بتموتين حسره على حالك

الي ابي اوصله من كل هالكلام انه انتي حاليا منفعله وبشكل كبير ومعور قلبك بعد ان اهلك مشفقين عليك
ليش مايسويلك مثل ما اخوك يسوي لزوجته والا زي زوج اختك يعطيها هدايا
ويحاولون يعوضونك النقص الي عايشه فيه بدون لا احد يعرض عليك حل ممكن فعلا يساعدك

انتي روقي وهدي اعصابك هاليومين ، وفكري بحياتك مع هالرجال
شوفي وش استفدتي من اول ما ارتبطتي فيه
وش السلبيات الي موجوده في زوجك ؟ هل ممكن تتغير ؟
هل هي سلبيات فعلا تخليك تنفصلين عنه خلاص
جربي انتي الحين منتي خسرانه شيء فكري كثير واستخيري ودايم خلي كل تفكيرك بنفسك وسعادتك ماعليك من احد ثاني
وادعي ربي كثير بالخيره الصالحه
بعدين اطلبي من زوجك يجي عندك وتفاهمي معاه على كل الي تبين وكل حقوقك ولا تتركين شي بخاطرك
تفاعل معك خير وبركه ، ماتفاعل وما ابدأ اي استعداد للتغير الرأي لك اولا واخيرا

من كل قلبي اتمنى تنتهي مشكلتك وتكون سبب لاصلاح حالك

ياليت كل البنات يعتبرون من مشكلتك ، كثير يرتبطون باشخاص ويتنازلون عن حقوقهم على امل بالمستقبل بيتغير
وهذا اكبر غلط ترتكبه الوحده بحق نفسها

حنا111ن
18-06-2011, 09:06 PM
يعطيكم العافيه جميعا
واشكر لكم دعواتكم
تعاطفكم معي اجبر بخاطري
بالرغم من اني مااحب ابين اني مكسوره او ضعيفه لأي حد
وهذا إللي مخليني صابره ومااشتكيه لحد

بقتبس لبعض الردود حتى توضح الصوره اكثر وتوضح بعض النقاط اكثرbp039



اكيد وطبيعي سألنا عليه وكثير امتدحوه
واحد معاه بالشغل قالنا انه ملتزم ويأم بهم بالصلاة في المسجد!

اما سالفة المنطقه من حقي قبل لارتبط بأي شخص احدد مطالبي ورغباتي فأحس المكان إللي بسكنه من حقي يكون لي رغبه فيه لأني بعيش فيه عمر:)

والاطفال مؤجله للحين بالرغم من إلحاحه بالاطفال وقالها صريحه خل تنشغلين فيهم
بس انا مأجلتها حتى لو ساءت الامور مايكون فيه حد ضايع غلطه



بالعكس حاولت كثيررر اتقرب منه
ماله ماضي ولاهو مجبور ابدااا

اما ايجابياته وربي للحين مو عارفتها :(



انا مااهديته إلا ابي اجذبه لي
مو ابيه يهديلي
وقلت مع انه ولامره جاب لي شئ ابي اوضح انه بالرغم من انه مايهديني إلا اني ماقطعتها
لان هم هو مو هديه يجيبها لي

انا غير موظفه بس كنت اقصد دخله هو

اما الحفلات اسويها حتى يجلس بالبيت ويبطل الاستراحه
اسويها واغير جو البيت حتى مايمل اذا جلس وتكون وناسته بالبيت مو الاستراحه
وكثيرررر يفرررح فيها ويشكرني
بس برضوا يضل يطلع :(



مااقول زوجي سوأ رجل وإلا كان قد لي تاركته
الحمدلله
اما مسج الانانيه لانه من امس ماكان فيه مويه وهو حاول يشرب بس ماحصل وطلع
يعني دبر عمره وعارف انا بالبيت وبصراحه انفعلت بقوه وقلت لازم كلمه قاسيه تصحصه شوي
لاني تعبت من الحكي الحلو إللي مايودي ولايجيب :)

وفعلا للحين ماوصلنا لمرحلة الصراحه
وحاولت معه كثير بس مايعطيني مجال

انا ذكرت سوالف ماقبل الزواج بس حتى تكتمل الصوره وتحدد الشخصيه وماتتخربط الامور

وسالفة السفره مشكلتي صدقته لاني ماجربته قبلها

والصلاة يصليها بس الجماعه مايحرص عليها وهذا إللي متعبنيpb093




كنت اسكت وامشي لان كنت اسمع نصايح تقول الدنيا ماتوقف عند مشاكل بسيطه
وبعد ماحبيت اكون الزوجه المشكلجيه

واذا مقتبس شخصية شايب فهو فعلا يجالس رجال اكبر منه يعني بأعمار الخمسين والاربعين وهو 27
نبهتيني ع هالنقطه ربي يسعدك


اما سالفة النقل والله لو هو مسعدني ومريحني ماطلبت منه نقل
بس انا اجلس لحالي بالبيت ودي اكون بمنطقه فيها اهلي وصحباتي وهو كيفه يروح استراحاته

والفلوووس ماقلت شئ يجمع بس مو لدرجه ياخذ فلوس السفره :(



وبعد هو ماتمادى لانه شافني ساكته بالعكس اصلا اسبوعيا نتهاوش ع نفس السبب
يعني شايفني مو ساكته ولاعاجبني الوضع :(


بس ان شاء الله اكتب له مسج وابين له كل سلبياته معي
وبعدها اسجل له مطالبي واحطه امام الامر الواقع
واترك له الخيار

لاتقولون كلميه لان لو بكلمه مايعطيني مجال اوصل له كل إللي ابي

ومشكووووورين ع وقتكمbp039bp039bp039

قلتها زوجك يبي له وحده قويه تقول هذا حقي وماتنازل عنه
اتوقع شفتي تعاملك الحالي معاه مافاد غيري اسلوبك
ونصيحة اخت
انتبهي تكبرينها وتخلين امك والا ابوك واخوانك بتدخلون صدقيني والله ماتجين الا على نفسك
الرجال بكره اهلك ويصير مايحشمهم واهلك بيعافونه ويخافون يشدون يطلقك ويخافون يتقربون لك يستقعد لك زوجك بان اهلك يخربونك ويقوونك عليه
خلي اهلك للشديد القوي
وسالفة سفرات مع اهلي روحات للرياض اتقضى يودوني اخواني اتركيها تراك تزيدينه خراب انتي الحين وحده بكرا لاصار معك ٣ اطفال بتقولين لاهلك يلا سفروني ؟ يلا ودونا نتقضى ؟ اخوانك بينشغلون ببيوتهم وزوجاتهم وزوجك بيزيد رباده
بتتعبين مع زوجك سنه سنتين لكن بالاخير بتعدلينه للعمر كله لك ولعيالك
ترا كل البيوت مشاكل محد يخلا وكل الناس في هذا يتشابهون الكل عنده مشاكله لكن يختلفون بتعاملهم فيه ناس تحول المشاكل بحياتها لدرجات ترفعها وناس تحولها حفر تنزلها تحت
اعتبري حياتك معاه لعبه وبتفوزين فيها بالاخير
غيري اسلوبك
هدايا حفلات انسي
حقوقك طالبي فيها باسلوب امر جب هات نبي
اهتمام بزياده بزوجك ماله داعي انسيه شوي وعيشي لنفسك صدقيني الا يرجع لك ترا بعضهم لما يشوفك مهتمه فيه يضمنك بجيبه خليه يخاف شوي انه يفقدك بيقول شفيها بطلت تهتم فيني pb036
اعتمدي على زوجك وخلي اهلك للشديد القوي
وفرصة انك بمحافظه دوري لك وظيفه فرص التوظيف فيها اكبر من الرياض ;)

[Hunaini][;30952558']من جد وش سالفه تطلقي تطلقي

يا قو قلوبكم و انتم تقولونها

ما كملوا سنه متزوجين و الرجال ما يطق ولا يشرب ولا يدخن كل الي فيه لا مبالاة اغلب شبابنا اليوم استغفر الله و انانيه الرجال المعهودهـ

رجعت اقرى المشكله احسب انها ادمان ولا ضرب شككتوني

وش الحماس والواحد يشور بالطلاق ...؟؟

اقول يا اختي رجلك يحتاج صدمه يحتاج موقف قوي منك يفجعه و يحسسه انك منتي الكتكوته الضعيفه الي تسوي حفلات و تمشي له اخطاءه و حدها تصارخ و تنام و من بكرى كن ماصار شي

تمسكينه هالمره مادامك عند اهلك ، اما بمسج مثلما قلتي

او ان ابوك يناديه كعزيمه عاديه و يمسكه على جمب

ويقوله مانيب راضي عن الي سمعته يا فلان صحيح انت كذا وكذا ؟

و قولي له يحرجه من ناحيه الصرفيات ويقول له توني ادري انك تسمح لها تسافر معنا عشانك ما تصرف وبس!!!

و اهم شي خل ابوك يعلمه انك ساكتة من البدايه ما تكلمتي الا الحين

عشان ما يحسبك خبلة مرة و اهلك ساكتين له

و لا ترجعين الا بتعهد منه قدام ابوك انه يحترم نفسه من ناحيه الصرف

وماخفيك تراك ساعدتيه باللامبالاة

كأنك تقولين له : قصر علي و ستحصل على زوجة طائعه محبه و قليله المصاريف و هدايا مجانية و حفلات وكيك و تفكك منها كم يوم بالاسبوع و سفرياتها على اهلها

وش خليتي للرجال يسويه ؟؟

البنات الي ربوا أزواجهم...،، قصروا على نفسهم بالبدايه....فيه بنات كانوا يقعدون بالبيت اذا قال خلي اخوك يوديك....و في بنات كانوا يقولون ماهو لازم احضر زواج بنت عمي طالما ما عطيتني فلوس....ما تروح تاخذ من ابوها...!!!!!


وبهالشكل يعرف و يتأكد انها ملزومه منه و يراجع نفسه


طول ما انتي تدبرينها مستحيل يتعدل

+١٠٠٠٠٠

رواسـي
18-06-2011, 10:48 PM
اختي حياتك بصراحة عذاب لايطاق
واللي ايده بالنار غير اللي ايده بالماء
انا برأيي خليك قوية واجتمعي مع زوجك قدام اهلك واهله وحددي طلباتك وحقوقك منه بالضبط
يااما يلتزم فيها ويكون قد المسؤولية او الانفصال هو الحل
الزواج مو بس اخذ وانما عطاء
والناس تتزوج عشان تستقر وترتاح مو عشان تتعذب وتجلس لحالها
وربي يوفقك ويسعدك ويسير امورك

ماما يووه
18-06-2011, 11:03 PM
نفس كلام البارونه ماازيد عليه ..
ماتوصل للطلاق لانك متضايقه منه جيتي تفضفضين هنا !
لو تتصالحون بكرا قلتي زوجي احلى زوج فـ الدنيا .

نقـآء
18-06-2011, 11:26 PM
حبيبتي مقدرة الي انتِ تسوينها وانك حاولتي تستخدمين جميع الطرق الي تجذبه لبيته bp039
لكن ، مشكلتنا انا ناخذ الحلول كلها ونطبقها كله على الشخص الي عندنا !
مافكرتِ يوم هل هذا الحل يناسبه او لا ؟

عندك مثلا الصراحة بعض الرجاجيل يكره المراه تصراحه وبعضها يفضلها كثير pb058
والحفلات فيه رجاجيل اخلاق وماعليهم كلام بس يستحقر حركات الحفلات يحسها تفاهه :rolleyes:
وهذا لا يعني ان الرجال الي ما يحب الحفلات مو رومنسي او سيء لا لكن كل شخص له شخصية
له الي يعجبه والي ما يعجبه bp039

* الفكرة الي ابوصلها لك اعرفي شخصية زوجك bp039
* ادخلي النت واطلعي على بوصلة الشخصية هل هو شخص شمالي ، جنوبي ، شرقي ، غربي ، وفيه كل شخصية وكيف التعامل معها ووش يفضل :rolleyes:
*كذلك مشكلتنا الذي نفضله نعتقد ان الشخص الاخر يفضله مثلنا تماما !

مثال على كيفية التعامل مع الطرف الاخر .
مثلا البيت له يومين مافيه موية مثل ماقلتي
بعض حلول الحريم : روحي توددي ليه وكم كلمة حبيبي وبيطير يجيب لك موية pb095
فرضا كان زوجك من النوع الي ما يحب يشوف المراة ضعيفة يحب المراه تجيه باسلوب قوي pb024
مثلا تجيه من وتقول ان من ضروريات البيت ان تتوفر فيه الموية باسلوب حازم pb034
فرضا زوجك مايحب الي تلعب دور الرجل في البيت وانا شايفتني حرمة عندك !:mad:
نجيه باسلوب التلميح روحي للبراده وافتحيها يا الهي لا يوجد ماء هنا :D ؟
اكيد مافيه موية روحي وعبي البراده من الحنفيه !pb036:D

*التصرف الصحيح انك تكونين واعية بشخصية زوجك و كيف تاثرين فيه !

الفكره الي ابوصلها لك شوفي طريقة التعامل المناسبة لزوجك
تقولين زوجي اسوي له حفلات وتعجبه لكن ما ان تخلص الحفلة الا ويطلع !:(pb189
لانه بنظره انتهت المتعة عنده مافي شى ثاني يوسع صدره !:rolleyes:

ما اقدر اعطيك حلول لان ما اعرف شخصية زوجك bp039
كونك تقولين يصلي في البيت ويوديني لاهلي هذه سلوكيات وليست صفاته الشخصية bp039
صفاته الشخصية مثلا : مندفع - هادي ـ عملي يقدر الانجازات - صريح ماعنده قدرة على تجميل العبارات (يعني يطقها في الوجه :D )



ملخص ردي كله : bp039
افهمي شخصية زوجك صدقيني بتتضح الرؤية لديك pb189
واخبري زوجك عن الاشياء التي تهمك وتفضلينها ولا تعتقدين ان الرجل هو من المفترض انه يعرف
لان شخصية الرجال مو مثل المراه بالتلميح تفهمها وهي طايره بعضها ما ينفع معه الا تحديد النقاط الاساسية bp039
واعرفي كيف تتعاملين معه ، والاسلوب الي يفضله وبتستقيم حياتك باذن الله bp039

الله يصلح احوالك ومتفائلة بحياة مليئة بسعآآآآآآآآآدة لكِpb189:sm5:bp039



** البنات الي ردو هنا اسمعوني بقول لكم سر ;)pb094

الي جايتنا طايره وتقول مالك حل الا الطلاق ليش انتِ عايشه معهم مثلا pb036
ترا هذه حياة مو لعبة تردين برد ما تحسبين له الف احساب pb093
كل كلمة نكتبها محاسبين عليها ، كان عندك حل صحيح وسليم بنفخر بك bp039
وكان ماعندك الا الطلاق مو حل هذا في مشكلة ما يستدعي فيها الطلاق ولا 1٪
* نحتاج ثقافة عميقة في معرفة الرجل !bp039
ونسب الطلاق تكثر يوم بعد يوم ، ومن اهم الاسباب بنظري جهالة الزوجين وعدم معرفة كل منهما بشخصية الاخر وطريقة التعامل معه !

. . أســرآر . .
18-06-2011, 11:38 PM
__________



استغرب من الناس اللي تجي مدرعمــه تقول تطلقي ..!

لاااا ياحبيبتي خلي الطلاق آخـر الحلول .. الحمد لله مشكلتك ان شاء الله انها بسيطه وماافيه شي ماله حل ودامك استخرتي وارتحتي قبل الزواج وربي يسره لك فـ اعرفي ان الله كتب لك الخير ..

وزوجك اللي اتضح لي ان هذا طبعه .. اكيد بيئته وتربيته لها دور بهالشي , وزياااده معاملتك معه وردات فعلك زااادت الطين بله بعد وخلته اتكـالي زياده ..

الحين انتي ببداية زواجك .. بيدك تشكلين زوجك زي ماتبين .. انتي صح سعيتي وسويتي بس ماحصلتي مفتاح زوجك وماعرفتي الطريقه المنااسبه معه عشان تكسبينه ..

اكبر غلط سويتيه انك سكتي عن اشياء كثير ومشيتي اموور وتنازلتي واعتمدتي على اهلك باشياء المفروض كان زووجك هو اللي يقوم فيها ..!!

اذا ع بالك هالشي بيخليك تكسبينه تراك غلطانه ... ((( زوجك على ماعودتيه عليه )))

بس انتي لسى بداية زواجك وبإمكانك تغيرينه ان شاء الله .. بس اعــرفي كييف تجينه ..

اذا بينفع معه تجلسين عند اهلك فتره وتكونين صارمه وماترجعين الا بعد ماينفذ لك اللي تبين ويوعدك يتغير فــ سوي هالشي ..

واذا بينفع معه اسلوب تفاهم وجلسة مصاارحه وتبينين له حقوووقك وانه لازم يلتزم فيها سوي كذا ..

فيه الف طريقه وطريقه انتي بالاول اعرفي زوجك زين وبتعرفين الباب اللي تجينه منه ..

وادعي له ان ربي يهديه ويسخره لك .. واكثري استغفـــآر ..

وربي يفرجها عليك . . bp039

H>تعبت اكابر<H
19-06-2011, 12:52 AM
ما ادري يالغاليه وش اقول غير الله يهدي سرك اختي
ويريحك ويهديه ويصلحه
ويرجعلك وعيشك عيشه تحبينها من قلب
ويكون لك كل الحنان

ريما بسملعلي
19-06-2011, 03:26 AM
الله ييسر أمورك ويكتب لك الخير يارب ويهدي زوجك ..
بنصحك نصيحه حطي تحتها مليوووووووووووووووووووووون خط /// أنتبهي تعاتبينه وتقولين ماكنت تجيب لي هدايا ماكنت تجينا ليه اخذت رقمي .... الخ ..
لسا إنتم بأول سنه وصدقيني أغلب الرجال قابلين للتغيير وإن شاء الله زوجك منهم فا طولي بالك عليه لا تركزين عليه ماديا الحين بس ركزي عا موضوع روحاتك وكذا حاولي انك تبينين له إن مالك غيرة وماتقدرين تروحين مع أهلك وكذا لأن شكله بادي يعتمد عليهم فا لا تعطينه مجال واسع وبخصوص النقل طولي بالك بعد يمكن بعدين تتغير الأمور يمكن هو يبي بزنس ويجمع عشان يشتري بيت ملك بالرياض يمكن اللي مانعه من النقل إنه مايقدر حاليا يوفر بيت ملك ولاتقولين ماعنده نيه الوقت يغيير كل شيء إنتي بس أصبري ولا تخربين بيتك عشان أشياء مادية وماشاء الله عليك ماتقصرين معه وبخصوص الملل خليه لما يجي يجلس معك انشغلي معه اطلعي انتي وياه لأي مكان قطعي وقتك عشان ماتفكرين وتكبر المشكله عندك .. ونصيحه لك حبيبتي إنسي سلبيات فترة الخطوبه لا تفكرين إلا بالإيجابيات وبس عشان ماتنغص عليك حياتك ..

الله يوفقك يارب ..

زامه ورده
19-06-2011, 03:44 AM
انتبهي تجيبين اطفال
خلي عندك منبه عشان تاخذين الحبوب
موب لعبه عاد البزارين


عندي توقع ان زوجك يوم رفضتيه انقهر واصر انه يتزوجك عشان تعرفين منهو اللي ينرفض
بس لو انا منك ماارسل ولاشي
خلينا نشوف اذا بيتادب او لا
طيب وين دور اهله
امه ابوه ليش مايكلمونه
وانتم ليه ماسالتو عنه

برميته
19-06-2011, 04:25 AM
ياحبيبتي الله يكون بعونكpb189

شوفي انتي غلطتي من ناحية انك تسكتين له

بماانك موموظفة وزوجك بخير لازم تنشبين له على مصروف قوليله انت ملزوم تعطيني مصروف شهريااااا

مو تقولين من باب السوالف لا قوليها انو مجبور معليش احسه مستهتر فيك مرررررررره

مدري شلون يفكر

طيب معليش بس كل وحده تحس اذا زوجها يحبها او لا

انتي تحسين انه يحبك؟؟؟

يبيله قرصة اذن قولي لامك وابوك السالفه وخلي ابوك يكلمه

النوع هذا مايحترم الوحده الا اذا حس ان لها ظهر

اجل يقط بااستراحه ب 5000 معليييييييييش وش هالاستراحه اللي قطتها 5000


لاتسكتين له ابد

ونصيحه لاتستعجلين بالحمل


الله يسهل امركbp039

ام بي سي فور
19-06-2011, 04:33 AM
اقصد بالطلاق مش اي شي ثاني . مدام هو ماقدر العشره .. ولاحاسب لك حساب من البدايه . وحاولتي تعدلي فيه ماقدرتي . اقترحت الطلاق .
وبالنهايه استخيري . قبل اي رد لاي عضو ..

موفقه ..

LaroOonh
19-06-2011, 06:55 AM
في نظري أساس المشكله كلها .. مافيه تواصل بينكم
لهالسبب أنتي مو قادره توصلين مشاعرك له وهو ما درى عنك
مو لانه مهمل لا لأنه أصلا ما يدري وش بخاطرك وكثير اشوفهم كذا واولهم احد اخواني
ما يكون قصده يهمل زوجته او يطنشها ابددا لكن ما ادري كيف كذا ولما ننبهه يضيق خلقه
ويكون حاس ان الموضوع عادي
انتي ما تكلمتي عن علاقتك باهله ... لكن لو فيه وده من خواته أو لو أمه لها كلمه عليه
ممكن تشرحين لها الوضع وتكلمه بدون ما تجيب لك سيره
زي ما قلت لما احنا ننبه أخوي مثلا على تقصيره ناحية زوجته او احد اطفاله
يعني كأنها هي اللي لاحظت ومن هالكلام وارشح امه لأنها أدرى بولدها وأعرف فيه
بالنسبه للفلوس .. ادري انك تطفشين وتبين تروحين لاهلك لكن نصيحه هالشيء بيخليه يتمادى اكثر
بعضهم ما يصدق يلقى أحد يعطي زوجته وإذا كان من النوع الحريص ع الفلوس لازم تنتبهين لانه بيستحلي الموضوع
واذا ما نفع هالكلام كله .. روحي لاهلك فترة اسبوع ترتاح فيها نفسيتك وكلميه ووضحي له كل شيء وانه اذا هالشيء ما تعدل ما راح ارجع _ طبعا تخويف لا تفكرين بالطلاق ابدا_ وانا احسه سهل بس يبي له احد يفهم له

لكن الشغله الوحيده اللي حسستني انه مامنه امل: لما قريت ان زواجكم ما مره عليه سنه !
يفترض انه يكون متشفق الحرمه شوي ويدللها لكن واااضح ان تأثير عمله عليه وبيئته قوي لدرجة ان حاله ما فرق قبل الزواج ولا بعد :(


والله يارب ييسر لك امرك كله ويسخره لك .. ولا تستهينين بالدعاء والاستغفار لانه مثل السحر يفك كل العقد والمشاكل والهموم بإذن الله

سمر الشرقيه
19-06-2011, 07:18 AM
انا اشوف مثل الاخت اللي قالت قبلي
مافي تواصل بينكم
انتي من البدايه مش راضيه فيه وعلشان كذا مش راضيه تقتنعي
حاولي تفهميه حاولي تصارحيه

وقبل كل هذا
القناعه كنز لايفنى
حاولي تقتعني بالحياه اللي ربي كاتبها لك علشان تمشي حياتك


الله يفرج همك

نَسّاي
19-06-2011, 07:38 AM
اول حاجه لازم اتسوينها .. خوذي لك ماااانع .. إنتبهي تحملين من هالإنساااااان .. إنتبهي إنتبهي
واضح انه عديم مسؤؤليه وباااارد واناني ..pb131:mad:
تلاحقي عمرك وشبااابك بس .. شكلك رومنسيه وطيبه ياحياتي:(:sm1:
مايستااااهلك ابد .. وربي مو كفو ياخذك ..pb131!! << ودها تذبحه:mad:

النيوزلندي
19-06-2011, 07:47 AM
والله اختي ودي اتكلم
بس يمكن ردي مايعجبك

بس ممكن ارد عليك برأيي في حاله وحده


ممكن تذكرلي لي مزايا زوجك الحلوة
؟
* تم الحفظ في المفضلة عشان ارجع واشوف ايش كتبتي


ربي يسعدك

بدوره الاموره
19-06-2011, 07:53 AM
والله في عيال عايشين في قرا مو محافظات وحبوبين وطيبين وكويسين
بس في ناس عايشين بارقى المدن واقشر واجفس خلق الله
ياقلبي انتي شوفي الي اشوفه شخص متزوج كذا لايحبك ولايبيك
اذا ترضين تعيشين مع شخص مايحبك بكيفك
ترا كثير شباب يحس انه تورط في بنت ماحبها فيجلس يطفشها يطفشها يبيها هي تطلب الطلاق عشان يقول لها رجعي المهر وكذا
مايبي يتخسر وشكله من هذا النوع
انتي عندك خيارين تخيلي نفسك معاه لـ 20 سنه قدام مع اطفال وغيره !
والا تخيلي نفسك ببيت اهلك يمكن ربي يرزقك احسن منه
انتي طقيها زعله وبتشوفين انه ماراح يطق لك خبر

نورتاتا
19-06-2011, 08:45 AM
انآآ أأيد رأي البارونه

وهج الضحى
19-06-2011, 12:36 PM
معليش هذا مو زوج
حتى اشياء البيت مايسويها pb131

شكله اصلا مايبي الزواج من الاسااااس
دايما الواحد ايام الخطوبة والملكه يكون مندفع ويبغى يعرف كل شئ عن الطرف الثاني
حتى لو كان عنده حياء , الحياء غير والطنااش غير
منجد ارتفع ضغطي
الله يكون بعووونك حبيبتي,, اهم شئ استخيري واطلبي من ربك يدلك على التصرف الصحيح

افا بس
19-06-2011, 03:20 PM
من جد استغرب اللي متهولين من كلمة طلاق .وكلن من طرا الطلاق كحل اخير لحياة زوجيه مستحيله معها كل الحلول استنكرو واهتالوpb036
يا بشر ماخرب حياتنا الاجتماعيه والنفسيه وطلع اجيال تعبانه نفسيا ومريضه ومشاكل اجتماعيه
كبيره الا زي هالافكار..
تتوقعون وحده حياتها الزوجيه ناجحه بنسبة سبعين في الميه او ستين في الميه وعندها مشاكل..تتوقعون احد بيجي يقول يلله بس تطلقي...مستحيل الا بمسوغ يخل بالعقيده او تستحيل
معه عشره طبيعيه..
ياناس وشو الزواج؟؟ وشو تعرفيه الشرعي وش شروط الزواج الشرعي؟ مو النفقه والاعفاف والقوامه والمعامله بالمعروف...الله سبحانه وتعالى ماقال( امساك بمعروف او تسريح باحسان) ..الحين رب العالمين بعزته وجلاله اللي مايعزب عنه مثقال ذره في السموات والارض ماصنف المشاكل وحذر من اتخاذ الطلاق كحل. بالعكس ذكر الامر بمنتهى الوضوح وبدون مايحدد وش الحل الامثل لان كل واحتماله..بس عطا الزبده من اساس العلاقه الزوجيه..يا امساك بمعروف وطيب واحترام وعدل وانصاف...يا يتطلقون بدون مايسيئون لبعض ويغني الله كل من سعته...
.ليش تتهولون من شي حلله الله وذكره بمنتهى السهوله بدون تفصيل للاسباب ولا المسوغات...!!!
اتقو الله في انفسكم وفي خلقه...اذا زوج مهمل حقوق زوجته...لاينفق عليها..لايقوم بحقوقها والتزاماتها ومشاغلها ومتطلباتها...ولا يلاطفها ولايعيش معها حياة مستقره بل تعامل فظ وتهزيء وهواش وزعل بدون سبب..ودايم مهملها وطالع وقد يصل الاهمال لحد البلاده( زي سالفة يطلع يوم كامل وهي ماعندها مويه تشرب وهو عارفpb036)..وعنيف في التعامل والكلام...ويخاصمها طويلا.ولايخاف الله فيها..والادهى والامر مهمل في صلاته ..ولسه ما انجبت...بالله وش هالحياة
اللي فاقده لكل مقومات الزواج الشرعي...انها ينام معها وبس مثلاpb036؟؟ بالله هاذي بيئه تربي اولاد بشكل سليم وصحي ؟ هاذي بيئه تولد سعاده واكتفاء واستقرار نفسي وعاطفي ومادي
لافرادها؟ تخلق منهم اشخاص اسوياء نفسيا وناجحين؟؟
بكره اذا البنت صدقت واستمرت معه بدون حل حاسم ومواجهه وحساب وشروط...وملت وكلت من هالوضع المزري..ممكن الله لايقدر ان يوصل بها المطاف للخيانه والعياذ بالله تدور اللي ينفق عليها ويعطيها تقدير لذاتها واهتمام وعاطفه ولسان حلو ويعوضها عن الحرمان الجسدي والنفسي والعاطفي...عن طريق الخطأ والمعصيه..وساعتها شيلو ذنبها.pb093.فلانصحتوها بالنصيحه الصادقه ولا راعيتو ماسيترتب عليه وضعها..
الاسلام ليس النصرانيه ليس فيه طلاق...بل الطلاق بداية حياة لمن تورطو بزواج فاشل فاقد لكل مقومات الزواج الشرعي...والله شرعه بدون كراهه او تدرج..لانه اعلم بعباده مننا...
لا احد يحض على الطلاق ..لكن لازم توضع خطة صحيحه وواقعيه ومجديه للوضع اذا فيه خلل كبير...يكون بالبدايه مواجهه بين الزوج واهل البنت بكل عيوب الزوج وتقصيره..والتفاهم على
وضع شروط الزوجه...وتعهد بالالتزام بها...يعني مبدأ اعطاء الفرصه للتصحيح..هو التصرف السليم.:rolleyes:.بس لاتستمر الحياة اعطاء للفرص بدون جدوى تحت اسم الصبر وحاولي
تغيرينه وشوفي وش اللي ناقص فيكpb036 حتى يضيع العمر ويجون الاولاد وتبدا افرازات
الزواج الفاشل تطفو على السطح....والافرازات هاذي دايما مدمره ...

j0Jo
19-06-2011, 03:57 PM
الله يكون بعونكـ يارب و يغير من حاله و يسخره لكـ و يجعلك كل ما يشوف بهالدنيا .. يـــارب

انتي جربتي معاه اسلوب البنوته الحبيبه الي تسوي اجواء حلوة و تجيب هدايا يعني ما قصرتي بشي .. انا حاسه بموقفكـ البنت ياعمري دائما موقفها ضعيف .. حاولي انك تلهين عنه و تطنشينه زي ماهو مطنشك اخترعي لك جوك الخاص لا تعيشين على رجاه اذا تبغين منه طلبات اطلبيها قبل بوقت عشان مايتاخر عليك .. لازم تجلسين معاه و تكلمينه يحدد لك مصروف شهري يتحول بحسابك و هومغمض .. حاولي تبعدين عنه شوي و تلهين يمكن يحس شوي على دمه .. وسعي صدركـ ماشالله عليك زي ما انتي موسعته اللحين و طنشي و مشي كثير .. ماشاء الله عليك الله يكملك بعقلك عاقلة و محترمة و صبورة و ربي ونعم الزوجة.

كلمك بالاطفال ؟؟ يمكن يتغير حاله .. بس ولو انتبهي تربطين نفسك باطفال معاه لحد ماتتاكدين

الله يسهل لك كل عسير و يسخره لك يارب

ao9^!
19-06-2011, 06:02 PM
اول شي وسعي صدرك مافي شخص كامل ع وجهه الارض واللي يقولك اتركيه ولا ارفسيه ولا لاتجيبي عيال ليه !
عشان هالعيوب يابنت الحلال اهم شي لايشرب لا راعي بربسه خذي عيوبه مميزات شوفي مافيه حياه زوجيه برفكت كل شخص فيه عيوب ومميزات لاتركزين ع عيوبه بس هذا السفر وداك وين ماتبين وبالنسبه انو ماسك وكذا لاتشوفيه عيب شوفيها ميزه انو يامن مستقبلك انتي وعيالك بالمستقبل اعتبريني اختك ماانصحك تنفصلين عنه الشخص بيتغير شوي شوي انتي لسى ماكملتي سنه معه اصبري الدنيا ماتجي كذا مرا وحده وبتشوفي هذا الي تقولي وداك وهو ينكت ويضحك بكرى مايقدر ع فراقك بس بصبر حاولي تقربي مااقولك ماحولتي لا حاولتي ومن كلامك منتي مقصره بس استمري وبكرى يتحسن الوضع ولاجبتي عيال بيزن وضعكم اكثر وحطي ببالك انو مافي شخص كامل ولاحياه مكتمله وحطي ببالك نقطه ثانيه لاقدر الله وتطلفتي بتاخذين احسن منه ! لا يالغلا يقولك اصبر ع مجنونك لايجى اجن منه وانسى فكرة الطلاق نهائي نصيحتي لك ماهي مشكله بالنت واكتب حكي وبس ولله ربي يعلم انصحك كااخت لي لاتخربي حياتك بنفسك وزوجك فيه عيوب مااقول خالي من العيوب بس عيوب ماهيب توصل لطلاق وانتي بشطارتك غيره وعلميه شوي شوي انو يتنحمل مسؤليتك واذا جبتي عيال تراه بيتغير هو بس مازال طاير ماهو حاس بمسؤلية زواج وربي يصلح مابينكم يارب ويرزقكم بالذريه الصالحه يالغلا وانتبهى لحالك وتعوذي من ابليس اوك

Ro7 Ro7E
19-06-2011, 09:08 PM
حبيت انبهك للناس اللي تنصحك بتدخل اهلك
بتتعقد اكثر خليها بينك وبين زوجك لاتكبرينها
والله يصلح حالك ويسخرره لك

شهلاء العيون
19-06-2011, 10:59 PM
بقول كلام لكن لاتزعلين منه.bp039 لان انا جااده وافكر بعقلي زياااده عن اللزوووم
بقولها بشكل نقااط
@ اولاا لاتتهمينه بدينه لانه يصلي مو لاازم مسجد،،، انتي قعدتي تتصيدين عليه،،،كثير يصلوون بالبيت افضل مليووون مره من واحد يروح للمسجد كل فرض ،،وذنووبه وظلمه متعدي السماء..pb093

@مسألة زوجك ماكلمك ايام الملكه ولا تودد ،،شغله والله بنات اليوم يبليهم مياعه وكلمات غزل وهدايا ،،مو شرط كل رجل كذا الكثير من حركاات الملكه غلط وكلها نصب وشغله ذي اقعد دلع فيني وتلفونات ،، زوجك ممكن جاد ويبغاها بعد الزواج ولايحب النفاق ياكثر اللي بسم الله عليك على كل حركه وياما تحت السواهي دواهي يعني تقبليه الرجل كل شي جواات قلبه لاتخافين بس كوني معه اخلاق،،سمعت انهم ايام الملكه البعض يكلمها من وحده الا الفجر وخنبقه وكلام جرئ والنتيجه ولا شي

@اتركي الامور علي طبيعتها لاتطالبينه بكلامات الحب هي راح تطلع في افعااله
@ماقصر شهر عسل وسافرتي وكن كلاامك فيزه يعني رايحين دوله حلوه معناته انه متطور ماحرمك من السفر او تشدد ووداك الدمام،،وكنتي تقولين ما اهمه وووو...طبيعته يحب يسكت ولا يدلع بالكلاام ،،اكيد انتي كنتي مكتمه بسبب ملاحظااتك عليه وهو طبيعي بيكتم
@الهدايالاهلك في شهر العسل مو لاازم ولاهي مبرر انك تزعلين عليه
@الفلوس والصرف اصبري عليه مصيره بعطيك بس انتي احترميه وخليه يحس انك تحبينه بتشوفين اللي يسرك الدنيا صبر مو لازم الفلوس تصير بيدك من اول الزوااج
@ كونك سكنتي بمحافظه جنب الرياض وشفيها يعني؟؟؟؟ ولا وتروحين كل اسبوع او اسبووعين بالكثير هذي نعمه ،،،الرياض وشفيها غير زحماات ووجع رأس لاتخلينها مشكله عاادي

هذا اللي ببالي ولااقول انه انسان مزكى ولاعشت معاكم لكن برأيي تمسكي بزووجك هالوقت مافيه رجال صاحي وحيااتك حلووه وماشيه وهذي تفاهات ،،انتي عيشي بهدوء واسترخاء ولاتبالغين في الحفلات خليها مره بالسنه ،،وابعدي والشكليات المصطنعه كونك تحبين زووجك خليك افعال قبل الاقوال ولاتزعجينه بننقل للرياض وونونه وطلبات ووو
الله معك وارجو ماضايقتك

A mom to be
20-06-2011, 12:09 AM
نصيحه لا تدخلين اهلك بالموضوع ألحين
جربي مع أبوه أولّ .. وإذا مانفع روحي لبيت ابوك وخليه هو يتصرف

بس نصيحه لاتصيرين حسااااسه وتقولين فيه كيت وكيت وكيت وهيّ أشياء عاديّه

الله يفرج همك

مس خقه =)
20-06-2011, 12:43 AM
الله يكون بعونك والله ضاق خاطري :(
شوفي حبيبتي كان فيه ايحاءات من البدايه من ايام الملكه ماانتبهتيلها :sm12:
واهلك شافوا انك كذا مره تفشلتي ولا تكلموا معاك :eek:
ماعلينا :) انتي الحين متزوجه وحاولتي تعدلينه مانفع pb131
مالك ياحبيبتي الا تجلسين عند اهلك :cool:
وتطالبينه بكل شي نفسك فيه :sm17:
واهلك يوقفون معاك :sm12:
الحاله الماديه ماثره عليكم تيب مافي مشكله تقدرين تتحملين الوضع وتساعدينه :rolleyes:
كان بها والله يكون بعونكم
بس حكاية المعامله لااااااا معليش :mad:pb131:mad::mad:
بس مو لدرجة عروسه ومادرى عنك pb131
وبارد وممل :(
الله يعينك ويغيره ياااااااااااارب pb189
حاولي حاولي تجلسين عند اهلك
هذي البدايه ولازم تكوني صارمه pb024
انتي صابره ع اشياء كثيره وان شاءالله ازمه وتعدي ياااارب pb189pb189pb189

وطن النون
20-06-2011, 01:56 AM
[Hunaini][;30952558']من جد وش سالفه تطلقي تطلقي

يا قو قلوبكم و انتم تقولونها

ما كملوا سنه متزوجين و الرجال ما يطق ولا يشرب ولا يدخن كل الي فيه لا مبالاة اغلب شبابنا اليوم استغفر الله و انانيه الرجال المعهودهـ

رجعت اقرى المشكله احسب انها ادمان ولا ضرب شككتوني

وش الحماس والواحد يشور بالطلاق ...؟؟

اقول يا اختي رجلك يحتاج صدمه يحتاج موقف قوي منك يفجعه و يحسسه انك منتي الكتكوته الضعيفه الي تسوي حفلات و تمشي له اخطاءه و حدها تصارخ و تنام و من بكرى كن ماصار شي

تمسكينه هالمره مادامك عند اهلك ، اما بمسج مثلما قلتي

او ان ابوك يناديه كعزيمه عاديه و يمسكه على جمب

ويقوله مانيب راضي عن الي سمعته يا فلان صحيح انت كذا وكذا ؟

و قولي له يحرجه من ناحيه الصرفيات ويقول له توني ادري انك تسمح لها تسافر معنا عشانك ما تصرف وبس!!!

و اهم شي خل ابوك يعلمه انك ساكتة من البدايه ما تكلمتي الا الحين

عشان ما يحسبك خبلة مرة و اهلك ساكتين له

و لا ترجعين الا بتعهد منه قدام ابوك انه يحترم نفسه من ناحيه الصرف

وماخفيك تراك ساعدتيه باللامبالاة

كأنك تقولين له : قصر علي و ستحصل على زوجة طائعه محبه و قليله المصاريف و هدايا مجانية و حفلات وكيك و تفكك منها كم يوم بالاسبوع و سفرياتها على اهلها

وش خليتي للرجال يسويه ؟؟

البنات الي ربوا أزواجهم...،، قصروا على نفسهم بالبدايه....فيه بنات كانوا يقعدون بالبيت اذا قال خلي اخوك يوديك....و في بنات كانوا يقولون ماهو لازم احضر زواج بنت عمي طالما ما عطيتني فلوس....ما تروح تاخذ من ابوها...!!!!!


وبهالشكل يعرف و يتأكد انها ملزومه منه و يراجع نفسه


طول ما انتي تدبرينها مستحيل يتعدل

اعجبني ردك شفت اكثر من رد تطلقي تطلقي بغيت ارد قلت اصبر اشوف الردود
والله كلامك عين العقل
الله يحفظك ويزيدك ي رب ..

الطلاق مو سهل ي جماعه ..
و ي اختي قوي ايمانك بربك وادعي
ترا ربك يحب العبد اللي يلجأ له ويلح له بالدعاء

زوجك من اغلب وضع الشباب اللحين ومو بس انتي تعانين
ترا فيه غيرك اكبر من مشكلتك وللحين صابرين

عموما حاولي ماتحملين .. بقد ماتقدرين
وكلمي امك .. حاولي تفضفضي لها بس من دون ماتتدخل بحياتك ..
مو زين لك تكتمين انتي اللي بتتعبين وتخسرين

الله يكون لعونك ي بنيه
pb189

أحســـاس مرهــف
20-06-2011, 02:14 AM
حسب المعطيات
زوجك تزوجك بامر سامي من اهله ؛؛؛
بالعربي انحد وقال امري لله وبتزوج
يمكن مقابل الزواج فلوس له او شي كبير تقدم له من ابوه ؛؛؛
وهو حاليا احس انه متزوجك عشان اهله يسكتون ويقولون تزوج
ولا فيه شخص يبيله مره ولايعبرها ولايهتم فيها ولا درى عنها؛؛..؟؟

حددي موقفك معه ان زان ولا صيري مثله قولي ابي راتب لي وابي شغاله وابي نسوي اتفاق توديني لهلي مرتين بالاسبوع
او اذذا ما تبي تنقل الرياض
والاتفاق باوراق وتوقيع ؛؛؛
طلعات مطاعم بحريقه لا تطلعين معه
حفلات لا تسوين له سويلك انتي ولهلك ولهله ..اذا هله كويسين

يايحس انك تغيرتي ؛؛؛ ويتغير للافضل
ولا لاتحرقين اعصابك وتكبرين قدر شخص متزوجك عشان مصلحه من هله

Doodah
20-06-2011, 02:32 AM
اغلب الرجال كذا ماعندهم احساس بالمسئوليه انتي حاولي تثقلين عليه شوي

Kely 7ala
20-06-2011, 03:19 AM
يااصبر ايوب الله يعينك ولا يبلى بنات الناس من هالرجال

ذكرتيني بوحدة من جماعتنا فوق الاخلاق القشرة والمعاملة الزفت كذاب هو واهله على اساس بينقل للرياض استأجر شقة شهر هنا ثم رجع لدوامة بقلعة وادرين شفتي اكبر من كذة خدعة ابو البنت قاله انت قايل بتنقل قال هو ووجهه مارتحت بالرياض والمفروض زوجتي تروح معاي وين ماروح
الولد غني والبنت غنيييبة وبنت عز وشايفه خير تخيلي يبخل عليها بالفلوس ولا يعطيها شئ الا بالقطااارة ولايمشيها ولا تشوف اهلها الا اذا جو إخوانها يااخذونها وحاابسها بالبيت حاولت فيه وصبرا ويياست خلاص وفكرت وفكرت ااخر شئ دقت على اخوها وعلمته كل شئ وعلمته السالفة أخوهاا أنقهر قال لمي أغراضك وجاء أخذها بيت اهلها ثم رجع لبيئتها يستننى هو وإخوانه الزوج ومسكوووه وجلدوه جلللد يحبه قلبك لان فوق انه بخيل ولاتطلع منه الكلمة الحلوة كان دايم يهينهاا
ويحقرهااا
ثم جابوا للرياض وطلق غصبن عن خشمه والى يومك هذا البنت تحمد ربها لانه كان باقي بينها وبين الجنان شعره
انتي زوووجك يبغاااله سنيييببببن لين يتغير اذا آنه فيك شده تحملي وقولي له اللي بخااطرك تجاوب معاك وتعدل حلو
ماتعدل وحاسه انك خلاص مافيك طاااااقة تحمل اطلبي الطلاق وفرقااه عيد على وشو بتتحسفين عليه
البنت اذا تزوجت تبي رجال ينشد فيه الظهر يحن عليها يسولف معاها يهتم شوي يحسسها بانوثتها يحبهاا مو شرط هدايا وماهدايا وقت ماتتوفر كويس بس غير المعاملة الحسنة والكلمة الطيبة

سوسو اخت ميمي
20-06-2011, 03:39 AM
والله ما اقول الا الله يكتب لك مافيه الخير ويعدل زوجك ويكون مثل ماتحبين وافضل ..
وترى فيه كثير رجال عليهم حركات مدري كيف ويتعدلون بعد صبر وجهد وبعضهم يتعدل اذا جاه عيال..

عزتي بحجابي
20-06-2011, 04:03 AM
اولا كان الله في عونك
زوجك تصرفاته تتضح انه مغصوب على الزواج من البدايه وهو مخربها
بصراحه دورت فيه ميزه مالقيتها الله يهديه يارب
بخيل -اناني-حب الذات-كذاب-متكل-لامبالي-مهمل-متعجرف-متهرب من المسؤليه-محب للمال بشكل طاغي-مقصر في صلواته وهذه والله اكبر مصيبه
بصراحه رغم كل محاولاتك مانفعت فيه
وحتى ماعمره صرف عليك ورغم انه راتبه فوق الممتاز
ولايستحي يقول ابوك يصرف عليك والله انه مهب كفوء قهرني والي تقهر اكثر حتى الماء ماجابه هذا يبيك تطفشين باي طريقه ويبها تجي منك
انا اتوقع سويتي المستحيل معه ولانفع واذا انتي تبين ترجعين له حطي له شروط اما يسوها لك واما الوجه من الوجه ابيض


كان الله في عونك

Renan13
20-06-2011, 04:39 AM
اكيد وطبيعي سألنا عليه وكثير امتدحوه
واحد معاه بالشغل قالنا انه ملتزم ويأم بهم بالصلاة في المسجد!

اما سالفة المنطقه من حقي قبل لارتبط بأي شخص احدد مطالبي ورغباتي فأحس المكان إللي بسكنه من حقي يكون لي رغبه فيه لأني بعيش فيه عمر

والاطفال مؤجله للحين بالرغم من إلحاحه بالاطفال وقالها صريحه خل تنشغلين فيهم
بس انا مأجلتها حتى لو ساءت الامور مايكون فيه حد ضايع غلطه

زوجك عجيب جدا :d ، حسسني إنه ما بيكون أبو الأطفال اللي راح تجيبينهم ، بس أنتي بتكوني أمهم ، وهو ما له دور ؟! ، وش تنشغلين فيهم ؟! ، ليه سحب روحه ؟! ...

مثل ما قال بعض الأعضاء ، جربي حل إنك تشدي الحبل اشوي ، لعل وعسى يحس لما يشوف الجزء الفارغ من الكأس ، وطبعا ، لا تشديه مرة بحيث ينقطع ، اتركي مجال للحلول الأخرى ...

أنتي الآن أعرف بزوجك منا كلنا ، شوفي وش نقاط ضعفه ، جربي اضربي على نقاط الضعف هذي ، لأنك جربتي الحلول الإيجابية المبينة على جذبه تجاهك ، الحين حاولي تجرب سياسة ( مسك اليد اللي توجعه ) ، طبعا ، أنا بشكل عام مو مع هالسياسة ، لكن مرات الواحد يضطر يستخدم هالنوع من الأسلحة ، وتنفع كثير ، لكن نفس الوقت هالسلاح خطير ، استخدميه بسياسة وبحذر ، لأن مثل ما قلت ، اتركي مجال للحلول الأخرى ، ونفس الوقت حسسيه إنك تستخدمينه مو عشان تضرينه أو تستغلينه ، بل عشانك تحبينه وتبينه حواليك ، وكذا كأنك مزجتي حلين بحل واحد ، ( مثل اللي يحرم ولده من السيارة مثلا مدة معينة ، ويجيه ويقول له بكل هداوة ، يا ولدي ، أنا أحبك ، بس هالأيام اختبارات ، أبيك تركز على دروسك ، ولا تفكرني أخذت السيارة عندا أو عشان أقهرك ) لأنه لو حس إنك تبين تضرينه ، هنا ممكن تتحول المشكلة إلى أمر آخر أعمق ...

طبعا ، مثل ما قلت لك بالرد الأول ، الطلاق اتركيه آخر الحلول ، وقت تستنفدين كل حلولك ومجهوداتك ، ولما ما تشوفين أي بوادر للتغيير ، وإن شاء الله ما تضطرين لمثل هالحل ...

وإن شاء الله قدرت أضيف لك شيء :) ...

ربي يوفقك ويسهل عليك ويبعد عنك كل شر :) ...

قق قق
20-06-2011, 08:25 AM
انتي فكري وقرري
يعني تخيلي نفسك بعد خمس سنين وانتي معه تحسين كيف حالك بتصير ؟
وتخيلي نفسك من دونه بعد خمس سنين كيف بيصير حالك؟
وقرري
الطلاق كلنا نعرف انه شي قوي بس الكلام الي كاتبته لو صحيح رايي علمي ابوك وخلي الموضوع يكون بين الرجال واطلعي من السالفه
يعني علمي ابوك انه ما يصرف وانه بخيل وانه ما يصلي وخلي ابوك يقرر عنك اذا انتي منتي عارفه تقررين عن نفسك بس الافضل لو انك انتي تقررين
الله يفرج عليك يارب وتتيسر امورك pb189

majesty*
20-06-2011, 09:05 AM
يعني لعبوا عليك من اولهآإ ..!
قآإلولك بينقل ويوم ضمنوك مآإعآإد عليهم !!
آإلله يعييييينك مدري شلون صآإبرهـ قسسسسم
يعل التسبد ومآإصصصصصل ...~

صصرآإحه مدري شقولك الله يعيييييينك

صقر الارض
20-06-2011, 09:32 AM
انتِ في بيت اهلك اقعدي عندهم الى هو من نفسه يتصل علييكـ

واذا ما اتصل علييك ولا عبرك اقعدي في بيت اهلك وكان صار شئ

وترا على فكرة المفروض هو اللي يشيل همك مو انتِ

انا لو منك بيت اهلي مفتوح وغرفتي موجوده

و ارسل له مسج اقول ترا باخذ اغراضي من بيتك

وارجع عند اهلي

بنتـ طيء.~
20-06-2011, 08:48 PM
يآحياتي ..
كثير بنات يجون يتشكون من ازواجهم ساعات احسهم يبالغون ..
بس ماأدري أنت حسيتك صدق عايشة معاناة ..
ربي يفرج همك ويصلح لك زوجك ويسخره لك ..
مدري ماودي احكي عن رأيي وأستاثم اخاف أخربك على زوجك ..
بس لاتتنازلين كثير وحاولي تتجنبين الانجاب هالفترة وربي يوفقك

bp039

الملقم
20-06-2011, 09:01 PM
تصدقيني لو قلت لك ان مشكلتك بسيطه وسهله

ولا ابالغ اذا قلت لك مافيه مشكله من الاساس

زوجك شاب طيب ماعمره عرف اي بنت وهذي نعمه كبيره لك

يؤسفني ان اقولك ان اغلب شبابنا زي زوجك

احنا سطول صدقيني

خصوصا الشاب اللي عمره ماتعرف على بنت فجأه تبينه يكلمك بالجوال ويزورك

( قسم بالله ) اني تملكت 6 سنوات ماكلمت زوجتي بالتلفون ولامره !!!

مع اني احبها بس للاسف الزواج والارتباط حاله ثقافيه للرجل وحاله فطريه للانثى

حاله ثقافيه معناها اننا نبدا نكتسبها مع الوقت يعني مو من اول الخطوبه او الزواج اعرف اتعامل مع زوجتي

بعكس الزوجه عندها استعداد فطري للرومانسيه والارتباط

واستني شوي : بكره اذا جاك طفل راح تتعبين معاها علشان يبدا يعرف كيف يصير أب

برضه الابوه حاله ثقافيه والامومه حاله فطريه علشان كذا تلقين البنت من يوم عمره سنه تبدا تلعب بالعرايس وتسوي نفسها ام

زوجك الى الان مابعد استوعب كيف يعيش مع ( شريك ) .. راتبه له .. يلعب كوره العصر .. يبني استراحه مع ابوه

سبحان الله كنه انا اول ما اعرست هههههههه

وابشرك تعلمنا وصار راتبي لزوجتي pb192

انتي بس اعطيه شويه وقت علشان يبدا يدرسك درسا درسا

شوفي المشاكل اللي في الصفحه اللي زوجها خاين واللي زوجها مدمن احمدي ربك زوجك يعتبر من السلف الصالح وانتي بخير مادام زوج مازال يلعب كوره العصر

ما اهتم فيك ماشرالك هديه بخيل شوي ... كلها تروح مع الوقت بس لاتخربين بيتك صدقيني مسألة وقت

ياعزيزتي كلنا سطول bp039

memento ||
20-06-2011, 09:56 PM
شوفي ياقمر ..,
مشكلتك نفس مشكلتي بأول زواجي
في كلمة قالتها لي أمي وحطيتها حلقة بإذني : الرجّال على ماعودتيه عليه .,
تعوّد على سكوتك , تعوّد ياخذ منك وقليل يعطيك , تعوّد تعتمدين على أهلك
وبما انّك موظفة أكيد معتمد إنك اذا احتجتي حتّى " مويه " راتبك يسدّك ..
وهذا أكبر غلط .., علميه انه يتحمّل مسؤولية نفسه ومسؤوليتك
مو معقوله متزوج من أكثر من سنة ولازال يعتمد على أبوه في أبسط شي
عموما انتِ هدّي حالك , وابدأي من الأول .,
أول حاجة اعزميه على جلسة هادية بأي محل ولو كان على حسابك مو مشكلة
واجلسوا جلسة مصارحة , شوفي ايش قصته , وليه بارد معاكِ
وحاولي ماتحطميه وأبد وأبد لا تذكري عيوبه ولو كانت خانقتك
خذي ورقة وقلم واعطيه ورقه وقلم وكل واحد فيكم يكتب ايش اكثر شي يعجبه في الثاني
وتبادلوها , وبعدها اكتبوا ايش الاشياء اللي مزعلتكم من بعض
يمكن له تحفظات , يمكن عنده اسباب حاولي تفهميها .,
والأهم الأهم .. التفاهم وهدوء الأعصاب والروقان ..
من ناحية صلاته .. هذا شي ماينسكت عليه , لاتتركيه ينام صحيه
ووصيه وانصحيه وجيبيها له باللين , صدقيني وربي ولو بقلبه ذرة ايمان وحده
بيسمع وينتصح ولاتنسي الدعاء الدعاء الدعاء , سهام الليل ,
افرشي سجادتك الثلث الاخير من الليل وادعي بالصلاح والهدايه لكم
وان ربي يسخره لك .. وربي على كل شي قادر سبحانه .,
ومن ناحية سكنه ومكان اقامته .. ياقلبي مايهم المكان لو انتي بالسما او بالارض
اهم شي الراحه النفسية ., والله ييسر أمورك كلها .. ويصلح بينكم .,

k o k a ™
20-06-2011, 10:21 PM
مالها داعي الهدايا
اشوفك مو مقصره عليه بشي يعني هو حاليا عايش ملك وانتي .........
فالاكيد بيشوف ان هالطريقه الي يعاملك فيها هي الطريقه الصحيحه والي بتجيب راسك
مدري اشوفك كاتبه انك موظفه حكوميه وتقولين انك فاضيه
عموما لو موظفه عضي على وظيفتك باسنانك واصرفي على نفسك
وزوجك مايضر لو تطنشينه شوي وبلاش هالحفلات والدهايا والاجواء الي معيشته
خليه يفقدها ساعتها بيحس انك وصلتي لمرحلة الملل منه وممكن يتعدل

اما سالفة طفشك من هالديره مدري اش قصة بنات الرياض بالذات
تعتبرون الزواج والطلعه برا الرياض مشكله

زوجك يبي له حرمه قويه تصيخه وتمشيه على الصراط المستقيم
وتقوله بعينه ابي هذا وهذا حقـــي ماتنازل عنه

زوجك ذكرني بقريبه لي نفس الصفات والجفاف العاطفي والجشع المادي
لدرجة بطاقتها الصراف( موظفه) بجيبه وينقط عليها الفلوس بالقطاره حتى لما تزوجها بيعها ذهبها وكانو عندها قرشين محوشتهم لهفهم بمبدا احنا واحد

مع كل هذا انا ماشجعك على الطلاق لانه ببساطه منه لاردى منه
غيري اسلوبك مع زوجك وتتغير حياتك


عدل كـلآمهـآ بس أهم شي تصبرين شويه

لآزم اتصير تنازلات بين الطرفين لاتوقعين إن زوجج مثل عيشه أهلج

لأزم في اختلآفات بس بشطـآرتج غيريها شوي شوي ,

NnAaDdAa
21-06-2011, 01:53 AM
انا اشوف زوجك فيه اشياء كويسه وفيه اللي يبغاله تعديل وانت بعد يبغالك تعديل
اول شئ : بخصوص الاستراحات والفيز وغيره ترى زوجك قاعد يبني نفسه ويبني لكم دخوله بالاستراحة والفيز والعمال بتشوفين اثرها بأذن بعد سنتين ثلاث وهذه شئ حلو, هو حاط في باله انه يكون لكم الحين قبل مايجون العيال وتجي المصاريف الصح

ثاني شئ : الجفاف في الكلام وغيره كثير رجال مو عاطفين ولسانهم جاف

ثالث شئ : انت بسك استسلام , اطلبي مصروف شهري يحطه لك في البنك يسويه على شكل استقطاع شهري من راتبه واصري على هالنقطه انت تقولين راعي مضاهر حلو قولي مره عزمت فلانه وفلانه استغربوا كيف بيت فلان ولا لبس زوجته كذا كذا ويقولون لي اشتغلي الخ الخ الخ

رابع شئ : لاعاد تاخذين من اهلك ولا عاد تروحين معاهم اي سفره خلاص هو مكلوف فيك انت عطيتيه مجال لقال قولي لبوك قولي له بكل استغراب لايكون للحين انا في بيتهم ولا مابعد اتزوج بس عندي زوج الله يخليه لي ولا يحرمني منه ريشي فيه شوي بس مع التذكير بواجباته

خامس شئ : وقفي هدايا خلاص ماجاب لك كذا مرة لا عاد تجيبين الى لمن يحس ويجيب وذكريه فيه مثلا الله تخيل باقي اسبوع وتمر سنه على زواجنا كرريها في كذا جلسه بس مو لدرجه الملل تراهم مايحسون ولا يدرون وين ربي حاطهم واذا بدا يجيب وعطاك مصروف جيبي بس اشياء حلوه وماركات لانه يهتم بالمظاهرو لا تكثرين هديه بالسنه تكفي

واهم شئ : لا تستحين ولا تخافين منه ولا من اسلوبه بعبع هو وش بيسوي يعني بيذبحك ولا بيضربك خليك قويه وحازمه بس بأدب واحترام والفاظ حلوه

المويه كان قبل مايروح وهو عند الباب الله يعافيك جيب مويه الحين لاني عطشانه مرة ولا عطني قيمتها اخلي البقاله تجيب لي واذا ماجاب طفشيه بالمكالمات لين يمل ويجيب

شوي شوي بتسحبين منه فلوس ولا تنسين الصدقه والاستغفار والدعاء

BADOO1988
21-06-2011, 03:26 AM
الله يكون بعونك
وربي بكيت لما قريت كلامك
في البدايه وقبل كل شي قبل ماتطلبين العون من احد او استشاره تذكري انو لك رب مطلع على كل شي (ادعوني استجب لكم)حاولي انك تردين كل امورك لربك وادعيه واشكي له قبل ماتشكين لأحد وصلاه الليل حبيبتي وسهااااام الليل لاتخطئ

والشى الثاني ابتعدي حبوبه عن المقارنات ولاتقارنين نفسك بأحد انتي ماتدرين وش يصير مع اخوك وزوجته يمكن هي كمان الثانيه متضرره من اخوك بس ساكته

وباين ان زوجك عنده تبلد او يبي يحسسك انو انتي ماتهميني ترا بعض الرجال كذا عشان يريح راسه من الحنه والمشاكل

ولو زوجك مايبغاك ع طول بيطلق بس الرجال متمسك فيك يعني لاتفكرين انو يسوي هالاشياء عشانه مايبغاك

وحاولي هالاسبوع تدلعينه وتحمليه وماتزعلين منه وعطيه جوه واذا ماتغير وضل نفس ماهو طنشيه وعامليه بجفاء بس فتره يعني حاولي تستخدمي معه كل الطرق وشوفي وش ينفع معه

وكمان لو تقدرين تكلمي امه اذا هي حرمه عاقله وتحبك وقوليلها بتصرفات ولدها وممكن تكلمه بدون مايحس تنك شكيتي لها

والله يصبرك ويهديه لك ويسخركم لبعض

قعبوش
21-06-2011, 04:10 AM
الله يكون بعونك ويصبرك ويقدر لك الخيره في جميع امورك
اول شي حسيت انا اقول حسيت ان زوجك مجبور على الزواج
وبعدين لاتخلينه يتعود على الاتكاليه زوجك متكل على اهلك يودونك يجيبونك
ولا بعد يسفرونك خير ان شاء الله وبصراحه هو ماعنده دم ولا حس
فلذلك نصيحتي لك لاتخلين اهلك هم اللي يودونك وهو حظرته مرتاح ومفتك
وتسافرين وهو يفضاله الجو لاحبيبتي هذا اكبر خطا جربي اجلسي على قلبه
خليه يعتمد على المسؤليه ويعرف ان عنده بالبيت بنت ناس تنتظره
وسالفه النقل مو مهمه ابد اذا كان طيب وانتي بعيده عن اهلك لو انك
بالمريخ من القهر مو مهم اساسا بينسيك كل شي
ويارب ماعندك اولاد ولالالاتفكرين بطلاق جربي كل الطرق والسبل
وبعدها اتخذي القرار اللي يريحك
والله يريح قلبك

مبااري السااس
21-06-2011, 04:11 AM
هلا اختي ..
ممكن تقولين لنا وش الايجابيات اللي فيه ؟:confused:

BADOO1988
21-06-2011, 04:17 AM
الله يكون بعونك
وربي بكيت لما قريت كلامك
في البدايه وقبل كل شي قبل ماتطلبين العون من احد او استشاره تذكري انو لك رب مطلع على كل شي (ادعوني استجب لكم)حاولي انك تردين كل امورك لربك وادعيه واشكي له قبل ماتشكين لأحد وصلاه الليل حبيبتي وسهااااام الليل لاتخطئ

والشى الثاني ابتعدي حبوبه عن المقارنات ولاتقارنين نفسك بأحد انتي ماتدرين وش يصير مع اخوك وزوجته يمكن هي كمان الثانيه متضرره من اخوك بس ساكته

وباين ان زوجك عنده تبلد او يبي يحسسك انو انتي ماتهميني ترا بعض الرجال كذا عشان يريح راسه من الحنه والمشاكل

ولو زوجك مايبغاك ع طول بيطلق بس الرجال متمسك فيك يعني لاتفكرين انو يسوي هالاشياء عشانه مايبغاك

وحاولي هالاسبوع تدلعينه وتحمليه وماتزعلين منه وعطيه جوه واذا ماتغير وضل نفس ماهو طنشيه وعامليه بجفاء بس فتره يعني حاولي تستخدمي معه كل الطرق وشوفي وش ينفع معه

وكمان لو تقدرين تكلمي امه اذا هي حرمه عاقله وتحبك وقوليلها بتصرفات ولدها وممكن تكلمه بدون مايحس تنك شكيتي لها

والله يصبرك ويهديه لك ويسخركم لبعض

AL3N0o0D
21-06-2011, 06:07 AM
.

لا إهتمام بالصلاة ولا أخلاق ولا أسلوب وأناني وبخيل ومستهتر !
ماشاءالله عليك ياكثر صبرك /:

مدري وش اقولك بس أنتي مشكلتك من البدايه ليه تسكتين له ع أشياء ماتعجبك ومو راضيه عنها ! سكوتك هذا خلاه يتمادى ..
و ليه تعودينه أن إخوانك اللي يجون ياخذونك للرياض !

والهدايا والحفلات أتركيها هذا مايستاهل ذيك الساعه إذا تعدل سوي له اللي تبين , بس مسألة أنك تسوين لشخص ماحس فيك
ولاقدرك ولاأعطاك أي إهتمام هنا أقولك قهر + غلط اللي قاعده تسوينه !
أبدي التغيير فـ نفسك أول شي أبعدي عن المقارنات حاولي تغيرين طريقة تعاملك معه ولاتسألين عنه و شوفي لك وظيفه تلهيك عنه وتملي وقت فراغك ..
إن تعدل شي طيب وإن إستمر ع ماهو عليه أشوف الطلاق مناسب كآخر الحلول ..

الله يصلح مابينكم ويصبرك ويكتب لك الخير وين ماكان pb189
وعليك بالدعاء pb189

بزوه
21-06-2011, 06:27 AM
عندك اطفال منه ؟ او حامل الان ؟

اذا الاجابه : لا

ارجوك روحي لاهلك وفهميهم على كل شى واطلبي الطلاق وانت ِ مغمضه ورزقك على الله

~نوفا~
21-06-2011, 03:19 PM
اخر التطورات

بعد مارديت عليكم ارسلت له مسج
فيه كل شئ بقلبي عليه

هذا يوم السبت
وجلست ليوم الاحد ماكلمني ولا ارسلي شئ
وكأني ماارسلت له

جاء الاثنين والعصر ارسل مسج (بتجي ولا لا ؟)
انا رديت له ( على اي اساس تسأل)
ورجع يرسل بتجين او لا
فدقيت له
قلت انت تسأل لمجرد السؤال ؟ (يعني بس تراني سألتك تبين تجين وإلا مو لانك تبيني اجي )
قال ايه تقريبا :(
قلت اجل هذا ردي فسكرت بوجهه
قهررررررررني

وخلاص قررت اتناساه لحد مايتحرك هو
واعيش وكأني ماتزوجته
بكرا عندي بارتي لكل صحباتي
والاحد بارتي ثاني لكل قريباتي
وبشغل نفسي


وإللي تقولي لمحي له باقي علزواجنا اسبوع حتى يجيب لي شئ
فأنا قلت له باقي على زواجنا شهر ابيه يعدل ميزانيته ويجيب لي شئ :@
قالي من ألحين ترا مااقدر اجيب لك شئ الميزانيه ماتسمح :@

وإللي تقولي لاتروحي مع اهلك :( انا ازهق واطفش غصب عني اروح مع اهلي اغير جو
لنفسي علي حق
وهو حاولت فييييه كثيررر نروح نجي يوديني مافيه فايده


وإللي يسألني عن اجابياته
اممم مثل ماقالو البنات
مو راعي خراب وبلاوي وبنات ولاضرب
مو انه مو راعي دين لا والله يخاف من ربه
بس هي مايحرص يلحق ع صلاة الجماعه

نبوية بنت علوية
21-06-2011, 08:15 PM
كذاب؟!
اجل مافيه خير..

بخيل وطماع؟!
اللي هذا اوله ينعاف تاليه..

هذي اسوء صفات ممكن تجتمع برجل واحد..
ووجهة نظري تقول ان العمر قدامك وربي يعوضك بأخير منه..

UNiQUe
21-06-2011, 09:15 PM
الله يعينك..عليه وعلى الردود..

انا شخصيا ماتحمل..وارفض من البدايه..بس انتي خلاص تزوجتي..

لاتحملين نفسك لقب مطلقه الا وانتي مستهلكه معه جميع الحلول..

جربي كل شي..ومنها الجلسه عند اهلك..لعل وعسى يفيد فيه..

الله يصلح امرك وييسرلك

النيوزلندي
21-06-2011, 10:05 PM
اخر التطورات

بعد مارديت عليكم ارسلت له مسج
فيه كل شئ بقلبي عليه

هذا يوم السبت
وجلست ليوم الاحد ماكلمني ولا ارسلي شئ
وكأني ماارسلت له

جاء الاثنين والعصر ارسل مسج (بتجي ولا لا ؟)
انا رديت له ( على اي اساس تسأل)
ورجع يرسل بتجين او لا
فدقيت له
قلت انت تسأل لمجرد السؤال ؟ (يعني بس تراني سألتك تبين تجين وإلا مو لانك تبيني اجي )
قال ايه تقريبا :(
قلت اجل هذا ردي فسكرت بوجهه
قهررررررررني

وخلاص قررت اتناساه لحد مايتحرك هو
واعيش وكأني ماتزوجته
بكرا عندي بارتي لكل صحباتي
والاحد بارتي ثاني لكل قريباتي
وبشغل نفسي


وإللي تقولي لمحي له باقي علزواجنا اسبوع حتى يجيب لي شئ
فأنا قلت له باقي على زواجنا شهر ابيه يعدل ميزانيته ويجيب لي شئ :@
قالي من ألحين ترا مااقدر اجيب لك شئ الميزانيه ماتسمح :@

وإللي تقولي لاتروحي مع اهلك :( انا ازهق واطفش غصب عني اروح مع اهلي اغير جو
لنفسي علي حق
وهو حاولت فييييه كثيررر نروح نجي يوديني مافيه فايده


وإللي يسألني عن اجابياته
اممم مثل ماقالو البنات
مو راعي خراب وبلاوي وبنات ولاضرب
مو انه مو راعي دين لا والله يخاف من ربه
بس هي مايحرص يلحق ع صلاة الجماعه




ليته هو اللي كان منزلّ الموضوع
كان نصحته انه يدور له زوجه ثانيه
افهم من كلامك انك ماديه
؟
تبين هدايا وتبين طلعات
وتبين يوديك لاهلك
ترى الحياه مو مثل انتي فاهمه بهالنرجسية
هو يتعب ويشقى ويدفع
وانتي تقولي مامشاني ماسوالي
سوري بس كان بامكانك تنصحيه بكلام زين
واضح من اسلوبك انك قوية
خصوصاً انك قفلتي بوجهه
وباين انك متدلعه
لما تتركيه
راح تلعني الساعه اللي تركتيها فيه

راجعي نفسك مليون مره
وخلي عقلك في راسك
ايام الجامعه والبارتي وجمعات البنات وووو
اتركيها عنك
ياما ناس راحوا مع ازواجهم لاماكن بعيده
ولا تكلموا
لان جنتهم هي مكان تواجد ازواجهم
اعتذر عن اسلوبي الحاد
بس اعتبريني اخوك
واني انصحك بشكل جاف !
صدقيني اختي
لو تراجعي شيخ من الشيوخ
راح يقول لك اشياء في الدين
ومهما سويتي انتي مقصره في حق زوجك
اكملتي نصف دينك والله ستر عليك
وغيرك تتمنى تلقى مثل زوجك او اسوأ حتى !

سوليدآد
21-06-2011, 10:59 PM
أنا بعد ما قمت أقرأ مشاكل المتزوجين هنا !

ماش قمت أتردد pb036 !
أحس تعقدت ..
اللي رجلها بخيل , بارد , شرير , .. آلخ

..

ما أعرف أنصح
وكل اللي أقدر أقوله .. الله يعينــك ياوخيتي على هالرجل الباردددد :confused: !

هيمو اللطيف
22-06-2011, 12:39 AM
شوفي بصراحة وبدون زعل انتي شوي معطيته وجه وراميه نفسك من البدايه
الرجال يحبون المرأة النرجسية
حاولي تتابعين فوزيه الدريع وتقرين عن الرجال اكثر
انا ماقدر اكتب كلام طويل لان ردودي تنحذف ومالي خلق رد ينحذف

أشهق انا بإسمك
22-06-2011, 12:40 AM
ياساتر يارب انا احس جاتني ضيقه منه عاد كيف انتي الله يصبرك يابنت الحلال بس تدرين؟؟
تـــــــــــــــطططـــــــــلـــقـــــــــي
وفكي راسك من الهم اللي انتي فيه حتى حياتك اتغيرت بسببه وهو مو حاس فيك زي الجدر بس انا اشك انه مغصوب عليك مايبيك او في باله وحده غيرك والله اعلم

ECSTASY
20-07-2011, 11:19 AM
احسه مغصوب عليك مدري عليه


الله يفرج همك ويكتب لك الخيره في كل امورك يختي

Ti amo amore
21-07-2011, 07:14 AM
-

شوفي حبيبتي زوجك ماذكرتي فيه أي صفه حسنه كل الكلام اللي ذكرتيه سلبي ..
ماعندك غير هالحل بما انك بيت اهلك أتصلي عليه وقولي له تعال ضروري
واذا جاء اجلسي معاه انتي وأبوك وتكلمي بكل صراحه عن الوضع اللي معيشك اياه
قدام أبوك .. وقولي لزوجك اما أنك تغير من وضعك هذا وارجع معك أو انا وأنت ماناسب بعض ابدا
أكيد بيتخذ قرار ولعل وعسى يكون ايجابي لك =)

صغيره ومدلعه
21-07-2011, 07:40 AM
ليته هو اللي كان منزلّ الموضوع
كان نصحته انه يدور له زوجه ثانيه
افهم من كلامك انك ماديه
؟
تبين هدايا وتبين طلعات
وتبين يوديك لاهلك
ترى الحياه مو مثل انتي فاهمه بهالنرجسية
هو يتعب ويشقى ويدفع
وانتي تقولي مامشاني ماسوالي
سوري بس كان بامكانك تنصحيه بكلام زين
واضح من اسلوبك انك قوية
خصوصاً انك قفلتي بوجهه
وباين انك متدلعه
لما تتركيه
راح تلعني الساعه اللي تركتيها فيه

راجعي نفسك مليون مره
وخلي عقلك في راسك
ايام الجامعه والبارتي وجمعات البنات وووو
اتركيها عنك
ياما ناس راحوا مع ازواجهم لاماكن بعيده
ولا تكلموا
لان جنتهم هي مكان تواجد ازواجهم
اعتذر عن اسلوبي الحاد
بس اعتبريني اخوك
واني انصحك بشكل جاف !
صدقيني اختي
لو تراجعي شيخ من الشيوخ
راح يقول لك اشياء في الدين
ومهما سويتي انتي مقصره في حق زوجك
اكملتي نصف دينك والله ستر عليك
وغيرك تتمنى تلقى مثل زوجك او اسوأ حتى !





اخوي كيف ماديه

مالاحضت انها تحاول ترضيه باي طريقه تسوي له حفلات واكشن وهدايا

يعني مافكرت في نفسها بس فكرت فيه حب لااخيك ماتحب لنفسك حست ان هالشي هو اللي يزيد المحبه والتواصل اكثر وهي تحب هالحركات مابخلت عليه وسوت اللي تقدر عليه ليه ماعقبت على بروده من هالناحيه

عموما اختي فتره سنه وكم شهر قليله اصبري عليه اكثر بس انتبهي بدون اطفال اللي تفكيره اخوياه واستراحات اكثر من بيته نصيحه لاتحملين لانه مو قد المسؤوليه

اتركيه لما يطيح اللي في راسه اذا كان عندك وعنده بيبي اكتبي في البروسنال اشياء تحسسه انك مبسوطه وكذا

مثل شوكرن يبابا عالمطعم الحلو الله لايحرمني منك ياتاج راسي شوكرن خيتو عالحفله الجميله وكذا

حسسيه انك ماقعدتي له ولاانتظرتيه وانك مبسوطه هنا بتتحرك مشاعره لانه حس انه في الهامش

الله يوفقك خيتو

BABY 4 ME
21-07-2011, 07:57 AM
الله يعينك خيتوووو
الي ابي اقوله لك
ابوك ثم ابوك ثم ابوك
الحل بيد ابوووك
خليه يجي لبيتكم وخلي ابوك يتفاهم معه
والي يقررة ابوك نفذيه

الله يكتب لك الخييييره

!Patch
21-07-2011, 10:22 AM
في ردود ممكن أفادتكم هنا كثير
لكن حبيت كمساعده اعطيك اللي عندي bp039

اولا واضح ان زوجك واهله كانوا يسلكون لك سالفة انه بينقل الرياض ويمكن الي كان مخليه جاف
معك وقت الملكه مايبي يصير ميانه معك ويبين لك ان ماله نيه ينقل من مكانه
أو ممكن حاس بالذنب لانه خدعك bp039

في شي مهم حبيت انبهك عليه
حقك في النفقه لا تتنازلين عنه :sm4:
زوجك راتبه 15000 , 5000 تروح قرض أوك وخمسه ثانيه قطيه للاستراحه ماتنبلع صراحه
اذا كان مشترك مع ابوه لكن نمشيها
يبقى لكم 5000 صافيه لان البيت ملك .,
مايقدر يعطيك منها 1000 شهريا ً؟
او حتى 500 ؟
pb036

ثاني شي أغلب مشاكلنا الزوجيه ان زوجي جاف وبارد لأن اهتمامنا منصب عليهم بس نفكر فيهم
شلون يرضون وشلون نضحكهم ونفرحهم وش نأكلهم و وشلون نرضيهم مع إنهم هم الي مزعلينا
ما أقولك اسفطيه لكن كل شي بحدود
اسرفتي في حفلاتك وتذكرتيه في كل مكان تروحين له لكن مافكرتي هل ممكن يتذكرك اذا هو راح عنك ؟
جربي مره او مرتين روحي عند اهلك بس لارجعتي لا تتذكرينه بشي ..
شوفي وش ردة فعله هل بيقولك وين هديتي والا بيسكت , ومن سؤاله انتي بتعرفين هل أثرت فيه
هداياك او لا ..,
حبيه وأهتميه فيه لكن لاتخلينه شغلك الشاغل خلي لنفسك وقت تنبسطي فيها مع نفسك
اخترعي لك اي شي واذا طلع لا تبينين انك متضايقه او تسألينه خليه لحاله
بس فتره يعني قولي اسبوع ..
يمكن يكون صعب عليك بما انك لحالك لكن ابيك تعرفين اذا هو مهتم لك او لا ..

مسألة الحمل أبعديها لأكثر فتره ممكنه عشان تعرفين وتتأكدين هل فيه مجال انه يتغير bp039

JUDY ABBOOT
21-07-2011, 10:48 AM
هلا حبيبتي bp039

شوفي إنتي غيري أسلوب معاملتك معاه صيري لامبالية بأي شي
لاتتكلمين كثير معاه ولاتزنين عليه خليه على راحته
بعض الرجال هذآ الأسلوب يفيد معاهم ., والكلمة الحلوة والإبتسامة لهم مفعول السحر

يعني أنا لاحظت من خلال كلامك إنك مو صبورة وبسرعة تملين
لاتنسين إنه هذي حياة جديدة بالنسبة لك وشي طبيعي بتواجهين مشاكل
وبالهدوء والروقان والصبر وضبط النفس بينحل كل شي

وغير كذآ مسأله الطلاق صعبة شوي بهالفترة لأنه إنت لك سنة متزوجة
تحملي واصبري شوي ولو مالقيتي أي نتيجة بعدها قرري إنك تطلقي منه

والأهم تغيري أسلوب المعاملة , طنشيه , ولاتبدي أي إهتمام
وإشغلي وقت فراغك , خليك متفائلة , وإدعي الله سبحانه وتعالى يخلصك من كل هم وكدر

وإن شاء الله نشوفك بأفضل حال bp039

الموج الهادي
21-07-2011, 11:10 AM
شوفي يااقلبي

ردي لمجرد اني قريت مشكلتك وانا مدري عن التفااصيل ..

ممكن هو غلطااان وانتي غلطااانه ...

والحياه الزوجيه ياعيوني لازم فيها تنازلات ... وهو سؤال لو جاوبتي عليه بعرف مرئيااتك بشكل وااضح ..

انتي تحبين زوجك او لا ؟؟ بعد ماتزوجتي مامال قلبك له ماحسيتي ماترتاحين الا بوجوده ..؟!!

شوفي انا حااسه انك ماحبيتيه تدرين ليش ؟

لان الحرمه من تحب زوجهاا تتنازل عن كل شيء لرضااه في بنات من تزوجوا تغربوا عن اهلهم وعاشوا في مدن نائيه وقرى بعيده ...!! بس لانهاا تحبه

مدري عن زوجك هل يبادلك نفس الشعور او لا ..!!

هنا مربط الفرس داائم الحب يخفي كل العيوب الظاهره وتشوفينه احسن وااحد ولو هو مليااان عيوب

واذا تتكلمي عن ايام الملكه ترى برضو انا زوجي نفس الشيء جا وماسلم وماطلب الرقم ويعتبر شيء عادي وطبيعي جدا ..! مدري ليه خالقه منه مشكله

حسيتك متحاامله عليه كثير صحيح هو فيه عيوب بس انتي تحاملتي اكثر ..

وترى المتزوجه اهم ماعندهاا زوجهاا لاخرجاات ولابارتياات بس لانك لساا بسنه اولى زوااج

يبغاالك وقت تتأقلم مع ان ماشاء الله بالعمر كبيره العمر كله ياارب

الله يسخرلك زوجك ويريح بااالك

ما اتوقع الموضوع يحتااج للطلاق ..!

هذي وجهة نظري من خلال نظرتي واكيد الاختلافات وارده

ودّي

عصير قها
21-07-2011, 05:04 PM
نصيييييييحه وحده مجربه هالاشكااااال
لا تتفاهمين معاه بأي حرررررررف
خلي ابوك ولا أخوك يكلمه ويمصع أذانه
والصفات اللي ذكرتيها موجدوده في 95% من رجالنا للأسف
وعلى فكره هو يحبك ويبيك بس طبيعته الجافه ما بينت لك هالمشاعر
تلقينه منقهر ويبييك ولايعرف كيف يرجعك

o2.~
21-07-2011, 05:37 PM
الله يعينك يااخي

انت غلطتي انك من البداية وانتي تبرريله
تبرريك ماكان له اي معنى ايام الملكة

انت للان مستسلمة طيب وين اهله
ماحسية لهم دور

وليش ماتشتكين لاهلك
يعني الله يعينك

ريوف الخبر
21-07-2011, 10:51 PM
اول ما قريت الموضوع حسيتك فعلا مظلومه و زوجك فيه (شيء)من الجفاف واللا مبالاه..
بس بعد ما كملت الردود وشفت تحديثاتك تغيرت نظرتي وتحمليني يا قلبي لانك تبين صدق مو تصديق !
اساس الغلط في علاقتكم هو انتي و بس انتي، ليه؟ انا اقولك:

1- زوجك هادي وعاقل وراكد ويتعامل معك بطبيعته وشخصيته وهالشي يحسب له مو عليه.
يعني لما يسكت وما يتكلم مو معناته انه ما يبيك او كاره الجلسه، لا ممكن مواضيعك ماتشده، يبي يسمع لك، ينتظرك تبدين، يبيك تطلبينه يسولف حرفيا، تبينين له رغبتك بجلسته (كزوجه وانثى له وحده) مو كَ جلاد او محقق و مسؤول !

2- انتي من اول يوم ارتبطتي فيه كخطيبه لين اليوم كزوجه و انتي ماسكه لستة مقارنات وشغاله تعليم..وهذا برضو له مو عليه!
مثلا، الهدايا ما عطيتيه عشانه هو، لا عشانك انتي و سويتي له الحفله مو عشان تنبسطون وتتجدد النفسيات لا عشان يبطلع طلعه ويجلس معك وش ا كان وضعكم ..... الخ
يعني بالعربي عشان (المقابل) والظاهر ان زوجك عارف ذالشي ومن كذا كل شي تسوينه ما يشوف قيمته لانه عارف ان حفله=حكره، هديه= هديه....وهكذا :)
صحيح الدنيا اخذ وعطى بس مو بطريقتك يا قلبي و ادري ان هالامور تحتاج وقت وصبر خصوصا اذا كان شايف هالشي بس الشكوى لله..

3- تعاملك معه مو موزون ولا ناضج، يعني مرات يغلط وعلى قولتك تمشينها ومرات شي تافه وروتيني وتسوينها سالفه لا و معها حفلات كمان.. وهالنقطه للاسف معاه كمان
بمعنى ما رسيتي زوجك على بر، جربي اكتبي اسباب خلافاتكم و صنفيها واللي يحتاج عتب خفيف او ثقيل او اللي زعل بدون كلام او اللي زعل قوي او حتي اللي يحتاج فلم هندي و دهره :d
لا تخبصين وتخلين ضغط نفسيتك يبين له ان مالك اسلوب او درب واضح علميه الحدود وبينيها وخليك جاده !

4- زوجك عنده تخطيط و طموح معين يحتاج لتوفير وضغط وتحمل وانتي ماشاءالله معتده بابوك وكل كلمه والثانيه ابوي ماقصر وابوي حط وابوي جاب جاب لدرجة ان اهلك يجون ياخذونك من بيتك!.....برضو هالشي له مو عليه
طبعا شي طبيعي انه يخليك بعالمك الوردي مع اهلك ويكمل تخطيطاته ومشاريعه بهدوء لان حتى اهلك ما استغربوا ولا استنكروا عليه بالعكس يسوون هالشي وكانه من واجباتهم وكرامته مالها دخل يعني لا تدخلينها بالموضوع كيف سمح لنفسه و ماني عارفه ايش، انتي اللي كيف تقدرين تمدين يدك لاهلك للحين عشان حفلات وطلعات وجمعات واشياء سطحيه!

5- سالفة النقل وان المكان اللي انتي فيه طفش ومن هالمبررات مو مقبوله منطقيا لانك في محافظه مأهوله وفيها ناس وجيران و بشر.. وهنا الكفه بصالحه برضو!!
يعني بدال الزن والتحسر ع الرياض واهلك وحياتك السابقه ابني علاقات وتعرفي و سوي جوك بنفسك،
و الا مثلا تبينه ياخذ بيدك ويطق على باب الجاره ويعرفكم؟؟؟
القصد: أقلمي نفسك علي اي بيئه و مجتمع بانتقاء المناسب و لا تحدين نفسك على مكان او نشاط معين!
خلاص انتي تزوجتي يعني لك حياه وعالم ومستوى و دنيا جديده (مع المحافظه طبعا على حياتك الاولى بس ماتكون هي الاساس!)

6- زوجك شخصيته مختلفه عن اخوك وابوك وابوه واخوه وزوج اختك وزوج اخته وكل الرجال، لا تقارنين وتسمعين نصايح وتدربين تطبقين... لا ادرسيه، افهميه، حلليه، جربيه وبعدين احكمي وتاففي:)
***
النقاط اللي فوق تبين ان لك دور كبير في الاختلاف و الخلاف الحاصل معك..
اقريها وفكري وادعي ربي و استخيري..
حاولي توازنين ال(الاسلوب+التوقيت+نوع الخلاف+المكان) عشان توصلين وتفعلين الحل الناجح لاي خلاف..
و تذكري مافيه احد كامل ولا حياه كامله بس فيه حلول كامله و اردات كامله والحظيظ هو اللي يلقاها و يستغلها..

Bnt Norah
21-07-2011, 10:57 PM
ي قلبي انتي .. يمكن كلآمي بيكون قوي عليك بس معليش تحمليني ..
أحسك مدلعته .. ومو مبينه قصوره ومتحملته على حسآبك :(
انتي توك بأول عمرك امسكيه وصارحيه انفجري عليه .. وعادي لو فيه دمعتين ..
فيه مثل قديم يقول انفضيه نفض الردى وان كان به نصيب ما غدى
لآ تقولين انت ما تجيبلي هدايا ما تحس ,,,,,الخ
قوليه قصوره من جهه البيت الصلاه ..
لآ تبينين له انه هو كل شي بحياتك وانك مستعده تصبرين علشانه ..
ووقفي هدايا خلآص لآ تعطينه خلي هديته اللي عندك لبوك او اخوك ..
اهتمي بعمرك .. وطنشيه بأدب عطيه حقوقه واكله وبس ..
واستخيري اذا ناويه على الطلاق كثري صلاه الاستخاره و الاستغفار ,,
والله يختارلك الخيره الزينه bp039

rona--55
21-07-2011, 11:27 PM
نصيحتي لك يااااعمري والله شاهد اني بعطيك راايي لمصلحتك

تطلقي تطلقي تطلقي
ابووو طبيع مايجوز عن طبعه
لانه بخيل ولئيم من الدرجه الاؤلى
واللي يقوولك انه حبك انا اقووووول اتحداااهم ماافيه ذره محبه ولا احترام
معليش ماتكرم يجيب لك هدايا زي الاوادم فتره الخطبه وما حكى معك كثير كل شبابناا
ينتظرون هاللحظه ويدللللللع زووجته بشكل رهيب

خلصنا الخطبه جاء دور السفر هاوشك ولا اعتذر ولا حكى شي
وش معنااته الا انه رجال الله يخلف
جلساته قليله بالبيت مو مشكله مو بيتوتي يالله
بس سالفه تجميع السفر والله لاقووووول رجع فلووووسي وطلقني
لان اللي ماقدرك ببدايه زواجك متى بيقدرك اذا كبرتي مثلا

واخيرا كل الحريم اللي صبروا على رجالهم اعرس عليهم رجالهم ودلعوا الثانيات والله ثم والله تموتين قهر

لئيم شرير نذل مغصوب اناني

H!agar
21-07-2011, 11:38 PM
ي حبايب الموضوع له شهرين :sm1: :sm5: اكيد حالتها ان شاءالله تحسنت pb094 pb189

آنآ..
21-07-2011, 11:43 PM
-

يَ حيآتي pb189

الله يسسهل لك آمرك يَ رب :(
عليك بـ الدعآء , والاستغفآر ..

الله ييسسر لك آمرك ان شآء الله :D

كاسورينا
22-07-2011, 12:39 AM
حبيبتي ربي يسخر لك زوجك .. عليك بالدعاء
وسهآم الليل لآتخطئ ~

بس حبيت اقولك معلومه بسيطه ..
انا مو من الرياض واعرف بعيال "" القرى :) ""
تراهم مآتعودوا على الحركات والدلع كل طفولتهم بالشارع يتضاربون مع خلق الله هع هع..
ويحسون ان هالحركات تنقص من رجولتهم ..
يعني تحملي :):)..
أنا اشوف مشكلته "" البخل "" بس .. ربي يفتح على قلبه ~

يآبغضني لغيآبهـ
22-07-2011, 12:46 AM
الله يهديكم لبعض ويهدي سركم ويوالف بين قلوبكم


عليج بصلاة الليل وو كثري من الدعا والصدقات بنية ان ربي يهديه لج مو رايحه لبارتي ومادري شنو اصلا من وين لج نفس ونتو متزاعلين :(

مِت/ واجد
22-07-2011, 01:12 AM
^ ماشاء الله ي نوفا
كل هاللي قريته يدل على صبرك وعظيم اجرك
لا اله الا الله
انا اعرف بنات راجعات مطلقات بعد ثاني اسبوع من زواجهم
عشانهم يبون شهر العسل في ماليزيا والزوج رفض !!

وانتي كل هذا يصير فيكي وصابرهَ
شوفي على كثر مامرت علي هالسوالف الا ان حالتك حسيتها مستعصيه
ومن كلامك واضح الالم والملل والتعب يعني الزواج والمحبه والارتباط من طرف واحد
ودي والله اقولك اصبري عليه لاني اتذكر
عندنا عينات " زوجات " كانو ينضربون ويتهزؤن
وفوق هذا يسكتون ويمشّون ولهم حاليا اربعين الى خمسين سنه وامورهم ماشيه < أنا مالي الا الظاهر
لكن انتي انصحك بالطلاق :(
صحيه من غفلته خوفيهَ
واذا طلق فّ انتي المستفيده

ودّي اتكلم اكثر ف هالموضوع بس يقولو له شهرين َ pb036
اتمنى تقرين الردود او نشوف تواصل منكَ بالجديد

~~

كاسورينا .. :)

انتي زاويتكَ الي تناظرين للامور منها فيها انحراف
عيال القرى وان كانو موفاهمين على قولك " رغم اني اعرف واقر بعكس ذلك "
فَ مستحيل تلاقين مثل تعاملهم او اخلاقهم وما الى ذلك من الصفات والخصال الحسنه
اللي للاسف تفسدها حضارة وتطور المدينه " الاّ من رحم ربي "
مشكله كبيره ي عزيزتي الحكم على " ناس " من خلال شخص واحد
bp039

مزمز الحلوه
22-07-2011, 01:29 AM
نصييييييييحه
دامك جيتي وانتي زعلانه وهو يسوي كذا ولاهمه شي
اجلسي لين يدق هو لو مادق معناتها بايعك بيعيه
لو دق قولي له شروطك تبيني هذي شروطي
اهلي كل اسبوع توديني لهم اربعا وخميس والجمعه خلي احد من اخوانك يرجعك
1/مصروووف شهري مب اقل من 1000 ريال دام راتبه ماشاء الله كذا < هذا الطلب جدا ضروري
طبعا لاتصرفين منه الا على نفسك وبس ولو حصل لك خلي لك حساب واجمعي فيه ماتدرين وش الدنيا تجيك فيه
2/النقل للرياض تسعى بالموضوع من هالحين لان اهلك قايلين لنا كذا
3/اهتمامه بالصلاه
4/اهتمامه بالبيت وبأغراضه
5/اهتمامه فييييك وفطالباتك .. وش اللي يخلي ابوك وامك يعطونك وهو فيه !
هو وش موقعه من الاعراب اجل ! اذا حتى الصرف اهلك يعطونك !

اول مره توقعي منه الرفض .. لكن خلك قويه انتي واصبري وتحملي دامك اتخذتي هالموقف لاتخربين كل شي برجعتك متنازله ..
لانك لو رجعتي وهو ماسوى لك اللي تبين بيتعود على روحتك زعلانه وبيقدر يجيبك بدون مايرضيك
خليك يحسب لك حساب بالطالعه والنازله وانه انا ماجلست بالبيت شكل بس
هذي حياة مشتركه بيننا وهالاسلوب ماينفع لو تحملتي سنه ماتحملتي السنه اللي بعدها
دامه مانفع معه اسلوبك وهداياك وحفلاتك .. احسن حل لاتحسبين له حساب
هو لاشافك مقفيه بيجي وبيحاول يتقرب منك
هذا طبع بعض الرجال يبون الحرمه تركض وراهم وتدلعهم وهو مايهمه
ولاتحاولين تخلين اهلك يعرفون عنه شي الى لين تتخذين قرارك لو لاقدر الله وهو ( الانفصال )
اما غير الانفصال لاتشوهين صورته قدام اهلك لانهم بيكرهونه ..
الله يسخره لك يارب

نايم
22-07-2011, 01:51 AM
bp039انا ماعمري اقول لشخص انصحه بالطلاق
عشان ها الامر ابغض الحلال عند الله
لدرجه واحد من اصدقائي العزيزين على تزوج وطلعت زوجته فيها مرض التوحد مدري اكتائب حاد
وكنت دايما اقول له اصبر ولا تطلقها ربي بيعطك اجر فيها وتخيل موقف اهلها اذا تطلقت
واقول يمكن يغير الله حالها في يوم وليله
لين با الاخير طلق
ادري شطحت فيك لكن والله انتي يوم قريت موضوعك عصبت اقسم بالله تنرفزت لدرجه كنت مسندح وقمت<<<< ياحبه للوصف الدقيقpb192

انصحك اول شئ تستخرين وتقولين لو فيه خيره يقربك منك
ثاني شئ تعطينه شروطك لو وافق فيها حلو لو ماوافق اشوف الانفصال افضل
والله بتنهبلين من العيشه بالقريه :(
يعني الي خلاني اعصب اهتمامك فيه وهو مو حاس بالشئ الي تسوينه:mad:
قسم بالله العظيم حبيت الزواج من الطريقه الي تعاملينه فيهاpb189

الله يسهل امرك

حرم ميسوو
22-07-2011, 02:16 AM
عزيزتي .. أنتي حاولتي بكل ما تستطيعين لاصلاح الوضع .. لكن للأسف بدون نتيجة تذكر ..

حاولي إنك تدخلين طرف ثالث بينكم ( ابوك أو اخوك .. أهم شي يكون حكيم و غير انفعالي ) لعل وعسى يأثر عليه و يستحي ع دمه و ينتبه لنفسه ..


و قبل كل شي استخيري .. و اسألي الله الفرج ..


الله يوفقك يا قلبي و يفرج همك و يجعل ايامك كلها افراح ..

طآغية ملآمح
22-07-2011, 04:32 AM
:(

شوفي حبيبي حكاية انكم في محافظه وتبي تنقلي للرياض لاتطمحي مرة وخليكي قنوعه وراضيه صدقيني المكان مو اهم من حياتك بكل مافيها انتي عشانك مو مرتاحة معاه مكان سكنكم زاد الوضع

انتي وصلتي حدك الائتماني شوفي بقلك مالك الا حل واحد امسكيه ف وقت يكون رايق و جلسيه واجلسي قدامه وطلعي كل الي فقلبك لاتخلي ولا تبقي وخليكي جادة عشن يعرف انك ممكن تسوي الي تبيه ويخاف لازم ينقرص قولي انا وحده صبرت وماشفت لصبري نتيجه مليت يا انك تتعدل ياكل واحد يروح في طريقه لكن عيشة بالشكل هذا اعذرني انا ما اقدر لا اضيع وقتك وعمرك ولا تضيع لي عمري نقطة انتهي !

وشوفي ردة فعله اذا والله اتجاوب ف تمام وان شاءالله بيتعدل اذا حريص عليك
واذا جلس يتلكك او عصب او شفت ردة فعله سلبيه مالك الا ابوك وكيت وكيت هذا الرجال ماينفعني واستخيري واذا ارتحتي لطلاق لا تتاخري بدالو الف اهم شي الراحه النفسيه كم مرة بنعيش !

والله يسهل لك امرك pb189

L7n~aLmFar8
22-07-2011, 06:39 AM
5\ شخص اخاااااف منه اسلوبه معي يخوفني كثيرر يهاوشني ويقولي حكي يحسسني اني ولاشئ ولا افهم شئ
هذا من اكبر الاسباب لمشاكلك
من هالكلام وضحتي انك تخافين منه وضعيفه قدامه
خير ان شالله يهاوشك ويحسسك انك ولا شيء ! مين هو pb036
صدقيني اذا ظليتي كذا بتتدمر حياتك وحياة اولادك بعدين
دام هذا حالكم لو ماتجيبون عيال اصرف
بيصير اشد من كذا لو ظليتي ساكته :D
وبيتعذبون معك عيالك بعدين

طلعي لسانك pb036
قوي شخصيتك
اقري بالنت وابحثي وحاولي تغيرين نفسك
انتي زوجته يعني مهما راح وجا وجمع فلوس pb036 ماله غنى عنك
خلي شخصيتك قويه ولك رأي عليه
ماقولك اغلطي وافرضي رأيك pb036
بس لاتخلين الدنيا سايبه pb036


وغير كذا صلاته مهمل فيها المسجد قدام بيتنا ويصلي بالبيت
وكثير اقوله ويقول طيب ولانفع معه
تعبني كثيرر
قولي كذا من اول pb036
لاحول ولا قوة الا بالله
مابعد الصلاة شيء :(
اللي مهمل صلاته اكيد بيهملك ومو غريب عليه اي شيء
ذكريه بالله وعقابه دايم وادعي له بالهدايه :(

والله يكون بعونك ياقلبي pb189

فلبينيه عبده
22-07-2011, 10:13 AM
الوضع صدق ماينسكت عنه يعني ياما مشيتي له وسلكتي ولا فاد
شوفي صارخي في وجهه انفجري !! عصبي !! خليه يرتاع ويقول وشذي اللي انهبلت فجأه
قولي بصوت عالي مب عيشه ذي ترا < < خخخ احس اني عشت دور المسلسلات
قولي له خيير كل شي اسويه لك ولا عمري قصرت معك بشي وساكته ومسلكة لك من ايام الملكة ولا عمري قلت لك كلمة ( لا ) وفي الاخير مالقى منك ولا اهتمام لا و قله ادب بعد !! اجل خلي ابوك يصرف عليك :(
قولي مب عيشه ذي ترا , ياانك تعدل من نفسك ولا الله يخلي بيت اهلي
وروحي وعطيه ظهرك وان كان فيه باب سكريه بقوة بعد عشان كذا يرتاع < < احس اني خشيت جو مرة خخخخخخخخخخخخخخخخخخـ :D
لا اهم شي كلمة قولي < < حسيت اني مخرجة مسلسل pb036

الله يصبرك ويفرجك همك ويصلحه bp039:(

آقدع نآس
22-07-2011, 10:40 AM
كفيتم ووفيتم مجرد قرائتي للموضوع جتني غبنة وكلامك عقلاني جدا
الله يفك اسرك بس
اوافق كل رد بمصلحتك
انتي انسانه صبورررةةة بسبته بتدخلين الجنه
أنا لو كنت بمكانك كان ببيت اهلي من زمآآآآن
الله يعينك
انا مع الردود الي تشرح القلب بدايه من رد رنان ..
الله يوفقك ويفك أسرك

عآم السعاده
22-07-2011, 10:50 AM
الله يوفقك حبيبتي ويسخرلك الخير وين مكان pb189
مابزيد على كلام الاعضاء هينا كفو ووفو
بس الزمي الاستغفار الاستغفار الاستغفار pb189
لا تستعجلي بطلاق استخيري الف مره
وربي يهديك لصواب يارب

شعاع.}
22-07-2011, 06:49 PM
وعيد زواجنا بعد جلست اجمع مبلغ حتى اجيبه له هديه
تدرين مَ حككم عيد الزوآج ؟ بدعععععععععععععععععععععععععععععععععععععععععععععععع ععةة

يَ نىس أفهموا ي نآسس فكروووآ عيد الزوآج والميلاد وكل اللاعياد غير (الفطر والاضحى)بدعةة بدعةة فهمتووآ؟

آتركِ مَ يغضضب ربببك وآوله(عيد الزوآج)وقربي صلتك لربك علشان تصبح حياتك سعيدة:)

سموتيز
22-07-2011, 06:53 PM
انا اشوف تكلمين ابوك لكن بشرط اذا كان ابوك حليم عشان ياخذ الموضوع بفكر وعقلانيه واسلوب ممتاز
ويسوي الشي المناسب
الله ييسر لك امرك ويوفقك في حياتك

نصيحه اخويه/
استغفر الله
مفتاح لكل كرب وضيق اكثري من الاستغفااار وثقي بالله
فالله عند حسن ظن عبده به

نزهة الفكر
23-07-2011, 02:05 AM
ياربي وش هالزوج ابد مافي احترام او تقدير ماقول اللا الله يعينك يارب :sm1:

كل الي ذكرتيه اشياء سلبيه مادري اذا في شي ايجابي يخلينا نقول لك اصبري وماقلتيه pb093

بس حبيت ادعيلك واقول الله يسخره لك ان كان في امل يتعدل او يفكك منه قبل لاتورطين باطفال وتدبسين جد :sm1:

~نوفا~
23-07-2011, 02:55 AM
السلام عليكم

اول شئ حبيت اشكركم لوقفتكم معي ودعواتكم
ربي يسعدكمbp039
استفدت منكم كثيررررررpb189

ثاني شئ فيه ردود ابدا مو فاهمه قصتي وقست علي
بس ماراح ارجع اوضح اكثر لاني وضحت كل شئ بالردودbp039

راح اقولكم التطورات إللي صارت

طبعا فيه ردود ربي يسعدها صحتني وفتحت عيوني ع اشياء كثير
حسيت اني ضعيفه خصوصا بعد الزواج والاحساس بالوحده

فغيرت من شخصيتي واسلوبي 180 درجه

بالبدايه بعد اخر موقف مع زوجي بالتليفون
جلست كم يوم مايحكي معي ولااحكي معه طبعا وانا عند اهلي
وكانوا اهلي ناوين ع سفره لمكه
وكانت امي تسألني بتروحين معنا؟
وانا اصرف فيها
لان مو عارفه اروح او لا
اقوله بروح مع اهلي او اروح من غير مااقوله
وبنفس الوقت ماكنت ابي اكلمه او حتى ارسله
ابيه يحس اني اقدر استغني عنه

وبنفس الوقت انا ماحكيت لاهلي شئ عن المشكله واخاف اروح معهم بعدين يدرون منه
وكنت مررررا محتاسه

حست امي فينيpb189 وصارحتها
وهاوشتني ليه ساكته وليه يعاملك كذا
وانتي إللي عطيتيه مجال وسمحتي له يتعامل معك كذا

وقالت لي بتروحي معنا ولاتقولين له شئ
لازم هو يسأل ويعرف قدرك
ربي يخليها لي

طبعا رحت مع اهلي وامي حاكت ابوي وتفهموا الوضع

وانا بوقتها كنت شاريه ايفون من موبايلي وعطوني شريحه معه
واستغليتها
تركت شريحتي ورقمي القديم ببيت اهلي حتى مااتواصل معه لو هو سأل
واستخدمت الرقم الجديد

جلست اسبوعين او اكثر ماادري عنه
اخيرا دق لابوي يسلم ويسأل
وابوي ماقصر عاتبه بهدوء وردوده له كانت تحسسه بانه مهمل لبنته وسؤالك متأخر

بعد مارجعنا من مكه
فتحت رقمي القديم ويادوب حصلت منه موجود 3 مرات ومسجين واحد ادق ومقفل
والثاني ليه ماتردين

واعده ابوي بيوم وانا ماطلعت اسلم عليه ولاشفته
وحكاله ابوي ان البنت مو مرتاحه وسأله وش صار ممانقلت كملت سنه
ففسر لابوي وضعه بشغله وانه حاليا مايقدر ينقل وابوي تفهم هالشئ
وقاله انا تكلمت مع بنتي وبصراحه حسيت بنتي بشقى
ولا اشوفك إللي تودي وتجيب فيها
كنها ماتزوجت ولاطلعت منا للحين احنا ملزومين فيها
لكن اذا انت تبها وشاريها خليتها تكلمك وانت تقنعها
بس انا مابقنعها بشئ هذي حياتها وهي تراهي قالت لي يبه خلاص ابي ارجع لكم
وانا مابرد بنتي pb189

يقول ابوي يوم قلت له كذا كأني كبيت بوجهه مويه حاره
وصار يبرر ويترجى ووشو
وماتوصل لكذا

قاله ابوي اجل بعد يومين تعال وتشوفها وتتكلمون براحتكم
من طلع من عند ابوي وهو يدق لي ويرسل مسجات
وتكفين وماتوقعتك كذا

بصراحه توقعت ردة فعله تكون عكس إللي صار:)

بس ابدا مارديت عليه قلت انتظر لحد اشوفه وخله يحترق شوي بعد pb034

بنفس اليوم حكيت لبنت عمتي إللي صار
لبى قلبها قالت دام ناويه ترجعين وتتغيرين 180 درجه اجل غيري شكلك من ألحين
حتى يشوف وحده ثانيه

فعلاااا قصيت شعري وصبغت ومع بعض التغيرات شوي عكس ع نفسيتي وحسيت فعلا انتي متغيره من جوا >>عامل نفسي:D

جانا وشفته وتركنا ابوي لحالنا وكان اول مره يعلق ع شكلي كنه اول مره يشوفني
وحكينا وكنت مصره واحاول اخليه يفهم اني خلاص مليت ماعاد اصبر
ووعدني يتغير ويسوي إللي ابي

اعطيته شروطي
اولها طلعاته العصر للمغرب يلعب كوره والعشاء لحد2 يسهر باستراحه
قلت له يتنازل ويترك وحده وقلت لو تترك حقت الليل احسن لاني اخاف بروحي بالليل
ووعدني يتركها وقال بعد مابعلب كوره pb036 بس قلت لا عادي الكوره رياضه
يعنني تراني قنوعه

وثاني شغله كل 3 اسابيع يجيبني للرياض يومين
وهو بنفسه يوديني سوق واقضي اشغالي ومشاويري واسلم ع اهلي

وثالث شغله ياخذ لي شقه بالرياض
لان مو كل ماجيت للرياض تتركني عند اهلي
ووعدني كل 3 اسابيع واسبوعين يجيبني ويسكني باوتيل يقول الشقه لا بتتوصخ ماله داعي تجين وتنظفينpb036
>>سبحان إللي يغير ولايتغير

ورابع شغله مصروووووووفي
قلت له ابي ألفينpb034 ولاتعطيني غيرهم إلا بالمناسبات
او ألف بس بشرط اذا بتسوق هو يسدد لي ماله دخل بألفي خخخخ

ورضى بالألفpb036

وخامس شغله يعوض لي سفرتي
ووعدني بشهر 12 هجري او 11 يسفرني

واخيرا الصلاة بالمسجد مايخليها مو يصلي بالبيت
ونبهته ان هالشغله ماقلتها لأبوي لان ابوي اذا درا بيوقف هنا ولابيشاورني ولا بيشاورك
<<يقالي اخوفه pb094pb027

وتراضينا ورجعت معه
بس مارجعت نفس اول لاااا
رجعت وحده ثانيه
اشغلت وقتي باشياء كثيررر وجبت لي كتب روايات وتحليل شخصيات وغيره
واشغلت نفسي فيها
او ع النت والمسن
او بالايفون واللعب

صرت مااطبخ كثيرر ولا انظف كثيرر
كنت اقوله تعبانه يقولي خلاص بجيب خدامة اهلي
او يحاكي اهله ارسلو لنا اكل
انا تغيرت بقوووه
وهو بعد صاااار واااحد ثااااااني
اول يهاوش لو مااطبخ او لو طبخت وماطلع حلو
ويهاوش لو فيه شئ مو مرتب

ألحين صاير يقولي لاتشتغلين ولاتسوين لاتخرب يدينك من الصابون بيجي العيد pb036:eek:

وطبعا انا مطنشته مو مثل اول
وصار يقولي شكلنا محسودينpb036
انتي متغيره pb036 اكييييد حسدوكpb036

ياسبحان الله يوم كنت اركض وراه كان ساحب علي بقوووه
يوم قلبت وصرت اسحب عليه صرت بيده زبده لاتميعين pb036

ومن جيت للحين مغرقني هدايا وحلق الماس وفساتينpb036 صار يعرف وذوقه حلو
وصار يقرق ويحكي ويمزح ويضحك ويستهبل

ياسبحان الله


عاد ألحين مدري اجلس ع تغيري لانه يوم سحبت عليه لصق فيني
او ارجع حليوه بس اخاف يرجع هو يسحب علي


بجد احترت
وماعاد عرفت وانا كذا الحمدلله مبسوطه وان شاء الله مايتغير
وتراه خلاص طلع من قطة الاستراحه يعني يبقى لنا 10000
وخلاص وعدني يترك العماله وتأشيراتهم


واخيرا من كل قلبي دعواتي وشكري لكل من دعى لي ووقف معي
لان بجد بجد لولا الله ثم انتوا ونصايحكم ودعواتكم لي كان ماصار إللي صار وتغيرت حياتي
bp039bp039bp039bp039bp039bp039bp039

طآغية ملآمح
23-07-2011, 03:08 AM
عسساه دوم يارب مررة حلو وكويس :D

لاخليكي زي ما انتي الرجال محد يديهم وجه لالينه فتعصري ولا صلبه فتكسري يعني يوم مررة دلع

و10 احرميه وهكذا لاتكوني طيبه مره خليكي زي ما انتي والله يسخركم لبعض pb094pb189

حرم ميسوو
23-07-2011, 03:08 AM
ماشاء الله يا نوفاا ماشاء الله .. الف الف مبروووك يا قلبي رجعتك ..

مبسوطة لك مررررة .. الله يسعدك

شوفي لا تهملين مررة في أمور بيتك و تنسفين شخصيتك السابقة .. خوذي من شخصيتك السابقة اللي في مصلحتك .. مثل الطبخ و التنظيف .. خليه يحس انك قد المسؤولية ... خليه يحس ان الخلل كان في شخصيته السابقة مو في شخصيتك أنتي ..

وصار يقولي شكلنا محسودين
انتي متغيره اكييييد حسدوك
و قولي له يا زين الحسد اذا كان كذا خخخخخخ


الله يديم عليكم يااارب

~نوفا~
23-07-2011, 03:29 AM
7
7
تسلمون ربي يسعدكم

والله للحين مستغربه ابدا ابدا ولاجاء على بالي انه بيتغير كذا
وجد ماكنت طماعه انه يتغير لهالدرجه
بس الحمدلله ان شاء الله ربي عوض صبري
بس معقوله اول انا كنت غلط لهالدرجه من تغيره!!!

مادري احس فيه شئ للحين مافهمته
او اني مافهمت شخصيته ابدا

بس مو مهم كل هذا

الاهم عندي ان يظل كذا على طوووووووول
اللهم لك الحمد والشكر

آقدع نآس
23-07-2011, 03:42 AM
قسم برب الكعبه اني انبسطت لك مرآآآآآآآ مرآآ
والله لو قدامي كان حضنتك والله
مبروووووووووووووووووووووووووووووووك مبروك مبروك مبروك
الله يسعدكم ويهدي سركم ولا يفرق مابينكم
صحيح صبرتي ونلتي بالاخير تعبك جا بفايده
تغير جذري الله يديمه عليك
ويبعد عنكم اي عين
نصيحه جددو هالشي بأنكم تروحون عمره مع بعض
وتبدون من جديد
كن زواجكم كان اليوم
وبعد فتره سوي احتفال بينك وبينه بالبيت وألبسي احلى لبس وتكخشي وسوي مفاجآت
وسوي كل شي
الله يجعله عاشق لك ميت فيك هايم وميت شوق عليك
يآآآآآآرب آآآآآآآآآآآآمين

براه طفوله
23-07-2011, 03:57 AM
من جد فرحت لك pb189
الله يتمم عليه ويسخر لك يارب
وابتلي على وضعك دامك مرتاحه pb189

مجروحه وأكآبر
23-07-2011, 04:00 AM
بعععععععد قلبي يآنوفآ , والله فرححححححت لك فرحة لا توصف :sm5:pb189pb189pb189

أقرا والإبتسامة شآقّة خشتي pb027 -> من زود الفرحة يعني ذذ

ياحححححلوك والله , آيه كفو إبتلي كذاا . .

بس عاد لا تهملين الطبخ والتنظيف , صيري قد المسؤليه , وزي مايلبّى رغباتك لبّي رغباته بس مو تزودين الإهتمام فيه عشان مايرجع زي أول pb027

والله يووووفقكم ويتمم بينكم ويهنيكم يارب pb189pb189

كل ما أتمناه " حياااة سعيدة لك pb189pb094 "

بروق ورعود
23-07-2011, 04:20 AM
بما ان الامور رجعت لاحلا من مجراها ماشالله pb189

وبما انك محتاره هل تستمرين !!

انتي اسنه اللي راحت ماكنتي فاهمه لطبيعة زوجك والحين انكشفت طبيعته نصيحتي لك استمري على وضعك ..الرجال انواع سبحان الله :D

الزواج كذا مثل الحبل اذا هو شد انتي ارخي واذا هو ارخي انتي شدي

اتمنى ان باقي البنات يستفيدون من قصتك وبالتوفيق يارب pb189

حرم ميسوو
23-07-2011, 04:20 AM
7
7
تسلمون ربي يسعدكم

والله للحين مستغربه ابدا ابدا ولاجاء على بالي انه بيتغير كذا
وجد ماكنت طماعه انه يتغير لهالدرجه
بس الحمدلله ان شاء الله ربي عوض صبري
بس معقوله اول انا كنت غلط لهالدرجه من تغيره!!!

مادري احس فيه شئ للحين مافهمته
او اني مافهمت شخصيته ابدا

بس مو مهم كل هذا

الاهم عندي ان يظل كذا على طوووووووول
اللهم لك الحمد والشكر

لا يا حبي لك .. ما كنتي غلط .. كنتي صح و تحاولين قد ما تقدرين عشان تصححين الوضع ..

هو كان بغفلة و يوم اشتكيتي لأهلك و خصوصاً ابوك .. كأنك اعطيتيه كف و خليتيه يصحي من غفلته .. و ينتبه لنفسه و لك و حياته الزوجية ..

الله يديم عليكم يارب و يرزقكم الذرية الصالحة البارة .. و اشكري الله كل وقت و كل حين .. ألا بالشكر تدوم النعم pb189

ياشايل الظبي
23-07-2011, 06:35 PM
شوفى وانا اختج
انتى مره .. والمره تحس بفطرتها الرجال يبيها ولا مايبيها
اجلسي عند اهلج لين يجى يراضيج .. واتركى حركات المسجات والهدايا اللى طالعه نازله على غير سنع
جا ابو الشباب وبغى يرجعك .. قوليله كل اللى فى خاطرك .. تبين مصرف .. تبين تمشين .. تبين اغراض لبيتج
وحالت التقشف اللى انتى معيشه نفسج فيها علشان سي السيد مالها داعى .. اشترى لنفسج واهدى نفسج .. وحبي نفسج وهو بقلعه وادرين ..
اشوفج جايه كلج .. ومعطيته اكبر من قدره .. اوكى زوجج بس من عزج عزيه
هذى رايي وانتبهى على نفسج

افا بس
23-07-2011, 08:53 PM
صرت مااطبخ كثيرر ولا انظف كثيرر
كنت اقوله تعبانه يقولي خلاص بجيب خدامة اهلي
او يحاكي اهله ارسلو لنا اكل
انا تغيرت بقوووه
وهو بعد صاااار واااحد ثااااااني
اول يهاوش لو مااطبخ او لو طبخت وماطلع حلو
ويهاوش لو فيه شئ مو مرتب

ألحين صاير يقولي لاتشتغلين ولاتسوين لاتخرب يدينك من الصابون بيجي العيد

وطبعا انا مطنشته مو مثل اول
وصار يقولي شكلنا محسودين
انتي متغيره اكييييد حسدوك

ياسبحان الله يوم كنت اركض وراه كان ساحب علي بقوووه
يوم قلبت وصرت اسحب عليه صرت بيده زبده لاتميعين

ومن جيت للحين مغرقني هدايا وحلق الماس وفساتين صار يعرف وذوقه حلو
وصار يقرق ويحكي ويمزح ويضحك ويستهبل
هههههههههههههه تعبنا نقولكم هم كذا..ما يجون الابكذا.pb071.ويجيك من يخربط ويقول الرجال طفل دلعيه.pb036.سوي اللي يبي..تنازلي...واخرتها ساحب ومطنش وحاقر ومهمل..pb034
هذا هو الصح..بس لاتبالغين..خليك على ما انتي عليه...وربي يسخره لك ويتمي به على هالحالbp039

أسمـــاء
24-07-2011, 05:07 AM
الله يديم عليكم وصدقيني الرجال ماينفع معاهم الى كذا لاتسكتين له عن تجربه كفوا والله

قوقلها
24-07-2011, 05:48 AM
ياقلبيي انتي مشاء الله عليتس ماقصرتي في حقه وحظه الي خذتس وصدق مايستاهلتس

شوفي حبيبتي الطلاق لا تفكرين فيه شيليه من راستس هذا حل يبيه الشيطان بس

زوجتس هذا انا لو مكانتس اشوف منه التصرفات هذي اجرب طريقة الزعل منه اجلسي عند اهلتس فتره ارفضي الرجوع معه ذكريه بعيوبه واصري ع عدم الرجوع بسهوله خلي الوالد ينبهه يمكن انه من الناس الي تستغل وهو مستغل طيبتتس وسكوتتس والصراحه تصرفاته ماينسكت عننها حسسيه انتس مو سهله عشان يسوي فيتس كذا ازعلي عطي ظهرتس وشوفي وش ردة فعله من ردة فعله بتعرفين فعلا هو وش معدنه

والله يوفقتس ويسمح امرتس ويجمع بينكم ع خيير

بيكنج بودر
24-07-2011, 06:18 AM
...

بيكنج بودر
24-07-2011, 06:34 AM
ياحياتي انتي :(
انا ما اقدر اقول لك تطلقي منه او لا تطلقين هذا شي يرجع لك تقدرين تحملين وتحاولين معه كم مره عشان يتغير
عندك هالعزيمه او لا bp039
بس قبل كل شي أنتي خليك قويه..لا تسكتين قولي كل اللي تبينه اي شي يقوله وهو غير صحيح ردي قولي اللي في قلبك وقوليه وانتي واثقه من نفسك bp039
.. يمكن خوفك منه هو اللي مخليه يعاملك بهالطريقه .. خليك صارمه دافعي عن نفسك ولو شفتي ان هالاسلوب مايمشي معه خفيّ شوي عشان ماتكبر السالفه pb189
جربي انك تسوين له كل شي بس بدون ماتتكلمين معه خليك ثقل او بمعنى اصح عيشي الامبالاة معه !!!!!!! :)
يمكن يحس شوي بـ اللي يسويه معك .. حاولي تناقشينه قولي له .. ليه تعالمني بهالطريقه غلطت معك بشي قصرت بشي .. هالشي اللي تسويه مايرضي رب العالمين pb189
حاولي تستدرجينه بالحكيَ يمكن يطلع معه شي ويقول لك .,
ذكريه بـ عقوبة تارك الصلاة .. بـ اللي يأخرها بدون اي سبب !! بـ صلاة الجمعه ووجوبها وحرص الرسول عليها bp039pb189
حاولي تستعملين معه اسلوب التأثير لعلى وعسى يتأثر شويّ .. يمكن مايوضح لك يمكن يبين انه مو مهتم وهالكلامbp039
ما اثر فيه لاكن استمريّ بالكلام ماتدرين عن جوا وشلون :)
اهم شيّ خلييييك قويه..لاتبينين له خوفك ابد ابد ابد حتى لو بالحقيقه انتي خايفه حاولي تكتمين هالخوف جواك pb189
واقنعي نفسك وش بيسوي لي ., انا مو لعبه بـ يدينه انا بنت ناس يمكن هالكلام يقويك شوي ..,
أدعي أدعي أدعي والله الدعاء مافيه مثله bp039
ربك ثم الناسس :( ربي قريب يجيب دعوة الداعي اذا دعاه ينزل بـ ثلث ويقول هل من تائب فاغفر له pb189
وهل من سائل فاعطيه وهل من داعي فاستجيب له انتي تخيلتي بس من ينزل ويسأل :(
والله توضي وافرشي سجادتك وصلي ركعتين وادعي ربك ان الله يهديه ويبدل حاله من حال لحال افضل باذن الله
والله قادر مافيه شي صعب بس لحي بدعاء اخشعي لا تقومين الا وانتي قايله كل شي بقلبك لله سبحانه :):sm5:pb189
كل شي في قلبك مو مهم الكلام مرتب ربي فاهم مافي الصدور ... استغفري والله الاستغفار فضله بعد عظيم سوي سيرش بقوقل شوفي اللي زوجها مبهذلها وتغير معها 180 درجه واللي ماتجيب عيال وجابت pb189
يعني اشياء جدا بـسيطه تجعل حياتنا جميله ...
انتي لا تفقدين الامل وحاولي وحاولي وأحسني الظن بالله .. قولي بإذن الله بيتغير بإذن الله بيصير أحسن

.. اهم شي لاتحملين لا تحملين ... ,, خلي هالشي بعدين
توكلي على الله وجربي الحلول , ولا تستعجلين على الطلاق
وبإذن الله كلنا معك وكلنا بندعيلك وانا اولهم
الله يعينك ويسخر لك زوجك ويبدله حاله من حال الى حال افضل يارب العالمين
الصبر ثم الصبر ثم الصبر
(وبشر الصابرين) ,,
bp039pb189pb189
مرتين أكتب مشاركه وبالغلط انتقل لصفحه ثانيه وارجع أكتب :(!
بس يالله ان شاء الله مايروح هباءً منثوراً وينفع به يارب .. وتجين تبشرينا بالخير
الله يسعدك دنيا واخرهـ يَ رررب pb189pb189pb189pb189pb189


أهم شي ماقريت ردك بالاخير وانك تبشرينا انه تغيررررررررررر ياررررررررررررب يارب يارب يارب يارب يارب لك الحمد الله

الله يثبتـــــــــــه يارب ولا يتغير
الله لايغير عليكم pb189pb189pb189

ماشاء الله تبارك الله pb189pb189
ربي عوض صبرررررررررررررك pb189pb189pb189pb189

.. الله يسخركم لبعض يارب ولايغير عليكم pb189pb189pb189:sm12:

معليش ماحذفت ردي الاول متحسفه بـ اللي كتبته تعبببببت ينحذف كم مره وارجع أكتب pb094

., يالله يهون التعب بعد هالبشاره pb094bp039pb189

L7n~aLmFar8
24-07-2011, 07:44 AM
ياسبحان الله يوم كنت اركض وراه كان ساحب علي بقوووه
يوم قلبت وصرت اسحب عليه صرت بيده زبده لاتميعين
ههههههههههههه ياربااه
دنيا عجيبه pb027:sm5:
ياحبيلك انتي وزوجك اللي ودي اكفخه pb027
الف مبروك والله يديم هالسعاده يارب
صبرتي ونلتي الحمد لله bp039
وربي فرحت لك bp039

سارة3
24-07-2011, 07:57 AM
هذي مشكلة بعض العيال لين جوا يتزوجون انوااااااااااع النصب بنقل بنقل بنقل للرياض بس عشان يتملك عالبنت بعدين يورطها ومايكون قدامها الا الطلاق حسبي الله عليهم ..

شمس البرغش
24-07-2011, 09:46 AM
فرحت لك وربي
فيه كثير ردود عجبتني حلووو تشوف تفكير عقلاني و راقي من بني صلبك :)

و ما شاء الله يغير الله من حال إلى حال .. الله يتمم عليكم
ماعندي خلفيات كثير
هوو ششي واحد من بديت مشكلتك لين خلصتها يقرقع بقلبي
أبييييك تقرين كتاب " الرجال من المريخ , النساء من الزهره "
والله ماعندي نية أرد بس حبيت أفيدك
أشتري 2 لك و له
ممــآآآراح تندمين بيفيدك أكثر من أي شي

و الله يسعدك دوووم
:)

بروق ورعود
25-07-2011, 03:31 AM
هههههههههههههه تعبنا نقولكم هم كذا..ما يجون الابكذا.pb071.ويجيك من يخربط ويقول الرجال طفل دلعيه.pb036.سوي اللي يبي..تنازلي...واخرتها ساحب ومطنش وحاقر ومهمل..pb034
هذا هو الصح..بس لاتبالغين..خليك على ما انتي عليه...وربي يسخره لك ويتمي به على هالحالbp039

الله يديم عليكم وصدقيني الرجال ماينفع معاهم الى كذا لاتسكتين له عن تجربه كفوا والله

الرجال انواع ياحلوات :Dpb189

ماتنقدر نعمم قاعده واحده على الازواج

عن تجربه زي مافيه رجال يلزق فيك اذا سحبتي عليه

فيه رجال يسحب عليك اذا سحبتي عليك ويقرب من اذا قربتي منه

بعضهم العلاقه معه تكون عكسيه والبعض العلاقه معه تكون طرديه

(كلامي هذا خوفا من ان المقدمات على الزواج يحطون في بالهم منطق غلط )

طاسه مقلوبه
25-07-2011, 03:56 AM
شوووفي ياقلبي الرجال اذا طنشيه حاول يرضيك ويتقرب لك
اما اذا حاولتي ترضينه وخليتي نفسك ع المكشووف ماراح يهتم لك
خليك غااامضه واثقلي شوي


وكثري الاستغفار وراح بصير خاااتم



الله يسخره لك ق1

الحلا كلوه
25-07-2011, 11:06 AM
سلآم..
بقولكـ نصيحه .
خليه يطلق قبل ماتجيبي عيال ولا ماصارت يروح العصر ويجي الفجر !!!!!!!!!!!
حتى أهلكـ مايوديكي لهم ومخليكي طفشااانه وزهقااانه
كيف صبررررتي سنه كـآمله وشهرر!
ولآطـول حياتكـ رآح تكوني معه لايوديكي لأهلكـ ولا تطلعي وزهقانه وطفشانه !ّ!!!!!!!!!!!َ
خليه يطلقك يأختي !!
وماشاوركـ باي شي والفلوس الي اعطاهم ابوه ولا شاااااورررررررررك !؟!؟
انا بس ابي اعرف كيييييييف صبررررتي ؟
انا لو مكانكـ كـآن تطلقت منه من زمـآن !!
..
تحيتي
الحلآ كـلـووهـ

ECSTASY
25-07-2011, 11:15 AM
ههههههههههههههههههه

بعض الرجال اذا طنشتيه يجيك على وجهه pb027

زين بديتي تعرفين لزوجك

الله يسخركم لبعض ياربّ

البــــــدر™
26-07-2011, 03:27 AM
عدلت ردي بعد ما قرأت تتمة القصة...
ياليتك مبينين في العنوان عشان الواحد مايتعجل الرد...

عموما بالتوفيق والله يستر عليكم دنيا وآخرة ويتمم عليكم على خير...

نجمـــة
26-07-2011, 04:21 AM
ماشاالله يانووووووفا
ولله فرحت لك الله يتمم عليك ياااارب
وعقبال هاللي عندي فيه من صفاته كثير تكتني العبره وانا اقرأ بمشكلتك بعد احمدي ربك واشكريه انه مو راعي بنات
موفقه بإذن الله ودعووووواااااتك لي ربي يسخر لي زوجي

روح الوتين
26-07-2011, 05:12 AM
أحس فيه فجوة بينكم .. سببها انعدام الصراحة بينكم ..!
بما إنك عند أهلك الآن .. ممكن إذا جاء ياخذك اجلسي معه قبل لاتطلعين من بيت أهلك
صارحيه بكل شي ..
قولي له انك تنحرجين من أهلك بـ كذا وكذا وكذا ...
قولي له إن الوضع تعبك في كذا ووو ....
ولاتطلعون من نقاشكم هذا بخلاص ومايصير الا كل خير ..! هذا مجرد كلام مايغير شي !
اتفقوا على كل الأمور اللي مضايقتك .. وأوجدوا لها حل
وربي يفرجها عليكم وييسر أموركم ..

نصيحة :
لاتفكرين بالطلاق الآن .. مافيه حياة تخلو من المشاكل
ومشكلتك ماتعتبر شي كبير بالنسبة لغيرك !

سموتيز
26-07-2011, 05:27 AM
اخواتي العزيزات
اولا نحمد الله على ان الامور اصبحت جيده وعلى مايرام بين الاخت نوفا وزوجها
ثانيا/ الاحظ على غالبيتكم انكم تقولون ان الرجال مايصلح معه الا الشده واسحبي عليه يجي
لاتحسبون ان الرجاجيل واحد
لاتحسبون ان الرجاجيل واحد
لاتحسبون ان الرجاجيل واحد
لاتحسبون ان الرجاجيل واحد

انا ماابغى ان هالتفكير اللي تفكرون فيه يكون شي اساسي في عقل اي فتاة متزوجه او مقبله على الزواج
وانا مااقول ان اللي تقولونه غلط لكن مع بعض الرجال يصلح تسوونه ومع بعضهم لا

اسأل الله لكم التوفيق في حياتكم

سماسم 07
26-07-2011, 05:35 AM
بس حبيت أقولك على شغلة
انك تراعي حالة زوجك المادية وتحرمي نفسك وتعيشي في فقر
وهو عنده خير ويصرفك لا
هذي أكبر غلطة
انتي ابدي تدريجيا
قولي أبغى السوق وأصري ولمن تنزلي قضي لك على خفيف
يوم ثاني قولي مشتهية أتعشى في المطعم الفلاني
وانتي اعزميه أول مره
لكن بعدها بفترة أجبريه انه يعزمك واستغلي المناسبات
صدقيني لو مشيتي على نفس النظام هذا ممكن يصير راتبه فوق 20 ولا يرضى
يعطيك ألف على بعضها ليه؟ لأنه مو متعود
أنا ماأقصد انه تستنزفيه وتطفشيه
بس خليك دايما حاطة بباله انك محتاجة شغلات
وانك بين فترة وفترة تمسك معك على أشياء وطلعات ومشاوير
وبالنسبة لروحة الرياض طبعا ماألومك حاسة فيك وكيف العيشة وتضيق
أخلاقك لأنك ماتشوفين أي مخلوق لفترة طويلة وتتمني تخرجي الشارع تشمي
هوا وترجعي أو تروحي للبقالة كعابي أشاطرك عزيزتي نفس الأمنيات :)
تفاءلي وحاولي تستخدمي أسلوب سهل بس يكون بعييييييييييييد عن العناد والتحدي
خليك مرنة شوية وفي نفس الوقت ذكية
اذا رحتي الرياض ابحثي من قبل عن أماكن بأسعار كويسة وأحرجيه
نبغى نستأجر محتاجة الغرض الفلاني ، وأهلي شكلهم مشغولين مايمدينا نروحلهم
وكذا ، لمن يكون كل شيء على أهلك حيكون هوا مرتاح بس انتي حتتعبي بعدين
ابدأي مسكيه المسؤوليات حبة حبة
بخصوص الموية طبعا انتي اطلب موية بس على قدك وهو راجع ذكريه بالمويه
واذا ماجاب خلالاص لاتسوي غداء ولا شيء حطيه قدام الأمر الواقع

بعدين لمن تقولي أحسه مهملني ومايشاركني ياقمرر انتي دخلي نفسك غصب
وفهميه انه لازم يشاورك طبعا بالهداوة وحاولي تفهميه انه مشاورته لك مهمه
وتفرق معك وانه يكبر في عينك لمن تشوفينه يستشيرك
ووقفي اهتمامك فيه طنشية لفترة ، خليك بعيدة عنه عاطفيا انشغلي بأي شيء يملي يومك كله
أي هواية ، وهو حيرجعلك ان شاءالله

سنين آلٌزعٌآمه♥
26-07-2011, 05:41 AM
اوما زوجك ذذذا استغفر الله بس



الله يصصبرك عليه ,, اكره مالي الرجال اللي كذذذا



مااقول الا الله يصبرك بس

Rb3 al-dnea
27-07-2011, 12:22 AM
شوفي يا قلب ..
يمكن يكون كلام بعض العضوات صح ومايشوفون ان في غلط بحياتك ..
الا انا اختلف معهم .. انت تحسينها غلط لان هذا مو اللبيئه الي انت طلعتي منها ولا هذ الي كنت تشوفينه حاواليك ..
يعني باختصا انت مصدومه بحياتك ..
انت حاولي تغيرين الوضع حولك افرضي عليه الاشياء الي تبغين بطريقه حلوه ..
مثلا قوليله لاتتاخر يوم العيد بنسوي حفله ولاتنسى الهديه .. قوليها بمزح pb189
وحتى لو ماجاب ازعلي عليه ..
وادعي ربك ان يصبحه يارب (F)

شُمـوخْ
27-07-2011, 02:34 AM
الله يتمم لك على خير..
يعطيكم العافيه يارب


مُغلق pb189