PDA

عرض كامل الموضوع : المؤسسة العامة للتأمينات الإجتماعية


صفحة : [1] 2 3

التنفيذي
07-03-2011, 01:46 AM
بســـــم اللـــه الرحمــــن الرحيــــم

أللي أبغى أتكلم عنه مرتبط بمؤسسة حكومية لا تتمتع بشعبية كبيرة لدى الناس, البعض يراها من زاوية أنها جهة جباية لما تقتطع جزء من مدخوله الشهري, و البعض الأخر يراها ظالمة من ناحية التعويضات اللي تقدمها لمستفيديها و الأخرون يرونها عائقا أمام تطوير أعمالهم لكونها جهة رقابية على تطبيق أنظمة السعودة في البلد, اللي أتكلم عنها هي المؤسسة العامة للتأمينات الإجتماعية:
http://www.vb.eqla3.com/attachment.php?attachmentid=632163&stc=1&d=1299454544
المؤسسة العامة للتأمينات الإجتماعية هي أحدى المؤسسات العامة بالدولة و تتبع إدارياً لوزارة العمل و يرأس مجلس إدارتها وزير العمل, تأسست في محرم 1393 هـ لتطبيق أنظمة التأمينات الإجتماعية من تحصيل الإشتراكات و صرف التعويضات المالية للمشتركين في حالة تقاعدهم أو إصابات العمل و صرف التعويضات المالية كذلك لورثة المشترك بعد وفاته.

نظام المؤسسة يقوم على العناية بالمشتركين و أصحاب العمل على حد سواء في سبيل تحقيق الحياة الكريمة لهم و شعار التأمينات يرمز إلى ذلك حيث أن الخط البيج يرمز إلى أصحاب العمل و الخطين الخضر يرمزون إلى فرع المعاشات و فرع الأخطار و أن إلتفافهم حول بعضهم البعض يرمز إلى العلاقة التكاملية بينهم و أن المؤسسة ما وضعت إلا لرعاية مصالحهم.
من هذا التمهيد بحاول أني أركز على أهم الأجزاء اللي ممكن تهمنا كأصحاب عمل من حيث الإشتراكات و طريقة دفعها و كموظفي قطاع خاص أو بند الأجور من جهة التعويض المادي من خلال فرعي المعاشات و الأخطار

من ناحية الإشتراكات (لأصحاب المؤسسات و المشاريع):

حسب أنظمة التأمينات تلزم أي مؤسسة أو شركة لديها عامل أو أكثر بتسجيل عامليها بسجلات التأمينات, بحيث يكون لتلك المؤسسة (سواء مؤسسة خاصة أو شركة) سجل خاص بها لدى التأمينات يكون مرجع لعدد العاملين فيها و نوعية النشاط الذي تمارسه و تطبق عليها أنظمة السعودة بحيث أنها ما تقدر أنها تستقدم أي عماله أجنبية من مكتب العمل إلا بسجل من التأمينات أنها حققت نسبة السعودة المطلوبة في أعمالها و أنها سددت جميع مستحقاتها للتأمينات.

و لدى كل مكتب تأمينات من المكاتب المنتشرة في أنحاء البلد إدارة تسمى بإدارة التفتيش و يكون من يعمل فيها معد إعداد كامل لمراقبة تنفيذ الأنظمة في المؤسسات الخاصة و تقوم بالفصل بالخلافات و الشكاوي المرتبطة بين المشترك و أصحاب العمل.

هناك نوعين من الإشتراكات يتم دفعها للمؤسسة و كل منهما مختص بفرع من فروع التأمينات اللي شرحناها سابقاً و هما
إشتراك فرع المعاشات ( و هو مرتبط بالسعوديين فقط)
إشتراك فرع الأخطار (و هو مرتبط بالجميع السعودي و غير السعودي)

يفرق النظام بين فئتين من المشتركين:
الفئة الأولى و هي فئة المشترك السعودي:

و هو العامل الذي يحمل الجنسية السعودية و يعمل لدى شركة سعودية داخل المملكة العربية السعودية أو لدى أحد فروعها في خارج المملكة العربية السعودية و يكون مركزها الرئيسي داخل المملكة.
و يلزم صاحب العمل و المشترك بدفع الإشتراك الشهري للمؤسسة بحيث يدفع 18% من مبلغ راتب الإشتراك بالمناصفة بينها (9% من دخل المشترك و 9% من صاحب العمل)

يتكون راتب الإشتراك من الراتب الأساسي + بدل السكن
و قد حددت المادة التاسعة عشرة من نظام التأمينات حدا أعلى للراتب لا يتجاوز 45000 ريال و 1500 حداً أدنى.

الحاجة المهمة اللي ودي أذكرها هنا أن المشترك السعودي له أن يشترك بفرع المعاشات بطريقتين:

الطريقة الإلزامية : 1-
و هي أن يلتحق بعمل رسمي لدى أي مؤسسة خاصة أو لدى بند الأجور بمنشأة حكومية.

الطريقة الاختيارية : 2-
و هي أن يكون المواطن يعمل لمصلحة نفسه كأصحاب المهن الحرة مثل المحامين و أصحاب العيادات الخاصة و يشمل كذلك أصحاب الحرف كالصيادين و المزارعين, وهنا يلزم المشترك بدفع مبلغ 18% من راتب الإشتراك (بصفته العامل و صاحب العمل في آن واحد)
و يمكن كذلك من خلال نظام الإشتراك الإختياري أن يطلب المشترك إلزامياً (بعد تركه للمؤسسة اللي يعمل بها) الإشتراك إختيارياً لإستكمال المدة النظامية و كذلك تحسين راتبه التقاعدي من خلال الإشتراك بشريحة أجور أعلى من أجره الحالي وفقا لجدول شرائح الإشتراك الإختياري لدى المؤسسة.

و يلزم للإشتراك الإختياري تعبئة نموذج الإشتراك الإختياري لدى مكاتب المؤسسة حول المملكة و عمل فحص طبي للتأكد من سلامة المشترك.


شرائح الدخل الشهري التي يتم على أساسها حساب الاشتراكات اختيارياً

http://www.vb.eqla3.com/attachment.php?attachmentid=632164&stc=1&d=1299454544

خـــارج النـــص:

كنصيحة أخوية مني لأخواني و أخواتي المبتعثين و المبتعثات قبل تروحون إلى مقر بعثتكم تقدم إلى أي مكتب من مكاتب التأمينات بطلب إشتراك إختياري بالحد الأدنى من الأجور اللي قيمتة 1200 ريال, بالتالي أنت راح تدفع شهريا مبلغ 216 ريال (1200 * 18%) يعني سنوياً راح 2592 ريال, المبلغ بسيط حاليا لكن راح تحسون بقيمته إذا رجعتوا من بعثاتكم بعد 5 سنوات أنك شريتها لعمرك و فائدتها بأنك أختصرت لنفسك كم سنة من الخدمة الوظيفية.

نجي الحين للفئة الثانية و هم المشتركين غير السعوديين:

كما أنه يحق للمشترك السعودي الإشتراك بفرعي التعويضات و الأخطار المهنية فإن المشترك غير السعودي يحق له فقط الإشتراك (بصفة إلزامية) بفرع الأخطار المهنية و تلزم المؤسسة التي يعمل بها بدفع مبلغ و قدرة 2% من راتب الإشتراك شهرياً و تتحمله المؤسسة فقط دون أن يكون هناك أي إلتزام على الموظف.
و يعرف النظام الأخطار المهنية بأنها أي إصابة تحدث للعامل عندما
يصاب المشترك بحادث أثناء العمل أو بسببه
يصاب المشترك بحادث أثناء تنقله من مقر عمله إلى مقر سكنه أو العكس, ويشمل ذلك تنقله من مقر عمله إلى مكان صلاته أو طعامه.
أي مرض يصاب به المشترك و يكون سببها العمل (كإصابة بعض العاملين بشركات البتروكيماويات بإصابات السرطان حمانا الله و إياكم)

يلتزم المصاب أو من ينوب عنه بإبلاغ صاحب العمل خلال سبعة أيام من تاريخ وقوع الإصابة أو الانتكاسة أو المضاعفة أو اكتشاف المرض.
ويلتزم صاحب العمل أو من ينوب عنه بإبلاغ مكتب المؤسسة عن الإصابات التي لا تكفي لها الإسعافات الأولية خلال ثلاثة أيام من تاريخ إبلاغه أو علمه بوقوع هذه الإصابة.

كخلاصة لطريقة سداد الإشتراك فإن

المشترك السعودي ملزم عن المؤسسة التي يعمل بها بدفع 20% من راتب الإشتراك مقسمة إلى
18% تدفع إلى فرع المعاشات مناصفة بين المشترك و صاحب العمل
2% تدفع إلى فرع الأخطار المهنية يتحمل تكلفتها صاحب العمل فقط عن المشترك السعودي و غير السعودي



يتبع : )

التنفيذي
07-03-2011, 02:15 AM
من ناحية التعويضات المادية (للعاملين السعوديين و غير السعوديين):

أولاً المشترك السعودي:

المشترك السعودي يتحصل على تعويضه المادي من خلال فرع التعويضات من خلال ثلاث طرق:

الطريقة الأولى المعاش التقاعدي:
و هو الراتب الذي يحصل عليه المشترك من خلال:
أ- بلوغ سن ال60 بشرط أن لا تقل مدة الإشتراك عن 10 سنوات للرجال.
و للنساء و الرجال أصحاب المهن الشاقة 55 سنة.
ب- أستيفاء 25 سنة على الأقل من العمل.

تعتمد طريقة حساب الراتب التقاعدي على طريقة متوسط الأجور خلال أخر سنتين أو (24 شهر) عمل و راح يتضح أن متوسط الأجر هو أهم عنصر في حساب الراتب التقاعدي

تطور طريقة حساب المعاش التقاعدي:
كانت التأمينات الإجتماعية تقتطع من الموظفين و العاملين بالقطاع الخاص و بند الأجور السعوديين بنسبة 5% من راتب الإشتراك و ذلك حتى قبل تاريخ 1/1/1422هــ الموافق 1/4/2001 م و كان دراسات المؤسسة تبين أن الموظف يستطيع أن يعمل حتى 50 سنة ( وبذلك يحق له الحصول على راتب كامل) و كانت طريقة حساب الراتب التقاعدي تقوم على هذا المنطق حيث كانت طريقة حساب المعاش التقاعدي كما يلي:

راتب التقاعد= (متوسط الأجورx عدد أشهر الإشتراك) /600 شهر

راتب التقاعد= (متوسط الأجورx عدد سنوات الإشتراك) /50 سنه

إضافة إلى ذلك يضاف إلى راتب التقاعد مبلغ يسمى نسبة المعالين
مبلغ نسبة المعالين = نسبة المعالين X راتب التقاعد

و يكون الراتب التقاعدي الكامل = راتب التقاعد + نسبة المعالين

نسبة المعالين = (10% إذا كان للمشترك معال واحد) أو (15% إذا كان للمشترك معالين) أو (20% إذا كان للمشترك 3 معالين كحد أقصى)

المعالين هم :
الزوجة كانت واحدة أو أكثر
الأبناء حتى سن 21 و بعد ذلك السن يشترط إثبات دراسي حتى سن 26 و البنات حتى يتزوجن
الأم و الأب و إن علو بشرط وجود صك إعالة
الأبن المعاق أو العاجز بموجب تقارير طبية

بحلول العام الهجري 1422هــ تم تعديل المنطق الذي كانت تعمل فيه التأمينات سابقاً و رفع نسبة الإشتراك الشهري إلى 9% من راتب الإشتراك و أعتبار 40 سنة عمل مؤهله للحصول على الراتب الكامل و بذلك تم تعديل طريقة حساب المعاش التقاعدي إلى المعادلة الجديدة

راتب التقاعد= (متوسط الأجورx عدد أشهر الإشتراك) /480 شهر

راتب التقاعد= (متوسط الأجورx عدد سنوات الإشتراك) /40 سنه

و تم إلغاء العمل بنسبة المعالين

مثال:
عادل يعمل لدى شركة خاصة منذ 25 سنة, خلال سنة 1430 كان راتبه الشهري 10,000 ريال و في سنة 2010 أصبح راتبه الشهري 11,000 ريال, في نهاية عام 1431 قرر عادل التقاعد بالتالي الراتب التقاعدي سيكون على النحو التالي

مده الخدمه بالشهور (12 شهر*25 سنه )
متوسط الراتب = (10000*12)+(11000*11)/24=10500 ريال
راتب التقاعد = 10500*300 / 480 شهر =6,562.50 ريال


و في الحقيقة هذه الحسبة مبسطة للغاية و لكن لو جئنا على أرض الواقع فالمؤسسة تلزم المشترك الذي عمل قبل النظام الجديد ( في 1/1/1422هـ) بحساب راتبه بالطريقتين القديمة و الجديدة بحيث
المدة قبل تاريخ 1/1/1422هـ و هي 16 سنة في هذه الحالة تحسب بالطريقة القديمة (تصبح 192 شهر) و المدة بعد تاريخ 1/1/1422 هـ هي 9 سنوات و في هذه الحالة تحسب بالطريقة الجديدة (تصبح 108 شهر) و بالتالي يكون راتب التقاعد كالتالي (إذا فرضنا أن عنده 3 معالين):

راتب التقاعد بالطريقة القديمة = 10,500*192 /600 شهر = 3,360 ريال
مبلغ نسبة المعالين = راتب التقاعد *نسبه المعالين =3,360 * 20% = 672 ريال
راتب التقاعد بالطريقة الجديدة = 10,500*108 /480شهر = 2,362.50 ريال


عند ذلك يكون إجمالي الراتب التقاعدي المستحق = الراتب بالطريقة القديمة + مبلغ نسبة المعالين + الراتب بالطريقة الجديدة = 3,360 + 672 + 2,362.50 = 6,394.50 ريال

الطريقة الثانية للتعويض المادي هي بطريقة العجز غير المهني:

العجز غير المهني هو أن يتعرض المشترك إلى إصابة أو مرض لا يكون العمل سببها المباشر مثل ديسك الظهر أو الضعف الشديد بالسمع أو البصر و الذي لا يساعده على إتمام مهام عمله بالصورة المطلوبة

يلزم المشترك بإثبات العجز الغير مهني بموجب تقارير طبية يتم تقديمها لدى اللجنة الطبية بمكتب التأمينات بالمنطقة و متى ما تمت الموافقة على الطلب و إعتبار إصابة المشترك عجزاً غير مهنيا فأنه يصرف له راتب عجز غير مهني يحسب بنفس طريقة حساب الراتب التقاعدي.


الطريقة الثالثة للتعويض المادي هي معاش الورثة:

و هذا الراتب هو أكثر راتب مثار للجدل بالمجتمع, يستحق راتب الورثة بمجرد وفاة المشترك سواء كانت وفاته على رأس العمل أو بعد التقاعد, و يدفع الراتب التقاعدي لورثة المشترك الشرعيين بموجب صك حصر الورثة من المحكمة الشرعية
طريقة حساب راتب الورثة بسيطة للغاية:
إذا كان للمشترك وريث واحد فأنه يحصل على (50%) من الراتب التقاعدي للمشترك
إذا كان للمشترك وريثان فأنهما يحصلان على (75%) من الراتب التقاعدي للمشترك
إذا كان للمشترك 3 ورثة أو أكثر فإنهم يحصلون على (100%) من الراتب التقاعدي للمشترك.

و الورثة المعتد بهم في نظام التأمينات هم:
الزوجة كانت واحدة أو أكثر
الأبناء حتى سن 21 و بعد ذلك السن يشترط إثبات دراسي حتى سن 26 و البنات حتى يتزوجن
الأم و الأب و إن علو بشرط وجود صك إعالة
الأبن المعاق أو العاجز بموجب تقارير طبية

و تدفع المؤسسة لورثة المتوفى مبلغ يسمى دفعة وفاة يدفع مرة واحدة فقط عند تقديم طلب الورثة تساوي ثلاث رواتب من قيمة معاش المشترك و بحد أقصى 10,000 ريال على النحو التالي:

إذا كان للمشترك المتوفى وريث واحد فيدفع له مبلغ (50%) من قيمة الدفعة
إذا كان للمشترك المتوفى وريثان فيدفع لهما مبلغ (75%) من قيمة الدفعة
إذا كان للمشترك المتوفى 3 ورثه فأكثر فيدفع لهم مبلغ (100%) من قيمة الدفعة

و كذلك يدفع لبنت المشترك المتوفى (الوريثة) في حالة زواجها مبلغ يسمى منحة زواج لمرة واحدة بما يعادل 18 راتب من نصيبها و من ثم تلغى من سجل الورثة المستحقين.

من الأمور اللي أحب أشير لها أن التأمينات تقدم راتب لورثة المشترك من منطق تكافلي يعتمد على إجراءات و أنظمة إدارية ليس لها إرتباط بالشريعة بالتالي فهو ليس نظام توريث بحيث يحصل أحفاد المشترك على راتب وريث.

الطريقة الرابعة للتعويض تعويض الدفعة الواحدة:
و هذا في حالة عدم توفر الشروط اللازمة لصرف الراتب التقاعدي في الحالات التالية:
1- إذا كان المشترك أنتقل إلى عمل خاضع لنظام التقاعد و كانت خدمته في التأمينات أقل من سنة
2- إذا كان المشترك امرأة (يحق لها طلب دفعة التقاعد في أي وقت ما دامت لم تكمل 25 سنة خدمة أو عمرها أقل من 55 سنة)
3- إذا كان المشترك أسقطت عنه الجنسية السعودية أو صدر بحقه حكم بالسجن لمدة 5 سنوات فأكثر
و يحسب تعويض الدفعة الواحدة كما يلي:
1 – الفترة قبل 1/1/1422 هـ يحسب بواقع (6%) من متوسط الأجور خلال أخر سنتين عن كل شهر إشتراك في الستين شهراً الأولى, ثم بواقع (7%) من الاشهر التي تليها
2 – الفترة بعد 1/1/1422 هـ يحسب بواقع (10%) من متوسط الأجور خلال أخر سنتين عن كل شهر إشتراك في الستين شهراً الأولى, ثم بواقع (12%) من الاشهر التي تليها

التنفيذي
07-03-2011, 02:31 AM
ثانياً المشترك السعودي و غير السعودي:

فرع الأخطار المهنية يتناول تعويض المشترك السعودي و غير السعودي في حال الإصابات أو الأمراض التي يكون السبب فيها العمل بشكل مباشر, كمثال عامل بشركة مخابز يعمل بالفرن و أصيب بحروق جسدية, هذه الإصابة تعد إصابة عمل يتم التعويض عنها مادياً من خلال فرع الأخطار المهنية.

طرق التعويضات النقدية بفرع الأخطار:

الطريقة الأولى البدل اليومي:

إذا أدت الإصابة إلى عجز المصاب مؤقتاً عن العمل في حالة التنويم بالمستشفى أو الإجازة المرضية فإنه يستحق بدلاً يومياً يساوي 100% من الراتب اليومي للمشترك إذا كان المشترك يتعالج على حسابة أو حساب صاحب العمل.

إذا كان المشترك يتعالج على حساب المؤسسة العامة للتأمينات فيصرف له 75% من الراتب اليومي للمشترك.



الطريقة الثانية عائدة العجز المستديم (للسعوديين فقط):

إذا أدت إصابة المشترك إلى حدوث عجز كلي مستديم من خلال تقارير طبية و قرار اللجنة الطبية بمكتب التأمينات فإنه يستحق راتب عائدة يوازي 100% من متوسط راتب المشترك خلال ال3 شهور قبل الإصابة.

في حالات معينة قد يحتاج العاجز إلى مساعدة الغير فيصرف له مبلغ إضافي يسمى (مبلغ معونة الغير) و يساوي 50% من قيمة العائدة بحيث لا تتعدى قيمة العائدة 3500 ريال.

مثال:

محمد سعد مشترك سعودي يعمل لدى أحد الشركات, أصيب بحادث في العمل سبب له إعاقة دائمة و عجز كلي (خلنا نقول شلل كلي أعاذنا الله و إياكم), و كان متوسط راتبه في ال3 شهور الاخيرة قبل الحادث 5000 ريال بالتالي:

راتب عائدة العجز المستديم = 5000 ريال * 100% = 5,000 ريال

و أقرت له اللجنة الطبية أنه يحتاج إلى معونة من الأخرين بالتالي تكون قيمة المعونة كالتالي

معونة الغير = 5000 * 50% = 2,500

كامل قيمة راتب العائدة = 5000 + 2500 = 7,500 ريال

و هذا بالإضافة إلى راتب العجز غير المهني و بالتالي يدفع له راتبان ( راتب العائدة + راتب العجز غير المهني).

أحياناً لا تكون الإصابة شديدة بحيث تسبب عجز كلي و لكن ممكن أن تتسبب في إحداث عجز جزئي بحدود من 50% إلى 99% حسب قرار اللجنة الطبية (مثل تلف بعض أعصاب ذراع العامل بسبب الحرق). في هذه الحالة فهو يستحق راتب عائدة العجز المستديم الجزئي يوازي النسبة التي أقرتها اللجنة الطبية من متوسط راتب العامل خلال ال3 شهور قبل الإصابة.



الطريقة الثالثة التعويض المقطوع للعجز المستديم (للسعودي و غير السعودي):

إذا كانت نسبة العجز تقل عن 50% فإن العامل يدفع له تعويض مقطوع بأحد طريقتين

1 - إذا كان سن المشترك المصاب لا يزيد على 40 سنة فإنه يحصل على تعويض نقدي مقطوع يساوي 60 مرة من العائدة الشهرية (للعجز الكلي) مضروباً في نسبة العجز

قيمة التعويض المقطوع = قيمة العائدة الشهرية للعجز الكلي* نسبة العجز* 60


2 - إذا كان سن المشترك المصاب يزيد على 40 سنة فإنه يحصل على تعويض نقدي مقطوع يساوي (60 – عدد السنوات التي بعد الأربعين) مرة من العائدة الشهرية (للعجز الكلي) مضروباً في نسبة العجز

قيمة التعويض المقطوع = قيمة العائدة الشهرية للعجز الكلي* نسبة العجز* (60 – عدد السنوات بعد الأربعين)


مثال:

كومار يعمل بناء لدى شركة مقاولات , في أحد المواقع سقط من السلم و كسرت ركبته, بفرض أن عمره كان 35 سنة و حدد له قيمة عائدة 2000 ريال و حددت له اللجنة الطبية نسبة عجز 30 %

قيمة التعويض المقطوع = قيمة العائدة الشهرية للعجز الكلي* نسبة العجز* 60
قيمه التعويض المقطوع = 2000*30%*60=36,000 ريال

طيب فرضنا أن كومار هذا عمره 48 سنة بالتالي يكون التعويض

قيمة التعويض المقطوع = قيمة العائدة الشهرية للعجز الكلي* نسبة العجز* (60 – عدد السنوات بعد الأربعين)
قيمه التعويض المقطوع = 2000*30%*60-8=31,200 ريال



الطريقة الرابعة التعويض المقطوع للمشترك غير السعودي:

في حال تعرض المشترك غير السعودي لإصابة عمل فإنه يدفع له تعويض مقطوع بدلا من العائدة على النحو التالي:

إذا أدت الإصابة إلى عجز كلي مستديم (100%) فإن العامل يستحق تعويض مقطوع مقداره 84 مرة من قيمة العائدة التي كان من المفترض حصوله عليها بحد أقصى 330 ألف ريال.

إذا أدت الإصابة إلى عجز جزئي مستديم (من 50% إلى 99%) فإن العامل يستحق تعويض مقطوع مقداره 60 مرة من قيمة العائدة التي كان من المفترض حصوله عليها بحد أقصى 165 ألف ريال.

إذا أدت الإصابة إلى وفاة المشترك المصاب فإن أفراد العائلة يحصلون على تعويض مقطوع مقداره 84 مرة من قيمة العائدة التي كان من المفترض حصوله عليها بحد أقصى 330 ألف ريال يتم توزيعه على أفراد العائلة بالتساوي.


الطريقة الخامسة نفقات تجهيز ونقل الجثمان

تتحمل المؤسسة دفع نفقات تجهيز و نقل جثمان المشترك الذي توفى بسبب إصابة عمل.






مقتطفـــــــات:

نظام تبادل المنافع:
هذا النظام أستحدث العمل فيه في الأول من ذي القعدة 1424 هـ لخدمة موظفي القطاعين العام و الخاص في حفظ حقوقهم و لتحقيق أهداف إستراتيجية أخرى مثل تسهيل حركة الإنتقال بين موظفي القطاع الخاص و القطاع العام و تبادل الخبرات بينهما, رفع معدلات السعودة في القطاع الخاص و دعم خطط الدولة نحو الخصخصة.

و يستفيد من نظام تبادل المنافع أي جميع موظفي القطاع العام و الخاص, و طلب الضم يعتبر إختيارياً و بيد المشترك أن يتقدم بطلب ضم الخدمة أو أن يتنازل عنها بمحض إرادته, و يعطى كل موظف فرصة سنتين للتقدم بطلب الضم من تاريخ إنتقاله بين القطاعين (العام و الخاص) و بعد ذلك يسقط حقه في طلب الضم.

و يتم تقديم طلب الضم لأحد المؤسستين كالتالي:

إذا كانت الوظيفة المنتقل إليها تخضع لنظام التأمينات (قطاع خاص) فيقوم بتقديم طب الضم إلى مصلحة المعاشات و التقاعد.
إذا كانت الوظيفة المنتقل إليها تخضع لنظام التقاعد (قطاع عام) فيقوم بتقديم طب الضم إلى المؤسسة العامة للتأمينات الإجتماعية.

مثال على ذلك:

سعد موظف بوزارة النقل و خدم بتلك الوزارة 10 سنوات, قدم على وكالة الجميح للسيارات فتم قبوله بها و إستقال من عمله الحكومي, بعد أن أستلم وظيفته بالشركة تقدم بطلب ضم خدمته إلى مصلحة المعاشات و التقاعد.

محمد موظف بشركة المراعي و خدم فيها 5 سنوات, بعد ذلك إنتقل إلى وزارة الزراعة و المياه, بعد إستلام وظيفته تقدم بطلب ضم خدمته إلى المؤسسة العامة للتأمينات الإجتماعية

من أهم عيوب هذا النظام أنه يلزمك بإكمال المدة النظامية بالنظام الأخير حتى تتمكن من الإستفادة منه,

بمعنى في وضع سعد بالمثال السابق فمع أنه عمل بوزارة النقل 10 سنوات فهو مضطر للعمل 25 سنة إضافية (كامل المدة النظامية بالتأمينات لإستحقاق التقاعد المبكر) للإستفادة من هذا الضم.
و بالنسبة لوضع محمد فهو الآن يحتاج للعمل 20 سنة إضافية ( كامل المدة النظامية بنظام مصلحة المعاشات و التقاعد) للإستفادة من هذا الضم.


التأمينات الإلكتروني:
http://www.gosi.gov.sa/portal/web/guest/home

من منطلق خدمة المجتمع و تسهيل المعاملات بين المؤسسة العامة للتأمينات الإجتماعية و المتعاملين معها, فإن المؤسسة أستحدثت بوابتها الإلكترونية لتطوير خدماتها و تسريع إنجاز المعاملات, من ضمن تلك الخدمات خدمة السداد الإلكتروني (عن طريق نظام سداد) و خدمة الرسائل النصية القصيرة و خدمات المشترك و المستفيد مثل حساب مدة الخدمة و الراتب التقاعدي المتوقع.

و تفتخر المؤسسة بحصول بوابتها الإلكترونية على جائزة المركز الأول في قياس التحول إلى التعاملات الإلكترونية الحكومية (قياس).
http://www.alriyadh.com/2010/09/28/article563198.html


أخيراً
هذا الشرح يهدف إلى تنوير أعضاء و زوار الإقلاع ببعض أنظمة التأمينات بشكل مبسط و سهل و ليكون مرجع لمعرفه حقوقهم التأمينية التي كفلها لهم النظام.

متجر فيولا
07-03-2011, 02:43 AM
موضوع قيم ومرتب
استفدت منه اشياء كثير
ومعلومات اول مره اعرفها لفائدة الـتأمينات الاجتماعيه والخدمات اللي تقدمها pb189
جزاك الله خير

shining
07-03-2011, 03:00 AM
معجب بالتأمينات الاجتماعية من ايام الجامعة
فكرتها حلوة وتساعد الشخص بنهاية حياته
طيب واللي عاطل ماله تأمين على العطالة :d

GHADA
07-03-2011, 10:28 AM
**

يعطيك ألف عافيه التنفيذي
- الموضوع مخصص لـ الإجابه عن استفساراتكم و اسئلتكم عن التأمينات ردود عن الوظائف او التوظيف بالتأمينات راح تحذف.
- مشاركات من نوع جاوبوني على الخاص ممنوعة ، مافتحنا الموضوع عشان نجمع فيه اسئلة بدون اجابات.


مثبت

Outlook
07-03-2011, 11:16 AM
شكرا لك على موضوعك القيم

ياليت بس حطيت لنا الفوارق بين عمل التامينات و مصلحة التقاعد

إستلكآع
07-03-2011, 11:37 AM
bp039 bp039 bp039


هذا الشرح يهدف إلى تنوير أعضاء و زوار الإقلاع ببعض أنظمة التأمينات بشكل مبسط و سهل و ليكون مرجع لمعرفه حقوقهم التأمينية التي كفلها لهم النظام.
أنار الله بصيرتك pb189 شرح كافي ووافي واستفدت كثير pb189

اخوي الغالي استفسار بالتأكيد يهم الجميع وكثر الحديث عنه في هذه الايام " مع صدور قرار منح العاطلين :D"

لو وجد شخص اسمه مسجل في التأمينات الاجتماعيه علمـاً بانه لم يسبق له العمل لا في قطاع عام او خاص , في هذه الحالة ياليت تتوضح لنا هل له حقوق يفترض يطالب بها ؟ والاجراءات ؟

بربه
10-03-2011, 01:32 AM
ماشاء الله عليك الله لايضرك ويزيدك من علمه

سؤال : العسكري .. هل يستفيد من هالنظام ولايبخس بحقه !! .. لان خبركم بعد التقاعد كيف يروح ابو الراتب .. :(

كتاب مطالعه
12-03-2011, 10:55 AM
طيب الان انا اشتغلت قبل بقطاع خاص وكنت مسجل بالتأمينات وبعدها اتجهت لقطاع حكومي هل اقدر اضيفها بخدمتي الحكومية واستفيد منها او لا

حنين الماضي
12-03-2011, 10:35 PM
الله يعطيكم العافيه

حتى كنت اشتغل بقطاع خااص
وعلى كلامهم ارسلو اوراقي للتامينات الاجتماعيه
بس بعدها الشركه توقفت.....واتوقع ان عليها غرامه او شي زي كذا
لانهم تنتظر مدة التوقيف.....
هل استفيد انا الحين او لا

زبرجد
14-03-2011, 02:34 AM
طيب انا أبي اعرف كم لي بالتأمينات؟؟
لي 8 سنوات وأنا مشتركة فيها وودي اعرف المبلغ ومتى أقدر آستلمة ؟؟

كزهر اللوز..
14-03-2011, 02:46 AM
آحم آحم لحد يسب التأمينات
الوالد موظف هناك مافي دابة تمشي عالارض الا يعرف اصلها وفصلها وكم الخدمة والراتب بعد ! pb095

اللي آستغربه ليه التامينات محل بغض للناس ؟


bp039

فـــاهي
14-03-2011, 06:14 AM
موضوع جميل جدا و فيه أمور كثيرة كانت مو واضحة عندي و عرفتها من هالموضوع.

التنفيذي , , , bp039


اللي آستغربه ليه التامينات محل بغض للناس ؟
bp039
(( بعض )) الناس تقول عطوني فلوسي و أنا أعرف كيف أدخر وأستثمر و هيك. بس أنا أشوف التأمينات ضرورة ملحة و لها تأثير كبير في توازن الاقتصاد والمعيشة لأفراد المجتمع.

كتاب مطالعه
14-03-2011, 07:13 PM
طيب انا أبي اعرف كم لي بالتأمينات؟؟
لي 8 سنوات وأنا مشتركة فيها وودي اعرف المبلغ ومتى أقدر آستلمة ؟؟

سجلي بموقعهم ويطلع لك بيان مفصل بكل شي

Line 220
14-03-2011, 08:49 PM
انا كنت مدرسه بمدرسة أهلية لمدة سنتين وماسجلت بالتأمينات الاجتماعية واصلا يوم سألت المديره عنها ماتعرف وش سالفتها ..

السؤال هنا فيه فرق باللي مسجله بالتأمينات واللي مو مسجله بالديوان ..؟ يعني فيه افضليه من هالناحيه بالتوظيف؟

ASoOoM~
15-03-2011, 07:07 PM
انا تواني مشتركه بنظام التامينات

مو فاهم شي غير انو راتبي نقص وصار ولا راتب حبشيه


هو 1500 اخذوا التامينات 135 الباقي1365


قالو لي كثير الاشتراك بالتامينات تصير لي اولويه بالوظايف هل هذازصدق والي كذب لاني ناويه استقيل :(

فتوشآ المنفوشآ
15-03-2011, 08:16 PM
موضوع ثري جداً ، ربي يعطيك العافية ،
أنا سؤالي /
اشتغلت لمدة 3 شهور في قطاع خاص وبعدها استقلت ،
وقبل استقالتي بشهر تقريبا تم تسجيلي في التأمينات ، وقعت على ورقة من الادارة وأخذت كوبي
منها وبعدها بكم يوم أرسلولي ع الجوال أنو تم تسجيلي في التأمينات .
بعد استقالتي ، شيكت على موقع التأمينات ودخلت السجل المدني وتطلع لي العبارة هذي :
" اسمك مسجل في التأمينات الاجتماعية ، ولكنك حاليا لاتعمل "
هل فيه اجراء او خطوة ممكن اسويها عشان مايأثر بقبولي في وظيفة أخرى مستقبلا ؟
وووشكراً (:

Ṡ ἀ ề ἐ Đ
16-03-2011, 11:26 AM
يعطيك العافية على المعلومات الثرية ....bp039

انا موظف شركة ارامكوا بس مدري ليه ياخذووا منا ما يقارب 11%...pb030

اللى اعرف من زمان وزي ما ذكرت انوو 9% تقريبا ...

هل لسنوات الخدمة حساب اخار فيها ...pb034

عساك على القوة اخوووي ...pb189

كحله وروج
16-03-2011, 10:45 PM
من زمان نفسي اقابل احد عنده خبره في التأمينات عندي سؤال يقرقع بقلبي

انا موظفه بمدرسه اهلية طبعا على كلامهم مسجلينا بالتامينات وينخصم من رواتبنا 135 شهريا لكن ماوصلني شي على الجوال بخصوص الاشتراك ولاحتى رقم اشتراك ؟ وش التفسير في هالحاله

السؤال الثاني بلغونا بالمدرسه ان فلوس التامينات نقدر نسحبهامن التامينات بعد ماينتهي عقدنا معهم
للمعلومية العقد سنه وحده بس ؟ الشي هذا ممكن والا يتفلسفون علينا ؟؟

ويعطيك العافيه موضوع شامل لكن حبيت اعرف رد لاسئلتي

التنفيذي
16-03-2011, 11:31 PM
السلام عليكم و رحمة الله و بركاته

بالبداية أسأل الله أن نكون وفقنا بطرح موضوع يجيب على أغلب أسئلة الأعضاء عن التأمينات بالمنتدى و أشكر جميع اللي مر و قرأ أو علق على هذه المساحة


هاي كواليتي

الله يحفظك و يجزاك بالخير


shining

بالنسبة للتأمين عن العاطلين عن العمل بالأمس فقط أقر مجلس إدارة التأمينات هذا النوع من التأمين

طبعاً كيفية تنفيذ هذا القرار للأن غير معروفة و لعلها تتبين لنا بالأيام القليلة القادمة بأذن الله




أقره مجلس التأمينات أمس برئاسة وزير العمل

استحداث برنامج للتأمين التعاوني للمواطنين العاطلين عن العمل


الرياض - محمد الحسيني

استحدث مجلس إدارة المؤسسة العامة للتأمينات الاجتماعية تأمينا للتعطل عن العمل وقال المجلس ان ذلك يمثل إضافة نوعية متميزة لمنظومة خدمات التأمين الاجتماعي بالمملكة مما يجعلها تقف في مصاف الدول المتقدمة في هذا المجال، جاء ذلك في اجتماع مجلس إدارة المؤسسة الذي عقد صباح أمس برئاسة معالي وزير العمل رئيس مجلس إدارة المؤسسة المهندس/ عادل بن محمد فقيه بمقر الوزارة بالرياض،

وعقب الاجتماع قال محافظ المؤسسة العامة للتأمينات الاجتماعية الأستاذ/ سليمان بن سعد الحميّد بأن المجلس تدارس القرار الملكي الكريم رقم أ/30 وتاريخ 20/3/1432ه القاضي بدراسة نطاق نظام التأمينات الاجتماعية بهدف إحلال العمالة الوطنية بدلاً من الوافدة ومما يمكّن المؤسسة العامة للتأمينات الاجتماعية من وضع برنامج للتأمين التعاوني للمواطنين العاطلين عن العمل، ودعم الباحثين عن العمل لتكون الباكورة الأولى لحزمة من الحوافز والتنظيمات التي ستدعم برنامج السعودة،

وقد ثمن المجلس اللفتة الكريمة من خادم الحرمين الشريفين حفظه الله نحو دعم العاطلين عن العمل والتي تأتي امتداداًً للدعم والرعاية التي يحظى بها قطاع العمل والعاملين من لدن حكومة خادم الحرمين الشريفين، وأشار إلى أن المجلس أكد على أن استحداث تأمين للتعطل عن العمل يمثل إضافة نوعيه متميزة لمنظومة خدمات التأمين الاجتماعي بالمملكة مما يجعلها تقف في مصاف الدول المتقدمة في هذا المجال، وبعد ذلك ناقش المجلس برنامج العمل نحو تنفيذ القرار الملكي الكريم. وبين الحميّد أن المجلس نظر في عدد من المواضيع التأمينية والاستثمارية والإدارية واتخذ بشأنها القرارات اللازمة.



المصدر

http://www.alriyadh.com/2011/03/16/article614066.html


يعطيك العافية


GHADA

أختي غادة شكرا لك، أحب أنوه بأن الموضوع هذا تفاعلي بالدرجة الأولى قبل أن يكون تثقيفي و راح نحاول أننا نوفي بالإجابة على كل أسئلتكم اللي ترتبط بالتأمينات قدر إستطاعتنا



Outlook

حياك الله أخوي


إستلكآع

حياك الله أختي، بالنسبة لسؤالك


لو وجد شخص اسمه مسجل في التأمينات الاجتماعيه علمـاً بانه لم يسبق له العمل لا في قطاع عام او خاص , في هذه الحالة ياليت تتوضح لنا هل له حقوق يفترض يطالب بها ؟ والاجراءات ؟



بالنسبة للتوظيف بأي شركة فأنه يفترض وجود عقد عمل بين العامل (الموظف) و بين الشركة، بالتالي يعتبر هذا العقد وثيقة إثبات للشركة أمام الجهات الرسمية بأن هذا العامل هو موظف عندها بطبيعة الحال.

طيب في حال عدم وجود عقد عمل أو الطعن في صحة عقد العمل فهذا يمثل سبب كافي لإبطال صحة البيانات المقدمة للجهات الرسمية ( و منها التأمينات الإجتماعية).

بالنسبة لسؤالك أختي هل له حقوق يجب أن يطالب بها فأقول لك نعم له حقوق يفترض به المطالبة بها ، أما الإجراءات فيتقدم لإدارة تسمى بإدارة التفتيش بأي مكتب من مكاتب التأمينات (أو القسم النسائي للنساء) بطلب إبطال المدة المسجلة له بمؤسسة معينة (و في حالة ثبوت كذب إدعاء المشترك فإنه معرض لعقوبات رادعة تصل للغرامة و السجن)

إدارة التفتيش بدورها تقوم بإرسال مفتشينها إلى الشركة المشتكى عليها و البحث في صحة الإدعاء المرفوع من المشترك، فإن كانت الشكوى صحيحة فإنه تطبق العقوبات التي نص عليها النظام من الغرامة و المنع من الإستقدام لمدة معينة و تلغى المدة المسجلة للمشترك في هذه الشركة (بالعامية يعني راحت عليه :D ).


إن شاء الله أكون أفدتك بهذه النقطة.



بربه

حياك أختي، العساكر يخضعون لنظام التقاعد العسكري و الذي يتبع لنظام مصلحة المعاشات و التقاعد، بالتالي ليس له إرتباط بنظام التأمينات الإجتماعية.


كتاب مطالعه


هلا أخوي نعم تقدر تضم المدة اللي بالقطاع الخاص لخدمتك بالحكومة بشرطين:

الأول أنها تكون سنة و أكثر
الثاني أن تضم المدة خلال سنتين من الإنتقال كحد أقصى و للتفصيل إرجع للموضوع الأساسي.


بإذن الله لي عودة للبقية شكرا لكم

bp039bp039bp039bp039

شوكولاته غير
17-03-2011, 12:49 PM
عندي سؤال في التأمينات الأجتماعية اذا ممكن ؟

قبل كم سنة كنت مشتركة عندهم لمدة 3 سنوات وقبل فترة سحبت المبلغ ok والحين حصلت عقد مؤقت وسمعت ان الخبرة تنحسب اذا كان المبلغ متوفر عندهم ~ وفي حالة سحبه تررروح الخبرة :(
سؤالي هل اذا رجعت المبلغ اللي سحبته ترجع لي خبرتي عشان تنحسب لي الخبرة بالحكومي ؟ابي شرح مفصل لهالموضوع الله يوفقكم لانه أرقني نفسيآ وفكريآ :(

خزيمة
17-03-2011, 01:20 PM
ياليت احد يثقفنا عن الي يشتغلون في المدارس الاهلية وما تتعدى رواتبهم 1500

كزهر اللوز..
17-03-2011, 09:35 PM
يعطيك العافية على المعلومات الثرية ....bp039

انا موظف شركة ارامكوا بس مدري ليه ياخذووا منا ما يقارب 11%...pb030

اللى اعرف من زمان وزي ما ذكرت انوو 9% تقريبا ...

هل لسنوات الخدمة حساب اخار فيها ...pb034

عساك على القوة اخوووي ...pb189

آستغرب ان في موظفين للحين مش فاهمة نظام التأمينات !

يا آخي العزيز
الجزء المقتطع من الراتب يختلف من راتب لآخر
مثلا اللي راتبه 7000 يقتطع منه 700
واللي راتبه 1000 يقتطع 100

كحله وروج
17-03-2011, 11:06 PM
عندي سؤال في التأمينات الأجتماعية اذا ممكن ؟

قبل كم سنة كنت مشتركة عندهم لمدة 3 سنوات وقبل فترة سحبت المبلغ ok والحين حصلت عقد مؤقت وسمعت ان الخبرة تنحسب اذا كان المبلغ متوفر عندهم ~ وفي حالة سحبه تررروح الخبرة :(
سؤالي هل اذا رجعت المبلغ اللي سحبته ترجع لي خبرتي عشان تنحسب لي الخبرة بالحكومي ؟ابي شرح مفصل لهالموضوع الله يوفقكم لانه أرقني نفسيآ وفكريآ :(


+1

نفس السؤال أيضا

زبرجد
18-03-2011, 12:29 AM
الحين أنا مشتركة بالتأمينات وسألت عن سحب المبلغ

وكيف اعرف كم لي ..طلبو رقمي كمشترك بالتأمينات وللأسف مأعرف :(

شلون احصله لان بطاقة التأمينات موعندي

التنفيذي
18-03-2011, 12:48 AM
السلام عليكم و رحمة الله و بركاته


Outlook

أسف أخوي ما أنتبهت أني ما رديت على سؤالك إلا تو من شوي :D أعذرني

بالنسبة للفرق بين عمل التأمينات و مصلحة التقاعد

التأمينات تغطي العاملين بالقطاع الخاص و العاملين ببند الأجور بالحكومة

أما مصلحة التقاعد فهي تغطي العاملين بالقطاع الحكومي و العسكري


حنين الماضي


إذا الشركة اللي كنت تشتغلي بها لها سجل بالتأمينات فأتوقع أن خدمتك محفوظة ما راحت، الأفضل لك تمري على أحد مكاتب التأمينات تأخذي سجل خدمتك من عندهم أفضل


زبرجد

بالنسبة للإستفسار عن خدمتك فهي ممكنة من طريقتين

الأولى أنك تمري مكتب التأمينات و يعطونك رقم الإشتراك و سجل خدمتك

الثانية أنك تتصلي على الرقم المجاني للتأمينات (8001243344) و منهم تستفسري عن رقم إشتراكك و بعدها تسجلي بالموقع برقم الإشتراك و الموقع راح يحسب لك حقوقك آليا


كزهر اللوز..


فـــاهي

حياكم الله


Line 220


انا كنت مدرسه بمدرسة أهلية لمدة سنتين وماسجلت بالتأمينات الاجتماعية واصلا يوم سألت المديره عنها ماتعرف وش سالفتها ..

السؤال هنا فيه فرق باللي مسجله بالتأمينات واللي مو مسجله بالديوان ..؟ يعني فيه افضليه من هالناحيه بالتوظيف؟

بصراحة أختي ما عندي فكرة عن الإجابة لهالسؤال بس غالب ظني أن ديوان الخدمة المدنية ينظر لشهادة الخبرة من المدرسة و لا ينظر لشهادة التأمينات

يعطيك العافية


ASoOoM~

زي جوابي اللي قبل المهم عند الديوان شهادة الخبرة

حياك الله


فتوشآ المنفوشآ



اشتغلت لمدة 3 شهور في قطاع خاص وبعدها استقلت ،
وقبل استقالتي بشهر تقريبا تم تسجيلي في التأمينات ، وقعت على ورقة من الادارة وأخذت كوبي
منها وبعدها بكم يوم أرسلولي ع الجوال أنو تم تسجيلي في التأمينات .
بعد استقالتي ، شيكت على موقع التأمينات ودخلت السجل المدني وتطلع لي العبارة هذي :
" اسمك مسجل في التأمينات الاجتماعية ، ولكنك حاليا لاتعمل "
هل فيه اجراء او خطوة ممكن اسويها عشان مايأثر بقبولي في وظيفة أخرى مستقبلا ؟
وووشكراً (:


أختي التأمينات ليست جهة تدعم التوظيف مثل وزارة العمل أو صندوق الموارد البشرية هي جهة تختص بتسجيل العاملين بالقطاع الخاص ثم تعويضهم ماديا بعد تركهم العمل فمسألة توظيفك بأي مؤسسة يعتبر موضوع خارج نطاق تخصص التأمينات

يعطيك العافية


Ṡ ἀ ề ἐ Đ


أخوي التأمينات تقتطع ما يوازي 9٪ من مجموع الراتب الأساسي + بدل السكن واللي أعرفه أن أرامكو لديها قسم خاص للتأمينات الإجتماعية بالظهران ممكن أنك تتصل بهم

حياك الله أخوي


كحله وروج


انا موظفه بمدرسه اهلية طبعا على كلامهم مسجلينا بالتامينات وينخصم من رواتبنا 135 شهريا لكن ماوصلني شي على الجوال بخصوص الاشتراك ولاحتى رقم اشتراك ؟ وش التفسير في هالحاله

السؤال الثاني بلغونا بالمدرسه ان فلوس التامينات نقدر نسحبهامن التامينات بعد ماينتهي عقدنا معهم
للمعلومية العقد سنه وحده بس ؟ الشي هذا ممكن والا يتفلسفون علينا ؟؟

ويعطيك العافيه موضوع شامل لكن حبيت اعرف رد لاسئلتي



أختي أنت ممكن أنك تتصلي على الرقم المجاني للتأمينات (8001243344) و منهم تستفسري عن رقم إشتراكك و تتأكدي أنه موجود بعدها تسجلي بالموقع برقم الإشتراك و الموقع راح يحسب لك حقوقك آليا

طبعا المرأة يحق لها أنها تسحب حقوقها بأي وقت سواء سحبتها بعد إنقضاء عقد عملها مباشرة أو حتى لو بعده بكم سنة عن طريق القسم النسائي بمكتب التأمينات


يعطيكم العافية أخواني و خواتي لي عودة بأذن الله

bp039bp039bp039bp039bp039

انقط عسل
18-03-2011, 06:29 PM
اولا مسا الخير
ثانيا هدا معرف بنتي
ثالثا معليش سؤالي انا ربة بيت وقريبه من سن التقاعد \\\ لا تفهموني غلط اقصد السن وسمعت ان هناك نظام ان تدفع مبلغ حتى لو لم تكن موظف وبعدين تاخد تقاعد والله لاكون شاكرة جدا لو جاوبتوني ولك الف شكر

اعماق الهدوء
18-03-2011, 11:47 PM
مساء الانوار ..
الف شكر ع اثرائنا بهالمعلومات القيمه ..
عندي استفسار ..
قبل سنتين كنت اشتغل بشركة خاصه ومسجليني بالتامينات ..
اشتغلت سنه مع هالشركه وقدمت استقالتي لي سنه ..
بس للان لما ادخل السجل المدني الاقيني مسجله فيه واني ع الوظيفه ..
وكاتبين ان ماكنت ع رأس العمل هالشيء سعودة وهميه ولازم اقدم شكوى
انا مو عارفه هل اقدم الشكوى والا لازم اراجع بنفسي ؟؟
المبلغ اللى كانوا ياخذونه اقدر اطالب فيه ذحين والا لا ؟؟
لان صارت لي لخبطة مابين اللى مكتوب بالموضوع ومابين ردكم ع سؤال ؟؟

والف مليوووون شكر مقدمــا ..

Ṡ ἀ ề ἐ Đ
19-03-2011, 07:00 PM
شكرا اخي على التوضيح ...
اتوقع عشان زيادتنا السنوية تكون فى شهر 7 ...
وتغييرات حساب التامينات يكون اول السنة ...!!!

كزهر اللوز ...حنا مو لهذة الدرجة ...:d

ريميه نجد
20-03-2011, 06:08 AM
يعطيك العافيه على الموضوع bp039
بصراحه موضوع جا في وقته bp039
الك bp039

ابي استفسر منك
انا مسجله في التأمينات الاجتماعيه من عام 1425 هـ
وكانوا ياخذون من راتبي 165
اللي ابيه الحين كيف اقدر استلم مستحقاتي خلال السنوات الماضيه :rolleyes:

.F.B
20-03-2011, 07:23 AM
ماشاء الله موضوع قيم جداً ومن قيمته أجد أحق أن يعلق على موقعهم !
لاهنت ويعطيك العــافية !

فتوشآ المنفوشآ
20-03-2011, 02:09 PM
فتوشآ المنفوشآ




أختي التأمينات ليست جهة تدعم التوظيف مثل وزارة العمل أو صندوق الموارد البشرية هي جهة تختص بتسجيل العاملين بالقطاع الخاص ثم تعويضهم ماديا بعد تركهم العمل فمسألة توظيفك بأي مؤسسة يعتبر موضوع خارج نطاق تخصص التأمينات

يعطيك العافية

شكراً أخوي وضحت الصورة ، بس سؤآل أخير ، هل ممكن وجود اسمي في التأمينات
يتعارض مع نظام حافز ، يعني هل ضروري اعمل كليرنس من التأمينات عشان
أحصل على الإعانة ؟
وشكراً مرآ ثانية ،

مجروحهه
20-03-2011, 06:21 PM
طيب والي فلوسها بالتأمين الاجتماعي وماكملت الخدمه المطلوبة
وماتضمن تكمل عمل بالقطاع الخاص او لا , ممكن يصرف لها مبلغها او تروح عليها ,
ولو اسمي موجود في التأمين الاجتماعي لكنه غير فعال لاني بدون وظيفه هل يشملني دعم حافز pb036

وشلون أبنسى
22-03-2011, 09:49 PM
لوسمحتي اللي مومسجلة بالتأمينات يحق لها تقدم بحافز ..وهل تفرق الخبرة التعليمية عندما اكون مسجله في التامينات الاجتماعية اثناء التقدم بجدارة

وتفضلي bp039pb189

رووزي
23-03-2011, 06:44 AM
موضوع جدااااااا مفيد ومهم وكنت بحاجته
يجزاك خير يارب :)

انوار الرياض
23-03-2011, 07:58 AM
بصراحه كتبت فابدعت والله وماقصرت الله يعطيك العافيه

بس حبيت اسال انا ينزل تقاعد زوجي ع التامينات والكل مستغرب ان ماعندي بطاقه فاا كيف اقدر اخذ بطاقه من التامينات ولا وشالسالفه

الحمدلله احد حس فينا وكتب عن هالمؤسسهpb093

الله يعطيك العافيه

w8 .,
23-03-2011, 08:16 PM
نفس السؤال

بصراحه كتبت فابدعت والله وماقصرت الله يعطيك العافيه

بس حبيت اسال انا ينزل تقاعد زوجي ع التامينات والكل مستغرب ان ماعندي بطاقه فاا كيف اقدر اخذ بطاقه من التامينات ولا وشالسالفه

الحمدلله احد حس فينا وكتب عن هالمؤسسهpb093

الله يعطيك العافيه

صدقتي ابدع pb189 الله يعطيك العافيه وينور عليك يارب ..bp039
شوفي بجاوبك على الي اشوفه صاير علي انا واختي وامي :D

تعطينهم رقم حساب لك بالراجحي ويصيرون ينزلونه كل شهر .. هذا الي اعرفه والله اعلم :D

انوار الرياض
24-03-2011, 03:22 AM
صدقتي ابدع pb189 الله يعطيك العافيه وينور عليك يارب ..bp039
شوفي بجاوبك على الي اشوفه صاير علي انا واختي وامي :D

تعطينهم رقم حساب لك بالراجحي ويصيرون ينزلونه كل شهر .. هذا الي اعرفه والله اعلم :D

ولازم الراجحي pb036

ينزلي على الاهلي كل اول شهر :) انشاء الله الاخ يفيدنا

وبالنسبه لاستفساري السابق اسفه يامشرفه اومشرف ماكنت ادري وشكرا

التنفيذي
25-03-2011, 12:24 AM
السلام عليكم و رحمة الله و بركاتة


شوكولاته غير & كحله وروج



عندي سؤال في التأمينات الأجتماعية اذا ممكن ؟

قبل كم سنة كنت مشتركة عندهم لمدة 3 سنوات وقبل فترة سحبت المبلغ ok والحين حصلت عقد مؤقت وسمعت ان الخبرة تنحسب اذا كان المبلغ متوفر عندهم ~ وفي حالة سحبه تررروح الخبرة
سؤالي هل اذا رجعت المبلغ اللي سحبته ترجع لي خبرتي عشان تنحسب لي الخبرة بالحكومي ؟ابي شرح مفصل لهالموضوع الله يوفقكم لانه أرقني نفسيآ وفكريآ

أختي تسجيلك بنظام التأمينات يعني أن لك حقوق يحق لك المطالبة بها عند إستحقاقها، سواء عن طريق الراتب التقاعدي أو بدفعة مالية (دفعة تقاعد للنساء) ، سحبك لدفعة التقاعد ليس له أي علاقة بسجل عملك لدى التأمينات لأنه خدمتك مسجلة لديهم بالنظام و محفوظة لك و بإمكانك سحب برنت لخدمتك بأي وقت و تقديمه لأي جهة توظيف.

الفرق الوحيد بينك و بين اللي ما سحبت حقوقها هو أنه يسجل لك بنظام التأمينات أنه تم تعويضك من قبل فقط و لا أظن أن أي جهة توظيف تهتم بكونك سحبت حقوقك من التأمينات أو لا لأنه موضوع يختص بك وحدك و ليس لأي جهة توظيف علاقة به

حياك الله أختي


خزيمة

أعذريني أختي ما فهمت سؤالك



زبرجد


الحين أنا مشتركة بالتأمينات وسألت عن سحب المبلغ

وكيف اعرف كم لي ..طلبو رقمي كمشترك بالتأمينات وللأسف مأعرف

شلون احصله لان بطاقة التأمينات موعندي

أختي ممكن أنك تمري على القسم النسائي بأحد مكاتب التأمينات حول المملكة تعطيهم رقم سجلك المدني (بدفتر العائلة أو بطاقة الأحوال) و منهم تستفسري عن رقم إشتراكك بالتأمينات و عن حقوقك أو من خلال الرقم المجاني (8001243344).


انقط عسل

معليش سؤالي انا ربة بيت وقريبه من سن التقاعد \\\ لا تفهموني غلط اقصد السن وسمعت ان هناك نظام ان تدفع مبلغ حتى لو لم تكن موظف وبعدين تاخد تقاعد والله لاكون شاكرة جدا لو جاوبتوني ولك الف شكر
يعطيك العافية

أختي اللي تسألين عنه يسمى نظام الإشتراك الإختياري و المشترك فيه يختار شريحة من شرائح الدخل (الجدول موجود بالصفحة الأولى للموضوع) لإكمال المدة النظامية للتقاعد.

نظام الإشتراك الإختياري يشترط بأن يكون لديك رقم إشتراك سابق بمعنى أنه إشتراك تكميلي أو سجل تجاري لممارسة مهنة معينة (محاماة، مكتب هندسي، عيادات طبية و هكذا).

حياك الله


اعماق الهدوء



مساء الانوار ..
الف شكر ع اثرائنا بهالمعلومات القيمه ..
عندي استفسار ..
قبل سنتين كنت اشتغل بشركة خاصه ومسجليني بالتامينات ..
اشتغلت سنه مع هالشركه وقدمت استقالتي لي سنه ..
بس للان لما ادخل السجل المدني الاقيني مسجله فيه واني ع الوظيفه ..
وكاتبين ان ماكنت ع رأس العمل هالشيء سعودة وهميه ولازم اقدم شكوى
انا مو عارفه هل اقدم الشكوى والا لازم اراجع بنفسي ؟؟
المبلغ اللى كانوا ياخذونه اقدر اطالب فيه ذحين والا لا ؟؟
لان صارت لي لخبطة مابين اللى مكتوب بالموضوع ومابين ردكم ع سؤال ؟؟


إذا كنت تدخلي على موقع التأمينات الإلكتروني و أسمك لا زال مسجل عندهم فالأفضل أنك تستفسري من الشركة عن سبب تسجيلك حتى الآن، أحيانا بعض الشركات تسجل موظفيها بالتأمينات و تنسى أنها تستبعدهم بعد إنفصالهم عنها. فالأفضل من نظري أنك

تتصلي على شؤون الموظفين بالشركة و تستفسري عن سبب تسجيلك بالتأمينات حتى الآن، ممكن أنهم ينتبهون و يستبعدونك نهائيا

ما تعاونوا معك تقدمي شكوى عليهم بالقسم النسائي بالتأمينات و يفضل يكون معك خطاب إخلاء طرف من قبلهم يدعم موقفك بالشكوى.


يعطيك العافية


ريميه نجد


ابي استفسر منك
انا مسجله في التأمينات الاجتماعيه من عام 1425 هـ
وكانوا ياخذون من راتبي 165
اللي ابيه الحين كيف اقدر استلم مستحقاتي خلال السنوات الماضيه

ممكن تمري على القسم النسائي بأي مكتب من مكاتب التأمينات و تعبي طلب بصرف حقوقك بدفعة مالية من الموسسة و يصرفونها لك بشيك خلال يومين تقريبا، طبعا يفترض أنك ما تكوني مرتبطة بأي جهة عمل حاليا و للمعلومية يحق لك إعادة الدفعة المالية للمؤسسة خلال سنة

حياك الله أختي


بإذن الله لي عودة قريبة للبقية

bp039bp039bp039

ريميه نجد
29-03-2011, 09:02 PM
السلام عليكم و رحمة الله و بركاتة






ريميه نجد



ممكن تمري على القسم النسائي بأي مكتب من مكاتب التأمينات و تعبي طلب بصرف حقوقك بدفعة مالية من الموسسة و يصرفونها لك بشيك خلال يومين تقريبا، طبعا يفترض أنك ما تكوني مرتبطة بأي جهة عمل حاليا و للمعلومية يحق لك إعادة الدفعة المالية للمؤسسة خلال سنة

حياك الله أختي


بإذن الله لي عودة قريبة للبقية

bp039bp039bp039





جزاك الله خير bp039
سؤال آخر : وين فروعهم النسائيه ؟؟؟

^مــجــودي^
30-03-2011, 02:19 AM
سلام انا قريب لي ماخذ بطاقه احوالي ومسجلني على اني اشتغل بمؤسستهم الخاصه



ومسجلني بالتامينات الاجتماعيه

لي اكثر من 3 سنوات


السؤال الحين وش لون يسقط اسمي

وهل ياخذ فلوس منهم ؟؟

وش السالفه خخخخخخ تراي ادربي راسي

تكفوووون عطوني خبر

مشمش المشامش
31-03-2011, 06:49 PM
شكرا ع الموضوع القيم

بس استفساري انه متى يكون الموظف مستحقا لراتبه كاملا ؟ هل بعد خدمه 35 سنه ؟؟

لانه في مثالك اللي ضربته انه راتب الموظف اخر سنتين 10 و11 فبعد الحسبه يكون 6 الاف وكسور

هل اذا كانت خدمته 35 سنه يستحق معاشه كاملا ؟؟


شاكرين لك

التنفيذي
01-04-2011, 09:35 AM
السلام عليكم و رحمة الله و بركاته

.F.B

يعطيك العافية أختي


فتوشآ المنفوشآ


هل ممكن وجود اسمي في التأمينات
يتعارض مع نظام حافز ، يعني هل ضروري اعمل كليرنس من التأمينات عشان
أحصل على الإعانة ؟


بصراحة نظام حافز توه مستحدث جديد و لكني لا أظن أنه ممكن فيه تعارض إذا كان لك سجل بالتأمينات المهم أنك ما تكون على رأس العمل حاليا

حياك أختي


مجروحهه


طيب والي فلوسها بالتأمين الاجتماعي وماكملت الخدمه المطلوبة
وماتضمن تكمل عمل بالقطاع الخاص او لا , ممكن يصرف لها مبلغها او تروح عليها ,
ولو اسمي موجود في التأمين الاجتماعي لكنه غير فعال لاني بدون وظيفه هل يشملني دعم حافز


أختي للمرأة الحق بسحب حقوقها من التأمينات الإجتماعية بأي وقت شاءت دامها ليست على رأس العمل، بالنسبة لحافز فنفس جوابي على الأخت فتوشا فوق

حياك الله


وشلون أبنسى

بالنسبة لحافز فنفس جوابي على الأخت فتوشا فوق و حياك الله


رووزي

جزاك الله خير


انوار الرياض


بس حبيت اسال انا ينزل تقاعد زوجي ع التامينات والكل مستغرب ان ماعندي بطاقه فاا كيف اقدر اخذ بطاقه من التامينات ولا وشالسالفه

إذا كنت تسألي عن راتب ورثة فأنت ممكن تنزلي راتبك عن مورثك بأي بنك، عند التأمينات نموذج خاص لتحويل المبلغ لأي بنك

طريقته تمري أي فرع نسائي بمكاتب التأمينات حول المملكة و تأخذي منهم نموذج تحويل راتب، هذا النموذج توديه للبنك و يسجل فيه رقم حسابك عنده و يختم عليها بالمصادقة و ترجعينه لمكتب التأمينات يحولوا راتبك عليه.

أن شاء الله أكون أفدتك


ريميه نجد

سؤال آخر : وين فروعهم النسائيه ؟؟؟

كل مكتب بالتأمينات حول المملكة يوجد من ضمنه فرع نسائي بنفس المكتب و له مدخل مستقل بذاته.



^مــجــودي^


سلام انا قريب لي ماخذ بطاقه احوالي ومسجلني على اني اشتغل بمؤسستهم الخاصه

ومسجلني بالتامينات الاجتماعيه

لي اكثر من 3 سنوات

السؤال الحين وش لون يسقط اسمي

وهل ياخذ فلوس منهم ؟؟


و عليكم السلام، أنا أشوف أسهل طريقة أنك تقول لقريبك أنه يمر مكتب التأمينات و يعبي نموذج إستبعاد و يسقطك من قائمة الموظفين عنده.

حياك الله أخوي


مشمش المشامش


بس استفساري انه متى يكون الموظف مستحقا لراتبه كاملا ؟ هل بعد خدمه 35 سنه ؟؟

لانه في مثالك اللي ضربته انه راتب الموظف اخر سنتين 10 و11 فبعد الحسبه يكون 6 الاف وكسور

هل اذا كانت خدمته 35 سنه يستحق معاشه كاملا ؟؟

الإستحقاق الكامل للمعاش يكون عند إستكمال 40 سنة من الخدمة


الله يعطيكم العافية جميعا و أن شاء الله يكون في الموضوع هذا الفائدة

bp039bp039bp039bp039

آبريليه
09-04-2011, 02:27 AM
السلام عليكم
يالله حية
وشسمه انا توظفت 3 شهور :d >> متكلفة
لي فلوس عندهم ولا ؟
اقدر اخذهم الحين ولا متى مابغيت ؟

آبريليه
09-04-2011, 02:43 AM
^
بالنسبة للموقع ممكن تعطيني رابط اللي ممكن اشيك فيه ع حسابي ؟

هذاك الشي
09-04-2011, 08:48 PM
يعطيك العافيه موضوع مفيد و جاء بوقته
الحين انا كان عندي اشتراك بالتأمينات لمدة شهر او شهرين تقريبا و بعدها طلعت من المؤسسة اللي وفرت لي التأمينات من اكثر من سنة و الآن انا بمكان ثاني مافيه تامينات (وتميت لي 6 شهور ) وابي اشترك فيها اختياريا. هل يصير لي تجديد اشتراك؟ والا اشترك من جديد؟
و مشكور للي بيرد علي مقدما

وَحيّ
10-04-2011, 03:07 AM
بعد اذن صاحب الموضوع ..bp039


جزاك الله خير bp039
سؤال آخر : وين فروعهم النسائيه ؟؟؟


طريق خريص بعد دار الأركان وفندق ماريوت

آبريليه
السلام عليكم
يالله حية
وشسمه انا توظفت 3 شهور :D >> متكلفة
لي فلوس عندهم ولا ؟
اقدر اخذهم الحين ولا متى مابغيت ؟
على حسب الوظيفه الي انتي فيها اذا هم يقتطعون من راتبك لتأمينات تكونين مسجله فيها ..

هذاك الشي
يعطيك العافيه موضوع مفيد و جاء بوقته
الحين انا كان عندي اشتراك بالتأمينات لمدة شهر او شهرين تقريبا و بعدها طلعت من المؤسسة اللي وفرت لي التأمينات من اكثر من سنة و الآن انا بمكان ثاني مافيه تامينات (وتميت لي 6 شهور ) وابي اشترك فيها اختياريا. هل يصير لي تجديد اشتراك؟ والا اشترك من جديد؟
و مشكور للي بيرد علي مقدما
كيف مكان ثاني مافيه تأمينات ؟
اساسا اي قطاع خاص لازم يكون فيه تأمينات . اذا المؤسسة الي تعملين فيها حاليا ماسجلت بنظام التأمينات تعالي لنا ونشوف وش هالمؤسسة وعلى اي اساس ماتسجلك ..

هولستن بيض
10-04-2011, 09:45 AM
يامال العافيه اخوي التنفيذي على الموضوع المميز ..
بس عندي استفسار ممكن يكون مكرر بطريقه ثانيه ..

قبل فترة توظفت بشركة لمدة سنتين من 2008 الى 2010
بعد ماتوظفت بالشركة جاني رقم الاشتراك بالتامينات الاجتماعية ..
قمت ودخلت موقعهم ودخلت رقم الاشتراك وتفاجأت ان اسمي موجود بشركة ثانيه موظفتني من دون ماادري بعام 2007 لمدة 7 شهور وحالة الخدمة "فصل" << أخذت منهم المقسوم pb192
يعني هاللحين مدة اشتراكي بالتامينات (سنتين و 7 شهور) ..
وهاللحين ولله الحمد نزلت لي وظيفه حكومية وكنسلت الشركة وغثاها..
السؤال/ اقدر اسحب مستحقاتي للسنتين و7 شهور أو لا ؟؟

والف شكر لك ولطرحك والمعذرة على الاطالة ,,bp039

GHADA
10-04-2011, 02:06 PM
**


نسخه لـ المميزه pb030

http://www.vb.eqla3.com/showthread.php?t=819492

التنفيذي
10-04-2011, 06:18 PM
السلام عليكم و رحمة الله و بركاته


آبريليه



انا توظفت 3 شهور >> متكلفة
لي فلوس عندهم ولا ؟
اقدر اخذهم الحين ولا متى مابغيت ؟

بالنسبة للموقع ممكن تعطيني رابط اللي ممكن اشيك فيه ع حسابي ؟

أختي إذا لك إشتراك سواء كان شهر أو أكثر فإنه يحق لك سحب حقوقك من التأمينات.. و ذلك للمرأة فقط

بالنسبة للموقع اللي سألتي عنه ممكن تدخلي على موقع التأمينات بالإنترنت و تسجلي فيه و لكن لازم تكوني عارفة رقم إشتراكك بالتأمينات

الموقع هو

http://www.gosi.gov.sa/portal/web/guest/home

بالتوفيق أختي



هذاك الشي


الحين انا كان عندي اشتراك بالتأمينات لمدة شهر او شهرين تقريبا و بعدها طلعت من المؤسسة اللي وفرت لي التأمينات من اكثر من سنة و الآن انا بمكان ثاني مافيه تامينات (وتميت لي 6 شهور ) وابي اشترك فيها اختياريا.

هل يصير لي تجديد اشتراك؟ والا اشترك من جديد؟
و مشكور للي بيرد علي مقدما


أختي أنت وين كان موقع عملك الجديد بالضبط، إذا هي مؤسسة بالقطاع الخاص فهي ملزمة بأنها تسجلك بالمؤسسة العامة للتأمينات، بقرب لك الصورة أكثر

بإختصار أي شركة بالقطاع الخاص لابد يكون لها سجل تجاري مسجل بوزارة التجارة و الغرفة التجارية عشان تمشي شغلها و تقدر تشتري و تبيع، أحد الأمور اللي تطلبها الغرفة التجارية لتسجيل أي شركة شهادة من المؤسسة العامة للتأمينات الإجتماعية بأن الشركة عندها سجل بالتأمينات و مقيد فيه موظفين

بالتالي إذا أنت بشركة لها سجل تجاري ( و غالبا يكتب رقمه بالأوراق الرسمية للشركة) فهي ملزمة ضمنا بأنها تسجل موظفيها بالتأمينات.

قبل لا تفكري أنك تشتركي إختياريا أرجعي تأكدي من الفرع النسائي بالتأمينات، بقولكم حاجة أحيانا يكون لنفس الشخص أكثر من رقم بالتأمينات لأنه تنقل من موقع إلى أخر و من شركة لأخرى، كل شركة ينتقل إليها تسجله برقم إشتراك جديد لأنها ما تدري عن رقمه الأول كم هو و المشترك نفسه ما يدري.

فنصيحتي لك أختي مري الفرع النسائي بمكتب التأمينات و معك إثبات (دفتر العائلة أو بطاقة الأحوال) و شيكي عن طريقهم كم رقم عندك بالتأمينات، و إذا طلع عندك أكثر من رقم يعملون لك دمج أرقام و ما ياخذ وقت، بعطيكم مثال يقرب لكم الفكرة

أحمد من الناس أشتغل بشركة المراعي سنتين و سجلوه برقم إشتراك 25 مثلاً، ثم أشتغل بشركة الصافي ثلاث سنوات و عطوه رقم إشتراك ثاني 45 مثلاً.

هنا أحمد يقدر يمر مكتب التأمينات و يطلب دمج أرقام إشتراكه ( 25 و 45 ) بحيث أن يكون له رقم موحد، هنا التأمينات تجمع الخدمتين (المراعي و الصافي) و تدمجهم ضمن آخر إشتراك لأنه هو اللي لا زال فعال

نتيجة للدمج أحمد راح يكون له رقم إشتراك واحد هو 45 و مسجل فيه خدمته الكاملة (خمس سنوات) عن عمله بالمراعي و الصافي.


إن شاء الله تكون الفكرة واضحة



وَحيّ

كفيتي و وفيتي أختي الله يحفظك و أبد المكان مكانك bp039



هولستن بيض


قبل فترة توظفت بشركة لمدة سنتين من 2008 الى 2010
بعد ماتوظفت بالشركة جاني رقم الاشتراك بالتامينات الاجتماعية ..
قمت ودخلت موقعهم ودخلت رقم الاشتراك وتفاجأت ان اسمي موجود بشركة ثانيه موظفتني من دون ماادري بعام 2007 لمدة 7 شهور وحالة الخدمة "فصل" << أخذت منهم المقسوم


يعني هاللحين مدة اشتراكي بالتامينات (سنتين و 7 شهور) ..
وهاللحين ولله الحمد نزلت لي وظيفه حكومية وكنسلت الشركة وغثاها..
السؤال/ اقدر اسحب مستحقاتي للسنتين و7 شهور أو لا ؟؟


بالنسبة للرجال فإنهم ما يحق لهم يسحبون دفعة تقاعد إلا إذا مدة الإشتراك أقل من سنة + يكون منتقل إلى عمل حكومي

بعكس النساء فهن ممكن يسحبن حقوقهم بأي وقت و مهما كانت المدة ( تحيز واضح للحريم :D)

بالنسبة لحالتك هاذي الأفضل لك أن تقدم طلب ضم الخدمة (تجمع خدمتك بالتأمينات لخدمتك الحالية بالحكومة) لأنهم ما راح يعطونك دفعة تقاعد و للتفصيل إرجع لفقرة المقتطفات بالموضوع.

حياك الله


GHADA


الله يعطيكم العافية ما قصرتوا bp039

فـرَح
12-04-2011, 02:02 PM
انا رحت قبل فترة فرع التأمينات النسائي ع شارع المعذر
طبعا لي مستحقات مالية لأني اشتغلت في قطاع خاص تقريبا 3 سنين
الحين انا في حكومي على البند المقطوع والحين ماني في التأمين
وافكر اشترك في التأمينات فهل أدفع 18% من الراتب ؟
كمان هي قالت أن المبلغ الي لي عندهم يفيد في أنه يرفع راتبي التقاعدي
مدة الخدمة 20 سنة ماتنقص , هل الكلام صحيح ؟
انا ابي مدة الخدمة تنقص

كمان الاشتراك الي تكلمت عنه للمبتعثين فقط لهم ماينفع للطلاب الي يدرسون هنا ؟

آبريليه
14-04-2011, 11:05 PM
أختي إذا لك إشتراك سواء كان شهر أو أكثر فإنه يحق لك سحب حقوقك من التأمينات.. و ذلك للمرأة فقط

بالنسبة للموقع اللي سألتي عنه ممكن تدخلي على موقع التأمينات بالإنترنت و تسجلي فيه و لكن لازم تكوني عارفة رقم إشتراكك بالتأمينات

الموقع هو

كود:
http://www.gosi.gov.sa/portal/web/guest/home
بالتوفيق أختي
يامال الجنة
طيب
اقدر اخليهم لليوم الأسود ؟ :d
مااحتاجهم الحين ولا ادري متى احتاجهم

سجلت بالموقع يامال العافية
واشتغل معاي طلعت وظيفتي السابقة غير نشط
ادري انها غير نشط بس ابي احسب مستحقاتي رفض :(
وش السوات ؟

تِشْرِيّنْ
17-04-2011, 12:06 AM
بمآ إني ما زلت على مقآعد الدراسة ,,
ما عندي فكرة بتاتا البته عن التأمينات ,, كنت أحسبه للقطاع الخآص ,,
ولغير السعوديين ,,

مرره شوكرن لأنكم نورتوني ,,
يعطيكم آلف عافيه ,, bp039

خارج الزمن
17-04-2011, 12:45 PM
يعطيكم العافيه سؤالي كالتالي اللي فهمته ان القطاع الخاص ومن ضمنه(المدارس الأهليه ) إجباري تكون مسجله في التامينات طيب واالي تكون غير مسجلة في التأمينات وموظفيها غير مسجلين وش الإجراءت المتبعة معها وعذرا اذا فهمت غلط بس حابه اتأكد(موظفه جديده في مدرسه اهلية)

مش بالضروره
17-04-2011, 05:30 PM
طيب ياليت اذا ممكن استوضح منك امر

الآن انا موظفه من 3 سنوات لكن غير مسجله في التأمينات باختياري لاني كنت محتاجه اخذ راتبي كامل

والحين الحمدلله تحسنت الظروف وابغى اسجل بالتامينات ... وش المفروض اسوي ؟؟ وهل جهة عملي يترتب عليهم شي ؟؟

ياشايل الظبي
19-04-2011, 03:25 PM
شكرا لك على الموضوع
استفدت كثير منه .. وفتح مخى على اشياء اول مره اعرفها
بروح ادور واطلع على نظام التأمينات عندنا بالكويت ..

صوتك يناديني..!
21-04-2011, 10:54 AM
شكرا ع التوضيح ماقصرت ..
سؤالي المتقاعدين يحق لهم ولا ؟

^مــجــودي^
21-04-2011, 04:41 PM
يالغالي سحبت برنت من التامينات

وطلعت خدمتي 35 شهر

هالكلام قبل 5 ايام

والان اذ دخلت رقمي بموقع التامينات يطلع لي اني مسجل بالتامينات يطلع لي

أنت مسجل بنظام التأمينات الاجتماعية ولكنك حاليا لا تعمل

انا طلبت من قريبي انه يوقفني بالتامينات

اقدر اروح لهم واسحب المستحقات حقت 35 شهر ؟؟


يا ليت ترد علي اكون شاكر لك ومقدر

الله يعطيك العافيه على جهودك
bp039bp039bp039

ليوليتا
22-04-2011, 01:52 PM
السلام عليكم ورحمة الله وبركاته
انا مسجله بالتامينات الاجتماعية 5 سنوات لما كنت في مدرسة اهلية
والان توظفت تعاقد حكومي ومطلوب مني شهادات الخبرة مع إرفاق ما يثبت الاشتراك في المؤسسة العامة للتأمينات الاجتماعية
كيف احصل على الاثبات ؟؟ من النت ولا ازورهم في موقعهم ؟
واذا رحت لهم كيف اقدم طلب ضم الخدمة تجمع خدمتي بالتأمينات لخدمتي الحالية بالحكومة ؟
علمآ اني دخلت على حسابي في موقعهم ولقيت ان عند اسمي الموظف غير نشيط هذا بعد ما انهيت عقدي في المدرسة الاهلية .. كيف اخليه نشيط ؟
شاكره لك bp039

زبرجد
27-04-2011, 02:01 PM
الله يجزاك الجنه كلمتهم وعطوني كم مستحقاتي

الله يفرج عنك دنيا وآخره

العاصف 202
01-05-2011, 06:55 PM
لي فتره افكر في هذا الموضوع واحد من الزملاء في العمل يقول قبل سن55
يعني في 53سنه اغير العمل واعمل في موسسة ثانية واتفق معهم يسجلوني براتب 45الف اخر 24 شهر بعدين اطلب تقاعد وبكذا يكون راتبي التقاعدي كبير مع العلم انه في سن 55 تكون خدمتي 34سنه
السؤال هل هذا الكلام صحيح وقابل لتنفيذ وكم يكون راتب التقاعد ؟ وكم يكون نسبة الاستقطاع للأخر سنتين ؟ ومكافئة نهاية الخدمة من يدفعها موسسة التامينات ولا الشركة ولا الموسسة الاخيرة اللي استخدمة للرفع الراتب؟

Galaxy
05-05-2011, 03:18 PM
الله يعطيك العافيه موضوع كنت ابحث عنه من زماان , محدثك ماله في الشغلات هذي

بس عندي استفسارات صغنطوطه

واحد من الربع مسجل في التأمينات و بعد فتره يبي يترك العمل هل يقدر ياخذ المستحقات ؟ لان الي فهمته من التأمينات انها جهه إدخاريه و حسب الي فهمته لازم توصل سن التقاعد , هل هذا صحيح ؟

الشي الثاني هل فيه علاقه بين سحب المستحقات في التأمينات و خبرة العمل ؟ يعني لو يسحب المستحقات هل تلتغي الخبره ؟

اسئلتي نايمه بس تحمل :d

الله يعطيك العافيه و يجزاك خير يا رب

وئدت حيه
06-05-2011, 08:02 PM
حياك الله يااستاذي واشكرك على معلوماتك .. بس عندي استفسار بسيط .
انا سبق وتم تسجيلي بالتأمينات الاجتاعيه ..اشتغلت فتره شهر وشوي ..
والحين تركت .. وماني حابه لو اتوظف بمكان ثاني يطلع الهستري حقي :d وياخذون فكره عني اني
اتنقل بين الوظايف او او او ..
هل لو اروح اسحب رصيدي يسقط رقمي ولو اتوظف من جديد اتسجل برقم جديد ولا كيف ؟

همممة
06-05-2011, 09:05 PM
جزاك الله خيرا أخوي على هالموضوع التنويري التثقيفي التفاعلي

سؤال

ياليت ترد لي

كنت في مدرسة أهليه فترة شهرين وثلاث أيام فركشوني من غير سبب ظاهرمو بكيفي ومسجليني في التأمينات وأنا ماوقعت معهم عقد هل يحق لي المطالبة والشكوى عليهم مع العلم أني في مرحلة تجربة

أنتظرك على أحر من الجمر لانهم قالوا لي ممكن تسحبي برنت من التأمينات وتحطيها مع الشكوى تثبت أنك عملتي عندهم


باليت توجهني :( أو أي حد ممكن يفبدني والله انهم قهروني

همممة
07-05-2011, 02:56 PM
جزاك الله خيرا أخوي على هالموضوع التنويري التثقيفي التفاعلي

سؤال

ياليت ترد لي

كنت في مدرسة أهليه فترة شهرين وثلاث أيام فركشوني من غير سبب ظاهرمو بكيفي ومسجليني في التأمينات وأنا ماوقعت معهم عقد هل يحق لي المطالبة والشكوى عليهم مع العلم أني في مرحلة تجربة

أنتظرك على أحر من الجمر لانهم قالوا لي ممكن تسحبي برنت من التأمينات وتحطيها مع الشكوى تثبت أنك عملتي عندهم


باليت توجهني :( أو أي حد ممكن يفبدني والله انهم قهروني

أنتظركم :sm1:

^مــجــودي^
07-05-2011, 09:46 PM
الله يعطيك العافيه موضوع كنت ابحث عنه من زماان , محدثك ماله في الشغلات هذي

بس عندي استفسارات صغنطوطه

واحد من الربع مسجل في التأمينات و بعد فتره يبي يترك العمل هل يقدر ياخذ المستحقات ؟ لان الي فهمته من التأمينات انها جهه إدخاريه و حسب الي فهمته لازم توصل سن التقاعد , هل هذا صحيح ؟

الشي الثاني هل فيه علاقه بين سحب المستحقات في التأمينات و خبرة العمل ؟ يعني لو يسحب المستحقات هل تلتغي الخبره ؟

اسئلتي نايمه بس تحمل :d

الله يعطيك العافيه و يجزاك خير يا رب



نفس الاستفسار

يا ليت تعطونا خبر
bp039

Galaxy
13-05-2011, 03:10 PM
العنكبوت عشش ع الموضوع :d

نبي رد على استفساراتنا

وَحيّ
13-05-2011, 03:24 PM
جزاك الله خيرا أخوي على هالموضوع التنويري التثقيفي التفاعلي

سؤال

ياليت ترد لي

كنت في مدرسة أهليه فترة شهرين وثلاث أيام فركشوني من غير سبب ظاهرمو بكيفي ومسجليني في التأمينات وأنا ماوقعت معهم عقد هل يحق لي المطالبة والشكوى عليهم مع العلم أني في مرحلة تجربة

أنتظرك على أحر من الجمر لانهم قالوا لي ممكن تسحبي برنت من التأمينات وتحطيها مع الشكوى تثبت أنك عملتي عندهم


باليت توجهني :( أو أي حد ممكن يفبدني والله انهم قهروني

اسحبي برنت من عندنا وشوفي اذا كنتِ مسجله بالتامينات من غير عقد او العكس ماسجولك التأمينات وانتِ بعقد ينزل لهم مفتش يشوف واذا كان ضدهم هالشي تنزلهم غرامة

سؤال : كانوا يقتطعون من راتبك لتأمينات ؟
اذا ايه تقدرين في حال اذا استبعدوك من المدرسة وعملو لك اخلاء طرف من الأون لاين تقدرين تاخذين مستحقاتك بس بشرط ماتكونين على راس العمل في وظيفة ثانيه ..

وَحيّ
13-05-2011, 03:34 PM
الله يعطيك العافيه موضوع كنت ابحث عنه من زماان , محدثك ماله في الشغلات هذي

بس عندي استفسارات صغنطوطه

واحد من الربع مسجل في التأمينات و بعد فتره يبي يترك العمل هل يقدر ياخذ المستحقات ؟ لان الي فهمته من التأمينات انها جهه إدخاريه و حسب الي فهمته لازم توصل سن التقاعد , هل هذا صحيح ؟

الشي الثاني هل فيه علاقه بين سحب المستحقات في التأمينات و خبرة العمل ؟ يعني لو يسحب المستحقات هل تلتغي الخبره ؟

اسئلتي نايمه بس تحمل :d

الله يعطيك العافيه و يجزاك خير يا رب



اذا انت منت على رأس العمل يقدر صاحبك ياخذ مستحقاته بعد مايعملون له اخلاء طرف من عمله . حتى لو انتقلت من وظيفه لثانيه اذا تبي تاخذ مستحقاتك من الوظائف الأولى لازم تكون منت على رأس العمل ..
بس الأفضل انه مايسحب تأميناته اذا هو ناوي يتوظف وظيفه ثانيه ..عشان تكمل على المبالغ الأولى وتكون شي يسوى و مايرجع لصفر ..

* مالها دخل صرف التامينات والخبره ..

والحين النظام يقول الي مايتسجل بالتامينات بالنسبه للمدارس ماتحتسب له خبره ..!
واذا هو توظف بوظيفه حكومية يطلب ضم خدماته لمعاشات التقاعد عشان يحتسب له بعدين بالتقاعد والمبالغ ..

وَحيّ
13-05-2011, 03:39 PM
حياك الله يااستاذي واشكرك على معلوماتك .. بس عندي استفسار بسيط .
انا سبق وتم تسجيلي بالتأمينات الاجتاعيه ..اشتغلت فتره شهر وشوي ..
والحين تركت .. وماني حابه لو اتوظف بمكان ثاني يطلع الهستري حقي :d وياخذون فكره عني اني
اتنقل بين الوظايف او او او ..
هل لو اروح اسحب رصيدي يسقط رقمي ولو اتوظف من جديد اتسجل برقم جديد ولا كيف ؟
لا مايسقط رقمك بسحبك لرصيد
حتى لو عملتي برنت يبين لنا الوظائف الي قبل تنقلتي فيها
عادي مافيها شي وهذا مايعني انك تنتقلين بين الوظائف , ماجازت لك ومن حقك pb036
وكل العالم يتنقلون موب انتي بس ..
اهم شي تأكدي انهم مسوين لك اخلاء طرف عشان تقدرين تاخذين مستحقاتك وبرضو مايستغلون اسمك ويستخدمونه الى الحين

وَحيّ
13-05-2011, 03:46 PM
طيب ياليت اذا ممكن استوضح منك امر

الآن انا موظفه من 3 سنوات لكن غير مسجله في التأمينات باختياري لاني كنت محتاجه اخذ راتبي كامل

والحين الحمدلله تحسنت الظروف وابغى اسجل بالتامينات ... وش المفروض اسوي ؟؟ وهل جهة عملي يترتب عليهم شي ؟؟

النظام الحين اساسا اي قطاع خاص لازم يكون مسجل بالتأمينات
لازم جهة عملك تسجلك بالتأمينات , واذا رفضو مثل ماقلت ينزل مفتش من التأمينات يتأكد اذا الموضفين مسجلين بالتامينات ووو الخ ..ولا بتكون عليهم غرامة

وَحيّ
13-05-2011, 03:49 PM
يعطيكم العافيه سؤالي كالتالي اللي فهمته ان القطاع الخاص ومن ضمنه(المدارس الأهليه ) إجباري تكون مسجله في التامينات طيب واالي تكون غير مسجلة في التأمينات وموظفيها غير مسجلين وش الإجراءت المتبعة معها وعذرا اذا فهمت غلط بس حابه اتأكد(موظفه جديده في مدرسه اهلية)

اجباري يكونون مسجلين بالتامينات لأن الموضفات ماراح تحتسب لهم خبره بعدين.. وراح ترفع شكوى وغرامة ومشاكل كثيره
تعالي المؤسسة ويعطونك نموذج طريقة تسجيل الموظفات بـ الأون لاين بالتامينات

وَحيّ
13-05-2011, 03:51 PM
يالغالي سحبت برنت من التامينات

وطلعت خدمتي 35 شهر

هالكلام قبل 5 ايام

والان اذ دخلت رقمي بموقع التامينات يطلع لي اني مسجل بالتامينات يطلع لي

أنت مسجل بنظام التأمينات الاجتماعية ولكنك حاليا لا تعمل

انا طلبت من قريبي انه يوقفني بالتامينات

اقدر اروح لهم واسحب المستحقات حقت 35 شهر ؟؟


يا ليت ترد علي اكون شاكر لك ومقدر

الله يعطيك العافيه على جهودك
bp039bp039bp039
تقدر تصرفها اذا مو على راس العمل حاليا
واذا موظف حكومي اطلب ضم خدماتك

وَحيّ
13-05-2011, 03:55 PM
السلام عليكم ورحمة الله وبركاته
انا مسجله بالتامينات الاجتماعية 5 سنوات لما كنت في مدرسة اهلية
والان توظفت تعاقد حكومي ومطلوب مني شهادات الخبرة مع إرفاق ما يثبت الاشتراك في المؤسسة العامة للتأمينات الاجتماعية
كيف احصل على الاثبات ؟؟ من النت ولا ازورهم في موقعهم ؟
واذا رحت لهم كيف اقدم طلب ضم الخدمة تجمع خدمتي بالتأمينات لخدمتي الحالية بالحكومة ؟
علمآ اني دخلت على حسابي في موقعهم ولقيت ان عند اسمي الموظف غير نشيط هذا بعد ما انهيت عقدي في المدرسة الاهلية .. كيف اخليه نشيط ؟
شاكره لك bp039
الأثبات هو برنت من عندنا لازم تشرفينا ..
اطلبي ضم خدماتك الى الحكوميه
بس المفروض انك تستعجلين لأن اعتقد لك سنة تقدرين تطلبين ضم خدماتك من تاريخ ترسيمك بالحكومي

وَحيّ
13-05-2011, 03:58 PM
*


* معليش جاوبت على الأسئله بشكل عشوائي بدون ترتيب ..

وَحيّ
14-05-2011, 03:51 PM
^مــجــودي^ »
يالغالي سحبت برنت من التامينات

وطلعت خدمتي 35 شهر

هالكلام قبل 5 ايام

والان اذ دخلت رقمي بموقع التامينات يطلع لي اني مسجل بالتامينات يطلع لي

أنت مسجل بنظام التأمينات الاجتماعية ولكنك حاليا لا تعمل

انا طلبت من قريبي انه يوقفني بالتامينات

اقدر اروح لهم واسحب المستحقات حقت 35 شهر ؟؟


يا ليت ترد علي اكون شاكر لك ومقدر



تقدر تصرفها اذا مو على راس العمل حاليا
واذا موظف حكومي اطلب ضم خدماتك


سوري ماانتبهت للأسم اعتقد ان نضام صرف المستحقات مايمشي على الذكور ..
صرف المستحقات للأناث ..

^مــجــودي^
14-05-2011, 06:39 PM
سوري ماانتبهت للأسم اعتقد ان نضام صرف المستحقات مايمشي على الذكور ..
صرف المستحقات للأناث ..


ههههههههههه خليتيني استانس ساعه وحده الله يجزاك خير pb027
bp039

سراب المحبه
17-05-2011, 02:22 PM
طيب سؤال وليه صرف المستحقات للذكور مايمشي ! اعتقد هذه فلوسي بعد مثل ماهي فلوسها هالمرأة :(



حتى في هذه بياكلونا
< توه طالع من موضوع حقوق المرأة

مش بالضروره
18-05-2011, 08:51 PM
النظام الحين اساسا اي قطاع خاص لازم يكون مسجل بالتأمينات
لازم جهة عملك تسجلك بالتأمينات , واذا رفضو مثل ماقلت ينزل مفتش من التأمينات يتأكد اذا الموضفين مسجلين بالتامينات ووو الخ ..ولا بتكون عليهم غرامة


الله يجزاك خير وشكرا على الرد


لكني اعرف هالشي والشركه مسجله بالتأمينات واغلب الموظفين مسجيلن فيها

انا اللي طلبت في الاول اخذ راتبي كامل بدون استقطاع للتأمينات


سؤالي هل على شركتي شي لو حبيت اسجل بالتأمينات الحين ؟؟

آبريليه
19-05-2011, 10:53 PM
أختي إذا لك إشتراك سواء كان شهر أو أكثر فإنه يحق لك سحب حقوقك من التأمينات.. و ذلك للمرأة فقط

بالنسبة للموقع اللي سألتي عنه ممكن تدخلي على موقع التأمينات بالإنترنت و تسجلي فيه و لكن لازم تكوني عارفة رقم إشتراكك بالتأمينات

الموقع هو

كود:
http://www.gosi.gov.sa/portal/web/guest/home
بالتوفيق أختي
يامال الجنة
طيب
اقدر اخليهم لليوم الأسود ؟ :d
مااحتاجهم الحين ولا ادري متى احتاجهم

سجلت بالموقع يامال العافية
واشتغل معاي طلعت وظيفتي السابقة غير نشط
ادري انها غير نشط بس ابي احسب مستحقاتي رفض :(
وش السوات ؟


نسيتوني :(

فـرَح
20-05-2011, 02:49 PM
السلام عليكم ورحمة الله وبركاته
انا مسجله بالتامينات الاجتماعية 5 سنوات لما كنت في مدرسة اهلية
والان توظفت تعاقد حكومي ومطلوب مني شهادات الخبرة مع إرفاق ما يثبت الاشتراك في المؤسسة العامة للتأمينات الاجتماعية
كيف احصل على الاثبات ؟؟ من النت ولا ازورهم في موقعهم ؟
واذا رحت لهم كيف اقدم طلب ضم الخدمة تجمع خدمتي بالتأمينات لخدمتي الحالية بالحكومة ؟
علمآ اني دخلت على حسابي في موقعهم ولقيت ان عند اسمي الموظف غير نشيط هذا بعد ما انهيت عقدي في المدرسة الاهلية .. كيف اخليه نشيط ؟
شاكره لك bp039

اسمحي لي اجاوب لأني مريت بهذا الشئ
تروحي لفرع التأمينات الاجتماعية القسم النسائي ومعاك هويتك انا كان معي بطاقة احوال
وواخذت برنت
ماادري هل ممكن عن طريق الموقع ؟ كلمي رقمهم المجاني
القطاع الحكومي يكون مع مصلحة التقاعد
اذا تبين تستمرين في التأمينات تشتركين معهم تدفعين 19% من راتبك للتأمينات
لكن بالنسبة للقطاعات الحكومية قريب الترسيم يعني بعد ماتشتركين بفترة قصيرة
تكوني ترسمتي

فـرَح
20-05-2011, 02:52 PM
نسيتوني :(

لما رحت التأمينات اراجع بالمره حسبت لي المستحقات لكن خليتها عندهم وعادي متى ماحبيتي اسحبيها
ولما تخليها عندهم وتتوظفين تفيدك في راتبك التقاعدي يكون اعلى من لو سحبتيهم
وتقدرين الحين لو انت مو موظفة وناوية تتوظفين تشتركين في التأمينات بمبلغ معين
هذا يفيدك في راتبك التقاعدي مستقبلا ان شاء الله

حبيت افيد لا اكثر ولو فيه خطأ ياليت يصححه الأخ وحي

وَحيّ
21-05-2011, 03:38 PM
نسيتوني :(

اذا تبين تشوفين كم مستحقاتك تجين للمؤسسة وتعرفين كم المستحقات
موب شرط تسحبينها خليها لليوم الي تحتاجينها فيها ويمكن تتوظفين حكومي وتطلبين ضم للخدمه
واذا تبين تستمر معاك وتزيد وتنفعك بالتقاعد تقدرين تسوين شرائح شهريه




فـرَح
حبيت افيد لا اكثر ولو فيه خطأ ياليت يصححه الأخ وحي

اختك وحي pb094bp039

آبريليه
22-05-2011, 01:20 AM
ممكن لاهنتِ تشرحين لي سالفة الشرائح الشهرية ؟

مبسوطة ع الكسره >> توها تدري انك بنت pb094


bp039pb189

**لولو كاتي**
23-05-2011, 08:22 PM
بطل الموضوع pb189

قد درست ماده مثل كيذا , ومافهمت وشو تأمينات الا لما اشتغلت ووصلني مسج عالجوال اني مسجله فيهاpb094

الله يعطيك الف عافيه , ماعندي سؤال ,, بس حبيت اشكرك عالمعلومات وطريقة العرض
حلوه تكون مرجع bp039pb189

أشششياء
27-05-2011, 08:15 AM
ويمكن تتوظفين حكومي وتطلبين ضم للخدمه





طب اللي عملها مش ثابت للآن ، يمديني أسجل بالتأمينات حتى أستفيد من سنوات الخدمة
ولو جت لي وظيفة حكومية بعدين أضم سنوات الخبرة السابقه لها ؟

همسات لامباليه
28-05-2011, 02:37 AM
السلام عليكم

انا استلم راتب تقاعد من الوالد لانه متوفي
بس الراتب بنزل باسم اخويا..لانه معايا هو وامه(اخويا من ابويا)

واستلم راتب من الضمان باسمي لان امي ارمله ومسجله سجلتني معاها


الحين توظفت في شركة وجبت ورقة ترشيح من العمل والعمال
وقالوا انهم حيستقطعو من الراتب للتامينات كل شهر


سوالي::
هل راح يتوقف الضمان او راتب التقاعد؟؟

واذا راح يوقفوه ..وش اسوي عشان مايوقف؟انا لسا مااستلمت ولا راتب
وشيكت على موقع التامينات مكتوب ان الهويه غلط يعني لسا ماتسجلت
اروح للاداره واطلب وقف العمل قبل مايضيفوني للتامينات..؟؟

boutique_onlyme
28-05-2011, 10:48 AM
بارك الله فيك على الموضوع الجبار ..

بجد الكثير منا يجهل اهمية هذا النظام وفائدته ..

أنا ماعرفت له الا لما توظفت وصرت اتعامل معه للموظفين عندي ..

بصراحه شي واحد بس اللي يقهر ان المؤسسة ماتسوي دورات وكورسات تعريفية فيها سواء

للعاملين او حتى للمطلعين على الانظمه والمعرفة بها للمستقبل ..

اكرر شكري لموضوعك القيم .. وان شاء الله اقوم بوضع تجربتي مع التامينات ومايواجه اغلب

المشتركين من استفسارات ..

لي عودة باذن الله .. bp039

وَحيّ
28-05-2011, 04:03 PM
ممكن لاهنتِ تشرحين لي سالفة الشرائح الشهرية ؟

مبسوطة ع الكسره >> توها تدري انك بنت pb094


bp039pb189


موضح عندك في بداية الموضوع
اذا مااستوعبتيه اشرح لك اياه

وَحيّ
28-05-2011, 04:09 PM
طب اللي عملها مش ثابت للآن ، يمديني أسجل بالتأمينات حتى أستفيد من سنوات الخدمة
ولو جت لي وظيفة حكومية بعدين أضم سنوات الخبرة السابقه لها ؟


ايوا تضمين تأميناتك للحكومي وتكملين عليها
واذا ماسجلتي بالتامينات وفترة خدمتك اكثر من 3 سنوات تروح عليك الفتره القديمة وماتسجلك خبره حتى لو جبتي خبره من دوامك ماتتوثق عندنا حتى لو اخذتي برنت لأن فرصتك سنتين بس

وَحيّ
28-05-2011, 04:19 PM
السلام عليكم

انا استلم راتب تقاعد من الوالد لانه متوفي
بس الراتب بنزل باسم اخويا..لانه معايا هو وامه(اخويا من ابويا)

واستلم راتب من الضمان باسمي لان امي ارمله ومسجله سجلتني معاها


الحين توظفت في شركة وجبت ورقة ترشيح من العمل والعمال
وقالوا انهم حيستقطعو من الراتب للتامينات كل شهر


سوالي::
هل راح يتوقف الضمان او راتب التقاعد؟؟

واذا راح يوقفوه ..وش اسوي عشان مايوقف؟انا لسا مااستلمت ولا راتب
وشيكت على موقع التامينات مكتوب ان الهويه غلط يعني لسا ماتسجلت
اروح للاداره واطلب وقف العمل قبل مايضيفوني للتامينات..؟؟

لازم وضروري تراجعين التأمينات عشان هويتك
الي يحضرني الآن انو بـ النسبة لراتب على حسب اذا اكثر من 3000 يوقف واذا اقل عادي تستلمينه

جــنــرال
29-05-2011, 09:20 PM
ماشاء الله عليك قليلة في حقك كلمة (شكر) ماننحرم من معلوماتك الهادفة
__________________________________________________ ______
بخصوص الموضوع لدي استفسار اتمنى ان اجد اجابة له

الطريقة الثانية للتعويض المادي هي بطريقة العجز غير المهني

هل يشترط خدمة معينه مثلا (ان شخص اشتغل اقل من سنة واصيب بالعجز غير المهني هل يحسب له الراتب التقاعدي وهل يشترط عمر له )
شكرا لك على المعلومات مرة ثانية وفي انتظار جواب الاستفسار
احترامي لك

D.Maha
31-05-2011, 01:46 PM
السلام عليكم يااارب تدخلين قبل اروح دوامي العصر واسوي اللي بسويه بلييز افيديني

اللحين انا العصر بيرفعني مديري للتأمينات الاجتماعيه اوكيه !
هو طلب مني اكتب العقد بتاريخ 17 /5 / 2011 م وانا مشتغله بشهر 2 /2011م وش حكمته حذف 3 شهور ؟ انا مابي اوقع بتاريخ كذب مابي الا بتاريخ مباشرتي بالعمل وهو يقول عادي عشان تحتسب لك ؟
احس انه خايف يغرمون عليه لانه مارفعني بدري ؟
الشي الثاني مين المسؤول عن رفعي للموارد البشرية ؟ هل هو المؤسسه العامة للتامينات الاجتماعيه؟ والا الشركة؟ .. اذا الشركة فحيتلاعب فيني بجد ممكن يسجل اسمي كسعوديه لمصلحة الشركة ولايرفعه للموارد البشرية !
طيب اذا الراتب 3000 كم تقتطع التامينات منه ؟ وكم يزيدون الموارد البشريه اذا كان الموظف جامعي ؟ مديري يقول يزيدون 1500
وانا اقول الجامعي 2000 يلعب علي هو والا شو ؟
يعني ابي الحسبه الحقيقيه للراتب اذا سجلت بالتامينات وهو 2000 واذا رفعني للموارد البشريه ؟
هل اقتطاع مبلغ من الراتب للتأميات اجباري والا اختياري ؟

وهل اوقع على التاريخ الكذبي ؟؟؟
وقرات هنا ييحق للمراه صرف مستحقاتها اي وقت :D هل فقط اذا ماكانت على راس العمل pb131 طيب واذا كانت على راسالعمل وتبي مستحقاتها هل يحق لها صرفها pb030bp039

وَحيّ
01-06-2011, 12:43 AM
ماشاء الله عليك قليلة في حقك كلمة (شكر) ماننحرم من معلوماتك الهادفة
__________________________________________________ ______
بخصوص الموضوع لدي استفسار اتمنى ان اجد اجابة له



هل يشترط خدمة معينه مثلا (ان شخص اشتغل اقل من سنة واصيب بالعجز غير المهني هل يحسب له الراتب التقاعدي وهل يشترط عمر له )
شكرا لك على المعلومات مرة ثانية وفي انتظار جواب الاستفسار
احترامي لك

اذا اثبتت حالة العجز باللجان الطبيه انهاعجز غير مهني وفي حال توفر مدة الأشتراك بالوظيفه لاتقل عن 12 شهر متصل او 18 شهر متقطعه في هالحالة يحسب له معاش العجز الغير مهني بنفس طريقة معاش التقاعد
طبعا يختلف اذا فيه الشخص يحتاج اعانه , وبرضو العمر يختلف في حال وصل 60 وحالة العجز مستمره معاه يكون له معاش نهائي يستمر معاه

وَحيّ
01-06-2011, 12:52 AM
السلام عليكم يااارب تدخلين قبل اروح دوامي العصر واسوي اللي بسويه بلييز افيديني

اللحين انا العصر بيرفعني مديري للتأمينات الاجتماعيه اوكيه !
هو طلب مني اكتب العقد بتاريخ 17 /5 / 2011 م وانا مشتغله بشهر 2 /2011م وش حكمته حذف 3 شهور ؟ انا مابي اوقع بتاريخ كذب مابي الا بتاريخ مباشرتي بالعمل وهو يقول عادي عشان تحتسب لك ؟
احس انه خايف يغرمون عليه لانه مارفعني بدري ؟
الشي الثاني مين المسؤول عن رفعي للموارد البشرية ؟ هل هو المؤسسه العامة للتامينات الاجتماعيه؟ والا الشركة؟ .. اذا الشركة فحيتلاعب فيني بجد ممكن يسجل اسمي كسعوديه لمصلحة الشركة ولايرفعه للموارد البشرية !
طيب اذا الراتب 3000 كم تقتطع التامينات منه ؟ وكم يزيدون الموارد البشريه اذا كان الموظف جامعي ؟ مديري يقول يزيدون 1500
وانا اقول الجامعي 2000 يلعب علي هو والا شو ؟
يعني ابي الحسبه الحقيقيه للراتب اذا سجلت بالتامينات وهو 2000 واذا رفعني للموارد البشريه ؟
هل اقتطاع مبلغ من الراتب للتأميات اجباري والا اختياري ؟

وهل اوقع على التاريخ الكذبي ؟؟؟
وقرات هنا ييحق للمراه صرف مستحقاتها اي وقت :D هل فقط اذا ماكانت على راس العمل pb131 طيب واذا كانت على راسالعمل وتبي مستحقاتها هل يحق لها صرفها pb030bp039

ياعمرري اسفه على التأخير :( pb189pb189
في حال سجلك بتاريخ غير تاريخ الي باشرتي فيه العمل تقدرين ترفعين خطاب وينزل المفتش ويتاكد من الخطاب والتقارير وبيان خدمتك عشان تتعوضين وتنزله غرامه
في حال اذا كان يقتطع من راتبك حق 3 شهور الي ماسجلك فيهم
ممم بالنسبة لراتبك احسبي 9% يقطع منك يعني تقريبا 270
بالنسبة للموارد البشريه مالنا علاقة فيهم اعتقد من الخدمة مو من عندنا

واكرر اعتذاري قلت ارد عليك هنا بدال الخاص يفيد الكل bp039

وَحيّ
01-06-2011, 01:09 AM
طيب سؤال وليه صرف المستحقات للذكور مايمشي ! اعتقد هذه فلوسي بعد مثل ماهي فلوسها هالمرأة :(



حتى في هذه بياكلونا
< توه طالع من موضوع حقوق المرأة

هلا سراب سوري توني اشوف استفسارك مدري محارشك ><

مو كل شي يحتسب للمرأه او لرجل يكون من ضمن الحقوق وانتوا المظلومين واحنا الكسبانين او العكس
المسئله في هذا الموضوع مسئله عقلانيه و اساسيه اكثر مما هوينظر له كـ حق
بتقولي شلون ..
المرأه في مجتمعنا يحكمها رجل وظروف , حمل , ولاده , تربيه , سفر مع الزوج في حال انتقال مدينه اخرى , وغير الي ماتحصل وظيفه ثانيه بعد ترك الوظيفه السابقه
يعني مو حرة نفسها
في حال اذا توقفت عن الوظيفه الي كانت تشتغل فيها وقال زوجها معاد فيه وظيفه مالك الا بيتك وعيالك ! او انتقال مدينة ثانيه او او او الخ ..
في هالحاله تقدر تطلب صرف مستحقاتها من التأمين مراح تتوظف مره ثاينه حتى تنتظر لين توصل لسن التقاعد
بعكس الرجل مستحيل يجلس بدون وظيفه الا مايكون متسبب اياَ كانت الوظيفه فـ ماضاعت حقوقه يقدر يطلب ضم للخدمة في حال اذا توظف حكومي

يعني انتوا الي متسببين في صرف المرأه لمستحقاتها :d

دفء ..!
03-06-2011, 06:00 PM
سلام ..
شكراً لصاحب الموضوع على هالإفادة لنا :)


عندي سؤال ، أنا ينزل لي من التأمينات راتب ورثة .. من عمل المرحوم
وانا مش على وظيفة حالياً ، بس لو أنا توظفت فهل يتوقف هذا الراتب ؟ مع العلم إنه راح أحتاجه لأمور وظيفتي لأن وظيفتي بمنطقة بعيدة بالغربية وأنا بالشرقية فأحتاجه للمواصلات والسكن ..لكن السؤال هل يتم وقف الراتب ؟

و هل هناك إجراءات على الموظفة الجديدة - وظيفة حكومية صحية- حتى توقف الراتب إذا كان يجب عليها ذلك ؟ أم إن التأمينات تتكفل بذلك تلقائياً بعد أن أستلم الوظيفة ؟

ومعذرة

وَحيّ
03-06-2011, 06:58 PM
سلام ..
شكراً لصاحب الموضوع على هالإفادة لنا :)


عندي سؤال ، أنا ينزل لي من التأمينات راتب ورثة .. من عمل المرحوم
وانا مش على وظيفة حالياً ، بس لو أنا توظفت فهل يتوقف هذا الراتب ؟ مع العلم إنه راح أحتاجه لأمور وظيفتي لأن وظيفتي بمنطقة بعيدة بالغربية وأنا بالشرقية فأحتاجه للمواصلات والسكن ..لكن السؤال هل يتم وقف الراتب ؟

و هل هناك إجراءات على الموظفة الجديدة - وظيفة حكومية صحية- حتى توقف الراتب إذا كان يجب عليها ذلك ؟ أم إن التأمينات تتكفل بذلك تلقائياً بعد أن أستلم الوظيفة ؟

ومعذرة


اذا كان المرحوم الله يغفر له زوجك ماينقطع الراتب اياَ كانت وظيفتك

tatu lover
03-06-2011, 07:22 PM
السلام عليكم ورحمة الله

شكرا لكل من أضاف لـ هالموضوع .. استفدت كثير

لكن عندي سؤال

انا توظفت سنه في مدرسه اهليه وطبعا مشتركه في التأمينات ... واللحين طلعت منها
علشان الدراسه ..

اللحين كيف وضعي ؟ اروح اخذ مستحقاتي من السنه اللي اشتغلت فيها ؟
والا الأفضل اخليها عندهم ألى أن يشاء الله ؟ علما اني ما ادري متى بتوظف في المستقبل ؟

احد يفيدني وله دعوه من القلب pb189

أمّون
04-06-2011, 12:15 AM
يعطيك العافية على الموضوع المفيد جداً

عندي كم سؤال .. كل القطاعات الخاصة ضروري تكون مسجلة في التأمينات ؟

وإذا لا كيف أعرف أنه قطاع فلاني مسجل ؟

ومن المفروض يسجل موظف القطاع الخاص بالتأمينات ؟ يعني هل مفروض على القطاع نفسه تسجيل موظفيه ؟

أحتاج إفادتكم

وَحيّ
04-06-2011, 01:02 AM
السلام عليكم ورحمة الله

شكرا لكل من أضاف لـ هالموضوع .. استفدت كثير

لكن عندي سؤال

انا توظفت سنه في مدرسه اهليه وطبعا مشتركه في التأمينات ... واللحين طلعت منها
علشان الدراسه ..

اللحين كيف وضعي ؟ اروح اخذ مستحقاتي من السنه اللي اشتغلت فيها ؟
والا الأفضل اخليها عندهم ألى أن يشاء الله ؟ علما اني ما ادري متى بتوظف في المستقبل ؟

احد يفيدني وله دعوه من القلب pb189
عادي تقدرين تاخذين مستحقاتك بأي وقت اذا منتي على راس عمل ثاني
والأفضل انك تتركينها في حال اذا توظفتي بمكان تكمل عليها وتزيد نسبتها يعني ماتبدين من البدايه

دعواتك لوالدي بالرحمة وطولة العمر لأمي pb189

وَحيّ
04-06-2011, 01:24 AM
يعطيك العافية على الموضوع المفيد جداً

عندي كم سؤال .. كل القطاعات الخاصة ضروري تكون مسجلة في التأمينات ؟

وإذا لا كيف أعرف أنه قطاع فلاني مسجل ؟

ومن المفروض يسجل موظف القطاع الخاص بالتأمينات ؟ يعني هل مفروض على القطاع نفسه تسجيل موظفيه ؟

أحتاج إفادتكم
كل القطاعات الخاصة اجباري يكون مسجلك بالتأمينات
اذا يقتطع من رواتبكم لتأمينات بتعرفين انه مسجلك واذا مايقطتع انتوا اطلبو منه ودياَ واذا رفض تشتكون عليه ينزل المفتش يتأكد من بلاغكم

Mido Ah
04-06-2011, 01:31 AM
يعطيك الف عافية عالمجهود الكبير والله ..

دفء ..!
04-06-2011, 03:21 PM
اذا كان المرحوم الله يغفر له زوجك ماينقطع الراتب اياَ كانت وظيفتك

تشكري عزيزتي ..
المرحوم هو أخوي الي يعيلني .. رحمه الله bp039

وَحيّ
05-06-2011, 10:04 AM
تشكري عزيزتي ..
المرحوم هو أخوي الي يعيلني .. رحمه الله bp039
الله يرحمه
كذا لازم تروحين لتأمينات يوقفون راتبك لأنه بيكون فيه توزيع ثاني
في حال اذا تخربط التوزيع بأبلاغك متأخر عن وظيفتك يتأثرون بقية الورثه الي يستلمون

جنرال الاتحاد
05-06-2011, 07:06 PM
موضوع مهم لاي موظف او موظفه
الف شكر لك

دفء ..!
06-06-2011, 03:34 AM
مرحبا أختي ..
ماتقصري بردك

أخوي يقول لي إن التأمينات راح تعرف إنك موظفة عن طريق السجل المدني فبتوقف راتبك على طول بنفسهم ، فما يحتاج أروح لهم وأوقفه ، هل هذا صحيح ؟

Line 220
06-06-2011, 04:56 AM
مرحبآ

المدرسة اللي اشتغل فيها مو مشتركة بالتأمينات
اقدر انا اسجل لحالي من نفسي اروح واسجل وكذا ؟

الراتب 1000 ريال كم بيصير لو سجلت بالتأمينات ؟
الحين هي تقتطع من الراتب وترجعه ؟ او تزود الراتب ؟مافهمت :(
والموارد البشرية تبع التأمينات الاجتماعية..؟؟

يعطيك العافية ..

ميس قرين
06-06-2011, 08:52 PM
مرحبآ

المدرسة اللي اشتغل فيها مو مشتركة بالتأمينات
اقدر انا اسجل لحالي من نفسي اروح واسجل وكذا ؟

الراتب 1000 ريال كم بيصير لو سجلت بالتأمينات ؟
الحين هي تقتطع من الراتب وترجعه ؟ او تزود الراتب ؟مافهمت
والموارد البشرية تبع التأمينات الاجتماعية..؟؟

يعطيك العافية .

نفس السؤال زميله لي كذا ايش القررار ؟ اللي يصدر بامرها ؟!!

وَحيّ
08-06-2011, 03:27 PM
مرحبا أختي ..
ماتقصري بردك

أخوي يقول لي إن التأمينات راح تعرف إنك موظفة عن طريق السجل المدني فبتوقف راتبك على طول بنفسهم ، فما يحتاج أروح لهم وأوقفه ، هل هذا صحيح ؟

بيتوقف الراتب لأن اكيد فيه احد يستلم بعد ولازم اعادة تقسيم
طيب حبيبتي عشان ماتتعنين اتصلي عليهم واستفسري

وَحيّ
08-06-2011, 03:38 PM
مرحبآ

المدرسة اللي اشتغل فيها مو مشتركة بالتأمينات
اقدر انا اسجل لحالي من نفسي اروح واسجل وكذا ؟

الراتب 1000 ريال كم بيصير لو سجلت بالتأمينات ؟
الحين هي تقتطع من الراتب وترجعه ؟ او تزود الراتب ؟مافهمت :(
والموارد البشرية تبع التأمينات الاجتماعية..؟؟

يعطيك العافية ..

هـ السؤال تكرر كثثثير ياقلب يعني لو انك قاريه الأجابات السابقه بتعرفين
اول شي اطلبي من ادارتك بشكل ودي يسجلونك بالتأمينات واذا رفضو يسجلونك انتي والمدرسات ارفعي عليهم شكوى وينزل المفتش ويتأكد من صحة بلاغكم ويشوف الوضح وش يصير

التأمينات تقتطع من الراتب وترجعه وتزيده اذا طلبتي صرف مستحقات اذا منتي على رأس العمل

أمّون
09-06-2011, 12:24 AM
كل القطاعات الخاصة اجباري يكون مسجلك بالتأمينات
اذا يقتطع من رواتبكم لتأمينات بتعرفين انه مسجلك واذا مايقطتع انتوا اطلبو منه ودياَ واذا رفض تشتكون عليه ينزل المفتش يتأكد من بلاغكم

إلهي يسعدك ويرحم والدك ويطول بعمر والدتك على طاعة

طيب كم نسبة الاقتطاع من الراتب ؟ أو تختلف ؟

وَحيّ
09-06-2011, 03:25 PM
إلهي يسعدك ويرحم والدك ويطول بعمر والدتك على طاعة

طيب كم نسبة الاقتطاع من الراتب ؟ أو تختلف ؟

اللهم امين وياك ..bp039
نسبة الأقتطاع 9%

ميس قرين
10-06-2011, 11:55 PM
هـ السؤال تكرر كثثثير ياقلب يعني لو انك قاريه الأجابات السابقه بتعرفين
اول شي اطلبي من ادارتك بشكل ودي يسجلونك بالتأمينات واذا رفضو يسجلونك انتي والمدرسات ارفعي عليهم شكوى وينزل المفتش ويتأكد من صحة بلاغكم ويشوف الوضح وش يصير

التأمينات

ماعليش اخوي
بس جو وفتشو 3 من التأمينات ماسو اي حاجه الحين بتمر السنه
فقط غرامه سنويه ؟؟
ماله اي مصلحه المعلم المسكين ؟ ايش القرار اللي يلزمهم انهم يدفعون ؟
قصده انه يدفع غرامه سنويا ولا يدفع كل شهر لكمم معلمه ؟؟
ياليت تشوفون بحال الموظفين بالاهليه تسون قرارات رادعه للملاك
لانهم والله صاروا لعبه بيدنهم 24 حصه مكروف ولا شكر ولا مكافأه

يؤ !!
11-06-2011, 01:47 AM
موضوع قيم

مع ان خرابيط التأمين توجع الراس ...

يعطيك العافيه

a37amal
11-06-2011, 02:14 AM
مرحبا ..
انا عندي استفسار ما أدري اذا ذكر بالصفحات السابقه !! < الأخت مستعجله
ليه التأمينات تتضارب مع الموارد البشريه .. لأن مديرة المدرسه حابه تضيف مدرستنا في الموارد بس قالوا أي مدرسه سبق لها التسجيل في التأمينات لا يحق لها الدخول في الموارد البشريه
بالعقل .. فيها ظلم للمعلمه القديمه بأن يكون راتبها أقل من راتب المدرسه الجديده اللي داخله في الموارد البشريه ومضاعف الراتب ..
هنا ماأكون أستفدت من التأمينات بالعكس أحسها قلبت ضرر !!

# الشرطة #
11-06-2011, 02:23 AM
ياقلبي عندي سؤالين :
_ قبل 5 سنين كنت معلمة و اعطونا ارقام للتأمينات وانهيت ال9 شهور ولا عااااد فكرت بالتدريس ولا اتذكر رقمي
المهم هذي السنة اشتغلن بمدرسة ثانية واعطوني رقم .. الحين انضافت السنتين لبعض اتوماتيك ؟ ولا كيف اقدر اصرف السنة الي قبل 5 سنين ؟
_ سؤالي الثاني الحين هم ارسلو لي رقم التأمينات اوكية بس لما ادخل على الموقع واستفسر برقم السجل يقول ان رقم السجل غير موجود او غير مشترك (نسيت العبارة ) المهم انا استفسرت اثناء مدة عملي وبعد ما أجزت ونفس الشيء .. اذا عادي اكتب لك رقمي وتشوفين لي هل فعلا هم شركونا ولا فية نصب واذا مشتركين كم لي عندهم يعني حسبوا السنتين ؟
وآسفة على الهذرة وربي يرحم والديك ويمد والدتك بالصحة والعآآفية

om kalthoum
11-06-2011, 11:30 PM
السلام عليكم موضوع جميل ومفيد ..

طيب اختي وحي انا من توظفت في المدرسه الاهليه وهم يستقطعون من راتبي اكتشفت لما دخلت موقع التامينات ودخلت سجلي المدني طلع اني غير مشتركة اصلا !!
فكيف يصير الاستقطاع وهم ماسجلوني هل الدعوه فيها تلاعب ونصب !
انا ماهمتني الفلوس انا همي احتساب الخبره لان المطلوب الحين اثبات الخبره حتى من التامينات الاجتماعية !!

ابي دعم ..

وَحيّ
12-06-2011, 03:55 PM
ماعليش اخوي
بس جو وفتشو 3 من التأمينات ماسو اي حاجه الحين بتمر السنه
فقط غرامه سنويه ؟؟
ماله اي مصلحه المعلم المسكين ؟ ايش القرار اللي يلزمهم انهم يدفعون ؟
قصده انه يدفع غرامه سنويا ولا يدفع كل شهر لكمم معلمه ؟؟
ياليت تشوفون بحال الموظفين بالاهليه تسون قرارات رادعه للملاك
لانهم والله صاروا لعبه بيدنهم 24 حصه مكروف ولا شكر ولا مكافأه

على حسب علمي لو تنزل المؤسسة ثاني مره وشافو الوضع ماتغير تغلق المنشأه او الشركة اتصلي على مكتب التأمينات واستفسري عن هالموضوع بخصوص انو نزل مفتش ولا فاد 014765700 -4013-4032-4034

وَحيّ
13-06-2011, 03:28 PM
مرحبا ..
انا عندي استفسار ما أدري اذا ذكر بالصفحات السابقه !! < الأخت مستعجله
ليه التأمينات تتضارب مع الموارد البشريه .. لأن مديرة المدرسه حابه تضيف مدرستنا في الموارد بس قالوا أي مدرسه سبق لها التسجيل في التأمينات لا يحق لها الدخول في الموارد البشريه
بالعقل .. فيها ظلم للمعلمه القديمه بأن يكون راتبها أقل من راتب المدرسه الجديده اللي داخله في الموارد البشريه ومضاعف الراتب ..
هنا ماأكون أستفدت من التأمينات بالعكس أحسها قلبت ضرر !!

الي اعرفه ان المعلومه عكس
ان الموارد ماتسجل احد الا مسجل بالتأمينات :confused:

وَحيّ
13-06-2011, 03:30 PM
ياقلبي عندي سؤالين :
_ قبل 5 سنين كنت معلمة و اعطونا ارقام للتأمينات وانهيت ال9 شهور ولا عااااد فكرت بالتدريس ولا اتذكر رقمي
المهم هذي السنة اشتغلن بمدرسة ثانية واعطوني رقم .. الحين انضافت السنتين لبعض اتوماتيك ؟ ولا كيف اقدر اصرف السنة الي قبل 5 سنين ؟
_ سؤالي الثاني الحين هم ارسلو لي رقم التأمينات اوكية بس لما ادخل على الموقع واستفسر برقم السجل يقول ان رقم السجل غير موجود او غير مشترك (نسيت العبارة ) المهم انا استفسرت اثناء مدة عملي وبعد ما أجزت ونفس الشيء .. اذا عادي اكتب لك رقمي وتشوفين لي هل فعلا هم شركونا ولا فية نصب واذا مشتركين كم لي عندهم يعني حسبوا السنتين ؟
وآسفة على الهذرة وربي يرحم والديك ويمد والدتك بالصحة والعآآفية

كنت اتمنى اخدمتك بس مابيدي اي صلاحية ..
تعالي المؤسسة بأثباتك الأصل او اتصلي استفسري عن سجلك

وَحيّ
13-06-2011, 03:35 PM
السلام عليكم موضوع جميل ومفيد ..

طيب اختي وحي انا من توظفت في المدرسه الاهليه وهم يستقطعون من راتبي اكتشفت لما دخلت موقع التامينات ودخلت سجلي المدني طلع اني غير مشتركة اصلا !!
فكيف يصير الاستقطاع وهم ماسجلوني هل الدعوه فيها تلاعب ونصب !
انا ماهمتني الفلوس انا همي احتساب الخبره لان المطلوب الحين اثبات الخبره حتى من التامينات الاجتماعية !!

ابي دعم ..
تأكدي من مدرستك واخاف انك مسجله بسجل والدك لأن كثير كذا ونسوي لهم تعديل وتمشي امورهم
لاكن اذا هم يقتطعون منكم وانكروا هالشي تعالي المؤسسة بأثباتك واورقك العقد تبع دوامك ونتأكد لك.. واذا صار معاكم حق ينزل مفتش من المؤسسة وتتغرم المدرسة .ويطلع حقك ان شاء الله

a37amal
14-06-2011, 02:07 AM
الي اعرفه ان المعلومه عكس
ان الموارد ماتسجل احد الا مسجل بالتأمينات :confused:



هذا اللي معروف بس قالوا للمديره .. أن مايدخل بالموارد أحد عندك درس من قبل وداخل بالتأمينات .. واللي أعرفه أن لازم نكون مسجلين بالتأمينات عشان الموارد .. بصراحه أحس السالفه لعب .. مو واضحين بشروطهم وكل مدرسه يعطونها شروط !! طبعاً أتكلم عن الموارد :mad:

وَحيّ
14-06-2011, 03:18 PM
هذا اللي معروف بس قالوا للمديره .. أن مايدخل بالموارد أحد عندك درس من قبل وداخل بالتأمينات .. واللي أعرفه أن لازم نكون مسجلين بالتأمينات عشان الموارد .. بصراحه أحس السالفه لعب .. مو واضحين بشروطهم وكل مدرسه يعطونها شروط !! طبعاً أتكلم عن الموارد :mad:

مستحيييييييل هالكلام موب على كيفهم دقي على التأمينات وتأكدي من كلامي
وش معنى مدرستكم الوحيده الي دققت عليها الموارد, كل المدارس كذا ..!
اكيد عندهم غرامات سابقة او مشكلة ماقالت الموارد هالكلام عبث
او يمكن المديره فهمت عكس

L I Z A
14-06-2011, 05:09 PM
للتوضيح
نظام دعم الموارد البشرية هو دعم من لم يسبق دعمه او توظيفه
اي موظف سبق تسجيله على التامينات لايدعم باعتباره شاغل لوظيفة ويدعم الموظف الجديد لتشجيع المنشئات على توظيفهم

a37amal
14-06-2011, 08:59 PM
للتوضيح
نظام دعم الموارد البشرية هو دعم من لم يسبق دعمه او توظيفه
اي موظف سبق تسجيله على التامينات لايدعم باعتباره شاغل لوظيفة ويدعم الموظف الجديد لتشجيع المنشئات على توظيفهم





ليزا برافوا عليك هنا مربط الفرس ..pb027
البنات اللي بيتوظفون بعدي وماعندهم خبره بيطلع راتبهم أعلى مني لأنهم مدعومين من الموارد .. أنا بالطبع أتمنى لهم الخير بس المسأله انا خبره وراتبي أقل والمديره مستحيل تحط راتبي وراتب المعلمات السابقات دبل عشان الموارد !! :sm1:
أحس فيها نوع من الظلم .. :(
كذا بسحب نفسي من التأمينات وأرجع أقدم عشان الموارد pb093

L I Z A
14-06-2011, 10:01 PM
للتوضيح
نظام دعم الموارد البشرية هو دعم من لم يسبق دعمه او توظيفه
اي موظف سبق تسجيله على التامينات لايدعم باعتباره شاغل لوظيفة ويدعم الموظف الجديد لتشجيع المنشئات على توظيفهم





ليزا برافوا عليك هنا مربط الفرس ..pb027
البنات اللي بيتوظفون بعدي وماعندهم خبره بيطلع راتبهم أعلى مني لأنهم مدعومين من الموارد .. أنا بالطبع أتمنى لهم الخير بس المسأله انا خبره وراتبي أقل والمديره مستحيل تحط راتبي وراتب المعلمات السابقات دبل عشان الموارد !! :sm1:
أحس فيها نوع من الظلم .. :(
كذا بسحب نفسي من التأمينات وأرجع أقدم عشان الموارد pb093


إذا انتي مسجلة في التامينات حتى لو استقلتي وقدمتي من جديد الموارد ما تدعمك
طالبوا مدرستكم بتعديل رواتبكم باعتبار القرار ما حصره في التوظيف الجديد والكلام كان الحد من الرواتب ورفع دعم الموراد للمدارس بشكل خاص
انتو لكم الخبرة ومستمرين مع المدرسة وهذا نقطة لصالحكم ، وكلموا المالك مو المديرة

om kalthoum
15-06-2011, 08:59 PM
اختي وحي ...
اصلا انا ماتوظفت عندهم الا ببطاقة احوالي فقط ! بطاقة العائلة لاعمرهم شافوها ولاعرفوها .
فكيف يكون مسجليني برقم أبوي !

Me 1988
15-06-2011, 09:28 PM
عندي سؤال ..

الحين التسجيل في التأمينات إختياري والا إجباري ؟

يعني مثلا أقدر أطلب إني ما اسجل في التأمينات بحيث ما يستقطع من راتبي شيء ؟

صراحة استغربت من زوجة أخوي تشتغل في المؤسسة العامة للتدريب المهني وماهي مسجلة في التأمينات
مع أنهم قطاع حكومي ..

.

L I Z A
16-06-2011, 11:25 AM
عندي سؤال ..

الحين التسجيل في التأمينات إختياري والا إجباري ؟

يعني مثلا أقدر أطلب إني ما اسجل في التأمينات بحيث ما يستقطع من راتبي شيء ؟

صراحة استغربت من زوجة أخوي تشتغل في المؤسسة العامة للتدريب المهني وماهي مسجلة في التأمينات
مع أنهم قطاع حكومي ..

.


التسجيل الزامي والمؤسسات النظامية هي الي بتحرص على تسجيلك
عدم تسجيلك يعني ببساطة عدم احتساب خبرتك في القطاع الخاص

بالنسبة للقطاع الحكومي يتم اقتطاع الاشتراك لصالح مؤسسة التقاعد

وَحيّ
16-06-2011, 01:08 PM
اختي وحي ...
اصلا انا ماتوظفت عندهم الا ببطاقة احوالي فقط ! بطاقة العائلة لاعمرهم شافوها ولاعرفوها .
فكيف يكون مسجليني برقم أبوي !

في هالحاله يبيلك تجين للمؤسسة وتاخذين برنت تتأكدين من تسجيلك
واذا ماسجلوك ادارتك تطالبين بشكل ودي يسجلونك وتقولين اني رحت لتأمينات وماحصلت اني مسجله وانتوا تقتطعون من راتبي على اني مسجله
في حال اذا رفضو بأذن الله ماراح يضيع حقك, سواء كانوا ياخذون عليك تأمينات او ماياخذون ,
ينزل مفتش ويتأكد من صحة الشكوى ويتم تسجيلك بالمده الي سجلتي فيها , اهم شي ماتكون اكثر من سنتين

tatu lover
16-06-2011, 11:34 PM
طيب عندي سؤال

أنا اللحين معلمه في مدرسه خاصه ومدرستي مسجله بالتأمينات

وسمعت ان اللي مسجل بالتأمينات يستبعد من الوظائف الحكوميه pb131pb093 هل هذا صحيح ؟

واذا كان صحيح .. أنا افكر أطلع من مدرستي واروح أخذ مستحقاتي من الـتأمينات

هل بكذا اسمي بيطلع من عندهم وبـ أحتسب غير مسجله عندهم ؟
وهل هذا بيضرني لو رجعت أقدم بعدين على مدرسه أهليه ؟

وشكراااااااااااا مررره على صبركم واتساع صدركم لكثرة الأسئله
جعلها الله في ميزان حسناتكم pb189

وَحيّ
17-06-2011, 12:43 AM
طيب عندي سؤال

أنا اللحين معلمه في مدرسه خاصه ومدرستي مسجله بالتأمينات

وسمعت ان اللي مسجل بالتأمينات يستبعد من الوظائف الحكوميه pb131pb093 هل هذا صحيح ؟

واذا كان صحيح .. أنا افكر أطلع من مدرستي واروح أخذ مستحقاتي من الـتأمينات

هل بكذا اسمي بيطلع من عندهم وبـ أحتسب غير مسجله عندهم ؟
وهل هذا بيضرني لو رجعت أقدم بعدين على مدرسه أهليه ؟

وشكراااااااااااا مررره على صبركم واتساع صدركم لكثرة الأسئله
جعلها الله في ميزان حسناتكم pb189

لا مايستبعد من الوظايف الحكوميه ابدا
اذا حصلت لك وظيفه حكومية تطلبين ضم خدماتك حتى يحتسب بالتقاعد بعدين او تصرفين تأميناتك الي تبينه
وتكونين تبع مؤسسة التقاعد مو التأمينات

tatu lover
17-06-2011, 01:44 AM
8
8
8
شــكـــــــــرا مرره ريحتيني الله يريحك دنيا وآخرره

طيب انا ناويه اكمل دراستي وبطلع من المدرسه ..

لو أروح أخذ مستحقاتي من الـتأمينات
يضرني لو رجعت للمدرسه مره ثانيه ؟

وهل أقدر اسحبها أو اخليها متى ما أبي ؟
والا له مده معينه

ووش تنصحيني

آسفه مره اسئلتي كثيره لكن فعلا محتاجه للجواب
وشكراااا مره ثانيه

وَحيّ
17-06-2011, 12:10 PM
8
8
8
شــكـــــــــرا مرره ريحتيني الله يريحك دنيا وآخرره

طيب انا ناويه اكمل دراستي وبطلع من المدرسه ..

لو أروح أخذ مستحقاتي من الـتأمينات
يضرني لو رجعت للمدرسه مره ثانيه ؟

وهل أقدر اسحبها أو اخليها متى ما أبي ؟
والا له مده معينه

ووش تنصحيني

آسفه مره اسئلتي كثيره لكن فعلا محتاجه للجواب
وشكراااا مره ثانيه

لا مايضرك ..
اكيد انصحك تخلينها في حال اذا رجعتي للعمل يكمل على تأميناتك يعني يزيد عليها , مو تبدين من جديد ..

عفواً bp039

زكرتي الرياض
17-06-2011, 01:00 PM
يعطيك العافيه

تلقائيه
18-06-2011, 03:03 PM
لي فتره تاركه الوظيفه ، وكنت مُسَجله في التأمينات الإجتماعيه

اقدر اسحب مستحقاتي ؟ ولا لازم اجلس فتره نصف سنه على بال ماتُصرف !
وكيف اسحبها ؟


شكراً للجميع هُنا bp039

ノإنـتـِظَـآرノ
18-06-2011, 06:40 PM
مرحبآ
انا توني ادري ان الخبرة بالمدارس الاهلية ماتحسب الا إذا كانت مسجلة بالتأمينات!!
يعني صحيح هالحكي!!
يعني راح تعبنا ع الفآضي !
طيب انا درست السنين اللي فاتو بأهلية مو مشتركة بالتأمينات اقدر الحين اروح اشترك والا ماينفع ؟

وَحيّ
18-06-2011, 09:45 PM
مرحبآ
انا توني ادري ان الخبرة بالمدارس الاهلية ماتحسب الا إذا كانت مسجلة بالتأمينات!!
يعني صحيح هالحكي!!
يعني راح تعبنا ع الفآضي !
طيب انا درست السنين اللي فاتو بأهلية مو مشتركة بالتأمينات اقدر الحين اروح اشترك والا ماينفع ؟

اذا اكثر من سنتين ماتحتسب الا اخر سنتين فقط
طالبي مدرستك تسجلك بالتامينات واذا رفضت راجعي التأمينات وسجلي شكوى ضدهم وينزلهم مفتش ويتأكد من صحة الشكوى ..

وَحيّ
18-06-2011, 09:47 PM
لي فتره تاركه الوظيفه ، وكنت مُسَجله في التأمينات الإجتماعيه

اقدر اسحب مستحقاتي ؟ ولا لازم اجلس فتره نصف سنه على بال ماتُصرف !
وكيف اسحبها ؟


شكراً للجميع هُنا bp039

اي وقت تقدرين تسحبينها
تقدمين طلب صرف وبعد اسبوعين , او عشر ايام يطلع الشيك ..

تلقائيه
19-06-2011, 01:39 AM
معليش اختي تعبتك ،

بس وين اقدم طلب صرف ؟
بالنت ولا لازم اروح لهم !

شوكرن كثيير pb189

وَحيّ
19-06-2011, 01:51 AM
معليش اختي تعبتك ،

بس وين اقدم طلب صرف ؟
بالنت ولا لازم اروح لهم !

شوكرن كثيير pb189

لازم تروحين لهم ..

Me 1988
19-06-2011, 08:33 PM
التسجيل الزامي والمؤسسات النظامية هي الي بتحرص على تسجيلك
عدم تسجيلك يعني ببساطة عدم احتساب خبرتك في القطاع الخاص

بالنسبة للقطاع الحكومي يتم اقتطاع الاشتراك لصالح مؤسسة التقاعد


مشكورة على الإفادة bp039

طيب انا عندي خبرة مدتها شهرين لكن وقتها ما كنت مسجلة في التأمينات الإجتماعية هل تحسب لي ؟

ISHTAR
19-06-2011, 11:53 PM
..



انا توظفت بمدرسه اهليه وقعدت معهم شهر ونص تقريباً ،، عطوني راتب النص شهر بعد التوظف عندهم
وتركتهم قبل راتب الشهر الثاني بكم يوم ،، يعني ما خذت راتب الشهر الثاني ،، راتبي الاول اسلمته بيدي ما نزل لي في حساب بنكيون ا
المهم تركتهم بدون اخلاء طرف وبدستقاله ،، تقريباً سحبت عليهم ، ونظاماً اعتبر غايبه ثلاث شهور بدون عذر خخخ يعني مفروض مفصوله ،
اليوم دخلت للتأمينات وقالوا انتي مسجله عندنا ،، في هالحاله وش الي لي و وش الي علي وكيف انهي الموضوع اذا عندكم خلفيه او قد مر عليكم تجربه مشابهه ؟



..

H A H ID
21-06-2011, 01:02 AM
السلام عليكم
ممكن أسال سؤال عن التامينا ت الاجتماعيه قريت عنها كثير بس الي صار لي
ان انا الحين خلص عقدي مع مدرسه اهليه مدته3 شهور وخلصت اوراقي وكل شي بس لسى ماعطوني اخلاء طرف واليوم وصلتني رساله على الجوال من التامينات الاجتماعيه يقول انك مسجل في التامينات عند المدارس هذ ي الي انتهى عقدي معها الحين انا مو فاهمه هو من اول قايل لنا ان احنا مو مسجلين في التامينات يعني بالعربي الحين هو لاعب علينا؟؟ليش توه يسجلنا بعد مااخذت اوراقي من عندهم
مع العلم انه قد توظفت في مدارس اهليه وسبق دعمي من الموارد البشريه

آنين آلروح
21-06-2011, 04:00 AM
لو سمحتوا الي عنده خبره او معلومه يرد علي

انا تعاقدت مع مدرسه بعقد مفتوح ماله مده
جلست معهم سنه بعدين بسبب دراستي طلبت مني المديره اني اكتب استقاله
وفعلن كتبت وقالت لي الان اي مدرسه ماتقدر تدعمك فيها الموارد
لانو لازم تكونين سنتين بنفس المنشاءه وانا ماجلست الا سنه

هل هذا الكلام صحيح !!
وهل يعني اني مثلن لو اروح لمدرسه راتبهم 2000 مثلن يصير اخذ بس 1000 من المدرسه
يعني الموارد ماتدعمني !

والا هذا النضام قديم والان فيه نظام 5600!!
ابغى احد يردلي بليز

D.Maha
22-06-2011, 12:03 AM
وش معنى لما يكتب لك بالموقع ( انت مسجل بالتامينات الاجتماعيه ولكنك حاليا ً لاتعمل )

قلب الجبل
14-07-2011, 05:24 AM
بارك الله فيك على الموضوع

لدي أستفسار

أنا أشتغل في معهد دوامين وراتبي في العقد 3000

لكن لما سجلوني في التأمينات كتبوا راتبي 1500

ولما سألت المسئولة قالت إحنا نمشي على راتب الدوام الواحد ؟؟؟

الأن بعد الموضوع عرفت أنه الفرق مستقبلا بيكون كبير؟

السؤال هل اللي حاصل معي شيء سليم في نظر التأمينات ؟؟

وفي حال كان هذا تلاعب كيف طريقة حل الوضع

ولكم جزيل الشكل bp039

Silent pain
14-07-2011, 05:15 PM
موضوع رائع بحق ..

بس ماكأن غلط سعنوووون ..

صاحب العمل يدفع 11٪ من مبلغ التأمين والعامل 9٪ وبكذا التوتال يكون 20 ٪ للعامل السعودي ... اما ماذكرته بخصوص الاجنبي صحيح ..

Silent pain
14-07-2011, 05:19 PM
وش معنى لما يكتب لك بالموقع ( انت مسجل بالتامينات الاجتماعيه ولكنك حاليا ً لاتعمل )

هذا يعني انك كنتي موظفه سابقا في قطاع خاص والجهة اللي توظفتي فيها مأمنه عليك ..
بعد ماتركتي العمل استبعدتك الجهة من على رأس العمل .. بالتالي يكون لك مستحقات لدى التأمينات عن الفتره اللي عملتي فيها ..

الافضل انك تخلينها لو مانتي محتاجه لها .. بحيث لو تظفتي في مكان ثاني تضم لك ويصير لك مبلغ حلو .. اما لو سحبتيها وتتوظفتي من جديد بتبدا التأمينات تحسب لك من جديد وكأنك اول مرة تتوظفين ..

animatedude
27-07-2011, 02:34 AM
انا شغال بالقطاع الخاص وجاني عرض من شركة ثانيه لكن مابي اخسر وظيفتي الحالية مع انه الوظيفة الثانية لازم يبون اسمي بمكتب العمل عشان السعودة ونظام مكتب العمل بس شركة وحدة.

الزبدة كلمت التامينات يقولون عادي تظيف شركتين بس السالفه اللحين ابي اعرف وش نظام مكتب العمل عشان اخلي الشركة الجديدة تسجلني عشان السعودة ...لازم اسقط اسمي؟ ولا لازم ورقة اخلا طرف من الشركة؟ ولا كيف؟ واذا لازم اسقط اسمي فا وشي الطريقة ...وهل فعلا اقدر اسجل اكثر من وظيفة بالتامينات الاجتماعيه؟

Silent pain
28-07-2011, 12:41 AM
^^^

بيصير عندك تداخل في المدد وحوسة.!

اللي يسقط اسمك في حال قدمت استقالتك من الشركة الاولى (سواء كان سبب الترك استقاله او فصل او اي سبب اخر).. هي نفسها الشركه الاولى عن طريق الاون لاين .. اللحين التأمينات ماعاد تقبل اخلاء طرف ورقي ..

ملكهم كلهم
16-08-2011, 04:05 AM
انا طالب ولي شغل خاص ... هل يميني اسجل فيها ؟

jo0o0d
16-08-2011, 07:13 AM
التنفيذي
اخوي جزاك الله خير رغمي اني مشتركة بالتأمينات تبع شغلي سابقا و مدة الخدمة 61 شهر حتى تاريخ استقالتي
و الان انا مبتعثة و لي تقريبا 4 سنوات كيف اقدر اشترك و انا ببلد الابتعاث هل فيها خدمات الكترونية اقدر اشترك و ادفع من بنك اجنبي مثلا !!
مشكور جدا

shining
16-08-2011, 04:54 PM
انا الشركة مسجليني بالتأمينات وحاطين مؤهلي ثانوية عامة مع العلم اني جامعي
والراتب اللي مسجليني بناء عليه ازود من راتبي ب 2000 ريال ؟
هل الشركة قاعدة تستفيد ؟

Silent pain
20-08-2011, 02:44 AM
^^
عذرا ع القطة بس ايه قاعدة تستفيد ونص بعد ..
الشركة تبي تدفع التأمين عليك 11٪ من قيمة الراتب الاساسي
فاذا كانت تدفع عالنسبه بناء على راتبك على اساس ان مؤهلك ثانوي فهذا فيه بخس وظلم لك ..
لان الراتب الاساسي اعلى اذا كان مؤهلك جامعي .. صح والا لا..

راجع الشركة واذا رفضوا راجع التأمينات وقدم شكوى ..

shining
20-08-2011, 04:26 PM
^^
عذرا ع القطة بس ايه قاعدة تستفيد ونص بعد ..
الشركة تبي تدفع التأمين عليك 11٪ من قيمة الراتب الاساسي
فاذا كانت تدفع عالنسبه بناء على راتبك على اساس ان مؤهلك ثانوي فهذا فيه بخس وظلم لك ..
لان الراتب الاساسي اعلى اذا كان مؤهلك جامعي .. صح والا لا..

راجع الشركة واذا رفضوا راجع التأمينات وقدم شكوى ..

الراتب اللي يعطوني اياه راتب مناسب للجامعي
لكن استغرابي ليش مسجليني بشهادة الثانوية

Silent pain
20-08-2011, 09:15 PM
عشان تكون نسبة التأمين اللي راح يدفعونها عليك اقل ..

بشرح لك اكثر..
لو فرضنا ان راتبك كجامعي 3500 اساسي من غير البدلات (3500x11 ٪100)
بيصير مبلغ التأمين اللي راح تدفعه الشركة 385 ريال ..

بينما اذا كانو مسجلين راتبك على اساس انك ثانوي وراتبك اساسي 2000 فبيصير مبلغ التأمين اللي بتدفعه الشركة (2000x11٪100)=220 ريال ..

shining
20-08-2011, 09:48 PM
عشان تكون نسبة التأمين اللي راح يدفعونها عليك اقل ..

بشرح لك اكثر..
لو فرضنا ان راتبك كجامعي 3500 اساسي من غير البدلات (3500x11 ٪100)
بيصير مبلغ التأمين اللي راح تدفعه الشركة 385 ريال ..

بينما اذا كانو مسجلين راتبك على اساس انك ثانوي وراتبك اساسي 2000 فبيصير مبلغ التأمين اللي بتدفعه الشركة (2000x11٪100)=220 ريال ..

اها وانا اقول الراجحي مايهرول عبث :d
ومعنا ماستر ومسجلينهم بكالوريس ورواتبهم مثلنا بالضبط

Silent pain
21-08-2011, 02:03 AM
مافيه شركات قطاع خاص تهرول عبث pb093

مرت علي حالات الشركات مايسجلون بعض الموظفين في التأمينات .! ولا انهو خدمتهم وجو يطالبون بصرف مستحقاتهم الا مالهم شي :mad:

انت موظف في قطاع خاص = انت موظف معرض للاستغلال ..

الزاحفه51
21-08-2011, 07:22 AM
موضوع مفيد جدا ,,
اخوي لاهنت .. انا علمت بمدرسة خاصه لمدة سنة ويقتطعون للتامين من راتبي كل شهر 300 ريال
انا رحت بسحب حسابي من التامينات قالوا لنا نصيحه لاتسحبونه انه ينفع اذا الواحد توظف وظيفة حكوميه
مع العلم ان صاحب العمل ماأمن علي الا 5 شهور حسبي الله ونعم الوكيل
وش رايك اخي الكريم 5 شهور تعتبر سنة لو ابتوظف مستقبلا ولااسحبها واستفيد ؟
مع الشكر الجزيل مقدما ,,

ريــــز
21-08-2011, 12:07 PM
انا كنت موظفه بمدرسه اهليه وماكملت معهم حتى اسبوع وبعد مااستقلت جاني مسج من التامينات اني انضفت من قبل المدرسه في نظام التامينات طيب ليش

وش فايدتهم :)

Silent pain
23-08-2011, 10:44 PM
^^

سعودة ياألبي انتي .. :d

مكتب العمل فرض على اصحاب العمل السعودة ..عشان كذا سجلوك بعد تركك للعمل .. ولاتستغربين انهم بيجدعونك قريب .. :)

والله مو انا
24-08-2011, 08:03 AM
طيب انا حبه اعرف هالحين الشركة اهي الي تقوم بتسجيل الموظف بنفسها عن طريق الاون لاين واهي كمان الي تطلعه بنفس لطريقه يعني ماترسل للتامينات واهم يقومون بالمهمه ؟؟؟
لانه انا داومت بشركة يومين وبعد كذا طلعت من عندهم واساسا انا ماوقعت حتى عقد وبعد تقريبا اسبوعين جاني مسج انه انا تسجلت بالتامينات بنفس هذي الشركه يعني انا من زمان طلعت كيف سجلوني
واذا راح اتوظف بشركة ثانيه هل ضروري ينزلون اسمي قبل من هذي الشركه عشان اشتغل بمكان ثاني واذا مانزلو اسمي واتسجلت بالتامينات على شركة ثانيه هل فيه مشكله؟ افيدوني ويعطيكم الف عافيه

Silent pain
26-08-2011, 10:48 PM
ايه الشركة اللي تسجلك وهي اللي تستبعدك بالاون لاين ..

اذا تركتي العمل واصلا انتي ماوقتي عقد فهم سجلوا اسمك في التأمينات عشان السعودة.!
كلميهم يستعبدونك ولو ان تسجيلهم ماراح يأثر على عملك في مكان ثاني .. بس الافضل تكلمينهم يستبعدونك وادخلي ع التأمينات اون لاين وتأكدي بنفسك ان مالك مستحقات تامينيه ..

موفقه .

الزاحفه51
03-09-2011, 12:34 AM
موضوع مفيد جدا ,,
اخوي لاهنت .. انا علمت بمدرسة خاصه لمدة سنة ويقتطعون للتامين من راتبي كل شهر 300 ريال
انا رحت بسحب حسابي من التامينات قالوا لنا نصيحه لاتسحبونه انه ينفع اذا الواحد توظف وظيفة حكوميه
مع العلم ان صاحب العمل ماأمن علي الا 5 شهور حسبي الله ونعم الوكيل
وش رايك اخي الكريم 5 شهور تعتبر سنة لو ابتوظف مستقبلا ولااسحبها واستفيد ؟
مع الشكر الجزيل مقدما ,,

^^
ممكن اي احد عنده علم يجاوب والف شكر :(

tatu lover
05-09-2011, 12:23 AM
عندي سؤال بعد اذنكم

انا توظفت العام في مدرسه اهليه لمدة سنه .. وكانت مسجلتنا ع التأمينات

انا طلعت من المدرسه نهاية السنه .. واذا دخلت موقع وزارة العمل ودخلت رقمي السجل المدني يطلع ( على رأس العمل ) pb036pb036

طيب انا تركتهم من كم من شهر ليه على رأس العمل ؟ pb036pb036
اخاف هذا يضرني في حافز ويستبعدوني علما اني حاليا غير موظفه ؟!

كيف اتصرف في هذي الحاله .. ما ابي يطلع على رأس العمل وانا غير موظفه !!

قلـب طفلـه
05-09-2011, 07:09 AM
..
خالتي مسجلة بنظام التأمينات وماجددت عقدها هالسنة مع المدرسة الأهلية
وسجلت بالموقع وطلعلها التحقق من الاشتراك هالعبارة /

"أنت مسجل بنظام التأمينات الاجتماعية ولكنك حاليا لا تعمل"
وش يعني pb036
ويشملها نظام حافز والا لا ؟!

L I Z A
05-09-2011, 09:50 AM
مافيه شركات قطاع خاص تهرول عبث pb093

مرت علي حالات الشركات مايسجلون بعض الموظفين في التأمينات .! ولا انهو خدمتهم وجو يطالبون بصرف مستحقاتهم الا مالهم شي :mad:

انت موظف في قطاع خاص = انت موظف معرض للاستغلال ..


عزيزتي ، ليتك ما تعممين في ردك
بعض شركات القطاع الخاص سيئة وبعضها حقاني لابعد حد
تصحيح الجملة : انت موظف "في اي قطاع" اعرف حقوقك و طالب فيها
اعرف موظفات في الحكومة تم حجب مستحقات لهم لجهلهم فيها ، نقدر نطبق نفس القاعدة ونقول ان الحكومة تستغل الموظفين؟

Galaxy
05-09-2011, 12:32 PM
السلام عليكم .. سؤال يا ليت القى اجابه واضحه له

هل هناك تعارض في التأمينات الاجتماعيه و الدراسه بالخارج ؟ يعني هل اقدر اكمل دراستي في الخارج و في نفس الوقت ما اوقف اسمي في التأمينات ؟

السؤال الاخر .. هل بالامكان التسجيل في أكثر من منشأه عند التأمينات ؟

Galaxy
07-09-2011, 03:08 PM
السلام عليكم .. سؤال يا ليت القى اجابه واضحه له

هل هناك تعارض في التأمينات الاجتماعيه و الدراسه بالخارج ؟ يعني هل اقدر اكمل دراستي في الخارج و في نفس الوقت ما اوقف اسمي في التأمينات ؟

السؤال الاخر .. هل بالامكان التسجيل في أكثر من منشأه عند التأمينات ؟


انتظر الاجابه

المنصه الشماليه
09-09-2011, 04:26 PM
موضوع مفيد جدا

بالتوفيق لكم وللجميع

اسود غامق
09-09-2011, 05:18 PM
يالتنفيذي نصيحتك للمبتعثين في محلها

نفتقر هذا النصح في الفترات السابقة ولاهنت

abuwaleed
14-09-2011, 08:47 PM
موضوع مفيد جدا

كل التوفيق للجميع

Silent pain
25-09-2011, 09:09 PM
عزيزتي ، ليتك ما تعممين في ردك
بعض شركات القطاع الخاص سيئة وبعضها حقاني لابعد حد
تصحيح الجملة : انت موظف "في اي قطاع" اعرف حقوقك و طالب فيها
اعرف موظفات في الحكومة تم حجب مستحقات لهم لجهلهم فيها ، نقدر نطبق نفس القاعدة ونقول ان الحكومة تستغل الموظفين؟


ياعزيزتي القطاع الخاص عندنا بالذات معظم رؤس الاموال فيه اجنبيه فالاستغلال وارد وماحد يقدر ينكره ..

كونك موظف في اي قطاع وتعرف حقوقك وتطالب فيها جملة بديهية ..
لكن مرت علي حالات يكون العقد فيها صوري .. المعمول به غير الموجود بالعقد .!
ومانقدر نقول ان كل العاملين بالقطاع الخاص هم من ذوي الشهادات العاليه .! اغلب شركات المقاولات يوظفون اللي شهاداتهم ثانوي ومتوسط اقل في الرواتب .! ويشغلونهم شغل السنه بيوم .. موب ظلم لهم .! الا ظلم بس هم وقعوا على عقود عمل تنص على الوضع الظاهر ..

لازم الواحد يصير مفتح عشره/عشره pb036 سواء كان موظف في قطاع عام او خاص

Silent pain
25-09-2011, 10:23 PM
السلام عليكم .. سؤال يا ليت القى اجابه واضحه له

هل هناك تعارض في التأمينات الاجتماعيه و الدراسه بالخارج ؟ يعني هل اقدر اكمل دراستي في الخارج و في نفس الوقت ما اوقف اسمي في التأمينات ؟

السؤال الاخر .. هل بالامكان التسجيل في أكثر من منشأه عند التأمينات ؟



انت موظف ولاطالب .! يعني قبل تسافر كنت موظف .!
اذا كنت موظف ورايح تبع وظيفتك ماتوقف عنك لانها بتمشي مع الراتب
مع الانتباه الا ان الراتب بيصير نصف الراتب اللي تستلمه قبل البعثه يعني نسبة التأمينات بتنخض للنصف تبعا للراتب ..
اذا كنت طالب ويمشي لك معاش ورثة مثلاً برضو ماتوقف عنك مادمت تحت 26 سنه وانك طالب ولست موظف :cool:

New ME
29-09-2011, 08:27 PM
مساء الخير..
انا حابه استفسر عن رواتب التأمينات الاجتماعيه..
اللي اعرفه ان الوحده اذا كان يجيها راتب من راتب ابوها المتوفي من التأمينات الاجتماعيه
فهو راح ينقطع في حالتين.. اذا تزوجت او توظفت..
طيب انا حابه اسأل اذا كانت الوظيفه في مدرسه اهليه ومو رسميه هل راح ينقطع عنها الراتب؟

اللي عنده خلفيه عن هالموضوع ياليت يجاوبني..bp039

*AmaNy
03-10-2011, 02:34 PM
انا مسجله بالتامينات الاجتماعيه بس رقم المشترك كانو مرسلينه لي مسج وانسرق الجوال من زمان
ممكن احد يفيدني كيف اقدر اعرف رقم المشترك لاني اتصلت عليهم ولاردو علي :) ؟؟؟
الله يعطيكم العافيه

Galaxy
04-10-2011, 08:45 PM
انت موظف ولاطالب .! يعني قبل تسافر كنت موظف .!
اذا كنت موظف ورايح تبع وظيفتك ماتوقف عنك لانها بتمشي مع الراتب
مع الانتباه الا ان الراتب بيصير نصف الراتب اللي تستلمه قبل البعثه يعني نسبة التأمينات بتنخض للنصف تبعا للراتب ..
اذا كنت طالب ويمشي لك معاش ورثة مثلاً برضو ماتوقف عنك مادمت تحت 26 سنه وانك طالب ولست موظف

انا طالب و تخرجت بشهادة بكلوريس و ما بعد سافرت , بسافر قريب ان شاء الله تعالى و موظف في شركة واحد من الأقارب

بسافر على حسابي يعني الوظيفه مالها علاقه أبدا بدراستي .. هل اسافر و اترك معاش التأمينات يمشي لي ولا اوقفه ولا وش الدبره ؟

يا ليت تفيديني جزاك الله خير

i Know that
05-10-2011, 02:02 PM
السلام عليكم ..
جهد جبار على الموضوع .. عساها في موازين حسناتك إن شاء الله ..

أنا حاليا طالب جامعي واستلم راتب ورثة من الوالد الله يرحمه
س/هل يمكني العمل في القطاع الخاص ؟ يعني اسلتم راتبين ؟
راتب القطاع الخاص وراتب الورثة

فاتن شو
05-10-2011, 09:24 PM
انا هالسنه توططفت بقطاع خاص وقالوا بيدخلوني بالموارد ووالتامينات
ينفع يدخلوني بالااثنين سوا
مع العلم ان هذه اول وظيفه لي

Silent pain
07-10-2011, 01:40 PM
انا طالب و تخرجت بشهادة بكلوريس و ما بعد سافرت , بسافر قريب ان شاء الله تعالى و موظف في شركة واحد من الأقارب

بسافر على حسابي يعني الوظيفه مالها علاقه أبدا بدراستي .. هل اسافر و اترك معاش التأمينات يمشي لي ولا اوقفه ولا وش الدبره ؟

يا ليت تفيديني جزاك الله خير



يعني تقصد نسبة التأمينات اللي تستقطع من الراتب كونك موظف قطاع خاص ..!

على حسب علاقتك بالوظيفة بعد السفر.. انت بتقدم استقالتك بتوقف عنك .. انت بتاخذ اجازة بدون راتب توقف عنك ..

Silent pain
07-10-2011, 01:43 PM
مساء الخير..
انا حابه استفسر عن رواتب التأمينات الاجتماعيه..
اللي اعرفه ان الوحده اذا كان يجيها راتب من راتب ابوها المتوفي من التأمينات الاجتماعيه
فهو راح ينقطع في حالتين.. اذا تزوجت او توظفت..
طيب انا حابه اسأل اذا كانت الوظيفه في مدرسه اهليه ومو رسميه هل راح ينقطع عنها الراتب؟

اللي عنده خلفيه عن هالموضوع ياليت يجاوبني..bp039

اذا الراتب اللي بتستلمينه 3000 وفوق ينقطع عنك راتب الورثه .. ولازم تخبرين المؤسسة انك توظفتي ولا بتظطرين تسددين كلل اللي استلمتيه من راتب الورثة وانت على راس العمل ..

Silent pain
07-10-2011, 01:46 PM
انا مسجله بالتامينات الاجتماعيه بس رقم المشترك كانو مرسلينه لي مسج وانسرق الجوال من زمان
ممكن احد يفيدني كيف اقدر اعرف رقم المشترك لاني اتصلت عليهم ولاردو علي :) ؟؟؟
الله يعطيكم العافيه

جربي تدقين مرة ثانيه او راجعيهم مارح ياخذ الموضوع معك دقايق ..
او جربي عن طريق الاون لاين ..
برقم الهوية يطلعون لك رقم الاشتراك الامر بسيط جداً..

Silent pain
07-10-2011, 01:49 PM
السلام عليكم ..
جهد جبار على الموضوع .. عساها في موازين حسناتك إن شاء الله ..

أنا حاليا طالب جامعي واستلم راتب ورثة من الوالد الله يرحمه
س/هل يمكني العمل في القطاع الخاص ؟ يعني اسلتم راتبين ؟
راتب القطاع الخاص وراتب الورثة

اذا كان عمرك اقل من 21 سنه ... نعم تستلم راتبين..

فيه شرط مو متأكده منه بالنسبة لوضعك يمكن ارتفع في الفتره الاخيره اللي هو راتبك مايكون اكثر من 3 الاف ريال ..

F A R A H
07-10-2011, 03:09 PM
عندي اخت مصابة بـ (متلازمة داون ) هل لها ضمان اجتماعي من المؤسسة ؟
واذا لها ماهو العمر المطلوب ليشملها الضمان ؟
شكرا

Silent pain
07-10-2011, 04:40 PM
عندي اخت مصابة بـ (متلازمة داون ) هل لها ضمان اجتماعي من المؤسسة ؟
واذا لها ماهو العمر المطلوب ليشملها الضمان ؟
شكرا

لا حبيبتي .. انتي تقصدين وزارة الشئون الاجتماعيه .! هذيك شي والتأمينات الاجتماعيه شي ثاني ..

مااعندي خلفيه عنها ولااقدر افيدك بشي ... pb189

ميس قرين
08-10-2011, 07:41 PM
اخوي بسألك
الحين المدرسة توها مفتتحه وجديده طالبو بالموارد البشريه قالوا لازم الموظفين يكونون من عندنا مو انتم اللي توظفون
والحين دخلونا بالتأمينات رواتبنا بعد تسع بالمية 2000 ريال فقط
قلنا لهم عن الامر الملكي والمالك ماشا الله دكتور وجدا متعاااااااااون
يقول بحاول اسعى لها الموارد صعبه ادفع 5 الالاف علي والمدرسة مبتدئه
اعرف مدارس نموذجيه شخصيا تأمين + موارد بشريه ؟!؟!؟ كيف جت ,

لو ماخذت مستحقاتي بتحسب لي خبره حكومية ! واذا اخذتها ماتحسب لي

من نهاية الشهر الجاي باخذ راتبي مع تسجيلي للتأمينات
المشكله ايش توني متوظفه مع بدتية اكتوبر وارسلت لحافز طلب من زمان الان فيه اجراء اقولهم
اني توظفت او بيعرفون من نفسهم متى توظفت ؟!
لان شروطهم والله فيها قانون وذمه وحاله


شكرا اخي ويعطيك العافيه

|[ Female PRIDE ]|
12-10-2011, 02:31 AM
عندي كذا سؤال ياليت القى اجابة لهم ..
- وش الفرق بين الموارد البشرية و التأمينات الاجتماعية و المؤسسة العامة للتقاعد؟
- هل الموظف الحكومي بعقد اللي على التأمينات إذا ترسم تنحسب له سنوات الخدمة؟ والا إذا ترسم يبدون يحسبون له السنوات من الصفر :confused:
- موظف ع التأمينات له سنة ونص او سنتين ترك العمل (استقال) لمدة كذا شهر ثم بدأ العمل بجهة أخرى .. هل يصفى حسابه لدى التأمينات ؟ أو يعطى فرصة لمباشرة العمل في أي جهة ؟ و استكمال نظام التأمينات مع الجهة الجديدة؟
شكرا لكم ,,

فاتن شو
12-10-2011, 06:56 PM
بسال سوال مهم وبلييرر الرد سريعا
محتاجه الاجابة بسرعه
اذا توظفت بمدرسه اهلية وسجلتني بالتامينات والموارد البشريه
هل يستبعد اسمي من الوظائف الحكومية

‏! ـشُِتآتّ
18-10-2011, 06:13 PM
مراحب ,, الله يعطيكم العافيه
انا كنت موظفه واستقلت ,, وكانت التآمينات تآخذ من راتبي
دقيت عليهم وقالوا لي كم لي عندهم ,, وان بإمكاني استلامها
بس سؤالي : اذا مااستلمتها الحين فيه نقاط ايجابيه لي او لا ؟
لاني سمعت اذا توظفت مره ثانيه مايدخلوني فيها ؟
عوافي للكل

om kalthoum
18-10-2011, 06:26 PM
السلام عليكم حابه اسال انا عن المدارس الاهلية والتامينات الاجتماعيه ! وياليت تفيدوني وتكسبون اجري

الان انا من توظفت عندهم وهم يستقطعون من راتبي بس ماسجلوني في التامينات لما تواصلت معاهم قالوا لي تبين نعطيك الفلوس المستقطعه او ندخلك في التامينات قلت دخلوني لاني ابي تنحسب لي خبره

السؤال هنا الفلوس المستقطعه من راتبي وش راح تفيديني فيه !! وكيف
السؤال الثاني : لو اخذت فلوسي وماتسجلت في التامينات هل سنوات الخبرة حقت ماتنحسب لي في الخدمه المدنية ؟!!

ويعطيكم العافيه .

Moody Dream
21-10-2011, 08:15 PM
السلام عليكم حابه اسال انا عن المدارس الاهلية والتامينات الاجتماعيه ! وياليت تفيدوني وتكسبون اجري

الان انا من توظفت عندهم وهم يستقطعون من راتبي بس ماسجلوني في التامينات لما تواصلت معاهم قالوا لي تبين نعطيك الفلوس المستقطعه او ندخلك في التامينات قلت دخلوني لاني ابي تنحسب لي خبره

السؤال هنا الفلوس المستقطعه من راتبي وش راح تفيديني فيه !! وكيف
السؤال الثاني : لو اخذت فلوسي وماتسجلت في التامينات هل سنوات الخبرة حقت ماتنحسب لي في الخدمه المدنية ؟!!

ويعطيكم العافيه .

نفس السؤالبس انا ابغى اخذ فلوسي اللي كانوا ياخذونها
اذا خذتها بيصير شي.
ومن وين اخذها؟

بـوح
22-10-2011, 12:59 PM
السلام عليكم

أنا صار لي شهر وشي أشتغلت تدريب في مركز وبدون عقد "تدريب وظيفه"
وفجأه اليوم قالت لي المديره إنها سجلتني بالموارد مدري التأمينات واصلا ماوقعت عقد معي !!

ابي اعرف وشلون أتأكد انها مسجلتتي لاني بترك الوظيفه ولاابي اسمي يتعلق كذا :"(
افيدوني الله يسسعدكم 

Silent pain
23-10-2011, 05:26 PM
احب انوه للي ماجاوب على اسألتهم ..
اما لان تساؤلاتهم مو واضحه .. او لان ماعندي خلفية تؤهلني لافادتهم ..
فأترك المجال للي عنده خلفيه احسن مني ..




مراحب ,, الله يعطيكم العافيه
انا كنت موظفه واستقلت ,, وكانت التآمينات تآخذ من راتبي
دقيت عليهم وقالوا لي كم لي عندهم ,, وان بإمكاني استلامها
بس سؤالي : اذا مااستلمتها الحين فيه نقاط ايجابيه لي او لا ؟
لاني سمعت اذا توظفت مره ثانيه مايدخلوني فيها ؟
عوافي للكل


اذا مااستلمتيها اللحين وتوظفتي بعدين وتسجلتي مره ثانيه في التأمينات .. تحتسب لك كرصيد يضاف عليها المستقطع من الراتب للتأمينات -راتب الوظيفة الجديده-
اما اذا سحبتيها وتوظفتي بعدين المستقطع من راتبك للـ التأمينات تصرف لك كموظفة جديدة -مالك رصيد سابق لانك سحبتيه-

Silent pain
23-10-2011, 05:36 PM
السلام عليكم حابه اسال انا عن المدارس الاهلية والتامينات الاجتماعيه ! وياليت تفيدوني وتكسبون اجري

الان انا من توظفت عندهم وهم يستقطعون من راتبي بس ماسجلوني في التامينات لما تواصلت معاهم قالوا لي تبين نعطيك الفلوس المستقطعه او ندخلك في التامينات قلت دخلوني لاني ابي تنحسب لي خبره

السؤال هنا الفلوس المستقطعه من راتبي وش راح تفيديني فيه !! وكيف
السؤال الثاني : لو اخذت فلوسي وماتسجلت في التامينات هل سنوات الخبرة حقت ماتنحسب لي في الخدمه المدنية ؟!!

ويعطيكم العافيه .

وعليكم السلام ..
برافو عليك انك طلبتي منهم يسجلونك بالتأمينات .. لان تسجليك في المؤسسة ضمان لحقوقك التأمينيه من الضياع -خصوصاً للموظفين والموظفات في القطاع الخاص .. ماانصحكم تثقون شفاهة في مثل هالامور - وبرضو عشان الخبره ...

الفلوس المستقطعه من راتبك اللي 9٪ ..
و11٪ يدفعها صاحب العمل ..
هذي بعد ماتنتهي علاقتك بالوظيفة بالاستقاله او التقاعد او الفصل تكون لك كرصيد مدين عند التأمينات اذا حبيتي تسحبينها او تتركينها اذا كنتي بتتوظفين ويضاف لها المستقطع من راتبك من الوظيفة الجديدة وتشكل لك في نهاية علاقتك بالوظيفة رصيد عند التأمينات ..& وخبره سابقة في المكان الفلاني اللي توظفتي فيه ..

Silent pain
23-10-2011, 09:59 PM
نفس السؤالبس انا ابغى اخذ فلوسي اللي كانوا ياخذونها
اذا خذتها بيصير شي.
ومن وين اخذها؟

تاخذينها من المؤسسة العامة للتأمينات الاجتماعيه
تروحين تقدمين طلب وتستلمينها بعد اسبوعين او عشر ايام ..

Silent pain
23-10-2011, 10:02 PM
السلام عليكم

أنا صار لي شهر وشي أشتغلت تدريب في مركز وبدون عقد "تدريب وظيفه"
وفجأه اليوم قالت لي المديره إنها سجلتني بالموارد مدري التأمينات واصلا ماوقعت عقد معي !!

ابي اعرف وشلون أتأكد انها مسجلتتي لاني بترك الوظيفه ولاابي اسمي يتعلق كذا :"(
افيدوني الله يسسعدكم 

يمكنها مسجلتك بالموارد مااعتقد بالتامينات وانتي متدربة ..
جربي تدخلين رقم الهوية الوطنية حقك في التأمينات اون لاين واذا ماضبط اتصلي على المؤسسة العامة للتأمينات المكتب التابع لمنطقتك او راجعيهم اذا قدرتي ..

•√ خَ ـجَلُ ~
26-10-2011, 08:53 AM
آلسلآم عليُكم


آختي موظفُه ف شرٍكةة
جتهُآ رسآله ع جوٍآلهـآ بآنو تم تسجيلهـآ ف آلتآمنيآت آلآجتمآعيةة
وحآطين رقم , آتوقع رقم سري آو شئ زي كذآ
لمـآ دخلت ع موقع آلتآمنيآت وسويت بحث بآسمهـآ ورقم هويتهآ
م طلعت آسمهآ ف آلنتآئج, يقول غير موجود

وش معنىآ هيييك ؟!!!

D001
26-10-2011, 09:08 AM
الله يقويك على هالموضوع

عندي سؤال يا جماعة
انا حالياً خارج المملكة ومطول وابي اعرف كم رقم المشترك حقي
حاولت اكلم الرقم المجاني وفرع الرياض ولا عندك احد مايردون ابد ولا يرد الاستقبال ويقول بيحولني وعقبها محد يرد
وش السواة ؟

روح ساره
29-10-2011, 02:07 PM
السلام عليكم

إستفساريعن التأمينات الإجتماعيه بالمدارس الأهليه

كيف نظامها ..!

وكم النسبه من الراتب

والمدرسه تضيف عليها أو الجزء المستقطع من الراتب يكتفون فيه

ولو كنت ع رأس العمل أقدرآسحبها ..!!


شكراً مقدماً

روح ساره
29-10-2011, 05:28 PM
السلام عليكم

إستفساريعن التأمينات الإجتماعيه بالمدارس الأهليه

كيف نظامها ..!

وكم النسبه من الراتب

والمدرسه تضيف عليها أو الجزء المستقطع من الراتب يكتفون فيه

ولو كنت ع رأس العمل أقدرآسحبها ..!!


شكراً مقدماً


لفيت بالموضوع ولقيت ردود لإستفساري
.

اليوم سألت الموظفه كم يكون الإستقطاع قالت حوالي ال200

برغم إن راتبي 1700

نسبتها مو صحيحه ..!!

وباقي إستفسار واحد هل المدرسه تضيف ع المبلغ أو مجرد الإستقطاع محسوب لي

.

‏كارولتا
29-10-2011, 08:33 PM
موضوع فادني بمعلومات اول مره اعرفها عن الموسسه
الله يعطيك العافيه

Silent pain
30-10-2011, 10:24 PM
الله يقويك على هالموضوع

عندي سؤال يا جماعة
انا حالياً خارج المملكة ومطول وابي اعرف كم رقم المشترك حقي
حاولت اكلم الرقم المجاني وفرع الرياض ولا عندك احد مايردون ابد ولا يرد الاستقبال ويقول بيحولني وعقبها محد يرد
وش السواة ؟

جربت عن طريق التأمينات اون لاين .!

من هنا http://www.gosi.com.sa/portal/web/guest/check-registration-state

Silent pain
30-10-2011, 10:29 PM
آلسلآم عليُكم


آختي موظفُه ف شرٍكةة
جتهُآ رسآله ع جوٍآلهـآ بآنو تم تسجيلهـآ ف آلتآمنيآت آلآجتمآعيةة
وحآطين رقم , آتوقع رقم سري آو شئ زي كذآ
لمـآ دخلت ع موقع آلتآمنيآت وسويت بحث بآسمهـآ ورقم هويتهآ
م طلعت آسمهآ ف آلنتآئج, يقول غير موجود

وش معنىآ هيييك ؟!!!


الرقم اللي ارسل لها رقم الاشتراك بالتأمينات الاجتماعيه ..
تدخله بالتأمينات اون لاين وتدخل الباسوورد اللي مرسل معاه..
اذا ماضبط..
جربو تتصلون بمكتب التأمينات في منطقتكم..

Silent pain
30-10-2011, 10:34 PM
لفيت بالموضوع ولقيت ردود لإستفساري
.

اليوم سألت الموظفه كم يكون الإستقطاع قالت حوالي ال200

برغم إن راتبي 1700

نسبتها مو صحيحه ..!!

وباقي إستفسار واحد هل المدرسه تضيف ع المبلغ أو مجرد الإستقطاع محسوب لي

.


في حسبة نسبة المستقطع للتأمينات ناخذ الراتب الاساسي بدون بدلات ..


الراتب الاساسي * 9٪= النسبة المستقطعه من الراتب..

المبلغ المستقطع يبقى لك كرصيد في التأمينات بعد انتهاء علاقتك بالوظيفة سواء استقاله او تقاعد او فصل ..

# الشرطة #
30-10-2011, 10:54 PM
يااارب الاقي اجابات لأسئلتي
الحين حنا بمدرسة اهلية وقعنا عقد ترم وكاتبين من مميزات العقد انها مو مسجلتنا بالتأمينات وراح تصرف لنا ال 300 مع الراتب (ما دخلت مخي حسيت ان وراها شيء من هالمميزات ! من متى المدارس الاهلية تهتم بالمعلمة ! ! ) طيب حنا موقعين عقد ترم مو الزامي عليها تشركنا بالتأمينات ؟
طيب لو جات الزيادة تبع المدارس الاهلية تتوقعون وحنا مو مضافين بالتأمينات بيجينا شيء ولا لا ؟؟

روح ساره
03-11-2011, 04:07 PM
في حسبة نسبة المستقطع للتأمينات ناخذ الراتب الاساسي بدون بدلات ..


الراتب الاساسي * 9٪= النسبة المستقطعه من الراتب..

المبلغ المستقطع يبقى لك كرصيد في التأمينات بعد انتهاء علاقتك بالوظيفة سواء استقاله او تقاعد او فصل ..

الإستقطاع كان 200 ريال

حاولت افهم واستفسر وكان الرد هذه سياسة المدرسه

الآن كيف أتأكد من حسابي بالتأمينات ..!

بالسجل المدني ..!!

وإذا ذكر للآن ماتسجل لي شي ..!!

المفروض يكون متى ..!!

lamoooy
03-11-2011, 04:25 PM
الحين كل الجهات الخاصه من مدارس ومؤسسات وشركات مشتركه بالتامينات ويتم اقتطاع الراتب منها ؟

E s O
05-11-2011, 01:19 AM
يااارب الاقي اجابات لأسئلتي
الحين حنا بمدرسة اهلية وقعنا عقد ترم وكاتبين من مميزات العقد انها مو مسجلتنا بالتأمينات وراح تصرف لنا ال 300 مع الراتب (ما دخلت مخي حسيت ان وراها شيء من هالمميزات ! من متى المدارس الاهلية تهتم بالمعلمة ! ! ) طيب حنا موقعين عقد ترم مو الزامي عليها تشركنا بالتأمينات ؟
طيب لو جات الزيادة تبع المدارس الاهلية تتوقعون وحنا مو مضافين بالتأمينات بيجينا شيء ولا لا ؟؟

نفس الاستفسار لأني سمعت اخر يوم دوام اللي مو مسجلين مالهم اي زياده <<وش دخل pb036

Flexible
07-11-2011, 05:00 AM
فيه واحد من الشباب عنده مؤسسة ومطلع باسمه عمال


وموظف بشركة يوم استقال منها لانه لقى فرصة عمل ثانيه قالوا له التأمينات مالك حقوق عندنا لان عندك عمال !!

انا ماني مطلع على مشكلته بشكل جيد

بس بعرف وش علاقة مؤسستك الخاصه بالتأمينات وليه حرموا الرجال من حقوقه؟

بـوح
13-11-2011, 08:17 AM
مرحبا


دخلت ع التامينات حصلت
انت مسجل ولكن لاتعمل !!

طبعا رئيستي في العمل هي اللي سجلتني
ولكن ماوقعت عقد معها
الحين اقدر اسحب عليها ولايضرني شي ؟

Silent pain
17-11-2011, 12:59 AM
يااارب الاقي اجابات لأسئلتي
الحين حنا بمدرسة اهلية وقعنا عقد ترم وكاتبين من مميزات العقد انها مو مسجلتنا بالتأمينات وراح تصرف لنا ال 300 مع الراتب (ما دخلت مخي حسيت ان وراها شيء من هالمميزات ! من متى المدارس الاهلية تهتم بالمعلمة ! ! ) طيب حنا موقعين عقد ترم مو الزامي عليها تشركنا بالتأمينات ؟
طيب لو جات الزيادة تبع المدارس الاهلية تتوقعون وحنا مو مضافين بالتأمينات بيجينا شيء ولا لا ؟؟



اعتذر عن التأخير في الرد

اذا جت الزيادة وانتي على رأس العمل ذيك الساعة ييصير خير:p

Silent pain
17-11-2011, 01:02 AM
الإستقطاع كان 200 ريال

حاولت افهم واستفسر وكان الرد هذه سياسة المدرسه

الآن كيف أتأكد من حسابي بالتأمينات ..!

بالسجل المدني ..!!

وإذا ذكر للآن ماتسجل لي شي ..!!

المفروض يكون متى ..!!

اللينك اللي حطيته باحد ردودي يمكنك تتاكدين من تسجيلك

المفروض من اول يوم دوام يتسجللك ..

Silent pain
17-11-2011, 01:05 AM
فيه واحد من الشباب عنده مؤسسة ومطلع باسمه عمال


وموظف بشركة يوم استقال منها لانه لقى فرصة عمل ثانيه قالوا له التأمينات مالك حقوق عندنا لان عندك عمال !!

انا ماني مطلع على مشكلته بشكل جيد

بس بعرف وش علاقة مؤسستك الخاصه بالتأمينات وليه حرموا الرجال من حقوقه؟

مالها علاقه ويمكن انت فهمت مشكلة خويك غلط..

له مستحقات تامينيه بعد انقطاع علاقته بالعمل بامكانه يتقدم بطلب صرفها ويستلمها..
اما العمال اذا هو فتح المؤسسه الخاصه "قبل"انتهاء علاقته بالعمل فبيكون للمؤسسه راي ثاني اكيد بالاضافه انه ملزم بدفع مبالغ تامينيه عن العمال لديه

Silent pain
17-11-2011, 01:08 AM
مرحبا


دخلت ع التامينات حصلت
انت مسجل ولكن لاتعمل !!

طبعا رئيستي في العمل هي اللي سجلتني
ولكن ماوقعت عقد معها
الحين اقدر اسحب عليها ولايضرني شي ؟

بما ان مكتوب انت مسجل ولاتعمل فمعناته لسى ماستحقيتي راتب بالتالي لسى ماستحقيتي تامينات
اذا سحبتي عليها فهي اكيد بتسحب عليك وتستبعدك من التامينات وصلى الله وبارك :d

روح ساره
17-11-2011, 05:34 AM
اللينك اللي حطيته باحد ردودي يمكنك تتاكدين من تسجيلك

المفروض من اول يوم دوام يتسجللك ..

دخلت وتأكدت وظهرت لي هذه الرساله

"أنت مسجل بنظام التأمينات الاجتماعية ولكنك حاليا لا تعمل"

.

قرأت ردك قبل كيف مااستحقيت راتب ..!!

على إني استلمت راتب أول شهر وتم الإستقطاع

.
وشكراً لتعاونك

حسآإسهٍ بزيآإده
17-11-2011, 06:55 AM
أنا توظفت اسبوع بمدرسه أهليه ومن فلاحتي وقعت عقد ودخل اسمي بالتامينات
ورحت سويت إخلاء طرف بس لقيت اسمي بالتامينات مكتوب انت مسجل ولكن لاتعمل pb036
يوم سالت المدرسه قالت اسقطنا اسمك من التأمينات مجرد ماقدمتي استقالتك
السؤال الحين لو بقدم على وظيفه ثانيه فيها ضرر علي ولا كيف
وحتى اسمي بوزارة العمل موجود مكتوب على راس العمل
وكلمت المدرسه قالت لي خلاص اذا التامين مكتوب لايعمل يكفي ماعليك من وزارة العمل :confused:
مدري صادقة وللتسلك لي:cool:

Silent pain
17-11-2011, 01:40 PM
دخلت وتأكدت وظهرت لي هذه الرساله

"أنت مسجل بنظام التأمينات الاجتماعية ولكنك حاليا لا تعمل"

.

قرأت ردك قبل كيف مااستحقيت راتب ..!!

على إني استلمت راتب أول شهر وتم الإستقطاع

.
وشكراً لتعاونك

تاريخ مباشرةالعمل في العقد كم .؟ العبرة بالتاريخ اولاً


اذا تم الاستقطاع معناته المفروض المدرسة يعدلون لك التسجيل بانك على زاس العمل
راجعيهم في هالشأن

Arnb.n6
17-11-2011, 05:48 PM
السلام عليكم عندي استفسار
الوالد مسجلني في الشركه على اني اشتغل فيها
والحين ان توظفت وابي اجيب اخلاء طرف من التامينات الاجتماعيه على اني غير موظفه في الشركه
طيب الحين كيف اجيب اخلاء الطرف هذي نقطه
النقطه الثانيه
هل صحيح لو طلعت من الشركه ما اقدر اسجل في التامينات الاجتماعيه اذا توظفت عندهم مرة ثانيه
و ظيفيتي الجديدة رفضوا اوقع العقد لما اجيب اخلاء طرف من التامينات

سكر زيادهـ
17-11-2011, 11:41 PM
السلام عليكم bp039
انا اشتغل في معهد من كم شهر بنظام ساعات
واسمي مو مسجل في التأمينات

هل هالشيء يأثر على احتساب الخبرة والا ماله دخلpb036؟؟

روح ساره
21-11-2011, 10:44 PM
تاريخ مباشرةالعمل في العقد كم .؟ العبرة بالتاريخ اولاً


اذا تم الاستقطاع معناته المفروض المدرسة يعدلون لك التسجيل بانك على زاس العمل
راجعيهم في هالشأن

العقد من بداية السنه راجعت المحاسبه واستغربت

بتركها يومين وارجع اشوف ليش ينكتب لي كذه

شكراً لك

حسآإسهٍ بزيآإده
22-11-2011, 11:54 AM
وين مكانهم بروح لهم بكرى اخذ برنت يسقطون اسمي pb131
متى ونتطور ونشوب كل شي على النت بدون مانروح:sm1:

روح ساره
26-11-2011, 10:32 PM
وصلني مسج تم إشتراكك بالتآمينات
حاولت ادخل واعرف كم لي ماعرفت كيف..!

كتكوتة الاقلاع
28-11-2011, 10:33 PM
السلام عليكم bp039
انا اشتغل في معهد من كم شهر بنظام ساعات
واسمي مو مسجل في التأمينات

هل هالشيء يأثر على احتساب الخبرة والا ماله دخلpb036؟؟

نفس السؤال؟؟:confused:

روح ساره >> جربتي تدخلين على موقع التأمينات؟

روح ساره
02-12-2011, 01:51 PM
نفس السؤال؟؟:confused:

روح ساره >> جربتي تدخلين على موقع التأمينات؟

راجعت المحاسبه واستغربت يومين وجاتني رساله اني مسجله بالتأمينات

الإشكاليه إني ابي أتأكد من أي شهر محسوبه لي

دخلت الموقع لكن ماظهر لي حسابي كم ..
.
وحدة من زميلاتي تقول تسجيلك بالتأمينات يضمن لك الخبره لو صار مشكله مع صاحب العمل ورفض يسلمك شهادة خبره


ثالث انذار
06-12-2011, 03:26 PM
الله يجزاكم خير ويجعل فيما تقومون فيه في ميزان حسناتكم ان شاء الله ..
اخواني انا كنت في شركة وقدمت استقالتي من شهر ولكن اسمي بالتامينات ما اسقط الا من بداية شهر ديسمبر يعني قبل خمسة ايام .. رحت اقدم على شركة ثانية قالوا لي لازم يمر على اسقاط اسمك بالتامينات شهر كامل !! رغم اني عندي اخلاء طرف من شهر .
هل كلامهم واقعي ؟؟

Silent pain
06-12-2011, 07:22 PM
السلام عليكم bp039
انا اشتغل في معهد من كم شهر بنظام ساعات
واسمي مو مسجل في التأمينات

هل هالشيء يأثر على احتساب الخبرة والا ماله دخلpb036؟؟

وعليكم السلام ..

اكيد يأثر ليش مايأثر .. لو فرضنا ان جهة العمل اعطتك شهادة خبره وحرفت بالتاريخ شوي .! ايش اللي يثبت مدة الخبره الا التسجيل بالتأمينات .! اضف على ذلك ان تسجيلك بالتأمينات -حق- من حقوقك الوظيفية ..

وين مكانهم بروح لهم بكرى اخذ برنت يسقطون اسمي pb131
متى ونتطور ونشوب كل شي على النت بدون مانروح:sm1:

مكانهم على شارع المعذر جنوب المستشفى العسكري .. كانك مابعد رحتي يعني pb027

وصلني مسج تم إشتراكك بالتآمينات
حاولت ادخل واعرف كم لي ماعرفت كيف..!

ادخلي على خدمات المشتركين على التامينات اون لاين ..

الله يجزاكم خير ويجعل فيما تقومون فيه في ميزان حسناتكم ان شاء الله ..
اخواني انا كنت في شركة وقدمت استقالتي من شهر ولكن اسمي بالتامينات ما اسقط الا من بداية شهر ديسمبر يعني قبل خمسة ايام .. رحت اقدم على شركة ثانية قالوا لي لازم يمر على اسقاط اسمك بالتامينات شهر كامل !! رغم اني عندي اخلاء طرف من شهر .
هل كلامهم واقعي ؟؟

كلامهم غير منطقي.! لانك تقدر تباشر وظيفتين وكل الجهتين يسجلونك بالتأمينات .!
سألتهم وش مبرراتهم لهالكلام.؟!

طف الليت111
07-12-2011, 11:58 AM
اقدر اتوظف بوظفتين قطاع خاص ؟
الاولى شركه نقل مسجله بالتامينات
والثانيه بنك الراجحي ؟

Silent pain
08-12-2011, 12:50 PM
اقدر اتوظف بوظفتين قطاع خاص ؟
الاولى شركه نقل مسجله بالتامينات
والثانيه بنك الراجحي ؟


ايه تقدر .. المهم دينياً تكون تداوم فيها عشان تحلل راتبك pb036pb027

اليسا اخت مناحي
18-12-2011, 02:43 PM
طيب بسالكم انا لي سنه مشتركه بالتأمينات وابترك وظيفتي اقدر اسحب مستحقاتي

ولي قريبه لها تقريبا 3 سنوات تقدر تسحبها ؟؟

ياقمر
28-12-2011, 06:11 AM
الله يعطيكم العافيه بغيت استفسر عن موعد نزول رواتب التقاعد تبع التأمينات بأي تاريخ ؟؟

Silent pain
29-12-2011, 09:34 AM
طيب بسالكم انا لي سنه مشتركه بالتأمينات وابترك وظيفتي اقدر اسحب مستحقاتي

ولي قريبه لها تقريبا 3 سنوات تقدر تسحبها ؟؟


ايه نعم تقدرين تسحبينها
تروحين للتامينات بعد انتهاء علاقتك بالعمل وتقدمين طلب صرف وتنتظرين اسبوعين ويتصلون عليك عشان تستلمينها..




بالنسبة لتاريخ نزول رواتب التقاعد غالبا تكون في بداية الشهر او في اليوم 15 من الشهر...

بـرزه
29-12-2011, 11:23 AM
بسألكم ..أنا موظفة بمدرسة أهليه..
وشلون أدري أنا مسجلة بالتأمينات الإجتماعية؟والموارد؟؟
علما انهم ما يقضبونا جادة ..من العام وهم رافعين أسمائنا..

Silent pain
29-12-2011, 05:17 PM
888

من هنا

http://www.gosi.com.sa/portal/web/guest/check-registration-state

.H2O
30-12-2011, 07:33 PM
أنا العام كنت موظفه ومسجله بالتأمينات [القصيم] وأبي اسحب اسمي لآزم اسحبه من القصيم
او عادي من أي مكان مع العلم انو ماعرف رقم الاشترآك حقي :confused:

وشكراً bp039

رآيقه
30-12-2011, 10:36 PM
=

اذا كنت موظفه في قطاع خاص وتركت العمل
والغيت رقمي من التأميناات وخليته يعني غير مفعل
بما انه حافز مايقبل الي عندهم رقم في التامينات !
هل تلغى سنوات الخبره pb036
وشكرا لك

Ms. Romeo ..!
03-01-2012, 01:30 PM
^

هل صحيح ان اللي عندهم حساب بالتأمينات مايقبلهم حافز؟ طيب واللي ترك وظيفته تروح عليه؟ :(

انا تركت وظيفتي بنهاية شهر يونيو -6- والان شيكت ع التأمينات لقيتهم كاتبين تاريخ الاستبعاد شهر 10
وتحت تاريخ الاستبعاد في شي اسمه تاريخ الاستلام شهر 11 .. مع العلم ان اخر راتب قبضته هو راتب شهر 6

كذا اقول على حافز السلام؟ :( طيب وش الحل؟

انا@@
08-01-2012, 10:34 PM
قدمت إستقالتي من الشركه وأبي أصرف مستحقاتي من التأمينات وشلون ؟ وكم تأخذ العمليه وقت ؟
وبنفس الوقت وش الأثار المترتبه على صرف المبلغ الان ؟ يعني هل تنلغي خدمتي وما أقدر أضيف هالسنه لوظيفتي الحكوميه فيما لو توظفت ؟

شكرا pb189

غلاأبوها
12-01-2012, 02:47 PM
مساآآآآآآآآء الخير

لو سمحتوا هاللحين المتعاونة اللي معيدة بنظام الساعات تسجل بالتأمينات

ياليت تردون علي اليوم عشان أقرر

R. Emerson
12-01-2012, 03:08 PM
استفسار.

طيب بخصوص اذا الموظف جاته زيادة تبداء بتاريخ 1/1/2012 فهل يجب ادخال الراتب الجديد في التأمينات مع السنة الجديدة ولا ممكن ادخال الراتب القديم؟ مع العلم ان الراتب القديم المسجل نفرض انه 8000 وصارت زيادة 700 ريال صار 8700 خلال السنة ولم يعدل في التأمينات لانه لم يحل بعد فترة تعديل الرواتب ولما جات فترة تعديل الرواتب زاد الراتب الى مثلا 9000. هل يحطون 8700 او 9000 اخر شيء ؟

وهل فيه فقرة قانونية يمكن الاستناد عليها؟ لان خصم التأمينات يكون كبير الحين ولا يهمني الا عند التقاعد,

سؤال ثاني: ماذا عن تداخل الخدمات او الثغرات الوظيفية. وماذا عن انخفاض الراتب لاحقا. يعني لا سمح الله الموظف انهو خدماته في احدى الشركات واظطر انه يعمل براتب اقل فهل يدفع له على اساس الاعلى عند التقاعد او اخر راتب؟

شكراً.

T'iamo Italiano
12-01-2012, 05:36 PM
بلوز أنا احتاج استفسر أنا استقلت يوم الأربعاء من مدرسه دامت فيها شهرين متى المفروض ينال اسمي من التأمينات؟ وقبل لا اشتغل بالدرسة اشتغلت ببنك تقريبا سنتين وسبعه شهور سؤالي لو بسحب مستحقا تي هل اسحب المجموع اللي ادفعه أنا ويدفعه صاحب العمل؟يعني اقدر اسحب ال9٪ وال11٪ ؟

غــآليه
13-01-2012, 11:50 PM
ابي انزل اسمي من التامينات
لاني خلاص استقلت واخذت اخلاء طرف
بس اسمي للحين بالتامينات

وش السواة
سالت ورحت راجعت وقدمت شكوى
بس تقوللي معاملتك تاخذ شهور وبعدين طيب

غــلآ..~
02-02-2012, 12:20 PM
السلام عليكم ..

الله يعافيكم بسالكم عن التأمينات الاجتماعية .. ؟
انا خريجة السنة الي راحت وتوظفت معلمة في مدارس اهلية في الرياض من الترم الاول ..الى الآن ..
وادارة المدرسة ما دخلو اسمي في التأمينات اول ما توظفت عندهم ..
والحين بداية التررم الثاني و ألى الان ما دخل اسمي في التامينات لاني شيكت على رابط أتاكد برقم سجلي المدني وطلع لي اني مو مسجله في التأمينات . ؟؟ مالحل ؟؟

هل هذا يؤثر على احتساب الخبره لدي ..؟

او على اي شي .؟؟

الله يعطيكم العافيه افيدووووني (:

يالهوي!
23-02-2012, 10:15 PM
مساآآآآآآآآء الخير

لو سمحتوا هاللحين المتعاونة اللي معيدة بنظام الساعات تسجل بالتأمينات

ياليت تردون علي اليوم عشان أقرر
لا ماتسجل

فجرالأمل
25-02-2012, 08:22 PM
عفوا لو تكرمتو كيف اقدر اخذ مستحقاتي في التامينات ؟
لازم اراجعهم انا او عادي ولي امري يراجع؟؟ الى متى دوامهم الفرع النسائي؟؟
ووين موجود ؟
يعطيكم الف عافيه ~

..لودي..!
17-03-2012, 05:50 PM
السلام عليكم ..

الله يعافيكم بسالكم عن التأمينات الاجتماعية .. ؟
انا خريجة السنة الي راحت وتوظفت معلمة في مدارس اهلية في الرياض من الترم الاول ..الى الآن ..
وادارة المدرسة ما دخلو اسمي في التأمينات اول ما توظفت عندهم ..
والحين بداية التررم الثاني و ألى الان ما دخل اسمي في التامينات لاني شيكت على رابط أتاكد برقم سجلي المدني وطلع لي اني مو مسجله في التأمينات . ؟؟ مالحل ؟؟

هل هذا يؤثر على احتساب الخبره لدي ..؟

او على اي شي .؟؟

الله يعطيكم العافيه افيدووووني (:


لا ما أتوقع له دخل بالخبرة .. لأني كنت موظفه في مدرسة أهليه واستقلت وأخذت شهادة خبرة ..
واسمي ماكان موجود في التأمينات ..

دكتور زبادي
21-03-2012, 09:23 PM
موضوع هام جدا وكثيرين يغفلون عنه
يعطيك العافية وتستاهل التقييم

انين الحرف
23-03-2012, 06:09 AM
سؤال ومحتاجة لاجابه الله يرضى عليكم

ان توظفت في مدرسه اهليه سنتين واسمي كان مسجل في التامينات يمكن من بداية السنة الثانيه لي في المدرسه وتركتهم الحين لي سنه وماقالو لي المدرسه ان لازم اخذ من التامينات مستحقات او شي كيف اخذها او كيف اتصرف بس محتاجة توضيح انا احسب اني مااقدر اخذ المستحقات الا اذا توظفت حكومي مثل مافهمت من وحده