PDA

عرض كامل الموضوع : صقور تعانق هام السحاب || مشاركـ


يحكى أن ..
05-03-2011, 07:57 PM
http://gold.eqla3.com//files/53/eqla3_1299334222.jpg






من الجو أرنو ويبدو الحمى
فأقسم لا تستباح الثغور

مع الفجر أو حالكات الظلام
ستحرسها أعين لا تنام

بروح الفريق وعزم الرجال
ودين المحبة دين السلام


صقور تعانق هام السحاب
دعاها إلى المجد روح الشباب




مسائكم خير bp039 | pb189

والله مدري من وين ابدا .. اول مره اتوهق بالمقدمه :D
المهم اننا بنسولف شوي عن العسكريه بشكل عام والقوات الجويه الملكيه السعوديه .. وان شاء الله نتوفق بهالموضوع pb189


الله وفقني ودخلت كلية الملك فيصل الجويه بالرياض ودرست فيها تقريبا ثلاث سنوات ونص .. بعدها تخرجت بنهايه 2008 كـ ملازم طيار واحد منسوبي القوات الجويه

فالبدايه بتكلم عن النظام العسكري بشكل عام .. وهو تقسيم الرتب واقدميتها بكل القطاعات ،
العسكريين ينقسمون لقسمين || افراد . و ضباط
الافراد هم خريجين المعاهد العسكريه والمدارس ..
ويبتدي ترتيبهم من [ جندي ، جندي اول ، عريف ، وكيل رقيب ، رقيب ، رئيس رقباء ]
القسم الثاني اللي هم الضباط وهم خريجين الكليات العسكريه .
ويكون ترتيبهم [ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]
طبعا دائما الضابط هو الاعلى رتبه من الفرد .. يعني لو فيه عسكري خدمته 20 سنه ورتبته رئيس رقباء مثلا .. ويتعين عنده ملازم توه متخرج ، يصير هو المسوؤل منه وقائده المباشر .. يعني القياده ماتسلم الا لضابط باختلاف مراحلها .. هالنقطه بس عشان تفرقون بين الافراد والضباط bp039

\
الليدر هو s o r a و هي رتبة لواء :d و الباقين احنا ضباط < اخاف اخترع رتبه يكفشني حزن خخخخخخخخخ

:sm12:pb071

اخترعي على كيفك الحين :D



brb

يحكى أن ..
05-03-2011, 08:03 PM
http://gold.eqla3.com//files/53/eqla3_1299345658.jpg

pb071pb189

||

وبما ان تخصصي طيران راح اتكلم عن هالشي ابتداء من ايام الكليه لحد الان ..
الكليه الجويه تعتمد اعتماد اساسي على اللغه الانقليزيه ، لان اول ماتدخل يسوون لك
اختبار تقييم مستوى انقليزي .. هو 5 مستويات يعني اخذت فوق ال90 تصير مستوى خامس ..
80 رابع .. وكذا
اللي يكون بالمستوى الخامس يعني ان شاء الله خلال ست شهور يخلص المواد ويختصر مده طويله من الدراسه والكليه .. لان ممكن اثنين يدخلون مع بعض بس عشان فارق اللغه تلقى واحد يتخرج بعد ثلاث سنوات ونص والثاني بعد خمس سنوات ..

السنه الثانيه تتكون من 3 اترام كل ترم 15 اسبوع تقريبا
تدرس فيها مواد الطيران بشكل عام .. كلها بالانقليزي طبعا بالاضافه الى رياضيات 101 و 102 وفيزياء بعد مثلها
من المواد اللي تدرسها بالسنه الثانيه :

[ Aero-Engines ]الايرو انجن ، وهي عن محركات الطيارات بالتفصيل .. انواعها اشكالها وكيف تشتغل محركات الطائره
يعني كل شي يخص المحركات تدرسه قطعه قطعه .

[ Aerodynamics ]الايرو ديناميك ، وهي تتكلم عن ديناميكية الطيران ، يعني كيف يفيدنا تصميم الطايره بالطيران وكيف يتم الطيران بفارق الضغط الجوي ، ماده اقرب للهندسه والحوسه : (

[ Airo avuonix ]الايرو افيونكس ، ندرس فيها القطع الكهربائيه والغير كهربائيه بالطائره .. كل جهاز ووش فايدته وفيها بعض الصيانه والهندسه

[ Airmenshib ]الايرمنشيب ، انظمه الطيران الدوليه :( كتاب ابو 500 صفحه وكلها معلومات ، يتكلم عن انظمه الطيران الدوليه والاشارات والرموز العالميه والمسارات وغيرها وفوق على كذا كيف لازم يكون المدرج
والاضاءات .

[ MITROLOGIE ] ميثرولوجي ، وهنا ندرس حالات الطقس بشكل دقيق .. حتى اسماء وانواع الغيوم وارتفاعها وامكانية الطيران من خلالها ، والرياح و المد والجزر وكل شي بالطقس بتدرسه هنا بتفصيل ممل .

هذي المواد اللي اذكرها وهي اصعب شي :D
نسبه النجاح 75 بالميه .. يعني تجيب 74 ترسب وعشان تدخل طيران لازم يكون معدلك فوق 85 .. معاناه صح :(pb189

اذا نجحت بهالمواد والتوتل حق المعدل فوق 85 ٪ تدخل فحص الطيران
وهو اصعب شي اشوفه .. هالاختبار يشمل : الطول والوزن والدم والضغط والقلب والتنفس والاسنان
ويقاس طول رجولك وطول عظمه الفخذ ويدك خخخخ بدون مبالغه يعني لازم تكون تفصيل استغفر الله :D

بعدها بدخل بـ سرب الطيران التدريبي ( السرب الثامن pb094pb189 ) :D
اول شي تتعلم الطيران الارضي واساسيات الطيران وتتعلم عن طريق الطائره الحقيقه او عن طريق المشبهات ( السيمي ليتر)

مدربين الطيران كلهم اجانب ( امريكان ، بريطانيين ، كنديين )
اول لاتجيه يشوف شكلك .. اذا بدلتك موب نظيفه والا جزمتك مو ملمعه والا مانت منعم دقنك .. لعن شكلك ولا فيه طيران ذاك اليوم ولا شي :D

فبدايه اي يوم طيران لازم يكون فيه برزنتيشن ( البريف الصباحي ) .. كل يوم على واحد
يتكلم فيه عن شي مخصص بالطيران بحدود عشر دقايق .. يحضر هالبريف قائد السرب والمدربين بالاضافه لخوياك .. وبعد البريف مناقشه واذا ماكنت متمكن يخلونك تعيده من بكره :D

بعدها نبدا دروس الطيران ونطير على طائره الـ سوبر موشاك وهذي صورتها

http://www.defencetalk.com/pictures/data/3466/medium/Pakistan%20MFI-17%20Super%20Mushshak.jpg

طبعا وقت الطيران يكون معاك المدرب وكل واحد عنده جهاز القياده .. يعني باي وقت يرفع يده وانتم بالجو ويقول يلله اتصرف :D .. كانت رحلاتنا التدريبيه بمنطقه بين الخرج والحريق وهي منطقه مخصصه للتدريب ..

بعد 11 رحله تقريبا بالسوبر موشاك خلال 10 اشهر تقريبا تنتقل للطائرات المقاتله ..
ياانك تدرب على الترنيدو او الاف 15 او التايفون الجديده او غيرها

طبعا تكون انت بالسنه الاخيره ويعاملونك كطيار محترف .. يعني هي اكثر سنه كرف وبعض المرات
تصير عندك 3 طلعات جويه باليوم .. ينزلون لك رحله اخر الليل والا العصر والا باي وقت .. تخرب نومك تجي تحوس ساعه ساعتين بهالجو وترجع :D

طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم pb189pb189

تتعلم كيف تطير بارتفاعات منخفضه يعني بحدود 500 قدم .. وارتفاعات عاليه توصل للـ 35 الف قدم .. يعني ماتشوف ملامح الارض بهالارتفاع وضغط شديد ..

تتعلم كيف تطير بدون ماتناظر برا الطايره .. يركبون لك زي الحاجب يمنعك تشوف الاجواء حول الطائره .. ويجبرك انك تطير باستخدام المبينات والعدادات اللي قدامك .. يعني تشوف ارتفاعك وميولك ووين موقعك من خلال الاجهزه .. هالشي يساعدك انك تطير من خلال الغيوم وتطير بالليل وتطير بانعدام الرؤيه عموما pb189

بعد ماتخلص سنه الطيران وتتخرج باذن الله .. بيكون قدامك 7 اماكن تتعين فيها بس :D
الرياض . جده . الشرقيه . تبوك . الطايف . خميس مشيط . الخرج
هذي هي القواعد الجويه الموجوده بالسعوديه .. وقاعده الامير سلطان بالخرج هي اكبر قاعده جويه بالشرق الاوسط pb189


طبعا مايحتاج اقول وش معنى انك تكون طيار :Dpb189
من مميزات الطيران :
- ان الخدمه تحسب اكثر .. يعني سنه وانت طيار تعادل سنه ونص باي قسم ثاني
اوضح اكثر .. يعني لو تكون 10 سنوات طيار .. راح تحسب لك 15 سنه
- راتب عالي نسبيا .. يعني اضافه لراتبك يكون عندك بدل طيران وهو 35 ٪ زياده على راتبك



و الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..
- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك

السلبيه الوحيده بالطيران .. انها شويه كرف وتكون محاسب بالثانيه واجزاء الثانيه بعد ..

هذا مقطع يبين انواع الطائرات اللي تملكها السعوديه :

http://www.youtube.com/watch?v=t-BF1x0_WFU
:D



brb

يحكى أن ..
05-03-2011, 09:36 PM
||


بالنهايه

مابقى الا اني اقول ان الكليات العسكريه تحتاج صبر وعزيمه كبيره
لانك تتعرض لانواع الضغوط النفسيه والبدنيه والعقابات ..
لانك بتكون متواجد بالكليه من الجمعه العصر .. ولاتطلع من الكليه الا يوم الاربعاء
4 سنوات على هالحال يبي لها صبر وتكيف واعتماد على النفس بعد pb189
لكن مثل مايقولون .. ومانيل المطالب بالتمني ، ولكن تؤخذ الدنيا غلابا pb189




ماحبيت اني اتعمق بالجوانب العسكريه لانها متشعبه وكثيره .. حبيت يكون كلامي عن مراحل الكليه والتخرج عشان الله عنده نيه عليها يلقى هنا اللي يفيده باذن الله bp039

اي سؤال بالعسكريه عموما والطيران بشكل خاص انا تحت امركم من خلال هالموضوع bp039


شكرا لكم .. pb189

واعذروني اذا الموضوع فيه نقص او شي لان فعلا فعلا تنرفزت من تعليق الاقلاع
* سيرفر الاقلاع .. الى الجحيم :mad:

Ph.Hind
05-03-2011, 09:43 PM
برب و برجع :d

جيت .. pb034

http://www.defencetalk.com/pictures/data/3466/medium/Pakistan%20MFI-17%20Super%20Mushshak.jpg

حبـــيتها pb189pb189 ... نقدر حنا يالشعب العاديين نجرب هالطيارات ؟! pb094
لا جد ما فيه مكان يخلينا نجربها .. طبعاً مو انا اللي اسوقها :D مع أحد يعني :D


قلت :

تصير عندك 3 طلعات جويه باليوم .. ينزلون لك رحله اخر الليل والا العصر والا باي وقت .. تخرب نومك تجي تحوس ساعه ساعتين بهالجو وترجع

ايش تسوي ساعتين في الجو ... يعني وين تروح !! pb036


و بسأل عن شيء ... عندكم بدل خطر أو شيء يساويه يعني ؟ :D pb189

أحس القوات الجوية مساكين وكذا .... يعني بالحروب هم اللي ياكلونها :(


مره استفدت من موضوعك ... ما كنت افهم بهاالأشياء أبد ههههه ..

مشكور حزن النبلاء ... وربنا يوفقك وتصير اكبر طيار :D

M r . S a a D
05-03-2011, 09:53 PM
هلا والله بحزن النبـلآء
ماشاءالله موضوع مرتب وجميل
وتنسيق حلو .. ومعلومات خفيفة وموجزة pb189
والله يعينكم يالطيارين
نظامكم فوق تحت
طلعات ليلة واحيانا نهارية وحوسة :(
الله يوفقك ياخيـي pb189

مابقى الا اني اقول ان الكليات العسكريه تحتاج صبر وعزيمه كبيره
لانك تتعرض لانواع الضغوط النفسيه والبدنيه والعقابات ..
لانك بتكون متواجد بالكليه من الجمعه العصر .. ولاتطلع من الكليه الا يوم الاربعاء
4 سنوات على هالحال يبي لها صبر وتكيف واعتماد على النفس بعد pb189

الكليات العسكرية 3 سنوات ياحبي لك :Dpb189
الا الجوية ازود بترم بس او بسنة على حسب bp039

بالتوفيق حزن

Hano0o0onah
05-03-2011, 09:59 PM
مسائك خيـــرpb189

ماشالله تبارك الله بصراحه حبيت تخصصك من الشرح
والله اني قلت ياليتهم مخلينا ندخل الكليه الجويه:D
<<بس عاد بدوون تدريباتهم اللي تمصع الظهرpb027

MITROLOGIE ] ميثرولوجي ، وهنا ندرس حالات الطقس بشكل دقيق .. حتى اسماء وانواع الغيوم وارتفاعها وامكانية الطيران من خلالها ، والرياح و المد والجزر وكل شي بالطقس بتدرسه هنا بتفصيل ممل
:sm5::sm5::sm5::sm5::sm5::sm5::sm5:
حسيت انها ماده ممتعه جدا جداpb189pb189
بس فيه شي واحد استغربته ليش كل موادكم انقلش؟؟pb036

لكن مثل مايقولون .. ومانيل المطالب بالتمني ، ولكن تؤخذ الدنيا غلابا
صادق باالتوكل على الله والصبر والعزيمه القويه يسهل كل شي صعب باذن اللهpb189:D

يعطيــــك ألف عافيه حزنbp039bp039
موضوع استمتعت فيه كثيــــــــــر بصراحهpb030

HRhr
05-03-2011, 10:11 PM
طيب ليش اذا فيه طيارين ليش ما يصير فيه طيارات :D
قسم بالله من موضوعك اشتهيت أصير بنت طياره pb189pb027

والله من خلال كلامك واضح أن المهنه صعبه جدآ , ويبغى لها شخص
يتحمل المسؤليه وصبور pb058
بصراحه المواد اللي ذكرتها مرعبه , الله يكون بعونكم pb058 .
وبعدين والله عندنا فكره أن الطيارين دائما يكونون كشخه و وسيمين pb027
اول لاتجيه يشوف شكلك .. اذا بدلتك موب نظيفه والا جزمتك مو ملمعه والا مانت منعم دقنك .. لعن شكلك ولا فيه طيران ذاك اليوم ولا شي
يعني أنت من خلال كلامك هنا أثبت هالنظريه pb030
الافراد هم خريجين المعاهد العسكريه والمدارس ..
ويبتدي ترتيبهم من [ جندي ، جندي اول ، عريف ، وكيل رقيب ، رقيب ، رئيس رقباء ]
القسم الثاني اللي هم الضباط وهم خريجين الكليات العسكريه .
ويكون ترتيبهم [ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]
حلو حلو pb058 أخيرآآ بصير أعرف أفرق بينهم :confused:
خخخ حفظتهم صم pb036pb027
طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم
كويس الحمدلله pb189 ..

تدري عآد أخاف أركب طيارات :(
مدري متى بصير حرمه وأركبهم pb189 ..

سؤال بس << عارفه طوولت pb095
يمديكم تكملون دراسه , يعني مثل الأقسام الباقيه ماستر و دكتوراه وكذا ؟
واذا أيه , هنا تكملونها وألا برا ؟
موضوعك مررره جميل ومفييد pb030
ويعطيك ألف عآفيه bp039 ..

عقيله
05-03-2011, 10:13 PM
-

هلآ هلآ pb030 pb030 .

http://gold.eqla3.com//files/53/eqla3_1299345658.jpg

طيب آلحين عرفنآ إن آللي ورآ طيآره وتطيرون فيهآ آلسيآره ليش pb036 ؟!

مدربين الطيران كلهم اجانب ( امريكان ، بريطانيين ، كنديين )

بمآ إنك تقول إن أفضضل آلطيآريين فِ آلعآلم سعوده ليش مآيصيرون هم آلمدربين ؟ وفيه مجآل مسستقبلآ لِ ذذآ آلشي ؟

معلومآت حلوه عرفتنآ على آلنظآم آلعسكي شوي :sm5:pb189 .
مآتقصر يَ ريّس :D !
فآلك آلشسمه bp039

ṧṂỞởỠrٌỊ¨©
05-03-2011, 10:18 PM
و الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..
- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك





احلااااااااااا حاجه وقسم ..pb189

ياليتني طيارة .. اقصد لواء :sm1:
واول مرة اعرف انو يقيسون عظامك وطولك وزحمة يعني مو اي احد يدخل :rolleyes:

شكراا لك bp039

يكفي غياب
05-03-2011, 11:06 PM
وناااسه صراحه الطيااار
صح انه تعب وكرف بس يستاهل
مو تكرف سنين على ولا شي
الله يوووفقك ياااارب
ونسمعهم يقولون قائد الطائره حزن النبلاء^_^

جـفـن ضب
05-03-2011, 11:16 PM
هلا بسعادة الملازم الطيار الركن :D
موضوعك حلو وفيه كمية معلومات عن الطيران الحربي وتخصص الكلية الجويه
وبصراحه فيه معلومات وافيه وكثيره حتى الناس اللي بالمجال العسكريه يجهلونها

مابقى الا اني اقول ان الكليات العسكريه تحتاج صبر وعزيمه كبيره
لانك تتعرض لانواع الضغوط النفسيه والبدنيه والعقابات ..

انا اعتبر هذي من اهم الفوايد اللي يلقاها الشخص اللي يدخل المجال العسكري هي التحمل والصبر
وزود على الصبر اللي تعطيك اياه بتعلمك شلون تتعامل مع مختلف العقليات وتعرف تفكيرهم :rolleyes:
وتعلمك تعتمد على نفسك وتتكيف مع جميع الظروف اللي تنحط فيها ان كان بتدريب ولاغيره ;)
طبعا غير انك تشوف اصناف مختلفه من البشر وتحتك فيهم باستمرار في التمارين والزيارات
اتمنى لك التوفيق اخوي حزن وموضوعك بطل يابطل bp039

سراب المحبه
05-03-2011, 11:18 PM
هلا بحزن النبلاء مع ان اول مره اعرف حتى حزن الكاشات غير عم حزننا هههههه

ماشاء الله عليك عطيتني معلومات مره حلوه ومفيده , بس سؤال بس عشان اهايط عند الربع
يعني انت وضعك وضع " سواق طياره " ؟ يعني انت تسوق طيارات حربيه ؟؟

ابيك تعطينا وتوصفلنا النفسيه وانت بالطائره
هل فيه احساس واشياء تصيرلك وانت اثناء الطيران خصوصا انها تطير بسرعات جدا عاليه ؟


والف شكر لك وتحمل الاقلاع
امسحها في وجهي هالمرة ههههه

( كرامتي عاليه)
05-03-2011, 11:27 PM
ترا ماقد حجزت ولا اعرف اسلوب الحجز بس وش اسوي الطرح خيال
+
اني بي لقافه عن القسم هذا والموضوع اشبع لقافتي :D
ياحي الله حزن النبلاء
وش الموضوع الخطير ؟
واسلوب اجمل
ومنسق ومجمع كل شي بطريقه pb030
اول مره اقرا لك بس انت بطل pb189




صقور تعانق هام السحاب
دعاها إلى المجد روح الشباب[/SIZE]


الله الله pb189pb189

توي ادري انو فيه شي اسمه افراد pb036

مدربين الطيران كلهم اجانب ( امريكان ، بريطانيين ، كنديين )
اول لاتجيه يشوف شكلك .. اذا بدلتك موب نظيفه والا جزمتك مو ملمعه والا مانت منعم دقنك .. لعن شكلك ولا فيه طيران ذاك اليوم ولا شي


كويس كويس اجل يدخل طعس يطلع كشخه :D
وين تدرسون بالرياض ؟؟

طبعا وقت الطيران يكون معاك المدرب وكل واحد عنده جهاز القياده .. يعني باي وقت يرفع يده وانتم بالجو ويقول يلله اتصرف .. كانت

الله مير يرحم حالي بالسما تتصرفون وانا بالارض ما عرف اتصرف <<اووت :D
بس ما احس يخوف يعني المدرب معكم وربي فوقكم pb036 pb189



طبعا تكون انت بالسنه الاخيره ويعاملونك كطيار محترف .. يعني هي اكثر سنه كرف وبعض المرات
تصير عندك 3 طلعات جويه باليوم .. ينزلون لك رحله اخر الليل والا العصر والا باي وقت .. تخرب نومك تجي تحوس ساعه ساعتين بهالجو وترجع

هذا وانتم توكم ما تخرجتو اجل لو تخرجتو pb036

عالميا ان الطيارين السعوديين هم الافضل على مستوى العالم pb189pb189
ياااااااااااااااااكشخاااااااات الله يجعلكم فخر لنا يا ابطال :D pb189

- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك
pb189pb189pb189pb189pb189pb189pb189pb189
هذا الشي بس يخليك تدخل القسم وانت مغمض

اول مره احس اني قريت شي لان ودي اقراه ولد صديق ابوي داخل هذا القسم وكاشخ بنفسه وانا
ودي اعرف وش هالي جايزن له بوه
بس بعذره شي مرره يجنن مرره خيالي يكفي اللبس الي تلبسونه pb036 :D pb189
هو اللبس الازرق

ماشاءالله تبارك الرحمن موضوعك بطل والقسم مره مليان فن اتمنى لك التوفيق pb189

وتسلم ويعطيك الف عافيه bp039

تلاد
05-03-2011, 11:29 PM
[ airmenshib ]الايرمنشيب ، انظمه الطيران الدوليه كتاب ابو 500 صفحه وكلها معلومات ، يتكلم عن انظمه الطيران الدوليه والاشارات والرموز العالميه والمسارات وغيرها وفوق على كذا كيف لازم يكون المدرج
والاضاءات .

[ mitrologie ] ميثرولوجي ، وهنا ندرس حالات الطقس بشكل دقيق .. حتى اسماء وانواع الغيوم وارتفاعها وامكانية الطيران من خلالها ، والرياح و المد والجزر وكل شي بالطقس بتدرسه هنا بتفصيل ممل .


حبييييت هالمواد حسيتها ممتعه وشئ غريب كذا غير مألوف pb030

نسبه النجاح 75 بالميه .. يعني تجيب 74 ترسب وعشان تدخل طيران لازم يكون معدلك فوق 85 .. معاناه صح

ايه طبعا ماهي لعب فيها طيييران بالجو:D ليته شئ ع الارض الواحد ممكن يستهين فيه

الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..
- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك

والله شئ حلو pb189

دايم الطيارين اشكالهم رزه ولهم هيبه كذا حتى حقون الخطوط , اشوف قريب من جامعتنا فيه هيئه طيران او نسيت وش اسمها بالضبط المهم اشوفهم لابسين بدل حلوه وغريبه كذا تشبه بدل رواد الفضاء pb036 بس الزبده مره تعجبني pb189:D

عطيتنا معلومات وبشكل مبسط مشكور,,,bp039

يحكى أن ..
05-03-2011, 11:41 PM
اول شي
الله يوفقك
موضوع بصراحه جديد ومتخصص ومرتب ومتعوب علية تنسيق واسلوب
العسكرية انضباط وادب واخلاق
وعذرا على الخطمة

واعذرني




يابعدي والله تسسلم .. وهالخطمه هي حلى الموضوع :Dpb189

يحكى أن ..
05-03-2011, 11:55 PM
جيت .. pb034

http://www.defencetalk.com/pictures/data/3466/medium/Pakistan%20MFI-17%20Super%20Mushshak.jpg

حبـــيتها pb189pb189 ... نقدر حنا يالشعب العاديين نجرب هالطيارات ؟! pb094
لا جد ما فيه مكان يخلينا نجربها .. طبعاً مو انا اللي اسوقها :D مع أحد يعني :D


قلت :



ايش تسوي ساعتين في الجو ... يعني وين تروح !! pb036


و بسأل عن شيء ... عندكم بدل خطر أو شيء يساويه يعني ؟ :D pb189

أحس القوات الجوية مساكين وكذا .... يعني بالحروب هم اللي ياكلونها :(


مره استفدت من موضوعك ... ما كنت افهم بهاالأشياء أبد ههههه ..

مشكور حزن النبلاء ... وربنا يوفقك وتصير اكبر طيار :D








ياحي الله هند bp039

فيه مدارس طيران كثيره عالميه .. حتى هنا بالسعوديه موجوده ومنها اكاديميه اجنحه رابغ للطيران
.. طبعا طيران مدني ماهو حربي :D .. بس يستخدمون السوبر موشاك لانها من افضل الطائرات التدريبيه
تقدرين تدخلينها وتدرسين طيران وتتوظفين بالخطوط .. بس ماادري فيه قسم لكم او لا :D

اذا قصدك تركبينها كجوله سياحيه بس كذا .. هنا بالسعوديه مو موجوده لكن برا تقدرين
لان اي شخص عنده شهاده طيران يقدر يشتري يطير باي وقت .. شوفيهم بالافلام وش كثرهم :D


بالنسبه لفتره الطيران فهي بالمجمل ساعتين .. او اكثر او اقل على حسب
لكن كلامي اقصد فيه .. اللبس وقبل كل رحله يكون عندك التشك ليست لازم تفحصين الطايره كامله بنقاط معينه .. بعدها الطيران .. من ضمنها تحديد المسارات حقتك وخط الطيران والمعلومات الجويه ورموز التواصل .. هذي بكل رحله تختلف


بالنسبه لبدل الخطر ايه موجود لنا او للوحدات الارضيه الميدانيه تقريبا 500 ريال ماني متاكد :D


فيه قاعده عسكريه معروفه ان اللي يسيطر على الجو ينتصر بالمعركه ..
خاصه بالفتره الاخيره ماعاد فيه حروب بريه مباشره .. واقرب مثال حرب العراق الاخيره
مادخل الجيش الا بعد الاف الغارات الجويه اللي دمرت كل شي .. بعدين دخل الجيش
عشان كذا الدول الان اهم شي عندها التسليح الجوي .. والسعوديه الحمد لله تعتبر من الاقوى جويا بالمنطقه bp039


بالتوفيق لك ونشوفك صيدلانيه آد الدونيا :Dbp039

دويم ~
06-03-2011, 12:09 AM
صعب ومعقد ويبيله ذهن صآفي وشخص صيور :sm5:
حلو هالتخصص بس مايبيله أنسان مزآجي :rolleyes:
الله يعينكم ماحب الاجواء هذي :(
الله يوفقك ويسهل امرك pb189 ()

انثى زجآجيه
06-03-2011, 12:13 AM
ماشاءالله معلومات جميله وتخصص جميل جدا
صح فيه نوع من الخوف لكن ممتع لاقصى درجه
احس سواقه الطياره اسهل من السياره والا pb071
لكن الهبوط اخاف منه صراحه احسه يخوف :(

الله يوفقك حزن النبلاء ويعينك bp039

مثبت pb189

BD0N NK
06-03-2011, 12:13 AM
-

هلآ بآآلطيـآر هـلآ pb024pb189

الافراد هم خريجين المعاهد العسكريه والمدارس ..
ويبتدي ترتيبهم من [ جندي ، جندي اول ، عريف ، وكيل رقيب ، رقيب ، رئيس رقباء ]
القسم الثاني اللي هم الضباط وهم خريجين الكليات العسكريه .
ويكون ترتيبهم [ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]

وآلله آنك سويتي فيني خير :D آخيرا عرفت الفرق بينهم وآلرتب وآلا دايم آدربي دمجتي pb027 ,,

وآلله التخصص آحسه ممتع وفيه بدلآت كويسـه pb030pb189

آلله يووفقك يـآرب ونشوفك طيـآر آد آلدونيـــــآ pb071pb189bp039

kan zaman
06-03-2011, 12:33 AM
الاقلاع حالته صعبه جدا جدا جدا اشجب واستنكر مثل هذا الوضع:sm18:
طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم
pb189pb189pb189
تتعلم كيف تطير بدون ماتناظر برا الطايره .. يركبون لك زي الحاجب يمنعك تشوف الاجواء حول الطائره .. ويجبرك انك تطير باستخدام المبينات والعدادات اللي قدامك .
تطيرمن غير ماتشوف الجوpb036 وكل شي يييمه رعب>>>مشكلة اللي متعودين عالسياره:Dpb189
اعطيتنا معلومات حلوووه واول مررره اقرا بها المجالpb189
توقع مافي مستقبل بالنسبه للمره طيارات سعوديات يعني خخخخ >>ماخلونا نسوق بالارض يخلونا بالسماءpb036:eek::D
بيصيرن اطلق من الرجال pb095
عوافيbp039

الله يرجك هع
06-03-2011, 12:47 AM
ماشاء الله تبارك الله
الله يوفقك اعجبني جدآ موضوعك

يحكى أن ..
06-03-2011, 01:11 AM
هلا والله بحزن النبـلآء
ماشاءالله موضوع مرتب وجميل
وتنسيق حلو .. ومعلومات خفيفة وموجزة pb189
والله يعينكم يالطيارين
نظامكم فوق تحت
طلعات ليلة واحيانا نهارية وحوسة :(
الله يوفقك ياخيـي pb189



الكليات العسكرية 3 سنوات ياحبي لك :Dpb189
الا الجوية ازود بترم بس او بسنة على حسب bp039

بالتوفيق حزن






حي الله الزميل :Dpb189

صدقت ..
وهالشي عندنا يعتمد على اللغه عموما ..

منور ياباشا ولاهنت على المعلومه bp039 | pb189

في سحآبه
06-03-2011, 01:22 AM
‏الموضوع رهيب مره وخصوصا انه عن الطيرآن :sm5:, كان حلمي أني اصير كذا بس للأسف مالقيت الا ركبه بوجهي :(

أحسه متعه حتى بدارسته, مستقبله مضمون , أخوآني بالدفاع الجـوي بس ماكنت اعرف تخصصاته بهالدرجه اللي قريتها بهالموضوع يعني ماعرف عن قسمهم الا انهم بالطيرآن وكذا عاد على طول دزيت لهم الرابط قلت شوفو شكله زيكم :d

الله يوفقك يارب ويوفق أخوآني -->لازم تدخل اخوانها بكل دعوه خخخخ pb034

ويارب أخذ لي واحد طيآر pb094


سيرفر الأقلاع جعلك تنقز ياربي pb131 طفشششني بغيت اهون وما أرد بس ربك ستر -->مشتحنين مره على ردك خخخخخ:D


بس بسألك هندسة طيرآن وتحديد دارس بالاردن وشهي من لحيه pb036:D


فوووتك بعافيه ياخويآآbp039

سترابري
06-03-2011, 01:29 AM
أهلن براعين البدل الزرقا :(pb189
أخوي الله يرحمه درس العام فترة الاستجداد بكلية الملك فيصل الجوية ..
كطالب مبتعث .. ( بس كان حلم وانتهى : ( )


ياليتك تكلمت لنا عن نظام الكليه نفسه والتعذيب اللي يصير هناك :D

الله يوفقك إن شاء الله ..
وعقبال مايصير جوازك دبلوماسي .. pb030pb189

LA..TRO7
06-03-2011, 01:39 AM
الله يبارك في ذا الفعاليه الي عرفتنى على شباب مشرف لبلدي ولنا pb189

ربي يوفقك شرح سهل وممتع pb189


تفضل ايها الكابتن طيار bp039bp039

~..Fnjan 8hwtk
06-03-2011, 01:40 AM
عاد صدق صدق كنت انتظر موضوعك بفارغ الصبر :D pb189
احلى شي انهم يعطونك تذاكر :sm5: pb189

طيب سؤال الحين اذا جيت تبي تسافر مكان تروح كنك شخص عادي ولا تسوق بهم وتحطهم وتروح للمكان الي تبيه pb027
لالا جد سؤال صدقي pb189
تعرف هذوليك الي يربطونهم ويرمونهم من الطياره بالله وش يقربون لطيارات الجويه :( :D ولا هم شي ثاني؟ دايم اشوفهم في القناه الاولى ومدري وش قصتهم :(

سؤال لقافه لابد منه :D pb189
انت وشو رقيب ولا رائد ولاوشو ؟ :D pb094


حزن صراحه استمتعت وانا اقرأ موضوع ماينمل منه pb030 pb189
معروف حزن دايم مواضيعه بطله :sm5: pb189

يعطيك العافيه bp039 :D

يحكى أن ..
06-03-2011, 01:40 AM
مسائك خيـــرpb189

ماشالله تبارك الله بصراحه حبيت تخصصك من الشرح
والله اني قلت ياليتهم مخلينا ندخل الكليه الجويه:D
<<بس عاد بدوون تدريباتهم اللي تمصع الظهرpb027


:sm5::sm5::sm5::sm5::sm5::sm5::sm5:
حسيت انها ماده ممتعه جدا جداpb189pb189
بس فيه شي واحد استغربته ليش كل موادكم انقلش؟؟pb036


صادق باالتوكل على الله والصبر والعزيمه القويه يسهل كل شي صعب باذن اللهpb189:D

يعطيــــك ألف عافيه حزنbp039bp039
موضوع استمتعت فيه كثيــــــــــر بصراحهpb030








يامرحبا والله

شي طبيعي بتكون الدراسه بالانقلش لاننا نشتغل على اجهزه مافيها ولاكلمه عربي .. مثلها مثل الطب والهندسه وغيره .. بالاضافه لطبيعه العمل تحتم عليك اتقان الانقلش لانك ممكن تقوم برحلات دوليه او تتخاطب مع دول صديقه .. كلها تحتاج لغه عاليه

شكرا لك bp039

Scent of Woman
06-03-2011, 01:41 AM
صباح التحليق في عالم التميز
برغم أني ما احب القراءة الا إني قريت موضوعك للآخر:)
متميز .. كتابتك وأسلوبك مميزةpb189

تلاقي الفرح يارب..وفرت علي مجهود كبير
عندي أخوي الصغير..تبارك الرحمن يحب اللغة الانجليزية والرسم المهم شخصيتة هادية كثير ومتميزpb189

سألني مرة قالي إش تتمنين أصير اذا كبرت؟
وقتها تخيلت شكلة وهو لابس بدلة كابتن الطيارة
طبعا هو يحب يقتنع بالشيء قبل يتخذ قراراتة:rolleyes:
سألني إش مميزات هذي الوظيفة؟
أنا ماعرفت إش اجاوبة بصراحة..قلت بسأل وبشوف:)
وانت جبت لنا المعلومات هلى طبق من ذهب:D

من بكرة ببدأ اعطية دروس خصوصية;)

لتبقى متألقاًbp039

يوري النصر
06-03-2011, 01:46 AM
العسكريه يالله من الكرف والتعب
وهاااات ياعقبااات
لواني رجال والله ماقرب السلك العسكري
\\
كيف كانت اول رحله تقوم بها
ماحسيت بالخوف >>>>> مشكلة اللي عندها فوبيا من المرتفعات
\\
موضوع كامل ومنسق
وعرفتنا معلومات كثييره
والله يوفقك ويعينك على مصاعب العسكريه

يحكى أن ..
06-03-2011, 01:57 AM
طيب ليش اذا فيه طيارين ليش ما يصير فيه طيارات :D
قسم بالله من موضوعك اشتهيت أصير بنت طياره pb189pb027

والله من خلال كلامك واضح أن المهنه صعبه جدآ , ويبغى لها شخص
يتحمل المسؤليه وصبور pb058
بصراحه المواد اللي ذكرتها مرعبه , الله يكون بعونكم pb058 .
وبعدين والله عندنا فكره أن الطيارين دائما يكونون كشخه و وسيمين pb027

يعني أنت من خلال كلامك هنا أثبت هالنظريه pb030

حلو حلو pb058 أخيرآآ بصير أعرف أفرق بينهم :confused:
خخخ حفظتهم صم pb036pb027

كويس الحمدلله pb189 ..

تدري عآد أخاف أركب طيارات :(
مدري متى بصير حرمه وأركبهم pb189 ..

سؤال بس << عارفه طوولت pb095
يمديكم تكملون دراسه , يعني مثل الأقسام الباقيه ماستر و دكتوراه وكذا ؟
واذا أيه , هنا تكملونها وألا برا ؟
موضوعك مررره جميل ومفييد pb030
ويعطيك ألف عآفيه bp039 ..





هههههههههههههههههههه

ياهلابك والله bp039

اول شي حنا نتخرج من الكليه الجويه بشهاده بكالوريوس ..
تكمله الدراسه تجي عن طريق الدورات اللي تعقد بقترات معينه ..
شلون اقولك ..
يعني مثلا كل دوره تعادلها مؤهل علمي ..
زي الماستر .. يعادله بالنسبه للضباط دوره اسمها " دورة الاركان "
اذا حصلت على الاركان فكانك حصلت على الماستر ..
وبعد ماتخلص الدوره يصير مسماك : عقيد ركن او عميد ركن
ممكن كثير تسمعونها لكن معناها انك حصلت على دوره الاركان
فيه بالرياض كليه القياده والاركان وهي اللي تعقد هالدورات .. بالاضافه الى انك تقدر تاخذها
بدوله برا .. طبعا الدول محدده ويبتعثونك لها تاخذ الاركان هناك
وماتقدر تاخذ هالدوره الا برتبه رائد او اعلى .


الدكتوراه تعادلها دورة يقالها اركان حرب .. او اركان عليا .. ماعندي معلومات كثير عنها والله
لان قليل اللي ياخذونها وهي دوره خارجيه يعني مااعتقد تم عقدها بالسعوديه من قبل !


bp039

the best man
06-03-2011, 01:58 AM
هلا والله بحزن pb189
.
.
جبتها على الجرح وانا اخووك
كانت من ضمن احلامي الكثيره :D اني اصير طيار حربي
لكن قدر الله علي أني اكون مهندس ميكانيكا pb192
والى الآن أغلب صور بجوالي صور طيارات حربيه

س/ هل فيه كليات طيران جامعيه ؟
س / وهل المهندسين يسوقون الطيارات ولا يقعدون بالحفره يغيرون الزيت :D ؟

.
.


واعذروني اذا الموضوع فيه نقص او شي لان فعلا فعلا تنرفزت من تعليق الاقلاع

http://gold.eqla3.com//files/53/eqla3_1299334222.jpg

ياخي وش نقص وهالكلام الفاضي :D هالصوره لحالها موضوع :sm3: لو حطيتها بس
اضمن لك أن موضوعك يتثبت :rolleyes:


موفق حبيبي bp039
وعقبال ماتصير الفريق طيار أن شاء الله يارب

يحكى أن ..
06-03-2011, 02:07 AM
-

هلآ هلآ pb030 pb030 .

http://gold.eqla3.com//files/53/eqla3_1299345658.jpg

طيب آلحين عرفنآ إن آللي ورآ طيآره وتطيرون فيهآ آلسيآره ليش pb036 ؟!



بمآ إنك تقول إن أفضضل آلطيآريين فِ آلعآلم سعوده ليش مآيصيرون هم آلمدربين ؟ وفيه مجآل مسستقبلآ لِ ذذآ آلشي ؟

معلومآت حلوه عرفتنآ على آلنظآم آلعسكي شوي :sm5:pb189 .
مآتقصر يَ ريّس :D !
فآلك آلشسمه bp039








هلا ببنت القروب :Dpb189

المورسلاقو مالها دخل .. بس رزه ، عندك شي ! :D


فيه مدربين سعوديين .. لكن الغالب يعني 80 بالميه اجانب ..
القضيه مو قضيه اني اعرف اطير اني اقدر اصير مدرب ناجح .. لان فيه فرق بالتعامل بالاسلوب وغيره
هالاجانب ماهم طيارين وبس لا .. اخذوا دورات تدريب مكثفه .. لانه معرض لحالات تحتاج خبره وسرعه تعامل .. مثل اللي يعرف يسبح مو شرط يعرف ينقذ خخ < مثالي البايخ :Dpb189

انا اقولك شي .. تقدرين تشوفين باليوتيوب اذا كان موجود لحد الان .. التدريبات المشتركه بين القوات الجويه السعوديه والفرنسيه .. واسمعي التعليقات من الاجانب وتكفيك bp039


ونبي اسم جديد للقروب .. :D | bp039

نونا بدليه
06-03-2011, 02:20 AM
عندي احساس غريب وانا اقرا الموضوع
احساس بالكشخه مدري ليش :D


[ MITROLOGIE ] ميثرولوجي ، وهنا ندرس حالات الطقس بشكل دقيق .. حتى اسماء وانواع الغيوم وارتفاعها وامكانية الطيران من خلالها ، والرياح و المد والجزر وكل شي بالطقس بتدرسه هنا بتفصيل ممل .

الحين تقدر تفرق بين الغيوم وتعرف اسم كل غيمه وشكلها
والله لو انك تفرق بين كل حبة رز والثانيه :D
مدري احسها فضاوه :D >> برااااا


اذا نجحت بهالمواد والتوتل حق المعدل فوق 85 ٪ تدخل فحص الطيران
وهو اصعب شي اشوفه .. هالاختبار يشمل : الطول والوزن والدم والضغط والقلب والتنفس والاسنان
ويقاس طول رجولك وطول عظمه الفخذ ويدك خخخخ بدون مبالغه يعني لازم تكون تفصيل استغفر الله

طيب فرضا رجال دخل هالتخصص ومعدله عالي والانقلش بيرفكت وكل شي زينه بس وزنه ماضبك مثلا او طول عظمته مدري يده مدري فخذه مو نفس اللي يبون او عنده اسنان مسوسه او مركب طقم مثلا مثلا ,,, يرفضونه ؟؟:D

و الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..
- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك

انا اقول في ريحة كشخه بالموضوع :D



حزن النبلاء
موضوع جميل جدا والله يوفقك وتصير الطيار الخاص لابو متعب :dpb189

GAREB AL-DAR
06-03-2011, 03:27 AM
هلا بحزن النبلاء
موضوع جميل ورايق
ويهيظ القلب
وخصوصآ فى هالوقت



و الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..

هذا احسن شي واحسن حضانه
بس بعضهم ما يقدرون ويبهذلون الواحد بهذله


مشكور حزن ابدعت والله

iScarf
06-03-2011, 04:14 AM
-

الله يعينك و يوفقكك pb058
قروشةة اجل pb093
.. لاهنت bp039

Dream~
06-03-2011, 04:26 AM
-

أهلاً بحزن النبلاء /

[ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]عندي إحساس فظيع باليأس وانا اشوف هالرتب :( ماش عجزت احفظ تسلسلها خخ !!
من ناحية الكليات العسكريه كرف فهي كرف وتعذيب لكن في النهاية تطلّع رجال ومميزاتها
الوظيفيه حلوه نوعاً ما !
واهم شي اللون الجميل منقطع النظير بعد ما تخلص المده خخ < لاتنكّر هااا خخ
سين سؤال نمبر1 : وش انواع التعذيب اللي كنتوا تتعرضون لها أثناء الدراسه :D ؟
طبعاً اقصد أثناء التأخير او المشاغابات او اي شي ، لاتقول لي إنكم طبقه راقيه وماتعرضتم
لها خخ ؟ عندي فضول مع إني اعرف مُسبقاً !



موضوع جميل يعطيك العافيه يارب bp039

LA..TRO7
06-03-2011, 05:54 AM
[ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]
اسمح لي ياحزن ابضيف الرتب العسكريه :sm12:


ملازم = نجمه

ملازم اول = نجمتين

نقيب = 3 نجمات

رائد = تاج

مقدم = تاج ونجمه

عقيد = تاج ونجمتين


عميد تاج وثلاث نجمات

لواء = تاج ومقص

فريق = تاج ومقص ونجمه

فريق اول = تاج ومقص ونجمتين

(( الناااايف ))
06-03-2011, 05:59 AM
بعد اذنك طال عمرك
<< دااااوم :D

..

ماشاء الله معلوماااات كاامله وتقرير كامل
وتنسيق ولا أروع

ماقصرت ياااحضرة الملازم وبالتوفيق لك
ان شاء الله

bp039pb189



* يسعد ايام سرب محمد
+
منقطع عن الردود منذ مبطي بس هيضني هالموضوع
pb027

BLOOMINA
06-03-2011, 07:21 AM
ما شاء الله من شرحك حبيت قسمكم pb030

اختبار تقييم مستوى انقليزي .. هو 5 مستويات يعني اخذت فوق ال90 تصير مستوى خامس ..
80 رابع .. وكذا
حلو هذا النظام .. عشان مايكون فيه ظلم و كل واحد يحصل استحقاقه pb189

هذي المواد اللي اذكرها وهي اصعب شي
نسبه النجاح 75 بالميه .. يعني تجيب 74 ترسب وعشان تدخل طيران لازم يكون معدلك فوق 85 .. معاناه صح
:eek::eek:
احنا استاذنا حاول يسوي نسبه النجاح بوحده من موادنا 60% pb093
قلبنا ام الدنيا واضطر يرجع يسويها 50% :D
<< اذا 50% وبس 6 نجحوا كيف لو كانت 60% pb189pb027

ينزلون لك رحله اخر الليل والا العصر والا باي وقت .. تخرب نومك تجي تحوس ساعه ساعتين بهالجو وترجع
لا الا نومي ما احب احد يزعجني بيه pb189:(

تتعلم كيف تطير بدون ماتناظر برا الطايره .. يركبون لك زي الحاجب يمنعك تشوف الاجواء حول الطائره .. ويجبرك انك تطير باستخدام المبينات والعدادات اللي قدامك ..
اها طلع هذا سركم pb024

هو صحيح القسم صعب بس مميزاته حلوه حيل pb030
تشجع اللي حاب القسم واللي عنده طموح يدخل له بدون تفكير pb189

حزن النبلآء ~
عوااافي عالموضوع الشيق pb189bp039

كبـت
06-03-2011, 07:43 AM
مشاء الله تبارك الله الله يوفقك يااارب bp039

اثرك فخم يا حزن :D

سردك لمعلومات تخصصك حلوه مره استانست وانا اقراه ,, ماتدري وش قد اقدر الطيارين العسكريين عندنا ,, بس فيه شي مافهمته وليتك توضحه
اول شي تتعلم الطيران الارضي

وشلون طيران ارضي pb036

سؤال ابيك تجاوبه بصراحه هل الطيارين يجيهم حالة خوف من المرتفعات ولو شي بسيط وهل فيه اختبار يبين من للي عنده هالخوف او لا ؟

وشي ثاني الحين المظليين هم طيارين في الاصل؟

الميزات اللي ذكرتها ممكن تكون للبعض كبيره بس بالنسبة للعسكريين اعتربها ولاشي مقابل التعب والجهد اللي يبذلونه يكفي لو تجي حرب لاقدر الله انتم بالواجهه pb189

الله يوفقك وعقبال عقيد ركن << هي كذا pb036

اقصد اعلى مرتبه بالعسكريه عاد موب يكبر راسك على الاقلاع :D

تحياااتي bp039

أدونيـس
06-03-2011, 07:45 AM
أنا ماتجهلني الامور العسكريه برتبها ودوراتها قاداتها واركانها وانظمتها وقرراتها مع أن مانيب عسكري.
الا ان كل اللي حولي او معظمهم عسكريين ولي في كلية الملك فيصل الجويه ربع مدربين.
ولا تعجبني فالعسكريه الا قوة التفاءل وروح الصداقه وياليتك ياحزن تكلمنا اكثر عن ها النقطتين
وتتكلم عن كيف فعلاً تظهر الدورات العسكريه معدن الرجل الاصلي وتجعله في أختبار على المحك ..أمام جميع الضغوطات..


وصباح الخير ياصاحب الفرهول "ذكرتني بايام الرق وكيف كانت المعاناه من ها الشكل من اللبس "

سـاشـا
06-03-2011, 08:03 AM
صباح الخير ..pb189



جميل لأبعد حدpb189pb189




ماأدري ليش على جمال هالتخصص إلا إني شعرت بأن فيه ضغط غير طبيعي ..pb093

Schizophrenia*|~
06-03-2011, 09:35 AM
.
ماشاء الله تبارك الرحمن :sm5:
حبيييت القسم كثير وإشتهيت أصير طيارهـ pb192pb189
عرض موجز وشامل أهنيك عليه صراحه +

الله يوفقك في حياتك المهنيه وينفع بك الإسلام والمسلمين يارب العالمين bp039bp039

$ آنسـه فـله $
06-03-2011, 09:45 AM
يا مرررررررحبا بحضرة الطيار < داقة سلام الضباط pb024
صراحـة استمتعت بالمعلومات اللي طرحتها , مبسطة و شاملة ومن زمااااان ودي أعرفها pb189
رغم مصاعب الكليات العسكرية والطيران خاصة وكل يوم وانت ناقز من ديرة لديرة الا اني احسه عالم حلوووو ومميز pb189pb030
ووودي أصير طيارة بس بدري علي , خاصة انه اذا قفلت معي بندحدر دايركت pb027 بس بجرب دعسة الاقلاع لفوق شعور خطيييير pb030

بالاضافة الى تلميع البدلة والجزمة وتنعيم الدقن والأناقة ( الوسامة والرزة ) شكلة شرط من شروط التخصص تكون وسيم :D
_ بالله ماافدتنا اذا فيه طيارين جياكر ؟ pb036

_ الطيارات اللي دااااايم تدور حوالينا الصبح غالباً , سريعة ولها صوت ينرفز وش سالفتها ؟
دايم يقولون لنا حربية .. كيف حربية وماعندنا حرب .. الا طيارات هجولية pb095
/
شي معروف عالميا ان الطيارين السعوديين هم الافضل على مستوى العالمpb189
_ مرررة انبسطت بهالمعلومة pb189pb189 , بس وش السبب ؟ منصحين ومخلصين مثلاً ؟ واذا هم كذا ليش يدربونكم أجانب ؟
_ ليش مايخلونك تشوف برا الطيارة ممكن انه يأثر عليك نفسياً ولا تعرف تتصرف ؟
_ الطيارة لها مثبت سرعة زي السيارات وتتكي انت ؟
_ آخر سؤال .. هل فيه شي اسمه تفحيط جوي ؟ بالعربي يمديك تنطّل بنا في الهواء ؟ :D

اعذرني على الاطالة .. موضوعك رائع وتخصصك شيّق جداً pb189
الله يعطيك العافية كفيت ووفيت ..
والله يحفظك ويستر عليك براً وجواً
bp039bp039

عــآشــه*
06-03-2011, 10:53 AM
،

تخصصك جدا فيه جاذبية خاصة
اعرف وحدة قريبة مني خاطرها تصير طيارة
تقول لان الطيران يحسسج ان عندج كنترول على نفسج
وعلى العالم !!
ويبيله قوة ويعطيج شعور حلوو ..
وايضا يزيد من القدرة القيادية عند الشخص pb189

اقدر الطيارين واايد bp039
بس مع الطيران تجي مسؤولية كبيرة
وارواح ناس :(
يمكن هاي الشي السلبي في الموضوع:(


موضوع شامل وحلوbp039

يحكى أن ..
06-03-2011, 12:14 PM
ṧṂỞởỠrٌỊ¨©

الشكر لك bp039


-


يكفي غياب
الحمد لله .. مثل ماقلتي شي يستاهل bp039
تسلمين



-

جـفـن ضب

يامرحبااا والله
ههههههههههههههه لا ويني ووين الركن تونا يابعدي

انا اعتبر هذي من اهم الفوايد اللي يلقاها الشخص اللي يدخل المجال العسكري هي التحمل والصبر
وزود على الصبر اللي تعطيك اياه بتعلمك شلون تتعامل مع مختلف العقليات وتعرف تفكيرهم
وتعلمك تعتمد على نفسك وتتكيف مع جميع الظروف اللي تنحط فيها ان كان بتدريب ولاغيره
طبعا غير انك تشوف اصناف مختلفه من البشر وتحتك فيهم باستمرار في التمارين والزيارات
اتمنى لك التوفيق اخوي حزن وموضوعك بطل يابطل

ماشاء الله عليك قلت اهم الاشياء ..
فعلا اكبر شي استفدته الاعتماد على النفس واحترام الوقت
بالاضافه لمثل ماذكرت التعامل مع مختلف العقليات .. وهي شي مهم
يعني عندك تقريبا بالكليه يمكن 500 طالب وتعرفهم كلهم باسمائهم والغالبيه بيصير بينك وبينهم مواقف
لانك بتقعد معهم 5 ايام متواصله كل اسبوع ولمده سنوات .. صدقا انها اختبار صعب في التعامل ومن جد
مرحله الكليه اثبتت لي الحكمه اللي تقول : لاتظن كل الناس ملائكه فتنهار احلامك .. bp039
فعلا فيه ناس ماتبان اخلاقها ومعادن رجولتها الا تحت الضغط .. سواء ايجابيه او سلبيه هالصفات


شرفتني والله ياجفن وشاكر لك هالاضافه المميزه | pb189

ننو !
06-03-2011, 12:26 PM
مدربين الطيران كلهم اجانب ( امريكان ، بريطانيين ، كنديين )
اول لاتجيه يشوف شكلك .. اذا بدلتك موب نظيفه والا جزمتك مو ملمعه والا مانت منعم دقنك .. لعن شكلك ولا فيه طيران ذاك اليوم ولا شي
هههههههههههههههه زين يضبطونكممم pb034

طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم
جمممميل جدددا pb189

اذكر بالمتوسط سألتنا استاذه وش تبون تصيرون اذا كبرتم
البنات اللي تبي تصير عارضة ازياء والا ربة منزل
انا خربت الدنيا وقلت كابتنه طيّاره :Dpb036
وللحين بقلبي هالشي : (

حزن النبلاء bp039

القمر
06-03-2011, 12:47 PM
أهلاً حزن bp039
الصراحة الصراحة لو إني ولد كان دخلت مباشرة الطيران الجوي pb189
أحس إني أحب الطيران وأحب مهنة الطيار pb189
وأبثرت أخوي الكبير على أيام ماكان محتار بالجامعة كنت أقول تكفى ادخل الجوية قسم ان نفلها
يعطونك خيارات متعددة كثير وبدلات ومهنة تشرف وتوسع الصدر pb189pb189 < كيف توسع الصدر ذي ؟ :D
ودخلها pb189 بس موب عشان شوري :sm5:
هو أصلاً يحبها وأنا ضمن اللي نشبوا به pb192
بس طلع منها وراح هندسة < معليش أحس ماتقارن :( تسبدي يالهندسة pb036

مرة أعجبني شرحك للمجال اللي إنت فيه , يعني فهمت أشياء كثير ماكنت عارفتها pb189
لكن فيه سؤال ..
1- الحين فيه فرق كبير بين حقين الطيران الحربي والطيران العادي؟ يعني اللي يدخل كلية
حربية بيعرف يسوق طيارة عادية جامبو ولا غيرها ؟ :sm5:pb189
2- ممكن توصل ان يكون عندك 4 رحلات يوميًا خلال شهر كامل كذا ؟ < :eek:
3- هل مسموح للبنات يدخلون هالكلية لا سمح الله ؟ < أرجوك اسكتي pb093


وهالشي معروف عالميا ان الطيارين السعوديين هم الافضل على مستوى العالم pb189pb189
أول مرة أسمع هالمعلومة , لكن أسعدتني bp039
4- بس ليش هم الأفضل على مستوى العالم وش الميزة اللي تميز مهارات الطيارين في أنحاء العالم؟
< آخر سؤال :(

موضوع جميل مرة مرة bp039bp039bp039
جدًا روقت وأنا أقرا حسيت بمتعة وشغف كبير pb189
أتخيلني أصير طيارة سعادة والله pb058pb189 < بس لا طاحت الطيارة وأنا مشغولة أصلح
شوشتي مالي دخل pb071


نسبه النجاح 75 بالميه .. يعني تجيب 74 ترسب وعشان تدخل طيران لازم يكون معدلك فوق 85 .. معاناه صح :(

أقدوا والله pb034 أرواح الناس ماهي بلاش pb034 لازم نسبة عالية مرة pb034 < :sm5:

تفضل bp039

يحكى أن ..
06-03-2011, 01:29 PM
هلا بحزن النبلاء مع ان اول مره اعرف حتى حزن الكاشات غير عم حزننا هههههه

ماشاء الله عليك عطيتني معلومات مره حلوه ومفيده , بس سؤال بس عشان اهايط عند الربع
يعني انت وضعك وضع " سواق طياره " ؟ يعني انت تسوق طيارات حربيه ؟؟

ابيك تعطينا وتوصفلنا النفسيه وانت بالطائره
هل فيه احساس واشياء تصيرلك وانت اثناء الطيران خصوصا انها تطير بسرعات جدا عاليه ؟


والف شكر لك وتحمل الاقلاع
امسحها في وجهي هالمرة ههههه

يالله حي سراب
وششلونك يابعدي مبطين عنك والله pb189

لاتدقق على الاسم نقلبها درس خواطر وشعر خخ :D

انا كل شغلي على الطائرات الحربيه :d
شف وانا اخوك فيه بعض الطائرات يطير فيها طيارين .. مثل بعض الانواع من الترنيدو والاف 15
واحد يكون طيار عادي .. هو اللي يستلم القياده والاقلاع وغيره ..
الطيار الثاني يسمونه wso وزو .. اختصار لـ [ Weapon system operator ]
الوزو هو المسوؤل عن التحكم بالاسلحه والاطلاق والقتال بشكل عام ..
هو تخصص لحاله واللي يطلع عليه مو كثير لانه كرف اكثر من الطيار ومايحطونك فيه
الا اذا كنت متميز وعندك سرعه استجابه وبديهه ..

عموما .. انت كطيار مكلف قبل كل رحله تشوف طايرتك وتتفحصها .. لما تقلع تكون على اتصال مستمر مع القراوند وتاخذ منهم المعلومات واشياء كذا .. بالاضافه الى انك تتحكم بالاسلحه والتفجير
ولازم تعرف كيف تتعامل مع التشويش الالكتروني او اذا كان فيه هجوم الكتروني على طايرتك شلون
تتعامل معه .. يعني انت الرجل الاول بالمهمات الجويه مو بس قياده وبس

ابيك تعطينا وتوصفلنا النفسيه وانت بالطائره
هل فيه احساس واشياء تصيرلك وانت اثناء الطيران خصوصا انها تطير بسرعات جدا عاليه ؟

اول رحله ممتعه واكشن لسببين .. اول شي لان مو انت اللي تطير انت مساعد فقط
والسبب الثاني ان المدرب مايحوس فيك الارتفاعات والمناوره بالطايره لانك توك اول رحله .. حبه حبه يعني :D

بعدها هو اللي يبدا الشغل .. يعني من اول رحله انت تكون الطيار .. او اول رحله فيها مناوره جويه
بغض النظر عن السسرعه لكن اصعب شي نتعامل معه هو الجاذبيه + الضغط
الجاذبيه تاثر عليك باوقات الصعود والهبوط .. يعني لارتفعت بالطايره ينززل الدم لجسمك ويقل براسك
هالشي يسبب لك ممكن دوخه او استفراغ وانتم بكرامه .. لان فيه سائل بالاذن هو اللي يسبب هالشيء
خلني افصل لك شوي :D
الحين الانسان الطبيعي له حد فتحمل الجاذبيه سواء بالارتفاع او النزول
انت تقدر تتحمل + 7g ارتفاع .. و - 3g انخفاض الـ g معناه قوه الجاذبيه ( Gravity)
فمثلا انت الان بالجو وتطير بارتفاع ثابت زي كذا ( ------- ) وزدت ارتفاعك لازم زاويه الارتفاع ماتكون كبيره عشان ماتزيد عليك الجاذبيه .. ونفس الكلام بالنزول ..
المشكله صعب تفهمها نظريا وانا بعد بالعربي ماني متعود اقولها لان لها اصطلاحات بالانقلش مفهومه : (

هذا هو اكبر العوائق لكن مع الوقت تتعود وتتاقلم عليها وتصير شي طبيعي ..
يعني عندك الشخص الكيوت اللي قدامك pb094:D مسجل لي تقريبا 420 ساعه طيران
فخلاص هالاشياء تكيفنا معها وتعودت اجسامنا عليها اساسا .. هالكلام كله بساعات الطيران الاولى
انا اخر طلعه لي كانت قبل 6 شهور :(pb189 بعدها نقلت لقسم ثاني .. صح اني اطير لكن بساعات شهريه قليله .. والاربع شهور الماضيه ماقدرت اطير لظروفي الصحيه منها ان رجلي انكسرت وللحين
علاج طبيعي وكذا .. ان شاء الله نهايه شهر مارس ابطير .. والله يعيننا نتأقلم من جديد

من ناحيه النفسيه وقت الطيران فهي صدقا متعبه ..
يعني اول شي اللبس اللي انت لابسه غثا ( بدله الطيران + اللايف جاكيت + القلفز + الجي سوت + الهيملت + شنطة الدفاتر والتشيك ليست ) < هذي كلها تلبسها فوق بعض :D بالاضافه للاحزمه والاربطه اللي تكون بالمقعد .. ( شوف الصوره اللي بالرد الثاني .. اللي واقف عند الطايره لابس اللبس كامل :D )

وغير اللبس انك مشغول .. خاصه باوقات العمليات الجويه او التدريبات ..
يعني يديك ورجولك كل وحده على قطعه .. واذنك مع الاي تي سي .. وعيونك وانتباهك كله لازم يكون حاضر .. عاد شف لاكنت طاير بعز القايله بالرياض وماتشوف تحتك الا صحراء والا جبال .. اكيد بتطلع نفسيتك :D


ياطول ردي pb027

حفيدة غآلي
06-03-2011, 01:52 PM
ياربيه ماشاءالله تبارك الله شيء شيء :sm1::sm5:pb189pb189

ليتهم يقبلون حريم خخخخ :D


وعقبآل اخوي عمره 16 من كان صغير وهو يقول منب شاري بلاي ستيشن علشان مايضعف نظري بعدين ماتقبلني كليات الطيران pb036:D
بإذن الله ابوريه موضوعك يقراه عسى الله يحقق حلمه يارب pb189pb189

طرا ع بالي سؤال pb071
عندكم نفس الظباط ع الاكتاف نجوم وتاج وكذا .. ! :D
ولبسكم كيف شكله :D

والله يوفقك ويسهل امرك ياربي ..

طَموح أنثى
06-03-2011, 02:17 PM
موضَوع كآمل ووآفي:sm5:pb189
عرفت أشيآء مآكنت أعرفهآpb095pb189..
ودخلت برآسي أصير طيآره:sm5:<<على أسآس هم ينتظرونك:mad:..,~
بس أحس مره صعب الموآد!..
الطيرآن سهل احس لكن الموآد نفسهآ دسسمه وتلخببطpb093
أحسس كل مآده يبي لهآ ترم كآملpb024<<تعقدتpb030.,!
أخوي بإذن آلله بيدخل طيرآن بس مدري وشوpb095.,~

آلله يوفقك يآربbp039

LIGHT
06-03-2011, 03:22 PM
تتعلم كيف تطير بدون ماتناظر برا الطايره .. يركبون لك زي الحاجب يمنعك تشوف الاجواء حول الطائره .. ويجبرك انك تطير باستخدام المبينات والعدادات اللي قدامك


يوووه يعني ماتشوف شيء بس أرقام .. طيب لو ماعرفت وطاحت بك الطياره ومت
يدفعون لأهلك ديه ؟؟ << همها





الا مير فيه سؤال ذابحني .. الطياره لها بوري :d؟

يحكى أن ..
06-03-2011, 03:33 PM
( كرامتي عاليه)


جعلك تسلمين والله bp039

وين تدرسون بالرياض ؟؟


ايه الدراسه بكليه الملك فيصل الجويه بالرياض

بس بعذره شي مرره يجنن مرره خيالي يكفي اللبس الي تلبسونه
هو اللبس الازرق

ايه الحمد لله الكليه رغم كل شي تبقى بحد ذاتها نجاح والالتحاق فيها والدراسه ماهي بهالسهوله . عشان كذا يصير فيه شويه هياط وكذا :D

اللبس الازرق .. ( قميص سماوي + بنطلون كحلي )هو اللبس الاداري .. يعني اللي نلبسه بالمكاتب او الدراسه النظريه

لكن لبس الطيران . شوفي ردي على سراب المحبه تكلمت عنه وشرحته bp039


-

تلاد

يامرحبا والله

هي كلها مواد تخصص يعني اللي عنده هوايه بهالشي اكيد بيستمتع فيها .. الغثه المواد العامه اللي نعاني منها كلنا :D

دايم الطيارين اشكالهم رزه ولهم هيبه كذا حتى حقون الخطوط , اشوف قريب من جامعتنا فيه هيئه طيران او نسيت وش اسمها بالضبط المهم اشوفهم لابسين بدل حلوه وغريبه كذا تشبه بدل رواد الفضاء بس الزبده مره تعجبني

ماادري عن اي مكان تقصدين .. لكن فيه الطيران المدني لبسهم بدله عاديه بدون اجهزه وكذا
لكن الطيران الحربي لبسهم مثل اللي بالصوره ببدايه الموضوع .. وبرضوا شوفي ردي على سراب .. شرحت البدله بالتفصيل :D


-

دويم ~


ياهلا فيك والله
كلامك صحيح bp039



.


شكرا لكم جميعا | bp039

B R S T E G
06-03-2011, 03:55 PM
انا أحب الأقسام الغير تقليدية
اللي فيهـا عمل وأكشن وإبداع .. pb189

كان ودي ادخل مثل هالاقسام " ماقصد قسمك ماينفع "
بس مالله كتب لظروف شخصية ونفسية وكل ابو شئ تجمع

الحلو انك على هالكرف تلقى شئ محرز شغل ومكافئات وتقدير ماشاء الله pb189
تقوم بالسلامه وترجع تطير pb036:sm5:
واشوفك بعد مارجع من داومي الظهر ع بداية طريق خريص اشوفكم تطيرون فوقي pb027pb189

| سُنْدُسْ |
06-03-2011, 04:20 PM
ربيْ يوفقكْ ..

مّآقصرتْ شرحْ وآفيْ ..!

W7med Alhilali
06-03-2011, 05:41 PM
-




والله العسكريه ألي مافي امل اددخلهآ يبوي يجازونك تمشي على يديك بهالقوآيل pb036 !
نص اخوياي الي دخلو العسكريه يدخلون مؤدبين ويطلعون حقين دخان وحبوب pb093
غير لونك الي يروح وتصير اسوود ومايرجع الا لما تسوي حمام سونا 5 او 6 مرات :D
هاذولي الافراد عاد الضباط من قو الكرف يهجون من أول اسبوع انقبلو فيه بالكليه pb192

تقريرك متكامل ماشاء الله عليك وعقبال ماتاخذ لواء ويجوونك كل الجماعه يبون واسطه خخخ ( طراه ابوي ماتسوى عليه هالرتبه )
وشيء معروف الجويه بالسعوديه هي الاقوى بالعالم لكن الجيش ضعيف ! واعداده مايتقارن بالدول الثانيه :sm12:

عآفآك bp039

الليدي لودي
06-03-2011, 07:42 PM
مرحبا خيي,,ماشاء الله شرح مره سلس وحلو
الصراحه مرره حمستني عاد انا من اوول احس الطيراان شي pb189pb189
بس لو انه ينفع للبنات:D‏>‏‏>مو من شجاعتي بس حابته مرره
وربنا يوفقك ويسهلك وتاخذ اعلى رتبه ‏
سم حزنbp039bp039bp039

snoo
06-03-2011, 07:47 PM
ماشاءالله
استانست بتخصص وانا اقرا عنه بس ,, كيف لو بدرسه مغااامره تستحق التضحيه pb189pb189!!

الله يوفقك

Miss_x
06-03-2011, 07:53 PM
موضوع متكامل ..

كفيت و وفيت الله يعطيك العافيه .

طبعاً أنا ودي أعرف أول مره تكون أنت الي تسوق :D ماخفت ’ ماقلت بلاش pb036

bp039

تِساهيلْ
06-03-2011, 08:11 PM
كنت انتظر احد يتكلم عن القطاع العسكري بفارغ الصبر وكويس انو كان انت لان لقيت فيه كل اجوبة تساؤلاتي
فالبدايه بتكلم عن النظام العسكري بشكل عام .. وهو تقسيم الرتب واقدميتها بكل القطاعات ،
العسكريين ينقسمون لقسمين || افراد . و ضباط
الافراد هم خريجين المعاهد العسكريه والمدارس ..
ويبتدي ترتيبهم من [ جندي ، جندي اول ، عريف ، وكيل رقيب ، رقيب ، رئيس رقباء ]
القسم الثاني اللي هم الضباط وهم خريجين الكليات العسكريه .
ويكون ترتيبهم [ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]
طبعا دائما الضابط هو الاعلى رتبه من الفرد .. يعني لو فيه عسكري خدمته 20 سنه ورتبته رئيس رقباء مثلا .. ويتعين عنده ملازم توه متخرج ، يصير هو المسوؤل منه وقائده المباشر .. يعني القياده ماتسلم الا لضابط باختلاف مراحلها .. هالنقطه بس عشان تفرقون بين الافراد والضباط bp039اخيرا لقيت الجواب اخيراا
اخوي على وجه تخرج ودايما يقول ابي ادرس بكلية الضباط واتخرج ضابط
ودايما اتسائل هل صحيح ان فيه كلية ضباط واللي يتخرج منها على طول يطلع ضابط والا هي
تجيك من نظام السلم الوظيفي لنفس القطاع يعني من جندي جندي اول عريف ومدري وش الثاني
والحمدلله لقيت كل تساؤلاتي بموضوعك و ماخليت سؤال كان خاطري احد يجاوبني عنه وماشملته بموضوعك :)




موفق يارب

تايك
06-03-2011, 09:41 PM
ما توقعت احد هنا في العسكريه :d
اخواني 3 في العسكريه ثنين ضباط وواحد جندي :d < بيت تناقض :d واحد تابع لداخليه والثنين الثانين تابعين لوزارة الدفاع واحد في الجيش مدري ايش تموين او شي زي كذا المهم انه هو الجندي :d يقول حنا الي في الحرب لتموين الجيش او زي كذا تابع اتوقع للقوات البريه في تبوك يقول توه جاي هذا القطاع في تبوك < مدري يمكن يكذب علي :d
والثاني صديقك :d بس قديم يمكن له 8 حلوها متخرج من الكليه حقت الملك فيصل الي في الرياض والحين في تبوك بس مو طيار :d
لان رسب في اختبار الطياران مدري هو كان يقول اني انا رسبت نفسي خواف :d
يقول الي يرسب من الطياران يختار شرطه عسكريه او استخبارات صح كلامي :d عاد هو مدحدر مره واخذ شرطه عسكريه :d بس يكون دارس دارس اساسيات الطياران مثلك ولا
مدري كلامي صحيح لان ما شفتك ذكرة هذا الكلام !
لان فيه حجات كثيره ما ذكرتها ؟ < كافشك :d اقولك بيت عسكري كل السوالف عن العسكريه اتحد ما يجي من تبوك لا ويتكلم عن الافراد او الضباط الي حوله ومشكاله قلق :d
اذا هو التخصص نفس الي انا اعرفه الي يتخرج من كلية الملك فيصل الي يرسب من الطياران يكون حدا شرطه عسكريه او استخبارات والي يرسب من الكليه ينزلونه معهد الطياران ويكون من الافراد صح كلامي :d

بعدين الي اعرف الافراد ما يدخلو كلية الطياران مثلكم صح :d

بس اكيد هو تخصص الي انا اعرف بس ما ذكرة الحجات هذي صح كلامي < مثل البزارين لنشب للواحد :d

اذكر كل الي كانو في حفل التخرج مثل بعض ما نعرف وين اخوي كلهم سواد وطولهم واحد كلهم منعمين جسمهم واحد حركتهم وحده بس رزه كلهم :d
وش فايدتها الطول كلكم نفس الطول ؟ ولا بس كذا الي اذكره لزم يكون فوق 65 اتوقع !
بس ليه ما تذكر الفحص الي يكون لكم في التقديم ههههههههههههههه < احراج صح :d
ليه ما تذكر حياتكم في الكليه اقولها لك صريح :d تهريب الاكل الهستره على المدربين الاجانب والعقابات الي تجيكم :d بس انت حسستني انك الولد العاقل في الكليه :d ووقت الزياره في بداية الكيه يعني 45 يوم الاول تكون مو موقف وما قد حجزوك الخميس ماتطلع ما اتوقع مدري ليه لان هناك لزم يطلعون لك شي :d

اذكر اخوي كان هو وخوياه يهربون اكل وحجات زي كذا يعني مو ممنوع بس في الكليه تكون ممنوعه والجوال يهربونه في علبة الشامبو يفضونه وينضفونه ويحطونه فيه :d
والعقابات الي تجيهم هستره يقول مره خويه في المعسكر اتوقع يوم يروحون للخرج كان فيه عقرب واخذها للمدربين حطها في علبة مويه هههههههههه يلحكهم فيها وبعدها وقفوه مدري كم :d
بس اكيد تسون سوالف زي كذا

وانشاء الله نشوفك بعد خمسين سنه فريق اول يمديك اذا ماتاخرة ترقيتك تخذها صح ؟:d
نشوفك وزير للدفاع :d

قلـب طفلـه
06-03-2011, 10:03 PM
..

تخصص العسكرية حلو بس فيه البعض فاهمينه غلللط ..
الكلية الأمنية اللي يتخرج منها ظابط وفيها رتب وعلاوات
ومجالات العسكرية كثييرة واسمع فيها فيه منهم سجون
ويمدحونه أكثر شي !
ومباحث ومرور بس ليتك توضحلنا كل مجال وكيف دراسته وكيف ساعات العمل والعمل فيه متعب ؟


والبحرية مجال كويس أهنيك على اختياره :sm5:
وبسألك عن الملاّح ذا برتبة والا ؟!


معلومات كنا نجهلها ماقصرت بعرضها
والله يوفقك بوظيفتك حزن pb189

نب’ض||~
06-03-2011, 10:05 PM
,’

عشت حالة رهيبةpb189
عيوني كذا pb036
بس أقرأ

على أن القطاع العسكري متوفر بشكل كبير بيننا.
بس الطيران بشكل خاص ما سمعت عنه,
ولا عمري قريت فيه,
بس مرا في "صقر الجزيرة شفت أشياء"
يعني ما تعمقت ,

بس موضوعك رهيب ,pb189
يعني حسيته شي راقي ومختلف عن السلك العسكري,
لو ما انقبلت في الجامعة كان فكرت أدخل طيران pb095:D

<_ وللا بروح للأمير الوليد يدعمنيpb094:D

ماقلت شيpb036

حبيته كثير,
بس الرحلات وكذا متعبة ,
ما تستقر في مكان معين :(

عقبال ما تصير فريق أول:rolleyes:bp039
بس موشكلة بيصير عمرك مو أقل 60 :D
يعني انبسط على نفسك ,


شي مختلف وجميلbp039



+*****

فرابي
06-03-2011, 11:37 PM
ماشاءالله ياحزن وش هالاسلوب pb189
صدق احس استرسلت معك وليت مورد مواقف وكذا ترا ماشين ع الخط
للأمانه في موضوعين قريت نصهم وطلعت ماش حسيت اني في مدرسه احس اللي يدخلنا الجو موب سرد < وجش ؟:o

الله يوفقك وعقبال اللواء وكذا :Dbp039

يجرحني
07-03-2011, 12:27 AM
ماشاء الله تبارك الله الله يحفظ اللي فالجو وفالبحر وفالارض pb189:D
يارب احفظ ذرارينا وذراري المسلمين >عجوزهم :D
تتعلم كيف تطير بدون ماتناظر برا الطايره .. يركبون لك زي الحاجب يمنعك تشوف الاجواء حول الطائره .. ويجبرك انك تطير باستخدام المبينات والعدادات اللي قدامك .. يعني تشوف ارتفاعك وميولك ووين موقعك من خلال الاجهزه .. هالشي يساعدك انك تطير من خلال الغيوم وتطير بالليل وتطير بانعدام الرؤيه عموما
ياويل حاااالي يعني يسوق على عماها ..مير الله خير حافظ pb189
السلبيه الوحيده بالطيران .. انها شويه كرف وتكون محاسب بالثانيه واجزاء الثانيه بعد ..
تكفي هالوحده عن الف .. الله يكون بعونكم وبعون الكل ..pb189
لكن مثل مايقولون .. ومانيل المطالب بالتمني ، ولكن تؤخذ الدنيا غلابا
صحيح .. وتكبير الوساده مايجيب زود ..
مشكور اخوي خبرتنا بأشياء اول مره نعرفها تفضل bp039.

يحكى أن ..
07-03-2011, 01:15 AM
لقيت لكم مقطع اجنبي عن كليتنا :d
موضحين فيه كل شي .. كذا كان دوامنا غالبا

http://www.youtube.com/watch?v=Kq65EJKv0kk&feature=related

ENG.M7SN
07-03-2011, 02:47 AM
http://gold.eqla3.com//files/53/eqla3_1299345658.jpg


هآلصصورةة تكفي ي بعد حيي pb189 :d

pb189

وآلله موضوعك ششي , يخليك ودك تقول : تف ي هندسة :(
آنني آريد آلتحليق عآليآ ي حزن :( > فصصل آلولد :d


لآهنت ي حبي pb189

نور المشعل
07-03-2011, 03:37 AM
ماشاء الله تبارك الله
ربي يوفق الجميع لما يحب ويرضى ..
بصراحه استفدت معلومات جديده من الموضوع هذا كثير
وماكنت متوقعه جو التدريب والدراسه كيف
يسعدك الرب وشكراً ع الطرح

حفيدة غآلي
07-03-2011, 01:53 PM
لقيت لكم مقطع اجنبي عن كليتنا :d
موضحين فيه كل شي .. كذا كان دوامنا غالبا

http://www.youtube.com/watch?v=Kq65EJKv0kk&feature=related





خخخخخخخخخخ ماضحكت الا ع القرعات حكايه تانيه صراحه pb094:D

بس جد كليه قويه :sm5::sm5:pb189

يحكى أن ..
07-03-2011, 04:07 PM
انثى زجآجيه


يامرحبا والله بمشرفتنا الجديده :Dbp039
احس سواقه الطياره اسهل من السياره والا


:(

وينهو معه اسسهل الله يرضى عليك .. الطيران الحربي اصعب من الطيران المدني .. فما بالك بالسياره :D




-

BD0N NK


يامرحبا
اهم شي ان الوظيفه مضمونه :D



-
كان يامكان


ياهلا فيك

ايه نطير بدون مانشوف اللي برا .. لان ممكن وانت طايره يجي غبار او غيوم او اي سبب يمنع الرؤيه برا
عشان كذا لازم نتدرب عليها بس :o



-
الله يرجك هع


الشكر لك bp039



-

سُلآف


يامرحبا والله

ماشاء الله .. لا اخوانك دراستهم غير

الدفاع الجوي اعدائنا :D
لان مهمتهم الاساسيه اسقاط الطائرات والتعامل معها ..
يعني شغلهم كله رادارات + صواريخ ارض جو


هندسه الطيران المدني .. ماعندي خلفيه عنها والله
لكن اللي اعرفه ان الخطوط السعوديه الان الوظايف فيها صعبه .. خاصه بعد الخصخصه
صح بعد دراستك تكون معك شهاده باي دوله تشتغل .. لكن هنا بالسعوديه لازم تتاكدين من المستقبل الوظيفي بالخطوط اول






شكرا لكم جميعا pb189 | bp039

afnan1988
07-03-2011, 04:34 PM
حزن النبلاء bp039 ,,
من الاقلام المميزه بالاقلاع ,,
دخولي للموضوع مو لاني ابي اعرف الطيران ايش
لا والله , قلمك ماشاء الله مميز :sm5:bp039
من مميزات الطيران :
- ان الخدمه تحسب اكثر .. يعني سنه وانت طيار تعادل سنه ونص باي قسم ثاني
اوضح اكثر .. يعني لو تكون 10 سنوات طيار .. راح تحسب لك 15 سنه
- راتب عالي نسبيا .. يعني اضافه لراتبك يكون عندك بدل طيران وهو 35 ٪ زياده على راتبك
و الضباط عموما سواء طيارين او غيره لهم حصانه .. يعني مايدخل السجن العام
ولايتم تفتيشه او تفتيش سيارته بنقاط التفتيش اللي بالشارع ..
- كل مهمه رسميه يعطونك تذاكر طيران لك ولاهلك .. ومن رتبة رائد وما فوق تكون تذاكرك درجه اولى ..
- اذا صرت لواء تستحق الحصول على الجواز الدبلوماسي انت وافراد عائلتك

الطيران على كل مميزاته الا انه يحرمك من اهلك ,,
مدري الصراحه بس تنقلات الطيار متعبه جداً
,’
بعدين لحظه في سؤال في بالي واتمنى تجاوب عليه :
اللحين ليه الطيار احيانا يستقر في مدينه وحده مع انه يسافر يعني خليني افهمك :D
نقول مثلا يجيه تعين في جده ! خلال اسبوعين تجيه 3 رحلات
طيب ليه يستقر بجده وهو من الاساس ماراح يقعد فيها
يارب فهمتني pb027
ويعطيك العافيه يامتميز bp039 ,,

بعثرة حكي
07-03-2011, 05:17 PM
يلا ان شاء الله توصل أعلى المراتب
وتقود طيارات ايواكس <<< يعنني تعرفها خخخ
الله يقوي دفاعنا الجوي ويحمى بلادنا وشبابنا من كل مكروووه bp039

بصــرك
07-03-2011, 05:28 PM
ماااشاءالله تبارك الرحمن

صراحه ااي طيار احس فيه نوع من الرقي
خصوصا طيار اف 15
ولا من الصقور الخضر :)

بنتُ جـابــر
07-03-2011, 07:33 PM
حزن اللي يشوفك مايقول عسكري .. ههههههههه ..
ماعلينا اجل تهايط قبل قانوني pb034 المشكلة ما أقدر أتكلم عن القنبلة اللي بتنفجر
يمكن بعدها أستحي أنزل موضوع ثاني pb093 ..

-

الطيران العسكري قليل ناس قابلتهم داخلين هالمجال ، بس ماشاء الله كـ سوق عمل خخخ
التخصص مطلوب وناجح حتى الواحد يوصل بمراتب حلوة فيه ورواتبكم يالله من فضله :D
أجل يعطونك تذاكر pb093 وأنا أقول الرجال وراه مسفار .. أثاري تذاكرك مجانا ..

تبادل ؟ :D تتوظف في البنك .,

ع القوة حزن .. قريت الموضوع أمس pb189 .. موفق يارب .

طيبة ولكن
08-03-2011, 01:21 AM
ماشاء الله شرح وافي
بالتوفيق

كرآثه
08-03-2011, 02:17 AM
طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم pb189

توي ادري بالمعلومه هذي pb036
يعني طيآريننا خطيرين pb094bp039

http://gold.eqla3.com//files/53/eqla3_1299345658.jpg

الصوره ذي شي ثآني تخليك ودك تصير طيآر والسياره حلوه مره :sm1:

موضوعك وشرحكِ رآيق يعآفيك ربي
شغلتكم حلوه بس صرآحه شكلها يبي له ناس صبوره وكريفه شوي وتمشي مع الوقت
وأحس احلا شي أذا صرت بالجو لحآلك شعور ثآني ( لناس الي ماتخاف من الارتفاعات pb027)pb189
الله يوفقك يآرب وتاخذ رتب عآليه بشغلتك bp039

anwar1410
08-03-2011, 02:31 AM
وه اخق على الطياره ودي اصير طياره وهم ليه مايفتحون لنا قسم<<<بلاول خليهم يسمحون بسواقه خخخخخخخ

استمتعت بالموضوع وتمنيت اني ولد وطول عظامي وسيقاني مناسبه عشان ادخل ودي افحط بالجو<<وتقول ليه مايخلونهم يدخلون خخخخخخخخخ

يحكى أن ..
08-03-2011, 03:22 PM
سترابري

الله يرحمه يارب :(

اسسف والله bp039


-

ياليتك تكلمت لنا عن نظام الكليه نفسه والتعذيب اللي يصير هناك


يبي لها موضوع ثاني هذي هههههههههههههههههههه
في اي كليه عسكريه لازم نكون تحت الضغط النفسسي والجسدي ..
تتعرض للظلم .. للقهر .. بعضها عمدا :D
للاحباط .. للتهزيء .. اشياء كثيره والله اشبه بالسجن من ناحيه النفسيه بعض الاوقات
لكن هالشي ماياثر على اللي عنده طموح وهدف يبي يوصل له .. لان هالشيء من اساسيات العسكريه
انك تقدر تسيطر على اعصابك باشد الظروف .. حتى وان انظلمت لازم تتحمل لمصلحه اكبر
لان اي عسكري معرض انه يكون اسير لاسمح الله .. فتكون عندك القدره للسيطه وتحمل الضغوط النفسيه اطول فتره ممكنه ..



-

LA..TRO7


الله يعز مقدارك يارب .. تسلمين bp039



-
~..Fnjan 8hwtk


ركزي :D انا طيار حربي .. يعني اطير بالاف 15 والترنيدو والطايرات اللي كذا ..
مو طيران مدني حق الخطوط .. واساسا فيه فرق بينهم .. ممكن باصعب الحالات زي الايميريجنسي
اقدر امشي نفسي واطير بالطايره المدنيه .. بس عادي اسافر كاني اي احد مالي دخل بشي


انت وشو رقيب ولا رائد ولاوشو ؟


الطيار لازم ضابط .. والرقيب مو ضابط :D
انا ملازم اول


تعرف هذوليك الي يربطونهم ويرمونهم من الطياره بالله وش يقربون لطيارات الجويه ولا هم شي ثاني؟


هذا يسمونه القفز المظلي ..
وهي دوره تصير بالطايف او تبوك ..
يقدر ياخذها اي عسكري ويصير مظلي ..
حنا ناخذ اساسيات القفز .. للحالات الطارئه .. لان اذا تعطلت الطائره
اقفز منها .. < طبعا بطريقه معينه .. لان المقعد حق الطيار .. فيه زي الصاروخ تحت
فاذا صارت مشكله يطلع الطيار من الطايره عن طريقه .. مثل هالمقطع ..

http://www.youtube.com/watch?v=MgcPhl1UIhA


الله يعافيك bp039

@ الامبراطور @
08-03-2011, 08:20 PM
فعلا .. من أفضل المواضيع المعلوماتية ..
ماشاء الله عليك ..
اختصرت اشياء كثيرة جدا في موضوع بسيط جدا وملخص ..

فعلا الطيران دوشة .. ولو ان الطول يفرق معي 1 سم كان الحين جنبك pb027

بس بجد خويي طيار حربي ..
وحكاويه ما تخلص ماشاء الله .. pb189

إلا صدق .. يقولون .. يصلي الفجر بجدة ويلحق يفطر بكّير في تبوك .. :D
الله يحفظك ان شاء الله ..

إلا صدق .. الحين مثلا ملازم طيار ..
هل بتآخذ راتب على رتبة الملازم .. وبدل على أنك طيار .. !!
ولا تعتبر ملازم مثل الملازم اللي بالمرور ولاغيره .. ؟؟

تصدق آبي اسأل خويي ذا السؤال .. ما اشوفه إلا من 6 شهور مرة وحدة ..
ويروح عني السؤال .. :D
وفرصة اني اسألك .. ؟؟
والله يبارك لك ..

عوافي اخوي .. ع الموضوع الأكثر من رائع bp039

Loved me
08-03-2011, 10:06 PM
woooooow:sm5:pb189pb189

من كنت صغيره وانا اعششق الطيارات والطيران بشككل:sm5: حتى لما اشوف الطيارات العسكريه بالجو ويسوون حركات وبخار بالوان وحركات :D اخق قسما pb189 يجيني شعوور غريب

امنيتي اصير طياره :sm1: مو لازم في العسكريه لو طياره عاديه اي شي اهم شي اسوقهاpb027>يقلع القراوى ياناس خخخ

ماشاء الله وظيفتك صراحه شيي وممتعه حتى لو كانت متعبه بس فيها متعه وقمييله احسن من وظيفه مريحه وتجيب الهم والمررر:sm1:

طيب اسألتي القيمه::

انت مع اللي يطيرون بالسما؟>يبي من يصفقها pb027 اقصد الطيارات الحربيه اللي تسوي عروض وحركات انتم معهم ولالا ؟؟وحتى لو كنت مو معهم وش سالفتهم هذوليpb036 كل فتره اشوف طيارات حربيه لونها بني تقريبا :confused:

وظيفتك الحين ايش ؟؟كل يوم تطير ؟؟:confused: وترجع وبس؟ولا مكتب ولكم اوقات خاصه تطيرون فيها ؟ووش هالاوقات ؟؟غير انكم تطيرون عشان تتدربون
ولو صار حرب لاسمح الله بتصير مع اللي يحاربون بالقنابل وكذا :confused:

ووش تقصد ب(رحلات دوليه) يعني من دوله لـ دوله pb036 وهذي الرحلات متى تصير وليش؟
وهل ياترى ممكن يفتحون مجال للبنات :D>pb095

وبالتوفيييق ياخيي الله يسعدك ويتمم عليك هقوتي انك ماراح تكمل عقب عينا :D تبي اجمع الغسال؟:D

Scent of Woman
10-03-2011, 03:56 AM
صباح الخير

ممكن سؤال إذا تكرمت:)
عروض الطائرات اللي نشوفها ببعض الإحتفالات العسكرية مين يقوم فيها؟
وهل كل طيار يقدر يعملها؟
وإلا تحتاج دراسة وتدريب خاص؟

شكراً لك مقدماًbp039

nzf
10-03-2011, 02:03 PM
ماشاء الله موضوع مميز فيه كثير معلومات ماكنت اعرفها ..

الله يوفقك ..

حلم القلوب
10-03-2011, 03:39 PM
حبيت موضوعك جدا جدا

تخصص حلو والاهم كله تدريب وتطبيق وعملي
كارهه النظري بقوه
يعطيك العافيه

يحكى أن ..
10-03-2011, 03:57 PM
اليأس اللحوح


يامرحبا فيك bp039

ماشاء الله .. الله يوفقه ويخليه لكم

كليه الملك فيصل افضل الكليات العسكريه .. لان ماهو كلها عسكريه .. فيه علم ودراسه تفيد الضابط

الله يوفقه يارب pb189


-

يوري النصر


كيف كانت اول رحله تقوم بها
ماحسيت بالخوف >>>>> مشكلة اللي عندها فوبيا من المرتفعات

بالعكس جميله pb189:D
انا كان عندي فوبيا مرتفعات من جد .. بس مشت اموري :D

الله يعافيك يارب


-

the best man

ياهلا بك يابعدي :Dpb189

س/ هل فيه كليات طيران جامعيه ؟
س / وهل المهندسين يسوقون الطيارات ولا يقعدون بالحفره يغيرون الزيت ؟

هههههههههههههههههههههههههههه

مافيه كليات جامعيه " للطيران الحربي "
لكن تقدر بعد ماتخلص الجامعه .. تدخل الكليه وتدرس 9 شهور تقريبا وتتخرج ملازم اول على طول pb189
لكن ماتكون طيار للاسف .. تكون بالاقسام الارضيه او المكتبيه ..


الله يوفقك باللي احسن منها pb189


-

نونا بدليه

عندي احساس غريب وانا اقرا الموضوع
احساس بالكشخه مدري ليش

راشن عطر عليه خخخ :D

طيب فرضا رجال دخل هالتخصص ومعدله عالي والانقلش بيرفكت وكل شي زينه بس وزنه ماضبك مثلا او طول عظمته مدري يده مدري فخذه مو نفس اللي يبون او عنده اسنان مسوسه او مركب طقم مثلا مثلا ,,, يرفضونه ؟؟

اكيد بيرفضونه ..
ايام التقديم الاولي .. اللي يعتبرسهل استبعدوا واحد اعرفه عشان وزنه ناقص 600 جرام .. يعني نص كيلو بس bp039


-

GAREB AL-DAR


حي لله الزميل pb189


منور الموضوع والله pb189


-

سلطآنَ


وياك يارب pb189


تسلم

-

شجن!


انتي اللي راح يوزرك ورا الشمس :D


منفوحه سعيده bp039


-

Dream~


واهم شي اللون الجميل منقطع النظير بعد ما تخلص المده خخ < لاتنكّر هااا خخ
سين سؤال نمبر1 : وش انواع التعذيب اللي كنتوا تتعرضون لها أثناء الدراسه ؟
طبعاً اقصد أثناء التأخير او المشاغابات او اي شي ، لاتقول لي إنكم طبقه راقيه وماتعرضتم
لها خخ ؟ عندي فضول مع إني اعرف مُسبقاً !

هههههههههههههههههههههههههههههه
اللون الجميل والله ياسبب لي ازمه بعد الـ 45 يوم مع بزارين العائله .. ضيعوا شكلي وخايفين :D
بس راحت وورجعنا حلوين مثل اول pb094:D

مافيه طبقه راقيه بالعسكريه :D

بعدد لك الجزاءات اللي اذكرها .. من غير التمارين اللي هي الجري اللي يوميا .. وغير تمارين المشاه
مثل هالمقطع ، ( اعتقد ان اكثر من كليه فيها مدربين مشاه باكستانيين )
http://www.youtube.com/watch?v=6OKxAPe0U6Y&feature=related

- التصليبه = من اسمها كانهم يصلبونك :( .. يعتي توقف بدون اي حركه ابدا .. ساعه ساعتين ثلاث .. على حسب .. طبعا نادرا مايمر يومين ورا بعض وماتتصلب :D

- الزحف التكتيكي = تزحف على اكواعك وركبك بعز القايله .. وعلى الرصيف الحار .. ياسسسلام :Dpb189 < وشلونك يامضيع الدرب pb027

- الشوايه pb036 = يعني تنام على الرصيف وتحط يدك بجيبك وتتقلب على جنب لين توصل الجهه الثانيه من الرصيف ..

- تثني ركبك وتقعد ويديك على راسك وتنقز لين الجهه الثانيه < حقير التمرين هذا :(

- تمشي على ركبك

- تمرين البوش اب .. معروف .. يقعد مسوي التمرين ربع ساعه نص ساعه .. وتقوم ويدك ملتهبه من الشمس ومحترقه .. عادي عادي ،، اصلن من اول شهر بالكليه يصير جلدك جلد ضب ماتحس :D
http://www.youtube.com/watch?v=i9t6m0QtSlY

- تمارين الاعمده : عمود خشب طوله يمكن 9 متر ووزنه مدري كم نشيله ونتدرب فيه

وش فيه بعد ! pb036
هذا اللي في بالي

للحين تبون تدخلون العسكريه ! :D

اسير حلم
10-03-2011, 04:46 PM
مهنه راقيه و فيها مخاطره كبيره وهي حلاة هالمهنه بالتوفيق لك و ان شاء الله اعلى الرتب

فـخـر.,
10-03-2011, 05:05 PM
السلاام عليكم
الله يوفقك يارب ويسهل وتصير اعلى شيء انشاءء الله
انا دايما ما اثني على الطيارين والمهندسيين
يعجبووني بقوة
ولا قلت لامي على الطيارين تقول سواقين << :)
وانا اقول يا زينها سواقة بين السماء والارض وجلست تفكر شوي بعدين اقتنعت وقال ايه والله صح عليك
وانا اقرا موضوعك تذكرت ولد خالي الله يصلحه كان يبي يصير طيار ولا سمحتله الظروف وانا ضايق صدري عليه وبالذات مع موقف ابوه واخوانه << قصة حياتها
بجد تمنيت من كل قلبي انه انضم لكم بس الله يخلف عليه ويوفقك يارب وويرزقك من حيث لا تحتسب
ويرحم اخو سترابري ويعوض عليهم




pureza

عشقي آلـرياض
10-03-2011, 06:17 PM
ماشاء الله ابداع على هالتقرير اليم :sm1::sm1:

الصراحه عرفتني على شيء كنت اجهله و شيء رائع ومدهششش يستحق كل ابو شيء pb189pb189pb189
جد تعب وقوه وصلابه وانظمه << بسس والله شيء << كبرو بعيني pb095pb095pb095


حزن النبلاء << فالك الرتبه العاليه bp039bp039bp039 << ان صح التعبير :D:D

مضطهد
10-03-2011, 08:42 PM
عسكر القوات الجوية ضباط و أفراد لهم وضع خاص.. أحترمهم بشكل كبير
عملهم يختلف عن باقي القوات العسكرية من الناحية التنظيمية والفنية..

ليتك تتكلم لنا عن قصة الطيار الشمراني الي في حرب الخليج الي جته ترقية استثنائية نبي قصته تكفى.. سمعتها من أكثر من مصدر لكن أبي أسمعها من طيار

وهذي صور للرتب بعد أذنك خلني أحطها

رتب الأفراد
http://gold.eqla3.com//files/54/eqla3_1299778782.jpg


رتب الضباط
http://gold.eqla3.com//files/54/eqla3_1299778796.jpg




موضوع رااايق من جد تسلم يديك يا بطل pb189

مضطهد
10-03-2011, 08:44 PM
نسخة إلى المميزة

صقور تعانق هام السحاب || مشاركـ (http://www.vb.eqla3.com/showthread.php?t=818617)

تفاضل وتكامل
10-03-2011, 09:32 PM
ماشالله موضوع كشخه bp039
صعب الطياران وخاصه العسكري:(<مجربه مثلا :D


العسكريه حلو وكذا وكشخه <عشانك ماجربتي:eek:
على قولت هتلر ثلاث تصنع الرجال :D
السجن ،الغربه ،العسكريه bp039
بس اكره شي فيها تحط قلبك ايدك
على اعصابك تصير:sm1:
زي الحين كلهم استدعاء لأ الضباط الجيش ولاضباط الحرس:sm1:<:(
ربي يحفظهم جميعنا pb189

س/الحين الافراد يقدرون يصيرون ضباط pb036؟؟<سوال قاهرني

الرتب اخيرا عرفتها :D

عوافي حزن bp039
موفق يارب
وربي يخليك الاهلك bp039

!-DND-!
10-03-2011, 11:21 PM
مع ان كل رجال عيلتنا لهم باع في المجال العسكري
الا اني ماكنت اعرف الفرق بين الافراد والضباط <<< من فلاحتك خخخ pb027
توني فهمتــــــــ من موضوعك
ربي يعطيك العافيه ياحزن bp039..

مضطهد
بالنسبه للطيار الشمراني اللي انت تتكلم عنه انااقد سمعت فيه وانه طيح له طيارتين في اقل من دقيقهpb071 ايام حرب الخليج

وهذا مقطع يقولون انه تبعه :sm12:

http://www.youtube.com/watch?v=Qb7DW16HvN4

a7bk ya 7b
11-03-2011, 11:46 AM
من اول مانزلت موضوعك وانا متابعه بضمير :sm5:pb189pb189

وعسسىآ ما آرد على النآس بس pb192

مره حبيت العسكريه وكل شي بالقطاع العسكري من موضوعك pb189

احس الموضوع لمس احاسيسنا :sm1:

مدري كيف تحملتو التعذيب وانا اقرا ردك اللي فيه التعذيب اللي تعرضتو له
تعبت وانا جالسه pb036

اذا رجعت من الجامعه الساعه 3 احس اني مسويه مجهود واعصب واتهاوش pb036
صرت دلوعه وانا مدري :D

الله يوفقك ياسعاده <مابي اكتب حزن الله لايجيب الحزنpb036pb189

ومنها للاعلى ان شاء الله

لك bp039bp039bp039

*،’طفشانه
11-03-2011, 02:40 PM
هلا بالطيار هلا bp039
ماشاءالله معلومات جميله وتخصصك مرره حلو
احسه ممتع لاقصى درجه :sm5:

يحكى أن ..
11-03-2011, 04:08 PM
الناّاّاّاّيف


تفضل :D

يامرحبا والله
شرفتنا يالزميل pb189bp039


-

جلنارة


عساك بس من اللي نجحوا :D

الله يحييك ، ومشكوره والله


-

كبـت


ياحي الله الفخمه بعد :Dbp039

الطيران الارضي .. انا سميته كذا والا القصد اننا نكون بمشبهات .. يعني مجسم طايره كامله
ونسوي كل شي فيها لكن بالارض .. مثل الالعاب حقت السيارات اللي تجي بالملاهي هذيك اللي تهز وقدام شاشه وكذا :D .. نفسها بس طايره طبعا ونسوي فيها كل العمليات .. بالاضافه الى taxi way اللي هو القياده على المدرج وكذا ..

سؤال ابيك تجاوبه بصراحه هل الطيارين يجيهم حالة خوف من المرتفعات ولو شي بسيط وهل فيه اختبار يبين من للي عنده هالخوف او لا ؟

انا كانت عندي فوبيا من هالمرتفعات ،، خاصه الجبال
بس الحمد لله تعديتها ..

طبعا فيه اختبار .. بفحص الطيران يستبعدونه .. اللي عنده خوف او دوخه او كبده تقلب والا شي
له كم محاوله بعدين يستبعد من الطيران

وشي ثاني الحين المظليين هم طيارين في الاصل؟


لا
المظليين .. هذي دوره عاديه يقدر ياخذها اي عسكري . تقريبا مدتها 6 شهور
تقفز 6 قفزات اعتقد وتاخذ الوينق المظلي ..
يعني شي لحاله ماله دخل حتى بالجويه كلهها


الله يخليك يارب ،، مشكوره




-

أدونيـس


يالله حيه pb189pb189
عساك بخير ياغالي pb189

ولا تعجبني فالعسكريه الا قوة التفاءل وروح الصداقه وياليتك ياحزن تكلمنا اكثر عن ها النقطتين
وتتكلم عن كيف فعلاً تظهر الدورات العسكريه معدن الرجل الاصلي وتجعله في أختبار على المحك ..أمام جميع الضغوطات..

صدقت ..
الكليه مثل مانت عارف .. عالم مغاير تماما للمجتمع المدني اللي كنا نعيش فيه قبل دخولها
اول لادخلت الكليه باول يوم .. قال لي طالب بالسنه الاخيره .. كان معاي الروم ميت هو ..
لحد الان اتذكر كلمته " بالمعنويه العاليه تهدم جبل "
حتى وقت التمرين كنا نردد " المعنويه .. عاليه "
وبعد ماتهون الكتابات < كنت كاتب على القايش " الحزام " ملح الحياه التعب خخخخخ pb027
لان وانا اخوك ان كنت بتتهاون وتتشكى راح تتحطم وتهج من اول اسبوع ..
عاد وقت الكليه لو مانت شاعر تصير شاعر pb027 .. تخبر الشعر يسسلي شوي ويطلع شين بقلبك ..
اول ماسافرت وسلمت على الوالده قامت تدعي لي و .... رغم انها ماكانت تبي تبين حزنها عشان مايضيق صدري وكذا .. المهم طال عمرك مشت الايام وهالموقف ماثر فيني .. عاد طلعت القريحه الشعريه وقلت :

لجل الدموع اللي بكتها هكالعين .. والله ماخيب رجا من بكاها
لعيونها لطوي جميع الميادين .. لوهو بموت الروح او هو عناها
والنجمه اللي فوق كتفي تبي تبين .. بكره باذن الله فيها تباهى
ياما بغوها ناااس ياهم كثيرين .. وانا الوحيد اللي بجدي خذاها

pb189pb189

هيضتني ياادونيس :Dpb189

الصداقه .. الاخوه .. بالكليه هي السمه الابرز بين الطلاب
يعني فعلا كنت اشوف زماله فوق كل شي ..
هالشي يتنامى مع الوقت .. لان دفعتك وخوياك هم اللي تسكن معهم سنوات
ومن الجمعه لحد الاربعاء وانتم مع بعض .. الشقى والجزاءات مع بعض
طبيعي بتتعمق هالعلاقات بيننا كـ دفعه وحده .. ونادرا ماتلقى بين اثنين من دفعه وحده مشاكل
طبعا مع الوقت يبان لك ناس ماتستاهل مسمى "رجل" تكرم عن طاريهم
اكبر مدرسه شخصيه بالنسبه لي كانت الكليه .. مبدأ الثقه وطيبه القلب بتتعب فيه خاصه بالسنوات الاخيره
اشياء كثيره وانت اعلم بها .. pb189


حي هالجيه والله ياادونيس bp039

شينً غريب
11-03-2011, 06:05 PM
شاكر لك الموضوع

قيثارة الهوى
11-03-2011, 08:44 PM
آهنيييك ع موضوعك آللي آكثر من رآئع
آستمعت بقرآءة آلموضوع وآلردود كآآآآملة
ومآعندي شي آسئله آلاعضآء كفو ووفو
وكل آللي آقوله ربي يوفقك بحيآتك
تحيتي

همسـة حنيـن
12-03-2011, 02:20 AM
هلا حـزن bp039
ماشاء الله تخصصك حلو بس ليه ماعندنا بنات طيارات
>> إنتم سوقو سيارات أول pb036

موضوع مرتب ومعلومات حلوة
الله يقويكم ويعطيكم العافية , بالتوفيق لك bp039

مبسم خجل ~
12-03-2011, 03:22 AM
وااو :sm5:pb189
موضوعك هيض مشاعري حقات ايام زماان pb027
كنت اذا تضايقت فتحت مقاطع تهيض الي تصير الكاميرا بالطائرة نفسها
وعشت جوي اهك على روحي شوي وتروح الضيقة وانبسط خخخ ولا العب بالبلاي ستيشن اسلك لعمري pb027
همن اروح لأمي وازعجها ابصير طيارة حربية وخروا عن طريقي مشيت وتقولي امي الله يساعدتس قدام هههههه :sm1:
كانت اياااام خخخخخ pb027pb189

ما امداي اصير واقعيه شوي وافكر بعقل و انسى خرابيطي الا واطيح بهالموضوع الله يعين امي علي :cool:pb027

http://gold.eqla3.com//files/53/eqla3_1299345658.jpg
:sm1:pb189:sm1:pb189:sm1:pb189


- تمرين البوش اب .. معروف .. يقعد مسوي التمرين ربع ساعه نص ساعه .. وتقوم ويدك ملتهبه من الشمس ومحترقه .. عادي عادي ،، اصلن من اول شهر بالكليه يصير جلدك جلد ضب ماتحس

:sm17:pb189
قتلت طموحي هداك الله pb027 >> ما عاقني الا كذا :D

لجل الدموع اللي بكتها هكالعين .. والله ماخيب رجا من بكاها
لعيونها لطوي جميع الميادين .. لوهو بموت الروح او هو عناها
والنجمه اللي فوق كتفي تبي تبين .. بكره باذن الله فيها تباهى
ياما بغوها ناااس ياهم كثيرين .. وانا الوحيد اللي بجدي خذاها


:sm5:pb189
صح لسااانك ماشاءالله bp039


ابدعت بموضوعك bp039
تنسيق و اسلوب pb189 ومعلومات وافية pb189
يعطيك الف عافية bp039

كلمة؛
15-03-2011, 02:12 AM
والنجمه اللي فوق كتفي تبي تبين .. بكره باذن الله فيها تباهى

الله الله .. ان شاء الله بـ تتباهى ..


| في الحقيقه موضوع فعلاً مُثريّ نادرا ما يكتب عن العسكريه او عن الطيران تحديداً.
كل التخصصات كثير الكتابة فيها لكن المجتمع العكسري ماندري عنهّ والكتابه قليله وبالنسبة لي اشبه بالمعدومّ . خصوصاً بالنت .
الله يوفقك وينولك اللي في بالك .. وموضوعك جميل جدا قريت العشر صفحات باستمتاع واثراء
معلومات كلها جديده .. غير غالبية المجالات والتخصصات الأخرى .

سؤال : انت ماتسافر بطائرات محليه بحكم انك حربي ؟ ، طيب الحين مافي حروب ولله الحمد
يعني وشو مارح تقود طائره .. وش بتسوي ؟

: )

ديمه ،
15-03-2011, 11:43 AM
موووضوووع فيه كمييية فخرررر :sm5:pb189pb189
ماشاءالله عليكم الله يحمييكم ويحفظكم ويجعلكم ذخررر
هالمجاال يستهويني كثير وكثير اتابعه واقرا عنه واحاول قد ماقدر اجمع معلومات عنه pb189

وفعلا الطيارين السعوديين متميزين ، ومتفوقين بالمنااوراات يااااااحلووهم pb030



الموضوع رائع وطريقة سردك للمعلومات مشوقه
الله يوفقك يارب bp039

نينوتا
17-03-2011, 12:48 AM
موضوع جميل جدا pb189


استمتعت مرة:sm5::sm5:

عـطـرْ ~
17-03-2011, 01:05 AM
pb189pb094

أحب كل القطاعات العسكرية , ولائي لها كبير جداً
ربي يوفقك bp039

Elena Gilbert
17-03-2011, 01:12 AM
وقاعده الامير سلطان بالخرج هي اكبر قاعده جويه بالشرق الاوسط pb189

يَ لبى الخرج بص pb094
< توهآ تدري وهي منهآ pb027
استمتعت بالقرآءة كثيرآ خاصة ان قسم الطيرآن يثير فضولي pb030pb189
ويجذبني بشكل pb189pb030
يعطيك العآفية يَ رب
وموفق bp039

يحكى أن ..
25-03-2011, 12:02 AM
اسف جدا لكل شخص تاخرت عليه بالرد .. اعذروني pb189 | bp039


سـاشـا

صاح النور bp039

التعب منسسي وانا اخوك .. لكن العمل مافيه روتين تتعودين عليه بسرعه .. هالشي يخفف الضغط علينا



Schizophrenia*|~

يامرحبا والله ..

جعلك تسلمين من ذوقك bp039

وياك


$ آنسـه فـله $

يامرحبا بحضره الانسه < يرد التحيه pb027

_ بالله ماافدتنا اذا فيه طيارين جياكر ؟


انا ;)


_ الطيارات اللي دااااايم تدور حوالينا الصبح غالباً , سريعة ولها صوت ينرفز وش سالفتها ؟
دايم يقولون لنا حربية .. كيف حربية وماعندنا حرب .. الا طيارات هجولية

ايه هذي طائرات حربيه اكيد .. اما من الصقور الخضر او طائرات مقاتله
ويمكن بيتكم تحت خط السير :D

_ مرررة انبسطت بهالمعلومة , بس وش السبب ؟ منصحين ومخلصين مثلاً ؟ واذا هم كذا ليش يدربونكم أجانب ؟

اهتمام الحكومه بقطاع الطيران كبير ..
يكفي ان كل طالب طيار بالكليه تكلفة تدريسه تساوي (3000000) ثلاثه مليون ريال pb030
هذا من غير الاختبارات والتقييم المستمر .. والدورات بعد التخرج .. والتدريبات المشتركه اللي تصير مع القوات الاجنبيه .. كلها تساعد بهالشي ..

_ ليش مايخلونك تشوف برا الطيارة ممكن انه يأثر عليك نفسياً ولا تعرف تتصرف ؟


هذا تدريب ( الانسترومنت ) عشان ماتعتمد على بس نظرك وتقديرك .. لازم تتعامل مع الاجهزه والعدادات اللي قدامك باحترافيه .. لان لاسمح الله بعض المرات الرؤيه تكون محجوبه عنك خارج الطايره
مابي اتعمق لكن حتى اساليب الهجوم الحربي تحتم علينا بعض المرات نهاجم عن طريق الغيوم او مع الشمس .. وغيرها .. عشان هالشي يقلل من نسبه اكتشاف الطايره من الرادارات الارضيه


_ الطيارة لها مثبت سرعة زي السيارات وتتكي انت ؟


ايه غالبا فيها وخاصه بطائرات الامداد والتموين والشحن العسكري

_ آخر سؤال .. هل فيه شي اسمه تفحيط جوي ؟ بالعربي يمديك تنطّل بنا في الهواء ؟


هههههههههههههههههههههههههههههههههههههه
كامري ! :D

فيه استعراض جوي .. هو اللي تقصدينه ممكن !
وهالشي متمكنين منه الصقور الخضر ..
حنا نستخدمه عشان المناورات الجويه وتدمير الصواريخ او الطائرات اللي تطاردنا مثلا ..
لكن غالبا المهمات الحربيه تكون الطايره محمله بصواريخ وذخيره كبيره .. فتسوي ثقل كبير على الطايره
لدرجه حتى الاقلاع يصير اصعب اذا كانت محمله بالصواريخ ..


جيتك خفيفه والله .. حياك الله




عــآشــه*

يامرحبا والله ..
من ناحيه المسوؤليه فهي كبيره .. والتحكم بالنفس والله من اكبر فوائدها .. فيه تحدي وفيه رغبه بتقديم شي افضل ..

حياك الله



ننو !

كابتنه طياره ههههههههههههههه

عادي بدون تانيث تنقال .. الكابتن طيار .. ننو :Dbp039



القمر

اخوك ههههههههههههههه
الله يوفقه يارب بالهندسه .. بالعكس الواحد من الافضل يدخل القسم اللي له رغبه فيه لانه بيبدع اكثر pb189

- الحين فيه فرق كبير بين حقين الطيران الحربي والطيران العادي؟ يعني اللي يدخل كلية
حربية بيعرف يسوق طيارة عادية جامبو ولا غيرها ؟

فيه فرق .. الطائرات الحربيه اصعب بكثير من الطائرات المدنيه ..
حتى بحساب ساعات الطيران .. مثلا لما تطير 1000 ساعه طيران حربي
يحسبونها لك 4 اضعاف الطيران المدني ..
1000 ساعه طيران حربي = 4000 ساعه طيران مدني


2- ممكن توصل ان يكون عندك 4 رحلات يوميًا خلال شهر كامل كذا ؟ <


انت كطيار .. لازم كل يوم عندك رحله اقل شي .. تنزل اسمك بالجدول وتطير
لان كل مازادت ساعات الطيران عندك كل مازادت كفائتك
واذا وصلت 1000 ساعة طيران لك مميزات وكذا
مو صعبه عموما الطلعات الجويه .. تعودنا ممكن تقولين :D

3- هل مسموح للبنات يدخلون هالكلية لا سمح الله ؟ < أرجوك اسكتي


هههههههههههههههههههه ايه pb027

4- بس ليش هم الأفضل على مستوى العالم وش الميزة اللي تميز مهارات الطيارين في أنحاء العالم؟


جاوبته فوق pb189


جعلك تسلمين ي القمر bp039




حفيدة غآلي


يامرحبا والله ..

الله يوفقه ياارب .. مجتهد ماشاء الله عليه pb189pb189

عندكم نفس الظباط ع الاكتاف نجوم وتاج وكذا .. !
ولبسكم كيف شكله
انا ضابط طيب :(
ايه راسي فوق النجوم pb071 خخخخخ :D

لبس الطيران مثل اللي بالصوره
لبسنا المكتبي .. قميص ازرق فاتح وبنطلون كحلي



حياك الله pb189

يحكى أن ..
25-03-2011, 12:32 AM
طَموح أنثى

يامرحبا والله ..

لا بالعكسس فيها اشياء ممتعه وكذا .. اي ماده فيها اختبار نفسيا تكون صعبه :D

الله يوفقه ياررب pb189



LIGHT

ياحي لايت

لا مافيها بوري ولاترجع ريوس :Dbp039




B R S T E G

بدون روتين قصدك :D

الله يسسلمك يارب .. ان شاء الله :Dbp039




| سُنْدُسْ |

منورتنا pb189




عشقي عيونگ

يالله حيه pb189

التعب منسي يابعدي ..
وبطبيعة الحال اي مجتمع مغلق مثل الكليات العسكريه او اي مكان يكون الواحد هو خصيم نفسه
بتلقى ناس كثير تدمر نفسها بنفسها .. حالهم حال البعثات والجامعه و و و ..


يامرحبا فيك bp039



الليدي لودي

يامرحبا والله bp039

منورتنا . تسلمين



snoo

تسلمين pb189




Miss_x

اول مرره اكون طيار مساعد .. معاك المدرب .. ويعطيك مهام شوي شوي لحد ماتصير انت الاساسي
بالعكس بالبدايه فلله .. بعد ماتصير الاساسي كرف :D



تِساهيلْ

يامرحبا bp039
وهارد لك الفعاليه :D

فيه 6 كليات تخرج ضباط ..
الكليه الحربيه .. ضباط بالقوات البريه
الكليه البحريه .. ضباط بالقوات البحريه
الكليه الجوي .. ضباط بالقوات الجويه
كليه الدفاع الجوي .. ضباط بالدفاع الجوي
الكليه الامنيه .. ضباط بوزراه الداخليه
كليه الحرس الوطني .. ضباط بالحرس الوطني


الله يوفقه يارب pb189

يحكى أن ..
25-03-2011, 02:58 PM
تايك

هههههههههههههههههههههههههه pb189pb189

يقول الي يرسب من الطياران يختار شرطه عسكريه او استخبارات صح كلامي


ايه صح يابعدي .. انت لما ماتجتاز الطيران تروح قسم ثاني .. قلته ببدايه الموضوع : )
شرطه جويه او استخبارات جويه او اتصالات وغيرها اقسام كثير


اذا هو التخصص نفس الي انا اعرفه الي يتخرج من كلية الملك فيصل الي يرسب من الطياران يكون حدا شرطه عسكريه او استخبارات والي يرسب من الكليه ينزلونه معهد الطياران ويكون من الافراد صح كلامي

تخيل خخخخخ :D

لا يابوي .. اذا دخلت الكليه ياتتخرج ضابط او يفصلونك .. سالفه انهم يخلونك فرد فهذي جديده :D


بعدين الي اعرف الافراد ما يدخلو كلية الطياران مثلكم صح


الطيارين ضباط بس .. الافراد يكونون بالصيانه او بالاقسام الثانيه

اذكر كل الي كانو في حفل التخرج مثل بعض ما نعرف وين اخوي كلهم سواد وطولهم واحد كلهم منعمين جسمهم واحد حركتهم وحده بس رزه كلهم
وش فايدتها الطول كلكم نفس الطول ؟ ولا بس كذا الي اذكره لزم يكون فوق 65 اتوقع !
:D
بلا والله من شمس الرياض من تطلع لين تغيب وهي تصك فيك :D
والاجسام متقاربه .. لان اساسا التقديم المبدئي على الكليات العسكريه لازم يكون طولك وجسمك مناسب
والطيران اكثر دقه .. الطول لازم فوق 175

بس ليه ما تذكر الفحص الي يكون لكم في التقديم ههههههههههههههه < احراج صح


اشاعات ترا لاتصدق والله :D

ليه ما تذكر حياتكم في الكليه اقولها لك صريح تهريب الاكل الهستره على المدربين الاجانب والعقابات الي تجيكم بس انت حسستني انك الولد العاقل في الكليه ووقت الزياره في بداية الكيه يعني 45 يوم الاول تكون مو موقف وما قد حجزوك الخميس ماتطلع ما اتوقع مدري ليه لان هناك لزم يطلعون لك شي


الموضوع عن الطيران موب هستره لاتخرب السمعه :Dpb189
الشبك ياما طمرناه .. بس كذا زياده نشاط وهباله هههههههههههههههه


اذكر اخوي كان هو وخوياه يهربون اكل وحجات زي كذا يعني مو ممنوع بس في الكليه تكون ممنوعه والجوال يهربونه في علبة الشامبو يفضونه وينضفونه ويحطونه فيه
الاكل اهم شي :Dpb189

الجوال مير وانا برا ماهتميت فيه دايم يضيع فما بالك بالكليه .. مااعمري دخلته لاني مااني حق مكالمات اساسا .. بعيدن يزعجونك اهلك وراك ماطلعت ليه معاقبينك .. الا غيب عنهم شهر بهالكليه واطلع مرتن وحده للعالم الخارجي ;)


والعقابات الي تجيهم هستره يقول مره خويه في المعسكر اتوقع يوم يروحون للخرج كان فيه عقرب واخذها للمدربين حطها في علبة مويه هههههههههه يلحكهم فيها وبعدها وقفوه مدري كم
بس اكيد تسون سوالف زي كذا

وانشاء الله نشوفك بعد خمسين سنه فريق اول يمديك اذا ماتاخرة ترقيتك تخذها صح ؟
نشوفك وزير للدفاع

الهستره لازم منها عشان تمشي الايام :D

ان شاء الله :sm5:pb189



قلـب طفلـه

يامرحبا والله

تخصص العسكرية حلو بس فيه البعض فاهمينه غلللط ..
الكلية الأمنية اللي يتخرج منها ظابط وفيها رتب وعلاوات
ومجالات العسكرية كثييرة واسمع فيها فيه منهم سجون
ويمدحونه أكثر شي !
ومباحث ومرور بس ليتك توضحلنا كل مجال وكيف دراسته وكيف ساعات العمل والعمل فيه متعب ؟



الكليه الامنيه تابعه لوزاره الداخليه .. يعني فيه اختلاف عنا شوي
لان هم خاصين بامن الدوله الداخلي .. وحنا من ضمن القوات المسلحه بامن الدوله الخارجي

والله القطاع الامني ماعندي خلفيه فيه كدراسه وكذا لانها تختلف .. حتى ساعات العمل مثلا بالمرور
او الشرطه او امن الطرق والسجون وغيرها .. اعتقد تكون على شكل مناوبات

والبحرية مجال كويس أهنيك على اختياره
وبسألك عن الملاّح ذا برتبة والا ؟!

قلب .. وش بحريه الله يهديك :(

انا بالجويه

الله يعافيك يارب




نب’ض||~

ياليته 60 :D

الله يقوينا على طاعته بس

تسلمين والله على هالرد الخفيف :Dbp039



فرابي

ياحي فرابي bp039

جعلك تسلمين والله ..
ان شاء الله بفرصه ثانيه اتكلم عنها < صرف :Dpb189



يجرحني

الله يعافيك يارب


أسير تبوك

ياحي عيال تبوك :Dpb189pb189pb189

حلق يابعدي حلق :D



نور المشعل bp039

يالله حيها .. نورتِ الموضوع والله bp039

امين وياك يارب

شكرا bp039

إلا .!
25-03-2011, 05:31 PM
تخصصك ممتع بس احسه يبي صبر
وطولة بال ..لان الطيران في السما صح ممتع بس احسه يخوف
بس صوتها مزززعج:(
اسلوبك ممتع وعرفتنا على اشياء ماكانت واضحه لنا
يعطيك العافيه
bp039

قصيمية
25-03-2011, 07:13 PM
عسكري وطيار جمعت احلى وظيفتين pb094

مدري احس الرجال باليونيفورم يصير لهم
جاذبية خاصة ,, يمكن لاتها توحي
بالشجاعة والحماية والقوة :rolleyes:

ووشسمه يعطيك العافيه على المعلومات bp039
وممكن اخذ لفه بطائرتك:D

Rb3 al-dnea
25-03-2011, 08:28 PM
يآهلا ومسهلا بالطيارين والضباط والناس الي يخوفون :Dpb189 < اشكالكم تخلي الواحد يبلع العافيه :o..
طبعا خلال هالسنه يتم تدريبك بشكل احترافي .. وهالشي معروف عالميا ان الطيارين السعوديين هم الافضل على مستوى العالم pb189pb189
pb030pb189

الموضوع مرتب وجميل وكل شي ..
حتى اني ودي اصير طياره :sm1:
بروح لامريكا ابتخذ جنسيه واصير طياره pb071
المهم :Dbp039
والله انتم والطبيب واحد بس حنا حاسين بمعناته اكثر علشان نقدر نصير مثله pb034
يبيله صبر بشككل هالمهنه ..
موفق bp039

A6L8 NFR
31-03-2011, 08:11 PM
والله موضوع مفيد لابعد درجه pb189pb189
والله اني دخل ببالي اسحب عالبعثه وادخل الجوية :Dpb189
بس المشكلة القبول فيها والواسطة اللي لازم بكل شي الحين
طيب الحين اقدر ادخل الكلية اذا كنت متخرج من الثانوي قبل سنتين
ولا راحت علي واذا بالواسطة اقدر :D
يعافيك ربي ويارب اعلى رتبة توصل لها
bp039bp039

ROSALEEN
05-04-2011, 01:37 AM
واااو pb036

ابي اتزوج طيار pb027pb189

يعطيك العافيه موضوع مشوووق مرهpb189

ليث كآتلونيآ
24-04-2011, 08:08 PM
بمـآ أن الطياريين السعوديين من أفضل الطياريين بـ العالم ليه ما يعطونهم فرصة بـ تدريب المبتدئين !
لو ع الأقل يتم سعودة 25 % من المدربين pb189
لآن الأجانب بيكلفون كثيييير ولله الحمد الكفائات الوطنية موجودة و ع مستوى عالي pb189

الله يعيينك ويوفقك الطيران مش سهل أبدآ bp039

بيآضْ الغيمْ ||
25-04-2011, 11:27 PM
الافراد هم خريجين المعاهد العسكريه والمدارس ..
ويبتدي ترتيبهم من [ جندي ، جندي اول ، عريف ، وكيل رقيب ، رقيب ، رئيس رقباء ]
القسم الثاني اللي هم الضباط وهم خريجين الكليات العسكريه .
ويكون ترتيبهم [ ملازم ، ملازم اول ، نقيب ، رائد ، مقدم ، عقيد ، عميد ، لواء ، فريق ، فريق اول ]

أول كنت أحسب الضابط رتبه لحاله مثل اللواء والملازم :( pb027
أشره على نفسي حقيقتن مع أن ابوي في الغطاع العسكري pb189 :D

الطيار شيء جميل أول مره أقرأ عن طريقة دراستها pb030
وبسم الله عليكم يا عيالنا صايرين أحسن ناس من الشر اللي فيكم تبون تهجون من ديرتكم خخخ < على تبن pb027

بلا والله من شمس الرياض من تطلع لين تغيب وهي تصك فيك
والاجسام متقاربه .. لان اساسا التقديم المبدئي على الكليات العسكريه لازم يكون طولك وجسمك مناسب
والطيران اكثر دقه .. الطول لازم فوق 175

عليكم بالواقي pb027 مفروض يصرف لكم بدل سواد خخخخخ
طيب سؤال الحين ليش يدققون عالطول والوزن :confused:
الطول معليش عشان يقدر يشوف الدنيا لي جلس عالكرسي ما يغوض ولا يحط وساده pb027
بس الوزن pb093 يعني الطياره تشيل اثقال بتعجز عن هالدبيب الضعيف خخخخخخ pb027

حزن النبلاء موضوع مميز وخفيف عالقلب و العقل pb030pb189

..

{الفارس القناص}
27-04-2011, 02:18 AM
يالله حي الملازم أول طيـآر pb189

أهنيــك والله على الموضوع المفيد :) / حتى لو نقصه شيء بتصير كملته في الردود بأجوبتك على الاعضاء :rolleyes:

بينت لي أشياء كثير كنت اغفل عنها pb093 ( خصوصـاً ان كلية الملك فيصل الجوية هي الحلم الوحيد لي وأني اصير طيـآر بالتحديد :sm5:pb189 )

وتدري عـآد انـه مره بغيت اقبع على كوبري خريص قاعد اقز الكلية من فوق مادريت الا العالم كاعين فرآمل قدآم ولا دريت عن الزحمة الا من صوت تفحيط الكفرات هههههههههههههههههههههههه :D ، المشكلة ان هذآك اليوم طقت في راسي ادور عند الكلية والقاعدة الجوية الصبح ولا علمت اهلي اني بغيب ، طالع على اني رايح للمدرسة ، لو اني قابع كان علوووم :D

وتوني اعرف أن مدة الدرآسة 4 سنوآت كنت احسبهـآ 3 مهيب 4 :rolleyes:

مثل ماقلت بينت لي اشياء كثير أجهل عنهـآ

الا بغيت اسئلك اخوي / الحين انا ناقص نظري اقدر اشطب واخش الكلية تخصص طيران ؟ ، موب مراقبة جوية أو فني

وهل حبوب الشبـآب تمنع من الدخول للكلية ( مع العلم مهيب هذاك الزود خفيفة ، بس باقي الأثآر حقتها ) ؟

وهل بعد الوآسطة لهـآ دور / يعني انا عندي واسطة بتنفعني ولا لا ؟ :D

لو تجاوب على الأسئلة تكون سويت خير والله وممكن هالأسئلة تحدد مستقبلي

يالله عقبال ما تاخذ دورة في بريطانيآ او اسبانيآ وتتدرب على التايفون الترانش الثالث pb189

او تكون احد قائدين النسر الصامت F15-SA

بس الحين الطيارات فيهـآ مكيف ههههههههههههه :D

يله اخوي الله يوفقك وعقبآل 2000 ساعة ، وعقبال ماتروح مناورآت العلم الأحمر وتاخذ الأول في الدورة pb189

ادري كثرت عليك بس اعذرنا pb094

في آمـان الله pb189

لك bp039

يحكى أن ..
02-05-2011, 07:28 PM
يالله حي الملازم أول طيـآر pb189

أهنيــك والله على الموضوع المفيد :) / حتى لو نقصه شيء بتصير كملته في الردود بأجوبتك على الاعضاء :rolleyes:

بينت لي أشياء كثير كنت اغفل عنها pb093 ( خصوصـاً ان كلية الملك فيصل الجوية هي الحلم الوحيد لي وأني اصير طيـآر بالتحديد :sm5:pb189 )

وتدري عـآد انـه مره بغيت اقبع على كوبري خريص قاعد اقز الكلية من فوق مادريت الا العالم كاعين فرآمل قدآم ولا دريت عن الزحمة الا من صوت تفحيط الكفرات هههههههههههههههههههههههه :D ، المشكلة ان هذآك اليوم طقت في راسي ادور عند الكلية والقاعدة الجوية الصبح ولا علمت اهلي اني بغيب ، طالع على اني رايح للمدرسة ، لو اني قابع كان علوووم :D

وتوني اعرف أن مدة الدرآسة 4 سنوآت كنت احسبهـآ 3 مهيب 4 :rolleyes:

مثل ماقلت بينت لي اشياء كثير أجهل عنهـآ

الا بغيت اسئلك اخوي / الحين انا ناقص نظري اقدر اشطب واخش الكلية تخصص طيران ؟ ، موب مراقبة جوية أو فني

وهل حبوب الشبـآب تمنع من الدخول للكلية ( مع العلم مهيب هذاك الزود خفيفة ، بس باقي الأثآر حقتها ) ؟

وهل بعد الوآسطة لهـآ دور / يعني انا عندي واسطة بتنفعني ولا لا ؟ :D

لو تجاوب على الأسئلة تكون سويت خير والله وممكن هالأسئلة تحدد مستقبلي

يالله عقبال ما تاخذ دورة في بريطانيآ او اسبانيآ وتتدرب على التايفون الترانش الثالث pb189

او تكون احد قائدين النسر الصامت F15-SA

بس الحين الطيارات فيهـآ مكيف ههههههههههههه :D

يله اخوي الله يوفقك وعقبآل 2000 ساعة ، وعقبال ماتروح مناورآت العلم الأحمر وتاخذ الأول في الدورة pb189

ادري كثرت عليك بس اعذرنا pb094

في آمـان الله pb189

لك bp039


ههههههههههههه ابشر يابعدي .. والعذر عن التاخير


الا بغيت اسئلك اخوي / الحين انا ناقص نظري اقدر اشطب واخش الكلية تخصص طيران ؟ ، موب مراقبة جوية أو فني


- والله ياخوك اختبار الجويه مثل ماذكرت دقيق .. والنظر بعد مهم
كم ناقص نظرك ؟
اذا تقدر تعدي الاختبار بدون تشطيب زين .. لان بعد اختبار النظر يسوون كشف على العيون
يشوفون انت مسوي ليزك او تشطيب .. طبعا ممنوع
فاذا نظرك مو ناقص كثير مايحتاج عمليه .. لانهم بيشوفونها وبيرفضون



وهل حبوب الشبـآب تمنع من الدخول للكلية ( مع العلم مهيب هذاك الزود خفيفة ، بس باقي الأثآر حقتها ) ؟

- لا ماتاثر عادي .. bp039

وهل بعد الوآسطة لهـآ دور / يعني انا عندي واسطة بتنفعني ولا لا ؟ :D

- تبي الصدق .. كل شي على الواسطه :D
يعني نظرك 6\6 ونسبتك عاليه وجسمك زين ومامعك واسطه ماراح تدخل الجويه وان دخلت ماراح يحطونك طيران ..
يعني اعتمد على الله ثم كلم اي احد تعرفه يتوسط لك .. لان بتشوف وقت الاختبار ناس عن ناس
وهالشي بالكليات العسكريه كلها مو بس بالجويه .. غالبا تعتمد على الواسطات
حتى لو نظرك ناقص وعندك واسطه قويه راح تعدي ويقبلونك ..


الله يوفقك للخير يارب ..
لكن نصيحه وانا اخوك .. كل شي بهالدنيا ماهو بيدك لاتعلق عليه الامال بزياده
ماتدري وين الخيره فيه .. انت افعل الاسباب وخل الباقي على الله
ان كانها خير فان شاء الله انك بتدخلها لو كل الناس وقفوا ضدك
وان كان بها غيره فالله يعوضك باللي احسن منها ...
فيه تخصصات كثير احسن من الطيران .. اقل شي يكون عندك 4 تخصصات
مقتنع فيها وتقدم عليها واللي يطلع ان شاء الله انها الافضل لك



بالتوفيق