PDA

عرض كامل الموضوع : درس : كـيـف أضبط الإعدادات اليدوية ؟


شط الكحل
07-12-2010, 03:36 PM
ملاحظة : هالدرس بيقعد مثبت فتره بسيطة وبعدها بينقل لارشيف الدروس .
بـسم الله الـرحـمن الـرحـيـم
مرحبا اخواني واخواتي ، كل عام وانتم بخير ، ابارك لكم بالعام الهجري 1432 هـ الله يجعله داخل علينا بالخير والسلامه .
تزامن نزول هالدرس مع دخول السنه الجديده ، منتدى جديد وسنه جديده الله يجعلها بداية خير للمبتدئين في فن التصوير هالفن الرائع اللي صار انتشاره في وطننا كبير جدا وصرنا نشوف مبدعين ومبدعات يظهرون كل يوم .
.........
كيف اضبط الاعدادات اليدويه ?
في هالدرس بنتعلم كيف نضبط الاعدادات اليدوية للصوره . والاعدادات اعني بها الحساسية ISO وسرعة الغالق Shutter speed وفتحة العدسة Aperture اللي يرمز لها f وتوازن البياض او اللي نسميه white balance واللي يرمز له WB .
قبل هذا كله لازم نتعرف على الكاميرا نفسها و الافضل اننا دائما نحفظ كتيب الكاميرا في مكان يسهل الوصول له لاننا بنرجع له حتما .
حددت كل شركة مصنعه كاميراتها بصفات ميزتها عن كاميرات الشركات الاخرى، وطبعا لا نستطيع ان نتكلم عن كل الكاميرات والموديلات، لكن حاولت اني أغطي اكثر ثلاثة انواع من كل شركه : كاميرات الهواه و الكاميرات الشبه الاحترافيه والكاميرات الاحترافيه .
وبارجع اذكركم اني مو اللي مسميتهم او مصنفتهم ، الشركات المصنعه هي اللي مصنفتهم pb036
وباتكلم عن كاميرات من انتاج الشركتين الرائدتين كانون ونيكون
طبعا مو انحياز ، لكن لانها الاكثر انتشارا بين المصورين وهواة التصوير " الرقمي " ، ولأني جربت الشركتين شخصيا .
مثل ما ذكرنا ان كل شركه لها فئات مختلفه : كاميرات هواه وكاميرات شبه احترافيه وكاميرت احترافيه .
http://gold.eqla3.com//files/45/eqla3_1291726451.jpg

http://gold.eqla3.com//files/45/eqla3_1291726477.jpg


وكل فئة فيها موديلات واصدارات مختلفه وقد تختلف طريقة ضبط الاعدادات
اليدويه manual من موديل عن اللي قبله او اللي بعده اختلاف بسيط ، ولكن الاختلاف الاكبر بيكون بين كل فئه والاخرى : بمعنى طريقة ضبط اعدادات كانون 450 يشابه 550 لكن باختلافات بسيطه لانها اصلا امتداد لها .لكن قد يكون فيه اختلاف بين طريقة ضبط 50 و 550 ... مع ان الغالب في كاميرات كانون التشابه في ضبط الاعدادات واعني تشابه وليس تطابق :)
...
الاعدادات اليدويه تعني : اننا اللي بنتحكم تحكم تام بالاعدادات والكاميرا ماراح تسوي عنا شي ابدا.
قبل خلونا نلقي نظره على فتحة العدسة وسرعة الغالق ، ايش يعني فتحة عدسة وايش يعني سرعة غالق ؟
الغالق هو نظام اوتوماتيكي يتحكم بالمده اللي يدخل بها الضوء ، اما فتحة العدسة فتتحكم بالكمية اللي يدخل بها الضوء .
ولتوضيح فتحة العدسة اكثر ، خلونا نشوف هالصوره :
http://gold.eqla3.com//files/45/eqla3_1291726745.jpg

الصوره هذي تقريبيه وليست دقيقه تماما خصوصا في الفتحة الاكبر 1.4

مثل ماهو موضح في الصوره كلما كبر الرقم صغرت فتحة العدسة وكلما صغرت فتحة العدسه معناتها كمية الضوء اللي بتدخل بتكون اقل ، لذلك يلزمنا سرعة غالق مناسبه عشان نسمح للكمية الضوء هذي انها تدخل .

يتبع

شط الكحل
07-12-2010, 04:07 PM
طيب كيف نضبط الاعدادات في كاميراتنا ؟

كان اختيار الكاميرات اللي بنشرح عليها في الدرس كنموذج لباقي الكاميرات يعني اللي ماعنده زي الكاميرات اللي في الدرس بالضبط ، مو معناته انتهت الحياة معناته ان كاميرتك شبيهه بوحده من اللي باذكرهم ، وفي هالدرس باشرح على 7 كاميرات ، محاولة ان اغطي اكبر عدد وجه يقول فيه تدليع اكثر من كذا ؟pb036
نبدأ
بكانون CANON :

http://gold.eqla3.com//files/45/eqla3_1291726451.jpg
الاختيار كان شبه عشوائي ;)

لكانون طريقتين لضبط الاعدادات : طريقه مختصره وطريقه غير مختصره:)
خصوصا في فئة كاميرات الهواه
بنتكلم عن الطريقة المختصره او السريعه :
باتكلم اول شي عن Canon 1000D
اسهل الكاميرا ت الرقمية احادية العدسة DSLR واصغرها واخفها من كانون .

http://gold.eqla3.com//files/45/eqla3_1291726532.jpg
ترا اكثر شي تعبني في هالدرس الصور ، لذلك ركزوا فيها زين وادرسوها واحفظوها بعدpb036

اولا نختار الاعدادات اليدويه من وضعيات التصوير في قرص وضعيات التصوير ، واللي انا مسميته في الصوره قرص تغيير الاعدادات .
نضبط الخيار على M ونروح نضبط العدسه بعد على الخيار اليدوي من زر ضبط الفوكس ، MF يعني احنا اللي بنضبط البعد البؤري والفوكس وكل شي .
نضغط على Menu مرتين لين تطلع لنا هالشاشه ( مثل ماهو موضح في الصوره فوق )
بيكون خيار سرعة الغالق (shutter) محدد وبنبدأ به ، بنتحكم به من القرص اللي امام ( قرص التحكم الرئيسي) نحركه لمن نوصل للسرعة الغالق اللي نبي
ثم نروح نضبط فتحة العدسة نضغط على زر Av ( التحكم بفتحة العدسة ) واحنا ضاغطين عليه نحرك قرص التحكم الرئيسي لحد مانوصل للفتحة اللي نبي .
الحساسيه : نضغط على زر ISO ( زر التحكم بالحساسية ) ونغير الحساسيه ، وبما اننا معتمدين الوضع اليدوي او المانوال مانحط الخيار على Auto ( التلقائي ) ابدا .
الوايت بالانس : نضغط على زر (ضبط الوايت بالانس ) WB ونغير

اختيار صيغة الصور Jpeg او RAW

نروح Menu بعدين Quality وبعدين نختار الصيغة اللي نبي نصور بها .
وبكذا نكون ضبطنا الاعدادات لها الكاميرا .
وهي اسهل كاميرات كانون على الاطلاق . ( اقصد احادية العدسة ) :)

_______
CANON 550D

http://gold.eqla3.com//files/45/eqla3_1291726564.jpg

نفس الطريقه ، بس نضغط على زر Q اللي يعني Quick Control Screen

يتبع

شط الكحل
07-12-2010, 04:50 PM
نجي للكاميرات الشبه احترافية

CANON 50D:


http://gold.eqla3.com//files/45/eqla3_1291726595.jpg


في هذه الفئه بيكون فيه قرصين للتحكم ، قرص التحكم الرئيسي و قرص التحكم التحكم السريع بالاضافه الى مفتاح التحكم المتعدد.
للوصول للتحكم السريع : نضغط مفتاح التحكم المتعدد لمده كم ثانيه بعدين بتظهر لنا قائمة التحكم في الشاشه ( شبيهه بالشاشه في 1000 و 550 )
نتنقل باستخدام نفس المفتاح ونغير باستخدام قرص التحكم الرئيسي او قرص التحكم السريع حسب ايش نبي نغير .
ولتغيير الاعدادات بدون الدخول لشاشة التحكم السريع :
بعدما نضبط الوضعية على M نروح نحرك قرص التحكم الرئيسي وبتغير لنا سرعة الغالق ، وبعدين نروح لمفتاح التشغيل ( تشغيل الكاميرا ON/ OFF ) ونحطه على خيار التحكم السريع اللي صاير كأنه خط ... اذا تلخبطتوا راجعوا صورة الكاميرا اللي بعدها 5D
وبعدين نحرك قرص التحكم السريع وبتتغير لنا فتحة العدسة .
لتغيير الوايت بالانس نضغط على زر الوايت بالانس ونحرك قرص التحكم الرئيسي .
ولتغيير الحساسية نضغط زر ISO ونحرك قرص التحكم السريع .

__________

الكاميرات الاحترافية
تتميز هذه الفئه عن باقي الفئات بمميزات كثيره ، منها تحملها للبيئة المحيطة وظروف الجو وامكانية تعديل الاعدادات التقنيه للصوره وللكاميرا نفسها حسب هذه الظروف .
فيه تشابه بين هذه الفئه والفئه اللي قبلها في بعض المميزات .
طبعا كل ما كانت الفئه احترافيه ، كلما زاد التعقيد في الاعدادات وكلما كثرت الازرار والمفاتيح في الكاميرا ، وكلما طلعنا السلم كلما راح الشي اللي اسمه قائمة التحكم السريع ، الفايف دي فيها قرص اسمه قرص التحكم السريع ( وهو نفسه اللي في الفئه الشبه احترافيه ) لكن ما تظهر لنا شاشة قائمة التحكم السريع .

CANON 5D:

بيكون ضبط الاعدادات غير سريع :D في الفايف دي ، واذا بغينا نستخدم قرص التحكم السريع ( اللي يعتبر سريع للكاميرات الاحترافيه وغير سريع لباقي الفئات ) لازم نضبط مفتاح التشغيل على خيار تشغيل التحكم السريع، ساعتها بيصير قرص التحكم السريع فعال تماما .
نفس الحكايه اللي ذكرتها في 50D


http://gold.eqla3.com//files/45/eqla3_1291726615.jpg

نضبط قرص الاعدادات على M ونننظر في شاشة العلويه ونحرك قرص التحكم الرئيسي ، ومن هنا نضبط سرعة الغالق
اذاضبطنا مفتاح التشغيل على خيار التحكم السريع ، وحركنا قرص التحكم الرئيسي بنتحكم بتغيير سرعة الغالق . واذا حركنا قرص التحكم السريع بنتحكم بتغيير فتحة العدسة .
اذا ضغطنا على زر Iso وحركنا قرص التحكم السريع بنغير الحساسية
اذا ضغطنا على زر AF.WB ( زر ضبط الوايت بالانس) وحركنا قرص التحكم السريع بنغير الوايت بالانس .
ولتغيير نسق الصوره سواء RAW او Jpeg نضغط زر Menu ونختار Quality ونغير .
هذا باختصار شديد بالغ الشده كيف نضبط اعدادات الفايف دي pb027
واللي عنده 5D Mark II وفيه اختلاف في ضبط الاعدادات يقول لنا ، ما بعد جربت المارك 2 :rolleyes:
هذا بالنسبه للكانون .

يتبع

شط الكحل
07-12-2010, 05:25 PM
نجي نتكلم عن نيكون


http://gold.eqla3.com//files/45/eqla3_1291726477.jpg


نبدأ الكلام بـ NIKON D5000 :

http://gold.eqla3.com//files/45/eqla3_1291726655.jpg

نحط الخيار على M في قرص وضعيات التصوير ونضغط زر ضبط فتحة العدسة ونحرك قرص التحكم ونغير فتحة العدسة . ونحرك مفتاح التحكم المتعدد ونختار ISO ونغير الحساسية ثم نضغط OK
وننتقل للغالق ونغيره باستخدام قرص التحكم .
لضبط الوايت بالانس : نضغط قرص معلومات الاعدادات ونحدد WB ونغير.
وهذا باختصار شديد بعد :D

NIKON D80 :



http://gold.eqla3.com//files/45/eqla3_1291726685.jpg


نضبط قرص اعدادات الصوره على M نضغط زر ضبط الحساسية ونغير بقرص التحكم الرئيسي لحد مانوصل للحساسيه اللي نبي .
نحرك قرص التحكم الرئيسي ونغير سرعة الغالق ، ونحرك قرص التحكم الثانوي لتغيير فتحة العدسة
ولتغيير الوايت بالانس نضغط زر WB ونحرك قرص التحكم الرئيسي .

_________

الفئة الاحترافية

NIKON D700

http://gold.eqla3.com//files/45/eqla3_1291726719.jpg

في نيكون نلاحظ كثرة المفاتيح عنها في كانون خصوصا في الكاميرات الاحترافية مثل D700 عدد المفاتيح فيها كثير وممكن يصيبك الرعب اول ماتشوفها ، وتحس انك ودك تكرهها :D ، بس تجربها فتره بتحس انك ممكن تحبها .
شخصيا حبيت شكلها الخارجي ، لكن يوم بدينا نشتغل وكانت هي ( الكاميرا ) وزميلتي توهم جدادعلى بعض بدت المشاكل بينهم :D:D لكن شوي شوي فهموا بعض ، ولمن جربتها انا كم يوم بديت احبها .
مثل ما قلنا هالكاميرا زيها زي اي كاميرا يبي لك تاخذ عليها عشان تستوعبها .
طبعا في هالكاميرا مافيه قرص تغيير اعدادات الصوره زي الكاميرات السابقه، فيه بداله قرص فيه ثلاث ازرار وهالقرص بالازرار اللي فيه يسوون مليون وظيفة :D فلو ضغطنا على زر QUAL بنختار حجم وجودة الصور اللي نبي نلتقطها ، نضغط الزر ونحرك قرص التحكم الرئيسي بنغير جودة الصور ، واذا ضغطنا نفس الزر وحركنا قرص التحكم الثانوي بنغير حجم الصور .
بنسميه هالقرص ضبط الاعدادات عشان ما تتلخبطون .
اذا ضعطنا زر ISO وحركنا قرص التحكم الرئيسي بنغير الحساسية .
ولتغيير الوايت بالانس نضغط زر WB ونحرك قرص التحكم الرئيسي وبيتغير الوايت بالانس .
للتحكم الكامل : نضغط زر التحكم بوضعيات الصوره ، ونحرك مفتاح التحكم الرئيسي حتى يظهر لنا حرف M في الشاشه العلويه والفيوفايندر ، بعدها نحرك قرص التحكم الرئيسي وبتتغير سرعة الغالق ، واذا حركنا قرص التحكم الثانوي بتتغير فتحة العدسة .

وبس هذي هي الطرق الاسهل لضبط الاعدادات اليدويه ، ومثل ما شفتوا تتغير من كاميرا لكاميرا ، وبرضه مثل ماشفتوا انها اصعب واعقد شوي في الكاميرات الاحترافية .

بعد ما يجرب الواحد عدة كاميرات تجربه منصفه ، ساعتها بيعرف وش اللي يناسبه ووش الافضل له هو كمصور ، لان الكاميرا مجرد آله ، والابداع يكمن في المصور نفسه ، والكاميرا بس تساعده على هالابداع .
وتتكون الخبره التقنية عند المصور لمن يجرب عدة كاميرا من عدة فئات وعدة شركات .

يتبع

شط الكحل
07-12-2010, 05:51 PM
وبعد ماتعرفنا على بعض الكاميرات ( سبعه في عين العدو ) pb036
وعرفنا كيف نضبط الاعدادات ، نجي للسؤال الحقيقي :

طيب انا عرفت كيف اضبط الاعدادات ، بس وش يعرفني اي الاعدادات هي اللي تلزمني عشان اصور الصوره الفلانيه ؟
طبعا ضبط الاعدادات يعتمد على الظروف المحيطه بالصوره ، ( واهمها ) اضاءة المكان اللي باصور فيه ونوع الكاميرا والعدسة .
وهالشي بتتقنونه بالتجربه والتدريب ، لكن مبدئيا نضبط سرعة الغالق اولا ، ونغير فتحة العدسه لحد ما نوصل للتعريض اللي نبي ، لكن لو كنت اصور بعدسة مثل 50مم ساعتها اضبط فتحة العدسه اولا بعدين اغير الغالق .
ومع الوقت بيصير عندك خبره في اختيار الاعدادات المطلوبه .
......
طبعا الموضوع مفتوح لاستفساراتكم اللي تخص ضبط الاعدادات فقط ، يسرني الاجابه عليها .
وبعد هالموضوع معد لاحد عذر يحط صوره اعدادتها مو مضبوطه او يحط صوره مالها معنى او الفوكس مو مضبوط :sm4: شوفوني علمتكم
....
ونحاول قد ما نقدر مانصور بوضعية الاوتو Auto
واذكركم بأن اللي يصور بسرعة غالق بطيئه نوعا ما ... لازم حامل ثلاثي لان فيه اهتزازات يمكن ما تُلاحظ ، بس انها بتكون واضحه في الصوره ، وبعد يحتاج لريموت او كيبل التحكم ، واللي ماعنده يضبط المؤقت الذاتي .
.....
والحين ياحلوين ، دستور وواضح قدامكم ، شرح للتعامل مع المنتدى ككل ومثبت لكم ، وهذا درس يعلمكم كيف تضبطون الاعدادات وتتعاملون مع كاميراتكم
لين انحذف موضوعكم لا تقولون ليش؟
مالاحد عذر ، احنا هدفنا نرتقي بالمنتدى ، وكيف هالشي ؟ باختيار صور تستحق العرض في منتدى للتصوير ، دقة الصور بتكون افضل بعد تطبيقكم لها الدرس .
ولو سمحتوا لو سمحتوا ، اختاروا صور افضل للعرض مو اي صوره صورتوها تحطونها ، واهي صوره والسلام لا ... لحد الحين ما نحذفت صوره من المنتدى بسبب انها " ضعيفة الجوده " او ان مالها فكره او معنى ... مانبي نوصل لها المرحله ، لكن نقول لكم اننا ممكن نوصل لها ان ما اخترتوا صوركم بشكل افضل :D
والله يخليكم عناوين صوركم ، ركزوا فيها شوي ماله داعي عناوين " غير لائقه " والا اشكال ورموز غير مفهومه ، او عناوين مكرره
الاسبوع اللي فات صورتين لعضوين مختلفين بنفس العنوان بس اللهم واحد ماد لي الحروف والثاني تاركها بدون مد pb036
ليش طيب ؟ :confused: نتذكر ان صورنا تعبر عنا ، وعناوين الصور تعطي غيرنا فكره عن عقلياتنا ورقيها ، وتعبر عن احترامنا لانفسنا قبل احترامنا للمنتدى .
والرد والتعليق على الصور للمره الالف بعد المليون نقول التعليق يجب ان يكون لائق .
وبس .... الى الحين :)
هذا الدرس عندكم ، بيتثبت مثل ماقلت لكم في بدايته ، وبعدين بينقل لأرشيف الدروس ، اللي هو بصراحة كنز للتصوير الضوئي وعدسات مبتدئه في الاقلاع ، دروس وضعت وانتعب عليها تعب وكانت ومازالت مرجع لكثير من الاعضاء حتى من غير الاعضاء حسب ما شفت وسمعت :rolleyes:
ادرسوا الدرس زين ، ترا بنختبركم فيه ;)
وتراني ما امزح في حكاية الاختبار ، كيف ووشلون ومتى ... عاد هذي لا تسألوني pb024

واللهم صلي وسلم على سيد الانبياء والمرسلين
ولكم مودتي bp039
شط الكحل

maha9
07-12-2010, 06:07 PM
شغل جباااااااااااااااااااااااااااااااار
من اول جزء نزل فيه وانا متاابعه
اعجبني كثير كنت محتاجه اعرف
للاعدادات
بكرا اربعاء وان شاء الله بجي بالتطبيق
ماقصرتي جهد خراافي
الله يعطيك العافيه

* سوال جاء ع بالي
الحين بعد ماانزل الصور ع الجهاز كيف اعرف اعداداتها
سرعه الغالق والايزو وغيرها

:: مجنونكـ ::
07-12-2010, 08:46 PM
صراحه
مجهود جبار
والله يعطيك العافيه
كذا تحمسني اطق لي كاميرا احترافيه
بس حاب اعرف اسعارها وانواعها
وابي شي متوسط
وتسلم ياذوق
وننتطر منك المزيد من اجل الاستفادة


تحياتي

Boh ~
07-12-2010, 09:09 PM
,


شط الكحل :rolleyes: pb189
قريته على السريع واضح تعبك وشرحك فية pb030 pb189
لي رجعه إن شاء الله أنا وكامي عشان يرسخ مضبوط :D pb189
يعطيك العافية والله لآ يحرمنا pb189pb189

" مطنوخة "
07-12-2010, 09:12 PM
شط الكحل
مجهود جبار تشكرين عليه بصراحة
يعطيك العافية وماقصرتي والله pb189

C H A R L E S
08-12-2010, 01:29 AM
.,.

الله لا يحرمك الاجر يارب ..

درس و مرجع مفيد جدا جدا جدا pb189 ..

كثير مفيد هالدرس للمبتدئين اللي اعتبر نفسي منهم
و ان شاء الله هالمواضيع تساعدنا في الارتقاء :rolleyes:

شكرا لك شط pb189 . .

..{جنونيـ رآقي
08-12-2010, 02:02 AM
مآشآء الله pb189 ,
شغـل سنع و مجهـود جبّآر بحق pb189 pb030 ,
موضوع كآمل متكـآمل :sm5: ,

افآدنـي بَ اشيـآء مَ كنت آدري عنهـآ :D pb189 ,
و أكيد يبي له تكية مع الكـآم عشآن ترسخ المعلومـآت pb058 pb189 ,

يعطيـك ربي العـآفيـة bp039 ..
مَ قصرتـي يّ بعدي pb189 ..
و جعـل هآليديـن مآتمسهـآ النآر pb189 ..

... Miss 3Lyaa }
08-12-2010, 03:30 PM
ماشاء الله درس رائع .. pb189
تمنيت ان الكاميرا اللي عندي تكون وحده من اللي بالشرح ..
بس للأسف .. الظاهر انلعب علي لما جيت اخذ كاميرا :sm1:
كامريتي كانون ديجتال ixus 980 is :(

يعطيك الف عافيه .. bp039

طاقية ابوها
08-12-2010, 03:38 PM
مآشششآء الله كفيتي ووفيتي :sm5: ,

يعطيك الف عاافيه pb189

والله يجزااك خييير..|
bp039

من قرآدتي
08-12-2010, 07:09 PM
مشآآآءالله شششرح وآآآضح :sm5:
وضحتيلي أشيآآآء كثيره ماكنت عارفتها pb189

بس بسألك الإعدادات مارح تشرحينهآ pb094
لأني عجزت افهم هالاعدادات وش فرقها عن بعض :sm1:

ويعطييك ألف عاافيه bp039pb189

شط الكحل
09-12-2010, 12:24 AM
اختي من قرادتي .... شكلك ماقريتي الدرس :D
الدرس كله عن الاعداداتpb036

من قرآدتي
09-12-2010, 06:44 AM
-

معلييه اسسفه خربطتpb094 , لا قريييت الموضووع ومو مرا وحدا أكثر من مرآ عشاان تثبت بعقلي الاشيآآْ :sm5:
أنآ أقصد وضعيآت التصوير pb094:sm1:

بس خلآص لقيت الشرح بأحد الدرووس اللي حطيتيها :sm5:

وآسسسفه مرا ثاانيه عاللخبطه :sm1:

يعطيك العافيه pb189
bp039

ايه صح
09-12-2010, 09:36 AM
يعطيك الف عافيه bp039

نورة سعود
09-12-2010, 01:54 PM
من جد يعطيك الف الف الف عافية :sm5::sm5:
طيب بس بسأل وش يعني احادية العدسة ؟:D
وزر عمق الميدان بالكانون 1000d وش يسوي ذا ؟:D

ويعطيك العافية على مجهودك bp039bp039bp039bp039bp039bp039bp039bp039bp039bp039 bp039bp039

وناسه *
09-12-2010, 04:11 PM
http://gold.eqla3.com//files/45/eqla3_1291726564.jpg
[/FONT]
[/FONT] نفس الطريقه ، بس نضغط على زر Q اللي يعني Quick Control Screen




به ظلم هنا pb036
كلهم قرقرتي عليهم بالكلام وبالصور الا كامي العزيز وقفتي على شرح الصوره

ترى كامي عمره يومين اخوي اللي جابه حاس اوم الاعدادات pb093
ماعليك امر ابي ارجعها مثل ما جاتني كانت خطيره واضحه الصوره مرا :sm1:
صار تصويرها تقولي تصوير جوال عديق :D


الله يجزاك الف خير bp039 pb189

وناسه *
09-12-2010, 04:55 PM
عرفت :sm5:
بس عندي سؤال
يوم اطالع بالكام اشوف الصوره مغبشه <-- يعني مرا مو واضحه :(
بس وقت القط التشيك شيك تطلع واضحه
طبيعي كذا pb036




وسؤال اخر ماعليك امر :D

كيف اضبط اعدادات الصوره لما يكون الزوم على جزء منها
يارب فهمتي من شرحي اللي مو واضح pb093

شط الكحل
10-12-2010, 01:02 AM
اخوي مجنونك : في موضوع الاستفسارات تكلموا الاعضاء عن كذا كاميرا بميزانيات معقوله جدا .
...............
maha 6
فيه مع الكاميرا يجي برنامج CD تحملين هالبرنامج على جهازك ويصير مثل مستعرض الصور واحيانا يكون معه برنامج تعديل صور ، المهم هذا البرنامج تنزلين الصور من كاميرتك عن طريق بالكيبل ، USB وكل صوره تنزل مع معلوماتها كامله .
.........
صعبه ظروفه:
احادية العدسة يعني لها عدسة وحده فقط ، فيه كاميرات لها عدستين ، واهمية احادية العدسة انك تقدرين تغيرين عدساتها .
عمق الميدان هذا اذا بغيتي تصورين بفتحة عدسة صغيره عشان ما يصير عندك عزل في الصوره
....
وناسه :
مافهمت سؤالك ، بس شكلك تقصدين الفوكس انه مضبوط على Auto يعني اذا ضغطتي نص ضغطه تصفى لك الصوره .
وبعدين مو اسمها قرقرت اسمها شرحت ... وانا قلت انها نفس الطريقه في الكاميرتين ، ماله داعي نعيد ونكرر وناخذ مساحه على نفس الكلام .

A L O S H
10-12-2010, 12:51 PM
مراحب مشرفتنا .. pb192pb189
ماشاء الله مجهـودات جباره ، .. :sm5:

عندي استفسار ع ـالسريع كذا ، ..
انتي شرحتي ان اذا صورت والاعدادات اوتو ، تقدر تطلع الاعدادات اذا رحت للصوره وشرحتيها !
لـكن اذا صورة وانا مضبط الاعدادات يدوي .. مب اوتو ..
شلون اطلع الاعدادات ، ولا نظام نحفظ الاعدادات .. pb192 < الذاكره ذاكره شياب .. :eek:pb027


يا مال العآفيه مشرفتنا ، وعقبال ماتشوفينا كلنا محترفين .. pb192pb189

شط الكحل
10-12-2010, 01:10 PM
اخوي علوش
انا شرحت الاعدادات اليدويه Manual مو اوتو Auto .
وفي كل الحالتين بعد ما تصور اضغط زر Info وبتطلع لك اعدادات الصوره
وبعض موديلات الكاميرات ، اذا فتحت الصوره في الكاميرا وضغطت زر Info بتطلع لك مو بس الاعدادات اللي انتي ضبطتها في حالة انك مصور بالوضع اليدوي Manual اللي رمزه M ، او لو انت مصور بالاوتو ... بتطلع كل معلومات الصوره .
بس باقول لك شي ، اذا انت ضابط الاعدادات يدويا ، طبيعي انك تكون حافظ الاعدادات في بالك لانك بتكون ساعتها عارف وش سرعة الغالق اللي انت حاطها ووش فتحة العدسة وكل هالامور ، صح بتنساها بعد فتره عشان كذا اكتبها احسن .
وقبل الحقبه الرقميه ، كان المصورين دايم معهم دفتر صغير وقلم يسجلون فيه اعداداتهم ، والحين بما ان الكاميرات صارت تطلع لك اعداداتك تقدر تشوفها بضغطة زر .. مع اني افضل انك تخلي معك نوته صغيره دايم ... بها الطريق بتركز اكثر على الفروقات بين سرعة الغالق المختلفه وعلاقتها بفتحة العدسة .
وان شاء الله كل اعضاء المبتدئه يصيرون محترفين ونغير اسمه لمنتدى عدسات محترفه pb024

A L O S H
10-12-2010, 01:16 PM
^ ^
رد سريع ما شاء الله ، الله يجزاك خـير ، pb024
وإن شاء الله راح ابدأ اطبق درس الاعدادات اليدويه بعد شوي ، pb071
ما امداي اطبقها اول مانزل الموضوع اختبارات وحـوسه ، pb030


شكرا لك مشرفتنا .. pb192pb189

غباري نآدر ..!
10-12-2010, 11:46 PM
عافاك ربي
شرح واضح ومتكامل

’ L a i l a
11-12-2010, 12:15 AM
ربي يجزاج الجنة
طيب غلاتي انا امس جربت وشوي شوي بديت اعرف اضبط الاعدادات

بس جيت بصور اليوم وكل ما احط الوضع على p او غيرة ما تطلع فتحة العدسة يطلع مربع فاضي مكانها ومكان الشتر !!!
واذا حطيتها على الوضع m يطلع كل شي
الحين كيف اقدر ارجع الاعدادات مثل قبل ؟

شط الكحل
11-12-2010, 01:48 AM
مرحبا اختي
p يعني انك برمجه مسبقه وهي حكايتها مو زي وضع m في الـ m انتي تتحكمين بكل شي
وتغيرين كل شي ...باقي الاوضاع انتي تتحكمين بشي واحد والكاميرا تسوي الباقي يعني مو تحكم كامل .
Av انتي تضبطين فتحة العدسه بس , Tv انتي تضبطين الشاتر بس .
واذا قصدك ترجعين كاميرتك على الاوتو
اذا كاميرتك كانون حطي على المربع الاخضر واذا هي نيكون حطي على صوره الكاميرا الخضراء ورجعي العدسه على af
ويرجع كل شي على اللي ضبطته الكاميرا .

شوووكه
11-12-2010, 09:14 PM
انا عندي كام
Nikon Coolpix p100

ابي تعلمني فيه كيف اضبطه وابي اعرف وش مميزاته وفيه هذاك الشي اللي يركز ع صوره وحده

D-A-H
11-12-2010, 11:03 PM
يعطيك الف عااااااافيه ياااشيخه
منذو مبطي ادور مواضيع زي هيك
لاني اتورط وش احسن الاعدادات

الحين سؤالي
ابي اعدادات اذا جيت اصور السحاب
وهل لازم حامل ثلاثي

شط الكحل
12-12-2010, 12:56 AM
مرحبا
الاستفسارات اللي تخص الاعدادات بس اللي باجاوب عليها ... مثل ما وضحت سابقا
....
تصوير السحاب ... اذا كان فيه هواء قوى ... لازم لك حامل ثلاثي وتضبطين الشتر سريع شوي
لكن اذا كان فيه شمس وانتي حاطه اعدادات مضبوطه ما تحتاجين حامل .
قلت في الدرس نبدأ بسرعة غالق متوسطه ، مثلا 1/125 ونغير بفتحة العدسة حسب عدستك عاد
وشوفي النتيجه.
ياجماعه لازم تجربون بنفسكم عشان تعرفون ، المصور ما يعتمد على غيره يلقنه وش يسوي pb036

Juicy Couture
12-12-2010, 05:48 PM
موضوع جدااا مفيد يعطيك العافيه على المجهود

بغيت اسأل عن وظيفه الايزو وعلاقته بسرعه الغالق

شط الكحل
12-12-2010, 06:05 PM
الايزو يعني الحساسيه ... حساسية الشريحه للضوء .
الشريحه في الكاميرات الرقميه هي اللي تُعكس عليها الصوره ، يعني بالعربي هي اللي تطلع عليها الصوره الملتقطه .
والايزو كل ما ارتفع كل ما زاد التحبب في الصوره وقلت الحده .
لكن احيانا نضظر نرفعه بسبب الاضاءة في المكان اللي نصور فيه . وعلاقتها بفتحة العدسة وليس سرعة الغالق ، احيانا تكون العدسة مافيها فتحه كبيره تسمح بدخول كمية الضوء للحساس ، عشان كذا نبطيء الغالق : يعني بنبطيء مدة دخول الضوء للحساس ،يعني نضمن دخول اكبر كمية من الضوء ، وبكذا بنوازن العمليه .. ساعات نرفع الايزو عشان نحصل على صوره اضاءتها جيده ، لكن في هالكحايه ممكن نعرض الصوره للتحبب .
ووضوح التحبب في الصوره بيكون كبير في الكاميرات اللي نسميها cropped frame ، وبرضه حسب نوع الحساس .

سيمونه
13-12-2010, 07:35 PM
انا كاميرتي كانون g11

نفسي اضبط الاعدادات بس ما ادري من فين اذا حطيت m اضبط فتحه العدسه بس

ابغى اعرف كيف انتقل للايزو والشتر عشان اغيرهم

شوووكه
15-12-2010, 03:21 PM
شط

طيب وانا كيف اضبط اعداداتي


كامي Nikon Coolpix p100

شط الكحل
15-12-2010, 06:18 PM
اختي سيمونه :
في كاميرتك عدة طرق لتغيير وضبط الاعدادات
اولا الحساسيه: مفتاح الحساسيه وواضح جداISO
( صورة رقم 1)
http://gold.eqla3.com//files/45/eqla3_1292428359.jpg


جربي تحين القرص على ( علامة الكاميرا ) الموضح بالاصفر في الصوره التاليه
( صوره رقم 2)
http://gold.eqla3.com//files/45/eqla3_1292427752.jpg

وبتطلع لك شاشه القائمه ، وبعدين اضغطي زرfunction اللي موضح بالاخضر في الصوره التاليه وحركي يمين ويسار وفوق وتحت (الاسهم في كاميرتك مخفيه ) وتحريكها بالضغط على القرص الموضح بالاحمر .

(صوره رقم 3)
http://gold.eqla3.com//files/45/eqla3_1292427829.jpg

بتتحرك الخيارات عندك ، عاد انتي غيري اللي تبين (الشاتر وفتحة العدسة ... الخ ) بتحريك القرص الكبير الموضح بالاحمر .
Funct. setوبعدين ارجعي اضغطي الموضح بالاخضر وبتحفظين اللي غيرتيه .واذا تبين تغيرين اللي ضبطتيه اضغطي dispمرتين وبتنفتح لك الشاشه من جديد ومستعده للتغييرات اللي بتسوينها .
للتحكم الكامل والتام :
حطي الخيار على M ( راجعي صوره رقم 2)
واضغطي على الزر الاصفر ، وبتغيرين سرعة الغالق او فتحة العدسه بتحريك القرص الوضح بالاحمر

( صوره رقم 4)
http://gold.eqla3.com//files/45/eqla3_1292427647.jpg

هذا باختصار شديد كيف تتحكمين باعدادات كاميرتك ، ولها اكثر من طريقه مثل ماقلت
ارجع واذكرك بان الكاتلوج مهم ، خليه دايم معك .

مَــالي مثيَل
15-12-2010, 11:47 PM
يعطييك ألف عافيه ..

A L O S H
16-12-2010, 01:39 AM
واخيراً ، بعد محاوله لتطبيق هالدروس والحلاوه ذي كلها ما شاء الله :D ..
لي ساعتين احاول واضبط والا الآن ماطلعت بصوره زينه او بالأصح ماقدرت اصور صوره ، كل شوي اغير الاعدادات عجزت اضبطها صح .. :(

بس استفسار ، بسيط !
http://gold.eqla3.com//files/45/eqla3_1291726745.jpg


انا حاولت اصـور قطره ماء .. :D ..

لـكن ، واجهة مشكله بفتحه العدسه [ انا طبعا بما إني بصور قطره ماء يبيلها سرعه غالق سريعه ] فـ اخذت اجزاء من الثانيه يعني تقريبا كذا [ 1/800 ] او زياده بعد ..
لـكن المشكله بفتحه العدسه ، يعني ما اقدر اصغر العدد عشان كميه الضوء تدخل اكثر ،
عشان ما تطلع الصوره غامقه !

اصغر رقم قدرت اوصله 4 .. :( !
هل هي من العدسه نفسها تفرق معي ، ؟
ولا وش الطريقه ، والله يعطيك الف عافيه :D

+ عندي استفسار عن البطريه [ ما ادري احطه هنا ولا وين ] pb094
خلنا نحطه هنا اذا مكانه خطأ بنعدل :D
الي هـو [ البطاريه سمعت البعض يقول لا خلصت امورك طلع البطاريه وحطها بالحافظ حقها العلبه البلاستك ] ، وبعضهم يقولون بلا وسوسه :D خلها بالكام لا تطلعها الا اذا بغيت تشحن .. :D
بحكم خبرتك ، وش رايك ، وش الصح ؟ :Dpb189

شط الكحل
16-12-2010, 01:44 AM
الاعضاء الكرام :
مستحيل اني باقدر احط كل الكاميرات اللي في العالم، وسبق وقلت لكم الكاميرات اللي شرحت عليها في الدرس تعتبر نموذج من كل موديل من موديلات الكاميرات الاحادية العدسة ، يعني اللي كاميرته DSLR مو موجوده في الدرس ، فمعناته كاميرته شبيهه باللي موجود يتبع شرح اقرب كاميره لكاميرته .
وفي الردود تكلمت عن كاميرتين " مدمجه " نيكون في هالرد وكانون في الرد قبل السابق .
قيسوا عليهم .
................
اختي شوكه :

http://gold.eqla3.com//files/45/eqla3_1292455529.jpg

اولا حطي خيار M من قرص الاعدادات : بعدين حركي الاسهم يمين ويسار ( بيطلع لك خيارين : سرعة الغالق وفتحة العدسة ) بتشوفينه واضح في الشاشه ،بيكون اول شي محدد لك خيار الغالق Shutter وحركي قرص التحكم الرئيسي وبتغير سرعة الغالق .
بعدين ارجعي اضغطي السهم وبيصير الخيار على فتحة العدسة ، وبرضه حركي قرص التحكم الرئيسي وبتتغير لك فتحة العدسة .
المشكله في كاميرتك ان التحكم المطلق بالايزو ( الحساسيه ) مو بيدك ، للاسف مبرمج ، ثلاث خيارات موجوده عندك Auto , High sensitive ISO auto ,Fixed range auto
وفي الحالات الثلاث الكاميرا هي اللي بتقيس وتعطيك الحساسيه ، بس انتي عشان تصيرين في الخيار الاقرب للصحيح خليك على الخيار الاخير fixed range auto .

جنرال الاتحاد
16-12-2010, 01:48 AM
بارك الله فيك
موضوع بطل ومفيد
انا استفدت منه لانه مشروح ع احد كميراتي
لاعدمناك اختي ,

شط الكحل
16-12-2010, 02:33 AM
علوش
العدسة تفرق ، سؤالي انت صورت بفلاش والا بدون ؟
التصوير السريع يبي له اضاءة سريعه .( فلاش ) ، واحيانا تقدر تصر في مكان عالي الاضاءه بدون فلاش بس ماراح تطلع لك الصوره بالحده اللي هي .
وان كان ماني واهمه قد حطوا درس او موضوع تكلم عن هالشي .
البطاريه ، اذا انت بتترك الكاميرا فتره طويله ، طلعها وفك العدسة بعد .
لكن اذا بتتركها شهرين او اقل مافي مشكله .بس هم يقصدون لاطالة عمر البطاريه
لكن اذا بتسافر لازم تفكها عشان ما تاثر لانها بتدخل في الجهاز حق التفتيش .

A L O S H
16-12-2010, 05:02 AM
حـلو حـلو .. ، pb192
الي فهمت انه من عدسه لـ اخرى تفرق معي [ بفتحه العدسه ] ..
والشيء الثاني انه لازم يكون فيه فلاش مع التصوير السريع عشان تكون الاضائه عاليه ..
وبخصوص الموضوع ، الصراحه انا ما قد شفت موضوع تكلم عنه :D ..
لـكن انتي فيك الخير والبركه ما يحتاج مواضيع pb189 الله لايضرك :Dbp039 ،
وإن شاء الله تشوفين تطبيقي قريب .. ، ;)

وشكراً على ردك لإستفساري عن البطاريه .. bp039:rolleyes:

Life Tune
16-12-2010, 06:02 AM
الله يعطيك العافيه ويوفقك ..bp039

S U C H I
16-12-2010, 08:05 AM
في المفضله على طوولpb189
احناج اطل عليه بين كل فتره وفتره بما اني مبتدئةpb027pb189
موضوعك مهم و وافي كفيتي ووفيتي

شوووكه
16-12-2010, 09:56 AM
اتعب وانا اقولك شكرن

يعطيك الفين عافيه

ثْرثره صمَت ..!
17-12-2010, 01:21 PM
يعطيك العافيه الصراحه استفدت من موضوعك كثيير
كاميرتي بيسير عمرها سنه وتوني اعرف اشياء فيها
صادقه الكميرا تحتاج ممارسه عشان نتقن الالتقاطات وتطلع صورنا احترافيه
طيب سوالي بعدسه 50 مم
ايش افضل اعدادات للبورتريه انا احط اكبر فتحه للعدسه لكن ما اهتم للغالق نصيحتك
وجزاك الله خيراً

شط الكحل
18-12-2010, 01:04 AM
الغالق مهم جدا باهمية فتحة العدسة والحساسيه
هالثلاثه مع بعض مهمين .
في عدسة 50 مم فتحة العدسة واسعه وهذا يعطيك مجال اوسع لضبط الغالق .

بسمة الامل
29-12-2010, 03:03 AM
شرح رائع
جزاك الله خير

كذبة
30-12-2010, 09:48 AM
جهد كبير فعلا
ومن اهم الدروس ..
هذي المعلومات هي الاساس بعد ما نشتري الكاميرا

يعطيك العافيه

..سواري..
05-01-2011, 09:54 PM
اكيد يبي له روآآقه وكل كلمه تطبيق ..

بس مبدئيا عندي سؤوال .. انا كانون 500 دي /

فيه وضع للصور ناسيه وشو .. بس اذا صورت فيه يصير التصوير عندي بطي
بمعنى اضغط زر الشتر وتجلس 5-6-7 ثوآآآني .. والصوره ماطلعت
يعني تجلس الشآشه سودآ قليل لتآخر .. طبعا مرررات تتتاخر مره

هالشي يتعلق بشنو .. يعني مثلا كل ماقللت سرع الغالق يختفي هالعيب ..؟ او كل ماكبرت العدسه ..؟
اوو وش العلَه ..

ويعطيييك الف الف عافيه .. ~

شط الكحل
06-01-2011, 11:52 AM
مرحبا اختي
هذا هو الغالق ، وهو بطيء .
يكون الغالق بطيء اذا حطيتي على الاوتو وانتي تصورين بدون فلاش في مكان معتم شوي او اضاءته مو كافيه .
وفي الغالب نستخدم الغالق البطيء ، اذا كنا نبي نعطي تاثير مثل اضواء السيارات تصير مثل الخطوط او الماء الجاري يصير كنه ضباب أو في التصوير الليلي ... ونسمي هالنوع التعريض الطويل .
وممكن نبطيء الغالق واحنا نصور في مكان ضوءه جيد اذا كنا نبي نحصل على تعريض مناسب ، ودائما اذا بنصور بغالق بطيء يلزمنا ترايبود وريموت ، وان ماحصل ريموت نصور بالمؤقت الذاتي .

! yazeed !
07-01-2011, 04:24 PM
الف الف الف شكر على الشرح الاكثر من رائع

بس عندي استفسار

بما اني مبتدأ وماصار لي يومين

ماعرفت اشغل الشاشه لما اجي اصور

يعني مااقدر اشوف اللي ابي اصوره الا من الفتحه الصغيره ؟؟

وحاولت اضغط على set ولا يطلع شي
وحاولت بنفس شرحك اضغط ال av نفس الشي

فياليت تخدميني لاهنتي

واكون لك شاكر ..

شط الكحل
07-01-2011, 08:07 PM
مرحبا اخوي
في كاميرتك مافي زر سريع للايف فيو live view
لازم تفعل هالخيار من القائمه :اتبع الخطوات التاليه بالترتيب
menu
live view function setting
Enable
حط الخيار on
ولمن تجي تصور اضغط Set
وبيطلع لك اللايف فيو
بس كذا احتما تتعطل معك خاصيه القائمه السريعه
اذا تعطلت ارج طفي خاصيه اللايف فيو .

! yazeed !
08-01-2011, 11:29 AM
شط الكحل



الف الف شكر ..
ابشرك ضبطت معي

شتاء ساخن
09-01-2011, 06:42 PM
موضوع واااو وبوقته :D


تستاهل احلى تقيييم bp039

Awah ya 8lb
18-01-2011, 06:08 PM
مررره شششكرا

يعطيك العافيه

green flag
19-01-2011, 03:17 AM
مرحبا اختي مشكورة على مجهودك والله يجزاك خير :)
حبيت اسالك ايش افضل ضبط غالق والفتحه ؟؟
ماتقصرين

شط الكحل
19-01-2011, 03:25 AM
مرحبا green flag
مافي شي اسمه احسن ضبط ، ليش؟
لانك تضبطينهم على حسب اشياء كثير ... الهدف اللي بتصورينه، ظروف الاضاءه المحيطه ، نوع العدسه اللي تستخدمين
وقت التصوير واحيانا وضعية التصوير ، الكاميرا على ترايبود او ماسكتها بيدك وكثيير اشياء تقررين على اساسها
الاعدادات .

مشـمش
11-02-2011, 05:04 PM
يمآل الثآنكيو خيتو ..
اسسسستفدت كثير وإن شاء الله ببدآ وإيآكم من هالقسـم للأحترآفـ ..
تشكرآ’ت :)

أملي ربي
11-02-2011, 09:02 PM
سسسسسسسسسسلام عليكم
ماشاء الله شرحك وافي ماشاء الله لكل شي بس محد تكلم عن كاميرا سوني ^_^
انا توي وصلتني كام سوني شبة احترافيه hx1
اعرف الاوضاع لكن لما احط ع وضع ام اليدوي عشان اتحكم بفتحه العدسة والايزو وسرعة الغالق
كيف اروح لهم ابي اضبط الايزو احط القايمة مدري وينه الارقام حقت الايزو يلي هي 125 400 والخ

شط الكحل
12-02-2011, 12:37 AM
مرحبا املي ربي
عطيني اسم الكاميرا كاملا وان شاء الله نعلمك كيف تضبطين الاعدادات

O o كاب العشا o O
13-02-2011, 04:00 AM
شط الكحل

مبروك الإشراف " واضح إني مبطي عن المنتدى"

الموضع عسل ، الله يرضى عليك


بالتوفيق ياوخيتي


تحية ..

path_poth

أملي ربي
14-02-2011, 09:09 AM
شط الكحل
ذا هو الرابط حق الكاميرا واسمها كامل وكل شي عنها
http://www.dpreview.com/reviews/sonydschx1/
انا الحين عرفت كيف اروح واضبط الاعدادات بس المشكلة ان عندي مشكلة >_<
اني لما احط ع الوضع ام عشان اضبط الاعدادات الارقام معلقة معي تتغير لحالها ولما احط ع الوضع بي
كل ماامشي في مكان سرعه الغالق تتغير الارقام وتصير تمشي بسرعه ماتوقف واذا انا وقفت شوي وقفت معي مدري ذا طبيعي ولا كيف >_< <شكلي بادويها واشوف وش مشكلتها

H.F.K
15-02-2011, 02:31 AM
استفدت كثير
يعطيك العافيه

ريحانة قلب
24-02-2011, 10:32 PM
يسلمممممممممممممو

شط الكحل
25-02-2011, 02:39 AM
عذرا على التاخير
املي ربي كاميرتك لا يمكن تتحكمين فيها تحكم يدوي كامل ... مشكلتها قياس الضوء والمسافه اللي هي تسويه والمشكله هنا لازم تعطلينه انتي عشان تقدرين تضبطينها انتي .
هالكاميرا جربتها مره وقعدت معي يوم كامل تقريبا ، واتعبتي بصراحه :cool:
بس اذا كان الواحد مو هاوي وبس يبي تصوير او توثيق صور عائليه يحطها اوتو وخلاص وهالشي مانبيه احنا :)
لان اللي يبي يصور بها صور اكثر احترافيه لازم يضبطها .
خليني ارجع اطلبها من صاحبتها واحوس فيها وارجع لك pb030

شط الكحل
25-02-2011, 02:43 AM
hfk
ريحانه القلب
شاكره مروركم وان شاء الله تستفيدون
...
path poth
فعلا انك قديم ... من اي متحف طالعpb027
تسلم ياخوي وان شاء الله تستفيد منه
الله يبارك فيك يارب

M!sS_3LkaH
25-02-2011, 11:34 AM
-


درس مـرررره آنـآإ مـحتآآجته :sm1:pb189pb189
آلله يـعطيك آلعآفيه شـط آلحكـل مــره آفدتينآ pb189
آنـآ مـن زمـآن قآريه آلمـوضوع بـس تـوي آتـذكر آني آرد pb036pb027
لـــــك bp039bp039bp039

TORTINA
25-02-2011, 04:41 PM
يعطيك العافيه ع الدرس ماقصرت bp039

اذا ممكن كيف اضبط اعدادات كاميرا
كانون 210 pb189
لاني مبتدئه في التصوير قلت اطقطق على شبه احترافيه بعدين
الاحترافيه :D

-

..سواري..
06-03-2011, 10:38 AM
صبآآآآح الخير ..


هالدرس كنت محتفظه فيه بالمفضله ..

اللحين قبل ماسوي الاعدادات اللي فهمتينها هي .. ضبط الفوكس قلتي لنا mf

طيب انا تحت ضبط الفوكس عندي خيار ثاني اون واوف .. اخليه ع اون صح ..

:
انا كانون 500 دي بعد هالضبط المبدئي قبل كان اذا باصور تجيني نقطة تركيز في التصوير ..
اللحين اختفت .. وش فايدتها .. ؟

ماعليه اساله غبيه حبتين .. بس ابي اعرف ..

وماقلتي لنا وش فايدى الايزو ...؟

شكرأ من القلب ..

hmody990
08-03-2011, 08:11 AM
يعطيك ألف عآفيه
كفيت ؤ ؤفيت :)

شط الكحل
08-03-2011, 09:26 AM
سواري
الايزو هو الحساسيه ،
وفي التصوير الرقمي هو حساسيه الحساس للضوء .
الحساسيه تفيدنا في الاضاءه ، يعين لو صورنا في مكان معتم شوي او اضاءته ضعيفه نرفع الحساسيه ، لكن ارتفاع الحساسيه مرتبط بالتحبب .
...
بقيه استفسارك و استفسار tortina واملي ربي ، راجعه لهم
باذن الله .

TORTINA
22-03-2011, 01:18 AM
ok
بأنتظآرك bp039

-

تولين..!
09-04-2011, 07:08 PM
هلآ حبي ع هآلدرس

آنا كآميُ نيكون دي 7000

كيف اضبطُ آعدآدتها مرره عقدتنيُ ,,

وشكرآ آلكُ ,,ُ

أنفآس بنفسجيّآ!
14-04-2011, 07:33 PM
اهلييييين واللهي شغل متعوب عليييه مرآآآآآآآآآ مشكووووووره جعل هاليدين ماتمسهم النار ...<---اضافته للمفضله لانها استفادت ...

الموهم الحين انا ضامه كاميرتي ومفهيه شوي ومبطوطه تسبدي ...عندي دريشه قزاز كبير ومطله ع الحديقه الخلفيه والنهر ومليانه مطر وشكلها خورافي قعدت من نزل المطر لين خلص وانا احاول اضبط الصوره ماطاعت ابغى اخلي تركيزي على الدريشه اللي مليانه مطر واخلي الخلفيه الحديقه والنهر بس ماقدرت حطيتها على جميع ازرير التحكم واللي اعرفه ان Tv للعزل بس ماعزلت لي الخلفيه عن الدريشه كيف اضبطها ؟ وكم اخلي سرعه الغالق وفتحة العدسه وانا اصور بالنهار فـ الاضاءه حلوه ولطيفه جدا ...
اتمنى تساعديني لاني انقهرت ابغى القط الصوره ...:(

ومشكوره ع الجهد الجبّآر

Photographer.B
24-04-2011, 03:17 AM
يعطيك العافيه على هالجهد ي بطله pb189pb189

انا كامي كانون G12
كيف اضبط اعداداته ؟

لاهنتي ي رب pb189

{ N ..
26-04-2011, 06:24 PM
pb189 شررررررررررررررررررررررررررررررررررررررررررح بطل

بس انا زر الفلاش اذا ضغطته ما يفتح اذا صووورت ثاني او ثالث صوووره ليه !!!!

شط الكحل
27-04-2011, 02:04 AM
يمكن انك مخليه الوضع على التحكم الالي التام auto وفي هالوضع الكاميرا تقيس وهي تفتح الفلاش
جربي بالوضع اليدوي manual

صبآح الليل
03-05-2011, 07:20 PM
..

مشكلتي أنآ مع الشتر <~مدري هو شتر أو لآ pb036
ذآك اللي يطلع صوت تششك :D
المهم أنه يطوول يعني موب عَ طول يلقط الصوره :sm1:
مثلآ بصور فيس وآحد من المبزره تصير الصوره مدري شلوون حووسسه :(
جلست أحووس فِ الأعدآدآت مآ فآد :confused:

يَ ليت تسآعدوني pb094 مآ أبي أكره الكآم بسبه ذآ الشيء :(
والكآم نيكون D5000 pb189



..

لعيونك أبقا
04-05-2011, 02:34 PM
يعطيك العافيه اختي الغاليه على تقريرك الراااائع

بصراااحه حاولت اقرأ وأفهم وماقدرت الخطأ مني مو من شرحك انا جديده على هالوضع

معي الكام وحاولت اصوووور في البدايه قمت العب بالشتر شوي وصارت الصور مغبشه ولاهيب واضحه

وبعدين قمت العب بال av وصارت الصووور سوداء ابدا مو واضحه

ياليت تعطيني ارقام محدده عشان اضبطها عالكام وأبدأ من الصفر

كامي كانون 550 دي

احترامي

حـنوششآ
13-05-2011, 05:35 PM
يَ هـلآلآآ وَ غغغغغلآلآلآآ:sm5:pb189
مممآشششآء الله شششرححك كككآفي وَ وآفففففففي pb058pb058pb189

تممممنيت كثييييييييييير ككككثيييير آن يككون فيه شششرح لَ 600 دي :rolleyes:pb189
آومممممآإ لو تححححققين آمنيتي pb095pb189 آصصير آحححبتس آققوىى ششي pb036pb094pb189
نننآإوييييه بَ إذذن الله أششششتريهآ ’ وتممنيت آععععرف عععنهآ كل شششي قبل آششتريهآ عششآإن مآ [ آددربي رآسسي ] pb027pb189 . .

يَ ججججعل هَ اليديآإت مآتمسسسهآ آلنننآر=) pb189

عشتهآ بكتمآن
11-06-2011, 10:52 PM
السلآم عليكم

انا كآمي d550 كآنون

بسأل كيف ألتقط ب الثآنيه اكثر من صوره ؟
وشسمه بعد آحيآنآ ألتقط صوره لشي مثلا يركض او سريع وماتكون واضحه يعني مشوشه او مدري شلون < دخيلك على هالشرح والوصف خخخخخ
وسؤال آخير كيف أصور فيديو ؟



وشكرآ مقدمآ ,, تقييمي للي يجآوب على أسئلتي :)

شفاط ببسي
18-06-2011, 09:30 AM
.!
شرح رآآآئع

أتعبني غروري
18-06-2011, 11:24 AM
-

شرح مفيييد وموضوع مهم كثيييييير pb189pb189
يالغاليه بسألك انا كامي 500 دي كانون وابي اصور مناظر سياحيه
في اضواء الشمس .. وش تنصحيني باعداداتي اليدويه ؟

+

ابي اصور مكان في اللييل كله انوار وزحمه
احتاج اغير الاعدادات بعد ؟
ووش اكثر شي لازم اركز عليه في تغيير الاعدادات

مشكوره حبيبتي
pb189

شط الكحل
22-06-2011, 10:55 AM
لعيونك ابقى :
انتي غيرتي سرعة الغالق ، اللي يرمز لها Tv وخليتيها اقل ، ارجعي حطيها 200 والا 400 وبتشوفين الصوره رجعت ، لمن حطيتي الوضع av صارت الاولويه لفتحة العدسه يعني انتي تضبطين فتحة العدسه والكاميرا تعطيك الباقي ، وفي هالحال حطي فتحى العدسه كبيره اذا المكان مظلم او اضاءته قليله ، يعني الرقم الاصغر ، كل ما كبر الرقم صغرت فتحة العدسه .
....
حنوششا :
شرح كانون 600 قريب من الـ 550 لانهم نفس السلسله .
....

عشتها بكتمان :
-تضبطينها على التصوير المتتابع
-اذا كنتي تبين تصورين شي سريع وتطلع صورته ثابته ، تجميد، هذا ترفعين سرعة الغالق .
- شرحت كيف تبدين تصوير الفيديو في الدرس
.....
اتعبني غروري :
الاعدادات اليدويه في ضوء الشمس ، اذا كنتي تصورين بدون ترايبود ، يبي لك ترفعين شوي سرعة الشاتر ( الغالق ) خل نقول مثلا :
200 او 250 في خال كنتي ثابته او الهدف ثابت ، اذا بترايبود لا قللي سرعة الشاتر شوي .
وبحسب عدستك ، الايزو دائم اذا الضوء قوي حطيه 100 عشان ما يصير تحبب في الصوره .
التصوير الليلي هذا حكاية ثانيه ، تبين الصوره واضحه جدا وحدتها جيده لازمك ترايبود ، في حال حبيتي تصورين مشهد مثل مبنى مضيء ، طبعا هنا ماراح تستخدمين الفلاش .
فتحة العدسه واسعه ، 4 او اكبر 2.8 مثلا الشاتر هنا بيكون بطيء عشان تسمحين لاكبر كمية من الضوء انها تدخل للحساس ، ويفضل تستخدمين ريموت او كيبل ، وان ما عندك حطي على المؤقت .

موفقين

أتعبني غروري
23-06-2011, 01:22 AM
^
شكراً ياقمر
pb189

سطل به كاسات
25-06-2011, 12:26 PM
موضوع هو منوة كل مبتديء بالتصوير لأنه مساحة موسوعية لكل الأسئلة الشائعة..
وكلي شكر وتقدير لجهدك ووقتك وتحمل كافة استفسارات الأعضاء.


نقاط تفتيش :

- أحياناً لما أجي أصوّر واضغط زر التصوير ما يصوّر.. لحد ما أكبس عليه مرة ومرتين وثلاث؟ وش السبب..

- ممكن فكرة عامة عن الوايت بلنس وفائدته .
bp039

شط الكحل
25-06-2011, 12:43 PM
لمن تضغط كم مره مايقفل الغالق (تصور الكاميرا ) هنا احتمال ان الكاميرا تكون مضبوطه على الوضع التلقائي (الاوتو) فلما تكون الكاميرا علي الاوتو وتضغط زر الغالق الكاميرا تقيس اول قبل لا تلتقط.
واحيان كثير البعض يضبط الكاميرا علي الوضع اليدوي وينسى يضبط العدسه بعد على الوضع اليدوي فيحصل نفس الشي .
الوايت بالانس او ( توازن البياض ) هو اظهار اللون الابيض او افتح درجه في "تون" الطبقه اللونيه بالشكل الصحيح. و مو بس افتح تون ساعات يأثر على الالوان مثل الاحمر والاصفر. يعني لو ماضبطناه صح بتلاقي اللون الاحمر وكانه على بني والاصفر كأنه على بيج. يعني تاثيره على تشبع الالوان واضح جدا
وساعات نتعمد التلاعب بالوايت بالانس في حاله حبينا نغير "تون الصوره " لكن لازم ناخذ في عين الاعتبار تاثير هالتلاعب بتشبع الالوان .
وعشان تاخذ فكره اقرب. صور صوره لاي شي ويكون الوايت بالانس على الاوتو وبعدين غير الوايت بالانس وحطه علي الظل وبعدين الفلوزسنت وبعده التنجستن و و و ومل هذا وانت تصور نفس المشهد. ساعتها بتوضح لك الفكره اكثر

سطل به كاسات
25-06-2011, 12:57 PM
ماقصرتي الله يعطيك العافية..
وكلي شكر لتجاوبك السريع والفوري .. لاخلا ولا عدم .

bp039

amoa
26-06-2011, 08:32 PM
سلام عليكم
موضوع رائع

عندي سؤال
ماعرفت اغير اعدادات فتحه العدسه لما اروح عليه وحرك مايتغير الرقم يقعد زي ماهو صفر

ومثلا كمان لما اجي اختار البرتريه وابغا اغير فتحه العدسه وشتر
بيقولي انو الوظيفه الي ابغاها ماهي موجوده حاليا كيف اسوي الشتر وفتحه العدسه بنفس الوقت
انا الي فهمتو من مواضيع الصوره لو ابغا شتر اروح tvولو فتحه العدسه av
بس كيف لو مثلا بصور بوتريه بوكيه اي حاجه اغيرهم التنين مع يعض
نسسيت اقول كامي 550d كانون

رُOح عطشى
30-06-2011, 03:35 AM
السلام عليكم ...
أول مشااركة لي في المنتدى بقده ..
كامي جديدة ... وهي كانون g12 بس ماعرفت اتبع أي كاميرا من اللي حطيتيهم ..
معليش جديدة في التصوير وأبي أصور صور محترمة مو صور 1 2 3 طق ... خخخخ

N.A.D
01-07-2011, 01:23 AM
pb093 بالغلط

شط الكحل
01-07-2011, 06:16 PM
amoa
تحطين قرص الاعدادات على M
وتغيرين الاعدادات .
.....
روح عطشى :
انا شارحه على كاميرتك:D اذا هي canon G12 فهي اللي انا شرحت عليها

كانشو؟
02-07-2011, 04:46 AM
شررررررررررررررررررررررررررح وافي

رُOح عطشى
02-07-2011, 06:38 AM
.....
روح عطشى :
انا شارحه على كاميرتك:D اذا هي canon G12 فهي اللي انا شرحت عليها

هلا شط الكحل .. معليش جدييييييييييدة ام الجدادة في الكامرات الشبه احترافيه ..
حتى الرموووز ما أعرف لها ..
مدري ماشفت صورة نفس كامي ...

جبت لك صورة عشان أعرف الرموووز
http://www.ibda3world.com/wp-content/uploads/2011/06/creative-18.jpg

http://www.alamdi.com/components/com_hpalbum/album_sources/canon-powershot-g12750-500x374-15-9-10.jpg

عذراً ثقلت عليك .. ادري تعبتي في الصور اللي حطيتيهم وأنا بزيد تعبك pb094

شط الكحل
03-07-2011, 04:34 AM
^
شوفي الرد رقم 35 في الصفحه 4 في نفس هذا الدرس
:)

-N'j'Od
04-07-2011, 12:58 AM
السلآم عليكم pb189

كل الشروحات عن الكانون والنيكون ، وسؤالي عن الـ olympus اتمنى يكون فيه احد له خبره فيها :(


سؤالي بسيط : كامي olympus EP1


http://www.up-king.com/almaciat/uxjn9x2izxefia89f34i.jpg (http://www.up-king.com/)

اقدر اتحكم في إعداداتها ولا لا ؟ :(

السيدة فيذا
04-07-2011, 03:52 AM
موضوع رائع و الصور ارووووووووووووووووووووووووووووع بجد استفدت خصوصا عجلة تغيير العدسة , كنت استخدم العجلة الثانية حقت الصوت على ما اظن لووووووووووووووول و اقول ليش ما يتغير الرقم

يسلموووووووووووووووووووو

TARFAH.F
05-07-2011, 04:57 PM
ششرح جميلْ :")
يعطيكْ الف عآفيه يَ سسسكره ,

N O R O
16-08-2011, 07:39 PM
.,
,.
شرح واآأضح
يعطيج العاآأفيه ع المجهودpb189:sm5::sm5::sm5:
ماآأقصرتي bp039bp039bp039
.,
,.

اميرة مميزه
17-08-2011, 04:13 AM
الف شكر لك ياليت من بعد اذنك تتكلمين عن الاعدادات اليدويه لكاميرة كانون 1100d
لانه كثير منحاسه منها بليز

nofo
20-08-2011, 11:32 PM
يعطيك العافيه
موضوع متعوب عليه
افادني
الله يوفقك اخوي

أرجع 8dam
21-08-2011, 09:41 PM
مشكورين على الموضوع المفيد
بس ما تكلمتوا عن كاميرات نيكون الشبه احترافيه شلون اضبطهم ياليت
لاني مو عارفه حست في كاميرتي مو عارفه :sm1::sm1:

شط الكحل
22-08-2011, 12:49 AM
^
وش هي كاميرتك ؟ اكتب اسمها هنا زي ماهو مكتوب عليها وان شاء الله نشرحها لك

PURER HEART
22-08-2011, 12:58 AM
موضوع شآمل ومفهوم

مآقصرتي والله
الله يعافيك

أرجع 8dam
23-08-2011, 07:02 AM
تسلمييين شط الكحل
كميرتي nikon coolpix L120

غفوة حلم ..!!
23-08-2011, 11:38 PM
مووضوع مره رائع . .
يعطيك العافيه والله عليه . .

لكن ياليت انك متكلم عن الكمرا الشبه احترافيه

انا كمرتي nikon coolpix p500

لكن ماعرف كيف اعدل ع الايزو . .والعزل مدري كيف يضبط : \

ششكرا مقدما لك

اقلاع الحلوة
24-08-2011, 03:12 AM
ششكرآآ ع الموضووع القمييل مثلككممم =$ ..
وشسسمه بعد انى م تكلمتو عن كآم كآنون الشبه احترآفيه ..
وحربشت به =( ..

كآمتي اسمه كآنون sx30

زي هييكك الكآآم ..
http://forum.ecoustics.com/bbs/messages/10381/650986.jpg

شكرآآآ ي حلوييين .. =$ ..

شط الكحل
24-08-2011, 11:16 AM
مرحبا

N'jod
عذرا على التأخير
كاميرتك Olympus EP1
نعم تقدرين تتحكمين في اعداداتها ، شوفي معي

http://gold.eqla3.com//files/75/eqla3_1314171600.jpg
اولا اضبطي قرص الاعدادات على المانوال M
لضبط الحساسيه : اضغطي زر تغيير الحساسيه وغيري القيمه
والويت بالانس : اضغطي زر تغيير الوايت بالانس وغيري
لضبط سرعة الغالق : حركي قرص التحكم الرئيسي
لضبط فتحة العدسه : حركي قرص التحكم الثانوي
بس :)
......

ارجع 8دام
كاميرتك هي nikon coolpix L 120

http://gold.eqla3.com//files/75/eqla3_1314171579.jpg

وهي كاميرا لا يمكن التحكم بالاعدادات اليدويه كامله ، تقدرين تغيرين الوايت بالانس ، والحساسيه ، لكن ماتقدرين تغيرين الغالق وفتحة العدسه الكاميرا هي اللي تعطيك القيم .
ماعليك الا بعد ما تضبطين الحساسيه والوايت بالانس توجهين الكاميرا للهدف وتضغطين زر الغالق ( زر التصوير ) نصف ضغطه والكاميرا تحدد سرعة الغالق وفتحة العدسه .
كيف نغير الوايت بالانس :
اضغطي زر القائمه > حركي قرص التحكم المتعدد حتى توصلين لخيار > shooting menu
> white balance وغيري اللي تبين ثم اضغطي OK

كيف تغيرين الحساسيه :
زر القائمه > shooting menu >
ISO sensetivity وغيري ثم اضغطي ok

....
غفوة حلم :
كاميرتك nikon coolpix p500

http://gold.eqla3.com//files/75/eqla3_1314171545.jpg


يمكنك التحكم يدويا بها ، نحط قرص الاعدادات على M
بعدين نضغط زر القائمه
Menu
ثم
shooting menu
Iso senstivity ونغير
كيف نغير الغالق ؟
نحرك قرص التحكم لحد مانوصل shutter speed
ونغير
كيف نغير فتحة العدسه ؟
نحرك قرص التحكم لحد مانوصل aperture
ونغير
كيف نضبط قياس التعريض ؟
نضغط زر قياس التعريض ونحرك الاسهم صعودا او نزولا في قرص التحكم المتعدد لحد مانوصل للي نبي ثم نضغط OK
اما بالنسبه للعزل ، اذا كبرنا فتحة العدسه يصير فيه عزل للهدف عن خلفيته ، وتكلمت عنه وكيف في نشاط ، كيف اصور

....
اقلاع الحلوه:
كاميرتك هي
Canon powershot SX30






http://gold.eqla3.com//files/75/eqla3_1314171510.jpg

نضبط قرص الاعدادات على M
لضبط الحساسيه : نضغط زر ضبط الحساسيه ونغير بالاسهم
لضبط الوايت بالانس
نضغط زر
func.set
ونغير بالاسهم
سرعة الغالق : نحرك قرص التحكم المتعدد لحد مانوصل
shutter speed
فتحة العدسه : نحرك قرص التحكم المتعدد لحد مانوصل
aperture value

موفقين :)

أرجع 8dam
25-08-2011, 11:15 PM
تسلميين شط الطحل على الرد والله يوفقك دنيا واخره
بس قهر حقتي ما اقدر اتحكم بالاعدادات
ومره صانيه شكرا bp039pb094pb189
تعبناك ويانا :D:D

اسعدتييني بردك كثيير pb189pb189
لاني تعبت وانا ادور pb189pb189bp039

i ward
28-08-2011, 05:11 AM
,

يعططيك آلعآآفييه pb189


بججد بججد إسستفدت وأنآ مَ بعد شريت الكآم الله يسسهله يَ ررب pb094


الله يخخليك ويحررم يدينك عن النآر pb189


لروحك bp039

اقلاع الحلوة
01-09-2011, 06:10 PM
....
اقلاع الحلوه:
كاميرتك هي
Canon powershot SX30






http://gold.eqla3.com//files/75/eqla3_1314171510.jpg

نضبط قرص الاعدادات على M
لضبط الحساسيه : نضغط زر ضبط الحساسيه ونغير بالاسهم
لضبط الوايت بالانس
نضغط زر
func.set
ونغير بالاسهم
سرعة الغالق : نحرك قرص التحكم المتعدد لحد مانوصل
shutter speed
فتحة العدسه : نحرك قرص التحكم المتعدد لحد مانوصل
aperture value

موفقين :)



ششكرآآ ششط الحككــل ..

ششررح وآفي,,

جزآآآآآآآآككك ربي الجننه ,,pb189pb189

لكن عندددي سؤآل بسيط =$. ..

وشسمه
البوكيه اي خآصييه اسويه ! ...
يعني الp او اي خآصيه ! ..

وجزآآكك الله خيير pb189
ودي ..bp039pb189

لككbp039

bnt baby
02-09-2011, 06:00 AM
pb027

امانتتتن يعني فيه اشياء بكامي تو اعرفها :D<<<ذكااء

موضوع اسستفد منننه pb189

لا خلا ولاعدم

N E E N
03-09-2011, 02:15 AM
*

موضوعك جدا ببطططل قريته علي السريع ,
لي رجعة :$ .. ‘

Alnajla
06-09-2011, 07:27 PM
يعطييييييك ألففف عآفيه أخوي عالدرس ..

بس عندي إستفسآر بس مدري هو هذآ محله ولآ موضوع ثآني ,
وهو إني وأنآ احوس بالكآم إختفى صوت التصوير , و الصوره تجي على مرحلتين =/
كيف آعدله !!

شط الكحل
11-09-2011, 02:26 PM
خفوق العالميه
ماقلتي وش كاميرتك
وعلى كل حال شكلك حطيتي الغالق بطيء ، وبكذا الصوره تتاخر والغالق ياخذ وقت طويل عشان يقفل
عشان كذا معد سمعتي الصوت مثل اول .
....
اقلاع الحلوه
كبري فتحة العدسه

نبرة همس
12-09-2011, 12:17 AM
الله لا يحرمك الاجر يارب ..

درس و مرجع مفيد جدا ..

هدوء المطر~
15-09-2011, 01:32 AM
يعطيك العافيةة موضوع مره مفيد pb189

اذا ممكن إعدادات كاميرا سوني شبه الاحترافيةة
cyber-shot w750

صورهآ

http://snapsort.com/img/cam/sony-w570/sony-w570_angle_medium.jpg

http://snapsort.com/img/cam/sony-w570/sony-w570_back_medium.jpg

+طلاء اظافر+
15-09-2011, 10:43 AM
انا باناسونيك ليمكس اف زد 28 كيف اعداداتها

ام الهيل
17-09-2011, 10:19 PM
D3100 نيكون
هذي كميرتي توي شاريتها
ألقى شرح لها الله يعطيك العافيه

شط الكحل
24-09-2011, 02:58 AM
ام الهيل
ارجعي لاول الموضوع بتلاقين الشرح ان شاء الله
طلاء الاظافر وهدوء المطر لي عوده :)

تـولـيب
27-09-2011, 09:25 AM
ماشاءالله تبارك الله صراحه كفيتي ووفيتي
حمستيني اشتري كاميرا احترافيه واجي اطقطق معكم واتعلم
الله يوفقك يارب

Abdullah.fs
18-10-2011, 03:29 PM
ابداع يا شطح الكحل مشاء الله مجهود جميل جدا و متعوب عليه

نبض الاهلي
31-10-2011, 03:23 PM
شط الكحل يعطيك الف عافيه يارب

انا قبل امس اخذت canon 550d
س1\ ماعرفت كيف اضبط سرعه الغالق ؟ من وين يعني !
س2\ فتحت العدسه نتحكم فيها من قرص العدسه نفسها ؟

شط الكحل
31-10-2011, 09:47 PM
نبض الاهلي :
شرحت هذي الكاميرا في الصفحات الاولى من الموضوع

Oo9aLe7oO
05-11-2011, 02:07 PM
الله يعطيك الف عافيه
على الدرس
بتوفيق
[=

YA LEL
07-11-2011, 06:00 PM
ماشاا الله موضوع جميل والمحتوى اجمل :$ !
حبيت اسأل الحين كل رقم للفتحة العدسه يقول له سرعه معينه ؟
يعني مثل لو حطيت فتحة العدسه 2.8 لها سرعه غالق معينه تكون مناسبه اكثر من غيرها ؟
اذا فييه شي من هذا القبيل يا ليت تذكرين لنا كل فتحة عدسه وكم سرعه الغالق المناسبه لها اكثر من غيرها 3>
الكام : Lumix fz 40

ديـور
18-11-2011, 10:47 PM
يعطيك العافية

موضوع متعوب عليهمن جد


حبيبتي حابه اسال لو ابي ارجع الكام للاعدادات اول ما فتحتهااا قبل احوسهاا

لها طريقة معينة ...


لا هنتي و تحملينااا الله يوفقك

هدوء المطر~
24-11-2011, 05:36 PM
يعطيك العافيةة موضوع مره مفيد pb189

اذا ممكن إعدادات كاميرا سوني شبه الاحترافيةة
cyber-shot w750

صورهآ

http://snapsort.com/img/cam/sony-w570/sony-w570_angle_medium.jpg

http://snapsort.com/img/cam/sony-w570/sony-w570_back_medium.jpg

:)bp039

شريت كاميرا جدي
29-11-2011, 10:28 PM
امووووت واعرف

كاامي ليه محد يجيبله طاري

لابشرح ولا بدروس ولا بشيين ابد

لهالدرجه معفنه وانا مغشوشه فيها ..ولا وش السالفه ؟؟

http://http://www.blogcdn.com/www.engadget.com/media/2011/04/d5100set2hedreal01.jpg

http://www.blogcdn.com/www.engadget.com/media/2011/04/d5100set2hedreal01.jpg

Nikon D5100

والله توني فرحانه فيها وشكلي بكرها pb131 :sm1:

ماشاااءالله عليك اختي شط الكحل ابدعتي

وكفييتي ووفيتي والله حتى لوك طمررتي كاميpb093

شط الكحل
29-11-2011, 10:53 PM
ياليتكم بس تقرون الصفحات الاولى قبل لا تحطون اي مشاركه :d
شريت كاميرا جدي :
اقري الصفحه الاولى ... رد رقم 4 !
وامسكي كاميرتك وطبقي وشوفي وش يصير معك :)
....
ديور :
رجعي كاميرتك لوضع الاوتو وبس .
الا في حاله تبين تعيدين الضبط من جديد .. وهو انك تمسحين كل شي سويته في الضبط
وبترجع لك الكاميرا كانها اول ماشريتيها وساعات تفقدين بعد الضبط .
...
Ya lel
هو شي نسبي ... تقدرينه حسب ظروف الاضاءه في المكان اللي انتي فيه وحسب نوع الهدف
يعني مااقدر اقول لك حطي فتحة عدسه معينه وغالق معين لكل الظروف
بس دايم حطي في بالك : اذا فتحة الهدف ثابت مو متحرك والاضاءه جيده .. اذا كانت فتحة العدسه كبيره مثل 2.8 فالغالب تكون سرعة الغالق متوسطه مثل 125
لكن بتصورين شي متحرك وتبين تجمدينه .. تسرعين الغالق وهكذا .
....

شريت كاميرا جدي
30-11-2011, 12:21 AM
والله قرييت كل الصفحات

وطبقت سرح 5000 على كامي

بس ماحس بتغيير

مدري وش السالفه مو راضيه تضبط معي :(

شط الكحل
30-11-2011, 12:42 AM
تاكدي انك حاطه الكاميرا على وضع المانوال ( اليدوي ) M
وغيري الغالق Shutter
وفتحة العدسه Aprature
والحساسيه ISO
حاولي تغيرين القيم بشكل اكبر عشان تلاحظين الفرق

شط الكحل
01-12-2011, 05:11 AM
الاجابه على بقية الاستفسارات وعذرا على التأخير
املي ربي :
Sony DCS-HX1
تستطيعين تغيير الاعدادات والتحكم بالفوكس

http://a4.sphotos.ak.fbcdn.net/hphotos-ak-ash4/384774_207151702697003_100002065247234_449948_1664 43423_n.jpg


Tortina :
تقدرين تغيرين الاعدادات
Canon 210

http://a1.sphotos.ak.fbcdn.net/hphotos-ak-ash4/384774_207151716030335_100002065247234_449950_2068 079650_n.jpg

هدوء المطر :
قعدت احوس واحوس واكتشفت انك الظاهر ملخبطه في اسم الكاميرا :D، على كل حال اذا هي sony cyber-shot w570 فهي full auto يعني ما تقدرين تغيرين الاعدادات بنفسك
الاعدادات تتغير حسب الحساس وش يعطيها من قراءات .
..
طلاء اظافر :
panasonic limux fz28

http://a6.sphotos.ak.fbcdn.net/hphotos-ak-ash4/384774_207151712697002_100002065247234_449949_5352 93776_n.jpg


الغالق وفتحة العدسه بتتغير عندك من اللي كأنه مسطره
...
اميره مميزه :
canon 1100D هي الاصدار الجديد من canon 1000D راجعي طريقة تغيير الاعدادات في الصفحة الاولى .

نوني
01-12-2011, 03:50 PM
السلام عليكم


عندي كام كانون 450 دي


كيف اضبط الاضاءه واوازنها قبل لاتروح عني اللقطه

احيانا تطلع مايله للازرق واحيانا مظلمه


ايش الحل واحطها ع اي وضع ؟

شط الكحل
01-12-2011, 05:47 PM
هذا شيئين مختلفين .. الازرق يطلع بسبب الوايت بالانس غيريه لحد ما تطلع معك الصوره افضل
وظلام اضبطي بقية الاعدادات مثل ما شرحت في الدرس

راجعي شرح 550 لان في تشابه كبير جدا
واي سوال انا حاضره

5lk b3eed
02-12-2011, 08:33 PM
السلام عليكم اختي

ربي يعطيك العافيه
بس بسألك عن الاعدادات في كاميرا nikon d3100 الحمدلله من شرحك فهمت
بس ابي اذا جيت اصور تصوير سريع ومتعدد مثل السبلاش مثلاً وشلون اضبطها ع التصوير السريع
وابي اتحكم بسرعه الغالق وشلون !

وبعدين..
25-12-2011, 10:14 PM
ثانكس الوت
س حابه اعرف اقدر امسح اي جزئية في الصورة مابيها وكيف احط لون الصورة بس ابيض واسود

شط الكحل
25-12-2011, 11:40 PM
^
الاعدادات التقنية للكاميرا شرحتها في الصفحات الاولى
وغير التقنيه ( اي اللي مالها علاقه بضبط شي في الكاميرا نفسها ) هذي في موضوع الاستفسارات :)

• بي ضيمك •
06-01-2012, 06:41 AM
الله يسعد قلبكِ على هالدرس المفيد جدا pb189
الله يجزاكِ الجنة و والديكِ أتمنى من قلبي تزوديني بشرح لكانون 600 :( pb189
http://www.moshtry.com/images/articles/canon-eos-600d.jpg
بأكون شاكرة لكِ من كل قلبي :o pb189
سمي / bp039

فيروزا
06-01-2012, 08:56 AM
لو اصور سبلاش واضائتي منخفضة ، هل لو رفعت الايزو يعوض عن الاضاءة ولا لازم اضائة عالية؟!
جربت مرة بإضاءة بسيطة وطلعت الصورة سودااااا ، لان الشتر عالي وظلمت:(

غسق
12-02-2012, 10:35 PM
في تغير الاعدادات بكاميرا 550كانون، بالوضع منوال يتغير معاي فقط الشتر ، فتحه العدسه ماتتغير ؟

Miss Mno
21-02-2012, 09:29 AM
-

الله يعافيكم كيف اضبط الاضاءه تبع نيكون d5100
وبرضو حابه اعرف اعداداتهآ

r k a z
03-03-2012, 10:00 AM
_

رووًعه مًاشاء الله عليكك pb189
يعطيك العافيه , تسلم يمينك bp039

قرشانيهـ
07-03-2012, 04:09 PM
دروس حلو من جد
وترتيب ولا ارووع
بس اتوقع م يخدم الكل يعني ع حسب الكاام

امم,,بنسبه لي انا ناايكون بي500

ومن جد م اعرف فيهاا ششي ><

فاطمة للشنط
10-03-2012, 07:19 PM
كيف اعدل صوت الفديوو لأن سجلت فديوو الصووووت معدووم كيف اعدل الصوت في كانون 550 ؟؟؟

موزان
19-05-2012, 10:53 AM
السلام عليكم ورحمة الله وبركاته
مشكورة على الدرس الرائع ..
صراحة تعلمت أشياء ماكنت أعرفها ,,

شكراً

كروهآت
20-05-2012, 02:38 PM
عووووووووووافي

A B E E E H
23-05-2012, 02:57 PM
مرجع حلو صرآحه bp039 تسم دياتك .. pb189
بس مآفيه شرح لـ كآنون SX40 HS

:(

عـششقـيے عيونەه
25-05-2012, 09:57 AM
شككككككككرا ماقصصرتي
شرح وافي وجميل :*

! P a i n
28-05-2012, 03:42 PM
روعه ماشاء الله
يععّطيك العافيةة [bp039]


.

كونك قريب !
03-06-2012, 02:38 AM
يعطيج العافيه :)

استفدت

fawadof
05-06-2012, 10:53 AM
يعطيج العافيه

White Apple
10-06-2012, 03:11 PM
في تغير الاعدادات بكاميرا 550كانون، بالوضع منوال يتغير معاي فقط الشتر ، فتحه العدسه ماتتغير ؟



اضغطي الزر اللي عليه حرف كيو كبتل q
بعدين حركي بالاسهم :)

صرصورآ
10-06-2012, 04:51 PM
سلاممم يآحلوين :) ~

آخباركمم

آممم آبغى آعرف كيف أظبط أعدادات الـ p
في كام كانون ألف وميه !

أنا ما استخدم إلا هالوضعيهه
ؤش تنصحوني أخلي أعداداتي فيهآ ؟
من ناحية إلـ iso الـ
واالاضاءه !


تكفون ردو لي :( ~

تميزني بسمتي77
14-06-2012, 07:25 PM
يعطيك العافيه ..

ظيب كيف أضبط العزل والغالق والمايكرو بنكيون p510 """(
يسعدك ربي

Haboob
23-06-2012, 03:48 AM
ماشاء الله تبارك الرحمن :sm5::sm5::sm5:pb189
درس متكامل روعة روعة روعة ربي يسعد هالقلب
كفيتي ووفيتي , جد موضوع مفيد وبقوة pb189
بكل تفاصيله بيرفكت , بسم الله عليك أبدعتي ياجعلك الجنة .
عندي سؤال ياحبي لك :
انا كاميرتي 550d كيف أظبط الإيزو ابي ينزل عن الرقم المحدد
حاطة وضعية M والعدسة يدوي MF بس يتغير :(
الله يسعدلي إياك تعبناك ويانا pb189pb189

amona1989
18-07-2012, 01:19 PM
مرحبا

لو سمحتم يا اهل الخبرة كاميرتي كانون 550 دي لعبت بالاعدادات لعب صارت تلقط الصورة بشووووووووووويش وبعدين تطلع كلها بيضاء

ابي امسح كل الاعدادات اللي سويتها عشان ترجع كانها جديدة ؟

او اللي يعلمني ايش الاعدادات اللي اسويها له دعوة من قلبي ؟

وشكراااا

أمنيآت ~✿
23-07-2012, 11:44 PM
شرح وافي واستفدت منه كثييير يعطيك العافيه

ممكن اعرف افضل الاعدادات للبورتريه كام كانون 550d

فضلا

5aloo9a
27-07-2012, 07:13 AM
موضوع رائع + مجهود جبآآآآر
بصراحة كثير مفيد هالدرس للمبتدئين مثلي يعني pb095
الله يعطيك العافية
آمسكي pb094 bp039

عاشقة فن الكويت
06-08-2012, 02:28 AM
كام كانون ألف وميه دي

موعارفة شيء فيها أبدآآ؟

ياليت أحد يفيدني

مشكورةع المجهود المميز

Shropi
07-08-2012, 02:18 AM
موضووع ولا اروع
ومعلومات مراا مفييده
بس اختي شط الكحل ابغى اعدادات كاميرا canon D60
الله يوفقك

عاشقة فن الكويت
07-08-2012, 09:07 PM
كامي كانون ألف وميه دي

موعارفة شيء فيها أبدآآ؟

ياليت أحد يفيدني

مشكورةع المجهود المميز

i3amr
17-08-2012, 08:43 PM
نجي نتكلم عن نيكون


نبدأ الكلام بـ NIKON D5000 :

http://gold.eqla3.com//files/45/eqla3_1291726655.jpg

نحط الخيار على M في قرص وضعيات التصوير ونضغط زر ضبط فتحة العدسة ونحرك قرص التحكم ونغير فتحة العدسة . ونحرك مفتاح التحكم المتعدد ونختار ISO ونغير الحساسية ثم نضغط OK
وننتقل للغالق ونغيره باستخدام قرص التحكم .
لضبط الوايت بالانس : نضغط قرص معلومات الاعدادات ونحدد WB ونغير.
وهذا باختصار شديد بعد :D





معي كآم D3100 نفس آعدآدآت هذي بآلظظبط ..
وآذآ حطيت الخيآر على حرف M يصصور آبيض و آسود :(
شلون آخليهآ تصور ملون pb093 pb189pb189

خوخه الشرقية
23-08-2012, 08:14 PM
للآسف مفي شرح لي كآنون 650

رذاذ المطر11
02-09-2012, 05:10 AM
مشكووره علي الدرس الجميل
بس ممكن شرح لكانون 600d

او تكون تابعه لاي كاميرا

~~ترف
03-09-2012, 07:35 AM
ممكن شرح لـ كآنون d1100 ؟؟؟؟

تومي~
04-09-2012, 11:23 AM
انا كامي نيكون دي 5100
ومن سنة شاريتها ودايم استخدم الاوتو
لاني ماعرفت كيف اغير الاعدادات اليدوية في وضع المانيوال :/
زي الايزو وفتحة العدسة وكذا
اللي يعرف لا يبخل علي :(

mamt d7omy
07-09-2012, 11:19 PM
انا كامي نيكون دي 5100
ومن سنة شاريتها ودايم استخدم الاوتو
لاني ماعرفت كيف اغير الاعدادات اليدوية في وضع المانيوال :/
زي الايزو وفتحة العدسة وكذا
اللي يعرف لا يبخل علي :(

مي توووو ياااريت نحتاج نتعلم وبالصور او يوتيوب يكون افضضب

Asom
09-09-2012, 03:27 AM
ماشاء الله شرح وافي واستفدت كثيرررر
يعطيك العافيه

(بنت الشيوخ )
16-09-2012, 05:30 PM
موضوع رائع

R...H
08-10-2012, 05:03 PM
الله يعطيك العافيه ع الموضوع

انا عشقي التصوير وللاسف ماوفقت بالكاميرا

كاميرتي كانون d1100 ماكنت اعرف ان فيه انواع افضل
لان اخوي طلبها لي من امريكا

وهاذا الشي الي محطمني :(

المهم ماعلينا بتعلم عليها واذا سنحت الفرصه بغيرها :)

ايش الاعدادات الي اسويها اذا جيت بصور قطرة الماء ؟
وايش افضل اعداد لتصوير الاطفال ؟
وهل نوع كاميرتي تطلع الصور حلوه ولا اي كلام ؟

تحمليني توني مبتدئه وقاعده اتعلم

آحلى قمر !
21-10-2012, 08:56 PM
كيف اضبط اعدادات فوجي فيلم hs30
دخخخت معاها معقدة حيييل ودورت في قوقل ماحصلت شرح عربي لهاا
هيلب مي بليز

نبض الصبا
17-12-2012, 03:25 PM
حسيت حالي كان قدامي رموز وقدرتي بشرحك انك تفهميني وتوصلي المعلومة
بس لازال عندي مشكلة
كيف اضبط فتحة العدسة عالغالق والايزو
يعني اشوف صعوبة كبيرة جدا ..
يعني ممكن تعطينا امثلة على هيك شغلات كمثال فقط
انو تكون فتحة العدسة برقم والحساسية والغالق
يعني مثال
وشكرا لك
كام كانون 600

khlood-1D
15-01-2013, 03:53 AM
الله يوفقك موضوع متعوب عليه
افادني كثير

شقراء برونزيه
18-01-2013, 01:16 AM
يعطيك الـعععـآفيـهةةً ,,

شقراء برونزيه
18-01-2013, 01:19 AM
الله يعطيك العافيه ع الموضوع

انا عشقي التصوير وللاسف ماوفقت بالكاميرا

كاميرتي كانون d1100 ماكنت اعرف ان فيه انواع افضل
لان اخوي طلبها لي من امريكا

وهاذا الشي الي محطمني :(

المهم ماعلينا بتعلم عليها واذا سنحت الفرصه بغيرها :)

ايش الاعدادات الي اسويها اذا جيت بصور قطرة الماء ؟
وايش افضل اعداد لتصوير الاطفال ؟
وهل نوع كاميرتي تطلع الصور حلوه ولا اي كلام ؟

تحمليني توني مبتدئه وقاعده اتعلم



سوري بس كاميرتكك بطلهً وتصوير قططرآآتً الممممـآء
فيـههآ حلوو ومو معناته انو في افضضل تكوونً سيئـهً
طبـعآ لأآ وتقدر تتغيـر العدسسهً بالـآستخدام الـي حابهً

pb189 pb189

ofilia
24-03-2013, 08:44 PM
حبيبتي يعطيك العافيه ع الشرح الوافي.. انا كاميرتي كانون اس اكس باور شوت 40
كيف اضبط اعداداتها ؟ مايطلع لي كلمة shutter ? ,
واذا ابي اصور بورتريه وأشخاص كيف الاعدادات؟

ضاعت الاسامي
04-04-2013, 04:28 AM
مشكوره اختي علي الشرح
انا كاميرتي كانون 1100d اعداداتها بالعربي
وماعندي خبره بالتصوير
فودي تخبريني الاعدادات الصحيحه للتصوير ياليت بالعربي عشان اطبقها
لان اووقاات اذا صورت تصير الصوره مشوشه ومو واضحه الملامح خاصه للاشخاص
انقهر مررره

ابي اعرف اصور ولا لقيت احد يخبرني الاعدادات الصحيحه بالعربي
ان شاء الله القاها هنا

رورو11
05-04-2013, 02:45 PM
لاهنتو انا كميرتي d600مع كثرة التصوير وتغير الوضعيات صار تصويرها جدا سيئ سوديتلها اعادة ضبط المصنع ولازالت المشكلة تقريبا يطلع تصوير زي هالصوره

http://www.qzal.net/01/2013-01/13651618891.jpg (http://www.qzal.net/)

:(

وطفى
29-04-2013, 04:33 AM
السلام عليكم
مررره مافهمت شي , مو عارفه اضبط الاعدادات !!

نسمة مطر
01-05-2013, 08:37 AM
السلام عليكم ..
عندي كمير canon d1100
لما أجي أصور صور الأشخاص ما تكون واضحه ! تجئ الصور موشوشه !
الشي الثاني لما أجي أصور أحس الصوره تميل للون البرتقالي الفاتح !
الشي الثالث كيف اقدر أصور صوره مع طريقه العزل ؟
الله يفرج هم اللي ترد