PDA

عرض كامل الموضوع : اجتمآعيه || بنت عمي وتطنيشها لي :(


مايؤرقنا
09-11-2010, 06:43 AM
http://img440.imageshack.us/img440/8107/9o9ib46b62f892.png

مايؤرقنا
09-11-2010, 06:46 AM
البيانات الشخصيّة :

العمر 20 :
الجنس : ( أنثى )
مكان الإقامة : .... الرياض
هل هي مدينتك الاصلية ام منتقل لها الأصلية : ....
الحاله الاجتماعيه : (عازبـ/ـة )
مستوى التعليم : ........ ثـانوي . توني ماخلصت الجامعه
نوع الوظيفـة : .........ادرس
الحالة المادية : (متوسطة

البيانات الأسريّة :

نوع السكن : .........فيلا
عدد الترتيب بين أفراد الأسرة : ......... الخامسه
عدد الأخوة والأخوات: ......... ست بنات وولدين
عمر الأب : ....53...... عمر الأم ....52........
مستوى تعليم الأب والأم ؟ .......جامعي ...
الجو الأسري في البيت ( العلاقه بين الاب والام ) : ..................مستقر ولله الحمد .........
هل يوجد زوجة أب أو زوج أم ؟ : .........لايوجد
هل يوجد أخ أكبر في المنزل ؟ : .......... نعم يوجد
هل يوجد أعمام أو أخوال مقربين يمكن اللجوء اليهم ؟ : .....نعم ..........
طبيعة علاقة صاحب المشكلة مع بقية أفراد العائلة : ............. جيده ............
الجو الاسري بشكل عام في التفاعل : (التواصل متوسط )



البيانات الطبيّة :

هل يوجد أمراض عضوية تعاني منها ، وماهي ؟ : ........لايوجد..........
هل يوجد أدوية تستخدمها حالياً ، وماهي ؟ : ..................لايوجد
هل يوجد أحد قريب بالعائلة يعاني من نفس مشكلتك : ..................مدري
الحالة الصحية في البيئة التي تعيش فيها من ناحية الحي ومن ناحية خدمات المستشفى في المنطقة :
( ممتازة)

البيانات الدراسيّة :

العمر عند الدخول للمدرسة : .....6....
عدد مرات الرسوب ولا مره الحمدلله : .........
مستواك الدراسي على مختلف المراحل الدراسة ( ممتاز)
علاقتك مع الزملاء في المدرسه / العمل جيده: ..................
هل واجهتك ظروف أثّرت على أي مرحلة من مراحلك الدراسية : ..... لا ولله الحمد

البيانات الإجتماعيّة :


هل هناك أي أنشطة أو ممارسات تتقنها : ....الأعمال اليدويه والمطبخ
هل لديك قابلية للاختلاط الاجتماعي مع أبناء الحي وزملاء الدراسة والعمل
أم تفضّل الانعزال : ....ايه
كم عدد ساعات جلوسك مع الناس : .مافيه وقت معين... وساعات جلوسك لوحدك .... ، وبعد مافيه وقت معي
وكيف هو شعورك في كلاهما : ...ماتفرق معي السالفه مرره لكن حلو احد يرد الصوت


؛





* أذكر مشكلتك الآن :
السلام عليكم

بقول لكم جزء من مشكلتي :

أنا ولدتني ام طيبه وحنونه مانكر هالشي لكني مذكر اخر مره ضمتني او فضفت لها احس فيه حاجز كبييير من عرفت نفسي كل ماجيت بحاول اقولها عن شيء مضايقني ياتهزائني يا تضحك علي فتولد عندي توتر من قول الصراحه وصلت هالعمر ومقدر اقول الشيء اللي مضايقني كامل او اي شيء خاصة للناس اللي تعرفني شخصيا احس بيضحكون علي بيهزائوني وضعفت ثقتي بنفسي وثقتي بالناس .

وأمي من طلعت ع الدنيا علقتني ببنت عمي دايم تقولي مالك غيرها هي بنت عمك ووو فخلاص كبرت وبمخي بنت عمي هي كل شيء احببها مرره . كل شيء اسويه بحياتي لازم اعلمها لازم تكون معي بكل شيء حتى لبسي قصتي هي تختاره الشيء اللي يعجبها اسويه احبها مرره بس هالبنت عم ماتهتم لي اببد ساحبه علي احاول اسووي كل اللي يرضيها كل ماطلعت احاول فيها تروح معي ولين عيت لازم ارجع وبيدي لها هديه كل مناسبه لوهي عاديه اسوي لها فيها شيء ولين جاها احد ودريت لازم يكون لي دور لازم كل شيء تتوقعونه سويته لها لكن بعد مافاد ماتهتم ماتبين لي ولا جزء من الاهتمام كل ماقلت شيء قالت انتي تفكيرك غبي انتي وانتي وبقولكم مثال :

هي بتسوي شغله وماتقدر قلت لها خلاص ارتاحي خليه وقت ثاني ولا انا اسويه عنك ولا يهمك قالت لي اوش انتي غبيه وش هالتفكير وبعدين وش دخلك ضاق صدري وقتهااا مرررره مرره مرره ماتضدقون قد ايش احاول ارضيها بكل شيء والله حاولت اكسبها ماقدرت


تخيلو اشتركت بمعهد وسويت لها وكل بنات عمي معي وصرت اوديهم وارجعهم معي
تخيلو لمن رحنا صارو يروحون مجموعه ويطنشوني ولين تكلمت مايعبروني كنت احسب بكسسبها لمن كلنا مع بعض مادريت كذا بيصير رجعت منقهره حتى اللي ماحس حس وسالوني ليه كذا حسيت اني منبووذه

والحين لين صرنا مجموعه ممكن تسال الكلل بس انا تنطني ولا ماكاني موجوده ولا تعطي كلامي اي اهميه


وحتى لو بيطلعون كل مجموعه بنات عمي ادري بالصدفه طبعا حتى هي ماتفكر تحرص علي زي ماحرص عليها

يمكن صدق انا منبووذه واكد لي اني منبوذه مواقف ثانيه عنها بذكرها لكم :

يومني صغيره كنت جالسه معها وكنت بقمه وناستي مالكه الدنيا باللي فيها جت اختها قالت لها باذنها سالفه وهجو وراحوو وخلوني جلست اصيح عند امي ان راحت وجلست فترره واكتشفت ان بنات عمي الثانين عازميهم ولا يبوني :> معني والله اني منب شينه وطيبه واساعدهم
وحتى امي لمن درت طبعا مو مني درت مدري من مين ماقدرت تحسن صورتهم قدامي


حتى مرت عمي " أمها" تحاول تسوي حاجز احسسها تكرهني يومني صغيره طاردتني من بيتهم امها :>
يعني انا بزر مدري ليه تطردني بس صحت من الروعه ولا قدرت اقول لأحد خفت ان لو قلت تصير مشكله
ولين عزمت وصارت البنت عندي تدق كل شوي مدري وش مسويه لها صارت الحين معد تجي ولا تعتب بابنا وكل شيء تقولهم لا يعلموني اياه


لو اناديها طلعت لي مليون عذر وعذر


مواقف كثيييره وتقهر اكثثثر واككثثثثر



بتقولون لي علميها ان تحبينها علمتهااا وكلن يدري وش كثر اعززها وقايلة لها مابقا شيء ماسويته
حتى تطنيش طنشت بس والله ماثر فيها ولا فكرت تسال عني ولا تشوف وش فيني ولا ايش

لكن مدري ليه اعزها واقدرها غير عن الكل ع كل اللي تسويه فيني


وع فكره انا عندي بنات عمي بالدنيا ماقد قصرت بحق ولا وحده فيهم وبالذات هالبنت عمم

لكن كلهم يعاملوني موب ذاك الزود وبالذات هي
معني والله العظيم اعاملهم زيين وابديهم ع كل شيء واعطيهم وكلن يشهد بكذا

حتى كثير قالوو لها بنت عمي ياحظها فيني :>

مرره نفسسيتي تعببت واثر ع تعاملي مع الناس صرت شخص محد يتحمل يجلس معها

وصلت لحاله الكئابه وكرهت الناس والجلسه معهم مرره صرت اتعبب هالفتره بالذات ماعد اتحمل احد حتى نفسي



وبعد محاوله مني مررره وطووله صبر قدررت اقول لامي ابي اروح دكتور نفسي لكنها عارضت قالت تعالي واحكيلي انا امك اولى
حااولت ابدا مع امي لكنه صعبب هي كونت براسي فكره معد اقدر حاولت مررره مرره بس فشلت
حاولت ابدا مع خواتي لكن بعد ماقدرت

وحاولت اقولكم وبعد ترددد شديد قدرت اكتبها وبعد بكتابه متششتته لكن حاولت اكتب ولو جزء فهذا تقدم بالنسبه لي


وش اسوي تكفون ساعدوني

بعد ذكر المشكلة :

مدة المشكله من بدايتها الى الآن : .........من بديت استوعب الدنيا
تأثير المشكلة هل يمتدّ للمحيطين بك أم أنّ أثرها لا يتعلّق إلا بك : ...لي بس
هل سبق وراجعت مختص أم لأ : .........لا ماراجعت
إذا كان هذا حديثك الأول عن المشكلة ، فما هو سبب لجوؤك لطرحها هنا : ...لأني محتاجه احكي
مدى شدة المشكلة : ( تعيقك عن أنشطة الحياة


* اكبر عائق يعيقك عن النجاح ؟
عدم اهتمام بنت عمي لي
* أبرز الأشياء التي تسبب لك الخوف ؟

الصراحه و بعد بنت عمي عني
* أبرز الأشياء التي تساعدك على التفاؤل وتدفعك الى المحاولة وعدم الفشل ؟
وجود اهلي وبنات عمي
* هل هناك مواقف سلبية .. عالقه في ذاكرتك وتؤثر على عطاءك ؟
اييه

* نقطة قوّة لديك ونقطة ضعف ؟

نقطة قوه : وجود ربي , اهلي ، والناس المهتمه لأمري

نقطة ضعف : بنت عمي l

مايؤرقنا
09-11-2010, 06:47 AM
" إنّ مع العُسر يسرا "
وحدها كافية لنُدرك أنّ كل شيء سيمضي، سينتهي.. الفرق هو في شكل النهاية، كيف ستكون؟ وكيف سنكون حينها؟
الإنسان مُعرّض للمشاكل والضيق كيفما كانت وفي أي وقت يشاؤه الله. وهذه إشارة من الله إلينا أن في الضيق حكمة، وفي الحزن حكمة، وفي الظروف الصعبة حكمة أيضاً
قد تكون إحدى حكمها هو العودة إلى الله، التضرّع إليه.. والتقرّب منه
علاقة الإنسان بربّه لابدّ أن تكون مستمرّة، حية في كلّ ثانية ، فلا حول لنا ولا قوّة الا به سبحانه
..
تعرّضنا للمشاكل نداء من الله إلينا، كي نعود إليه ، نسأله الفرج، ونستغفره ليتوب علينا.. فلا ضيق سيُفرج إلا بالتذلل له وصدق الانطراح بين يديه


مالذي عليك فعله حين تكون تحت وطأة المشاكل؟

عليك أن تقوم بمراجعة نفسك، المراجعة الشفافة الصادقة، التي تجعلك صريحاً في النظر إلى تقصيرك..
عليك أن تؤمن أن الله هنا، يسمع العبد حين يدعوه، ويمدّ نعمه حين يرجوه.. فاسعَ إلى ذلك
جدّد توبتك، واعمل على تصحيح أخطائك مع الله، في صلاتك.. في خُلقك.. في كلّ ما يربطك به ومعه
تمسّك بصلاتك، حافظ عليها، اجعلها جوهرتك التي تحميها من شرّ الدنيا، لتحميك من عذاب الآخرة
اجعلها ملاذك وملجؤك الذي تفرّ إليه من ضيق الدنيا وكدرها لتنعم براحة وسعادة عظيمين ، حتى تكون قرّة عينك فيها
اعلم أنّ صلاتك هي ركيزة دينك، وهي طريقك للتواصل مع الله بلا حاجز، وهي حجابك الحاجز عن الفتن والمعاصي، وأنها من ستحميك من الوقوع في أي ذنب تعلمه ولا تعلمه
وتذكّر أن دينك يقوم عليها، وأنها أول ما ستُسأل عنه، وأنها البطاقة الأولى التي إن نجحت في المحافظة عليها فالدنيا نجحت في جعلها كافية للعبور بسلام في الآخرة
ثق بأنّها راحتك، أمانك، وأنها الوسيلة التي تقوّيك أكثر، وتجعلك صامدا أكثر، واثقاً بالله وبأنّه معك وسيعينك على تجاوز محنتك
رطّب لسانك بذكر ربّك، استغفره قدر ماتستطيع.. واعلم أن استغفارك خير لك، وأن استغفارك هو فرجك، هو وقودك للحفاظ على الأمل
وقُم بدعاء ربّك كثيراً.. فدعاؤك هو حديثك مع الله، اسأله ماتُريد، ألحّ عليه في الدعاء، وثق أنّ دعاءك لن يخيب، فالله يحفظ دعاءنا له، وسيحقّقه لنا هُنا أم في الآخرة
فإن كان الخير أن يتحقّق دعاؤنا في الدنيا فسيحقّقه الله، وإن كان الخير أن يتحقق في الآخرة فسيحفظه الله لنا للآخرة بأي شكل يشاء
تذكّر أن الدعاء في كلّ وقت هو خير، وأن عظمة الدعاء ومكانتها عند الله جعلته يُخبرنا أن آخر ساعة من يوم الجُمعة مستجابٌ فيها الدعاء، وأن الدعاء بين الآذان والإقامة كذلك، وفي جوف الليل أيضاً
تذكّر قول الله: [ ادعوني استجب لكم ] .. هذه الآية وحدها كافية لنؤمن أن الله لا يخيب ظنّ عبده به، فاحسن الظنّ بالله

لا تنسى أيضاً أن تجعل الاستخارة رفيقك في كلّ وقت، في كل مرحلة من حياتك.. وحتى حين ترى نفسك في مشكلة أو محنة
استخر ربّك فيها، واطلب منه إن كان في تلك المحنة خيراً أن يُريك إياه، وأن يجعلها قوة لك، زيادة في خبرتك في هذه الحياة لتُحسن التعامل فيما بعد في كل ما يواجهك
تصدّق كثيراً بنيّة الفرج، بنيّة الخير، بنيّة السعادة.. واعلم أنّ الصدقة تُطفئ غضب الربّ، وأن محنتك مشيئة من الله، فتصدّق وادعو ربّك ألا تكون هذه المحنة غضبا من الله عليك

أخيراً.. تذكّر:
[ ومن يتقّ الله يجعل له مخرجاً ]
وتذكّر:
[ ومن أعرض عن ذكري فإنّ له معيشة ضنكا ]

الخيـّـال
09-11-2010, 07:23 AM
بنت عمك .. واي علاقه .. بغض النظر كيف بدأت .. طالما انها مو مناسبه .. فآكيد مايحتاج احد يتوقف عندها ..
حتى لو تربيتي على هالشيء وعشتي حياتك على جلستك معها وكلامك معها ..

مو شرط تلتزمين فيها على اساس انك ماعندك الا هي .. ممكن ماتلتزمين فيها وتكونين اجتماعيه اكثر ..
ودائماً من يحاول يدخل في علاقات .. انه يخرج للناس .. مافي احد كسب علاقه وهو لوحده .. لابد يكون فيه من يأخذ ويعطي معهم ..

ماظن لابد تعتبرين ان هالعلاقه شيء اساسي لكِ .. هي مجرد صله مع شخص ممكن تكون مع غيره ..
هذا من ناحيه .. من ناحيه ثانيه .. بخصوص الوالده .. انتي لا تحطين الحواجز بسبب مبررات سابقه .. حاولي انك تكونين دافع انك تتواصلين اكثر ..

كيف تكونين دافع ..انك تركزين على الاشياء الايجابيه .. مثلاً اهتمامها وانها اعطتك مساحه للتعبير .. وغيره....
يعني بهالشكل بتوصلين انك تصارحيها باي شيء .. فلا تبقين على ليه انا ما اقدر اتواصل معها ..

يمكن انتي بشكل كبير واضح انك متعلقه بالماضي .. من ناحية الاسباب ومن ناحية المواقف ومن ناحية وقتك الحالي برضو ..
فحاولي انك تخلقين شيء جديد .. سواء بدايه جديده او تفكير جديد او علاقات جديده او تواصل جديد .. لا تستمرين تبنين على الماضي ..


بالتوفيق لكِ ..

ALW3JD
09-11-2010, 07:45 AM
وش الشي اللي بينقصك لو كانت علاقتك ببنت عمك سطحية (وبكل بنات أعمامك من غير تحديد) ؟

اللي قريبته هنا انك وحدة طيوبة بذلتي وسعيتي لين قلتي آمين لأجل تكسبين ود بنت عمك ..
لكن الحقيقة هي وحدة ماتقدر أو بالأصح ماتستاهل كل اللي سويتيه ..

صدقيني هي أصغر من انها تعقدك أو تسبب لك مشكلة في حياتك ..
انسيها أو بالأصح طنشيها وشيليها من بالك نهائيا ..
وحطي في راسك مبدأ ان "اللي مايبيني ماابيـــه"
وكوني صداقات مع بنات ثانيين مو شرط يقربون لك ..

تأكدي الحياة عمرها ماوقفت عند أحد bp039

ربي يرزقك بصديقات طيبات نقيات مثلك pb189

’ [ رُ ]
09-11-2010, 07:53 AM
-


مو شرط صديقتك تكون بنت عمك !
مُمكن وحدةة معك بِ الجامعه أو أو .. pb189
أنتي ليه حاصره نفسك بينهم ؟
صدقيني هم ماسووا كذا إلا لأنهم يدرون انك متعلقه فيهم :(
طنشيهم .. مو لازم كل جمعه تروحين .. :sm5:
لاتسألينهم بِ كل شي تبين تسوينه .. ولا تعلمينهم كل شي عنك ..
عيشي حياتك الخاصه , خلي عندك صديقات ,
تطلعين معهم , تتمشين معهم , تفضفضين لهم pb189
لا تخلين كل حياتك " بنات عمّك "

P R O !
09-11-2010, 08:00 AM
.. / bp039



تدرين ليه تطنشك .! لآنك نشبه اسفه اذا كلمتي بتجرحك
بس صدق هي ماتبي وحده تغثها وكل شوي تتصل
ووين رحتي وبروح معك معروف الانسان اذا شاف احد
يتقرب منه ومايحافظ على كرامته ينبذهـ
خذيها مني طنشيها قد ماتقدرين وعيشي نفسك بجو ثاني
ادخلي مواقع تعليم طبخ مكياج اتكيت تعلمي اللغه الانجليزيه

يعني ليه عيشتي نفسك حولها !
حصرتي علاقاتك عليها مع اني مااشوف فيها شي زين من كلامك ؟
وبعدين وش الشي اللي يستدعي تروحين دكتور نفسي ؟
عشانهم مايبونك ؟ ماوقفت الدنيا عليهم بالعكس اشوفهم بنات ردياااات
لـ ابعد درجه حركاتهم حركات اطفال وعقولهم صغار يتنحشون عنك !
وكآنهم بنات روضه :)

وين صديقاتك وين خواتك اسمحيلي هذا ضعف منك حصرتي عمرك عليهم
وهم مب كفووو ابد .


الله يعينك ويشرح صدرك ولا تتضايقين من كلامي لو كآن جارح
بس حطيت نفسي مكآنك موقفك جداً سلبي :(

جـوريـه
09-11-2010, 08:14 AM
هلا بگ ياقلبي..
أول شي بقولگ ليت عندي بنت عم مثلك والله لأحطك بعيوني ..pb189

حبيبتي الدنيا مدرسه كل يوم نتعلم منها درس بس الشاطر اللي يتعلم ولايرجع لغلطته ويسعى لتصحيحها والاستفاده منها..
ألحين كل حركات بنت عمك معليش يعني تدل ع انها ماتحبگ مابي اظلمها بس من كلامك عن تصرفاتها بس يعني خلاص وقفت الدنيا عليها مافيه ناس ثانيين بنات خاله صديقات او بنات جامعه و و وكثيييير عندك
ومشالله انتي خواتك يسدونك عن المجتمع نقربي منهم فضفضي لهم اشغلي نفسك معهم صيري صديقتهم افتحي قلبك لهم وعزي نفسك من الناس مهما دارت الدنيا مامثل الخوات أحد...
حبيبتي نفسك وكرامتك غاليه علييييييييك لاتهيننها لحد مايستاهل طنشيهم واختلطي مع غيرهم واهم شي كوني واثقه من نفسگ داااايم ...
الله يووووفقكbp039

RDMSTR
09-11-2010, 09:22 AM
بنت عمك شايفه فيك إنسانة تلبي احتياجاتها باستمرار .. لذلك ببالها حاطتك كأنك اكسسوار, متى ما احتاجتك طلبت منك شيء. غير كذا ترميك مثل ما ترمي اكسسواراتها بالدرج اذا ما شافت انها تحتاجك

الحل بيدك: ابنة عمك يمكن ما تحبك أو ما ترتاح معاك, خلاص مو لازم تصيرين دايم معاها اشغلي نفسك بصديقات ثانيات أو بشغلات ثانية

إنتي من كلامك مبين عليك إنك ما شاء الله طيبه, وما ترفضين طلب لأحد. لذلك الناس (حتى القريبين منك مثل بنات عمك) ممكن يستغلون طيبك باستخدامها ويسفهونك متى ما حسوا انهم ما يحتاجوك. أنا أنصحك إنك تصفي نيتك باستخدام طيبتك لمرضاة الله, لا لمرضاة الناس.

أتمنى أني ساعدتك

ياخلاف
09-11-2010, 09:28 AM
حرام تضيعين هالاسلوب الحلو وطيبة القلب والسنع على بنات مايستاهلون

لا تقطعين فيهم عشان صلة الرحم

لكن لا تلزقين فيها ولا تطلعين معهم ولا تقولين لها على اسرارك وعلىتفاصيل حياتك

خلي لك عالمك الخاص الغامض

انشغلي بهواياتك انتي وانشغلي بناس تحبك وتقدرك ... امك خالاتك صديقاتك جاراتك

وحبيبتي تعاملك مره غلط

يعني انتي مرره لزقتي فيها وكبتي حريتها و صغرتي نفسك عندها

طنشيها وامثالها

الله يسخر لك عباده الطيبين

24 min left
09-11-2010, 09:42 AM
اللي ما عدك مكسب لا تعدينه خساره

noree
09-11-2010, 09:59 AM
..
أنتي مو صغيره علشان كل ورررا بنت عمكpb093
تركي بنات عمك سوي كل شيء بروحك تسوقي بروحك
طنشيهم شوفي هم شلون بيجون وراك هم راح ينقهروونpb036
أنتي بنت طيوبه والف وحده تمنى تصادقك :rolleyes:
صادقي لك بنت معك بالجامعه تكون طيبه مثلك;)
وطنشيهم :sm5:


..

so elegant
09-11-2010, 10:16 AM
أنتي إنسانه طيبه وحبوبه حرام تضيعيين عمرك مع وحده ماعرفت قيمتك pb189
لاتقطيين وجهك عليها خلاص هي مبينه لك انها تتنرفز من تصرفاتك خلاص ابعدي عنها خلي علاقتك
معها بحدود صلة الارحام وبس غير كذا لا ! الدنيا ماراح توقف على بنت عمك ؟
تصرفاتك معها غلط كل شي تقولينه لها أسرارك حياتك الخاصه
خليك واثقه من نفسك سوي الشي اللي يريحك انتي الشي اللي تشوفينه يناسبك أنتي موب كل شي تسألينها
خلاص أنتي كبرتي اللحيين كوني صداقات بالجامعه تعرفي على غيرها تقربي من أمك خواتك بنات خالاتك , لاتوضحيين انك مهتمه فييها خليها عندك مثلها مثل غيرها
صدقيين راح تحس انك تغييرتي عليها وهي اللي راح تجييك وتسألك !
والله لو عندي بنت عم مثلك لشيلها فوق راسي pb189
الله يخلييك ويسعدك يارب ‘ bp039

تورته 15
09-11-2010, 11:02 AM
بنت عمك .. واي علاقه .. بغض النظر كيف بدأت .. طالما انها مو مناسبه .. فآكيد مايحتاج احد يتوقف عندها ..
حتى لو تربيتي على هالشيء وعشتي حياتك على جلستك معها وكلامك معها ..

مو شرط تلتزمين فيها على اساس انك ماعندك الا هي .. ممكن ماتلتزمين فيها وتكونين اجتماعيه اكثر ..
ودائماً من يحاول يدخل في علاقات .. انه يخرج للناس .. مافي احد كسب علاقه وهو لوحده .. لابد يكون فيه من يأخذ ويعطي معهم ..

ماظن لابد تعتبرين ان هالعلاقه شيء اساسي لكِ .. هي مجرد صله مع شخص ممكن تكون مع غيره ..
هذا من ناحيه .. من ناحيه ثانيه .. بخصوص الوالده .. انتي لا تحطين الحواجز بسبب مبررات سابقه .. حاولي انك تكونين دافع انك تتواصلين اكثر ..

كيف تكونين دافع ..انك تركزين على الاشياء الايجابيه .. مثلاً اهتمامها وانها اعطتك مساحه للتعبير .. وغيره....
يعني بهالشكل بتوصلين انك تصارحيها باي شيء .. فلا تبقين على ليه انا ما اقدر اتواصل معها ..

يمكن انتي بشكل كبير واضح انك متعلقه بالماضي .. من ناحية الاسباب ومن ناحية المواقف ومن ناحية وقتك الحالي برضو ..
فحاولي انك تخلقين شيء جديد .. سواء بدايه جديده او تفكير جديد او علاقات جديده او تواصل جديد .. لا تستمرين تبنين على الماضي ..


بالتوفيق لكِ ..






+1 pb189


الله يوفقك ويسسسسسسسسعدك يآآرب bp039

كنت يوماً
09-11-2010, 11:07 AM
ماني قايل لك هي ما تستاهلك وإتركيها لكن بقول لك معلومة مهمة و حطيها في بالك
حتى بين الأزواج وهم الأزواج الي المفروض يقضون عمرهم مقابلين بعض تجي لحظات يملون من بعض و يحتاجون فترة يشتاقون فيها لبعض فما بالك بمجرد علاقة صداقة و محبه بينك وبين بنت عمك

إنتي تربيتي على إنها هي الأخت والصديقة والحبيبة ونصفك الثاني
ونشأ عندك إيمان داخلي إنها الوحيدة الي ممكن تقولين لها اسرارك وتسولفين معها وتقضين معها اغلب وقتك

و يبدو لي إنها وصلت لمرحلة ملت منك وحست إنك تخنقينها ويمكن تكونين طنشتيها لكن طنشتيها لفترة قصيرة جداً لذلك يبي لك تجربين تغيبين عنها فترة طويلة وهي بتحس بغيابك و بتسأل عنك لو من بعيد لكن بتحس بغيابك دام حضورك بحياتها كثيف لهذي الدرجة و بترجع لك لكن حتى لو رجعت إستمري معها بهذا الاسلوب الي هو التطنيش والتهميش بس مو تزودينها خلك طبيعيه بس أخف من الحين وهالاسلوب لا تستخدمينه معها لحالها إستخدميه مع كل بنات عمك عشان يحسون بالفرق
إشغلي نفسك بأشياء ثانية تحبينها وهوايات ثانية تقدرين تسوينها لحالك عشان ما تحسين بالضعف بلحظة وترجعين لها ، والله يوفقك .

JAE'MOON
09-11-2010, 11:10 AM
بقولج رائي في مشكلتجـــ ...
اكيد في شييي في شخصيتج تخليهم ينفرون منج ...
وهالشي انتي ماتلاحظينه في نفسج ..
اول شي راجعي نفسج وطريقة تعاملج معاهم وخليهااا بذمة وضمير بدون ما اتحنين ع نفسج
وتقولين انا ماقصرت بحقهم ... دوري ع كل صغيرة اكيد بتلاقين شي يوصلج لسبب هالحاجز ...
انا عن نفسي بقولج عن بنت عمي الي دوووم تقول لنا ليش تكرهوني وليش ماتسمعون ليييي ...
مافي وحده تكره بنت عمهااا ... نقدر نسميه غيرة .. سوء تفاهم .. تفاخر ...
بس انها توصل لدرجة الكره على توافه الاسباب اسمييه حالة خاصة ...
المهم خل اقولج عن بنت عمنا الي دوووم تحسسنا انهااا المظلومة واحنا مانعاملها زين ...
مجرد ماتقول لنا عن شعورها ذي احنا نستغرب منهاااا ومن شعورهااا ذي تعاملنااا مع بعض نفس الشي
ويمكن التوافق بينا تكون اكثر مع بنات عمنا الي بنفس العمر وهذا شي طبيعي ...
وبعد هذا كله نرجع نصحح لهااا السوء الفهم الي بنته في عقلهاااا وكل شي يرجع طبيعي
ترجع في موقف ثاني عادي جدا وتعيد نفس الكلام ...
وبعدين يعنيييي ؟! لمتى بتقعد تسوي جييي ..
على اي موقف بتقعد تذكرنا انها تحبنا اكثر مااا احنا نحبها وتتحسس من اتفه المواقف
فــ هالشي شي طبيعي بيسبب اكبر حاجز ...
من جييي انصحج يا اختي الغالية انج ماتتشكين عندهم وايد ...
الشكوى لغير الله مذله ... خصوصا بموضوع مشابه لموضوعج ...
وتكونين اكثر ثقة بنفسج وماتنزلين قدر نفسج ... ودايما حطي في بالج اعطي بدون مقابل ...
انتي تحبينهم من قلبج لاتنتظرين شي منهم خليج مثل ما انتي ...
عامليهم زين ولاتنتظرين اي مقابل منهم ...
وتذكري دوووم الشكوى لغير الله مذله ...
اختجـــ jae'moon

بنتـ الشيوخ
09-11-2010, 11:12 AM
ياخيتي وسععععي صدرك والله ماتنفعك بنت عمك ولاشي
اذا هي ماعرفت حتى تجامل باسلوب حلو
خليها ..
الدنيا فيها ناس كثيره قلوبها بيض وطيبه
دوري لك ع الصادقه فيهم
وامك خواتك عديهم كل شي بحياتك لان محد بيرحمك غيرهم لاصديقه ولاشي
اصلا يمكن الصديقه ع موقف بايخ تتركك
تقربي من امك واكسبيها حاولي تشوفين وش تحب وش تكره وهي رايقه
يعني خلي الموضوع سوالف بالبدايه بعدين فضفضه بعدين اشكي لها
والله محد ادرى بك غير اميمتك بس انتي مافهمتي لها
روحي لها للاقمتي الصبح حبي راسها وضميها قولي والله اني محتاجتك فقدتك
ماعليه اخيه اكسري حاجز خوفك اغتنمي الفرص تقهوي معها قولي ماما ما ودك اسوي لكم حلا
مشتهيه اساعدك يالغلا بس امريني و من ذا الكلام بتشوفين كل كلامك بيطلع بعفويه ومن قلبك قبل كل شيء
بعدها بتصيرين اقرب وحده لاميمتك دوري وش تحب وسوي لها قبل لاتنامين روحي وحبيها على راسها
قولي يمه ماودك اهمزلك رجيلاتك تبين شي ولاتنسين الوالد بعد:)
وابشري بالدعوات اللي تفتح لها ابواب السماء وبرضا الوالدين
العذر كلامي سايحه ع بعض بس هذا انا اغتنمي العشر من ذي الحجه
بتقرب للوالده وتصدقي لوباإبتسامه بنيه اني ربي يسرلك وتبرين امك
ولا تنسين رضا الله من رضا الوالدين
ادعي لي بس
اتمنى لك التوفيق بدنيتك :) وآخرتك

BFMF
09-11-2010, 12:41 PM
امك للأسف أسست عندك فكرة الإعتماد علي الغيير :/
العلاقات الإجتماعية مهمة
لكن ارمي بنتي علي الناس
ويطردونها من البيت وأنا اتفرج
واقول بنت عمها
هذا اسمه ازعاااااج و قطة وجه
واهم شيء كرامة الطفل :confused:


سبب تعامل بنات عمك كذا
لأنك إننننتي معطيتهم أكبر من حجمهم من الطفولة
فهم حاسين إنهم واااااااو قدامك
إنتي عززتي لهم هذا الإحساس
بملاحقتك واهتمامك فيهم
دايم عاااااملي الناس مثل مايعاملونك :)
مايعطونك وجه خلاص لا تعطينهم وجه
ثقيلين معك خلاص اثقلي معهم


حاولي تبنين شخصيتك بعيد عن عالمهم pb189
خلي لك اهتماتك وارائك وشخصيتك المستقلة
المعهد اللي تروحين له الحين
تعرفي على البنات اللي فيه وسوي لك حلقة معارف
العلاقات الإجتماعية أهم كنز تملكينه بحياتك :D
وكل ماكبرت كل ماكثرت فوائدها
وبتشوفين بعدين كيف راح يلحقون وراك بنات عمك
ويتشرهون وينك؟ وليه ماتدقين؟

رمانة حمراء
09-11-2010, 12:42 PM
بنت عمك تقهر لانها ماقدرت صداقتك
وانتي قهرتيني بعد عشانك ماوقفتي وقلتي ستوب بعد ماشفتي تعاملها وتعاملهم كلهم
شوفي
بنت عمك من النوع اللي فيه شوية انانيه
عموما الحل انك تطنشينها وبقوه
ماقولك اقطعي لا
خلك عاديه جداً
بسلامك وكلامك معها وسوالفك جداً عاديه
بالعربي اثقلي
مو عشانها لا
عشانك انتي
خلاص ابدي صفحه جديده بحياة الصداقه لكن بحدود
انتي حبيتيها وتعلقتي لان امك اشبعت عندك السمع انها بنت عمك ومالك غيرها
( بفهم ليش مالك غيرها وعندك بنات عم وأخوت اصلاً)
انتي بالجامعه والجامعه مليانه بنات
صادقي وعيشي حياتك توك صغيره
واعرفي شي لاتعطين احد اكثر من حجمه الا لين تعرفينه زين
عندك اخواتك خليك معهم دايم
لاتخلين هالشي يأزمك ابد
ومايحتاج طبيب نفسي ولا شي
اذا خسرتي وحده في مليون بنت تتمنى صداقتك
انتي طيبه وقلبك طيب ماشاء الله ,,
موفقه حبيبتي ..

T O O F Y
09-11-2010, 12:53 PM
لو أخذتي حفنة تراب بيدك, وضغطتي عليها بقوة .. راح تلاحظين التراب يتسرب من بين أصابعك
ما فيه أحد غلطان بهالمعادلة, أنتي حساسة وعندك كمية عاطفة كبيرة وودك تخدمين الي تحبينهم
وبنات عمك يبون خصوصياتهم وما يبون شخص يدارون كلامهم عنده.

انتي ماشاء الله شابة ولازلتي ببداية حياتك, وحرام تضيعين صحتك النفسية على شخص مو متجاوب معك.
نصيحة لك, بحياتك كلها -وبتلاقين هالأشكال كثير-, اياك ثم اياك تعطين وتبذلين وانتي تفكرين بالمقابل.
اياك تفكرين ان الناس ممكن تكسبين ودهم اذا لبيتي طلباتهم.
اياك تفكرين ليش فلان جاف معي مع اني ما اعامله الا بالطيب ؟؟
التجاذب بين الناس ماله قانون ولا له قاعده .. يا ترتاحين وتحبين الشخص يا اما لأ.
لاهو ذنبك انك حريصة شوي, ولا هو ذنب بنات عاتك انهم ما ارتاحوا لك.

الحياة لسه قدامك والصداقة مو بس محصورة على الأقارب, راح تتفاجئين بأشخاص ما تعرفينهم الا من كم شهر لكنهم يبثون السعاده لحياتك.
وان لقيتي هالشخص, حلو انك تخدمينه وتريحينه, لكن تذكري ان كل شخص عنده دائرة خصوصيه مايحب أحد يتعداها.
لا تضغطين على أحد وتطلبين منه يعاملك بالمثل, خليه على راحته لين يرتاح لك .
الناس مايحبون الشخصيات المتطلبه والي تبي تعرف كل تفاصيل حياتها, ومو معنى انك شكيتي لشخص فهو راح يشكي لك ويبث لك همومه.
وبرضو مو معنى ان فيه شخص لطيف معك تروحين تشكين له وتستشيرينه بكل شي,
لانك بكذا تخلين الشخص بوضع مو مرتاح فيه.
ابدي علاقاتك مع الناس ببساطه, واذا حسيتي انه في مجال للتطور, تقدمي للمستوى التالي ولا تعجلين الأمور.

نصيحتي لك,
قللي تعلقك ببنات عماتك, ما اقول لك قاطعيهم, لكن خففي اتصالك بهم.
مايحتاج يعرفون عنك كل شي, اذا سألوا جاوبي على قد السؤال ولا تقلقينهم بالتفاصيل.
لازم تشيلين الهالة الي حاطتها حول بنات عماتك, مافيه احد بهالدنيا يستاهل هالدرجه من التعلق!
اذا عزموك روحي وخليك متحفظة, مو مبوزة وشايله بخاطرك, لا اضحكي وامزحي وانبسطي معهم, لكن بحدود ان كل واحد له خصوصيته.
بيرمون كلام ووش فيك متغيرة, انتي اسفهي واضحكي, وسوي نفسك عبيطه ومو
فاهمه ايش يتكلمون عنه لانك ما تحتاجينهم ولا تحتاجين تأييد ولا موافقه من أحد على شخصيتك.

اشغلي نفسك ببرامج خاصه بك انتي, اخلقي عالم خاص بك انتي!
تهوري واخلقي اكثر من عالم ! عالم اسرتك, عالم صديقاتك بالجامعه
عالم صديقاتك بمعهد, عالم زملائك بمركز تطوعي, عالم بنات عماتك, مستقبلا ان شاء الله عالمك انتي وزوجك.
والأهم عالم خاص بك انتي ما يعرف اسراره الا انتي وبس انتي !
هالشي راح يحسسك بقيمة الخصوصية عند الناس, وبنفس الوقت ماراح تكونين مملة بنظرهم.
املئي وقتك بنشاطات تشيل من راسك التفكير العميق بعلاقاتك, نشاطات تفرغين فيها طاقاتك وعواطفك.
نمي مواهبك ومهاراتك واكتشفي مواهب جديدة, املئي وقتك بالقراءة وثقفي نفسك ووسعي مداركك.
جربي تفرغين طاقاتك بالكتابة وشاركي فيها بمنتدى ثقافي,
كيف تلهين بالناس الثانين وانتي عندك نفسك ؟
اكتشفي نفسك !! قدامك الحياة كاملة تكتشفين فيها قد ايش انتي عظيمة ومو محتاجة أحد !!

وأهم شي, قوي علاقتك بربك واكثري من الصلاة والدعاء والصدقة,
ادعي بالصلاح والهداية وراحة البال وانشراح الصدر, ادعي لبنات عماتك بالهداية والتوفيق,
ادعي ربك بالخاتمة الحسنة,

اسأل الله ان يريح بالك ويوفقك ويهديك لما يحب ويرضى bp039

late time
09-11-2010, 02:22 PM
.. / bp039



تدرين ليه تطنشك .! لآنك نشبه اسفه اذا كلمتي بتجرحك
بس صدق هي ماتبي وحده تغثها وكل شوي تتصل
ووين رحتي وبروح معك معروف الانسان اذا شاف احد
يتقرب منه ومايحافظ على كرامته ينبذهـ
خذيها مني طنشيها قد ماتقدرين وعيشي نفسك بجو ثاني
ادخلي مواقع تعليم طبخ مكياج اتكيت تعلمي اللغه الانجليزيه

يعني ليه عيشتي نفسك حولها !
حصرتي علاقاتك عليها مع اني مااشوف فيها شي زين من كلامك ؟
وبعدين وش الشي اللي يستدعي تروحين دكتور نفسي ؟
عشانهم مايبونك ؟ ماوقفت الدنيا عليهم بالعكس اشوفهم بنات ردياااات
لـ ابعد درجه حركاتهم حركات اطفال وعقولهم صغار يتنحشون عنك !
وكآنهم بنات روضه :)

وين صديقاتك وين خواتك اسمحيلي هذا ضعف منك حصرتي عمرك عليهم
وهم مب كفووو ابد .


الله يعينك ويشرح صدرك ولا تتضايقين من كلامي لو كآن جارح
بس حطيت نفسي مكآنك موقفك جداً سلبي :(

صادقه..


معليش يمكن امك نمت بداخلك هالشي..بس انتي متعلمه واختلطتي مع ناس كثير المفروض عالاقل طلعتي بعدد معقول من الصديقات يملون عليك حياتك شوي..

مو لازم نعلق وناستنا وراحتنا على شخص معين ونصير لازقين فيه ونحسسه انه مالنا غيره..ترا بنت عمك تشعر بشعور شييين تجاهك لو استمريتي كذا

كوني صداقات بعيدا عن محيط الاقارب..خليك اكثر رسميه مع بنت عمك مو لازم بكل طلعه ولا روحه تعزمينها..ابعدي شوي عنها ولاتتنظرين منها سؤال ولا شي..

H naif
09-11-2010, 05:21 PM
الحين بعرف .؟ ليش معطيه الموضوع اكبر من حجمه.؟شايله بقلبك وحاسه انهم مايبونك مع ذالك

مو قادره تتركينهم من الآخر ((حياتك محصوره فيهم))...وتحسين انك بدونهم خلاص انتهت الدنيا

تدورين سعادتهم على حسابك.؟ تتعبين صحتك نفسيتك من المواقف الي تسير لك معهم وانتي لسا بعز شبابك ..

وما بعد طلعتي على الدنيا صدق ..


من كلامك حسيت انت طيبه وتنجرحين من اي كلمه وحياتك محصوره بناس معينه ..

قوي نفسك لا تهمك لا فلانه ولا علانه بكره كل وحده منهم بتعيش حياتها الخاصه وانتي بعدها

وش بتسوين.؟ ماقلت اقطعي علاقتك فيهم بس لاتحتكين فيهم اكثر من الازم خليك رسميه معهم من الآخر..

وصدقيني انتي مابتخسرين شي اهم الخسرانين الي فرطو ببنت عم مثلك

تقبلي مروري ..bp039

يتيمه أم
09-11-2010, 05:49 PM
ياقلبي عزي نفسك pb189

اكرام النفس هواها اذا حسيتي ا نها ماتبيك اتركيها خلاص هي الخسرانه بالأخير مو انتي دوري على الي تستاهلك ووسعي صدركbp039

إيلآفْ
09-11-2010, 07:29 PM
يا عمري يا عمري يا عمري
رضآ النآس غاية لا تدرك
تحسبين انو رضا الناس بالركض وراهم ..
خليك سياسية عطيها لكن فكري في نفسك كمان يعني سوي حقها غيرة لاااااا ابد
يعني يوم الموقف الي تقولين عندها شي وما قدرت تسوية قلتي انتي اوكي انا اسويه لك انتي ارتاحي ومدري ايش؟
لا لا يا عمري انتٍ لك . تعاملك هذا يخلي الناس بس تبيك للمصالح !
يعني تطنشششششك ويوم تجي تحتاج شي مرة تقول خلو فلانة تسوي ويصير عليك كل شي
يععني انتِ عطي نفسك حقها قبل لا تعطين الناس حقوقهم ابد ابد لا تذلين نفسك عند احد
عمر هذي الطرية توفي!
انتي باين انك حنونة وطيبة قلب
وتبين تكسبين شخص وموب عارفة الطريقة صح؟
حبيبتي خلي شعارك بالحيآة (((((((((((((((التطنيش))))))))))))
طنننشي يعني لا تركضين ورا الناس بس اذا قالت لك يا فلانة ابي منك خدمة قولي ع عيني اذاااا قدرت
وحطي تحت كلمة اذا قدرت مليوم خط
يعيني لا تقولين لها اوكي يا عمري وش تبين انتٍ وبعدين تسوين لها شي تتعبين فيه تعب ؟!
سوي شوي منة مثلا وقولي اسفة تعبت انتِ كملية يا عمري وابسلووووب
طيب واذا ما طلبت منك شي ايش تسوين؟
اببد لا تقولين لها انا ابسوي لك ابحط لك امري تين شي
ابببببببد هذا قمة الذل . الكمة هذي ما تنقال الا للام والاب في زماننا هذا ما في احد يقدر الشي الي انتي تسوينة
عذان كذا زي ما قلت لك يا عمري خلي شعارك التطنيش وخليك ثقيييلة ورزة ما تتعامل ما الناس الا لاما يطلونها
يعني لما تتصلين عليها تسولفين ولا ع المسن بس كيفك وشخبارك وكيف الدراسة وسوالف المدرسة والا جالمعة
ابد لا تفتحين مواضيع فيها اخدمك ولا شي , في سالفت انو انتي تودينها وترجعينها للنادي او الشي الي تروحين له
ابد لا تسوينة الا لما هي تطلب حبيبتي لا تسوين شي من راسك عشان الناس تركض وراك
الله يوفقك يا عمري كثرت هرج
لكن ذكرتيني بأنآ يوم كنت بالمتوسط لكن الحمد لله فهمت شي اسمه تطنيش ق1

ارتوآء
09-11-2010, 07:50 PM
انا عندي الحل وقولي ماقالت ارتوآء

احقريهــآ ايه احقريها وطنشيها واقعدي كم يوم ولاتدقين عليها ولاشي
واذا صدفه شفتيها ابدي بالغي مثلا بصديقاتك يعني مثلا بس اوب تكذبين واخذ اثمكpb071
يعني قولي ياحبيلهم الطلعه معهم تجنن وآآي ياربي اشتقت لصديقتي فلانه مرره فلله هالبنتpb095

وسوي نفسك مشغوله منتب يمها يعين اوب تشينين عليها النفس لاعادي اضحكي وسولفي بس كذا :rolleyes:
وخل انك انسااانه مآآره منشغله الايام مع اشخاص ثانين :D

اذا ما انهبلت وطق بها عرق وتبي تعرف وش الي خلاك كذا ما اكون ارتواء
وما ابي احلف لكن اجزم لك انها اهي بتدق بس هاااه احقرييها

هذا الحل لك عشانك pb189
لكن برأي وش تبين منها الي خلقها خلق غيرها وه بس من كثر ماتغلينها معادتي تهمينها
دايم الحبيب ينذل نصيحتي كوني صداقات بعيده عن الاقارب يعني الاقارب لصلة الرحم والزيارات
والصداقات افضل بكثير خليك بعيد تصير حبيب<< هع مدري هو تسذآ المثل بس اهم شيء المعنى

وسلامتك:D

[Noor ]
09-11-2010, 08:28 PM
أنا ولدتني ام طيبه وحنونه مانكر هالشي لكني مذكر اخر مره ضمتني او فضفت لها احس فيه حاجز كبييير من عرفت نفسي كل ماجيت بحاول اقولها عن شيء مضايقني ياتهزائني يا تضحك علي فتولد عندي توتر من قول الصراحه وصلت هالعمر ومقدر اقول الشيء اللي مضايقني كامل او اي شيء خاصة للناس اللي تعرفني شخصيا احس بيضحكون علي بيهزائوني وضعفت ثقتي بنفسي وثقتي بالناس .

وأمي من طلعت ع الدنيا علقتني ببنت عمي دايم تقولي مالك غيرها هي بنت عمك ووو فخلاص كبرت وبمخي بنت عمي هي كل شيء احببها مرره
[/size][/QUOTE]

لالا غلط امك ماغطلت بحقك !!
يختي عندها 6 بنات ماشاء الله تبارك الرحمن بتلم مين ولا مين !
لا تفهميني غلط مايمنع يعني انها تلمكم وكذا بس يعني انتي الخامسسه
وترى بالعكس احس امك تحبك وتحس فيك كثير
و كلامها ان بنت عمك مالك غيرها وكذا لان حلو الواحد يكون عنده بنت عم وكانت تتمنالك هالشي من حبها لك حلو تكون علاقتك مع بنت عمك حلوه ومره مع بعض وتكونون صديقات ويمكن امك كانت ذاك الوقت تعرف بنت عمك زين وتحبها وكذا وكانت تآمنك عليها او علاقتهم كانت مررره حلوه مع بعض امك وابوك مع امها وابوها
او مادري بالظبط بس يعني هاذا اللي فكرت فيه
و ان لما تسولفين يا تهزئك ياتظحك عليك ! تظحك عليك هاذا من الحب توسعين صدرها وتونسينها !
وتهزئك اكيد عشانك غغلطتي ماتبيك تكررين خطأك
احسك مره حساسه
الحل مع بنات عمك كلهم تسسسفطينهم وتتجاهلييينهم !!
انسي انهم موجودين بحياتك قعدي شهرين ثلاثه ماتكلمنيهم واذا شفتيهم بالعزاايم لا تسولفين ولا تكلمين معهم ثثقلي خليهم اهم يجون يكلمونك ويسولفون معك ويتمنون تسولفين معهم
اهتمي بنفسسك وطالعيهم من خشمك ! حسسيهم انك مو محتاجه لهم
اجل يتعازمون ولا يعزمونك pb036 ترى مررره بزاره ماعلييك مننهم
صادقي شله بنات واقضي كل وقتك معاهم وانسي بنات عمك لما تضمنين انهم بيقدرونك !
بنت عممك اللي مره تحبينها قللببببي عليييها مررره خليها تفقدك وتفقد وجودك بحياتها
خليها تحتااجك واذا جاتك قالت ساعديني ولا شي رديها
واذا عزمتك قولي انا والله معزومه خليها تعرف ان مو مالك غيرها !
اتوووقع سبب تجاهلها لك انها ضامنتك ضامنه حبك لها مهما سوت مراح تخسسرك !!
او يمكن ابثرتيها وحست انك متعلقه فيها وناشبه لها
ولا اهي انسانه مزاجيه ونفسييه !
اتمنى اكون افدتك ادري كلامي كلام بزر بس يمككن يكون فيه اشياء صح ><
كل الحب والتقدير لشخصيتك الجميله pb189
امنيتي تكون عندي بنت عم لو نصصصك !!

Heart of Gold
09-11-2010, 08:55 PM
ياعمري شوفي مشكلتك انك ربطتي حياتك وسعادتك معها
وهالشي اكبر غلط
جربي تسوين هالتمرين حتى تفكين ارتباطك فيها
استرخي وغمضي عيونك ثم استحضري صورتك وصوره بنت عمك وتخيلي هالارتباط هذا على شكل حبل بينك وبينها يعني انتي ماسكه طرف وهي طرف وركزي ع الحبل بعدها تخيلي انك تسحبين منها الحبل "طبعا الحبل هو الارتباط" وتصير اطرافه معاك ويفضل انك ترمين الحبل خلاص..وتصيرين تتخيلين نفسك واقفه وحدك بكل شموخ وقوه وانتي خلاص مو محتاجه لها..وان تخيلتي بنت عمك فتخيليها وهي وحدها يعني انتي ماتكونين معها بالتخيل لانك خلاص سحبتي الحبل منها وبكذا تكونين بحول الله فكيتي هالارتباط

وكمان نقطه ثانيه..اكثر الناس ينفرون و مايحبون الشخص اللي يهتم فيهم بزياده او يدق عليهم كثير
لذلك ان شاء الله ان طبقتي التمرين وفكيتي ارتباطك فيها بيتغير تعاملك معها وتصير زيها زي غيرها

الله يوفقك

Arum
10-11-2010, 02:19 AM
بتقولون لي علميها ان تحبينها علمتهااا وكلن يدري وش كثر اعززها وقايلة لها مابقا شيء ماسويته
حتى تطنيش طنشت بس والله ماثر فيها ولا فكرت تسال عني ولا تشوف وش فيني ولا ايش
لا والله مابنقولك علميها انك تحبينها !
ولاتحبينها اصلاً!
انتي حبي نفسك بالاول

بعدين ياقلبي انتي تقولين عجزتي تبعدين عنها رغم كل حركاتها
مع انك سويتي حواجز بينك وبين امك لانها هزئتك يوم صارحتيها او ضحكت عليك
ليش طيب زعلتي على امك ولا زعلتي عليها مع انها تتجاهلك وتتهرب منك وتقول عنك غبيه!
تدرين لما الواحد يكره نفسه ولا يقدرها الناس تكرهه ولا تقدره
اجل تقول عنك غبيه وعادي عندك! لا وتخدمينها بعد !
ليش هي لها حق عليك مثلا ! امك !ابوك!
او متفضله عليك ؟ حتى لو هي متفضله عليك مايصير تسوين لها كذا وهي تعاملك هالشكل!


وتدرين ليش ينفرون منك بنات عمك؟

وع فكره انا عندي بنات عمي بالدنيا ماقد قصرت بحق ولا وحده فيهم وبالذات هالبنت عمم

لكن كلهم يعاملوني موب ذاك الزود وبالذات هي
معني والله العظيم اعاملهم زيين وابديهم ع كل شيء واعطيهم وكلن يشهد بكذا


كلامك هنا هو السبب

انتي فاهمه غلط ! ترى مالهم حقوق عليك بنات عمك الا الصله بس !
مب يقولون الشي اذا زاد عن حده انقلب ضده!!
انتي تقولين بلسانك انك تعاملينهم زين وتبدينهم وتعطينهم كل شي وهم يعاملونك مب ذاك الزود وبالذات هي!
يعني عادي عندك ماتفرق معك تعاملهم ؟تلقينهم يستغربون منك ويفكرون انو ماتحسين مثلاً؟ او ماعندك مشاعر؟ اوغبيه؟ لاتزعلين مني بس اكيد بيفكرون كذا وانتي قلتي انها تقول عنك كذا ...ووقتها تتوقيعن بيحطون لك اهميه ولا اعتبار؟!!
المفروض زعلتي يوم قالت غبيه او انسحبتي من المكان اللي هي فيه اذا كنتي ماودك تردين في وقتها!
انتي اذا ماقدّرتي نفسك وعزتيها محد بيقدرك ولا يهتم فيك
لاعمرك تبدين احد على نفسك ابد الا امك وابوك
خلاص لاعاد تدورينها انتي سويتي اللي عليك واكثر
لو دقت هي اوكي ردي وسوي نفسك مبسوطه بمكالمتها وكذا بس لاتدورينها وتلصقين فيها
اكيد بتتعبين بالاول بس بتترتاحين بعدين ان شاء الله
ولاتنسين ترى مالها فضل ولاحق عليك ولا هي احسن منك
اشغلي نفسك عنهم لاتخلينهم هم همك
طبعا انا مااحرضك عليهم ولا اقولك قاطعيهم !
بس خففي زيارات لهم شوي وخففي اتصالات لهم لان حتى لو يحبونك بيملون منك .
وبحياتك كلها ان شاء الله لاتربطين سعادتك بشخص ابد حتى لو هو زوجك
لاتكونين مندفعه بمشاعرك دايما دايما اذ احبيتي احد لاتوضحين له بقوه انك ميته فيه ومدري ايش وحتى لو كرهتي احد لاتكرهينه بقوه خليك وسط ولا تقولين صعب كله بالتعود وثقفي نفسك وطوريها وزيدي ثقتك بنفسك
واقري كتب بـ هالخصوص وعن الذكاء الاجتماعي وابحثي بالنت عن دورات ومواضيع زي كذا ترى بتتعبين اذا ظليتي كذا

وامك مالها دخل باللي قاعد يصير...يمكن يوم انتي صغيره صح بس انتي الحين كبيره وفاهمه وتعرفين مصلحتك وين وتعرفين الصح والغلط

وترى الطيبه شي واللي انتي جالسه تسوينه شي ثاني

اتمنى مايزعلك كلامي بس وربي انقهرت عليك وابي مصلحتك
الله يوفقك ويسعدك وياثرك على بنات عمك pb189 :)

سحابه &
10-11-2010, 03:29 AM
ياعمري يا انتي pb189
ياويلها من الله بنتك عمك :(

شوفي انا مريت بكل الي قلتيه انتي علشان هيك نصيحه

لا تبينين لاي احد حبك لوه ابد :sm4: لانهم راح يتغلون وشوي شوي لين مايبعدون pb093

بقولك موقفي مع بنت عمتي يشبه لموقفك مع بنت عمك :)

هالبنت امووت فيها ودايم نستانس سوا شهر نكوون مع بعض روحات وجيات

وفجاه تغيب تطنش رسايلي ومكالماتي واحيانا تقفل مع انو كنت دايم امرها وطلعات وفله

واذا شفتها بدوريه ولا عزيمه تتجاهلني يعني زيك زي غيرك ,, انا انصدم pb036 خير وش الي صاير ؟ لان معزتها بقلبي كبيره وافضلها داايـم pb189 :sm1:

وصلت لمرحله خلاااااص ستوب بيني وبين نفسي قلت راح اطنششها واسوي زي ماتسوي بي :( pb189

ولاحظت ان البنت صارت تشتاقلي :D ولاشافتني تطيربي :eek: من جد اكتشفت اغلب االناس كذا

اذا بينتي لهم حبك وانك تمووتين فيهم يتغلون ويطنشون واذا سفهتيهم حبوك pb093

الحين تعدلت معي وتحسبلي الف حساب pb034 ربيتها خخخخخ

موفقه ;)

ورود الدار
10-11-2010, 04:15 AM
يختي انتي تفقعين القلب بجد رفعتي ضغطي
بنت عمك و مسويه كل هذا
وانتي ودك تبوسين الارض اللي تمشي عليها؟
ليه طيب وش زودها عن الباقين
ترى احياناً حبك و حرصك عليها
ويمكن انك ناشبة لها بدون ماتحسين
هالشي ينفرها منك
خلي مسافه بينك و بينها و بين غيرها
يعني لاتجين كلك ولا تروحين كلك
خليها تدورك وتسأل عنك
قصة المعهد قهرتني بجد انقهرت عليك
ولو انا مكانك والله ماعاد اشوفهم شي كلهم
مسجلتهم وتودينهم ونجيبينهم وينبذونك
يختي الله الغني عن هالاشكال
وش ناقصك انتي عشان تحسين كمالك في وجودهم معك ؟!
المفروض تملكينهم بمعروفك مو العكس :(

نصيحتي لك بدون طبيب نفسي ولا هالكلام انتي مافيك الا العافيه
هي شوية افكار امك الله يهديها حطتها في بالك
وانتي المفروض كنتي تعرفين اللي يناسبك من اللي مايناسبك
مو عشان امك قالت بنت عمك خلاص غصب تبينها تسوي اللي امك خططت له

ابعدي عنها خلي علاقتك رسميه
ترى الدنيا مليانه ناس غير بنت عمك
تقدرين تكونين صداقات واهم شي خليك ثقيله لاتجين كلك
عشان تغلين ترى فيه بنات قطاوه مايحبون لا اللي يبعد عنهم

وضحى’
10-11-2010, 05:02 AM
سبب تعامل بنات عمك كذا
لأنك إننننتي معطيتهم أكبر من حجمهم من الطفولة
فهم حاسين إنهم واااااااو قدامك
إنتي عززتي لهم هذا الإحساس
بملاحقتك واهتمامك فيهم
دايم عاااااملي الناس مثل مايعاملونك
مايعطونك وجه خلاص لا تعطينهم وجه
ثقيلين معك خلاص اثقلي معهم

بالزبببط كده :)
أسحبببببي عليهآ وعلى آمّن جآبته ;) وحتى لو حسيتيهآ عقب زينت اسلوبهااا معتسس لاترجعين مثل قبل ’ لأنو الظآهرر انتسس معطته اكبرر من جحمه :sm18:


بالتوفيق ألبووbp039

ندى الأيام
10-11-2010, 05:18 AM
ياقلبي انتي والله بنت عمك ماتستاهلك pb093
عزي نفسك عنها وابعدي خليها هي اللي تدور عليك
وتسأل !هي شافتك معطيتها اكبر من حجمها وقدرها
فشافت نفسها عليك !
لانخلينها محور حياتك الحياه ماراح تتوقف عليها
تعرفي على بنات وكوني علاقات بعيده عنها
صدقيني هي اللي راح تدورك pb189
وخلي موقف بنت عمك درس لك في حياتك
انك ماتعطين اي صداقه لك اهتمام كبير وتهدرين
عواطفك لهم خليك وسط في تعاملك معهم علشان
لو صار موقف ماتندمين bp039

آوم آلـخ ـنبقه
10-11-2010, 06:20 AM
انا دااااااااااااايم اقول لاي وحده تشتكي من تعامل وحده وتنقيصها لها

لاتعطوووون احد اكبر من حجمه
لاتعطين احد اكبر من حجمه
لاتعطين بنت عمك اكبر من حجمها
لاتعطين بنت عمك اكثر من ماتستحق

فهمتي !!
طنشششششيها ولاتعدينها خسااره ابدا

اوف بس من البنات ليتني ولد خخخخخخخخخ
عندنا هبال وقله حيا وزعل وعتاب << توها صديقتها متشررهه عليها خخخخ

موفقه يارب

و أنتهينا ...!!
10-11-2010, 06:28 AM
لا يهمك أحد و خلي عندك عزة بـ نفسك
اللي ما يبيك مهو مهم
و اللي يروح يجي بداله عشر
أهم شيء خلي دايم عندك ثقة بـ نفسك
و لا تحوجين نفسك ل أحد
تعرفي على بنات غيرهم و طنشيهم
و لا تبينين وش اللي بقلبك خليهم ما يعرفون
وش اللي غيرك
أهتمي بدارستك و أهم شيء بشخصيتك لازم تقوينها
لأن باين أن فيها ضعف
و بتلاقين كتب كثيرة و دروات تفيدك بـ الشيء هذا

و الله يرزقك الصحبة الصالحة

alm0_0n3ooma
10-11-2010, 06:28 AM
ططنشيييييييها بس :D
ذكرتيني بنت خالتي لمن كنت صغيررررررررررررره pb095
كنت انادييييها وادخلها غرفتي وماتطلع منها الا وانا معطيتها اشيااء كثيره
بسس للاسف ماتطلع من بيتنا الا وهي متضاربه يامعي يا مع اخوي الصغير وخالتي ططبعا تطلعني انا الغلطانه :(
بعدها قالوا لي خواتي هذه تغاار منك لانه منجد عرفت نظاراتها لي واسلوبها كيف معايا والمشااكل الي كانت تسويها والحمدالله ارتحت منها وربي مع اني ماكنت اشوف غيرها عشان اقعد معها بس اذا من البدايه تشويه لي لا والف لا :D

وانتي بنت عمك هذه اتركيها ولا تتصلي وتلزقين فيييييها كثييييير لانها هي مخليتك وقت الحاجه ا وترى بعض النااس شخصيتهم تكون من هذا الطبع فالمايجي يختلط مع الناس الطيبين يحس انهم اغبيااء مثل ماهي تقووللللللللك مع ان واللهي قهرني اسلوبها ومن جد هي ماتستااهلpb093 كذا انساانه بطيبتها واخلاقها الي زي العسلpb189pb189

Lady pink
10-11-2010, 07:00 AM
انتي قلتيها
لانك تبدينها على نفسك
صارت تسختدم هالاسلوب
بغض النظر ليش تستخدم هالاسلوب معك معها حق اولا
الافضل انك تحطين لك حدود بعلاقتك مع بنات عمك
صح حبيهم واغليهم لكن باين انك تمشين وراهم لحد السذاجه
ابني لك شخصيه وراي وهيبه
ممكن تكونين خدومه وحبيبه لكن لك احترامك بنفوسهم

شبسه محروووقه
10-11-2010, 11:42 AM
شوفي ياقلبي..,
انآ ماراح اقول انهآ صح
بس يمكن انتي فاهمه غلطط
بمعنى حديث الرسول صلى الله عليه وسلم

((التمس لاخوك المسلم سبعين عذرآ))

يمكن البنت من النوع الكتووم وماتبين مشاعرهآ.., يعني ماتقدر تقول للي تعزه انها تغليه.. تحس بالاحراج او ماتعودت

ومن باب المكآلمآت والطلعآت
يمكن هي طبيعتهآ كذا ميب من النوع اللي تدق وتكلم فهمتي؟!
يمكن انتي غاليه عندهآ بس هي ماتحب المكآلمآت وكذآ
واذا تبين تتاكدين شوفيها مع الباقين
راعيات مكآلمآت ولالا؟!

عشان ماتحسينك انو انتي بس
يمكن طبعها كذا
بنسبه لروحآت قلتي امهآ يومك صغيره الخ
..
يعني شئ وصار بطفوولتك..

بس يمكن امهآ تعيي عليها بطلعآت والكآلمآت
فما تقولك عشان ماتجرحك او يعني تستحي..

زي انآ من النوع عندي خاله روح بروح وكبري بس منب راعيه مكآلمآت وسؤال ماحب كذآ يعني مع الناس كلهآ مو هي بس
وهي حبوبه وعسل زيك وتحب تسأل وكذا
ودايم تقولي انتي ماتحبيني ومدري ايش
وانا يشهد الله اني احبها مره
وبنسبه لسالفه انها ماتكلم وتطلع يمكن امها تعيي
زيي انا امي تعيي علي اطلع ما اخواتي من ابوي مع اني عشت معهم سنين ببيت واحد
لو ايش .. وماتخليهم يجونا الا بشهر مره
وخواتي مره زعلوآ علي وهاوشوني
وانتم يا اخواني ماتحبونآ والخ..
وشالوآ بخاطرهم
وتخيلي انك بموقفي وش بتسوين
شقولهم امي ماتبيكم ماتبيني اروح معكم
فعشان كذآ يمكن البنت تواجه مثل هظروف
لاتظلمينهآآ..,
يمكن انتي من النوع اللي يهتم بقوه
فتبينهآآ تهتم بك بقووه.. يمكنها ماتحب ان الشخص يهتم فيها بزياده
زي وحده بالعياده هنآ مشكلتهآ ان صديقتهآ تهتم فيهآ بزياده وهي ماتحب كذا
تعزك تغليك بس مهيب من الشخصيه اللي تحب تهتم واحد يهتم فيها
ماتدرين عن اللي بقبلهآ
وسالفه انهآ
هي بتسوي شغله وماتقدر قلت لها خلاص ارتاحي خليه وقت ثاني ولا انا اسويه عنك ولا يهمك قالت لي اوش انتي غبيه وش هالتفكير وبعدين وش دخلك ضاق صدري وقتهااا مرررره مرره مرره
طيب ياقلبي هي يمكن ماتبي تعبك
بس هي من النوع اللي ماعندهآ عاطفه وكلآم حلو ماتعرف تعبر الا كذا
يعني ..,
يمكن صدمتيها بكلأمك انك بتساعدينها وانحرجت واول مره احد يهتم فيها كذا
فاستحت وماعرفت وخانها لسانها بكلمه شينه

بس من رايي صارحيهآآ..,
وخفي عليها شوي لاتهتمين فيها مره وتتكلين عليها بكل شئ
يمكن هي تتضايق اذا احد اهتم فيها مره واتكل عليهآ
سوي اللي تبينه انتي ..
ولاتعلقين حياتك فييهآآ
اوك غاليه وعزيزه.., بس ارحمي نفسك
ومن جد شكلك مره حبوبه
الله يعطيك على قد نيتك

Ensjam
10-11-2010, 02:35 PM
بنت عمك على عيني وراسي ..
وانتي من يوم صغيرهـ امك معلقتك فيها آوكي .
بس انتي الحين عمرك 20 الحين انتي اللي تكونين مسؤوله عن نفسسسسسسسسسسسسسك من كل نواحي :)
المرفوض حتى مظهرك الشخصي انتي اللي تختارينه لانك انتي اللي تشوفين اللي يناسبك ..
ما اقول والله انها ما تستاهل وحده مثلك ..:sm1:<< في ناس تفقد هالنعمهالنقطه المرفوض اللي تسوينه الحين تعتمدين على نفسسسك يمكن في البدايه راح تتعبين لكن مافي احد دايم لـ آحد ..
وانتي بطريقتك بيني لها انك انسانه مو سخيفه ولا غبيه
هي ماتقول كذا الآ لما شافتك انك محتاجتلها ..
طنشيها خلي علاقتك معاها مثل باقي اخواتها ..
وصدقيني لماا تشوف تطنيشك راح تحس بقيمتك ..pb034





اعتمدي على نفسسسسك
حتى لو حصلتي انسانه اللي تعتبرك اكثر من اختك
ترا ما احد يدوم لـ ثاني ..
والدنيا ما توقف عن آحد ..


bp039<<على حجم طيبتك

لا يهمك أحد و خلي عندك عزة بـ نفسك
اللي ما يبيك مهو مهم
و اللي يروح يجي بداله عشر
أهم شيء خلي دايم عندك ثقة بـ نفسك
و لا تحوجين نفسك ل أحد

+1

هي شوية افكار امك الله يهديها حطتها في بالك
وانتي المفروض كنتي تعرفين اللي يناسبك من اللي مايناسبك
مو عشان امك قالت بنت عمك خلاص غصب تبينها تسوي اللي امك خططت له

+1

وآمك ياحليله تحسب ان بنات العمات الحين مثل آول

وسام النور
10-11-2010, 03:07 PM
آنتي موب صغيره يعني آآنآ لمن قريت المشكله توقعتك صغيره بشوف كم عمرك
آثآريك 20 :eek:

المشكله آنهم هم موب عآرفين وش وضعك ولا وش موقعك بينهم
يعني تخيلي تخيلي وحده كذآ ذآله نفسهآ آكيييييييييد مآ بيكون لهآ اي قيمه لأنهآ مآ آحترمت ذآتهآ ولا قدرتهآ ! آنتي تصددي عنهم حآولي تتغلين ولا كآنه هآمك وبعدين اصفعيهآ كف شوي :rolleyes:

يعني آعزمي بنآت عمك كلهم الا هي pb034
آخلقي لك جوك وبرستيجك الخآآص pb189

وآذا تغير الوضع آطرحي تجربتك bp039

Berry mix
10-11-2010, 03:30 PM
بنت عمك .. واي علاقه .. بغض النظر كيف بدأت .. طالما انها مو مناسبه .. فآكيد مايحتاج احد يتوقف عندها ..
حتى لو تربيتي على هالشيء وعشتي حياتك على جلستك معها وكلامك معها ..

مو شرط تلتزمين فيها على اساس انك ماعندك الا هي .. ممكن ماتلتزمين فيها وتكونين اجتماعيه اكثر ..
ودائماً من يحاول يدخل في علاقات .. انه يخرج للناس .. مافي احد كسب علاقه وهو لوحده .. لابد يكون فيه من يأخذ ويعطي معهم ..

ماظن لابد تعتبرين ان هالعلاقه شيء اساسي لكِ .. هي مجرد صله مع شخص ممكن تكون مع غيره ..
هذا من ناحيه .. من ناحيه ثانيه .. بخصوص الوالده .. انتي لا تحطين الحواجز بسبب مبررات سابقه .. حاولي انك تكونين دافع انك تتواصلين اكثر ..

كيف تكونين دافع ..انك تركزين على الاشياء الايجابيه .. مثلاً اهتمامها وانها اعطتك مساحه للتعبير .. وغيره....
يعني بهالشكل بتوصلين انك تصارحيها باي شيء .. فلا تبقين على ليه انا ما اقدر اتواصل معها ..

يمكن انتي بشكل كبير واضح انك متعلقه بالماضي .. من ناحية الاسباب ومن ناحية المواقف ومن ناحية وقتك الحالي برضو ..
فحاولي انك تخلقين شيء جديد .. سواء بدايه جديده او تفكير جديد او علاقات جديده او تواصل جديد .. لا تستمرين تبنين على الماضي ..


بالتوفيق لكِ ..







+1

موفقه bp039

خنبقه حكي
10-11-2010, 06:04 PM
تعلقك ببنت عمك غريب
يختي اللي مايبغاك لاتعلقين نفسك فيها
ولاتحسسين نفسك ان الحياه من غيرها ماتنفع
سوي اللي يناسبك وصادقي اللي يبيك ويقدرك

ترى هي شافتك مهتمه فيها وملبيه كل طلباتها كبر راسها عليك
لو ماتعطينها وجه وزيها زي الجدار كان حشمتك وحطت لك الف مقدار
في ناس كذا يحسبون الاحترام والتقدير ضعف وهي من هالنوع شكلها

ع العموم حبيبتي مانبي نكثر حكي المهم لاتضيقين خاطرك ع ناس ماتقدرbp039

نجمه سهيل
10-11-2010, 06:15 PM
ياقلبي . الدنيا ما وقفت عليها .
شيلي من بالك انك تربيتي وتعلمتي ان كل شئ هي
خلاص كبرتي ولك شخصيتك . ماتبيك لاي سبب كان خلاص حاولي طنشيها انسي انها موجوده
ادري صعب بس حاولي .
كوني صداقات جديده شوفي بنات عمانك الثانين
ولا تفكرين ليه هي ماتبيك ! انتي تشوفين نفسك الانسانه الطيبه الحبوبه
خلاص خلي عندك قناعه وثقه بنفسك . يمكن هي ما تعجها شخصيتك . عادي هي كذا
مو معناتها ان انتي شخصيتك مو كويسه .
امك اهم منها . حاولي تتقربين لها لاني احس انها امك حبوبه بس يبي لك تقربين لها انتي اكثر


حطي في بالك الي مايقدرك لا تقدرينه .

موفقه

لبى انا بس
10-11-2010, 06:33 PM
حبيبتي
عيشي عالمك الخاص
وسعي علاقاتك وصداقاتك
وخلي علاقتك فيها سطحية
يعني اسألي عنها من فترة لفترة
عشان ربك بس
والا هي ماتستاهل وربي
عندي قريبة لي كانت بالنسبة لي اكثر من اخت
وانا كنت نفس الشي بالنسبة لها
من كنا صغار وعلاقتنا قوية
بس من تقريبا سنتين قلبت علي من دون سابق انذار
وبدت تختلق الاعذار وتتحجج بأشياء تافهه بس علشان ماتحتك فيني
مع اني الحمد لله متربيه وفاهمه وانا اللي اوعيها احيان اذا صار منها خطأ
وكانت تقولي انت اختي اللي ماولدتها امي
ولما شفتها كذا تغيرت تركتها غير مأسوفه عليها
وعلى قولة الشاعر من فتح لفرقاي باب افك له عشرين باب
بس الحمد لله ماجحدتها مره وحده يعني اذا جلست شهر شهرين كلمتها وسألتها عن احوالها
يعني مكالمه ماتتجاوز العشر دقايق مع انها هي ماقد ردت لي المكالمة
ولما اكلمها وربي احسها تستحي على دمها وتطيييير فيني
واذا شفتها سلمت عليها
وكله اسويه عشان ربي سبحانه
صدق انها طااااحت من عيني وخيبت ظني بس الحمد لله الدنيا ماوقفت عليها
وماكثر الله بالدنيا الا بنات حواء

للحياة متفائله
10-11-2010, 06:35 PM
يمكن انها شافت انك متعلقه فيها مره كرهت هـ شيء
انا انصحك طنشيها لاعاد تهتمين فيها ولا براحتها

مو لازم تكون هي صديقتك
يمكن انت حاطه في بالك انو هي الوحيده اللي فاهمتك
وهي اللي تشوفينها
لما تتجاهلينها صدقني راح تتغير معاملتها معاك
جربي وش وراك

A7med_B
10-11-2010, 07:49 PM
-
"ماتحس بقيمة الشي الا لما تفقده"
خليهم يفقدوك صدقيني جلستك معاهم تجيب الغم لنفسك
شوفلك صحبات , اكيد بتلقي بنت تناسبلك وتكون خيرلك من بنت عمك الي ساحبه عليك =(
وسعي عيونك بتلقي الناس الطيبه لاتحصري نفسك بينهم
يعني عمرك 20 سنه مو معقوله مالقيتي بنت تعرفيها فالمدرسة طول السنين ^^
وطدي علاقتك معاها =)

bp039

تنآهيد ..~
10-11-2010, 07:54 PM
ياعمرررررررري يا أنتي :sm1::sm1:
وربي بنات عمك ما عندهم سالفه أحد يحصل مثلك ويعافه ..:eek:pb189


اممم اول شيء امك ماتصرفت غلط ابدا لما قالت لك ان بنت عمك مالك غنى عنها !!
بالعكس حلو يكون لك بنت عم قريبه منك وتغلينها وتغليك :rolleyes:pb189
بس بنت عمك ما تستاهلك ابداااااااااااااا :(:(

ثانيا لا تقولين امي خلتني اسوي حاجز بيني وبينها ..!؟
انتي صارحيها قولي لها ودي احكي وافضفض لك بس انتي حطمتيني هذاك اليوم لما ضحكتي علي او ( الي سوته لك )
صدقيني امك راح تحس فيك بس يمكن ماتعرف تتصرف في امور زي كذا ..! :)

او فضفضي لـِ خواتك .. معقول مافي وحده منهم قريبه منك ؟
حتى لو اصغر عنك بالعكس ترى بتكون افهم منك :D

اما بخصوص بنت عمك وبنات عمك الثانين
طنشييييييييييييييييييييييهم
ترى بعض الناس طبعهم كذا اذا شاف الناس يركضون وراه ويحبونه ومنهبلين عليه ( ما يسوي لهم حساب ويطنشهم )
ف أنتي يَ عزيزتي اول شي لازم تشتغلين على نفسك كويس يعني عززي ثقتك بنفسك تعرفي ع ناس جدد اطلعي
مع صديقاتك كوني لك عالم ثاني بعيد عن بنات عمك وبتشوفين إن ماماتو من الحره :D
ولا تدقين عليهم وعذرا ع الكلمه ( تنشبين لهم )
دقي عليهم بالمناسبات فقط
ادري صعبه بس حاولي قد ما تقدرين انك ما تدقين عليهم دايم
وخلك ثقققققل وانتبهي انتبهي انتبهي تقولين لهم اسرارك نصيحه لوجه الله

واذكر قلتي انها قالت مالك خص او شي زي كذا بمسأله شخصيه لها
تدرين ليه ؟؟
لأنك واضح انك تقولين لها كل شي عنك وعن اسرارك الخاصه
ف هي بنظرها انو دام انتي ما حفظتي اسرارك شلون راح تحفظين اسرارها ؟

دائم الإنسان يحب الأشخاص الكتومين والي ما يتكلمون عن اشياءهم الخاصه كثير
يحس براحه معهم ويحس كمان انه يقدر يقولهم اشياء خاصه فيه او اسراره
فهمتي حبيبتي pb094

اخر شي كوني صدقات مع غيرهم pb189
مو لازم معهم :rolleyes:
وحاولي مع صدقاتك الجديده تتفادين الأخطاء الي وقعتي فيها مع بنات عمك من قبل عشان لا تنصدمين ولا تتحطمين مره ثانيه pb058


اتمنى لك التوفيق bp039
ما ودك تصيرين صديقتي :Dpb189pb094

Turt~h
10-11-2010, 08:33 PM
هي بتسوي شغله وماتقدر قلت لها خلاص ارتاحي خليه وقت ثاني ولا انا اسويه عنك ولا يهمك قالت لي اوش انتي غبيه وش هالتفكير وبعدين وش دخلك ضاق صدري وقتهااا مرررره مرره مرره ماتضدقون قد ايش احاول ارضيها بكل شيء والله حاولت اكسبها ماقدرت

ياحياتي اساس كل علاقه الاحترام وهي حتى احترام ماهي محترمتك وش اللي مصبرك عليها طنشيها لاتلقين لها بال بتتعبي يوم يومين ولا يمكن شهر بس في النهايه بترتاحي هي اللي بتخسرك مو انتي اللي بتخسريها عمر الدنيا ماوقفت على احد :rolleyes:
نقطة قوه : وجود ربي , اهلي ، والناس المهتمه لأمري

هذا انتي قلتيها ناس مهتمه لامرك ليش تاركتهم كلهم ومعلقه عمرك بوحده ماتستاهل طيبتك
انسي اللي راح وابدي من جديد مافي احلى من ان الوحده تصير صديقة امهاpb189

الله يهدي بالك pb189pb189

مـلاذ..!
11-11-2010, 01:30 AM
.. / bp039



تدرين ليه تطنشك .! لآنك نشبه اسفه اذا كلمتي بتجرحك
بس صدق هي ماتبي وحده تغثها وكل شوي تتصل
ووين رحتي وبروح معك معروف الانسان اذا شاف احد
يتقرب منه ومايحافظ على كرامته ينبذهـ
خذيها مني طنشيها قد ماتقدرين وعيشي نفسك بجو ثاني
ادخلي مواقع تعليم طبخ مكياج اتكيت تعلمي اللغه الانجليزيه

يعني ليه عيشتي نفسك حولها !
حصرتي علاقاتك عليها مع اني مااشوف فيها شي زين من كلامك ؟
وبعدين وش الشي اللي يستدعي تروحين دكتور نفسي ؟
عشانهم مايبونك ؟ ماوقفت الدنيا عليهم بالعكس اشوفهم بنات ردياااات
لـ ابعد درجه حركاتهم حركات اطفال وعقولهم صغار يتنحشون عنك !
وكآنهم بنات روضه :)

وين صديقاتك وين خواتك اسمحيلي هذا ضعف منك حصرتي عمرك عليهم
وهم مب كفووو ابد .


الله يعينك ويشرح صدرك ولا تتضايقين من كلامي لو كآن جارح
بس حطيت نفسي مكآنك موقفك جداً سلبي :(

:sm5::sm5:
مع الاخت في كل كلمه ..pb189

johnny4
11-11-2010, 01:40 AM
بنَت عمك مثلي بالضَبط pb036
وانتِ مثل بنت خآلي نوعاً مآ :D

الحَل :

تدرين ليه تطنشك .! لآنك نشبه اسفه اذا كلمتي بتجرحك
بس صدق هي ماتبي وحده تغثها وكل شوي تتصل
ووين رحتي وبروح معك معروف الانسان اذا شاف احد
يتقرب منه ومايحافظ على كرامته ينبذهـ

وجدان الخالد
11-11-2010, 01:49 AM
-



انتِ عندك فراغ عاطفي pb189
اشغلي نفسك بأي شي علشان تنسينها
وحاولي ماتتلزقين فيها زياده لآن الواحد
يمل بس انا اقولك لاتعطينها وجه
اذا كانت تبيك تجيك ماتبيك بسلآمتها
الدنيا ياعمري مب واقفه عند بنت عمك
احقريها كأنها مب هامتك
واذا سألتك ردي ع قد السؤال
اقطعي اتصالاتك فيها بس مب مره وحده
لآ تدريجي وبعدين لآتكلمينها ابد
باجبتماعاتكم روحي وانبسطي
لاتحرمين عمرك علشانها
كوّني صداقات بعيد عنها
بالمعهد تعرفي ع بنات
احقريهم أنتي مب هم الي يحقرونك
اذا كلموك تكلمي بثقل
ولاتبينين لهم انك تبينهم
خلي لك عالمك pb189
استانسي انبسطي تعرفي ترى الدنيا قصيره pb189
,
طنشيهم وبتشوفين وشلون يركضون وراك pb024 pb189

ملامح ورديه
11-11-2010, 02:05 AM
ياقلبي انتي :(
طيب ليه حيآآتك متعلقه فيهآآ
ليش هي بالذآآآت
عشآآن امك قالت لك من صغرك
خلآآص هذا شي راح وانتي اللحيين صرتي كبيره !!
لييه تتعلقيين بشخص
وتحاولييين تسسعدينه
عيششي حياتك يابنت
وش لك ببنت عمك
اذا تبين صديقه لازم انتي تكونين صداقتك بنفسك
مو الناس
وامك ليه ماتفضفين لها
ياختي انسسي الماضي
ليييه متعلقه فييييه :(
من جد لازم تغيرين نفسسك

وبعدييين مافي اقرب من قلب الام
وش تبين ببنت عمك وعندك ام مافي احن ولا أطهر من قلبهآآ

عمممرك 20 مو صغيره ياعممممري
وهالسنين كلها ورى بنت عمك وعذاااب نفسي :(
لييه ياعمممري كل ذا !!!

طنشيها ولاتتحسسين نفسك انك منبوذه
بالعكس عيشي حياتك
وخليهم هم يدورونك
مو انتي تلآآحقين ورآآهم
وبعديين ليه طبيب نفسي وش دخلله بالموضوع
بالعكس ادخلي دورات تربويه
مثل فن التعامل مع الاخريين
والثقه بالنفس
ومن هالدوورات الي تزييدك ثقآآفه

الله يعيينك يآآآرب ()

ام غمآزة
11-11-2010, 05:04 AM
بنت عمك .. واي علاقه .. بغض النظر كيف بدأت .. طالما انها مو مناسبه .. فآكيد مايحتاج احد يتوقف عندها ..
حتى لو تربيتي على هالشيء وعشتي حياتك على جلستك معها وكلامك معها ..

مو شرط تلتزمين فيها على اساس انك ماعندك الا هي .. ممكن ماتلتزمين فيها وتكونين اجتماعيه اكثر ..
ودائماً من يحاول يدخل في علاقات .. انه يخرج للناس .. مافي احد كسب علاقه وهو لوحده .. لابد يكون فيه من يأخذ ويعطي معهم ..

ماظن لابد تعتبرين ان هالعلاقه شيء اساسي لكِ .. هي مجرد صله مع شخص ممكن تكون مع غيره ..
هذا من ناحيه .. من ناحيه ثانيه .. بخصوص الوالده .. انتي لا تحطين الحواجز بسبب مبررات سابقه .. حاولي انك تكونين دافع انك تتواصلين اكثر ..

كيف تكونين دافع ..انك تركزين على الاشياء الايجابيه .. مثلاً اهتمامها وانها اعطتك مساحه للتعبير .. وغيره....
يعني بهالشكل بتوصلين انك تصارحيها باي شيء .. فلا تبقين على ليه انا ما اقدر اتواصل معها ..

يمكن انتي بشكل كبير واضح انك متعلقه بالماضي .. من ناحية الاسباب ومن ناحية المواقف ومن ناحية وقتك الحالي برضو ..
فحاولي انك تخلقين شيء جديد .. سواء بدايه جديده او تفكير جديد او علاقات جديده او تواصل جديد .. لا تستمرين تبنين على الماضي ..


بالتوفيق لكِ ..






+ bp039

حكآيه ..
11-11-2010, 05:25 AM
ماقصرو الاعضاء بالردود وانا اتفق معهم .. بكل كلمه وردوهم كلها متقاربه ..


والله يسعدك يااااااااااااارب ويبعد عنك الضيقه وتشوفين السعاده دوووم ..~

حبروردي
11-11-2010, 05:37 AM
[b]شوفي ياعمري أنا من رآيي
تطنشينها لأنها ماتستاهلك
خففي علاقتك معها
حسسيها انك مانتي بحاجة لها ومستغنية عنها
وبعدين هي تدورك طبعا بعد فترة موب بسيطة/b]

متأخره بدري
11-11-2010, 06:29 AM
اللي ما عدك مكسب لا تعدينه خساره

لا فضّ فوك ياشيخه pb189

صح هذا الكلام . . لاتعلقين حياتك بها . . بالعكس يمكن لو تجاهلتيها تنضبط . .

ياطيبة قلبك bp039

مهوب تسذا
11-11-2010, 06:52 AM
هل زمن محد يقدر احد كلن نفسي نفسي
انا اللي اشوفه ان اللي تركض وراه وتحاول تراضيه يضربك با الجدار
اما اذا تغليت عليه او سويت نفسك ماتشوفه مثل ماسوت هي بتجي تركض وراك وتدورك بين السماء والأرض

وباين انك على نياتك وطيبه وحبوبه وتبي تساعدين الكل وتبين تبيني للكل مدى اهميتهم عندك
بس محد مقدر بس لما تضربين الناس كلهم با الجدار وتدورين على ناس غيرهم واحسن منهم
صحيح بنات عمك بس صدقيني بتلقين ناس يمكن يكونون احسن من اختك
انتي لو رحتي لأي عزيمه او اي مكان صيري اجتماعيه ادخلي مع الناس بموضوع تكلمي مثل ماسويتي لبنت عمك سوي للناس ترا معرفة الناس تجاره والمعروف ماينسي اذا كانت نيتك صافيه صدقيني ربي بيرزقك على نيتك
اما بنت عمك الله يهديها عافة النعمه اللي هي بنت عم تحبها من قلب بدون ماتنتظر معروف او مصلحه

ان شالله افدتك

ذكرى المطر
11-11-2010, 07:44 AM
" أحبب حبيبك هونًا ما؛ عسى أن يكون بغيضك يومًا ما، وأبغض بغيضك هونا ما؛ عسى أن يكون حبيبك يوما ما"

أنتِ إنسانة تستحقين صحبة جيّدة..وإنسانة تقدّركِ
فلا تفعلي هذا بنفسك
وهوّني عليكِ...إنما هي فتاة فحسب وليست ملاكًا أو ما شابه :rolleyes:

غـلا روحــي
11-11-2010, 08:14 AM
اعرف وحده جاتها نفس الحاله
المهم البنت تغيرت تعرفي اخر
شي كيف اقتنعت جلست اقول
الي مايبيني مابيه
من باعنا بعناه لو كان غالي
حاولي تطبقي هذا الكلام وشوفي
والدنيا ماتسوي تضايقي عمرك
والا بنت عمك تسوى انها تنكد عليك وتعقدك

الله يسعدك

أغرَق !
11-11-2010, 08:59 AM
الي فهمته ان بنت عمك مسيطره على تفكيرك..يعني تصحين وتنامين وانتي تفكرين فيها!
والحل ..انك تغيرين هالفكره..شيلي فكرة بنت عمك من راسك لان هالشي هو الي مخليها محور حياتك..وهذا مو في صالحك ولا في صالح علاقتكم ..جربي تستبدلين هالفكره بفكره ثانيه.. يكون عندك اهتمامات بالحياه واهم شي تخلينها تشغل تفكيرك..عشان تاخذ مكان بنت عمك في تفكيرك..اي شي انتي مبدعه فيه حاولي تركزين عليه ..ممكن حتى يكون شخص..وحده معاك بالجامعه انتي مهتمه بصداقتها..فكري كيف تتقربين منها اكثر كيف ممكن تكونون اصدقاء..او ممكن يكون شغل في البيت او خارج البيت..موهبه مثلا ..حاجه تحبينها حتى ولو ع النت..المهم انك تغيرين طريقة تفكيرك..لان المشكله كلها تبدا من داخلك بنت عمك مالها شغل ..كل شخص حر بحياته..وبعد ماتغيرين افكارك وتلقين حاجه تشغلك عن التفكير فيها..راح تتغير علاقتكم لان الرؤيا بالنسبه لك بتكون اوضح وبعيده جدا عن الاسباب الي خلتك تتعلقين فيها من البدايه..وهالشي بيخلي علاقتكم صحيه اكثر لك ولها..

الله يوفقك وييسر لك..

"اليزآحشه
11-11-2010, 09:25 AM
مو شرط صديقتك تكون بنت عمك !
مُمكن وحدةة معك بِ الجامعه أو أو ..
أنتي ليه حاصره نفسك بينهم ؟
صدقيني هم ماسووا كذا إلا لأنهم يدرون انك متعلقه فيهم
طنشيهم .. مو لازم كل جمعه تروحين ..
لاتسألينهم بِ كل شي تبين تسوينه .. ولا تعلمينهم كل شي عنك ..
عيشي حياتك الخاصه , خلي عندك صديقات ,
تطلعين معهم , تتمشين معهم , تفضفضين لهم
لا تخلين كل حياتك " بنات عمّك "

1+pb189

طبقي كلامها وطنشي بنت عمك وارتااااااااااحي واستناسي بحياتك..
يكفي اللي راح منها ونتي تركضين وراها ..!؟pb093


شدي حيلك واطلبي من الله العون pb189
مووفقه ياقلبي bp039pb189

مهـآ ..
11-11-2010, 09:54 AM
-

ليه مخليه بنت عمك وكنها محور حياتك او كانها وقفت الدنيا عليها
مدام الي مايبيك لاتبينه
او يمكن هي من النوعيه الي ماتحب الشخص يتعلق فيها بزياده فيه نوعيات كثير من هالشكليه
نصيحتي لك ابعدي عنها واذا هي تحبك راح ترجعلك واذا ماتحبك راح يبين

وررد
12-11-2010, 05:21 AM
حبيبتي pb189 pb189
شوفي تبين الصراحه او تبين اجاملك واقولك كلمتين وارفع فيك وانك احسن وحده بالعالم ؟ :D :D

اكيد تبين الصراحه pb027
طيب .. بقولك تستاهلين كل شي سوته ويسوونه فيك بتقولين لي ليش

انا ادري انك حبيبه وطيوبه وكل شي

بس وش خلا بنت عمك او بالاصح بنات عمك يعاملونك بهالطريقه ..؟

انتي الي سمحتي لهم بالبدايه يعاملونك كذا .. يوم شافوك ساكته وتمشين صارو يتمادون
تذكرين بالمدرسه اول :D كانت دايما تصير فيه وحده او كذا وحده بالفصل منبوذات او ياحياتي مسخره الفصل كلن يضحك ويستهبل عليهم .. ليش كلن يستهبل عليهم ..؟ لانهم ساكتين مايحكون ويلعبون دور الطيبه والملائكه
حتى فى الدول الاجنبيه فيه هالمشكله تسمى التنمر
انا ماقول انك كذا بس ابحاول اقرب لك الفكره
شوفي عزيزتي فيه مقوله تنقال واحيانا تصير صحيحه pb189
الي هي الاقارب عقارب pb024
ماراح تموتين اذا قاطعوك او سفهوك او مادخلوك بجمعاتهم

حاولي تكونين احسن منهم .. اجتهدي بدراستك .. اهتمي بمظهرك .. خليك دايما تووب بكل شي

والزم ماعليك اهلك امك وابوك واخوانك هم الي يبون يبقون لك والا الباقي .. الي يبيك يحبك ويحترمك حياه الله
والي مايبيك عوفيه pb189 pb189
ادري كلامي حوسه شوي بس اتمنى فهمتي علي ووصلت الفكره
موفقه يالغاليه bp039bp039

سلطانة الغيد
12-11-2010, 05:10 PM
أعانكم الله وأنصحكم بكثرة الدعاء

أمنيات تتحقق "
12-11-2010, 09:14 PM
قلبـــتي pb189
تراها بنت عمك مب اختك ولا امك :eek:
يعني مب للازم عليك ولا واجب تبرينها :eek:
انتي سويتي اللي عليك خلاص هي بكيفها pb189
هي تعودت من يومها صغيره انك انتي اللي تسوين لها كلش وانتي ماترفضين لها طلب وانو كل شي عنك تعرفه فاستصغرتك :rolleyes:
يعني خلي عندك شي خاص فيك انتي محد يعرفه خليك شوي غامضه خليك حازمه شوي bp039
خلي عندك شخصيه مستقله مب كلش تكبينه عندها :D
يعني اذا شفتيها امسكي لسانك شوي pb036
ودوري النقاط اللي هم مايدبرون فيها شي مثلن صيري اسنع منهم عشان يمدحونك الحريم pb034
=>مدري احس مالها دخل بس حبيت اضيفها :eek:pb036
اممم وش بعد اي كوني صداقات بالمدرسه جديده
خلي عندك مجتمع ثاني غير عمانك pb036

بس هذا اللي اقدر اساعدك فيه :(bp039
تفضليbp039 وهذي لبنت عمك خخ bp039:D