PDA

عرض كامل الموضوع : دراسيـه || كيف اتأقلم مع الوضع الجديد .. أنا استطيع ان شاء الله بس انتم وجهوني : )


الـدنيا ماتـسوى
02-10-2010, 11:01 AM
العمر : 15 وسبع شهور تقريبا
الجنس : ( أنثى )
مكان الإقامة : الرياض
هل هي مدينتك الاصلية ام منتقل لها : الاصليه
اذا كنت منتقل لها : --
الحاله الاجتماعيه : ( عازبــة )
ان كنت متزوج مدة الزواج : --
وجود اطفال من عدمه : --
طبيعة العلاقه مع شريك الحياة : ( -- )
مستوى التعليم : اولى ثانوي
نوع الوظيفـة : طـالبه
الحالة المادية : ( متوسطة )

البيانات الأسريّة :

نوع السكن : فيلا ملك
عدد الترتيب بين أفراد الأسرة : الاخيره
عدد الأخوة والأخوات: اشقائي 3 اولاد بس
عمر الأب : متوفي عمر الأم : 53 تقريبا
مستوى تعليم الأب والأم ؟ الام : رابع ابتدائي اتوقع ووقفت
الجو الأسري في البيت ( العلاقه بين الاب والام ) : --
هل يوجد زوجة أب أو زوج أم ؟ : لا
هل يوجد أخ أكبر في المنزل ؟ : نعم
هل يوجد أعمام أو أخوال مقربين يمكن اللجوء اليهم ؟ : يوجد بس مابي اقول لهم شي
طبيعة علاقة صاحب المشكلة مع بقية أفراد العائلة : حلوه
الجو الاسري بشكل عام في التفاعل : ( التواصل ممتاز تقريبا )



البيانات الطبيّة :

هل يوجد أمراض عضوية تعاني منها ، وماهي ؟ : يمكن فقر دم والحين اتوقع ضعف بالنظر
هل يوجد أدوية تستخدمها حالياً ، وماهي ؟ : لا
هل يوجد أحد قريب بالعائلة يعاني من نفس مشكلتك : لا
الحالة الصحية في البيئة التي تعيش فيها من ناحية الحي ومن ناحية خدمات المستشفى في المنطقة :
( ممتازة)

البيانات الدراسيّة :

العمر عند الدخول للمدرسة : 6 سنوات الا شهرين :d عدد مرات الرسوب : ولا مره الحمدلله
مستواك الدراسي على مختلف المراحل الدراسة ( جيد جدا )
علاقتك مع الزملاء في المدرسه / العمل : بمدرستي القديمه كانت حلوه الحين ماعرف احد
هل واجهتك ظروف أثّرت على أي مرحلة من مراحلك الدراسية : ايه انتقلنا من بيت لبيت

الـدنيا ماتـسوى
02-10-2010, 11:02 AM
البيانات الإجتماعيّة :


هل هناك أي أنشطة أو ممارسات تتقنها : اللابتوب - القراءه
هل لديك قابلية للاختلاط الاجتماعي مع أبناء الحي وزملاء الدراسة والعمل
أم تفضّل الانعزال : منعزله بس بالمدرسه تقريبا لكني مابي اكون كذا
كم عدد ساعات جلوسك مع الناس : مممم 6 ساعات بالمدرسه وساعات جلوسك لوحدك : اجلس مع اهلي باقي اليوم وبعض الاحيان بغرفتي يعني عادي
وكيف هو شعورك في كلاهما : لما اكون بالمدرسه شعوري شين وما احبه وبالبيت شخصيه تختلف تماما عن المدرسه يعني فله ووراحه ووناسه


؛


* أذكر مشكلتك الآن :
بسم الله الرحمن الرحيم
السلام عليكم ورحمه الله وبركاته
بتكلم عن المشكله من بدايتها
انا بثاني متوسط دخلت مدرسه جديده لاننا نقلنا من بيتنا لبيت جديد .. بالبدايه كنت متحمسه للمدرسه الجديده وبنفس الوقت متضايقه اني بفقد صديقاتي اللي من الابتدائي وهم معاي =( .. نقلت ودخلت المدرسه الجديده ماعرف فيها احد ابدا واداوم زيي زيي الطاوله والكرسي مقدر اهرج مع احد ولا شي .. المهم صرت بعض المرات اذا جا الصبح وبروح للمدرسه ترتجف شفايفي وينخفض عندي الظغط ويغمى علي احيانا .. غيابي صار كثير .. كرهت مدرستي حتى ريحة المدرسه كرهتها .. ماقدرت اتأقلم مع الوضع الجديد ماعرفت اكون صداقات لاني ماتعودت اساسا لانه يوم اني بأولى متوسط صديقاتي جايين معي من الابتدائي فـ 6 سنين وانا كل المدرسه اعرفها سنه ورى سنه ويوم نقلت لمدرستي الجديده تغير علي الوضع ماعرفت اصادق احد ولا صرت زي ماكنت .. الترم الاول من ثاني متوسط كان اغلبه غياب بالاسبوع ما اداوم الا يوم او يومين مره تعبت .. قررت انقل من المدرسه رحت لمدرسه اهليه بس البنات انواع قله الادب والاستاذه تشرح وهم مسوين الطاولات دائره ويشربون ببسي وياكلون ليز ملح وخل !! هذا وهم حاطيني بالفصل اللي مكرمينه امس انه يقالك الفصل المثالي !!
مدري ماحسيت نفسي بمدرسه ابدا ابدا وصراحه خفت على نفسي اكون زيهم ويأثرون علي وانا انسانه ابدا ماتعودت على انه بالحصه الاستاذه تشرح ومحد طاق لها خبر الا انا بس ! ووحده واقفه فوق الطاوله وتنادي مع الشباك وتصارخ بعد تكلم صديقتها اللي تحت بالساحه ! والثانيه تتهاوش مع الاستاذه وتراددها وخطر لاتقوم تصفقها بعد ! .. بعد ماشفت الوضع كذا رجعت لمدرستي الحكوميه واشوى كانو توهم مانقلو ملفي .. المهم الترم الاول كله كان شيل وحط مع هالمدرسه نصه غياب ونصه محاولات نقل لاي مدرسه ثانيه .. مادريت الا ومابقى ع الاختبارات الا شهر قررت احول انتساب .. جا الترم الثاني وحولت انتظام وصرت احظر يوم واغيب عشر ايام وزيي زي الطاوله والكرسي ما اعرف احد .. مرره تعبت نفسيا وحاولت اصادق اي احد بس كلن معه شلته.. جاني قلق وشبه اكتئاب ورحت لم دكتوره نفسيه بس ماسوت اي شي قالت عندك قلق وعطتني دوا عشان ماينزل ظغطي ومدري وش وخلاص ! .. على العموم جت ثالث متوسط وقررت اني ما اتعب اكثر من كذا ولا اظغط على نفسي اكثر من كذا فـحولت انتساب بثالث متوسط كلها صحيح انه كثير كانو معارضين بس انا انسانه عنيده وسويت اللي براسي وحمدلله ارتحت .. وانا كنت ناويه انه الثانوي غيير ومستحيل ادرسها انتساب .. وانا اعترف اني غلطت بقراري يوم درست انتساب بالمتوسط بس الدنيا تجارب وتعلمت منها .. جت اختبارات ثالث متوسط الترم الثاني على اخرها يعني ع الاسبوع الثانيه تعرفت على اللي قدامي بالقاعه وخل ابسميه شهد .. تعرفت عليها ومن بكرا اخذت ايميلها .. واتفقنا انا واياه نروح لنفس المدرسه وعلى اساس انه حنا الطالبات الجديدات ونصير نعرف بعض هناك . المهم انتهت الاختبارات ونجحت بنسبه 90 %
بدت الاجازه وماكلمت شهد طول الاجازه الا 3 مرات اول مره ماعرفت مين انا وكنا برمضان .. المهم وانا متحمسه للثانوي انتهت الاجازه وبدت الدراسه ! .. بالليله اللي من بكرا مدرسه ماقدرت انام الا الساعه 12 .. اعتبرته شي طبيعي لانه اول يوم
جا الصباح رحت للمدرسه شفت شهد سلمت علي وقالت انه اشتقت لك وطول الاجازه وانا ادعي ربي انك تكونين معي بنفس المدرسه (هذا وهي ماكانت تعرف اسمي يوم اكلمه:d) .. المهم عادي انا سلكت وسلمت عليها والوضع طبيعي يعني .. اخذنا الكتب ولقيت انه انا بفصل وهي بفصل ثاني قالت بدخل على الاداره وانا انتظرتها برا وقعدت ادعي ربي من كل قلبي انه تكون معي بنفس الفصل بس طلعت وقالت ان الاستاذه قعدت تقول وعسى ان تكرهو شيئا وهو خير لكم وكذا وعيت لاتنقلنا بفصل واحد =/ .. انا حسيت انه ربي رد علي فـخلاص اقتنعت انه يمكن خيره .. مر اليوم الاول بسلام مادرسنا شي فـقعدنا ندور مره نقعد بفصله ومره تقعد بفصلي .. اليوم الثاني شهد غابت وانا جيت وقعدت لحالي بالفصل ماعرف احد ابد حاوولت اتعرف بس ماقدرت ولاعرفت =/ ..
اليوم الثالث غبت لاني حسيت اني قاعده اعذب نفسي على الفاضي .. من بكرا الثلاثاء رحت وقعدت لحالي وجو بنات بالحصه الاولى يقولون ان هذا المكان مكانهم وانه صديقتهم كانت حاجزته باليوم الاول بس نزلت تعدل ملفها ومدري وش من هالهرج .. انا عارفه انهم يتسذبون :d وعارفه انه يبون مكاني عشان يكونون كل الشله جمب بعض المهم قلت دبرو لي مكان قدام واقوم وطلعو لي مكان وقلت واذا صار مكان بنت ؟ قالو انه اذا صار مكان بنت رح نقوم وحلفو وكذا المهم انا رحت بس المكان عند الجدار اللي قدام الباب بس موب جمب الجدار يعني كذا (اللي بالاحمر) -- -- -- | بس يوم قعدت هنا صرت مقدر اشوف السبوره الثانيه وكنت ابغى اقول لرائده الفصل بس ماقدرت =/ ..طول اليوم وانا قاعده بمكاني وساكته وما انتبه للشرح زين لان المشكله تشغل تفكيري وذهني مشتت ماقدرت اركز ويوم جت الفسحه قعدت بالفصل وحطيت راسي على الطاوله ونمت وقمت الحصه الخامسه لان الحصه الرابعه فراغ واغلب وقتي ياما اقرا كتبي يقالي البنت الشاطره والا احط راسي ع الطاوله .. المهمم ويوم جت الطلعه وانا قاعده انتظر ينادي اسمي جت شهد شافتني وسلمت علي وانه وينك وماشفتك وقلت لها اني غيرت مكاني المهم قعدت معي شوي وانا ماكان لي خلق فـكنت ساكته شوي سألتها تعرفتي على احد قالت كثييير .. من هنا انا عرفت ان البلا مني مو من المدرسه ولا البنات .. انا لما كنت بالمتوسط ماكنت اقدر انسجم مع البنات لان اهتماماتهم غيير مره غير عن اهتماماتي .. هم يهتمون بالمطربين بآخر الاغاني بالفاشن بالموضه الممثلات واخر اخبار الفن وما الى ذلك .. بس انا ابدا منب لم هالاشياء وحاولت اقنع نفسي فيهم واصير زيهم لكن عقلي اكبر مني واعتبرت هالاشياء سخافه وشي تافه ما منه نفع =/ .. ممكن هو غلط علي كذا وسالفه انه عقلي اكبر مني تنرفزني شوي لانه مقدر انسجم مع البنات اللي كبري .. كثير قالو لي بنات الثانوي غيير .. بس لما رحت للثانوي مدري حسيت كل شي نفس ماهو ماتغير .. يمكن بدري اني احكم على المدرسه من الحين بس مدري =/ .. يوم الاربعا غبت واليوم السبت من الاسبوع الثاني سويت شي جدن غبي ..

الـدنيا ماتـسوى
02-10-2010, 11:02 AM
رحت للمدرسه مع اخوي يوم وصلنا باب المدرسه رفضت انزل ! طب ليش ؟ بس كذا ! .. هو مو بس كذا .. بس انا مابي اقول لاخوي .. قعد ينتظرني انزل ويقول ترى عادي بنام بالسياره وانتي متى ماطاح اللي براسك انزلي .. قلت مارح انزل وقعدنا فتره انا خنقتني العبره وكنت متغطيه فـنزلت دموعي .. يعني ليش انا كذا الحين ؟ ليش ماكون زيي زي البنات ! يداومون ويروحون ويتعرفون ويمشون وصديقاتهم معهم وبعضهم يمكن فيه مالهم صديقات بس عادي يروحون للمدرسه وماهمهم .. ليش انا كذا ! ليش ارتبك واتوتر واقلق من المدرسه واكره حتى ريحتها وفيه شعور جواتي ماعرف اوصفه وقلبي يدق بسرعه واذا رحت للمدرسه ما اتكلم ولا كلمه لين اطلع 6 ساعات ساكته وماصرت زيي زي غيري .. الحين مره متضايقه من الحركه الغبيه اللي سويتها اليوم يوم قعدت بالسياره اشوف البنات يدخلون للمدرسه وانا مابي انزل شعور صعب اذا نزلت وجيت بدخل المدرسه قلبي يدق بسرعه واذا دخلت تحملت العذاب 6 ساعات .. مشكلتي اقول انه ليش اعذب نفسي ؟ مافي شي يجبرني ؟ هذي الفكره جدن مسيطره على تفكيري .. هي غلط وانا عارفه انه غلط بس ماقدرت شي غصب عني وقسم : (
امنيتي من كل قلبي تنحل مشكلتي مع الدراسه والمدرسه وقسم بالله تعبت تعبت ومستعده اسوي اي شي عشان تنحل .. ماعاد فيني صبر
انا اعرف اتكلم مع البنات لكن ماعرف كيف ابدا يعني كيف اتعرف ؟ وش الطرق ؟ وشلون وانا الحين عطيتهم فكره عني اني انسانه هاديه وساكته طول الوقت مع اني بالبيت العكسس تماما وبعض البنات يفهمون البنت الساكته واللي زيي يعني انه يمكن متكبره او شي زي كذا وانا منب لم هالشي ابد وقسم ..
بالاسبوع الاول كنت وانا بالمدرسه اقول مستحيل بكرا اجي لكن لما ارجع منها اقول لازم اروح واتحدى نفسي واحاول .. ولما يجي الصبح اتوتر بس اظغط على نفسي لكن يوم الاربعا ماقدرت وغبت واليوم سويت حركتي الغبيه وماقدرت اظغط على نفسي اكثر : (
اي صح تذكرت شي .. انا اكره النشاطات واشيل همهم بقووه مدري ليش يمكن لان الاستاذه تقوله وانا ما افهم وش المطلوب مني او مدري كيف بس المهم مره اكرههم واشيل هم اذا طلبو نشاط او شي زي كذا واحس لو معي صديقاتي مارح افكر بهالشي ورح اجيب النشاط واتشجع وكذا ..

اللي حاولت اسويه عشان احل المشكله وماقدرت :
*اشتريت كتاب استمتع بحياتك امس وقريت منه كثير لكن للحين ماستفدت شي يفيدني بهالمشكله *قريت كتاب افتح النافذه ثمه ضوء قبل كم شهر واستفدت اشياء لكن بهالمشكله مالقيت احد يفيدني
* رحنا مكه قبل بدايه الدراسه باسبوع ودعيت ربي اغلب دعائي كان ان الثانوي تكون ايام سعيده بحياتي وكذا ويارب تكون كذا بفضل الله ثم فضلكم اذا علمتوني وش اسوي وكيف اقدر احل مشكلتي
*ظغطت على نفسي وحاولت اغيب بس بعد حركتي الغبيه اليوم مدري وش رح اسوي باقي الايام
* صديقتي اللي من برا المدرسه نصحتني وبنت خالتي نصحتني وكلن يقول لي بس هم مافهموني واغلب اللي يقولونه .. فتره وتعدي .. مصيرك بتتعرفين ..انا عارفه هالشي لكن ابي حلول اكيده .. بس انا ماقلت لهم شعوري ولا كل شي مدري ليش لكن من جد معتمده على الله ثم عليكم يالاقلاع : (


عارفه ان كلامي جدن كثير <- قصه حياه مهب مشكله ذي
بس والله كتبت كل هذا وبهالتفاصيل عشان ابي احد يفهمني وبعدين يعلمني وش اسوي وقسم ضايقه فيني الوسيعه مو عارفه شسوي وكيف اتصرف


اختصار مشكلتي اني ابي اعرف
كيف اتعرف ووشلون اكون صداقات وكيف ابدا وشلون اتجرأ وكيف اواجه الشي اللي جواتي لما اروح المدرسه وقبل ما ادخل مع الباب ولما اشم ريحه المدرسه واكرهها كيف احب البنات واتأقلم معاهم مع انهم مافيهم اي مشكله يعني عاديين بس المشكله مني كيف اتغلب عليها كيف ادرس واذاكر واحب النشاط كيف اتجرا واسأل الاستاذه اللي ما افهمه .. كيف ارفع اصبعي واشارك زيي زي البنات .. كيف احب البنات وكيف اخليهم يحبوني كيف اطرد الحزن والتفكير وانا بالبيت ومشغلتني مشكلتي بالمدرسه .. ووعد ادعي لكم من كل قلبي الله يفرج عليكم كربتكم اذا فرجتو علي همي من بعد الله

واسفه اني كثرت كلام بقوه .. شكرا مقدما .. انتظركم



بعد ذكر المشكلة :

مدة المشكله من بدايتها الى الآن : 3 سنوات تقريبا
تأثير المشكلة هل يمتدّ للمحيطين بك أم أنّ أثرها لا يتعلّق إلا بك : يتعلق بي
هل سبق وراجعت مختص أم لأ : ايه بس مافي فايده يعني اعتبرها مجرد تضييع وقت كانت لاني ماكنت انا اللي اتكلم امي الله يهديه تكلمت كل شي بدالي والدكتوره قالت قلق وهذاك كان ببدايه فتره الانتقال يعني بدايه ثاني متوسط وخلاص عدت
إذا كان هذا حديثك الأول عن المشكلة ، فما هو سبب لجوؤك لطرحها هنا : لا هذي ثاني مره واما سبب لجوئي لان ماعندي احد اقول له غيركم .. قلت لغيركم ولا نفع فـانا جدا واثقه فيكم ولانه اكثر من حل واكثر من طريقه تفكير رح يجيني ورح اطبق كل شي اقدر عليه ان شاء الله
مدى شدة المشكلة : ( تعيقك عن أنشطة الحياة تقريبا تستولي على تفكيري )


* اكبر عائق يعيقك عن النجاح ؟
ممكن التسويف والتأجيل

* أبرز الأشياء التي تسبب لك الخوف ؟

المدرسه حاليا خوف وارتباك وتوتر وكل شي

* أبرز الأشياء التي تساعدك على التفاؤل وتدفعك الى المحاولة وعدم الفشل ؟
ان معي ربي وانا متوكله عليه وواثقه فيه

* هل هناك مواقف سلبية .. عالقه في ذاكرتك وتؤثر على عطاءك ؟

بخصوص المشكله اتذكر كيف كنت وكيف صرت بس لكن شي محدد ماحب اخلي موقف يؤثر على عطائي وحياتي عموما

* نقطة قوّة لديك ونقطة ضعف ؟
قوهـ : زايده علاقتي بربي واثقه فيه / وانه اذا حطيت شي ببالي ومقتنعه فيه اسويه مهما يكون/ القراءه / احب اطور نفسي
مدري اذا بعضهم مالهم دخل عادي ترى سلكو :d

ضعف : ماعرف كيف ابدا الحديث ولا اتجرأ كثير مع انه احس اقدر يعني .. اللي ببالي من افكار مقدر اترجمها لواقع يعني مثلا ممم .. اكبر الشي وهو بوجهة نظري وجواي احس انه تافه ومع ذلك اكبره .. مدري ان شالله احد فهم:d

NAY+
02-10-2010, 11:32 AM
امممممممم ماحبيت ادخل من غير ماأرد

مشكلتك انا أوجها بس اخف من مشكلتك شوفي انتي قولي لنفسك انا احسن من هذول البنات

انا ذكيه وجميله واحسن منهم وعقلي اكبر من عقولهم الصغيره

بكذا راح يروح عنك هذا الخوف من مواجهت الناس

انا والله سويت هذي الطريقه تخيلي انا ادرس في الجامعه ومرات اخاف اسأل الدكتوره سؤال فأردد هذا الكلام في داخلي
يعني أقول انا من حقي اسأل الدكتوره
تاخذ راتب عشان تدرسنا ومن حقنا نسألها ومن هذا الكلام
بكذا اتشجع وتجيني الجرأه وأسألها

جربي هذي الطريقه وان شاء الله تفيدك

فريده هاانم
02-10-2010, 11:35 AM
إنا مع العسر يسر
ومشكلتك ان شالله بسيطه وبتنحل

Hanoo Hanoo
02-10-2010, 12:32 PM
مشكلتك بسيطه ان شاء الله ومو مأثره عليك هذا انتي متفوقه ماشاء الله عليك
هذا انتي عندك صديقات صديقتك اللي تعرفتي عليها وصديقاتك من اول

طيب اذا انتي مو حابه المدرسه بشكل عام ليه ما ترجعين لمدرستك الاولى
اللي فيها صاحباتك القدامى بما انك ما زلتي تتواصلين معهم الى الآن
او ليه ما تنقلي مع بنت خالتك شوفي وحده تعرفينها من اول وروحي لمدرستها
او قولي للوالده تنقلك فصل شهد ترى المدارس ما يرفضون للأمهات طلب ومهما قالو
قولي لهم انا اعرف مصلحتي زين ومصلحتي اني اكون مع صاحبتي غير انك ماشاء الله متفوقه
وعاقله وعارفين انك مو لعابه

كلها سنتين وانتي متخرجه وتروحين الجامعه والحياة فيها تختلف كثييييير

بالتوفيق يا عسل

H!agar
02-10-2010, 12:36 PM
حبيتي تقدرين أهتمي بدراستك وقت الفراغ افتحي الكتاب ومعليك منهم .

الـدنيا ماتـسوى
02-10-2010, 03:16 PM
NAY+ (http://vb.eqla3.com/member.php?u=245654)
اي جد احس هذي الكلمات لها تأثير لازم اكثر منها بس وقت الجد انسى كل شي وارتبك واتوتر .. لكن ان شالله رح احاول اكثر منها لانها حوافز حلوه .. و مرره ششكرا pb189

فريده هاانم (http://vb.eqla3.com/member.php?u=515820)
انا عارفه هالشي بس ابي اعرف كيف تنحل ووش الطرق ؟

Hanoo Hanoo (http://vb.eqla3.com/member.php?u=648236)
طيب اذا انتي مو حابه المدرسه بشكل عام ليه ما ترجعين لمدرستك الاولى
مدرستي القديمه مره بعيده لاننا نقلنا من بيت لبيت بعيد عن البيت القديم (قلب(
اللي فيها صاحباتك القدامى بما انك ما زلتي تتواصلين معهم الى الآن
ولا وحده من صديقاتي اللي بمدرستي القديمه مازلت اتواصل معاها : ( انا اقصد يوم اقول صديقتي اقصد وحده متعرفه عليها من خارج نطاق الدراسه عموما
او ليه ما تنقلي مع بنت خالتك شوفي وحده تعرفينها من اول وروحي لمدرستها

بنت خالتي بمدينه ثانيه : (
قولي للوالده تنقلك فصل شهد ترى المدارس ما يرفضون للأمهات
فكرت بهالفكره بس لقيت شيئين
1/ ماحس ان الحل هو اني انقل من فصل لفصل او مدرسه لمدرسه لا .. لازم انا اتغير واصير اتعرف واكون زيي زي غيري يعني
2/شهد مو مره صديقتي ومابيها تكون مره مقربه لي لانها مو الانسانه المناسبه عموما .. والله مدري : (

على العموم مررره مرره شكرا ياقلبي pb189

H!agar (http://vb.eqla3.com/member.php?u=610272)
هذا للي سويته بالايام اللي رحت فيها لكن من جد تعبت يعني ماينفع اروح للمدرسه وانا زيي زي الجدار بس اقرى بكتبي طفشت منهم .. مقدر احاكي احد ولا اتجرأ مع اني برا المدرسه جريئه وعادي يعني ..
ششكرا pb189

Silence of Fire
02-10-2010, 03:40 PM
مهما تتعبك الضغوط ومهما تكون قوتها انتبهي وانتبهي وانتبهي تجلسين بالبيت عشان هالسبب مابقول تافه عارفه بحجم معاناتك وصراعك مع نفسك بس لا تتركين السنه تروح عليك اضغطي ع نفسك اثبتي انك اقوى وتجرأي على البنات اذا ماكلموك انتي كلميهم ذبي وجهك عليهم ..حتى لو تفكيرهم اقل منك مو مشكله احسن من انك تجلسين لحالك وتسمحين للتفكير السيء يسيطر عليك .. لما تبدين تاخذي وتعطي معهم تبعدي نفسك عن التفكير وتنشغلين وبتصير تحبين الدراسه لان لما يجي وقت فراغ تتذكري ان فيه احد تسولفي وتضحكي معه بدال ماتجلسي تقول انا ماعرف اصادق البنات و ووو الخ

انتي كبيره الحين ماشاء الله وباين عليك فاهمه لاتخلين مثل هالاشياء تخرب عليك حياتك لان بجد اي شي تسوينه الحين تشوفين اثاره بالمستقبل والافضل ان الاثار تكون ايجابيه ومبسوطه منها ولا تكون سلبيه.!

الله يوفقك بالدراسه ويوفقني ويوفق كل الطلاب والطالبات

قلوب

رآقي جدآ
02-10-2010, 03:50 PM
أنا يوم قريت موضوعك حسيت شخصيتك نفس شخصيتي تمآمآ
للحين مآعرفت اكون صدآقآت بعد اصدقاء الابتدائي
بَ المتوسط بآلحآلي دآيم :confused:
حتى لدرجه أنو جاء طالب جديد للمتوسط وصادق شله كامله
وانا بثلاث سنين ماعرفت أصادق واحد بَس
آلله يفرجهآ علي وعليك إن شآء الله bp039

apparition
02-10-2010, 04:05 PM
انا نفس شخصيتك ماعرف اصادق
عندي قاعده ((اللي يبيني يجيني ))
مستحيل اروح مع احد استحي احس اهانه مرره لا ماقدر اسويها

اثبتي وجودك بمشاركتك مع الاستاذه تقدرين تتكلمين مع البنت اللي جنبك وتعرفي عليها قولي انا عندي اميل تبين اعطيك اميلي بلاميل بتتعرفين عليها اكثر
بس انتبهي تتعرفين على بنات سمعتهم مو حلوه وسيئه عشان لايأثر عليك
واختاري صحبة البنات المؤدبات بالفصل لاتحتكين مع المشاغبات واللي يردون على الاستاذه لان ذولا ناس ماعندها احترام وتقدير ف اكيد لما تصاحبينها مو محترمتك وبتكون تتكلم عليك دام اخلاقها ترد على المدرسات وقلية ادب ومشاغبه ابعدي عنهاا ولاتحتكين فيها

اممم بعد الابتسامه لها دور كبير
وحلو عندك صديقه من الفصل الثاني تقدرين تجلسين معاها بوقت الفسحه ^^

انا اشوف الفصل عادي مو مهم تجلسين مع احد المهم وقت الفسحه
لان وقت الفصل بتكونين مشغوله ب سماع الدرس وحل الواجبات

بالتوفيق لك =)

مقروشـه
02-10-2010, 04:06 PM
انتي الله يهديك مكبـره الموضوع بداخلك عشان كذا صعب عليك هالشـيء ، فكرتي بكل شي يعني كيف ابدء اتعرف وش اقول اول شي ومن هالكلام غلط كذا :(

لا تحطين ببالك هالأشيـاء وصدقيني مع الأيام بتتغيرين بس أعطي نفسك فرصه انتي ثاني متوسط خليتيها نصها غياب والباقي انتساب وثالث متوسط انتساب يعني وين الفرصه والمحـاولات ؟!!
خلي الثانوي غيير وقولي بنفسك انك اجتماعيه وانك حبوبه و راح تساعدين نفسك بنفسك .. ;)
يعني مثـلاً اذا كانت اللي بجنبك حبوبه وتحسينها تنفع تصير صديقتك اسئليها عن الدروس وبعدين شوي شوي كلميها عن اي شي عام شفتي البرنامج امس .. امس سويت كذا يعني خليك طبيعيه وعاديه وبتتغيرين .
والله يهدي بالك يارب ويبعد عنك القلـق ، وتصير الثانوي لك حياة حلوة وتجربه حلوة وتطلعين من وراها بصديقات حبوبات وطيوبات مثلك . bp039 pb189

"الريم"
02-10-2010, 04:20 PM
ماشاء الله ,,pb189

اسلوبك واعي مثقف ويدل على انك انسانه فاهمه الدنيا صح

غريبه وحده مثلك ماعندها صاحبات

انا نفسك وفيني منك كثير ابدن انا مو اجتماعيه :(

واللحين سنه اولى جامعه واليوم اول يوم اداوم بعد :D

كنت افكر اني ادف نفسي وافتح حوارات مع البنات بس مو شرط اصادق

احس الصداقه ماتجيك لما تدورينها هي تجيك من نفسها

وبعدين مافيها شي اذا قعدتي بلحالك ابدددن مافيها شي

صحيح حلو انك تسولفين ججربي افتحي موضوع مع زميلتك اللي جمبك

علقي على شي اي شي

بس لاتدفين نفسك عليها , يعني خلك ثقيله

واتركي عنك شي اسمه غياب او تسحبين هاذا اسمه اسمحيلي استسلام وجبن :(

خلك قويله ولا عليك من احد الزم ماعليك دراستك وانتي بسم الله عليك مافيك عيب

بس مانتيب اجتماعيه شوي مو اخر الدنيا يعني

ابد مو قاعده انصحك وانصح نفسي pb094:D

يارب اانك استفدتي من الهذره اللي فوق bp039

green 0ne
02-10-2010, 04:35 PM
سلام

اول شي انتي لازم تقنعين نفسك انك اجتماعيه جدا
وتبدين خطوه خطوه بعدها..
انتبهي تغيبين لانك تتهربين واتركي اي شي يخليك تتهربين .. لاتنعزلين ابدا
اول مره روحي شوفي لك بنت حبوبه وقوليلها ممكن اجلس معكم بعدها ابدى تكلمي باي شي اي سالفه بالفصل او عن البنات نفسهم انتم صاحبات من متى ؟.. انا تركت صاحباتي وعندي مشكله مع البنات اللي هنا .. عادي ابدي سولفي وبعدها سالفه تجر سالفه
مممكن تلفين علي بنت وراك وتقولين لها مممكن اكمل من دفترك وكملي من دفترها وانتي لافه عليها وابدى احكيي معها اساليها عن اي شي .. عن اهلها من وين هي وكذا او حتى تقدررين تتكلمين عنن نفسك لانه بيكون شي يسعدك
الخطوه الاولى بيدك
ابديها بدون تردد بتصيرين اسعد بكثير لاتعبين نفسك والشي مايستاهل تندمين بعدين انك ما استانستي ..
روحي مع شهد قولي لها بجلس معك اليوم وكذا واجلسي مع صاحباتها وسولفي معهم تعرفي علي كل احد قدامك
انا كنت مثلك في فتره.. بعدها تجرأت .. اللحين لقيت نفسي اني استفيد مره من كل النواحي لما اعرف بنات كثير ..
وشي جميل
ابدا لاتخلين شي يوقف قدامك .. واجهي كل شي يضايقك .. راح تلاقين كلام كثير تقولينه للبنات وراح تلاقين بنات اكثر تسولفين معهم .. الحياه سهله ان شاء الله
الله يوفقك ويوفقنا يارب

a ش‘i .. عَ
02-10-2010, 05:03 PM
السلام عليكم =)

وضعي مقارب لوضعج .. مشكلتي اني في صف بروحي .. محد من أصدقائي معاي ..
عن نفسي أودي معاي روايات أو كتب وأقعد أقرى في وقت الفراغ وحصص الإحتياط .. وحصص التدريس بالي يكون مع الأبله وبس ..

وايد نفعتني هالطريقه ..
- ماكون محتاجه لأحد لأن الكتاب خير صديق ..
- تقضين وقتج في شي يفيدج .. يعني مايضيع عالفاضي ..

١- لا تخلين أكبر همج تصادقين أحد .. أشغلي نفسج وبتلاحظين البنات بروحهم يتقربون منج ..
٢- أخذي السالفه تحدي مع نفسج .. وإنج انسانه تقدين تتأقلمين مع الوضع مهما كان صعب ..
٣- لا طاحت عينج على حد .. أبتسمي .. دائماً أبتسمي ..

ان شاءالله قدرت أفيدج والله يوفقج يارب ..

Kasahara
02-10-2010, 05:33 PM
مشكلتك موبس انتي لحالك تعانين منها
حنا الحين بداية السنة طبعا
بنات السكشن حقي من مدن مختلفة .. لما الاستاذة تسالهم وش مشاعركم مع اول سنه
كثير منهم يقولون ( ماتأقلمنا تو , خوياتنا مو معنا ومو مرتاحين , صعبة ونعاني قلق لان ما كونا صداقات )
لما نجي للصدق محد منهم يتقرب للثاني او يفتح حوار ..! :eek: أجل كيف تبوننا نصادقكم :D

ليش محد راضي يساعد نفسه :sm18:
أنا لو جتني بنت تبي تصادقني ماعندي مشكلة ابد pb189
على الرغم من اني عندي صديقات ولله الحمد بس عادي ماحب احتكر احد او احد يحتكرني pb030

اتوقع انتي نفس الوضع عندك ,, انتي ودك تكونين صداقات بس الي حولك مايحمسون pb036

بعدين وش اللي اهتماماتهم وما اهتماماتهم ؟ اعرف لك ملتزمات مالهم بالشغلات الي ذكرتيها مصادقات بنات ياكثرهم :sm5:
المهم الجوهر يا بعدي

اصبري شهر وكذا أكيد بتصادقين bp039 لاتتحطمين ,, لا تعذبين نفسك واللي حولك ياقلبي ;)
والله مايسوى عليك ماتروحين المدرسة عشان كذا !! يقولك علاج الهم اقتحامه مو الهرب منه
تهربين يوم يومين اسبوع ,, واخرها تطيح على راسك :sm4:

وانصحك بقراءة كتاب : لاتكن لطيفا أكثر من اللازم
لا يصرعك العنوان pb027 ترى فيه الحل ان شاءالله من بعد ص 21 او حولها

+ سورة يوسف اسمعيها بصوت الشيخ اللي تبين http://www.tvquran.com/en/Alsudaes.htm
تريح اعصابك pb030

الله يعينك ويفرج عليك يارب :)

تونآآ
02-10-2010, 05:38 PM
.





يَ ربي في نآس مثلي :$
انآ نفس شخصيتك مآ أعرف اصآدق صرآحه خخخ
البنآت يصآدقوني اهلاً و سهلاً بس انآ اصآدق لآ
طبيعتي هآديه و هذآ اللي متعبني : (
عكس ايآمي بالابتدآئي , :sm1::sm1::sm1:
فرق فرق فرق , pb030 الله يعينآ بس , < pb027

Vio11et
02-10-2010, 06:01 PM
^
مي توو في ناسس كتتتيرهـ مدري ليشش حابه اتعرف عليهم
بسس مععرف احسس اسلوبي غبي هههههههههههههه
والله اتذذذكر صصحباتي الي ف المتوسسط تعرفت علين
بطريقه هببله بنات ف الفصصل و بنات برا بس الاسلوب كان بايخ بس كنت مبسسوطا اني كونت علاقه معن
بس حالييييا امششي بس مع صصحباتي و نفسسي اكون صصداقات كمان وكمممان مدري ليش
بسس احيانا تجي ف بالي افكار الاعجاب خخخخخخخخخخخ
اخاف الي اروح اصصاحبها تقول ششكلها معجبه من اول تططالعني و هلق بتصصاحبني ههههههههههه
وبسسس :)

Delechos
02-10-2010, 06:16 PM
صدقيني تتغيرين مع الأيام بس ساعدي نفسك

خليك لطيفه مع الناس
مثلا موقف مكانك ومكان صاحبة وحده من البنات
لو انا بموقفك يجون واوك اخذ الموضوع بإبتسامه وصدر رحب مو عشان إني مو عارفه ارد عليهم ولا مجبوره بس عشان أحاول أكسبهم أو أكسب وحده منهم
أبتسم ولما يقولون خلاص المكان الثاني مو لأحد اخذها بضحك وياويلكم لو طلع لأحد ببلشكم إنتو هم غصب بيبتسمون ولو ما إبتسمو وخذوها جد والله ماعليك ارد بإبتسامه مصدقتكم انا بس امزح !

يعني اللي تجي عينك بعينها إبتسمي بوجهها ولو ماردت الإبتسامه لك عاادي تعودي ع هالشغله

بعدها لما يجي مثلا وقت بين الحصتين وقت فراغ إلتفتي للي جنبك إبتسمي لها وعلقي على أي شي بالدرس ولا بالحصه ولا إن تعب ملل فيني النوم وجيبي أي كلام ! عندك خوات بالمدرسه ؟ إنتي نقلتي الثانوي مع صاحباتك ؟

هذي طريقة حلوه للتعارف على أي احد حتى خارج المدرسه إبتسمي وإسألي سؤال بسيط ممكن يفتح مواضيع وبعدها تبدأ العلاقه

ودايم لاتضايقين نفسك كلها كم ساعه بالمدرسه ومن بعدها إنتي ببيتكم وعادي !
لاتكبرين الموضوع هذي مو مدرسه داخليه عشان كل هالضيقه والتعب ؟؟!
كلها كم ساعه وبعدين ترجعين لبيتك وأهلك وغرفتك وعاادي
لاتجلسين تحطين براسك إن انا بمشكله انتي مو بمشكله
موضوعك جداً بسيط كلها كم شهر بيخلص الترم الأول ويلحقه الثاني وتخلصين أولى وكذا الايام تركض
لاتكبرين الموضوع هذي مو مدرسه داخليه عشان كل هالضيقه والتعب؟؟!
كلها كم ساعه وبعدين ترجعين لبيتك وأهلك وغرفتك وعاادي
لاتجلسين تحطين براسك إن انا بمشكله انتي مو بمشكله
موضوعك جداً بسيط كلها كم شهر بيخلص الترم الأول ويلحقه الثاني وتخلصين أولى وكذا الايام تركض
إقنعي نفسك إنك اصلا ماعندك مشكله
عشان تقدرين تكونين علاقات وصداقات !


موفقه

خبللة
02-10-2010, 06:25 PM
السلام عليكم ^^

احس مشكلتك بسيطه :D بس انتي مشغله نفسك بالتفكير فيها

يعني لما تروحين للمدرسه لا يسير همك والوحيد انك تتعرفين على بنات وكذا ، لا حطي اي شي فبالك غير هذا اي شي لو درس خخخ ، صدقيني بتتعبين كذا pb036

واهم شي لا تغيبين :sm4: ابدا ابدا لا تغبين انتي تروحين المدرسه عشان مستقبلك موب عشان البنات ، كمان البنت اللي تغيب كثير ما يسير لها وجود بالفصل يعني اذا غابت محد درآآ عنها

واذا بالاسبوع الاول ما تعرفتي على أحد ان شاء الله تتعرفين بالسبوع الثاني واذا ما تعرفتي بالثاني ان شاء الله بالثالث اهم شي لا تغيبين ولا تحولين انتساب ولا شي ----> اصلا لا تفكرين :eek:
لأني متاكده انو رح تلقين احد يعجبك ونفس شخصيتك pb189

ترى المسأله سهله مره مره سهله اتكلم مع بنت وبس وبكره اتكلم معها مره ثانيه ---> كذا قولي لنفسك واقنعي نفسك بذا الكلام :D
يعني مثلا اذا حضرتي الطابور قولي بصوت عالي للبنات صباح الخير حتى لو تستحين ولا شي اغصبي نفسك وقولي
واذا تأخرتي مثلا على الحصه وما حضرتي الطابور لما تدخلين الفصل قولي السلاااام عليكم بصوت عالي وابتسمي ترى الناس يحبون البشوشه وخلي كل البنات يناظرونك ويردون السلام واذا كنتي تستحين ولا من النوع الخجول اقعدي عن الباب وقولي واحد ، ثنين ، ثلاثه ، وادخلي وقولي السلام عليكم ^^ ---> ترى والله سهله :D

واذا جت الفسحه أو حصه فراغ اقعدي مع اي بنت ولا اي شله ، صدقيني لما تروحين عندهم هم بيقعدون يسألونك من اي مدرسه انتي ، ليش نقلتي ...الخ
واذا ما سألو انتي سولفي عن نفسك ، حتى لو ناظروك نظرات اللي هذي وش تبي ترى لازم تحسين بذا الشعور ولا هم عادي :D واذا ما اعجبتك سواليفهم تحملي عاد كذا اهتمامات البنات خخخخخ

يعني حاولي تغصبين نفسك تسولفين حتى لو ما كان له دخل بالسالفه كذا اول ما تدخلين بكره الفصل قولي للبنت اللي جمبك اهلين مثلا استلفي قلم منها خخخ وقوليلها قلمك مره حلو يخلي الخط حلو وبعدين مثلا قولي ماني مستوعبه انها بدت المدرسه ، الى الان احسها اجازه خخخخ ، واذا كانت عدكم استاذه كانت تشرح قولي للي جمبك شرح الاستاذه حلو ...الخ ---> هذا مثال موب شرط تقولين نفس الشي :D

بقولك سالفه : فيه بنت جت عندا في سنه من السنوات أول ما دخلت وهي تمون وتسولف عن نفسها وتسلم حتى اني شكيت انها بالمدرسه من زمان وكذا المهم انو كنا نقول وش ذي الجرئه ! وفيه بعض البنات ما اعجبتهم خخخخ
بعد كم اسبوع سارت صديقه البنات كلهم خخخخ حتى اللي ما كانو يحبونها الحين هم من اكثر ناس يحبونها pb036 :D

مدامك تقولين شخصيتك فالبيت غير المدرسه يعني ان شاء الله تقدرين تقتبسين شخصيتك اللي في البيت للمدرسه

ايه صح شكلك تحبين تقرين الكتب ماشاء الله عشان كذا ابحثي كتب عن الثقه بالنفس مع انك ما شاء الله واثقه من نفسك والدليل الموضوع لما قلتي انك تقدرين ^^

الله يساعدك وان شاء الله بيسير عندك صديقات قد الدنيا خخخخ

( خخخ اذا عندي اخطاْ املائيه تجاوزيها :D )

jr7tny
02-10-2010, 06:39 PM
اجل آآنا حامت كبدي بالكليه ماعندي صديقات بس اتلفت تقل يتيمه :( << بسم الله علي :)

ومشششكلتي مب اي احد يعجبني من البنات ,,

الله يعيننــــــــآ يآرب ,,

MI$$.HONEY
02-10-2010, 06:48 PM
شوفي يا اختي انا جاني مثل الشعور اللي جاك اول ما نقلت لمدرسسه جديده
وبعديين يوم دخلت الفصل كنت لحالي ما اعرف احد واللحين مالي اسبوع وانا اعرف على كم بنت

شلون تتعرفين على البنات حاولي تفتحين موضوع مع اي بنت تشوفينها جالسسه حولك وساكته حاولي يكون الموضوع عام بعديين بتخشين جو في السوالييف وكذا اذا حسيتي انها متقبلتك والبنت تلقائي اذا شافتك لحالك راح تناديك تمشي معها

وان شاء الله قدرت افيدك

Optimistic
02-10-2010, 08:00 PM
شوفي ،
أقدر أقولك مثل كثير من اللي قبلي ..
عيشي حياتك و إنتِ ما تحتاجين صديقات و بلا بلا بلا ،
لكن نلعب على مين ؟ ..
صحيح راح تعيشين حياة كاملة مو ناقصها أي شي pb189 ،
لكن برضو الصديقات نعمَة ، و لسا إنتِ مو كبيرة عشان تفقدين الأمل و تعيشين مع نفسك ؟ ،
لا .. المشوار قدامك 3 سنوات pb030pb189 ،
و إن شاء الله إشتغلي على نفسك شويو بتعيشين هالسنوات مع أجمل صداقات pb189 .

إمم ، صرَاحة ما أعرف أفيدك من هذي الناحية ..
بس صدقيني مُجرد إنك عرفتي وين المشكلة ، + تحبين القراءة pb030 .
بتنحل مشكلتك أكيييد pb189 ،

بس بقولك إقري كتاب " السر " نسيت إسم الكاتبة بس موجود بجرير ..
و كتاب قانون الجذب لـ صلاح الراشد ..


و الأهم شوفي الكتب اللي بـ جرير من طقة كيف أكون إجتماعياً و أكون أصدقاء .
و أشياء زي كذا في قسم تطوير الذات .. ماراح أقولك على كتاب مُعين لأني مو متذكرة ..
لكن زبدة الكلام كثييير كُتب مختصة بهالموضوع إقريها pb030 ..
و راح تستفيدين أكيييد pb189pb189 ..

bp039

لـيــدي
02-10-2010, 08:32 PM
.
.

ذكرتيني بنفسي خخخخخ

شوفي أنا بقولك عن كتاب مرة قريته ,, تلقينه بجرير اسمه قوة السحر لبرايان تراسي + رون آردين

يعطي بعض النصائح عن كيف تجذبين الناس لك ,, عن طريق اسلوبك ,, ونبرة صوتك ,, وطريقة إصغائك لهم

إن شاء الله يفيدك وان ما فادك في مشكلتك هذي بيفيدك في مواقف ثانية من الحياة


المهم انتي جربي مثلا كل يوم لما تدخلين الفصل ,, تسلمين على البنت اللي جنبك وانتي مبتسمة

وبعد فترة ,, تسألينها عن أي شي يخص الدراسة ,, غالبا الصداقات تبدأ بسؤال :D

وبعدين مثلا لو شفتيها محتاجة تفهم شي ,, تشرحين لها أنتي

أو جاء في يوم وغابت ,, يجي اليوم اللي بعده اسأليها اذا ودها تكمل الدروس اللي فاتتها أمس


ولما تحسين أنك بدأتي تتقبلينها وهي بدأت تتقبلك ,, أبدأي شوي شوي غيري مواضيع الدراسة

يعني اسأليها عن علاقتها بالكتب كيف ؟؟

وش تحب تتابع من أفلام أو مسلسلات ؟؟

وانتي بعد عطيها من سواليفك ,, قولي والله أمس اختي جت وسوت كذا وكذا ورحت أنا وسويت كذا وكذا ومن هالهرج :D


إهي بعد فترة بتبدأ تسحبك معها لشلتها ,, وتتعرفين على باقي الشلة ,, وهكذا


لكن أهم شي لوجيتي تطبقين الأشياء اللي قلت لك فوق ,, طبقيها بشكل عفوي ,, بدون إصرار

ترا الناس اذا حسوا ان الشخص يحاول يتقرب منهم رفعوا خشومهم pb071


بالتوفيق حبيبتي pb189


.
.

ذكريآت..!
02-10-2010, 08:34 PM
مو مشكله مررره سهله مششكلتك..

آجلسي مع آي شله، آو آي بنت .. واذا على كيف تدخلين بسيطه

ترى كل النآس سواء يعني عآدي لآتشلين هم.. آهم شي بالسوالف خذي وآعطي معها

لو مايضحك سلكي لها واضحكي يعني آهم شي تعرف آنو آنتي راعيه سوالف وكذا


ولآتشلين الهم .. صح يمكن بدآخلك تقولين متى بتجي الطلعه.. بس وسعي صدرك


كلها ايام وتعدي والله مآتحسين فيهآ

موفقه..

March
02-10-2010, 08:56 PM
شوفي يختي bp039 ..،
مشكلتك كثييير تصير لهم وانا وحده منهم ., بقولك عني قبل ..
انا ثاني ثانوي جتني نفس مشكلتك لان صاحباتي دخلو ادبي وانا الوحيده علمي :)
اول اسبوع من الدراسه قلبتها مناحه وعجزت اتحمل الفصل اللي انا فيه ..
تعرفين وش سويت ..؟ كل فصول العلمي " الثلاثه " جربتها اول ترم جربت فصلين ثاني ترم جربت الفصل الثالث :D
الزبده من هالحكي اني سويت الي اقدر عليه والحمد لله الفصل الثالث ارتحت فيه وكونت صداقات وهم اللي معاي اللحين في ثالث :)

اول شي تسوينه اقنعي نفسك وقولي : انا اقدر اكون صداقات وش ناقصني عن غيري pb058 لان هذي البداية اقنعي نفسك وشيلي الافكار السوده من بالك وبترتاحين ..
واذا جلستي مع احد حاولي تسولفين اول شي عن المواد عن المدرسات عن اشياء بالمدرسه بعدين السوالف بتجر نفسها :rolleyes:
شوفي قدرتي تصادقين شهد يعني تقدرين تجيبين مية وحده ثانيه pb030

وترا الثانوي يختلف عن المتوسط , في المتوسط كل شله لحالها ولا يقبلون احد , الثنوي غير عادي pb030
الشله اللي عاجبتك في الفصل حاولي تجيبين كرسيك وطاولتك عندهم :rolleyes: اسأليهم عن الماده شاركيهم بالسوالف .. لا تخافين ما راح يقولون عنك قاطه وجهه او شي بيصيرون عارفين انك جديده وودك تصادقين بنات ويمكن تصيرين في شلتهم pb034
واذا ما راتحتي روحي للشله الثانيه وهكذا pb058 بس ترا مو من اول يوم تحكمين .. اللي من اول يوم هذا حكم مبدأي ويتغير مع الوقت ..

امم روحي انقلي لفصل شهد خلي امك تدق وتنقلك :) ومنها تتعرفين على البنات اللي تعرفت عليهم وتكونون شله pb189

خليك مبتسمه اي احد يسألك عن شي جاوبيه حاولي تساعدين اي احد يبغا مساعده لا تصيرين عبوسه :( اللي وراك واللي جالسه جنبك اسأليهم عن المواد عن اي شي حتى لو ما عندك سؤال :D بس افتحي حديث .., واهم شي مثل ما قلت لك خليك مبتسمه وبشوشه :Dpb189
<< احتسبي منه الاجر ;)

* هذا الشي ودي اقوله من اول ما بغيت ارد , بقولك ملاحظه بس ما ابغاك تزعلين :D
انتي تقولين ما قدرت اتأقلم تفكيري انا كبير تفكيرهم غير تفكيري pb036معليش حبيبتي متى امداك تحكمين !! لو ما خذه ذا الفكره , انتي ناظرتي المظاهر فقط ترا الشخص ما يبين تفكيره واسلوبه من اول يوم او من النظر بس :rolleyes:بالقليل يبغالك اسبوع اسبوعين عشان تعرفينهم زين ;) وصدقيني اللي كنتي مو عاجبك تفكيرهم ولا اسلوبهم بيطلعون عسسسل pb030 شيلي هالفكره من راسك وبتساعدك bp039

الزبده انتي مثل ما صادقتي في الابتدائي بتقدرين تصادقين في الثانوي بس شيلي التفكير الاسود اللي في بالك pb058
وأهم شي لا تفكرين تحولين منازل ترا الحياة حلوه والصداقه شي حلو وانتي بتحصلينها اكييد pb189bp039

وربي يوفقك وييسر لك أمورك pb189bp039
-

يازين منتداكم
02-10-2010, 09:17 PM
:
عادي عادي حبيبتي
هاذي المرحله نادر جدا احد مايمر فيها بس الاختلاف في الظروف
انتي لاتشلي هم واااجد وخوذي الامور بعفويه
لان هالشغله مو ع طول دايركت بيجي اللي في بالك
هي اكيد محتاجه شويه صبر
ورااح يجي اليوم اللي تلاقي نفسك بين مجموعه من البنات الحلوات
حتى انو رااح تحكي لهم الشئ هاذا
اللي كتبتيه لنا هنا وانتي تضحكين
انتي بس طولي بالك واحرصي تكون صداقاتك كويسه
مو تركزي على اني ابغى صديقات يونسوني
وافرفش واضيع الوقت معاهم
لا احرصي يكونوا خلوقات وكويسات وحبوبات



bp039pb189

تهبل بس تستهبل
02-10-2010, 09:28 PM
ياقلبي مدري وش اقولك بس انت حاولي انك ماتتاثرين وحطي بالك انا المدرسه ساعات محدود وبترجعين البيت
بس اهم شي مايتاثر مستواك الدراسي وربي يوفقك ويسهل امرك

سانيوريتا~
02-10-2010, 09:53 PM
ياحبي لك عيشي يومك الدراسي عااااااادي مره عادي ..., وتكوين الصداقات شوي شوي مو على طووول اكيد , تحدثي مع نفسك حديث إيجابي ... مثل إن شاءالله يومي سعيد ... والخ من الكلام إللي يشد الهمه ويريح النفس ... ولاتصيرين سلبية ...., ومشكلتك يا اما نفسيه وفترة وتعدي إن شاءالله ..
أو يمكن لاسمح الله فيك عين أو سحر , خصوصاً إنك ذاكره ريحة المدرسة ...وإنك تتعذبين لما تدخلينهااا , وجلوسك في السيارة وبكاءك على حالتك ورغبتك بتكوين الصدقات بس فيه شي يمنعك ...
عااد الله اعلم ايش علتك ... بس عليك بالاذكار في كل وقت والاستغفار وصورة البقرة وحلوو لو رحتي لـ شيخ يقرأ عليييك احتياطاً ... والله يوفقك يارب ويسعد قلبك ويفك ضيقتك bp039bp039bp039

Genius Mind
02-10-2010, 09:55 PM
عيشي ع طبيعتك وبدون تصنع

S a m e e r a
02-10-2010, 09:57 PM
ياحياتي أنتي , pb189
طرحتي مشكلتك السنه الي فاتت او الي قبلها يوم كنتي بالمتوسط ورايحه للثانوي ؟
لاني سبق و قريتها و اتجددت المشكله بالثانوي . .

انتي مافيك شي ابداً حتى تقدرين تكونين علاقات مع البنات لكن انتي تفكيرك اكبر منهم

سبق وقلتي هالكلام بموضوعك السابق لو كنتي نفس البنت !

بس مو مشكله في طريقه سهله الي تجلس جنبك سولفي معاها كثير حتى لو عندها شله بنات

ممكن تدخلك معاهم وافتكر هالشي سار ايام الثانوي و المتوسط تجي بنت جديده بفصلي ولا بفصل

وحده من صاحباتي و بمجرد انها تحكي معاها و تتونس تقوم تجيبها وتعرفنا عليها و تسسير

كل يوم تنزل وتفطر معانا , pb189 pb189

اعرفي الي جنبك ايش تحب تسولف فيه و ايش ميولها وانتي و شطارتك فكري بشغلات ممكن

تعجبها كذا او جيبيلها شي يعجبها مثلاً تحب الفنان الفلاني :D الحسي عقلها وجيبي لها صوره له

اطبعيها من النت قولي يوم شفتها مره تذكرتك و قلت اكيد راح تعجبك و من هالكلام !

سوولفي سوالف تميل لها او يميلون لها بنات فصلك بالتدريج راح يتعرفون عليك لا تسيرين البنت

الهاديه الي ماتحكي . . ما انكر اني البنت الهاديه و ما احكي كثير لكن اعرف بنات كثير

وصااحباتي كثيرات عشان يوم اجلس معاها اسولف واحكي مع الي جنبي وكذا انتي ابدي

لو هي مابديت تسولفلك . . ادري احيان يبثرونك سوالف ماصله بزران :( امس شفت واحد

امس كنت مدري فين و رقمني ولا دخلت شات وكلمت شباب :confused: !!!!!!!!!!!!

انتي سلكي لها وامشي معاها ايه وكمان وكملي اضحكي معاها بس و حاولي انها ماتجرفك وراها

غيري سوالفها ولا تبين لها انك :sm5: ماتحبين هالشغلات سوي انك عادي بس مستحيل اسوي

زيك وكذا . . . عشان تكسبينها شوي ولو انه مايعجبك بس تسلكين :(

صدقيني بتتعرفين ع بنات كذا ولا ساعديها يوم ماتعرف شّي واجب او شغله بس لا تخلينها

تتولجكي و تحلين لها دروسها ! اعطيها ع بلاطه مافيني !


وانتي ماشاءالله عليك باين ذكيه وشاطره pb189 فـ لا تكرهين المدرسه حاولي تتشاركين

مع البنات اي جنبك او الي وراك وكذا بالتدريج بتتعرفين عليهم !

و اجلسي كثير مع صاحبتك شهد بالفسخه والخ و قوليلها عرفيني ع البنات ;)

واذا مره ما انسجمتي معاهم جيبي معاك المدرسه كتب او رويات عاديه تضعين وقتك فيها

او اطلعي المكتبه و اجلسي اقري كتب فيها و سولفي مع ابله الماده pb034 تراهم ينبسطون

اذا كانت البنت مودبه وشاطره . . و ساعديها بترتيبها وكذا و بتحصلين بنات يجلسون هناك

يقرون ولا يساعدون الابله برتيبهاا ...


لكن عندي حل بسيط ,
ليش ماتغيرين مدرستك تروحين مدرسه فيها بنات خالتك او كذا يقربونلك احاولي مع اهلك
حتى لو كانت بعيده .. , او روحي اهليه المدارس مو زي بعض :sm5: مدارس التحفيظ يمدحونها
بنت كانت تدرس معايه بالثانوي تمدح مدرستها تحفيظ قران .. وهناك بتحصلين بنات كويسات

يمكن خير لك انك ماصادقتي بنات يطلعون مو كويسات !

و انشاءالله ربي يرزقك بالصديقات الصالحات , bp039

و صلي وادعي ربك .. bp039

حلاوه فوشيهـ
02-10-2010, 10:07 PM
مشكلتك سهله بس انتي مكبرتهاا ,, :)
تصدقين كنت افكر اني لو نقلت مدرسه جديده بتعرف على بنات وبتغير:sm1: نقلت وندمت لاني اكتشفت ان كان لي صديقاتي :(
تعرفت على وحده من بنات جيراننا كانت جايه من الرياض وماكنت اعرفها المهم تعرفت عليه ترم واحد بس وسارت هي تعرفني على بنات من بعدها سار عندي عادي اتعرف على بنات واخذت الصفه هذي منها بس شخصيتي مو اي بنت تعجبني واغلبهم يقولون عني مغروره بس والله انا من جنبها وبس تجلس معايه بنت تقولي كنا نشوفك مغروره :(
انتٍ حلك عند صديقتك شهد اجلسي معها وحاولي تتعرفين معها على بنات ,,
لاتقولين هي مو من فصلي كيف اروح لها عادي انتي لو تعرفتي من بره مع الوقت بتتعرفين على بنات من فصلك ويسير هالشي عندك عادي :)
لفي على بنات مثلا جالسين وراكٍ قولي انا طفشانه ايي شي :D
اسالي عن واجب قولي رايك في وحده من المعلمات وطريقة شرحها :)

لك bp039bp039

Juujuu
02-10-2010, 10:30 PM
الله يعيييينك يارررررب
مرا حاسسسسه فيك .. لاني انا الحين صارلي 3 سنوات بالجامعه وانا للحين اعاني منها
مع ان الحمدلله عندي صاحباتي واجلس معهم بس مادري من فين المشكله
وبالضبط يصير نفس مايصير معاك

من جد اتمنى انك تتغلبين ع هذي المشكله ويصير كل شي اوكي معاك

القلب داعيلك (l)

مجنونة الاقلاع
02-10-2010, 10:40 PM
pb189


تبين اقولك شي pb189صديقاتك القديمات خلاص انسيهم او بالاصح خلااص انتي حاولي تتناسينهم pb189؟؟

بتقولين لي ليش..بقولك خلاااص هاذي ايام وعدت يعني انتي الحين الحياه قدامك ان شالله ..

شوفي بقولك لك حاجه انا الحين على علاقه من بنات من 3 ابتدائي متخيله ؟؟؟pb036الى ثاالث ثانوي pb036يعني كم سنه ..وربي علاقتنا كانت مرره حلوه وايامنا حلوه حلوه حلوه كلها ضحك وهبال ووناسه
وشطااره:D

بس شوفي جت الجامعه وكل بنت راحت لجامعه :(

وهذاني الحين لوحدي والحمدلله كونت كذا علاقه مع بنت صحيح اول ماتجين تحسين نفسك تنرحمين :Dومالم خلق بس عاادي

صدقيني علاقتك مع بنات الفصل بسرعه بتتكون pb189انتي روحي لم مثلا شلا واسئليهم استاذة العلوم وش طلبت دفتر ابو كم ؟؟:Dبيقولون لك ابو 80 مثلا قولي يوووه امس رحت المكتبه وشريت ابو 60 وش اسوي وكان زحمه ..انتوا شريتوا ابو كم ؟؟اي مكتبه ؟؟يعني على شوي شوي تتتداخل المواضيع ..

احسن اني هرجت واجد:Dpb094

بشرينا طيب <<تحمست معك ..

الله يوفقك ياارب bp039

SajoO
02-10-2010, 11:18 PM
أول شي ممكن تسوينه ,
لادخلتي فصلك .. إبتسمي , ومدّي يدك وسلمي ع البنات اللي حولك ..

وكل يوم كذا , ممكن تجي وحده لاشافتك تقول تعالي معنا , لاتقولين لأ ..
قولي يلاّ ..
وأكيد بالفسحه بيسولفون وكذا , ادخلي معهم بالسواليف ..
صدقيني أروع مرحله الثانوي , لاتضيعينها بالحياا ..
أنا تحسفت ألحين إني كنت أشيل هم البنات والمعلمات ولا أستهبل وكنت دايم عاقله وهاديه :/

- بدايه كل شي إبتسامه وسلام , وروح حلوه ..
وبالتوفيق يَ عسسل ,

مايهمني
03-10-2010, 12:45 AM
مره شدتني مشكلتك :(
يااختي بصراحه ماكان له اي داعي اللي سويتيه اليوم الصباح :(ماالومك ومقدرة موقفك بس عاد ماتوصل للدرجة هاذي ..ترى الناس اللي شايفتهم هم ومشكله كبيرة مايستاهلون ابد وربي:(
حسستيني انك رايحه لسجن مو مدرسة :(
وربي ضاق صدري ..احلى عمر تضيعينه بالإكتئاب عشان بنات وصديقات وماعرفت احكي مع احد ؟pb093
يقلبي توووك صغيرة ..اخذي الحياة طول بعرض ..جربي كل شي نفسك فيه ..
خليك قوووويةpb189
حتى لو اللي حولك مو مهتمين او مو حاسين فيك ..انتي افرضي نفسك عليهمpb189

مره قريت موضوع في النت ..كانت الكاتبة تقول ..تبين توثقين بنفسك في اي مكان عام ..تخيلي انك تمثلين ..

حطي براسك انا احسن وحده فيهم وكلهم يتمنون احكي معاهم عشان كيذا بصير قوية وانا اقودهم :Dpb189
الصباح من تجين لاتحسسين نفسك انك غريبة لااااا ,تعاملي مع المدرسة وكأنها بيتكم ..
تأخري شوي ,,تعالي على الطابورpb189pb095

اذا شفتي المراقبات ..قولي صباح الخير استاذه فلانه وابتسمي ..

اول حاجه كل البنات بينتبهون لك :Dبتصيرين( القوية اللي ماتخاف )وهالشي من علامات الشخصية الجذابةpb189
وادخلي بالطابور ..اسألي البنت اللي جمبك ..وش عندنا اللحين ؟>>>معليش حتى لو انك عارفه :D
وابتسميييييييييييييييييييييي ..الناس مره بسطاء تأسرهم مجرد ابتسامةpb189
اسلوب المواته والنوم على الطاولة بالفصل انسيييييييييه صار مااااضي:D
من البيت حضري الدرس وشاركي مع الأبلى ..اضغطي على نفسك ..حتى لو تخافين قولي لنفسك..
توي صغيرة بجررررب كل شي واكتشف كل حاجه ..
استحي مره ومرتين بس بالأخير انا اللي اكسب:D

الشي اللي بتكسبين فيه بنات الفصل ..الشله اللي حولكpb058جمبك ووراك وقدامكpb058
عامليهم ببساطة وزي خواتك pb058لاتتكلفين ابد ..(لأن اللي يتعامل برسمية ويتكلف هذا دليل انه شخص يحب العزلةpb094)
بعطيك نماذج تبدين فيها سالفه(جواب على سؤالك كيف اتعرف):D

-ايه يافلانه نسيت اكتب سؤال الواجب ..كتبتيه ؟عطيني انقلهpb058
-مررره حلوه شنطتك ماشاء الله ,من وين اشتريتيها؟:D
-يوووه كيذا نظامكم بالجمعيات؟بمدرستنا القديمة كيذا وكيذا:D


اذا مثلا شفتيهم يسولفون بموضوع ماتعرفينه او مادريتي عنه لاتنعزلين :D
قطي معاهم ..طالعيهم وانصتي ..واهتمي وش يقولون ..شوي شوي بيفهمونك السالفة :D..

اذا عندكم حصة فراغ ..وشفتيهم تجمعو يسولفون لاتنشغلين ولابشي ..خليك ساكته ..عشان ينادونك تجلسين معاهم ..
لأنك اذا انشغلتي بينحرجون يفرضون نفسهم عليك وينادونك ,عرفتي؟:D

كلمة استحي ,والا عيب ,والا ماادري كيف ..من التعقيدات اللي صجونا فيها واحنا اطفال ..انسيهم pb093
كلاااااااااام فاااااااااااضي ..
توووك بعز شبابك ..جربي كل شي pb189


بالفسحه لاتنعزلين بالفصل كأن فيك مرض :mad:لااااااا انزلي جيبي لك فطور وشوفي اقرب شلة لك واللي تعرفين اغلب اسماؤهم ..اجلسي معاهم ..

من عندي بيستلمونك اسئلة :D

وش اسمك ؟وش اسم عايلتك؟وين رحتو بالصيف ؟ووووو>>>الكلام مايخلص ..

اخذي واعطي لاتصيرين صنم:(

الله يوفقك ويسهل عليك ويرزقك بالصديقة اللي تقدرك pb189

طمنيني عليك لو برسالة على الخاص pb189pb094bp039

هدوووء..]
03-10-2010, 03:01 AM
شآيفه كيييف ؟ مو بس إنتي إللي تعآنين من هآالمشكله أغلبية الشعب يعآنون منها .. لكن الفرق إنك متعبه تفكيرك فيهاا
والله حآاسه فيك كلنا مرينا بهآلمرحله والحمدلله قدرنا نتخطآها بالمواجهه مو الهرب مثل مآأنتي تسوين

أنا اليوم أول يوم دوام لي بالمدرسه الجديده صحيح معآي صآحباتي لكني متوتره بقوه ومن الحين قلبي بدا يرجف

السنه إللي فاتت رحت مدرسه أهليه مع بنتين .. الترم الأول كان الوضع تماام
لكن الترم الثآاني :( نقلت وحده منهم وبقى وحده وطبعا هالوحده سسحبه مالها امان .. وباقي بنات الفصل تقولين عيال موب بنات والوضع أسوأ من وصفك للمدرسه الأهليه إللي نقلتي منها
والله تأزمت من الدراسه ومن الناس وكل شي وصآارت نفسيتي في الحضيض مثل مايقولون تغيرت وصرت انسانه ثاانيه والسبب مدرستي الله لايعيدها من مدرسه لآ من معلمات ولا طالبات ..
على ان شخصيتي حلوه الحمدلله لكني هاديه شوي ومايعرف شخصيتي الا اللي يجلس معي كثير

كنت كل يوم اروح ودمعتي على خدي ووضعي مثل وضعك بآلضبط لكني مابينت لأحد لأني كتومه مع الأسف ومااحب احسس اللي حولي بأني ضعيفه أو مثل كذا

المهم ماابي اطول عليك
ترا والله هالسنين من أحلى السنين اللي بتمر عليك عشان كذا لاتحرمين نفسك من عيششها بحلوهآ وبمرهآ وبيجي يوم بتكون مُجرد ذكرياات واتمنى تكون حلووه عليك

والبنات ماقصروا بآلكلآام وكل وحده قالت لك طريقه عشان تتعرفين
واحلى طريقة هي إللي قآلتلك تخيلي إنك تمثلين ترا والله الطريقة هذي فادتني كثثثثير الحمدلله

موفقه .. طمنينا عنّك

Modii-93b
03-10-2010, 03:04 PM
فليها بس عادي وش ما اعرف ابداء حسستيني انتس بتكلمين عبد الرحمن بن مساعد <-- شطحه :$
عادي ابدي من الي تبين تقولينه شوي شوي بتتعودين لا تستسلمين لقلق الي فيك والارتباك انا يوم كنت بالمتوسط نقلوني فصل غير فصل شلتي وكان هادي وادب ودوافير وحستهم وصادقتهم كلهم وهاكذا وطلعت قرون للاداريات ض1<-- فالحه :$
أنتي مآعليك بس أبدي من الي تبين تقولينه وعادي وتكلمي بطبيعتس وخلآص الله وذا البنات عاد
فليها بس وبتوفيق

Nada Alsmra
03-10-2010, 03:16 PM
أشوى فييه احد مفارق صديقاته مثلي pb036 هذي السنة فارقت صديقاتي بعضهم دارسين من أول ابتدائي وبعضهم من رابع :sm1: بس يالله عاد كذا الدنيا :sm5:
أحسبه بس انا :D
شوفي حبيبتي pb189
لا تخلين كل تفكيرك أتعرف ومدري ايش
يعني واذا ماتعرفتي بيصير شي ؟
الله ماخلقنا عشان نتعرف :sm5:
شوفي بقولك قصة قالته لي وحده من صديقاتي قبل ينقلون الله يوفقه ياااارب استفدت منه كثيييير pb189
تقول كان فيه واحد سكروا عليه الثلاجة وهذي الثلاجة غرفة كبييرة ..
المهم تذكر انّه ألحيين آخر الدواام وبعده يوميين اجازة pb036 !
جاء طلع ورقة وقلم وكتب وصيته :( وماااااات !
يوم جوا بعد يومين لقوا ان الثلاااجة كانت مسكره :eek:
يعني هو تخييل انه مفتوحة وانه بيتجمد وحط هالشي بنفسه ومااات :( !

يعني أنتي لاتخيلتي انه ماراح تتعرفيين وكذا راح تصدقين نفسك وما تتعرفيين واللله ياضيقة الصدر pb093
قولي لنفسك انا رااح أتعرّف وأنا وأنا وأنا pb189:D وتفائلي وهاك يالحياة الناجحة :sm5:

يالله ان شاء الله نتأقلم انا ويّاك عاجلآ غير آجل pb094;)
ان شاء الله افدتك pb189

فيلسوفه!
03-10-2010, 03:52 PM
مرحبـآ..



من هنا انا عرفت ان البلا مني مو من المدرسه ولا البنات .. انا لما كنت بالمتوسط ماكنت اقدر انسجم مع البنات لان اهتماماتهم غيير مره غير عن اهتماماتي .. هم يهتمون بالمطربين بآخر الاغاني بالفاشن بالموضه الممثلات واخر اخبار الفن وما الى ذلك .. بس انا ابدا منب لم هالاشياء وحاولت اقنع نفسي فيهم واصير زيهم لكن عقلي اكبر مني واعتبرت هالاشياء سخافه وشي تافه ما منه نفع =/ .. ممكن هو غلط علي كذا وسالفه انه عقلي اكبر مني تنرفزني شوي لانه مقدر انسجم مع البنات اللي كبري .. كثير قالو لي بنات الثانوي غيير .. بس لما رحت للثانوي مدري حسيت كل شي نفس ماهو ماتغير .. يمكن بدري اني احكم على المدرسه من الحين بس مدري =/ .. يوم الاربعا غبت واليوم السبت من الاسبوع الثاني سويت شي جدن غبي ..


حبيبتي البلاء فـعـلاً منك بس من وين منك بالضبط.!؟
من عقلك البـآآآآآطني أنتي أقنعتي نفسك إني أنـآ عقلي كبير وتفكيري أكبرر!

وهذا بحد ذاته غلط!pb093

وبعدين معلييييييييش وش هالفكره إلي ماخذتهـآ عنـآ حنـآ بنات الثانوي.؟pb027
ترى مو كلنـآ نفكر بالفن والفنانين أوكيه نسوالف عنهم لكنهم مو هاجسنـآ!:sm4:

ولا إهتمامنـآ!:sm5:

ودي أقول لك سـآلفه اليوم صارت بمدرستي وخلتني أوقف لـحظة وأفكر!pb036

فكرت

تعجبت

إندهشت:eek:

القصه/
أنـآ ثالث ثانوي.. أي أنه عمري 18 سـنة:)

اليوم جتنـآ الأداريه ودخلت ومعـآهـآ طالبه كبرنـآ عمرهـآ 18:D

شكل البنت/
عيونهـآ منفففففففففففففخه صيـآح وحمراء!!!!:eek:

الفصل كان أنواع الأزعاج لكن كلنـآ أنصصصصصدمنـآ!

معقول بنت الـ18 تبكي مثل بنت الـ6 سنوات! في أول يوم دراسي لهآـ!:confused:

لحظة ذهول وصمت مرت على الفصل..pb036

الأدارية تقول لنـآ: بنـآت هذه فلانه طالبه جديده أتمنى محد يضايقهـآ وإذا قدرتوا تغيروا جوهـآ أكون شاكره لكم..bp039

شكل البنت رعب!:sm5:

على طول ركضنـآ لهـآ وجلسنـآآهـآ وكلنـآ إرتسمت على وجيهنـآ البسمة:)

وهي خايفه:sm18: ومرعوبه ودموعهـآ تطيح بشكل غريب حسيت انه بيبي:sm1:

قامت وحده من الطالبات وعرفتهـآ بنفسهـآ وعرفتهـآ فينـآpb189

وقالتهـآ طبع كل وحده مننـآ ويوم وصلتنـي قالت: هذه فلانه.. مع الأيام راح تكتشفين إنه تحب تتفلسف بس لاتعطينهـآ وجهpb095 وكل الفصل ضحك وأنـآ ضحكت لأني أدري أني فيلسوفه ماجابت شئ جديدpb034
ضحكت هي وقامت تختفي الدموع شوي شوي وبعدين سألنـآهـآ وش أسمك وعادي الوضع!pb189

الفصل كلها كان فيه فضوول يبي يعرف ليه تبكي والكل كان يتمنى أنه مايكون السبب إلي في بالنـآ
pb189:(
بعدهـآ طلعنـآ وأنتهاء الدوم وأحنـآ كلنـآ نتسأل ليه هي كذا.!؟

جاء أبوي وقلت له القصه..pb131
رد عليه وقال: أقولي يابنيتي بلا كذب انا أبوك عيب:D
أنـآ أنواع الصدمة pb036 وفعلاً القصه لاتصدق بنت عمرهـآ 18 تبكي خايفه!

الفايده إلي ابيك تطلعين بهـآ من القصه/

أنك تحمدين ربك إنك قادره على الأختلاط وفيك أملpb189 أنك تتغيرين..
غيرك محروم منهـآbp039
أبيك تعرفين تأثير الأبتسامة على نفوس البشر;)
خليك مبتسمه حبيبتيbp039

حتى لو أنتي هاديه إبتسمي:rolleyes:
تعاوني بالفصل بالنشاط بالقروب إلي أنتي فيهbp039

لاتعطين نفسك فرصة بالتفكير السلبي وأنك كبيره وعقلك كبير...إلخ

فكري بشكل إيجابيbp039
أول خطوة: قولي لـ صديقتك شهد تعرفك على إلي تعرفت عليهم ..:)
ثاني خطوة : الأبتسامة الأبتسامة..bp039

*ظغطت على نفسي وحاولت اغيب بس بعد حركتي الغبيه اليوم مدري وش رح اسوي باقي الايام
^
^
pb036

وشي الحركات الغبيه.!؟

حبيبتي أنتي ماسويت شئ لحد الآن لا غبيولا صح!

وإذا كنتي مسويه إنسيه:D

وحطي في بالك :ليش ربي سماء الأنسـآن إنسـأن.. لأنه نساااي ينسى الأنسان والنسيان نعمةpb189

أنسي

أنسي

أنسي


اختصار مشكلتي اني ابي اعرف
كيف اتعرف ووشلون اكون صداقات وكيف ابدا وشلون اتجرأ وكيف اواجه الشي اللي جواتي لما اروح المدرسه وقبل ما ادخل مع الباب ولما اشم ريحه المدرسه واكرهها كيف احب البنات واتأقلم معاهم مع انهم مافيهم اي مشكله يعني عاديين بس المشكله مني كيف اتغلب عليها كيف ادرس واذاكر واحب النشاط كيف اتجرا واسأل الاستاذه اللي ما افهمه .. كيف ارفع اصبعي واشارك زيي زي البنات .. كيف احب البنات وكيف اخليهم يحبوني كيف اطرد الحزن والتفكير وانا بالبيت ومشغلتني مشكلتي بالمدرسه .. ووعد ادعي لكم من كل قلبي الله يفرج عليكم كربتكم اذا فرجتو علي همي من بعد الله
زي ماقلت لك خليك بنت مبتسمه عشان مايخذون عنك فكرت إنك مغروره!
حطي في بالك إنه مستقبلك بالدراسه.. وإذا أهملتيهـآ عمرك ماراح تفلحين:sm4:

أكيد مو بس أنتي بالفصل لـ حالك مالك صديقات أكيد فيه بنات زيك..:(
روحي لهم وأطلبي منهم أنك تجلسين معهم كوني شلتك;)

النشاط فرصه لك تعرفي على البنات إلي أنتي معهـآ تعرفي على قروبك تحمسي حاولي أنك أنتي إلي تجيبين الأغراض ,, عشان تبيني لـ البنات إنك مهتمه!pb058

آخيراً /

كثري من الأستغفارpb189

من لزم الأستغفار جعل الله له من كل ضيق فرج :(pb189

إستغفرا الله

إستغفرا الله

إستغفرا الله

bp039

’ [ رُ ]
03-10-2010, 05:16 PM
-

شوفي pb189 أول شي آنتي حإولي تتعرفي على البنت اللي جنبك pb030
واللي ورآك .. وهكذآ ’
مثلاً .. لفي عليهم وقولي أي شي ؟ [ الحصه الجآيه وش علينآ ؟ الساعه كم ؟ .. إلخ ]
وابدأي سولفي .. قولي شي صارلك , اطلبي ايميلاتهم .. الخ

+ فيه كثير شلل مآتكون محصوره على نفسهآ :sm5:
يعني يجلسون ويسولفون .. واللي تبي تجي حيآهآ الله pb189
أجلسي معآهم , شوي شوي بتبدأين تسولفين ! [ حتى لو بـ البداية تضغطين على نفسك وتسولفين ] ;)

وفيه بنإت تشوفينهم بـ الفسحه جآلسين بالفصل , pb030
روحي وأجلسي سولفي معآهم .. حتى لو بنت وحده .. بعدين قوليلهآ أمشي خل نطلع نتمشى برآ pb189
من اليوم الثاني .. تعآلي وسلمي عليهم , [ البنات اللي سولفتي معآهم ] pb192
وكذآ .. نفس الشي بالفسحه روحي مع اللي طلعتي معها أمس وقولي يلا نطلع الفصل كتمه pb030
ويمكن هي زيك تحتآج صديقه pb189 فـ تقربي منها , ;)

وبالنسبه لـ اهتمامات البنات :D
شوفي , كل بنت تختلف عن الثآنيه ! أنتي مو شرط تصادقين اللي عاجبتك pb036
لأن الناس تختلف pb189 أنتي تقدرين بـ مصادقتك لها تغيرينها pb189
وشوي شوي بيصير ميول اهتماماتها زيك :rolleyes:
وأنتي بعد .. حآولي تطورين من نفسك :sm5: , وتشوفين أهتمامات البنات حاولي تكون زيك pb189

وقوليلنآ آخر الأخبار بكرى :sm5: pb189 pb189 | وترآ الغياب مو حل :(

Nihalღღ
03-10-2010, 05:55 PM
قالو كـل شي كنت بقوله
بس حبيت أأكد على نقطه أنو على قولتك ماتعجبك سواليفهم وتفكيرك أكبر
ياحبيبتي مولازم يكون تفكيرك زيهم سلكي لهم اهم شي انو يصير عندك صديقات ولاتجلسين لحـآلك
أنا الحين سوآليـف صديقاتي ماتعجبني وأسلك لهم وأضحك مجامله :D
ولاتضيقين صدرك ررحي عند شهد وصديقاته وتعرفي عليهم وحاولي تتعرفين على اللي بفصلك زي ماقالو بالردود أسأيها وكيذا ..
يعني وش عندنا الحين؟
وزي كيذا أسأليها اي شي لو غبي اهم شي تكللمي :(

وربي يوفقك ويكون عندك صديقات طيبات يارب pb189pb189
طمنينا عنكـ

الـدنيا ماتـسوى
03-10-2010, 05:58 PM
اليوم غبت
امس كنت مره متحمسه اروح وانواع الكلام الايجابي وقلت خلاص مشكلتي انحلت يعني
جهزت شنطتي وولمتي اغراضي ونمت يوم جا الصبح الا وكل شي تغير
لبست تنورتي وقميصي بالغصب ويوم جيت بلبس جزماتي كذا ماودي اروح بس اقول لازم اظغط على نفسي
قعدت خمس دقايق وانا البس جزماتي وبالنهايه فجاه فكيت جزمتي وجدعته ولبست بجامتي وقلت لامي مارح اروح
وقسم بالله تعبت تعبت خلاص تعبت لدرجه اللاتعليق ! : (
فتحت الاقلاع قعدت اقرا واكل شبس واحاول اتناسى واتجاهل كل شي بس ماقدرت .. جت الساعه 6 ونص قلت يلا عندي فرضه خل البس واروح بس .. لكن ماقدرت وتنرفزت اكثر لاني ماقدرت
مدري وش اللي يمنعني بالظبط وقسم تعبت تعبت
حاولت اسوي اي شي ابي انسى كذا مدري وش اسوي ابداا يئسسست من نفسي ليش اذا جا الصباح كل شي تغيير وش اللي يمنعني ماروح المدرسه ليش كذا يصيير مدريي
من شده القهر فتحت النت قعدت اقرى روايه كامله من الفجر وتجي الساعه 9 وانا كل شوي اشوف الساعه واندم اني مارحت بس احاول اتجاهل واهرب من نفسي بالروايه جا الظهر صليت ورجعت وقمت افكر ليش مارحت ليشش
الحين غبت يومين هذا غير عن يوم الاربعا
كم درس فاتني وكم استاذه عطتهم جدول مادتها وكم درجه غياب نقصت مني .. في احد اخذ مكاني والا لسى؟
قمت احاولت اتهررب واكمل الروايه
صديقتي كانت تدق علي من الساعه 6 ماررديت عليها ماقدرت .. وش اقولها وانا امسس قايلتلها اني خلاص ابروح المدرسه وابستانس وكنت مستانسه وانا اكلمها ومره متحمسه وحاطه ببالي علاج الهم اقتحامه وليس الهرب منه وحتى حاطتها توبك لي وحاطتها بجوالي ملاحظه بوضع الانتظار .. وقلتلها تتحديني اروح واتعرف على خمس بنات ع الاقل وقالت لي اتحداك .. يوم جا الفجر وانا مارد عليها ارسلت لي رساله وكتبت بالنهايه ترى مازلت اتحداك .. وقسم انقهرت من نفسي مدري وش اللي يمنعني مدري وش اللي قاعد يصير احس اني بنفجر
دقت علي بالظهر شكلها توها راجعه من المدرسه .. 16 مكالمه من بيتهم و14 مكالمه من جوالها لم يرد عليها
طول الوقت وانا اقرى الروايه حاطه جوالي ع الصامت واشوفه يرن بس ماقدرت ارد
ارد وش اقول .. وقسم كرهت نفسي ماعاد عرفت شسووي : (
عكفت على الروايه من بعد الفجر ليين العصر وخلصتها كله بس عشان احاول اتهرب من نفسي
مدري وش اسوي .. خلاص وصلت لمرحله اللاتعليق .. لاتعليق بمعنى الكلمه =/
ششكرا من قلبي لكل اللي حاولو يساعدوني =/

MOHSEN
03-10-2010, 06:08 PM
قبل تقرين ردي جيبي لك موب كوب إلآ جآلون قهوهـ وروقي وإقري من أوله لـ أخرهـ وموب تدعين علي وتقولين وش طول هالرد خخخخخخخخخخ



---------------------------


آآآآآآآآآآآآخ نفس حآلتي أول بالظبط بس أنآ أشد أشد من كذآ :"(

خليني أقول لك قصتي يمكن تغيرين حيآتك بسبتهآ

وآحد من أولى إبتدآئي لين سآدس وهو بنفس المدرسه pb189

حبيتهآ مررررهـ وآللي خلآني أحبهآ أكثر أبوي مدرس بنفس المدرسه لمآ خشيت أولى كل الطلآب يبكون ووو يعني تعرفين نفسيآت الصغآر :")

يعني خشيت أول يوم بالمدرسه يآسبحآن آلله مستآآآنس مرررهـ وأبوي هيء لي جو أقدر أسميه أكفأ من الكفو bp039

على فكرهـ أبوي مآدرسني لمآ وصلت ثآني " آللي يدرس بهآ " تقآعد

لآكن عآآآدي عندي كآآآنت فله وكآن بنفس المدرسه أخوي وعيآل خآلتي كلهم pb189

وأساسا الكل مصآدقه وكل النآس أعرفهم وكل المدرسين أصدقآء أبوي pb189

تخيلي أكثر الأيآم أجلس مع أصدقآئي والنص الباقي من الفسحه أخش غرفة المدرسين وأجلس عندهم أشرب شآهي خخخخخخخ بس هذا الصدق ذبيت الميآنه :D

آلمهم كآنت أحلى أيآآآم الإبتدآئي

نقلنآ من بيتنآ من وسط مدينتنآ لجنوبهآ

يعني حي مغآير 100% عن الأول : بعيد , مآ أعرف أحد , محد يقرب لي , ...إلخ

آلمهم كنت توي مستلم شهآدة سآدس ونقلني أبوي للمتوسطة المنشودهـ

مآ أعرف أحد نهآئياً !!

أول مرهـ أجلس كذآ متوحد فصل كآنه مآفيه ولآ طآلب الدنيآ معدومه :"(

آلمهم أول متوسط سنه كلهآ مآ أعرف أحد إكس تو إكس مستوآآآي موب طآآآح في الأرض إلآ مآفيه مستوى عشآن يطيح pb093

آلمهم من درجة إمتيآز بالإبتدآئي لـ حمل 6 موآد بأول سنه من المتوسط :"(

وكل هذآ وهم في وهم في وهم بالعكس كلهم فيهم خير بس أنآ كنت منغلق لأني متعود على صديق وصديق ومآتقبلت أتعود على صديق أخر :")

عموماً كرهت المدرسه !!

صح بالحآرهـ بديت أتعرف على نآس لآكن المدرسه كرهتهآ والسبب موب مثل اول متعود :"(

صآرت أيآمي كلهآ غيآب ( وهذآ أكبر غلط أنبهك عليه وربي بتندمين طول عمرك على غياب متكرر لأنه روتين خلآص ركبتيه كل يوم بتسوينه ) أختلق أعذآر أهم شيء مآ أروح كل يوم ينقلب البيت بس أهم شيء مآ أروح :"(

رجعت أتمنى أدرس لآكن شيء تعودت عليه !! , خلآص هو اللي يصير مو مسألة يبس رآسي أو أو أو إلخ لآ لآ لآ قبل أنآم أحط ببآلي إنه لآزم أدرس وأشوف دنيتي وإلخ مجرد مآ يجي وقت القومه بالصبح أكرهـ الدنيآ كلهآ

وهالشيء بسبب إني ضعيف جرأهـ :") , مع العلم إني دآفور :D وبنفس الوقت كل شيء فيه شقآوهـ تلقيني فيه مع إنه بدون أصدقآء pb192

إستمريت على هالحال لحد ثآلث متوسط تعرفت على ناس لآكن سطحيه جدا جدا مدري وشلون مشيت لآكن مشيت

خشيت أول ثآنوي تعرفت على البعض ونجحت pb192

وطبعاً طبعي هو هو مآتغير !!

لمآ كنت بالمتوسط كنت أعرف بس أسآمي الطلآب سلآم مآ سلمت عليهم ولآ حتى يعرفون أصلن pb192

فـ وصلت لـ ثآني " وصلت لـ أكبر قرآر ندمت بحيآتي عليه :sm1: " مشت الأمور عآديه مآ أعرفهم كلهم لآكن أصدقآئي حلو شوي يعني صرت أبدأ أطيح الميآنه شوي

كثر الغياب وتذكرت شيء وآحد بس " ثآني تدخل بالترآكمي " هنآ وقفت وقفه مع نفسي نفسيتي صآرت تحت طموحي وأحلآمي كلهآ بدت تصير وهم بـ وهم

طبعاً مآ أكلمك غيآب مثلك !! .... لآ إنتي توك تبدين تغآبين أنآ أكلمك عن بالبدآيه من أولى أغآب يومين وأحضر يوم وعلى هالحآل !!

بثآني أغآب 15 يوم ورآء بعض ومآيهموني وعآدي :(

قبل أتخذ قرآري بثآني طبعاً تحديت هالشيء آللي كنت فيه وآللي دمر مستقبلي لـ أخر حد مآتوقعت إن الصدآقه أقدر أبدآ بهآ كذآ كآن فيه أصغر مني بسنه حتى طلآب أول ثآنوي أعرف أسآميهم ووجيههم بس :D

جلست إسبوعين كل مآشفت وآحد منهم أعرف إسمه ووجه لآكن مآ أعرفه بحيآتي كلهآ بس كذآ عنآد بنفسي :") !!

يمشي طآلب بأول ثآنوي معين خير pb027 مآيدري إلآ آللي يمر بجنبه يقول بالخير فوآز pb192 " هذآ أنآ :) "

بس يقول هلآبك وشلونك الحمدلله وأنآ أمشي ومآ أوقف له ولآ شيء !!

ولآ شفته قطيت أبو السلآم بالخير يآفوآز وكثرت الأسآمي كل من هب ودب سلمت عليه :D

وطبعاً مآزلت أغيب | للعلم بس | وغيآبي نفسه نفسه مآتغير صح كونت أصدقآء ومو بس أصدقآء تقدرين تقولين شعبيه كبيييرهـ يعني يمكن أعرف 70 وآحد وأكثر pb036 لآكن روتين تعودت عليه مآقدرت أطلع منه !!

أغآآآآآب وعآآدي جآء اليوم المنشود قمت من النوم طبعاً الظهر " خلآص رجآل أغيب مآ كأنه ورآي حيآة عآدي عندي أسهر أنآم أقوم متى مآبغيت مآ أخفيك إن أهلي شديدين معي !! ودآيم يخآنقوني لآكن روتين وتعودت عليه وروتين تعودوآ عليه " على طول كذآ قفلت معي وأرسلت إيميل للمرشد قلت له بأجل السنه وووو تيك تيك تيك إلخ !! " وشعبتي وصلت لدرجة المدرسين أكلمهم بالإيميل " حتى أيآم أغآب إسبوعين ولمآ أجي يقول المدرس وش عندك 5 الصبح متصل :Dpb189

المهم أجلت السنه لأنه أساساً نسبتي بتيطح بالحضيض !!

ومآ أقول لك يوم أأجلهآ إنه كنت متحمس عشآن أرجع السنه الجآيه بحمآس أو أو أو إلخ :") !! لآ أجلتهآ بزيد الطين بله بتكي بفتك من الهم pb093

طول هالسنين ميت مآصحيت ولآ فكرت ولآ حسيت

أجلت قبل الإختبآرآت النهآيه " الترم الأول " قود بآآآآي سكول إين ون ييَر :D

أول مآ أجلتهآ كنت مستآنس وفآلهآ :) وقبل أأجل من يوم بالمتوسط والنآس كلآمهم عني فآشل ووو إلخ

آلمهم جلست بالبيت سنه كآآآمله رآحت " هوآء " :cool:

مليت من الروتين :"(

أنآم أقوم أكل أفتح النت أكل ألعب كورهـ أكل أنآم أقوم ......................... 4 شهور على هالحآله :sm1:

طيب وبعدين !!

بعد 10 سنين وش موقفي !!

بعد 5 سنين وش موقفي !!

خلينآ نقول بعد سنتين وش موقفي وأنآ معآي شهآدهـ مثل وجهي :( !!

خلآآآآص من هنآ بديت أرجع :") !!

قعدت أفكر بكل يوم غبت فيه وكل لحضه ودقيقه وأيآم أطلع الصبح أروح أجيب فطور من العطآله أشوف الطلآب وهم يدخلون المدرسه :"( ,, آآآآآخ أحس إن فيني شيء بس مدري وشو زي الكتمه زي القلق زي كل شيء pb093

رآجعت قرآري بكل شيء :)

الحمدلله ويآربي لك الحمد آلله غير تفكيري خلآني أنظر للدنيآ نظرهـ ثآنيه :)

ثآنويتي كنت لمآ أدخل من البوآبه مدري ليش وإنتي مثل حآلتي يمكن تعرفين آلريحه مدري وشلون جآيه ريحة ورق أو جدرآن زي كذآ :") <~ خخخخخخ:D

آلمهم أكرررههآ أحس فيني غصه لآ شميتهآ :(

كل شيء فيهآ أكرهه :(

من بدت الدرآسه وجآء أول يوم كنت أفكر بالمدرسه بس متى تجي شهووور أنتظرهآ :)

آآآآآآآخ يوم شميت الريحه ذيك :D حسيت إن فيني هم كبييييير يكسر ضلوعي :( ومدري وشلون إنزآح pb189 وقفت 3 دقآيق بمكآني قعدت أشم بالريح قسم بآلله ذآك اليوم حسيت إني مجنون :( لآكن مدري ليش كذآ وقفت وقعدت أشم أقوى مآعندي :D

سبحآن آلله يعني تغيرت النظرهـ كذآ فجأهـ :eek: صرت أموت على المدرسين وعلى الدرآسه وكل شيء فيهآ يمكن لأني إنقرصت وذقت طعم الوجع :)

يآربي لك الحمد هآللحين رجعت للدرآسه وبقوهـ وأصدقآئي آللي من أول يوم تعرفت عليه على طول :) واصدقائي السنه اللي فآته أمشي معآهم :) وأصدقآئي آللي بأول ثآنوي أمشي معآهم :) الفسحه بفطر مآ أقدر كل شوي مسلم على وآحد ولآ وآحد مسلم علي :Dpb189


-----------------------------------------------------

أسف على طول الرد بس حبيت أحط لك كل تفآصيل :) وكـ أخ يحب لأخته مثل مآيحب لـ نفسه :)

آللي فيك مجرد تفكير كذآ مدري وش يحس فيه :"(

لآكني جربته 5 سنين وذقت طعم مرآرته pb093

هآللحين لمآ أشوف عندي كوم أصدقآء أقول ليش أول مآ أتجرأ كذآ يعني بخآف pb093 وطز عآدي هذآ مآيبيني صديقه ..... ألف وآحد غيرهـ المدرسه متسعه لأكثر من 600 طآلب :) وكل يوم يزود الرصيد تقولين بنك الرآجحي موب قلب آدمي تبآرك آلرحمن :D

آللي عآيشته إنتي مجرد تفكير فقدتي أصدقآئك زي مآفقدتهم أنآ لآكنك مآلقيتي مكآنك آللي متعودهـ فيه pb189 إنغرسي بينهم ولآحد يهمك أبد أبد وخلي يقولون آللي يقولون كلهآ سنتين وتودعينهم ومآيستآهلون أخسر مستقبلي عشآن جرأتي مآهي زآيدهـ شوي :)
مجرد تفكير وبس خشي غرفتك | قفلي الباب | فكري لين يوجعك رآسك |

والتفكير يكون : كلهم بشر قلوبهم مثل قلوب صديقآتي القديمآت :) | شيء طبيعي أنآ لو بصآدق وآحد مآ رآح أفتح قلبي أو أطيح الميآنه بشهر ولآ بشهرين :) فـ لآزم أصآدقهم وأتحملهم أكثر من كذآ :) ... إلخ


النقطه الثآنيه الفشيييله بالمدرسه هآذي من الأشيآء القويه آللي كرهتني فيهآ وفيهم :") !!

مثلاً وآحد يتهزأ علي أو يقول للمدرس شفت ذآ يقول كذآ وكذآ ثم يضحكون كل الفصل :D هنآ أول كآن يجيني شعور جدآ جدآ جدآ قبيح بكل مآتعنيه الكلمه وبكل فخر أقولهآ أقبح من القبيح :D

الدنيآ موب وآقفه آللي معآي اللحين بعد سنتين مآنيب شآيف خشتهم إلآ بمكآن هم رآح يفرضون إحترآمهم!! :) صآروآ إذآ ضحكوآ علي عآآآآآدي جداً وبالعكس أزيدهم ضحك وأبتسم :)

خلآآآص بديت أفكر صح :") | جربت غيآب وكسل وحيآة أقرب مآ أوصفه وللأسف مخيسه pb093 | جربت العيشه بدون أصدقآء :) | جربت العيشه بكومة أصدقآء :) | جربت العيشه بـ مآهمني إلآ مستقبل رآسمه قدآمي ومنتهي منه :sm5: جآء صديق وعليكم السلام فآضي إلتفتت على اللي ورآي تكلمت معآهـ قمت وآقف " كل فصلي مسكتهم وآحد وآحد على جنب وكل يوم أذب الميآنه على وآحد وصرت لمآ أوقف بالفصل قدآمهم كلهم آلوضع يكون فريييييي لـ أخر حد :") " لدرجة أحيآن يقومني المدرس يقول أحسن تعآل إشرح بدآلي :D وأجي أذب الميانه وأشرح pb094 " وهآلشيء خذوآ مني نظرهـ شيء إسمه أستحي عشآن طآلب معصي " والمدرسين صرت أفهم لهم أكثر :) "

وبسسسسسسسسس

آللي إنتي عآيشه فيه وهم + زيآدة تفكير لآ تفكرين بالمدرسه وبالطلآب بأكثر من حجمهم مثلي كثر مآ أفكر بهم أشيل همهم :sm1: = خلي عنك الوهم :") + مآ أفكر بطآلب تفكير قوي إلآ إذآ صآدقني او قلبي خذآ قلبه ويعز علي عشرته pb189

آلله يوفقك بدرآستك ويحقق لك وضيفتك pb189




---------

نطلع من موضوعك :D آللي عندهـ علآج لكثرة الهذرهـ يجيبه لي هآللحين يرحم أبوكم :( وش قصة إمي بهالرد آللي أطول من الموضوع وردود الموضوع كلهآ :D هآللحين كل هذآ أنآ كتبته :eek: !!

آلله المستعآن لآ قريتي ردي بلغيني بسوي له حذف " لأنه فيه نآس مدري ليش من شدة قرآبتهآ وبغضهآ لي وأنآ الفآشل :) تنبش ورآي بكل مكآن pb192 "

بس بإذن آلله أقرب تقرير ومنتظر الإختبآرآت الشهريه تبدأ بغير نضرة النآس كلهآ من جد و جديد وأبي أعرف وش معنى " إرفع رآس أبوك :sm1: " :")

ولو كآن بإمكآني نزلت بالفعاليه لآكن مآ أبغى أنزل وأنآ للحين مآحققت نتآيجي لآكني صحيت من غفوتي والحمدلله أحلى من أول pb094



آلله يوفقك ويوفقني ويوفق كل المسلمين يآرب :)

bp039 :rolleyes:

Hajar _ 05
03-10-2010, 07:26 PM
أول شي حبوبه الله يعينك , و إن شاء الله هالسنه غير pb189 pb189

اممم طيب شوفي أنا تقريباً مثلك وربي النفسيه زفت خاصه إذا فيه تجمعات و بنات وايد :( ,
أول إعدادي كان مأساه بالنسبه لي كنت أتعذر بالعمليه عشان ما أداوم , تميت أول أسبوع
نفسسيه زفت و مب قادره أتأقلم , بس فجأه لقيت نفسي متعرفه على وحده , وحده بس ممكن
تعرفك على زميلاتها و هكذا :rolleyes: .

انا اعرف اتكلم مع البنات لكن ماعرف كيف ابدا يعني كيف اتعرف ؟ وش الطرق ؟


نفسي بالضبط و للحين هالمشكله فيني رغم أني ثالث ثنوي pb093 , بس دايماً أحاول أستغل
الفرصه يعني بنت كلمتني تسألني عن شي أرد عليها و كأني من زمان أعرفها و أخفف
العلاقه عشان ما يكون فيه رسميه و ربي شوفي شلون ألحين علاقتي مع البنات ححلوه :) pb189 .
أنتي أستغلي أي فرصه و كلمي زميله جنبك أو إذا ما عرفت تحل مسأله ساعديها , شوفي
أهتمامتها و حاولي تسايرينها pb189 .

قلبك يدق بسرعه , ترتجفين , تحسين بيغمى عليك !
نفس الأعراض تصيدني كل يوم , أخذي نفسسس و قولي يومي بيكون حلو , أقري الأذكار
و عن تجربه لما أقراها أكون مرتاحه و أحس يومي خفيف و حلو pb189 pb189 .

بالنسبه للمشاركه خلي شوية ثقه في نفسك أممم قعدي قدام بتحسن أشطر وحده فالصف :D ,
لا جد لما تكونين الثالثه أو الرابعه بتحسين ان الي حولك كلهم يطالعونك و مو قادره تقولين
الي تبينه أسألي الأبله بالصف أو حتى بعد ما يخلص الدرس .
شوفي طريقتي مع أني ما أحب أحد يدقق فيني لما أجاوب مو خوف بس فجأه
تلقيني أضحك عادي بدون سبب خخ pb027 , تعرفين الجواب ؟! أعرف الجواب !
أرفع إيدي غصب أرفعي يدك غصباً عنك حاولي تكسرين الحاجز الي بداخلك .

أول مشاركه لي بالقسم pb189 حبيت أساعدك لان نفس المشاكل بس أنا أخف منك بشوي ,
و يمكن محد يعرف هالشي فيني أول مره أتكلم عنه pb094 pb189 .

ب التوفيق bp039

مدري..!
03-10-2010, 08:46 PM
يمكن اللي فيه قلة الثقه بالنفس ماراح اقول عدم ثقه بالنفس لكن قلة الثقة بالنفس
يعني يمكن اذا جيتي تكلمين البنات تقولين في نفسك وش ابي اكلمهم وش دخلني فيهم
واذا غصبتي نفسك وتكلمتي بتقولين في نفسك ليه يناظروني كذا شكلهم يجاملوني << طبيعي بيجاملونك لآنك أول مره تتكلمين معهم
<< انا مثلك ترا :(
شوفي انتي البنت اللي جنبك تكلمي معها تلقينها هي مثلك تبي احد يتكلم معها لكن تستحي او مالها وجه مثلك بالضبط
واذا ماكان جنبك احد شوفي اللي وراك
لازم يكون في احد حولك تتكلمين معه, شوي شوي يصير لك مجموعه داخل الفصل تتكلمين معهم ويصيرون زميلاتك
" أهم شي لايصير عندك صديقات لكن زميلات"
وان شاء الله ربي يفتحها بوجهك ووجهي ووجيه المسلمين أجمعين :d

اموت فيهم
04-10-2010, 01:25 PM
ياحبيبتي هوني على نفسك
تدرين انا وصلت لثالث ثانوي ما صادقت احد
طول الوقت جالسه لحالي بالمدرسه
لاني ماقتنع بالبنات اللي بعمري احسهم تافهات وتفكيرهم غبي
وكنت لما نطلع مع اقاربي وخالاتي دايما اجلس مع البنات الكبار اللي متخرجات لان يعجبني كلامهم
مره بنات جو جلسوا معي وقالوا ليش ماتجلسين معنا لما كنت بالثانوي وجلست معهم بالفسحه وبدوا يتكلمون كلام فاصخ وقله ادب واشياء بحياتي ماسمعتها عقبها حلفت ما اتعرف على احد
بثالث ثانوي تعرفت على بنت لان كنت اخذ منها مذكرات لاسئله الوزاره بس كانت علاقه سطحيه جدا
وصدقيني كنت نفس شعورك تجيني حاله اكتئاب كل صبح
بس دايما افكر لوجلست بالبيت وكل البنات اللي بعمري تخرجوا واخذوا شهادات وانا مادرست ولاتعلمت علشان سبب تافه

وبعدها دخلت الجامعه وجاني توتر وقلق وخوف وكان اول شهر متعب نفسيا لي لان مجتمع الجامعه كبير ويخوف وتخافين تصادقين اي احد
وجلست شهر وشوي طول الوقت جالسه لحالي
لين جوا بنات وجلسوا جنبي بمحاضره من المحاضرات وبعد ماخلصت المحاضره سألوني عن اسمي وتعرفوا علي وقالوا لي تعالي افطري معنا انا ترددت وقلت برفض بس بعدين قلت لا خل اجرب وغصبت نفسي
ولما جلست معهم انصدمت تخيلي كأن نازلين علي من السما هالبنات والله ما اكذب عليك تفكيرهم نفس تفكيري وسواليفهم اعجبتني وراقت لي
وحتى اعانوني على الخير ودخلت معاهم حلقه المصلى وحفضت قرآن وكنت احضر معاهم المحاضرات الدينيه بالمصلى واستفدت اشياء كثيره كنت اجهلها بالدين
ومن بعدها صادقتهم لين تخرجت والحين لي ثلاث سنوات متخرجه وللحين متواصله معهم
فانتي تخيري صاحبات الدين والخلق
ولما ودك تبدين صداقه مع احد بالبدايه سلمي عليها كل مامريتي من عندها
وبعدين ابدي صافحيها واساليها عن اخبارها
وبعدين ابدي لا سلمتي عليها اسأليها عن اي شي يتعلق بالدراسه ولا بالمدرسات
وشوي شوي تبدون تقربون لبعض وتصيرون صديقات

انتي هونيها وتهون

بس ودي تثبتين على عقلك ورزانتك وثقلك وما يأثر فيك احد لاصديقه ولا غيره

وربي يشرح صدرك وييسر امرك ويحببك بكل مافيه خير لدينك ودنياك

ويارب تكونين استفدتي من ردي

بياله منكبه
04-10-2010, 02:51 PM
شوفي يا حبيبتي انا كنت نفسك مرررة خايفة يوم نقلنا لبيتنا الجديد
وكنت في سادس وكانت مع اختي بس في اولى
تخيلي امي ماجت اول يوم انا ماسكه اختي وهي تصيح ما تبغى تروح للفصل ولا تبغى تروح لاي مكان
انا خلقة ابغى اصيح مالي صديقات ولا شيء والبثرة ذي تّون فوق راسي
بس لمن دخلت الفصل انحل كلللل شيء عادي سويت صداقات

بتقولين لي كيف تسوين صداقات ما تعرفين
طبعا انتي اولى ثانوي واكييد فيه بنات جدد عن المدرسة مالهم صداقات او توهم مكونين لهم شله
تقدرين تجلسين معهم وهم بيسولفون وانتي في البدايه كذا ابدي رايك شوي شوي الا تلقين نفسك تسولفين
او في حصة الفراغ بتلقين بنت كذا لحالها ما عندها احد قاعده تكتب ولا تقرا ولا تسوي اي شيء يعني تكون لحالها ولا لها صديقات في الفصل ( ممكن ما يصير لها صديقات ممكن يصير لها صديقات بس ببرا الفصل ) او ممكن تلقين بنت قاعده لحالها في الساحه وتكون من فصلكم
تقدرين تروحين وتقعدين معها
تقولين ما اعرف اقعد احس ما عندي سوالف
اول ما تقعدين تبتسمين في وجهها ابتسامه طبيعيه مو كانك متوترة مرة
وبعدين تقولين لها ممكن اقعد معك (( طبعا قليله ادب اللي بتقول لا ))
اساليها وش اسمك
انتي اكبر وحدة في البيت ولا فوقك احد
كم عدد اخوانك
وش ناويه تدخلين في الجامعه
وش مدرستك اللي قبل
كيف استاذاتها كويسين
بعدين اهي بتقول لك انو كويسين او لا
قولي والله انا ماحبيت استاذة ... احس شرحها مو مهضوم انا المدرسة المتوسطه كانوا الاستاذات شرحهم حلو وسولفي عليها وش شفتي من انواع البنات في مدرستك الاهليه




وباقول لك شيء ترى فيه بنات في مدرستي او ما جو كانوا خايفين من اولى ثانوي عكسنا احنا كنا ماشين والوضع كويس بس اهم خايفين مالهم صداقات وخايفين الاستاذات وخايفين اشياء كثيرة
وترى هذي الرهبه والخوف عادي جدا صارت لي حالتك في بدايه اولى ثانوي احس ودي اروح اقعد مع اختي الكبيرة طوال الوقت بس اهي بتطيرني لو قعدت معها مع ان كان عندي صديقات بس كذا خوف اول ما تدخلين يعني عادي تشوفين بعد شهر تلقينك مكونه صداقات كثر الرمل بس انتي ما فتحتي لنفسك مجااال ابد كنت دايم خايفة ودايم متوترة يعني شوفي انتي قدرتي تصادقين شهد بس اللحين تقدرين تجيبين مليون بدال شهد وانتي قدها وقدود :d

ان شاء الله بتكونين استفدتي من كلامي لان انا احب احل مشاكل البنات اللي في عمري مرررة bp039

بس ادعي لي ربي يسهل علي دراستي

%لولو%
05-10-2010, 02:30 AM
حبيبتي حاولي تتأقلمين مع الوضع
قال صلى الله عليه وسلم:<<المؤمن مألفة ولا خير فيمن لا يألف ولا يؤلف وخير الناس أنفعهم للناس >>

وحبيت اقولك اشياء اتمنى انك تطبقينها:
من لانت كلمته وجبت محبته
وقيل ثلاث تثبت لك الحب في صدر اخيك: ان تبدأه بالسلام, وتوسع له في المجلس, وتدعوه بأحب الاسماء اليه.
وقال رسول الله: (تبسمك في وجه اخيك صدقه)

احلف لك لو كل يوم تبتسمين بوجه وحده من البنات وتسلمين عليها وتسألين عن اخبارها مايمر اسبوع بالكثير اسبوعين الا انتم صديقات
انتي بس جربي ايش المانع انك ماتجربين
تعوذي من الشيطان وخلي عندك الجرأه الكافيه ترى كلهم بشر زيهم زيك وانا متأكده انهم كلهم يتمنون لك الخير مثل ما احنا الحين قاعدين نقولك على حلول ونتمنى لك الخير
متحمسة لك تروحين للمدرسه وتقولين لنا ايش صار
وكلنا معاك الين تلقين صديقات
ودعواتي لك
وانا متأكده انك راح تندمجين معاهم اذا تركتي الغياب ثلاث اسابيع بس خليه تحدي لك خليه زي الاختبار<<جربي وشوفي النتيجه
اللهم اجعلنا متآلفين متحابين فيك واجعلنا من المؤمنينpb189

’ [ رُ ]
05-10-2010, 03:22 AM
-


بسألك سؤال !
إلى متى ناويةة تستمرين كذا ؟ :)

أنتي مشكلتك تشاؤم وسلبيه من الصبح , :(
خلاص مو لآزم تتعرفين على بنآت pb030
روحي إدرسي وبس , هي مدرسةة مو ملتقى أصدقاء pb027
خليك مجتهدهـ , وأنتبهي بـ الدروس .. :sm5:
يوم ورا يوم تتعرفين على ناس جدد , مو مشكله لو بـ البدايةة قطيتي روحك عليهم ! pb189
بتحسين بفشيله , لكن هم عاادي :)

nanoon
05-10-2010, 08:57 AM
pb189يا حياتي.. ما بطول عليكي بالكلام ..
بس فكري بأيجابيه اسلوبك جداً واعي وواضح انك مثقفه وذكيه وأكبر دليل على ذكائك نجاحك بنسبة 90% وانتي تدرسي انتساب
وزي ماقلتي يمكن هالقرار كان غلط بس بالمقابل تعلمتي منه شي بحياتك ..
وانتي ناويه انو المرحله الثانويه تكون غير ودعيتي ربك لذلك لاتخافي.. الله لا يخيب ظنك ..
اللي تمري فيه طبيعي حتى رفضك انك تنزلي من السياره بما انك بمدرسه جديده وماتعرفي احد واكيد باقي البنات واغلبهم صاحبات وشلل متخرجين سوا من المتووسط ..
بتواجهي صعوبه بس رح تغلبي خوفك بالنهايه اكيد ..
حاولي تتقربي من البنات بأي طريقه أفتحي باب لأي حوار بسيط ..
كلمة صباح الخير تكفي انك تقوليها اذا دخلتي الفصل ..
اطلبي منديل مثلا بأسلوب لبق ولطيف او اسألي عن الوقت او الجدول ؟
عشان يعرفو انو الانسانه هذي مو مغروره زي ما انتي خايفه يفكرو
وعشان ماينرسم ببالهم صوره ماتشبهك..
اذا صار موقف مضحك شاركيهم الضحك ..
شاركي مع المعلمه وتفاعلي معاها زي ما قلت لك انتي ذكيه وواضح هالشي لذلك
لاتخافي ولا تتردي ابداً انك تشاركي ووتتفاعلي وتثبتي وجودك في الحصص
و صدقيني رح تقدري تثبتي وجودك بين الطالبات
بس محتآجه شوية وقت وشوية اراده وعزيمه .. هذآ رأيي .. ويا حبيبتي لا ترهقي عقلك وقلبك وجسمك بكثر التفكير .. خلي كل شي على ربك توكلي عليه .. عيشي كل يوم بيومه ولا تحملين نفسك فوق طآقتها .. دعوآتي .... bp039

MOHSEN
05-10-2010, 02:11 PM
مممممن جد :)

خلآص خليك من الأصدقآء شيء طبيعي أول مآتخشين مدرسه مآرآح تعرفين بهآ أحد :mad: ورآح تطولين عَ بآل مآتعرفين أحد :mad:

خلي كل همك مستقبل : صورتك بذهنك 4 سنين قدآم !! وين تتوقعين محلك ؟؟

خلي تفكيرك بمستقبلك والإصدقآء هم رآح يجونك :)

لآكن إنتي لسسسى مآبديتي عشآن تقولين مآ أعرف أصدقآء pb093

آللي يهمك شهآدتك + الأصدقآء لآ تخرجتي كل وحدهـ بتروح لهمهآ وجامعتهآ و وضيفتهآ وزوجهآ وتنتقل لبيتهآ وإنتم كل وحدهـ إفترقت عن الثانيه ماتعرفون أحد :)

المستقبل أهمممممم شيء pb094

وأعتقد إن المشكله آللي فيك موب نفسيه وهالشيء وآضح من يوم قلتي إنك صلختي ملآبسك ورحتي لبستي بجآمتك وطلعتي على " إمك " وقلتي لهآ مآرآح أروح :) وإمك مآقآلت لك شيء pb192 فـ إهلك متسآهلين معآك شوي وهالشيء جآب نتيجه عكس pb131 وإنتي اللي تعدلينهآ !!


آللي فيك دلع + تفكير

بعدي عنهم وفكري بدلعك وتفكيرك وش رآح يكون بعد 4 سنين pb095

آلله يوفقك يآرب bp039:rolleyes:

’ [ رُ ]
05-10-2010, 06:44 PM
^

كلآمك صح 100 % :sm5:
يعني تبين تتخرجين وتجلسين بـ البيت ؟ ! pb093
لو إحتجتي شي لآزم من أبوك :)
وتطلبينه وشغله .. :( وإذا تزوجتي نفس الشي :sm1:
فكري لو تخرجبتي بـ نسبه عآليه pb189
ودرستي واشتغلتي :rolleyes:

* عندك رآتب ومو محتاجةة لأحد , :sm5:
* تقتلين الطفش الألييم اللي بيجيك لو كنتي عآطله :(
* شي جميل ولك مكآنةة مهمه pb094 pb189

/

صدقيني .. انا صديقاتي عكس ميولي 180 درجه :(
وربي أني بس اسلك pb027 ولا انا شمال وهم جنوب pb093
وأحياناً أحس بـ سلبيه وتشاؤم وعدم ثقةة :(
لكني والحمدلله مجتهدهـ ;) ماشاء الله .. ونسبتي دآيم عاليةة pb189
هي كلها 6 ساعات !!
لا تخلين لها أكبر من حجمها pb030 اضغطي على نفسك !
وانه لازم تروحين :D وأحس اهلك بعد متساهلين معاك .. يعني وشو تقولين بغيب وتوافق أمك على طول pb095
خبرينا آخر الاخبار , وتذكري كلن يعاني :(
مافي أحد عايش بـ سلام :(
حتى انا وربك أكرههه المدرسه pb093 وأحس يضيقه لاجيت أروح !
لكن شي لازم .. بغيت أو لا pb027
فـ اقول أهم شي دراستي , وهي شي خرابيط !
انسى كل شي صار اذا رجعت البيت .. ووقتها يحلها الف حلال :)
واحط ببالي ان ربي معاي pb189
وبيساعدني مهما صار pb189

MISSY355
05-10-2010, 07:04 PM
عادي واذا ما كونتي صداقات بتموتين :)
انتي جاهدي نفسك في الدراسه
ومن خلال الدارسه بتجتمعين على البنات الصالحات الذكيات الي يبنون مستقبلهم
البنات ما يتجمعون الا على نوعين
نوع دافووووووووور ونوع داااااااااااج
خليكي دافوره وان شاء الله كل امورك بتضبط :)
موفقه ان شاء الله وانا يوم كنت صغيره كانت لي نفس تجربتك بالضبط
وللحين ما عندي صديقات <<<<<<<<<< تسمع في التشجيع :)
وعايشه حياتي عادي جدا
موفقه :)

أمانــدا
05-10-2010, 07:58 PM
حبيبتي فديتك
وربي حاااااااااااااااسه فيك لان اللي مريتي فيه
مريت فيه انا كنت اول ماادخل مع الباب
يقعد يدق قلبي وخلاص الدموع تتجمع في عيوني << احس نفسي طفله
وارتبك واذا جيت اكلم حد اغلط وارتبك
واحس بدوخه واشياء يوووووه تعب مره
كل اللي انصحك فيه
وتقدرين تخلين البنات ينجذبون لك ويجون هم يتعرفون عليك
خليك مبتسمه مري من جنب البنات مافيه مانع تقولين صباح الخير مع ابتسامه خجوله
تبين انك تبين تتعرفين وتتقربين منهم
جا اليوم الثاني روحي عند البنات اطلبي ممكن دفترك ممكن كتابك ومع ابتسامه << والله بيقولون عنك طيبه
حاولي تقدمين مساعدات اذا شفتي احد محتاج شي << عشان يتقربون هم منك
اذا احد غاب من الفصل وجا من بكره روحي سلمي عليها وقولي سلامات
بتشوفينها من اليوم الثاني تسلم عليك لانها مراح تنسى انك سئلتي وتطمنتي عليها
وهكذا صدقيني بتجمعين حولك كثيييييييييييير
بس انتي توكلي على ربي
ولاتنسين اقري المعوذات الثلاث عشان تهدا نفسياتك وتخف الطبول اللي داخل << ههههههههه

وربي يسعدك يارب ويوفقك

.. مستر فاهي ..
05-10-2010, 08:02 PM
أمممممممممممممممممممممممممم

هموم و مشاكل المدارس .. كثيرة بلا شك !

وشسمه أذكر لما نقلت يومني كنت بَ ثاني ثانوي لَ مدرسه جديده

جلست أول إسبوعين ماتكلم مع أي أحد بالفصل نهائياً

كنت متضايق إني فارقت أصحابي وكذا ..

ودايم لما أتذكرهم أتحسر وتضيق فيني هالدنيآ ,

طبعاً غيابي بَ أول أسبوعين واجد ض1

عاد عرفت إن الامور بسيطه فقط تحتاج إلى تأقلم ومدرسه جديده وناس وأشكال والوان جديده :p

بالتوفيق أختآه يارمز الوفاء بَ دمي , ض1
< طس : $

شُمـوخْ
08-10-2010, 12:30 AM
مرحبا ياحلوتي اللي يبيلك قرصه صغيره :D

ليه كذا بس؟ ، ليه هالكميه المهوله من المشاعر السلبيه اللي جالسه تعززينها داخلك؟ ، ليه هالاعتقاد التام بإنك عاجزه مع إنك ما حاولتي وكل محاولاتك عباره عن أحاديث نفس؟
انتي عندك رغبه تتغلبين عالتوتر هذا والافكار الغلط هذي ، صح !
متأكده تماماً؟
إذا متأكده فصدقيني كل حرف انكتب لك بهالصفحات ماراح يروح هباء منثور وراح تطبقينه وتستفيدين منه بشكل أو بآخر ، وأنا برضو بسولف معك وبخطّط معك شلون نتغلب عالافكار الغلط اللي سيطرت عليك ، بس هاه أبي عزيمه قويه ، موافقه؟

تعالي خلينا نستوعب وش اللي صاير معك.. استيعابك للي صاير معك تراه نصف الحلّ على فكره، والاستيعاب ماراح يكون صعب مع عقليه جميله وواعيه مثل عقليتك صح؟ .. اذن إننا نوصل لنصف الحل راح يكون شي بسيط إن شاء الله ، متصوره !
يعني النص اللي بعده ماراح يكون صعب برضو ، وقتها بنكون عدّينا نصف الشوط وباقي لنا نصف شوط ثاني لا أكثر ، بنكون قدّه إن شاء الله..

انتي يا حبيبتي صغيرة البيت والبنت الوحيده فيه حسب بياناتك ، هذي كلها وش تخليك تفهمين؟
تخليك تفهمين إنك محور الاهتمام الأول في المنزل سواء من الوالده أو من اخوانك الله يحفظكم لبعض ، فطبيعي تلاقين نفسك منطلقه جداً في البيت لأنك تلاقين العيون عليك ، والاهتمام فيك ، والحرص عليك ، والتجاوب معك وكل الحاجات الجميله اللي تخلينا نكون مرتاحين ومبسوطين وبالتالي نظهر بأجمل حلّه وأحلى شخصيه مرتاحه ومتوازنه..
في المقابل وقت تطلعين المدرسه انتي بمجتمع مختلف ، متساويه مع الجميع ، العيون ماهي متمركزه حولك بالذات لأنك بنت مثل البنات اللي جايين هنا يدرسون ويتعلمون.. فاهمه علي؟
طبيعي يكون صعب عليك بالبدايه تستوعبين هالشي وبالتالي تثبتين مكانك بمدرستك وحوالين البنات أو المعلمات من خلال مستواك الدراسي.. طبيعي تحسين إنك ماتعرفين ولا تقدرين وملايين الأفكار الغلط..
لذلك ياحبيبتي لا تحملين نفسك فوق طاقتها وتأنبينها على نتيجه طبيعيه ممكن إنها تصير وممكن إنها تستمر لو ما تغلبتي عليها ، وعلى فكره تقدرين تتغلبين عليها صدقيني.. انتي بس استوعبي معاي الحين.
العامل الآخر هو إنك كنتي بمجتمع واحد من البنات من الابتدائي للمتوسط ، وجودهم معك بأولى متوسط خلاك تحسين إنهم خلاص الصديقات اللي راح تظلون سوا لنهاية المتوسط وللثنوي وممكن للجامعه برضو ، لكن جت ثاني واضطريتي تنقلين وتروحين عنهم ، وهذا بحد ذاته إحباط لتوقعاتك أو تصوراتك المُسبقه اللي تقول إن هالصديقات راح يكونون هم نفسهم الصديقات بكل مدرسه تروحين لها ، واكتشفتي إن هالشي مو دايم يصير وإن أوقات تمر علينا ظروف تخلينا نضطر لقرارات مثل هاللي صار معك..

هذولي كلهم خلفيه بسيطه عن المسببات اللي خلّت ردة فعلك بمدرستك الجديده ردة فعل سلبيه ، واللي خلتك تراكمين هالمشاعر السلبيه جواتك لحد ما استسلمتي وقررتي تحولين انتساب وتعلنين إنك مو قادره تكونين أقوى من أوهام تمكّنت منك..
وقت تستوعبين هالاشياء ياقلب كملي ردي ، ولو ما استوعبتي لا تكملين الردّ لأنه ماراح يوصلك صح ومثل ما أنا أبيه يوصل..


طالما كملتي الرد الحين راح اعتبر إنك استوعبتي الكلام اللي فوق ، ومعناته إنك تجاوزتي نصف حلّ مشكلتك ، وإن الباقي مو أصعب من اللي راح ، صدقيني مو أصعب ، ليه؟ .. لأن استيعابك هذا كفيل بخلق عزيمة فظيعه بداخلك على كسر هالاوهام وطاقه مهوله للتحرّك وتغيير الوضع..
يصير كل اللي باقي لك بعض الأفكار للخطوات الأولى ، لا أكثر .. متصوره إنه هالشي بسيط حلّه طالما إننا نبغى نحلّه ونبغى نبسطه؟
ومتصوره قد ايش هالشي صعب حله طالما احنا نحطم أنفسنا ونردد الافكار السلبيه اللي تقول اننا غير الناس وما نقدر؟
شايفه الفرق قد ايش شاسع ! .. والسبب فقط أفكار ، اعتقاد تؤمنين فيه وتمشين على أساسه ، تفكير عقلاني ومنطقي يخليك تقررين صح..


هاه ودك نبدا بالأفكار لكسر الخطوات الأولى والربكه الأولى؟ متحمسه ! :D
قبل نبدا هالأفكار والسوالف فيها أبيك ياحلوه وقت تبدين الحركه الأولى تخلّين لك يد أو كتف تعتمدين عليها بشدّ عزيمتك وانتي تورّين أفكارك الغلط العين الحمرا :D
أمك ، اخوانك ، يكونون مطّلعين على حقيقة مخاوفك بشكل متجرد وواضح وتطلبين منهم يكونون دينمو التفاؤل لك ، وقت تستظرف أفكارك السلبيه عليك بأي صباح فالوالده الله يخليها لك قوليلها تبزّر عيونها عليك بالصباح وإن ما نفعت التبزيره خليها تقول لك برضاي عليك يا بنتي ، صدقيني بتفزّين غصب عليك من هالكلمه pb027
اخوك وهو يوديك المدرسه ، عند باب المدرسه استظرفت الافكار السلبيه عليك خليه يسوي نفس حركته معك وعالطاري قوليله عيادة الإقلاع كلها تقول لك برافو عليك ، عليك فيها pb027
صديقتك تتحداك كل يوم ، وفوق التحدي حطو رهان .. تفوزين؟ لك الشي الفلاني ، تخسرين؟ ماراح تخسرين بإذن الله لأنك قدها وتستطيعين مثل ما عنوان موضوعك يقول pb034
أبي حماس.. أبي طاقه مهوله من المشاعر الإيجابيه ، أبي تبسيط قد ما تقدرين ، أبي تعاطي مرح ، تعاطي كله قوه وعزيمه.. أبي عقليتك اللي أكبر منك أشوفها بمواجهة هالمشكله ، تمام؟

يلا ألحين يمديني أكمل لك قرقي ونحكي بالأفكار :D
شايفه مكانك الجديد بالفصل اللي جمب الجدار بس مو لاصقه فيه؟ .. جمبك بنت ، وش هي من لحيه هالبنت :D ؟ .. معاها طامس مب عندك عشان تطمسين الكلمه الغلط اللي كتبتيها؟ ، معاها مسطره تسطرين وترتبين دفتره؟ وش اسمها أصلاً ! .. 6 ساعات وهي جمبك ، أفكار كثيره ممكن نخلقها حتى لو بشوية استعباط :D
اليوم رحتي المدرسه تمام؟ .. بما إنك غايبه كم يوم اجلسي ، صباح الخير ، ممكن تقول لك سلامات غايبه هاليومين؟ الله يسلمك والله مشكوره على سؤالك .. إلا الله لا يهينك بسألك وش أخذتو :D .. فيه واجبات طيب؟ ، عادي أكلّف عليك وآخذ الدروس والواجبات اللي فاتتني منك؟ .. وكلام يجرّ كلام..
قضت السوالف وحسيتي انك ماتدرين وش تقولين؟ عادي جداً تقولين لها وش عندنا بعد هالحصه :D
اختلقي سوالف تلطف الجو ، الخطوه الأولى او مفتاح الحديث هو يمكن المُربك الأول ، بس بعد كذا الكلام يجي والسوالف تجي..
وين كنتي بأي متوسطه؟ ، جيتي مع صديقاتك؟ .. الخ الخ

ممكن تثبتين نفسك بفصلك برضو وبين بنات فصلك ، اظهري شخصيتك ، مواقف أو لحظات عديده ممكن تصير ، بالحصه الفلانيه الاستاذه سألت سؤال ، يمديك تجاوبين وانتي بمكانك ترى من باب لفت الانتباه شوي < بتسطر على هالراي ادري :D
مظهرك أيضاً ، اهتمامك بنفسك ، ابتسامتك ، طلاقة محياك ، كلها رسائل وإشارات حلوه لجميع البنات بفصلك تعطيهم انطباع إن هالبنت مرحه وحبوبه وخفيفة دم..
خليني بقول لك على شي صار لي نفس اللي صاير معك.. زمان وقت كنت ثالث ثانوي نقلت من مدرستي ، كنت بالابتدائي والمتوسط والثانوي أنا وصديقة الطفوله نروح سوا لنفس المدرسه ، ووقت قررنا ننقل بثالث ثنوي قررنا ننقل لنفس المدرسه ، هالمدرسه تحتاج واسطه قويه عشان تدخلين فيها وكنت أعرف إن ماعندي واسطه إلا نسبة ثاني ثنوي ، في حين إن صديقتي كانت عندها واسطه تدخلها هالمدرسه.. تأزمت شوي بس وقتها أمي وأبوي قالولي بنسجلك ونشوف اللي كاتبه ربي وحطّولي خيارات ثانيه لمدرسه ثانيه في حال ما انقبلت.. وش اللي صار؟
اللي صار إني انقبلت بهالمدرسه بدون أي واسطه وبكل سهوله ، في المقابل صديقتي ما انقبلت وقبولها كان مستحيل.. وصديقه ثالثه برضو نفس الحكايه قبولها مرفوض. كانت صدمه نوعاً ما.. اللي صار إني داومت أول يوم بدون ما أعرف أحد + بمرحلة تبي اجتهاد دراسي ونفسيه حلوه.. هذا كله يخلق ضغط نفسي خصوصا وانا ببالي تماماً إننا بنكون مع بعض بمرحلة من اهم مراحل حياتنا..
مر اليوم الأول سيء ، صامت ، بلا أحاديث مع أي بنت.
مر اليوم الثاني سيء ، صامت ، بلا أحاديث مع أي بنت.
يومها أكلم صديقتي وتقول لي ياشموخ رافضين يقبلوني ، وامي خلاص قررت تودي ملفي لمدرسه أهليه تقول خيره لك.. كلنا تقبلنا هالشي وقفلت الخط وأنا خلاص كل أمل إننا نكون مع بعض صار مستحيل براسي.
كنت مخططه مسبقاً إني ماراح أكون صداقات وبيكون تركيزي دراسي بحت ، بس بعد هالشي قلت عالأقل معارف سطحيه تمشّي الوقت :D
والله رحت من بكره وأنا براسي أعدل هالمسخره اللي سويتها أول يومين ، طبعاً بعد كلام طويل من أمي ووعود إنها تخليني اشوف صديقتي وووو pb027
دخلت الفصل مبتسمه عالصباح ، ابتسامتي لفتت انتباه كم بنت خصوصاً وأنا يومين سكتم بكتم :D .. مرت الحصه الاولى والثانيه ، شاركت ، وقفت وجاوبت والوقفه لحالها تخلي الكل يطالعك ويسمع إجابتك .. طلعت عالسبوره أحلّ وأنا راجعه البنت اللي تطيح عينها علي ابتسم بوجهها .. اجلس مكاني وتكلمني البنت اللي جمبي وتقول: انتي من اي مدرسه جيتي ووشلون انقبلتي :D
وكلام ورا كلام ، وتعلمني اسماء بنات الفصل ، يمشي اليوم شوي أحسن .. وبعده أحسن .. وبعده أحسن .. وما جت نهاية الاسبوع إلا وأعرف كل بنات الفصل وكل بنات الفصل يعرفوني اسماً طبعاً مب لازم سوالف مع الكل :D
التفاصيل اللي بعد كذا مو مهمه ، المهم ان صديقتي جت وانقبلت والثالثه انقبلت عالاخير الحمدلله ، وكانت سنه ومرّت ..


اللي أبيك تفهمينه إنك تقدرين تكونين مُحبطه وصامته ووو ، وتقدرين تكونين العكس..
صدقيني تقدرين ، إذا أنا قدرت وأنا الشخصيه المعروفه بهدوءها الغثيث قدرت كيف إنتي :Dpb189
شديلي حيلك ياحلوه ، انفضي نفسك وقولي:
دام شموخوه سوّتها وملايين سووها ، أنا ما أسويها ليه pb030pb189
موفقه ياربّ..

Anyong!
08-10-2010, 12:54 AM
وسعي صدرك وخلي المدرسه افلل ايام حياتك جيبيلك شبس وببسي ومخمخي وروقي ونكتي ولا يهمك احد وتدفري ايي روحي نادي باليل سوي شي غير المدرسه شوفي بنت غايبه لا جت من بكره قوليلها سلاامت فصلنا مظلللم وابتسمي تكشخي بالمدرسه خليك اسعد انسانه وعادي سوي الي تبينه وانتي بالحمام شفتي بنت كذا قوليلها مثلا
____
1- انتي بصف 1 ؟
2- اي
1- يوو تدرسك ......
2 -ايي
1 -مررره مرررررعبه _ مره حليله _ هي علينه الحين
2- ههههههه
1- اي صح ايش اسمك .......؟
_________
ومن بكره لا شفتها ابتسمي وكذا كوني صداقات ايي صح وترى الصديقات مو كل شي ليش متحمستلهم بزياده جيبي كتاب نكت شي واقعدي اقري بالفسحه وفطسي ظحك مع شبسسك >>>>>>>>>>>> اقول انقلعي انتي ونصايحك

MM lover
08-10-2010, 02:56 AM
بصراحه انا ماعندي خبره بالمشاكل اللي زي كذا

اقول خلتس مع صديقتس اللي تعرفتي عليها
واكسبي صديقات من الثانوي وخليها احلى سنوات حياتس
انتي حاولي والله سهل في ناس واجد بيطلعون زي اللي تهتمين له مثلا مغنيه مطرب كتاب ثقافه افلام
انتي شوفي وش اللي تحبينه وحاولي تشوفين احد بالفصل يحب الاشياء
خلتس دايم مبتسمه لاتتذمرين لاتسوين زعلانه ولا للحين ماتأقلمتي
والله يوفقتس

تربل اس
08-10-2010, 03:20 AM
اول حطي بذهنك ان تكوين الصداقة اسهل شي وخاصة في بداية السنة الدراسية ,
السؤال كيف تتعرفين على صديقة مناسبة لك , وش هي الصعوبة الي تمرين فيها في هذي النقطة
أنتي مكونة شخصية البنت الهادية وقليلة الكلام , انتي راضية عنها اذا راضية عنها كويس ننتقل للمرحلة الثانية
شوفي فصلك من الانسانة الي هادية وتقربي منها ولاتستحين واسئليها مباشرة ممكن انضم لك ولاصديقاتك
صدقيني مافي حرج ابدا خاصة انك راح تختصرين علي نفسك بكلمة ,,
اما موضوع انك تكرهين ريحة المدرسة وتخافين الخ فهذا شي طبيعي جدا اول ماتكونين صداقة راح تمشي امورك تمام وراح تحسين بالامان واهم شي ليكون جل تفكيرك بهذا الشي وخوذي الموضوع ببرود

Anyong!
08-10-2010, 11:08 AM
ايييي صح نسييت بردي الي قبل شووي pb094
ادخلي المصلى صادقي بنات المصلى يجننوون اخلاق pb189
انا كنت انفجع يعني بنت بأولى واعز صديقاتها بثالث :)

spirit ~
08-10-2010, 10:33 PM
-

مشكلتك تقريباً نفس مشكلتي :rolleyes:
اللحين صار لي اسبوعين من داومت , وبكره بيبدا الأسبوع الثالث !
بأقول لك السالفه من البدايه :D
انا طول حياتي كنت عايشه بالخبر - الشرقييه pb189pb189
من اول لحد رابع كنت بمدرسه , وكنت بزر .. فلما نقلت ما اهتميت :$
خامس أبتدائي رحت مدرسه ثانيه , تعرفت على بنات .. قعدوا معي لحد ثاني متوسط
أقرب لي من روحي , واحبهم , و بمكانة خواتي .. bp039
فجأه كذا , أبوي قال لنا اننا بنقل الرياض .. تخيلي الصدمه pb093
المهم , بالبداية كان عادي عندي .. وعلى اساس اني انا وبنت عمتي بنفس المدرسه !
وصار شي , وما قدرنا نروح مع بعض :(
رحت مدرسه , أول يوم .. كنت أصيح بالسياره , وخانقتني العبره !
دخلت المدرسه .. قعدت بالساحه , ما بعد يصعدونا للفصول
اشوف البنات يسلمون على بعض .. واللي تقول للثانيه وحشتيني ومدري وشو :(
المهم .. صعدونا الفصول , دخلت فصلي 3\ اول :p
قعدت مع نفسي , وكل شوي احط راسي ع الدرج .. واعد الساعات على ما اطلع !
اول يومين مروا كذا .. كئابه + نفسيه + واخلاق زي الزفت pb093
ثالث يوم , الأستاذه جت وغيرت اماكنا , صرت بالنص بين بنتين , وورانا شله مره كبيره ..
والبنت اللي ع اليمين كانت منهم :$
المهم .. بداية الموضوع أنتي من وين ؟ لما قلت لها من الخبر أنصدمت .. وسالفه شدت سالفه
وشو لون مريوولكم هناك ؟ وين احلا الرياض ولا الخبر ؟ وشو المجمعات الحلوه بالخبر .... الخpb030
حبيتها , وصرت اتمشى معها بالفسحه .. يوم الأربعا غبت !
لما جيت السبت .. كل البنات اللي وراي سألوني سلامات ؟ ليش غايبه ؟ ماتوقعت ان احد بيفقدني pb036
وبعدين لما تلف البنت اللي جنبي عليهم , تقول لي لفي كرسيك بعد .. وكذا دخلت معهم بجوهم !
حبيتهم وحبوني , وصح ما مرّ الا اسبوع , بس صرت امون عليهم !
وهم من النوع اللي ما يقول لا للشخص الللي يبي يجلس معهم pb189pb189
وهذا انا , تعودت .. بالبدايه كنت اقول ماعلي , وانا ما ابي صديقات .. ومدري وش !
بس كذا الدنيا , أبتسسمي .. لاتصيرين كئيبه , وقبل ماتنامين قولي يارب بكره يعدي على خير bp039
ربي ماراح يتركك , واذا حسيتي نفسك متضايقه , أقري قران .. pb189
ربي يسهل عليك هالسنه , ويسهل علي وع الجميع
ويارب تكون سنه حلوه لك .. bp039pb189
تفائلي , وكوني بخير :rolleyes:

-

حححنآإن . . !
09-10-2010, 12:11 PM
يآاللللله :| نففس مششكلتي كأنّي أنآ اللي أكتتب =")

فريروشير
09-10-2010, 12:49 PM
ابدائي يومك بسورة البقرة علشان تتيسر امورك

عليك بالدعاء ان الله يسهل لك امورك

كثري من الاستغفار ياما ناس مشاكلهم اشد من مشكلتك ومع كثرة الاستغفار بنية حل المشكلة انحلت :)

هذا اللي اقدر اقول bp039

مشكلتي يعنني
09-10-2010, 01:27 PM
ماشاء الله كلامك حلو بلا مجامله
وشخصيتك قويه بعد لما قلتي اتحدا نفسي
بس لا تلومي نفسك على حركة السياره مع اخوكي عادي
لان انتي تحاولين توصلين لشي يريحك !
طيب اقللك
1- انقلي لصديقات المتوسطه و الابتدائي اللي نقلتي عنهن لو كن ما زلن مع بعض في ثانويه واحده
2- او شوفي اقرب صديقاتك لك وانقلي لمدرستها
3- او انقلي لمدرسة بنت خالتك اللي ذكرتيها

* هذه حلول عاطفيه وليست عقلانيه

4- الدراسه والتعلم شي مصيري في هذا العصر في حياة إنسان اليوم !

اتوقع الحلول المو عاطفيه هي :)

5- صحيح سورة البقره دواء وبركه حاولي تقرئي منها قد ما تقدري كل يوم

6= حطي حرتك في الدراسه وركزي وجيبي اعلى درجات : فكري في سبب مجيئك للمدرسه

صديقاتك زميلاتك هم كتبك واجباتك بحوثك قراءاتك اهتماماتك
وطبعا حافظي على التواصل الاجتماعي مع قريباتك ومن حولك عوضي عن فقدان صديقات المدرسه
ولا تخجلي لو ما فهمتي شي دروس او ما يتعلق بالنشاطات اسألي مدرساتك
واجبهن يجبن على اسئلتك


7- لو عندك وقت وإمكانيه شاركي في انشطه
مثل مكتبة الملك عبد العزيز فرع المربع عندهم جدول انشطه جماعيه هالاسبوع قراءة كتاب
جمعية واعي الاجتماعيه هذي بتفيدك اتوقع لان عقلك كبير وتحبين القراءه والبحث
اتوقع رح يعجبك ان تتطوعي في دوراتهم تسجيلا وتنظيما


أحببتك ِ يا ابنتي bp039ترا
pb030سبق لي التعامل مع طالبات المتوسط والثانوي فيما يخص الأنشطه بس درست إبتدائي !

لو حسيتي إني ممكن أساعدك اكثر راسليني ع الخاص

* مع إن أنا ما اشوف إن الصديقات في المدرسه او الكليه او العمل شيئا مهما
انا عندي صديقات من المتوسط بس ما كنا مع بعض دايم وللآن نتواصل
ومن الكليه عندي صديقات ؟ بس من اقاربي ما عندي صديقات
طيب المهم وجود صديقه او مجموعة صديقات
بس مو شرط نكون بتفس المكان المهم نلتقي ونتواصل
بشكل مفيد وإيجابي !اتذكر في الكليه كانت فتاة اسمها سميه bp039 سميه كانت اميره مثل سالي
وما كان عندها صديقات وشخصيتها متأثره جدا بموت والدتها رحمه الله تعرفي كيف
تايه وحاسه بالإنكسار ومافي احد حولها من اهلها لدردة كانت تتأتأ لما تتكلم تعرفي ايش سوت

جت لصديقتي وكانت صديقتي طالبه معروفه على مستوى الكليه لانها كاتبه وفي لجنة الانشطه و شخصيتها حلوه ودايم تلقي كلمات الافتتاح في الحفلات وانشطة الكليه
وقالت لها سميه : انو انا ما عندي صديقات وابي اكون صديقتكم انتي وصديقتك اللي هي انا
وبعدين تعرفت عليها وصرنا نجلس مع بعض ونذاكر مع بعض وعرفناها على زميلاتنا اللي
هي ممكن تصادقهم بعدين تحسن الوضع وحولت سميه لقسم آخر هي كانت تبغاه
واصبح لديها صديقااات
ههههه كان قلبها طاهر سميه الله يرفع قدرها دنيا وآخره


>>>>>> يؤسفني لو دمي طلع ثقيل هنا تكلمت كثيرا

سلوومه 89
09-10-2010, 02:12 PM
بدون لف و دوران بعطيك حل بسيط
اذا غبتي ورجعتي من بكره المدرسه روحي لوحده من البنات
واطلبي منها رقمها عشان تعطيك الواجبات وكذا
وخشي معها بسالفه ولا حشي بأستاذه :D <<-- بلا نصايح اقول
وقولي لها وين تقعدون بالساحه بالفسحه
وروحي اجلسي معاهم
وبالعاده البنت الجديده يستلمونها استجواب
ولا انقلي فصل لشهد يمكن المشكله من الفصل اللي انتي فيه
نفوسهم شينه ولا شي pb027
بالتوفيق يارب

طفله مدللة
09-10-2010, 04:24 PM
المدرسه قلبي يدق بسرعه واذا دخلت تحملت العذاب 6 ساعات .. مشكلتي اقول انه ليش اعذب نفسي ؟ مافي شي يجبرني ؟ هذي الفكره جدن مسيطره على تفكيري .. هي غلط وانا عارفه انه غلط بس ماقدرت شي غصب عني وقسم : (
امنيتي من كل قلبي تنحل مشكلتي مع الدراسه والمدرسه وقسم بالله تعبت تعبت ومستعده اسوي اي شي عشان تنحل .. ماعاد فيني صبر
انا اعرف اتكلم مع البنات لكن ماعرف كيف ابدا يعني كيف اتعرف ؟ وش الطرق ؟ وشلون وانا الحين عطيتهم فكره عني اني انسانه هاديه وساكته طول الوقت مع اني بالبيت العكسس تماما وبعض البنات يفهمون البنت الساكته واللي زيي يعني انه يمكن متكبره او شي زي كذا وانا منب لم هالشي ابد وقسم ..

يدق قلبك لانك تتخيلين بنات ناس كثارين تتخيلين شي كئيب علشان كذا تتروعين
لاجيتي تدخلين لاتفكرين ولا بشي
انسي
خلي مخك فاضي فكري بشي ثاني
لو شي تافه , وش اخذت فطور ؟ شعري حلو اليوم ولالا , في واجب ماحليته اشغلي تفكيرك عن البنات
بعدين هالبنات اللي خايفه منهم تراهم مثلك
وتفكيرك مثلهم وهمومهم مثلك لاتتخيلين انهم شي غريب
الوجه غير الدواخل صح مافي احد نسخه من احد بس الغالب تفكيركم واحد

فكري بمستقبلك لاتفكرين بالحين
صح بتجلسين بالبيت ووناسه ولا في ضغط نفسي
عقب تصيرين متوسطه بس ؟؟؟
حتى الحين الرجال مايبون البنت اللي ماكملت دراستها :eek:pb189
وبعدين انتي انسانه مثقفه واكبر من عمرك
مستحيل اتخيل ان عمرك 15 شكل عمرك 20 العقل اقصد مب الزمني pb189
الله يكملك بعقلك
طيب كل الناس يشترون من السوق ويشوفون تلفزيون
صح لايصير اكبر همك بس عادي سولفي شوي مايمنع
عادي سولفي باهتماماتك
مثلا اول شي روحي عند البنت وقولي اسمك فلانه ماشاء الله شكلك شاطره
ولا قولي مملوحه ولا اي مدحه
ابتسمي طول الوقت لكل البنات pb189 صدقه وصراحة يازين البنت اللي تبتسم
قولي لها مثلا ستايلك حلو عجبني
اسآلي وشو اخر كتاب قريتيه
وش تحبين تقرين
علمييهم باهتماماتك وتفكيرك pb189

انغام الصمت
09-10-2010, 07:01 PM
شوفي
انا انسانه قدك وطبيعي نفهم بعض pb094
البنات بهالفتره يكون تفكيرهم سطحي مره ., يعني انتي كشخه + تتكلمين بصوت عالي + جريئه ضحكتك واصله لين نهاية الممر = انتي انسانه فله كلن يبي يصادقك pb071
بس تبين الجد هذا اكبر " × " غلللللللللللللللللللللللللط :sm4:
الزبده ما علينا من هالهرج :D
اول شي احتكي بشهد زين وقولي لها ابي امشي معك بكرى
لا جاء بكرى اساليها اخبارك وشلونك وحاولي تتعرفين عليها وتخلينها تعرفك ع صديقاتها
يعني قولي لها وانتي مين صديقاتك وكذى واذا شفتيهم ابتسمي لهم واشري لهم بفيسك زي كذى " pb027 "
ثاني شي بما انك تقولين انك دافوره ., سوي نفسك ما فهمتي سؤاال وروحي لادفر وحده بالفصل وقولي لها ابي اسالك واساليها اي شي ., بكذى تحاولين تحتكين فيها ., اذا جاء بكرى سلمي عليها بالطلعا قبل لا تطلعين قولي لها مع السسسلامه بصوت عالي الكل يسمعه
حطي فبالك انك انتي الانسانه يالي تقدرين تحتكين باي شخص وانك جريئه وهذي يالي تسوينها اشياء عاديه ايام وتمر pb034
طبيعي يجي فبالك انو انا استحي اخاف انهم ما يبوني اخاف ان شكلي غلط <~ بس طنشي هالاشياءات وحتى لو ما يبونك ., المهم انك تكونين سويتي اللي عليك
عشان لا رجعتي البيت ما تأنبين نفسك وتتعبين نفسك وتحطين اللوم عليها :sm4: يعني باختصار عشان لا تقولين انا يالي ما اعرف اصادق ., وتبدلين هالكلام بجملة " هم يالي ما يبون يصادقون "
وبصراحه اذا ما يبوك تفكيرهم تفكير بزران يوم انهم يسسوون هالحركات :sm4:
اتمنى اكووون افدتك
صديقتك : 9o9h

الـدنيا ماتـسوى
09-10-2010, 07:17 PM
هلا والله ومرحبا فيكم كلكم واسفه اني ماقدرت ارد عليكم
طبعا الاسبوع اللي فات غايبته كله :d
والله كنت ناويه اروح يوم الثلاثا يعني جد جد لبست لبسي وطلعت بس طلع اخوي مقفل غرفته ونايم والمفتاح عنده وو اخوي الثاني سيارته للحين بالصناعيه مدري بوين المهم انه ماقدرت اروح مالقيت احد يعني :d
ويوم الاربعا لبست وكل شي بس عورني بطني وهالمره جد فـماقدرت اروح
ويوم جا يوم السبت كنت حاطه شي واحد ببالي
اني ما اشاورني ! :d .. جد انفسنا بعض المرات ماننعطى ووجه ابد
جد يعني بالصبح قمت وطبعا استظرفت علي الافكار على قوله شموخ :d بس قلت هنو اصصص بتروحين غصبن عنك
وكل شوي اقول شي وبعدين ارد على نفسي بـغصب عنك بتروحين تراك مصختيها والى متى نظل على نفس الوضع ؟
مدام المدرسه بالنسبه لك شي تكرهينه حبيه لانك مجبوره عليه مدام مجبوره استمتع
طلعت الايجابيات من روحتي للمدرسه .. اجر علم تعارف اشوف انواع الناس اتعلم كيف اعيش لانها مدرسه بمعنى الكلمه .. اشوف بشر وناس واعرف مجتمعات غير عن مجتمعي .. اقوي ذاتي واقوي شخصيتي لاني كل مارحت اكون اتحدى نفسي اكون اواجه وكل ماوجهت صرت اقوى وهكذا كلام
وكتبت لي بورقه كلام يعني كلام كثير بس مايستغرق دقيقتين او دقيقه وانا اقراه وصرت اقراه كل صباح
مو انا كنت اقول اني كل صباح يتغير تفكيري ؟ واصير اقول ليش اعذب نفسي ووووو الخ ..
فكرت وقلت مو انا بالنهار وقبل مايجي صباح يوم المدرسه تكون نفسيتي حلوه وتفكيري حلو وحماسي وكذا
قلت خل اكتب كلام لنفسي كـرساله لي اقراها كل صباح تبعث التفاؤل والروح الحلوه pb030
الرساله فيها كلام واذا تبوني اكتبها كتبتها اذا في احد بيستفيد منها :sm5:
كتبت فيها كلام كثير وتشجيع وافكار اكلم فيها نفسي كل صباح وووو الخ ..
قريتها اليوم ع السريع وكنت ما اشاور نفسي يعني اقدر اقول اللي ساعدني اليوم اني ماشاورتني اني قلت خلاص لاززززم احط حد للمهزله اللي قاعده اسويها على غير سنع .. اذا ماتعرفت مو نهايه الدنيا واذا اكره المدرسه بسبب شي ماعرفته موب لازم اعرفه المهم ما اخليه يستولي علي ولا اسمح له ينكد حياتي وهي مدرسه انا مجبوره عليها بالنهايه فـلازم احول سلبياتها لايجابيات وهكذا pb030 .. مصيري اتأقلم ومصيري اتذكر اللي سويته ببدايه الترم واضحك على نفسي :Dpb189
اليوم قمت لبست بسرعه من دون ما اسمح لنفسي اني افكر وتظبطت وقومت اخوي وقريت اوائل سوره البقره ومشيت ركبت السياره وصلت للمدرسه كنت بهون مارح انزل بس حاولت استجمع كل قوتي وكل افكاري الايجابيه وفتحت الباب بسرعه وقفلته ومشيت دخلت للمدرسه لما دخلت ارتحت اني خلاص الحين ماقدر اطلع ولازم اواجه :D .. واجهت ومشيت دخلت الفصل وانا مبتسمه او حاولت اكون مبتسمه سلمت ولقيت الاستاذه موجوده لقيت مكان فاضي مافي لا طاوله ولا كرسي قلت للاستاذه اني بدور لي كرسي وطاوله قالت موجود الكرسي بس جيبي طاوله رحت وجبتها وقعدت بمكاني ومرت الحصه الاولى بسلام pb030
الحصه الثانيه جتني بنت قالت انه سلامات وليش غايبه :Dpb189
بعدها بشوي كلمتني اللي جنبي سألتني سؤال ماعرفت وش المقصد منه للحين :D
اول شي قالت انتي سعوديه ؟ قلت ايه شي طبيعي pb036pb189 ليش ؟
قالت انه مدري بس انا حسيت انك مو سعوديه
المهم شوي وسألت السؤال اللي للحين مافهمت وش القصد منه
قالت انتي وش قبيلتك ؟ : )
يعني اموت وافهم وش المسسسسكه .. اصلا حتى ماتعرف اسمي ! قلت بيني وبين نفسي ولكم تو ثانوي هنو :D
المهم الحصه الثالثه عدت على خير جت الفسحه وجت شهد تسلم علي وتقول وش ذا الغياب وكذا وسلامات وما الى ذلك وقالت لي اذا بجي معهم (وكانت معها بنت ) او لا قلت انه مقدر بحل اللي فايتني .. واخذت الجدول من البنت اللي جنبي وطول الوقت وانا احل اللي فاتني مره فايتني اشياء :( <- تستاهلين تحملي نتيجه افعالك :D
يدي تورمت يحول :(:D .. اخذت كتاب الانقلش انقل بعض اللي انقل من البنت اللي جالسه بالوسط يعني جمبي بس بيننا فراغ
مرت الحصص مره فراغ واقعد انقل اللي فاتني من اشياء واحل واجبات اخذناهم وهكذا جت الطلعه لان مافي حصه سابعه .. نزلنا وشفت شهد بالدرج سلمت علي ومشينا نزلنا تحت وتمشينا شوي ومافي ذيك السواليف مدري مخي قفل ماعرفت شسولف فيه :D مرينا على شلتها وعرفتني على بنتين منهم بس مجرد اسم يعني ومشينا مع شلتها بالطلعه صح اني حسيت انه شكلي غللط وانه ساكته بس مبتسمه وانه مو فاهمه كل كلامهم وووو بس قلت عادي الدعوى اول يوم وبعدين اندمج مع العالم كلهم ان شالله .. بس اللي توهقت فيه هو اني مدري وش اسولف ماعرفت كيف ابدا سوالف معهم وكذا عموما طول الوقت نتمشى ماعرفت كل اسمائهم بس بعضهم ويعني احس حلو واحمد ربي وحتى ماطلعت بسرعه يوم فتح الباب قعدت طولت شوي :D
يعني هه كأن الامور بدت تتصلح تقريبا بس يبي لي هالاسبوع اني اروح وما اغيب هالاسبوع كامل واعرف كيف ابدا السوالف مع الناس اللي اقابلهم مثلا بكرا لو تمشيت مع شهد بالفسحه هي شكلها تعرف بنات كثير فـ مدري يعني يسولفون مع بعض وكذا انا اصير مدري وش اسوي يجيني احساس ان شكلي غلط او كذا لاني توي جديده معاهم بس يسهل ربي وان شالله اعرف كيف افتح مواضيع واعلق واضحك وكذا .. هذا غير عن الدرووس اللي فايتتني يبي لي هالاسبوع اداومه كامل عشان اعوض عن اللي فاتني والاسبوع اللي بعده واذا مر شهر وماغبت تقريبا رح اعتبر ان مشكلتي انحلت بمعنى الكلمه pb030

مررره ششكرا وقسم شكرا ماتكفي وابدعي لكل شخص رد علي لو رد وش صغره وافدتوني كثير واللي ابيه منكم الحين يعني كأسئله
انه بس وشلون ابدا افتح سالفه مع الشله اللي امشي معها وكيف اضحك معاهم عادي وماحس ان شكلي غلط او كذا .. وبس يعني مجرد نصائح واشياء ايجابيه
ومره شكرا لكم كلكم فردا فردا ماتعرفون قد ايش افدتوني بشي كان مأزمني بقوه الله يسعدكم ويحقق لكم كل اللي تبون ياارب bp039pb189

انغام الصمت
09-10-2010, 08:01 PM
يوم قريت ردود الناسات تحمست اكتب اشياءاتي
شوفي انا انسانه بثاني متوسط كنت مع الكل واستهبال وفله
لكن عيبي انو لو ينقلوني من الفصل
ما اعرف احتك ويضيق صدري وحالتي تروح ملح وغيابي يكثر و و و و طبعا تعرفين هع
الزبده انووو يوم صرت بثالث متوسط نقلوني لفصل كل اللي فيه ثقيلات دم
طول هالفتره وش اقولك يعني وش اقووول وش اخلي
من قوة ان نفسيتي صارت زفت
قلبت ع صديقاتي وما خليت وحده ما تهاوشت معها !
يوم صرت اولى ثانوي
خلالالالالالالالالالالالاص طفح الكيل
قررت ابدى حياة جديده صح صعب
بس لازم لازم اصير انا البنت يالي معي صديقات و و و و
اول شي بالطابور يوم صفونا جت بنت اسمها اسماء ياربيه ق1 وه بس خشت سوالف وصفيت معها وقلت خلينا نجلس جنب بعض وصدق
والحفين انا وياه زميلات
وغيرت نفسيتي وحطيت بين عيوني عبارة " انك بتكونين انسانه ايجابيه وتاخذين همومك وترمينها بالزباله = انو نفسيتك تصير حلوه + سمعتك حلوه + الكل الكل يحبك ق1 "
ومو مدح فيني بس احس كل ابو البنات صارو يبون يصادقوني هع
اليوم بالطلعا طلعو صديقاتي قبلي
يوم جيت اجلس تناديني وحده بثاني بس معي بالباص " كانت دايم تبتسم لي " قالت اجلسي معنا ! يوم طلعت صديقتها وقبل لا تطلع يوم راحت توصلها جت بنت اسمها " خضرا " قالت تعالي ., ! يعني حسيت انو انا شخصيه مره مهمه صراحه .. كان ودي اروح معها بس ما حبيت اسحب ع البنت اللي قبلها .جلسنا نمشي مع بعض وفليناها
وكل هذا لاني شسمه " حبيت نفسي + فرضت احترامي ع نفسي + عطيت نفسي حقوقها + سويت اللي علي "
وتعرفت ع بنات و و و و
وضحكتي صارت توصل لين نهاية الممر ق1

سارونة سدير
09-10-2010, 10:11 PM
انه بس وشلون ابدا افتح سالفه مع الشله اللي امشي معها ووكيف اضحك معاهم عادي ماحس ان شكلي غلط او كذا .. وبس يعني مجرد نصائح واشياء ايجابيه

يااربي كتبت رد وش طوله وراح المهم بختصر اللي كنت بقوله :sm5:
أول شئ بما أنك رحتي المدرسه بما أنك أجبرتي نفسك تروحين قولللي أنا قووويه كل شوي قولي في نفسك pb189
إذا رحتي المدرسه وسسسسعي صدرك لآ تفكرين وش اقول وكيذآ لآ أبد وسعي صدرك على آخر حد وبتجي السوالف
بعطيك أمثله
طبي على وحده وسكري عيونها قولي لها مين انا وانشبي لها تعرفك pb036 مثلآ بما أنك غبتي الاسبوع اللي فات قولي لبنت يآ حبي لس أنا أموت فيتس أكتبيلي الناقص بتقول لآ و الله هذا الناقص أحل لك قولي لها يلآ عشانك بساعدك نص الواجبات لي و الثاني لك واستهبلي قولي مالت عليس مابي منس شي أصلآ pb036:D
مثلآ بالفسحه امعطي شوشه شهد ولآ دبخيها وانحاشي pb058
إذا شفتي شئ اعجبتس أمدحي البنت أكشخ وش هالتسريحه ولآ شنطنس عذااب :sm5:pb189
بالفسحه نكتي مثلآ قولي لشهد في بدوي راح سينما ولا شاف الفلم ليش ؟ يسلم ع الحضور :(pb027
في عجوز طاحت قالت أحسن :D
نذل تهاوش هو وامه في السوق شاف الهيئه قال ترى هذي صديقتي pb027
في عجوز كانت بتتروش شافت برق قالت الله يهدي الشباب بدو يصورون :(pb093 > :D
واحد طلبوا منه أثبات ملكيه البيت راح جاب لهم صورته وهو يغسل الحوش pb036 > وش يفهمه الحين
زي كييذآ :D
إذا شفتيهم يسولفون عن اي شي قولي اي شي حاولي مع الوقت بتصيرين تقيدين حوارات pb058pb030
أضحككي إذا نكتت وحده وابتسمي طول الوقت :sm5:
ف الحصه إذا سألت قولي انا استاذه انا استاذه بصوت عالي أذبحيها :D طبعا إذا ماكانت تهاوش على ذا الحركه :D وإذا قمتي علي صوتك وخليك واثقه حتى لو أجابتك خربوطيه أهم شي أرفعي أصبعك طول الوقت لآ تصيرين مثلي أتعيجز ارفع يدي :(
وبنسبه لـ ثقل دم البنات
عادي جداً حتى أنا عندنا بنات ياثقل دمومهم ووحده وراي تجيب الهم بأسلوبها وجفاستها بس مانيب أعطيها وجه عادي اسلك منب فاضيه اشيل همي وهمهم :)

متفائله مرره ببدايتك pb189
الله يوفقك pb189

’ [ رُ ]
10-10-2010, 05:54 AM
-


لبى قلبك pb189
الحمدلله :sm5: .. وربي فرحت وانا اقرأ ردك pb094 pb189
وبـ النسبة للسوالف وكذا :D
مع الأيام بتندمجين معآهم , وانتي حاولي تتقربي لشهد أكثر ;)

وأهم شي .. سلكي للبنآت ! :)
مو أي وحدة ماتعجبك تقولين مابي اصادقها , pb093
عادي سلكي لها وبس pb027

Prestige girl
10-10-2010, 03:10 PM
وعليكم السلام ورحمة الله وبركاته

ماحبيت اني مارد خصوصاُ اني اعاني بنفس معاناتك
والله نفس حالتي انا الحين اولى جامعه

الوضع مره مره متغير علي , ودي بصديقات بس احس كل وحده تقول نفسي نفسي

مو مثل الثانوي وناسه وكلنا قلوبنا على بعض :(

مدري لين متى ببقى على هالحال :(

جلست اسبوع مع بنات بس ماجازولي ابداً ’
والله لو تشوفيني كل يوم اجلس مع بنت او اجلس لحالي واقعد على الايفون
لين مرات افكر اني ابطل :( تعبت والله

الله يرزقني بصحبه حلوه يارب
ويعينك ويرزقك بالصحبه الحلوه , الي تهون عليك

ودي ^^

تناهيد نُور
10-10-2010, 05:31 PM
والله يَّ عزيزتي مشكلتك بسيطه جداً وهي ومثل منتِ عآرفه بنفسك ترى مو مهم تكوين حولك شله كآمله
اهم شي ارتبآطك بِ وحده عآدي ماهي اكبر المشكلات , اللي ابيك الحين هو انك تقوين علاقتك بِ " شهد "
وتتقربين منهآ واجلسي معهآ ومع البنآت اللي تعرفت عليهم سولفي اذا قالوا مواقف شاركيهم بِ كلامك بِ ابتسآمتك لان الأنسآن يحكم ع الاخر من وجه وتصرفآته وهذآك مآشاء الله عليك تسولفين مع الشله اللي قومتك من مكآنك ورديتِ عليهم يعني [ ماعليك خلاف:D ]
والحركه اللي سوتيهآ مع اخوك اعترافك انهآ " غبيه " وانك تكلمتِ فيهآ ودليل ندمك عليهآ زين
واحسآس حلو ’ لآتطاوعين نفسك وخلي طموحك كبير والايام تمضي صدقيني مع التعود ع الفصل والبنآت يبكون بينكم مواقف بها السنه وبها الشهور تو النآس والسنه بِ اولهآ ولا صار لكم شهـر
يعني مع الايام صدقيني بِ يتغير كل شي ’ اهتمي بِ دراستك لآنك ماشاء الله عليك حريصه
وماهو عيب الحرص والاهتمام بالعكس العيب اننا نطاوع انفسنا للخطآ
والله يوفقك ويسدد خطآكِ يَّ رب
وان شاء الله اكون افدتك بنتي العزيزه bp039

الـدنيا ماتـسوى
16-10-2010, 05:44 PM
مر الاسبوع ابشركم ماغبت فيه ولا يوم
بيوم الثلاثاء نزلونا لندوه او شي زي كذا المهم نزلنا ولقيت شهد فـ قعدت معها وبعد نهايه الندوه (ناس يتكلمون ومدري وش يقولون ) بعد نهايه الندوه قلت لشهد تجين معي بعد مايخلصون من الندوه ؟ قالت لوين .. قلت للاداريه ابنقل .. هي فتحه عيونها بقوه قالت بتنقلين ؟ قلت لفصلكم مو المدرسه قالت ايي تعالي فصلنا pb189 .. المهم رقينا فوق دخلنا عند الاستاذه وقعدت احاول فيها واقنعها تنقلني بس فصل شهد مليان (وانا كنت قايله لها يوم اول يوم بالمدرسه يوم السبت ) المهم قالت انه كثير بنات يبوني انقلهم وانه مايصلح يكونون مع بعض لانهم حركين ومدري وش بس فيه بنات مقدر ارد لهم طلب وانه ادري اني واعدتك وانه بكرا (الاربعا) ارد لك خبر المهم حاولت فيها شوي وبعدين طلعت وكانت شهد تنتظرني برا المهم طلعت وانا شبه محطمه لانه اصلا يوم الثلاثا من بدايته كان زفت واخلاقي مقفله وكذا بس يعني كان عندي امل انها توافق وتنقلني .. قبل لا اطلع قالت طيب ليش ما انقل شهد لفصلك وانتهينا ؟ (انا كنت كارهه بنات فصلي شوي مدري ليش ) قلت انه لا انا ابي انقل لفصلها وقالت الاداريه لشهد ليش ما انقلك لفصلها ؟ قالت شهد انه لا انا ابي صاحباتي اللي بفصلي ومدري وش .. سكتنا .. المهم ممدا جيت بطلع من باب غرفه الاداره الا وتناديني .. مدري كيف اوصف لكم شعوري وقتها استانست مره حسيت انه فيه امل .. رجعت لمها وقالت انه تذكرت ان في بنت قالت لي تبغى تنقل وانه مسويه عمليه ولازم صديقاتها معها وخلاص الحين نكتب اسمك بفصل شهد وانتهينا pb030 .. كتبت اسمي وطلعت وانا مسسستانسه وحاسه انه خلاص مشكلتي بالدراسه انحلت .. نزلنا تحت واخذت الجدول من شهد ليوم بكرا اللي هو الاربعا .. انفتح الباب ورجعت لبيتنا وانا قمه السعاده والوناسه ..
يوم الاربعا كان من احلى الايام بهالمدرسه اتوقع .. بالصبح دخلت وهم صافين طوابير كالعاده وقفت بطابور فصلي الجديد سلمت على شهد وكان معها صديقتها نجوى (كانت من البنات اللي بالشله مع شهد ) المهم رقينا فوق جبت كرسي وقعدت جمب شهد .. البنات اللي قدامي سلمو علي وانه قالو لي وش اسمك وكذا .. البنات اللي وراي قالو انتي سعوديه ؟ قلت اموت واعرف ليش كلن يسألني نفس السؤال ؟ بعدين قلت اي سعوديه :D قالو لا بس شكلك مانحس انك سعوديه
المهم يعني بنات الفصل هذا تحسون حبوبات او شي زي كذا مو زي فصلي القديم المهم (فيه صديقه لشهد اسمها نجوى هي اللي دايم معها وانا بالفسحه الاسبوع اللي فات قبل ما انقل من فصلي كنت اتمشى معهم بالفسحه وكذا ) مر اليوم بشكل حلو وسريع بالطلعه قعدنا مع كم بنت بثالث ولعبنا اونو يعني كان الجو يجنن وحسيت اني حبيت المدرسه وحسيت اني واخيرا قدرت اتأقلم معها لكن للاسف كان مجرد شعور مؤقت .. طلعت منها يوم الاربعا وانا مستانسه
جا اليوم السبت رحت للمدرسه وانا مروقه ومتفائله وانه خلاص المشكله انحلت .. دخلت مالقيت شهد ونجوى بالطابور فـ صفيت لحالي .. لما مشى طابور فصلنا مشيت وانا بالدرج الثاني لقيت شهد ونجوى يتمشون بالممرات بالدور الثاني بس انا كنت بالدرج راقيه فكملت لين وصلت فصلي دخلت وجبت لي كرسي وقعدت مكاني اللي كان بيوم الاربعا ويوم قعدت سلمت علي اللي قدامي وانه اخبارك والحمد لله تمام .. شوي جت شهد ونجوى تخيلو ماسلمو ولا شي بس انا عادي يعني قلت انه مو شرط نسلم وكذا .. شوي جت نجوى وقالت انه انتي اللي ايميلك ***** ابتسمت لها قلت لها ايه (انا ماخذه ايميلها بيوم الاربعا ) المهم .. اسلوب شهد كان جاف شوي بس كنت اسلك واحاول اطنش .. شهد قالت لنجوى انه يلا خلينا نطلع وطلعو ولا كأني موجوده بالفصل اللي جايه له بس عشانهم .. بس سلكت وقلت انه عادي وطنشي ويعني على اساس انه شي مايسوى مو مهم .. قعدت شوي وبدت الحصه وجو شهد ونجوى والوضع عادي .. جيت ابنقل من شهد المطويه حقت الرياضيات رفضت قالت انه الاستاذه قايله لحد ينقل من احد ( مع انها قاعده تنقل من صديقتها لين اللي جمبنا ) سكتت انا عادي وسويت المطويه لحالي .. جت الفسحه وقمنا نمشي انا وشهد ونجوى وفيه وحده جت معنى تتمشى ابسميها نوره .. وحنا نتمشى اربع لاحظت انه كأني قاعده اتلزق بشهد .. مدري كأني مجبرتها اني امشي معها .. يعني حسيت انها مره ساحبه علي وطول الوقت سواليف مع نجوى ويتكلمون مدري وش يقولون ويعني ماشين وانا وراهم وشوي معاهم (فهمتو كيف الحركه .؟ ) المهم شوي الا قالت شهد انه انتي ونوره يا اما تصيرون ورانا والا قدامنا .. قلت ليش ؟ قالت مو حلو شكلنا اربعه كأننا جيش مدري حرب وانه اشكالنا تضحك .. قلت لا وراكم ولا قدامكم قالت اجل ؟ قلت معاكم :D سلكت الحركه ومشينا انا من بعدها بدت تقفل معاي .. قعدنا نمشي رن الجرس هم يمشون وشوي وانا وراهم وشوي معاهم وكأني الاحقهم .. حسيت اني كرهت نفسي تنرفزت .. مشيت ورقيت فوق من دون ما اقولهم اصلا مادرو عني .. يوم رقو فوق عادي ماعلقو .. بس انا مستغربه انه من الصباح وشهد اسلوبها جاف معاي .. انا جايه الفصل عشانها مفروض ماتسوي كذا .. لكن هي مو طاقه لي خبر ابدا ابدا .. المهم الحصه الرابعه يوم انتهت دبرو لي مكان قدام جمب جدار الباب على طول وقالو لي اروح له .. يعني شهد هي اللي قعدت تقول لي اروح له عادي انا قمت ورحت له .. ويوم انتهت الحصه السادسه بعض البنات قررو يهجون وشهد منهم طبعا .. وانه اخذو شنطهم وعلى اساس غايبين .. طلعت شهد بدون ماتكلمني ولا ششي ولا كأنها تعرفني .. انا كنت ساكته .. دخلت استاذه الانقلش واخذت اسماء اللي هربو من الحصه .. وقالت لي (بصوت واطي يعني ) انتي جديده ؟ قلتلها ايه .. قالت من المدرسه والا من مدرسه ثانيه قلت لا جايه من فصل ثاني قالت انه ليش جايه ؟ قلت عشان صديقتي .. قالت مين ؟ قلت شهد .. قالت هذاها هجت وخلتك .. وكملت شرح درسها .. انا كلمتها للحين ببالي .. انا كنت احاول انكر انه شهد ساحبه علي وانه يمكن بس انا اتخيل او شي زي كذا بس مددري لييييش جت هالاستاذه وقالت هالكلمه لي بالذااات ليييش مدري : ( .. لما انتهت الحصه ونزلت يوم فتح الباب شافتني شهد قاعده لحالي قالت لي هي ونجوى امشي قلت فتح الباب خلاص وطلعت وانا متضايقه .. مو متضايقه من شهد .. يعني شهد تنرفز وعموما ماكنت حابه شخصيتها مره .. كل اللي مقهوره منه الحين نفسي .. يعني ليش انا كذا .. جد جد ليش كذا قاعد يصير
مدري حسيت نفسي اغلطت لاني نقلت عشان بنت مين ماكانت .. مفروض ما اعلق نفسي على احد .. يعني اما شهد والا خلاص .. مشكله كذا .. راجعه بيتنا وانا مقفله ماكلمت احد للحين .. حاسه اني مو عارفه شسوي .. رجعت اكره مدرستي مره ثانيه .. مكاني وتغير وشهد ساحبه علي ما كأنها تعرفني او اللي جيت من فصلي عشانها .. الاسبوع الجاي مايصلح اغيب ولا اللي بعده لان كلها بتبدا فيها ايام الاختبارات .. فيه دفاتر عندي ناقصه ومطويات للفيزيا والمدري وش ناقصه ويعني وضعي بالدراسه بدا يزفت .. اذا شرحت الاستاذه مو قادره اركز معها بالي مشغول اعجز ارركز ابدا : (
بديت اكره الدنيا خلاص ماعاد فيني اقوى من كذا تو قعدت ارتب كتبي عشان بكرا .. ماقدرت اكمل ترتيب رحت سريري قعدت اصيح (انا انسانه ماتصيح الا اذا انقهرت هذا الشي المعروف عني وصياحي نادر مرره ) قعدت اصيح شوي واسكتت كان ودي اكمل صياح لعل وعسى افرغ من اللي فيني بس ماقدرت .. حددي متضايقه مقفله الدنيا بوجهي مو عارفه شسوي : (
كنت معلقه جزء من امالي بشهد وناقله عشانها لما نقلت مره تحمست واستانست لكن حسيت اني تسرعت .. شهد جابتني وسحبت علي شوي .. اثر هالشي على نفسيتي ومدري كيف مدري وش قاعد يصير معاي الحين بس اني مره متضايقه بدت تستظرف افكاري وتقول لي حولي منازل بس مستحيل : ( .. اشوف كل البنات بالثانوي مستانسين ويضحكون واقول وش حيثي انا وش ينقصني ماكون زيهم ؟ اتذكر كيف كنت مع صديقاتي القديمات واقول ليش ماكون زي ماكنت من زمان ؟ ليش مأزمه نفسي على شي مايستاهل بس غصب عني وربي مو عارفه .. مرات وانا بالفصل كذا فجأه اناظر باللي حولي اقول مين هذولي وين مدرستي القديمه وليش انا ساكته الحين ! بنات الشمال نسخ متكرره بس بنات مدرستي القديمه بوسط الرياض كانو غير وهذولي مره مختلفين عنهم باشياء كثيره .. احس اني احيانا مو مستوعبه .. احيانا اقول عجيبه هالدنيا وكيف كنت كيف صرت .. كلن يتذكر الثانوي وانها من احلى الايام مابي اضيعها ابي استانس بكل يوم فيها انتو فاهميني ؟ بس انا مو عارفه كيف مو قادره مدري مدري : (
احس اني وصلت حدي خلاص .. تعبت من كل شي .. والمشكله مايصلح اغيب خصوصا هالفتره بس انا شكلي بكرا بغيب .. نفسيتي بالارض مو قادره اكلم احد .. الى متى مشكلتي بالمدرسه ؟ متى بتنحل ؟ كيف تنحل ؟ صعب اني اقعد كل يوم اروح للمدرسه اعذب نفسي .. شعور يخنق .. شي غبي بس انه غصب عني وربي مو بكيفي .. اروح اخذ كميه مواقف كميه سكوت سحبات وما الى ذلك ست ساعات من التعذيب النفسي وانواع الاشياء .. خلاص مقدر اكثر من كذا .. محتاجه احد يفهمني محتاجه احد يساعدني ياربي حلها من عندك تكفى : (
خلاص وقسم مو عارفه شسوي ولا حتى وش اقول بس قلت بفضفض لكم شوي : (
الله يسعدكم قضيت bp039 .. =/

~{..شمس..!
16-10-2010, 07:04 PM
طيب ليش تزعلي من تصرف شهد ؟
ليش تحملي نفسك ذنب تصرفها
انتي ماغلطتي بالعكس , كل اللي عملتيه حلو ويدل على اخلاقك
هي غلطت وغلطها يرجع لها ويسئ لها هي مو انتي وتصرفها يدل على اخلاقها هي
لو احد غلط عليك لاتحملي نفسك ذنب غلطته

وبعدين هذا درس تعلمتيه ويفيدك انتي الكسبانه صح ولا لأ
عرفتي كيف معدنها من البدايه بدل ماتصادقيها وتنخدعي فيها في الاخير ,, من اولها عرفتيها صح عشان ترتاحي

وثاني شي داااايما اغلب الناس لو شافوا احد محتاج لهم وماعندهم غيره يتكبرون عليه
يصيرون هم يبعدون عشان يجري وراهم اللي محتاج لهم ,,, يمكن يشوفون انه كذا يصير شخصية ومهمين لانهم ماعندهم ثقه بنفسهم وشخصيتهم ضعيفه مع انه ممكن الشخص الثاني احسن منهم وهم المحتاجين له
لو طنشتيها وجلستي مع غيرها هي بتجي ركض وبتلزق فيك وبتسأل وينك وليه ماتجلسين معاي و و
انتي خلي شخصيتك اقوى ولاتتأثري بتصرفاتها ,, خليك صديقة الكل تسلمي على هذه وتتكلمي مع هذه وتسألي عن هذه وتساعدي هذه وتضحكي مع هذه وهيك


وبعدين فيه شي ماانتبهي له انتي
انتي مانقلتي للفصل الثاني عشان شهد
انتي نقلتي عشان ربي قدر لك هذا الشي وكتبه لك
وماكتبه ربي وقدره الا وفيه خير لك
لاتزعلي ولاتحطي ببالك وتأكدي من انه في نقلك خير لك , ايش هو الله اعلم


التعرف سههههل
لاتعقدينها انتي
طبعا مو من يوم وليله بيصير عندك صديقه قريبه
الصداقه ماتجي الا بعد وقت
الحين انتي لاتحطي براسك شي اسمه ادور على صديقه او ليش ماعندي صديقه

لان الصداقه تجي من نفسها من غير ماتدوري عليها
ركزي في دراستك وخلي علاقتك مع زميلاتك حلوه اهم شي
اول ماتدخلي او لما تقابليهم بطريقك سلمي عليهم وصافحيهم بنات فصلك الحالي وفصلك الاول
اسأليهم بس لاتكثري أسئلة عشان مايطفشوا من الأسئلة خخخ

جيبي لهم علبة شوكليت حلوه هيك ووزعيها عليهم او حلاوة مصاص يحبوا الاستهبال هما عاد خخخخخ


وبعدين انتي ايش يهمك اكثر
مو مستقبلك ودراستك
الثانويه تحتاج تركيز ومذاكره واجتهاد ودرجات عشان تعملي اللي تحلمي فيه
اما الصداقات مثل ماقلتلك هي تجي من نفسها

وخلي علاقتك مع معلماتك كويسه
سلمي عليهم وصافحيهم لما تقابليهم
اسأليهم عن اي شي
المعلمة تحب الطالبة المهتمه بدروسها والمؤدبة
لو علاقتك معاهم حلوه بترتفع معنوياتك كثيييير وبترتاحي

ولاتغيبي لان الغياب يأثر عليك بالسلب كثييييير انتبهي وبيضيع عليك فرص حلوه كثييير
مو انتي تبغي يكون عندك صديقات ,, لاتغيبي عشان ماتضيع عليك فرصة التعرف عليهم
وحتى هم كيف تبغيهم يتعرفوا عليك وانتي نص الايام غايبه

قمة الهدوء
19-10-2010, 01:23 AM
تدرين وش تسوين..؟؟؟؟
تعرفي على بنات بنفس فصصلك اللي هو فصل شهد..واسحبي على شهد بيني له انه مهب واقفه عليه..:D
وخليه تحس انه مهب بس يامعك يامنيب ماشيه مع احد .. او ياانتي تعطينن وجه ولا انا مااعرف اتعرف .. ولا اناا من دونك مااعرف اسوي ششششي .. بالعكسس خليه تحسسس انك منتيب لمه

واخخخخخخخخخخخخخخخخخخخخخخر هممممممممممممممممممممممك ولا تهممممممممممممك اصلاااااااااااااااااااااااااااااااااااا pb189

واني اناا اقدر اتعرف على ناس اكثر وازين منك ..

اهمم شييي تاصل له هالمعلومه اني اناا اقدر اتعرف على غيرك مهب لازم من طريقك

وبعدين لا تعرفتي على بنات وبديتي تمشين معهم ..لا تقطعين علاقتك مع شهد لا سولفي شوي

روحي لم صديقاتك الليي ان شاء الله بتعرفين عليهم ..وحلو اننه الاستاذه قالت كيذا بالعكس هي

تنبهك انه لا تعلقين نفسك بششششخص معين خلي عندك اشششخاص ..وخليتسسس على طبيعتك

اهممم شي ولا تخلين شهد اهتمامك الاوووول وبينييي له انوه مهب هي اكبر همك وتحدي روحك

انوه ابتعرف على ناس اكثر وانتي متصيرين من زميلاتي ((اللي هي شهد )) بسس تحدي نفسك محد

بيحس بك زيك انتي..تححدي نفسسسك ..واماك انتي تقولين انه الفصل حلو خلاص روحي تعرفي

على بنات ثانيات وخليك فله وكيذااااا..

وبسس هذاا الليي عندي ورددددي لي خخخخبر قوليلي وش سويتي pb094

-LILY-
19-10-2010, 11:44 AM
حبيبتي اللي جالسه تمرين فيه شي طبيعي حتى ما يحتاج كلمه " مشكله " :(

كيف تقدين تتغلبين على اللي تمرين فيه ؟

اول شي اول ما تدخلين الفصل اذا كان فيه بنات سلمي عليهم قولي السلام عليكم ، صباح الخير ، كيفكم اليوم ؟ صدقيني تراها كلمات بسيطه بس لها مردود كبير على النفس pb189

ثاني شي في البدايه حاولي تسالينهم عن اشياء تخص الدراسه حتى لو كنتي عارفتها
مثلا قولي لو سمحتي ممن تعلميني اي سؤال واجب الماده الفلانيه
او لو سمحتي متى قالت المعلمه بيكون الاختبار
و من هذي الاشياء

ثالث شي لو فيه بنت اسم عائلتها قد مرت عليك اسأليها تعرفين فلانه انها تقرب لي ، كانت معاي في المدرسه الاولى ، قد درستني ، صاحبته بنت خالتي ... وكذا
بعدين انتي بادري قولي معليش اسوي لك اد او معليش تعطيني رقمك

طبعا كلمه ورا كلمه سالفه ورا سالفه وراح تكونين كونتي صداقات بدون ما تحسين ، ثقي بكلامي pb189

ولا تشيلين هم ابد ، و ركزي اهم شي في الدراسه pb189

الله يسعدك يا رب و يوفقك pb189 ..