PDA

عرض كامل الموضوع : انا قصير القامة (قزم)


الجني الاحمر
25-08-2010, 06:05 AM
البيانات الشخصيّة :

العمر : 13
الجنس : ذكر
مكان الإقامة : الرياض
هل هي مدينتك الاصلية ام منتقل لها : الاصلية
اذا كنت منتقل لها :
الحاله الاجتماعيه :اعزب
ان كنت متزوج مدة الزواج : ........
وجود اطفال من عدمه : .........
طبيعة العلاقه مع شريك الحياة ( مستقرة - غير مستقرة - شيء أخر " يفضّل ذكره )
مستوى التعليم : متوسط
نوع الوظيفـة : .........
الحالة المادية :ممتازة

البيانات الأسريّة :

نوع السكن : فله ملك
عدد الترتيب بين أفراد الأسرة : الاول
عدد الأخوة والأخوات: 5
عمر الأب : ........... عمر الأم ............
مستوى تعليم الأب والأم ؟: جامعي
الجو الأسري في البيت ( العلاقه بين الاب والام ) : ممتازة
هل يوجد زوجة أب أو زوج أم ؟ : لا
هل يوجد أخ أكبر في المنزل ؟ : انا الاكبر
هل يوجد أعمام أو أخوال مقربين يمكن اللجوء اليهم ؟ : نعم
طبيعة علاقة صاحب المشكلة مع بقية أفراد العائلة : ممتازة
الجو الاسري بشكل عام في التفاعل : ممتاز



البيانات الطبيّة :

هل يوجد أمراض عضوية تعاني منها ، وماهي ؟ :لا
هل يوجد أدوية تستخدمها حالياً ، وماهي ؟ : لا
هل يوجد أحد قريب بالعائلة يعاني من نفس مشكلتك : اخواني
الحالة الصحية في البيئة التي تعيش فيها من ناحية الحي ومن ناحية خدمات المستشفى في المنطقة :
ممتازة

البيانات الدراسيّة :

العمر عند الدخول للمدرسة : 6 عدد مرات الرسوب : ولا مرة
مستواك الدراسي على مختلف المراحل الدراسة: ولا مرة
علاقتك مع الزملاء في المدرسه / العمل : جيدة
هل واجهتك ظروف أثّرت على أي مرحلة من مراحلك الدراسية : لا

البيانات الإجتماعيّة :


هل هناك أي أنشطة أو ممارسات تتقنها : السباحة النت بشكل عام
هل لديك قابلية للاختلاط الاجتماعي مع أبناء الحي وزملاء الدراسة والعمل
أم تفضّل الانعزال : افضل الانعزال عشانني قصير ويستهزن بي
كم عدد ساعات جلوسك مع الناس : قليل وساعات جلوسك لوحدك كثير. ،
وكيف هو شعورك في كلاهما : احس بالخجل لانني قصير القامة وينظرون الي نظرة احتقارpb093


؛





* أذكر مشكلتك الآن :
انا قصير القامة وحتى اللذين اصغر مني اطول مني بكثير
واللي في عمري اطول مني بكثييير واحس بخجل ويجيني شعور بالبكاء :sm1:

حتى اني اتحاشى عيال الحارة اللي اصغر مني لانهم اطول مني واحس انهم يستحقروني

وفي المدرسة قزم مره :sm1: وانرحم :sm1::sm1::sm1:
ويتضاربون معي ويهددوني :sm1: ومافي اليد حيلة

وابغى حل شي يطول او اي شي يخفف على نفسيتي



بعد ذكر المشكلة :

مدة المشكله من بدايتها الى الآن : من عمر 11 سنة
تأثير المشكلة هل يمتدّ للمحيطين بك أم أنّ أثرها لا يتعلّق إلا بك : يمتد بالمحيطين
هل سبق وراجعت مختص أم لأ : لا
إذا كان هذا حديثك الأول عن المشكلة ، فما هو سبب لجوؤك لطرحها هنا : اني واثق ان شاء الله انكم تساعدوني
مدى شدة المشكلة : تعيق مره عن انشطة الحياة

* اكبر عائق يعيقك عن النجاح ؟
قصر القامة

* أبرز الأشياء التي تسبب لك الخوف ؟

الاستهزاء

* أبرز الأشياء التي تساعدك على التفاؤل وتدفعك الى المحاولة وعدم الفشل ؟

التوكل على الله

* هل هناك مواقف سلبية .. عالقه في ذاكرتك وتؤثر على عطاءك ؟

نعم كل ماتذكرت اني قصير واقارن بيني وبين اي واحد اشوفه اصغر مني واطول مني :sm1:

* نقطة قوّة لديك ونقطة ضعف ؟

اني ذكي والاول عالمدرسة والفصل والضعف قصر القامة

فايق ورايق
25-08-2010, 06:38 AM
روح عند دكتور عظام واسالة عن ابر الطول

فيصل بـن خالد
25-08-2010, 06:39 AM
عمرك 13 توك ياابوي تووووك قدامك العمر وانت الحين بفترة نمو يعني ماتحكم على طولك تعوذ من ابليس وبعدين وش فرقت ياما ناس طوال والعقول صغيره وياما ناس قصار وعقولهم توزن بلد انت لاتشغل نفسك بهالامور ركز بدراستك ونمي قدراتك ومستقبلك قدامك كلام الناس لايهمك مهما سويت ماهوب خالص وانا اخوك

الله يوفقك يااخوي ويطمن بالك ..

اخوك:فيصل بـن خالد

جايتن منطلزه
25-08-2010, 06:40 AM
عادي ياخيو توك صغير يمديك انشاءالله تطول الا اذا احد والديك قصير يمكن وراثه وفي هالحاله صعب تطول بس خل ثقتك بنفسك كبيره توك صغير والعمر قدامك

ماك فلوري
25-08-2010, 06:43 AM
اخووي وحده من صديقاتي نفس طريقتك راحت لدكتور اغذيه عطاها حبوب كالسيوم وحبوب زنك وقالها كثري من الاجبان والحليب واللبن وكل مشتقاته واهم شي الفواكة والخضار لانها تساعد على الامتصااص وفيه شي ثااني بعد
حاول انك تتشعبط على حديد المكيف او او حاول انك تنط كأنك تبي تمسك شي
وبعدين رح لمحل اسمه ارمال gmc بحاول ارسلك رقمه خذ من عندهم فيتامين وحبوب كالسيوم صدقني رااح تطول
ولا تنسى بعد شي مهم وهو الاستغفااار اي شي مضاايقك كثر من الاستغفاار صدقني ربي رااح يفرج لك همك
ونسيت اقوولك كثر من الترويش او الاستحمام يعني كل يوم إذا تقدر او يوم ورا يوم
طبق اللي قلت لك وما رااح تندم ..
وإذا تبي تتأكد رح لااخصاائي تغذية وهو رااح يقولك نفس الكلام

تقبل مروري واتمنى الدعااء لي ان ربي يحقق لي اللي في بااالي

‎لاتُشبِهُني !
25-08-2010, 06:46 AM
-


اهلين اخووي توك ١٣ باقي عليك يعني مابعد وقف طوولك
ان شاءالله بتطوول اكثر واكثر
وبعدين مساله انك تنحرج ليه ياخي !
عمر القصر ماكان عيب وانا اختك
وتراها يمكن نعمه عندك يتمناها غيرك يكوون طوويل مرره ومولاقي شي مقاسه والناس يضحكون ع طووله
ع الاقل انت تلقى شي مقاسك وعايش حياتك اووكي
فلها وانا اختك ومافي شيء يستاهل
قواإك الله :)

!@##@!
25-08-2010, 06:47 AM
ابن عمي من يوم عرفته قصير

العيد اللي فات شفته بالصدفه وانصدمت تبارك الله طويل وخط الشنب في وجهه

سالت عن عمره قالو بلغ 20 سنه

قدامك العمر ياخوي الله يبارك فيك

رانـيا
25-08-2010, 06:49 AM
اخوي توك صغير لا توسوس
واذا الوضع مره مازمك رح دكتور عظام والعب سله
فيه تمارين ورياضات معينه تزيد الطول اسئل عنها الدكتور

ريمو 155
25-08-2010, 06:50 AM
.


ان ششششاء الله قدآمك وقت وتدآرك على نفسك
لسى صغير ويمديك تروح لدكتور مختص وتشوف المشكله بالضبط !!

بس حبيت اسأل تقول كل آخوآنك نفس المشكله هل هي ورآثه من إحدى الوآلدين ..؟!



عآرفه انهآ صعبه عليك لآنك ولد بس لا تتحطم وخلي عندك آمل وان شاء الله ربي يحققلك مرآدك pb189

شعولة الرياض
25-08-2010, 06:50 AM
ياقلبي انت ترا عمرك 13 لسه بفتره نمو بتطول انشالله .. وبعدين سالفه القصر مهيب عيب بالرجال ابد .. في رجال طول بعرض ولافيه ذره رجوله .. بالعكس انت لاتخلى هالشى يكون عقده لك او يحسسك بالنقصص .. حتى لو مريت بجنب عيال وحاول يضحكون عليك او ينتكتون عادي اضحك ونكت معهم قول ايه انا اشبه ذاك القزم الي بسكتم بكتم :D حاول تحسسهم ان هالشى مايقهرك ولا يهز فيك شعره .. لان اغلب العيال يحاول يستفزونك لانهم عرفوا نقطه ضعفك بالعكس لاتخلي هالشى نقطه ضعف لك بالعكس خليه مصدر قوه وافتخر بنفسك وبشخصيتك لا تخلي كل هاجسك الطول خلك واثق من نفسك
bp039

F a i l e d
25-08-2010, 06:50 AM
توك يا ابن الحلال العمر قدامك يوم كنت كبرك كنت اقول كذا
بعدين اللحين الناس يحبون الواجد لا جاك قصير يطلع كيوت :$
اجل تبي نفسك عير كنك باكستاني ؟

M-13’
25-08-2010, 06:51 AM
اخوي قدآمك العمر مآ يوقف الطول عند الآنسان الا بعد 25 سنه !

آذكر آن لعبة كورة السلله تتتطول بشكل كبير pb189 ,,

الله يوفققك ,

خن! خنخن
25-08-2010, 06:51 AM
أبد عندي الحل وانا اخوك

تمطط تمطط اليين تطول :d
بعدين انت لسى صغير وبتطول ان شاء الله

بس ماقلت كم طولك ؟

البـرونـزيـة
25-08-2010, 06:52 AM
توكـ صغير والعمر قدامك
وعشان ترتاح اكثر ولد عمي كان قصير ماره كانو يسمونه القزم
ماطول الابعد ثاني ثانوي تقل زرافه
ورح لدكتور يمكن عندك غده نايمه وينشطها لك
بس لاتتهاون روح لدكتور واذكر فيه واحد بالحبيب مره يمدحونه
بس مايحضرني اسمه حاليا

M r . S a a D
25-08-2010, 06:53 AM
صدقني اذا بلغت وتعديت المتوسط
بتطول باذن الله
وحاول انك تتعلق في الاشياء وكذا
لان هذي تساعد في اطاله العظام

ْالـoJg
25-08-2010, 06:53 AM
انت باقي عظامك في مرحله نمو
حاول تشربلك كوب حليب يوميا، وتتغذى اغذيه صحيه وخاصه البروتينيات.

FRED PERRY
25-08-2010, 06:54 AM
شسمه بالنسبه لمشكلتك .. اول شي عمرك والله توهـ صغيير يعني لسى مآتوقف النمو عندك :D pb189
ان شاء الله يمديك تطوول .. بس حاوول مثل ماقالوا الي قبلي تكثر من الكالسيوم و الاشياء هذي
ولو بعد تروح لدكتور و يعطييك فيتآمينااات خاصه للنموو pb189
و الاهم من كل هذاا .. خلك وااثق من نفسسك حتى لو انت قصيير عادي مافييها شي
الواحد ينقااس بعقله ماينقاااس بطوله pb189
لا تضيق صدرك مافيه مشكله ان شاء الله توك في مرحله نموو و ان شاء الله بيتغير طوولك :D bp039

وجدان الخالد
25-08-2010, 06:55 AM
عآآآآدي
آّآذآ بلغت يصير طولك زي البعير

إلا .!
25-08-2010, 06:56 AM
اهلين
توك صغير وباقي قدامك عمر وبتطول فيه ان شاء الله
اخوي كان قصير وكان كلن يضحك عليه الى ماوصل ثاني ثانوي
وماشاء الله طاال وصار اطول من اللي كانوا يضحكون عليه
والحين هو ابوpb189
......
فيه اتوقع تمارين للاطاله
الله يوفقك ويطمن بالك

غ ـــلآآآهم
25-08-2010, 07:00 AM
.
.

بدري عليك وآنا آختــك . . .
لاتخلي حساسيتك تآثر عليك وتحاشى اللي حواليك ماعليك منهم . . .

آنا آخواني قصار بسم الله وأنمغطوا مرة وحدة بدون ماأحس ؟؟
على بالي آنا اللي قصرت :D

واحد منهم من يومه بالمتوسط طويل . .
والثاني يوم صار بـ 19 صار أطول مني وأنا طولي 165 سم . .
والثالث اللحين 16 سنة وطول الثاني :sm5:
والرابع بسادس أبتدائي وطولي :eek:






.

.

ذوق وذرابه
25-08-2010, 07:02 AM
يابن الحلال انا من اول ماقريت العنوان وشفت عمرك وقفت ولاكملت تدري ليه
انتي للحين في مرحلة نمو ، في شباب كثير مايبدون يطولون الا بالثنوي وفيه ناس قبل وناس بعد
توك يابن الحلال لاتستعجل على عمرك كل واحد جسمه يختلف عن الثاني
انت ركز على تغذيتك ، لأنك مثل ماقلت في مرحلة نمو وان شاءالله كلها كم سنه واهلك يرفعون سقف البيت :")

غيـمْ !
25-08-2010, 07:05 AM
هلا واللهpb189pb189
خيو انت باقي صغير يعني وقت المراهقه تبدا تطول pb189:)
انتظر لـ عمر 15 وما اكون بنت ابوي اذا ما طلت معروف معظم الاولاد يطولون وقت المراهقه
لا تاخذ لا حبوب ولا شىا لانك انت مستعجل ع الطول انتظر وان شاءلله تطولpb189bp039

براق
25-08-2010, 07:08 AM
لعيون الي في التقييم .. مسحت الرد مع انه عادي لكن ممكن سبب حساسيه للبعض ..

مشكلتنا نحط من اللاشي مشكله .. يعني الطول والقصر والاسمر والابيض هذي تتفاوت من شخص لثاني .. لكن يبقى الجوهر عند الشخص هو الي متصل مع الناس من ناحية التعامل والاخلاق ..

قصرك مثل لون البشره .. الي اقصده لازم تتكيف معه وتتقبل شكلك بالي يكون وتثق في نفسك ..

bp039

ملآمح حلمـ.!
25-08-2010, 07:08 AM
COLOR="Navy"]آولا..لاأستطيع إبداء رأيي...إستناد لما قلت..

لم تذكر طولك...بالنسبة لعمرك...وبالنسبه للجانب الطبي:(الآخوان ماقصرو)

ولكن ذكرت بأنك طالب ذكي والاول على صفك!!

لما لم تنظر لميزة ذكائك عن الآخرين..ونظرت لقصرك عن الآخرين..!

تذكر دائم بأن في الدنيا فروقات تجعلنآ آكثر سعآده والآخرى آكثر تعاسه...

سؤال:

هل الداخل يصنع الإنسان ويميزه عن غيره أم الخارج.؟!

ليس القزم وحده من يعاني قسوة المجتمع..بل الكثير..وطالما كآن المجتمع قاسياً...نصيحه: لاتجعله آكبر همك..

فقيمة الإنسان تظهر آولا...من تقيمه لنفسه...فلتصنع الإحترام..والمحبه...والقبول..لدى الجميع من من يلتقون بك..بأخلاقك..ولطفك..وفكرك الذي يتخطى حدود تفاهات نظرات الناس الخارجيه دائما...

فالكمال لله وحده..والنقص في البشريه آجمع..إنما البعض ظاهر نقصه والآخرون(ربك ساتر عليهم)

والقزم الحقيقي هو القصور في الفكر..

ولم ينفع الطول أصحاب العقول السخيفه...والفاشلين دراسياً...

فلتكن أنت من تحدد من أنت..؟!

بعقلك..بقوتك...بإرادتك..بطموحك...

فالقوه نبع من الداخل..ليس الخارج..[/COLOR]

حبيبتوه
25-08-2010, 07:11 AM
اخوي صاحب المشكله
لسا قدامك عمرررررر طويل
انا اخوي كذا وعلى ثالث ثانوي طال
مع ذالك لا تجلس تستنى الطول
اول شي سويه كثر حركه
العب كره السله تطول ومن تجربه
العب نط الحبل
كثر في اكلك من البروتين والكاسيوم
راجع دكتور وراح يعطيك فتامين تزيد من طوالك
بس اهم شي ولازم تكتسبه الان الثقه
لا يهمك احد خليك واثق وشوف العالم هذا كله صغير وانت الكبير
تحياتي

خرفاش 1138 هـ
25-08-2010, 07:14 AM
يا بن الحلال يقولون احذر ماقترب من الارض يعني لك مثل يمدحك وش تبي بالطول الي من يطلع على الدنيا واسم السخله ملاحقه خل عندك ثقه بنفسك واقبل بشكلك زي ماهو ومافي احد كامل اذا ربي خذ منك الطول بيعوضك بشي احسن منه اهم ماعليك ثقتك بنفسك وتقبلك لها والباقي يهون واذا مره ماتزم فيه حلول كثير اعتقد فادوك فيها الاخوان والاخوات قبلي واشوف افضلها تروح لاخصائي تغذيه ..

ملامحها خطيرة
25-08-2010, 07:16 AM
أخوي قدامك فرصة كبيرة الطول ما يوقف الا في عمر 20 و تختلف من ناس لناس

وأنا اعرف وحده راحت لدكتورة و عطتها أدوية ورياضيات عشان تطول ,

وعمرك 13 توك صغير , بعدين ليش تضيق عمرك عشان سالفة الطول

الدين خٌلق , بالأخلاق , ولا تنسى في كثير من العظماء كانوا قصار مثل هلتر وأستولى ع أغلب أوربا ماقال أنا قصير الدنيا بتوقف وفي كثير ونجحوا في حياتهم وتعدوا عقابتهم ,

والله يوفقك ويحقق مناك

يقولون اني أنا
25-08-2010, 07:29 AM
توك صغير ، يمديك تطول ان شاء الله pb189
وإذا هالشي مأزمك مرا حاول تتمطط وتتعلق في أشياء
وترا يمكن يكون طولك وراثه من امك أو ابوك
فـ عشان كذا خذ لك فيتامينات تطَولك
وبعدين خلك واثق من نفسك انت مو أول واحد ولا آخر واحد قصير فيه مليون أحد مثلك
يعني الأولاد اللي يتهزون فيك لا تتضايق من كلامهم ولا تفكر فيه لأنهم يحاولون ينرفزونك
bp039

__ MS.R
25-08-2010, 07:40 AM
توك في مرحلة النموو
بتطول ان شاء الله
والعيال عموما ينموت متأخر شوي عن البنات
ااخواني لسنوات انا اطول منهم
وشوفهم الحين اطول مني بفرق شاصع

شلاهق
25-08-2010, 08:33 AM
تووك
اذا جيت تبلغ ان شالله بتمط

~enzo~
25-08-2010, 08:49 AM
اخوي الصغير عمره 24 سنه الان

لمن كان بالمتوسط كان قزم

الحين والله العظيم اطول مني واضيع ثيابي معه

وانا طولي 173

اخوي راجع دكتور

وماهو عيب ومالعيب الا دروب العيب وانا اخوك

اهم شئ الثقه توك صغير

لاتستحقر نفسك ولا تهتز ثقتك العمر قدامك طويل والثقه مطلوووبه

والله اعتبر مشكلتك ماهيب مشكله

بس مجرد ثقه بنفسك اهتزت من أمر عادي وانتبه لا يؤثر على نفسيتك

والعقل هو الجوهر ماهو الطول والقصر والاسود والابيض

بنت الأكارم
25-08-2010, 08:55 AM
ياخي لاتضيق صدرك ع شي مايسوىpb189 :(
انت توك عمرك 13 يعني ماوقف نموك يعني ان شاءالله بتطوووول بإذن اللهpb189
خلك متفائل وخل عندك امل bp039bp039bp039

ابو دنيدش
25-08-2010, 09:06 AM
يبوي الي يقولك قصير ويضحك عليك طق له اصبع:D وقله ريح الوعد قدامpb095


وصدقني ان شاءلله ماراح يكون عمرك 16 او 17 الاا ونت عملاق يعني ريح ولاتتعب عمركpb034

واذا مره متضايق
رح لدكتور وقوله مشكلتك وباذن الله راح يعطيك شي يخليك طويل:)


ومثل ماذكر\ذكرت الاخ\الاخت:D هتلر قصير بس قدح بـ العالم وانت يـ بطل اقدح لـعيال حارتكمpb071


لكbp039

la.rOSe2009
25-08-2010, 09:41 AM
استخدم حبوب زيت كبد الحوت مفيده جدا
تستخدم حبتين اربع مرات في اليوم
و لا تشيل هم لأن الطول يتوقف عند الرجل في سن 18 و احيانا يزيد يعني انبسط و تفائل بـ خير

مالقيت اسم :(
25-08-2010, 09:49 AM
مثل ماقالو الي قبلي القصر ابدا مو عيب إذا كان القصر وراثي فاكيد مليون بالمئه ربي عطاك اشياء حرمها من غييرك :) اولهاا الذكاء مشاء الله عليك مثل ماذكرت انك الاول على صفك :)
ولا عليك من الناس ولا التعليقات التافه الي تجي منهم
يعني طويل ولا قصير سمين ولا ضعيف بتجيك تعليقات :sm12:
خذني انا مثلا :D
من عمري طويله وهاتك يالتعليقات pb093 من كل حدب وصوب اهل ام خوات صديقات pb093 :D
حتى في ابتدائي يجلسوني اخر مقعد لاني اغطي على الي قدام :D مع اني كنت دافوره واحب اجلس قدام :(
وإذا جلست قدام يقوموني المدرسات ويجلسوني وراء وانا ياقليبي يانا pb093 تجلس عيوني تغارق من الدموع ما ابيها تطيح اخاف يضحكون علي البنات pb093
حتى مشيتي تغيرت صرت احندب ما ادري هو من كثر التعليقات ولا علشان اوصل للعالم :D
موقف آخر >>> بلشه انا صح :D
اذكر مره كنت طالعه من المدرسه ولابسه عباتي ياعمري يا انا pb093 متكمكمه فيها ومتلفله تقل زومبي :D << مايرضون نلبس نقاب:D
مو شايفه الي قدامي من الغطاء الي على وجهي والمكان كان زحمه لما وصلت للباب صقعت في وحده قالت بقوه قدام خلق الله كلهم: هي انتي متشوفين الطول طول نخله والعقل عقل صخله :( pb131
الحمد لله اني كنت جنب الباب ولا كني سمعت طلعت بدون لا التفت :D << من الاحراج ياقلبي يا انا pb093 :D
وكنت انتظر اليوم الي يوقف في طولي بفارغ الصبر:D
الحمد لله الحين مقتنعه في طولي وعاجبني :sm3: وإذا تذكرت اغلب المواقف اضحك عليها :D:D
والحين وخلي احد يتكلم اطلع فيه مئه شئ مو عاجبه فيه pb131 :D
مثل مايقلون مايعيب إلا المعيبوب ومايخر إلا المنقوب :D
يعني هالي يغلطون عليك علشان قصرك تلاقيهم هم اساسا مو موثقين في نفسهم :sm4:وفيهم مليون شئ مو عاجبهم في شكلهم :sm12:

ملاحظه ::rolleyes:
الي فوقي قالو انك تمارس رياضة لكن انتبه تمارس رياضه رفع الاثقال لانها تقصر خصوصا لليي في نفس عمرك
انتبه تاخذ ابره او اي دواء او حبوب او اعشاب من غير استشاره طبيب حتى لو هي نفعت مع غيرك يمكن تضرك رح دكتور مختص واستشيره في موضوع اي حبوب او ابر ودك تاخذها وهو إن شاء الله يدلك على الي يناسبك

رمآديه
25-08-2010, 10:07 AM
فيه آبره يقولون تطول
وغير كذآ حبوب الزنك تطول
بس آنت بعدك صغير مب بدري على الطول

آنتسبوآ العشآء
25-08-2010, 10:17 AM
تووووك برررد ع قلبك

قدـآمك آلعمر

وإذآ تبي يطلع طولك أطول من آللي حولك كلهم بعد خذ حبوب وإبر وتمرن وكثر من آلشور
وخل نفسيتك آوك

أهم شيء ثقتك بنفسك لآتتزعزع ولآ آلطول لآحق عليه,,

mio-1
25-08-2010, 10:48 AM
انت صغير ولسى بس اذا كانت المشكله مسببه ازعاج لك اهتم بنفسك:
1-حاول تقلل نشويات لانها تأثر على عملية الطول وكثر من منتجات الحليب
2-نام مبكر واطفي الانوار لان هرمون النمو يشتغل والنور مسكر :cool:
3-حاول تتشعمط تتعلق بالابالدرابزين (بس انتبه للمسافه تحت رجولك لاتصير بعيده ويصير فيك شي :sm4: ) وتطامر شبرا و كرة سله ومن هالاشياء
4-راجع طبيب اذا المشكله ماثره فيك واذا مره عيب خلقي في عمليات تطويل والحمد لله الطب تقدم وصار مااسهل منها للي محتاجينها
بس انتبه لنفسك وحاول انك ماتخلي هالمشكله تاثر على نفسيتك لان الاهم على قولة الاخوان الجوهر والروح الجميله bp039
وعن اللي يتهجمون عليك لانك اقصر منهم هم كذا اذا شافوا الواحد خايف تسلطوا عليه حاول تلتحق بنادي تتعلم الدفاع عن النفس بتستفيد انك تبعد عنك هالاشكال وتقوي ثقتك بنفسك pb189

sob7an allah
25-08-2010, 10:58 AM
لا تلعب بحالك بحبوب والا اشياء ما تعرف وشي بهدف الطول pb036
انت توك عمرك 13 سنه ! يعني بتمر بمرحله بلوغ ومرحله البلوغ هذي تتغير فيك اشياء كثيره !
يعني في ناس يصيرون قصار ولما تمر عليهم مرحله البلوغ وتصير اعمارهم 17 - 18 ( اكثر او اقل ) يطولون ..

وما في مانع انك تزور دكتور تتطمن انو طولك مناسب لعمرك .. بس لا تأخذ شيء بدون استشاره
وتضر نفسك

عندكم القصر وراثه ؟ والا طولكم كويس ؟
اذا طولكم كويس اسأل امك عن خوالك وعمانك واخوانك عن طولهم ما قبل وبعد البلوغ
لأنو سبحان الله تتشابه مرات .. خوالي كانو قصار وبعد مرحله البلوغ يفزون ويطولون وطلع عليهم اخوي وباقي اخواني عادي , عشان تتطمن بس ..

ولا يهمك احساسك انو الناس تستحقرك ومن هالحكي لأنو هذا احساسك وتفكيرك انت فقط
اذا استمريت تفكر كذا وتنظر لنفسك بهذي النظره راح يصيرون العالم يفكرون عنك وينظرون لك بنفس النظره ..

الطول شي من الله انت ما تتحكم فيه .. ارضى بكل اللي يعطيك ربك وقل الحمدالله pb189 , وش الفايده اذا انت تدنق اذا جيت تدخل من الباب من طولك وتعاني من مرض مزمن ؟
طويل - قصير- نحيف - سمين مو مهم , الأهم انك تمتع بصحه وعافيه pb189

معجون
25-08-2010, 11:19 AM
انا كنت اصنف قصير إلين ثاني ثانوي وصرت اطول من اللي كنت اقصر منهم
الفكرة
ان بعض الاطفال مايطولون الا بعد البلوغ وبعضهم يكونون طوال وهم قصار ويوقف الطول
يبان من خلال عظامك اذا هي اصلا تركيبتها قصيرة, رغم اني اشوف القصر مش عيب وحاول ان تكون ثقتك في نفسك كبيرة واجتهد في دراستك وحاول تغطي هالعيب بـ تميزك حتى تحرص تتزوج وحدة تكون طويلة مش بالضرورة اطول منك بكثير, مشان عيالك مستقبلاً

calm ’
25-08-2010, 11:24 AM
أول شي ..

توك صغير وبتطول :)

ثاني شي ..

لو انك صدز قزم , ! خلاص وش تبيهم يزينون لك , هذا طولك وتأقلم معه :) !!


وبس :d

.. الجوري ..
25-08-2010, 11:28 AM
لازم تروح طبيب غدد و تأخذ تحاليل للهرمونات الحمدالله الحين لكل داء دواء هذا من فضل ربي

وحده من معارفنا كان عندها مشكله في الطول و راحت للطبيب غدد و لما سوالها تحاليل و فحوصات اتضح عندها تحسس بالعظام من الهرمونات الي تفرزها الكبد و الحمدالله الحين البنت ماشاء الله تبارك الرحمن طالت و الكل لاحظ

I Can`t
25-08-2010, 11:30 AM
هلا ,

اخوي الصغير انت حبيبي , باقي قدامك عمر بتصير طويل صدقني وقل ماقلت
اشرب حليب وانتبه لاكلك , العب رياضه ناقز طامر كوره قدم , سله , حط بغرفتك باسكت حق السله
والعب كل يوم وصدقني بتطول

me29
25-08-2010, 11:45 AM
شف يالغالي بنصحك نصيحه ,,

فيه بروفيسور عظام سعودي إسمه صالح وصل الله الحربي يشتغل في مركز النخبه الطبي بشارع التحليه في الرياض في المساء فقط والصباح يكون في مستشفى الملك خالد الجامعي .. أنا كنت أشتغل في مركز النخبه ومرت علي حاله لواحد قصير مره والدكتور هذا طوله باستخدام أبر وتنويم في المستشفى لأكثر من 10 أيام لكن مهو الطول اللي يبغاه لاكن طوله بشكل ملحوظ ويمكن حالتك تكون مناسبه أنك تطول ,, أنصحك تزوره منت خسران إلا 300 ريال قيمة الكشفيه ,,
أتمنى لك التوفيق وإن بغيت معلومات أكثر راسلني ع الخاص bp039

شآلح .!
25-08-2010, 11:53 AM
نص الحارة عندنا عيال ع 16 و 17 و18 تحلف انهم ب ابتدائي مو متوسط ولا انهم بثنوي وعائشين حياتهم عاادي مو ماثر عليهم ~> احس الجيل الجديد اكثره قصير
انت ما عليك لسسى صغير واذ بلغت يبدى جسسمك يكبر ولا يهمك كلام الناس ما عليك منهم ولا تفكر فيه لو اي يقولو لك اي شيء لاتسمع لهم

وايه يقولون الموز يطوول مدري صدق ولا لا . بس عمتي تقول لـ اخوي اذ تبي تطول عليك ب الموز :D
والله يطولك ان شاء الله pb189

إحساس متبلد
25-08-2010, 12:15 PM
روح سجل في أقرب نادي عندكم صدقني سنة ولا سنة ونص وبتصير نخله

..?Y..
25-08-2010, 01:10 PM
والله الي يشوفك الحين يقول ابد كل ما تقدم لوحده ردته عشانه قزم !
وسع صدرك يبوي وخل عنك نظرة الناس لك .. الناس والله لو تطير وتوقع مهيب راضية عنك وبتقعد تطلع فيك عذاريب الدنيا كلها طالما يا خوي انت راضي عن نفسك وهذا الي استشفيته من ردك انك جيد في دراستك فالمستقبل مشرق قدامك باذن الله . لا تخلي هالامور السطحية تأثر عليك .. الدب يقول يا ليتني نحيف والنحيف يقول يا ليتني دب والطويل يقول ليتني اقصر من كذا والعكس . اقبل نفسك كما انت عليه والناس الواعية هي الي تصادق العقول ما تصادق الاجسام ..

بالنسبة لمشكلتك ولا اسهل منها تراها عادية لكنك انت مصعبها صحيح الوراثة تلعب دور لكن ما تحصرك بطول معين ..

انا كنت مثلك في اول متوسط كان طولي 145 وكنت ثاني اقصر واحد في الفصل لكن مع الوقت انمغطت وطلت اهم شي ركز على المنتجات الي يتواجد فيها الكالسيوم ( حليب /جبن /لبن الخ) + العب سلة والا تعلق لمدة نص ساعه في اليوم لانها تساعد على تمدد العظام + (اهم سبب) الحالة النفسية وهذي انا مجربها خلك مبسوط كل الوقت ولا تخلي اتفه الامور تطلعك من طورك .. ترى ثبت علميا ان السعادة تساعد بشكل كبير على نمو الجسم ..

موفق

‏crazy princess
25-08-2010, 01:27 PM
توك توك ترا والله صغييير

اصبر سنتين وبتلاقي نفسك مطيت بسسسرعه

لساتك ممكن مابلغت للحين والي حولك بلغو وطالو

ع العموم اذا هالشي مره متعبك فيه حبوب بالصيدليه اظن اسمه زنك او زي كذا

تاكله وتتعلق على شي لمدة نص ساعه

بنت خالتي جربته وطاالت صح مو كثير بس 4 سم

بالنهايه لاتتسرع لانت قزم ولا شي ممكن تكون قصير بس مع الوقت بتطول

$همـيـان$
25-08-2010, 02:24 PM
.
.
هلا أخوي ..

الله يهون عليك ..

انا سامعه بدكتور في مصر بالضبط وين وشو اسمه ما اعرف؟؟! .. يعطي ابر

واعتقد ان الابر عاذي منتشره .. أسأل الدكاتره في دارك واستفسر من المصريين بالاخص عن الابره وهل تناسبك

ووين مكان العلاج هناك ...

عشنا وشفنا !
25-08-2010, 02:28 PM
لاآآ تو الناس عليك أنا اخووي كنت أطول منه فجأه ماشاءالله صار أطوول مني بواجد

ترا العيال سبحان الله يطولون بسرعه وب وقت قصير يعني لاتستعجل على رزقك وان شاءالله تطووول

بس اهمم شيء ب التغذيه السليمه واهم شيء الحليب عشااان يساعد العظام ب التمدد

والعب كرة سلة إذا كنت تبي تطووول هذي قدامك فررصه لاتضيعها (ولاكبرت تبتلششش) العب كرة سله

ونآقز وحاول تمسك أعلى الباب وانت مار او رايح وجاي وكذا يعني لا تقطع المناقز والعب كرة السله

وإن شااءالله تطوووول =)

فسئآن
25-08-2010, 02:29 PM
ما شاء الله عمرك 13 و تقدر تحط خلفيه لموضوعك .. تبي اسهل حل علشان تكون اطول من الاخرين .. خذ نقدهم و تريقتهم عليك و مسخرتهم من طولك و حطها تحت رجولك .. بتحصل نفسك صرت اطول من قبل

المهنذر
25-08-2010, 02:51 PM
راح تطول ان شاء الله

وقدامك اكثر من 11 سنه لنمو جسمك

الله يحفظك

Vampire soul
25-08-2010, 03:01 PM
حسبتك كبير pb189

شف انا باول متوسط طولي 153 او اقل يعني قززززززم ..,:sm1:
كنت اقصر بنت بالصف .,, واهلي كلهم طوال يعني انا اوصل لخصر اخوي اللي اصغر مني
رحت لدكتور عظام كان عندي نقص كبير بالكالسيوم رح وشوف ,,’’
الحين بثالث ثنوي طولي 170 اطول بنت بالعائله بعد ماكنت اقصر وحده pb189

روح لدكتور خليه يشوف يمكن عندك نقص +العب باسكت بول اذا لعبت نص ساعه باليوم بيمد عظامك انا جربتها على ثالث متوسط ماكذب عليك طلت يمكن 2 سم بشهر بعد ماكنت مبنشره +اسبح اشترك بنادي وخلك اقلتها ساعه وحده +تعلق بشي حتى يمد عظامك تقريبا نص ساعه
كل ذولي سويهن اطول وقت تقدر بس داوم عليها ..,,,
وادعي ربك pb189pb189pb189 اذا ربي ماكتب لك تطول لو تروح لااحسن دكاتره مب نافع
وكل اكل مفيد اهم شي الحليب واي شي فيه كالسيوم لانه اذا كان عندك نقص بيسبب القصر
اشرب لو كاس واحد باليوم وبعدها سوي رياضه ..,,, وان شالله تطول
واسترخي شيل من بالك انا قصير ولازم اطول كل شي عطانا اياه ربنا يازينه pb189
صرت قصير بس ماشالله ذكي pb189 ربي اخذ منك شي وعطاك شي bp039

ولاتستعججل انا واحد ثاني يقرب لي كنا حاسرين ماطلنا الا بالثنوي وصرنا اطول الناس
توك صغير اهتم بصحتك اهم شي كل اكل مفيد والفاست فود ترى يسبب القصر خفف منه
وارخي اعصابك لاتشده ابد pb189
انا حاسه فيك لاني كنت مثلك pb189 ودي اتكلم كثير بس ماله داعي
اهم شي لاتنسى
ادعي الله +كل الاشياء اللي فيها كالسيوم اهم شي حليب بالصبح واجبان وكل سمك +سوي رياضه
باسكت بول وسباحه تعلق بالاشياء وناقز كثير

bp039

SHiDO
25-08-2010, 03:19 PM
كلن على همه سرى والله

ان كنت طويل ليه انت طويل وان كنت قصير ليه قصير والله حآله؟pb093

انا عكسك انا يقولون لي ليه انتي طويله pb036
بالله ذا سوآل ؟

مآعليك ووسع صدرك ترا الدنيا ماوقفت على الطول ولا القصر
وان شاءالله اذا كبرت تصير طويل ;)

بالتوفيق :Dbp039

ya eLahi
25-08-2010, 04:52 PM




الحمممداللله توك صغير عمرك 13 ويمديك تزيد طولك :D
والله ياذا الطول مشكله تصدق مشكلتك زيي
انا طولي عادي بس اهلي طولهم زايد حتى بزارينهم طوال تعقدت منهم .. بس الحمدالله المدرسه اكوووون طبيعيه ومرتاحه لكن عندهم اتفشل وودي اطوول :confused::D
المهم :D ... كل يوم اشرب حليييييب نيدو و العب كرة سلة ولا نططططط او شي
وإن شاااء الللله راح يزييد طولك و كل مووز < يقولون يططططول pb189
وترا اعرف واحد والله كان قصييير وماشاءالله كبر وزاد طوله < pb189
يعني في امــــل بس تفاءل وادعي ربك :rolleyes:pb189
واللك يكون بعونك ويسسهل لك يآرب :Dpb189

.

أمام الرضى
25-08-2010, 06:18 PM
بسم الله
ياحبيلي للقزام <-ترى أنا قزم سابقً
لسى ياخوي عمرك13 مايوقف نمو الجسم إلى 21
وإذا أنت مره منزعج روح لدكتور وهو بيشوف لك حل
لأن بعض الناس تسير خلايا النمو في جسده نشاطها ضعيف ,فهو بيعطيك أدوية تنشط الخلايا

Another
25-08-2010, 06:40 PM
اخوي كان عمره 13 وانا اكبر منه واطول منه جاء 14 وصل طولي جاء 17 نط بشكل مو صااحي ماشاء الله
انت اصبر لكن اهم شيء بسنك هذا تشرب الحليب مهم للي بعمرك علشان العظام تنمو زين ...

ملحي بـ عيوني !
25-08-2010, 06:42 PM
اذا العائله عندك موب اقزام فإن شاء الله انتظر سنتين بس

بأعطيك مثال عني
والله إلى 15 سنه صف ثالث متوسط اذكر كانوا ينادوني القزمه وكان فيني عقده بدون مبالغه
الحين طولي 173

القصه ببساطه انك في طور النمو
لاصار عمرك 20 سنه وماطولت وقتها اعتبرها مشكله

متأكده بتنمط لين 165 أقل شئ لاتخاف :)


الله يريح بالك هو لو يفكك ربي من الناس البايخه بس :(pb189

maay
25-08-2010, 06:54 PM
توك يابعدي مثل ماقالو لابلغت بتنمط مطتن تروع :d
وماعليك من الناس خلك واثق من نفسك ..

MR.E B O
25-08-2010, 07:05 PM
يارجال توك صغير انا يوم كنت بعمرك كنت قصير الحين عمري 18 وثاني اطول واحد بالعائله بعد خالي pb192
وصدقني بتصير طويل ان شاء الله

**missmoka
25-08-2010, 07:09 PM
عمره ماكان طول الشخص عائق بالعكس ممكن بعقلك تخلي طولك دافع لاشياء كثير
انت تخجل من طولك مثل ماكنت تقول بس انت تستطيع تعمل اشياء ممكن اي شخص
مايقدر يعملها خليه دافع لك لبدئ حياه جديده انت مختلف اذن خلك مختلف للأفضل
اعمل انشطه لايستطيع عمله الشخص الطويل فيه ميه مشروع ومشروع pb030
يخليك انسان ناجح ومكافح , pb189
الدنيا ماراح توقف على طوولك اجعل للناس تقول عنك صفه حلوه من بعد ماتموت " بعد طوله العمر "
اجعل الناس تضرب لك المثل بأشياء كثيررر انت قصير بس
قادر تدرس pb189
قادر لتكون شخص ناجح pb189
قادر لتكون تاجر , مهندس , دكتوور
الله ياخذ شي ويعوض شي دور فيك الصفه الايجابيه pb189
بليييز pb189 لاتخلي طولك يعيقك وتصبح شخص غير ناجح لاتقول ماعندي و و و
اذا انت فاضي اسمع هنــــــــــــــــــــــاا (http://www.4shared.com/audio/boPjrJlW/___online.htm)وماراح تندم ابدا pb189
والله يوفقك في حياتك bp039





-

ورديه
25-08-2010, 07:09 PM
ياحلوك حسيتك ولد أخوي pb189:D
في نفس عمرك ومابعد طال pb030 .. بس وش هالخوف اللي ماله داعي
توك صغير وفطفوط ولازلت في مرحلة النمو ,, تقريبا الطول يتوقف في سن 21
قدامك 8 سنوات وبتوصل السقف ان شاء الله :D
وترا القصر ابد مهوب عيب .. انا إنسانه مارزقني الله بطول والحمدلله رب العالمين
لو بيدي خيار اني اطول نفسي شوي .. ما سويته ابد pb189

الله يطولك ويجعلك نبتةِ صالحه pb189:D

coco for ever
25-08-2010, 07:14 PM
ابوك واخوانك قصار ؟ اذا ايه فهذا وراثة وعادي لايضيق صدرك
اذا لا اصبر توك صغير وتبي تطول ان شاءالله ترى بعض العيال
يطول بسرعة بعدين يوقف ماعاد يطول
والقزم الي هو انت ويضحكون عليك ويهددونك تطول بعدين وتصير
اطول منهم

لاتضيق صدرك يا وليدي

VaLiuM
25-08-2010, 08:11 PM
توك صغييير اصبر سنتين وتصير ماتدخل مع الباب
واذا مستعجل مره مره
كثر اكل تمر + لبن
واشترك بنادي وسوي رياضه هذا راح يساعدك كثيير

Miss ShoShOo
25-08-2010, 08:44 PM
،





وييين تووك صغييير باقي لك 7 سنوات إّا مو أكثر ويتوقف نموك

أنا أخوي ماطلنا إلا بثالث ثانوي والحين أنا وإياه أطول أهلي pb094pb189

لاتوسوس وأنا أختك بالعكس موب حلو تطول الحين
يتغطون عنك الحريم :D
وخلااص ماتقدر تطول بعده :(

أنت الحين أهتم بغذائك حاول تشرب حليب كثير ونطط دايم :Dpb189
ألعب سله سو لك تمارين , بس أبر وحبوب أبعد عنهن تووك صغير :(pb189

تُركي
25-08-2010, 09:06 PM
باقي لك 6 سنوات على الاقل ويكتمل نموّك , اشترك بنادي للسباحة
وراجع دكتور يعطيك مكملات غذائيه ورح يزيد وزنك بشكل كبييييييير

بعدين يابوي ليه متأزم ؟ توك صغير :)

Miedo
25-08-2010, 10:35 PM
كلنِآ بآلهوِى سواً ، pb095 :D
عآديَ يآخوِك آلعمرَ لسساً بآقي ، ;)pb189
آللهِ يوفقكِ ويطولَ آلجميعِ ، pb027pb189pb189
-

مناكير هانم
25-08-2010, 11:51 PM
بتطول ان شاء الله توك 13 سنه
وعمر ماكان الطول والقص عيب :)
خلك واثق من نفسك وانا اختك ولاتصير حساس :confused:
خواني كانوا بعمرك سعمبودييين مره :D بس وصلوا ثالث متوسط لا اله الا الله :sm17: من الطول يعني :D

ميشامر
26-08-2010, 12:46 AM
خيوو انا اقولك من الحين لازم تروح عند طبيب لان اذا كبرت وماطولت مره مابينفع تروح للطبيب

روح وبيعطيك ابره او دوآآء المهم قبل ماتبكر لازم تاخذها

انا سمعت هـ الكلآم من دكتوور هو صدق انت باقي بتطول بس نموك بطئ

al39R
26-08-2010, 12:52 AM
دام محد من اهلك يعاني من قصر بالقامه , معناها اصبر لين تكبر كم سنه
اخبر لك ناس والله نتيفات صغار , والله يوم صارت اعمارهم ب 17 وهم يمغطون صاروا طوال ماشاءالله
بس انت روح الطبيب اعمل فحص يعني شوف هل عندك مشكله ولاشيء وتطمن وتفائل خير

شوكليت بلان
26-08-2010, 01:08 AM
يا حوبيلك طيب عادي يمكن انك ماتاكل اشياء مفيده لان الشي المفيد هو الي يزين صحتك وتطولك وعادي انت 13 زي اختي كبرك بالضبط ابد او قزمه
والحين صارت تاكل اسيا مفيده ووالله صارت طولي اولد اوختي ب3 متوسط يحب البيض المسلوق هاه طيب مايطول الا هو طيب انصحك اجل بالبيض لانو يطول

غ ـموض
26-08-2010, 01:13 AM
والله توقعتك بالعشرين ..
واحد من خوالي كان طوله عادي,مرت سنتين ماشفته تخيل سنتين صار طولي 3 مرات ما شاء الله ..
بنت عمي عمرها 26 اقصر مني مع اني انا قصيرهـ ..

عموماً عليك بالحليب و يمدحون البيض الني بس تأكد قبل ..
وأكيد لأزم تروح للمستشفى ..
والله يرزقك الطول اللي تتمناهـ ..

بريق أمل
26-08-2010, 01:22 AM
لازلت صفير حاول تمارس كرة السلة مو شرط في المدرسة حاول باستمرار انك تنط خلي كل وقتك نطنطة كانك تلعب سلة وممكن تراجع اخصائي ترى في السن هذي لازال قدامك فرصة ثاني شي ترى الوراثة لها دور
وربنا يساعدك

c1assic
26-08-2010, 01:54 AM
-

يوم قريت العنوان قلت شكله طاق الأربعين ومتأزم من السالفه ..
عمرك 13 ترى ! تدري النمو ما يوقف إلا بسن الـ 21 تقريباً ويختلف من شخص لآخر ..
كل شي بيطول فيك بس أنت إصبر pb192 ..

شموخي عزتي
26-08-2010, 02:06 AM
السلام عليييكم ...~

أخوي قبل كل شيء لازم
ترضى عن نفسكـ

نجي لحل المشكله
روح لدكتور العظآم
في حبوب الزنك
تطول الظآهر
بس روح لدكتور افضل
وفي تمآرين تزيد الطول


بس الطول والقصر مآهو عيب
في وحده مره حطت موضوع انآ مآتحب طولهآ الزآيد
محدن رآضي عن حآله وانت العمر قدامك
ومآعليك من العيآل لو انك كآمل بيدورون عليك شيء
اخوي بسنك ضايق خلقه يقول مآطلع لي شنب :d
مرحله وتعدي ان شالله
الله يسعدك ويسخر لك ويوفقك ويوفق الجميع
...~

•Haifa
26-08-2010, 02:10 AM
أهم شي الثقه بالنفس صدقني لو أنك طول النمله وواثق من نفسك وقوي شخصيه ماحد يقدر يقرب منك ..!!
وبعدين توكـ صغير أتذكر وأنا بأولى متوسط كان فيه كثير بنات أطول مني ولما جينا بأول ثانوي صاروا هم طولي أو أقصر pb034:D في فتره قبل فترة البلوغ بشوي بالعاده ينمط :D فيها الواحد ..
وياريت نكثر من الرياضات زي السباحه وتمارين الإطاله وكل أكل وصحي ترا هالأشياء تساعد مرره pb189

وإذا حاس أنك قصير بزياده أو حاب تتطمن روح لطبيب العظام وخليه يعطيك حبوب قبل ماتوصل لعمر ماعاد فيه أمل تطول ..!!

الله يحفظك و يطولك..!! :Dpb189

حياتي تصلح فيلم
26-08-2010, 02:11 AM
تووك اخوي عمرك 13 سنه ..

العمر قدامك وبتطوول ان شاء الله

انا اخوي كان قزووم مانناديه الا القززم pb027

ولما صار عمره 15 انمممغط :D صار اطول مني انا واخواني :D

كلها سنه سنتين وبتصير اطول واحد بالفريج ان شاء الله pb027

جيرارد النصر
26-08-2010, 02:15 AM
قسمم بالله وانا اخوك يومي بعمرك والله ان اخوي اصغر مني بثلاث سنين اطول مني والحين انا اطول من ابوي اصبر ياخوي ..!! لا تستعجل

شقاوويه
26-08-2010, 02:27 AM
لاتتحطم ولاتتأزم نفسيتك ولاشي { ولد خالتي كان مثلك قصير مرهـ ..

لما كان بعمرك تقريبآ والحين هو بالثانوي وطول وانمط طوله بالمره

طول الزرافه ماشاءالله يعني الي ابي اوصل له انك لما تكبر اكثر بتطول

كرملاء
26-08-2010, 02:38 AM
عمرك صغير لكن لا مانع من استشارة طبيب

..purity..
26-08-2010, 03:08 AM
تووووووووووووووك صغييير اصبر شوي وان شاء الله ما تدخل الثنوي الا انت طول الباب :d

i'm here
26-08-2010, 03:19 AM
توك صغير" يتوقف الطول بسن 19 او 20 عند الذكور "
انت راجع دكتور عظام يمكن يصرفلك فيتامينات او شي
واشترك بنادي اذا يناسبك

Really || ||
26-08-2010, 03:21 AM
-

يآحبيلك .. توك صغير .. باقي لك عمــر ..
قسسم بآلله وآحد من آخواني كان قصيررر مرهـ .. حتى امي
كانت خايفه عليه انه مايطول .. الحين يضحك عليّ .. يقول ياحليلتس قصيرهـ ..
وانا طولي عادي ..

وإذا حسيت أن طولك مرهـ مو طبيعي .. رآجع دكتور ..
عشان يشوف النمو عندك وكذا ..
وبعدين ماعليك من أحد .. وشششش عليهم ؟؟! ..
إذا أحد قالك شي .. قل النقص مو بالشكل ولا الطول ..
النقص بالعقل ..
خليك واثق من نفسك ..


الله يعينك .. bp039

-

آفقـدك لوغـبت !
26-08-2010, 03:32 AM
بدري يابعدي توك صغير وراءك 10 سنوات العمر كله يارب

x.Aro0o.x
26-08-2010, 04:09 AM
توك النمو ماوقف عندك..

وعش حياتك وانا اختك وحتى وان ناظرووك بااستحقار ترى الدنيا فانيه : )
الله يوفقك وييسر لك اموورك..

همسة برطم
26-08-2010, 04:25 AM
طامر والعب سلة تطوول باذن الله
بعدين احمد الله في ناس صدق قصاااااااار

الـ غ ـلا ’
26-08-2010, 04:45 AM
اولا الطول شي وراثي
ثانياً انت باقي لك 7 سنين لاتخاف يعني
وبعدين مثل ماقالوا راجع طبيب عظام واترك الوساويس عنك bp039

~ A F N A N
26-08-2010, 05:25 AM
انا اعرف ناس كثير قصارين :D
وراحوا لدكتور اسمه الرحيلي بمستشفى الملك خالد وعنده عيادة خاصه اتوقع ويشتغل بكم مستشفى
المهم :D
يعطيك ابر تطول بس لازم قبل تبلغ وماشاء الله تصيير عملاق اطول اخوياك pb189
قل لااهلك عن الفكرة وان شاء الله يودونك pb189
رح له بسرعه قبل تبلغ pb094

... قُمْري | ..
26-08-2010, 08:50 AM
اخوي يوم كان كبرك كان قصير حيل ..
ودايم نقول هالولد قزم :(

بس سبحان الله من بلغ ال14 .. بدا يطول
وشوفه ماشاء الله الحين عمره 17 سنة .. ذاك اليوم يفصل دشداشة العيد .. الخياط يقوله ماشاء الله على طولك ..^^
صرت انا الي قزمة عنده .. حتى ابوي واعمامي اقصر منه :p

اذا كان طولك غير طبيعي .. لازم تروح لدكتور
والطب الحين تطور .. وفيه شغلات ممكن تنفعك وتفيدك ..
لا تسكت عن عمرك .. روح للدكتور وتبع معاه .،

وهالله هالله بالتوكل على الله والالتزام بالصلاة .. تراها اهم من الشكل بمليون مرة

الله يوفقك بحياتك ..

Ma.TaHaB *
26-08-2010, 09:05 AM
-


اول شي انت توك في مرحلة نمو
وعمرك صغير / يعني محد يحكم على طولك وانت في هالعمر
وحاول تلعب سله كثير .. وحاول انك تطمار وتناقز كثير
< قهر تحسفت انهآ مآ طآمرت :(
ترى اخوي زيك كآن نتفه
والحين مآشآءالله طوله 170
ورايح لثالث ثنوي
وهذا انا اكبر منه بخمس سنين وطولي 152 ولا قلت شي :D


وعقبال مآ تجينا بعد ست سنين وتقول لنا طولك 180 :Dbp039

الجني الاحمر
26-08-2010, 09:35 AM
احب اشكركم يا احلى اخوان واخوات في المنتدى pb189pb189pb189

اولا: انا مستغرب صراحة من اللي يقول ماشاء الله عمرك 13 وتحط خلفيه pb027
يالحبيب سهلة مايبيلها شي ادخل دستور الالبوم وتتعلم pb192

خلنا من المقدمة:

انا صراحة ما توقعت حضور كذا والله انكم تبيضون الوجه pb192
ورفعتوا معنوياتي وتنفست الصعداء pb189pb189

انا صراحة خايف من الحبوب والعلاجات والابر لان سمعت حبوب الزنك تجيب العقم <<< وش حادنا عليه مانجيب عييال عشان 10 سم :D

انا بركب سلة والعب وكذا لاني صراحة منصرع على قولة الوالدة عند ذا اللاب توب والسوني pb093

اتوقع سبب

والوراثة لا ابوي عملاق وامي كذلك

بس اخواني يعني قريبين مني وطولي اخر مره قست الطول مدري في 146 او 145

ان شاء الله اروح الدكاترة اللي قلتوهم واشوف الوالد كانه وافق ولا سلكلي :D

لكم bp039 ولراعي التقييم bp039

see you my frined

آنين آلروح
26-08-2010, 10:39 AM
* *
توووك صغير والعٌمر قدآمك / ليسآ ماآكتمل حتى نمووك
بعدين لاتصير حساس كذا , يمكن هم ينآظرونك عآآدي بس آنت تحس بشي لانك شآك بنفسك

خل ثقتك بنفسك آكبر ولا تفكر بهالموضوع ابداً ,, آهم شي انك بصحه وعآفيه
وعقلك سليم ,, يآآما نآآآس ( طولهم طول النخله والعقل عقل صخله )
يعني توكل على ربك ,, واستمر بالاستغفار بكل وقت وبكثره , ورح دكتور عضآم آكيد
يمديك تتحكم الحين بنفسك وانت صغير / آكثر من وآنتآ كبير ,,

* *

~{..شمس..!
26-08-2010, 10:51 AM
نقص في الطول ولا نقص الثقه بالنفس
طويل ولا قصير
دب ولا عصقول
اسمر ولا ابيض
كلها ماتعني شي عند اللي واثق بنفسه وفارض شخصيته وعايش حياته صح وماخذها بالطول والعرض

والناس حتى لو انها تهتم بالمظاهر تلقاهم يدورون على الجوهر والمضمون وقت الجد ووقت اللزوم

SalTona
26-08-2010, 11:15 AM
هلابك اخوي ..
توك في سن نمو pb189 ,
و اذا تبي حل عملي .. العب كـرة سلة كل يوم :Dpb189
والله اني اقول هالحل وانا واثق انه الحل الوحيد ( العملي ) بالنسبة لك ..
وبغض النظر عن سالفة الطول , خلك واثق بنفسك و بعقليتك
والرد ع السفيه مذلة وانا خوك , لاتهتم لكلام المبزرة الي بمدرستك
شد حيلك و تفوق بدراسك و الي يستهزؤون الحين , بيجونك يطلبون القرب لا صرت وزير باذن الله pb189
..........
والله يرزقك بالطول الفارع

TABO
26-08-2010, 12:10 PM
السلام عليكم

شوف ياشاطر

أول شيء عمرك 13 يعني للحين مابلغت بس إنك بطور المرحله

موبعيد

معروف إن العيال إذا وصلوا الـ 16 و الـ 18 يفزون بسرعه

خلينا نقول يمكن طولك مشكلة أو عندك خلل بـ الهرمونات

فيه إبر تقدر تاخذها بعد ماتراجع الدكتور ويسون لك فحوصات الظاهر تنظم الهرمونات عندك وإن شاء الله تطول

هذا إذا كان عندك مشكلة ولاحظ الدكتور إن طولك وحجمك أقل من المعدل الطبيعي بـ 40%

بس حط فبالك إذا ماكنت محتاجها ماراح يعطونك لإنها تسبب تضخم بـ القلب ..

وفي كمان حليب إسمه أنشور .. تلقاه بـ الصيدلية وفيه نكهات
أعرف كثير إستفادوا منه أشتريه بـ الكراتين وصدقني مع المداومه بتلقآ نتيجه

توك صغير بآقي فرصه إن شاء الله وبعدين شكلك ذكي زي ماقلت والأول على المدرسه يعني ربي أخذ منك شيء وعوضك شي أحسن منه ..

إنت عندك أحد الحلين إللي ذكرتهم لك وأفضل تاخذ بالأول لأن نتيجتة مظمونه

وراح أدلك على دكتور كويس بس إنت إصمل : p

{Purity}
26-08-2010, 12:50 PM
مشاءالله طولكـ من طولي 147

عمري 14 >>>بتسوي مشكله

انا حسبتك بتقولي طولك 130 ولا اقل بعـد

بس من جـد مااحس نفسي قصيره

صج الكل الي بعمري طوآل :sm1:

بس انا الحمدالله عندي قناعه بنفسي

النقص لا بالشكل ولا الطول النقص بالعقـل

وانا زيـك عشان مااحطم نفسي مرحله نمو هههههههههههه

بس ترآنـي بلغت ولا طولت :D
يآرب اطول واصير 160 >>>>>>>>الله يخلف علينـآ بس pb093

لا تخاف بتطول ان شاءالله
انا عيـآل عمي وعيـآل خالاتي بسرعه مشاءالله طولو
من صار عمرهم 12 -14 نخيييييييييييل نخييييييييييييل مشاءالله تبارك الرحمن
وقابلين للزياده كمـآن هههههههههههههه
بس شكلهم بآلغين بدري
يعني ورآك يالاخوو بآقي لك 7 سنين ;)

سهـيـــل
26-08-2010, 01:17 PM
بتطول وبتغدي مثل الأريل ان شاء الله
والله الله بالموز

cheery
26-08-2010, 03:22 PM
الله يصلحك بس

لاتشغل بالك بها الموضوع أنت توك لسا عمرك 13
اصبر لك كم سنه وتبدأ الهرمونات تلعب لعبتها وبتصير طويل
انت اهتم بس بنوعية الغذاء وألعب سله ترا تطول بس مدرى هو صدز وإلا لا :D
خلك واثق من نفسك القصر ماهو عيب ،،
ربي يسعدك ،،
bp039

أبعتذر
26-08-2010, 04:52 PM
يمكن خيره لك لان اغلب بناتنا قصيرات فبالتالي راح تلقى اللي تناسبك براحه ونفس طولك

لكن البلا الطويل يتعب يلاقي سعوديه طويله فماله الا ياخذ من براا

( ود )
26-08-2010, 07:20 PM
.



الله يوفقك، و تطول إن شاء الله.

أنا عمري 19 وطولي 152 :sm1:
أبغى طولي 160 بس :(
اللي عنده رقم دكاترة كويسيين يرسلي،
ابغى اطول قبل يصير عمري 22 :sm1:

R E M A :$
26-08-2010, 08:55 PM
عــــآدي يّ ابووي .. واحد من اقاربنا كنا نعيره القزم وماجا بالثانوي وبلغ الا هو ناقز طول مب طبيعي :|

وسع صدرررك ولايهمك كلام الناااااس

tatu lover
26-08-2010, 10:03 PM
توك صغير

احرص ع التغذيه الزينه .. ونام بالليل اهم شي pb189

ويمدحون حبوب الزنك .. داوم عليها قبل النوم

F A Y O
26-08-2010, 10:35 PM
واللي في عمري اطول مني بكثييير واحس بخجل ويجيني شعور بالبكاء

يا بعد تسبدي :(:D

توك صغير وبمرحلة نمو ، تطول إن شاء الله :Dpb189
وأنصحك تروح دكتور خاصة بهالفتره ، عشان يمديه يخليك تنمو pb036pb027

الله يطولك pb189

RSMi
26-08-2010, 10:41 PM
أخوي الطول يوقف عند ١٨ وأحيانا ٢١ على حسب فسيولوجية جسمك
وأكتمال نمو وعرض العظام يتوقف في سن الـ ٣٠
يعني لا تخاف الي مكتوب بيصير ولا تستعجل على رزقك

موفق لكل خير

sleepless n ksa
26-08-2010, 11:55 PM
مرحبا توك صغير في مرحله النمو

ولد اختي كنه نسميه سنفور كان المدرس يحط خشبه عشان يكتب على السبوره

والحين ماشاءالله طوله 182 موب شرط الحين تكون طويل توك ,,بس اصبر

الجني الاحمر
26-08-2010, 11:57 PM
ابشركم كلمت الوالدة وقالت ولا يهمك بنروح دكتور ونفحص

وكل اللي قلتوه من حبوب زنك وسلة وتمطط وتعلق بالبيبان والموز ولا يهون النادي وحبوب كبد الحوت

بس ماراح اجرب شي طبي الا باستشارة طبيب

ياليت تعلموني اسماء دكاترة يمدحونهم وتعلموني لو تتوسطون تخبرون المواعيد بالاشهر وانا داخل ال13 بعد 10 ايام pb027 <<< يعني يعني يمكن ابلغ

مـــاجـد
27-08-2010, 12:35 AM
ايه كذا الوناسه .. هذي هي الروح الي ننتظرها منك .. نبيك تضحك ومايضيق صدرك .. انت توك صغير وبتطول اكثر واكثر بس اصبر .. وعسا الله يخليك لي امك وابيّك .. يالله رح العب واستانس ولاتفكر بهالامور ابد

Hanoo Hanoo
27-08-2010, 05:13 AM
راجع الطبيب قبل يوصل عمرك العشرين وان شاء الله تلقى لك حل

غ ـنوه
27-08-2010, 05:18 AM
أنا اخوي يومه بعمرك والله قزززم يقولون نحسبك برآبع ابتدآئي
والله يوم وصل بثالث متوسط الا وفجاه يطول بسسسم الله هههه
لاتخاف كثر حليب وموز وسو تمريننات
نط الحبل تعلق بالمكيف بسس اخاف تطيح اششتر شيء تعلقه بمكان مضمون وتعلق وشوف وش بيصير

ايه واذا على اللي يهددونك توكل على الله واقرأ الاذكار وربي بيسسسآعدك عليهم

راكان2011
27-08-2010, 05:27 AM
حبيبي انت عمرك 13 والطول يمتد لين عمر 19 أو 20 يعني كثر من شلاب الحليب ولا تشرب غازيات الا اذا تعديت 20 بعدين انا اعرف اشخااص مثل حالتك بس والله يملكووون شخصية قوية ومحبوبه جدا جدا لابعد درجة
(( اذا كنت بتسمع استهزاء الناااس كلنا ماراح نسلم )) عيش حياتك

راكان2011
27-08-2010, 05:28 AM
ايه صح فيه حاجع تتعلق على باب الغرفه تلاقيها عند الفالح علقها في بابك وتمسك فيها

شاربه ببسي
27-08-2010, 06:21 AM
ووربي ولد خالتي كان قززززم

الحين فجاءة صااار اطووول مننننننني سبحان الله

انتظر توك نونو يا ولدي

بسس لو كنت خايف راجع طبيب عشان ترتاح نفسيا

ولا تستعجل على نفسك وتوكل على الله

هالالوووووويااا
27-08-2010, 06:51 AM
سلام عليكم


اخوي بتكلم من ناحيه علميه بحته ..

اولا انت عمرك 13 سنه يعني لسه صغير وبالعاده سن البلوغ للذكور هو 17 سنه .. ولو تلاحظ كثير اولاد يكونون قصار وبفتره البلوغ يطولون بسرعه مو طبيعيه ..


الشي الثاني والي لازم ينوخذ يعين الاعتبار ..

هل اخوالك او اعمامك او احد الوالدين قصير القامه ؟؟

لو قرايبك محد منهم قصار ..فــ تطمن وحط ببطنك بطيخه صيفي ...

اما اذا كان احد الوالدين او الاعمام او الاخوال فيهم الصفه هذي الي هي قصر القامه ..

فعندك حل .. وكويس انك لسه 13 سنه ..لان الحل هذا لازم قبل لاتوصل 15 سنه

روح لطبيب غدد صماء .. وليس عظام ..العظام مارح يقدر يسوي لك .. روح لطبيب غدد صماء وهو رح يشوف التاريخ المرضي حقك ويفحص لك هرموناتك ..

لان احيانا يكون فيك نقص او زياده ببعض الهرمونات الي تاثر على هرمونات النمو ..

عالعموم فيه رينج معين معروف عند الاطباء انت بس تروح ويفحص لك .. ان شاف فيه فعلا نقص او اضطراب هرموني العلاج جدا سهل وفعال ..

اذا احتجت اي استفسارات حاضرين ..اقصد استفسارات طبيه ..


وان شاء الله ماعليك الا العافيه

ضفـآف حـلـم ]~
27-08-2010, 07:59 AM
,’

عادي انت لسى صغييير ,
اخوي وصل ثالث متوسط وهو قصير لما صار بالثانوي صار طووويل بسرعه ,
وغالبا الاولآد يطولون في سن 15 - 18 ,
وماعليك من كلآم الناس بكرا بتطول ..

lindo
27-08-2010, 08:24 AM
بالعكس كويس انك تهتم من الحين
ابحث عن افضل دكتور غدد هم الي مختصين بالنمو
وترا كلامي من واقع تجربه ..
ولما تحجز حدد عمرك لان فيه دكاترة غدد للكبار وفيه للي بعمرك..


راح يكشف عليك ويسئلك اسئله معينه ويسويلك تحليل غدد وراح يعطيك الفتمينات المناسبه ..

وكل انسان فينا فيه جانب ناقص لو بيركز عليه ما مشت الحياه.. ((الكمال لله))

فَيني
27-08-2010, 09:21 AM
يَ بعديَ أنتَ ../

توك صغيرَ 13 لسى بآقيَ ع بآلَ مآتطولَ

يّ حوبني لكَ ولد عمتيَ عمرهَ الأن 17 سنه مآشآء الله وطول اخوه الليَ بـ 13 سنه تخيلت شلون!

يعنيَ مو شرط الأن تطولَ بعدينَ ..,
أو أسأل ابوك او امك عن اخوآنهم
أذآ هـ الحآله ورآثه او لا
وأذآ مو ورآثه
روح لـ الطبيب يتآبع ويآك ..


وعن التهديدآت بـَ المدرسه .., خبر المدير المدرسين المشرفين عن وضعك
وأكيد رآح يتفآهمون الوضع ../



عسى الله يسسعدك ولا تضيق صدرك بكرآَ بتكون أطول من ابوك

N O U N N I '
27-08-2010, 04:32 PM
على فكره ترى اخووووووووووووووي لين وصل 15 سنه وحنا نستهبل عليه نسميه قزمبوووووووووووو .. من قصره

وكان اكبر عيال خالاتي واقصرهم

ماشاء الله تبااااااااااااااااااااارك الله تعال شف الحين ظوله ... اوصل له لين بطنه وانا طولي 170

استمر قصير لين كمل 16 سنه وبدا يطول يطول

عــآصفه
27-08-2010, 07:45 PM
.

ترآ توك صغييرر .. وجسمك في فترة بلوغ بيتغير طولك وش بك مستعجل :D ..pb189
لآتروح دكتور ولآ تآكل حبوب ولآ شي
توك في فترة نمو .. وان شاء الله بتطول وبيعجبك طولك
عمرك 13 سنه .. لآتحكم على نفسك قصير الا اذا وصلت العشرين pb189

وبعدين ليه تقول عن نفسك قزم ..!
ترآ فيه فرق بين القزم والقصير
انت تعرف كيف اشكال الاقزآم قول الحمدلله الذي عافانا ممآ ابتلآهم به ..pb189

آخوي من دخل المتوسطه وشكله قصير :D ..
بس االحين ماشاء الله خلص ثالث متوسط وصآر طويل وآطول مني pb189
والله توك واكيد انك دخلت آولى متوسط .. العمر قدآمك ان شاء الله
ولآتهتم بكلآم النآس وتخليه يأثر فيك وهذا انت ماشاء الله متفوق والاول pb189

----
بعد ماشفت ردك الثاني بعلق شي بسيط
آحس لو رحت للدكتور بيكرشك ( يعني يطردك ) pb027
ان يقول اذا تعديت 16 سنه وانت بنفس الطول رآجعني pb030
والله توك صغير وهذا انت لسه مادخلت 13 سنه :Dpb189
لآتفكر بس في طولك وتوسوس عيش حيآتك ومآتدري الا رآسك يصقع مع الباب pb027pb030

الجني الاحمر
27-08-2010, 08:03 PM
ههههههههههههههههههههههه
خاف يطردني والله

بس عادي نصبر ونشوف بعد رمضان نروح الدكتور ونكشف بس ماقلتو لي دكاترة زينين ووينهم

مُمتازه جداً !
27-08-2010, 08:48 PM
توك صغير عمرك 13 مابعد توقف النمو عندك ، يعني إن شاء الله راح تطول
أكثر من كذا لو بشوي ، وبعدين ماعليك من الناس بالعكس لازم تطلع قدامهم
بـ ثقه ، عشان مايقدرون يتجرؤون يسبونك أو يستهزئون فيك !

هذا أول شي ، ثاني شي ع قولة أحد الأعضاء ياما فيه ناس طويله وعقولها
لك عليها ، والقصير عقله يوزن بلد ، خل عقلك أكبر منهم ومن حكيهم ..!!
كل شي من الله لازم الواحد يتقبله ، ويمكن خيره له هالشي ..

عموماً أنت توك وقدامك العمر ، يعني لا تحكم ع نفسك ألحين ولا تضيق صدرك
ناس كثيييره موب طوال وكوّنوا أسره ماشاء الله عليهم .. يعني موب عيب أبد !
إذا الأخلاق والعقل كبار ، مايهم الطول ! : )
وسع صدرك bp039

غ ـــدوش
27-08-2010, 09:01 PM
يالله انت عكسي وانا صغيره .. كنت اطول وحده بالفصل ..:D
وبعدين توك صغيير على الطول ..
اخوي الكبير كآن مثلك بثاني متوسط جننا كل الاولاد طوال وانا قصير ..
المهم ابوي كل يوم بمستشفى معاه ..
والحن ماشاء الله طول الباب ..pb036
وبرضو ولد عمي كاان قصيييييييييير بالابتدائي والحين ماشاء الله ..
يعني انت لساتك صغير 13 سنه باقي ..:rolleyes:
ولا تخلي هالشي يأثر على دراستك وثقتك بنفسك ..
وياما علماء ومخترعين وادباء كانو قصار وخلدو علوم واعمال نفعتنا الان ..pb189
الله يوفقك ويرزقك ماتتمنى ..

Sale7
27-08-2010, 09:33 PM
السلام عليكم ..



ياخي اسمح لي أقولك أنت إنسان سلبي :D !
ياخي انا يوم كنت كبرك متأكد 100% أني أقصصصر منك pb192 لكني آخذها ببساطة يعني مايهم الطول أهم شي تنبسط , والله أحب اني قصير لأني ألقى عندي أشياء ميب عند غيري , مثلاً ما أتوهق لارحت أفصل ثوب .. المقاس حق العيد اللي راح pb071 ايضاً تحس انك مختلف عن غيرك .. يعني لو يبي يوصوفنك قالوا هذاك القززم واحبيله pb027pb027 , واذا قيل كذا لاتاخذها من مبدأ انهم يعيرونك :sm4: , خذها ببساطة لانه ذكر صفه موب على وجه العيارة والذب .
وللمعولمية مش ممكن يكون القصر سبب يعيق عن انشطة الحياة !!
مثال انا اعز صديقين عندي مواصيـــر ( ما أقدر احط ايدي على كتفه ) :D ومع ذلك مبسووطين :cool: .. هو أنت لو أخذت قصر قامتك بعين إيجابية صدقني بتقول الحمدلله إني قزم pb027 ..



تقبل مروري ونصيحتي المتواضعة pb094bp039pb189 ..

عالميه ذوق
27-08-2010, 11:20 PM
عاااااااااااااادي جدااا
انااعرف وحده مررررره قصير لوتشوفه تقول مستحيل ذا يطول ويكبر
واول مادخل ال15صارطول النخله>تبالغ
والله كل من شافه انهبل طلع من المتوسط وهوقصير ويم دخل الثانوي طال حتى صاراطول اخوانه اكثرالناس كذا
تحسب انك بتبتل على هالطول لابتطول ان شاءالله
وخلك واثق من نفسك والي يستهزاء بك حتى انت اضحك عليه وقله بكرى اطول وخل الوضع جدا عادي عندك

Wardah
28-08-2010, 12:12 AM
لسىْ توُكْ صوغننْ يـاو!دْ :D
اللي فيكْ شي طبيعيً أخويْ كـانْ قصيرْ لدرجة نسمية ال نتفهْ
والحيـنْ كبرً وأنقلبْ المسمىْ علينـا :sm1: :D

أنتْ أصبرً شوُيْ لين تكبرً وإذاْ ماحسيتْ بفرقْ فيْ أبر للطوُلْ وفيْ مية حلً وحلً
المهمْ أنت عيشْ حياتكً الحينْ ونظراتْ الأستحقـارْ لآتهمكْ أبدْ اساساً كلْ ماشغلت تفكيركْ بنظراتْ الناسً
بتأزمْ نفسكً بنفسكْ وثقتكْ بنفسكْ رح تنعدمً :(

خلكْ كما يقولْ [ واثقْ الخطىْ يمشيً ملكاً ] pb034
وبالتوفيقْ إن شـاء الله bp039

إبرآهيـمـ !
28-08-2010, 01:24 AM
توكّ .. توكّ بسن النمو : )
لاتستعجل , بتطول ان شاء الله .

عاطله ضايعه
28-08-2010, 04:55 AM
قدامك الطريق ان شاءالله تطول يارب وعمرك صغير ينفع لك التمارين
العب كرة سله ,اسبح ,العب حلقه, كثر شرب الحليب باليوم اشرب لك 3 كاسات حليب وكثر من الاجبان وكثر من شرب المويه وممم هاذا اللي تذكرته من خلال قرايتي ولاتنسى تنام الليل لاتسهر لان السهر مايساعد جسمك على النمو وبعد وانت تنام حاول تنام مستقيم وبدون مخده علشان يكون جسمك متساوي وضروري يكون الفراش متساوي يعني مايكون الجزء اللي عند رجولك مرتفع لازم متساوي واول ماتصحى تمغط
وانتبه تروح تطق لك ابره احتمال تضرك بالمستقبل
وبس هاذا اللي اتذكره اذا تذكرت شي برجع اكتب لك

بريق أمل
28-08-2010, 08:15 AM
ممكن الاستفادة من هذه التمارين
http://www.footdrsteve.com/stretching/stretching.gif

بريق أمل
28-08-2010, 08:18 AM
كمان فيه كتاب كندي ابحث عنه في جوجل
كندي معتمد من قبل اللجنة الأولمبية الكندية


في الكتاب تمارين و أساليب تزيد من طول الأنسان من 2 بوصة الى 5 بوصات او أكثر على قابلية الجسم

الكتاب يعتمد على نظرية شد الجسم في المناطق الغضروفية القابلة للتمدد

وفيه نظام أسبوعي للتمارين

ونظام عن نوعية الأكل اللي تساعد الجسم على أفراز هرمونات الطول

يعني 100% نظام طبيعي من الجسم الى الجسم لا أدوية ولا أبر وخرابيط

وفيه تمارين لأطالة عمر الأنسان عبر تنشيط الدورة الدموية

الكتاب باللغة الأنجليزية ولكن في ترجمة بخط اليد للتمارين

الكتاب متوفر في دبي و مصر

سعر الكتاب الأصلي 80 دينار

العمر المستهدف ذكور ( من 11 سنة - 25 سنة وذلك لقابلية الجسم في هذه الفترة )
الأناث ( من 9 سنوات - 26 سنة قابلية المرأة أكبر من الرجل )

في الكتاب في شهادة مختومة عن ناس أستفادوا



__________________

i better
28-08-2010, 08:37 AM
يآخي توك بمرحلة نمو ,
ان شاءالله تكبر وتصير أطول شششيء :d

رامـــــا
28-08-2010, 12:25 PM
ابدا من الحين اتبع اسلوب صحي في الاكل
واسلوب رياضي منتظم

ابحث عن الكتاب اللي تكلمت فيه الاخت قبلي وطبقه ..
مارس السله والسباحه << كلها تمطط وتشد الجسم
واليوغا بعد

وبالتوفيق والله يطولك

رامـــــا
28-08-2010, 12:36 PM
باك ..

فيه كتاب هنا .. مدري اذا تقصده الاخت او غيره
عن التمدد والاطاله
http://www.4shared.com/file/87749052/414cebd5/arnold_g_nelson__jouko_kokkonen_-_stretching_anatomy.html

تقدر تحمله

قــلــب
28-08-2010, 01:28 PM
ترا الانسان ما يوقف طووله الا بعد عمر 21 سنه او20 على حسب وانت تووك 13 ..

يعني وسع صدرك وعيش حيآآتك ..

وصدقني راح تططوول ..

وكآن موب مطمن قلبك روح لدكتور عظآم ..

وقوله ورآح يقولك نفس الكلام .

بتوفيق .

دغيمان بن جوزيف
28-08-2010, 01:36 PM
انت نفس قصتي يوم كنت بعمرك :sm1:
من جد كنت اعاني بسبب استهزاء خلق الله فيني :sm1:
بس يوم تعديت الـ 15 بديت أطول بشكل عجيييييب :eek:
حتى وربي صرت أطول من اللي يستهزؤون فيني pb027pb027

أنت بس خل عنك الوساوس و أدخل مع الناس و سولف معهم
ولا ترحم نفسك التواصل الإجتماعي بسبب هالتافهين
خلك واثق من نفسك وانا اخوك
bp039bp039

معلمه عاقله
28-08-2010, 03:56 PM
توك صغير وفي مرحلة نمو وان شاء الله العمر قدامك والله يوفقك ويسعدك

Genius Mind
28-08-2010, 07:44 PM
عادي يبن الحلال يومني قدك كنت قزم ودب بعد :d
الحين شفني طولي طبيعي واكثر من طبيعي بس اصبر مرحلة ما قبل العشرين مرحلة نمو ما توصل ابو 18 الا وانت طويل ..

رواسي شماليةّ
28-08-2010, 08:40 PM
اهم شي انك ماتخلي هالشي يسبب لك حاله نفسيه:(:sm4: بالعكس قل يمكن هالقصر اللي انا فيه خيره واكيد انه نعمه من اللهpb189 وبعدين يعطيك عمر اصغرpb189 وشكل احلىpb189 وخفه بالحركه والسرعهpb189 وتتخبئ بأي مكان عاديpb024 واهم شي خلك واثق من نفسك وقل الحمدلله مابي اعاقه ولا مرض خبيث ولاشيpb189 ..

غــــزل
28-08-2010, 09:19 PM
اخوي كان زي حالتك بالضبط
مررره قصير بالنسبة لاصحابة ولا احد يعطيه عمره
وحتى اختي كانوا المعلمات يحسبونها في اولى ابتدائي وهي اصلا في خامس :d !
واللحين ماااااشاء الله كلهم اطول مني !
اختي في المتوسط صارت طولي واخوي في الجامعه فجاه كذا في سنة وحده طال مره مره !!
ابوك اخوانك عمانك خوالك .. قصار ؟
اذا كانوا طوال او طولهم طبيعي .. اصبر يمكن فجاه في تطول لانك في فترة نمو
وترا الطول موب كل شي .. لاتخليها مشكلة تتعبك اهم شي شخصيتك طورها واعرف كيف تفرض نفسك على اللي حولك ..
والله يعينك يارب

الجني الاحمر
28-08-2010, 09:47 PM
ولا يهمكم بحمل حق التمارين

شُمـوخْ
28-08-2010, 10:22 PM
يعطيكم العافية جميعاً..
الردود شملت على جميع وجهات النظر.

مُغلق bp039pb189